الفصل 10
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم جرعة أمل`*
*❴🔢❵الـــبـــــــــــ❴🔟❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
الجزء العاشر
محمد:وانا بعرف اربيها هالتصرفات ما بتمشي عليي
طيف:بتمزح بس معقول مبين عليي حرامية
محمد:ما حدا بيطلعلو معك انتي مافي منك والله
طيف: روق خلص شبك يعني اما انا معصبة يا انت...طيب اطلع فيني
اطلع وابتسملي
محمد:هيك منيح
طيف: بدك صورة
محمد:منتصور سوى
حس انها خجلت منو ولاحظ انو ديانا مقهورة من طيف كتير حط ايدو على كتفها وقربها منو وكبس اكتر من صورة ودغري بس خلص بعدت عنو
محمد:ليش بتخافي مني يعني مو لازم افهم
طيف:مابحب هالحركات بعدين مو نحن اتفقنا
محمد:اتفقنا بس يعني مو حرام
طيف:انا هيك ما بفهم خلص العلاقة الي بيناتنا لازم تكون ضمن لحدود كرمال ما نتجاوزها لازم تحترم رأيي ورأيك
محمد:انتي مستوعبة شو عم تطلبي مني
طيق:انت مستوعب شو اتفقنا وشو عم تحاول تعمل انت
محمد:ما اكلتك طيف حطيت ايدي على كتفك
طيف:بس مو منيحه هالشغلة وشوف العالم
محمد:كلو ملتهي ببعضو مين شايفنا
طيف:بس يعني بحس في شي غلط يعني اكيد انت حسيت
محمد:حسيت وبس
طيف:هسس عيب عليك
.....
رجف كل بدني وقت همسلي بأدني
محمد:بحبك طيف
ضليت ساكتة ومصدومة وعم احاول اطنش شو اسمعت وبعدت شوي عنو حسيتو حكاها بصوت عالي وانو الكل سامعو نظرات ديانا ما بتتفسر ويمكن مخبيتلي لسى فصول ناقصة ضيفني عصير وكترلي تلج
طيف:رح نطول
محمد:هلا منمشي ازا بدك
طيف:لا مابدي انزع سهرتك
محمد:السهرة معك احلى
طيف:لا تحاول تقنعني بنوب انا مكتفيه بحالي وماعندي اي طموح الا اشوف بنتي وبس
محمد:بوعدك جيبلك اياها
طيف:بدون مقابل
محمد:بدون مقابل
طيف:بيكون كتير خيرك
.......
بعد ما انتهت السهرة وقفو وجهزو حالهن للرجعة بنص الطريق لاحظ انو في سيارة وراهن ما حب يخوف طيف لهيك ضيعو بمعرفتو حس انو هالشخص مراقبهن من وقت كانو بالكازينو وطيف نعسانة وعم تكابر على حالها
محمد:نامي بس نوصل بصحيكي
طيف:ليش بعيد الطريق
محمد:اي احسن منتسلى
طيف:لا نضيع الطريق
محمد:ع اساس مع ولد صغير طالعة وخايفة كمان من شو خايفة
طيف:يطلعلنا قطاعين طرق
محمد:وين نحن بالصحرا يعني شوفي السير شغال
طيف:بيني وبينك كنت اسمع وشوف بالتلفزيونات عن سهرات الليل بالاخص بالمدينة اول مرة بعيش هالجو
محمد:فلتة ماهيك
طيف: فلتانين قصدك
محمد:هههه ونحن
طيف:شو ع راسك ريشة اصلا انت اكتر واحد بالشلة ازعر مبين
محمد:ازعر هاد الي طلع معك
طيف:لكن حركاتك حركات واحد مو ازعر انت شفت علي كيف هادي ورايق
محمد:خلص لا تبرري انا صايع منيح واوزعر كمان
طيف:ههههه مو
رماها نظرات لئيمة ولا هامها انو عم تجرحو بكلامها
وصلو للبناية بعد ما لف حوالينها اكتر من مرة وطيف عم تحاول تستوعب
طيف:كأنك ضيعت البيت
محمد:لا مو معقول صامحمد:لا مو معقول صار بالحارة التانية
طيف:شه نحن قدام البناية
محمد:اخدك على قد عقلك
طيف:😒
ضربت الباب ضرب وسبقها كان اسرع منها لو ماشي مشي وهي عم تركض ركض وراه
طيف: استنى....لك ليش مستعجل ....اوف منك ومن الطلعة معك غبرة وعفرة وقلة واجب
بقي ساكت بدو يربيها ليش بتحكي عليه ازعر
بقلبو:والله ما شفتي شي من زعرنتي وساكتلك وبدايق بس حدا يجرحك وانتي حجر مو حاسة فيني كانت عم تطلع فيه بغرابة وهو مطنشها
طيف:شبك قلبت خلقتك
محمد:لا تحكي معي بعدين انا ازعر ما بينحكى معي
طيف:ييي ليكون ازعلت
محمد:لا ليش لازعل بعدين انا مو محسوب ع البشر لازعل
طيف:لك ما فكرت بتدايق
محمد:ادايق لا عادي
فتح الباب فاتو وسكر وعلق المفتاح ودغري فات ل غرفتو يرتاح رمى تيابو ولبس بيجامة وراح يغسل كان الضو شغال يعني طيف جوى رجع للغرفة ينطرها تطلع نطر لحتى فاتت غرفتها وفات غسل وفرشى اسنانو ورجع للغرفة ودغري رمى حالو على التخت بالعادة بيفتح موبايلو كان تعبان كتير لهيك حط راسو ونام
.....
مع اني نعسانة بس كنت حاسة بتأنيب الضمير محمد زعلان مني مع انو حكيتو بدون قصد ما توقعت يزعل عنجد انا على طول ظالمتو كنت عم اتقلب ماني قدرانة انام فتحت واتس وشفت اخر ظهور الو الأمس معقول نايم او يمكن على شي موقع سهران بيعملها بعرفو بيموت ع السهر بعتلو
طيف:كيفك....زعلان مني
ما رد وكتير انقهرت كان مبين انو استلم الرسائل بس ما شافهن يعني عنجد زعلان وحذفت الرسائل دغري بلا ما يعرف اني سألت عنو بعد صراع نفسي وذكريات كتيرة وكلام ديانا الي ببهز البدن اغفيت وراحت فيني نومة اصحيت ودغري مسكت موبايلي كانت الساعة ١١ اوف كتير متأخرة منيح اليوم عطلة رح كمل نومتي اسمعت صوت حركشة بالمطبخ وبس اتزكر القهوة وريحتها تلقائيا بتجلس صحصحت ورحت للحمام غسلت وع اساس عفوية فتت للمطبخ
طيف:صباح الخير
محمد:صباح النور
طيف:حماتي بتحبني
محمد:كانو
طيف:ليكون مو حاسب حسابيمحمد: ولو عالبال على طول
طيف:شوي وجاية
رحت بدلت تيابي ومشطت ورحت لعندو كان متابع برنامج صباحي وعم يدخن ويشرب قهوة وبأيدو موبايلو وانا كمان اندمجت مرة معو ومرة بالقهوة
طيف:زمان اصحيت
محمد:لا من شوي
طيف:...لساتك زعلان مني
محمد:ليش؟
طيف : عم تتناسى يعني
محمد:لا ماني متزكر اننا تخانقنا
طيف:لا يعني مشان كلمة ازعر
محمد:عادي متعود ازعر وصايع وكتير حكي لو بدي ازعل ما رح ارضى بنوب كأنك باعتيتلي رسائل وحاذفيتهن .
طيف:انا
محمد:لكن انا
طيف:يعني ما شفتهن
محمد:لا واستغربت
طيف:لا بس كنت بدي اسألك زعلان
محمد:بس هيك
طيف :😒لكن شو بتفكر انت
محمد:شو بدك بتفكيري انتي
طيف:🙄
........
بقلبو:هلأ بلش اللبقلبو:هلأ بلش اللعب المزبوط يا انا وانتي سوى يا اما مافي
معقول كل اهتمامي فيكي وبالاخير تشوفيني ازعر لو تعرف اني عدلت شوي من حالي صرت استحي تشوفني عنجد ازعر انا عطول بنفهم غلط رح فرجيها الغلط ع اصولو كانت شاردة ومدايقة مبين عليها
محمد:شو رايك بمشوار
طيف:وين
محمد:منتغدا بشي مكان ومنتسوق
طيف:لازمك شي
محمد:منتفتل مو ضروري نشتري
طيف:واعصابك كيف بالسوق
محمد:لا غير شكل
طيف:اي بوافق بس منتغدا بيتزا
محمد:لك لاا بعزمك على اكل شامي بيجنن
طيف:يبرق وهيك
محمد:الي بدك اياه
طيف: خلص وافقت
محمد:انا بدي ارجع اعملي قيلولة
طيف:بهالوقت
محمد:تعبان كتير
كيف:بدك تنام هون
محمد:اي
طيف:لكن خود راحتك
اخدت الفناجين وراحت وهو اتسطح وماسك موبايلو لحتى نعس من جديد وراحت فيه نومة
.....
كنت مبسوطة افطرت ع الماشي ورتبت المطبخ وغرفتي وجهزت حالي للمشوار يعني ايمتى ما حكالي يلا بكون جاهزة وفتت ل غرفتو كانت شبه مرتبة اخدت اواعيه من الارض وحطيتهن على التخت بعد ما رتبتو كانت ريحة بارفانو معبية الغرفة تيابو نظيفة بس يمكن ما بحب يرجع يلبسهن لهيك خليتهن برى فتحت شباك الغرفة ورحت طليت عليه نايم وعلى صدرو الموبايل سحبتو بهدوء وحطيتو على الشحن مو حلوة ياخدو وناقص واحد بالمية بنجلط بعدين وقعدت على البلكون راقب الرايح والجاي سيارات كتيرة بالمنطقة وكلو سيارات فخمة والجو بيجنن فيو لسعة برد وانبسطت وقت اتجلس كان عم يمسح على شعرو وعيونو وكانو متكسر من النومة ضليت ناطرة وعم اترقب حركاتو لحتى طلع متجهز
محمد: طيف
اطلعت من البلكون
طيف:انا جاهزة
محمد:البسي جاكيت في برد
طيف:استناني اجيت
البست الجاكيت وانزلنا سوى حسيتو عم يراقب كل الشارع قبل يطلع ودغري مشينا بسرعة على غير العادة
طيف:خير في شي
محمد:لا بس توقعت يكون حدا من اهلي هون
طيف: يييي اهلك يعني الكن قرايبين هون
محمد:لا ما الي حدا بس ديانا الها حركات ناقصة
طيف:وفي حدا مراقبنا
محمد:لا اطمني بعدين ويعرفو على شو خايفة
طيف:كيف على شو خايفة شو رح يحكو
محمد:ويحكو كوني واثقة من حالك وبس كلام الناس ما بيخلص
طيف:ونظرتهن الي
محمد:ستي بالناقص يعني مستحيل يشوفوكي ملاك رح يدورو على شي ناقص فيكي ويحكو فيه
طيف:اي يحكو بس مو بشرفي
محمد: لازم تحطي كلام الناس تحت رجلك وشوفي كيف بتتغير نظرتك وع فكرة على طول الكزاب بيفكر كل الناس متلو وكمان الفاشل والعاطل والي بلاشرف لهيك بدل ما تضلي خايفة من الناس وحكيهن ادعسي على كلامهن وامشي بتريحي راسك وبتعيشي مبسوطة
وياستي حكت ديانا عنك وجيداء ونهى انك تخلصي من لسانهن مستحيل
طيف:كلامك منطقي كتير
محمد:ع فكرة اغبى شي ممكن تعمليهمحمد:ع فكرة اغبى شي ممكن تعمليه انك تركضي ورا المثالية وانو تحاولي تبعدي كلام الناس عنك
طيف:ودروسك هي من وين اخدها
فرط ضحك صفنت بضحكتو
طيف:شبك ما حكيت نكتة
محمد:يعني اتعلمت من التجارب الي مريت فيها وكمان النت ما خلى حدا غشيم والتجارب الي مريت فيها اتاري كل الناس مارة فيها لهيك طنشي ما يتندمي
طيف:يلا بتعلم منك
فتنا لمطعم وفرش الطاولة مقابلات وطلب عصير بارد واعطاني المينيو واخترت كم اكلة
على زوقي كنت مبسوطة نوعاً ما بالاخص من الحكي الي حكاني اياه واقنعني فيه اتغدينا وكان عم يحكي مع وحدة
محمد:كيف الحلو ....انا مشتاقلك ....كزاب يعني ولو كان لو بشوفك كل شوي بشتاقلك متل مابدك عم كولك عليكي وينك انتي....اي ساعة يعني.....بيكون في عندك حدا....وازا اجى حدا خبريني ساعة وبكون عندك...ماشي الله معك
محمد:بتحبي تطلبي كمان شي
طيف:لا معاد فيني دايمة
محمد :صحتين وهنا
بقلبي:مع مين حكيت يا ازعر وستين ازعر
اتكتفت واتأملت الناس كان عبالي اعمل معهن لقاءات واتعرف على الكل ..
طيف:خلينا نمشي مليت...بعدين ليل نهار ع الموبايل بربك شوفيو ليش متعلق فيه هيك
ابتسم بعفوية
محمد: هاتي حدا بأيامنا هي مو متعلق بموبايلو بعطيكي شو مابدكطيف:انا
محمد:معقول ما عندك موبابل من قبل
طيف:امبلا بس ما كنت متعلقة فيه اغلب الوقت مرمي على جنب بس انا شفت فيك وبرفقاتك العجب كلو تصوير وحش على بعض
محمد:والله هاد نحن وع فكرة مو نحن الغريبين انتي العجيبة
طيف:انا !!بلعكس انا الصح
محمد:مزعوجة من موبايلي
طيف:ع فكرة عم تنام وهو بحضنك صرت احسو ابنك
محمد:هههه يلا نمشي انتي فايقة ورايقة
طيف:هههه مو
محمد: مو تفضلي لقلك
ما كنت بعرف لوين المشوار التاني بس مستمتعة بالجو الحلو لو فيو برودة صفطنا بشارع كلو محلات اللبسة
طيف:لهون جايبني
محمد:اي مابدك نتسوق
طيف:...
بقلبي:من واجهة المحل الاسعار اكيد سياحية
محمد:انزلي خلينا نفتل
طيف: لنشوف كمية الصبر عندك
محمد:يلا نشوف
فتنا دغري لمحل كبير وفخم ياحبيبي على هالواجهات كلو تياب ما بتنشاف وبتخجل كمان كنت ما اطلع فيهن عسى ولعل محمد ما يشوفهن يمكن انا لاحظتهن لاني مراة اكيد هو ما بيلفتو هيك لبس
كان عم يحكي مع الموظفة
محمد:وين الست جيجي
الموظفة:ناطرتك جوى
الحقتو وانا متجاهلة كل لتياب دق باب غرفة وفات اتاريها جيداء وكتير انبسطت بشوفتنا استقبلتنا وبوست محمد طنشت كتير هالحركة وبوستني
جيداء:طيف لك نور المحل عنجد
طيف:تسلمي
جيداء:اتفضلو استريحو
قعدنا
بقلبي:شو جابو لمحل نسواني مو عيب عليه
جيداء:ما طولت بعدين ما حكيتلي جايب طيف معك
محمد:حتى طيف ما بتعرف جايبها لهون
جيداء:مشان اغلي التجيداء:مشان اغلي التسعيرة عليك
محمد:فكرت سعر خاص الي
جيداء:هههه انت وديانا اكتر تنين بيدفعو بلا ما يناقشو لهيك رح دوبل الاسعار
محمد:انا وجيبتي ع حسابك
جيداء: دخيل عينك وايمتى رح نفرح فيكن
انتبهت للتنين
محمد:يعني قريباً جداً
جيداء:كتير انبسطتلكن وع فكرة لابقين لبعض كتير
اشرتلو بمعنى مين
جيداء:خلص طيف مابقى يتخبى الحب
طيف:حب مين احكيلك كلمة انت عطول بتحكي هلا سكتت
وضحك كمان
جيداء:ليكي كلشي بيتخبى الا الحب
محمد:بدك ساعدك طيف
طيف :بشو
جيداء انا بختارلا ورح اختارلك فستان ليوم خطبة ديانا شو رأيك كونك الكنة المستقبلية للعيلة
طيف:ما عم افهم شي
محمد:خلص اتوصي فيها انتي بس بتعرفي زوقي بالتياب
جيداء :ولايهمك عندي تعالي معي طيف
طلبت قهوة لمحمد الي التهى بموبايلو وانا وياها رحنا لنختار
طيف:هو حكالكن اننا منحب بعض
جيداء:لو ما حكى مبين الحب والانسجام بيناتكن
طيف:كتير مبين الصراحة
فرجتني تشكيلة كتير حلوة
طيف انا ما بلبس هيك شي بعدين انا بدي بناطيل وبلايز الفساتين بدايقني كتير
جيداء:بتختاري نوعين بعدين في تشكيلة تياب داخلية بتجنن
طيف لك لااا شو داخلي انا
جيداء:انتي شو دخلك محمد حكالي توصي فيها
طيف :لا جلطتي على ايدك وايدو
جيداء:بتعرفي انا وقت اختار اي قطعة بيكون هشام حاضر كرمال احرقصو
طيف: الله يكون بعون خطيبك الصراحة
جيداء: شايفة هالتفاريع شو رايك تختاريلك كم قطعة بتلاقيهن بجهازك
بلشت اهوي على حالي بايدي رغم انو برد بس انا احترقت من حكيها
جيداء :مارح شاورك
طيف:ليكي انا ما بحب هالشغلات ولسى ما انسيت فصل هديك القطعة ها
جيداء: هههه لك والله بستغرب منك كتير خجولة بعدين لازم تعلقي محمد فيكي من هلا
طيف: نحن والله ما منحب بعض
جيداء:ههههه شوفي هالقطعة كتير مرتبة ونايس الشباب بيحبو هيك نوعية
طيف: انا قلتلك مابدي من هيك تياب وخلص
جيداء :براحتك اختاري الي بريحك ههههه بس بتعرفي ليش لابقين لبعض انتي وياه
طيف: الله يجيبك يا طولة البال
جيداء :عنجد هو مطلق الحيا وانتي خجولة يعني عكسي انا وهشام هو بيخجل وانا مطلقة الحيا
هي فرطت ضحك كنت عم اضحك لضحكتها
طيف: ومين مطلق الحيا ديانا ولا اجود
جيداء :هدول لتنين من المرة
كنت عم اختار تياب بتناسبني
طيف: بس ليكي بدي اعرف الفاتورة منك ها
جيداء:بس محمد بيحاسبني
طيف: بس بدي اعرف سعرهن
جيداء:عادي بعطيكي فاتورة بالتياب
زوقها كان كتير حلو واخترنا كتير تياب والشي الي خلاني اخد راحتي اني اعرف سعرهن ما بقبل حدا يصرف عليي حطتهن بشناتي ورحنا لعند محمد كان لساتو بمكانو بس مسترخي وعم يقلب بالموبايل
جيداء:ارجعنالك
محمد:شو خلصتو
جيداء:اي بس عقلها كتير صعجيداء:اي بس عقلها كتير صعب
دفشتها
جيداء: انا بحكي دج ليش انتي خجولة هيك
محمد:ابعتيلي الفاتورة
جيداء:صارت عندك ليك مافي مراعاة
محمد:متعود عليكي منشارة انتي
جيداء:في شي تاني بدكن انسيتو شي
محمد: شو طيف
طيف:لا بس متل ما قلتلك وغمزتها
جيداء:ولايهمك خلص
كان عم يطلع فينا التنتين
محمد:يلا بخاطرك
طيف:باي
بوستها واطلعنا
محمد:ساعة ست طيف
طيف:ع اساس صبور ومن هالحكي
محمد:اضجرت كتير
طيف:هيك قاعد بمكانك وابنك معك
محمد:ههههه
نظراتو شلتنيطيف:ولا هامك وبتضحك
محمد:نروح لمحل تاني
طيف:اي بدي كمان كم شغلة
محمد:حاضر
طيف:..
رحنا لمحل احذية واخترت شي بيناسب لتياب كنت لزقانة فيه عند لحساب وحفظت الفاتورة واطلعنا
طيف:جعت
محمد:خسارة الطلعة معك
طيف:ما حكيتلي شو بدي
محمد:عشى
طيف:اي بتطلب عشى بس هلا بدي بوظة
محمد:كمان اي تكرمي
طيف:مناكل بمحل البوظة
محمد:اوامر تانية
طيف:لا بس هيك
نزلني عند محل بوظة كنت كتير مبسوطة بس ما بعرف محمد مبسوط ولا مسايرني مو اكتر طبعا الموبايل الحاضر بكلشي كان عبالي اعرف شوفيو ازا الواحد ما كان عندو شخص مهم بحياتو كل شوي بيحكي معو ما بيقبل يمسك موبايلو بس محمد متولع بمواقع التواصل كتير وانا متكتفو وعم اتفرج عليه وهو شايفني ومطنش كتير
طيف:اي كيفك انت
محمد: تمام
طبعا عم يقلب بالموبايل
طيف:انا صار عندي فضول اصير متلك انعزل عن واقعي بالتواصل
محمد: هي انا معك وين عزلتيني
طيف:لهيك تارك كلشي وعم تناقشني
محمد: نهاية النقاش معك خناقة وانا مابحب هالشغلات
طيف:طيب اطلع فيني انا حابة نحكي بصراحة
ابتسم واطلع فيني سكر وحط الموبايل ع جنب
محمد: يعني بشو نحكي
طيف:ليش عم تصرف عليي حسنة مثلا
محمد:نكد وهيك
طيف:عنجد بحكي
محمد:انتي مرتي
طيف:...
محمد:شو مو مسدءة
طيف:بس نحن منعرف
محمد:اي اتزوجنا لتكون سكنتك عندي مشروعة مافيها خوف وكمان مشان الاصول وحقك اقل شي اصرف عليكي
طيف:يعني مو دين
محمد:لا مو لهدرجة هاد حقك
طيف:ولا تحكيلي معاد في شغل
محمد:هي بترجعلك يعني حابة تشتغلي كملي مليتي انتي حرة
طيف:انا مسدءة ليش انت عملت هيك بس انت بينك وبين حالك مسدء
محمد:..
طيف:ليش سكتت
محمد:لانو ماعندي جواب
طيف:انت مقتنع فيني
محمد:شو بهم بقناعتي
طيف:انا كان عندي حاجة بس انت شو حاجتك
محمد:..
طيف:صاير ما تعرف تجاوب
محمد:لازم ادرس قبل امتحان اسئلتك
طيف:شاطر برد الحكي الي بدك اياه
محمد:انتي مستعدة نكون عنجد متزوجين
طيف:لا
محمد:بعد فترة في احتمال نكمل سوى
طيف:لا
محمد:خلص لكن شو بهمك من هالأسئلة
طيف:....
محمد:تاني مرة حضري منيح للأمتحان
طيف:ههههه جكارة فيك رح اصور البوظة
محمد:وتعالي اعملك حسابمحمد:وتعالي اعملك حساب وانشري عليه
طيف:موافقة خلص بدي تفعلي نفس البرنامج الي سارقك من العالم
محمد:تكرمي
مدامو صافن موبايلو كنت اتأملو مرة يبتسم ومرة يكون عادي ومرة يضحك حسب شو متابع
وازا وصلتو اي رسالة كان دغري يطنشها عايش جو لحالو
طيف:مابدنا نمشي
محمد:نجدد بوظة
طيف:مرة تانية
محمد:اي طيبة
طيف:موافقة انا لا تسألني شي بيخص الاكل بوافق دغري
رجع طلب بوظة وهو سرحان بعالمو الإلكتروني
طيف:في حمام هون
محمد:اي من هنيك
طيف:...
.....
ترك الموبايل وابتسم
محمد:بتساير بشغلات الي بتحبها يعني مافي احتمال تقتنع بأننا نكمل سوى
محمد: ياترى ازا جبتلها البنت رح اكبر بعينها هي حكت مكتفيه بحالها يعني مو مفكرة بالارتباط ابدا والشغلة ما دخلها بالشخص الشغلة علاقتها ب منطق طيف برجعتها
طيف :خلينا نمشي
محمد:اسبقيني بحاسب وبرجعلك
طيف:اي ماشي
كان مبين عليها التردد راح يحاسب وشافها لسى عند الباب ناطرتو
محمد:شو ناطرة
طيف:ما بحب اطلع لحالي
محمد:بدك مرافق يعني
طيف:..
طلعو سوى كانت الدنيا على وشك غروب وهي مبتسمة وهو عم يحاول يتجاهلها
طيف:ما احلى الجو
محمد:اي كتير حلو خدي صوري الطريق
طيف:اصورك كمان
محمد:لا بس الطريق
كانت ملتهية بالتصوير وهو ملتهي بالتفكير فيها ومبسوط لانها صارت على ذمتو وعندو احساس انها رح تحبو متل ما عم يحبها هو
وصلو للبيت اعطتو الموبايل وضل هو بالسيارة
طيف:مابدك تنزل
محمد:عندي مشوار خدي الاغراض واطلعي
طيف:مامعي المفتاح
اعطاها اياه
طيف:اطلع ع الدرج
محمد:ليش
طيف:بخاف من الاصنصير
محمد:ياربي دخيلك شو فيو جني يعني
طيف:ولييي لا تجيب سيرتهن هلا بيحضرو
محمد:انزلي يلا
طيف :وصلني وارجع
اتأفف منها ونزل كانت حاملة الاغراض ماشية وراه وصلها وفاتت ورجع للسيارة
.......
ما كنت بعرف لوين رايح بس ع الاكيد لبيت اهلو وهيك راح عليي العشى بس ما حكالي في عندو سهرة او وراه مشوار يسطفل مين بيحزر عليه او بشو عم يفكر رتبت لتياب وكنت مبسوطة كتير ومو مسدءة ايمتى البس شي قطعة منهن الملل وعمايلو عملت كاسة نسكافية ورحت اتفرج على التلفزيون كنت مراقبة اخر ظهور الو يعني مامعو نت مستحيل بكون ملتهي بشي شغلة رح اموت من الجوع وبلا هالعشى رحت جبت حرام واتغطيت على الكنباية ما احلى الدفا اتاريني بردانة ومو حاسة وهلا بلشت تمطر الجو بيجنن غمضت وانا عم اسمع صوت المطر
......
كان عم يصفط السيارة منيح ونزل وطلع للشقة حامل معو العشى والكولا سكر بهدوء وقفل وعلق المفتاح استغرب طيف نايمة بالصالون ما حب يزعجها حط الاكل وراح ل غرفتو لبس بيجامة وغسل ورجعلها هو مابدو منها شي بس حابب يأكشن معها شوي سحب لحرام بهدسحب لحرام بهدوء عنها كانت بسابع نومة ما حست وقعد على نفس الكنباية وصحاهامحمد:طيف ...جبتلك عشى معي
كان مركز بوشها وهي عم تستوعب شو عم يعمل جنبها ومبتسم بخباثة رغم انو مو عامل شي
.....
ما اقدرت اتجلس سحبت رجليي من وراه وبعدت عنو كنت عم ارتب شعراتي ولانو قاعد جنبي خايفة منو
طيف:زمان اجيت
محمد:من نص ساعة
كنت شايفة لحرام بالارض انا اتغطيت فيه ليش مكشفة
محمد:الظاهر نومك تقيل حكيت معك وحاولت اصحيكي
طيف:...
محمد:مابدك تتعشي
طيف:...
بقلبي:الله لا يوفقك معقول ماحسيت عليه انو حدي
طيف:رح اغسل وراجعة
محمد:ناطرك
كنت عم اصحصح غسلت وارجعت لعندو
طيف :مافكرتك رح تجيب عشى لو بعرف ما نمت
محمد:يلا منيح نمتي
طيف: ليش😒
محمد:يعني وانتي نايمة كتير هادية
طيف:على شو بتلمح انت
محمد:ما لمحت على شي
طيف:اصلا ماني جوعانة
محمد:انتي طلبتي شو بتضحكي عليي
طيف:ماباكل لتحكيلي
محمد:شو احكي
طيف:ليش كنت جنبي
محمد:وليش مزعوجة انتي
طيف :لانو بدي اعرف
محمد:كلي ولا تشغلي بالك
طيف:انا كنت متغطية مين مكشفني
محمد:عنجد ابصر
طيف:عم تغشم حالك يا عيب عليك شو كنت عم تعمل جنبني
محمد:يعني كم بوسة ع الماشي
صرخت بوشو
طيف: عنجد عم تحكي
مجمد:قلت بالحلال ما بتزعل
طيف:لاااا ما بتعملها
محمد:لهدرجة مو معبي عينك
طيف:لك لااا مستحيل تغدر فيني
محمد:هلا هاد بتسميه غدر ياريت كل الغدر هيك
طيف:عنجد الي حكيتو
محمد:انتي ما حسيتي على شي
طيف:لا
محمد:يلا بتصير
طيف:ليش لتعمل هيك شو شايفني وبعدين موحكينا بالموضوع ولا كنت عم احكي مع حالي
محمد:لااا هيك زودتيها نايمة هون وبدك ما اقرب كبيرة بحقي
طيف :عنجد هلا بينت على حقيقتك
محمد:طيب اتعشي بعدين بتحققي
طيف:سديتلي نفسي انت
محمد:ههههه طيبة هالاكلة لا تروحيها عليكي ها
طيف:...
محمد:بتروح عليكي لازم الواحد ازا بيحب اكلة ما يروحها عليه بعدين بيندم
طيف:ايوا وعلى شو بتحكي انت بالزبط عن البيتزا ولا عن عملتك
محمد:ههههه التنتين
طيف:الحق عليي وبس انا اقبلت بهالمهزلة
فرط ضحك اتنرفزت منو ومن ضحكتو تركتو وتركت الاكل انزلت اخد لحرام بس مسكني وقعدني جنبو
طيف:بدي اكمل نومتي اتركني
محمد:اتعشي بعدين بتروحي
طيف:معاد فيني اقعد معك انت ما الك امان
محمد:ازا اكلتي بصارحك
طيف:بشو
محمد:ازا عملت شي ولا لأ
طيف:يعني
محمد: كلي ومنحكي يلا
طيف: وانت مابدك تعشى
محمد:امبلا
اتعشيت واشربت كولا وعم هز رجلي من القهر طيف:يلا احكي لشوف
محمد:بتتوقعي اي ولا لا
طيف:شو هي نتيجة احكي بصراحة
محمد:اتوقعي
طيف:لا ما بتعملها
محمد:هههه لا عملتها
طيف:...
محمد:الحق عليكي لازم حسيتي
طيف:ما حسيت والله عم تكزب عليي
محمحمد:شو مصلحتي يعني
طيف:...
تركتو يضحك وفتت للغرفة وقفلتها واتناسيت شو عم يحكي بدقة الباب
طيف: حل عني
محمد:خدي لحرام بدي انام مو فاضيلك
طيف:حطو هون وروح
محمد:لا تنسيه الدنيا برد
طيف:...
......
فات ل غرفتو ودغري رمى حالو على التخت كان سامع صوت باب غرفتها كان حابب يجاكرها بزيادة بعتلا ع الواتس سمايل
محمد:😍😋
شوي وشافتهن بعتتلو
طيف:😤😤
محمد:طولي بالك بتصير بين كل تنين متزوجين
طيف:بس مو بشروط
محمد:يلا تعيشيي وتدوقي غيرها
سكرت دغري وهو فتح برنامج تاني بس ما كان مركز الا ب طيف وليش معصبة ومقهورة
محمد:قربت يا طيف خليكي عند موقفك رح اطبخك على نار هادية رح اصبر بس رح انال بعد هالصبر
.....
تاني يوم انزلنا للشركة سوى كل واحد بحالو ما اهتميت فيه ابدا وهو متلي بيعمل بيبادرني نفس الحركات والافعال بنص الدوام طلع من الشركة ورحت اقعد عند سارة
سارة:اهلا طيف
طيف:جاي اسليكي
سارة:مين حكالك مالة
طيف :توقعت
سارة:شو بتحبي تشربي
طيف:لا ما بدي شي بس لوين طلع الاستاز محمد
سارة:مابعرف كان ناطر اتصال ودغري طلع
طيف:مين اتصل فيه
سارة:مابعرف..ليش مهتمة كتير فيه
طيف:مو متل ما بتفكري بس هيك شوية فضول
سارة:عطول بيوصلك الاستاز محمد
طيف:طريقي على طريقو
سارة:ساكنة بهداك الحي
طيف:لا قريب من هنيك
سارة:لانو الاسعار سياحية هنيك شو هاللبس الحلو اليوم
طيف:حلو عنجد
سارة:اي بجنن شو رأيك تزوريني اليوم
طيف:ببيتك
سارة:اي ساكنة مع بابا وماما وحابين يتعرفو عليكي
طيف:ازا قررت بتصل فيكي
سارة:انعزمتي على خطبة اخت الاستاز محمد
طيف:لا ايمتى الخطبة
سارة:بكرى المسا رح يعملوها بصالة كتير فخمة
طيف:ايه الله يهنيها بعدين هي واجود طنجرة ولقت غطاها
سارة:هههه
وقت فرطت ضحك استغربت في وراي تسفق واتاريه اجود
طيف: اهلين والله
اجود:طنجرة وشو لاقت
طيف: انت زمان هون
اجود:اي زمان بسيطة فيكي وين محمد
سارة:لو اجيت قبل خمس دقايق كنت لحقتو
اجود: من شوي حكيت معو
سارة:بس اجاه اتصال وطلع ضروري
اجود:كيفك ام الطناجر انتيطيف: منيحة كيفك مع غطى الطنجرة
كانت سارة فرطانة ضحك
اجود:والله بخبرها هي كتير بتحبك ع فكرة
طيف:مو معقول مابسدء ازا حبت حالها بيكون كتر خير الله
اجود:لا تحكي ع خطيبتي
طيف:ايه الله يستر علينا كيف تمت الخطبة
اجود:عم تعيريني وليه
سارة:اتفضل ليش واقف
اجود:رح اتصل بالعمدة ازا بدو يتأخر ما بضل وهون طيف
اتصل وحكى معو وحكالو اقل من نص ساعة لهيك قعد ما وراه شي الافندي
طيف:ما عزمتني
اجود:احم احم عزمت محمد اكيد وصلت العزيمة
طيف:ورح يحضر عندك ولا عند اختو
اجود:سوى شو انا بعالم وهي بعالم
طيف:نحن مو هيك عنا العادات
اجود:نورينياجود:نوريني لشوف
طيف:اهل العروس بيعملو حفلة ببيتهن واهل العريس بالمثل وبعد الظهر بكم ساعة اهل العريس ييجو لعند اهل العروس وبتبلش الحفلة بيلبسها الدهب وبيضل عندها
اجود:لا نحن منعزم للصالة وهنيك منجتمع العيلتين طبعا انا ما الي حدا هون لهيك الحفلة بس لرفقاتي واهل ديانا وهيك بتصير الحفلة
طيف:ايه الله يتمملك ع خير بس انا مافيني احضر
اجود:مو بكيفك محمد بجيبك معو
طيف:...
اجود:وانتي سارة ازا ما اجيتي بزعل منك
سارة :اي اكيد بيجي
رجع محمد بعد ما كنا شبعانين حكي ومزح وفاتو لجوى ابتسمت ل سارة
طيف:..
سارة:شبكي
طيف:عادي اتسمع عليهن
سارة:هههه اي خدي راحتك
رحت بهدوء وحطيت ادني ع الباب كانو عم يحكو بصوت شوي مسموع
محمد:شو بدي اجهز يعني
اجود:حالك ومرتك معك
محمد:اي مو مهم المهم اخلص من حكايتك مع ديانا
اجود :وين كنت
محمد:بس تصير الشغلة جد بحكيلك
اجود: شو نسوان وما نسوان
محمد:اي اتعرفتلك على شقفة بنت
اجود:والها اخوات
محمد:كانك انسيت انو ديانا اختي
اجود:بس مارح تمانع نطلع مع بنات
محمد:لا ماعندي مانع اي بدي اكملك
اجود:اي شقرا ولا سمرا
محمد: شقرا اكيد
اجود:احلى من تهاني
محمد:شو جاب لجاب
اجود:وعنجد بتحكي وين شفتها
محمد:تعرفنا عن طريق النت وبتعرف التقينا واعجبت فيني كتير
اجود:وهلا كنت معها
محمد:اي لكن بترك الشغل من شي عادي
اجود:وطيف
محمد:مين طيف
اجود:بنت الجيران
كنت مقهورة كتير من كلامو
محمد:شو دخل طيف بحياتي ما افهمت وبعدين انا وهي بس تجوزنا هيك شكلياً انت مستحيل تفهم الصفقة الي بيني وبينها
اجود:فهمني امانة
محمد:يعني هي حرة بحالها وانا كمان وكل واحد بغرفتو والامور طبيعية وانا ايمتى ما لقيت بنت الحلال ع الاكيد بدي اتجوزها يعني طيف مارح تمانع ومارح تزعل كمان
ما عجبني كلامو بنوب
اجود:ازا هيك خير ما ساويت انا مافكرت شغلة صفقة قلت حبتو ومن هالحكي
محمد:كيفها ما تحب بعدين انا مو طموحي مراة متجوزة
اجود:بس حلوة لا تنكر
محمد:...
اجود: هههه سكوتك بألف معنى
وفجأة انفتح ابباب غمضت وحطيت ايدي على قلبي
محمد:شو عم تعملي هون
طيف:انا
كنت عم اخد نفس بصعوبة
سارة:اسفة استاز بس هي
محمد:مو عيب هالحركات
طيف:...
محمد:من ايمتى واقفة عندك
طيف:مو من زمان
اجود:ههههه من وقت فتنا
طيف:..
اجود:شو حربوق كيف اعرفت انها ورا الباب
محمد:انا بعرف الفضول الي عندها يلا ع مكتبك بسرعة
طيف:اسفة مابقى اعيدها
محمد:حسابك بعدين
زورت سارة وارجعت ل مكتبي ورح اموت ازا ما بعرف شو كملو حكي عني
.....
اجود:حرام عليك خجلتها
محمد:ما بتهتم انا بعرفها
اجود:كيف اعرفت انها ورا الباب
محمد:ما كنت متأكد شكيت تكون واقفة تتسمع
اجود:اي
الإشارة إلى مزيد من الأصدقاء
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`