الفصل 13
بيت فيصل)
فيصل:كل ذَا صار وماعندنا اي خبر
سماهر:الحمدلله ربي ستر وحفظهم من السوء
فيصل:الحمدلله لكن مايصير خالي يسكت اذا تجرأوا مرة بيعيدونها مرات
سماهر:وهذا اللي قلته وان شاء الله ماتنعاد
~~في مكان مجهول ~~
مجهول(3):..بهدوء..وش اللي صاير
مجهول(2):..يحاول يسيطر على أعصابه ويغطي الرعب اللي بداخله..ابد ياطويل العمر ماصار الا كل خير
مجهول(3):..يناظر يده ورفع عينه على(2)..يعني صحيح صاير شي من وراي
مجهول(2):حبينا نلغي الصفقة بطريقة مضمونة
مجهول(3):آآآه قلت لي طريقة مضمونة..وقف ومشى لعنده..وش اللي سويته..قرب من وجهه وابتسم..وش اللي سويته من وراي
مجهول(2):..رجع خطوة لورا..
مجهول(3):..شده من يده وقربه منه وبابتسامته المرعبة.. ماقلت لي وش اللي سويته من وراي
(بيت سلمان)
سلمان:..فتح عينه بكسل ولمح احد جنبه ع السرير وبهمس..ساندرا..حاول يفتح عيونه قد مايقدر عشان يشوف هالاحد وعقد حواجبه..قـنـووووع..بدون مايحس بنفسه رجع لنومة التعب اللي كان نايمهاا..
(بيت ابو سعود)
ام سعود:لكن كذا بيرفضون
ابو سعود:بكيفهم عجبهم حياهم الله ماعجبهم الله يسهل لهم
ام سعود:..بابتسامة تحتها الف قلق..ان شاء الله يصير كل خير
(بـالـمـسـتـشـفى)
الدكتور:ليه ماتاخذ العلاج الكيمائي
....:لا وألف لا
الدكتور:حالتك تستوجب اخذه
....:لا ربي بيفرجها
الدكتور:ممكن نعرف سجلك العائلي
.......:انا وحيد مالي اي أقارب
الدكتور:اسمع نصيحتي
...:..قاطعه..كل اللي ابيه منك تكتب لي مسكنات
الدكتور:..تنهد..حاضر هذا اللي اقدر أساعدك فيه دامك مصر عالرفض
(بيت سلمان)
سلمان:..صحى فرك عيونه ناظر لجنب السرير وضحك ضحكة خفيفة..على أساس فيه احد بيهتم لك..قام من سريره ومشى ويبعثر شعره وبنفسه..كم لي نايم رجعت النوبات وانا فرحت انها راحت..وقف مصدوم..
القنوع:..بابتسامة..تفضل حياك
سلمان:..يناظرها ثم ناظر الاكل..
القنوع:..تروح له وتدفه..يالله يالله وش تنتظر..تجلّسه..
سلمان:..يناظرها ويحاول يجمع أفكاره ويتذكر..
القنوع:ياالله بِسْم الله وكل..تمسك وجهها تتحسسه..وش فيه..ناظرت له..وجهي فيه شي
سلمان:..بهمس..لا
القنوع:..تقطع الاكل قطع صغيرة..ياالله بِسْم الله كل بالعافية
سلمان:..يأكل ويحاول يكتم غصته..
القنوع:..تاكل..عندي اقتراح
سلمان:..رفع عيونه عليها..
القنوع:اممم وش رايك من اليوم وجبة وحدة في اليوم لازم نآكلها مع بعض ونفضفض لبعض عالاقل لحد ماينتهي اتفاقنا ها وش قلت
سلمان:..ساكت ويحوس بصحنه..
القنوع: ماعجبك الاكل
سلمان:..نزل ملعقته..فيه شي ابي أقوله لك
••••••••••••••••� �••••••••••••••••� ��•••••
** داعب الهواء وجهها وطيّر خصلات شعرها كشّرت وأخذت بخاطرها وزاد النسيم الحلو همها بوسط عالم تفكيرها تحاول تقنع نفسها ان كل اللي صار واللي سوته عشان مصلحتهم تحاول تكبح الشوق اللي مسيطر عليها رغم وجود الشخص اللي تحبه قريب منها عكس الأيام اللي راحت**
••••••••••••••••� �••••••••••••••••� ��•••••
(ببت ابو سلمان)
~~بحديقة البيت~~
مروان:هلا تبيني
فارس:..بتردد..ايه
مروان:بغيت شي
فارس:..ناظره وبنفسه..انا آسف آسف على اللي سويته فيك آسف من كل قلبي أتمنى نرجع مثل قبل و
مروان:..قطع حبل أفكاره وبرسمية..وش فيك صاير معك شي تبي اي مساعدة
فارس:..انصدم وبنفسه..مستحيل..ابتسم..لااا مشكووور
مروان:..برسمية..عالعموم اذا احتجت أي مساعدة فأنا موجود مهما كان نظل أهل
فارس:..بنفسه..خلاص كل شي انتهى..تغير وجهه.. صحيح نظل أهل..بنفسه..هي خربت خربت..ابتسم.. أقول الحمدلله على سلامتك وانتبه من الجاااي..مشى..
((بـالـمـقـهـى))
سلطان:..جالس وعينه بقهوته..
دانة:حبيبي وش فيك بالك مشغول
سلطان:مافيني شي
دانة:..بزعل..لسى تفكر فيها
سلطان:..عقد حواجبه..في مين
دانة:انت عارف قصدي لاتغير الموضوع
سلطان:لا وألف لا نسيتها خلاااص انتي الحين كل دنيتي
دانة:طيب ليه مصر ان خطبتنا تكون سرية ليه مانعلنها أبي كل الناس تدري او خايف على مشاعرها
سلطان:..يكتم غيضه..حبيبتي خارجين مع بعض عشان ننبسط ونتعرف على بعض أو خارجين عشان نزعل من بعض
دانة:طيب ليه مصر عالسرية انت مو صريح معي أحس فيه شي في خاطرك وماتبي تقوله
سلطان:..عَصّب..يـــووووه منك أنا الغلطان اللي خارج معك..مشى..
(بيت سلمان)
سلمان:..ينتظر ردة الفعل عقد حواجبه وبنفسه..غريبة كنت اتوقع تقلب الدنيا علي
القنوع:وش فيك مستغرب من ردة فعلي كنت أدري
سلمان:..بصدمة..كنتي تدرين
القنوع:ايه أنا تأقلمت ان زواجنا اتفاق وعرفت ان زواجنا كله مبني على مصلحة بينك وبين ابوي
سلمان:..بعدم تصديق..كنتي تدرين عن اتفاقي و واقفتي
القنوع:اممم مو كذا انا اللي اعرفه ان ابوي خلاك تتزوجني غصب وانت ماتبيني ووافقت مقابل مبلغ مغري
سلمان:..عقد حواجبه..لحظة لحظة لحظة وش تقولين انتي
القنوع: هذا اللي صار
سلمان:لا مو صحيح أبدًا زواجي منك ماكان مقابل مبلغ وانا ماتزوجتك غصب وانا وافقت برضاي
القنوع:..بعدم استيعاب..نعم!!
سلمان:اتفاقي كان خياري اتزوجك والمقابل ان ابوي ..سكت لحظة وبصوت مهزوز..يرضى يجلس معي في نفس المكان ولا يخرج منه
القنوع:..انصدمت من المقابل وبنفسها..وافق على مقابل بسيط مثل ذَا لحظة ليش مو زعلانة..عقدت حواجبها..ليش احس أني حزنت عليه
سلمان:..ناظرها..أنا آسف آسف على زواجي منك لمصلحتي وآسف أني خدعتك أتمنى انك في يوم تسامحيني
القنوع:لاتتوقع أني بسامحك واعتقد هذا من حقوقي
سلمان:..نزّل عينه..صحيح غلطت بحقك..رفع عينه لها.. لكن ماكان في نيتي ابدا ابدا أني أأذيـــك
القنوع:اممم وش رايك نقفل الموضوع
سلمان:لحظة ماقلت لي كيف عرفتي
القنوع:..عينها بعينه..ماعندك شي ثاني تبي تقوله
سلمان:..تردد لحظة..لاااا
القنوع:خلاص نقفل عالموضوع أفضل لنا ونظل على اتفاقنا لحد ماينتهي
يوم جديد)
(بيت سلمان)
~~عالفطور~~
القنوع:..تمد له علبة الدوا..
سلمان:..تنهد..لقيتيها الحمدلله
القنوع:..وهي تاكل..بصراحة انا كنت حاقدة عليك واخذتها
سلمان:..ناظرها مصدوم..
القنوع:..رفعت عينها له..لاتناظرني كذا ردة فعلي طبيعية لاني عرفت ان زواجنا مصلحة وفهمت الموضوع غلط
سلمان:..أخذ الدوا بسرعة وحطه بحضنه وناظرها بنص عين وبالبرتغالي..مــاااال كـورتـو..شريرة قصيرة..
القنوع:..تناظره..سبيتني صح
سلمان:..وقف أخذ شنطته ورفع كتوفه..اممممم..مدّ بوزه.. ماأدري..مشى..
القنوع:..تلحقه..الا سبيتني اعترف اعترف
سلمان:..يمشي بخطوات سريعة ومبتسم لف عليها..
القنوع:..صقعت فيه رفعت عيونها..
سلمان:..نزّل راْسه وهمس بكلمته وطولها..ميوتو كـورتـو كـورتـو..ضحك وكمل طريقه بسرعة..قصيرة صدق قصيرة..
القنوع:..ببرطمة..ترجع من دوامك ونتفاهم
سلمان:..نازل عالدرج بخطواته السريعة ومبتسم وقف لمَ شاف ابوه وتغير وجهه..
ابو سلمان:..شافه وقف..
سلمان:..مرّ من جنبه بدون لايناظره..
ابو سلمان:..لف عليه وهو واقف في مكانه..هــيــه يـاإنـت
سلمان:..وقف بدون مايلف عليه..
ابو سلمان:لاتنفخ نفسك وتغتر انت دخلت بيتي وانت عارف رايي بوجودك فيه فالافضل انك تفكر زين وتحسبها صح
سلمان:..لف عليه وبنظرة قهر وبكل جدية وتحدي..وانا مادخلته عشانك دخلته عشان ناسي وأهلي..خرج..
ابو سلمان:..ضحك مستغرب..
ام فارس:..تناظره..
ابو سلمان:خير وش فيك
ام فارس:كل اللي اقدر أقوله الله يهديك ويصبر سلمان عليك
سلمان:..برا البيت يمشي بخطوات واااثقة..اللي صار ماراح يهزني وبغير مستقبلي بيدي وبجيبك ياللي تهورت وقربت علي وعلى اهلي لو كنت تحت الارض وأعلمك من يكون سلمان
(بـالـشـركـة)
~~قسم سلمان~~
سلمان:..داخل..السلام عليكم
ناير:وع..لي..كم السلام والرحمة سلااامات اجر وعافية
سلمان:..بابتسامة..الله يسلمك
ناير:خير وش فيك عساك طيب محتاج شي
سلمان:الله يسلمك ويكثر خير بس شوية مشاكل وانحلت
ناير:والله من اللي بوجهك مو شوية شكله شوياااااات
سلمان:..ضحك بشويش..المهم أخذت إذن للعمل الميداني
ناير:ايه من بدري وكنت انتظرك عشان نمشي
سلمان:اجل ياالله بِسْم الله
(بـدوام فـيـصـل)
فيصل:..يهمس..لحظة لحظة..خرج من مكتبه..وبعدين معك وش تبين النهاية تكون مثلا انا متزوج اتركيني اتركيني يابنت الناس
....:..بغنج..طيب الشرع حلل أربع
فيصل:وانا أحب زوجتي ولا أفكر بغيرها
...:..بغنج..يـمـه يـمـه أموووت عليك وعلى رومنسيتك
فيصل:..ناظر جواله وعقد حواجبه من كلامها..شوفي يابنت الناس اذا فكرتي تتصلين بذا الرقم مرة ثانية مايصير لك خير فاهمة
....؛مااقدر أتحمل يمر يوم بدون مااسمع صوتك لازم اسمع صوتك ولا بيكون يومي كئيب
فيصل:عسى أيامك كلها كآبة
...:..قاطعته..بِسْم الله عليك حبيبي مااقدر أتحمل حياتي بدونك
فيصل:..بنفسه..الله اكبر عليك لفتها بنت الذين عليّ..لاعاد اشوفك تتصلين علي فاهمة..قفل..
(بيت ابو سعود)
ابو سعود:.. يكلم جواله وبعصبية..كل اللي قلته يتنفذ بالحرف الواحد مايهمني حتى لو انه يموت اهم شي شغلي مايتضرر..ضحك..برئ شيل الكلمة من قاموسك لانها مو موجودة بقاموسي وبعدين قلت لك مايهمني اهم شي مصلحتي
(بـالـشـركـة)
~~قسم مروان وفارس~~
وائل:..يحط ملفات على مكتب مروان..هاذي التقارير لازم تكون جاهز اليوم
مروان:..بصدمة..كـلـهـاااا
وائل:إيه كلها
مروان:لكن أنا عندي ملفات المنتج 9ضروري انهي تقريره اليوم
سامي:..فتح باب مكتبه وناظر لهم..شباب من يتطوع للرحلة الميدانية في••••
وائل:..غمز لفارس..
فارس:..عقد حواجبه..
وائل:مروان أستاذي الغالي
فارس:..ناظر مروان ولا تكلم او أبدى اي رد فعل..
:::::في مكان ثاني::::
.......:..يأشر بعصاه..ياولد ياولد
العامل:نعم بابا
.....:..عدّل نظارته..وين الايجارات
العامل:بابا هو في كلام كلو ودي حساب حطي فلوس حساب
.....:..عَصّب..رح قلهم ان ماعطوك الفلوس الحين وجبتهن لي بشتكيهم مابخليهم يباتون هالليلة ببيوتهم رح يالله اذلف
(بيت ابو سلمان)
فرات:ماما
ام فارس:خير وش تبين
فرات:ماقالوا عالملكة او كتب الكتاب ماقالوا شي نهائي
ام فارس:وش فيك مستعجلة خلينا نخلص من نور على خير
فرات:..بترجي..يمه تكفين كلمي عمتي وافهمي منها السالفة..تغمز..يعني الملكة وكذا
ام فارس:الله يعيني عليك
فرات:..وهي خارجة..اه وياليت لو يخلونها بعد أسبوعين لان عندي امتحانات
ام فارس:..ناظرتها..طلبات ثانية
فرات:امممم لا مشكورة
(بيت ام فيصل)
ام فيصل:حياكم الله ياأم مازن
ام مازن:الله يسلمك ياقلبي
ام فيصل:نورتونا والله
ام مازن:البيت منور باهله حبيبتي
ام فيصل:كيفك يابنتي
تسنيم:..بغنج..الحمدلله ياخالة كيفك انتي
ليالي:..بنفسها..و وجع ان شاء الله
ام فيصل:..بابتسامة..الحمدلله طيبين
ام مازن:..بنص عين..فين عروستكم ياأم فيصل او مخبيتها عننا
ام فيصل:..تضحك..لا والله بس توها راجعة من دوام واكيد تبدل ونازلة
ليالي:..تناظر تسنيم من فوق لتحت..عن اذنكم بروح اناديها
تسنيم:ايوه ياخالة كيفك وكيف فيصل ومنصور
ام فيصل:الحمدلله كلنا طيبين
تسنيم:والله ياخالة الحي بعدكم مرررة مررررة مو حلو
ام فيصل:عاد يابنيتي اهلنا بعيدين يوم كنّا بحيّنا القديم
والحين قربنا منهم
تسنيم:ليه كدا ياخالة يعني احنا مو من الاهل
ام مازن:..تناظرها بنظرات..
تسنيم:..كملت بدون اهتمام..وفين عروسة فيصل واعذرونا ماحضرنا فرحهم كنّا مسافرين
ام فيصل:معذورين يابنتي قالت لي امك واعتذرت
سماهر:..دخلت..السلام عليكم
ام فيصل:وعليكم السلام الطيب عند ذكره وهاذي بنتي سماهر
تسنيم:..لوت بوزها ماعجبها الكلام..
ام مازن:ماشاء الله تبارك الله اهلًا يابنتي..تسلم عليها.. مبروك يابنتي
تسنيم:..تسلم عليها بدون نفس..
ام مازن:ماشاء الله وهاذي عروسة فيصل والله وكبرنا يافيصل وتزوجنا
تسنيم:..تخز سماهر بنظرات..
سماهر:..عقدت حواجبها من حركات تسنيم وطنشتها..
ليالي:..مثبتة نظرها على تسنيم..والله ياخالة فيصل مرة انبسط لمى طلعنا من الحي وانبسط اكثر لمَ حقق حلم حياته
ام مازن:ماشاء الله الله يوفقه
ليالي:..بنظراتها الثابتة على تسنيم..ماسألتي ياخالة وشو حلم حياته
ام مازن:..بابتسامة واضح فيها الارتباك..ايش هوا حلمه
ليالي:انه يتزوج سماهر
(بيت ام سعود)
غدير:انا ماقلت ماابي اتزوج بس ابي أأجله شوي
ام سعود:انا ماصدقت يجي احد ويخليك
غدير:يـــووووه يمه لهاالدرجة مستعجلة عالفراق
ام سعود:اي والله
غدير:يمه ادري والله انك مستعجلة بس مو مرتاحة لهاالشخص
••••••••••••••••� �••••••••••••••••� ��•••••
سلمان:..نزل من السيارة..السلام عليكم ياعم
....:وعليكم السلام والرحمة
سلمان:ياعم تعرف العم ابو فايز وين مكانه
.......:وش بغيت فيه
سلمان:موضوع عمل
...:انت من الشركة اللي صاحبها سعد صح
سلمان:فعلا صدقت ياعم
....:..يمد عصاه على سلمان..انا من يوم شفت هالوجه اللي كله ألوان وانا دريت انك مع هالخسيس رح رح لا اهفك بهاالعصا اذلف
سلمان:افا ياعم ليه بس
شكلك عرفتني
سلمان:بعد الكلام اللي سمعتني إياه اكيد انك العم ابو فايز
ابو فايز:دامك عرفت لاعاد اشوفك
سلمان:..ابتسم..بكرة ان شاء الله
ابو فايز:..بعصبية..ماابي اشوفك سمعت
سلمان:جايك بكرة ان شاء الله يمكن تكون روقت مع السلامة ياعم..مشى..
ابو فايز:الله لايسّلم فيك مغز إبرة لاشوفك تجي
(بيت سلمان)
القنوع:..تفتح جوالها بكسل..فاضية الليلة..ردت..إيه.. وصلتهارسالة..بمرك الليلة نطلع سوا..فزت وفتحت عيونها مصدومة..مايمديني اتجهز
~~بـالـسـيـارة ~~
ناير:هاه بشر
سلمان:ابد جلف
ناير:قلت لك صعب
سلمان:ماعليك بيلين معي ان شاء الله
ناير:ان شاء الله يلين قبل تنتهي المدة
سلمان:ان شاء الله الا ابي أسالك
ناير:هلا تفضل
سلمان:من يكون عبدالملك
~~بـالـشـركـة ~~
ابو سلمان:وين الملفات
عبدالملك:..يحطها عنده..تفضل
ابو سلمان:كالعادة دقيق مافي منك اثنين ماشاء الله عليك
عبدالملك:..ابتسم..في خدمتك
ابو سلمان؛تسلم الا كيف اخوانك
عبدالملك:بخير جعلك بخير
ابو سلمان:اذا احتجت شي لاتتردد ترا غلاتك من غلاته
عبدالملك:..ابتسم..جعلك عالعز متربع ماقصرت
ابو سلمان:تفضل على شغلك
عبدالملك:.وهو خارج انقلب وجهه وبنفسه..بخليك تلحقه بس بعد مااعذبك
~~بـالـلـيـل ~~
(بيت سلمان)
سلمان:..ينتظر..
القنوع:..خرجت من الغرفة بكامل أناقتها..
سلمان:..مثبت عينه عليها كل الدنيا حوله هدت الصوت الوحيد اللي يسمعه صوت نبضات قلبه بس..
سلمان:..مثبت عينه عليها كل الدنيا حوله هدت الصوت الوحيد اللي يسمعه صوت نبضات قلبه بس وشلون ماانتبه لوجودها قبل قدّامه وشلون نسى حقيقة انها امرأة وفوق ذَا كله وشلون نسى انها زوجته وبوسط هالشعور الغريب تناديه القنوع..
القنوع:سلمان
سلمان:..ماانتبه لها..
القنوع:..عقدت حواجبها..سلمان
سلمان:..انتبه وشتت نظراته عنها وبربكة..هاه ياالله مشينااا
(بيت ام سعد)
ام سعد:سعد
سعد:لبيه ياروحي
ام سعد:خالتك ام فارس تقول كتب الكتاب بعد أسبوعين وش تقول
سعد:مو مشكلة براحتكم
ام سعد:عشان الامتحانات طلبت فرات تكون بعد أسبوعين
سعد:..ابتسم..لا ابي بنهاية الأسبوع الجاي
ام سعد:..بصدمة..مايمدينا نجهز شي والبنت مابتركز بامتحاناتها
سعد:مو لازم كبيرة حتى لو عائلية مو مشكلة
ام سعد:بس انا ابي افرح فيك ياوليدي انت وحيدي
سعد:..بتأنيب ضمير..نهاية الأسبوع الجاي او الله يسر طريقي ويسر لها طريقها
(بيت ابو سلمان)
ام فارس:يارب تعدي هالزواج على خير
نور:..رمت الاكياس اللي بيدها وتجري..عن اذنكم نزلت الترجمة
ام فارس:لاحول ولاقوة الابالله هاذي وجه زواج الله يعينك على نفسك
فرات:يمه ردوا عليك
ام فارس:ايه ردوا
فرات:..باهتمام..ايه وبعدين
ام فارس:والله مابيعجبك الكلام
فرات:..عقدت حواجبها..طيب
ام فارس:الأسبوع الجاي نهايته كتب كتابك
فرات:نـعـم!!
ام فارس:او كل واحد يشوف نصيبه
(بـالـمـطـعـم)
دانة:حبيبي آسفة
سلطان:..ماسك يدها..وانا آسف ياروحي
دانة:..ابتسمت..عسى ربي يديم المحبة بيننا ولايفرقنا
سلطان:آمين ياعيوني
دانة:..ابتسمت بخبث..حبيبي قد ايش تحبّني
دانة:..ابتسمت بخبث..حبيبي قد ايش تحبّني
سلطان:..بابتسامة..اممم قد النجوم اه لا لا قد البحر اممم لا لا قد العااااالم كله
القنوع:..وقـفـت الـلـقـمـة مـاقـدرت تـبـلـعـهـا مـن الـصـدمـة تـغيـروجهها..عن إذنك
سلمان:..عقد حواجبه..تفضلي
(بيت ام فيصل)
ام فيصل:..تضرب ليالي..
ليالي:اه يمه وجعتيني
ام فيصل:احسن عساك بالوجع
سماهر:عميمة لاتدعين عليها استغفر الله
ام فيصل:وش قلة الحيا دي شوي وبتطردينهم
ليالي:تستاهل ذي الغثا خليها تنقلع
ام فيصل:لاصار بيتك اطرديها بكيفك
سماهر:ليالي صراحة زودتيها حبتين
ليالي:لو تعرفين السبب ماقلتي هالكلام
ام فيصل:..بنبرة غضب..لـيـاااالـي
ليالي:..بعصبية..خليها تعرف امي ليه مانقولها بالنهاية بتدري من غيرنا
سماهر:..انقبض قلبها وبقلق..وش اللي صاير
ليالي:حبيبتي هاذي راااسمة على فيصل من زمان وفي كل مناسبة كانت تتعمد تتكلم عنه لدرجة الناس اخذوا فكرة انه خطيبهاوحتى بيوم زواجكم اغلب المعازيم اللي حضروا عاتبوا امي انه ماتزوجها كاننا قلنا لهم انه زوجها واللي ماعاتب ماحضر عشان خاطر أمها وعند فيصل نفس الشي صار كأنه متزوجها وتزوج فوقها
(بـالـمـطـعـم)
~~دورة المياه~~
القنوع:..تغسل وجهها وناظرت نفسها بالمراية وامتلت عيونها دموع وبابتسامة تحاول فيها تطيب خاطرها.. مستحيل مو سلطان لا مو سلطان،سلطان يحبني وهو يحبني قد النجوم لا قد البحر..بصوت مهزوز..قد العاااالم كله..نزلت دمعتها..
دانة:..دخلت وتسوي نفسها مصدومة وبابتسامة.. قـنـووووع لا مستحيل..تسلم عليها..كيفك وينك ماعاد تسألين نسيتينا ولا حتى اتصال منك بالغلط يوصلنا
القنوع:..بابتسامة..والله ياقلبي موجودة لكن انتي اللي تعتذرين ولا تحضرين جمعاتنا
دانة:المهم حابة أبلغك بخبر مرة حلو أنا وسلطان مخطوبين لبعض من فترة وبنتزوج قريب ان شاء الله
القنوع:..بربكة..ماشاء الله الف الف مبروك حبيبتي الله يتمم لكم على خير
دانة:الله يبارك فيك ياقلبي ياالله عن اذنك أتأخرت على حبيبي أشوفك على خير سلام
عند سلمان)
سلمان:..يناظر ساعته..غريبة تأخرت..شرب عصير رفع عينه كح..
**عند الطاولة اللي خلفهم**
دانة:اسفة حبيبي تأخرت عليك
سلطان:عادي ياقلبي
سلمان:..رفع حاجبه..اجل ذا الحب عندك هين
القنوع:..راجعة..
سلمان:..لمحها واعتدل بجلسته..
القنوع:..جلست..
سلمان:.بابتسامة.. وش رايك نمشي بالممشى
القنوع:..بصوت مهزوز..ايه افضل
سلمان:..وقف ومد يده لها وبصوت يسمعه سلطان.. مشينا ياحبي
سلطان:..رفع عينه وانصدم يوم شاف سلمان..
القنوع:..مصدومة من حركة سلمان لكن حطت يدها بيده..
سلطان:..فار دمه لمَ شاف القنوع مسكت يد سلمان..
سلمان:اوه لحظة حياتي..اخذ شنطتها منها وابتسم لها..الحين نمشي يالعمر كله
سلطان:..يغلي من اللي يشوفه ووضح على وجهه..
سلمان:..مرّ من جنبه وناظره برضا مع ابتسامة اعتلت وجهه وخرجوا من المطعم..
سلطان:..يلحقهم لاشعوريا وعينه عليهم..
سلمان:..فتح باب السيارة للقنوع..
القنوع:..شافت سلطان وركبت..
سلمان:..عطاها شنطتها و ركب السيارة وسحب حزام الامان وقرب وجهه من وجهها..
القنوع:..رجعت نفسها لورا..
سلمان:..رفع عينها وابتسم لها وهمس..لاتخافين بس بقفله
سلطان:..بكل ماااافيه من حقد وقهر.. والله لاخليك تندم
دانة:..داخل المطعم بدمعة القهر.. بنسيك القنوع ياسلطان اه هين بعلمك من تكون دانة
(بيت فيصل)
سماهر:..تناظر فيصل وثم تشيل عينها اذا انتبه..
فيصل:خير يالقلب
سماهر:اممم مافي شي تبي تقوله
فيصل:..بقلق وبنفسه..لايكون عرفت..شي مثل ايش
سماهر:خلاص سلامتك
فيصل:لحظة لحظة وش اللي سلامتك
سماهر:خلاص مشهااا
فيصل:وش اللي امشيه قولي ايش فيك
سماهر:مافيني شي
((بـالـمـمـشـى))
القنوع:..تمشي وعيونها بالأرض..
سلمان:..يمشي وراها وتارك بينهم مسافة..
القنوع:..قعدت فجأة ع الأرض وضمت رجولهااا تبكي..
سلمان:..تنهد وجلس جنبها يناظرها..
القنوع:..بقهر..لــيــه ؟؟؟..بعيون مليانة دموع..ابـي جـواب لــيــه؟؟
سلمان:..عقد حواجبه..وشو
القنوع:..ناظرته بحقد..ليه انتم خاينين
سلمان:..انصدم من سؤالها وحط يده على راسها ومسح عليها بشويش وناظرها بـحـنـيـة..مو كل الرجال خونة ومو كل الحريم مخلصات
القنوع:..بوسط دموعها..طيب ليه وش مصلحته وش هدفه أنا ماضريت احد بحياتي أنا ما
سلمان:..قاطعها..أووووش انتي مالك ذنب هو اللي ماملت عينه النعمة اللي قدّامه هو اللي ماقدر الشي الحلو اللي عنده
(بيت ابو سلمان)
سماهر:يمه تعب علينا نور وبعدها على طول فرات
ام فارس:عاد ايش اسوي ان شاء الله ربي يفرجها
نور:يـــووووه تــعـــب
فرات:التعب علي انا بعد زواجك ملكتي الهالات بتكون لنهاية وجهي
ام فارس:الله المستعان ربي يسرها لنا
:::::::.:::::::::::::::::::::::::::::::::::::::::: ::::::::::::
سلطان:ايه ابي انتقم
.......:قادر على هالشي
سلطان:..بكل حقد..مايهمني حتى لو مت
.........:امممم يعني مستعد
سلطان:قلت لك مايهم حتى لو مت ياهو ياأنا
::::؛:؛:؛:::::::::::::::::::::::::::::::::::::: ::: :::::::::::::
(بيت ابو سعود)
غدير:..تمددت بتعب...ااااه خلصت الحمدلله وأخيرا
جمانة:..تمددت جنبها..الحمدلله خلصنا
ام سعود:ان شاء الله بس العريس مستعد
سعود:..داخل ويهمهم مبسوط..
غدير:مـاشـاء الله الأخ مروووووق
سعود:..بابتسامة..وليه ماأروق وزواجي على وشك
جمانة:خلصت أغراضك
سعود:أوووووه من زمـااااان
غدير:غصب من زمان كلها كم ثوب وكم غيار داخلي
وانتهينا
سعود:لا حبيبي مو بس كذا تطورنا ترا وشغلات كثيرة بس خلصت بدري مو مثلكم يومي بسنة
(بيت ام فيصل)
ام فيصل:ليالي خلصتي أغراضك
ليالي:..تاكل..ايه يمه من زمان
منصور:يمه
ام فيصل:قلت لك بدري
منصور:يمه انا ماقلت الحين بس كلمي خالتي بينك وبينها
ليالي:اه قصدك حجز ليه شايفنا أغراض
منصور:اسكتي انتي برأسك محجوزة
ليالي:عالاقل زواجي محدد
منصور:..لف..يــــمـــه
ام فيصل:لا اله الا الله
(بيت فيصل)
سماهر:..حطت الاكل..تفضل
فيصل:وانتي مابتاكلين معي
سماهر:مالي نفس
فيصل:سمسم وش فيك ضايق خاطرك
سماهر:..عينها بعينه..ماتبي تقول شي
فيصل:والله مافي شي عشان أقوله انتي فهميني طيب
سماهر:..قامت..سلامتك
(بيت سلمان)
القنوع:..داخلة تجر خطواتها بخيبة..
سلمان:..وراها..انا اليوم عندي شغل كثير بسهر عليه بالصالة خذي راحتك بالغرفة
القنوع: اه طيب على راحتك..دخلت الغرفة ورمت نفسها ع السرير..أنا ايش سويت له عشان يضرني..نزلت دمعتها..وش مصلحته انه يأذيني أنا اصلا ماسويت له شي..تتذكر كلامه وضحكت..كنت هبلة وغبية كيف صدقته..صرت ع أسنانها وبدموووعها..كيف ابتسمت له كيف كنت اضحك له وهو يلعب عليّ..دفنت راسها بمخدتها تبكي..وَذَا بعد شلون خليته يشوفني بذي الحالة كيف بقابله بعدين..تزيد بكى..اكره اشوف احد يشفق علي ليه ليه انا ضعيفة كذا..كملت بكى..
سلمان:..رايح راجع عند باب الغرفة..ان شاء الله مايصير لها شي انا ماتحملت شلون هي..بحقد..وهالسلطان انا اعلمك وشلون تلعب ببنات الناس
(((يوم جديد)))
سلمان:..نازل عالدرج..
::::؛؛:؛:::::ع الفطور::::::::::::؛؛؛
ام فارس:يمه سلمان تعال أفطر معنا
سلمان:..يبوس راسها..صباح الخير يمه
ام فارس:صباح النور والسرور ياوجه الخير كيفم اليوم يايمه
سلمان:الحمدلله تمام
نور:..بزعل..ايه الكلام الحلو عالصباح بس للشباب وانا خليني ساكتة بس
فرات:..بنفسها..محد تكلم
سلمان:..عقد حواجبه مستغرب وضيع الشك وبنفسه.. يتهيأ لك
مروان:حتى أنا انتم لكم نصيب
فارس:فعلًا
سلمان:..ابتسم..نور حبيبي انتي صبّح صبّح ياجميل خفي علينا يالعسل وين نلاقي صبح حلو بدونك
نور:..تضحك..وااااه مت مت يابختك ياقنوع فيه احد يصبح عليك هو عسل وكلامه عسل مااقدر مااقدر
سلمان:..ضحك..
فرات:خففوا خففوا كمية الغزل فيه ناس تحت السن القانوني هينا..تناظر فارس ومروان..
ابو سلمان:..دخل..السلام عليكم
الكل :وعليكم السلام والرحمة
سلمان:...تغير وجهه...