الفصل 14
سلمان:..تغير وجهه..عن إذنك يالغالية تأخرت عالدوام كثر الله خير..وقف ومرّ من جنب ابوه بدون مايناظر له..
ابو سلمان:..ناظره عن طرف عين ومشى ولاهمه..كملوا فطوركم وش فيكم تناظرون
~~بـالـشـركـة ~~
::::قـسـم مـروان و فـارس::::::
وائل:مروان
مروان:نعم
وائل:الورق والحبر الاحتياطي تبع قسمنا في قسم الموارد رح وجيبه
مروان:بعد ماانتهي من التقرير اللي عندي على طول بنزل للموارد
وائل:آهــا..ابتسم..لكن ابي اطبع تقرير ضروري للاستاذ سامي ومو موجود ورق
فارس:..رفع عينه لوائل..
وائل:..غمز له..
مروان:..انتبه لهم وناظر فارس لثواني وشال عينه..
فارس:..صدّ عنه وبنفسه..مالك شغل كمل شغلك
وائل: خذ راحتك مو مشكلة لكن اذا سألني ليه تأخرت بقول سبب التأخير مروان
مروان:حاضر بروح أجيبه
::قـسـم سـلـمـان::
سلمان:صباح الخير
ناير:صباح النور هلا والله
سلمان:..بحماس..ها اخذتها لي
ناير:ماشاء الله باقي مُصِّر
سلمان:..بابتسامة..طبعا هالمرة ماابي رخصة يوم ابي رخصة اسبوع
(بيت سلمان)
القنوع:..صحت مصدعة وتجر خطواتها بتعب لقت الفطور جاهز عالطاولة وجنبه رسالة فتحتها تقرأ..[صباح الخير اول شي وثاني شي نفذي المكتوب بدون مناقشة لاني صاحب خبرة بالمود الحزين]..عقدت حواجبها وتنهدت..آه ماني خسرانة شي خليني اشوف نهايتها معه
~~بـالـشـركـة ~~
:::قـسـم الـمـوارد:::
مروان:..مصدوم..كل ذَا
موظف:ايه كل ذَا الاغـراض لفريق الاستاذ سامي..يمد له الأوراق..وقع عالاستلام لو سمحت
مروان:..وقّع وناظر بصدمة للاغراض الكثيرة.. كله أوصله لحالي مافي معاون
موظف:بما انك وقعت اذا حصل اي شي فأنت المسؤول اخلينا مسؤوليتنا بعد توقيعك وبالنسبة للمعاون العادة يكون من نفس فريقك
مروان:..تنهد..طيب شكرا لك
~~عـنـد أبـو فـايـز~~
سلمان:صباح الخير
ابو فايز:الله لايصبّح هالوجه بالخير وش تبي
ناير:..كشّر بوجهه وهمس..بالله ذَا واحد يستاهل نطارد وراه
سلمان:..بابتسامة..الله يسلمك ويسّر يومك ياعم
ابو فايز:..كشّر وبنفسه..باين ذَا الآدمي عسر الله يعيني عليه
سلمان:ياعم نبي نستأجر عندك
ابو فايز:ماعلموك اخوياك قلت ماعندي مكان لكم
سلمان:ياعم كل شروط بنفذها انت اطلب بس
ناير:..يهمس له..لاتحمسه مو برأينا الموافقة
ابو فايز:كلها
سلمان:كلها
ابو فايز:..ابتسم..
ناير:..عقد حواجبه وهمس لسلمان..الله يستر منه انا رايح سلام
~~بـالـشـركـة~~
عبدالملك:..يهمس..ايه مثل ماقلت لي نفذت
.......:لكن••••فكرته عير عنّا يبي ينهي عياله بالاول
عبدالملك:حنا نبيه مبسوط نبي نرد جمايله علينا
.......:ايه فاهم عليك لكن انا خايف بأي لحظة سلمان يكشفني
عبدالملك:لاتشيل هم ماراح تنكشف وبعد••••ماشي تمام مع فارس ومروان
..........:ياالله ابي ارجع قبل لاينتبه لغيابي
((((مـكـتـب أبـو سـلـمـان ))))
ابو سلمان:خل عينك عليه
........:حاضر ياطويل العمر
ابو سلمان:لايلاحظ انك شاك فيه
........:ان شاء الله مايصير الا كل خير
ابو سلمان:وسلمان لايلاحظ عليك اي شي او يشك فيك
..........:لاتوصي حريص ياطويل العمر مايصير الا تبيه
~~بـالـجـامـعٰة~~
فرات:..بتردد وبنفسها..راح أندم مليون بالمية بندم على اللي أسويه..تجمع شجاعتها..خلك قوية ...ألــــووو
........:..عقد حواجبه..نعم
فرات:..بنبرة عصبية..ابي اعرف ليه مصر على رايك
سعد:..ابتسم..هذا انتي
فرات:ايه أنا واعتقد لي اسم
سعد:..ريّح بجلسته عالكرسي وبابتسامة..كـــيــفـــي أنـا حُـــــرررر
فرات:على مااعتقد فيه اسمه تنسيق واتفاق بين الطرفين
سعد:ملكتي وانا حر يوم زواجي وانا حر
فرات:..بنفسها بقهر..حـرارة تـحـرقك
سعد:ابيها الأسبوع الجاي يعني ..بابتسامة وهمسة تقعر فرات..الــــجــــااااي
فرات:..تأخذ نفس..ادري أبي اعرف السبب حتى أتقبل الفكرة
سعد:اممممم بسيطة الفكرة هي كالتالي كــيــفـــي
فرات:..كتمت صرخة الغيظ والغبنة داخلها وبصوت باين اهتزاز..وانا اقول لا يعني لااااا
سعد:اوكي على راحتك كل واحد يشوف نصيبه الله يستر عليك مع السلامة..قفل..
فرات:..صرت ع اسنانه واطلقتها صرخة..ومرض ومرض ان شاء الله انا بس ابي اتزوجك وبعدها اعرف كيف اكسر خشمك يالمغـرور تحملي تحملي يافرات
~~عـنـد أبـو فـايـز~~
ابو فايز:ها وش قلت
سلمان:..ضحك..بـــــــس ماتبي تضيف شي ثاني
ابوفايز:..انصدم انه وافق..
ناير:..يدفه ويهمس.. لاتتحمس ترا بيكون الوضع صعب
سلمان:..ابتسم..لكن اذا تحملتك وتحملت طلباتك لمدة أسبوعين مثل ماقلت اول يوم بالأسبوع الثالث توافق على التأجير
ابوفايز:وانا عند كلمتي
ناير:..يهمس..هالتحدي بينك وبينه انا مالي شغل نهائيًّا
(بيت سلمان)
القنوع:..تنهدت وفتحت الثلاجة اتسعت عيونها بصدمة.. متى جاب ذَا كله..تنهدت..مايهم..أخذت الايسكريم وشغلت الفيلم اللي كاتبه لها سلمان..
:::::قـسـم مـروان وفـارس::::::::
مروان:..راجع لقسمه للمرة السابعة بالمصعد يوصل الاغـراض شـايـلـهـا لحاااله لمستودع قسمه..
::فتح المصعـــد قدّام باب القسم::
وائل:..ابتسم لمى شافه ودخل معه..
مروان:..يبي يخرج..شوي لو سمحت
وائل:..لف عليه..نعم كلمتني
مروان:ايه ابي اخرج
وائل:..ابتسم..أوه معليش عندي شغلة ضرورية لازم أنزل الحين
فارس:..خارج من القسم وقف لمى شافهم..
وائل:..بابتسامة..حياك
فارس:..بتردد..آآه لا شكرا بنزل عالدرج شوي رياضة بدل الجلسة الطويلة عالكرسي
وائل:يارجال تعال بس
فارس:..دخل والتقت عيونه بعيون مروان وشال عينه على طول..
وائل:تقرير المنتج خلصته
مروان:..بدون نفس..لسى مابديت فيه
وائل:..بعصبية..كيف مابديت فيه الحين الاستاذ سامي بيسأل عنه
مروان:دقايق ويجهز ان شاء الله
فارس:..ناظر وائل بقهر وصرّ ع اسنانه وبنفسه..انت مالك شغل ماااالك شغل
بيت سلمان)
القنوع:..بعد ماخلصت بكى فتحت الورقة الثانية اللي فيها ملاحظة سلمان وفتحت عيونها من الصدمة..لااا مستحيل كيف أقابله بذا الوجه المنفوخ ..قامت باستعجال..
~~بـالـلـيـل~~
(بيت ابو سلمان)
مروان:..داخل ووجهه قالب ع السواد ويترنح من التعب يصعد الدرج ويجر خطواته متحمل الالم اللي مسبب له إرهاق مــاااال بدون مايحس من تعبه..
.......:..مسكه..
مروان:..بعيونه التعبانة رفعها بكسل ابتسم ثم تبددت هالابتسامة ..
(بيت سلمان)
سلمان:..يناظر ساعته..قنوع تأخرنا ياالله
القنوع:..مترددة تخرج بوجهها المنفوخ استجمعت نفسها وخرجت..
سلمان:..باستعجال..ياالله مشينا
القنوع:مالي نفس
سلمان:أفضل شي بعد هالمرحلة هو الـسـووق حتى لو ماتشترين شي
القنوع:..ناظرته بشك..
سلمان:لاتشكين فيني انا بالسليم لاتخافين وبعدين نسيتي زواج نور
القنوع:..شهقت..باقي يومين ولاشريت شي
سلمان:..ابتسم..بنلحق لاتخافين
~~بـالـسـيـارة~~
القنوع:..بتردد..عادي أسألك سؤال
سلمان:تفضلي
القنوع:ممكن اعرف ليه انت تساعدني
سلمان:..ناظرها..عادي اعتبريها مساعدة من شخص مرّ بنفس التجربة
القنوع:..قصدك ابوي..انتبهت لنفسها..اسفة ماكنت اقصد
سلمان:..تغير وجهه للحظات..لا عادي اصلا الموضوع صار عادي جدا لكن مو الوالد
القنوع:..عقدت حواجبها وباهتمام..اقدر اعرف من يكون
سلمان:..بنبرة حزن..أفضل احتفظ بجرحي لنفسي
القنوع:اسفة اذا ضايقتك
سلمان:..تنهد ثم ابتسم يطرد الحزن..لا عادي
؛؛؛؛وراهم بالسيارة؛؛؛
..........:حاضر على امرك بنتصرف معه
(بيت ابو سلمان)
مروان:..بصوت مهزوز..شـ.كـ.ـرًا
فارس:العفو..مشى خطوتين على الدرج ثم لف على مروان..انتبه مرة ثانية..ابتسم..لاتطيح ويصير لك شي ثم تحط في بالك ان انا لي علاقة بهالمسألة بعد.كمل طريقه..
:::::؛؛؛؛::::::::::؛؛؛؛؛؛؛محادثة واتس؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛
غدير:ألــووو ، وينك، ليلي
ليالي:هلا
غدير:اقولك فيه واحد متقدم لي
ليالي:ايـش
غدير:مثل ماقريتي فيه واحد متقدم لي وماينرد ومافيه اي عيب وانا اممم عادي مدري كيف يعني لافيه شي يخليني ارفضه وبنفس الوقت مافيه شي يخليني أوافق وامي مصرة أني أوافق احس مو متحمسة للزواج الحين
ليالي:الله يخلف عليك تبين شي يحمسك
غدير:ايه ابي اعرف هو فلة او لا اخاف يكون نفسية
ليالي:اقولك لاتوافقين
غدير:ليه
ليالي:تقولين مو متحمسة
غدير:بس ماينرد يمكن يكون فلة مثلي
ليالي:لاااا توافقين بصراحة مع انه مايستاهل بس بأقولها لك
غدير:وشو
ليالي:منصور اخوي له سنتين يزّن يبي يبيك ويحبك وذابح امي بزنته يبيها تخطبك له بس امي رافضة تقول انتظر لحد ماتنتهي من دراستها ها وش رايك
غدير:..ماردت..
ليالي:ومثل ماانتي عارفة انك حاطة الجامعة سرير لك وانا اختك طولتي ماصارت جامعة طب ذَا اللي تدرسينه
غدير:..ماترد...
ليالي:وينك لايكون ماتبينه
غدير:ونـاااااااااااســـة
ليالي:وش فيك بِسْم الله
غدير:فيه احد يحبني اخيرا
ليالي:الحمدلله والشكر
غدير:خلي امي بس تدري بشوف وجهها يوم تقول لي انتي وجه حب انتي وجه تعاسة الله المستعان..ترسل فيسات تضحك..
ليالي:لحظة لحظة لحظة
غدير:خير
ليالي:لاتقولين شي لحد ما أمي تكلم خالتي
غدير:ليه
ليالي: انا قلت لك امي رافضة لحد ماتخلصين
غدير:الله يعيني على امي وش يصبرني الحين
ليالي:انتبهي ترا قلت لك لاتزلين بالكلام
~~~~بـمـواقـف الـسـيـارات الـلـي شـبـه فـاضـيـة~~~~
القنوع:..تمشي..الحمدلله خلصت ماني مصدقة اول مرة اخلص بسرعة كذا
سلمان:كويس حصلتي اللي تبينه توقعت مانلاقي شي يعجبك
& :..سحب جوال وبوك سلمان من يده وجرى..
سلمان:..يـلـحـقـه..
(بيت فيصل)
سماهر:..مسيطر على تفكيرها حركات تسنيم وشاكة هي مأثرة على فيصل او لا..
فيصل:حبيبتي
سماهر:اممم..بابتسامة..هلا عمري
فيصل:بقولك على شي
سماهر:هلا ياحبي قول
فيصل:انا وسعود بنبدا مشروع وبيكون مكلف كثير وابيك تتحملين راح ننضغط كثير ونمر بأزمة وبيتغير نمط حياتنا بالصرف كثيروابيك تتحملين معي وتصبرين لحد ماتنفرج
سماهر:..بخيبة أمل مو هذا اللي تبي تسمعه.. الله يوفقك ياحبي ويحقق لك اللي تتمناه لاتشيل هم اذا ماتحملت معك وصبرت مين بيتحمل ياقلبي
فيصل:..يبوسها على راسها..الله يخليك لي ياعمري
سماهر:ويخليك لي ياقلبي
(غرفة مروان)
مروان:..بوسط تفكيره..ليه ساعدني عالدرج معقول يبينا نرجع مثل قبل لا لا مستحيل لو يبي نرجع لبعض ماكان نبّه على علاقته بمشاكلي..دفن راْسه بالمخدة وأطلق صرخة تكتمها مخدته..اه خلاص أنسى مااتعظت من اللي صار لك للحين فيك شوق له نام بس نام وراك بكرة شغل بيهد حيلك هد وراك الهلاك بكرة
~~بـالـمـواقـف~~
سلمان:..يجري وراه وبصراااخ..وقـف وقـف اقولك وقف
& :..وصل لآخر شي قباله جدار ماعاد فيه مكان ثاني يروح له لف على سلمان..
سلمان:..بوسط انفاسه..رجعه لي ومابيصير لك شي بخليك تروح لاتخاف
& :..ابتسم ورماه على سلمان ورفع كتوفه بضحكة..
سلمان:..عقد حواجبه مستغرب من ردة فعله واتسعت عيونه بصدمة..الـــقــنــوووووع
~~بـالـمـواقـف~~
::عـنـد الـقـنـوع::
القنوع:..دموعها تنزل وترجع بخطواتها لـورا وبصوتها المهزووز المقطوووع..إيـ.ش تـبـ.ون مـ.نـي
£:..بابتسامة وهو يقرب لها..ابد مانبي شي
€:بــس نبيك بموضوع لحالنا
القنوع:..رجعت ع ورا لحد مالصقت بالجدار وترجف..
£:..مد يده ومسك يدها وابتسم لها..
القنوع:..تسحب يدها منه وتصارخ بخوف..اتركني
£:..تركها وغمز ل€..
€:..شدها لحضنه وضحك..
القنوع:..بصراخ وبكاء هستيري..لاااااا اتركني اتركني
سلمان:..ضرب€ ودفه عنها..
£و€:..هربوا..
القنوع:..طاحت عالارض وحضنت نفسها ودخلت راسها بين رجولها وتبكي بكاء هستيري مصدومة..
سلمان:..جلس قدامها وبصوت هادي عشان لاتخاف.. قنوع قنوع فيك شي ضروك بشي
القنوع:..لسى بصدمتها تبكي مو حاسة باللي حولها..
سلمان:..حط يده على يدها بشويش..
القنوع:..انفجعت ورجعت لورا..
سلمان:..مسكها بيديه الثنتين..
القنوع:..غمضت عيونها وتبكي..لا اتركني الله يخليك اتركني
سلمان:..مسكها وشد عليها و وجهه وبوجهها وبصوت عالي..قنوع هذا انا سلمان افتحي عيونك هذا أنا ناظريني
القنوع:..فتحت عيونها بخوف شافته بكت..
سلمان:..ابتسم لها..هذا أنا والله أنا
القنوع:..رمت نفسها بحضنه وبوسط دموعها..ليه رحت ليه رحت وتركتني
سلمان:..حضنها ويمسح على راسها وظهرها..انا هينا لاتخافين..يضمها له بقوة لدرجة اختفت تمامًا بحضنه..انا آسف والله آسف ماراح أتركك مرة ثانية
(بيت سلمان)
سلمان:..غطى القنوع اللي نامت بتعب بعد الرعب اللي عاشته ناظرها وتنهد مسح على راسها بكل حنية وقطع جوه رنة جواله اللي ضوت شاشته برقم غريب عقد حواجبه ورد..ألــووووو؟!
مجهول(2):الحمدلله على سلامة الاهل
سلمان:..صر ع أسنانه بغضب..هذا انت!!
مجهول(2):بصراحة ماتحملت يمر يوم زيادة بدون مااعطيك هدية رجعتك بالسلامة..ابتسم..ها بشر ان شاء الله عجبتك الهدية
سلمان:..بوسط غبنته..بجيبك وبتندم على اللي سويته اليوم
مجهول(2):..ضحك..الله يقويك وبساعدك بعد تراني حولك وحواليك وأحبك حــيـــل ومااقدر افارقك
.
يوم جديد)
~~بـالـشـركـة~~
::قـسـم مـروان وفـارس::
-بالاجتماع-
سامي:مين هو اللي أنجز تقرير المنتج•••صراحة شي يثلج الصدر..بابتسامة..إتقان مابعده إتقان
وائل:..بكل ثقة..أنــااا
؛؛مروان وفارس ناظروا بعض بنفس اللحظة؛؛
فارس:..يناظر مروان وبنفسه..تكلم انطق وش فيك صاير ضعيف
مروان:..بصدمة وبنفسه..انطق تعبك بيروح منك بياخذ التقييم للعمل اللي تعبت عليه
سامي:تسلم يدك على هالتقرير ابداع كل شي واضح من اول مرة تقرأ توصل المعلومة تسلم يمناك
وائل:..بكل وقاحة يبتسم ورد..الله يسلمك
:::قـسـم سـلـمـان ::
سلمان:..داخل..السلام عليكم..يكلم ناير..وين إذن الاسبوعين اللي طلبته
ناير:..يمد ورقة الإذن له..تفضل اه لحظة قبل تروح في عمل طلبه الاستاذ خالد منك تلقاه عند يوسف
يوسف:..بصوت عالي..حطيته على مكتبك
سلمان:..فتح الملف يقلب بالأوراق عقد حواجبه للحظة تغير وجهه وصار احمر من الغضب..هـيـن أنا اعلمك كيف تلعب معي..قام ومشى..
:::بــســطــح الـشـركــة:::
وائل:نعم وش بغيت
مروان:..بتردد..ابي اكلمك بموضوع مهم
وائل:..بنظرة استنقاص لمروان..قول وش تبي أسمعك
مروان:..شد ع قبضته يخفي التوتر اللي داخله..أنا راضي بكل تصرفاتك معي واتحمل كل شي يجي منك لكن شغلي اللي انا أسويه وأتعب عليه لاتنسبه لك مرة ثانية لو سمحت
وائل:..ضحك وقرب من مروان وناظره من فوق لتحت ويشد على كلامه..كــــيــفـــي مــزاااااجـــي وإذا عدتها وش بتسوي ها..يدفه بشويش ويشدد على كلامه..وش بـتـسـوي
مروان:..يناظره..وخر يدك لو سمحت
وائل:..ضحك وعينه بعين مروان..بعيدها مرة واثنين وثلاثة وبشوف وش بتسوي
فارس:..يراقب من ورا الباب ساكت واعتلت وجهه ابتسامة خبيثة..
(بيت سلمان)
نور:..تدق الباب..
القنوع:لحظة لحظة..فتحت الباب..هلا والله بالعروس
نور:..تدخل..ايه اكذبي اكذبي علي وجريني بكلامك الحلو
القنوع:..تضحك..ليه وش فيك ليه زعلانة علي
نور:وينك مختفية
القنوع:بعد سالفة سلمان وفارس انتي عارفة الوضع كيف
نور:حتى لو مو عذر اللي يسمعك يقول بيتك باخر الرياض ترا الفاصل بينا باب
القنوع:..تضحك..طيب اسفين حقك علينا والله اسفة
نور:المهم اليوم كلنا مجتمعين حبيت اعطيك خبر
القنوع:حاضر حبيبتي ولايهمك نتقابل شوي على خير
نور:..وهي خارجة..استناك ها
القنوع:حاضر ان شاء الله
(مـكـتـب عـبـدالـمـلـك)
عبدالملك:..عينه ع الاوراق اللي بيده..جهزوا الأوراق حقت صفقة•••بسرعة
سكرتير1:حاضر
عبدالملك:..يسمع أصوات برا الغرفة رفع عينه..
سلمان:..داخل بتهجم..اقول لك إبعد
سكرتير2:اسف ماقدرت امنعه دخل مثل ماانت شايف
عبدالملك:..نزل نظارته..تقدر تروح وال
سلمان:..قاطعه..لا عادي اتركه ابيه يسمع مصايبك وبلاويك
عبدالملك:..عقد حواجبه..وايش مصلحتي اتبلى عليك وانا مااعرفك
سلمان:..ضحك بقهر..يالمسكين انت ابد ماتعرفني ..صر ع اسنانه..هــيــه يـاإنـت الـعـب عـلـى غـيـري
عبدالملك:لو سمحت احترم نفسك وثمّن كلامك
سلمان:..ضحك..مابقي الا اللي مثلك يعلموني الاحترام تخسي وتعقب..يناظره بحقد..اسمعني زين وحطني في بالك اذا قربت على اهلي او حتى فكرت انك تقرب بتشوف شي في حياتك ماشفته انت فاااااهم
عبدالملك:..عقد حواجبه وببراءة..عن ايش تتكلم انت
سلمان:..ضحك وتنهد بغبنة..واااااه صراحة عندك موهبة يعجز الواحد يقول فيها خلل..صر ع اسنانه..مثل ماسمعتني إياك
ابو سلمان:..دخل وبصراااخ..بــــس
عبدالملك:..وقف وابتسم..هلا ياطويل العمر
سلمان:..ناظر ابوه..
ابو سلمان:وش هالهمجية تدخل مكتب الرجال وتهدده لو غيره كان انت من زمان بالسجن
سلمان:..بوسط عصبيته..هالحقير هو اللي
ابو سلمان:..قاطعه..عندك دليل
سلمان:اكيد عندي
ابو سلمان:وينه
سلمان:دليلي..سكت وتذكر رسالة يوسف وتعلثم..أنـ.ـا الـ.حـيـ.ـن مااقدر أخليك تشوفه لان
ابو سلمان:..ضـربـه كـف..
(بيت سلمان)
القنوع:..رِن جوالها ناظرت الرقم عضت شفتها بقهر وردت..ألــووو
سلطان:قنوع
القنوع:..بنبرة جديدة على سلطان..على مااعتقد قلت لك لاتتصل على هالرقم أو
سلطان:..قاطعها..والله كل هالخطبة كانت بلحظة زعل يوم دريت انك بتتزوجين غيري انتي عارفة وش صار فيني أنا
القنوع:..قاطعته..أنا ماتهمني حياتك ومو محتاجة تبريراتك خلها لك والله يهنيك بحياتك ولاعاد تفكر تتصل على هالرقم مرة ثانية لان المرة الجاية زوجي هو اللي بيتفاهم معك..قفلت..
(مـكـتـب عـبـدالـمـلـك)
عبدالملك:..يناظر سلمان مصدوم..
سلمان:..ناظر ابوه اللي ماأعطاه اي احترام قدام الغريب وابتسم له بقهر وبثواني تغيرت ملامحه لملامح تهديد ثم لف ع عبدالملك وبتشديد ع كلامه..مثل ماسمعتني ان فكرت تقرب على اهلي والله ان تندم طووول عمرك..خرج..
ابو سلمان:..يناظره بكمية غضب واضحة على ملامح وجهه وبنفسه..وش هالوقاحة..لف على عبدالملك..العذر منك ياولدي
عبدالملك:..بلعثمة..لا ماصار الا كل خير اكيد هو فاهم شي غلط
ابو سلمان:ماعليك لاتأخذ بخاطرك انا بتصرف معه بالبيت
~~عـنـد الـعـم أبـو فـايـز~~
سلمان:..وصل وهو قافلة أخلاقه..
ابو فايز:تأخرت
سلمان:العذر منك ياعم
ابو فايز:..عقد حواجبه..صاير معك شي
سلمان:..يجبر نفسه على الابتسامة..ابد مافيه الا كل خير
ابو فايز:لو أني مااعرف ان سعد مايوظف عنده الا رجالٍ سنعين..ناظره من فوق لتحت ثم تنحنح..كان قلت انك راعي سوابق
سلمان:..ضحك..مو كل اللي في وجهي من سعد ذَا ياعم
ابو فايز:..باهتمام..انت وش تقول
سلمان:..بقهر..ودي أخليه يحس بالنار اللي داخلي ..بنفسه..حتى يحس بالضيم اللي احسه وجاني منه
ابو فايز:..بابتسامة واعتدل بجلسته..يازينك والله الحين أعجبتني
(بـالـلـيـل )
~~غرفة الحريم~~
القنوع:..دخلت..السلام عليكم..تغير وجهها..
::بعد ماسلمت ع الكل::
نور:قنوعة ايش فيك تـأخـرتـي
القنوع:كنت مشغولة بترتيب البيت شوي
دانة:اها..بضحكة..ماعرفناك يالزوجة المثالية
سماهر:يوه كلنا نرتب ونرتب ويرجع حوسة مثل قبل
شوق:الله يعينكم اهم شي تكونون مبسوطين
ليالي:فعلًا اهم شي السعااااادة
دانة:..تغمز لشوق..
شوق:على طاري السعادة فيه خبر حلو أقوله لا لا صاحبته هي اللي بتقوله..ناظرت دانة..
دانة:..ابتسمت..أحب أبلغكم بخطبتي رسميا انا وسلطان وقريبا باْذن الله الزواج
القنوع:..حست بغثيان كانها بترجع حطت يديها على فمها..
فرات:..عقدت حواجبها..
سماهر:قنوعة وش فيك
القنوع:..بلعت ريقها ثم تنهدت..من امس وانا بس ابي انام وأدوخ بسرعة ومالي نفس بالأكل نهائيا ولا أزيدك بعد اذا شفت اي شي لونه اورنج ودي ارجع وأنتم بكرامة
فرات:..ناظرت دانة اللي لابسة فستان اورنج ناعم لاشعوريا وكتمت ضحكتها..
نور:يوه يابنت روحي المستشفى لايكون فيك شي
سماهر:مبروك يابنت..غمزت لها..يمكن شي ثاني
القنوع:..عقدت حواجبها..وش تقصدين!!
(غرفة دانة)
دانة:..تبكي ودفنت راسها بالمخدة..ليه ليه تسرق مني فرحتي ليه سوت فيني كذا أنا أعلمك هين قنوع..بوسط دموعها..انا اعرف ارد عليك بطريقتي
(بيت سلمان)
القنوع:..دخلت وقفلت الباب وكتمت ضحكتها وهي تتذكر اللي صار وابتسمت برضا وبنفسها..مو أنا اللي تنلدغ مرتين كنت غبية وحاسبتك اخت لكن والله ان فكرتي تدوسين لي على طرف لاعلمك فنون الحيل يادانة..مشت للغرفة وتتلفت..وينه معقولة ماوصل..تناظر ساعتها..غريبة تأخر
[يوم جديد]
(بيت ابو سلمان)
~~ع الفطور~~
ام فارس:نور روحي لسلمان قولي له ينزل يفطر معنا
نور:والقنوع
ام فارس:القنوع تعبانة ونايمة بغرفتي الحين
فرات:..داخلة..هذا هو وراي مايحتاج تروحين
سلمان:صباح الخير..سلم على امه وجلس..
فارس:اقول سلمان
سلمان:..يأكل..هلا
فارس:..وقف اكل وتكى على يديه وبابتسامة..الحين اذا بغيت أنسف واحد بالتقييم شلون أسويها
مروان:..رفع عينه عليه بصدمة..
سلمان:بسيطة تقدر تبلغ مديرك اذا مسكت عليه شي
فارس:اها
سلمان:وتقدر بعد تعطيه تقييمك الخاص على صفحتك الخاصة بسرية تامة
فارس:يعني ممكن يأثر عليه تقييمي
فارس:ولايدري انه انت بعد
ابو سلمان:..داخل..لاتعلم ولدي الخباثة كف شرك عنه واترك خباثتك لك
فارس:لكن انا
ابو سلمان:..قاطعه..انت تسكت لمَ أتكلم اناا
سلمان:انا والحمدلله مافيني ذرة خباثة والجزء اللي انت سمعته كان تابع لرد على سؤال فارس واعتقد السؤال كان بيني وبينه
:::الكل يراقب ساكت ومتوتر:::
ابو سلمان:..ضحك..وانت وجه واحد يفتي
سلمان:..رفع كتوفه بابتسامة..دايم اجاوب على كل أنواع الأسئلة..ميل فمه بابتسامة سخرية..خصوصا انت وارث هالجرأة من مين؟!
ابو سلمان:..صر ع اسنانه..مو ناوي تذلف لدوامك
سلمان:..ريّح بجلسته وابتسم..وليه أروح وامي تعبانة على هالفطور ونادتني خصوصي عشان أفطر معها وبعدين جالس عليك وانا مدري
ابو سلمان:..بصراااخ..ولــد تـعـلـم كـيـف تـتـكـلـم مـعي ولا بـأدبـك مـن جـد وجـديـد
سلمان:..تغير وجهه وبنبرة جدية..عادي اضرب سويتها قدّام الغُرب جت عليهم يعني
.
سلمان:..تغير وجهه وبنبرة جدية..عادي اضرب سويتها قدّام الغُرب جت عليهم يعني
ابو سلمان:اذا كان ماتربيت وانت صغير بر
سلمان:..قاطعه بضحكته..انت اللي تركتني بالغربة لحالي وجاي الحين تتكلم عن تربيتي وتأديبي..ضحك..لوم نفسك لاتلوم غيرك على صنايع يديك!!
ابو سلمان:..انفجر ويمشي له بسرعة..انت ياقليل الحياء اللي ماتربيت..مسك سلمان من ياقة ثوبه ويهزه وخنقه..
سلمان: ..صار وجهه احمر يادوب يلاقي نفس بس مايتحرك ولايقاومه حتى بس يناظر ابوه والابتسامة مرتسمة على وجهه..
ابو سلمان:..بصراخه وعصبيته..ماعندي عيال يقلون أدبهم ويرفعون صوتهم علي
فارس:..قام ومسك ابوه..يبه تعوذ من الشيطان
مروان:..يفك سلمان من يد ابوه..يبه اتركه بيموت بيدك
سلمان:..دف مروان ثم فارس وبصوت مخنوق ..اتركوه ..بابتسامة ارعبتهم..خلوه يذبحني ويرتاح هذا اللي يبيه
ابو سلمان:..جمد مكانه لمَ سمع كلامه ووقف عن خنقه..
سلمان:..بابتسامة تحدي..وش فيك يالله سوها وارتاح هذا اللي انت تبيه من سنين
ابو سلمان:..صر ع اسنانه بغيظ وغضب وضغط على ياقته..وش قلت عيد اللي قلته
سلمان:..دف يد ابوه وعدّل ياقته..عن اذنكم وراي دوام
(مشغل سماهر)
الموظفة:أستاذة سماهر في زبونة طالبتك بالاسم
سماهر:..عقدت حواجبها..طالبتني انا
الموظفة:ايه
سماهر:قالت من تكون
الموظفة:لا
سماهر:حاضر الحين بشوفها..قفلت الملف وطلعت وشافتها عقدت حواجبها مصدومة من الجرأة..
.
.
تراقب البيت من شباك السيارة شافته خارج امتلت عيونها دمـووع كل مافيها يحن له الشوق له عذبها ودها تجري له ترتمي بأحضانه لكن خوفها يمنعها يكفيها ويصبر قلبها شوفته وانه بخير
.
.
~~عـنـد أبـو فايز~~
::بمزرعته::
ابو فايز:..قاعد يتقهوى ويأشر بعصاه..حطه حطه هناك
سلمان:حاضر..حطه بمكانه..
ابو فايز:اهممم لا لا مو بزين مكانه شيله وحطه هناك..يأشر لمكان ثاني..
سلمان:حاضر..حطه..
ابوفايز:رح للخيل واسقها ولاخلصت طلعها واحد واحد ومشها شوي
سلمان: حاضر
ابو فايز:ثم ارجع لي تسمع
سلمان:حاضر ياعم برجع لك
ابو فايز:وانت ماعندك غير حاضر
سلمان:على امرك ان شاء الله
ابو فايز:طيب طيب اذلف ولاتطول
سلمان:..تنهد..حاضر..خلص من الخيل وهو خارج لف شافه وابتسم..
....:..شايل بيده كوبين القهوة وبيده الثانية الفطور ورفع يديه شوي لفوق ويأشر بعيونه ع الاكل..
(ع الاكل )
ناير:..ضام يديه وباستهبال..بالله ماأجنن
سلمان:..يكتم ضحكته وبجدية..وش تقصد
ناير:..بزعل..حاصلك انت حاصلك
سلمان:..بنفس الجدية..وشو
ناير:حاصلك احد يدلعك مثلي يجيب لك الكيف والفطور
سلمان:..بابتسامة..الله لايحرمني بس
ناير:..بزعل..بــس هذا اللي قدرت عليه
سلمان:..عقد حواجبه..وش تبي غيره
ناير:المفروض تقول أبشر بالعوض باعشيك مالك عندي الا طيبة الخاطر
سلمان:..ضحك..حاضر لك مني أحلى عشا
ابو فايز:..جاهم..ماشاء الله وانا اقول وينه اختفى يالله قم ألحقني ولا الاتفاق ملغي
سلمان:..فز وبالغلط غبّر على ناير وهو يمشي بسرعة..
اسف
ناير:..يكح..أستاهل هاذي جزاتي
::قـسـم مـروان وفـارس::
فارس:تفضل هذا العرض الأولي لمشروع••••
وائل:اممم طيب اتركه أنا براجعه
مروان:تفضل هذا احصائيات العشر السنوات الماضية ل•••
وائل:راجعه
مروان:راجعته
وائل:اتركه هنا وخلص لي تقرير••••
مروان:لكن هالتقرير مايكفيه الوقت الباقي من الدوام
وائل:عادي ابدا فيه وحاول تخلصه ثم جيبه لي اشوفه
مروان:..بقلة حيلة..حاضر
(بالليل)
::بيت سلمان::
القنوع:..تتابع برنامج..
سلمان:..داخل..السلام عليكم
القنوع:وعليكم السلام..قامت بتحط العشا..
سلمان:..رمى نفسه عالكنب..لا لا لاتجهزين شي
القنوع:جاهز بس اجيب لك تتعشا
سلمان:..بتعب..لا شكرا بس ابي انام
القنوع:طيب روح للسرير
سلمان:..بغفوته..طيب
القنوع:سلمان قوم عالسرير وبدّل ملابسك
سلمان:..مايرد..
القنوع:..رفعت كتوفها..براااحتك
(بيت ابو سلمان)
<غرفة فرات>
ام فارس:اقولك
فرات:هلا يمه
ام فارس:عندي خبر بيبسطك
فرات:اي
أم فارس:سعد وافق يأجلون الملكة للوقت اللي تبينه
فرات:..نطت..يــس..عقدت حواجبها..لحظة
ام فارس:وش فيك قلت بتخمني اليوم احضان لحد مااطفش على ذَا الخبر
فرات:ليه احس الموضوع فيه شي غلط
ام فارس:لا غلط ولاشي نامي بس بكرة ان شاء الله ورآنا يوم طويل
(بيت ابو سعود)
ابو سعود:اسمعني زين
سعود:أمرني يبه
ابو سعود:الرجال اللي يبي يبدأ حياة مضمونة مع زوجته لازم يكون صارم وحازم معها من اول ليلة
سعود:..عقد حواجبه مستغرب..
ابو سعود:اللي اقصده انك تحط النقاط على الحروف لازم تعلمها ان صار لك رجال تحترمينه من اول ليلة واترك عنك سوالف هالجيل اللي يقول تعامل باللين خلك حازم وشديد من البداية عشان يكون لك كيانك فالبيت فهمتني
سعود:حاضر يبه..وبنفسه..ماتدري يايبه ان حلمي مااكون مثلك
(بيت سلمان)
القنوع:..تتابع فيلم..
سلمان:..نايم عالكنبة قدامها..
القنوع:..بقمة انسجامها بالفيلم قطع جوها صوت أفزعها شالت عيونها من على الشاشة بخوف ثم تنهدت..
سلمان:..طاح من الكنبة يتأوه من الالم وهو نايم..
القنوع:..راحت له وجلست عند راْسه..سلمان سلمان فيك شي تعورت طيب قوم نام عالسرير أريح لك
سلمان:..رجع لنومته ولا حس بشي من التعب..
القنوع:..تناظره ثم تنهدت..معقولة فيك تعب من شغلك هالقد..حزنت عليه نزلت جزمته وانتوا بكرامة وحطت تحت راْسه مخدة وغطته وطفت الابجورات اللي عنده.. هذا كل اللي اقدر عليه مااقدر أشيلك ولا كان وديتك للسرير
[يوم جديد]
(بيت ابو سلمان)
ام فارس:نور يالله تأخرنا
نور:يمه خمس دقايق بس الله يخليك
فرات:امي أخذتوا شنطتي اكيد
فارس:امي وين شماغي
مروان:امي شفتي القلم حقي اللي وصيتك عليه لاانساه وين حطيته
ام فارس:..بصراخ..بس لاحول ولاقوة الا بالله كل واحد يدور أغراضه بنفسه وانتي يانور اذا مالحقتيني عالسيارة الحين رحت وتركتك
نور:كيف بكمله طيب بس باقي دقيقتين
ام فارس:والله ماانتي صاحية يابنت ترا اليوم زواجك وانتي كل همك المسلسل
نور:..وهي تمشي..عشان كذا ياماما ياحبيبتي بااتركها فترة خليني اختم حلقاتي كلها الحين
ام فارس:..تدفها..امشي امشي بس وفرات شوفي لك احد تجين معه