الفصل 6
في مرسم القنوع)
ليالي:..تدور في المكان..
القنوع:..ترسم..تراك أشغلتي أهل اهلي وانتي تدورين حولي
ليالي:امممم في شي غريب بلوحاتك
القنوع:..بلعت ريقها..وشو الغريب
ليالي:اغلب رسوماتك فيها ظل لكن..تفكر..
القنوع: كل الرسامين يرسمون اظلال جت علي يعني
ليالي:ادري بس..سكتت..
القنوع:بس ايش تكلمي
ليالي:الظل اللي ترسمينه غير كيف أقولك..تفكر..
القنوع:وش تقصدين
ليالي:الظل عادة يكون شي يخوف او وراه حزن عند الرسامين
القنوع:طيب
ليالي:لكن ظلك مبتسم كأنه واثق ان قدّامه سعادة
القنوع:..تضحك..وش هالكلام
ليالي:اي والله عادة الظل يجيب الغم بلوحات الفنانين لكن حقك غير
القنوع:ماشاء الله عليك يالناقدة انتي
ليالي:..تناظرها..
القنوع:وش فيك
ليالي:يقولون الرسام يعبر عن اللي بقلبه وأفكاره برسمه
القنوع :مو شرط
ليالي:انتي اي نوع
القنوع:..تفكر..امممم على حسب
ليالي:ليه احس قلب
القنوع:..تخصرت..لا ياشيخة قالوا لك مثلك
ليالي:..تنهدت..اه بس لاتقلبين المواجع
القنوع:..شهقت..عدمت بلوزتي..تناظر ليالي..كله منك
ليالي:وانا ايش دخلني انتي اللي تحمستي
::باب المرسم يدق::
القنوع:خير غريبة مين
فارس:القنوع ابيك ضروري
القنوع:..فتحت الباب..فارس خير وش فيك
(بغرفة سلمان)
فارس:..رِن جواله..هلا قنوع
القنوع:ها بشر
فارس:..تنهد..سويت اللي قلتي عليه والحين الحمدلله نزلت حرارته احسن من أول..يناظر مروان..بس
القنوع:وش فيك اذا فيه شي وده المستشفى على طول لايصير له شي
فارس:لا لاتخافين كل شي ان شاء الله أوكي
القنوع: أكيد
فارس:قلت لك لاتشيلين هم سلام
مروان:..جالس ع الارض وضام رجوله لصدره وحاط راْسه على رجوله وعينه على سلمان..
فارس:..يناظر مروان وتنهد..مروان مروان
مروان:..ساكت مايرد..
فارس:مروان ايش فيك قولي ايش فيك ايش ذي الحالة اللي انت فيها ماقدرت أقول للقنوع لاني عارف اذا شافت وضعك على طول بتقول لأبوي ولا أنا اللي قادر اتصرف معك وانت بذي الحالة ..يجلس قدّامه..تكفى طمني وقولي وش فيك
مروان:..امتلت عيونه دموع وصارت تنزل وبصوت مخنوق..أنا أنا أعرف هالرجال وأنا أكيد أني السبب في كره ابوي له..يحط يده على راْسه..انا سويت شي بس مدري وشو
فارس:انت ماسويت شي انت طيب من يومك صغير والطيب مابيسوي شي يضر به احد
مروان:..يبكي..الا مسوي شي بس مو قادر أتذكره تدري ليه لان هالولد هو اللي في أحلامي يافارس هو
فارس:كيف وشلون لحظة لحظة بس أنت تقول صغير كيف وش دراك انت
مروان:اقولك هو انا متاكد بس من يكون وش اللي جابه بعد كل ذي السنين وايش اللي يبيه
(بالليل)
ام فارس:ماشاء الله عليكم إمداكم تقزون كل ذولي هذا وأنتم تشتغلون
نور:يمه اذكري الله
ام فارس:..تضحك..ماشاء الله وألف من ذكره خايفة من عيني لاتخافين ليت كل الناس عيونهم مثلي
سماهر:اي والله ليتهم مثلك يالغالية
فرات:أمي حبيبتي نور عيني ي غزالتنا انتي
ام فارس:..بنص عين..الله يستر منك انتي ياأم لسان وش تبين
فرات:يعني لمى ادلع أمي حبيبتي معناه أبي شي
ام فارس:فرات هاتي من الأخير
فرات:قولي لنا عن اخوي سلمان من معه وكيف حياته
نور:..تحمست..آيه يمه تكفين نبي نعرف
ام فارس:انا ماعندي خبر بشي
القنوع:يمه وعد مانقول لاحد شي وبيكون ذَا سر بيننا
ام فارس:حتى انتي قنوع
سماهر:يمه تكفين قولي
ام فارس:بقول لكم بس توعدوني اول اللي أقوله يظل بينا
سماهر :وعد يمه وعد
(يوم جديد)
(الجامعة)
سلمان:..مسرع..هاذي نهايتك ياسلمان تأخرت هالمرة بتنطرد مافيها كلام..وقف..
فرات:..طلعت السيارة..
سلمان:..على أعصابه ينتظر تهزيئة من فرات..
فرات:..ساكتة..
سلمان:..بنفسه..لايكون ساكتة عشان تشتكي قدام ابوي..العذر منك الطريق كان زحمة وأغراض البيت أخرتني زيادة
فرات:..ساكتة تقلب في جوالها..
سلمان:وهذا اللي أخرني عليك اليوم
فرات:..ماترد..
سلمان:..على أعصابه ماقدر يتحمل..والله آسف هالمرة ان شاء الله اخر مرة أتأخر فيها لاتشتكين عليّ
فرات:لا اصلا عادي انت اتاخرت بعذر يعني مو بيدك وبعدين معذور انت من كثر المشاوير اللي عندك مو قادر تلحق ماتنلام
سلمان:..مصدوم من ردة فعلها..ها
فرات:..تتصنع العصبية..نعم قلت شي
سلمان:لا ابد سلامتك
فرات:اجل انتبه للطريق
سلمان:حاضر ان شاء الله
{صباح اخر يوم بالمهلة اللي بين سلمان وأبوه}
(بيت ابو سلمان)
ابو سلمان:..رايح جاي يفكر وفيه هم وبنفسه .. شكلك بتدخله بيتك ياسعد
ام فارس:..باستغراب..ايش فيك ياسعد
ابو سلمان:..مو معها..
ام فارس:ابو سلمان وش فيك
ابو سلمان:..بتوتر واضح..ها وش بغيتي
ام فارس:وش فيك ياأبو سلمان وش اللي مشغلك
ابو سلمان:لا مافيه شي
ام فارس:قولي وش صاير
ابو سلمان:مو صاير شي قفلي الموضوع
(بالسيارة)
سلمان:..كاتم ضحكته ويحاول يسيطر ع الفرحة اللي فيه..
فارس:..يراجع ويسرق نظرات لسلمان عشان لايحس وبنفسه..وش الرابط بين ذَا و مروان وش السر ياترا
فرات:..بنفسها..يعني هو سلمان الا أكيد لان الثاني اللي بالصورة كبير فأكيد بيكون اسامة اللي قالت عليه أمي
مروان:..عينه على سلمان ونظراته فيها شك..
سلمان:..ضحك ماقدر يكتمها اكثر..
مروان:ماشاء الله شكلك مبسوط اليوم ياسامي
سلمان:..يهمس..ياكرهي للاسم ذَا اخيراً بننفصل انا وإياه ..يضحك..ياسماجتي بس ننفصل حلوة
فارس:..قفل كتابه..أبسطنا معك انا اكتبئت خلاص من جو المذاكرة والكتب
سلمان:..بابتسامة على وجهه..لا مافي شي
مروان:علينا وجهك مو قادر تتحكم فيه من كثر ماانت مبسوط
فارس:يعني اللهم لاحسد
سلمان:ابد صحيت اليوم وانا مروق
فارس:..رن جواله..هلا آيه طيب خلاص ان شاء الله على خير بعطيهم خبر..قفل..الليلة العشا ببيت عمتي ام فيصل وتراك معزوم معنا ياسامي
سلمان:ان شاء الله ماشاء الله الجو اليوم مغيم شكل الخير جاي ان شاء الله
مروان:ان شاء الله الله يجيب الخير اللي مافيه شر
فارس:عاد من زمان عن المطر
(بالليل)
(بيت ابو سلمان)
(بالطريق راجعين من بيت ام فيصل وكلهم بسيارة وحدة يسوقها سلمان)
نور:اي يمه شوفي فارس
مروان:لا حول الله يمه شوفي فرات
سماهر:يوه بلا ازعاج اسكتوا شوي
فارس:آيه ماعليك انتي مرتاحة
مروان :جنبك أمي والقنوع غصب مرتاحة
فارس:ولا حولك أغراض
سلمان:..يبتسم وبنفسه..صدق اليوم احلى يوم في حياتي
سماهر:ومين اللي قال ماحولي أغراض واللي عندنا وشي
ابو سلمان:..يفكر ان اليوم خلاص بيدخل سلمان البيت وهو ماراح يتحمل هالشي وقطع تفكيره هالازعاج..بس بس تراكم كبار المفروض أنكم ساكتين اصلا انبسطوا أنكم بسيارة وحدة من سنين ماقعدتوا مع بعض في نفس السيارة
ام فارس:اي والله اخر مرة يوم كانوا فارس ومروان بالثانوي
نور:اشتقت لجو السيارة واحنا صغار ونغني
فرات:اي والله ليتنا نغني مثل قبل
سماهر:يبه
ابو سلمان:لا
سماهر:الله يخليك
فارس:تكفى يبه
مروان:بابا
سلمان:..يناظرهم مستغرب..
فرات:يبه بابا حبيبي
نور:نور عيني انت
القنوع:بابا
ام فارس:عاد القنوع طلبتك معهم لا تردهم
ابو سلمان:..تنهد ويفكر..
سلمان:..عينه على ابوه وبنفسه..وش يقصدون
ابو سلمان:..يغني..حمامة
الكل:..يغني..نودي نودي
سلمان:..أنصدم من ابوه حس هيبته كلها راحت..
ابو سلمان:سلمي على
الكل:عبودي
سلمان:..كاتم ضحكته..
ابو سلمان:عبودي راح
الكل:لمكة
ابو سلمان:يجيب
المل:ثياب العكة
(بيت ام فيصل)
ليالي:زعلانة
ابو فيصل: نور البيت وش فيه زعلان
ليالي:..بزعل..ليه مايباتون عندي
ام فيصل: شفتيهم طلبوا خالك وترجوه قدامك ولا رضى ومشوا زعلانات بعد
ليالي:ليه طيب
ام فيصل:وعدك خالك يجيبهم عندك مرة ثانية
ابو فيصل:خلاص عاد لاتشيلين بخاطرك خالك اذا وعدك بينفذه لك
ليالي:طيب جمانة وغدير
ام فيصل:سالتيهم وقالوا لك نجتمع كلنا احسن
ليالي:..ببرطمة..انا دايم انام عندهم وهم لا ليه
ام فيصل:ليالي خلاص لاتصيرين نفسية
ليالي:انا غلطانة اللي أتكلم عندكم كل ذَا عشان ماعندي اخت وحتى لمى افضفض لك تزعلين أوتعصبين علي ..راحت..
ابو فيصل:زعلتيها
ام فيصل:بنتك دلوعة تبي الناس على كيفها
ابو فيصل:سايريها سولفي معها ماعندها احد صيري اخت وصديقة لها
ام فيصل:والله ماني مقصرة احاول معها بس بنتك مايعجبها العجب
ابو فيصل:الله يصلحها ويصلحك لها
(بيت ابو سلمان)
ابو سلمان:..يطّلع درج مدخل البيت..
ام فارس:..وراه..نزلوا الأغراض مع سامي وحطوها بالمطبخ
فارس:ان شاء الله يمه
مروان:طيب ان شاء الله
سلمان:..حط أغراض عند الباب وراجع للسيارة يجيب باقي الأغراض ..
فرات:..تمشي ورا أمها وأبوها وبتعب..سلمان بالله نزلي الشنطة الكبيرة حقتي مافيني تعبانة
سلمان:..جمد مكانه..
الكل:..مصدوم..
نور:..تناظر بفرات نظرات كلها قهر..
فرات:..غمضت عيونها وعضت شفتها وبنفسها..وجع وجع يوجعك يافرات جبتي العيد الله لايربحك
ابو سلمان:..وقف من سمع فرات نادت سلمان ومعطيهم ظهره ووجهه على باب البيت..
فارس:وش قلتي فرات
ابو سلمان:..ضحك ثم تنهد بارتياح..اه الحمدلله عيالي ماخيبوا ظني كالعادة لابغوا يعرفون شي جابوه لو هو تحت الارض..لف وبابتسامة..شفت انكشفت قلت لك مستحيل تدخل هالبيت ياسلمان
::الكل مصدوم وساكت::
سلمان:..لف على ابوه وعيونه مليانة دموع..
ابو سلمان:..يناظر ساعته ..باقي خمس دقايق لا لا الأدق 3دقايق على نهاية اليوم
سلمان:..يحبس دموعه وبغصة في قلبه..أنا نفذت كل اللي قلته وتحملت كل شي
ابو سلمان:..بتأفف..بس بس ..وبابتسامة..شيّك على ساعتك الوقت ماانتهى يوم انكشفت
::بدا ينزل المطر::
سلمان:..دموعه تنزل..لا مستحيل انت وعدتني كيف تخون الوعد
ابو سلمان:..بعصبية..انا ماخنت الوعد انت اللي انكشفت على مااعتقد انك انت اللي ماتميت المهمة ..وبابتسامة.. وهذا شي راجع لك
سلمان: ..بصراخ..كذا ظلم انت مانفذته صح اليوم انتهى
ابو سلمان:..يقاطعه وبعصبية..اطلع برا بيتي
مروان:..عيونه تتنقل بين ابوه وسلمان يحاول يستوعب اللي يصير..
سلمان:..غرقان بصدمته وكل شي انهدم بلحظة وبوسط دموعه انفجر بصراخ..أنا ماراح امشي وراح أظل هينا لحد ماتغير رايك او اموت قدامك
ابو سلمان:..بنظرات لامبالية.. اللي مايدخل وراي الحين
أو يفكر انه يوقف معه بيتي يتعذره..دخل البيت..
ام فارس:..بنبرة جادة..ادخلوا يابنات بسرعة
.
مروان:..جلس وعيونه ع الارض يحاول يستوعب ويهمس بدون وعي..سلمان سلمان
::ضرب البرق في لحظة مارفع مروان عينه على سلمان شاف نص وجه سلمان اللي مليان حزن وانكسار::
مروان:..يمسك راسه تمر الكوابيس اللي كان يشوفها بأحلامه لكن هالمرة مو نايم هالمرة صاحي غمض عيونه ويحرك راْسه اختلطت الأحلام بماضيه ومع صوت المطر اللي يضرب بالأرض مر الحادث ومرت ذكريات اليوم الكئيب بالمستشفى يضحك..تركته لا لا أنا تركته صدق ..دموعه تنزل وبصوت مخنوق من الصدمة..أنا تركته رحت وتركته..بحرقه ودموع..تركته لحاله شال الهم لحاله ..يصر على اسنانه..تحمّل اللوم لحاله
فارس:..واقف جنب سلمان عند السيارة ومصدوم من اللي صار ولا هو عارف كيف يتصرف..
سلمان:..لايتكلم ولاشي دموعه تنزل مع المطر اللي يزيد بكل لحظة تمر..
مروان:..بصراخ وسط الدموع اللي تخالط قطرات المطر وبخطواته السريعة..تذكرت تذكرت سلمان تذكرت ايش اللي صار بالمستشفى سلمان ..يمشي لجهة فارس وسلمان..
سلمان:..يهمس لفارس بدون مايناظر فيه ويشد على قبضته ..خذ مروان معك لداخل البيت بسرعة قبل لايطردكم
فارس:..لف على مروان واعترض طريقه بدون مايقول ولا كلمة لسلمان..
مروان:..بصوته المخنوق..ابعد فارس
فارس:..يمسكه من يده وشاله ومشى فيه بدون مايقول اي كلمة ..
مروان:..يتحرك ويصارخ..اتركني نزلني فارس تكفى يافارس..بكى..فارس تركته مرة ماابي اتركه ذي المرة بعد فارس ماابي اتركه مرة ثانية
فارس:..يمشي وبنفسه..سامحني يامروان بس والله ماعاد اعرف ايش أسوي بس الاكيد أني ادخلك البيت الحين
(بعد ساعة)
::المطر اشتد::
سلمان:..واقف تحت المطر ويرجف من البرد..
أبو سلمان:..في مكتبه وقافل الباب عليه..
:البنات بالصالة وعيونهم ع سلمان يناظرونه من الشباك:
فارس:..واقف ع الباب عشان لايخرج مروان..
مروان:جالس ع الارض قدام الباب..
ام فارس:..جالسة عالدرج تفكر باللي صار..
مروان:..وقف ويمشي بخطوات سريعة..يبه اسمعني
ابو سلمان:..مارد..
مروان:يبه سلمان ماله ذنب باللي صار يبه انا شفت كل شي انا شفت ماما..سكت وناظر ام فارس غمض عيونه وكمل..انا شفتها هي اللي اختارت تضحي بنفسها هي اللي كانت مرعوبة لايصير شي لسلمان المفروض تحترم قرارها هو ماله ذنب ليه تعاقبه على شي ماسواه شي ماله ذنب فيه
ابو سلمان:..مارد..
مروان:..يدق الباب..
ابو سلمان:..مارد..
مروان:..يدق الباب بقوة وبصراخه اللي تردد صداه بالبيت.. اقولك هو ماله ذنب هو حتى لمني بحضنه حتى لايصير لي شي مثل ماسوت ماما..يبكي..الدم اللي كان بينا دم سلمان يبه ولد عمره10سنين كان يبي يموت هو ولايصير لاخوه شي يبه..بصراخ.. لو ماوقف بيني وبين القزاز الطاير كان فقدت اثنين مو واحد افهم ..بترجي..يبه تكفى لاتزيده عذاب ..بنبرة أمل..حتى أمي ماراح تقول شي راح توافق صح يمه..يناظر ام فارس وسط الدموع..
ام فارس:..تمسك مروان وبابتسامة..صح يمه صح
مروان:..بفرحة وابتسامة اعتلت وجهه..شفت شفت يبه خله يدخل تكفى
ابو سلمان:..مارد..
::بعد نص ساعة::
سلمان:..تحت المطر وماعاد يحس بجسمه..
نور:..عينها عليه وبنفسها..ان شاء الله مايصير له شي
فرات:..ماسكة دموعها وهي تشوف سلمان..كله مني
سماهر:..شهقت..
سلمان:..طاح على ركبه ماعاد تحمل وبنفسه..لا هالمرة ياسلمان كل شي يعتمد عليك تحمل ماعدت سلمان الصغير اللي يخاف ويتخبى ورا أسامة هالمرة بتثبت نفسك له..وقف..
فرات:..تجري لامها..أمي ماينفع يقعد برا اكثر من كذا بيصير له شي يمه
سماهر :اصلا غريبة ماصار له شي للحين
القنوع:يمه ترا هو مريض ماينفع له التعب الشديد كيف وهو الحين تحت المطر اللي ساعة يهدأ وساعة يزيد
ام فارس:..تنهدت ثم قامت..
فارس:..يهمس لمروان..مروان أمي قامت مروان
مروان:..جالس عالارض جنب فارس وعيونه ورمت من كثر البكا..
ام فارس:..وقفت قدام باب غرفة مكتب ابوسلمان..اسمعني ياسعد أنا ساكتة من يوم صارت المشكلة لاني ماحبيت أكسر كلمتك قدام عيالك وصبرت قلت يمكن تغير رايك وترحم هالمسكين اللي يتعذب برا وشكلك ماانت ناوي تدخله وترحم حاله انا بدخله وباعتبره واحد من عيالي سكت سنين قلت يمكن تحن عليه وترجعه من الغربة وتجيبه وسط أهله لكن ماحولي احد شف ياسعد بيدخل سلمان وبيظل بذا البيت وإذا اعترضت بيني وبينك المحكمة نفصل الورث والشركة وننفصل مرة وحدة
::الكل أنصدم من تهديد ام فارس::
ام فارس:عندك اعتراض
ابو سلمان:..مايرد..
ام فارس:راح اعتبر سكوتك انك موافق خله يدخل يافارس
مروان:..امتلا وجهه سرور وفرح..
سلمان:..بدت الدنيا تظلم حوله وصار يهلوس ويشوف الحادث قدّامه وتغير المكان وصار ببيتهم وهو صغير ويشوف امه ومروان قاعدين قدام التلفزيون امتلت عيونه دموع وبصوته المبحوح..ماما انتي رجعتي لنا..هلوسته ودته للمستشفى باليوم اللي صار فيه الحادث..لا لا هالمرة غير النوبة غير..بدا يحس يتحدر أطرافه ابتسم وسط دموعه وجا في نفسه شفقة على وضعه..تحمل مو انت تبي تثبت نفسك تحمل
نور:..بصراخ..يماااااااااااه
::بعد 3أيام::
(بيت ابو سلمان)
فرات:..تفتح باب الغرفة بشويش ومدت بوزها بزعل..لسى نايم..قفلت الباب بشويش مثل مافتحته..
مروان:..ورآها وبهمس..وش تسوين
فرات:..انفجعت..يمه بِسْم الله الرحمن الرحيم فجعتني
مروان:مارديتي علي
فرات:وش بسوي يعني باأشوف صحى ولى باقي
مروان:اذا صحى بتشوفينه قدامك
فرات:..بنظرات شك..وانت وش تسوي هينا
مروان :..تلعثم..
نور:..قاطعتهم..يعني متى بيصحى بيطول
فارس:..وراها..على حسب
سماهر :..مارة ولمحتهم ورجعت على ورا خطوتين..على مااظن ان وصتنا مانسوي ازعاج ذي اليومين لكن اشوفكم واقفين عند باب غرفته تسولفون قلت الأماكن يعني
فرات:..تهمس..خلونا نمشي لاتنادي أمي
سماهر:..تنادي..يمه
::بالصالة::
**عالقهوة**
ام فارس:نور قومي شوفي اخوك
نور:..على مسلسلها بالايباد..أمي قولي لفرات تروح
فرات:..ع الجوال..انا مشغولة بالجامعة بعدين يايمه شكله مطول بالنوم
القنوع:ايش رأيكم اروح
نور:اي والله ياليت
ام فارس:لا
فرات:يمه هو نايم وبعدين اخواني قالوا ان اسامة قال احتمال يطول بنومته
ام فارس:يعني أقوم بدالكم
القنوع:لا والله يمه ماتقومين انا بروح وبعدين مثل ماقالوا البنات هو نايم
(في الاستراحة)
فيصل:كيفه اليوم
فارس:..باستغراب..مين
منصور:مين يعني
مروان:تقصدون سلمان
فارس:..تنهد..له 3ايام على حالته نايم والمشكلة اخوه اقصد اسامة يقول الوضع عادي
مروان:وَذَا اللي مخليني على أعصابي انه يقول الوضع عادي رغم انه قال أطول مدة صارت له ثمان ساعات
سعود:طيب مو لازم يشوفه دكتور عشان تتطمنون بعد
مروان:رحنا به اول ماتعب علينا بس قالوا الوضع عادي
سعد:كيف الوضع عادي
فارس:يقولون بسبب الحالة اللي تجيه
سعد:طيب له 3ايام لا اكل ولاشي
مروان:احنا نتناوب عنده بالليل والبنات بالنهار وكل اللي نقدر نسويه نبلل شفايفه بالمويه ونقطر له مويه فقط
عبدالله:عاد تصدقون يازين ذي الحالة اللي معه ودي استلفها يوم وأنام نومة أليمة
سعود:..بعصبية..اعوذ بالله انت تحسب نومته ذي عافية نومته ذي مرض نتيجة خلل عنده بالأعصاب ..حس على نفسه..آسف اعذورني والله مو بقصدي
مروان:..تغير وجهه وسكت..
فارس:..يبتسم بالقوة..لا عادي ماصار الا خير
بيت ام فيصل)
ام فيصل:هلا والله تو مانور بيتي
ام سعد:منور باهله ياأم فيصل
ام سعود:اصلا اي مكان ادخله ينور
ابو سلمان :..يضحك..قصدك يختبص من تجين
ام سعد:..تضحك.. عاد تصدقون كلهم يتعذرون لادروا انها جاية
ام سعود:..بزعل..يعني تبوني امشي شكلكم ماتطيقوني تبون الفكة مني
ام فيصل:الله يصلحك ياأم سعود هم يحبون يتونسون عليك وانتي تعطينهم المجال
ابو سلمان:اصلا الجلسة مي بحلوة بدون لسانك اللي يلسع
ام سعود:الحين اعتبرها مدحة او سبة
ام سعد:مدح مدح لاتكبرين الموضوع
ام فيصل:الا يابو سلمان وينها ام فارس ماجت معك
ابو سلمان:تقول مشغولة
ام فيصل:لايكون مزعلها
ابو سلمان:وش زعله ماعندنا ذَا الكلام
ام فيصل:وكيفه
ابو سلمان:من هو
ام سعود:انت عارف من تقصد
ام فيصل:سلمان من بعد
ابو سلمان:..ساكت..
ام سعد:ياخوي حرام عليك خف عالولد اذا كانت كلمة وحدة تطلع منا لعيالنا بوقت الغضب تطعن بقلوبهم وتأثر عليهم كيف جفاك طول السنين الظاهر ان الولد لو تفتح صدره وتطلع قلبه بيدك غير تلقاه كله اثار سود من سواتك معه
ابو سلمان:..بعصبية..والظاهر تبوني امشي أنتم متجمعين عشان نسولف مع بعض ولى تبوني اروح
ام فيصل:لا والله ماتروح وهالسالفة بنسكرها ولاتزعل خاطرك
(بيت ابو سلمان)
(غرفة سلمان)
سلمان:..صحى لكنه مغمض عيونه وجلس ثم دخل يده في شعره الكثيف وبعثره وبكسل يفتح عين وحدة بس..انا وين..يحاول يتذكر..وش صار وش هالمكان اللي انا فيه..يقوم من السرير ويفتح النور ويتلفت حوله..ايش ذي الغرفة اول مرة أشوفها
القنوع:..تفتح الباب بشويش..
سلمان:..يمسك يد الباب ويفتحه بسرعة..
القنوع:..صدمتها فتحت الباب السريعة وتعثرت على قدام وبتطيح..يمه
سلمان:..مسكها من خصرها ورفعها له ووجه بوجهها ونظرات الاستغراب مسيطرة على ملامح وجهه وبالبرتغالي..انتي مين
القنوع:..مصدومة من الموقف جاها برود ولاتحركت ولانطقت بكلمة..
سلمان:..يقرب وجهه من وجهها وبالبرتغالي..لايكون انتي حاولتي تجريني معك هينا لبيتك..ويناظرهامن فوق لتحت ويصر على اسنانه بغضب يحاول يكتمه وبالبرتغالي..انا ايش أسوي ببيتك تكلمي
القنوع:..عيونها امتلت دموع وعطته كف..اتركني..دفته ومشت..
سلمان:..باستغراب..هاذي تتكلم عربي..يحاول يتذكر..انا وين والله ماعاد ادري عن شي..رمى نفسه عالسرير ودفن وجهه بالمخدة تذكر وفزّ..انا ايش اللي سويته يمكن تكون وحدة من خواتي..يروح ويجي بالغرفة وبخوف..جبت العيد هالمرة بتنطرد..وقف وتوتر..ابوي انا وين ..يتلفت..وبيت من هذا اللي انا فيه
:::؛::بالصالة::::::
القنوع:..جلست وباين الارتباك بوجهها وعيونها وخدودها حمرا..
ام فارس:..باستغراب..وش فيك قنوع
القنوع:..بلعثمة..مافيني شي
نور:وجهك احمر وش فيك وش اللي مزعلك
فرات:..تترك جوالها..اي والله وش اللي مزعلك
سماهر:قنوعة وش فيك
القنوع:كنت أناظر مقطع بجوالي وارعبني وفوقها شوي وكنت بطيح
نور:الحمدلله على السلامة اجل
ام فارس:..تنهدت..الحمدلله على سلامتك يمه وش صار على سلمان
فرات:أكيد نايم
القنوع:لا صاحي
نور:..تجري..
فرات:..وراها..
ام فارس:..بصراخ..وقفوا
(بالاستراحة)
فارس:..رِن جواله..
مروان:..رِن جواله..
فارس:..يناظر مروان..خير شكله صاير شي
مروان:..رد على طول بعد كلام فارس..هلا
نور:..بحماس..صحى
فارس:..رد..خير
فرات:..تهمس..تعال بسرعة..وبحماس..سلمان صحى
فارس:..يقوم ويمشي بسرعة..خلاص انا جايكم الحين
مروان:..يمشي وراه..مع السلامة نشوفكم على خير ان شاء الله
فيصل:وين بدري
منصور:صاير شي عساه خير
فارس:..يمشي على ورا ووجهه عليهم..والله سلامتكم بس ورآنا مشوار ضروري
سعود:انتبهوا لانسرعون ترا كل شي بمكانه مابيطير شي
مروان:..يسحب فارس..يالله مع السلامة
(بيت ابو سلمان)
فارس:..يدخل جري..
مروان:..يجري وراه..
فارس:..مر الصالة ثم رجع..
مروان:..تعدّى فارس بخطوتين ووقف وزحلق..
فارس:..مسكه قبل لايطيح..
ام فارس:الحمدلله والشكر
سلمان:..كاتم ضحكته على أشكالهم..
فارس:..يتنحنح..السلام عليكم
مروان:..انحرج وجهه قلب احمر ويحك راْسه وبابتسامة.. السلام عليكم
ام فارس:وعليكم السلام والرحمة
نور:خير مرمر اشوفك تحك فيك جرب
مروان:..يناظرها بنظرات حقد وده يرد بس مستحي من سلمان..
فارس:..يسلم على سلمان..الحمدلله على سلامتك اجر وعافية
سلمان:..بابتسامة..الله يسلمك
مروان:..بخجل يسلم على سلمان ولا قدر يتكلم ولا حط عينه بعين سلمان..
سلمان:..يحس قلبه بيخرج من مكانه لمى شاف مروان مد يده بيسلم عليه حط يده بيد مروان وسحبه لحضنه وتنهد.. والله وكبرت يامروان كنت نتفة واليوم مابقى شي وتصير طولي..يمسح على راس مروان وعيونه امتلت دموع ويحاول يحبسها وبالبرتغالي..اخوين متحابين روح واحدة رغم الصعاب..يبتسم..
مروان:آسف بس باقي ماتذكرت كل شي
سلمان:..يتركه وبابتسامة..مو لازم تذكر شي اهم شي انك بخير
ام فارس:الحمدلله اللي لمّ شملكم على خير يمه
مروان:جزاك الله خير يالغالية ويخليك لنا ان شاء الله
ام فارس:ومثل ماشفت الملقوفة اللي تناحس مروان نور والملقوفة الثانية اللي سوت لك المشكلة فرات
فرات:يمه يعني لازم تحسسيني بالذنب اعتذرت له اول ماصحى
ام فارس:..تتجاهلها..أما العاقلة اللي فيها الزين كله وزين العقل بالذات سماهر
سلمان:..بابتسامة..واضح من التعامل ماشاء الله
فارس :..يضحك..
مروان:..يضحك وينقل عيونه بين فرات ونور..كأنها قصف
سلمان:انا آسف ترا ماقصدت شي
ام فارس :ماعليك يايمه لاتعتذر كلها كم يوم وتستغل الفرص مثلهم وترد الصاع بصاعين
سماهر:لا يمه باين عليه مو مثلهم
ام فارس:المهم وإخوانك العيال عارفهم أكيد
سلمان:..بنفسه..الحمدلله البنت مو من اخواتي ولى كان اتفسر موقفي غلط..أقول خالتي
ام فارس:هلا يمه وش بغيت
سلمان:لمى كنت أوصلهم كانوا اربع وكنت أفكر أني لي اربع خوات
ام فارس :صحيح هم اربع لكن القنوع أختهم من الرضاعة مو اختك انت ومروان
سلمان:..ارتاح..اها
ام فارس:بس انا عندي شي ابي أقوله
سلمان؛..توتر..امريني
ام فارس:مايامر عليك عدو بس خالتي ذي الكلمة يوم سمعتها وقفت في صدري ماابي اسمعها مرة ثانية انا أمك مثل مااكون امهم
سلمان:..يبوس رأسها..تأمرين بس يبي لي وقت على مااتعود
ام فارس:بتتعود ان شاء الله
سلمان:..بنفسه..ان شاء الله هالبنت ماتسبب لي مشكلة