الفصل 2
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *لا.أؤمن.بالحب.tt* 💙🖇️
*❴🔢❵☟الـــبـــــــــــ❴2️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
البارت_الرابع
📚قصص||روايات||منوعة📚:
جهزت الأكل وجابتلو ياه ع التخت
ميسا:تفضل
مجد:يسلمو عزبتك
ميسا:شو هل عزاب
مجد:تعي كلي
ميسا:لا صحة هلق انت كول أنا بعدين
مجد:تعي كلي
قعدت جنبو وبلشت تأكل
مجد:الحمد لله يسلمو ايديكي
ميسا:صحة
شالت الأكل وراحت تجلي
خلصت وعملت شاي وراحت ع الغرفة لعند مجد شافتو غفيان
حطت الشاي ع جنب واجت وقفت جنبو اتطلعت عليه نظرة طويلة
ميسا في سرها:معقول أنا لهلدرجة محظوظة لأني مرتك ماتبلى هل شبوبية
قربت لتغطيه فاق
مجد:شو شكلي غفيت
ميسا:أي جيت لقيتك نايم خلص ارجع كمل نومتك
مجد:لا شو كمل نومتي لسا للليل باولو هلق مابحسن نام
ميسا:أي انا عملت شاي
مجد تربع ع التخت أي بوقتو تعي خلينا تشرب(اشر جنبو)
قعدت ميسا وبلشو يشربو
ميسا:شو رأيك نلعب لعبة الصراحة
مجد:......أي ليش لا
ميسا:أنت بلش
مجد:حبيتي بحياتك
ميسا:لا
مجد:دورك
ميسا:نفس السوال حبيبت بحياتك
مجد:أي
ميسا فتحت عيونها:أنت حبيت
مجد:أي ليش قالولك انو ما عندي قلب
ميسا:لا طيب مين
مجد:قدامي
ميسا بلعت ريقها:شو
مجد:أنسي دوري شو أكتر شئ بتخافي منو
ميسا بدون تردد؛انو اخسر حدا غالي على قلبي
مجد:حلوو مين الأشخاص الغالين ع قلبك
ميسا:أهلي وأنت ورفقاتي
انتبهت ع حالها شو حكت ضغطت ع ايدها
مجد:اووو يعني أنا غالي ع قلبك
ميسا:تصبح على خير تأخر الوقت
مجد:وين متسلين لسا بكير
ميسا:لا ت تأخر الوقت منشان بكرى مانتاخر ع الجامعة
مجد:طيب
ميسا:تصبح على خير
مجد:وانتي من اهلو
دخلت على غرفتها
ميسا:غبية غبية كيف هيك بتحكي يعني إلي بقلبك ع رأس لسانك بس مو هيييك هلق شو بدو يقول عني عم اتوددلو ليحبني الله يلعني (تضرب على رأسها)
مجد:هههه هيك لكن غالي على قلبك وأنا إلي كنت مزعوج من برودها
تاني يوم
فاقت بكير وكانت عم تحضر الفطور
مجد:صباح الخير.
ميسا:صباح النور يالله تعا لنفطر منشان مانتاخر
فطرو وطلعو من البيت كانو طول الطريق ساكتين
مجد:مبارح عمر بعتلي كرت دعوة لعرسو
ميسا:أي بدك تروح
مجد:أي أن شاء الله من هون لااسبوع يخلق الله مالا تعلمون
دخلت ع القاعة وشافت هند بوشها تجاهلاتها ومشت لعند ريم
ميسا:كيف أم الرور
ريم:اهلين ميمو كيفك انتي
ميسا:شو وين الشباب
ريم:هههه مشغولين مع عمر وسارة بالتحضيرات للعرس
ميسا:الله يتمملن ع خير وع قبالك انتي وطارق
ريم:اميين الله يسمع منك
ميسا:ههههه يضرب شو بيزل
ريم:سمعو مين عم يحكي مو حضرتك كنتي عاملتيلي حالك مابتامني بالحب ومابدك حدا يتحكم فيكي بلاقيكي بعد ماصرت مرت أخي غيرتي رأيك
ميسا:خرسي
خلصو المحاضرة وطلعو الصبايا قعدو بالكافتيريا
وكانت هند قاعدة جنبهن هيا وصبية اسمها عبير
هند:لك دخيل ربو هل دكتور مجد مااحلاه
عبير:ههه هلق هو حلو بس عصبي ومتجوز
هند بحزن:لا ومين هل محظوظة
عبير:ميسا إلي علقتي معها من كم يوم
هند:هي الشرشوحة ضيعانو فيها
هند في سرها:بسيطة أنا بفرجيكي لكن مو حرام وحدة متلك تكون مرتو لهل قمر
ميسا:اف ياه يعني ماحليلها تقعد غير جنبنا
ريم:لك شو بدك فيها صحي قبل ماانسا اليوم انتي ومجد معزومين عنا ع الغدا أمي قالتلي بتجيبهن معك شو قلتي
ميسا:أكيد موافقة بعدين مافيني زعل حماتي
ريم:هههه مرضية الله يرضى عليكي وانا هلق رايحة خبر مجد
ميسا:لا أنا رح جيب كم ورقة من الدكتور مازن وبطريقي بقلو
بهل أثناء بتقوم هند وبتوصل على مكتب مجد
دق دق دق
مجد:اتفضل
هند:فيني ادخل دكتور
مجد:أي تفضلي
هند:شكرا
مجد:كيف فيني ساعدك
بتقرب وبتقعد على المكتب
مجد بغضب:شو هاد الي عم تعمليه التزمي حدودك واتفضلي اقعدي ع الكرسي
هند بحزن:حاضر
قعدت ع الكرسي
مجد:خير شو فيني ساعدك بس اختصري ازا سمحتي
هند:بدي المحاضرات إلي اخدتون قبل مااجي ع الجامعة
مجد:كان فيكي تطلبيهن من حدا زملائك بس مو مشكلة تفضلي هاد الملف فيه كل المحاضرة
بيندق الباب
مجد:تفضل
ميسا:مرحب
بتسكت وقت بتشوف هند
مجد بحنية:تعالي
ميسا:بجي بعدين
مجد:لا الآنسة هند كانت بدها المحاضرة إلي ماحضرتهن وعطيتتها ياهن
هند فهمت انو عم يقلعها قامت واخدت الملف
هند:يسلمو دكتور
مجد بنشافة:الله يسلمك
ميسا كانت كتير مبسوطة من تعاملو معها مع انو أول مادخلت وشافتها عندو كتير انزعجت
طلعت هند وما حققت إلي بدها ياه بس وحدة متل هند ما بتمل بسهولة
مجد:تعي قعدي ليش واقفة
ميسا:لا أنا جيت منشان قلك انو ريم قالتلي حماتي قايلتلها منشان تخبرنا انو الغدا عندهن وانا عم خبرك منشان تجهز حالك بعد الجامعة نتطلع نحنا وريم
مجد:أي ماشي
ميسا:طيب وقفت
مجد:وين
ميسا:عندي محاضرة
مجد:طيب
أما هند كانت رح تطق من غيظها
هند:لك انا هند إلي ماحدا بيرفضلي طلب هه مستحيل أخسر حطيتك برأسي يا دكتور مجد لا فوق مو حلو وتقيل كمان بسيطة بس أول شئ لازم أخلص من هديك الشرشوحة قال مرتو قال لازم دبر شئ خطة خليه يكرها ويطلقها.خلصو محاضرات ووقفو ريم وميسا يستنو مجد شوي وبين عليهن
ريم:لك وينك مجد والله الشمس حرقتنا
مجد:إلي بيسمع بيصدق ما انتي خلقة محروقة
ميسا:ههههه يالله وطارت الجبهة
ركبو بالسيارة شوي ووصلو على بيت أبو مجد
وصلو على بيت اهلو لمجد
أم مجد:يامية السلامة وأنا عم قول البيت نور اتاري الغالي ومرتو هون
مجد بيقرب ويبسلها ايدها:خليلي ياكي يا ست الكل
ميسا:كيفك مرت خالو
أم مجد:اهلين حبيبت قلبي مشتاقتلك هيك من تجوزتو ماشفتكن متل العالم والخلق
ريم:أي أمي شو منشان إني من وصلنا وانتي عم ترحبي بالغالي ومرتو ازا نسيانة أنا كمان بكون اختو للغالي
أم مجد:يالله بلا لعي روحي شوفي ابوكي ازا خلص صلاة قوليلو الأكل جاهز
ريم :حاااضر
قعد ع السفرة واجا أبو مجد
أبو مجد؛أهلا وسهلا
مجد قام سلم على أبوه
مجد:اهلين فيك أبي
ميسا:كيفك خالو
أبو مجد:بعد ماشفتكن صرت منيح تعي حبيبت خالك قعدي جنبي
قامت ميسا وقعدت جنب خالها
كان مجد كل شوي يتطلع عليها كيف بتاكل وكيف بتحكي
خلصو أكل وشربو شاي وصار المسا
ريم:مجد ضلو اليوم نامو عنا والله عنا بكرى امتحان وبدي أنا وميسا ندرس
مجد:امتحان شو هاد
ريم:لمادة الدكتور فادي
أم مجد:أي لك أمي نامو عنا اليوم وغرفتك جاهزة
ميسا:لا انا بدي نام عند ريم
ريم:أي ومجد نام لحالك بغرفتك اتزكر أيام عزوبيتك
أبو مجد:ههههه والله فكرة حلوة
ميسا في سرها:ولي ولي قال ننام أنا وياه بغرفة وحدة
مجد في سره:هههه اتهربي لقلك
أبو مجد وام مجد:يالله بأولاد نحنا رح ننام تصبحو على خير
الكل"وانتو من اهلو
ريم :قومي ميسا خلينا نروح على غرفتي
مجد:ريم عطيني موبايلك منشان أبي منو شبكة لعندي
ريم:تفضل أخي
مشيو ريم وميسا على غرفة ريم لسا مادخلو وريم شهقت بصوت عالي ولييي
ميسا:لك شبك والله رعبتيني
ريم:موبايلي عند مجد ونسيت ماامسح المحادثه مع طارق والله ازا شافها ليموتني
ميسا:ياااااا الله لا يعطيكي العافية
ريم:روحي روحي حبابة اتحججي بحيالله شي وخدي الموبايل وامسحي المحادثة أنا ازا رحت رح يشك فورا بتعرفي مجد اديشو زكي
ميسا:لسا بتخبصي كل خبصة وبتحطيني ببوز المدفع رايحة ادعيلي
طلعت بسرعة على غرفة مجد دقت الباب ودخلت
مجد:في شئ
ميسا في سرها:فكري فكري بشي حجة مقنعة احسن ماتتبهدلي ليكو الموبايل محطوط ع طرف لسا مو شايف شو فيه معناتو
مجد:لك احكي ليش ساكتة
ميسا:بصراحة يعني في واحد
مجد أتطلع عليها باهتمام
مجد:أي شبو كملي
ميسا في سرها:يااارب تساعدني مالقيت غير هل حجة
مجد:بلشت عصب احكي شوفي
ميسا:في واحد صرلو فترة عم يلاحقني وهلق من شوي اتطلعت من الشباك شفتو وغمزني كتير خفت
مجد بينت عرقو واحمرت عيونو
مجد:وليش لهلق ساكتة
ميسا:قلت بكرى هو بيزوق لحالو
مجد:انتي بس لا تقولي
وركض نزل ع الدرج
وميسا فورا مسكت الموبايل ومسحت المحادثات كلن
ميسا:يخرب بيتكن مابتستحو شو هل حكي هاد
اجاها صوتو الي زلزل كيانها
مجد:شو عم تجدبيها علي مافي حدا
ميسا:يعني ليش لقلك في حدا ويكون ما في
مجد:والله مابعرف اسألي حالك شو عم تعملي بالموبايل
ميسا:ع عم شوف الساعة
مجد:وقت بتكزبي حطي عينك بعيني
ميسا:لك ليش لحتى كزب خلص بلا مانتخانق تصبح على خير
مسكها من ايدها وسحبها لعندو
ميسا في سرها:ولي ولي لك الله يلعنك ياريم شو بدي اعمل هلق لك جدبة لسا عم تفكري بعدي عنو
ميسا تحاول تبعد عنو بس هو شاد عليها:مجد شو عم تعمل بعد عني
مجد:نامي الليلة عندي
ميسا:مجد نسيان نحنا ع شو متفقين
مجد:أنا بدي الغي الاتفاق
ميسا:بس أنا مابدي تركني خليني روح
مجد:عملتي هل حركة منشان تشوفي ازا أنا بحبك أو لا
ميسا في سرها:لك والله لموتك يا ريم يعني ازا قلتلو السبب الحقيقي رح يدبحك وازا سكتت رح يفكر انو حكيو مزبوط
ميسا:لا لا لك ليش ماعم تسدق انو كان تحت
مجد:ليش عم تكزبي ماكان في حدا تحت وأنا متأكد
ميسا:يعني مطول والله انا تعبت
مجد:في حدا بيتعب ازا حدا حضنو
ميسا:أي أنا بعد عني
بعد عنها وهيا اطلقت العنان لااجريها وركضت برات الغرفة
وقفت وحطت ايدها على قلبها ولييي وقفت إلا لساتك شغال😂
دخلت لعند ريم
ميسا:مسحتن ليش عم تبكي
ريم ركضت حضنتها:الله يخليلي يا كي
ميسا بمكر:بس شو هل حكي هاد😉
ريم:ميسااااا
نامت ريم وميسا عم تتقلب بالتخت
ميسا:شو صرلو فجأة ااااه ماادفى حضنو لحبيبي الغاضب
مجد:هههه رح يجي يوم ومارح تحسني تنامي إلا بحضني بوعدك يا مرتي
#يتبع
البارت_الخامس
📚قصص||روايات||منوعة📚:
تاني يوم
ع الفطور
أم مجد:أي حبيبتي ميسا ماخبيتيلنا شئ
ميسا:لا والله ليش انتي قلتيلي خبيلك شئ معين
أبو مجد:هههههه الله عليكي ياخالو
مجد كاتم ضحكتو
وريم عاملة حالها مي فهمانة
أم مجد:لك حبيبتي شبك قصدي ماحبلتي
تشردقت وصارت تسعل
ميسا:احح آه لا لسا
أم مجد:سلامتك حبيبتي ع مهلك وليش لسا لتكوني عم تاخدي حبوب
اطلعت أم مجد بمجد
مجد"لا شو حبوب ماحبوب الوضع طبيعي بس لسا الله ماراد
أم مجد:أي شدولي حيلكن بدي حفيد ها
خلصو فطور ونزلو ريم وميسا ومجد ع الجامعة
دخلو ع المحاضرة وكان مجد عم يشرحلهن فجأة بيدخل مدير الجامعة
المدير:كيفكن أسف دكتور مجد ع المقاطعة
مجد:لا عادي ولا يهمك
المدير:بكرى في عنا رحلة ترفيهية عاملتها الجامعة إلي بيحب يتفضل طبعا دكاترة وطلاب
خلصو المحاضرة
وكانو قاعدين بالكافتيريا
أنور:شو شباب مين رايح ومين لا
عمر:أنا وسارة أكيد لا لانو عرسنا كمان كم يوم
ميسا:والله أنا أول صحتلي بروح ليش لا
ريم:وانا متلها
طارق:أي أنا أن شاء الله رايح
انور:وأنا كمان رايح شو جوزك رايح معنا
ميسا:مابعرف رايحة شوفو
بتوصل على مكتبو
دق دق دق
مجد:تفضل
ميسا:فيني فوت
مجد:طبعا تعي
ميسا:بدك تروح ع الرحلة
مجد:مابعرف لسا ماقررت
ميسا:أنا حابة روح أنا وريم
مجد:أي المطلوب
ميسا:لا تصعبها.
مجد:هههه ماشي
ميسا:يعني رح تسمحلنا نروح
مجد:أي وأنا كمان رح بجي
ميسا:طيب عن ازنك
مجد:شو ضالل عندك محاضرات
ميسا:مابعرف
مجد:طيب بس خلصتي مرقي لعندي لا تروحي لحالك وخبري ريم تجهز حالها
ميسا:ماشي
إجت لتطلع دخلت هند عم تتمايع ولابسة ع آخر طرز ومكياج ع ال24
هند:كيفك دكتور
مجد:اهلين الحمد لله كيفك انتي تفضلي
هند:بس كنت بدي أسألك ازا بدك تروح ع الرحلة
مجد:ليش
هند بمياعة :منشان ازا بدك تروح أنا كمان بروح
ميسا كانت عم تسمع وجمدانة بارضها فهمت عليها وقربت لعند مجد وقعدت ع المكتب
ميسا:أي حبيبتي بدو يروح لانو مستحيل أنا اطلب شئ ومايعملي ياه
هند وعلامات الانزعاج والغيرة واضحة عليها:ازا ملاحظة ماحكيت معك
ميسا:انا ومجودتي واحد ما هيك حياتي
مجد بابتسامة:أكيد
هند:ماشي بشوفك دكتور طلعت عم تخانق دبان وشها
ميسا:وحدة حقيرة أنا فهمانة عليها لوين بدها توصل
مجد باهتمام:لوين بدها توصل
انتبهت انو لساتها قاعدة ع المكتب نزلت وحكت
ميسا:بماانو أول لقاء بيني وبينها كان مشحون ولأنها من النوع المغرور إلي مو متعود حدا يقلو لا بدها تردلياها انو تحاول تخرب بيني وبينك بس هه مو علي أنا بفهم على شكيلاتها كتير منيح
مجد يحاول إثارة غضب وغيرة ميسا:بس يمكن مايكون هيك قصدها هند بنت ما في منها مابعرف ليش بتكرهيها
ميسا بتقرب لعند مجد؛سماع دكتور يمكن يكون زواجنا شكلي بس أنا مابسمح لوحدة متل هي تحط علي وحدة (تنفضلو جاكيتو) منشان هيك من الأحسن انو ماتعطيها ريق حلو
مجد يمسك ايديها:شو عم تهدديني
ميسا:تؤ تؤ تؤ الله يسامحك بس عم حطك بالصورة
مجد:هههه يسلملي زعيم المافيا اناا
ميسا:أي وهلق عن ازنك ممكن تترك ايدي
مجد سحبها بقوة ووقعت بحضنو
ميسا"لك اييي جنيت شو عم تعمل
مجد:عم بعطيكي فكرة عن إلي بدي اعملو بس نرجع ع البيت
فجأة بينفتح الباب وبتدخل هند ووشها مابيعود يتفسر وقت تشوفهن بهل منظر
هند:آسفة بس نسيت جزداني
ميسا كانت بدها تقوم ووقت شافت هند بطلت😂
هند في سرها:ماشي يا أم شبر ونص أنا بفرجيكي
طلعت وميسا فورا قامت
مجد:عاملتيني وسيلة لتحققي اهدافك
ميسا رجعت شعرها بايدها بطريقة خفيفة:هيك شئ تشاو
مجد:هههه لك دخيل السنفورة مااحلاها
طلعت ميسا لعند ريم وحكتلها كلشي صار بمكتب مجد
ريم:هييييي لعما بقلبا لعما شو أنها وحدة وقحة
ميسا:بسيطة أنا بفرجيها جاي تعرج بحارة المكرسحين
ريم:هههه
ميسا:تعي تغدي عنا والله ما في غير أنا ومجد بنطق لحالنا (شكلو اخوكي اليوم مو ناوي ع خير الله يستر)
ريم:ازا بتطبخيلي ملوخية بجي
ميسا:أي بس منشان صححلك معلوماتك اسمها نطبخ مو تطبخي
ريم:حاااضر
اجا مجد من بعيد
ريم:نيالك يااخي اليوم أنا عازمة حالي ع الغدا عندكون
مجد:اه والله جد نيالي
طلعو بالسيارة
ريم:أخي هي إلي اسمها هند صار لازم تحطلها حدا لعما مااوقحها
مجد:مشالله فورا وصلك الخبر واتطلع بميسا
ميسا:لا حبيبتي مو هو إلي بدو يحطلها الحد عندي وحياتك
مجد يتظاهر بالغضب:عم تجي لعندك ولا لعندي لعندي معناتو انا إلي بدي حطلها حد انتي لاتتدخلي
ميسا:آه ايييي على عيني دكتووور كانو عاجبتك جيتها لعندك
مجد ببرود ومكر:هيك شي
ريم:ايييي شبكون مو محرزة تتخانقو منشان وحدة تافهة
مجد:انتي نقطينا بسكوتك
ميسا:أي لا تحكي عليها بيضايق
وصلو ع البيت ومجد دخل على الغرفة وريم وميسا بللصالون
ريم:الله يسترنا أخي شكلو عصب
ميسا:لا ياه مين إلي لازم يعصب أنا ولا هورح جبلك بيجامة من عندي وبدل تيابي وبعدين بجي منشان نطبخخ اتصلي ببيت خالي وخبريهون انو بدك تنامي هون
ريم:لا دخيلك مابدي
ميسا:خرسي قلت تنامي هون يعني تنامي هون
ريم:ههههه خلص أمرك
دخلت ميسا ع الغرفة كان متشطح ع التخت وحاط ايديه جوا راسو وعم يتطلع بالسقف
وقفت قدام الخزانة وصارت تنقي شو بدها تطالع
مجد:بدكن شي منشان الغدا
ميسا بنشافة:لا في عنا كلشي
مجد:ريم بدها تنام هون
ميسا:أي
مجد:كيف يعني وأنا وين بدي نام
ميسا:أنت بتنام هون وأنا وهيا بننام بغرفة الضيوف أو بالعكس
مجد:يعني بدك تنامي معها
ميسا:شو رايك
مجد:وليش هيك عم تحكي معي
ميسا:ازا بتريد ممكن تطلع منشان بدل
مجد:وليش مو انتي إلي تطلعي
ميسا:يعني أنت بتحجج بأي شئ وبتطلع أنا ازا طلعت لبدل برا مابدها تسالني ليش مابدلتي بالغرفة شو بدك ياني قلها
مجد:طيب بدلي وأنا هون
ميسا:بالله شو
مجد:طالع صرعتيلي رأسي
ميسا:واحد .......... بس حلو❤️
بلشت تبدل تيابها وقبل ما تخلص بصدفة اتطلعت نحا الباب وشافتو واقف وعم يبتسم
ميسا جحضو عيونها وحكت بعصبية:لك أنت شو عم تعمل هووون
مجد:وطي صوتك لتسمعك ريم نسيت موبايلي وجيت لااخدوه كملي لبس انتي اعتبريني مو موجود
ميسا انتبهت على حالها شو لابسة فورا ركضت ع الخزانة طلعت بيجامة لتلبسها فجأة بتنسحب البيجاما من ايدها
ميسا:لك عطيني ياها شو صاير معك اليوم لهلدرجة الحديث مع هند بيبخلي الواحد مبسووط
مجد:بس غريب موقع هل شامة عندك في شامة بتجي بأخر الضهر بس حلو موقعها😉
شمس حمرو خدودها مابقى تعرف شو بدها تعمل جمدت بارضها وحطت رأسها بالارض وصارت تبكي
مجد ماتحمل يشوفها عم تبكي وخاف عليها يصرلها شئ من كتر التوتر قرب وصار يلبسها هو وهيا ما عم تعطي أي ردة فعل
وبعد ماخلص
اتطلعت عليه
ميسا:بكررررهك
مجد بابتسامة:وانا بمووووت ببراءتك
طلعت من الغرفة
ريم:نمتي صارلي ساعة عم بستناكي
ميسا:ايي مو لا لقيتلك شئ يناسبك مشالله طولي مرة ونص
ريم:هههههه يسلمو
ودخلو ع المطبخ وبلشو يحضرو الغدا وبس خلصو ريم هي كلشي جاهز روحي نادي لمجد لبين ماحط الأكل ع الطاولة
ميسا:آه لا أنا بحطو ع الطاولة انتي مابتعرفي بالاتيكيت روحي انتي ناديلو (طبعا مابدها ترجع تشوفوه)
على السفرة
مجد:والله شئ ناهي مين الطباخة فيكون
ريم:ميسا الطباخة وأنا المساعدة
مجد:ايوا يسلمو ايديكن
ريم:الله يسلمك
شبعو وقامو الأكل وقعدو يشربو شاي اندف الباب وراح مجد ليفتح
مجد:أهلا وسهلا بعمتي قصدي بحماتي وابن حماي
ام ميسا:كيفك عمتي قلت انتو مابتجو تزورنا نحنا بنجي
محمد:كيفك صهر
مجد:أهلا وسهلا والله حقكون علينا تفضلو تفضلو
وقت شافتهن ضحكو عيونها وركضت لعندهن
ميسا:وك اهليييين والله اشتقتلكون
أم ميسا:إلي بيشتاق للتاني بيجي بيزوره
محمد:أي لكن مين شاف حبابو نسي صحابو لا وماكان بدها تتجوز
ميسا تضربو ضربة خفيفة وتحضنو
ميسا:حمودي والله اشتقتلك يا اخي الصغير
محمد:لك يفضح أخت هل السنة إلي بيني وبينك وعاملتيلي فيها الأخت الكبيرة
أم ميسا:ها هي ريم هون كيفك حبيبتي
ريم:اهلين عمتو الحمد لله كيفك انتي كيفك محمد
أم ميسا/محمد:الحمد لله
ميسا:وينو بابا ليش مااجا معكون
محمد:والله انقسمنا قسمين ابوكي راح ليشوف اخوكي وين غاط وأنا وأمك جينا لعندك مشالله انتو من تتجوزو ماعاد يتسالو علينا
ميسا:هههه هلق أنا مشغولة بالجامعة أحمد شو شاغلو
أم ميسا:ست الحسن والدلال تقولي ماحدا حبل غيرها
ريم:يييي مشالله حامل مرت أحمد
أم ميسا:أي ع قبال ماافرح فيكي حبيبتي
ريم:تسلميلي يااحلا عمة بالدنيا
محمد:صهري سوال محيرني
مجد:احكي أبو حميد
محمد:نحنا كا اهلها لهي الشبر ونص كنا مجبورين فيها نتحملها أنت كيف رح يصرلك تلت شهور متحملها يعني رح تحطم الرقم القياسي للتحمل
مجد:هههه أي شو بدنا نعمل خلص الفأس وقع بالرأس ومابقا ينفع الندم
ميسا:ماما سمعانة
أم ميسا:حبيبتي اخوكي مابتعرفيه غلييظ وجوزك مادخلني بيناتكون منك الو تسطفلو
ريم:ههههه عم يمزح ميمو عندوياكي بالدنيا من نظراتو لازم تفهمي عليه
مجد:وليييه ريم لسانك طولان
الكل:ههههه
سهروا سهرة من العمر وودعوهن وراحو
ريم:فارطة من نعسي دليني وين بدي نام
ميسا:أنا وانتي بغرفة الضيوف
ريم:ليش بدك تنامي معي
ميسا:ازا ما عندك مانع
ريم:بالعكس يالله أنا سابقتك الحقيني
كان عامل حالو مشغول بالوراق إلي قدامو بس راحت ريم حكا
مجد:ميسا تعي قعدي بدي احكي معك
عملت حالها ماسمعت وركدت لحقت ريم
كانت ريم غاااطة بالنوم
ميسا اشطحت وغمضت عيونها وصارت تتذكر شو صار اليوم ابتسمت
ميسا:هههه واحد قليل أدب وانا متل الجدبة ماطلع بأيدي غير أبكي
ضلت تفكر بمجد وشي تبتسم وشي تعصب وتحكي مع حالها هييييك لغفيت
#يتبع
البارت_السادس
📚قصص||روايات||منوعة📚:
تاني يوم على الفطور مجتمعين
ريم:حكيت مع بابا وماما وقلتلن انو بدنا نطلع رحلة وبكرى بنرجع وقال طالما معك ماعندهن مانع
مجد:تمام جهزو شو بيلزم لانو هلق بيكون الكل مجتمعين اليوم ما في دوام
ميسا:أنور وطارق كمان دقولي منشان ما نتاخر قومي لنحسب حسابن بالأكل
ريم:ياريت عمر وسارة كانو معنا بس مابيلحقو بعد بكرى عرسن ادوبهن يخلصو التحضيرات
ميسا:أي والله يالله الله يتمملن ع الخير ع قبالك😉
ريم:😘
مجد:شو مستعجلة ريم خانوم
ريم:آه ..لا أخي الله يسامحك
مجد:يالله ع السريع
ضبو كم غرض منشان الرحلة وطلعو وصلو ع الجامعة
المدير:ها وهي الدكتور مجد وهيك بيكون الكل اجتمع
انور؛يعني دكتور مارح يكون في غرف أو بيوت
المدير:لا جبنا عدد بيكفي من الخيم رح نعمللكن ياها رحلة تخيم لا تنسى أن شاء الله يوم في أحضان الطبيعة
طارق:دكتور فينا نروح كل واحد بسيارتو
الدكتور:والله إجباري لانو شوف الباص تعبا ولسا فيه عدد مو قليل من الطلاب منشان هيك إلي عندو سيارة رح يركب معو كم طالب من إلي ماصارللهن محل بالباص وبنفس الوقت ماعندهن سيارات
بعد ماالكل اخد مواقعو إجت هند لعند ريم وميسا ومجد
هند:أنا آسفة بس ممكن تطلعوني معكن شايفين ماضل محلات وأنا سيارتي بالتصليح
مجد:تفضلي
ومشيو ورا الباص وطول الطريق ميسا تنفخ وريم كمان وهند مابتوفر فرصة لتزعجن واخيييرا وصلو ونزلو من السيارات
ميسا:واااو شو حلو هل مكان
ريم:عنجد بتحسي حالك بشئ غابة من هدول إلي بنشنوال جغرافك لا وفي شلال كمان
بلشو الشباب يبنو الخيم والبنات يحضرو الأكل
والدكتارة يجهزو حطب منشان النار ليسهرو حواليها طبعا كل شلة بيطبخو لحالن وبيقعدو لانو عددن كبير
كانو ميسا وانور وريم وطارق مع بعض ومجد مع الدكاترة
ميسا:يالله يا شباب الاكل جاهز
انور:يسلمن رح موت من جوعي
طارق:مابدو يجي جوزك يأكل معنا
ريم:لا قال انتو كلو هو مي حلوة يتركن ويجي لعنا قال متلو متلن
ميسا:يا شباب يمكن اليوم بدي ارتكب جريمة
اتطلعو الشباب لمحل ما عم تتطلع ميسا
أنور:وانا بضهرك لا تخافي
طارق:هههه والله شكلها بدها تشلحك جوزك
ريم:أي مافشرت وحدة حقودة ومغرورة مفكرة ازا معهامصاري كتير الكل بيصير بس بدو رضاها
خلصو أكل واجتمعو الكل
المدير:ايي لسا المسا مطول شو بتحبو نعمل لنتسلى
انور:أنا بدي اسبح
كل الشباب الدكاترة والله فكرة حلوة
بلشو يشلحو وينزلو لعند الشلال ليسبحو
شلح مجد كنزتو وبين جسمو الرياضي إلي كلو عضلات وبلشو البنات يتهامسو عليه انو شو حلو وجذاب
وميسا كانت عم تسمع ورح تفقع من القهر
ميسا بقلبها:أي لكن الكل راح ليسبح لبعيد ألا حضرتو ضل قريب منشان يعرض عضلاتو
خلصو سباحة وطلعو
مجد:ميسا جيبيلي كنزة
جابتلو الكنزة ووقفت حطت أديها ع خصرا وبلشت تهز برجليها
كان عم ينشف شعرو والكنزة بايدها
انتبه عليها
مجد:شبك
ميسا:مافي شئ
مجد:آه والله لكن ليش عم تهزي متل المابعرف شو
ميسا:يييي بس ماكون ازعجتك لازم ماعكرلك مزاجك مو هيك دكتور خصوصي أنك طالع من الاستعراض جديد
مجد:استعراض شو شو عم تحكي
ميسا:لا ولاشي
رمتلو القميص وهو مسكو قبل مايوقع ع الأرض
مجد:لك شو صرللها هي المجنونة
ريم:أخي بدك شئ
مجد:لا ...أي تعي لقلك
ريم:أي أخي قلي
مجد:شبها ميسا
ريم:ههههه قال يعني مابتعرف شبها
مجد:احكي وبلا لعي
ريم:غيرانة هههه بس مابدها تبيلك
مجد:وليش غيرانة ومن شو
ريم:هاد يا سيدي أنت وقت نزلت تسبح بلشو هل صبايا يتغزلو بجسمك ايييه وسمعتن ميسا وكانت رح تفقع بس عم تحاول تبين انو عادي مو هاممها بس أنا بعرفها أكتر مااعرف حالي رح تطق من قهرها لا وكانت عم تقول انو حضرتك مارحت لبعيد منشان تستعرض عضلاتك قدام البنات يالله أنا رايحة
مجد:ههههه أي وا هلق فهمت شو قصدها كنت بالاستعراض
هند:لك شبك أنت ليش ما عم تستوعب
مازن:لك لانو الشي إلي عم تطلبيه ما في عقل بيستوعبو
هند:وليش بقا
مازن:لك كيف بدك ياني بوسها واحضنها بس منشان انتي تصورينا وتعطي الصور للدكتور مجد يعني بدك ياه يدبحني
هند:لك لا أنت مارح بينلك وشك ع السوا المهم هيا وبعدين لا تنسى رح اعطيك مبلغ بحياة عمرك مابتحلم فيه
مازن:.........
هند:شو قلت ازا مانك موافق لشوف غيرك
مازن:طيب
المسا
كل مجموعة مشغلين نار وقاعدين حواليها
عطشت ميسا وقامت لتشرب وكانت المي بسيارة مجد راحت لعندو
ميسا:عطيني مفاتيح السيارة بدي روح أشرب
مجد:ستني بس لا ألبس شي باجري واجي معك
ميسا سحبت المفاتيح من ايدو ومشت
ميسا:ريح حالك
مجد:يارب تصبرني ع هل مجنونة
وصار يدور على شئ يلبسو ليلحقها
هند:يالله هي فرصتك قوم
مازن:بس الدنيا ليل أكيد الصور مارح يكونو واضحين
هند:حبيبي أن شاء الله مفكر موبايلي متل موبايلك الجربان موبايلي ازا الصورة عن بعد عشر متار بيطالعها واضحة
قام مازن لحق ميسافتحت السيارة وطالعت قنينة مي وبلشت تشرب حست على ايدين التفو على خصرها
ميسا:يمكن طلب
ت من حضرتك ماتلح
وقت شافت انو مو مجد سكتت
ميسا:مازن شبك بعد عني
مازن:لك شو شبني حدا بيشوف هل جمال وفيه يمسك حالو عنو
هربت لورا السيارة
مازن:لك لوين بدك تهربي مني تعي والله لنتسلى
ميسا بتبكي :لك أنت شربان شئ يالله دخيلك شوهل ورطة
هند من بعيد عمتراقب
هند:لك واحد غبي ليش مامسكتها منيح كيف حسنت تفلت منك بس يحسن يمسكها منشان صورها هل كم صورة
مازن:لك طلعي انتي شو لاقية بهاد الدكتور مجد لا تقوليلي بتحبيه لك على شو فهميني
اجا من وراه وفتلو لعندو
مجد:تعا لقلك على شو
وبلش يضرب فيه وهند وقت شافت مجد اصفرت واحمرت ورجعت لعند الطلاب منشان ماحدا يشك فيها
مازن:خلص منشان الله يا دكتور
مجد:لك والله لموتك ياواطي
مازن:الله يخليك خلص والله أنا مادخلني هي هند هيا إلي طلبن مني
مجد:احكي ولا شو طلبت منك
مازن:حاضر حاضر رح بحكي بس ببوس إيدك حاج تضرب
مجد:انقبر احكي
مازن:قالتلي احضن ميسا وببوسها منشان تصورنا وتعطيك الصور منشان تطلقها لميسا وعطتني مصاري والله أنا ندمان سامحني
مجد:معك خمس دقائق ازا بشوفك لساتك قدامي رح ادفنك وأنت عايش
قاعدة ع الأرض ورا السيارة وعم تبكي بشكل هستيري
مجد:خلص حاج تبكي وحياتك لتدفها التمن غالي
ميسا:😭😭
مجد:خلص حبيبتي حاج تبكي قومي لنرجع
ميسا:مابدي أرجع بدي نام بالسيارة
مجد:متل مابدك وانا رح نام برات السيارة
قامت دخلت ع السيارة وقبل ماتسكر الباب
ميسا:مجد
مجد:عيونو
ميسا:أنا بحبك
دخل ع السيارة وحضنها
مجد:ههههه واخيرا حكيتيها مابعرف اتشكر هند ولا ادبحها
ميسا:لا تجبلي سيرتها
مجد:متل مابدك
ميسا:بس والله لندمها لك لهون وصلت فيها الحقارة
مجد:حسابها عندي وحياتك ماني نسيانلها ياها
ميسا:أي أساسا كلو بسببك
مجد:ليش بقا هلق كنا حلوين وعين الله علينا
ميسا:موبايلي ضل هونيك وهلق الشباب بيقلقو علي بدي روح جيبو
مجد:لك خلينا قاعدين هون والله مبسوطين
ميسا:هلق بجي
مجد:انتي خليكي انا بجبلك ياها بس بدي افهم شو بدك فيه بهل ليل
ميسا:مافيني نام بلاه
مجد:نيالو والله بدي بلش غار منو
نزلت ميسا من السيارة ومجد نزل كمان
مجد:أمشي نروح مع بعض
مسكت ايدو وهو شدلها ع ايدها ووصلو لعند الشباب
ريم:أي وا نحنا رح نجن عليكي وحضرتك عم تترومنسي
مجد:نعم 🤨
ريم:قصدي يعني انشغل بالي عليها
انور"ها ليكها إجت ريم خانوم صرعتينا وماكنتي تخلينا ننام
طارق"يعني حبيبت اححح ريم شو كان ألو داعي كل هل خوف
ميسا:آسفة شباب بس صار معي شئ خلاني اتأخر والحمد لله مجد اجا بالوقت المناسب
حكتلهن شو صار معها
وقفو طارق وانور
انور:والله لا ادبحو لهل واطي
طارق:بدي أشرب من دمو هو وهديك الحقيرة
ريم:ياروحي يي علي عليكي
ميسا دمعو عيونها لما شافت شقد رفقاتها خايفين عليها
((الصداقة بالمواقف وليس أن تكلمني كل يوم صدق من قال رب أخ لم تلده أمك هو الصديق))
مجد:خلص يا شباب اهدو انا عملتلو اللازم
انور:أي وأنا بدي اعمللها لهديك الواطية اللازم كمان
طارق:لا أنور نحنا مو متلهن ازا بدنا ناخد حق اختنا بناخدو من الرجال ماالنا شغل مع البنات
انور:لك هي إلي عم تقول عنها ماالنا شغل معها هي سبب البلاواي
مجد:كفوو ياطارق هاد الحكي إلي بينحكا أنا فخور فيكن انتو فعلا مثال للأصدقاء الأوفياء
ميسا قربت لعند أنور
ميسا:وعدني ماتعمل إلي ببالك
أنور:ليش شو إلي ببالي
ميسا:انورر انا بعرفك كيف بتفكر ازا سمحت لا تصير متلها هي وحدة حقيرة
انور نكش لميسا شعراتها بحركة خفيفة
انور:بامرك أنا مابدي اعمل مشاكل بكرى عرس عمر بدي احضرو
ميسا:ههههه خليلي ياكن
مجد:ريم وميسا دخلو نامو بهي الخيمة وأنا والشباب رح نسهر هون وازا نعسنا بنام بهي الخيمة إلي جنبكون
ميسا عاشت رعبة كبيرة ولهلق لساتها خايفة بس عم تحاول ماتبين خوفها منشان مجد ورفقاتها مايقلقو عليها
نامت ريم وانور وطارق دخلو ينامو وبقي مجد قدام النار سهران
اجت قعدت جنبو
مجد:شبك حبيبتي ليش فايقة
ميسا:ماحسنت أنام
مجد:ليش
ميسا بلشت تبكي :شو عملتلها لكانت بدها تدمرني بهل طريقة
مجد:هششش خلص وحيات هل دموع مابقى رح خليكي تشوفيها وياانا يا هيا بالجامعة
ميسا:بدي نام بالسيارة اامن
مجد:ماشي تعالي
مسكت ايدو ومشيو لعند السيارة
دخلت ع السيارة ومجد كان قاعد جنبها اجا ليطلع مسكتو من ايدو
ميسا:خليك جنبي
ابتسم وصار يلعبلها بشعراتها هيييك لغفيو تنيانتن
فاقو على صوت على بلور السيارة
ريم:يالله أخي الكل راحو ضلينا بس نحنا صرلي ساعة عم دق عليكن
مجد:طلعي
ريم بتهمس لميسا:شو عاملة لاخي ولييه مغيرتيه180درجة
ميسا:خرسي لا تحسديه هلق بيرجع لطبيعته
ميسا/ريم:😂😂😂😂
مجد:ضحكوني معكنميسا:عم نقول هلق سارة عم تجهز حالها لانو عرسها المسا ونحنا كمان لازم نحضر حالنا وعم تقلي ريم انو هلق ازا قلنالك بدنا نروح ع الصالون رح تعصب
ريم:هاا😳😳
مجد:ليش شو أنا بالنسبة الكون وحش
ميسا:.......
مشي بالسيارة والسكوت مخيم عليهن
ووقف قدام صالون للتجميل
ميسا:ليش وقفت هون
مجد:منشان تحضرو حالكن نزلي ريم خانوم
ريم:😳أخي أنت أخي
مجد:بتنزلو ولا بغير رأيي
نزلو ركد 😂
مجد:المسا بجي باخدكن
#يتبع
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```