قلوب تتراقص على انغام الالم - الفصل 37 - بقلم ROoOnQ - مكتملة | روايتك

الجزء الـ|[37]|ـسابع و الثلاثون .. .. |[ما قبل الأخير .. ^^]| .. . فـ المستشفى .. بكت بكل حرقة:شلون ماتت أنا من يومين شايفتها طيبة و ما فيها شيء .. راكان بكل عجز:أذكري الله يا ليان ..-زفر بكل ضيق .."وين مفعول هالأبرة الحين.." .. نفضت المفرش من على رجولها:أنا لازم أرجع للبيت .. لازم أروح أشوف لوجين .. حتى أثبت لك أنه كذب .. ثبتها و هو يحطوها بذراعة:ليان .. ليان اسمعيني .. أختك الحين تحت الأرض و بدموعك هاذي تعذبينها ..! همست بكل صدمة:دفنوها ..!-و بثواني تلاشت قوتها و انهارت من جديد .. زفر و هو يرفعها:لا حول و لا قوة إلا بالله .. .. . .. على بعد دورين .. ابتعد عن أخوانه و خواته .. همس:كل اللي بيننا دورين بس .. لو علي جيتك الحين .. بس وش اللي بيبعد نظر اللي معي عني ..! من وراء السماعة .. غزل بكل جدية:مياف .. أهلي اليوم ما راح يزوروني .. بنت خالي توفت و أكيد الحين الكل بعزاها .. همس بكل ضيق:إنا لله و إنا اليه لـ راجعون .. غزل:بعد ما تخلص من أهلك أبيك تمرني قبل لا تطلع .. ضروري .. مياف و الخوف بصوته:غزل وش فيك حاسك موب طبيعية ..؟! غزل:لما تجي بتعرف .. يا ليت ما تطنشني ..!! مياف:يا حياتي أنا أنسى كل شيء إلا أنتي ..! زفرت بكل ضيق:خلاص أشوفك بعد ساعة أو ساعة و نص ..! مياف:تقريبا ..! .. . على بعد كم كرسي .. همست بكل حماس:تخيلي أنا للحين مو مصدقة ..! لمى من وراء السماعة:الحمد الله .. و الله أنتي طيبة و دايم على نياتك عشان كذا ربي مسهل كل أمورك .. جنى:بعد عمري أنتي .. لمى بكل حيرة:و جوري أختك ..! جنى:مدري عنها بالضبط .. بس كأني سمعت الجازي تكلمها قبل شوي ..! لمى:وش هالكلام .. المفروض كلكم تروحون تسون الفحص مع بعض ..! جنى:أتوقع تجي بعد شوي .. و أنا أدق عليك سمعت الجازي تكلمها بس مدري وش بغت منها بالضبط ..! لمى:دامكم رحتوا تسوون الفحص أكيد أبوك صحى من غيبوبته ..! جنى:لاء ما صحى .. مع إن الدكاترة عندهم أمل كبير .. لمى بكل صدمة:شلون بتسون فحص الـdna من غير ما تأخذون عينه من دم أبوك .. جنى:هههههههه .. أنا مثلك حسيت نفسي راح أنهبل حتى أعرف .. بس قبل شوي أخوي محمد شرح للـ الجازي .. لمى بكل تركيز:ايه .. وش قال ..؟! جنى:قال إن هالفحص يتطلب موافقة قانونية .. يعني مو شرط صاحب الدم يطلب التحليل و بما أن محمد عنده توكيل عام من أبوي يقدر يتصرف و كأنه بمكانه .. يعني راح يأخذون عينه من أبوي بموافقة محمد .. و يقارنونها بـ عيناتنا ..! لمى و حيرتها تزيد:و أبوك متى سوا له هالتوكيل ..! جنى:من أربع شهور تقريبا .. على كلامه .. حتى لما كان أبوي بصحته كان يعتمد على أخوي محمد كثير .. لمى و ابتسامة عريضة ترتسم هلى وجهها:حلوة كلمة أخوي .. طالعة منك مثل العسل .. جنى بكل إحراج:هههه .. من كثر ما أسمع الجازي تقولها تأثرت ..!! لمى:هذا أحلى شيء سوته الجازي .. يالله حياتي أنا لازم أسكر عشان أروح للمشغل مع البنات .. جنى:أووك سلمي عليهم و وصلي تبريكاتي للعروسة .. لمى:يوصل إن شاء الله .. سلام .. .._.._.._.._.._.. جالسة على سريرها بكل كسل و ممدة رجولها على طوله .. جنبها بالضبط جالسه مثلها و منزلة رأسها على كتفها .. أروى بكل ضيق:اليوم أول ما وصلنا للبيت غفيت نص ساعة بس ..!-بكل خوف:تخيلي شفتها بالمنام .. كان شكلها يخوف .. تنهدت بكل ضيق:عشانك تفكرين فيها بس ..! أروى و الحزن ما زال مرسوم على وجهها:ظنك تتعذب فـ قبرها .. ريتاج:العلم عند الله .. بقعد أفتي لك يعني ..! أروى بكل ضيق:وجع .. و الله قلبي قارصني عليها .. زفرت بكل ضيق:قلت لك الميت ما تجوز عليه غير الرحمة أنتي اللي جلستي تحشين فيها فـ الطيارة .. دخلت عليهم و هي تفتح الباب بكل قوتها .. ريناد بكل ضيق:تستهبلين أنتي وياها .. العزاء بدا و حضراتكم متسدحين هنا ..! ريتاج بكل ضيق:ما صار لنا غير ساعتين من وصلنا من بيعرف بخبر موتها و من بيجي يعزي ..!!! ريناد:تفضلي قدامي و شوفي من جاء يعزي ..!! زفرت بكل ضيق و هي تطلع من سريرها و تلحقها بنت عمها .. .. . فـ الدور الأرضي .. أم تركي بكل ضيق:ليش ما قلتي لي ..! فجر بكل خوف:كان بنفس يوم سفركم ما حبينا نضايقكم ..! أم تركي:يعني حلوة زوجة ولدي بالمستشفى من يومين و محد يدري عنها من العايلة .. فجر:أنا كنت ناوية أتصل اليوم .. بس صار اللي صار و رجعتوا .. تنهدت بكل ضيق:و تركي وينه ..؟! خذت نفسها بكل صعوبة:مدري .. أم تركي بكل عصبية:وشلون يعني هو ما كان معها ..! هزت رأسها بالنفي:لاء .. أم تركي بكل صدمة:ما قالت لكم غزل وينه ..؟! فجر:لاء ما تكلمت عنه أبد .. و بهاليومين .. كانت أعصابها تعبانة و بالموت تقبلت سالفة مرضها و العلاج بالكيماوي .. أم تركي بصدمة أكبر:كيماوي .. فجر:ايه قلت لك يا خالتي ..-حست بالكلمة تغص بحلقها:سرطان .. تنهدت بكل ضيق:أنا سمعت مستشفى و غزل ما ركزت .. –زفرت بكل ضيق:لا حول و لا قوة إلا بالله .. الحين وش بنسوي .. نقعد بهالعزاء و إلا نشوف أختك و إلا ندور على هالولد ..! فجر:ما عليك يا خالتي .. أنا قلت لـ غزل محد بيكون معها اليوم .. و هي كبيرة و أكيد راح تتفهم هالموقف .. أم تركي بكل لوم:بس مهما كان هي مريضة و لازم أحد يكون قريب منها ..-سكتت لثواني بانت نظرة التفكير بعيونها:خلاص أنتي روحي لها .. و موب مهم أحد يعرف سبب طلعتك موب ناقصين يعتفس العزاء .. موب مكفي أنهم مسوينه فـ بيت أبو بدر ..! تنهدت بكل ضيق:أمرك خالتي .. .. قربت منهم و بكل خوف:عسى ما شر وش فيكم تتكلمون و أشكالكم ما تطمن .. فجر و هي تغتصب الابتسامة:ما عليك منا يا رنود .. روحي اجلسي و ارتاحي الارهاق واضح عليك .. زفرت بكل ضيق:لا لازم أتطمن على كل شيء بنفسي .. أم تركي بكل ضيق و هي تلمح بنتها تنزل:شرّفتي .. وينك فيه يا عمتي ..! أروى و هي تنزل الدرجات الأخيرة:الله وش هالعالم شكلهم ما صدقوا إن فيه عزاء ..! نغزتها مع جنبها بطرف كوعها .. همست ريتاج:موب وقتك أرووه ..! أم تركي:قدامي على المطبخ شوفي وش ناقصين و وش محتاجين ..! ريناد:لا ماله دا .. قاطعتها:ريتاج و أروى ما عادهم بزران كل وحدة طول بعرض و السنة الجاية بيدخلون الجامعة .. خلهم يتدبرون ع المسئولية .. ريتاج بكل صدمة:أنا وياها ..! أم تركي بكل إصرار:ايه في غيركم لهم نفس أساميكم ..! مدت فجر يدها و جرت ريناد بكل خفة:تعالي ارتاحي شكلك تعبانة مررة .. أم تركي بنبرة حادة:ما سمعتوني وش قلت ..؟! سحبت بنت عمها .. ريتاج:إن شاء الله خالتي .. .. . ساعدتها تجلس .. ريناد بكل قلق:خليني أروح هالبنتين بيقلبون البيت فوق تحت ثم تضيق أمي علي ..! فجر:ما عليك ربع ساعة و أروح أشوفهم قبل ما أطلع .. ريناد بكل صدمة:بتطلعين ..! على وين ..؟! فجر بكل ربكة:سرّ .. بعدين أقول لك عليه ..! ناظرتها بنص عين:طبعا أنا موب جنى و لا ليان حتى أكون أول من يعرف ..! فجر:لا وش دعوة ..؟! موب كذا بس لما تعرفين راح تعذريني .. ريناد بكل فضول:فجور تكلمي ..!! فجر:خلك مني .. ما شفت لا ليان و لا جنى .. ما تعرفين عنهم شيء !! ريناد:جنى مدري عنها .. دقيت على جوالها مشغول يجي نص ساعة .. و ليان الله يكون بعونها .. فجر:ليه وش فيها ..؟!! ريناد:تأثرت بموت لوجين كثير .. تخيلي الحين هي بالمستشفى جاها انهيار عصبي .. تنهدت بكل ضيق:لا حول و لا قوة إلا بالله .. المسكينة أختها بعد ..!! ريناد:ايه و الله .. الله يكون بعونها .. تنهدت بضيق أكبر .."جعلني ما أذوق اللي ذاقته .. يا رب" .. .._.._.._.._.._.. صرخت فيهم بكل عصبية:وشلون يعني ..! كل هذا يصير من وراي .. يوم واحد .. يوم واحد بس رحت لعزيمة ... ما سافرت و لا طلعت برحلة و انعفس البيت كذا .. عبد المجيد بكل ضيق:أنا قلت لهم يكلمونك .. بس تعرفين مياف ..! واحـ.. قاطعته وهج بكل ضيق:هذا وقت هالكلام ..!! .. – قربت منها و بنبرة هادية حتى تهديها:ما صار شيء .. هو تحليل بسيط .. إذا ما طلعوا خواتي ما راح نخسر شيء ..! صرخت فيها:تحليل و إلا غيره أنا اللي يهمني .. شلون كل شيء فـ هالبيت يتحرك من غير شوري و كأني مو موجودة .. صار لها ربع ساعة جالسة بكل هدوء و تسمع نفس الكلام يتكرر على لسان أمها .. زفرت وسن بكل ضيق .. مدت يدها و جرت جمان معها:عن أذنكم .. أم محمد بكل عصبية:شفتي شلون حتى أختك الصغيرة ما عاد تحترمني .. تنهدت بكل ضيق و هي تمشي خطواتها الأخيرة لفوق .. همست:أنتي أصلا من متى كان لك احترام عندي .. همست لها جمان:وسن هاذي أمك ..!!! زفرت بكل ضيق و هي تفلت يدها و تكمل طريقها لـ غرفتها:جمان مو ناقصة محاضرات رجاء ..!! زفرت بكل ضيق و هي تسمع صوت زوجة أبوها العالي ... لحقت أختها .. دخلت الغرفة و سكرت الباب وراها:مهما كان شوفي وشلون عصبت زيادة ..! وسن و هي تتصفح كتب المدرسة:هي أصلا ما راح تهداء إلا لما تشوف مياف قدامها و تهزئه و قتها بس بتحس أنها انتقمت من أبوي .. قربت و جلست على طرف السرير:صراحة أنا موب مقتنعة بسالفة إن أمك تكره مياف عشانه كشف موضوع زواج أبوي من أمي بس ..! وسن:بعينك سبب تافه بس بالنسبة لأمي .. بنت العز و الدلال و صاحبة المال و الجاه .. اهانه لو مياف مو ولدها كان من زمان مأخذين عزاه ..! جمان و الصدمة بعيونها:أوف لهالدرجة ..؟! وسن:و أكثر ..-زفرت بكل ضيق:تعالي نذاكر بس .. ما راح نستفيد شيء من الكلام عنها ..! تنهدت بكل ضيق .. استسلمت للدراسة صح .. بس تفكيرها ما استقر على الدراسة .. و ظل بالها يروح و يجي على زوجة أبوها و وش ممكن تسوي لما تشوف مياف ..! .._.._.._.._.._.. على بعد كم شارع من المستشفى .. واقف عند الإشارة .. نواف بكل تردد:و بعد كذا وش بيصير ..؟! جوري:إذا التحليل أثبت أني بنتهم ملزومين يعترفون فيني ..!! نواف بكل حيرة:و كل شيء بيتغير بحياتك .. جوري:صحيح ذكرتني .. لازم نغير أسمي بعقد زواجنا .. نواف بكل ربكة:طيب ظنك أخوانك ما راح يقولون شيء عن زواجنا .. جوري و نظرة التوهان بعيونها:وش بيقولون يعني ..؟! نواف و هو يحرك السيارة و القلق واضح بعيونه:تدرين أنتي لو طلع أبوك .. مسفر الـ**** .. راح يكون فيه فرق شاسع بيننا ..! جوري بكل ضيق:نواف من متى تفكر بهالطريقة ..! نواف:ما أفكر كذا .. بس أحاول أشوف الموضوع من كل الجهات .. جوري:ما عليك من أهلي أنا كل اللي أبيه منهم أسم بس .. و إلا ما أتوقع أندمج معهم .. أنت خلك فـ أهلك و فكر وشلون تقول لهم عني ..! زفر بكل ضيق:طيب بتعرفيني عليهم الحين و إلا بعد ما تطلع النتيجة ..! جوري:طبعا الحين .. أكيد يعرفون إني متزوجة و شيء ضروري يعرفونك حتى لو ما كانوا أهلي ..! زفر بكل ضيق .. جوري:نواف وش فيك .. أنت متضايق لأني بعرف أهلي .. نواف بكل صدمة:وش هالكلام جوري ..!!-بلع ريقة بكل توتر:أنا بس خايف من سالفة النسب .. تقلب شيء ثاني أنتي الحين تسمعين بقضايا تكافؤ النسب و غيرها ..! جوري بنبرة كلها راحة:يعني أنت متخيل إني راح أتخلى عنك بكل سهولة .. زفر بكل ضيق:أنا ما سويت لك شيء غير إني زدت همك همين .. الجوري:نواف جد بديت أحس إنك شخص ثاني ..! أنت تدري لولا أنت بعد الله .. كان الحين أنا ما وصلت لحد هالموقف .. و لا كنت بهالمكان ..! زفر بكل ضيق:لا تحاولين تجمليني بعيونك .. أنا خبيتك عن أهلي و كأنك جريمة و الحين جبت زوجتي الأولى عندك .. جوري:أنت كنت معذور و أنا مقتنعه بهالشيء ..! نواف:بس ..-قطع كلامه رنة الجوال .. ابتسمت:محد قالك تجيب سيرتها .. أنا بنزل على بال ما تخلص منها .. .._.._.._.._.._.. مياف بكل صدمة:شلون .. غزل و عيونها الذبلانة ترمش بكل كسل:مثل ما سمعت ..! مياف بكل ربكة:أنا بعتبر نفسي ما سمعت شيء ..! غزل و صوتها يختنق:مياف افهمني أنا وياك .. ما لنا نصيب فـ بعض من البداية .. مياف:موب صحيح .. إإنا مع بعض الحين و بعد ما تتشافين بنكون مع بعض .. غزل:لا هذا اللي موب صحيح .. مياف أنا وياك غلطنا مع بعض كثير .. و كل اللي قاعد يصير لي عقاب من رب العالمين .. مياف بكل ضيق:أنا وياك ما سوين شيء غلط .. –سكت لـ ثواني:أنتي شايفة حبنا لـ بعض ذنب ..! غزل:أنا ما أتكلم عن الحب .. أنا أتكلم عن علاقتنا المستمرة من غير داعي .. أنا وياك نكلم بعض و نشوف بعض و كأنه شيء عادي .. مياف:ايه عادي .. أنتي بكرة بتصيرين زوجتي ..! غزل:بس أنا للحين على ذمة تركي و لما يطلقني وقتها تقدر تقول هالحكي ..!؟ مياف بكل غيض:أنا عرفت من البداية أكيد عبد الملك هو اللي كلمك ..! غزل:ولد عمك ما له دخل بالموضوع .. هاذي قناعتي ..! مياف بكل عصبية:طبعا لازم تقتنعين .. أكيد جاب لك طاري تركي و قال لك أنه هنا .. غزل بكل صدمة:تركي هنا ..؟! مياف و صوته يرتفع:ايه لا تقولين ما قال لك .. أنا أعرف أسلوب مليك يستغل أحقر شيء عشان يمشي اللي فـ باله ..-وقف و هو يدف الكرسي برجوله بكل قوته:بس هين .. أنا بعلمه الحين ..-طلع من الغرفة ركض .. تنهدت بكل ضيق .."تركي ..... رجع ...!" .. .._.._.._.._.._.. طقت عليها باب غرفتها .. لمى و هي ترتب أطراف فستانها:أدخل ..! ابتسمت لها خالتها=زوجة أبوها" و هي تدخل:هاا خلصتي ..! بادلتها الابتسامة:ايه .. أبوي وصل ..! دخلت و سكرت الباب و راها:لاء .. باقي له كثير على بال ما يوصل .. لمى و عيونها ع المرايا تتفحص نفسها:البنات للحين تحت ..؟! جلست على طرف السرير:لا كلن راح مع أهله .. بقي بس أميرة قالت بتطلع لنا بعد شوي .. لمى بكل استغراب:غريبة أخت المعرس و آخر من يروح ..! منى و هي تتأملها:ضيعت صندلها و قاعدة تدور على واحد بداله .. لمى و هي تقرب و تجلس قبالها:ايه .. قولي كذا ..! ابتسمت:قلت على بال ما يوصل أبوك أجلس أسولف معك .. لمى و بعيونها نظرة تفكير:فـ بالك شيء و إلا تبين تقطعين الوقت ..! منى:لاء فيه شيء أنا ملاحظته عليك بالأيام الأخيرة .. و حبيت أتكلم معك عنه .. لمى و هي تحاول تخفي توترها:وش هو ..! منى:قبل شيء مكالماتك لصديقتك بآخر الليل ..! هذا عادة موب زينة المفروض تبطلينها .. زفرت بكل ضيق:أنا متعودة على هالشيء من زمان .. عشان كذا عادي بالنسبة لي و بعدين أنتي قلتيها صديقتك يعني موب قاعدة أزعج أحد .. منى:تتوقعين أهلها موب منزعجين ..! لمى بكل ضيق:أهلها ..! الله يكون بعونها بس .. منى:ع العموم .. أنا ما كنت ناوية أكلمك فـ هالشيء بس أبوك اللي حب أفتح معك هالموضوع .. و إلا أنا بالنسبة لي هاذي حرية شخصية ما لي دخل فيه .. زفرت:أبوي ..! منى:ايه .. أبوك .. لمى بكل تردد:طيب وش الموضوع اللي بغيتيني فيه ..؟!!! منى و بعيونها نظرة تفكير:من وقت ما جيت لهنا كل تصرفاتك مكشوفة .. قصدي أعرف متى تكونين متضايقة و متى تكونين زعلانة .. بس هالأيام سرحانك كثر ..!! لمى بكل ربكة:ليه السرحان جريمة ..! ابتسمت:لاء موب كذا .. بس حبيت أقول لك إني مثل أمك و إذا فيه شيء مضايقك أنا مستعدة أسمعك .. سكت لثواني .. و أفكارها تروح و تجيب بها .. نطقت و التردد و اضح بملامح وجهها قبل صوتها:صراحة هو فيه شيء .. بس أنا خذيت قراري خلص و طبعا بعد ما استخرت .. منى و بعيونها نظرة تفكير:دام السالفة فيها استخارة أكيد معرس .. لمى بكل إحراج:ايه .. و واحد قريب بعد .. منى و الاهتمام بعيونها:من هو ..؟! خذت نفسها بصعوبة:ناصر ولد عمي .. ارتسمت على وجهها نظرة الصدمة .. ثواني و رجعت تبتسم:و الله .. يا حليلة و الله أنه طيب و يستاهلك .. ابتسمت:صراحة أنا فكرت أخذ رأيك .. بس نهى نبهتني قالت ما تبي أحد يعرف .. عشان لو رفضته ما تصير مشاكل .. ارتسمت نظرة لوم بعيونها:ليه على بالك لما تقولين لي راح أنشر الخبر ..! الله يهديك بس .. لمى:أدري أنك موب كذا .. بس كل مرة تقابلني نهى تنبهني و تحذرني .. و صرت أخاف .. رجعت تبتسم:ما عليك خلاص .. المهم الحين وافقتي .. لمى:أمس قررت .. بس للحين ما قلت لـ نهى .. اتسعت ابتسامتها:الله يوفقك يا رب .. فتحت الباب و دخلت عليهم .. أميرة و التعب بصوتها:كنت عارفة أنكم هنا .. لمى:وش فيك .. خربتي مكياجك ..!! أميرة بكل ضيق:قعدت أدور لي صندل يناسب الفستان .. بالموت حصلته .. تقولين أحد حالف عليه يضيع اليوم ..!!!! ابتسمت لمى:عاد ما شاء الله عليك كل ألوان الدنيا بفستانك ..!! .._.._.._.._.._.. مياف بكل عصبية:أنت قاعد تلعب فينا على بالك كل شيء بيدك .. عبد الملك و هو يسكر الباب:مياف الله يخليك إهداء ..!! مياف:لا ما راح أهداء .. أنت الحين تصلح غلطك و تروح تقول لـ غزل أن كل اللي قلته كذب عشان تفرق بيني و بينها .. عبد الملك بكل ضيق:أنا ما قلت لها شيء .. و إذا هي رجعت لعقلها هاذي موب مشكلتي .. مياف و عصبيته تزيد:تبي تقنعني أنك مالك أي دخل بالموضوع .. زفر بكل ضيق:مياف أنت خذيت علاجك اليوم ..! رمى بثقله على الكنبة .. حس بالدنيا تسود بعيونه و فكره يضيق به أكثر و أكثر ..!! قرب منه:وين الحبوب اللي عطيتك إياه .. بلع ريقه و هو يحس بأطرافه ترتجف:ما أدري .. طلع حبة من جيب البالطو:أمسك .. خذها بكل سرعته .. و تمنى لو هالحبة تقدر تنسيه يومه كله .. زفر عبد الملك بضيق أكير:مياف لا تخليني أضطر أدخلك المستشفى .. همس بكل آسى:ما أبي شيء غيرها ..! تنهد:خلاص أنساها يا مياف .. هي موب لك ..! .._.._.._.._.._.. زفرت بكل ضيق .. و نطقت بصوتها المبحوح من الكحة:قلت لك ما أبي شيء بس سوي لي بف و ثبتي هالزفت ..-أشرت على الطرحة .. الكوفيرا:ما ينفع أنتي عروس لازم تسريحة .. نوف بكل عصبية:غبية أنتي ما تفهمين .. قلت لك ما أبي تسريحة .. نهى بكل توتر:خلاص سوي لها بف و ثبتي الطرحة بس .. شعرها و هي حرة .. الكوفيرا بكل ضيق:أووك .. نوف:وين جوالي ..؟! نهى:فـ الشنطة .. قفلته خلاص .. نوف بكل ضيق:هاتيه أبي أكلم .. نهى:ما فيه .. خليها تخلص منك قبل لا تروح و تتركني أنا وياك .. نوف بكل عصبية:و الله أنا ما دفعت فلوس و جبتها هنا عشان حضرتها تتأمر علي ..! نهى و هي توطي صوتها أكثر:خلاص فضحتينا فـ القصر .. زفرت بكل ضيق:وشو بعد تبيني أسكت و أنا صاحبة الحق .. نهى بكل ضيق:خلاص وطي صوتك .. صوتك بدا يختفي .. نوف و هي تبلع ريقها بكل صعوبة:حلقي يوجعني مرااا .. عطيني أي شيء ..! زفرت بكل ضيق:ما جبت معي .. أصبري أدق على أميرة عشان تجيب لك معها أي علاج .. نوف:لاء إلا هالسخيفة ما أبي أشوف وجهها اليوم ..! نهى و بصوتها نبرة استهزاء:على أساس أنه يوم مميز بالنسبة لك .. و بعدين أميرة أخت المعرس شايفتها يعني شايفتها .. نوف بكل تهديد:اسمعيني زين .. لو تدخل هالانسانة هنا و الله لأخرب عليكم هالعرس ..! نهى بكل خوف:خلاص بدق على لمى و إلا تدرين الجوهرة أقرب .. نوف:ما عليه ذا المايعة أهون من الملسونة .. ناظرتها بكل لوم .."الله أعلم من الملسون ..!" .._.._.._.._.._.. نزلت الطرحة و بكل ضيق:ما كأنهم ركبوه بدري ..!!! هزت رأسها بالنفي:لاء أنتي اللي جيتي متأخر .. تنهدت فجر بكل ضيق و هي تقرب من أختها:ما عليه غزول شدة و تزول .. بلعت ريقها و بكل خوف:يا خوفي تزول و أروح معها ..! فجر بكل اندفاع:فال الله و لا فالك .. تفائلوا بالخير تجدوه ..! دفنت رأسها بالمخدة أكثر:من تزوجت ما شفت الخير ..!!! مدري وش قاعد يصير لي .. فجر:استغفر الله العلي العظيم بتعترضين على أقدار ربك ..! غمضت عيونها بكل راحة:فجر خلاص ما أبي أسمع أكثر .. بكل تردد:قلت لـ خالتي أم تركي عنك ..! رجعت تفتح عيونها و بكل صدمة:ليه ..! فجر:الكل لامني .. و بعدين ما قدرت أجلس فـ عزاهم و أنتي هنا محتاجتني .. غزل:حتى ولو .. ما كان المفروض تقولين لهم .. أنا أقدر أعتمد على نفسي .. فجر:بوقت العلاج ايه .. لكن بعده .. مستحيل تجلسين لحالك .. غزل:من قال أمس كنت لحالي .. فجر بكل لوم:طلبتي مني أروح و أتركك و فـ النهاية خذيتي إبرة مهدئ غير المسكنات اللي تأخذينه طول الوقت .. غزل:البداية بس صعبة ..! فجر:أنا جالسة اليوم عندك لحد آخر الليل .. هذا شيء ما فيه نقاش .. المهم ألحين خلينا فـ تركي ..! حست بالدنيا تدور فيها .. ثاني مرة تسمع طارية اليوم و مجرد ما تمر صورته بخيالها .. تحس بالخوف يوتر فـ أعصابها ..! كملت فجر:سألتني خالتي عنه و ما عرفت وش أقول لها .. غزل وش اللي صار بينكم .. ليش أنتي الحين هنا و هو مختفي ..!! سحبت المفرش و غطت نفسها أكثر .. همست:بعدين يا فجر بعدين .. تنهدت بكل ضيق:بعدين ..!! بعدين ..! .._.._.._.._.._.. بعد ما كان البيت مليان بصوت صرخاتها و نبرتها الحادة صمّتّ أذون الكل .. ما عاد بيدها شيء تسويه أكثر .. نطقت بكل صدمة:شلون يعني ..! محمد:أنا و مياف متأكدين من أنهم خواتي و هاذي مجرد إجراءات قانونية لا أكثر و لا أقل .. أم محمد:بتمشي كلام أخوك البزر على كلام الكل ..!!! محمد:يمة الله يهيدك .. هذا الواقع .. أنتي لازم ترتاحين موب عشاننا عشانك .. و عشان أعصابك .. أم محمد و العصبية ترجع لها من جديد:و أخوك هذا وينه ..؟! محمد:مدري .. خلصنا الفحوصات و طلع قال بيزور عبد الملك ولد عمي و لا عاد شفته .. أم محمد:خله يرجع دواه عندي .. محمد بكل لوم:يمة خلاص يكفي ..!! أم محمد:لاء موب خلاص .. مو كفاية اللي سويتوه أنت وياه بقي أربيه من أول و جديد .. عشان يعرف شلون يعيش فـ هالبيت و يحترم كل اللي فيه .. محمد:يمة مياف ما له دخل هاذي كانت رغبت أبوي من البداية .. أم محمد:و أنت مصدق كلام الخبل مشاريوة .. محمد:لاء أنا أصدق الأوراق .. !! أم محمد بكل خوف:أي أوراق ..!! محمد و هو يبلع ريقه بكل خوف .. قاعد يكذب على أمه بس عشان تقتنع:أبوي كتب كل شيء كان ناوي يسويه و كأنه كان حاس باللي راح يصير له وبعدين ..-رجع يسكت و التردد واضح بعيونه .. أم محمد:بعدين وشو ..!! محمد:اليوم الدكتور طمنا على أبوي قال أنه بخير و طلع من غيبوبته لكنه للحين ما صحى .. ارتبكت:تتكلم من جد .. محمد بكل لوم:يعني بكذب عليك يا يمة ..!! زفرت بكل ضيق .. تصنعت البرود:يا ليته يصحى .. عشان نحط النقط ع الحروف و تنتهي كل هالمهزلة .. وقف:طيب عن أذنك .. أنا تعبان طالع أرتاح فوق ...-توجهه للـ الباب و طلع .. مسكت يده و همست:محمد .. رفع يده على صدره:بسم الله الرحمن الرحيم من وين طلعتي أنتي ..!! جرته وهج بعيد عن المكتب:صدق اللي قلته لأمي ..؟! محمد:قاعدة تتصنتين علينا ...؟! وهج:يعني أنتي ما راح تقولي عن اللي صار .. أكيد كنت بتقول لي .. بس ما حبيت أنتظر أكثر .. ناظرها بكل لوم:وش اللي ما صدقتيه ..!! وهج:أبوي صحى ..! محمد بكل حماس:طلع من غيبوبته و فيه استجابات حسية على قولت الدكتور .. بس للحين ما فتح عيونه .. ابتسمت بكل راحة:الله يبشرك بالخير .. زفر بكل ضيق:خواتك وينهم ..؟! وهج:أي خوات فيهم بالضبط .. !! محمد:يعني من بسأل عنه .. غير وسن و جمان ..! وهج:فـ غرفة وسن يذاكرون للقدرات .. محمد:اسمعي .. لازم نعود أمي عل وجود جمان بهالبيت .. و قريب راح تجي جنى معنا ..! وهج بكل صدمة:الثانية بعد ..!!! محمد:ايه .. و يمكن أجيبها قبل لا تطلع نتيجة التحاليل .. جنى عايشة مع الجازي و الجازي عندها ولد زوجها عايش معهم من قبل .. بس الحين طلع من البيت بسبب جنى و المفروض ما نسمح بهالشيء ..! وهج:ليش جنى شرانية يعني ..!! زفر بكل ضيق:لاء .. بس ما ينفع يكون مع جنى فـ بيت واحد لأنه مو محرم لها .. زفرت بكل ضيق:الحين بتتعقد الأمور أكثر .. أنت لازم تتنظر نتيجة التحاليل على الأقل و إلا أمي وش يقنعها .. محمد:كل الأوراق تثبت أنه أختنا و التحاليل مجرد شكليات لا أكثر و لا أقل .. .._.._.._.._.._.. لمى بكل ضيق:ما راح تزفونها ..!!! نهى:تستهبلين .. هي من غير شيء شابة فـ هالغرفة .. تقولين غاز و راح ينفجر .. و فوقها تعبانة .. مستحيل نزفها أصلا هي ما راح ترضى .. لمى:طيب يمكن هالزفة تخليها تتوتر و تهداء .. نهى:لا حبيبتي هاذي تتوتر ما تستحي .. هاذي تخاف و تعفس الدنيا فوق تحت ... زفرت بكل ضيق:الله يستر و الله .. كان المفروض ما تحجزون لهم في فندق .. و خليتهم يرجعون معنا البيت خاف تسوي فـ مشاري شيء ..!! ضحكت بكل تلقائية:هههههههههههههه .. الله هاد حيلها بهالمرض .. و نفس الشيء اللي براسه شر ما يطيح .. بس و الله إني خايفة عليها بعد مشاري موب سهل .. لمى:لا يغرك طوله و عرض أحس إن قلبه قلب عصفور .. نهى:هذا اللي يهزمها كل نهاية أسبوع و الله ما ظنتي تعدي هالليلة على خير .. قاطعتهم بكل ضيق .. الجوهرة:نهى تعالي شوفي أختك .. جننت المصورة ما خلتها تصورها مثل الناس .. نهى بكل لوم:قلت لك بلاش من التصوير ما طعتي ..!!! الجوهرة:وش يحلي العرس غير الصور .. –بكل ترجي:تكفين تعالي اقنعيها .. لمى:أنا جاية معك .. بأخذ لي كم صورة بعد .. ناظرتهم بكل لوم و هم يبعدون .. قربت منها أميرة:وش عندهم رايحين يتراكضون ..! نهى:ابد بيصورون .. شهقت بكل صدمة:تصوير ...-ناظرتها بكل لوم:روحي الله يأخذك لبيت رجلك .. نهى:هههههههههههههههه .. ناظرتها بكل غيض:أنا مدري يعني من زين أختك عشان ما أدخل عندها ..!! نهى:اليوم كل جن الدنيا عند عيونها .. و كل ما عصبت حطت حرتها فيك شلون لو كنتي قدام عيونها .. أميرة بكل ضيق:توها الظهر وش زينها ..! نهى:عاد عين وصابتها وش نسوي ..؟! أميرة:ما عليه .. بكرة يحدها الزمن علي وين بتروح بصير أخت زوجها .. نهى:متى يعني بعد سبع سنين ..!! أميرة بكل ضيق:لو بعد عشر مردها لي ..-زفرت و الضيق واضح على ملامح وجهها .. ابتعدت عن نهى من جديد و انضمت لبنات خالاتها .. .. ابتسمت نهى وعيونها تحوم على المكان .. الكل مرتاح و مبسوط .. مع أنه أسرع زواج صار على وجه الدنيا بس كل شيء فيه تمام .. رفعت طرف فستانه الطويل حتى تدخل عند أختها .. استوقفتها:لو سمحتي .. لفت عليها بكل استغرب .. انصدمت أول ما شافتها:جنى ..!-رجعت تبتسم لها .. .._.._.._.._.._.. سندت رأسها على الجدار:طيب و بعدين .. زفر بكل ضيق من وراء السماعة:مدري .. ما صار لها غير ربع ساعة من صحت أنا خايف أدخل عندها و تنصدم لما تشوفني مفتح ..! ريناد بكل لوم:بالعكس هالشيء راح يفرحها .. بسام بكل توتر:قلت لك مدري .. موب عارف وش أسوي بصراحة .. تنهدت بكل ضيق:بسام إذا ما دخلت عند ليان لازم تجي للبيت الكل فاقدك و الكل يسأل عنك .. تعبت و أنا كل شوي طالعة لهم بحجة .. بسام:كان قلتي لهم أني عند ليان .. ريناد:قلت لهم محد عاذرك .. أضطر أزيد فـ الكلام عشان يقتنعون .. زفر بكل ضيق:خلاص بحاول أدخل عندها إذا ما قدرت .. رجعت للبيت .. ريناد:أوك .. يا الله أنا بدخل قبل لا يفقدوني .. بسام:طيب حبيبتي خلي بالك على نفسك .. ريناد:إن شاء الله حياتي و أنت بعد .. زفر بكل ضيق و عيونه تطيح على غرفة أخته:إن شاء الله يالله سلام .. نزلت الجوال و هي تأخذ أنفاسه بكل صعوبة .. جلست على عتبة باب المطبخ .. حست بالتعب يهد حيلها .. قرب منها و بكل خوف:ريناد فيك شيء ..؟! رفعت رأسها و ابتسمت بكل تعب لأخوها:لا بس كنت واقفة .. و الظاهر أتعبتني الوقفة .. قرب منها بدر أكثر:وش مقعدك عند باب المطبخ ..!! ريناد:طلعت أشم شوية هواء .. جوا الكأبة جوا يخنق .. و دقيت على بسام أشوف وش صار عليه .. جلس جنبها:إلا صحيح زوجك وينه ..؟! ريناد:فـ المستشفى مع ليان .. المسكينة لما عرفت بالخبر طاحت عليهم منهارة ..!! بدر:المسكينة و هي دايم كذا .. حساسة و أعصابها على على جريف=طرف أو ما تتحمل" .. ريناد:الله يكون بعونها .. بدر:و خالتك أم بسام وش أخبارها ..؟! ريناد:هالمرة متأثرة كثيير .. من جلست بس ساكته و دموعها على خدها .. بدر:الله يكون فـ عونها هي الثانية ..-سكت لـ ثواني و التردد واضح بعيونه .. ريناد بكل فضول:فيه شيء ..؟! بدر:جنى ما جت ..؟! ريناد:لا محد دق عليها و قال لها .. بدر بكل صدمة:ليه هي للحين من العايلة ..؟! ريناد:محد فاضي يفكر بهالشيء .. و بعدين تلقاها الحين محتاسة مع أهلها .. بدر:ليه وش صار معها ..؟! ريناد:خبري بها .. بتروح تزور وحدة تقول أنها تعرف أختها التوأم و بعدها بيروحون لأبوها .. هذا الكلام أمس .. زفر بكل ضيق:حتى ولو هالأشياء تتأجل لكن العزاء لما يخلص ما يرجع .. زفرت بكل ضيق:بقي يومين على نهاية العزاء و بعدين وقفت عليها .. هاذي ليان فـ المستشفى .. و فجر بعد طلعت .. و الله العالم من بيطلع الحين .. بدر:و فجر وش فيها بعد ..؟! زفرت بكل ضيق:غزل فـ المستشفى .. بدر:لا حول و لا قوة إلا بالله .. المصايب تجي مرة وحدة .. ريناد:اللي فهمته من خالتي بعد .. أنها فـ المستشفى من يومين أو ثلاثة بس ما قالوا لأحد ..!! بدر بكل استغراب:ليه سكتوا ..؟! ريناد:مدري و الله .. بس مخي مو قادر يستوعب كل اللي يصير .. خيم الهدوء عليهم .. دقيقة .. ثنتين .. ثلاث .. رجع يتكلم رغم التردد الواضح بعيونها لكن صوته كله ثقة و حماس:أقول ريناد .. من ثواني ارتسمت فـ عيونها نظرة تفكير .. أول ما سمعت صوته تلاشت ..:هلا .. بدر:فيه موضوع مهم بغيت أكلمك فيه .. أدري الوقت موب مناسب .. لكن إذا كلفتك به راح تأخذين وقت كبير على بال ما تلقين الفرصة المناسبة .. ريناد بكل توهان:بدر وش قاعد تقول ..؟! زفر بكل ضيق:بقول اللي عندي و عقب أشرح لك .. ريناد و أعصابها تتوتر من طريقة كلامه الغريبة:تكلم وش فيه ..؟! بدر:أنا نويت أخطب .. ابتسمت:صدق .. الله يبشرك بالخير .. أكيد أمي بتستانس .. بدر بكل خيبة أمل:لا ما راح تستانس .. ريناد بكل خوف:ليه .. من هاذي اللي بتخطبها .. تنهد بكل ضيق:جنى .. ريناد بكل صدمة:جنى ..!! أنت تقصد جنى مغير .. بدر و الإصرار بصوته:ايه جنى بنت عمتي .. ريناد:بس .. بس هاذي كانت عمتك بيوم من الأيام .. بدر:لكنه موب عمتي بـ الشرع و القانون حتى ..! ريناد بكل عصبية:بدر تستهبل أنت ..-رجعت تسكت لثواني:الحين كل المهزلة اللي كنت تسويها مع جنى عشان ...-حست بالكلمات تضيع منها .. بدر:ايه .. أنا من البداية أحبها و كنت أبيها لي .. ريناد بكل صدمة:و فرضا ما طلعت بنت عمتك و طلعت عمتك صدق ..! بدر:مستحيل .. أنا كنت عارف كل شيء .. و إحساسي كان صح من البداية .. زفرت بكل ضيق:بدر أنت مستوعب اللي تقوله ..-وقفت و بكل اعتراض:أنا بعتبر نفسي ما سمعت شيء و أنت راجع نفسك .. بدر بكل عناد:اسمعيني يا ريناد أنا كلمتك أول وحدة فـ الموضوع لأني عارف محد يفهمني قدك .. بس إذا من الحين يتسوين كذا أنا بروح أخطبها بنفسي و يصير اللي يصير .. ريناد و صدمتها تزيد:لا حشى .. أنت موب بدر اللي أعرفه .. زفر بكل ضيق:العقل ما فادني بشيء .. و غير كذا ما طلبت شيء حرام و لا ممنوع .. ريناد:طيب فكرت الناس بكرة وش بتقول عنكم .. كيف كنتوا و كيف صرتوا ..؟! بدر:كلام الناس ما له نهاية و الواحد يسوي اللي يبيه و يرتاح أحسن من أنه يحرم نفسه و بحياته ما راح يرتاح .. زفرت بكل ضيق و نبرة صوتها ترجع لـ وضعه الطبيعي:خلاص أنا بكلم جنى .. بس أنا متاكدة .. أنها راح ترفض وقته بتعرف وش قد كنت غلطان ..-سحبت نفسها من المكان قبل لا تسمع كلام يسمّها أكثر .. مو كفاية عليها العزاء و تعب الحمل .. يكملها أخوها بـ همّ و كأنها ناقصة ..!! .. . زفرت بكل ضيق:يوووووه منك يا فيصل .. لازم أعيد اللي قلته عشر مرات .. زفر بكل ضيق من وراء السماعة:مو معقولة تجين للشرقية و تروحين و أنا ما أعرف ... ريتاج بكل ضيق:يعني متخيل إني بطلع معك و إلا أهلي بيسمحون لك تشوفني .. و إلا وش تفكر فيه بالضبط ..؟! فيصل بكل ضيق:ليش تفكيرك سلبي كذا .. أنا كل اللي أبيه تتعودين تقولين لي وينك فيه وين طالعه و من وين جاية .. أظن هذا حقي كزوجك .. ريتاج:بس أنت للحين موب زوجي .. فيصل:كلها أسبوع و أصير زوجك .. ريتاج:بنت عمي توفت الحين و مستحيل نسوي الملكة إلا بعد شهر أو يمكن أكثر ..! فيصل بكل صدمة:مستحيل تتأجل الملكة .. ريتاج:و الله هاذي موب رغبتي و لا رغبتك .. العادات و التقاليد تقول كذا .. فيصل:ما عاد فيه ناس تتبع العادات و التقاليد اللي ما لها أي داعي ..! ريتاج:حتى لو موب عادات و تقاليد .. أنا ما راح أتحمل أفرح و أستانس و تراب بنت عمي ما نشف ..!!! فيصل بكل غيض:يا سلام موب هاذي لوجين اللي طيحتك فـ مصايبها و كانت تبي.لك الشر لحد آخر لحظة من عمرها .. ريتاج:حسابها بينها و بين ربها .. بس أنا أحط نفسي مكانها .. لو كنت أنا اللي مت قبل راح أكون محتاجة لـ دعوات الكل لي .. زفر بكل ضيق:لا حول و لا قوة إلا بالله .. زفرت بكل ضيق:فيصل أنا بسكر .. مضطرة أنزل كل الأهل تحت .. ما يصير أتركهم كذا ..! زفر بضيق أكبر منها:أووك .. باي ..-سكرت الخط و نزلت السماعة .. رفعت أروى عيونها من على جوالها:وش فيك شوي و كنتي بتدخلين له فـ الجوال .. زفرت بكل ضيق:كان يقدر يقدر شعوري على الأقل .. شفتيه شلون مُصر ع الملكة بوقتها .. أروى بكل برود:من حقه هو وش دخله بـ لوجين ..!! ريتاج بكل عصبية:لا تكملينها علي تكفين يا أروى .. أروى بكل خوف:وش فيك .. خايفة و متوترة و كأن أحد حاط مسدس فوق رأسك ..! دفنت وجهها بين كفوف يدها:حاسة بمخي موقف .. موب قادرة أفكر بأي شيء .. أروى:تبين الصراحة .. رجعت ترفع رأسها:نوريني ...!! أروى:أنا من أمس و حاستك تتوترين و تعصبين لما يجي طاري فيصل .. ريتاج بكل لوم:كله منك من جبتي طاري الانتقام أمس و أنا أفكر فـ هالشيء ..! أروى بكل هدوء:موب يقولون خذ الحكمة من أفواه المجانين .. ابتسمت بكل تلقائية .. ابتسمت معها:جد و الله .. دايم أسمع هالكلمة .. بس أحسه تركب على حالتك .."ما بُني على باطل فهو باطل" .. أنتي و فيصل علاقتكم من بدايتها غلط ما ظنتي بتستمر ..!! ريتاج بكل خوف:أرفضه يعني ..!! أروى:أنا ما راح أقول لك شيء أكثر .. أنتي فكري فيها لحالك .. –وقفت:قومي ننزل تحت قبل لا نتهزأ .. وقفت وراها:ما عاد بقي أحد غير أهلنا قصدي محد غريب .. أروى:ما عليه ننزل .. بكرة الناس بتجي صدق و بتشوفين الزحمة .. ريتاج و هي تسكر الباب وراها:يا رب تجي ليان .. و الله ما لي خلق لـ هالقلق .. أروى و هي تنزل مع الدرج:على طاري القلق تراني جبت غيار معي بنوم عندك الليلية .. ريتاج بكل حماس:و الله ..! أبركها من ساعة .. تغيرين الجو علي شوي .. أروى:مع إني بنحبس فـ غرفتك بس ما عليه أبرك من جلستي فـ غرفتي لحالي ..! ابتسمت و هي تهمس:شوفي أمي و أمك شلون يناظرون فينا .. شكلهم ناوين علينا .. همست لها:الله يعين .. .._..._.._.._.._.._.._ سندت أختها بحضنها و ساعدتها تطلع من الحمام .. فجر بكل لوم:لو كنت دارية يصير معك كذا كان ما تركتك أمس .. غزل و التعب بصوتها:لا خلاص .. هاذي المرة الأخيرة .. أمس كانوا الممرضات معي .. أنا الحين بنوم .. المفروض أنتي ترجعين للبيت .. ساعدتها تجلس على السرير:وين أروح .. شكلي بنوم معك .. غزل بكل إصرار:وين تجلسين أبوي و عبد العزيز محتاجينك أكثر .. طق الباب و دخل .. عبد العزيز:السلام عليكم .. غزل:جيت بوقتك .. يا الله خذ فجر و امشوا .. فجر:وين أروح .. أنا موب طالعه من هنا و هذا حالك .. غزل:أنا كل يوم حالي كذا .. موب معقولة .. كل يوم تنومين عندي عشان كذا .. زفر بكل ضيق:رحت أعطي أبوي علاجه و أصر يرجع معي البيت شكله حس .. غزل:خلاص الموضوع ما عاد فيه كلام .. لازم ترجعين للبيت .. ناظرتها بكل لوم:طيب بجلس عندك لحد ما تنومين .. تمددت على السرير:دقيقتين و أنوم ما له داعي تنتظرين أكثر .. همس بكل ضيق:الزيارة وقتها انتهى من زمان .. ما تقدرين تجلسين أكثر .. فجر:طيب كلم ذاك الدكتور يمـ .. قاطعها:خلاص شغل الوسطات انتهى .. فجر خلينا نطلع ..-قرب من غزل .. سلم عليها:أجر و عافية إن شاء الله .. ابتسمت بملامح وجهها التعبانة:تسلم .. لبست عبايتها .. قربت من أختها و ضمتها .. فتحت شنطتها:هذا جوال جبته لك إذا احتجتي أي شيء دقي علي .. غزل:ما ينفع اليوم الدكتور حذرني من الجوال .. فجر بكل خوف:ليه وش فيه ..؟! غزل:مدري .. بس أهم شيء يكون بعيد عني .. زفرت بكل ضيق:طيب بقفله و أتركه فـ الدرج إذا احتجتي لأي شيء .. دقي علي طيب ..! هزت رأسه بالموافقة:إن شاء الله .. أقل من الدقيقة خلا المكان و ما عاد بقي غيرها .. زفرت بكل ضيق و هي تتأمل حالها .."هالوحدة أرحم من وحدة القبر" .. زفرت بكل تعب و دموعها تخونها .."يا رب سامحني .. يا رب" .. .._.._.._.._.._.. جالسة على طرف السرير و تبكي .. إحساسها بالوحدة و الضياع أكبر من إحساسها بـ الخوف و الرهبة من وجودها معه فـ مكان واحد بعيد عن الكل .. و لحالهم ..!! زفر بكل ضيق:وبعدين معك يا نوف ..! مسحت دموعها للمرة الخمسين و صوتها يضعف أكثر و أكثر بسبب المرض:ما لك دخل فيني خلني لـ حالي .. من غير شيء ما يقدر يقاومها و يحس نفسه ضعيف قدامها وشلون وهي يصيح و دموعها ما وقفت .. إن قرب منها صرخت فيه و إن ظل واقف بعيد ما راح يطلع بنتيجة معها .. مشاري بكل تردد:تبين نرجع البيت مع بعض !! و إلا أخليك تروحين لأختك و أنا بغرفتي عادي محد بـ يقول شيء و لا أحد يسترجي يقول شيء .. نوف بكل عصبية:من قالك إني أبيهم و إلا أبي أسمع طاريهم حتى .. زفر بكل ضيق:صار لك فوق الساعة صياح و بس حتى الـ .. قاطعته بكل ضيق:ايه أنا بزر .. ترا حفظتها ما يحتاج تعيدها .. أنا ما أبيهم و لا أبيك .. خلني لحالي ..! تنهد بكل ضيق:طيب أنا طلبت عشاء خلينا نطلع نأكل و بعدها سوي اللي تبينه .. نوف بكل عناد:ما أبي .. وش فيك أنت ما تفهم ..!! دفنت وجهها بين كفوف يدها .. و تركت شهقاتها تعلا .. يمكن هو بالنسب لها عدو .. و تصرفها قدامه بهـ الشكل راح يخليها ضعيفة .. لكنها حست بالتعب و ما عاد لها حيل لاي مشاكل و حروب .. حاسة بالكل تخلى عنها .. و كل اللي تتمناه تموت من ضيقها و قهرها من الموقف اللي هي فيه .. صوت شهقاتها ما زادة غير حيرة و حزن على حالها .. رغم اهانتها له لآخر لحظة و عدم احترامها له لا كزوج و لا حتى حاط حساب لفرق العمر اللي بينهم .. لكن يظل قلبه موب ملكه .. قرب منها بكل هدوء و ما قدرت تلاحظ قربه لأنها بعز ضيقها و حزنها .. جلس جنبها .. حوطها بذراعه و ضمها لـ صدره .. حست بجسمها يتجمد .. مو قادرة تحس بأي شيء و لا قدرت تسوي أي شيء .. حتى صوتها حسته يختفى و ما عاد فيها قوة ..! دقيقة .. ثنتين .. ثلاث .. اختفى صوت شهقاتها و هدت أنفاسها .. ارتبك قبلها .. و ما حس بنفسه غير و هو ينطق من غير تفكير:قومي غيري ملابسك و اطلعي تعشي .. لا تخافين اعتبري نفسك للحين فـ بيت أهلك هاذي غرفتك و أنا بنام فـ الصالة .. صدمتها بكلامه كانت أكبر من صدمتها من ردة فعله بعد هالإهانات و التجريح .. أنواع الكوابيس شافتها ليلة البارحة و كل اللي فـ خيالها من اسوء لـ أسواء .. ارتاحت نسبيا .. و زادت راحتها و هي تسمع صوت الباب يتسكر .. لكنها عارفة أنها ابتدت فـ طريق طويل ما تقدر تحدد وين و متى راح تكون نهايته .. .._.._.._.._.._.. نزلت صحون العشاء على الطاولة ...:بس حتى ولو اليوم يومها .. زفر بكل ضيق:هي تأخذ يومها و يومك .. و بعدين جلستي هناك ما وراها غير الصداع و القلق .. أنا أشك أنها تبيت موتني ..! ابتسمت الجوري و هي تجلس:وش دعوة عاد .. يمكن بس للحين ما تأقلمت .. نواف بكل استهزاء:لو هالكلام عنك يمكن لكن هي وش تغير عليها .. من يومها متعودة تعيش حياتها من غير ما تحسب وجودي ..! جوري:ما عليه .. تبقى هي الزوجة الأولى اللي انجرحت .. نواف:جوري الله يخليك ما أبي اسمع شيء عنها أنا جاي هنا أرتاح .. جوري:طيب .. افتح جوالك على الأقل يمكن تحتاجك بشيء .. نواف:خلاص انتهينا من هالموضوع .. ابتسمت .. و بانت نظرة تفكير بعيونها:نواف .. نواف و هو يأكل بكل استماع:همممم ..! جوري:اليوم لما كنا بالمستشفى .. شكلك سولفت معهم و دخلت جو .. نواف بكل استعباط:من هم ..!! جوري:من بتكلم عنه ..-ترددت أكثر و هي تنطقها:أخواني .. ابتسم:شكلك أنتي اللي شاكة فيهم موب هم .. جوري:لا جد نواف .. وش حسيت به من كلامهم ..-بكل تردد:ارتاحوا لك .. موب مرتاحين ..!!! نواف:لا لا .. بالعكس .. طول الوقت يتكلمون بثقة .. بكرة لما تطلع النتيجة بنروح للأحوال المدنية و يصير و يصير و يصير .. مخططين لكل شيء ..!!! جوري:صدق ..!! نواف بكل حماس:ايه و الله .. حتى دخلوني فـ الجو على طول لازم نشوفك و لازم تجيبها .. ابتسمت بكل راحة:الله يبشرك بالخير .. زفر بكل ضيق:دام سالفة أهلك عدت على خير .. فكري معي بأهلي .. جوري بكل لوم:قلت لك أنتظر لحد ما تخلص سالفة أهلي لكن أنت ما طعتني ..!! نواف:اللي صار صار و انتهى .. جوري و هي توقف:ما في أحسن من الصدق قل لهم كل شيء .. نواف و هو يعلي صوته حتى تسمعه:شلون يعني ..؟! دخلت المطبخ شبت على بريق الشاي و طلعت:يعني .. قل أن أهلي ما طلعوا أهلي و سألنا و استفسرنا و لقيت أهلي و تغير أسمي .. بس طبعا بالتفصيل .. زفر بكل ضيق:شورك و هداية الله .. .._.._.._.._.._.. لبست عبايتها:بروح لبيت أهلي .. راكان بكل لوم:ما ينفع العزاء خلص خلينا نرجع للبيت و ارتاحي و لـ جاء بكرة .. روحي لهم .. ليان:مستحيل أنوم من غير ما أشوف أمي ..!! راكان:أصلا أمك فـ بيت عمك أبو بدر و العزاء هناك .. و الحين أكيد نايمين .. زفرت بكل ضيق:راكان الله يخليك بروح لهم .. تنهد بكل ضيق:ما ينفع .. تدرين بسام هنا .. من الظهر بس خاف يدخل و تنهارين أكثر ..! ليان:بسام هنا .. وينه ليه ما دخل ..!! زفر بكل ضيق:قلت لك يبي يدخل .. بس أنتي .. قاطعته:وينه أبي أشوفه ..!!! راكان:خلاص طيب .. اجلسي هنا بناديه لك بس عندي شرط ..!! ليان بقلة صبر:وش هو ..؟! راكان:ما فيه روحه لبيت أهلك .. ليان بكل عصبية:أبي أشوف بسام .. زفر بكل ضيق:خلاص طيب ..- طلع لـ برا و فـ دقايق رجع و معه بسام .. دخل بكل خوف .. من انهيارها من جديد .. ابتسمت أول ما شافته:بسام .. قرب منها .. سلم عليها:شـ أخبارك الحين ..؟؟! تلاشت ابتسامتها و هي تركز أكثر فـ عيونه همست بكل تردد:بسام أنت تشوف ..!! .._.._.._.._.._.. مسحت دموعها بكل حرقة:راحت معه ..!! لمى بكل لوم:نهوي وش فيك ..!! ضحكت عليها جنى:هههههههههههههههه .. لهالدرجة قلبك رقيق .. نهى و هي تحاول تمسح دموعها ..:ما تخيلت نفسي أعيش من غيرها .. شلون برجع لـ غرفتنا .. شلون بعيش فـ البيت لحالي .. لمى:لا تخافين نوف بتروح و انا بجي عندك .. رفعت نظرها عليها بكل صدمة:شلون .. جنى بنفس الصدمة:وافقتي ..!! لمى بكل ربكة:وش فيكم .. بس بنوم الليلة معها ..!! زفرت جنى بكل راحة:تحمست ع الفاضي .. نطقت بكل تردد:صراحة فكرت و أنا موافقة ..!! ابتسمت بكل فرحة .. نهى:صدق و الله ..!!! هزت رأسها بالتأكيد:ايه من جد .. جنى:مبروك الف الف مبروك .. إن شاء الله أكون أول من بارك لك .. لمى بكل إحراج:عقبال ما أبارك لك بعد ..! جنى:لاااء .. توني بدري بـ..-قطع كلامها رنة جوالها .. ابتسمت و هي تلمح اسم أختها ع الشاشة:عن أذنكم .. رفعت الجوال لأذنها:هلا .. الجازي:خلصتي و إلا توك .. جنى:خلاص طلعت العروس .. بس بجلس شوي مع لمى و بنت عمها ثم أطلع .. الجازي:لا .. لازم تطلعين الحين .. جنى بكل خوف:ليه وش صاير ..؟! الجازي:لازم تطلعين عشان تجهزين أغراضك ..! جنى بكل صدمة:وشلون ..!! .._.._.._.._.._.. مشى بخطوات هادية .. دخل غرفتها بكل هدوء .. رغم أنها مغمضة عيونها و معلقة بين الواقع و المنام .. لكن حست بصوت أنفاسه المضطربة .. تحركت غزل بكل إنزعاج .. و تمنت أنها كابوس ينتهي قبل لا يبدا .. قرب منها أكثر و إحساس الذنب يزيد بداخله و هو يتأمل ملامح وجهها الباهتة .. نزل يده و تحسس ملامح وجهها بكل ألم و آسى .. ما عاد فيه مجال للشك .. حست بالضيق و هي تتخيله مياف ..!! فتحت عيونها و بكل عصبية:أنت ..-رجعت تسكت و نظرة الصدمة ترتسم بعيونها .. همست:تركي ..!!! .._.._.._.._.._.. نهاية الجزء ..