الفصل 10
عند الحريم)
ام فيصل:مثل ماتشوفون
ام سعد:مالها داعي صراحة وش لها هي
ام سعود:ايوا الله من دق الباب جاه الجواب
ام فارس: وبعدين هي وش لها اذا حامل او لا
ام فيصل: لا لا يفوتكم بعد تدق علي تقول مارديتي زوجة فلان طلعت حامل
ام سعد:لا اله الا الله
ام سعود:اه منك أعطيها كلمةٍ تفلق راسها نصين أنا اوريك فيك اذا قابلتها
ام سعد:اي والله خلينا نوقفها عند حدها
ام فيصل:انا ماابي المشاكل خليها تسوي اللي تبيه بس تبعد عن بيتي
ام سعود:اجل كل شوي داقةٍ عليك تغثك
ام فارس:انتي حطي لها حد عشان تستحي على وجهها
ام فيصل: ان شاء الله ادا قابلتها بتفاهم معها
ام سعد:هالاشكال مايبي لها تفاهم يبي لها نتف رموش
ام فارس:اتركونا منها الحين انا ابي اقولكم عشان يمديكم تجهزون انفسكم
ام فيصل:خير ان شاء الله
ام فارس:كل خير باْذن ربي ابي اقول حياكم الله على زواج سلمان والقنوع بعد شهر وثلاث أسابيع بالضبط
ام فيصل:وشو
ام سعود:متى صارت الخطوبة
ام سعد:وش ذَا الكلام ياأم فارس الله يهديك
ام فارس:لاتناظروني انا مالي شغل وجهي صار مثلكم يوم دريت أسألوا اخوكم هو اللي يلعب بِنَا مثل ماتشوفون
ام فيصل:ياعساه زواج الخير والبركة بس متى نلحق نجهز عاد هاذي قنوعتنا نور عيوننا
ام سعود:الف مبروك ياأم فارس الله يتمم لهم على خير
ام سعد:مبروك مبروك ياأم فارس عساه دايم الفرح ببيوتنالكن وش هالوقت محتاجين شي تبون مساعدة
ام فارس:الله يبارك فيكم جميع وجزاكم الله خير والقنوع خواتها يساعدونها وانا ابي استأذنك ياأم فيصل نبي سماهر تساعد اختها
ام فيصل:افا ياأم فارس وش ذَا الكلام هي بنتكم محد بيمنعها عنكم
ام فارس:والله من طيب اصلك ياأم فيصل
(زواج سلمان والقنوع)
[دورة المياه]
فرات:..تعدّل مكياجها..
بنت1:أقولك البنت يتيمة
بنت2:مسكينة ياحرام
بنت3:يقولون عمها غاصبها على ولده
بنت1:أكيد حبيبتي خايف على الفلوس لاتطلع برا العايلة
بنت2:أهب ياوجهه يعني مايكفيه اللي عنده يأكل حق اليتيمة
بنت3:مايروح حبيبتي كل شي عند ربي الدنيا دوارة
بنت2:أنا سمعت انها مانبي ولد عمها تبي واحد ثاني
بنت1:ايش عرفك
بنت2:صحبتي تعرف دانة اللي هي صحبة العروس تقول ان دانة كانت شاكة ان العروسة تحب واحد وتأكدت يوم شافت وجهها وهي تقولهم على خبر زواجها من ولد عمها
بنت3:ياحرام مسكينة الله يعينها اكيد الولد مثل ابوه
بنت1:الله يعينها على مصيبتها ويصبر قلبها
فرات:..مغبونة وبنفسها..لو مو زواج اخوي كان علمتكم .. رشت الموية من علبتها عليهم وصارخوا وبنظرات وتصرفات بريئة..أوه آسفة مادريت ان في احد موجود وراي ثواني بجيب لكم مناديل..تروح للخدامة..رشي على البنات اللي هناك موية ولك الف ريال الليلة
(بغرفة العروس)
دانة:ماشاء الله ماشاء الله قمر قمر
القنوع:..بخجل يحاول يغطي حزنها وتتصنع الابتسامة والفرح..صدق يعني شكلي مرتب
شوق:آيه حبيبتي لا اله الا الله تجننين عاد تصدقين كنت أتمنى تكونين لاخوي سلطان بس ماعليه اهم شي انتي عندي اهم شي تكونين مبسوطة ومرتاحة
القنوع:..تغير وجهها وبربكة..آيه عاد قسمة ونصيب
فرات:..دخلت وباين في وجهها التعصيب..لو سمحتوا ممكن تتركونا لحالنا
(عند الرجال)
سلمان:..بوسط أفكاره وبنفسه..لايكون تسرعت ياسلمان هذا زواج وحياة يعني سنين طويلة ولاتقدر تنفصل بعدين لان الحياة هينا غير مو مثل البرازيل وزيادة هاذي بنت عمك وحتى لو انفصلت بتنقلب الموازين ضدك
سعود:..قطع أفكاره..ابتسم ياعريس الكل لاحظ توترك ترا بيفسرونها غلط
سلمان:..ابتسم..لاتوتر ولا شي بس مو متعود على كل هالناس خصوصا أني مااعرف الأغلب هذا اذا ماكان الكل..بنفسه..خلاص انت غامرت ودخلت التحدي خلك قدها
(عند الحريم)
ام مشعل:الف الف مبروك ياأم فارس الله يتمم لهم على خير ويوفقهم
ام فارس:الله يبارك فيك ويسلمك والفال عندك ان شاء الله
ام مشعل:والله شوق سبقتني من الظهر راحت مع السواق تقول أبكون معها في كل شي وماشفتها للحين
ام فارس:ماشاء الله عليها شوق زينة البنات الله يخليهم لبعض ويديم صحبتهم على خير
(غرفة العروس)
فرات:..جلست وتناظر القنوع..
القنوع:..بشك..خير وش فيك
فرات:قنوع انتي تعرفين سلطان
القنوع:..انصدمت وبربكة..ها ايش تقولين انتي ايش ذَا الكلام
فرات:القنوع لانكذب على بعض قولي لي الصدق انا سامعة قبل شوي ناس يتهمون ابوي انه غاصبك وش ذَا الكلام وش اصله القنوع
القنوع:وش ذَا الخرابيط وانتي تصدقين اي شي تسمعينه
فرات:يقولون مافي نار بدون دخان القنوع
القنوع:وش تقصدين
فرات:بخصوص ابوي متاكدة انه ابوي مو غاصبك لكن بخصوص سلطان
القنوع:..نزلت الدمعة المحبوسة..لو سمحتي لاتفتحين صفحات وجروح قديمة فرات وبعدين من قالك عن سلطان
فرات:..بعصبية..يعني بتبدين حياة جديدة يكذب بتبدين حياة مع سلمان وانتي كارهته وتمثلين عليه بتخدعينه وانتي تتاملين فراقه مافي شي اسمه صفحة وانتهت قنوع انتي كل ملامح وجهك تنطق بالحزن كنت حاسة ان فيه شي بس مكذبة نفسي طلع كل ذَا الحزن على سلطان وانا المسكينة اللي كنت مصدقتك يوم كنتي تحطين الs على بالي سلمان طلع المقصود غيره
القنوع:..بصراخ..انتي مالك شغل بحياتي الخاصة وَذَا الموضوع انا حرة فيه وكيف اتعامل معاه لو سمحتي لاتتدخلين
فرات:..بصراخ..لا حبيبتي الغلط مايتعالج بغلط مثله وانتي كذا تهدمين حياتك وحياة اخوي اللي ماله ذنب
القنوع:قلت لك لاتتدخلين بأدب لاتخليني أغلط عليك
نور:..تفتح الباب مفجوعة.. وش صاير
(عند الرجال)
فارس:..يهمس..سلمان البنات يبونك داخل
سلمان:حاضر
فارس:اروح معك
سلمان:لا مايحتاج البنات موجودات أكلمهم ووحدة منهم تطلع لي
(المدخل الخلفي حق العروس)
سلمان:..يمشي وعيونه بالأرض وبنفسه..ياترا كيف بتكون ردة فعلها اذا قلت لها..تنهد..ماعليه بتتفهم موقفي ان شاء الله..وقف وعقد حواجبه..حياك الله لكن مدخل الرجال الجهة الثانية
......:..اعتدل بوقفته بعد ماكان متكي عالجدار.. حبيت اجي ابارك لك بنفسي..بنظرات مليانة حقد وقهر..وابي اقولك شي واحد بس
سلمان:..بنظرات تجدي وثقة وابتسامة..اللي هو
........:..يصر على اسنانه..اذالمستها لا لا اذا فكرت تلمسها بيكون يومك على يدي وتراك
سلمان:..قاطعه..والله أني ساكت مو خوفا منك لا لان اللي تتكلم فيها عرضي الحين وماقدرت توصل لها وتحاول بدناءتك تخرب الليلة وحق اللي امثالك يقص لسانه ويذبح مرة وحدة لكن حشمة للوالد وضيوفه بتركك الليلة وان شفتك تحاول او تفكر تقرب من بيتي ذبحتك وتوكل ع الله لاشوفك هينا حضورك زي عدمه مايهمني ولايشرفني حتى اعرف من تكون
........:والله لو
سلمان:..دخل وتركه لحاله يهوجس في عالمه الخاص..
عند الرجال)
ابو مشعل:..يهمس لمشعل..قم شف اخوك وينه
مشعل:لاتخاف يبه لو
ابو مشعل:..قاطعه..قم اخوك ذَا مو صاحي وهو طيب كيف يوم عرف انها بتتزوج ولا نسيت كلامه
مشعل:يايبه هو تكلم من قهره مو قاصد شي
ابو مشعل:قم دّوره لايسوي لنا فضيحة
مشعل:ان شاء الله
(غرفة العروس)
ام فارس:..تدخل..تفضل حياك يايمه
سلمان:..دخل..السلام عليكم
القنوع:..بصوت يرجف..وعليكم السلام
ام فارس:عاد اتركم تأخذون راحتكم وبعد شوي برسل لكم فرات تجيب العصير والمعجنات
سلمان:مشكور يمه
ام فارس:العفو ..خرجت..
سلمان :..لف وجهه ع القنوع وساكت..
القنوع:..منزلة عيونها بالأرض..
سلمان:..بإحراج وشوية لعثمة.،الف مبروك عليك وعلي والله يكتب لنا اللي فيه الخير
القنوع:..بصوت ماينسمع..الله يبارك فيك..وبنفسها..يارب تخرب الليلة
سلمان:..ساكت..
القنوع:..بنفسها..اكيد بيصير شي
(عند الرجال)
سلطان:..قاعد في زواية لحاله ومكشر وباين في وجهه الهم..
مشعل:..شافه تنهد وجلس جنبه..السلام عليكم
سلطان:..مارد..
مشعل:سلطان استهدي بالله ياخوي ربي ماكتبها لك خيرة
سلطان:..بقهر..خيرة وش الخيرة بالموضوع هاذي الوحيدة اللي أتمناها كنت احسب أني العب عليها لكن عرفت أني احبها وأبيها
مشعل:..بصدمة..وشو انت وش قلت
سلطان:مثل ماسمعت
مشعل:..يصر على اسنانه وبعصبية ويهمس..اسمعني ياسلطان ان سمعت انك رحت جهة بيتهم او فكرت تسوي لها شي بألعن خير خيرك ثم بأعلّلم ابوي وبتلعن مرة ثانية وتشوف شي ماشفته..وقف..والحين بتمشي معي عند ابوي وانت مآكل تراب وساكت فاهم
سلمان:..يسوق وساكت..
القنوع:..وجهها عالجهة الثانية وبنفسها..خلاص يعني انا مو سلطان وسلطان مو لي بس انا ايش أسوي بهالمكان ..تناظر سلمان..انا ليه جالسة معه ليه مارفضت ليه ماقلت لأبوي أني ابيه لو فيه عيوب الدنيا كلها انا ابيه ..بكت..
سلمان:..يشد قبضته عالدريكسون ويصر ع أسنانه وبنفسه..لايكون ذاك الرجال اللي يهددني هو سبب دموعها ذي ..أخذ نفس وبنفسه..تعوذ من ابليس البنت بتفارق اهلها قرب الشهر وهي معهم دايم ولافارقتهم لحظة غصب دموعها تنزل..يبتسم ويناظرها..ليه الدموع ليه ان شاء الله بنرجع والسكن مع اهلنا لاتضيقين خاطرك
(يوم جديد)
(بالفندق)
(عالغدا)
سلمان:..يحك يديه ببعض وبتوتر واضح..ابي اقول شي وابيك تسمعيني للاخر وتتفهمين وضعي
القنوع:..وقفت الموية بحلقها وكحت تناظره تنتظر تسمع الكارثة..هلا وش بغيت
سلمان:انا عاهدت نفسي أني ماراح اتزوج ابد لكن الوالد والظروف أجبرتني على هالشي وانتي مالك ذنب لكن أبشري بالاحترام والمعزة وأتمنى تصبرين علي لحد مانشوف وش نهاية وضعنا وأتمنى بهالفترة تكون علاقتنا علاقة شركاء سكن
القنوع:..تناظره بصدمة وبنفسها..وانا اللي عاهدت نفسي أنسى سلطان وابدأ حياة جديدة معك..تتصنع البرود تحاول تطفي فيها الغبنة والقهر..اوكي
(بيت ابو سلمان)
ام فارس:شوي بيمرون العرسان يسلمون علينا قبل السفر
ابو سلمان:الله يحييهم
فرات:أوه ماشاء الله الوالد مروق
نور:اكيد حبيبتي امس زواج عياله
فارس:عن اذنكم
ابو سلمان:وين
فارس:بطلع لغرفتي ارتاح
فرات:اقعد معنا ماشفنا بعض زين من اسبوع
فارس:ان شاء الله المرة الجاية برتاح احس فيني تعب.راح.
مروان:انا بروح اشوفه
(غرفة فارس ومروان)
مروان: وش فيك
فارس:الحمدلله طيب مافيني شي
مروان:بلا استهبال وقول وش اللي مضيق خاطرك
فارس:..تنهد..امس سمعت سعود يقول ان صديقه يبي يأخذ جمانة
مروان:..انصدم..وليش من هو طيب من يكون
فارس:وهذا اللي قلته
مروان:اللي اقصده انت وش اللي مزعلك الله يتمم لها على خير
فارس:..بخيبة أمل..بس انا انا أحب جمانة وهي البنت اللي ابي اقضي حياتي معها
مروان:..حس الكلام مثل السكين اللي انغرس في قلبه وتغير وجهه..ها وش اللي قلت
فارس:..بضيقة..اللي سمعته انا احبها وأعشقها ومااتخيل حياتي مع وحدة غيرها
مروان:..يحاول يسيطر على نفسه ويبلع ريقه يحاول يرطب حلقه الناشف..طيب ليه ماتكلم أمي دام صديقه كلمه معناته كان يبي يعرف ردة فعله
فارس:يعني أكلم أمي
مروان:..بغصة.. وش تنتظر تحرك
فارس:مشكور الله لايحرمني بس..خرج..
مروان:..امتلت عيونه دموع وبنفسه..مي من نصيبك يامروان وهذا فارس نصك الثاني الله يبارك لك ويوفقك يااخوي
(بالسيارة)
فيصل:عيوني
سماهر:هلا حبيبي
فيصل:ابيك اليوم تركزين بعمتي زين
سماهر:ليه
فيصل:في شي بعمتي متغير اذا شفتيها بتعرفين
سماهر:..بخوف..ليه انت شايف شي بأمي
فيصل:يابنت الحلال لاتخافين شي عادي وانتي بتلاحظين
سماهر:طيب ان شاء الله..فتحت باب السيارة..بتنزل معي
فيصل:لا انا عندي مشوار اذا خلصت جيت أخذتك
سماهر:ان شاء الله على خير..نزلت..
فيصل:سماهر
سماهر:هلا
فيصل:ركزي لاتنسين
سماهر:..بقلق..ان شاء الله
(بالسيارة)
سلمان:القنوع
القنوع:نعم
سلمان:اللي قلته يظل بيننا
القنوع:ان شاء الله تطمن
سلمان:..بابتسامة..شكرا
القنوع:..بنفسها..والله زين من كسّر ذَا الفم وقح يبتسم لي بعد
(بيت ابو سلمان)
ام فارس:الف مبروك عليكم يمه الله يهنيكم ويسعدكم
نور:امين
فرات:..تناظر القنوع من فوق لتحت..
سماهر:..تهمس..وش فيك
فرات:مافيني شي
سماهر:والله مدري عنك
ابو سلمان:اسمعني زين ياسلمان
سلمان:امرني
ابو سلمان:بنتي تحطها بوسط عيونك وتحفظها وتصونها ولاتزعلها ابد ماابي اشوف على وجهها غير السعادة
القنوع:..حابسة دموعها..ابوي
سلمان:..جمد دمه بعروقه..
ابو سلمان:..وقف وبغضب..وش سوى فيك اللي مايستحي
القنوع:..راحت له وباست على راْسه..الله يخليك لي ولايحرمني منك
سلمان:..أخذ نفس وبنفسه..مت ورجعت للحياة مرة ثانية
ابو سلمان:ويخليك لي يابنيتي..يناظر سلمان بطرف عين..زعلك بشي
القنوع:لا يايبه حنا بخير الله يسلمك
ام فارس:وانتي يالقنوع سلمان زوجك وهو سترك وغطاك تحافظين على بيته وتصونينه وتتعاملين معه باللين واليسر وحبة حبة الى ماتتعودون على بعض وتصيرون ان شاء الله ماتقدرون تتركون ببعض لو ساعة
القنوع:..تتصنع الابتسامة..ان شاء الله يمه
سلمان:..يتصنع مثلها وبنفسه..أشك
سماهر:..تتفحص أمها بنظراتها وتشيل عينها اذا أمها ناظرتها..
نور:..تهمس..سماهر وش فيك
سماهر:مافي شي ليه
فرات:وش فيك من جيتي وعينك على أمي
سماهر:ماتشوفون شي متغير بأمي
::::::في مكان ثاني::::::
يوسف:..بترجي..تكفى والله لأسوي كل اللي تبيه
مجهول1:..يكلم اللي عنده..أدبوه لي
يوسف :والله هالمرة غير أوعدك بتكون غير
مجهول1:..بلامبالاة..شوفوا شغلكم وش تنتظرون
يوسف:..يتألم من الضرب وبصراخ..والله اول مايرجع بخليه يترك المكان تكفى اتركني
مجهول1:..بصراخ وعصبية..قلت اول مايرجع اجل بشوف وش بتسوي..يأشر وقفوا..هذا اذا ماسبقتك أنا
(بيت ام سعود)
سعود:يمه ابوي وش قال
ام سعود:الله يصلحك ياولدي تحسبني نسيتك كل هالمدة وانا احاول
سعود:..عيونه مركزة على امه يتنظر الرد..طيب
ام سعود:وانت وش تظنه رد
سعود:..بكدر خاطر..ماوافق
ام سعود:بيوافق ان شاء الله اصبر لاتستعجل
(بيت ام سعد)
سعد:عيوني
ام سعد:لبيه ياقليبي
سعد:عيوني ابيك بموضوعٍ مشغلني
ام سعد:..بتركيز..عساه خير
سعد:ان شاء الله خير ياوجه الخير
ام سعد:اللي هو
سعد:والله ياعيني ماني عارف وش اقول بس ان شاء الله نويت اكمل نص ديني
ام سعد:ياعلّه مبروك وبالمبارك يارب ومن هي هالسعيدة خابرتك تقول صغيرة باقي عليها
سعد:يايمه اللي ابيها بتكون لي ان شاء الله وهي ماراح ترفضني اكيد
(بيت ابو سلمان)
(بالمطبخ)
فرات:وش فيك تكلمي
القنوع:..دخلت المطبخ..سماهر وش فيك تخزين أمي كذا
نور:الكل لاحظ
فرات:ان شاء الله بس أمي مالاحظت
سماهر:..تنهدت..صراحة فيصل يقول لي ناظري عمتي زين وشوفي وش متغير فيها
فرات:وبعدين
سماهر:وبس وانا والله بديت اوسوس
نور:ياشيخة ماعنده سالفة يبي يشغلك عنه عشان ماتدورين وراه
فرات؛طيب قالك من اي ناحية
سماهر:ابد قال ركزي وبتعرفين قصدي
القنوع:ذَا والله النشبة اللي ماوضح شي
سماهر:والله انا اللي ذابحني القلق
:::بالصالة:::
ام فارس:متى قلت لي رحلتكم
سلمان:بعد كم ساعة ان شاء الله
ام فارس:تروحون وترجعون بالسلامة ان شاء الله
سلمان:الله يسلمك
ابو سلمان:انتبه عليها
سلمان:لاتوصي حريص
ابو سلمان:لو يصير ابنتي شي
ام فارس:..تقاطعه..مابيصير الا الخير ان شاء الله ماقلت لنا على وين ناوين
سلمان:..بابتسامة..البرازيل
(غرفة مروان وفارس)
مروان:..على سريره بدوامة تفكير يحس الدنيا ظلمت بوجهه وبنفسه..اللي أحبها يحبها اخوي..ضحك..وضع مزري كيف اتصرف اتركها له ولى أصارحه..بحزن..بس هذا فارس كيف اكسر قلبه فارس اللي معي بلحظات الفرح والحزن مااظن خسارة شي واحد عشانه يضر لكن هالشي ..حس بضيقة ودموعه تجمعت فعيونه..
(بالسيارة)
فيصل:ها بشري انبسطتي
سماهر:الحمدلله كانت الجلسة وناسة
فيصل:جعله دوم يانور عيني
سماهر:اقول فيفو
فيصل:عيونه امري
سماهر:..بقلق..ماقلت لي وشفيها أمي
فيصل:يعني مالاحظتي
سماهر:لا
فيصل:كنت اناظرها لي فترة ابي أشوف تشبه النحلة بوشو لإني ناوي أسألها جابت هالعسل من وين
سماهر:..بققت عيونها مصدومة..صراحة ماادري أزعل او اضحك الحين انا طول الجلسة على أعصابي خايفة لايكون أمي بها شي وأحاول اجمع تركيزي ونهايتها كذا
(يوم جديد)
(البرازيل)
:::شقة أسامة:::
القنوع:..صحت من نومها ناظرت سرير سلمان..مو موجود وين راح..فزت من سريرها وطلعت من الغرفة..
سلمان:..بالمطبخ يجهز الفطور شافها ابتسم..صباح الخير
القنوع:..باستغراب..صباح النور
سلمان:..بابتسامة..حياك تعالي نفطر مع بعض
القنوع:..جلست عينها عالاكل ساكتة..
سلمان:آيه ماقلتي لي وين حابة تروحين بالبرازيل وشو اللي تبين تشوفينه ..بحماس..متاحف مطاعم البح
القنوع:..قاطعته..مو مهم
سلمان:معقولة مافيه شي واحد تبين تشوفينه
القنوع:..رفعت عيونها عليه وتحاول تفهم كلامه..انت مو قلت لي إنَّا شركاء سكن
سلمان:اي نعم بس مو معنى هالكلام انا نقاطع بعض كاننا بحرب لا بالعكس الوضع ودي بيننا والاحترام متبادل ونحافظ على خصوصياتنا مع بعض
القنوع:..عينها بعينه..تستلطفني لحد ماتوصل للي تبيه
سلمان:..وقف أكله وناظرها..وش اللي ابيه برأيك
القنوع:..شالت عينها عنه..مفهوم اللي تبيه
سلمان:..يلطف الجو..وش رايك نروح لمتحف سمعت انك تحبين الرسم بنلاقي لوحات هناك وحوله رسامين وبيعجب
القنوع:..قاطعته وهي تحوس بأكلها بالمعلقة..ماتفرق معي
سلمان:..تنرفز مسك يدها وشد عليها وبابتسامة..تجهزي عشان نلحق عالمتحف
(بيت ابو مشعل)
شوق:ماشاء الله ياماما راحوا البرازيل لازم نروح لها قريب
سلطان:..عينه في جواله وساكت..
ام مشعل:ان شاء الله قريب بوقت اجازة مشعل عشان نستلمه صح
مشعل:اصلا عادي ماتفرق طول الوقت مشوريني
ابو مشعل:الولد ماشاء الله وجهه مريح تحس انك تعرفه من زمان
مشعل:..عينه على سلطان..الله يوفقهم ويتمم لهم على خير
سلطان:..قفل جواله..اجل تقولين راحوا البرازيل
شوق:آيه بس القنوع احسها مي مبسوطة
ام مشعل:اعوذ بالله من الشيطان طبيعي كل وحدة ببداية زواجها تخاف خاصة اذا ماكان فيه ملكة او تعارف بينهم
سلطان:اقول شوش
شوق:هلا
سلطان:مطولين
شوق:لا عشان دوام سلمان
سلطان:اها كدا يعني ووينهم فيه
شوق:قلت لك بالبرازيل
سلطان:قصدي باي منطقة
شوق:اذا مو ملخبطة أتوقع ساو باولو
(بيت ابو سلمان)
ام فارس:وليه وش سبب رفضك
فرات:انا ماافكر بالزواج ولاانفع أكون صاحبة مسوؤلية نهائي
ام فارس:هو ماقال الحين هو ماعنده مانع ينتظرك لحد ماتقررين انتي
فرات:لا
ام فارس:شاريك يابنتي
فرات:ماابي
ام فارس:مايعيبه شي انتي اسمعيني بقولهم انك تبين تأخذين راحتك بالتفكير
فرات:يمه ماابي الزواج أبدًا
(بالبرازيل)
:::برا المتحف:::
القنوع:..بنفسها..صدّع راسي من كثر ماتكلم اليوم متى نرجع بس
..........:..بالبرتغالي..سام
؛؛؛الحوار بالبرتغالي؛؛؛؛
سلمان:..لف اتسعت ابتسامته..أوه اهلًا ..يصافحها بحرارة..
ميلا:كيف حالك
سلمان:انا بخير كيف أحوالك وكيف هو مارسيلو
ميلا:بخير نحن الان عائلة كبيرة سعيدة
سلمان:حقا تهاني الحارة لكما
القنوع:..تتفحص ميلا بنظراتها من فوق لتحت وبنفسها.. وله صديقات بعد
ميلا: هل هذه صديقتك لم ارها من قبل
القنوع:..مشت..
سلمان:..بربكة..انها زوجتي
ميلا:..باستغراب..لكن ماذا عن ساندرا
سلمان:..تغير وجهه..انا الان سعيد في حياتي أتمنى ان لاتعلم شي بخصوص الماضي كما تعلمين هذا سيعكر صفو حياتنا البسيطة
ميلا:..بابتسامة..بالتأكيد لن اثير اي قلق اطمئن..صافحته..أتمنى ان نلتقي مرة اخرى سررت برؤيتك
سلمان:..بابتسامة..وانت ايضا
ميلا:...راحت....
سلمان:..لف..قنوع..انصدم..وين اختفت
(بيت ابو سلمان)
ام فارس:..جالسة بغرفتها..
فارس:السلام عليكم
ام فارس:هلا وعليكم السلام
فارس:..يحك خده..يمه بغيتك بموضوع
ام فارس:هلا خير وش بغيت
فارس:يمه انا ابي..ضحك..صراحة مدري كيف اقول احس أني منحرج
ام فارس:تبي تتزوج
فارس:..بقق عيونه..كيف عرفتي
ام فارس:أعرفك واعرف وش بتقول
فارس:يمه والله انك تخوفين
ام فارس:اخلص
فارس:ابي بنت عمتي
مروان:..دخل وتكلم بنفس واحد..أمي ابيك تخطبين لي جمانة
بيت ام فيصل)
منصور:يمه الله يخليك ابيها
ام فيصل:بدري بدري
منصور:الى متى يعني
ام فيصل:الى ماتخلص صاحبة الشأن
منصور:يوه يايمه
ام فيصل:صبرت سنتين مو قادر تصبر ترم
منصور:طيب كلميهم
ام فيصل:كل شي بوقته حلو
منصور:..بترجي..يمه
ام فيصل:وبعدين معك
(بيت فيصل)
::عالتلفزيون::
فيصل:سوسو
سماهر:..زعلانة..
فيصل:سوسوتي
سماهر:..بنفسها..سوسة تنخر اسنانك ان شاء الله
فيصل:..حط يده على صدره..اه قلبي ليه كذا
سماهر:..انصدمت وبنفسها..عسى ماتكلمت بصوت عالي
فيصل:..بنص عين..ادري انك دعيتي علي
سماهر:..تقلب بالتلفزيون ومعطيته طنش..
فيصل:..تنهد قام وراح للمطبخ..
::::صوت شي طاح:::
سماهر..فزّت..فيصل..جري للمطبخ انصدمت..
فيصل:..بيده باقة ورد..والله آسف
سماهر:..ابتسمت..خلاص طيب..فتحت يديها..
فيصل:..شدها من يدها وضمها..مااقدر أتحمل زعلك علي والله اموت
سماهر:..حضنته..خلاص يالعمر انت أوعدك ماازعل منك مرة ثانية
(بالبرازيل)
سلمان:..يدور حول المتحف مثل المجنون..وين اختفت ذي لايكون تركتني مثلها لا لا هي ماتعرف شي وبعدين اكيد تخاف من الأماكن الغريبة اصلا كانت ماتبي تخرج من الفندق..وظل وسط متاهات أفكاره وهو يدّور عليها..
القنوع:..عند عربة الايسكريم تشتري..
سلمان:..شافها وراح جهتها بخطوات سريعة تسابق انفاسه السريعة شدها من يدها ولفها عليه وبصراخ طلع فيه كل الخوف والفجعة..وين اختفيتي ليش رحتي وتركتيني
القنوع:..تـتـلـفـت تـشـوف النـاس تـنـاظـرهـم ودخـلـت الايسكريم اللي بيدها في وجـهـه سـلـمـان..
القنوع:..تتلفت وتشوف الناس تناظرهم ودخلت الايسكريم اللي بيدها في وجهه سلمان ثم ناظرت باقي الايسكريم وببرود..تصدق من زمان نفسي أسوي ذي الحركة
سلمان:..يصر اسنانه ويمسك يدها ويأكل من الايسكريم ويشد على يدها..ياحلاتك لاتعيدينها..وبابتسامة يخفي فيها الغبنة..ياقلبي لاتنعاد اوكي لاتنعاااد ..بنفسه..ماسوت مثلها
(يوم جديد)
(بيت ام فيصل)
ام فيصل:..تكلم بجوالها..ياهلا والله حياكم الله هذا ولدنا وهي بنتكم وان شاء الله نرد لكم خبر قريب حياكم الله ياهلا..قفلت..
منصور:ماشاء الله شكلنا بنسمع خبر زين قريب
ام فيصل:حتى لو فيه مالك شغل
منصور:..بزعل..يعني انا محد يناظر بوجهي ويرأف بحالي
ام فيصل:كِل وخلص وقم شف لك شغلة بعيد عني
(بيت ابو سلمان)
ام فارس:تعالي ابيك
نور:نعم بسرعة يمه
ام فارس:خير وش عندك
نور:بتابع مسلسلي قطعتي علي وانا في قمة حماسي
ام فارس:انا اكلمك من جد وانتي همك مسلسلك
نور:هلا يمه امري كلي اذان صاغية
ام فارس:تقدم لك واحد
نور:..بفرحة..صدق..تضحك..
ام فارس:..بنبرة..بنت
نور:اقصد لا ماابي اتزوج
ام فارس:اتركي حركاتك واسمعيني
نور:نعم
ام فارس:تقدم لك ولد عمتك
(بيت ام سعود)
سعود:..بفرحة خالطها استغراب..صدق يمه
ام سعود:مثل ماقلت لك وكلم خالك بنفسه
سعود:ابوي وافق وكلم خالي بعد وش صاير
ام سعود:ياولدي يحبك عشان كذا تنازل وكلم خالك عشان خاطرك
سعود:والله مااظن بس مايهم دامه وافق
(بالبرازيل)
(بالفندق)
سلمان:يالله مشينا ورآنا مشوار طويل اليوم
القنوع:ماابي اروح
سلمان:وليه ان شاء الله
القنوع:كيفي مالي نفس ابي اجلس لحالي
سلمان:يالله قومي بدلي اليوم المشوار بيكون جميل ان شاء الله
القنوع:ماابي اروح
سلمان:يعني زعلانة من اللي صار امس
القنوع:..ماردت..
سلمان:خليك صريحة معي دقايق اللي سويتيه صح انك تتركيني بدون آي كلمة
القنوع:..قاطعته..على مااعتقد إنَّا شركاء سكن مالك خَص فيني
سلمان:بس احنا ببلد غريب وانتي ماتعرفين شي فيه لو صار لك شي ايش بسوي وقتها
القنوع:..ساكتة..
سلمان:شفتي كلامي صحيح مية بالمية
القنوع:..تنهدت وماتناظره..وعلى وين رايحين اليوم ان شاء الله
(بيت ابو سلمان)
::حديقة البيت::
؛؛فارس واقف وقباله مروان؛؛
فارس:..ساكت..
مروان:..بندم واضح عليه..فارس انا..سكت شوي ثم تكلم بنفس واحد..انا آسف والله مدري وش اللي كنت أفكر فيه انا خلاص ما
فارس:..قطع كلامه وبنبرة غريبة على مروان..اذا كنت تحبها كان قلت لي وانت عارف أني اي شي تبيه اعطيك إياه لو هو قطعة مني انت اخوي ولأجل عين تكرم مدينة لكن اللي صار واضح ان هالعين ماتستاهل
مروان:..بوسط صدمته..انا والله آسف قلت لك ماادري وش وضعي وقت هالتصرف
فارس:..قاطعه..وضعك ان قلبك تصرف وجابك لامي عشان لاتفقد اللي تبيها عالعموم الله يهنيك ويهنيها
مروان:..يـحـس بـضـيـقـة مـو طبـيـعـيـة وبـصـوت مـخــنـوق ..أنــاااا أنـــاااا
فارس:بس حبيت اقولك ياليت مانتقابل كثير عالاقل الفترة الجاية لاني بصراحة ..بـعـيـون مـلـيـااانـة دمـووع وصـوت مـهـزوووز..ماعــدت أتـحــمــل أشــوووفــك