قلوب تتراقص على انغام الالم - الفصل 31 - بقلم ROoOnQ - مكتملة | روايتك

الجزء الـ|[31]|ـواحد و الثلاثون .. .. . رغم أنها عايش فـ الظلمة من خمس شهور تقريبا .. بس ضيق الشاش على عيونها خنق أنفاسه .. زفر بسام بكل ضيق:عادل ..! عادل ..! نزل الكتاب من يده:هلا ..! بسام:كم مر الحين من طلعت من العملية ..؟! عادل:توك .. حتى الـ 24 ساعة ما كملتها ..!! بسام:أحس إني انخنقت و كأن هالشاش فوق خشمي موب فوق عيوني .. عادل:ما عليه .. كلها 48 ساعة و إن شاء الله ما يصير إلا كل خير .. بسام بكل تردد:تظن العملية نجحت ..؟! عادل:أنت وش حاس فيه ..؟! بانت نبرة حزن بصوته:للحين ما أشوف غير سواد .. عادل:ما عليه عصب العين للحين مرهق عقب العملية .... يوم و إن شاء الله لـ شالو الشاش .. تكون النتيجة مثل ما حسبنا لها .. ابتسم بكل تعب:الانتظار اتلف أعصابي ..!! عادل و هو يرجع يفتح الكتاب:الصبر مفتاح الفرج .. خذا نفس عميق يهدي أعصابة:جوالي وينه ..؟! عادل:فـ الدرج .. يمكن و لا أربعين مكالمة فيه ..؟! زفر بكل ضيق"أكيد ريناد".. كمل عادل:دق على أهلك طمنهم أكيد قلقانين عليك .. مد يده فـ الهواء:عطني اياه .. طلع الجوال و عطاه اياه و هو يوقف ..:أنا نازل تحت تحب أجيب لك شيء .. ابتسم:لا شكرا ..- طلع و سكر الباب وراه .. تحسس الأرقام و ضغط على زر الاتصال السريع .. .._.._.._.._.._.. شدت على شعر رأسها .."مستحيل أرجع لأهلي أخاف يكون ما رجع .. و يا خوفي بكون بعد مألف عليهم قصة .. وش أقولهم .. وشلونا أفسر لهم غيابه .. إذا سألوني عنه ..!! دفنت غزل رأسها بحضن المخدة .."تركي ..! .. تركي..! تركي ..! .. تعبت و أنا أفكر فيه و لو كنت أنا أهمه .. كان ما تركني لحالي بهالوضع .. سحبت المفرش و غطت جسمها المرتجف .."الغلطة غلطتي من البداية .. وشلون وافقت عليه و غيره بقلبي" .. .. . من وراء الجدار .. جالس على طرف السرير و يلعب بأزرار .. الجوال .. رجع مياف يدق على الرقم مرة ثانية .. الفضول مسيطرة عليه بهالسالفة .. .. صرخت سعاد:عبد الرحمممممممممممممن جوالك .. طلع من غرفته ركض:وشلون نسيته فـ الصالة ..-لقط الجوال و هو يأخذه أنفاسه بكل صعوبة .. .. مياف بكل استغراب:الوو .. الووو .. خذا نفس:أ ..لـ .. و .. الو هلا .. زفر بكل ضيق .. الصوت اللي سمعه عكس توقعاته .. همس عبد الرحمن:ما عليه خلك معي ع الخط خمس دقايق .. مياف بكل استغراب:نعم ..؟! عبد الرحمن:دقيقة بس ..-نزل الجوال و فتح باب الشارع .. سعاد:على وين ..؟! عبد الرحمن:و هو يطلع دقيقة و راجع ..-رجع يرفع السماعة:معي ..! مياف و استغرابه يزيد:عفوا من معي ..؟! عبد الرحمن و هو يفتح باب الدكان اخير:هذا رقم أبو محمد ..؟! مياف:ايه من معي .. دخل الدكان:ثواني بس ..-همس:جماااان .. افزعها صوته .. لأنها كانت بقمة الاندماج فـ التفكير ..! جمان و يدها على قلبها:نعم ..؟! مد لها الجوال و هو يلف وجهه بعيد عنها:الرقم اللي تدقين عليه .. رجع يدق .. سحبت الجوال و بكل حماس:و الله .. عبد الرحمن:تراني رديت .. حطت السماعة على أذنها و بكل حماس:ألو .. عمي ..؟! مياف:نعم ..؟! تلاشت ابتسامتها و اختفى حماسها:من ..؟! مياف بكل ضيق:أنا المفروض اللي أسال من ..! زفرت بكل ضيق:موب هذا جوال:أبو محمد الـ**** .. مياف:ايه و أنا ولده .. احتارت وش تقول له .. لكن لازم تعلمه بكل شيء و خاصتن إن عبد الرحمن .. معطيها فرصة للصبح .. و تدور لها أي مكان ..! مياف بكل عصبية:من معي ..؟! جمان بعد تردد كبير:أنا جمان .. بنت عمك ..؟! مياف:ما عندي إلا عم واحد عايش و ما عنده بنات ... جمان:لا عمك مسفر .. ما تعرفه لأنه متوفي .. مياف بكل ضيق:لا تقعدين تستهبلين علي .. أنا ما عندي غير عم واحد و بعدين مسفر اسم أبـ.. قاطعته و صوتها يختنق:صدقني و الله بنت عمك .. –بكل تردد:أنت أسأل عمي .. عمي وينه ..؟! زفر بكل ضيق:أبوي صار له أسبوع تقريبا فـ العناية .. جمان بكل صدمة:فـ العناية ..!! زفر بكل ضيق و هو يذكر غزل:اسمعي أنا موب فاضي لك عندك شيء ثاني .. جمان بكل اندفاع:أمي توفت من أربع أيام .. و أنا ما عندي مكان أروح له .. مياف بكل برود:مشكلتك ..!! جمان:بس أنت ولد عمي و المفروض تساعدني ..! زفر بكل ضيق:قلت مشغول .. و أنتي شكلك مطولة .. سلام .. جمان:بسسسسسسسسس الـ ..-ما ترك لها مجال تكمل و سكر السماعة فـ وجهها .. .._.._.._.._.._.. واقفين بآخر الممر .. همست لبنتها بكل عصبية .. أم متعب:أبوك ما طلع بنتيجة من الجلسة مع الرجاجيل ..! دلال بكل ضيق:طيب وش أسوي أنا الحين .. أنتوا ما قلتوا لي أترك الموضوع لكم ..! أم متعب:الحين أبوك ما بيده شيء .. أنتي روحي مع رجلك .. قاطعتها:يممممة .. تبيني أذل نفسي .. أم متعب و هي تصرّ على أسنانها:يا الغبية إن ما رحتي .. بيأخذ زوجته الثانية لـ بيتك و شهر و إلا شهرين ينساك ويمكل حياته .. دلال بكل تردد:بس يمة .. أنا أبي الطلاق .. أم متعب بكل عصبية:مهبولة أنتي .. تتطلقين و تطيحين فـ كبدنا و لا عقيم بعد ..!! دلال بكل عصبية:يممممممممة .. موب هذا رأيكم .. أم متعب:لا موب رأينا .. أنتي اللي قلت كذا من رجعتي من الرياض .. صح و إلا لاء ..؟! زفرت بكل ضيق:بس كلكم وقفتوا معي .. أم متعب:وهذا حنا كلنا واقفين ضدك .. حتى أخوانك ما نطقوا بشيء .. دلال:خلاص .. أنتوا اطلعوا من حياتي بكبرها و أنا بحل الموضوع بنفسي ..-مشت بعيد عن أمها .. .. . .. ريم و راشد لـ هاللحظة بين يدينها:وين بتروحون طيب ..؟! جوري و هي تلبس عبايتها:مدري .. بس أتوقع شقة مفروشة ..! أم نواف بكل عصبية:وش شقته .. بيتنا طول بعرض و فيه غرفة نواف محد دخلها و تروحن لشقة ..!! جوري بكل إحراج:هذا كلام نواف لي قبل لا يطلع .. أم نواف و هي تفتح الباب:أنا رايحة أتفاهم معه .. .. قابلت خالتها .. دلال بكل تردد:وين رايحة خالتي ..؟! أم نواف:رايحة أكلم نواف .. دلال بكل تردد:خذيني معك لأني أبي أكلمه .. التفت العيون كلها على دلال .. أم نواف بكل ضيق:موب وقتك .. ادخلي بس .. زفرت بكل ضيق و هي تراقبها تبعد .. و بمجرد و ما لفت نظرها لداخل الغرفة الكل أبعد عينه من عليها .. ريم و الإحراج بصوتها:أجل بجي معكم .. أنظف الغرفة و أساعدك فـ البيت .. سارة بكل ضيق:بلا لقافة .. خلك هنا .. ريم بكل حماس:بروح عشان أمسك رشود .. تكفين جوري اقنعي نواف .. جوري بكل ربكة:و الله مدري وش أقول لك ..! .. رن جوال دلال .. و لفتت الأنظار من جديد .. خذت نفسها بصعوبة و هي تشوف رقم نواف ع الشاشة .. طلعت برا حتى ما تفشل نفسها قدامهم أكثر .. ردت بكل خوف:ألو .. نواف:قالت لي أمي أنك تبيني ..؟! خذت نفسها للمرة الثانية:ايه .. أبي أتكلم معك .. نواف:طيب أنا بأخذجوري لـ لبيت أهلي .. و عقبها أرجع أخذك و نروح لـ بيتنا .. زفرت بكل ضيق:طيب ..-نزلت الجوال بعد ما سكرت الخط و فكرها يروح و يجي بها .. "إذا رحت معه وش بيقولون .. أكيد بيضحكون علي .. أنا غلطانة .. كان من البداية .. هديت الموضوع و كأنه تم برضاي .."- زفرت بكل ضيق و هي تشوف مرت عمها تقرب و تدخل للغرفة من جديد .. .. أم نواف:الله جوري رجلك ينتظرك عند الباب .. ابتسمت و هي تأخذ ولدها:إن شاء الله خالتي .. لفت على بنتها ريم:و أنتي البسي عباتك .. لأن بتروحين معها .. ريم بكل حماس:و الله ..! ناظرتها بكل حدة:بمزح معك يعني ..؟! ركضت لعند أغراضها و نفضت عبايتها .. و الكل تملكه الاستغراب .. روحت ريم مع نواف و زوجته ما لها أي معنى ..! .._.._.._.._.._.. نزلت جنى عبايتها و خيبة الأمل واضح بـ ملامح وجهها .. .. و أروى واقفة من بعيد تراقبها .. بداخلها حماس و جوع للسوالف مع جنى .. بس ترددت و هي تشوف ملامح جنى الغريبة .. بالنسبة لـها .. .. رمت بثقلها على طرف السرير .. جلست و تنهيدتها كلها آسى تطلع من أعماق صدرها .. جلست جنبها .. و بعد تردد طويل قررت تتكلم على طبيعتها:دريتي جنوو ..؟! لفت عليها و قمت التبلد عكس أروى تماما:خير وش صاير بعد ..؟! أروى:بعد أسبوع بالكثير بنسافر كلنا للشرقية .. أعمامي بيتفقون على هالشيء قريب .. جنى:بيتفقون ..!!!! أروى:ايه .. أمي قالت لي إن الحريم تكلموا فـ هالموضوع .. بس باقي الرجاجيل ..! زفرت بكل ضيق:طبعا ما راح أكون معكم ..؟! أروى و كل حماسها يتلاشى:ليش وش صاير ..؟! جنى و لمعة الدموع تبين فـ عينها:الجازي .. أروى و بعيونها نظرة تفكير:الجازي ..!!-وكأنها تذكرت:ايه اختك .! وش فيها ..؟ لفت كلها على أروى:اليوم قابلتها .. فـ بيت عمي أبو بدر .. تخيلي وش كانت تبي ..؟! أروى بكل برود:وش كانت تبي يعني ..؟! جنى:تبيني أروح أعيش معها .. أروى بكل هجومية:نعم ..! موب على كيفها ..! جنى:للأسف على كيفها ..! أروى:نعم ..؟! وش اللي على كيفها ..! جنى:أبو بدر .. مُصر أروح معها و أتوقع كل أخواني بيقولون كذا ..-"قصدي خوالي" .. تنهدت:موب على كيفهم يجبرونك .. بيت عمي أبو بدر هو بيت العايلة .. و لك فيه .. يعني محد له حق يطردك من هناك ..! زفرت بكل ضيق:أبو بدر لمح لي .. و مستحيل أجلس هناك و أنا حاسه بالإهانة .. أروى بكل خيبة أمل:يعني بتروحين تعيشين مع أختك ..! هزت رأسها بالنفي:مدري ..! .._.._.._.._.._.. زفرت بكل ضيق و هي تجلس على طرف سريرها:ظنك جنى بتروح ..؟! ريناد و هي تسكر الباب وراها:جنى عنيدة و راسها يابس ..! ريتاج و هي تراقب أختها تقرب:بس حتى ولو .. من كلامها معنا حسيت أنها زعلانة و يمكن شايلة بخاطرها على أبوي لأنه وافق على فكرة الجازي .. زفرت بكل ضيق و هي تفتح الكامدينة و تطلع الجوال:أكيد بتزعل .. لأنها ما تبي هالشيء ..-شهقت وهي تقرب شاشة الجوال لعيونها ... ريتاج بكل خوف:بسم الله عليك وش فيك ..؟! ريناد:بسام داق علي .. ريتاج:ارجعي دقي عليه بسرعة .. ريناد و نبرة الحزن بصوتها:داق من ثلاث ساعات أكيد نايم الحين .. ريتاج بكل لوم:قلت لك خذي الجوال معك ما سمعتي كلامي ..! زفرت بكل ضيق:طول ما أنا شايلته معي يحسسني بالتوتر .. حتى أفتحه أكثر من سوالفي معكم .. ريتاج:صادقة حتى أمي بدت تعصب منه .. خلاص لـ قمتي بكرة كلميه .. ريناد و بعيونها نظرة حزن:وشلون بنوم من غير ما أعرف وش أحواله ..؟! ريتاج و هي توقف:دقي عليه و ريحي عمرك .. –مشت للحمام:ما تدرين يمكن ينتظر مكالمتك ..-خلصت كلامها و دخلت .. طلبت رقمه .. و رفعت السماعة لـ عند أذنها .. .._.._.._.._.._.. جالسة بوسط السرير .. ضامة رجولها لـ صدرها .. و نفس شتات المشاعر بداخلها .. عقلها متشتت و مو قادرة تفكر بأي شيء .. .. طق عليها الباب و بنبرة أقرب للترجي:غزل افتحي الباب ..؟! غزل بنفس نبرته:مياف الله يخليك اتركني لحالي .. مياف:وشلون أتركك و أنتي ما كليتي شيء طول يومك ..! غزل و صوتها يختنق:خلااااص اتركني .. ما أبي ..!!!! مياف:طيب خذي علاجاتك بس .. أقل شيء المضمضة عشان لثتك تنزف ..؟! زفرت بكل ضيق حطهم عند الباب .. بعدين أطلع أخذهم .. .. نزل الكيسة عند الباب:طيب براحتك .. ابتعد عن الغرفة و هو يرفع جوال أبوه اللي نسى يحط على الكامدينة .. زفر بكل ضيق و إحساس بالذنب يتملكه .."معقولة تكون صادقة .. مستحيل ما عندي إلا عم واحد .. بس هي قالت مسفر و مسفر أبوي .. وقف عند باب غرفته و الصدمة ترتسم على وجهها .."معقولة تكون ..!" .. رفع الجوال و هو يطلب الرقم من جديد .. رنة .. ثنتين .. رد عبد الرحمن بكل سرعة:الووو .. مياف بكل تردد:أنا اللي قبل شوي .. عبد الرحمن بكل حماس:ايه .. عرفتك .. مياف و تردده يزيد:البنت اللي كلمتني قبل شوي .. عبد الرحمن:جمان .. وش فيها ..؟! مياف و هو يدخل لغرفته و يجلس على طرف السرير:أنا مدري عن سالفتها .. بس أبوي تعب علينا .. و يمكن هو يعرفها فعلا .. عبد الرحمن:موب يمكن .. أكيد و إلا من وين بتجيب رقمه .. مياف:و أنت الصادق .. طيب ممكن أكلمها .. عبد الرحمن:لا و الله .. أنا حاطها فـ الدكان و صعبة أطلع مرة ثانية من البيت أخاف أهلي يشكون .. مياف بكل تعجب:دكان ..! عبد الرحمن بكل إحراج:سالفة طويلة .. لـ تقابلنا قلت لك .. مياف و الحماس بصوته:وين تحب نلتقي و متى ..؟! عبد الرحمن:طبعا جمان بتكون معنا .. مياف:ايه .. أكيد .. .._.._.._.._.._.. رخت جسمها بكل تعب على سريرها:اوووف اليوم متعععععععب لأبعد درجة .. نوف بكل لوم:أنتي دايم تشيلين همّ و كأن البيت بيتك .. نهى بكل لوم:ايه البيت بيتنا ..! زفرت بكل ضيق:نهوي .. ما لي خلق نقاشاتك .. لفت على أختها:أنت وش لك خلقه أصلا .. من طلعتي من المستشفى و أخلاقك مقفلة ..! نوف بكل عصبية:من قبل ما أطلع بعد .. عندك شيء .. ناظرتها بنص عين:الحمد لله و الشكر .. تعبك على نفسك .. ترا محد بـ تتعب أعصابه غيرك .. نوف بكل ضيق:نهى .. تكفين اطربيني بسكوتك .. نهى:طيب .. طيب بغير الموضوع ..-بكل لوم:لو الود ودي ما كلمتك بس أخاف ما أقولك و تزعلين .. نوف بكل اهتمام:خير وش صاير ..؟! نهى:أخوك ناصر .. يبي يتزوج .. نوف بكل صدمة:يتزوج ...!! نهى:ايه .. وش فيها ..؟! ارتبكت:ما فيها شيء .. بس بدري .. نهى:بدري فـ عينك .. الحين مشاريوه اللي أصغر منه يتزوج قبله و تقولين بدري ..! زفرت بكل ضيق:لازم تذكريني يعني .. نهى:خلك من ذا الطاري .. توقعي من يبي ..؟! نوف:من يبي يعني ..! أكيد قال دوري لي .. نهى:لا .. حدد .. و بالأسم بعد .. نوف و نظرة اهتمام بعيونها:من هي ..؟! نهى:لمى .. بنت عمي تركي .. نوف و صدمتها تزيد:لمى ..!!! .. وش جابها على باله .. نهى:يا الخبلة .. هم أصلا كانوا يحبون بعض يوم كنا صغار .. نوف:صدق ..! نهى:ايه بس وقتها كنتي بزر ..! نوف و بعيونها نظرة تفكير:ظنك لمى رفضت ذاك اللي مدري وش اسمه عشان نصور ... هزت رأسها بالنفي:لا ما أتوقع .. لأني يوم فتحت الموضوع معها اليوم .. تفاجأت .. نوف:كلمتيها ..! نهى:أكيد .. لازم أشوف رأيها قبل لا يصير الموضوع رسمي .. عشان لو كانت ما تبيه .. ما تصير مشاكل .. زفرت بكل ضيق:وش قالت لك ..؟! نهى:أقول لك تفاجات .. بس قلت لها تفكر زين .. نوف و هي تنسدح:الله يجمع و يوفق .. نهى و هي تغطي نفسها:آمين .. .._.._.._.._.._.. .._.._.._.._.._.. سحبها مع ذراعها بكل قوته .. صرخت البتول فيه:هل أنت مجنون ..؟! جيمس و عيونه تحوم بالمكان:البقاء هنا جنون .. تسرب الخوف لداخلها:ماذا ..؟! جيمس بنبرة هادية تزيد الخوف داخل البتول:هذا المكان مقر للعصابات و القتلة .. فلنذهب لـ حانة أخرى .. مشت وراه بكل استسلام و خوف:حسنا .. .. بدو يبتعدون عن الأنوار .. و شوي شوي الظلام يأخذ أكبر حيز حولهم .. تمسكت فـ ذراعه:جيمس ..! زفر:ماذا ..؟! البتول:المكان هنا مظلم و مخيف .. جيمس و كذبة صغيرة اخترعها فـ ثواني:يجب أن نسلك هذا الطريق لأن جميع العيون علينا .. لأننا جديدين في هذا المكان .. ارتبكت أكثر:لماذا جلبتنا إلى هنا منذ البداية ..؟! زفر بكل ضيق:توقفي عن التمسك بي كالأطفال ..؟! رخت يدها لكنها ما تركته:إلى أين نتجه ..؟! دفها بكل قوته بعيد عنها .. البتول صرخت بكل خوف:جييييييييييييمس ..!! سحب المسدس من داخل جيبه .. صرخت و عيونها تحوم فـ المكان بكل خوف:جيمس .. ما الذي يحدث .. همس:أنها النهاية .. البتول و خوفها يزيد:جيمـ..-بووووووم .. صوت الطلق الناري صمها والجمها عن الكلام .. استقرت الرصاصة بداخل صدرها و فارقت روحها جسدها .. زفر بكل راحة .."تمت نصف المهمة" .. طلع جواله و طلب الرقم:تعالا الأن .. .. . .. راقب السماء الصافية .."لابد أن روحها هناك" .. نزل جيمس عيونه على البحر .. وتأمل ركوده .. قاطعه ويليام:ماذا سيحدث الأن ..؟! جيمس:سنرمي بجثتها فـ قعر البحر .. سيستلزم ظهورها أسبوع على الأقل حتى ذالك الوقت ستختفي أي علامات تدل علينا و قد تتحلل جثتها .. ويليام:ماذا لو عرفوها و بحثوا عن آخر من كان معها .. ستتورط أنت ..؟! جيمس و هو يشب السيجارة و يبعدها:لا تقلق .. كل ما يملكون حولها .. جواز سفر .. قدر لا يستطيعون التعرف عليها ايضا .. فلا أحد يملك حمضها النووي أو حتى بصمة أسنانها .. ويليام:حسنا أين سنرميها فـ نحن نبحر منذ أربع ساعات .. جيمس:هنا المكان المناسب..! .._.._.._.._.._.. هزت رجولها بكل توتر ..:رد يا بسام رد ..! بعدت المفرش عن وجهها بكل كسل .. و طاحت عينها على أختها .. ريتاج بصوت مبحوح من النوم:رنود .. كم الساعة ..؟! ريناد بكل توتر:وحدة .. مدري ثنتين ..!! ريتاج بكل صدمة:تونا الليل ..!! ناظرتها بكل لوم:أمس ما نمنا إلا ثلاث .. يعني الساعة بترجع على وراء .. جلست بكل كسل:غريبة أمي ما صحتنا ..؟! ريناد:مدري عنها..-نزلت الجوال و رجعت تطلب رقمه .. ريتاج بكل ضيق:ما يرد .. هزت رأسها بكل خوف و بصوتها نبرة قلق:لاء .. مدري وش فيه دقيت الفجر عليه ثلاث مرات و الحين من صحيت و أنا أدق عليه و نفس الشيء ما يرد ..! زفرت بكل ضيق و هي تسحب فوطتها:خلاص لا عاد تدقين .. أكيد أنه ما حس بجواله .. ريناد و هي ترمي الجوال بكل عصبية:بس بسام ما يحطه على الصامت ..! زفرت بكل ضيق:تراك تتعبين نفسك و بس .. وأنا متأكدة لو أنه صاحي رد .. رمت بثقلها على سرير و همست:يارب استرها .. يارب .. .._.._.._.._.._.. فـ كبينه بزاوية المطعم .. جالس قبالهم و الصدمة للحين بعيونه .. مع أنه مأقلم نفسه من الليلة الماضية .. بس يحس بالتوتر و الخوف يسيطر عليه .. عبدالرحمن بكل ضيق:و الله يا أخوك ما عندي مكان أحطها فيه و إلا كان ما شفتنا قدامك الحين ..؟! ارتبك و هو ينقل نظره لـ جمان اللي ما بين منها شيء غير عيونها:طيب معقولة .. أبوي ما عطاك عنوانه أو رقم ثاني .. جمان بكل ضيق من سؤاله الغبي:عنوان وشو بالضبط ..؟! مياف:بيتنا .. جمان:عمي كان ينتظر الفرصة المناسبة حتى يعرفني عليكم بس ما الله كتب .. زفر بكل ضيق:طيب وش اللي يثبت إنك بنت عمي .. أنا وش يضمني إنك ما تلعبين علي .. جمان بكل تردد:اسمي .. هو الشيء الوحيد اللي عطاني أبوي اياه .. مياف بكل تردد:وش اسمك الكامل ..؟! جمان:جمان مسفر الـ *** .. ناظر فيها بكل صدمة .."معقولة تكذب ..!" .. جمان:إذا موب مصدقني تقدر تسأل فـ الأحوال الشخصية لأني من انولدت و هذا اسمي .. لحطة صمت طويل خيمت على المكان .. زفر بكل ضيق و ه يحس بسؤاله هو الفاصل بين شكه و اليقين:أمك .. اسمها .. نورة علي الـ**** .. ابتسمت من وراء النقاب بكل فرحة:ايه هذا اسم أمي .. ابتسم عبد الرحمن بكل راحة:الحمد الله .. كذا نقول أنكم مصدقين بعض .. بلع ريقه و الصدمة .. تتملك كل حواسه .. .._.._.._.._.._.. أم تركي تحاول تقنعها بكل هدوء:يا جني حطي نفسك بمكان خالك .. نزلت ملابسها فـ الشنطة و العبرات تخنقها:خلاص الكلام ما يفيد .. أم تركي:بس أنتي تحسبيننا معادينك و ما نبيك و هالشيء موب صحيح .. أروى بكل ضيق:طيب ليش اليوم .. ليش ما تنتظر يومين يعني جنى مستحيل تأخذ الأوامر منها و تنفذها بيوم و ليلة .. أم تركي و بعيونها نظرة لوم لـ بنتها:أنا جلست مع أختك و الله أنها حبوبة .. و طيوبة .. بس أنتي خلك لينه معها .. جنى بكل ضيق:خلاص .. اتركوني لحالي أرتب شنطتي .. زفرت أم تركي بكل ضيق:أختك تبي تستغل الفرصة لأن ولد زوجها مسافر .. تبيك تروحين معها و تتعودين على جو بيتها .. و محد معارضها لأن قرارها من أساسه عين العقل .. زفرت بكل ضيق:محد مضطر يبرر لي .. خلاص يا أم تركي أنا ما قلت شيء و ما عندي نية أقول أي شيء .. زفرت بكل ضيق:ما هان علي تطلعين من بيتي و أنتي زعلانة .. بس دامك معنده و شايفتنا عدوين لك .. قاطعتها:رجاء لا تقولّيني كلام ما قلته ..! زفرت بكل ضيق:خلاص .. براحتك أنا نازلة أجلس مع أختك شوي .. .. قربت من بنت خالتها بعد ما سكرت أمها الباب .. ضمت أروى جنى بدون مقدمات و بصوت مخنوق:بفقدك يا الدبة .. ابتسمت و الدموع بعيونها:و أنا بعد يا الشينة .. بعدتها عنها:ما عليه .. أنا فرحانة أنك بتروحين ..-بكل غرور:بس عشان تعرفين قيمتي .. ابتسمت بكل ألم:بعد عمري أنتي .. شكلك ما تعرفين غلاتك عندي للحين .. مسحت طرف دمعها خانتها:لا عارفة .. أصلا من فـ هالعالم ما يحبني .. ضربتها على كتفها على خفيف:وجع ما تخلين أحد يتأثر أبد .. ضحكت و هي تصارع دموعها:هههههههههههههههه .. أدري الحياة من غيري ما تسوى بس ما يهون عليك أشوفك متضايقة بسبتي .. ناظرتها بطرف عينها و رجعت تكمل ترتيب شنطتها:ما تتغيرين أبد .. ابتسمت و هي تجلس على طرف السرير:يا الله بكرة يصير عندك خوات و أبو و أهل و تنسيننا ..؟! خذت أنفاسها بكل عمق:أنسى عمري و لا أنساكم .. ناظرتها بكل تشكيك:نشوف بكرة .. رن جوال جنى .. رمشت جنى بعيونها حتى تضيع دموعها .. و اتسعت ابتسامتها و هي تشوف الرقم وترد ..:هلا و الله و غلا .. ليان من وراء السماعة:يا الخيانة .. أسافر أسبوع و لا أسمع صوتك .. جنى:و الله كل ما جيت أدق عليك أستحي .. !! ليان بكل لوم:ايه طيب العبي علي .. أخبارك يالدبا وحشتيني .... كل البنات وحشوني .. جلست جنب أروى:و الله أنتي أكثر .. و كل البنات فاقدينك .. ليان:دامك فاقديني .. أجل تعالوا لي فـ بيت أبوي .. جنى بكل صدمة:وشو .. أنتي هنا ..؟! ليان:أيه .. وصلت اليوم الصبح .. يا الله تعالوا كلكم .. جنى مو مستوعبة كلامها للحين:من جدك ليون .. وش مرجعك الحين و أنتي توك ..؟! ليان بكل ضيق:ظرف طاريء .. تدرين أبركها من ساعة لأني .. ما أحب أسافر كثير .. جنى:طيب شلون ترجعون و أنتوا توكم حتى أسبوع ما كملتوه ..؟! ليان:ترا يعتبر راح أسبوعين من شهر العسل .. جنى بكل ضيق:حتى ولو .. ليان:خلاص أنا الحين فـ السعودية .. ما في مجال لأي نقاش ..! .. خلك مني متى بتجون ..؟! جنى:وين نجـي ..! ليان:وين بعد فـ بيتنا .. تعالي أنتي و أروى و بدق على رنود و بخليها تجيب رتوج .. و فجر .. أحلى جمّعة و الله .. زفرت بكل ضيق:اجتمعوا كلكم .. لكن أنا موب جاية .. ليان بكل ضيق:يوووه ليييه .؟! استجمعت قوتها من جديد:جايتك فـ الحكي .. و بقول لك عن كل شيء .. .._.._.._.._.._.. واقفة بنص المطبخ و بكل ضيق:على طول نامت ..! أم نواف و هي تشييك على قدور الغداء:أكيد تعبانة عقب الطريق .. ريم:مدري حسيت أنها تضايقت من روحة مياف لـ بيته ..! أم نواف بكل ضيق:هو معها طول ذيك الشهور .. عشان يوم خربت الدنيا .. ريم:قلت لك حسيت هي ما قالت شيء .. أم نواف:طيب روحي صحيها .. عشان الصلاة على الأقل .. ريم:يمديها تجمع هي مسافرة .. زفرت بكل ضيق:روحي صحيها .. أبيها معنا على الغداء .. طلعت من المطبخ بكل ضيق:طييييييييب .. .. . غيرت ملابس ولدها و هي تتبسم بكل تلقائية .. زفرت بكل راحة و عيونها تحوم فـ المكان .."هاذي غرفة نواف أيام العزوبية ..! .. أكيد تعني له الكثير" .. رفعت ولدها لحضنها و نزلت رجولها على الأرض .. طقت الباب عليها .. جوري و الحيرة بصوتها:ميييييييييين ..؟! ريم من وراء الباب:أنا ريووم .. اتسعت ابتسامتها:حياك ريوم .. دخلت و نظرة اللوم بعيونها:تتمصخرين علي ..! الجوري:لا و الله .. أنتي اللي قايلة كذا ..! سكرت الباب و دخلت:من متى صاحية ..؟! جوري:ما صار لي نص ساعة .. صليت و غيرت لـ رشود .. مدت يدها:عطيني يا فديت قلبه .. مدته لها .. بكل تردد:من عايش هنا ..؟! ريم و هي تضم ولد أخوها لصدرها:أنا و أمي و أبوي و ليلى .. جوري بكل استغراب:ليلى ..!! ريم:ما شفتيها أمس .. لأنها تعبانة و كانت نايمة فـ البيت .. جوري:اها .. ريم و بتردد اكبر:ما دق عليك نواف ..؟! هزت رأسها بالنفي:لاء ليه ..؟! ريم بكل صراحة:بغيت أعرف وش صار بينه و بين النسره .. جوري:حرام عليك تقولين كذا .. ريم بكل لوم:بلاك ما ذقتي اللي ورتنا اياه ..ما ألومك ..! ابتسمت:هو متى ما تفاهم معها أكيد بيجي لهنا .. ريم و هي توقف:ايه أكيد .. –مشت خطوتين لعند الباب:يا الله بأخذ رشود لأبوي .. من قام و هو مزعجنا وين رشود وو ين رشود .. ابتسمت لها:يا الله دقيقتين و ألحقك .. سكرت الباب وراها و هي تصرخ:باااااااااي .. زفرت بكل راحة .. ما كملت اليوم فـ هالبيت و الحمد الله الكل متقبلها و يعشق ولدها .. خطوتين مشتهم لـقدام .. استوقفتها رنة لجوالها .. رجعت له بعد ما نسته على الكامدينة ... ابتسمت و هي ترد:اهلين .. ابتسم بتلقائية أول ما سمع صوتها:صباح النور .. جلست على طرف السرير:أي صباح الساعة ثنيتين الظهر .. اتسعت ابتسامته:أدري بس ما أحب يمر يوم من غير ما أصبحك .. جوري:اهاا .. طيب صباحك سكر .. نواف:عساك ارتحتي فـ السرير .. أكيد وجعك ظهرك قاسي شوي .. جوري:بالعكس .. ارتحت كثير يكفي إن ريحتك فيه .. نواف:بعد عمري و الله .. ابتسمت من جديد بكل خجل:موب جاي .. نواف:إلا أكيد ؟؟ بس للحين ما جلست مع دلال .. جوري:توقعتكم تفاهمتوا أمس ..؟! نواف:لااء .. وصلنا للبيت قالت تعبانة و بتنوم .. و أنا مهدود حيلي من الطريق .. جوري بكل لوم .. و تحاول تبعد عن سالفة دلال:قلت لك احجز فـ القطار مرة ثانية بس ما طعتني .. نواف:ما شفتي الحجوزات كلها زحمة و اللي فاتتنا الإثنين ما فيه غيرها إلا الأربعاء و الكل مجتمع أمس عشاننا ..! زفرت بكل ضيق:خلاص اللي صار صار .. يا لله حبيبي أنا بسكر لأني قلت لريم بلحقها و ما أبي أتاخر .. نواف:طيب حياتي .. نص ساعة بالكثير و أكون عندكم .. جوري:إن شاء الله حبي .. .._.._.._.._.._.. ريناد بكل لهفة وشوق:وينك حبيبي أشغلتني عليك ..؟! بسام بكل آسف:و الله موب بيدي .. تعرفين الجوال بعيد عني .. و عادل موب فاضي لي .. ريناد لكل لوم:بس أنا علمتك على الاتصال السريع ..!! بسام:خلاص حياتي .. المهم الحين أخبارك و أخبار البيبي ..؟! ريناد:أنا موب بخير دامك موب حولي .. زفر بكل ضيق:ما عليه حياتي .. كلها يومين و راجع .. ريناد:يومين ..!!! .. اووف وش يصبرني ..؟ بسام:ما عليه لما أرجع .. بتعرفين كل شيء و صدقيني أنك بتفرحين عشاني .. ريناد بكل فضول:ليش أفرح .. أنت وش تسوي هناك ..؟! بسام:قلت لك لما أرجع .. ريناد:طيب عمري أخبارك أنت .. وش مسوي هناك و عساك مرتاح .. بكل راحة:الحمد الله .. عادل موب مقصر معي .. ريناد بكل غيض:ترا صرت أغار من هالعادل .. تكلمه و تجلس معها أكثر مني .. بسام و ابتسامته تتسع:تراهم كلهم يومين .. لا تحقدين على الرجال .. ريناد:لا بكرهه دامه مأخذك مني .. بسام:ما عليه بكرة تحبينه .. .._.._.._.._.._.. .._.._.._.._.._.. نزلت من شقتها و هي تلبس عبايتها .. ابتسمت وعد:على وين القمر رايح ..؟! ردت لها الابتسامة ليان:بروح أزور أمي و أشوف أخواني .. أم راكان و هي تنزل الفنجال:سلمي عليها يا يمة .. ليان:إن شاء الله .. نزلت وراها:على وين العزم توك جاية و إلا رجلك مأخذه ع الطلعات ..؟! ناظرت وعد فـ نسرين بكل حدة:يا فتاح يا عليم ..! نسرين بكل احتقار:خلك على جنب يالبزر .. أم راكان بكل ضيق:يعني أنتي اللي ما تطلعين .. نسرين بكل لوم:خالتي ..!!! أم راكان بكل غيض:على الأقل ليان رايحة لأهلها لكن أنتي كل يوم عند خالاتك و مناسبات ما لها داعي .. نسرين بكل ضيق:ايه استقو علي .. صارت عندكم مرت ولد ثانية .. و بتجحدوني ..!! وعد بكل غيض:ثالثة بس تراك صادقة .. بالنسبة لنا ما عندي غير حريم عيال ثنتين بس .. نسرين بكل حقد:طيب يا وعوود أنا أوريك .. ليان بكل ربكة:يا جماعة هدو ما تستـ .. قاطعتها بكل عصبية:أنتي و لا كلمة .. أنتي أساس البلاء فـ هالبيت من دخلتي الكل منقلب علي .. أم راكان:نسرين .. قصري حسك بوجودي و بعدين ليان موب أصغر عيالك عشان تصارخين عليها .. ليان بكل إحراج:ما عليه يا خالتي .. نسرين بنفس نبرة العصبية:طبعا .. أنتي الطاهرة الشريفة .. و البريئة .. ليان بكل ضيق:نسرين ..!!! نسرين:ايه .. ايه اطلعي على حقيقتك .. سحبت وعد ليان من يدها ..:اطلعي بس تلقين راكان ينتظرك على نار .. ليان:بسسس .. نسرين بكل غيض:تسكتينها عشان ما تتمادى بس أنا أوريك ..-خلصت كلامها و رجعت تطلع لفوق .. ليان بكل خوف:كان خليتيني أكلمها .. همست وعد:هاذي إنسانة مريضة .. يتقعد تجرك فـ الكلام لحد ما تغلطين و عقبها تقلب الموضوع عليك .. زفرت أم راكان بكل ضيق .. و هي تهمس:استغفر الله العلي العظيم .. .. نزلت النقاب على وجهها و عيونها كلها لوم لـ وعد .. طلعت و الضيق يخنقها .. ما تعدوت على هوشات بهالحجم ..!! .. ركبت السيارة .. و كملها راكان:كان نمتي بعد ..؟! ليان بكمل ضيق:راكان الله يخليك موب وقتك ..؟! رجع يهدي نبرته:وش فيك ..؟! ليان:مرت أخوك نزلت تتهاوش معي و مع أختي .. زفر بكل ضيق:عسى ما تكونين رديتي عليها ..؟! ليان:كلمتين بس و سكتتني وعد .. زفر بكل ضيق و هو يحرك السيارة:الله يستر .. برجع و القى حمد نافخ الصدر و معصب .. ليان بكل خوف:ليه دايم يصير كذا .. راكان و عيونه على الطريق بكل تركيز:هي كذا كل ما قامت فترة تهاوشت مع وعد و تعرفين وعد ما تسكت لها .. و تشب حريقة فـ البيت .. عاد الحين شيء جديد .. أكيد بتفنن فـ الكذب على حمد .. ليان بكل ضيق:أخوك موب بزر .. و بعدين هي موب أول مرة المفروض يعرف إن زوجته شرانية ..! راكان:هنا المشكلة .. موب معترف إن زوجته شرانية و كل مرة نسكت حتى ما تكبر المشكلة ..-تنهد بكل ضيق .. ارتسمت بعيونها نظرة حزن .."أووف من أولها مشاكل .. الله يستر منها شكلها عقربه و موب فاكتني من شرها ..!!" .. .._.._.._.._.._.. وقف سيارته فـ موقف العمارة .. حس بالتردد يوتر أعصابه .. جمان و الاستغراب بعيونها:ويننا فيه ..؟! مياف:هاذي العمارة اللي ساكن فيها أنا .. أنا ساكن بشقة لحالي .. جمان بكل تردد:يعني أنا وياك بنكون لحالنا ..؟! مياف بربكة:تقريبا .. جمان:أكيد فيه غرفتين بالشقة .. حك رأسه بكل إحراج:أكيد فيه .. بس فيه شيء أبي أقول لك عنه ..؟! جمان وحيرتها تزيد:وش هالشيء ..؟! زفر بكل ضيق:فيه شخص فـ الشقة .. جمان بكل صدمة:صديقك ..؟! هز رأسه بالنفي:لاء .. وحدة .. بلعت ريقها بكل خوف:من هالوحدة ..؟! فرك جبينه بكل توتر .. زفر بكل ضيق .. ما في مجال للتهرب أكثر .. ... :وحدة كنت أعرفها من زمان .. و الحين هي بأزمة و تاركه بيت أهلها فـ سكنتها عندي .. زفرت بكل ضيق .."دايم تسمع .. عن العلاقات المحرمة .. و عن مواعيد الشباب و البنات .. بس بحياتها ما كانت تصدق أبد ... تحس هالشيء بعيد عن مجتمعنا او بالأحراى ما شافته بمجتمعها اللي يحيط بها .. زفرت بكل ضيق:فهمت عليك .. أصلا كذا أحسن عشان ما نكون لحالنا .. ابتسم براحة:يالله انزلي .. فتحت الباب بكل ضيق .."بشوف الحرام و بسكت غصبن عني مو بيدي ..!".. .._.._.._.._.._.. نزلت شنطتها و علامات عدم الرضا واضحة على وجهها .. ابتسمت أختها لها:نورتي البيت .. خذت نفس و هي تحس بالمكان يضيق بها:شكرا .. نزلت من الدرج بكل حماس:هلااااااا و الله و غلااااااا .. نزلت الجازي عبايتها:اقربي نوف سلمي على خالتك .. قربت نوف و بكل حماس:حيا الله خالتوو .. و اخيرااا ..! الجازي:بنت .. شوي .. شوي .. سحبتها مع يدها و جلستها:شكلك توك صغيرة كم عمرك ..؟! ناظرتها جنى بكل استغراب .."مطيحة الميانة من أولها" .. لفت على أمها ..:وش فيها ما تتكلم ..؟! الجازي:أكيد تعبانة من الطريق .. قومي جيبي لها كاس موية .. نوف بكل ضيق و هي تمشي للمطبخ:حشى لو أنها جاية من جدة ..! جلست قبال جنى و بكل هدوء:أدري موب سهل عليك ..بس ما في شيء توقف الحياة عليه ..! زفرت بكل ضيق:وين غرفتي ..؟! الجازي:فوق بدل الغرفة ثلاث غرف فاضيات .. بس أنا أبيك تجلسين معنا و تصيرين وحدة فينا .. زفرت بكل ضيق:موب مستعدة لـ هالشيء ..! الجازي:الانسان يتكيف مع أي مكان و فـ أي وقت .. تنهدت بكل ضيق و عيونها تحوم فـ المكان .. طلعت من المطبخ و بيدها كاس الموية .. مدت لها:تفضلي .. خذته منها و همست:شكرا .. جلست نوف جنيها:وش هالحكي .. الأهل ما يقولون كذا لبعض .. الجازي بكل لوم:نويفة موب وقت فلسفتك ..! ناظرت فـ أمها بكل لوم:هذا جزاي أبي أدخلها جو ..! الجازي:خلك ساكتة أصرف ..-رجعت ترفع عيونها على جنى:أتوقع أنك متحمسة مثلي نلتقي بـ أبوي و باقي خواتي .. ارتجفت بكل خوف:أبوي ..! الجازي:ايه أبوي .. أنا عندي رقمه و عنوان بيته .. و إلا وش رايك نروح لشركته .. بس أنا ودي ألم شمل خواتي قبل .. خذت نفس بكل راحة:طيب وش تعرفين عن باقي خواتنا ..! الجازي:توأمك .. عندي عنوان الحرمة اللي حطتها أمي عندها ..! جنى بحماس مفاجئ:صدق ..! ابتسمت الجازي:ايه .. وش رايك نروح لها بكرة ..؟! جنى بكل تردد:طيب وش بنقول لها .. اتسعت ابتسامة الجازي و هي تلاحظ حماس جنى معها:عندي أوراق أمي كتبتها بخط يدها عن مكان جواهر و أكيد هي ما راح تقدر تنكر و خاصتن أنها عقيم .. جنى بكل صدمة:عقيم ..! هزت رأسها بالتأكيد:ايه .. جنى بكل تردد:طيب أنتي قلتي إننا أربعه و الرابعة وينها ..؟! الجازي بكل ضيق:مدري .. بس أكيد راح نوصلها .. لأنها مسجلة باسم ابوي .. مثلي .. رجعت نظرة الحزن ترتسم بعيون جنى:أنا أمي ..-سكتت لثواني:قصدي جدتي سجلتني باسمها وش بيصير على اسمي ..؟! الجازي:هاذي قضية تزوير .. بس دام جدتي ماتت الله يرحمها محد بـ يتحاكم .. و إن شاء الله لما نلتقي بأبونا و يعترف بنا يتغير اسمك فـ كل شيء .. زفرت بكل ضيق:وشلون برجع الجامعة كذا ..! نوف بكل حماس و اخيرا لقت نقطة قدرت تدخل نفسها فيها:أنتي بالجامعة ..؟! هزت رأسها بالتأكيد:ايه .. نوف:حلو .. أنا السنة الجاية بروح الجامعة .. و أحس إني خايفة .. ابتسمت جنى:أول ما تدخلين الجامعة بيتغير احساسك و بتحبينها .. وقفت الجازي و إحساس السعادة يتملكها و هي تشوف أختها تدخل جو مع بنتها و من ثواني تحمست لـ نفس هدفها .. لمّ شمل العايلة من جديد .. .. توجهت للمطبخ حتى تجهز القهوة و الشاي و كلها أمل ما تغيب شمس النهار إلا و جنى يغيب إحساسها بالخوف و الغربة ..! .._.._.._.._.._.. زفر بكل ضيق:أنا لحين موب فاهم وش تبين يا دلال ..؟! حطت رجل على رجل:لا فاهم بس تستغبي علي ..!! نواف بكل ضيق:دلال أنا وأنتي موب بزران .. قولي وش عندك على بلاطة ..؟! دلال:قدم نقل للشرقية .. وارجع أنت وياها هنا مثل قبل .. نواف:نعم ..! دلال:مثل ما سمعت .. نواف:بسس ..! دلال:هذا شرطي الوحيد .. حتى ابقى على ذمتك .. نواف بكل ضيق:ما أقدر .. إذا رجعت بينزل الراتب و مميزات كثيرة بخسرها .. دلال بكل عصبية:يعني شغلك أهم .. نواف:أنا قلت لك ... تعالي معي بس أنتي ما طعتي .. دلال بكل تردد:و اترك بيتي ..! نواف:موب ضايع .. دلال:يعني للحين تبيني اجي معك ..؟! نواف:ايه اكيد .. مثل ما جبت شقة لـ جوري أقدر أجيب لك .. دلال:طيب و بيتي ..؟! نواف بكل عصبية:بيتي .. و بيتي .. اللي يسمعك يقول ما تطلعين شبر منه .. دلال:أنت تدري وش قد صعب الواحد ينتقل من بيت لـ شقة ..! نواف:يا سلام ..!! أنتي فـ بيت أهك 24 ساعة محبوسة فـ غرفة .. دلال:من قال ..؟! زفر بكل ضيق:موب قصدي بس أنتي هناك جالسة فـ غرفة موب قسم ..! تنهدت بكل ضيق:بس أنا ما أحب الرياض ..! نواف:طيب قولي لي وش تبين و أنا أنفذه لك .. دلال:خلني أفكر ..! وقف:خلاص خذي راحتك فـ التفكير و أنا رايح لـ بيت أهلي .. دلال بكل ضيق:أمداك تشتاق لها .. بتروح تشوفها .. زفر بكل ضيق:لا بروح أشوف أهلي .. تبين تصدقين تعالي .. بكل غرور:ما اجتمع معها فـ مكان .. حط فـ بالك هالشيء كـ واحد من شروطي .. نواف:بكيفك .. أنا موب جابرك على شيء ما تبينه ..!! .._.._.._.._.._.. يسوق بسيارته بين الشوارع .. من غير ما يحدد وجهته .. المهم يتمشى مع ولد عمه و بس .. عامر:يعني خلاص وافقوا .. ريان جالس جنبه:ايه .. أبوي فتح الموضوع و الكل مأيده .. عامر وعيونه على الطريق:لأن الكل عارف بالسالفة قبل لا يتكلم .. ريان و هو متفاجئ:صدق ..! عامر:ايه أمس سمعت أمي تقول لأبوي عن السفرة و سمعتها تقول إن خالتي أم بسام هي اللي مقترحة الموضوع يعني الكل داري .. ريان بكل استهزاء:يا حبهم لاستهبال .. عامر:أهم شيء كسبنا إجازة مجانا .. من غير ما نطلبها أو ينخصم من مرتباتنا ..! ريان و بعيونه نظرة تفكير:جنى بتجي معنا ..؟! عامر:لا وين تجي ..؟! اليوم راحت لـ بيت أختها .. ريان بكل صدمة:أختها ..؟! عامر:ايه ما دريت ..؟! هز رأسه بالنفي و بصوته نبرة خيبة أمل:لاء .. عامر:أختها الكبيرة أصرت تأخذها عندها تقول جلستها عندنا غلط .. زفر بكل ضيق:يعني ما راح نقدر نطلع معها ..؟! عامر:بهالوقت لاء .. بس بعدين نقدر .. بما أنها أختنا من الرضاعة .. زفر بكل ضيق:خسارة .. عامر بكل فضول:ليش وش عندك مع جنو ..؟! ريان بكل ضيق:و لا شيء بس حبيت نطلع معها .. أكيد ضيقتها بتزيد .. زفر بكل ضيق:الله يعينها .. .._.._.._.._.._.. فتح باب الشقة:حياك ادخلي برجلك اليمين .. ابتسمت من وراء الغطاء و هي تحس براحة نسبية .. سكر الباب و هو يعلي صوته:غزل .. غزززل .. اتسعت ابتسامتها أول ما مرت صورت صديقتها فـ بالها .. طلعت من الغرفة و هي مستغربة حماس مياف:نعم ..-زادت غرابتها و هي تشوف وحدة محتشمة فـ حجابها لـ درجة أنها موب مبينة منها غير حبات عيونها .. رفعت النقاب من على وجهها .. و ملامح الصدمة تتعمق فـ وجهها .. همست بكل صدمة:غزل ..! غزل و صدمتها تفوق جمان:جماااان ..! تلاشت ابتسامته .. و الصدمة تأخذ مكانها بوجهه:تعرفون بعض ..! .._.._.._.._.._.. بكل حماس:الحمد الله همّ وانزاح .. سامية من وراء السماعة:يا لله عاد شدي الهمة نبي الرجال يتعلق فيك .. لوجين بكل غرور:تاركته آخر شيء أنا متأكدة أنه من نظرة وحدة بيموت فيني .. سامية:يا ليل الثقة .. لوجين بكل عصبية:سامية ..! سامية:يا أختي وش فيك أنبهك .. هذا الجزا ..؟! لوجين:أنتي قاعدة تحطمين .. سامية:خلك من بدر و جنى الحين .. عيسى وش بتسوين معه ..؟! لوجين:هذا أنا مزعج أمي من أسبوع عشان أروح الشرقية و قابلة .. موب حب فيه بس عشان يخلص لي سالفة ريتاج بسرعة .. سامية:طيب ليش ما تروحين معي بكرة .. أنا ماشية الصبح عشان سميرة مسوية بارتي هناك .. لوجين بكل حسرة:ياليت أهلي مثل أهلك .. كان كل يومين هناك .. زفرت بكل ضيق .."أهلي وينهم ..!" ..:طيب متى بتروحين ..؟! لوجين بكل ضيق:للحين المحكمة العليا ما حددت متى بالضبط .. سامية:خلاص أجل بجلس هناك لحد ما تروحين و لـ وصلتي علميني عشان أطلع معك .. أعلمك على الأماكن هناك و بنفس الوقت أهلك ما ينشبون فيك ..!! .."مجنونة أنا عشان تسرقين عيسى مني مثل اللي قبله" ..:أوك حياتي .. متى ما قرروا بـ أعطيك خبر .. سامية:طيب حياتي .. أنا مضطرة أسكر عشان أجهز لبارتي الليلة ... لوجين بكل حماس:عندك بارتي اليوم ..؟! سامية:يب نصور مسوية ..؟! لوجين بخيبة أمل:مختلط لاء مقدر أروح خسارة .. سامية:الحين وش الفرق بين أنك تقابلين شباب فـ مطعم او كافي شوب و أنك تشوفينهم فـ بارتي بالعكس .. فـ البارتي مجموعة و محد يقعد يألف عليك كلام .. زفرت بكل ضيق:ما عندي مشكلة .. بس ما أبي أتورط فـ شيء و أنا مع عيسى تعرفينه شكاك و عصبي .. سامية تمشي كذبتها لها:ايييه صادقة .. يا الله حبيبي .. بسكر لازم أروح .. لوجين:أوك باي ..-سكرت الخط و رمت الجوال ..:لو علي نطيت هناك من المغرب .. بس ما عندي غير علل .. قضيت من سطام و طلع لي بسام و زوجته .. . الدور الأرضي .. ليان بكل لوم:ليش ما قلتوا لي يعني حلوه تكلمني جنى و تتشكى لي و أنا موب عارفة وش السالفة ..! ريناد بنفس نبرة الوم:كلنا ما عرفنا إلا بنفس وقت زواجك .. يعني لو قلنا لك كان أشغلناك .. و أنتي خلقه منشغله و متوترة ..! ليان:بس حتى ولو .. قاطعتها فجر:خلاص اللي صار صار و انتهى .. كثر الكلام وش بيفيد .. ليان:عاجبكم كذا .. الحين جنى راحت عند أختها و متى راح نشوفها أكيد بتقاطعنا فترة .. وقفت ريتاج بكل ضيق:ليون اعقلي .. تراك صدعتي روسنا ..!! وقفت أروى:أي والله .. نروح نسولف مع ماريا أبرك .. مشوا ثنتينهم وراء بعض للمطبخ .. ريناد بكل حيرة:ليون وش فيك .. أعصابك مررة فلتانة موب من طبعك ..؟! زفرت بكل ضيق:قبل لا أطلع بغى يشب البيت حريقة ..؟! فجر بكل خوف:أوف .. أكيد وعد تطبخ .. ابتسم بتلقائية:لا موب قصدي حريقة حقيقية .. قصدي هوشة .. ريناد:أكيد زوجة حمد ..؟! ليان و بعيونها نظرة توهان:وش دراك ..؟! فجر:هههههههه .. وعد نبهتنا يوم عرسك .. ليان:صدق ..! ريناد:ايه والله .. قالت لنا أنها شرانية و كنا بنقول لك .. بس يوم عرسك صعععبة .. زفرت بكل ضيق:كلمة شرانية قليلة عليها .. فجر:لازم تتعودين عليها .. لان شكل نفسها طويل ..! .._.._.._.. نهاية الجزء ..