البارت الاول
كانت جالسه بفستان العرس تنتضره ويديها ورجولها ترتجف عمرها ماكانت خايفه كذه. صارت تلعب باصابعها بتوتر تنتضر دخوله انتضرت وانتضرت لساعات بس مااجاء.. تعبت ونعست حاولت تقاوم نفسها بس غلبها النوم ونامت وهيا قاعده ع الكنبه..
في الصباح الساعـــــه 9:00 صحت نوف وناضرت حولها واتذكرت انها خلاص صارت انسانه متزوجه وعليها مسؤليه..وقفت من ع الكنبه وشالت فستانها من تحت ومشت للحمام..وانتم بكرامه وبالغصب قدرت ع الفستان، اخذت بجامه نعومه وعملت دش ولبستها..خرجت من الحمام وهيا تفكر اشلون ماجاء ولاحتى شافها ولا حاول يتعرف عليها تنهدت وراحت تنشف شعرها بالفير..ورفعته كعكه اخذت كحل وكحلت عيونها البنيه وروج هادى بني وخرجت من الغرفه وهيا تطالع الصاله كانت كبيره واثاثها رمادي مشت بخطوات هادئه للمطبخ دخلت وصارت تفتش ادراجها لعل وعسى تشوف شي تأكله انقهرت حين ماشافت شي وقالت:اشلون تاركين المطبخ بدون شي ينأكل لا كذه بموت من الجوع افففف..ولفت على صوت فتح باب الشقه..راحت تشوف شافته يدخل بهيبته وملامحه الحاده وطوله المتناسق مع جمسه..لمحها من تحت ببجامتها بس ماهتم ودخل الغرفه وسكر الباب بدفاشه.استغربت منه وهمست:وش بلاه ذه..مالت فمها بقهر وقالت:وش هلبرود يلي عنده..
مسكت بطنها وتنهدت وكملت:عساني اصبر على هلجوع بس...لفت حين سمعت باب الغرفه ينفتح ويخرج منها ماجد وعلى كتفه شماغه وهو يعدل اكمام ثوبه..
وصار يمشي متجهه لباب الشقه.نوف:هيييي انت لو سمحت..طنشها وفتح الباب وخرج.نوف حطت يدها ع صدرها وقال: هييي ياغبني على حضي ان شاء الله ماكون تزوجت واحد لايرى لايسمع لايتكلم..ومشت للغرفه مسحت الروج وفتحت شنطتها الكبيره وخرج جلابيتها وطرحه لبست الجلابيه وفكت شعرها وقبضته ولفت الطرحه على راسها ولبست شحاطه ورديه وخرجت من الشقه وسكرت وراها..ونزلت لدور الخامس وهنا خرج رجال من الشقه اخذت طرف الطرحه وحطتها على وجهها وماخلت الا عيونها الباينه كان ودها ترجع بس وقفها قوله:ااااا حرمت ماجد..هزت راسها بنعم.ابتسم وقال:حياااك بك انا امجد اخو ماجد
ردت بصوت هادئ:الله يحيك يااخي امجد..امجد:بغيتي امي والبنات.نوف:ايه اذا سمحت.امجد: اجل انزلي لدور الثاني.نوف:طيب. ومشت من جنبه ونزلت.امجد:ابوووك يالعيون وش هلعيون الذباحه..مشت نوف لين وصلت لدور الثاني نزلت الطرحه من وجهها وشافت اطفال قاعدين يلعبون
ابتسمت ونزلت لهم الاطفال سكتو وناضرو لها مستغربين..تذكرت كيف لما كانت بعمرهم ماعاشت شي اسمه طفوله تعذبت من لما كان عمرها ثمان سنوات تبيع بسكويت في الشوارع عشان لقمه العيش..مسحت على شعر الطفله وقفت ودخلت الشقه ماشافت حد
صارت تتلفت يمين وشمال تدور على حد وشافت المطبخ ودخلت وشمت ريحه الاكل وقالت:يازينها من ريحه...مين انتي..لفت نوف ع الصوت وردت:اا انا نوف جيت اكل جوعانه..داليا تناضر لها بااستحقار وكره..
استغربت نوف من نضراتها بس مااهتمت ولفت واخذت لها شويت اكل وصارت تأكل ومتجاهله نضرات داليا..
نوف ملت من النضرات وقالت:مضيعه شي بوجهي..
داليا بمسخره: انتي زوجت ماجد..نوف:لالا انا واحده من الشارع جوعانه دخلت عشان اكول..داليا:تستهبلين
نوف: مو شايفتني امس يعني. داليا ببرود: ماحضرت.. نوف: اهااا معذوره. وكملت تأكل.. داليا بنفسها: وش فيها ذيه نازله في صباحيت عرسها عشان تأكل..نضرت لها نضره اخيره وخرجت.. نوف كملت تأكل حمدت ربها وقفت من ع الكرسي ع دخلت ام علي بعكازتها
﴿ ام زوج نوف ﴾.. قربت لها نوف وباست راسها. ام علي بغير نفس: وش منزلك بهلوقت. نوف: ااا الساعه تسعه ياعمتي.. ام علي بعصبيه: تعلمييييييني ع الساعه استغربت نوف من ردت فعلها المبالغه..نوف: حاشى ياعمتي بس قـــ.. قاطعتها بحده:اسكتيييين انا لما اتكلم ماتردين عليا.. نوف بنفسها: اسكتي اسكتي يانوف تراها حرمه كبيره وعقلها خرفان. هزت راسها بنعم.. هنا دخلت زهره والهنوف ومعهم ياسمين..
ياسمين: عروستنا وش منزلها هلحزه. نوف: كنت جوعانه ونزلت اكول لاتقولون لي ان العروس ماتاكل.
ضحكت ياسمين وقالت: لالا مو كــــ. سكت حين شافت نضرات ام علي الحاده وكانها تقول لاتتكلمين وياها..
زهره: طبخنا احنا وانتي نزلتي تاكلين ماتستحين على وجهك انتي. نوف انصدمت وتاكدت ان الكل كارها ومو طايقنها..ابتسمت ابتسامه مصطنعه وقالت: حبيبتي تراني مااكلت كثير.. ام علي: من بكره تنزلين ع الساعه سته تسوين فطور انتي وبقيه النسوان. وخرجت..
نوف: ستتتته مررره بدري. زهره: على مااعتقد كلام امي سمعتيه زين. ومشت.. ياسمين: اااا ترا احنا كذه متعودين نصحي بدري عشان احنا كثير ونسوي فطور بكميه.. نوف: سمعت انكن سبع نسوان وازيد انا الثامنه مايمدينا نسوي فطور يعني.. الهنوف: نوف خليكي بحالك لاتحتكي بحد . ومشت. نوف: لا اله الا الله وشفيهم ذول. قربت منها ياسمين وقالت: الهنوف وزهره وداليا مايسون شي احنا علينا الفطور والغداء والعشاء والتنظيف والترتيب والجلي. نوف: ليش. ياسمين بهمس: مدلعينهم. وتنهدت وكملت: من بكره تصحين ع الساعه سته وتنزلين تمام. ومشت.. نوف بهمس: سته تراني حتى اذا انا وحدي يمديني اسوي اكل لقبيله مو لبيت.. وراحت صبت لها شاي ولفت الطرحه ع شعرها ومشت بتخرج بس صادفت زهره والمشكله دقتها بالغلط لانها جت مهروله وانكب الشاي ع ايدها لزهره. زهره صرخت بوجع ونادت: يمهههههههه
سمعو صرختها كل يلي في المجلس وقفو وراحو لها
نوف بسرعه:اسفه اسفه والله بالغلط..زهره تحرك يدها بوجع وتنافخ عليها جت امها ونسوان اخوانها واختها واخوها الكبير.ام علي:علامك تصارخين..زهره ببكاء:انحرقققققت يممممه..حرقتني هذه الكلبه..داليا بعصبيه:عمى ماتشوفين انتي.نوف:والله ماكان قصدي تراها جت تجري..زهره صرخت وقالت:يمممممه تحرقنيييييي..ام علي:اقول ياعلي يوليدي خذها ع المستشفى..علي:حطو عليها ثلج وخلاص.زهره بصراخ:القحوني قبل ماتتشوه ايديي يممممممه..ام علي:اقول خذها ياولد.علي:هيا البسي وتعالي.جرت الهنوف جابت العبايه والنقاب وساعدت زهره تلبس واخذها علي وراح..اختلطت الاقول..الله يستر..حرقتها عن قصد اكيد..كبر هلعيون وماتشوف..نوف منصدمه منهم كبرو السالفه اكبر من حجمها..همست:وش بلاهم ذول..ام علي تضرب بعصاها ع الارض وتصرخ:تحرقين ابنيتي هاااه.نوف:والله يــــــ..ام علي قاطعتها بحده:اقوووول اسكتي بس اسكتي وانقلعي لااشوف رقعت وجهك ياللله.ارتعش جسم نوف من الصرخه وتحركت ومشت وطلعت لشقتها فتحتها ودخلت وقالت:يارب استر..وخلعت العبايه والطرحه وراحت ترتب اغراضها وتلهي نفسها بشويت ترتيب وتنظيف...
تعالـــــــــــــو اعرفكم بالشخصيـــــــــات..نسيت 😂
﴿البطله نوف عمرها 19 سنه يتيمه الابوين عاشت عند حرمه من لما كانت طفله..عاشت طفوله مؤلمه ومشتته
مواصفاتها = حلووووووه بشرتها بيضاااااء فمها صغير وسبحان يلي خلقها وردي كروز عيونها كبار ومسحوبات اشوي ولونهن بني ورموشها كبار وكثيف. عيونها تذبح
مااقدر اوصف جمال عيونها.انفها حد اشوي وعليه من اليسار زمام فص فضي..طولها وسط، جسمها نحيف
ويتناسب مع طولها.شعرها طويل بني يوصل لتحت خصرها .عنيده وقويه ومن داخلها حساسه وتخاف بس تحب تضهر لناس انها قويه وهذه ميزتها
طفوليه وبرئيه وكانها مو بنت بعمر التسعطعش طبعاً متخرجه من الثانويه وماقدرت تدخل جامعه بسبب حالتها الماديه ولسبب ثاني لانها اتزوجت ﴾
البطل ماجد طويل.اسمر سمار هادئ وحلو يجذب،
انفه سل السيف وسسييييم بمعنى الكلمه.عصبي ومتحكم ومتملك بس داخله حنون ولطيف عمره 27 متخرج من سنتين مهندس معماري ..
ام علي حرمه كبيره في السن عمرها مايقارب 66
متعجرفه وقويه ومتسلطه وكلمتها تمشي ع الكل
ابو علي متوفي من عشر سنوات.......
علي ابنهم الكبير عمره 45 حنون ومسكين وعلى نياته
زوجته سمر عمرها 35 تحب نفسها وماتهتم لااحد
وحبها وعشقها الفلوس ملامحها عاديه ...
معهم ابن واسمه ضرار عمره 20 طيووووب حيل والكل يحبه
خالد الابن الثاني عمره 35 يعشق حاجه اسمها فلوس
اهم شي في حياته هي الفلوس طمع وجشع واسلوبه مره ينفرز..زوجته امل من طينته ودايم يخططون ويحوكون من وراء الباقي عشان الفلوس والاملاك
..معهم اثنين اطفال رند ومراد.وعمرها نفسه زوجها
الابن الثالث لهم ياسر عمره 31 سنه حاله حال نفسه هادى ومايحب المشاكل ولا القيل والقال..زوجته هند عمرها 26 جميله ودايم تتباهي بجمالها على سليفاتها واهم شي عندها جمالها وطول الوقت وهيا رايحه جايه على صالونات التجميل بس امل وسمر ماخلين لها حالها ويعلمنها ع الكل بعض احيان تكون معهن وبعض احيان تقلب عليهن..عندها ولد عمره اربع سنوات واسمه ماهر
الابن الرابع امجد 29 سنه متقلب المزاج يحب السهرات ويتغزل بالنسوان ويرقمهن كلهن..زوجته ياسمين مسكيييييه ياحليلها طيوبه وعلى نياتها وتحب الكل وماتعرف عن طبايع زوجها، تدلـــــــله وتهتم فيه وهو مقصر معها بس هيا متدينه وتصبر لعل وعسى يتغير
عمرها 25 سنه وهيا الحين حامل من شهرين سمرا وجذابه وكانت هي من اختيار علي لانه يعرف ابوها...
زهره اختهم عمرها 28سنه..مطلقه من ثلاث سنوات
ياربي واشلون نكدبه وماتنطاق والكل عارف ليش زوجها مطلقها بسبب اسلوبها الزفت بس صابرين عليها
ملامحها مره عاديه وسمينه اشوي..
النهوف هادئه بس ماتخفي طيبتها ورقتها
واسلوبها الجميل مع الكل وهيا الصغيره اخر العنقود
عمرها 23 سنه..تدرس بكليه الهندسه نعوووومه
داليا بنت عمهم عماد يلي توفي قبل ثمنطعشر سنه
وامها اخت ام علي وماتت لمن ولدتها وداليا وصيت الكل...الحلو فيها جسمها المشقوق اما ملامحها عاديه بس هي دايم تتزين وماتتغطي ولا على واحد فيهم تعتبرهم كلهم اخوانها تربيتهم هي..عدا ماجد تحبه تعشقه من لما كان عمرها 16 مهوسه فيه بس ماحدا يعرف عن مشاعرها الا الهنوف يلي تحاول تبعدها عن ماجد بس هي ماتهتم..الكل عارف انها تحبه بس قصدهم محبه اخويه مايعرفون نيتها.. حتى ماجد.
عمرها الحالي 22 سنه متكبره ومغروره...
نسيت اقول لكم جدهم عايش عمره الحين 90 سنه متقاعد وتعبان ويمشي ع كرسي متحرك هادى بعض احيان وبعض احيان عصبي
بيتهم عباره عن ثمانيه طوابق الاول مجلس كبير مرررره مع شقه لعلي وزوجته وابنهم الثاني لاام علي وبناتها وداليا والجد.. الثالث لخالد وزوجته واولادهم رند ومراد.الرابع لياسر وزوجته وابنهم ماهر.الخامس لاامجد وزوجته. والسادس لماجد وزوجته... والطابقين الاخيرين فاضين....