الفصل 12
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم جرعة أمل`*
*❴🔢❵الـــبـــــــــــ❴2️⃣1️⃣والٱخير❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
الجزء الثاني عشر والاخير
طيف: كيف اقنعتي قيس ما افهمت
جيداء :محمد دور عليه وعرف عنوانو وانا اطلعت صدفة بوشو كان رح يدعسني وبتعرفي اجراءات مشفى ومن كلمة لكلمة اتعرفت عليه بس الي ما بتعرفيه
طيف:شو
جيداء: حكالي مرتو ماتت وع فكرة البنت متأثرة كتير من هالخبرية
طيف:هيك مفهم البنت
جيداء :لانو حكالي ياريت ما تجيبي سيرة البنت ما عم تتجاوز فكرة موت امها
طيف:😭موتني كمان وشو حكالك عن خيانتي
جيداء:لا ما جاب سيرتك بنوب الا انو توفيتي
طيف :كتر خيرو يارب وما حكالك اني سارقة وهربانة
محمد:هو حاول يستعطفها مو اكتر يعني مو ببالو يحكي عن الماضي
طيف: واعجب فيكي صح
جيداء:كتير ورح يعرفني على امو
طيف:يا نيالك بأمو عنجد مراة ولا كل النسوان
كانو لتنين عم يضحكو وانا امسح دموعي
محمد:وهي شفتيها والمراة الجاية رح تحاول جيداء تجيبها لهون
طيف: لا تحاولي قيس وبعرفو ما بيامن لحالو مو الك
جيداء:رح احاول ازا ما اقدرت بالحديقة
محمد:وانا بشوف شغلي معو
كان في شي مخوفني هاد قيس حربوق وبفهم بكل امور الحياة بجية ديانا واجود وهشام حكي ومزح وضحك ورحت انا والبنات نجهز ضيافة
ديانا:طيف مو على بعضك
طيف:لا مافيني شي
ديانا:متخانقة مع محمد يعني
طيف:ليش مع محمد
ديانا:يعني انتو بتحبو بعض
طيف:...
جيداء:ع فكرة ديانا بتغار على اخوها
بقلببي:اي متعودة حماتي كانت تغار ع ابنها وديانا بتغار ع اخوها
طيف:لا تغاري مافي بيناتنا شي
ديانا:الله يسمع منك
جيداء:بلا شو بكيفك ست ديانا هلا ارتبطي باجود مين عارض
ديانا:بس محمد اخي وهو من حقنا نحن
طيف:الله يخليلك اياه انا ولا حتى مفكرة فيه واحد بالمية
ديانا:اريح وياريت ما تفكري فيه
شاركناهن القعدة كانت جيداء متجاكرة من كلام ديانا بس انا ما اهتميت ابدا اصلا مبينة انها بتغار عليه كنت كل ما اتزكر سما يدمعو عيوني كيف اتلقت خبر وفاتي واكيد بكيت انا مافيني ع غيابها واليوم كان حلو وبشع بنفس الوقت صوت ضحكاتهن عم تصحيني
جيداء:عمتك محمد نهفة
محمد:بلا عنجد
جيداء:حسيتها عم تفرجي امك انو شوفيني انا وابنك سوى
محمد:هاد الموال من زمان
ديانا:محمد بيسايرها وهي كتير بتحبو لانو محترمها اما علي بيدجها كل كلمة اكبر منها على طول بتحكي لماما علي تربايتك اما محمد تربايتي
اجود:المشكلة محمد مربي حالو وبيربي عشرة معو
تنفست براحة ومو مسدءة ايمتى انام وارتاح من التفكير
. . ........ .
تاني يوم اتصلت جيداء ب محمد من بكير
جيداء :اسفة ازعجتك
محمد:لا عادي
جيداء:قيس باعتلي بدو يشوفني بحديقة مبارح شو رأيك
محمد:اي روحي
جيداء:ومشان طيف والبنت
محمد:انتي افتحي خط وانا بسمع الحديث ورح اخبرك بالخطة التانية
جيداء:ماشيصحى طيف وخبرها تجهز حالها وطلعو تمشاية للحديقة باتصال جيداء وفتح سبيكر كان الصوت مو واضح كتير وفي هوى عم يغطي على اصواتهن
.........
كان مبتسملها بخباثة
قيس:كيفك
جيداء:مشتاقتلك
قيس:مو اكتر مني
جيداء:كيفك سما
البنت بس اطلعت فيها
قيس: روحي حبيبتي اللعبي ع المرجوحة
نزلت بهدوء وراحت كانت حاملة لعبتها وراحت للمرجوحة ولتنين مراقبينها كانت جيداء متمنيه طيف تشوف البنت
قيس:نحكي بصراحة
جيداء: اكيد
قيس:انتي من طرف طيف
انصدمت وخافت بنفس الوقت
جيداء: شو عم تحكي انت مو حكيت مرتك ماتت
قيس:انا ما بتمشي عليي هالاساليب وانتي بدك توقعيني بفخ لتاخدي البنت مني
جيداء:من وين جبت هالكلام مافي منو
قيس:انا اوعى منك ومن طيف زمن الي عم يدبر هالخطة بس حابب اخبرك بشي
جيداء: ...
قيس:انا ما ممكن اخليها تقرب من بنتي خانتني مرتين وهلا جاية تعمل ام على البنت فشرت تشوفها او تحلم تشوفها
جيداء:كيف خانتك ما افهمت
قيس:طالعتني من الضيعة كانت عم تطبق صاحبي وانا كشفت لعبتها واتناسيت وهجيت من الضيعة الي كبرت فيها واجيت لهون وما قصرت طبقت شبين كمان اتعرفت عليهن هون هي ما بتنفع تكون ام وحرام فيها الموت لازم تتعزب وبعدين تموت
كانت جيداء مصدومة من الي سمعتو بس طيف اعقل واهدا ومستحيل تتخيلها عاملة شي من الي عم يحكيه
......
كانو دموعي عم يسيلو كشف الخطة ورح تروح عليي شوفة بنتي فتت بسرعة للحديقة ومحمد كان عم يركض وراي هجمت على البنت ونزلتها من المرجوحة وبلشت اغمرها وابكي
سما:ماما....ماما
طيف:انا هون انا جنبك انا ما متت
كنت سامعة صوت قيس بس ما شفتو شو الي مانعو يبعدني عن البنت
قيس :بعد عني اتركني يا خاينة اتركي البنت اتركيها
طيف:انا بحبك مستحيل اتخيل حياتي بدونك يا روحي كبرانة وحليانة مين عم يهتم فيكي
سما:تيتة وعمتو مريم ماما ارجعي حكولي انك متي بس انا ما سدءت ما دفنوكي خليكي معي يا ماما
كنت شبه منهارة حملتها وكنت بدي اهرب فيهاكانو عم يتضاربو محمد وقيس كنت خايفة على محمد لهيك وقفت وجيداء اجت لعندي
طيف:اتصلي باجود امانة
جيداء:لا تخافي محمد بيدبرو
طيف:كيف بيدبرو انا مابدي يتأذى بسببي
جيداء:خلينا نمشي وبيدبر حالو هو رجال
طيف :لا لا مابترك محمد بين ايديه خلي البنت معك
كانت سما خايفة على قيس وتبكي وانا رحت لفك بيناتهن
محمد:طيف ارجعي ولا تدخلي
اتفاجئت بأنو قيس معو سكين سحبو معاد اقدرت بلشت اصرخ
طيف:اتركو اتركو خلص مشان البنت اخدها
قيس:جيبي البنت بتركو
طاوعتو دغري
طيف:اتركو
قيس:لا بقى تطلعي بوشي طيف رح امحيكي المرة الجاية
ترك محمد وحمل البنت ومحمد سحب مسدس كنت عم اترجاهطيف:اتركو يروح امانة ...بنتي معو لا تقوص عليه...خليه يروح
محمد:والبنت
طيف:انت عملت الي عليك وزيادة خلص مستحيل يتنازل عنها
ضب المسدس وجيداء لساتها مصدومة من كلشي صار
طيف:وجعك
محمد:مو مهم خلينا نمشي
جيداء:الاحسن نترك المكان انا ما تخيلتو لهدرجة شيطان
اعطتني لعبة البنت شديت عليها وكانها قطعة من قلبي وكنت خايفة على محمد كتير ارجعنا للبيت لتلات يأسانين
جيداء:شو هالرجال هاد حاسب حساب لكلشي كيف عرف انو متفقين عليه كان بيعرف انو في طرف تالت بيقصد محمد
طيف:هو حدا شكاك كتير مو شوي ما عندو ثقة حتى بحالو
محمد:...
طيف:محمد شيلو من بالك
محمد:لا شلتو من بالي لا تخافي بس انا زعلان مشانك
طيف:الله بياخدلي حقي منو
محمد:لو مو معمم اسمك كنت رح ارفع عليه قضية تجيب اجلو والله
جيداء:كمان معمم اسمك
طيف:متهمني بسرقة دهب وانا اصلا شلحني كلشي دهب لبسوني اياه اهلي وهو
محمد: وكيف نفذ هداك السنسال
طيف:حاول كتير يستعطفني و اوقات بالقوة ما قدر ياخدو
محمد:وانا بعتو
طيف:انت عادي هو لا
جيداء:انا اسفة طيف كان بدي اساعدك
طيف:لا تهتمي خايف عليها مني
جيداء:عنجد لساتني مصدومة منو
طيف:انا متوقعة منو كلشي
جيداء:انا لازم ارجع للبيت بشوفكن اي او تعالو اسهرو عندي
ودعتها ومحمد ماشي وحسيتو مو على بعضو
طيف:عم تفكر بكلامو
محمد:لا واضح انو مريض لا تهتمي اي
طيف:انا اسفة حطيتك بهيك موقف
محمد:خلص بدنا ننسى
....
بقلبو:لجيبك لعند صرمايتي يا كلب لخليك تتمنى الموت وما تلاقيه يا وسخ لاحرمك البنت متل ما عم تحرمها من امها رجعو للبيت فات ل غرفتو كان مقهور من عملتو مع طيف حس انو خذلها
محمد:اتخلت عن البنت مشاني خافت عليي خوف مو طبيعي كيف فيني اتخلى عنها او اوقف ضدها ليش عملت هيك معقول الي عم افكر فيه طيف بتحبني متل ما بحبها
اتمدد ب تعب وما عم تروح صورتها من مخيلتو وهي عم تبكي وخايفة عليه وتنازلت عن البنت كرمال قيس يتركو
محمد :اوقعت يا قيس وماحدا سمى عليك بدل تيابو وطلع من البيت بسرعة قضى مشوار ضروري ورجع للبيت كان حاسس بطيف
وكبرت بعينو كتير وقت خافت عليه لساها ب غرفتها دق الباب وفات كانت حاضنة اللعبة وعم تبكي قرب لعندها قعد حدها كانت عم تتماسك
محمد:انا السبب
طيف:لا انا.... انت عملت الي عليك بس انا خربت كلشي
محمد:ورح تنسي سما
طيف:انساها مستحيل بس خلص انا ايأست منو قلبو من حجر شيطان ع هيئة بشر
محمد:ما توقعتك تتخلي عن سما
طيف :وقت شفتو ناوي يقتلك ما استوعبت هو بيعملها اجرامي انا بعرفو منيح ...ما بيقصر وقت يحس انو انغلب مستعد يقتل امو كمان
محمد:وكيف فيني اتجاوز هالموقف انتي احكيليطيف:ولا انا مارح اتجاوز موقف اليوم بتعرف منيح سما شافتني وعرفت اني عايشة وهالشي بيكفيني كمان هي خافت على قيس
محمد:اكيد ابوها وانتي ليش خفتي عليي
طيف:...
محمد:احكيلي انا بدي اسمع منك بدي تفسير ل يلي صار
طيف:🥺خفت افقدك ....انا بعد ما حسيت بالامان معك ما تخيلت افقدك ما استوعبت فكرة تموت وتتركني بهالدنيا واجه لوحوش الي فيها لحالي انا مأمنة ع سما عند قيس انا بعرف انو بحبها اكتر من حالو ومستحيل حدا يأذي شعرة من شعراتها بس انت ما حدا بيعوضني عنك لا هلأ ولا بعدين
محمد:بتحبيني
طيف ....
هزت راسها بعفوية
محمد:وانا بحبك بس انا حابب اسمعها منك انتي
طيف:مو اليوم انا تعبانة كتير
محمد:اتركك ترتاحي
طيف:لا خليك جنبي انا برتاح وقت اتأملك
كان قلبو عم يدق بسرعة غمرها واستسلمت بحضنو وهي عم تبكي وبحضنها لسى لعبة بنتها
........
ما اقدرت اتجاوز الي صار وكل ما اتزكرت الموقف وكيف كان قيس بدو يقتل محمد يكش كل بدني خفت عليه وما اتخليت عن بنتي بسهولة بس حسيت انو محمد مو هامو الا يرجعلي بنتي وهو عمل الي عليه وزيادة كان نايم جنبي كنت عم اتأمل تفاصيل وشو عن قرب هو كتير حلو وبحس ملامحو ملائكية لو عندو شوية زعرنة مسحت على دقنو وضليت عم اتأملو لحتى اتحرك غمضت عيوني ومثلت النوم كنت حاسة عليه مسكلي ايدي وباسها وكان عم يمحسلي على شعري وخدودي وقت رمشت دغري بعد ايدو فتحت عيوني واتاملتو كان مبتسمليمحمد:ازعجتك
طيف:لا
محمد:كيف صار ومخليتني نايم جنبك لازم قلعتيني
طيف:لا اصلا البيت بيتك
محمد:بس الغرفة مو غرفتي
طيف:...
محمد:ما أكدتيلي متل كل مرة نحن اتزوجنا كرمال شو
طيف:بس انا حابة أكمل معك عنجد
محمد:افهم انو كنت بأختبار ونجحت
طيف:اي صبرك عليي وكتير مواقف اكدتلي انك بتحبني يعني مو شغل مصلحة يوم او يومين
محمد:لكن انا اجدب لجيب شيخ واكتب كتابي عليكي هيك بس للسترة
طيف:ايوااا اي طالع المخبي
محمد:لو ما اعشقت الأنوثة الي بتشع منك ما ممكن اتجوزك وحتى ما بتخيل اني مع اي مراة بالعالم
طيف:مع انوووطموحك اكبر من هيك مو مراة متجوزة
محمد:هههه كنت حابب اسمعك حكي لكن انا ازعر
طيف:لكن شو بتسمي كل الي شفتو منك
محمد:زعرنة
طيف:هههه مو كل المواقف بعض المواقف
محمد:ايه يا طيف اخر مرة بنام على تختك بغرفتك
اتجلس بسرعة
طيف: ليش ازعلت
محمد:لانك عم تتهميني بصفة مو موجودة فيني
طيف: ههههه
غمرتو بكل قوتي
طيف:والله احلى ازعر بالعالم
ضحك وشد الغمرة بدقة الباب وخفت كتير
محمد:شبكي مقفول لا تخافي
طيف: مين بدو يجي
محمد:اجود او جيداء
طيف:اطلاع بسرعة لكن
محمد:...راح هو يفتح وانا رتبت شعراتي ونطرت عند الباب غريب ديانا
ديانا: وينك ليش ما عم ترد عليي
محمد:انا...شوفي رعبتيني
ديانا:ماما بالمستشفى انا حاولت اتواصل معك مسكر موبايلك
محمد:شو صرلا فهميني
ديانا:مابعرف فجأة فقدت الوعي وما بعرف هني نقلوها للمشفى وانا اجيت لعندك
محمد: ...
اسمعت صوت ضربة الباب وكانهن راحو كان قلبي عم يغلى على محمد خفت عليه كتير وضليت عم استناه يرجع اتصلت ب اجود بعد ما فقدت الامل باني اتواصل مع محمد
اجود:اهلين طيف
طيف:شو كيف صارت امو لمحمد
اجود:لساتها بالعناية المشددة
طيف:ومحمد وين
اطود:انا اطلعت احكي برى الوضع شوي مأساوي
طيف:طمني عنها يا اجود
اجود:اكيد لا تشيلي هم وازا بدك اي شي اتصلي فيني
طيف ماشي
ما اقدرت انام الليل موحش وبارد كنت مقهورة عليه يعني باللحظة الي كنا سوى امو كانت تعبانة انا منحوسة اكيد
شديت على لعبة سما وبوستها هي من ريحة بنتي ودموعي سالو على كلشي عم يصير معي
......
رجع للبيت بعد غياب يوم كامل كان تعبان من قعدة المشفى والظاهر طيف حست عليه طلعت من غرفتها بسرعة
طيف:محمد...طمني كيف صارت امك
محمد:لساتها بالعناية
طيف:..سلامتها...رح تتحسن
محمد:انشالله
طيف:..
فات ل غرفتو اخد تياب وراح للحمام عمل دوش وطلع يقعد بالصالون كانت طيف عاملة قهوة وهو كتير حزين على وضع امو
طيف:اتفضل
بقي ساكت
طيف:بتتحسن اكيد لا تشيل هم
محمد:..
طيف:هي من زمان مريضة
محمد:اي من سنتين
طيف:شو مرضها
محمد:سرطان
شاف الصدمة بعيونها وقلبو غص وهو عم يخبرها
طيف:عنجد...انا اسفة ما كنت بعرف
محمد:عطول بتنتكس بس هالمرة طولت بالعناية والدكاترة ما طمنو ابدا
طيف:الله لا يضركن فيها
محمد:تسلمي
شرب القهوة ورجع للمستشفى كان بس علي موجود ولتنين زعلانين
محمد:ما اجى بابا
علي:اجى وراح
محمد:مابدي اياك تضعف انت بتعرف انو تضاعف المرض باخر فترة
علي:انا ما بتخيل حياتنا بدونها
محمد:بس لازم نتوقع كلشي
علي:لا تحكي هيك بترجاك رح تصير احسن من اول الله يلعن هداك المرض عيشنا على اعصابنا سنين
محمد:الي كاتبو الله بدو يصير
بجية اجود والدكاترة فاتو يركضو على غرفة المريضة حسو لتنين انو صار شي واجود حاول يهديهن كان مراقبين الغرفة لحد ما طلع الدكتور
محمد:طمني دكتور
الدكتور:العمر الكن
علي:لا لاتقولها
الدكتور:المرض تعبها وهي اكيد ارتاحت من الوجع
حتى اجود كان مصدوم راح الدكتور
علي كان عم يبكي على جنب ومحمد بقي صامد قلبو اي عم ينزف اتزكر مراحل حياتو معها ويمكن وجود اجود حدو قواه الكل دري حتى اخواتو لمسافرات رجعو حس بانو الدنيا سودة وانو ما ممكن يتجاوز هالمرحلة بسهولة صار بعالم تاني اسمو الفقدوالخوف منو عم يزيد كان بصالة خاصة بالأجر واقف هو وابوه وعلي واجود بجية جيداء وطيف ونهى ووعد وتهاني سلمت عليه كأنو غريب هو كان بحاجتها وناطر يخلص الاجر ليرجع لبيتو بس مافيه يترك اخواتو بهيك محنة هو سندهن لكبير
......
كنت مكسورة الخاطر عليه ابكيت من قلبي وقت وصلني الخبر حسيت ب محمد بدون ما شوفو صحيح ملامحو جامدة بس انا بقدر اترجم الي جواتو
جيداء:زعلانة على علي كتير
طيف:ليش
جيداء:هو اكتر حدا كان يخاف عليها
طيف:الله يرحمها
حتى ديانا مكسورة انا اتزكرت اهلي ودموعي كرجو
جيداء:شبكي طيف
طيف:اتزكرت اهلي
جيداء حبيبتي صعبة والله
فترة صعبة قضيتها بعيدة عن محمد كليوم اتخيلو فتح الباب وفات اسبوع مر وهو بعيد عني بعد ما عتمت العين كنت رح افقد الامل اسمعت طقات الباب شفتو داخل للبيت اوقفت بس هو طنشني وفات ل غرفتو الحقتو دغري كان قاعد على طرف التخت انا مافيني شوفو مكسور رحت قعدت جنبو ومسكتلو ايدوطيف:انا معك
محمد:...
طيف:انا حاسة فيك كتير
غمرني وكانو تعبان كتير ومقهور حسيت عليه عم يبكي مو غريب عنو هو قلبو طيب ويمكن كان عم يكابر على حالو ومو مسدء ايمتى يبكي ويريح حالو كنت عم امسح على شعرو انا مابدي اياه يكون ضعيف وبنفس الوقت مابدي يضل حامل بقلبو
........
نام بحضنها كان حاسس بدفا بعمرو ما حسو ولا رح ينساه قلبو بيغص كل ما بيتزكر امو كيف فارقت الحياة هو بعمرو ما اتمنى يبعد عنها بس ظروفو حكمت عليه يبعد عن كل العيلة ندمان على كل لحظة قضاها بعيد عنها وهي بحاجتو اتجلست طيف كان يحس بالأمان بس يتأمل عيونها
طيف:صباح الخير
محمد:صباح النور
طيف:كيف صرت
محمد:بجنبك اكيد احسن
طيف:انا خفت عليك مبارح
محمد:بس انا كنت بامان مبارح
طيف:مسامحني
محمد:ليش لازعل منك
طيف:حسيت انو انت بعيد بسببي
محمد:لا انتي ما دخلك انا بعيد لانو ما الي مكان بيناتهن
طيف:كيف
محمد:حكايتي طويلة واصلا انا بكرهها ومابحب اتزكر منها شي
طيف:شو رايك بفنجان قهوة
قربها منو
محمد:خليكي جنبي شربنا قهوة كتير بس من بعض ما اشبعنا
طيف:يعني منيحة هالشغلة يا اما انت نايم عندي او العكس
محمد:وين نلتقي لكن
طيف:...
محمد:شو رأيك ب غرفة مشتركة
طيف:..
محمد:موافقة
طيف:اكيد بدي جنبك اكون على طول
محمد:انا حابب الكل يعرف بأننا اتجوزنا
طيف:بس مو بهالفترة
محمد:اي بكون اتحسنت اكيد
طيف:و انا بكون وافقت ع الاكيد يلا ع القهوة لشوف
سبقتو اتنشط ولحقها كان في غصة بقلبو الفراق ما كان سهل ابدا شو كانت حابة امو تفرح فيه بس للاسف ما قدر يحقق مناها طيف ملاحظة انو لساتو زعلان وكانت مقدرة ظروفو يمكن لانها عاشت هالالم من قبل
.......كان عايش بفترة حداد وحزن حتى اعتزل الموبايل لاحظت انو طلعاتو خفت واغلب وقتو بغرفتو وانا كنت مراعية ظروفو مر على وفاة أمو شهرين قضاها اما سهران عند اهلو او نحن عند حدا من الشلة كنت حدو وكتير مبسوطة الجو حلو وعم نتبادل الحديث
جيداء:اي ايمتى رح تحدد موعد لعرسك سيد اجود
اجود:بأخر الصيف
هشام:اوف مطول لكن
اجود:يعني الواجب والاصول وهيك ديانا بدها
جيداء:وانتو عصافير الحب
انتبهت ديانا واتغيرت ملامحها
محمد:نحن ما ناقصنا الا غرفة النوم ولا جواز اتجوزنا
ديانا:اها...عنجد متجوزين
محمد:من زمان
ديانا:اقل شي خبرونا منفرحلكن
محمد :مافي داعي المهم نحن فرحانين ببعض
جيداء:ازا مشان غرفة النوم نحن ناويين ننزل ونختار غرفة شو رايكن
اطلع فيني واخجلت
محمد:شو طيف
طيف:اي منروح
محمد:خلص منروح معكن
ديانا :خدوني معكن
محمد:اي مناخدك تعال كمان اجود
اجود:شي طبيعي بروح...هشام وجيداء كمان اتجوزتو بدون علمنا
هشام:لا ليش بتسال
اجود:والله انا لاحظت انشالله غيري ما يلاحظ
الكل فرطو ضحك بس انا مشيت عليي اطلعت ب محمد بتعجب
جيداء:اي ولاحظ بالحلال صح حبيبي
رجعو ضحكو كلهن اخجلت بدون ما اعرف شو شايفين او مكتشفين
محمد:روحي ضيفينا شي وعيب عليكي تاني مرة اتستري بلا حلال وبلا حرام
الحقتها انا وديانا
ديانا: وانتي طيف مخبيتلك شي ندبة هون او هون
جيداء:ههه يمكن طيف ما عرفت شو شاف اجود
خجلتني بزيادة
ديانا:يمكن اخي كمان مصاص دماء طمنينا عنك ها
جيداء:هههه لك لا تحكي معها المخلوقة احمرت من الخجل
ديانا:انتي من المرة لا حيا ولا اخلاق
جيداء:ههه والله خطيبك الحقير ليش ليخلي الكل ينتبه
ديانا:ع فكرة الكل شايف بس ساكت
طيف:اجود بدو تربايه
ديانا:بلا شو لا تحكي عليه بعدين انا بحس انك معو كتير صحبة من وين لوين
طيف:رفيق محمد اكيد بدي اتعاطى معو
ديانا:بسيطة وع فكرة مو مسدءة قصة زواجكن
طيف:اسألي أجود كان شاهد على زواجنا
ديانا:ع اساس مو ببالك اخي
طيف:هجم النصيب
ديانا:اقنعتيه قصدك....ومتجوزين قول وفعل ولا بس حكي
طيف:خليها لخيالك احسن
ديانا:لا مبين قول وفعل ولزقانة فيه بحسو بات مان على قد مو محتمية فيه
جيداء:ايوا صغرو عقلكن وتخانقو عليه
ديانا:ليش لنتخانق اخي قبل يكون زوجها
طيف:تشارطي اني اغلى على قلبو
ديانا:لا فشرتي
طيف:ليش خفتي تخسري
ديانا:....
تركتنا وطلعت
جيداء:خففي هلا بتحرقك مجنونة هي
اطلعنا ومعنا لضيافة كانت قاعدة بمكاني جنب محمد وانا قعدت لحالي كنت مبتسميتلو جكارة فيها انا ما بقبل تنعاد تجربة الغيرة وتخربلي بيتي من جديد
اجود :ديانا شو مو معبي عينك
ديانا:لا حابة اقعد جنب اخي
اجود:اي تهني لكنالظاهر اجود الي غار عليها بس ما اهتمت
محمد :تعال لا تصغر عقلك
اجى قعد حدي محمد تجاهلتها كتير
محمد بهمس: اشتقتلك
طيف:ليش اجيت
محمد:ما بتركك لحالك
طيف:ديانا رح تعملي مشاكل
محمد:مدامني بحبك لا تشيلي هم حدا
طيف:الله يخليلي اياك بحبك
حسيتو انصدم اطلع فيني بأصرارمحمد:ما اسمعت
طيف:بحبك
محمد:ايوا وكيف رح اضبط نفسي بعد هالكلام
طيف: يا الله شو حكيت كلها على بعضها كلمة وبحبك
محمد:هي الكلمة بتحرك كل كياني
طيف:هههه لاحظت انك مصدوم
محمد:حسابك بالبيت
طيف:هههه بس متل ما قلتلك
محمد:ستي الي صبر كل هالشهور بيصبر هالكم يوم
طيف:الله يقويك لكن
محمد:جدبة قولي الله يثبتك
خجلني بزيادة ونظرات ديانا شلتني لعمى مو معبرة خطيبها ودايرة تخرب بيتي
طيف :محمد بدي ديانا تحل عني
محمد:خلص لا تشيلي همها بكرى بس تتجوز بتنساكي
طيف:الله يسمع منك يارب
ديانا:مدامكن متجوزين تعالو اسكنو عنا ببيت اهلي
محمد:لا ما منحب اجواء العيلة
ديانا:هيك لكن طيب اعزموني انام عندكن
اجود:شه شو بدك فيهن انتي
ديانا:اخي وحابة ازورو
محمد:..
ديانا:ما اسمعت العزيمة
جيداء: حابة تعملي مشاكل
ديانا:لا والله بلعكس حابة اغير جو
محمد: بعزمك اكيد بس مو اليوم
جيداء:خلص لحالنا اعرفنا ليش
محمد:هههه الي بيفهم بيريح
ديانا:...
اجود:استحي شوي ع الاقل
طيف بهمس: ليش انت شو قصدت
محمد:هههه بعدين منحكي
طيف: يا الله انت كيف بتلمح بهيك موضوع
محمد:روقي لا تعصبي
السهرة عبارة عن شد اعصاب ومجاكرة ودعناهن وارجعنا للبيت
تاني يوم رحنا نختار غرف نوم نحن لتلات طبعا محمد ما رضي يختار الا لعجبتني انا الغرفة وهني اختارو وارجعنا للبيت تاني يوم انا قضيت لنهار عند جيداء كان في عمال بالبيت عم يركبو الغرفة ارجعت مع الصبايا كان وضع البيت بيجنن رتابة ونظافة حضرت العصير ورحت ضيفتهن ماسدءت ايمتى ضليت بالبيت لحالي محمد راح مشوار وانا بلشت بترتيب تيابي وتيابو وفردت كريماتي وبارفانو حسيت بانها احلى غرفة بالعالم ب دقة الباب غريب محمد بيفوت لحالو رحت وشفت من العين الساحرة بقلمي مايا الحجازي كانت باقة ورد خجلني بالمعاملة لمنيحة فتحت كان واقف وحامل علبة وفيها خاتم الزواج
طيف:لشو هالحركات نحن متجوزين
محمد:يعني ما بتقبليه
طيف:امبلا بقبل
لبسني اياه واستغربت التسفيق كان اجود وديانا وهشام وجيداء وعلي
مدلي ايديه وغمرتو
اجود:هي اول جوازة بحضرها ع لبواب
محمد:في مفاجئة تانية
طيف: كمان
محمد:بس بدي تغمضي ممنوع تفتحي
طيف:ماشي
غمضت وقلبي مقبوض لانو مو متوقعة شو في كمان
محمد:فتح
كان حامل سما من الصدمة اتراجعت لورا وبلشت ابكي
طيف:لا لا ماني مسدءةقرب وهو حاملها غمرتهن لتنين
طيف: كيف جبتها لا مستحيل شو عم شوف سما حبيبتي انتي منيحة
سما:اشتقتلك ماما
جيداء:خلص يا جماعة والله حرقتولي قلبي كتير
اجود:الظاهر انسيتونا واننا موجودين وعيب هالحركات
طيف: انا اسفة بس انا مو مستوعبة لحد هاللحظة
محمد:اتفضلو اهلا وسهلا
اخدت البنت منو وفتت لجوى خليتها بحضني مرة ابكي ومرة اضحك
علي:كتير بتشبهك مو شوي...الله يخليك اياها
طيف:تسلم
اجود:انا بعمري ما شفت هيك لقطة الصراحة ما كنت سدء الي بشوفو بالمسلسلات اتاريه واقع
ديانا:مبين كتير متعزبة على غيابها
طيف:لدرجة ما عم سدء انها بحضني
جيداء:انتي ما بتعرفي انها كانت عندي انا
طيف:عنجد
جيداء:احكيلها شو عملنا بالبيت
سما:الخالة جابتلي مكعبات كتيرة وركبنا بيت وعملنا قيطار
كنت خجلانة اطلع ب محمد وممنونة الو كتير
ماني قدرانة اتركها خفت يكون في موعد للفراق من جديد وهني ما طولو شوي والكل اعتذر طلع وراهن محمد وانا فوتت سما ل غرفتي وحضنتها من جديد
طيف جوعانة
سما:اتعشيت عند الخالة
طيف:انتي مبسوطة
سما:كتير ماما انا بحبك
طيف:وانا كتيير بحبك واتعزبت على فراقك
سما:رح ضل عندك
طيف:...
سما:خليني عندك يا ماما
طيف:مابدك تنامي
سما:بدك تنامي جنبي
طيف:اكيد ما ممكن اتركك بعد اليوم
نيمتها وانا اتأمل تفاصيلها لحد هاللحظة ما بعرف شو الي صار وكيف سما رجعتلي
......
كان متمدد بالتخت مبسوط لانو طيف انجمعت ب بنتها من جديد وكمان مبسوط لانو طيف مرتبة الغرفة لجديدة وعم يتأمل لمساتها بالغرفة وكيف مرتبة تيابو استغرب بدقة الباب توقعها تكون غفيانة حد البنت راح وفتحلها
طيف:مافي تفضلي
محمد:...
غمرتو شالها عن الارض طبعتلو بوسة على رقبتو
طيف:انا بحبك كتير كتير
محمد:انا بعشقكك
سكر الباب وفاتو لجوى
""ترى عيب الي ناطرين اكتبو""
🤭🤭
.......
طيف:ما حكيتلي كيف صار انا مو مسدءة شو عملت
محمد:المشكلة قيس علق مع حدا بيعشق التحدي
طيف:احكيلي
محمد:بتتزكري هداك اليوم
طيف وقت التقيت ب سما
محمد:اي عممت اسمو وصورتو وكنت ناطر ماني مستعجل لحد ما خبروني انو مرجعينو من المطار للمركز الي بيداوم فيه بابا هو وامو وسما طبعا اخلو سبيل البنت والام وانا استلمتو وخليتو يستوي كان الندم بعيونو واضح واترجاني اخلي سبيلو ولو تعرفي شو خبص بالحكي عنكطيف:عني انا
محمد:بيفكر الي قدامو ولد ابن يومين وممكن يضحك عليي بتهم باطلة هو ما بيعرف اني بعرفك اكتر من حالك
طيف :شو حكالك عني
محمد:بخاف تزعلي
طيف:حكالك رخيصة
محمد:اوعك تعيديها فشر بقص لسانو والله
طيف:لكن شو حكى
محمد:بيضل اسمو حكي لا تهتمي
اتجلست لاحرد بس هو رجعني دغري
طيف: اتركني ازا مابدك تحكيليمحمد:حكالي انو اتركها شو بدك فيها عندها اسلوب بتلعب على الشباب ومو مخلية حدها من شرها لا من اول ولا من بعد
طيف ...
محمد:بس لا تخافي اخدتلك حقك منو وضربتو ما فشر يجيب سيرتك
طيف: والبنت كيف اقنعتو يتنازل عنها
محمد:جبتلو امو وخبرها اعطي البنت لمحمد كانت خايفة مني بتفكرني من عناصر الامن هههه دخلك مبين عليي هيك شي
طيف: هههه مهيوب كتير.....وشو مشان القضية
محمد:انا شلت الاسم ورجعت هويتك باقي بس طلاقك بالمحكمة وراح تخلصي من لعنة قيس
طيف:.....
محمد:بتحبيني طيف
طيف:بعشقكككك
طبعتلو بوسة انا مو مسدءة انو سما رح تكمل معنا مستحيل انسالو كلشي عملو معي من اول يوم دخلت فيه على هاد البيت لليوم وكيف ما جبرني على شي انا مابدي اياه لو بلمسة صغيرة انا بعرف انو كتير ازعر وشقي بس اخدلي حقي ومابعرف كيف الله بعتلي اياه بطريقي
طيف:حبيبي
محمد:عيون حبيبك
طيف:انت عطول كنت تمر من هداك الطريق
محمد:الي شفتك فيه
طيف:اي
محمد:بتسدئي كنت مضيع انا واجود واتحزرنا كتير هو يحكيلي فوت بالدخلة التانية وانا اصريت افوت بهداك الشارع انا كل ما اتزكر كيف شفتك ووين بتأكد انو الله حطك بطريقي لنكمل احلى حكاية انكتبت الي والك
طيف:يعني طموحك مراة متجوزة ومطلقة
محمد:طموحي انتي وبس من بعدك مافي مراة تعبي عيني
طيف:بحبك لاخر العمر انت جرعة أمل انزرعت جواتي من اول لحظة اسعفتني فيها لليوم الله لا يحرمني منك
محمد:ويخليلي احن والطف وارق انثى حبها قلبي واختارها عقلي
...........
تاني يوم اصحيت وشفت محمد وسما عم يتفرجو على قناة اطفال منظرهن حد بعض بيضحك رحت عملت دوش وعملت قهوة النا وحليب الها قعدت بيناتهن
طيف:صباح الخير حبايبي
محمد:هاد اسمو ظهر الخير متنا جوع صح سما
سما:كتير جوعانة
طيف: خسى الجوع خدي اشربي هالكاسة
محمد:سألتني عنك كتير
طيف:شو خبرتها
محمد:حكيتلها ماما بتعشق شي اسمو نوم نحن منستنى بس المنام ما بيستنى
طيف: هههه دخيل قلبك
بعتلو بوسة ع الهوى وعجبتو غمض عيونو
عضيتلو على شفافي
طيف:عيب هالحركات
محمد:عليكي مو عليي العيب انتي عم تتحركشيني
اشربنا القهوة واجاه اتصال حطيت ادني على ادنو لاتسمع
محمد:اهلين والله
اجود:معزوم انت وحرمك المصون
محمد :وشو المناسبة
اجود:يعني حابين نحن نحتفل فيكن
محمد:مو وقتها
اجود:لا وقتها حتى علي شجعنا
محمد:اي ساعة
اجود:ع الستة
محمد:ووين التجمع
اجود:ببيتي
محمد:ماشي
طيف:شو القصة
محمد:متل ما اسمعتي ع فكرة كنت بدي اعطيكي تحكي معو انتي
طيف:المرة الجاي خلصحضرتلهن فطور قضيت كل الوقت مع سما والمسا رحنا للسوق اشترينالها تياب والعاب وحضرنا حالنا للحفلة كنت مبسوطة والكل لاحظ عليي اني متغيرة شي عم يحكيلي حليانة وشي عم يحكيلي نفسيتك غير شكل يمكن الهم والتعتير اكلو مني شقفة بس الحب والاهتمام الي منحني اياه محمد بلش مفعولو يعكس عليي وعلى حياتي من بعد ما رجعلي بنتي لحضني
.........
تاني يوم زينت الغرفة بالورد الجوري كتبت اسمي واسمو بقلب اخترت أغنية سلو رومنسية انا ما بعمري فكرت اعمل اجواء رومنسية بس محمد بيستاهل كل شي عم اعملو رتبت لشموع بالأرض وجهزت طاولة عليها فواكه ومكسرات وعصير مع أضوية ديكور الغرفة كان الجو رومنسي عنجد سما نامت وانا عملت دوش اللبست فستان خمري للركبة سبلت شعري واتمكيجت مكياج هادي اتعطرت واللبست لسكربينة وهديت موبايلي قبال الساحة الي رح نرقص فيها كرمال اوثق هاللحظات بيني وبينو واسمعت صوت تسكير الباب ودغري بلشت اشغل بالشموع كتير مستعجلة كنت عم شغل اخر شمعة بفوتو كان مبتسم وعم يتأمل جو الغرفة وشغلت الأغنية مديتلو ايدي سكر الباب ومسكلي ايدي وبلشنا نرقص
حبك احلى نغم اه احلى نغم نسى قلبي الندم اه اه قلبي الندم ...حبك احلى
نغم اه اه اه احلى نغم نسى قلبي الندم اه اه قلبي الندم ...بشتقلك مش
غريبة وقلبي اتعود عليك لاني يا حبيبي عم بخلق ع اديك...بشتقلك مش غريبة
وقلبي اتعود عليك لاني يا حبيبي عم بخلق ع اديك... خليك قبال عيوني لانك
نور عيوني..خليك قبال عيوني لانك نور عيوني... وما بشبع من عنيك... حبيبي
يا ملاك يامهنيني بهواك شو هالدنيا بلاك حبيبي يا ملاك ... حبيبي يا ملاك
يامهنيني بهواك شو هالدنيا بلاك حبيبي يا ملاك ...والله ملاك....قلبي اللي
قبلك كان عطشان للحنان ولا داق ..اه اه ..طعم الهوى لما ياعمري جيت قسوةزماني نسيت ياسلام..اه اه..حبك دواه....قلبي اللي قبلك كان عطشان للحنان
ولا داق ..اه اه ..طعم الهوى لما ياعمري جيت قسوة زماني نسيت ياسلام..اه
اه..حبك دواه.... بيكفيني يللي راح من عمري انا حلك ياقلبي ارتاح وتهنى
بالهنا...بيكفيني يللي راح من عمري انا حلك ياقلبي ارتاح ارتاح ..اه اه اه
واتهنى بالهنا...حبيبي يا ملاك يامهنيني بهواك شو هالدنيا بلاك حبيبي يا
ملاك ... حبيبي يا ملاك يامهنيني بهواك شوهالدنيا بلاك حبيبي يا ملاك
...والله ملاك
غمرتو وكان مبسوط كتير
محمد:شو هالرومنسية
طيف:خفت تيجي قبل اخلص تزيين
محمد:اجيت ع الموعد
طيف:اي كانك معير للساعة استنى لاخد موبايلي وشوف المقطع
رحت جبتو وقعدنا لتنين على طرف التخت نتفرج
محمد:ومصورة كمان طيب اعطيني إشارة اهمسيليطيف:انسيت كنت مستمتعة بدقات قلبك دخلك ليش هيك عم يدق قلبك
محمد:شبعرفني يمكن من الخوف
طيف: هههههه شايفني مسخرتك
محمد: جاوبتك جواب بدك اياه
طيف:لهدرجة بتحبني
محمد:كلمة حب ما بتوصف دقات قلبي والحالة الي انا فيها...طيف
طيف:عيونها
محمد: تغمضي عيونك شوي بس
طيف:ضروري
محمد: امانة بس هالمرة
غمضت وخفت هالمرة عنجد كان عم يفتح لخزانة اكيد جايبلي هدية ومخبيها كنت حاسة انو عم يلبسني حرف ودقات قلبي زادت
محمد:فتحي
فتحت عيوني واتفاجئت هاد سنسالي الي حكالي بعتو
طيف:محمد🥺انت ما بعتو
محمد:مستحيل ابيعو انا ما بفرط بشي من ريحتك بسهولة
طيف:لا هيك كتير
محمد:والله كل هالرومنسية بدها لمساتي
طيف:هالسنسال اغلى شي كنت بملكو هاد من ريحة اهلي انا وقت اعطيتك اياه كنت مقتنعة بأني اتخلى عنو لانو ما كنت بدي تصرف عليي بدون مقابل
محمد:كلشي عملتو معك قليل...انتي مليتي دنيتي بعد ما كنت عايش بصراع نفسي اسمو الماضي وكيف بدي اخلق حياة جديدة بعيدة عن كل التفكير والله بعتلي اياكي لاهتم فيكي وانسى حالي مو بس انسى الماضي لساتو بنفس الجاكيت بالجيبة الي من ناح القلب
طيف:😭خلص لهون بيكفي الله زرعك مو بس بطريقي بنص قلبي انا مستحيل انسى هداك اليوم الي جمعني فيك صحيح كنت بحالة يرثى لها بس انت حولت حياتي من جحيم ل نعيم مستمر ربي ما يحرمني منك
محمد:ويخليكي وتعبيلي هالبيت اولاد
طيف:...
محمد:كانو الدعوة مو بمحلها
طيف:بدك تستنى ازا مو خمس سنين سبعة
محمد:ليش
طيف:انا بألف يا ويلاه لاحبل
محمد:بدك جاها يعني
فرطت ضحك لانو شايفني مسخرتو
طيف:اي والله
محمد:ياحبيبي كم سنة ؟؟
طيف: سبعة خمسة الله اعلم
محمد:وليش ما خبرتيني قبل نتجوز
طيف: انت بوقتها ما سألتني بتجيبي اولاد
محمد:لانو في عينة وقلت اكيد كل سنة بتجيب توأم
طيف :هههه يلا عادي تعيش وتاكل غيرها
محمد:ومن هون لهون مافي أمل
طيف :الامل بالله طول بالك كانك انزعجت حبيبي
محمد:حبيبك اكل هوى ها شوفي
سكرتلو تمو بايدي
طيف:بجوزك ازا بدك اولاد
محمد:انا بدي اولادي منك انتي
طيف:لكن بدك تصبر
محمد:ايه الله يصبرني لكن
انا كنت اخدة الموضوع هيك بس هو كتير شغل بالو بموضوع لولاد بس ما بيمنع يكون رومنسي معي
..........اتزوجو اجود وهشام بنفس اليوم ونحن كنا منشبه العرسان اتعرفت على اخواتو البنات غريب متحجبات وعندهن اولاد وكنت اغار وقت اشوف بنت من بنات اخواتو بحضنو هو حدا بيعرف يدلل كتير وحنيتو ظاهرة مرة هو يبوسهن او هني يبوسوه وانا ماني قدرانة أوصف الغيرة الي جواتي حتى من سما كان يهتم فيها كتير طلباتها اوامر وعلى طول متفقين واكتر الاوقات ضدي يكون الاتفاق
حياتي كانت مستقرة معو صرت احس بالغربة وقت اتزكر الماضي وقت شوف عيون محمد احس بالأمان كأني بوطن مافيه غربة ولا حزن وسما كانت متلي عم تعيش حياة ما كانت تحلم تعيشها الشي الي خلى حياتي تكون مستقرة كتير وجود بنتي بحضني عملنا معهن شهر عسل كنا عم نجدد الحب والرومنسية كل فترة وفترة ومع اصرار محمد باني احبل رحت للدكتورة واعطتني منشطات ودغري احبلت لهيك خف عقلو للرجال وجاب خدامة تساعدني بشغل البيت شهور الحمل عبارة عن اهتمام ورعاية ومراقبة عند الدكتورة واوعى أحمل اكتر من كيلو لانو محمد حاسس انو معلق تعليق الله طعمني صبي مع بنتي والحمد الله محمد شبه اكتفى خلاني اللتزم الحجاب وكنت مقتنعة فيه قناعة تامة
الأمل هو الحياة لانو بدون الأمل بتموت النفسية
الاهتمام أهم من الحب وأقوى لانو الحب بدون اهتمام ما بيعني شي
الأمانة والعطاء والاكتفاء من أحلى السمات حافظو عليها وحاولو تملكوها لتعيشو وتستمرو وما تنخذلو ابداً.
تمت بعون الله
بقلمي:مايا الحجازي
الإشارة إلى مزيد من الأصدقاء
*الـــــــــ͢ـོ͓ـــنهـــــــايـــــــོـ͓ـــ͢ــة*
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`