الخطر
علا: أنت عارف إن ماما وبابا منفصلين وده عمل فجوة جوايا كل فترة بتكبر اكتر وأنا في المدرسة كنت بشوف البنات باباهم بيعدي ياخدهم ويوديهم الملاهي ويجيب لهم لعب وحلويات ومامتهم بتديهم حاجة كان نفسي فيها من زمان حضن دافي أنا عارفة إن تيتة ادتني جزء من الحاجات دي بس حضن الأم حاجة ليها طعم تاني عمري ما حسيت بالأمان يمكن اظهر قوية لكن كل ده مجرد سور كنت وحيدة والكل في الفصل بيتنمر عليا إني مريضة مجنونة الكل بعد عني ملقتش حد وقف جنبي غير نور كانت دايما بتقف لهم كل ده خلى جوايا إحساس إني فعلاً مريضة لحد ما كبرت واخدت أخيراً الخطوة دي وروحت لدكتور سليم
شريف حضنها: أنا عمري ما هسيبك متخافيش تاني أنا اقدر اديكي كل اللي محتجاه ليه مقولتش من بدري
علا: كنت خايفة خايفة تفتكرني زي ما بيقولوا خايفة تسيبني
شريف: وأنا عمري ما هسيبك أنا بحبك واللي بيحب عمره ما يسيب دواه
علا: شكراً ليك بجد
شريف: بس فيه حاجة لما تيجي تروحي تاني قولي لي اروح معاكي
علا: حاضر أنا رايحة بكرة
شريف: خلاص اديني رنه قبلها واجيلك نروح
علا: تمام تعالى نقعد برة علشان فطوم لوحدها
عدى اليوم فرح والقاعدة كانت احلى بانضمام نور اللي فرفشت علا
اليوم التالي
علا: هههههههههههه لأ يا بنتي أنا كنت قايلاله عليها وهو جه ملقهاش
نور: هههههههههههه حرام عليكي اللي أنتي بتعمليه في الراجل ده
علا: بقولك ايه هقفل معاكي علشان بيتصل شكله جه
نور: ماشي سلام
علا: ألو
شريف: ايه يا علا جهزتي
علا: آه أنا نازلة أهو
د.سليم: أدخل
الممرضه: آنسة علا برة
د.سليم: خليها تدخل
د.سليم: أهلا يا علا
علا: أهلا يا دكتور أنا قولت لشريف زي ما قولت لي
د.سليم: هاه رفض صح
علا: لأ خالص حتى اصر ييجي معايا
د.سليم ظهر عليه الغضب بس بدأ يهدي نفسه
علا: تعالى يا شريف
علا: شريف د.سليم
شريف: أهلاً
د.سليم: أهلاً بيك
علا: طب إيه حضرتك هتبدا الجلسة
د.سليم: أنتي عارفة إن مفيش جلسات النهاردة
شريف: يلا يا علا
علا: في إيه يا شريف
شريف: مش عارف مش مرتاح له
في الليل
في شقة نظامها أنيق يبدو أنها لشخص عاذب هناك شخص يقف في الغرفه المطلة على النيل يقف شخص ينظر للمنظر الرائع أمامه وهناك من يقف خلفه فيشعر به ويلتف ولكن ذهب الأوان باغته الغامض بطعنة