قلوب تتراقص على انغام الالم - 38 والاخير - بقلم ROoOnQ - مكتملة | روايتك

الجزء الـ|[38]|ـثامن و الثلاثون .. .. |[ الأخير .. T_t]| .. . حركت إسفنجت البلاشر على خدها بكل خفة .. ابتسمت لنفسها بالمرايا .. و بثواني رجعت تتلاش ابتسامتها ... زفرت بكل ضيق و هي تنزل عيونها على فستانها الأبيض المنفوش .. رجعت رهبة هالليلة تتملكها من أول و جديد .. بعد ما كانت معجبة بنفسها من ثواني .. .. فتحوا الباب و هم يتزاحمون من تدخل أول .. رفعت جنى يدها على صدرها:بسم الله الرحمن الرحيم .. تنحوا ثنتينهم لـ ثواني .. همست وسن:واااااااااااووو .. قربت جمان و بكل حماس:طالعه تجنين .. بسم الله ما شاء الله عليك .. جنى بكل توتر:صدق و إلا تجاملوني عشاني أختكم .. رفعت وسن الكاميرا و بدت تصورها .. جنى بكل توتر:وسن لاء لا تصورين موب الحين .. وسن و هي مركزة فـ شاشة الكام:من قال لك أنه لك هاذي ذكرى لنا .. جنى بكل ضيق:طيب اصبري .. أجلس زين و أعدل فستان .. وسن:يا زينك كذا .. دخلت عليهم و هي تقلّب داخل كيس بيدها .. وهج بكل ضيق:ما جاب غير كيك .. –مدت الكيس لها ..:خذي كلي مو مهم أهم شيء تتغذين .. ابتسمت لها بوجه مصفرّ:قلت لك موب جوعانة .. وهج:شوفي وجهك كيف باهت ..!! -لفت على جمان وسن:خلكم عندها و أكلوها غصب .. أنا بطلع أرتب الوضع برا مع جوري .. قربوا منها و جلسوا اخيرا .. جمان بكل انبهار:صراحة القاعة مرررة خطييرة .. وسن بكل لوم:فيه وحدة أحلى منها بس خسارة ما لقينا لها حجز ..-ناظرة فـ جنى بطرف عينها:العريس مستعجل ما فيه صبر .. بلعت ريقها بكل خوف:موب وقته تذكريني فيه ..!! جمان و هي تفتح لها الكيك:ايه و الله .. يلا شطورة كلي لو حبة .. جنى بكل توتر:ما أبي موب مشتهية .. جمان:عاد هو على كيفك .. موب على كيفك بسرعة تأكلينها الحين .. جنى بكل توتر:ما أبي أكل ..-زفرت بكل ضيق:كان نفسي بذيك السندويتش اللي طلبتاها أمس من كنتاكي بس مدري من أستلمها .. ناظروا بعضهم بكل خوف .. رفع عينها عليهم و ناظرتهم بكل شك:أنتوا اللي مأخذينها صح ..! وسن بكل خوف:يعني ما نعرف ندق و نطلب .. زفرت بكل ضيق:و الله كنت مشتهيتاها ..!! جمان:لا تقعدين تصرفين .. كلي الكيك و انسى هالسندوتش .. كلي قبل لا ترجع وهج و تفضحنا .. وسن و هي تتفرج على الصور فـ الكام:ايه و الله هاليومين موب طبيعية أبد .. كله معصبة و بس .. طقت الباب عليهم و دخلت .. ابتسمت و هي تدخل:السلام عليكم .. جمان بكل حماس:نوف جيتي بوقت .. نوف و هي تنفخ صدرها بكل غرور:أدري ما تستغنون عني و لا عن خدماتي .. رفعت وسن الكام حتى تصورها:واااو .. شكلك خطيير .. نوف بكل إحراج:الله يسلمك .. من ذوقك و الله .. ناظرتها جمان بنص عين:من ذوقك أجل ..! تعالي بس شوفي خالتك بلشتنا=ورطتنا" مو راضية تأكل .. نوف و هي تقرب:أفا بس أفا .. وش هاللي قاعدة أسمعه ..!! جنى بكل ضيق:موب رايقة لـ ولا وحد منكم ..!! قربت منها و بنبره كلها لوم:وش فيك جنو هدي أعصابك ترا كلنا حولك .. –بكل حماس:أنتي بس شوفي خوالي و هو متجمعين حولك و الله كأنهم بودي جارد ..-بحالميه:يا قلبي على خالي مشاري و الله لو أنه موب خالي خطبته .. وسن:ههههههههههه بعلم عليك أمك .. نوف و هي تناظرها بنص عين:يعني ما نتغزل لا فـ خلق الله و لا فـ محارمنا وش تبين أنتي بعد ..!! جمان:هههههههههههههه .. و الله إني حسبت أروى صديقتي أخبل وحدة فـ الكون ما دريت أنك فيه .. نوف بكل حماس:أروى صديقتك يا حليلاها .. أذكر كلمتها مرة .. وسن و هي ترفع الكام تصور من جديد:أقول نويفة ترانا جايبينك تهدين جنو مو تصدعين لنا روسنا .. لفت على جنى و بنفس الحماس:يووه يا جنو .. شفت زوجك ذاك اليوم خطيير .. و الله ياحظك به .. جمان:هههههههههههه .. إذا جتك عين ترا منها على طول تعالي لها ما يحتاج تروحين لأحد هاهه ..!! نوف و هي تكلم بكل حماس:أخو رجلك يهبل امدحيني عنده تكفين ... صرخت فيها:نويفة لو ما تبعدين عني ترا بـ تندمين طول عمرك .. نقزت و هي تبعد عنها:بسم الله الرحمن الرحيم .. وش فيها أختكم .. وسن بكل لوم:قلت لك معصبة ما صدقتي ..!! .. . شيكت على الكوشة للمرة الثلاثين .. قربت منها أختها .. وهج بكل لوم:الله يهديك يا جوري كم مرة طلعتي ع المنصة .. جوري و عيونها تتفحص المكان:كل شوي اكتشف شيء غلط .. وش رايك حلو ..!! وهج:تهبل ما عليك منها الحين .. فيه ناس توها وصلت و تسأل عنك .. جوري بكل استغراب:عني ..!! لفت وراها:شوفيهم هناك ..-اشرت وهج عليهم .. ابتسمت جوري:هذولي أهل نواف .. تعالي أعرفك عليهم .. وهج بكل حماس:صدق .. يا الله ..-نزلوا من ع المنصة مع بعض .. .. قربت و سلمت عليهم بكل حماس:هلا و غلا .. ضمتها ريم بكل حرارة:حيا الله مرت أخوي القاطعة .. جوري و هي تسلم على سارة:ما لي دخل تفاهمي مع أخوك ..-لفت على وهج ..:هاذي أختي الكبيرة .. قربوا ثنتينهم و سلموا عليها .. جوري بكل استغراب:وين الباقي و خالتي وينها ..! ريم:محد جاء غيري و سارة .. من البنات يعني .. و أمي جالسة هناك على طاولة بالأخير .. وهج بكل إحراج:الله يحيكم نورتو المكان .. بس عن أذنكم مضطرة أروح .. ابتسمت لها سارة:أذنك معك .. ريم:يا حليلها أختك مؤدبة .. سارة و هي تدفها حتى يمشون:هذا الايتيكيت يا حظي ..! ريم بكل إعجاب:نواف لما قال لنا عن أهلك .. ما توقعتهم أغنياء كذا .. جوري و ابتسامتها ما فارقتها:ليه وش الغريب اللي شايفته ..؟! ريم بكل انبهار:أي غريب .. قولي وش اللي مو غريب ..!! سارة بكل ضيق:وجع فشلتينا .. ريم بنفس الضيق:وش فيك .. جوري منا و فينا ..! ابتسمت:عادي عادي .. تعودت عليكم و فاهمة قصد أختك ..-قربت من طاولة خالتها .. توجهت لها و سلمت عليها .. ..:حمد الله على سلامتكم .. أم نواف:الله يسلمك يا بنيتي .. جوري بكل آسف:شكل الطريق تعبك ..! أم نواف و هي ترجع تجلس:و الله لو أنتي موب عزيزة و غالية كان ما تعنيت=تعبت نفسي" .. و صلت لهنا .. جوري بكل امتنان:تسلمين لي يا خالتي .. –ناظرت لـ قدام و بكل تردد:أنا حاجزة لكم طاول بأول القاعة .. ريم بكل حماس:و الله وناسة .. جوري و ترددها يزيد:ما عليه بتعبك يا خالتي .. بس هناك أحسن و أريح .. وقفت سارة و ساعدت أمها:ما عليك هي تدلع شوي .. جوري و هي تأشر ع الطريق:حياكم .. أنا مرتبة كل شيء لكم هناك و ما عليه بروح عنكم شوي .. مثل ما أنتو شايفين ما في غيري و وهج أختي نرتب العرس .. ابتسمت لها سارة:ما عليك مسموحة و أنا أختك .. مشت معهم لحد ما تأكدت أنهم وصلوا المكان الصح .. ابتسمت براحة و هي تشوفهم يجلسون .. :يا الله أنا بروح بحاول أرجع لكم بس أمانة لا تطلعون إلا لما تعلموني عشان أجيب لكم رشود .. ريم بكل حماس:رشود هنا .. يا قلبي عليه أبي أشوفه .. جوري:تاركته مع الخدامة جوا ..-تلفتت حولها:لـ شفت وحدة من خواتي الصغار روحتها لك تأخذك له .. ريم بكل حسرة:وش بيصبرني .. أكيد مشى الحين ..!! اتسعت ابتسامتها:لا وين توه أبو أربع شهور بس طلع صوته و صار مزعج .. ريم:ههههههههه من يومه قلق طالع على أبوه .. جوري:هههههههههههههههه .. يا الله عن أذنكم .. سارة و هي تراقبها تبعد:أذنك معك .. –نزلت عيونها على أمها فرق بين زواج أخت جوري و منور أخت دلال .. أم نواف و عيونها تحوم على المكان:ايه و الله ما شاء الله لا إله إلا الله عليهم .. وش هالزين كله .. صراحة ما توقعتهم كذا ..!! ريم بكل حماس:ايه مرة .. أخوك نواف يقول أغنياء بس مو مرة هذولا أكيد يعرفون أمراء .. سارة:يا حبيبتي أبوها رجل أعمال .. نص الاقتصاد السعودي يعتمد عليه .. ريم و هي تمد يدها للحلا:يرحم لي أمك لا تبدين بنشرتك الاقتصادية ..!! أم نواف و هي مندمجة مع جو العرس:بس صراحة ما يتقارن بين عرس أخت جوري و منيرة .. ريم:يمة تكفين لا تقارنين ما في أي مجال ..!! سارة:ايه أكيد الوضع المادي يختلف ..! ريم:خلي الفلوس على جنب .. تذكرين يوم عرس منور .. قعدنا بآخر القاعة و لا أول ما وصلنا ما حصلنا كراسي ..! يرحم لي أمك يكفي الذوق و الأخلاق .. زفرت و هي تهمس بكل استسلامية:فـ هاذي صدقتي .. .. . ## .. نزلت يدها على بطنها .. حست بالجوع يعذب فيها .. زفرت أروى بكل ضيق و هي تنزل عينها على بنت عمها .. همست:رتوج قومي .. عطتها ظهرها .. غطت نفسها و رجعت تغط فـ نومها .. أروى بكل ضيق:بنزل تحت و لـ شافني أحد ترا ما لي دخل ..-سكت دقيقة .. ثنتين . ثلاث .. ظلت تنتظر الرد لـ خمس دقايق .. لكن ريتاج .."لا حياة لمن تنادي" .. لبست شبشبها و توكلت على ربها .. طلعت من غرفة ريتاج و هي تتتسحب ..نزلت بخطوات هادية لـ تحت .. وصلت للمطبخ أخيرا .. ابتسمت بانتصار و مراده قرب تحقيقه .. دخلت و عفست الدنيا فوق تحت .. حتى تسوي ليها أي لقمة تسد جوعاها .. .. . زفرت بكل راحة و إحساس الشبع يزيد من سعادتها .. لمت كل حوستها و رفعت كأس الموية حتى تطلع .. لفت و انصدمت من وجوده .. تجمدت فـ مكانها و هي تشوف نظرة الصدمة فـ عيونه .. طاح الكاس من يدها .. و تناثر القزاز حولها .. .. بلع ريقه بكل خوف .. لف بيطلع .. لكن رجع يوقف .."هاذي فرصتك يا ريان .. جنى الحين واسطة مستحيلة بالنسبة لك ..!!" .. رفعت يدها على صدرها بكل خوف .. انتظرت يتقدم خطوتين و يختفي لكنه تسمّر فـ مكانه .. نطق بكل تردد:أروى .. حست بنبضاتها تتسارع من الخوف و هو ينطق اسمها .. جرئتها .. مغامرتها و حتى صوتها كل شيء اختفى بهاللحظة .. كمل حاول يتكلم بسرعة حتى ينهي هالموقف .. لكنه حس بالكلام يضيع منه .. نطق بكل خوف و توتر و هو لحد هاللحظة معطيها ظهره:فيه موضوع من فترة كنت أبي أفاتح جنى به .. لكن مثل ما أنتي شايفه جنى الحين صارت بعيدة محد يعرف متى بترجع تزورنا على الأقل .. –سكت لثواني:و هالموضوع أنتي طرف فيه .. همست بخاطرها بكل عصبية .."قنبلة إن شاء الله تطيح فوق راسك و تفكني منك .. فاضية لك أنا و إلا لمواضيعك أنا وش دخلني بـ جنى ..-حست بدقات قلبها تتسارع .."يوه لو تنزل ريتاج و إلا مرت عمي و إلا عمي بكبره .. يا ويلي ..!!" .. خذا نفسه و بكل اندفاع ..:أنا أبيك بالحلال .. و ما كنت أبي الموضوع يصير رسمي قبل لا أعرف رايك ..!! تنحت لثواني .."أنت يا ريان" .. زفر بكل ضيق:آسف على الإحراج اللي سببته لك ..-طلع بكل سرعته و انسحب لبرا البيت .. حست بأطرافها تتجمد .. "من جده ذا .. أنا أخذه وين ..-هزت رأسها"شكلي أحلم أو أهلوس .." .. همست بكل ضيق:مهبول أجل وشلون برد عليه .. . .. قربت من المطبخ و هي تجر رجولها .. صرخت:أرووه وش سويتي ..!!! بلعت ريقها بكل خوف:بسم الله الرحمن الرحيم وين طلعت منه ..!!! ريتاج بكل ضيق و عيونها تتسكر غصبن عنها:سمعت صوت القزاز قلت أنزل أشوف وش هببتي .. أروى و هي تتلفت حولها و بكل ربكة:ايه الكاس طاح من يدي و أنا طالعه .. ريتاج بكل عصبية:المكنسة وراء باب المطبخ بسرعة لميه و أنا بنتظرك فـ الصالة اخلصي علي ..!! ... خذت نفس عميق و هي ترجع لواقعها .. على صوت ريتاج .. ريتاج بكل ضيق:الحين موب أخت جنى صديقتك دقي عليها أنا وياك ما جينا بدري عشان ننطق هنا مثل كل هالضيوف ..! ابتسمت بكل توهان:كيف ..! ريتاج بكل ضيق:وش كيفه .. صار لي ساعة أكلمك .. لا تقولين سرحانة ..! ابتسمت بإحراج:ما سمعتك إزعاج .. ناظرتها بطرف عينه:ايه طيب ازعاج .. صار لك مدة و أنتي موب عل بعضك .. وقفت أروى:قومي قومي .. أنا قبل شوي شفت أختها الكبيرة تطلع من ذاك الباب خلينا نروح أنا وياك موب غربّ ..! ناظرتها و بكل لوم:ايه صرفيني مثل كل مرة .. و أنا بمشيها بمزاجي هااه ..! ابتسمت لها و هي تمشي معها .. تنهدت و هي تتذكر اللي صار معها بالسيارة .."طول ما كنا بالسيارة ما نزل عيونها من علي أكيد ينتظر ردي ..-اتسعت ابتسامتها .."أول مرة أكتشف أن ولد عمي مزيون و مملوح كذا" .. صرخت فيها:أي باب ..!! فزعت من صوتها:خير وش فيك صراخ وبس ..!! ريتاج بكل ضيق:أنتي اللي وش فيك حشى منتي بـ صاحية .. الحين مدخلتنا لهنا و بتصير لنا مشكلة بسبب ثقتك الزايدة و سرحانك اللي ما له داعي .. زفرت بكل ضيق:نطق الأبواب و ندخل .. يعني بذمتك فيه عريس يوصل بهالوقت للقصر ..!! ريتاج بكل خوف:طقي أنتي .. أنا مالي دخل .. ناظرتها بنص عين:من يومك خوافه .. ردة لها النظرة و بكل حدة:أحسن من السرحانة أربع و عشرين ساعة .. .. . قربت من طاولتهم .. زفرت بكل ضيق .. وهج بنبرة أقرب للترجي:وحدة تقوم معي موب حلوة جوري تلف معي و أهل زوجها هنا .. سلمى و هي تنزل يدها على بطنها:اسمحيلي أول بيبي لي و مو مستعدة يصير لي شيء ..! نزلت عيونها على أختها دينا:و أنت وش عذرك بعد .. دينا:و الله أنا ما كنت ناوية أجي من الأساس مو كفاية عليكم غصبتوني بعد تبوني أشتغل معكم .. وهج:الحين أبي أعرف وش هالعداوة لها ..! دينا:أنتي تعرفين إني مع مام من البداية .. زفرت بكل ضيق:و أمي وينها فـ البيت ..!! و بعدين ما أبيك تدورين بس خلك عن السيرفس و تأكدي من انتظامهم و ترتيبهم .. دينا بكل حيرة:بس .. قاطعتها بكل ضيق:خلاص .. خلاص الشرهة علي أطلب مساعدة منكم ..-بعدت عنهم و تنهيداتها تزيد .."الحمد الله إن أهل زوجي مسافرين و إلا كان تورطت صدق ..!" .. سلمى بكل لوم:ليه ما قمتي .. حجتك مو عذر أبد .. دينا:و الله الزواج مليان من الناس اللي تعرفهم أمي مو فاضية وحدة منهم تنقل خبر وقفتي معهم ثم تسوي لي مشاكل .. سلمى:وين الغلط إنك توقفين بزواج أختك و بعدين مو هاذي جنى اللي من نقلت عندنا ساكنة بغرفتك و كل يوم سوالف و سهر و فلة للصبح ..! دينا بكل تردد:ايه داخل الغرفة محد يعرف و بعدين أنا فهمتها من البداية .. سلمى بكل ضيق:هذا يسمونه نفاق .. أنتي قاعدة تنافقين أمي .. دينا بكل عصبية:وش هالكلام الكبير ..! أنا بس ما أبي أتعب أعصابها و أمرضها مثلكم .. سلمى:لا يا حبيبتي أنا و أخوانك نعامل خواتك من أبوك باللي يرضي رب العالمين .. و رضا رب العالمين فوق رضا الوالدين ..! دينا بكل لوم:بس هم يعرفون إني أحبهم بس كذا ماما .. قاطعتها:أنتي اللي عودتي أمي تستسلمين لها بكل شيء .. خلك كذا .. لحد ما تخطط لك مستقبلك و تمشيك على كيفها .... و أنتي تعرفين أمك وشلون تسيطر على اللى يحبونها ..!!-زفرت بكل ضيق و عيونها تحوم فـ المكان:فاهمة الحب غلط .. وقفت اخيرا و ضميرها يأنبها:بقوم معهم و الله يعينني على هالليلة ..! ابتسمت و هي تراقب أختها تبعد .. رفعت جوالها و دقت على أختها:هاذي هي دينا جاية لك فـ الطريق .. عليك بها هاااه .. .. . فـ قسم الرجاجيل .. مياف و هو يعدل المرزام:تهقى لو دخلت أرقص عند الحريم يخطبوني .. مشاري:ههههههههههههههههههه� �هههه .. حلوة يخطبونك .. عبد الملك و هو يضبط الياقة و بكل غرور:و الله صارت لي بزواج أختي .. مشاري بكل صدمة:صدق ..! عبد الملك:ايه و الله وحدة قالت لأختي كانه يبي يعرس ترا عندنا عروس جاهز وش معناها يعني ..!! مياف بكل حماس:أقول مشينا بس .. بندخل نرقص لنا شوط .. مشاري:ههههههههههههههههه اصبري لحد ما يجي المعرس و يزفونها معه عقبها أدخل .. مياف:لا زوج أختك ما راح ينزف معها .. عبد الملك بكل استغراب:غريبة موب دايم يسون كذا ..!! مياف:عاد هو ما يبي .. راح تنزف لحالها .. مشاري بكل حماس:بس داخل داخل .. و انفجرو الثلاثة ضحك .. ههههههههههههههههههههههههه هههههههههه .. .._.._.._.._.._.. خذت لفة على نفسها و علامات عدم الرضا واضحة على وجهها .. واقف وراها .. ضحك عليها و هو يعدل شماغه:تهبلين و الله العظيم .. ليان و هي تعقد ملامح وجهها:شف شلون كرشتي خمس أمتار قدامي ..!!! ابتسم و هو يحاول يكتم ضحكته:يا عمري هذا جنين .. إنسان كامل وين تبينه يروح ...!! لفت على جنبها الثاني و عيونها معلقة بالمرايا:شفت شلون ...! الحين يبي لي كرسين ..! واحد لي و الثاني لهالكرشة ..! انفجر ضحك بشكل هستيري على ليان و حساسيتها الزايدة من شكلها .. ناظرته بكل لوم:ايه اضحك موب أنت اللي بتمشي بين الناس بهالبطن ..!! حوط خصرها بذراعه و ضمها له:يا عمري وش بيدك تسوين يعني ..! ليان بكل ضيق و عيونها على يد راكان اللي محاوطتها:شف حتى يدينك ما توصل لبعضها .. مد يده بالقوة:لا يا عمري شوفي أصابعي تلمس بعض .. زفرت بكل ضيق:تووء أفف الحين أنا توني بالشهور الأولى بعدين وين بيوصل هالبطن ..! راكان و هو يناظره بالمرايا و بكل جدية:ليون .. ترا جد بديت أخاف عليك .. و موب مخليك تروحين لهالزواج .. موب ناقصين حسد و عيون اللهم يا كافي ..!! بعدت يده عنها .. مشت بخطوات ثقيلة و سحبت العباية من على طرف السرير:إلا زواج جنو .. لو يقولون لي اليوم موعد ولادتي رحت .. !! رجع ينفجر ضحك عليها:ههههههههههههههههههه� � .. طيب ..-خذا نفسه:طيب اسبقيني لتحت على بال ما الحقك بتكونين توك فـ نص الدرج .. ناظرته بنص عين:ترا اللي فـبطني عيالك .. للمعلومية يعني ..-مشت لبرا و هي ترفع الطرحة فوق رأسها .. راقبها و هي تطلع و الابتسامة ما فارقت وجهها .. .. . وصلت للدرجات الأخيرة أخيرا .. ركضت لها وعد:ليه ما ناديتيني أساعدك .. ليان بكل ضيق و نفسها يضيق بها:لاحقة بتجي أيام ما را ح اتحرك من مكاني .. أم راكان بكل لوم و هي تراقب بنتها و زوجة ولدها:أنتي يا المطفوقة شوي شوي مرت أخو بالموت تمشي .. جلست ليان أخيرا:اووف يبي لي ربع ساعة أرتاح .. سوري مأخرتكم .. رفعت البلاك بيري .. و عيونها معلقة فيه:عادي عادي خذي راحتك .. أم راكان بكل ضيق:من شرت ذا البلاء و ما عاد ترفع راسها .. الله لا يعافي اللي صنعه ... ليان:ما عليه يا خالتي توها شاريته .. بكرة تطفش و تقطه .. ام راكان:ما ظنتي و أنا أمك !!! .. لحظات قصيرة خيم الصمت ع المكان .. رجعت تتكلم و بكل تردد:أقول ليان ..! لفت عليها:خير يا خالتي .. أم راكان و الإحراج واضح على وجهها:عزمتوا حمد و مرته .. ليان:أيه أكيد .. ركان بيده موصل الكروت لبيتهم .. أم راكان بكل تردد:أدري أنها ما تستاهل و هي ما تعرف الواجب مع الأهل .. بس عشان نبعد عن المشاكل .. وعد و عيونها على شاشة جوالها:لا تخافين زوجة ولدك سوسة .. بتجي العرس عشان أهل جنى آل***** .. أم راكان بكل ضيق:أنتي خلك ساكتة أحسن ..-رجعت تلف على زوجة ولدها .. و تنزل عيونها على بطنها:متعبك ذا الحمل ..! ابتسمت بتعب:يعني .. زفرت بكل ضيق:حملك غريب و الله .. ليان:الله يسهل ..-زفرت بكل ضيق .."مدري أفرح و إلا يضيق صدري ..!! أفرح إني حملت و افتكيت من كلام الناس و إلا أزعل لأن حملي طلّع حمد و زوجته من هنا .. -زفرت بكل ضيق .."أصلا وجودهم زي العدم .. بس أكيد خالي و خالتي شايلين بخاطرهم علي لأني السبب" .. أم راكان:الله يسهل لك يا رب .. عاد لازم تتعودين .. يبيلك تجبين ثلاث أربعه وراء بعض .. ليان بكل صدمة:وش دعوة يا خالتي ..! أم راكان بكل حماس:ايه دامك مسكتي طريق الحمل مرة وحدة .. بلعت ريقها بكل توتر .."من جدها ..! أخاف بكرة تكلم راكان بهالسالفة و يقتنع لازم أتفاهم معه أنا وين أحمل ثلاث مرات وارء بعض حشى و لا قطو" .. نزل و هو يتفقد مفاتيحه ..:جاهزين .. وعد بكل ترجي:بس دقيقة أخلص سالفة مع صديقتي .. ناظرها بنص عين:يا الله أنا بشغل السيارة و اللي موب جاي يقعد موب لازم يروح .. ناظرته بكل حدة و هي تلبس عبايتها .."أكرهك".. .._.._.._.._.._.. ##.. صرخت فيها بكل صدمة:ريناد أنتي تستهبلين ..! زفرت بكل ضيق:تدرين فـ البداية كنت أفكر مثلك .. لما فتح بدر هالموضوع معي من شهر صرخت عليه مثلك الحين .. بس لما فكرت فـ الموضوع و خاصتن بعد ما استقريتي الحين و اسمك صار باسم أبوك .. حسيت أن هالشيء طبيعي .. جنى بكل عصبية:أنا عايشة معه عشرين سنة هو ولد أخوي و أنا عمته .. شلون يجي فـ باله واحد بالمية أنه يفكر يتزوجني ..!!! ريناد:بدر كان واثق من كلامه من البداية .. عشان كذا ما تردد فـ حبك ..! جنى و عصبيتها تزيد:أي حب هذا .. هذا حب شيطاني عاميه عن الدنيا .. ريناد:جنى وش هالكلام الكبير فـ الأخير أنتي بنت عمته و هو ولد خالك ..! جنى بكل ضيق و نبرتها تهداء:حتى ولو المفروض ما يفكر فيني ابد .. تنهدت بكل ضيق:ما عليه أنا ما راح أخذ أي شيء من كلامك و بتركك تفكرين لو إن شاء الله سنة أهم شيء تفكرين قبل لا تأخذين قرارك .. جنى بكل إصرار:لا سنة و لا شهر و لا حتى ساعة .. ريناد هالموضوع تنسينه كلللش و أخوك بعد لازم ينساه .. خذت نفسها:ما عليه لما تجين تنومين راح تفكرين غصب .. و حطي فـ بالك أن بدر يحبك و شاريك .. لا تنسين كلامك لي .. الوحدة تأخذ اللي يحبها .. أحسن من أنها تأخذ واحد تحبه و تعيش مذلولة له ...! زفرت بكل ضيق:هذا الحب الطبيعي .. موب الحب اللي جاية تتكلمين عنـ.. قاطعتها:عطيني سبب واحد يمنع زواجك من بدر أنا من الحين أدق عليه و أقول له ينسى الموضوع .. جنى بكل عناد:يكفي إني طول عمري معتبرته ولد أخوي و محرم لي ..! زفرت للمرة العشرين:موب سبب مقنع و عشان كذا .. أنتي ملزومة تفكرين و أنتظر رايك لو بعد سنة ..-وقفت .. جنى بكل خوف:على وين ..؟! ابتسمت:لها لا تخافين موب زعلانة هالموضوع بينك و بين بدر أنا بس مرسال .. بس لازم أمشي مو معقولة أتاخر على بسام .. جنى:طيب أجلسي لو نص ساعة مع خواتي ...!! كلهم متحمسين لشوفتك .. ابتسمت:ما عليه مرة ثانية .... . رفعت الحلق الثاني لأذنها اليسار و الابتسامة مرتسمة على وجهها .. .. لبس الثوب و عدل ياقته بيده .. رفع عينه عليها:ريناد .. ما ردت عليه .. لحد هاللحظة عشرات الذكريات تروح و تجي على بالها .. علا صوته أكثر:رنوووووود .. لفت عليه:هلا حبيبي .. أشر على أزرار الثوب .. رجعت تبتسم و هي ترفع طرف فستانها و تمشي لعنده .. قربت منه و تلقائيا مدت يدها و سكرت له أزرار ثوبه .. ناظرته بكل لوم:خلاص لازم تنسى الدلع .. بسام بكل صدمة:ليييه ..!! ريناد:الحين صار فيه ثنين .. و دلعك و دلعهم ما يجي مع بعض ..!! عقد ملامح وجهه و بنبرة بانت فيها الغيره:يعني بتخليني أندم لأنه صار عندي عيال ..؟! ريناد و بصوتها نبرة ترجي:حياتي أنا ما أقدر .. أنت صاير مرة تدلع .. و عيالك فارس و فراس ما يقصرون ما بعد يكملون الشهر و كل واحد فيهم لسانه أطول من الثاني .. !! بسام: و المربية اللي جبتها وش فايدتها ..؟! ريناد:جبتها حتى تساعدني موب عشان أعتمد عليها اعتماد كلي .. مهما كان فـ الأخير هذولا عيالي ..!-بكل لوم:وعيالك بعد .. زفر بكل ضيق:طيب طيب .. شكلي برجع لحياة العزوبية من جديد .. رجعت تبتسم:طيب خلاص لا تسوي لي أفلام هندي .. بسحب كلامي الحين و برجع أقوله له الفجر ..! ابتسم غصبن عليه .. هالنقاش بالنسبة له عقيم .. مهما صار مستحيل يتنازل عن ريناد و لو دقيقة وحدة حتى لو كان عشان خاطر عياله .. يمكن يكون يتعبها بطلبه لها تكون متواجدة قريب منه .. بس وش يسوي إذا قربها هو الشيء الوحيد اللي يحسسه أنه عايش .. زفرت بكل ضيق و هي تبعد و ترفع شنطة يدها:كلمت خالتي ..!! بسام و بعيون نظرة تأمل فيها:نفس الشيء .. مُصره على الجلسة فـ البيت .. مشت لـ عند المعلاق حتى تنزل عبايتها:موب معقولة فوق الأربع شهور مرت من توفت أختك الله يرحمها .. و للحين حابسة نفسها فـ هالبيت و مانعه نفسها من الطلعات هذا اسمه جزع موب زين ..!! تنهد بكل ضيق:وش أسوي فيها موب راضية تقتنع .. بس تعرفين أمي لا كلمة رب العالمين و لا قضاء و قدر تأثر فيها ..!! زفرت بكل ضيق:أنا خايفة هالشيء يأثر على دينها و شـ .. قاطعها:خلاص .. ما له داعي نفتح هالموضوع للمرة المليون من جديد ..-لف و سحب شماغة من على الكنبة .."ما وقفت على الجزع أمي من يومها مسلمة بالأسم ...!" .. قربت منه وهي تلبس عبايتها و بنبرة أقرب للترجي:طيب دق على سطام أخوك يجي مع زوجته و يجلس معها .. ابتسمت بكل استهزاء:كلمته موب فاضي لنا عمي .. زفرت بكل ضيق:حتى أخوك قاطع رحم .. زفر بضيق أكبر منها:الدنيا دوارة .. و مصير اللي قاعد يسويه فـ أمه و أبوه يرجع له من عياله .. -خذا نفسه من جديد:روحي شوفي العيال و خلينا نمشي راح نتأخر على العرس بسبب هالسوالف اللي ما لها داعي .. رفعت طرحتها و هي تمشي لـ الباب:طيب .. طيب .. رمى بثقلة على الكنبة .."أنا ما أبيكم خلاص تزوجت و بديت حياة جديدة حتى شركة أمي بتركها لكم و لو بيدي أغير اسمي و أتبرا منكم كان سويتها بس الظروف حدتني استحمل هالشيء" .. تنهد بكل ضيق و هو يذكر آخر شيء سمعه من أخوه .. ارتسمت نظرة خيبة أمل و هو يذكر ابتسامته الساخرة منه .. وهو يستهزء بـ رجعت شوفه له بدل ما يبارك له ..!! .._.._.._.._.._.. ##.. جلست بكل خوف لمت المفرش على نفسها و كأنها راح تحمي نفسها به منه .. خذا نفس بكل عمق و تكلم رغم أنه حضّر لـ هالموقف من قبل لكنه حس بالتوتر يضيع الكلام منه .. نطق تركي أخيرا:أنا آسف يا غزل .. رفعت عيونها الذبلانة عليه:وش تبي مني ..! بلع ريقه بكل صعوبة:أنا كنت مشوش و ما كنت عارف وش أسوي .. مريت بظروف ما يعلم بها إلا الله .. بس صدقيني سويت المستحيل عشان أقدر أرجع لك .. ارتجف صوتها:متوقع إني برجع لك عقب اللي سويته ..؟! نزل عيونه و بكل إحراج من نفسه قبل لا ينحرج منها:أدري غلط و قلت لك إني معترف ..-رجع يرفع عيونه:و تأسفت لك .. غزل بكل خوف:وش المستحيل اللي سويته عشان أصدقك وما أكون شاكة أنك تبي ترجعني لك عشان ..-رجعت تسكت و هي تحس بالعجز فـ العبير .. مو قادرة تلاقي الكلام المناسب .. كل اللي قاعدة تسويه بحياتها انجراف وراء مشاعرها وبس ..! نزل عيونه من جديد.. حس بتوتر خوف .. كل شيء ممكن يخليه مشوش من جديد و يرجع للي كان فيه .. تعمقت نظرة الخوف بـ عيونها مدت يدها لـ زر النداء لكنه ما ضغطت عليه .. قررت تعطيه فرصة وحدة بس حتى يقول اللي عنده ... نطق و الضعف بصوته:أنا رحت لدكتور نفسي .. رخت يدها و هي تحس بالصدمة تخدر بأعصابها .."دكتور نفسي ..!" .. تركي و هو يحاول يبرر .. :أنا كنت تعبان فيه ضغوطات كبيره تعرضت له و ما كانت قادر أثق بأحد حتى أكلمه .. و لما تزوجتك كنت محتاج أغير جو .. بس أنتي بصدك لي و تعبك ..-بكل تردد:فكري راح فيني بعيد و ما كنت أقدر أفكر بأي شيء ..-نطقها و صوته يتلاشى لا شعوريا:كنت تعبان .. تعبان و محتاج أحد أفضفض له ..! حست بعبراتها تخنقها .."حتى أنا تعبت .. تعبت من وجوده بقربي و أنا عارفه إني ما راح أكون له ..-خانتها شهقاتها و طلعت .. دفنت وجهها بين كفوف يدها .."هو الوحيد اللي أقدر أفضفض له .. لـ صار هو همّي من أفضفض له ..!" .. قرب منها و بكل خوف:غزل .. غزل وش فيك ..! علا صوت شهقاتها .. من ثواني بس كانت خايفة منه و الحين تحس أنه هو الوحيد اللي راح يتكتم على خوفها .. جلس جنبها .. حوطها بذراعه .. همس و الخوف بصوته:غزل وش فيك ..؟! همست و هي للحين دافنة وجهها بين كفوف يدها:حتى أنا تعبت .. تعبت من كل شيء .. ضمها لـ صدره .. مسح على رأسها:أدري اللي سويته فيك موب شيء سهل .. و مرضك بعد شيء أصعب .. بس صدقيني راح أعوضك عن كل لحظة تعيسة عشتيها بسببي .. و راح أخليك تطلعين من هالمرض و تنسينه بأذن الله .. هزت رأسها بالنفي و صوتها يختنق أكثر:لا خلاص .. أنا راح أموت .. أنا ما أستاهل أعيش ..! شد عليها و هي بحضنه:الدكتور يقول فيه أمل و الأمل برب العالمين كبير .. خوف .. توتر .. ضيق .. كل إحساس سلبي بداخلها تلاشى .. كل اللي كانت تحتاجه شخص يكون قريب منها تفضفض له و يساندها .. ما كنت تقدر تشوف هالشيء فـ مياف لأنه تدري أنه أكبر ذنب بحياتها و لا كانت بلحظة راح تتوقع أنه هالشخص راح يكون تركي .. لكنها ارتاح له و بالعكس عطته المجال يقرب و يحتويها .. لسبب واحد راحة و طمأنينة من رب العالمين تملكتها .. لأنه شيء يصير بأذنه و شرعه ..!!.. . نظرة توهان ترتسم بعيونها .. لمعة الدموع فجأة و هي تتذكر حالها من شهور .. قرب منها و فاجأها و هو يضمها من وراها .. ابتسمت رغم ملامح الحزن اللي ارتسمت على وجهها .. تركي و هي معلق عيونه بعيونه المنعكسة ع المرايا:ما قلنا ننسى شيء اسمه دموع .. وش فيك ما تبين تروحين لزواج جنى ..؟! رمشت بعيونه حتى تضيع الدموع:لاء بالعكس .. أنا الحين تحسنت كثير و محتاجة إني أطلع و أشوف الناس .. ابتسم:و أنا وش أقول من الصبح ..؟! بلعت ريقها بكل توتر:بس تذكرت أيام المستشفى .. تنهدت و بكل لوم:ما قلنا ننسى أيام المرض ..! خانتها دموعها .. حاولت تبتسم:موب قادرة .. لفها عليه:غزل و بعدين معك ..؟! نزلت عيونها للأرض:أنا خايفة الأيام اللي راحت ترجع ...! مد يده لطرف ذقنها و رفع رأسها:الدكتور طمنا عليك و قال أني شفيتي من المرض .. أنتي بس شوفي وجهك كيف منور .. !! مسحت طرف دموعها:خلاص ما راح أفكر بهالشيء مرة ثانية .. زفر بكل ضيق:موب أول مرة تقولين هالكلام لي .. نزلت يده من على كتفها و مشت لعند السرير حتى تأخذ عبايتها:غير خوفي بسبب المرض .. أنا مشتاقة لفجر و فاقدتها كثير .. قرب منها و رجع يحوط كتوفها بذراعها و مشى معها لـبرا الغرفة:بس مشتاقه له .. خلاص بكرة أول طيارة على بريطانيا راح نكون أنا و أنتي عليها بأذن الله .. ابتسمت و بكل حماس:صدق تركي ..! ناظرها و بكل لوم:أنا قدر وعدتك بشيء و أخلفته ..! .._.._.._.._.._.. طلع من الغرفة و لحقته .. لمى بكل ترجي:نااااااااااااااااااا� �اصر ..!! جلس على الكنبة و حط رجل على رجل:ما ودي أطلع اصبري نص ساعة .. جلست جنبه و بكل ضيق:ناصر حرام عليك هاذي ثالث مرة تقول نص ساعة موب معقولة صديقتي بتطلع من القصر ما شفتها ..! مد يده لها .. ناظرته بكل ضيق:خير ..! ارتسمت نظرة غرور فـ عيونها:بوسي يدي .. لمى بكل عصبية:لا يا شيخ .. ناظرها بنص عين:يا سلام عليك لما تزعلين حضرتك ما ترضين غير بـ بوسة و أنا حرام علي ..!! ناظرته بكل ضيق .. سحبت يده .. و باستها .. مد الثانية .. زفرت بكل ضيق و باستها بعد .. أشر على خده:و هنا بعد .. وقفت و ضربت رجلها بالأرض:تدري ..! إن شاء الله عمري ما رحت ..-لفت حتى ترجع لغرفتها .. مسك يدها بكل سرعته .. وقف و ابتسامة الانتصار على وجهه:خلاص .. خلاص .. روحي جيبي عباياتك .. ناظرته بكل حدة:تدري لو رحت و لقيت جنى طالعة من القصر برجع على شقة أبوي على طول .. و بجلس عنده أسبوع كامل ..! نفخ صدره بكل غرور:طيب نشوف ..!! ناظرته بنص عين و دخلت تجيب عبايتها .. راقبها لحد ما دخلت .. رفع يده للسماء ..:يارب ما تكون طلعت .. أنا ويني وين أصبر عنها أسبوع ..!!-اتسعت ابتسامة الانتصار المرسومة على وجهه .. .. . فـ الدور الثاني .. صرخت:نهووووووووووووي ووجع .. اخلصي علي .. نهى و هي بداخل الغرفة:جاية جاية ..-طلعت و هي تلبس عبايتها:وش فيك طايرة ..؟! أميرة بكل ضيق:يعني أنا اللي بعلمك عن أخوك .. ما تدرين أنه شراني و عادي يروح من غيرنا .. نهى:يوم تدق علي لمى قبل شوي .. قالت أنه ضايق منها و يبي له نص ساعة على بال ما يروق .. أميرة بكل ضيق:ايه طيب يروق .. أنت تعرفين ما له دوا غير لمى .. الحين يطير ينزل وياها و يمشون عنا .. زفرت بكل ضيق:أنا أفتك من نويفة تطلعين لي .. أميرة بنبرة تحذيرية:سكتي بس تراك فـ غرفتي .. لا أخليك اليوم تنومين فـ الصالة .. ناظرتها بكل غرور:نايمة على سرير أسماء و الشقة ذي لـ عمي موب لك ..-بكل ضيق:أنتي الحين وارك ما رحتي مع أبوك و فكيتيني منك ..!! أميرة بكل ضيق:يعني ما تعرفين الحوداث السعيدة اللي تصير بالأوقات العصيبة .. نهى و هي تجلس و تلبس صندلها:ههههههه وش ضيعتي بعد ..! أميرة و هي تراقبها و الضيق واضح بعيونها:تخيلي الشال .. حست عليه الدنيا فـ الأخير طلع الخياط الله يأخذه شابكة مع الفستان ..! نهى:هههههههههههههههههههه .. وش يحس به شكله تخربط بينك و بين فساتين بنت أبو حمد .. أميرة:ايه أنا قلته حركة تشبيك الشال مع الفستان حركت سوير بنت جارنا أبو حمد .. بس خليت الخياطة ما لي خلق أقعد أمسك فـ هالشال .. نهى:و الله أنها فكرة سوداينة خطيرة ..!! أميرة بكل حماس:اسمعي صوت باب شقتهم .. بسرعة بسرعة قدامي .. أخوك بعد ..!! وقفت و هي ترفع الطرحة فوق رأسها:طيب بطلع بس ترا الحوسة اللي فـ الغرفة بتضفينها لما نرجع .. غطت وجهها بطرف الطرحة:ما عليه خلينا نرجع عقب نتفاهم ..!! .._.._.._.._.._.. في كنـدا .. زفرت بكل ضيق و هي تقرا المسج .."ما عليه حووبي ما راح أكلمك اليوم ... بطلع الحين لزواج جنى صديقة لمى و لما أرجع حد ما أخمد .. لما أصحى بيكون عندكم نهار اليوم الثاني مدري الليل .. متى ما صحيت برن لك رنة .. حبيبتك غصبن عليك نهى" .. ابتسمت نوف بكل عفوية و هي تقرا توقيع أختها آخر المسج .. مشاري بكل فضول:فرحينا معك .. ناظرته بنص عين:مسج من أختي وش تبي ...؟! مشاري:أعوذ بالله .. الردود جاهزة عندك ..!! ناظرته بنص عين .. و رجعت تنزل عيونها على الجوال .. مشاري:طيب تعالي اجلسي و لا ما تحسين أنك تقرين مسج إلا لما توقفين عند الدريشة .. قربت منها و جلست جنبه:أنا متعمدة أقراها هناك عشان ما تقرا وش أرسلت لي ..! ناظرها بنص عين:على أساس أنك ما تعلميني بعدين ..! نوف بكل غرور:أقول لك بس موب كل اللي فـ المسج .. ابتسم على تفكيرها اللي بحياته ما راح يكبر:المهم قلتي لها عن البيبي ..! هزت رأسها بالنفي و الإحراج يتملك ملامح وجهها:لاء .. ما جاء الوقت المناسب .. مشاري بكل ضيق:نوف تراك طولتيها جد .. أكيد أهلي يبون يسمعون هالخبر من زمان و أنتي إلا أختك تعرف قبل الكل .... ولا ..!! مدري متى بتقولين لها بعد ..! زفرت بكل ضيق:وش مستعجل عليه أصلا أنا للحين ما كملت الشهر الأول بعدين أنت حلفت ما راح تقول لأهلك قبل لا تعرف نهى ..! زفر بكل ضيق:لحظة غباء .. نوف بكل هجومية:ايه كمل .. يوم زواجنا لحظة و غباء و يوم سفرنا لحظة غباء أنت ما عندك غير الغباء تقط عليـ .. قاطعها و هو يمد يده و يسكر فمها به ..:خلاااااااص سحبت كلمتي ..! ناظرته بنص عين و تكلمت بصوت مكتوك بسبب يده:نزل يدك ..!!-سحب يده .. نوف بكل عصبية و هي رافعه حاجب:طيب انزل جب لي مانجا مشتهيتها ..! مشاري بكل صدمة:أمس جايب لك كيس ..! نوف بكل برود:كليته و أبي غيره .. ناظرها بنص عين:على بالك إنه .. رجع يسكت و هو يلمح نظرتها الحادة ..:على أمرك .. نازل أجيب لك .. وقف سحب الجاكيت و طلع .. سند رأسه على باب شقتهم ..ابتسم بكل عفوية .."ما يهم إذا أنا الخادم و هي الأميرة .. دامها رضت بالواقع و رأسه اليابس لان .. ما يهم إذا طولت لسانها و صغرت عقلها أكثر ..! ..-اتسعت ابتسامته"أصلا هي وش محليها غير هالشيء ..!!".. .. ريحت رأسها على ظهر الكنبة .."كل يوم أدق على نهى و أسمعها موشحات و الله فشلة شلون بقولها اني حامل ..-نزلت يدها على بطنها .."لو جبت عشر اسلوبي ما راح أغيره ..! سحبت خددية و غطت وجهها به .."و الله العظيم فششششلة ..!" .. .._.._.._.._.._.. تلفتت حولها و هي تراقب الصبابات و الخدامات اللي جابوهم خواتها حتى يساعدون .. واقفة قبالها و تتكلم بكل حماس ممتزج بالدلع:هو طاير يبي الزواج يتم اليوم قبل بكرة .. بس وش أسوي ما بعد أخلص من جهازي .. تدرين .. أنا ناوية أشتري كل فستاني من باريس بس كل ما قلت خلاص قضيت و بسافر تطلع لي ست آلآف شغله .. ابتسمت لها دينا و الضيق واضح عليها:الله يعينك .. زين أجلتوا الزواج كم شهر بعد عشان يمديك .. الهنوف بنفس حماسها:أمس كلمني بروك و هو مرة يا قلبي عليه مشتاق لي .. و وده أكون اليوم عنده قبل بكرة بس وش أسوي مو بيـ.. قاطعتهاو هي تقرب:سوري قطعت عليكم كلامكم ..-ابتسمت بشاير:بس بغيت دينا ضروري .. الهنوف بكل ضيق:لا عادي .. أنا بروح أجلس لـ خلصتي .. أنا هناك يا دنو أوك .. ابتسمت لها:أوكية .. راقبتها بشاير و هي تبعد:هههههههههههههههههههه .. لو تشوفين وجهك و أنتي تسلكين له و الله تضحكين على نفسك ..! زفرت بكل ضيق:لاحظتي .. بشاير:مرررة .. شكلك قرفانة منها .. قلدتها بكل دلع:بروك و بروك .. جاب لي حط لي .. و نيويورك و واشنطن-بصوتها الطبيعي بكل عصبية:تقولين زوجها أول سعودي يسافر لأمريكا و يشتغل هناك ..!! بشاير:من قدها بتأخذ مبارك ولد الـ** .. عقدت حواجبه بكل ضيق:اوووووف .. –خذت نفس بكل راحة و بنبرة كلها استهبال:ظنك يناسبني ..! بشاير:ههههههههههههههههه .. وش تبين فـ واحد نص حياته برا أكيد أعوذ بالله متأثر فيهم و ما يعرف الدين ...!! ناظرتها بنص عين:على أساس اللي هنا يعرفون الدين .. بشاير:و الله أنا وحدة مقتنعة بالمثل اللي يقول الطيور على أشكالها تقع .. و أكيد هالمبارك واحد حقير مثل الهنوف .. دينا:من ناحية أنها حقيرة صدَقتي .. تخيلي ذاك الشهر كانت مسوية حفلة عزوبية وحدة من الخدم .. كسرت صحن و هزئتها قدامنا .. جد رحمتها .. بشاير:يووه عاد أنتم مرة عندكم الخدامة صديقتكم .. دينا و ابتسامتها الخبيثة تتسع:أول ما كان فـ البيت غيري أنا و وسن كنا نطفش و نتمصلح معها ما عندنا غيرها نسهر و نسولف معه .. لكن الحين جحدنها جحده ..! بشاير:أكيد أنتي و وسن جحدتوها بس جنى و جمان ما تجي منهم .. دينا بكل لوم:تدرين يا دوبا صرت أشك أنك من العايلة .. بشاير:وش أسوي يا أختي أحبكم و خواتكم كلهم وسيعين صدر و يردون الروح .. على طاري خواتك جوريه .. وينها ..؟! دينا: أنا متزفته و واقفة هنا من عشانه .. عشانها حضرتها جالسة مع أهل زوجها .. بشاير:خسارة و الله .. ما شفتها فـ بيتكم غير مرة وحدة و ما أمداني أتعرف عليها .. قلت الزواج بيكون فرصتي .. بس يا الله الأيام جاية .. دينا و بعيونها نظرة تشكيك:و الله شكلك ترسمين على قعدة أبدية في بيتنا .. بشاير و الجدية بصوتها:شوفي أخوك محمد شايب .. و عبد المجيد أخلاقه زفت مشاري مزيون بس ماش ما يعجبني .. ناظرتها بنص عين:قولي من البداية مياف و فكيني من هالمشوار .. ضحكت بشكل هستيري:هههههههههههههههههه� �هههه .. أقول ديناووه ترا أمزح معك موب تصدقين و تفتحين هالسافة مع أخوك ..! ناظرتها بنص عين:و الله تناسبون بعض هو خبل و أنتي أخبل منه .. ناظرته بكل حزن:هذا رايك فيني مشكورة يجي منك أكثر .. زفرت بكل ضيق:أقول بيش فارقي عن سماي و الله واصلة معي من ذا الهنوف .. بشاير:ما عليه الشرهة علي جيت أنقذك منه .. علميني بس من وين طريق غرفة العروس خلني أروح هناك أكيد .. وسن الشينة و جمان و نويفة هناك .. دينا:اكيد .. شوفي هذاك الباب .. .. . .. همست له فـ الجوال:مستحيييييييل ..!! فـ قسم الرجاجيل بعد عنهم أكثر .. همس فـ لجوال بكل ضيق:أنا قلت لك أنا اللي بوصلك بس أنتي ما رضيتي .. تلفتت حولها و بكل خوف:عامر أنت تدري أن محد يعرف إني أكلمك .. ما أبي أحد يسمعني و أنفضح .. بكل عصبية:وش هالكلام ريتاج .. أنتي و أنا متزوجين على سنة الله و رسولة .. بلعت ريقها و بكل تردد:بسس ..! طلعت من غرفة العروس قاطعتها بكل ضيق:مطولة غراميات مع روميو حقك .. همس له فـ الجوال:آآخ لو إني جنبك .. عقدت ريتاج حواجبها:أروى ..! وش طلعك خلك معهم .. أروى:سكري .. قدامكم الليل كله أبيك بموضوع .. عامر بكل ضيق:قولي لها تأكل تبن و تنقلع .. ريتاج بكل ترجي:ما عليه أروى بعدين لما تطلع جنى ... بجلس معك لآخر الزواج .. دخلت القسم .. ريناد و هي تعدل خصلات شعرها:السلام عليكم .. همست له فـ الجوال:ريناد هنا باي ..-سكرت الخط من غير ما تسمع رده .. أروى:وينك جنى طول الوقت تسأل عنك أنتي و ليان و أنتوا الثنتين تأخرتوا .. ريناد بكل لوم:صدق ..! وش أسوي بهالعلل اللي معي .. ريتاج:يووه حرام عليك كل شيء إلا عيالي .. أروى:يووه ذكرتيني فيه سؤال يصرقع بمخي موب لاقيه له جواب .. لفت ريناد على مرايا موجودة على يمينها:اخلصي وش هو ..! أروى:الحين وش بيسمونك أم فارس و إلا فراس ..! ريناد و هي تعدل فستانها و تمشيء لـ غرفة العروس:فارس أكبر بدقيقتين ..!-دخلت لجوا و سكرت الباب وراها .. زفرت ريتاج بكل راحة:اشوا ما انتبهت إني سكرت السماعة بدخلتها .. أروى:أختك جنية هذا وجهي إن ما سألتك بعدين ..! ريتاج بكل توتر:أوووف بعد أخوك يا هوو نشبة .. أروى:أدري ندمت إني عطيته رقمك و ما خليته يتأدب يوم أنه نسى و ما عطاك رقمه ..! ريتاج بكل توتر:يبي يشوفني ..! أروى بكل برود:عادي أنتي زوجته الحين ..! ريتاج بكل صدمة:حتى ولو ما ينفع .. و بعدين وين يشوفني ..!! أروى:ما عليك فـ الرجعه أنا و أنتي نرجع مع عامر وش رايك ..! ريتاج بكل حيرة:و ريان أخوي ..! أروى بك تردد .."من جد مشكلة .. ما راح أشوفه" .. ريتاج:أرووه وين رحتي ..!! مسكت يدها و سحبتها لـ لوسط القاعة .. ريتاج بكل استغراب:أروى وين موديتني ..!! أروى بكل تردد:أبيك بموضوع .. ريتاج:هنا وسط الزحمة و الازعاج .. ايه ما أبي أحد يسمعنا .. جرتها و طلعت لـ عند الحديقة .. أروى:لا ما ينفع .. جلست على طاولة:الكل جوا ينتظر العروس تنزف محد حولك .. أروه أنتي ما تصيرين خوافة و جدية كذا إلا إذا صار الموضوع يستاهل ..! بلعت ريقها و بكل خوف:بقول لك بس أمانة ما تقولين لأحد .. ريتاج و بعيونه نظرة شك:أكيد واحد .. أروى و الخوف بعيونها:ايه بس لا يروح فكرك بعيد .. ريتاج:قولي كلي أذان صاغية .. أروى و التوتر يلعب بأعصابها:ريان أخوك ..! ريتاج بكل صدمة:ريان ..!!! أروى:أمانة لا يروح فكرك بعيد .. –بكل ربكة:تذكرين يوم عزاء لوجين اليوم اللي نمت فيه عندكم ..! ريتاج و بعيونها نظرة توهان:ايه وش فيه ..؟! .. . .. فتحت الباب بكل تعب .. دخلت و هي تغتصب الابتسامة:السلام عليكم .. جنى بكل عصبية:بدري توك تجين و ريناد توها داخله .. سحبت نوف الكرسي و قربت لـ عند ليان .. ابتسمت لها ليان:جزاك الله خير ..! جنى بكل ضيق:أمحق من صديقات ..!! أمحق=مثل ما كان العشم >> شلون يطلع لها تفسير ذي ^^" .." نوف و هي تناظر فـ جمان و وسن:أقول بنات الجلسة الحين صارت للمتزوجات فقط .. خلنا نطلع بس .. وسن بكل حماس: يا الله بروح أشوف الرقص .. جمان و هي تمسك بيد جنى:ربع ساعة و راجعين لك لا تخافين موب تاركينك تطلعين بسهولة هااه ..!-ابتسمت و هي تبعد و تفلت يدها .. ابتسمت بكل خوف لها .. راقبتهم وهم يطلعون .. سكروا الباب التفتت ريناد على جنى:وش فيك كأنك بزر أختك اللي أصغر منك أعقل منك ..!! جنى بكل توتر:أنتي عاد آخر وحدة تتكلمين مأخذه واحد تحبينه و يحبك .. ليان بكل لوم:و أنتي بتأخذين واحد وجهك بـ وجه عشرين سنة مدري وش اللي يفرق ..! جنى بكل خوف:الزواج غير ..! ريناد و هي تناظرها بطرف عين:شايفة أخوي وحش ..!! تنهدت بكل ضيق:محد فاهمني منكم ..! ليان بكل لوم:و الله كلنا معك بس أنتي متوترة و موترة الكل معك ما يصير كذا .. ابتسمت ريناد تطمنها:و بعدين لا تخافين أبوي و ريان بيكونون معك لما يدخل عندك .. ليان:و غير أخوانك بعد .. بس أنتي مكبرة الموضوع ..!! زفرت بكل خوف:حتى ولو .. أنا أفكر بعد ما نطلع من هنا .. ناظرت فيها بكل ضيق:جنوو خلي عنك حركات البزران .. دخلت و هي تقطع كلامهم .. وهج بكل حماس:يا الله جنو عريسك وصل ..! وقفت ريناد:أنا بدخلها عنده .. ابتسمت تحاول تريح أعصابها لكن مو بيدها .. غصبن عليها تتوتر و تخاف ..! .. . ريتاج بكل صدمة:و الله .. ريانوه السخيف تطلع منه هالحركات و الله أنه موب سهل .. أروى بكل توتر:و الله العظيم ما رفع عينه علي .. ريتاج و هي تناظرها بكل لوم:ايه طيب .. و أنا أقول وش سر هالنظرات لك فـ السيارة .. أنتظره يتكلم يقول شيء أثره كلمك و خلص ..! أروى بكل خوف:ريتاج أنا قلت لك عشان تساعديني ..!! ريتاج و بعيونها نظرة فضول:و أنتي وش رايك بأخوي .. يناسبك و إلا .. نزلت عيونها للأرض بكل حياء و بكل عفوية .. تغير لون وجهها للأحمر .. ضحكت عليها:يووه شف البنت استحت .. لا يكون حبيتيه ..! أروى و جرائتها ترجع لها على شوي شوي:تبين الصراحة فـ البداية كنت كارهته و ناوية أرفض .. بس مع الوقت و أنا أشوفه دايم بوجهي .. أحس إني اقتنعت به .. ريتاج بكل غرور:و الله ريانوه على بثارته بس مزيون طالع علي .. ناظرتها بنص عين:ايه طيب عليك .. لو يشبه لك ما ترددت ورفضته .. ريتاج بكل غيض:دوبااااااا .. همست أروى:قفلي ع الموضوع رنود جاية .. لفت على أختها و ابتسمت:حيا الله أم فارس .. ردة لها ريناد الابتسامة:الله يحيك .. أروى بكل استغراب:غريبة توقعتك بتجلسين عند جنى لحد ما تدخل عند بدر .. ريناد و هي تقرب و تجلس:ايه دخلّتها عنده و طلعت عشان أخوانها بيدخلون .. أروى بكل صدمة:و الله .. بدري ..!! ريناد:وين .. بدري .. شكل بدر ينتظرني أجي .. وقفت أروى:بروح أدخل عندها الحق أصور معها و أسلم عليها قبل لا تطلع .. وقفت ريتاج:خـ.. قاطعتها ريناد:أجلسي أبيك ..! جلست و بكل خوف:خير وش بغيتي ..؟! راقبت أروى و هي تبعد .. و رجعت تلف و هي تناظرها بنص عين:وش رايك يعني وش أبي منك ..!! ريتاج بكل توتر:رنود .. وش فيك ..! ريناد بكل ضيق:تحسبيني ما لاحظت ربكتك و تسكيرك للجوال و أنا أدخل ..-بنبرة كلها تشكيك:للحين تكلمين فيصل ..! زفرت بكل راحة:طيحتي قلبي .. وش فيصله أصلا من رفضته و علاقتي انتهت آخر شيء مسج أرسله لي يدعي لي بالتوفيق ..! ريناد:مدري قلت يمكن حنيتي له ..! و بعدين من كنتي تكلمين .. ؟! ريتاج بكل خوف:كنت أكلم عامر .. زفرت بكل راحة:ايه أشوا .. ريتاج بكل توتر:عادي أكلمه .. ناظرته بكل ضيق:زوجك .. وش هالسوال الغبي .. ريتاج بكل توتر:لا قصدي محد يعرف من أخواني إني اكلمه .. ريناد و هي تفتح شنطتها و تطلع علبة البودرة المضغوطة:عادي خلاص لو تطلعين معه عادي .. ريتاج بكل حماس:جد و الله .. ما راح يقول أبوي شيء .. ريناد بكل ضيق:يوووه .. عادي الاسبوع اللي راح تملك عليك .. يعني زوجك و هو ولد عمي يعني أمان .. ريتاج بكل ربكة:مزعجني كل شوي يدق يقول أبي أشوفك و أروى فكرت بخطة و هي إني أرجع معها مع عامر .. !! ريناد:لا خلي أروى و أرجعي مع عامر لحالك .. ريتاج و هي تحس بالصدمة:من جدك رنود ..؟! ريناد و هي تعدل مكياجها:عادي بيرجعك موب ماكلك .. و بعدين أنا برجع مع ريان .. ريتاج:ليه موب راجعه لبيتك ..! ريناد و هي توقف:مجنونة الحين ثلاث ساعات و مدري كيف بتحملهم بعيدة عن عيالي تبيني أنوم فـ مكان ثاني بعيد عنهم .. وقفت معها:أجل ليش بـ ترجعين مع ريان ..! ريناد:بخليه يوصل أروى و يوديني لبيتي .. بسام بيجلس هنا لحد وقت العشاء عقبها بيطلع لزواج واحد من ربعه و بيكمل سهرته هناك و طبعا موب راجع إلا متأخر و أنا ما أبي أتأخر هنا .. ريتاج و هي تمشي معها:اهااا .. .. . .. قبلها بدقايق .. دخلت لجوا ركض .. مشت بين الطاولات بكل سرعة و مرونة .. استوقفتها و هي تعلي صوتها:أروووووووى .. لفت وراها مستغربة من ممكن يناديها ابتسمت أول ما لمحتها ..:لمووووو .. رجعت لوراء قربت منها و سلمت عليها بكل حرارة .. لمى بكل ربكة:سوري شكلي بعطلك بس أبي أشوف جنو .. مسكت يدها و جرتها وراها:تعالي .. دخلت عند زوجها .. خمس دقايق بيطلع .. حد ما نسلم و نصور معها و تطلع معه .. لمى و هي تدخل الممر بكل استغراب:ليه موب زافينها ..!! أروى:لاء .. تخيلي متوترة موت و صايرة عصبية لو نطلعها عند الحريم و الله لـ يغمى عليها ..! لمى:أوف .. أوف لهالدرجة ..! قربوا لـ عند وسن و جمان أروى:و أكثر ..-رفعت عيونها على وسن:طلع بدر .. وسن:لا ننتظره يطلع .. جمان:اشش تراهم يسمعوننا .. همست لمى:أخبارك و أخبار أمك ..؟! همست لها أروى:الحمد الله تمام .. لمى:ذكريني عقب ما نطلع من هنا أسلم عليها .. أروى:إن شاء الله ..-سكتت لثواني:أخبارك أنتي مع هالزواج .. ابتسمت باحراج:الحمد الله كل شيء تمام .. أروى:مرتاحة معه أهم شيء .. ارتبكت من سؤالها:الحمد الله .. على قولتهم يوم لك و يوم عليك هاذي هي الحياة .. !! أروى:الله يعينك و الله .. ارتبكت و هي تفكر تسأل عن سلطان .. لكنها تراجعت و فضلت الصمت .. سمعت أصوات التبريكات تجي من وراء الباب .. رجعت تنزل رأسها و تهمس لأروى:إلا وش صار على فجر ..؟! أروى:يووو قديمة أنتي .. عقب ما تزوجت .. سافرت هولندا شهر عسل و عقبها راحت لبريطانيا زوجها يكمل رسالة الدكتوراة هناك ..! لمى:ما شاء الله .. هو دكتور صح .. أروى بكل ضيق:ايه .. و دكتور كبير بس ناس فاضية تحب وجع القلب يبي يأخذ مرتبة الدكتوراة ..!!! لمى:الله يوفـ .. قاطعتهم جمان بكل حماس:طلعوا أخواني .. الحين بتصور معه و يطلع ..!! قربت المصورة و سكرت الباب بقوة .. وسن:وجع ليه سكرته ..؟! أروى:ههههههههههههههه .. الحين أخوانها انطردوا من عندها تبين أنتي تتفرجين .. وسن بكل ضيق:ما عليه بكرة نشوف الصور ..! جمان:اسكتوا الحين هدوء أكيد بيسمعونا .. .. . زفرت بكل ضيق و هي تنزل الكاميرا ..:أقرب منها أكثر .. شد على خصرها و قربها منه أكثر .. نزلت عيونها للأرض و ارتبكت أكثر و هي تحس بأنفاسه الحارة تلامس خدها .. المصورة بكل ضيق:لا حول و لا قوة إلا با الله ارفعي عينك بعينه .. بدر بكل إحراج:ما عليه .. مو لازم هالصورة .. المصورة:أنا هالشيء ما لي دخل العروس جت لعندي و اختارت وضعيات الصور أنا كل اللي علي أنفذ طلبها و أصور .. بلعت ريقها و بكل توتر:موب أنا اللي اخترت .. المصورة بكل ضيق:أنتي .. أختك .. وحدة من قرايبكم هاذي موب شغلتي .. !! بكل خفة لف جنى .. و ضمها من وراها:خلاص خذي الصورة كذا .. جنى بكل ربكة:لاء وش هذا ..!!! بدر:يعني ما تبينا نتصور و إنا متقابلين و لا كذا بعد ..! بعدت عنه .. كلمت المصورة بنبرة أقرب للترجي:ممكن تتركينا لحالنا شوي .. استغرب من طلبها و استغربت نفسها أكثر ..! .. أقل من الدقيقة و اختلا المكان فيهم .. بدر بكل توتر:جنى وش فيك ..؟! رفعت عينها بعينه أخيرا:بدر أنا موب قادرة أصدق اللي قاعد يصير .. بكل خوف:وش هالكلام جنى ..؟! جنى بكل توتر و ربكة:سوال واحد بس بسألك اياه .. بدر و الخوف بتملكه أكثر من تصرفاتها الغريبة:وش السؤال ..؟! جنى بكل خوف و مليون سؤال سألته نفسها من قبل يجي فـ بالها .. بس لقت أكثر واحد حيرها ..:لما مسكتني الهيئة كنت أكثر واحد معصب و متأثر .. إذا كنت موب واثق فيني شلون بتثق فيني الحين و ولو كنت تحبني ليش شكيت فيني من البداية ..؟! قرب منها و بكل هدوء و راحة ..:من قال لك إني شكيت فيك أنا كل اللي كان شاغل بالي الموضوع يكبر .. و أبوي يعرف بعدها راح يكون زواجنا مستحيل أنتي تعرفين نظرة الناس للي يصير معهم كذا حتى لو كنتي مظلومة محد كان بيصدق ..!! بلعت ريقها بكل خوف .. حاسة بالاقتناع لكن رهبتها و خوفها يزيدون .. قرب منها أكثر:جنى أنا أحبك ومستحيل أتخيل نفسي عايش مع غيرك .. !! نزلت عيونها بكل إحراج و ارتسمت على شفاهه طيف ابتسامة ما قدرت تأخذ النصيب الكبير من ملامحها .. نظرته .. نبرة صوته .. مجرد وجوده يحرك السكون اللي بداخلها .. إحساس بحياتها ما حسته اتجاه أي أحد ..! همس بكل تهديد:بتخلينا نخلص تصوير و إلا أتهور هنا .. .. كل مرة تفكر فـ بدر .. تحس بأفكار مجنونة تخالط أفكار عقلها .. يمكن صعب عليها تتقبله كـ زوج بعد ما كان ولد أخوها و عدوها اللدود .. بس بمجرد ما يطري على بالها إن كل اللي كان يسويه هو حب و عشق فيها مغلف بكبرياء كله خوف عليها... تحس بجنونها يدفعها له و يخليها تتمنى تكون قريبة منه و تكون معه للأبد ..! .. . . أجواء تقليدية تخالطت بمشاعر ما هي غريبة على أي أحد ..! .. لحظات التقاط الصور .. لحظات ما راح تتكرر من جديد .. الكل يتملكه الحماس .. و الكل يدعي لـ جنى بالتوفيق .. و الكل باله مشغول عليها و كيف راح تكون بعد الزواج ..! محد يقدر يسيطر على فكره و محد يقدر يتخيل المستقبل اللي ممكن يصير لـ جنى ..! و .. ودعوها أخيرا .. محد قدر يحبس دموعه أكثر لكن بكل الأحوال هاذي سُنة الحياة .. .. . مسحت طرف دمعتها و هي تبعد عن الغرفة و الناس اللي تجمعت حولها .. جمان بكل لوم:يوووه دنووو وش فيك ..؟! بلعت ريقها و حاولت تبتسم:و الله البيت بيفضى عقبها .. ابتسمت:قصدك غرفتك اللي بتفضى .. بس ما عليه شهرين بالكثير إلا أنتي وراها .. بلعت ريقها و بنبرة مزح تضيع حزنها:هو وينه بس عريس الغفلة ..! قاطعتهم و هي تأخذ أنفساها بكل سرعة:جنى طلعت ..! جمان بكل صدمة:غزل ..!! وينك تو الناس ..! زفرت بكل ضيق و هي تحاول تهدي أنفاسها المتسارعة:مو وقتك جنى وينها ..؟! جمان:راحت خلاص ما تركناها إلا عقب ما ركبت معه ..! تنهدت بكل ضيق:خسارة ..! دينا بكل لوم:العريس يقرب لك يعني بتشوفينها كل جمّعة مو مثلنا ..! غزل بكل ضيق:كان ودي أشوفها .. قربت منها جمان .. مسكت يدها و بنبرة آسف لـ دينا:عن أذنك دنو .. ابتسمت لهم .. و التفت وراها بعد ما سمعت إزعاج خواتها و بنات خوال جنى ..! .. . مسحت طرف دمعتها و هي ترجع تجلس على طولتها .. أم تركي و الابتسامة على وجهها:راح ..؟! ابتسمت لها أم بدر:الله يحفظهم راحوا .. أم تركي بكل لوم:الحين وشو له الدموع .. ترا ولدك هو المعرس ..! أم بدر:و الله للحين موب مصدقة أخيرا أعرس .. أم تركي و التردد بعيونها:أنا اللي موب مصدقة أنها خذا جنى ..! أم بدر و هي ترفع كأس الموية:على أننا موب راضين بها .. بس هذا الولد و هاذي رغبتها و أنتي تعرفين الشباب و عنادهم .. أم تركي بكل ضيق:ايه و الله .. أسأليني عن هالشيء ..! أم بدر و هي ترجع تنزل كأس الموية:إلا وش صار على سلطان للحين ..؟!! أم تركي:و أنا طالعة فتحت معه السالفة مرة ثانية .. و قال لي أخطب له .. بس يا خوفي يورطني ..!! أم بدر:ما عليك بكرة لـ صارت بنت الناس عنده بـ ينسى كل العناد اللي كان فيه .. أصلا كله طيش شباب ..! أم تركي و هي ترفع عينها على المنصة:الله يسمع منك .. . .. جلست وياها على طاولة بزاوية القاعة .. جمان:طمنيني عنك كيفك الحين ..؟! ابتسمت بعد ما تملكتها الرهبة لـ ثواني:الحمد الله صرت أحسن بكثير .. جمان و بعيونها نظرة تفقدية لـ غزل:أول كنتي نحيفة الحين اختفيتي صدق .. غزل و الابتسامة ما فارقتها:على قولت الدكتورة شهرين بالكثير وأرجع مثل ما كنت و يمكن أسمن بعد ..!! جمان:يااالييت .. غزل:حرام عليك .. تبيني أصير دوبا .. جمان:ما عليه كل شيء يهون عند صحتك .. غزل:ما عليه الحين الكل بدا ينسى سالفة المرض و آخر مرة رحت فيها للدكتور قالت لي ما يحتاج أراجعها من جديد .. بس طبعا بروح احتياطا يعني .. زفرت بكل راحة:الله يطمن قلبك .. غزل:بعد عمري و الله ..-تلاشت ابتسامتها و بانت نظرة التردد بعيونها .. جمان بكل خوف:غزل فيك شيء ..؟! غزل و هي تبتسم بكل إحراج:لا بس .. بغيت أسألك عن مياف ..-بكل اندفاع:بس ما أبيك تفهميني غلط .. جمان:أدري قصدك تسألين عن علاجه ....-زفرت بكل ضيق:بعد عمري تعذب موت إن شاء الله أنه يكون أجر و عافية ..-رجعت تتكلم بكل حماس:الحين خفت زياراته للدكتور.. الله يثبته و ما يرجع لحاله قبل .. ابتسمت بكل راحة:إن شاء الله يا رب .. جمان:و أنتي و تركي .. شلون الأوضاع بينكم ..؟! ابتسمت:كل شيء تمام يعني يوم لك و يوم عليك .. عايشين مثل الخلق الحمد الله .. جمان:الله يوفقكم يا رب و إن شاء الله ما تدور السنة غير و بزرك معك .. اتسعت ابتسامتها:يووه صرتي تدعين مثل العجايز .. وقفت جمان:الشهرين الأخيرين قابلت أروى و ريتاج كثير أحس إني تأثرت بهم .. وقفت معها:الله يعني عليكم ثلاثتكم الحين ..!! جمان و هي تمشي:ريتاج عقلت عقب ملكتها .. الدور و الباقي على أروى .. ثم تخيلي لما تفتكين منهم ثنتينهم وقتها أصير نسخة منهم و فـ نفس شطانتهم .. غزل و هي تمشي معها:الله لا يقوله .. تكفين لا تفاولين .. .._.._.._.._.._.. تلفتت حولها .. "الشوارع فاضية و كأنهم متعمدين يتركوننا لحالنا ..!" فركت ريتاج يدها بكل توتر .."يا خبلي يوم أسمع كلامها ..! وش بسـ.." قطع تفكيرها و هو يمد يده و يشبك أصابعه بـ أصابعها:الجو زين تحبين أطفي المكيف ..! هزت رأسها بالنفي .. عامر و الحيرة بعيونه:وش فيك تفركين يدك إذا موب بردانة ..؟! زفرت و بكل توتر:عامر الله يخليك ودني لبيتنا على طول .. عامر:الحين أنا مأخذك و على قولتهم مجازف عشان أوصلك بس .. ريتاج بكل خوف:ليه وش تبي يعني ..؟! ترك يدها و بانت نبرة خوف بصوته من تفكيرها:ما أقصد شيء بس حبيت أعوض يوم ملكتنا الخميس اللي راح .. ما أحس إني سولفت معك و لا جلسنا مع بعض زين ..! ريتاج و صوتها يتلاشى شوي شوي:سولف طيب .. تكلم بصوت هامس:تدرين ريتاج .. أنا من زمان كنت أبيك و أشتغلت بس عشانك ..! و كنت خايف تضيعين مني .. بس الحمد الله ربي على قد نيتي عطاني و خذيتك لأني بجد أحبك .. ابتسمت بكل حياء .. حست بشيء غريب يتسرب لداخلها .. ما تدري وش هو بالضبط .."يمكن اللي يسمونه الحب ..!" .._.._.._.._.._.. دقايق الصبح الأولى بدت خيوط الشمس الخافته تطلع .. جالسين أربعتهم فـ الحديقة .."مياف ... وسن .. جمان و دينا" .. تعالت صوت ضحكاتهم .. وسن و هي تحاول تقاوم ضحكتها:و الله العظيم ما أنكت بس جد رحمتها .. جمان:ههههههههههههههه .. فشلت عمرها المسكينة ..! دينا و هي تمسح طرف دمعة نزلت بسبب الضحك:خلاص حرام عليكم من جلستوا و أنتوا تحشون فـ البنات اللي كانوا بالزواج .. يكفي خلصت حسناتكم ..!! مياف و هو مبتسم:و الله إن زواج الحريم .. أحسن من زواج الرجاجيل .. جمان:هههههههه لما يجي زواج دينا .. تنقب و أدخل عندنا .. دينا بكل جدية:أقول لا يكثر بس ... وسن:نممممممزح وش فيك صدقتي ..! جمان:جد خبلة .. هههههههههههههههه .. .. طلع من جوا البيت .. ابتسم و هو يقرب منهم .. وقفت و مشت له ركض .. جمان بكل لوم:الله يهديك يبة وش مطلعك بهالوقت ..؟! اتسعت ابتسامته و هو يقرب معها لـ عند باقي عياله:أنتوا اللي ما شاء الله وش مقعدكم هنا .. ما أنهد حيلكم من العرس ..! وسن و هي تساعد أبوها يجلس جنبها:لا و الله بالعكس للحين متحمسين .. جمان:المسكينة وهج و جوري هم اللي تعبوا صدق .. شالوا العرس على رأسهم .. أبو محمد:الله يجزاهم كل خير .. وسن:و الله أنا ما أعرف أدبر شيء .. كان ساعدتهم .. ابتسم لـ بنته:وش كنتوا تسولفون فيه صوت ضحككم واصل لآخر الدنيا .. مياف:بناتك يبون يذبحوننا قاعدين يسولفون عن البنات اللي كانوا بالزواج .. أبو محمد:ايييه .. خلو عنكم الحش ما لقيتوا بنت كذا و إلا كذا ..؟؟! وسن و دينا بكل صدمة:نعم .. أبو محمد:هههههههههههههههههههه� �ههه .. موب لي لأخوكم .. أنا ويني وين العرس ..!! جمان و هي تناظر مياف بكل لوم:و الله البنات كثير و كل وحدة تقول الزين عندي .. بس ولدك يأشر .. مياف:بتستلموني يعني .. بس عشان ترتاحون خلاص معطيكم الإشارة الخضراء دوروا لي .. وسن بكل حماس:صدق مياف ..! .. . . . .. شهووور .. شالت الكثير للكثير .. و قليل هم اللي ما كان لهم نصيب فيها .. متجمعين حول أبوهم كعادتهم كل نهاية أسبوع .. لكن هالمرة مو كلهم .. رفع ولد بنته فـ حضنه:رشوود .. يا حليله كبر ..!! جوري و ابتسامة عريضة ارتسمت على وجهها:الحين صار يمشي .. خلني أخذه عنك لا يرفس فيك ما عاد يحب أحد يشيله .. مده لـ بنته:الله يصلح ذا الراشد يهبل بس حركي .. !! سلمى و نبرة الغيره بصوتها:ايه ولد جوري كل الدلع له و ولدي من ولدته للحين ما شلته .. وسن بكل هجومية:أنتي اللي حاطته فـ محمية .. لحد يلمسه لحد يبوسه لا حد يشيلة .. ناظرتها بكل حدة:وسنووه .. مدت يدها لـ راشد:ما قلت شيء غلط تعال يا روح خالتوووو ..-ركض لها .. جمان و نظرة الغيره بعيونها:ايه روح خالتو و أنا لوحة عنده ما يشوفني .. جوري:يا ربي .. شكلي بجيب واحد ثاني عشان بس ترتاحون .. أبو محمد و هو يوقف:يا الله أنا بمشي مع العيال للمزرعة و أخلي لكم البيت مع عزيمتكم .. سلمى بكل لوم:و كالعادة وهج المسكينة هي اللي تجهز داخل البيت هااه ..؟! جمان:دينا معها ..!! وسن و هي تبوّس فـ راشد:و الخدامات بعد .. قربت جوري من أبوها حتى تسلم عليه:درب السلامة .. أبو محمد:الله يسلمك .. –وكأنه تذكر شيء:تراني دقيت على نواف و لزمت عليه يجي معنا .. جوري بكل فرحة:صدق .. زين ما سويت و الله خله يطلع من جو الشغل شوي .. أبو محمد:ايه .. يعني الليلة بتنومين هنا .. هو بيروح معنا و كلنا بـ نوم هناك ..! .ارتبكت جوري .."الله يستر لا تنفجر دلال-رجعت تبتسم"بس نواف يعرف يطنشها ..!!" .. وسن بكل حماس:واااااااااااااااناسة رشود بينوم معي الليلة .. جمان بكل غيض:بتنومين معه فـ الصالة ..! وقفت سلمى تسلم على أبوها:يا الله روحوا عند الضيوف بدل الهذرة الزايدة .. وسن:بلعب مع رشود قومي .. تراهم أهلك بعد ..!! .. . .. فـ صالة بيت أبو محمد .. قمة الإزعاج .. قم القلق .. لكن الفرحة غامرة قلوب الكل .. جنى و هي تناظر فـ جوري بكل لوم:لا كان رحتي معه المزرعة بعد ..؟! جلست جنبها:حرام عليك ترا ما أشوفه إلا كل نهاية أسبوع .. جنى بكل ضيق:يعني أنا اللي أشوفك كل يوم .. جوري بكل لوم:ما تشوفيني كل يوم .. بس حضرتك كل يومين عندهم موب مثلي ما لي غير يوم بالأسبوع ..!!! جنى:اللهم لا حسد .. ضربتها على كتفها على خفيف:وججع .. أختك بعد بحسدك ..!! فركت كتفها:آآح وش فيك أنا الحين دلوعة ما أتحمل .. دفتها بكل خفة و هي ترجع توقف:دلوعة على زوجك موب علينا ..! ابتسمت و هي توقف و تلحقها:جوررررررريه ..!! .. . جمان:و الله مبروووووووووووك .. متى العرس ..! أروى بكل صدمة:وش عرسه .. الملكة للحين ما حددناها .. جمان:لا تقولين بتطولين ..!! ريتاج:بتجيب المرض لأخوي قبل لا تروح له ..! أروى و هي تناظرها بطرف عين:على أساس أنك ما أجلتي الزواج مرتين .. و مجننه أخوي .. رمشت بعيونها و بكل غرور:محد قال له يحبني ..! أروى:مالت عليك بس ..-لفت على وسن:خلي البزر يروح .. وسن:هذا ولدي لا أحد يقول لي شيء ..! لفت ريتاج على غزل:غزوول وش فيك ساكتة ..؟! وسن و هي تناظرها بنص عين:صدقت نفسها .. بعد كم شهر بتصير أم و بتثقل علينا من الحين ..! غزل و هي توزع ابتسامتها على الكل:حرام عليكم .. بس ما عندي شيء أقوله .. أروى:و تبوني أتزوج بسرعة .. خلوني أرجعها مثل أول بعدين أترك لها البيت .. جمان:لا خلاص ما لك أمل فيها .. الوحدة لما تتزوج تعقل .. ناظرت ريتاج فـ أروى:ما ظنتي هالقاعدة تمشي ع الكل .. خزتها بكل حدة ..! . .. ليان و هي تبتسم لـ خوات جنى الكبار:الله يحيكم و الله .. الجازي:وش فيكم قاطعين ترا كلنا نصير بنات خالات .. وهج و هي تقدم الحلا:ايه و الله دايم أقول لجنى توصل لهم هالحكي .. بس ما في فايدة .. !! دينا بكل حماس:خلاص من اليوم و رايح .. كل نهاية شهر نجتمع يا عندنا أو عندكم ..! ريناد:أبركها من ساعة و الله .. .. . رن الجرس يقطع ع الكل حوراتهم الحماسية ... ركضت جمان لعند الباب:بشووور .. همست وسن:هاذي خطيبت مياف .. ابتسمت غزل بكل راحة:من ..؟! وسن بكل حماس:صديقتي بشاير .. ريتاج بكل حماس:صدق .. يا حليلها و الله أنها حبوبة .. أروى:الله يوفقهم يا رب .. وسن و هي تهمس بنبرة تحذيرية:بس ترا للحين كلام .. لا تفتحون الموضوع قدامها و إلا تشوتني جمان ..! شهقت بكل صدمة .. أروى:جمانووه ما تبينا نعرف .. وسن:لاااااااااع .. بس بشاير للحين ما ردت علينا فـ ما ندري وش ممكن يصير .. ريتاج:لا تخافين بتوافق .. هي تحبكم و أنتوا تحبونها ..! وسن:اششش وصلت لعندنا .. .. . .. بمكان ثاني برا هالبيت لكن بحدود الرياض .. لكن نفس الإزعاج و نفس الفرحة بقلوب الكل .. الجوهرة بكل توتر:وش سووويتييي خربتي الطاولة .. أميرة بكل ضيق:يووه .. فـ النهاية كل واحد بيأخذ اللي يبيه و يجلس محد متجمع على الطاولة ..! تراك أشغلتني ما يسوى تراها جمّعت عايلة موب عزيمة ..! نهى بكل ضيق:اوووص خلاص .. من الصبح و أنتوا مناقر ..!!! أميرة بكل ضيق:وش أسوي فـ ذا الدلوعة كل ما سويت شيء ما عجبها ..؟! الجوهرة بضيق أكبر منها:أنتي اللي ما تعرفين تسوين شيء ..! قاطعتهم و هي تدخل و تنزل عبايتها .. أسماء:السلام عليكم .. قرب الكل يسلم عليها ... أسماء:وين عماتي و وين لموو ..؟! أميرة:تلقين نصور العلّة ناشب فيها و عماتي .. كل وحدة بغرفتها .. لفت على نهى:ما تدرين متى بيوصل مشاري و نوف ..؟! نزلت عيونها على ساعتها:المفروض هنا بس مدري وش بلاهم ..؟! رن الجرس .. ركضت أميرة:وصلووووو ..-طلعت لبرا .. .. دخلت عليهم العمة نور:يووه نمت ..!! قربت منها أسماء و سلمت عليها:صح النوم أجل .. العمة نور و هي تسلم على أسماء:أخبارك يا عمري ..؟! أسماء:تمام و الله مع انـ .. قطعتهم و هي تدخل بحماس:نوووف وصلللللللللللللللللت .. ابتسمت لهم و هي تنزل الطرحة من على رأسها .. ركضت لأختها و ضمتها:نواااافة .. سلمت عليهم بكل شوق و حرارة .. الجوهرة:نااحفة كثير ..!! أميرة:شعرك طااال ..!! العمة نور:اجلسي شكلك تعبانة من السفر ..!! نهى و هي تجلّسها و تجلس جنبها .. بكل قلق:أخبارك و أخبار جلستكم هناك عسى ما أتعبتك السفرة ..! مدت لها الجوهرة كأس الموية:خليها تأخذ نفسها .. ابتسمت لبنت عمها:مشكورة .. أسماء:ايه و الله عاد أكيد منكتمة عقب الطريق من المطار لهنا .. –لفت على أميرة:خذي منها عبايتها .. نزلت عبايتها بتوتر أكبر .. صرخت أميرة و هي تلمح بطن نوف المنتفخ:حاااااااااااااااا� �ااااااااااامل .. نهى بكل صدمة:نوف ..! قربت منها العمة نور و ضمتها من جدي:مبرووك .. أميرة بكل ضيق:يالشينة و أنا و نهى شايلين همك كل يوم أبي أرجع و ما ابي أقعد هناك و أنتو فـ.. قاطعتها أسماء و هي تقرب:الف الف مبروك يا عمري ..-رجعت تناظر أختها بكل لوم .. الجوهر و هي تقرب و تجلس عند رجولها:يووه بطنك كبير ..-بكل حماس:نوفااا بتصيرين أم ...!! ضمتها نهى لـ صدرها:يا بعد عمري أنتي ..-خانتها دموعها و نزلت .. دخلت أم مشاري:مشاري وصل و ما نديتوني ..!!! أميرة بكل حماس:يمممة الحقي نوف حامل .. قربت منهم أكثر:و الله ..!!-وقفت نوف تسلم عليها ..:بعد عمري مشاريوه وينه ..؟! أمبرة:برا فـ مجلس الرجاجيل .. نزلت أم مشاري عيونها على نهى:يووه وش فيك أنتي بعد ..! ابتسمت و هي تمسح دموعها:لا ما فيني شيء .. جلست جنبها الجوهرة:دموع الفرح يا خالتي .... .._.._.._.. النهاااااااااااااااية .. ^^