الفصل 15
سلمان:..تغير وجهه وبنبرة جدية..عادي اضرب سويتها قدّام الغُرب جت عليهم يعني
ابو سلمان:اذا كان ماتربيت وانت صغير بر
سلمان:..قاطعه بضحكته..انت اللي تركتني بالغربة لحالي وجاي الحين تتكلم عن تربيتي وتأديبي..ضحك..لوم نفسك لاتلوم غيرك على صنايع يديك!!
ابو سلمان:..انفجر ويمشي له بسرعة..انت ياقليل الحياء اللي ماتربيت..مسك سلمان من ياقة ثوبه ويهزه وخنقه..
سلمان: ..صار وجهه احمر يادوب يلاقي نفس بس مايتحرك ولايقاومه حتى بس يناظر ابوه والابتسامة مرتسمة على وجهه..
ابو سلمان:..بصراخه وعصبيته..ماعندي عيال يقلون أدبهم ويرفعون صوتهم علي
فارس:..قام ومسك ابوه..يبه تعوذ من الشيطان
مروان:..يفك سلمان من يد ابوه..يبه اتركه بيموت بيدك
سلمان:..دف مروان ثم فارس وبصوت مخنوق ..اتركوه ..بابتسامة ارعبتهم..خلوه يذبحني ويرتاح هذا اللي يبيه
ابو سلمان:..جمد مكانه لمَ سمع كلامه ووقف عن خنقه..
سلمان:..بابتسامة تحدي..وش فيك يالله سوها وارتاح هذا اللي انت تبيه من سنين
ابو سلمان:..صر ع اسنانه بغيظ وغضب وضغط على ياقته..وش قلت عيد اللي قلته
سلمان:..دف يد ابوه وعدّل ياقته..عن اذنكم وراي دوام
(مشغل سماهر)
الموظفة:أستاذة سماهر في زبونة طالبتك بالاسم
سماهر:..عقدت حواجبها..طالبتني انا
الموظفة:ايه
سماهر:قالت من تكون
الموظفة:لا
سماهر:حاضر الحين بشوفها..قفلت الملف وطلعت وشافتها عقدت حواجبها مصدومة من الجرأة..
.
.
تراقب البيت من شباك السيارة شافته خارج امتلت عيونها دمـووع كل مافيها يحن له الشوق له عذبها ودها تجري له ترتمي بأحضانه لكن خوفها يمنعها يكفيها ويصبر قلبها شوفته وانه بخير
.
.
~~عـنـد أبـو فايز~~
::بمزرعته::
ابو فايز:..قاعد يتقهوى ويأشر بعصاه..حطه حطه هناك
سلمان:حاضر..حطه بمكانه..
ابو فايز:اهممم لا لا مو بزين مكانه شيله وحطه هناك..يأشر لمكان ثاني..
سلمان:حاضر..حطه..
ابوفايز:رح للخيل واسقها ولاخلصت طلعها واحد واحد ومشها شوي
سلمان: حاضر
ابو فايز:ثم ارجع لي تسمع
سلمان:حاضر ياعم برجع لك
ابو فايز:وانت ماعندك غير حاضر
سلمان:على امرك ان شاء الله
ابو فايز:طيب طيب اذلف ولاتطول
سلمان:..تنهد..حاضر..خلص من الخيل وهو خارج لف شافه وابتسم..
....:..شايل بيده كوبين القهوة وبيده الثانية الفطور ورفع يديه شوي لفوق ويأشر بعيونه ع الاكل..
(ع الاكل )
ناير:..ضام يديه وباستهبال..بالله ماأجنن
سلمان:..يكتم ضحكته وبجدية..وش تقصد
ناير:..بزعل..حاصلك انت حاصلك
سلمان:..بنفس الجدية..وشو
ناير:حاصلك احد يدلعك مثلي يجيب لك الكيف والفطور
سلمان:..بابتسامة..الله لايحرمني بس
ناير:..بزعل..بــس هذا اللي قدرت عليه
سلمان:..عقد حواجبه..وش تبي غيره
ناير:المفروض تقول أبشر بالعوض باعشيك مالك عندي الا طيبة الخاطر
سلمان:..ضحك..حاضر لك مني أحلى عشا
ابو فايز:..جاهم..ماشاء الله وانا اقول وينه اختفى يالله قم ألحقني ولا الاتفاق ملغي
سلمان:..فز وبالغلط غبّر على ناير وهو يمشي بسرعة..
اسف
ناير:..يكح..أستاهل هاذي جزاتي
::قـسـم مـروان وفـارس::
فارس:تفضل هذا العرض الأولي لمشروع••••
وائل:اممم طيب اتركه أنا براجعه
مروان:تفضل هذا احصائيات العشر السنوات الماضية ل•••
وائل:راجعه
مروان:راجعته
وائل:اتركه هنا وخلص لي تقرير••••
مروان:لكن هالتقرير مايكفيه الوقت الباقي من الدوام
وائل:عادي ابدا فيه وحاول تخلصه ثم جيبه لي اشوفه
مروان:..بقلة حيلة..حاضر
(بالليل)
::بيت سلمان::
القنوع:..تتابع برنامج..
سلمان:..داخل..السلام عليكم
القنوع:وعليكم السلام..قامت بتحط العشا..
سلمان:..رمى نفسه عالكنب..لا لا لاتجهزين شي
القنوع:جاهز بس اجيب لك تتعشا
سلمان:..بتعب..لا شكرا بس ابي انام
القنوع:طيب روح للسرير
سلمان:..بغفوته..طيب
القنوع:سلمان قوم عالسرير وبدّل ملابسك
سلمان:..مايرد..
القنوع:..رفعت كتوفها..براااحتك
(بيت ابو سلمان)
<غرفة فرات>
ام فارس:اقولك
فرات:هلا يمه
ام فارس:عندي خبر بيبسطك
فرات:اي
أم فارس:سعد وافق يأجلون الملكة للوقت اللي تبينه
فرات:..نطت..يــس..عقدت حواجبها..لحظة
ام فارس:وش فيك قلت بتخمني اليوم احضان لحد مااطفش على ذَا الخبر
فرات:ليه احس الموضوع فيه شي غلط
ام فارس:لا غلط ولاشي نامي بس بكرة ان شاء الله ورآنا يوم طويل
(بيت ابو سعود)
ابو سعود:اسمعني زين
سعود:أمرني يبه
ابو سعود:الرجال اللي يبي يبدأ حياة مضمونة مع زوجته لازم يكون صارم وحازم معها من اول ليلة
سعود:..عقد حواجبه مستغرب..
ابو سعود:اللي اقصده انك تحط النقاط على الحروف لازم تعلمها ان صار لك رجال تحترمينه من اول ليلة واترك عنك سوالف هالجيل اللي يقول تعامل باللين خلك حازم وشديد من البداية عشان يكون لك كيانك فالبيت فهمتني
سعود:حاضر يبه..وبنفسه..ماتدري يايبه ان حلمي مااكون مثلك
(بيت سلمان)
القنوع:..تتابع فيلم..
سلمان:..نايم عالكنبة قدامها..
القنوع:..بقمة انسجامها بالفيلم قطع جوها صوت أفزعها شالت عيونها من على الشاشة بخوف ثم تنهدت..
سلمان:..طاح من الكنبة يتأوه من الالم وهو نايم..
القنوع:..راحت له وجلست عند راْسه..سلمان سلمان فيك شي تعورت طيب قوم نام عالسرير أريح لك
سلمان:..رجع لنومته ولا حس بشي من التعب..
القنوع:..تناظره ثم تنهدت..معقولة فيك تعب من شغلك هالقد..حزنت عليه نزلت جزمته وانتوا بكرامة وحطت تحت راْسه مخدة وغطته وطفت الابجورات اللي عنده.. هذا كل اللي اقدر عليه مااقدر أشيلك ولا كان وديتك للسرير
[يوم جديد]
(بيت ابو سلمان)
ام فارس:نور يالله تأخرنا
نور:يمه خمس دقايق بس الله يخليك
فرات:امي أخذتوا شنطتي اكيد
فارس:امي وين شماغي
مروان:امي شفتي القلم حقي اللي وصيتك عليه لاانساه وين حطيته
ام فارس:..بصراخ..بس لاحول ولاقوة الا بالله كل واحد يدور أغراضه بنفسه وانتي يانور اذا مالحقتيني عالسيارة الحين رحت وتركتك
نور:كيف بكمله طيب بس باقي دقيقتين
ام فارس:والله ماانتي صاحية يابنت ترا اليوم زواجك وانتي كل همك المسلسل
نور:..وهي تمشي..عشان كذا ياماما ياحبيبتي بااتركها فترة خليني اختم حلقاتي كلها الحين
ام فارس:..تدفها..امشي امشي بس وفرات شوفي لك احد تجين معه
بيت ابو سعود)
ام سعود:غدير يالله تراك اخرتينا
جمانة:..تجري نازلة عالدرج..
ام سعود:شوي شوي لاتنكسرين علينا
جمانة:..وقفت..أوه انا جاهزة خلاص
عبدالله:ياالله مشينا
ام سعود:باقي العلة
غدير:..تنزل بشويش..انا علة الله يسامحك ترا بعدين بتفقدوني لو أغيب عنكم
عبدالله:صادقة بنرتاح
غدير:طيب طيب بتبكون لمٓ اروح
ام سعود:راحت روح العدو ان شاء الله بسرعة يالله تأخرنا
غدير:روحوا عادي انا اجيكم مع سعود
سعود:..جاي من المطبخ..لاااااا
غدير:يمه فجعتني..تكتفت..ليه ان شاء الله
سعود:ماني بفاضي لك وراي اشغال واجد
غدير:طيب طيب بروح واتركم وتندمون
جمانة:انتي اللي بتندمين اذا رحنا وتركناك
(بيت سلمان)
سلمان:..صحى وجلس وفتح عيونه بكسل تلفت حوله..معقولة نمت هينا..يتمدد..اه مين غطاني اكيد هي خليني أقوم
القنوع:..خارجة من الحمام**تكرمون**..صـبـااح الخير
سلمان:..فهى فيها للحظات ثم شال عينه بسرعة..صباح النور
القنوع:..بابتسامة..يالله خذ لك شاور سريع وانا بجهز الفطور ونروح عالقاعة
سلمان:..اول مرة يشوف ابتسامتها الهادية وبارتباك..اه طيب
~~بـالـسيارة~~
سلمان:أخذتي كل شي
القنوع:ايه
سلمان:متأكدة
القنوع:..لفت وجهها عليه..لاتخاف مو ناسية شي ماراح أرجعك للبيت مرة ثانية
سلمان:بس انا ماقصدت شي انا كل
القنوع:..قاطعته..طيب طيب خلاص فهمنا
سلمان:..تنهد بقلة حيلة..
<زواج نور و سعود>
(بالليل)
~~بالقاعة~~
::عند نور::
نور:..بتوتر..كيف شكلي
سماهر:تهبلين
نور:..تطالع نفسها بالمراية..مدري احس فيه شي غلط
فرات:هالتوتر كله عشانه زواجك
نور:طيب كيف التسريحة ناعمة والمكياج تحسونه ثقيل
القنوع:..تمد لها مسكتها..لاتخافين كل شي تمام
سماهر:قمر قمر
جمانة:..تدخل..ترا الحين سعود بيدخل
نور:..توترت وناظرت سماهر..يمه بيدخل الحين وش اسوي
سماهر:وش فيك خايفة مابياكلك بتتصورون بس
القنوع:..تغمز لنور..ويمكن يصير شي اممم ويمكن لا
:::البنات خارجين من عند نور:::
القنوع:انا بروح للحمامات اعدل مكياجي
سماهر:اوكي نتقابل عند امي او عماتي
القنوع:اوكي
##دورة المياه##
القنوع:..تدخل..أوه السلام عليكم..تسلم..
دانة:..بدون نفس وتتصنع الابتسامة..أهلين
القنوع:كيفك ياقلبي حياك الله
دانة:الحمدلله مشكورة ياقلبي
القنوع:..ناظرت المراية تعدل مكياجها..
دانة:اممم كيفك بعد ذاك اليوم
القنوع:الحمدلله تمام مشكورة على سؤالك أوه ..بابتسامة.. اسفة ذاك اليوم ماكان قصدي ابدا اسرق منك لحظتك اسفة غصب عني الموضوع
دانة:تصدقين اليوم مرررة أزعجني سلطان يزن الا يبي يشوف كشختي مرة انحرجت ماعرفت أرده وإلا لمى شافني..ابتسمت..انهبل حضني و
القنوع:..رِن جوالها..معليش ياقلبي ثواني بس..ردت..هلا حبيبي نعم!! التحليل..ضحكت بغنج..كيف أحلل هينا ماينفع ياعمري..عارفة انك مستعجل لكن المكان مو مناسب..واااي ياربي منك زنان زنان بالبيت عشان نشوفه مع بعض..ايه ياقلبي كذا احسن عشان نشوف ردة فعلنا مع بعض..ضحكت..ايه كذا احسن مثل ماقلت لك..طيب يالله سلام..قفلت..
دانة:..تغلي وبنفسها..كله كذب لاتصدقينها كذب
القنوع:..لفت عليها..ايه ياقلبي وش كنتي تقولين أوه معليش مشغولة لازم اروح عن إذنك ومرة ثانية حياك الله شرفتينا..لفت والابتسامة على وجهها وخرجت..
دانة:..ماتحملت كمية القهرلحقتها..
القنوع:..نازلة عالدرج..
دانة:قنوع لحظة ابيك
القنوع:..تسوي نفسها ماتسمع..
دانة:..مسكتها مع يدها..قنوع لحظة
القنوع:..شدت يدها بقوة من دانة وزل كعبها وطاحت عالدرج..
~~عند الرجال~~
سلطان:..جالس قدام سلمان ويخزه بنظرات..
فارس:اقول سلّوم
سلمان:هلا
فارس: مو كأنه الأخ أكلك بنظراته لي فترة اروح وأجي وعينه عليك
سلمان:داري ابعطيه دقايق اذا ماشال عينه اعرف اتصرف معه
سلطان:..يغلي من داخله وده يذبح سلمان..
مشعل:..يهمس له..وش فيك اكلت الرجال بعيونك كلهم لاحظوا
سلطان:مافيني شي ومتى ناظرته اصلا
مشعل:..يهمس..اقول اهجد لأبوي يتصرف معك وتراك خاطب هد اللعب يالحبيب
سلطان:..تنهد..ان شاء الله..رجع عينه على سلمان..
سلمان:..يناظره..
سلطان:..عقد حواجبه مستغرب..
سلمان:..رفع حاجبه ثم ابتسم وضم إيديه ويحرك دبلته..
سلطان:..وجهه قلب احمر من الغيظ..
سلمان:..ريّح بجلسته ورفع يده اللي فيها دبلته ومرر أصابعه على شفايفه المرسومة عليها الابتسامة..
سلطان:..انفجر وقف يبي يروح له يضربه..
مشعل:..مسكه وهمس له..أمسك ارضك لاتفضحنا قدام العالم
سلطان:هين هين انا اعلمك وشلون تتعامل معي
سلمان:..رِن جواله ورد بصوت ملياان راحة..هلااا
ام فارس:تعال يايمه عند الباب ابيك ضروري
سلمان:ان شاء الله
~~عند الحريم~~
سلمان:..دخل..هلا يمه امري
ام فارس:..بقلق باين على وجهها..اسمع يمه هد نفسك
سلمان:..عقد حواجبه..خير وش صاير..سكت لحظة وبخوف اعتلى وجهه..قنوع وينها فيها شي
ام فارس:وصلت هذا اللي ابي أقوله
سلمان:..بخوفه عليها..وش فيها ايش اللي صار لها
ام فارس:مافيها الا العافية ماله داعي كل ذَا الخوف
القنوع:..متجهة لهم وتعرج ومستندة على سماهر وفرات وباين في وجهها الالم..
فرات:..مدت يد القنوع لسلمان..
سلمان:..مسك يدها..
القنوع:..تمشي بشويش وعاضة طرف شفتها تحاول تكتم صرخة المها..
سلمان:..شالها..
القنوع:..انقلب وجهها من الالم والإحراج بنفس الوقت..
ام فارس:مافيها شي ان شاء الله بس ودها يايمه للمستشفى يسوون لها إشاعة ونتطمن
سلمان:..بخوفه عليها واستعجال..حاضر عن اذنكم..مشى..
القنوع:..تتلفت..نزلني اقدر امشي لحد يشوفنا
سلمان:وش دخلهم خليهم يشوفون رجال وزوجته وانا ماهموني الناس اصلا انا بتفاهم معك بعد مااشوف النتيجة
~~عند الرجال~~
منصور:..حشر نفسه بين فارس ومروان..ياشباب وش فيه جوكم بيض أوه..بنص عين معها ابتسامة..لايكون زعلانين عشان نور بتروح
فارس:ايه
مروان:ذابحني هم الفراق
فارس:أوه لحظة
مروان:..عقد حواجبه..كيف عرفت
فارس:تكفى أمسك دموعك لاتنزل ترا بالقوة ماسكها اذا نزلت تعرف أني لازم اشاركك الحزن ياعيني
مروان:..يحرك يديه عند عيونه عشان لاتنزل دموعه وباستهبال..وينه وين المنديل وينه
منصور:..كشّر..لاحول سامجين من يوم يومكم الله يعني على ذي الأشكال بس..قام وراح..
مروان:..ضحك..
فارس:..ابتسم ويكتم ضحكته والتقت عيونهم..
مروان:..شال عينه ووقف ضحك..
فارس:..بنفسه وبحزن..اه حنّيت لك يااخوي وحنيت لاستهبالنا مع بعض
~~بالسيارة~~
سلمان:..ساكت..
القنوع:..بتردد..وين رايحين
سلمان:..كاتم عصبيته..عالبيت
القنوع:..فتحت عيونها بصدمة..لا ماابي
سلمان:..اتسعت عيونه وقف السيارة ولف عليها..انتي مستوعبة وش تقولين
القنوع:ايه مستوعبة ان شاء الله بس نلحق على زفة نور
سلمان:ورجلك والدكتور توه وش قايل
القنوع:..ببرود..عادي قال ارتاح ولف رجلي بلفة
سلمان:وعساك مبسوطة وانتي تتكلمين
القنوع:الحمدلله عدت على خير
سلمان:وتبريرك لي وشو
القنوع:نعم!!!
سلمان:مثل ماسمعتي وش موقفك من اللي صار
القنوع:عادي تعثرت بدون ماانتبه وصار اللي صار
سلمان:بـــــس!!!!
القنوع:..عقدت حواجبها باستغراب..ايه
سلمان:..قرب وجهه منها وبعصبية..انا ماابيك تتألمين مااحب اشوفك تتألمين..أخذ نفس.. ليت ذَا الالم فيني ولا فيك انا كنت بموت مكاني لمَ امي قالت اسمك حسّيت الدنيا دارت فيني بالقوة مسكت أرضي من الخوف لايكون صار لك شي كل الأفكار الشينة مرت ببالي في لحظة..قرب وجهه منها زيادة..
القنوع:..رمشت بعيونها ورجّعت نفسها لورا..
سلمان:..صر ع أسنانه..هاذي اول وآخر مرة أسمح لك فيها تتألمين
القنوع:..لاشعوريا ردت بهمس..ان شاء الله
(غرفة نور)
سعود:الف الف مبروك
نور:..بخجل..الله يبارك فيك..بنفسها..يمه مني ماعرفتني وانا مستحية..ضحكت..
سعود:عسى هالضحكة دوم يارب
ابو سعود:..دخل..السلام عليكم
سعود:وعليكم السلام والرحمة
ابو سعود:الف مبروك عليكم الله يوفقكم
نور:..تسلم عليه..الله يبارك فيك ياعم
ابو سعود:عساك انبسطت الحين هاذي نور اللي ازعجتنا فيها اللي يسمعك وانت تزن تبيها يحسبها ملكة جمال العالم..ناظرها من فوق لتحت..شفها مابها شي زود
نور:..انصدمت ونزلت عيونها بالأرض وامتلت عيونها دموع..
سعود:..حط يده على كتف نور وشدها لحضنه..وهي فعلا ملكة جمال العالم بالنسبة لي وأبيها ولا ابي احد غيرها
ابو سعود:..تنحنح ماعجبه الكلام..الله يهنيكم ..خرج..
<زفــــة نـــور>
{{وصف الزفّةمروان وفرات)،(سماهر وفارس)،(سلمان وأم فارس)}}
مروان:..ماسك يد فرات ويهمس لها..امشي زين تراك تأخريني نور بتذبحنا اذا خربت زفتها
فرات:وش اسوي لك طيب فستاني طويل
فارس:ياالله سماهر دورنا الحين
سماهر:..تعدّل شعرها..طيب طيب جاية
فارس:قمر قمر بس اخلصي علينا
سلمان:..يضحك..تشوفين عيالك يمه
ام فارس:..بتوتر..الله يصلحك يانور حكمت عليّ
سلمان:..يمسك يدها..يمه لازم تكونين موجودة انتي اهم وحدة
ام فارس:الله المستعان ماودي بس عشان خاطرها
:::بعد ماوصلت نور للكوشة بشوي سلم عليها مروان وخرج وبعدها بلحظات نفس الشي فارس:::
القنوع:..تبي تطلع الدرج تسلم على نور وتعطيها الهدية..
سلمان:..قام من جنب نور ومشى لعندها ونزل الدرج ومسكها من خصرها وعينها جت فعينه وابتسم لها وطلع الدرج وهو ماسكها من خصرها وحطها عالمنصة!!..
القنوع:..وجهها قلب احمر انحرجت من حركته وقدام الناس بعد نزلت عيونها عالارض تحاول تمشي بسرعة وهي تعرج..
سلمان:..مسكها واسندها عليه..
القنوع:..وصلت عند نور وسلمت عليها وباركت لها وأعطتها الهدية..
نور:..تهمس لها بزعل..سرقتوا لحظتي المهمة
القنوع:..ابتسمت..وش ذنبي انا خاصمي اخوك واتفاهمي معه
نور:..تناظر لسلمان بزعل..
<اشتغلت زفة سعود>
القنوع:..ارتبكت..يوه لازم امشي..تحاول تمشي بسرعة..
سلمان:..نزل شـمـاغـه وحطه على راسها..
القنوع:..لوت بوزها ناظرته..
سلمان:..ابتسم لها وشالها..
القنوع:..انصدمت ومن الاحراج اللي تحسه دفنت وجهه في صدره..
سلمان:..ابتسم على حركتها وهو ماشي فيها نزل الدرج وجلسها عالكرسي وقرب لها وهمس..غطي نفسك ماارضى احد يشوفك غيري..ناظرها وهو ماد بوزه وبنبرة طفولية..ترا أغاااااار
<<عند نور ع الكوشة>>
نور:..تتحلـطم من حركات سلمان..
سلمان:..وقف قدامها..
نور:..صدت عنه بزعل..
سلمان:..ضحك..اسف والله اسف يعني يرضيك تروحين وانتي زعلانة علي
نور:..بزعل..ايه اكذب علي
ام فارس:ياالله اطلع شف غدير تأشر بتهديد ياويلك منها
سلمان:..ناظر نور..ترا سعود ينزف الحين
نور:..جمدت نست ان سعود دخل وقفت من الصدمة..
سلمان:..ضحك وحضنها ثم مسك وجهها بين يديه وباسها بين عيونها..مبروك الف الف مبروك يااختي الله يجعلها حياة سعيدة مديدة لك
نور:..امتلت عيونها دموع..يالله روح الحين بتذبحك غدير ماحضرت زفة اخوها زين
سلمان:..ضحك..حاضر..يمشي بسرعة خارج..
{يوم جديد}
(بيت سلمان)
~غرفة النوم~
القنوع:..فتحت عيونها..
سلمان:..قريب منها ويناظرها وعلى وجهه ابتسامة..
القنوع:..عقدت حواجبها مو مصدقة تحاول تستوعب..
سلمان:..باسها بين عيونها..
القنوع:..قشعر كل جسمها..
سلمان:..رجع لمخدته وبنفس الابتسامة..صباح الخير انا بجهز لنا اكل وانتي خذي لك غفوة على مااخلص..قام..
القنوع:..تلمس وجهها اللي تحسه يحرقها من الحرارة اللي تحس فيها..وش اللي يصير انا مااستوعبت اللي صار امس حتى استوعب اللي الحين..تذكرت لمَ باسها وتغطت..يـــووووه
(بيت ابو سلمان)
::ع الفطور::
فارس:..يتثاوب..صباح الخير يمه
ام فارس:صباح النور
مروان:..دخل..صبـ.ـاح الـ.ـخـيـ.ـر..وقف..
ام فارس:هلا صباح النور يمه تعال أفطر
مروان:..بلعثمة وابتسامة..لا أنـ.ـا مـشـ.ـغـ.ـول اليوم وراي شغل كثير يادوب الحق الدوام يالله سلام..خرج..
ام فارس:فريس
فارس:..وقفت اللقمة بحلقة وبلعثمة..هـ.ـلا يـ.ـمـ.ـه
ام فارس:وش اللي يصير بينكم انت وأخوك
فارس:ابد ولا شي
ام فارس:اسمعني زين فرّوس
فارس:هلا امري يمه
ام فارس:مو عشان اني ساكتة ولااتدخل بينكم تحبسوني ماادري عن اللي يصير اللي بينك وبين اخوك ينحل بسرعة فااااهم
فارس:..بابتسامة..اصلا مافي شي عشان ينحل كلها ضغوطات عمل
ام فارس:فارس
فارس:هلا
ام فارس:..بنبرة تهديد..ينحل بسرعة
فارس:حاضر يمه ان شاء الله على امرك
~~بالفندق~~
سعود:..شايل الفطور..صباح الخير حياتي
نور:..جلست عالسرير وبتثاوب..صباح النور
سعود:..حط الفطور..يالله الفطور بِسْم الله
نور: بغسل وجهي اول
سعود:اول شي نفطر وبعدين انتي عندي بكل حالاتك..يقرب وجهه منها وعينه بعينها..جـمـيـلـة
نور:..ابتسمت بخجل..
(بيت سلمان)
القنوع:..خارجة من الغرفة تعرج..
سلمان:..تنهد يوم شافها راح لها وشالها وجلسها عالكرسي..
القنوع:..بلعت ريقها من التوتر..
سلمان:..وهو يفطر..فيه شي ابي أقوله
القنوع:..وقفت اكل وناظرته بتوتر وبنفسها..الله يستر ذي اليومين كلها صدمات الله يستر من اللي جاي
سلمان:..عقد حواجبه..اممم مافي..يقلدها..أسمع،وش تبي،نعم،اخلص علي
القنوع:..ناظرته بغيظ..قول أسمعك
سلمان:..ناظرها وبجدية..أحــبـــك
القنوع:..اتسعت عيونها بصدمة..
سلمان:..تنهد وابتسم لها..انا قررت من اليوم أعاملك كزوجة لاني..سكت لحظة..احبك انتي فعلا شي مهم بحياتي ويومي مو زين بدونك ولاأقدر أعيش لحظة بدونك واللي يصبرني بدوامي اني اذكر برجع البيت وأشوفك حتى لو اسرق هاللحظات بدون انتباهك ..بغرور..وحتى لو رفضتي الحين اعترافي لك مايهمني لاني مع الأيام بخليك ماتستغنين عن وجودي ومـاااتـتـحـمـلـيـن تـمـر لـحـظـة بدون ماتشوفيني حولك!!!
::قسم مروان وفارس::
مروان:..داخل قسمه فيه هم ومقهور على تعبه اللي راح..
موظف1:..يسلم عليه وبابتسامة..الف مبروك
مروان:..عقد حواجبه..الله يبارك فيك..مشى وبنفسه..وش فيه ذَا شكله غلطان
موظف2:..صافحه وبابتسامة..مبروك أستاذ
مروان:..ناظره مستغرب ومشى بدون مايرد..وش فيهم لايكون جايهم خبر وغلطانين يحسبونه انا
وائل:..ناظره بقهر وصرّ ع اسنانه..هين أنا أعرف كيف أكسر خشمك..مر من جنبه..
مروان:..عقد حواجبه..سلامات وش صاير!!
بيت فيصل)
سماهر:..عالسرير بكسل تدف نفسها تقوم من السرير تتذكر موقف البارح لوت بوزها بقهر..هين انا اتصرف معاك فصّول..قامت بسرعة من سريرها حست بدوخة جلست..بِسْم الله الرحمن الرحيم
فيصل:..خرج من الحمام ناظرها..حبيبتي وش فيك
سماهر:..كشرت بوجهه وانفجرت بعصبية..كله منك كنت اصحى قبل أعرفك من نومي مرتاحة ومروقة ولاعندي هم والحين أصحى مكتئبة بسبة هالتسنيم حقتك..راحت لعنده وبنفس عصبيتها..تسنيم ذي قولي وش قصتها معك ابي اعرف جات لحد هينا ولحقتني للمشغل وفي الزواج وكله حركات من تحت لتحت غير دقات الكلام قول لي انت وأعدها بشي معشمها اعترف لي أوعدك ماراح أزعل بس ابي اعرف ابي ارتاح
فيصل:..مصدوم منها اول مرة يشوفها بهالحالة..والله والله ماعرفها كل اللي اعرفه انها كانت تترزز قدام باب بيتهم وكنت مااطيقها ولا ادري ايش مقصدها الا لمَ تكلمتي الحين والله مايربطني فيها شي وانتي عارفة انك
سماهر:..قاطعته..بــس هذا اللي تعرفه عنها اقنعني وشلون تعرف أكلتك اللي تحبها وكيف تعرف اكثر لون انت تحبه وكيف تعرف عطرك المفضل وفوق ذَا كيف تعرف طريقتك بقفل أزاريرك هذا شي خاص كيف تعرفه اقنعني انت اذا تبي تكذب علي اكـ..أغمى عليها..
فيصل:..مسكها قبل لاتطيح عالارض وبصراخه الممزوج بخوف..سـمـااااهــر
(عند فارس)
فارس:..رِن جواله عقد حواجبه ثم ابتسم..حياالله من تذكرني
القنوع:هلا والله كيفك اخوي
فارس:..اعتدل بجلسته وباين بصوته الضحكة..الحمدلله طيب
القنوع:كيف الدوام معك
فارس:ماشي الحمدلله
القنوع:وكيف مروان
فارس:ليه تتهربين قولي اللي بخاطرك تبيني أتكلم عنك
القنوع:..ساكتة..
فارس:المكالمة الغريبة امس كنتي قاصدة تغيضين احد صح
القنوع:..بفشلة..ايه
فارس:..ضحك..صراحة اتوقع الحركة من فرات ويمكن تجي من نور لكن انتي صـدمـة..يضحك..
القنوع:بطل خلاص ابي الموضوع يظل سر وبالمرة ابيك تنساه
فارس:بس كل شي له مقابل
القنوع:بدينا استغلال
فارس:نعم!..ينادي..مروان اقولك سالفة صارت امس
القنوع:خير نعم وش تبي
((عند العم ابو فايز))
سلمان:..داخل المزرعة ويهمهم مبسوط..السلام عليكم
ابو فايز:وعليكم السلام اشوفك مبسوط
سلمان:..بابتسامة مالية وجهه..اكيد بكون مبسوط دام اصبّح على هالوجه
ابو فايز:..تنحنح..ماعلينا رح ابدا شغلك عندك اشغال واجد اليوم
سلمان:..بابتسامة..حاااضر على امرك
(مكتب سلمان)
ابو سلمان:..وصلته صور يقلب فيها رِن جواله..ألــوووو
مجهول(3):اممم احترت كيف اعرف عن نفسي
ابو سلمان:..عقد حواجبه..شخص جديد
مجهول(3):..ضحك..صراحة اعتذر عن اللي صار للشباب اللي حصل لهم كان بدون علمي اعتذر منك مرة ثانية
ابو سلمان:والمطلوب
مجهول(3):اممم الصور اللي قدامك تشرح لك من هو اللي بنأخذه المرة الجاية وهالمرة مانمزح مثل المرة اللي راحت
ابو سلمان:..ضحك..المرة الاولى كفيلة بتعليمي والشاطر ماينخدع مرتين
مجهول(3):..ضحك..اجل دير بالك على كل اللي حولك
(بالمرسم)
القنوع:..ترسم وتذكرت كلام سلمان..الحين هو يحبني اممم هذا اللي فهمته لكن كيف تتغير نظرة الواحد بسرعة..تذكرت غروره رمت الفرشة..مغرور كيف يبيني احبه وهو يتحداني كذا اذا كان صادق انه يحبني بعذبه واشوف كيف يتحمل
~~بالشركة~~
:::قـسـم مروان وفارس:::
مروان:..جلس على مكتبه مستغرب ردود اللي حوله تنهد رفع عينه على فارس اللي قدّامه..
فارس:..يناظره بابتسامة..
مروان:..عقد حواجبه مستغرب وبنفسه..وش فيه فارس الله يستر بس من ذي الابتسامة الغريبة..رِن تلفون مكتبه..الو حاضر
::مكتب سامي::
سامي:..يناظره ساكت..
مروان:..صابه القلق..هلا بغيت شي..بابتسامة واضح فيها الارتباك..صراحة اليوم كله غريب مدري وش اقول
سامي:..ضحك..الف الف مبروك
مروان:..بدون مايتحكم بنفسه..لاحول من الصباح يباركون ولا ادري وش السالفة العالم كلهم فيهم شي اليوم مو صاحين..انتبه..العفو منك ماقصدت
سامي:..ضحك..ليه ماتدري ان القسم اغلبه صوت لك وهذا شي نادر يصير!!
مروان:..بصدمة..نــعــم؟!!!
سامي:ايه فعلا صدق انت أخذت الموظف المثالي لهاالشهر والأغلب صوت لك مع انه نادر احد يصوت او يعترف بالتصويت حتى والعادة اللي يختارون المدير ونائبه على تقييمهم الخاص
مروان:..ساكت مايدري ايش يقول..
سامي:..ضحك..شكلك مو مستوعب للحين عالعموم الف مبروك والموظف المثالي له مميزات
مروان:اللي هي
سامي:..بابتسامة..اهم ميزة انك تكون مشرف مناوب عني على زملائك
مروان:..بصدمة تكلم بصوت عالي بدون لاينتبه..يعني بكون مكان وائل!!!
سامي:صـحـيـح
(بيت فيصل)
فيصل:..جالس جنب السرير يناظرها بقلق..
سماهر:..عالسرير وفتحت عيونها..
فيصل:..بخوف..سماهر تسمعيني
سماهر:..حطت يدها على راسها تحاول تتذكر مع الصداع القوي اللي تحسه..ايش صار وليه انا عالسرير للحين
فيصل:..تنهد..كيفك الحين تحسين بشي يألمك أنادي امي
سماهر:لا مافيني شي..جلست وبضيقتها..مو ناوي تقولي الحقيقة وتريحني..نزلت عيونها تحاول تمسك دموعها لاتنزل..
فيصل:..رفع راسها له..
سماهر:..نزلت دموعها..
فيصل:..مسح دموعها وعينه بعينها..والله والله واللي رفع سبع وبسط سبع انا مااعرفها ولابيني وبينها شي اصلا انتي الوحيدة اللي بحياتي ماعرفت قبلك ولابعرف بعدك احد انتي عارفة قد ايش احبك وإني حياتي بدونك ولاشي لاتسمحين لأي احد كان يعكر حياتنا
~~مزرعة العم ابو فايز~~
ابو فايز:..يمشي ويأشر بعصاه..شف ذَا المكان ابيه يلق لق ابي تناظره اشوف وجهي ابي نظافة نظافة انت تسمع
سلمان:حاضر
ابو فايز:..وقف ثم لف عليه..وش قلت
سلمان:على امرك
ابو فايز:ايه كذا واسمع لاتتهاون عشان خلاص قربت تخلص من عندي ترا الحين بيبدأ شغلي الحقيقي معك
سلمان:..بصراخ..يـاعـــم..نط وغطى ابو فايز بجسمه..
:::طـااحـت فـوقـهـم أغـراض كـثـيـرة:::
سلمان:..دف الاغـراض عنه بالقوة وبخوف لايكون صار شي لأبو فايز..ياعم فيك شي عسى ماتعورت بمكان
ابوفايز:..متمدد عالارض ووجهه قبال سلمان اللي يكلمه وبوسط صدمته..لااا مافيني شي
سلمان:..تنهد..الـحـمـدلـلـه. .وقف وساعد ابو فايز وخرجه من المكان اللي انحاس..
ابوفايز:..يمسح الدم اللي على رقبته..هذا الدم من وين ..يتحسس نفسه لايكون مجروح بمكان..مااحس ان فيني شي
سلمان:خلني اشوف ياعم..مشى خطوتين لجهة ابوفايز وطاح عالارض أغمي عليه..
ابو فايز:..مشى لعنده ورفع راْسه وبخوف..سلمان سلمان..رفع يده من تحت راس سلمان اتسعت عيونه بصدمة من كمية الدم اللي على يده وتحت راس سلماان..
~~بالشركة~~
::قسم مروان وفارس::
مروان:..جالس على مكتبه يفكر وبنفسه..كيف صوتوا وانا اصلا العلاقة بيني وبينهم علاقة سطحية كويس اذا تذكروا اسمي والله غريب..تنهد ثم رفع عينه..
فارس:..يناظره مبتسم..
مروان:..عقد حواجبه وبنفسه..معقول يكون فارس هو الآي سوا كل ذَا بس وش مصلحته وش هدفه لا مستحيل كذا بيضر وائل وهو مايرضى عليه..وصلته رسالة فتح يقرأها.. مبروك مروان عاد لاأوصيك انتبه من وائل تراه حاااقد عليك لأبعد درجة..رفع عينه لفارس بصدمة..
فارس:..غمز له وابتسم..
مروان:..بنفسه..عرفت هدفه يبيني أتعذب زيااادة!!!
(مكتب ابو سلمان)
ابو سلمان:..يكلم جواله..هلا حياك الله،كنت ناوي اعطيك خبر كويس جت منك،ان شاء الله ان شاء الله على خير بس أبلغ ابو فيصل وارد لك الخبر الاكيد نشوفك على خير، ياهلا والله حياك الله