الفصل 9
بيت ابو سلمان)
(غرفة المكتب)
ابو سلمان: ها وش قلت
سلمان: بس انا
ابو سلمان:..قاطعه..عارف وش بتقول بس شكلك مو كفو لهاالعرض
سلمان:لكن
ابو سلمان:كانك تبي اجتمع معك انت واخوانك على سفرةٍ وحدة مثل قبل شوي تعرف وشو الجواب اللي ابي اسمعه
سلمان:..سكت يفكر وعيونه بالأرض..
ابو سلمان:وش فيك ماترد معك الى بكرة ان شاء الله ورد لي بسرعة
سلمان:..بدون تردد..أنا موافق
ابو سلمان:..أنصدم من رده ماتوقع بهالسرعة..اجل على بركة الله
(غرفة سلمان)
سلمان:..على سريره يفكر..اللي سويته صح او غلط
مروان:..دخل شايل مخدته..سلامٌ
سلمان:وعليكم السلام
فارس:..دخل..سلام
سلمان:وعليكم السلام
مروان:احنا جايين عشان قلنا انك أكيد خايف تنام لوحدك بعد..سكت..
فارس:نقصد احنا نبي نام عندك الليلة صدورنا ضايقة نبي نتونس معك
سلمان:..بابتسامة..حياكم الله لكن ماصار شي بيني وبين الوالد
فارس:..يقرب منه..يعني ماصار شي
سلمان:ماصار شي
مروان:أبدًا أبدًا
سلمان:ماصار شي سألني كم سؤال وجاوبته وخرجت
فارس:..بشك..صدق
سلمان:صدق
فارس:وش رأيكم نتابع لنا فيلم لحالنا بدون البنات
مروان:..بوناسة..سهرة شبابية
(بيت ام سعود)
(بغرفة الام)
سعود:يمه ابيها
ام سعود:متاكد زين
سعود:آيه يمه
ام سعود؛فيه غيرها يايمه عطني مواصفاتك وبجيب لك اللي على مواصفاتك بالضبط
سعود:يمه ابيها هي ماابي غيرها
ام سعود:بس ماظنتي ابوك بيوافق
سعود:عشان كذا ابيك تكلمينه يمه حبيبتي انا عمري ماسويت شي بدون رضاكم انتي وأبوي وهالشي لازم يتم برضاكم خصوصا ابوي يمه انا احبها وأبيها هي واخاف احد ياخذها مني
ام سعود:خلاص يايمه خلاص انا بكلم ابوك وحتى لو ماوافق بحاول فيه يايمه وان شاء الله ربي يهديه ويسخره لك ويوافق يانظر عيني
(بيت ابو سلمان)
(غرفة القنوع)
القنوع:..تبكي..
سماهر:..تدق الباب..
القنوع:..تُمسح دموعها..
سماهر:..تدخل..قنوعة..انتبهت..� �ش فيك
القنوع:مافيني شي
سماهر:الوجه ينطق وتقولين مافيني شي
القنوع:..انفجرت تبكي وتشاهق..
سماهر:..قفلت الباب بسرعة وبخوف..بِسْم الله وش فيك وش اللي صاير
القنوع:..بصوتها المخنوق من البكا..انا ماابيه بس ابوي يبيه واللي ابيه ابوي مايبيه
سماهر:..تلخبطت..لحظة لحظة شوي شوي علي عشان أفهمك
(غرفة سلمان)
مروان:..جالس ع الارض يقلب فاللاب..
فارس:..اختار ذَا اقولك ذَا شكله حلو
سلمان:..متمدد على سريره يفكر وبنفسه..ياترا اللي سويته صح كأني تسرعت بالرد الموضوع مو بلعبة..تنهد واستمر بتفكيره..
فرات:..تدخل..وش عندكم
مروان:اطلعي الليلة شباب فقط
فارس:سمعتيه برا برا يالله
فرات:..تكتفت..صاحب الغرفة هو اللي يطردني مو أنتم
مروان:بلا طولة لسان واذلفي بأدب
نور:..تدخل راسها من ورا فرات..سلام وش تسوون
فارس:كملت برا إنتوا الثنتين
سلمان :..يفكر وبنفسه..شكلي تهورت أكيد تهورت وشلون وافقت كذا ماكفاني اللي جاني اروح اتهور بعد ..يدخل يده في شعره ويبعثره ثم يرافس على سريره وهو ماسك راْسه بيديه ثم يجلس وبصوته المبحوح..خلاص انت وافقت واللي فيها فيها..بعيون فيها قلق..يارب استر من اللي جاي وسهلها علي ..انتبه ولف عليهم..
فرات:..بوجه مصدوم..
نور:..تسحب فرات وتقفل الباب..
سلمان:..بابتسامة وارتباك..ها وش اخترتوا لنا
مروان:..يهمس لفارس..يمه يبتسم ولا كأنه صار شي
فارس:اسكت بس
(غرفة القنوع)
سماهر:السالفة كذا امسحي دموعك خلاص يكفي اللي بكيتيه وخلّينا نتكلم بصراحة
القنوع:..بصوت مهزوز..نعم
سماهر:قولي رايك بكل صدق خليني اسمع
القنوع:عقلي يقول ان اللي قاله ابوي صحيح مية بالمئة وأبوي ماقاله عبث واكيد شايف شي عشان قال كذا بس قلبي..غرقت عيونها دموع..يحبه ومااقدر اتخيل لحظة أني بكون لغيره
سماهر:وانتي ايش خيارك عقلك او قلبك
القنوع:..نزلت دموعها..ماني عارفة مادري ماادري
سماهر:اسمعي اذا بتسأليني عن رايي فبأقولك الحب تقدرين تبنينه مع العشرة مو شرط تتزوجين عن حب وان حياتك معه بتكون حب في حب وفي نفس الوقت حالات كثيرة كان فيها حب ونجحت وحالات ثانية لا وانتي تقدرين تبنين العلاقة الجديدة اذا كان الشخص اللي قدامك متقبِّل لهالعلاقة وداعم لها اما اذا كنتي انتي رافضة فهينا المشكلة انك انتي لسى عايشة في خيالك وتتمنين الحياة اللي رسمتيها وكذا ظلمني الشخص الجديد
القنوع:..وسط دموعها ..طيب النهاية
سماهر :اذا انتي شكيتي بسلطان بعد كلام ابوي لو واحد بالمية لا لو مر في خاطرك لحظة شك سريعة انصحك انك ترفضين الارتباط فيه وهاذي نصيحتي لك وانتي حرة باختيارك
فرات:..تدق الباب..
نور:..تطبل عالباب..افتحوا افتحوا
القنوع:..تضحك رغم الم قلبها والتفكير اللي ذابحها..
سماهر:وصلوا الله يعنيك على اسألتهم الحين جهزي لك تصريفة
(بعد شهر)
(زواج سماهر وفيصل)
(قاعة الرجال)
فيصل:..ابتسامته شاقة وجهه..
منصور:..يهمس له..فضحتنا هدي الابتسامة شوي تقل ماصدقت على الله تتزوج
فيصل:..يهمس..ليلتي وانا حر كيفي لو انت كان ألقاك بوسط القاعة ترقص وأبوي يطاردك بالعقال
منصور:ها ها ها هاي مسوي تنكت
فيصل:انا مبسوط انت وش حارقك
منصور:عساه دوم الله يهنيك
(قاعة الحريم )
(غرفة العروس)
فرات :..ترمي كعبها وتجلس..اه خلاص تعبت
القنوع:..تحط عطر..فاتك سمورة فاتك ..تجلس..
سماهر:..تصورها المصورة..وش اللي فاتني
نور:..تدخل..فاتك فاتك
جمانة:..وراها..الحمدلله والشكر
سماهر:..تمشي لعندهم ..وشو حمستوني
فرات:ابد والله
سماهر :..تناظرهم..وشو قولوا ايش صار
نور:غدير الخبلة
سماهر:..بقلق..وش سوت
ليالي :ابد ضربت لها آدمية جالسة حالها حال نفسها
سماهر:..بتعصيبة..نعم
جمانة:اي والله حتى أمي وخالاتي تفشلوا وقعدوا يتعذرون للادمية
سماهر:طيب ليش وش السبب وليه في زواجي بالذات
القنوع:صدق لاقالوا عذر أقبح من ذنب
فرات:تخيلي بعد ماضربتها بكل برود قالت..تقلدها..أوه معليش شبهتك بوحدة كانت مسوية لي مشاكل اسفة والله العظيم اسفة
نور:..تضحك..فاتك عمة مها مسكتها من شعرها وتسحبها وتهمس بإذنها شغلك معي يالفضيحة بكل مكان
فاضحتني
سماهر:وامي وعمة نورة
ليالي:..تضحك..أمي وخالاتي يسوون نفسهم مايعرفونها
جمانة:..تضحك..وامي تتحمد الله ان المعازيم قليل مابعد جو
سماهر:هين غديروه بزواجي قلت الأماكن يعني
غدير :..تدخل..السلام عليكم
سماهر:..بحقد..وعليكم السلام ماشاء الله ماشاء الله شرفتي وقوية عين جاية عندي بعد
غدير:لحظة لحظة أفهمك الموضوع
سماهر:وش موضوعه ايش ذنبي انا
غدير:انتي بتقدرين وضعي اذا سمعتي السبب
سماهر:..ماردت..
غدير:هاذي الله يسلمك كانت تستقوي علي ايام المتوسطة وتمردغني مردغة والمصيبة ماكانت اخاف منها كنت اخاف من اختها الجثة لاتسوي لي شي وكانت تتحداني وقلت لها بيجيك يوم وأخذ حقي منك ويوم شفتها قبل شوي تذكرت الغبنة والوعد وفرصتي اختها مو معها بعدين سمورتي ترضين أفوت أمنية من قائمة امنياتي
سماهر:لا بس ارضى انك تخربين زواجي
ام فارس:..تدخل..ماشاء الله إنتوا هينا أنا ماقلت لكم ماتتجمعون الا وقت التصوير فقط يالله انزلوا
:::يمرون البنات من جنبها ويتحلطمون:::
ام فارس:..تمسك غدير من إذنها..
غدير:اي اي اي أذني ياخالة أذني ابيها والله ابيها
ام فارس:متى بتبطلين هالحركات
غدير:خالة مايكفيني أمي يعني
ام فارس:لا والله ماتكفيك بس حسابي معك بعدين
(قاعة الرجال)
فيصل:فارس..يأشر له تعال..
فارس:هلا وش بغيت
فيصل:..يهمس..ماقالوا لك متى بتصور مع زوجتي
فارس:اخص ماعرفتك وانت تقول زوجتي اذا قالوا لي بقولك
فيصل:اها طيب ..يأشر لسعود..
سعود:هلا
فيصل:..يهمس له..تعبت من القهوة جيب لي عصير
سعود:..بتأفف..حاضر الله يعيني عليك
فيصل:..يأشر لسعد..
سعد:نعم
فيصل:..يهمس له..مت جوع دبرني
سعد:..بتأفف..ان شاء الله
فيصل:..يأشر لمروان..
مروان:خير تراك ازعجتني مشغول مو فاضي لك
فيصل:..تنحنح..ابي رقم زوجتي
مروان:والله انك فاضي..مشى..
فيصل:..يهمس..لحظة تعال تعال..ينادي..منصور منصور
منصور:خير
فيصل:..بابتسامة..كيف شكلي
منصور:يازينك اتركني بحالي تكفى
فيصل:طيب اصلا مامنك منفعة..يأشر لسلمان..
سلمان:..بابتسامة..هلا
فيصل:ابي ادخل واسلم على زوجتي
سلمان:..بابتسامة..ان شاء الله بكلم أمي وارد لك خبر
فيصل:..يمسكه..صدق
سلمان:..يضحك..آيه صدق
(في غرفة العروس)
سلمان:..يدخل..السلام عليكم
سماهر:..بابتسامة..وعليكم السلام..تغير وجهها..
فيصل:.دخل على طول ماانتظر سلمان..
سلمان:حياك الله
فيصل:السلام عليكم
سماهر:..وقفت ورا سلمان..
سلمان:..ابتسم لمى شاف ردة فعلها وسحبها بشويش لجنبه..وهاذي اختي حبيبتي وحبيبة الكل سماهر
فيصل:..يناظرها ماشال عينه من عليها ويحس قلبه بيخرج من مكانه ..ماشاء الله تبارك الرحمن..وبنفسه..اخيراً تحقق الحلم وحبيبتي صارت زوجتي
سلمان:اتركم على راحتكم
سماهر:..مسكته وتناظر فيه كانها تقول لاتروح..
سلمان:..ابتسم لها وحط يده على راسها..الله يوفقك بحياتك يااختي بانور عيني انتي ..يناظر فيصل ..حطها بعيونك يافيصل ودير بالك عليها وانتبه لها ومن جهتها هي بتشيلك بعيونها والله يكتب لكم حياة سعيدة طول العمر والله ان قلبي مو براضي يترك تروحين باقي ماشبعت منك دوبي عرفتك لكن هاذي سنة الحياة وهذا نصيبك..باسها على راسها وتنهد ..الله يوفقك يااختي..خرج..
سماهر:..تحاول بكل مافيها تحبس دموعها اللي ملت عيونها..
فيصل:..يمسك يديها وابتسم ثم باسها على راسها..الف الف مبروك ياحبي الاول والأخير والله يوفقني ويقدرنا على سعادتنا ياروحي
(يوم جديد)
فرات:..تتثاوب..السلام عليكم
ام فارس:هلا وعليكم السلام
فارس:واو صحت فتفت غريبة
نور:سلام
مروان:وعليكم السلام
فرات:وين سلمان مااشوفه معكم
مروان:بالطريق راجع من دوامه
سلمان:..دخل ..السلام عليكم..وقف..
ابو سلمان:..نازل من الدرج وجلس معهم..وش فيك واقف اجلس
سلمان:..جلس بدون ولا كلمة..
فارس:..مستغرب ويهمس..ابوي جلس معنا
مروان:..بهمس..آيه وسلمان موجود بعد غريبة
ابو سلمان:وش فيكم تناظروني كذا فيني شي غريب
(بالفندق)
فيصل:تفضلي حياك
سماهر:..جلست وبخجل..مشكور
فيصل:كلي زين امس مااكلنا زين وورانا رحلة طويلة
سماهر:ان شاء الله
فيصل:الا بسألك عمتي كانت رائدة فضاء او لها علاقة بالفضاء
سماهر:..باستغراب..ليه
فيصل:بس ابي اسألها من وين جابت هالقمر اللي جالس قدامي
سماهر:..تكتم ضحكتها وبنفسها..الله يعيني على السماجة استاهل كذبت ليالي وطلعت صادقة
(بيت ابو سلمان)
ام فارس:..تمد الفنجان..تفضل
ابو سلمان:يزيد فضلك
فرات:ماشاء الله ماشاء الله كأن الوالد مروق اليوم
نور:..تناظر لها وتأشر اسكتي..
فرات:يعني قصدي عسى هالرواقة دوم
ام فارس:يازين هالجمعة مو ناقصنا غير سماهر وقنوعة
فرات:عادي قنوع فوق بقول لها تلبس عباتها وتجي تتقهوى معنا
نور:بدق على سماهر وأقول لها تجي
فارس:مسرع مسرع تبين تنشبين لهم من ثاني يوم
ام فارس:عيب ياويلك تفكرين تكلمينها ولا تقولين لها تعالي ياويلك اذا علمتيها على جمعتنا
فرات:ليه يعني خايفين على صاحب الشأن
ابو سلمان:أمك قالت لا يعني لا
نور:..ببرطمة..طيب
مروان:على طاري الخوف تذكرون كيف كانوا عيال الحارة يخافون مني انا وفارس
فارس:الله ياهي ايام
سلمان:..مرّ في باله ذكرياتهم وهم صغار..
::الحوار بالبرتغالي::
مروان:..يبكي ويصرخ..سمااااااان
سلمان:..يجري رايح لمروان وبخوف..وش فيك
مروان:..يأشر ع التلفزيون وهو مغمض عيونه وبخوف..وحش وحش كبيرررر
سلمان:..يضحك..خلك شجاع لاتكون جبان
(يوم ثاني)
مروان:..يصرخ ويبكي..
سلمان:..يجري..وش فيك
مروان:..دافن وجهه بسلمان ويأشر..حشرة حشرة
سلمان:مسكتها مسكتها خلاص
سلمان:..ضحك..
فرات:اخيراً شفنا الضحكة صح
مروان:..باستغراب..وش فيك
سلمان:..يكتم ضحته وهو يتذكر شكله..لا ولاشي
فارس:أكيد كنت خواف وشكلك خوااااف كبيييير
ابو سلمان:..ابتسم..
سلمان:..ماشال عينه من على ابوه اول مرة من سنين يشوف ابتسامته..
نور:شكله صح كلام فارس
ام فارس:خلونا نسمع دام عجبكم الموضوع
سلمان:..يناظر لمروان..عادي اقول
مروان:..يتصنع الثقة..قول خلني اسمع
سلمان:كان اكبر خواف مااتوقع أقابل احد يخاف قده
نور:..تضحك..اه يالقلب الشجاع
فرات:مصيبة وكان مسوي لنا رعب
فارس:مرمر تخيل انت بس تخيل لو وصل الخبر لعيال العميمات
مروان:..بقلق..لا كل الموجودين هينا طلبتكم طلبة تكفون لاحد يدري
فرات:..تضحك..كان الثقة صارت صفر
ابو سلمان:..قطع الجو بنبرته الجدية..ام فارس
ام فارس:هلا
سلمان:..يشرب شاهي..
ابو سلمان:معك شهرين بالتمام يجهز الملحق بأثاث مرتب وزين
ام فارس:..اعتدلت..ليه وشو له
ابو سلمان:بيكون بيت سلمان والقنوع وترا زواجهم بعد شهرين ان شاء الله
سلمان:..شرق وكح..ماتوقع بهالسرعة..
(بيت ام فيصل)
ليالي:..تهمز أمها..
ام فيصل:الله يرضى عليك يابنتي
ليالي:شفتي يمه كيف أني بارة وعاقلة ليه ماتفضفضين لي
ام فيصل:الله يصلحك يابنتي وأشوفك عروس
ليالي:امين
ام فيصل:..تضحك..والله اللي تبي الفكة مني
ليالي:لا والله يمه الله يسامحك بس
منصور:احسن اصلا فكه من وجهك
ليالي:اقول انبسط هاليومين وخذ راحتك عالاخر لان بعدين بيضيق عليك المكان
(بيت ام سعود)
ام سعود:..واقفة ع الباب وبعصبية..تعالي يعني ماتبين تجين
جمانة:..تهمس..اخلصي عالاقل الحين أهون من اذا مسكتك هي
غدير:..باخر المجلس..ماني جاية أجيك عشان تضربيني
ام سعود:والفضيحة اللي سويتيها امس وش رايك يعني و بأسوي فيك لازم تذوقين ماذوقتيه المرة
غدير:يمه هي بنتك ولا انا
ام سعود:انتي مو بنتي
غدير:..تحط يدها على قلبها..اه قتلتيني
ام سعود:تستهبلين لكن هين ماوراك مفر الليلة
جمانة:ترا أمي وقفت سعود عند باب البيت وعبدالله عند باب غرفتك يعني ماتقدرين تهربين
ام سعود:جمانة امسكيها لي
غدير:..هربت منهم..
جمانة:..تلحقها..اسفة بس اذا مامسكتك لامي اللي يصير لك بيصير لي بعد
غدير:..تجري عالدرج..لو انك اخت حقيقة تتحملين معي
جمانة:..وسط انفاسها..وش ذنبي انا
غدير:..تتعثر وتطيح ..
جمانة:..تحاول تمسكها..
غدير:..طاحت فوق جمانة..
ام سعود:..بنهاية الدرج وشافت اللي صار وبصراخ..غدير جمانة
(بيت ابو سلمان)
ام فارس:الله يهديك مايمدينا نلحق مايكفينا ضغط زواج سماهر الحين سلمان والقنوع
ابو سلمان:يمديك ان شاء الله والكل بيتعاون معك
فرات:..تهمس لنور..القنوع تدري
نور:..تهمس..أتوقع لا شفتي سلمان كيف انقلب وجهه
ام فارس:..بتردد..طيب القنوع وش رايها
ابو سلمان:..بعصبية..انا مااغصب بناتي على شي مايبغونه
ام فارس:محشوم ياأبو سلمان محشوم انا اقصد على موعد الزواج
ابو سلمان:لاتشيلين هم مثل ماقلت لك بيمديك ان شاء الله..يناظر سلمان..إلحقني
سلمان:..برجفة صوته المبحوح..حاضر
::::بالمكتب::::
ابو سلمان:شكلك هونت
سلمان:..يتصنع الثقة رغم التردد اللي مسيطر عليه..لا ابد انا عند كلمتي
ابو سلمان:دامك على رايك اجل اسمعني زين
سلمان:..نبضات قلبه تزيد ويحس ان ابوه يسمعها..سم
ابوسلمان: هالبنت مو بنت اخوي هالبنت بنتي قطعة من قلبي مثلها مثل خواتها لو دمعتها نزلت في يوم بسببك ماتلوم الا نفسك ولو كسرت بخاطرها او زعلتها لاتنتظرني اطردك تعرف درب الباب لحالك
سلمان:..بابتسامة ثقة..أحب اقولك ان اللي بتاخذني بتكون سعيدة حظ
(بالمستشفى)
ام سعود:..ميتة من البكي..يارب رحمتك يارب استرها معنا
سعود:..واقف بقلق عند باب الأشعة..
غدير:..عينها على يديها اللي مليانة من دم جمانة وعيونها حمرا من كثر مابكت..
عبدالله:..رايح جاي وكل شوي يسأل اي ممرضة تمر من قدّامه..
سعود:..شاف حالة غدير..هي طيبة لاتخافين مو صاير لها شي ان شاء الله
:::خرجوا ممرضتين يدفون السرير اللي به جمانة وخرج وراهم الدكتور::::
الدكتور:الحمدلله الوضع سليم مافيه شي يخوف كل شي تمام
ام سعود:..تنهدت براحة..الحمدلله يارب الحمدلله
غدير:..تمسك سرير جمانة وبخوف..جمانة انتي بخير صح ماصار لك شي
سعود:..بعد ماتطمن على جمانة قطب بجبينه مستغرب..غدير ارفعي يدك
غدير:..مااستوعبت وعينها على جمانة..
سعود:..يمسكها..غدير ارفعي يدك
غدير:..عينها على جمانة..
سعود:..بصراخ..غدير ارفعي يدك
غدير:..بصوت مخنوق..مااقدر
سعود:عبدالله خذها للطوارئ وانا بكون مع أمي وجمانة
عبدالله:طيب
غدير:لا ماابي خلوني مع جمانة
ام سعود:يمه روحي بتجين بعد مانتطمن عليك
غدير:لا ماني رايحة
سعود:..شالها..عبدالله خلك معهم وانتبه لهم
غدير:سعود اتركني ابي اجلس مع جمانة
سعود:..بصراخ..بنتطمن عليك انتي بعد
غدير:..تحس بنبضات قلبه السريعة وبنفسها..انت مرعوب اكثر مني وتتصنع الثقة
(يوم جديد)
(بيت ابو سلمان)
ام فارس:بسرعة ولا امشي
نور:..تلبس طرحتها..لحظة لحظة
فرات:يمه ايش بك مستعجلة اصبري شوي
ام فارس:من العصر وأنتم اصبري اصبري خلاص مافيني صبر انا بروح مع فارس وأنتم تعالوا مع سلمان او مروان
نور:لا لا معك وسلمان بيوصلنا
بيت ام سعود)
ام سعود:حياكم الله
ام فارس:الله يسلمك ويبقيك
ام فيصل:قدامهم العافية يااختي والحمدلله اللي سلمهم لك
ام سعود:الله يسلمك يارب
ام سعود:الحمدلله على سلامتهم
ام فارس:اي والله الحمدلله على سلامتهم ياأم سعود والله ياإني ارتعت يوم دريت بس خليها على ربك الحمدلله اللي سلمهم لك
ام سعود:الله يسلمكم جميع والشر مايجيكم ان شاء الله
غدير:..دخلت..السلام عليكم
ام سعود:هلا وعليكم السلام
جمانة:..تدخل..السلام عليكم
ام فيصل:هلا وعليكم السلام والرحمة هلا ياعيون خالة هلا ..تسلم عليهم..الحمدلله على سلامتكم
جمانة:الله يسلمك ياخالة
غدير:..بدون نفس..الله يسلمك
:::بعد ماسلموا وتحمدوا لهم بالسلامة:::
::::::؛جلسة البنات:::؛؛؛؛
نور:غدير وش فيك
فرات:اي والله النفسية ماش زيادة عالجبس
القنوع:توقعتك مستانسة عشان لك عذر ماتداومين
غدير:مافيني شي بس تعبانة شوي..وقفت..عن اذنكم..طلعت غرفتها..
القنوع:وش فيها
ليالي:اول مرة اشوف غدير كذا
فرات:اي والله اول مرة
نور:جمانة وش فيها
جمانة:والله مدري من لمى كنّا بالمستشفى وهي كذا
سماهر:يمكن انصدمت
جمانة:اذا عالصدمة فهي انصدمت صدمة الله يعلم فيها وظلت طول اليوم تتأكد أني بخير وتطلبني اسامحها
سماهر:وبعدين
جمانة:قلت لها اللي صار حادث ومالك دخل فيه
فرات:وايش ردت
جمانة:سكتت ولاعاد تكلمت اصلا كل اللي بالبيت ملاحظ تغيرها ولاندري ايش نسوي
نور:بس لقيتها انا بعدل النفسية ألف
(بيت ام فيصل)
فيصل:..يتقهوى..
منصور:ياأخي ماعندك بيت يلمك ناشب لنا اربع وعشرين ساعة
فيصل:قاعد عليك انا الحين قاعد عليك غصب تشوفيني بيتي فوق رأسك الكبير ذَا
منصور:اطلع ياأخي نبي نرتاح ونأخذ راحتنا
فيصل:على أساس أني مو محرم لك
منصور:فارق خلنا نرتاح
فيصل:وليه ماتطلع انت احنا اخذين راحتنا انت اللي مضيق على اللي بالبيت كلهم
منصور:..بعصبية..تصدق عاد انا بترك البيت لكم يمكن ترتاحون..مشى..
فيصل:لاحول وش فيه ذَا منفس اليوم..يلحقه..منصور منصور
(بيت ابو سلمان)
فارس:..يمد القهوة لسلمان..تفضل ياعريس
سلمان:..ابتسم وأخذها..مشكور سلمت
فارس:الله يسلمك ياعريس
مروان:..يمد الحلا..تفضل ياعريس
سلمان:..يأخذ قطعة..تسلم
مروان:الله يسلمك ياعريس
فارس:اخبارك ياعريس
مروان:وكيف الدوام معك ياعريس
سلمان:الحمدلله كل شي تمام
فارس:وعسى ماتعرض لك عبدالملك ياعريس
سلمان:..باستغراب..ومن يكون ذَا ان شاء الله
مروان:يعني ماقابلته ياعريس
فارس:هذا سكرتير الوالد اللي معه في كل خطوة واحد غثيث ويجيب لك المرض..سكت..أوه..ابتسم..ياعري س
سلمان:وليه أقابله ان شاء الله شغلي في جهة وهو بجهة ثانية
مروان:كانت امنيتي اشوف وجهه يوم درا انك تشتغل مع ابوي ياعريس
سلمان:لكن محد يدري أني ولد ابوي اقصد
مروان:..قاطعه..فهمنا فهمنا ياعريس
فارس:فنجالك ياعريس
سلمان:..يمده..تفضل ياأخو العريس
(بيت ام سعود)
(غرفة غدير)
نور:..دقت الباب ودخلت على طول..
غدير:هلا
نور:أهلين
غدير:هلا بغيتي شي
نور:ابد جاية اسولف مع حبيبة القلب غدّورة
غدير:اعذريني بس والله قافلة معي ماابي اقعد مع احد
نور:افا ليه طيب وش اللي صاير
غدير:بس كذا
نور:طيب قولي وش اللي مزعلك وبعطيك شي تبينه من زمان
غدير:..بشوية اهتمام ..وش اللي بتعطيني
نور:فضفضي لي وأوعدك بيكون شي تنبسطين فيه
غدير:..تنهدت واسترسلت الكلام..انا مو قادرة أسامح نفسي عاللي سويته انتي مستوعبة كانت اختي بتروح مني اختي الوحيدة
نور:بس انتي مالك ذنب انتي طحتي معها ماكنتي قاصدة تأذينها وفوق ذَا حتى انتي تعورتي شوفي يدك بالجبس الذنب مو ذنبك
غدير:انا حتى مو قادرة أناظر وجهها أو وجه أمي للحين اتذكر أمي يوم شافت المنظر قلبي يتقطع الف قطعة ليتني انا اللي طحت لحالي ولا صار لجمانة شي المنظر يروع يانور للحين مو قادرة أنساه
نور:يابنتي غصب مو قادرة تنشئته توه صاير قريب والايام كفيلة تنسيك وبعدين الحمدلله عدت على خير جمانة وسلمت الحمدلله وانتي طيبة بعد الحمدلله هونيها وتهون ولوم النفس زيادة ماله داعي
غدير:لمى أشوفها يجي في بالي المنظر مو قادرة اقولك مااقدر أشوفها
نور:طيب جمانة زعلت او عصبت منك
غدير:..بضحكة..جمانة،جمانة اول ماصحت سألت عني
نور:شفتي انك تهمينها مثل ماهي تهمك ولو انتي مكانها كان هي حست بتأنيب ضمير مثلك مايحتاج تكبرين الموضوع اذا أخذ اكبر من حجمه بيصير بينك وبينها حاجز ماراح تقدرين ترجعين مثل قبل معها لاتتوترين الوضع بينكم
غدير:تتوقعين اقدر
نور:أكيد بتقدرين ان شاء الله يالله عاد ماتعودنا عليك كذا الكل لاحظ نبي غديرتنا الفلة ارجعي لنا يااختي
غدير:يالله وين الشي اللي لي
نور:..باستغراب..وشو
غدير:لاتضيعين الموضوع فضفضت لك يالله..تمد يدها..
نور:ماشاء الله عليك مسرع مسرع لحظة
غدير:..وصلت جوالها رسايل ..
نور:افتحي جوالك وشوفي
غدير :..تفتحه بققت عيونها وتنط ع السرير بوناسة..يس يس ايوه كذا الكلام ولى بلاش ياعم
نور:ماشاء الله اشوف النفسية تغيرت180درجة
غدير:شكرا شكرا مرة
نور:هيا اذا سألوك عن شي او انكشفتي انا من الحين مالي شغل