الفصل 11
بيت ام سعد)
سعد:..باستعجال..ها يمه وش قالت
ام سعد:والله مدري وش اقول
سعد:..انقبض قلبه..يمه وش فيك ليه وجهك متغير عليّ
ام سعد:كل شي في الدنيا قسمة ونصيب وهي مو من نصيبك يايمه
سعد:..بصدمة..كيف ..يجمع أفكاره..طيب وش سبب الرفض
ام سعد:يايمه انت مايعيبك شي لكن فرات مالها نية بالزواج ابد
سعد:كيف مالها نية قلتي لهم أن ماعندي مانع انتظر
ام سعد:هي مالها نية ابد انت مالك شغل بالموضوع
سعد:..بغبنة واضحة عليه وبنفسه..هين أنا اعرف كيف أجيبك
(بالبرازيل)
::بالمطعم::
سلمان:اذا خلصتي اكل انتظريني قدام المطعم لاتروحين بعيد
القنوع:ليه وين بتروح
سلمان:بروح مشوار قريب هينا
القنوع:انا بروح للكوفي اللي قدام المطعم اطلب لك معي
سلمان:لا مشكور خلاص باانتظر معك لحد ماتخلصين اكل واوصلك وأروح مشواري
القنوع:اوكي
سلمان:..مسك جواله يقلب فيه..
(بيت ام سعود)
ام سعود:ماشاء الله اليوم اليوم العالمي للأخبار الزينة
غدير:عساه دوم ان شاء الله وش الجديد
ام سعود:جمانة يمه متقدم لك واحد يازينه
غدير:..تاكل فصفص.. اكيد فارس او مروان بس دامك قلتي يازينه فأكيد فارس خابرتك تموتين عليه
ام سعود:انتي وش خصك الحين
غدير:اصلا عادي
ام سعود:ماودي تعرفين من هو
جمانة:..بهدوء..من يكون
ام سعود:مروان
غدير:..تضحك..قلت لك واحد منهم بس غريبة مو فارس
ام سعود:وانا قلت لك اسكتي ها وش رايك
جمانة:بكيفكم يمه
غدير:زوجوها يمه خلينا نستفيد شوي من غرفتها نخليها مستودع إضافي مثلا
ام سعود:الله يعيني عليك شكلي ببقى انا وانتي بهالبيت وتنشبين لي
(بالبرازيل)
سلمان:..يمشي ثم وقف واعتلت وجهه صدمة..
:::الحوار بالبرتغالي:::
.........:..بابتسامة..أوه لقد تقابلنا مجددا
سلمان:..ابتسم..مرت سنوات منذ اخر مرة صحيح
.........:اعتقد ان الوقت حان
سلمان:..باستغباء..اممم لمٓ يحين الوقت مِن اجل ماذا يحين
.......:..ابتسم وحرك لسانه بغبنة..انتٓ تعلم جيدا لمٓ حااان
سلمان:حقًا إذن أراك لاحقا..هرب وبنفسه.. يارب القنوع تروح للشقة على طول
:::الكوفي:::
القنوع:..تفكر..كيف وافقت اطلع معه اصلا كيف وافقت اتزوجه..خرجت برا الكوفي مشت وتنهدت..شكلي بديت أتقبل الوضع بعدين هو ماغلط معي بشي بالعكس يحاول يكون طيب معي بس ليه احس في حاجز بيننا ليه ماابلعه ولا ارتاح له اه الله يستر من نهاية هالكبت اللي انا فيه
..........:..سحبها من يدها..
القنوع:..اعتلت وجهها الابتسامة..
(بيت ام فيصل)
ليالي:هلا أمي
ام فيصل:اجلسي خلينا نونس بعض
ليالي:..بققت عيونها..يمه فيك شي
ام فيصل:بِسْم الله وشو وش اللي فيني
ليالي:تبينا نسولف ماقد عزمتيني اسولف معك
ام فيصل:اللي يسمعك يقول ماقد قلت لك كلمة حلوة
ليالي:مو قصدي بس غريبة يعني خلاص خلاص قفلي عالموضوع هلا امريني وش تبيني اسولف فيه
ام فيصل:انتي خاطبك واحدٍ قريب
ليالي:..انقبض قلبها وبتردد..من هو
ام فيصل:فارس ولد خالك
ليالي:..ماقدرت تتحكم بتعابير وجهها اللي باين فيها الفرحة وباستغباء..خطبوني انا متاكدة ايش الطاري
ام فيصل:..بنص عين..ناقزي ناقزي من الفرحة عرفت رايك مايحتاج تقولينه
(بيت ابو سلمان)
::عالعشا::
فارس:..جالس عالاكل بدون ماياكل..
مروان:..يشرب موية بس..
فرات:..تنتقل عيونها بين مروان وفارس بشك..
نور:فرّوس مرمر
مروان:..رفع عيونه عليها بشويش..
فارس:..مارد ولا كلّف نفسه يناظرها حتى..
فرات:بِسْم الله وش فيكم قلبي يقول صاير شي
ام فارس:يمكن قلق الزواج
فرات:..بصدمة..نعم
نور:وشو
فرات:الخايبين بيتزوجون
نور:..تضحك..خليهم يحصلون وظيفة اول
فرات:..بقلق..وش فيكم العادة تاكلونا وش فيكم تكلموا
مروان:..بصوت باين فيه التردد..مافينا شي
فارس:..قام..عن اذنكم
مروان:..شرب موية وقام..عن اذنكم
فرات:..تلف على أمها..يمه والله عيالك فيهم شي
نور:صدق يمه فيه شي صاير
ام فارس:اعوذ بالله منكم تفاولون على عيالي مابهم شي شايلين هم الرد والوظيفة
فرات:أمي ليالي كانت تتكلم عن حالة فيصل لمى ينتظر الوظيفة والرد بعد ماكان مثل هالاثنين هدوءهم غريب
نور:بروح لهم
ام فارس:ياويلكم مابهم شي اتركوهم
(بالبرازيل)
القنوع:..بققت عيونها واختفت الابتسامة..
.........:..بصوت مقطوع من الانفاس السريعة وبضحكة.. اخيرا وصلت لك
القنوع:..شافت نص وجهه اللي مليان ابتسامة ويضحك ثم ناظرت يده اللي ماسكة يدها..
سلمان:..بوسط انفاسه السريعة..كويس انك لبستي سبورت اليوم اجري بأقوى ماعندك وامسكي يدي زين
فرناندو:..بصراخ وجري ورا سلمان بالبرتغالي..سأمسك بك وإذا لم افعل ذلك بنفسي سيحضرونك جماعتي
سلمان:..بالبرتغالي..اذا أمسكت بي افعل ماتشاء
::وصلوا المترو وأول مادخلوا سلمان والقنوع تقفلت أبواب القطار:؛
فرناندو:يصارخ ويضرب الباب..
سلمان:..يمد لسانه له..
فرناندو:..بصراخ وبقهر..سأمسك بك سأمسك بك
::مشى القطار::
القنوع:..جلست ومستغربة من حركات سلمان الطفولية..
سلمان:..راكع يلهث وضحك بصوت لدرجة كل اللي حوله لفوا يناظرونه جلس عالارض وبوسط انفاسه..آآآه
القنوع:وش يبي منك وليش يصارخ وش يقول
سلمان:..بوسط انفاسه السريعة..يبي يمسكني وحتى لو مسكني مايقدر يسوي لي شي
(يوم جديد)
::البرازيل::
،،الصباح،،،
سلمان:خليك أنيقة اليوم
القنوع:..باستغراب..وليه ان شاء الله
سلمان:اليوم بنروح لأليكس والبنات
القنوع:..ناظرت له بشك..ومن يكونون البنات
سلمان:..ابتسم..لايكون غرتي
القنوع:اخر همي بس ضروري اعرف كل شي تحسبًا لو صار شي بعدين
سلمان:زين زين ماابيك تحبيني ولاتفكرين تحبيني أساسا..بنبرة حزينة وعينه بقهوته..لان مافيه شي اسمه حب كل شي وهم وهم وبس
القنوع:..بنفس نبرته..فيه حب وموجود لكن مو كل شي يصير مثل مانبي احنا
سلمان:..بعصبية..لا مو موجود وكل شي كذب كذب وأوهام اللي يقول احبك لازم يحسب لها الف حساب قبل ينطقها ذي كلمة صعب تنقال لأي احد..بعيونه اللي امتلت دموع.. اكبر غلط لمى تقول هالكلمة لشخص مايستاهلها لان هالشخص راح يقلب حياتك ويتركك ترجع للوحدة المرعبة اللي كنت فيها لكن هالمرة الوحدة اقسى لأنك عرفت معنى الحياة مع شخص تحبه..نزلت دمعته وصد عنها..
القنوع:..مصدومة منه..
سلمان:..بصوته المهزوز..مثل ماقلت لك اجهزي وخليك أنيقة بوضح لك كل شي بالطريق
القنوع:..بهدوء..حاضر
(بيت ابو سلمان)
ام فارس:..شايلة البخور..
فارس:..نازل..صباح الخير
ام فارس:صباح لنور..تبخره..
مروان:..نازل شاف فارس وقف..
م فارس:تعال يمه تعال بِسْم الله ماشاء الله..تبخرهم..
مروان:..عيونه بالأرض..
ام فارس:لا اله الا الله الله يحفظكم لي ويوفقكم ويسهل عليكم وظايفكم يايمه عقبال ماابخركم بليلة زواجكم
مروان:..وجهه تغير..
فارس:..مارد..
نور:امين يمه امين
ام فارس:..بفرحة..فارس ترا ردوا علينا
فارس:..بلع غصته ويتصنع الابتسامة ..صدق
ام فارس:ايه يايمه الف الف مبروك الله يتمم لك على خير ياولدي
مروان:..وجهه قلب احمر..
فارس:..بصوت مهزوز..الله يبارك فيك ويخليك لنا
نور:وش فيكم إنتوا الاثنين مافي اي بوادر فرح كأن أمي قايلة لكم خبر شين وبعدين مرمر ليه ماسألت اذا ردوا علينا او لا بموضوعك
ام فارس:اسكتي انتي مالك شغل لاتخاف يايمه بيردون لاتشيل هم بدري لسى باقي وقت الحين يالله امشوا الحقوا عالدوام ونادوا لي السواق معكم
مروان:انا ابي السواق يمه ابيه يوصلني عندي شغلة ابي اخلصها
ام فارس:طيب اذا خلصت قول له يجيني
مروان:ان شاء الله
(بيت ام سعود)
سعود:..يفكر بكلام فيصل..
ام سعود:..قاطعت أفكاره بصوتها..سعود سعود
سعود:هلا يمه
ام سعود:..بفرحة..البشارة يمه البشارة
سعود:..بابتسامة..وافقوا يمه
ام سعود:ايه وافقوا وافقوا الف مبروك يايمه
سعود:الله يبارك فيك ..يسلم على راسها..
(بالبرازيل)
:::حديقة اليكس::::
القنوع:..جالسة لوحدها وتشرب عصير جابه لها سلمان ونبهها ماتشرب غيره..
:::الحوار بالبرتغالي:::
اليكس:..خال سلمان بزعل..لماذا لم تخبرني عن زواجك ثم كيف تتزوج بهذه السرعة
سلمان:..رفع كتوفه وبابتسامته المعهودة..سارت الأمور على هذا النحو ماذا افعل اذا
اليكس:ماذا عن ساندرا
سلمان:..تغير وجهه..ماذا بشأنها
اليكس:هل نسيتها بهذه السرعة حقا حتى تتزوج..بشك.. ام هناك شي اخر اصدقني القول
سلمان:لم أعد اهتم لأمور مضت ثم انني الان في شهر العسل مع زوجتي لم تفتح مواضيع قديمة كهذه
اليكس:..بنص عين..هل هي حقا بهذا القدم ..يتفحص القنوع بعيونه..اتعلم تبدو لطيفة ومسالمة
سلمان:..يناظر خاله من فوق لتحت..ولمٓ تدقق بزوجتي بهذا الشكل
اليكس:..يضحك..بالقصد شيئا ابدا لكن..يغمز له..تبدو جميلة صحيح ليست بجمال ساندرا لكن لديها جمال مختلف تماما
سلمان:..ابتسم ابتسامة خالطها حزن ويتظاهر بالعكس.. بالتأكيد هي جميلة فهي تحمل جمال العرب
اليكس:..تنهد..اه منك لاتقل مثل هذا الكلام قولك هذا هو ماسبب لك الكثير من العداوات
سلمان:..بشوفة نفس..لإني صريح لهذا لايحبون ماأقول لهذا السبب أتلقى الكثير من الكره ..يرفع أكتافه..رغم انني طيب القلب حقا
اليكس:..يضحك..لاتترك عادتك هذه ابدا
::طاولة القنوع::
القنوع:..بنفسها..قاعد لي هناك يطق حنك مع ذَاك الاشقر وانا لحالي مااعرف احد..تنهدت..اه طفش..ابتسمت..لو غدّورة هنا بتنجن مزز مليانين تحطهم بحسابها
........؛كلام بالبرتغالي
القنوع:..رفعت عيونها..خير وش تبي ذي..ناظرت البنت من فوق لتحت وبالانجليزي..عفوا لاأفهم ماتقولين اخبريني بالإنجليزي فضلا
..........:..مسكتها بيدها وسحبتها ومشت..
(بغرفة ببيت اليكس)
القنوع:..جالسة وتتلفت بالغرفة..ماشاء الله مرة روقان الصراحة
::::كلام البنات بالبرتغالي::::
بنت1:..واقفة قدام القنوع..اخبريني مالذي فعلتيه حتى تكسبي احترامنا
بنت2:..دفتها ووقت قدام القنوع..اخبريني مالشيء المميز الذي وجده فيك حتى اختارك
بنت3:..دفتها..اخبريني كيف استطعتي الفوز. بعزيزنا سام
القنوع:..تناظرهم مو فاهمة شي..مبين من أشكالكم مستلميني تهزيء وانا ساكتة لكن..وقفت..اسمعي انتي وإياها..تأشر عليهم..انتي وانتي وانتي لاتحسبون عشاني جالسة لوحدي أني مسكينة واخاف ..بصوت عالي..لا حبيبتي لا ياماما انتي وهي تراني تدريب فرات وغدير ياعسل..بالإنجليزي..اذا لمستوني لن تخرجوا من هذه الغرفة احياء
سلمان:..فتح الباب..انتي هينا وانا أدور لك..ابتسم..اجل بدوا تحقيق معك
القنوع:..باستغراب..تعرفهم
بنت1:..لفت على سلمان وبحماس..لقد أحببتها سام
بنت2:لم افهم ماقالت بالتحديد لكن فهمت انها تريد العراك معنا..بابتسامة..لقد أحببتها انها رائعة
بنت3:..بابتسامة..انك محظوظ سام ليست مثل تلك الثعلبة التي بكت ولم نفعل شيئا لها
سلمان:..تغير وجهه..
القنوع:..ترفع أكمامها ..وش قالوا لك انا بأدبهم لك ادري مابتضربهم
سلمان:..ضحك على شكلها..
القنوع:..بنفسها..ليته دايم يضحك بدل هالحزن اللي يحاول يغطيه
سلمان:لا عادي هذولا بنات خالي كانهم اخواتي تربيت معهم عندك ليليانا(1)،روزالينا(2)،كارول ينا(3)
::الحوار بالإنجليزي::
ليليانا:..تمسك القنوع وبابتسامة..انتي حقا لطيفة
القنوع:..مصدومة تناظرها وبربكة..شكرا
كارولينا:ولان سلمان يبحث عنك بهذه الطريقة لابد من انك حقا لطيفة ومحبوبة..تغمز لها..خصوصا من جهته
القنوع:..منحرجة..شكرا شكرا
روزالينا:..تدف سلمان تخرجه برا الغرفة وبالبرتغالي..لدينا أمور خاصة نريد ان نتحدث عنها بدون فتيان
سلمان:حسنا حسنا لكن اريد ان اخبرها شيئا
روزالينا:..متكتفة..بسرعة
سلمان:القنوع
القنوع:نعم
سلمان:متى تبين نمشي
القنوع:ماصدقت لقيت احد أتعرف عليه تبيني امشي
سلمان:كأن الجو عجبك
القنوع:..بحماس..وناسة أترزز قدام البنات عندي صديقات برازيليات بس بيكون احسن لو..حست بنفسها..اقصد ماراح نطول شويات وبنمشي
سلمان:خذي راحتك عادي..خرج وبنفسه..يارب ماتجي
(بالشركة)
مروان:..برا الشركة يتمدد..اااااه
فارس:..بعيد عنه مسافة خطوات وماانتبه لمروان..اه تعب
مروان:تعب وبس الا..استوعب الصوت لف بسرعة يناظره..
فارس:..عرف صوته مشى بدون لايناظره او حتى
يكلمه..
مروان:..نزل عيونه بالأرض وبابتسامة قهر..استاهل
//////////////////////////////////////////////
مجهول2:ها بشر وش اللي صار
مجهول1:والله ياطويل العمر بالنسبة لسلمان مثل ماانت عارف هو برا الدوام الحين لكن عندي شي بيبسطك ان شاء الله
مجهول2:عساه شي يعوض عن اهمالك
مجهول1:..بابتسامة ثقة..شي بيعجبك مثل ماقلت لك
(بمقهى الشركة)
فارس:..يشرب قهوته ويقلب بجواله..
......:..بابتسامة..السلام عليكم
فارس:وعليكم السلام والرحمة تفضل حياك الله
.....:..جلس..الله يسلمك ويبقيك كيفك عساك طيب
فارس:الحمدلله تمام
......:كأنك ماعرفتني
فارس:العذر والسموحة منك لا والله ماعرفتك
.....:أنا وائل موظف جديد معك انت والزميل مروان
فارس:..بابتسامة..ياهلا والله حياك الله تشرفنا
وائل:الله يسلمك والشرف لي والله
(بالبرازيل)
القنوع:..نازلة عالدرج مع البنات..
سلمان:..تنهد وبنفسه..الحمدلله ماجات
.......:..حاوطت سلمان بيديها من وراه..
سلمان:..قشعر جسمه..
.....:.لفت وصارت قباله وهي محاوطته ورفعت عيونها عليه وبغنجها الجذاب همست بلغتها البرتغالية..لقد اشتقت لك حقا أين ذهبت عزيزي لمَ رحلت وتركتني وحيدة
سلمان:..حمّر وجهه وشال يديها عنه..لقد كنت خارج البلد
......:..ترجع يديها عليه وتشده لها..لقد خنتني مرة وتزوجت ساندرا والآن لن أتركك ترحل بعيدا عني لاتفكر بخيانتي مرة اخرى
سلمان:..يبعدها عنه وبحزم وجدية..لقد أخبرتك أني لا أكن لكي اي مشاعر ابدا لا أراك سوى زميلة دراسة فقط لوريتا
لوريتا:..ترجع يديها عليه وبغنجها..لقد أخبرتك أني سأنتظرك انا لا ارى رجلا سواك لمَ تفعل ذلك بي لابأس سأنتظرك حتى تراني انا موجودة من اجلك دائما وفي كل وقت
القنوع:..ماتحملت المنظر فكتهم ومرت من بينهم..
لوريتا:..بعصبية..ايتها الوقحة كيف تجرؤين
القنوع:..بالإنجليزي..أوه ياعزيزتي يبدو انك غاضبة جدا..تناظرها من فوق لتحت..لكني لااهتم ليس جميلا ان ترمي الفتاة كرامتها وتلقي نفسها لرجل لايريدها ثم من الأفضل ان تذهبي وترمي قذارتك في مكان اخر..مشت..
لوريتا:..فار دمها وبالبرتغالي..من هذه الفتاة السيئة من دعاها لهنا
سلمان:..ابتسم ونزل وجهه لمستواها..
لوريتا:..ارتبكت ورجعت خطوة لورا..
سلمان:..بابتسامته..انها زوجتي
~~بعد اسبوع~~
(بيت ابو سلمان)
(بيت سلمان)
سلمان:..خارج من الغرفة شاف القنوع بالصالة.. انتي مانمتي
القنوع:انتظرك تصحى
سلمان:..عقد حواجبه..بغيتي شي
القنوع:تفضل اجلس
سلمان:..جلس..هلا وش تبين
القنوع:..تمد له ورقة..تفضل
.
بيت ابو سعود)
ابو سعود:ام سعود بلغي ام فارس بنجيهم نخطب رسمي
ام سعود:صدق ياأبو سعود
ابو سعود:امزح معك يعني
ام سعود:لا والله العذر منك يابوسعود ماقصدت بس من الفرحة تلخبط الكلام
أبوسعود:مثل ماقلت لك حددي الوقت معهم
(بيت فيصل)
فيصل:..يقلب بالتلفزيون..اقول حبيبتي
سماهر:..تصب الشاهي..هلا حبي
فيصل:خالتي لها علاقة بالاقتصاد
سماهر:..وقفت صب الشاهي وناظرته باستغراب..ليه
فيصل:..بابتسامة..بسألها هالسكر اللي قدامي كيف حافظت عليه كل هالمدة
سماهر:..بابتسامة تحاول تكتم ضحكتها على سماجته.. انا مدري ايش اقول صراحة
فيصل:..ناظر لها وقرب وجهه منها..قولي ياازين من يقول عندي
سماهر:..ابتسمت..اقول ربي لايحرمني
فيصل:ولايخليني منك ياروحي
(بالشركة)
(قسم فارس ومروان)
وائل:لو سمحت فارس شيك على التقرير
فارس:..بوسط شغله المزحوم..حاضر
وائل:..لف على مروان..أستاذ مروان تاكد لي من قسم التسويق ردوا لك
مروان:قالوا لي انتظر شوي وبيردون لي
سامي:..مدير قسمهم..الموظفين الجدد يتفضلون مكتبي
(بيت ابو سلمان)
ابو سلمان: متى بيجون
ام فارس:بكرة ان شاء الله
ابو سلمان:حاولي تعجلين الموضوع
ام فارس:الله يهديك ماتهنينا بزواج عيالنا من العجلة اللي صارت لنا تبي نور مثلهم بعد
ابو سلمان:حتى فارس ومروان مثلهم بعد
ام فارس:لا تكفى نبي نحس بهم وننبسط
ابو سلمان:وانا قلت لاتنبسطون سووا اللي تبونه محد رادكم وبلغي سلمان من بكرة يداوم
ام فارس:توه واصل من سفر خله يرتاح
ابو سلمان:مثله مثل اي موظف بالشركة
ام فارس:ان شاء الله
(بيت سلمان)
سلمان:..جالس عالطاولة قبال القنوع ويتفحص الورقة زين..طيب هذا اللي تبينه متأكدة
القنوع:ايه بس انت قريتها زين
سلمان:امممم اي
القنوع:عندك اي اعتراض
سلمان:الصراحة ايه
القنوع:اللي هو
سلمان:..تكى عالطاولة وقرب وجهه من القنوع..انا خايف عليك انك بعد هالشروط ماتتحملين فراقي
القنوع:..قربت وجهها منه لدرجة نفسه يضرب بوجهها وبنص عين..تطمن راح نكمل اتفاقنا لنهاية المدة المنتظرة
سلمان:..لصق انفه بأنفها وناظر بعيونها ثم وقف وبنظرة ثقة وغرور..
سلمان:..لصق انفه بأنفها وناظر بعيونها ثم وقف وبنظرة ثقة وغرور..عالعموم اذا فعلا ماذبتي بغرامي بهالمدة فبتكونين اول وحدة وبعترف بالخسارة قدامك
القنوع:استعد وتهيأ للاعتراف
سلمان:..ابتسامة على وجهه استغربتها القنوع.. نشوف..مشى للغرفة..
القنوع:..أخذت نفس ورفعت يدها تناظرها ترجف..الحمدلله توقعته يسمع نبضات قلبي الحمدلله ماحس ..مسكت وجهها..وش ذَا الجرأة اللي فيني يمه بغيت اموت كيف قربت وجهي منه
::بالغرفة::
سلمان:..وجهه احمر يهوي على نفسه بيديه ويروح ويجي بالغرفة..ماتوقعت حركتها صدمتني كويس سيطرت على نفسي قدامها..ابتسم..بس واثقة من نفسها بقوة نشوف بعدين ..عقد حواجبه..وش ذي الحركات اللي أسويها معها ماكنت كذا قبل مع ..سكت وتكدر خاطره وبحزن..قفل على قلبك ياسلمان لاتصدق اي كذبة كل هالمشاعر الحين مؤقتة وبتعرف انها اوهام وبترجع تبكي مثل قبل..بعيون مليانة دموع.. ماراح اسمح لأي احد يلعب فيني
(الشركة)
:::قسم مروان وفارس:::
~~~مكتب المدير~~~
سامي:من هو اللي طبع تقرير المنتج رقم 10
،،ساكتين،،
سامي:..بعصبية..تكلموا
مروان:..ناظر وائل..
فارس:..أستاذ سامي مروان هو المسؤول عن طباعة التقرير
مروان:..اعتلت وجهه الصدمة رفع عيونه على فارس مو مصدق اللي يسمعه..
وائل:..ناظر فارس واسترسل بالكلام..صحيح أستاذ مروان هو المسؤول
مروان:..نزل عيونه بالأرض ولاتكلم ولا حاول ينفي..
سامي:إنتوا عارفين ان هالمشروع مهم وفريق المدير خالد طرف فالمشروع وهو أفضل فريق بالشركة ولو حصل اي غلطة من اي فريق متعاون بتكون عواقب هالمشروع خسائر فادحة للشركة
مروان:..بصوت فيه غصة..آسف ان شاء الله ماتتكرر هالغلطة
سامي:وائل فارس تفضلوا كملوا شغلكم
وائل:..خرج..
فارس:..مرّ من جنب مروان واعتلت وجهه ابتسامة وخرج..
مروان:..انصدم الابتسامة طعنة فقلبه مدلولها حقد..
سامي:اسمعني يامروان انا ادري ان الوضع جديد عليك لكن شف زملائك تأقلموا ماشاء الله حاول تجاري الوضع وتلحق زملائك فريقنا مهم لانه معروف بدقة شغله ومو اي احد يتعين بفريقنا لهالسبب ماراح اسمح باي خطأ رجاءًا راجع التقرير وأتمنى هالمرة يكون شغلك تمام
مروان:ان شاء الله وآسف مرة ثانية عن إذنك
(يوم جديد)
:::بيت ابو سلمان:::
؛؛عالفطور؛؛؛
ابو سلمان:وين مروان وفرات
ام فارس:فرات راحت من بدري تقول عندها امتحان تبي تراجع بالجامعة ومروان ماشفته من طلع لدوامه امس
مروان:..داخل..السلام عليكم
ابو سلمان:وينك فيه من امس
مروان:..بابتسامة مليانة ذبول وتعب..انا بالدوام والحين جاي أبدل وراجع دوامي
ام فارس:اعوذ بالله وش ذَا الدوام اللي مايتركك ترتاح شف فارس مرتاح ماشاء الله عليه إنتوا مو قلتوا أنكم بنفس القسم
فارس:..صدّ عنه وكمل أكله..
مروان:..ناظر فارس ثواني ثم شال عينه وابتسم..احنا بنفس القسم صحيح لكن انا ماخلصت شغلي ووعدلت على المشروع ولازم يتسلم اليوم
نور:..بنص عين وبنفسها..والله صاير شي بينهم
ابو سلمان:تعال أفطر وبعدين لاحق على كل شي
مروان:..بتعب..لا ماابي انا بأخذ لي نص ساعة نوم ثم برجع الدوام
(بيت سلمان)
القنوع:..صحت من النوم وطلعت من الغرفة..انت مارحت
سلمان:..يحط الفطور..بروح الحين انا تأخرت هذا فطورك
القنوع:اعتقد الاتفاق اللي بيننا مايلزمك انك تسوي كل ذَا..تأشر بنظراتها عالاكل..
سلمان:..مطنش كلامها ويحط شنطته على كتفه..انا طالع أفطري زين احتمال أتأخر بالدوام لاتنتظريني بالغدا سلام..خرج..
القنوع؛..بنفسها..مرة قاتلني الاهتمام والقلق عشان انتظرك..تنهدت..وش يقصد من هالحركات..رِن جوالها برقم غريب عقدت حواجبها وردت..ألو
(بيت ابو سعود )
ام سعود:اليوم ان شاء الله
ابو سعود:خلاص انا كلمته انتي روحي لهم واتفقي معهم على كل شي
ام سعود:وجمانة
ابو سعود: وش فيها جمانة وافقت على مروان ولازم ابو سلمان يجي ويخطب
ام سعود:هو جاي ان شاء الله بس..بقلق.. انت ماقلت لي وش رايك
ابو سعود:رايي بايش
ام سعود:بخطبة مروان وجمانة
ابو سعود:الله يوفقهم ان كان بينهم نصيب
(بالشركة)
::قسم سلمان::
ناير:..يسلم عليه..حيا الله العريس
سلمان:..بابتسامته..الله يسلمك ويبقيك
ناير:كيف الزواج..يغمز له..اتهور مثلك واسويها
سلمان:..يضحك..خلك قدها وتوكل
ناير:..بنص عين..ليه احس هالضحكة وراها شي كبير كانها مصيبة وترميها علي
::بعد ماسلم سلمان ع زملائه::
رائد:يالله عالاجتماع الاستاذ خالد ينتظر
::غرفة الاجتماع::
خالد:هالمرة نبي مشروعنا يحطم كالعادة
رائد:لكن هالمرة الاعتماد على الفريق المتعاون معنا اللي فريق الاستاذ سامي
خالد:ادري وهم قدها وأي فريق يتعاون معه يكون شغلهم عالي ودقيق
ناير:ان شاء الله هالمشروع بيحطم مشاريعنا السابقة
يوسف:لكن اممم بالنسبة للفرع لسى باقي المشكلة
خالد:هاذي مشكلتنا الاساسية موقع الفرع
يوسف:..بابتسامة..وش رأيكم بسلمان
رائد:لكن العم ابو فايز جدا عصبي حتى انا وخالد ماقدرنا عليه
يوسف:صحيح ..بنظرات استهزاء..وسلمان ماكان معنا ببداية المشروع لكن ان شاء الله بيلحق عالاساسيات ويفهم الموضوع كامل
ناير:العم ابو فايز اممم..بتفكير..
سلمان:انا بقابله
ناير:لكن العم ابو فايز
يوسف:..يقاطعه..هادي هديتنا له بمناسبة زواجه
سلمان؛خلاص انا بقابله وأحاول أتفاهم معه وان شاء الله يصير كل خير
ناير:..يهمس له..لكن تراه واحد صعب
يوسف:تم نعتمد على سلمان
ناير:انا بكون معه
::ناير وسلمان بمكاتبهم::
سلمان:وش قصة العم ابو فايز
ناير:ذَا الرجال عنده عمارة فاتحها مكاتب في موقع استراتيجي بالخرج وحنا نبي محل مثلنا مثل بقية الشركات اللي قدمت له عروض وسعرنا من أفضل الأسعار لكن رفضنا وقالوا لو مابقي غيركم مااجركم واهدم العمارة بكبرها واترك الارض فاضية
سلمان:ياساتر وش سبب هالرفض
ناير:الله أعلم حاولوا لكن ماقدروا
سلمان:امممم بنشوف
:::قسم مروان وفارس::
سامي:..يقلب بالملف..ماشاء الله وش هالشغل المتقن
مروان:هذا واجبي
سامي:بس ماشاء الله عليك مبدع صراحة..بشك..الشغل اللي امس شغلك
مروان:..بتردد..ها ايه
سامي:طيب دام مصر على رايك تفضل
مروان:..خرج..
(بمقهى الشركة)
::وقت الغدا::
وائل:ليه قلت انه مروان
فارس:..نزل عيونه بقهوته..ردة فعل فقط لاغير
وائل:مسكين مايستاهل اكيد كان تعب عليه
فارس:لا ياشيخ سهل بالمرة وأي واحد يقدر يعدله بسرعة
وائل:لكن هذا العرض النهائي لفريق نساعده بمشروعه اكيد بيكون صعب وكثير
فارس: لاتشيل هم لايكون خايف بس
وائل:لا ابدا لاخوف ولاشي
مروان:..مرّ من عندهم..
وائل:مروان
فارس:..صدّ وجهه للجهة الثانية..
وائل:حياك تفضل
مروان:لا خلها مرة ثانية وراي شغل عن اذنكم
وائل:..لف على فارس..بينكم علاقة
فارس:لا ابدا
وائل:ليه احسكم تتحاشون بعض
فارس:لا يتهيأ لك
القنوع:..بتردد..نعم
سلطان:مااشتقتي لي
القنوع:..بنفسها..كيف ترضى تطعني بسؤالك ذَا وانا اموت فيك وأموت عليك..نزلت دمعتها وبصوت مهزوز.. تكفى قلت لك أنسى ذَا الرقم لاعاد تتصل انا الحين لي حياتي تكفى اتركني
سلطان:..بنبرة حزن..ليه تركتيني ليه رفضتيني ليه عشمتيني وترفضين كيف هان عليك قلبي ..بصوت يرجف..انا اول ماسمعت بخبر خطبتك ماصدقت مستحيل تكون ذي حبيبتي القنوع اكيد صاير شي اجبرها تروح لغيري قولي لي
القنوع:..قاطعته وبصراخ..كيفي انا ماابيك ولا ابي اسمع صوتك
سلطان:لحظة لحظة
القنوع:..بصوت مقطع من البكا..تكفى قفل ولاعاد تتصل على ذَا الرقم انساني وعيش حياتك الله يخليك اتركني بحالي
سلطان:لحظة لحظة بتسمعيني للاخر فيه شي لازم تعرفينه
القنوع:..عقدت حواجبها..
(بيت ابو سلمان)
::العصر::
ام فارس:حياك الله
ام سعود:الله يسلمك ويبقيك ويكرمك والله مثل ماتعرفين جايين نخطب نور لسعود رسمي
ام فارس:الله يحييكم يازين من جا وجت معه الأخبار الزينة وزين من جانا وبغى فوق القرب قرب زيادة ومثل ماتدرين حنا بعد ننتظر رد بنيتنا
ام سعود:والله الصراحة بنيتنا وافقت وومروان خير الشباب وماينرد
ام فارس:..بفرحة..صدق ماشاء الله الفرحة صارت افراح
(بيت سلمان)
سلمان:..راجع من دوامه تعبان رمى شنطته ع كنبة المدخل مشى للغرفة يدور بصيدليته الخاصة..وينه وين اختفى ..ينادي..القنوع القنوع وين راحت ذي بعد..خرج يدور لها..
القنوع:..تتابع باللاب..
سلمان:القنوع
القنوع:..رفعت عيونها له وبتافف..نعم
سلمان:..استغرب من طريقة ردها..شفتي الدوا اللي علبته ابيض وموف
القنوع:ليه قالوا لك طبيبتك
سلمان:بس أسألك يمكن اخذتيه بالخطأ
القنوع:أنا أحافظ على خصوصياتي ومااقرب من جهتك ابدا
سلمان:اوكي اوكي هدي شوي مجرد سؤال..رجع للغرفة..
القنوع:..بنفسها..باقي ماشفت شي
(بيت ابو سلمان)
::مجلس الرجال::
ابوسلمان:هلا حياك الله
أبوسعود:الله يسلمك ويبقيك أنا جاي أخطب بنتكم نور لولدي سعود
ابوسلمان:ياحياك الله والنعم في من تقدم
ابو سعود:الله يسلمك ماعليك زود
ابو سلمان:وانا ابي بنتي جمانة لمروان
ابو سعود:والنعم والله..أخذ راحته بجلسته..لكن اخاف ماتعجبك شروطها
ابوسلمان:..عقد حواجبه..اللي هي
~~بعد يومين~~
::بالمخيم::
ام فارس:اخيرا طلعنا من هالبيت يازين البر وريحة النار
ام سعود:اي والله صادقة
ام سعد:الله يجازي القنوع وسلمان بالخير لولا الله ثم هالعشا ماطلعنا
ام فيصل:اي والله لولا هالعشا اللي لهم ماطلعونا
::عند البنات::
غدير:..تنهدت..كل اللي حوالي تيكن او اولمست تيكن
ليالي:قصدك كلهم وصلتهم تذاكر
فرات:من زين هالتذاكر اللي يسمعكم يقول الزواج طوق النجاة
ليالي:..تنهدت..اه اذا كان حبيبي يازينه من طوق
جمانة:الحب شي جميل
القنوع:الرجال كلهم خونة
سماهر:اعوذ بالله وش ذَا الدخلة العرضية
القنوع:صدق ليه قلت شي كذب
فرات:..تطالع القنوع بنظرات..حتى الحريم لهم الف مكيدة
نور:بِسْم الله وش فيكم وش ذَا الكلام
غدير:..بابتسامة..مايهم اصلا اهم شي الفلورز حقيني
نور:ايه صدق وش صار
غدير:زادو زادو ماشاء الله علي اللهم لاحسد
فارس:..ينادي برا الخيمة..فرات