الفصل 8
يوم جديد)
(بيت ابو سلمان)
سلمان:.صحى ويدخل يده بشعره ويبعثره ويتثاوب..ايش بسوي اليوم..تذكر القنوع..ايش اللي جابها في بالي ..ينزل..
ام فارس:..تفطر..
سلمان:..صباح الخير خالتي..بيبوس رأسها..
ام فارس:..تبعد عنه..
سلمان:قصدي يمه
ام فارس:..بابتسامة..آيه كدا صباح النور
فرات:..نازلة وتتحلطم..يمه مين بيوصلني اليوم
ام فارس:روحي مع مروان وفارس
سلمان:انا بوصلك
ام فارس:لا انت ارتاح بعدك ماتعافيت
سلمان:انا الحمدلله مافيني شي ومااحب اقعد فاضي
فرات:آيه يمه خلاص هو من نفسه قال بيوصلني ليه تعارضين
ام فارس:..بنظرات شك..وش مسوية
فرات:..بابتسامة.. يعني لازم مسوية شي
ام فارس:حركاتك ماتمشي علي
فرات:..تسحب سلمان من يده وتمشي..يالله مشينا بسرعة ..عينها ع الدرج..
سلمان:..لابس بجامته ويأشر على نفسه ..كذا
فرات:..ماتناظره..آيه آيه انت جميل بكل حالاتك
سلمان:..يمشي..امري لله
ام فارس:والله مسوية شي
(بيت ابو سعود)
غدير:..صاحية من بدري..صباح الخير
ام سعود:..باستغراب..صباح النور ماشاء الله صاحية من بدري وجاهزة ومروقة بعد
غدير:آيه من يوم يومي نشيطة الله يحفظني
عبدالله:..شرق بحليبه..آيه مقطعك النشاط
جمانة:صباح الخير
ام سعود:صباح النور
جمانة:وش صاير غدير صاحية بدري اليوم على غير العادة
غدير:يوه منكم يعني مااحد يصحى بدري ومروق ابد
عبدالله:الا بس انتي لا
سعود:صباح الخ..ير
غدير:وفر كلامك اللي بتقوله قالوه وعادي صحيت اليوم نشيطة ..رِن جوالها تبوس راس أمها..يالله سلام انا بروح مع فرات وليالي للجامعة ينتظروني برا
(بالسيارة)
فرات:..جالسة قدام عند سلمان..
::البنات يتراسلون بقروبهم::
ليالي:ياهوه ياحركات يعنني اخوي بيوصلني
غدير:يابختك جنب المز
فرات:عيب عليك غديّر هذا اخوي
ليالي:الله أكبر
غدير:ماكأنك اللي تمرمطينه وتسمعينه كلام يسم قبل كم يوم
فرات:..ترسل فيسات معصبة..
سلمان:ترا عادي سولفوا مثل قبل وخذوا راحتكم وحشوا فيني عادي والله
(في بيت ابو سلمان)
فارس:..يجري مع الدرج وصراخه يكسر هدوء الصباح.. فراااااااات
مروان:..وراه وبعصبية..فتفت والله لو أمسك ان مااحد بيفكك مني
ام فارس:بشويش بشويش أزعجتونا بذا الصباح والله أني حاسة انها مسوية شي
فارس:..بعصبية..وينها
سماهر:راحت الجامعة
نور:..نازلة من الدرج وتتثاوب..وش ذَا الإزعاج من الصباح
ام فارس:اقعدوا افطروا واستهدوا بالله
نور:..جلست تاكل..وش سوت لكم عشان حامقين عليها كذا
فارس:أخذت كل فلوسي اللي ببوكي وفلوس مروان بعد
مروان:وفوق ذَا مغيرة الباسوورد حقت اللاب ولااقدر اطبع بحثي الحين حتى مانسخته على فلاش امس من التعب اللي فيني
فارس:مايمدي امر صراف مع زحمة الصباح والدوام بتأخر عليه
مروان:واللي يغبن اكثر حاطة ملاحظة لنا ع الباب مع حبي فرات
سماهر:أكيد سويتوا لها شي
فارس:والله ماسويت لها شي لي يومين مشغول بامور الجامعة
نور:تذكر زين فرات ماتصلح شي عبث
مروان:آآآه الحقودة كل ذَا عشان ماااخذناها معنا الأسبوع اللي راح
فارس:لا لا ماتوقع ذَا السبب
نور:الا هو أكيد اذكر كيف كانت تترجاكم عشان تروح معكم وتقول لكم قد ايش ذابحها الطفش بس أنتم سحبتوا عليها
مروان:كيف نأخذها وهي جمعة شباب
نور:كذب إنتوا الاثنين بالذات مالكم اصحاب مغير إنتوا الاثنين مصاحبين بعض ماشاء الله عليكم نفسي اعرف ماتطفشون من وجيه بعض
فارس:هين فرات
سماهر:ترا راح الوقت وانتوا تتناقشون ياالمجلس الموقر
(بالسيارة)
فرات:..يرن جوالها كل شوي وتقفل..
سلمان:احد مزعجك
فرات:لا عادي
سلمان:..رِن جواله..هلا لحظة ..فتح سبيكر..
فارس:..بصراخ..فراااااااات ووجع
ليالي:..بنفسها..يامحلى ذَا الصباح والله
مروان:..بصراخ..فتفت
فرات:..ببرود..نعم خير
فارس:..بعصبية..وش أسوي الحين
مروان:..بعصبية..تكلمي
فرات:تذكرون كيف كنت اترجاكم عيدوا نفس اللي كنت أسويه لكم الحين
فارس:..بعصبية..فرات مو وقتك الحين
فرات:كيفك
مروان:فرات تكفين ذَا الدكتور مهددني اذا ماجبت البحث بحمل المادة
فرات:..ماترد..
فارس:فرات عرضي اليوم 40درجة بتطير على طول
فرات:يعني عشان حاولتوا تجبرون خاطري ذَاك اليوم بالكوفي والحلا بكون رحيمة معكم عرض فارس نسخته في لاب نور وبحث مروان في لأب قنوع
سلمان:..بعيون مفتوحة وبالبرتغالي..ڤويسايي ماو..صدق شريرة..
(بيت ابو سلمان)
سلمان:..دخل البيت..
ام فارس:..تنتظره..هلا والله
سلمان:..بابتسامة..السلام عليكم
ام فارس:وعليكم السلام
نور:..مارة..
سلمان:تعالي تعالي
نور:..باستغراب..هلا
سلمان:..يمد لها القهوة..
نور:..تأخذها..انا من اول مااشتغلت عندنا قلت انك دخلت مزاجي على طول الله لايحرمني بس ليت بعض الناس مثلك
سلمان:اذا قهوة تفرحك هالقد وش أقول بس يازين قلبك
ام فارس:والله مايبين بعينك شي واللي يجيبونه اخوانك لك
نور:خلاصة الكلام مابلقى مثلك
ام فارس :لايغرك الكلام ترا ترسم لبعيد
سلمان:عادي يايمه خليها كيفها ترسم على اخوها مو على احد غريب
نور:شفتي يمه قلت لك مافي منه اثنين
ام فارس:يالله توكلي ابيه بموضوع
نور:عادي بجلس ساكتة
ام فارس:..ساكتة..
نور:طيب طيب رايحة
ام فارس:آيه ياسلمان كيفك اليوم
سلمان:..توتر..الحمدلله تمام
ام فارس:وش ناوي عليه
سلمان:..خاف..في ايش
ام فارس:اقصد شغلك
سلمان:..ارتاح..اه باْذن الله بكرة بيبدأ تقديم على وحدة من الشركات وبقدم والله يكتب اللي فيه الخير
ام فارس:والشركة ذي هي اللي انا خابرتها
سلمان:..بابتسامة..آيه ..رِن جواله..عن إذنك
ام فارس:بحفظ الله يمه
سلمان:هلا
أسامة:..بعصبية..آيه آيه من لقى أحبابه نسى أصحابه
سلمان:..يضحك..افا مانسيتك والله بس وش أسوي انشغلت
أسامة:انت عارف ان لك 3ايام بنوبتك وأول مرة يصير لك كدا ولا اقدر أجيك واتطمن عليك ويوم صحيت ماقلت لي شي واللي بلغني فارس جزاه الله خير ولا انت نسيتني خلاص
سلمان:انا أنساك انا الله يسامحك اصلا اول مادخلت البيت ببدل بجامتي طيران لك ..بالبرتغالي..سينتو مياوتو سوا فاوتا**مشتاق لك موت**
اسامة:آيه آيه انصب علي بلسانك وكلامك الحلو
سلمان:..يضحك..والله جايك واللي قلت لك صادق فيه سلام..قابل ابوه..
ابو سلمان:..عينه جت في عين سلمان..
سلمان:..بلعثمة..صباح الخير
ابو سلمان:..تجاهله ومر من جنبه..
سلمان:..لف عليه..انا آسف اذا ضايقتك بس انا بظل بالبيت وبأثبت لك أني استاهل هالمكان وان وجودي مهم مثل كل اللي في البيت
ابو سلمان:..كمل طريقه..
سلمان:..تنهد وراح لغرفته..
::::بالصالة:::
ام فارس:..تناظر لأبو سلمان..
ابو سلمان:..ساكت يشرب قهوته..
نور:..تحس الجو مشحون وان وجودها غلط قامت..عن اذنكم ..خرجت..
ام فارس:اسمعني ياأبو سلمان
ابو سلمان:قولي مو انتي سويتي كل اللي تبينه
ام فارس:سلمان واحد من عيالك لازم تعطيه حقه من الحب والحنان اللي انحرم منها مثله مثل اخوانه
ابو سلمان:اعتقد ان هالموضوع راجع لي خصوصا انه ولدي مو بولدك
ام فارس:..تغير وجهها..سلمان مثله مثل فارس مثل مروان والبنات
ابو سلمان:..قاطعها..انتي تعرفين طبعي مااحب الهروج الواجدة اعطيني من الأخير
ام فارس:سلمان بيتوظف بالشركة
ابو سلمان:..اعتدل..انا مااظوف اي احد والسلام
ام فارس:وسلمان مو اي احد اللي اقصده ان سلمان مو محتاج لا واسطتي انا ولا حتى انت اللي اقصده انك ماتعترض طريقه وتمنع توظيفه اذا اختاروه
ابو سلمان:ليه طايح من عينك أنا لهالدرجة تشوفيني حاقد وخسيس
ام فارس:انت عارف أني مااقصد كدا ولا ارضى عليك مثل هالكلام بس انا حبيت اذكرك
(غرفة سلمان)
سلمان:..تفكيره مشغول بالموقف اللي صار تنهد وبنفسه..دامها سكتت معنى كذا انها ماتبي مشاكل لكن موقفي انفهم غلط انا لازم اعتذر لها..مسك جواله..
(في المرسم)
القنوع:..متنرفزة من الموقف اللي صار رمت الفرشة وتتذكر انه قال شي بلغة مافهمتها..أكيد تكلم علي ..تتذكر مسكته لها بخصرها وبقهر..وجع وجع ان شاء الله كسر يد ليه يلمسني انا ليه ماعطيته على وجهه اول مامسكني وعلمته الأدب..وصلتها رسالة من سلمان..
؛؛؛؛رسالة سلمان؛؛؛؛؛
السلام عليكم بصراحة مدري ايش اقول بس انا اعترف ان اللي سويته معك غلط مَس قنوع وماتوفيك اي كلمة اعتذار حقك ومقدَّر موقف التزامك بالصمت انا آسف وشاكر لك بنفس الوقت أتمنى انك تسامحيني وتنسين اللي صار ولى كأنه شي صار
القنوع:..مصدومة..هذا كيف تجرأ ويرسل رسالة بعد اللي سواه شكل وقفته تحت المطر اثرت على مخه هٓزُلت والله فعلا هٓزُلت
(بيت اسامة)
سلمان:..يدخل..
اسامة:..طالع من المطبخ وشافه..هلا..مشى..
سلمان:..بابتسامة..السلام عليكم
اسامة:..بزعل..وعليكم السلام
سلمان:..يجلس قدّامه..كيف حالك
اسامة:الحمدلله
سلمان :ماراح تسألني عن أحوالي
اسامة:مو لازم اعرف اشوفك قدامي طيب مافيك الا العافية جعلها دوم
سلمان:..يضحك..انا طيب الحمدلله والنوبة ماعاد جرني حاس أني متغير ..يفكر..اممم فيه حاجة بالنوبة الاخيرة غير
اسامة:كيف يعني
سلمان:مو تقول ماتبي تعرف شي
اسامة:سلمان
سلمان:ماادري اول شي أعراضها غير وطولت بالنوم ماقد صارت معي
اسامة:..يفكر..الا صارت مرة وحدة بس يوم الحادث
سلمان:..نزل عيونه بالأرض وتغير وجهه..
اسامة:..انتبه..انا آسف بس هاذي المرة الوحيدة اللي صار فيك كذا
سلمان:لا عادي مايهم اصلا خلاص تأقلمت
(يوم جديد)
(في الشركة)
سلمان:..دخل القسم اللي تعين فيه..السلام عليكم
موظف1:وعليكم السلام والرحمة انت الموظف الجديد
سلمان:..بابتسامة..آيه
موظف 1:تفضل ذاك مكتبك ورمز كمبيوترك سعد1850 تقدر تغيره لكن تثبت كلمة سعد
سلمان:اوكي شكرا..جلس وبنفسه..اخيراً رجعت للشغل اللي احبه
مدير القسم:السلام عليكم تجمعوا لو سمحتوا بالقاعة بعد عشر دقايق
:::بغرفة الاجتماعات:::
خالد"مدير القسم":طبعًا مثل ماقلنا قبل يرمين هالاقتراح اللي بتقدمه مهم جدا للشركة
رائد"مساعد المدير":لكن لسى الموافقة ماوصلت
خالد:عشان كذا ابي العرض التقديمي الاول يكون جاهز بكل بنوده بشوفه بالاول واضبط التعديلات عشان نعرضه اذا وصلتنا الموافقة المبدئية وباذن الله هالمرة فرصتنا كبيرة بالموافقة
ناير:انا حأنسق العرض
سلمان:أنا الإحصائيات
خالد:بدري عليك على الإحصائيات لسى ماتعودت عالشغل
سلمان:انا مجال شغلي وخبرتي أكثرها بالإحصائيات وإذا لقيت شي غلط تقدر تسوي اللي تحب فيني
خالد:مايحتاج انك تثبت اي شي بس دام ذَا مجال خبرتك فالإحصائيات عليك ياجماعة هذا سلمان الموظف الجديد
ناير:..بابتسامة..حياك الله بينا
سلمان:الله يسلمك ان شاء الله أكون زميل يعتمد عليه وقد المسؤولية
يوسف:..بنظرات غموض..شد حيلك بنتعبك معنا
سلمان:..استغرب ثم رد بثقة..لاتعب ولاشي هذا شغلي وان شاء الله بكون قدها
(بيت ابو سلمان)
ام فارس:..تقرأ كتاب..
القنوع:السلام عليكم
ام فارس:وعليكم السلام
القنوع:يمه
ام فارس:هلا
القنوع:يمه ابي أطلبك شي وتوافقين ماترديني
ام فارس:اسمع
القنوع:ابي اروح أقابل صحباتي بالمول
ام فارس:لا
القنوع:..بترجي..يمه
ام فارس:مثل كل مرة ارجع وأقول لك اعزميهم عندك انا مااحب التجمعات ذي اللي برا البيت
القنوع:يمه تكفين الله يخليك دايم اعتذر منهم
ام فارس:منهم ذَا البنات اعرفهم
القنوع:..بفرحة..اي تعرفينهم صديقاتي اللي يجون دايم عندنا شوق ودانة
ام فارس:شوق بنت فاطمة
القنوع:آيه
أم فارس:ودانة بنت من ذي
القنوع:دانة بنت ليلى ذيك الطويلة الحلوة
ام فارس:اه الله يستر عليها مابلعتها وليه ماتتقابلون هينا اريح لكم
القنوع:يمه هم مايبون البيت طفشوا
ام فارس:طيب متى بتتقابلون
القنوع:بكرة ان شاء الله
ام فارس:على خير ان شاء الله
القنوع:يعني
ام فارس:قلت لك ان شاء الله على خير
القنوع:يمه
(الشركة)
::خارجين من الاجتماع::
ناير:..يهمس..اقولك أنت تعرفه
سلمان:..باستغراب..من تقصد
ناير:يوسف
سلمان:اول مرة اشوفه
ناير:انتبهت له طيب
سلمان:آيه لاحظته يعطيني نظرات بس بسلامته ماضربت له حساب
ناير:الله يهديه رغم انه شغيّل لكن يدور المشاكل عالعموم مكتبي جنبك مثل ماانت عارف اذا احتجت شي او بتسأل عن شي لاتتردد
سلمان:مشكور الله يعطيك العافية
(بيت ابو سلمان)
(ع العشا)
ام فارس:بشويش بشويش
فارس:..يسحب الخبز من يد مروان..
مروان:يمه شوفيه
سلمان:..يناظرهم ساكت وده يطير من الفرح لأنهم حوله..
فرات:..تاكل..الحمدلله والشكر كأنكم ماشفتوا اكل من اسبوع
نور:الله لايبلانا فجعتوا سلمان شوفوه كيف يناظركم ساكت
سلمان:لا والله عادي يكفيني جمعتنا عالسفرة
فارس:آيه حبيبتي انتي مرتاحة لكن احنا بالتطبيق السوم ماذقنا لقمة من الضغط اللي علينا
فرات:احسن تخفيف وزن
مروان:..يأشر على نفسه..اكثر من كذا
سلمان:الا وين نور وسماهر
ام فارس:عند القنوع يتعشون مع بعض
ابو سلمان:..دخل ومرّ..السلام عليكم
ام فارس:وعليكم السلام والرحمة هلا حياك تفضل معنا
ابو سلمان:عليكم بالعافية
فرات:يبه حياك حياك
ابو سلمان:أنا تعشيت مع وجيهٍ تفتح النفس مو مثل بعض الوجيه اللي عندكم
سلمان:..نزل عيونه بالأرض وتغير وجهه..
فارس:افا يبه يعني وجيهنا تسد النفس
ابو سلمان:عالعموم انا تعشيت تصبحون على خير.مشى.
مروان:غريبة مو من عوايد ابوي ينام الحين
سلمان:..يقوم..الحمدلله تسلم يدك يايمه عسى النار ماتمسها عن اذنكم
فرات:..تخز مروان بنظرات..
(غرفة سلمان)
سلمان:..على سريره ويفكر..أخذ بيت لحالي لا لا انت لازم تخليه يحس بوجودك ويعرف قيمتك..تنهد..لازم تتعود حتى لو مايبيك
....:..يدق الباب..
سلمان:..تفضل..
فارس:..يدخل..السلام عليكم
سلمان:وعليكم السلام والرحمة
فارس:..يرمي نفسه عالسرير جنب سلمان وتنهد من التعب..ابي انام عندك الليلة
سلمان:خير صاير شي
فارس:اامممم لا ابدا
......:..يدق الباب..
فارس:..بدلع..مايتحمل فراقي
مروان:..دخل..كذاب انا ابي انام عند سلمان..يرمي نفسه عندهم..
سلمان:..محشور بينهم..وش فيكم لايكون متهاوشين
فارس:..يحضنه..ابد
مروان:..يحضنه كمان..نبي نام عندك اليوم
سلمان:..فزّ من بينهم ووجهه احمر من الاحراج..صاحين أنتم
فرات:..تفتح الباب..اها المهابيل هينا بدوا يعني وانا انتظر لي كم يوم متى يبدون
سلمان:..يناظرها بفجعة..يعني الوضع كذا طبيعي
فرات:..تدخل..لحظة..تفتح جوالها وتصورهم..
سلمان:..مستغرب..ايش اللي يصير معي
فرات:..تنهدت..الله يعينك ذول الاثنين من كنّا صغار وهم عندهم لستة أشياء يبون يسوونها معك..تحط يدها على كتفه..الله يعينك على هالمغثة الله يعينك عليهم
مروان:بزرة
فارس:ايش ذَا الاستخفاف احترمينا
فرات:..تكمل ومطنشتهم..أنصحك نصيحة أخت محاربة مقدامة وثق كل شي ولا ترا بيجحدونك بعدين سلام ..خرجت..
سلمان:..واقف يناظرهم..
مروان:..يضرب السرير بيده..تعال ننام
فارس:يالله بسرعة عندي دوام بكرة
(يوم جديد)
(بالشركة)
سلمان:..رِن جواله..هلا
مروان:..بحماس..هلا والله
سلمان:..انزعج من الصوت وبالبرتغالي.. بيرترباساو **ازعاج**بشويش انا بالدوام
فارس:..يصرخ..سلّوووووم سلملم
سلمان:..ابتسم..هلا والله ايش بغيتوا
مروان:بكرة ان شاء الله الوالد مسوي عندنا عزيمة فقرروا اليوم الشباب نتجمع
سلمان:..مشغول ..عادي قابلتهم المرة اللي فاتت
فارس:هالمرة غير
سلمان:كيف يعني
مروان:هالمرة غير اخوي الكبير معنا
مروان:بنكسر عيون بعض الناس
مروان:تجهز كأن زواجك الليلة
سلمان:..مرت في باله ساندرا وبحزن..ان شاء الله
مروان:ايش فيك صوتك تغير
سلمان:لا بس مشغول
مروان: اجل مانأخرك اكثر نشوفك شوي ان شاء الله
سلمان:ان شاء الله
مروان: سلام
ناير:اقول سلمان
سلمان:هلا
ناير:يقرب لك صاحب الشركة بشي
سلمان:..أنصدم من سؤاله ماتوقعه.. لا تشابه اسماء فقط
ناير:طيب وش ترجع
سلمان:ليه
ناير:يوسف اليوم يقول انك ولد صاحب الشركة وتجادلت معه على هالموضوع ياأخي ابي أسالك
سلمان:هلا
ناير:يابن الحلال بينكم شي انت ويوسف
سلمان:..باستغراب...لا
ناير:اجل ليه احسه شايل بقلبه عليك ويحاول يشوه سمعتك باي طريقة
سلمان:اتركه الكلب يوم يمشي بالبحر ماضر البحر بنجاسته
ناير:أوه حكم حكم
سلمان:ان فكر يضرني البحر بيثور موجه
ناير:..يصفق..أفحمتني ياولد..انتبه..وصل وصل
(بالمول)
(بالكوفي)
القنوع:والله لك وحشة يابنت
شوق:وانتي اكثر
القنوع:دندن
دانة:..تتنحنح..ادري ادري اصلا مااحد يتحمل فراقي
شوق:يالواثقة انتي
القنوع:بس بس طالعين مع بعض نبي ننبسط مو تعكرون مزاجي بمناقرتكم
دانة:هي تسكت انا بكون ساكتة
شوق:شوفوا من يتكلم
القنوع:..وقفت..انا بروح دورة المياه ارجع الاقيكم خلصتوا كل مناقرتكم..مشت..
...........:::..مسك القنوع بيدها...
القنوع:..انفجعت وجمدت مكانها...
...........:::::...سحبها ومشى فيه عند طاولة بعيدة شوي...
(بنفس المول بجهة ثانية)
(بالاصنصير)
سلمان:..متكتف وميل راْسه ومغمض عيونه..
شاب1:اقولك بيقابلها
شاب2:هو يحبها صدق ولا يلعب عليها مثلها مثل اللي قبلها
شاب1:هالبنت عنده غير مو مثل الباقيات احسه يحبها صدق بس هو يوهم نفسه انه يلعب عليها
شاب2:أتوقع يلعب عليها عشان فلوسها
شاب1:بس هي يتيمة وعند عمها
شاب2:يابخته اذا وافقت عليه
شاب1:بس هو طموحه مو زواج وبس هو يبي يكسر خشوم
شاب1:اقول يرتاح بس اذا اللي ببالي ماراح يقدر عليهم
شاب2:لايسمعك والله ان يخلي عيشتنا زبالة
سلمان:..بالبرتغالي..إنتوا الزبالة لأنكم مو وجه صحبة وفوق ذَا مالميتوا خويكم عن خلق الله تفوا عليكم من صحبة..يتنهد ويكمل..ليه نتقابل اليوم عندي شغل كثير لازم أكمله
شاب2:اقولك ماتحس انه سبنا
شاب1:ياشيخ نادرا عنك اسكت بس
(بالكوفي)
سلمان:..يدخل..
فارس:..يأشر له..
سلمان:..بابتسامة..السلام عليكم
الكل: وعليكم السلام والرحمة
::::بعد ماسلموا::::
فارس:..بابتسامة..طبعًا كلكم عارفين سلمان
مروان:..بابتسامة..اخونا الكبير
سلمان:..تذكر كلام فرات وكتم ضحكته..
سعود:..ابتسم..آيه نعرفه لكن باسم ثاني
فيصل:آيه عارفينه بس ليه ماخليتها بالليل جمعتنا عاجبكم شكلي وانا جايكم بلبس العمل
فارس:انت دايم تتشكى خلاص اسكت خلني اكمل كلامي
فيصل:فرّوس احترمني انا اكبر منك عالاقل احترم هالشيب اللي طلع برأسي
مروان:..يأشر على فيصل..ذَا النشبة اللي يتشكى طول الوقت تقل عجوز
فارس:فيصل ولد العمة نورة
فيصل:عيب عليك طيب عالاقل بشويش قله بينك وبينه فضحتني
مروان:وهذا منصور اخوه
منصور:كلنا عيال نورة
سلمان:..ضحك..
فارس:..يناظر فيصل..شفت مو مثلك
مروان:وهذا سعود..يناظر عبدالله..وهذا عبدالله
فارس:عيال عمة مها..يهمس وبابتسامة..انتبه من عبدالله
سلمان:..عقد حواجبه..
فارس:..يهمس..لاتبين لاتبين فضحتنا
سلمان:..بنفسه..والله أنتم اللي خبول فضحتوا نفسكم
مروان:وهذا سعد سعّود سعدعد
سعد:..يتنحنح..وبعدين
فارس:ولد عمة نوار
سلمان:هلا والله بكم كلكم اخوان ان شاء الله قبل ماتصيرون عيال عمات
فيصل:الله يسلمك ابد لابغيت شي أمرني اطلب وبيتم باْذن الله
سلمان:تسلم ماتقصر
سعود:هالكلام اللي قاله فيصل يشملنا كلنا انت اخو الحين مثل ماقلت
سلمان:لا خلا ولاعدم هذا والله من طيب اصلكم
فارس:خلصتوا كأنكم قلبتوها رسميات
(بالكوفي الجهة الثانية)
القنوع:..جلست لاشعوريا ومن الخوف مارفعت عيونها..
سلطان:..يهمس..خفتي
القنوع:..تنهدت يوم عرفته..سلطان فجعتني
سلطان:بِسْم الله عليك ياروح سلطان
القنوع:..بخجل ودلع..خير وش تبي تدري أني مااحب هالحركات
سلطان:..بشوق..ماقدرت أتحمل مااشوفك اكثر من كذا يوم سمعت شوق تستأذن أمي ماصدقت قلت بوصلها ماشفتك ولا سمعت صوتك من زمان كذا عذاب
القنوع:..تقوم..عن إذنك انا ماتربيت على هالشي
سلطان:..بعيون يملاها..لحظة تذكرين كلامي
القنوع:..بخجل..وكيف أنسى
سلطان:انا عالوعد قنوع
(بيت ابو سلمان)
(العشا)
ابو سلمان:..وصلته رسالة تغير وجهه..
ام فارس:وش فيك صاير شي
ابو سلمان:لا ابد مافيه شي بس شغله ونسيتها
ام فارس:أنسى شغلك انت بالبيت
نور:يبه كيف سلمان عساه أعجبك بشغله
فرات:..تطالعها بنظرات..
نور:يعني انا سمعت فارس ذاك اليوم يقول ان سلمان عنده عرض وشكله متعب
فرات:يبه ترا سلمان ماقال شي احنا شفناه باللاب حق فارس
ابو سلمان:الفريق اللي فيه سلمان احسن فريق بالشركة
نور:يعني سلمان بيكسب فريقه بالعرض
ابو سلمان:هذا برأي المدير التنفيذي هو ادرى بشغله
نور:بس انت الرئيس
ابو سلمان:وبعدين معك عمرك مااهتميتي بالشغل آش معنى اليوم
نور:خلاص اسفة
ابو سلمان:وترا زواج سماهر بعد شهر
ام فارس:وشو
ابو سلمان:اللي سمعتيه
ام فارس:بس ماجهزنا شي
نور:..باستغراب..ماشاء الله متى صار ذَا الكلام ومن هو سعيد الحظ
ام فارس:مايمدينا نجهز
ابو سلمان:بيكفيكم الوقت قلت لكم معكم شهر
فرات:طيب الملكة
ابو سلمان:مرة وحدة ملكة وزواج ليه الخساير
ام فارس:طيب ان شاء الله الله يسرها لنا
(بالمطعم)
فارس:الله يعين اللي بتاخذك ياشيخ
فيصل:وليه وش فيني
مروان:مغثثثثة
منصور:..يهمس..اجل الله يعين اختك
مروان :وش قلت
منصور:لا ابد سلامتك
فيصل:لا والله الا ياسعد حظها بتاخذ واحد رزة مزيون راعي واجب وفوق كل ذَا رومنسي
فارس:..ضحك..
مروان:..ضحك..
منصور:مثل رومنسيتك يوم جبت لنا كيكة
سعود:وكاتب لنا مبروك عليكم يااهل السروال والفنيلة
فيصل:اصلا إنتوا مو وجيه كيكات
فارس:والله مدري البلا فينا او فيك
سعد:رومنسيتك مضروبة بصنف فاخر وبتجيب العيد بيوم
مروان:يقال يبي يعدلها اليوم اللي بعده جايب لنا لوحة مكتوب عليها يااحلى شباب بالكون وبدل لايحط كيكة حاط صحن بخاري عدم ام ام الحركة
فيصل:والله أني رومنسي بس أنتم ماتفهمون خلونا ناخذ رأي محايد ايش رايك سلمان
سلمان :..تعلثم..آيه رومنسي
فيصل:وش فيك خلك واثق وانت تقولها
سعد:سلمان قصده يقول العن ابو رومنسيتك بس مستحي منك
(يوم جديد)
(العشا)
ابو مشعل:اقولك ياأبو سلمان
ابو سلمان:سم
ابو مشعل :سم الله عدوك انا جايك وطالب القرب منك
ابو سلمان:حياك الله
ابو مشغل:انا أبي أخطب بنتك القنوع لولدي سلطان
ابو سلمان:..وجهه تغير..حياكم الله انا من جهتي موافق بنشاور البنت ونشوف رايها أرد لكم
ابو مشعل:على خير ان شاء الله
(بعد العشا)
القنوع:..ترمي نفسها عالسرير وتحضن مخزنها وتتذكر اول مرة صارحها سلطان بحبه..
(بالمخيم)
القنوع:..صاحية لوحدها والبنات نايمين..وش رايك تلعبين معي اكس بوكس
جود"اخت سلطان الصغيرة بالابتدائية":بتنهزمين ترا
القنوع:..تضحك..خلينا نلعب وبنشوف
::وصلت رسالة::
جود:..تفتحها..ياربي من سلطان دايم تعالي تعالي ..راحت له..
::وصلت رسالة::
القنوع:..تفتحها وتقرأ..القنوع انا ابيك بموضوع..خافت وتفكر..اكمل او لا
::وصلت رسالة::
القنوع:..فتحتها وتقرأ..أنا احبك وأموت فيك ومااتخيل حياتي بدونك واخاف احد يأخذك مني تقدرين تنتظريني اصبري علي شوي لحد مااكون نفسي انت حلم حياتي ..بققت عيونها وبنفسها..على قد ماكنا نلعب واحنا صغار كان دايم يضربني ومايطيقني غريبة المحبة ذي..رسلت له رسالة وقفلت وحذفت كل شي..
القنوع:..بابتسامة..آيه ايام
(يوم جديد)
(بيت ابو سلمان)
(في مكتبه)
ابو سلمان:اسمعي يابنتي
القنوع:سم يبه
ابو سلمان:تقدم لك واحد
القنوع:..فزّ قلبها وبنفسها..سلطان
ابو سلمان:لكن هالرجال مايعجبني من يومه صغير ويوم كبر تتأكد نظرتي اكثر وأكثر أخوياه ماهم بالحيل لو اخوه اللي خاطب زوجتّه واجبي يابنتي أني اعلمك
الولد لعّاب وعليه حركات مرات مالها سنع
القنوع:..انصدمت وبنفسها..يارب مايكون هو
ابو سلمان:ومثل ماتعرفين نظرتي ماتخيب ابد وانتي بكيفك واللي متقدم لك ذَا هو سلطان ولد حمد
القنوع:..انقلب وجهها..
ابو سلمان:لكن متقدم لك واحدٍ ثاني مايحتاج امدحه هو غني عن المدح وأخلاقه معروفة
القنوع:..بصوت خانقته العبرة..ومن يكون بعد
(بالليل)
(بحديقة البيت)
ام فارس:..عند النار..ياسلام من زمان عن هالشوي اللي يرد الروح
نور:..تشوي..الله يسعد اللي جابت الفكرة بس
فرات:مو انتي
نور:..تكتفت..مو انا يالله اشوي انتي الحين..بتقوم..
فرات:..تمسكها..انتي انتي ياأحلى شيف بالعالم
فارس:سماهر هي صاحبة الفكرة
مروان:اصلا سماهر من يوم يومها سمعة
فارس:بنفقدك والله
مروان:ياأخي حزن مانبي نبي ننبسط نبي وناسة
(ع العشا)
فرات:اقول يبه وش ورثت من جدي
ام فارس:وش هالسؤاا الغريب
نور:تقصد عيونه طوله زي كذا
ام فارس:..تناظر ابو سلمان..رد
ابو سلمان:..يبتسم..امممم انا اللي ورثته شدته بس
سماهر:أمي تقول أني انا من بين اخواني ورثت العقل منه
فرات:وانت سلمان وش تتوقع انك ورثت
سلمان:..أنصدم..انا
نور:آيه انت
ابو سلمان:الشين مايورث من الزين شي
سلمان:..نزل عيونه خلاص تعود على اُسلوب ابوه وجفاه..
ام فارس:..تتجاهل ابو سلمان..عاد سلمان أخذ من عمي الله يرحمه عرض الاكتاف والطول والهيبة المخلوطة بالوجه البشوش
فارس:باختصار شفط كل شي عننا
ام فارس:اول ماشفته قبل شاكة انه سلمان ماحسيت انه غريب عني ابد بالعكس كنت دايم أفكر انا وين شايفته قبل بس يوم عرفت انه سلمان على قولتهم اذا عرف السبب بطل العجب
سلمان:..ابتسم..
ابو سلمان:سلمان
سلمان:..فزّ قلبه ..
ابو سلمان:وش فيك وين راح لسانك
سلمان:هلا
ابو سلمان:ألحقني
(في مكان مجهول)
مجهول1:ها بشر وش سويت
يوسف:ابد مثل ماطلبت احاول أكرهه بالمكان واللي فيه بس
مجهول1:..بعصبية..على مااعتقد انك مو قدها
يوسف:..بخوف..كل ماحاولت معه يوصل للي يبيه هو ويزيد عليه بعد
مجهول1:..يضحك..ياحليلك والله وتمدحه لي بعد..بعصبية..يعني ماتقدر تسوي شي شكلك ماتقدر النعمة اللي انت فيها
يوسف:انا بتصرف معه هالمرة زين وبتسمع اخبار زينة قريب..خرج..
مجهول1:..رِن جواله..هلا بطويل العمر
مجهول2:وش الجديد
مجهول1:ابد ياطويل العمر مثل ماانت عارف
مجهول2:..بعصبية..الظاهر انك تبي فضيحة عند اللي خبري خبرك
مجهول1:افا ياطويل العمر انا تربيتك اذا ماافلح فيها يوسف فابشر بعزك بجيب راْسه لاتوصي حريص
مجهول2:اذا ماصار شي مبشر قريب فااعرف انك بتكون في عداد المفقودين..قفل..