الفصل 9
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم جرعة أمل`*
*❴🔢❵الـــبـــــــــــ❴9️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
الجزء التاسع
محمد:وحش ما شفتيه كيف عينو زايغة وحقير
طيف:عنجد لك لاا ختيار مو معقول
محمد:ما شال عيونو عنك وما احترم انك معي راجعلو
مسكتو وشديت
محمد: اتركيني بدي اربي فيه الحمير
طيف:شو بدك فيه بعدين مو لقيان نكشة يموت بين ايديك
محمد:استفزني كتير بعدين انتي كيف بتحكي لحالك بدك تسكني اه وكيف بتخبصي مو لازم تخبري الكل عن خصوصياتك
طيف: ..
محمد:وبلا هوية برافو ليش ما حكيتلو مطلقة ومقلعة كمان
نزلت راسي وازعلت
محمد:لا تزعلي بس لو ما بيضل شقق بالعالم ما بسكنك هون يلا نرجع
اركبت معو لانو عنيد ومجنون كمان اتكتفت وضليت ضاربة بوز
محمد:انا لقيتلك حل
طيف:حل؟؟يعني مو بيت
محمد:انتي ليش مابدك تضلي عندي
طيف:لانو ما بصير
محمد:منكتب كتابنا
انصدمت لا ما استوعبت
طيف:لا شو عم تحكي
محمد:ازا انكتب لكتاب بتصير قعدتك عندي مشروعة
طيف:لا لا انا مابدي اتجوز انا بدي اسس حالي بدي بنتي وبس
محمد:مو لغاية بس مشانك يعني مشان لا تضلي تحسي اني غريب عنك وكل واحد بغرفة
طيف:وشو الضمانة ياترى يمكن تقتنع بس بعدها رح تغير رأيك وتصير تحكي مرتي ومرتي
محمد:احلفلك والله مابقرب عليكي
طيف:...
محمد:اسمعي بعد ما شفت هالمنوذج احلمي ببيت مستقل
وشغل السيارة كمان
طيف:طيب بدي ضمان انو ما تقرب عليي
محمد:والله ما بقرب
طيف:وليييي ازا بتكزب عليي انا رح ضل معتبريتك غريب
محمد:اي ماشي شو وافقتي
طيف: والله ازا بتحاول او بتفكر بقتلك
محمد:اي اي متل مابدك
طيف:اصحك تغدر فيني ها
محمد:شو يعني جيب الشيخ هلأ
طيف .....
حسيتو اصعب من قرار زواجي الاول كنت عم اطلع فيه واحاول افكر
محمد:معك لاخر الطريق فكري
طيف:يعني مو لاخر العمر
محمد:هههه
طيف:...
بقلبي:وبنتي ياربي انا اشتقتلا بس يمكن الحل كتير منيح وازا عنجد وافقت وانكتب لكتاب وحكالي يلا انتي مرتي .
طيف:وازا طلع ملعوب منك
محمد:لا حول ولا قوة الا بالله انتي في وشه بعقلك والله
طيف:بوافق ومتل ما خبرتك ازا بتحاول يا ويلك
محمد:موافق بس شو بدك تكتبيلي بالمهر
طيف:😲
محمد :ههه بمزح معك
طيف:...
ارجعت صفنت بالموضوع وكتير خايفة معقول اتهورت بقراري لاحظت انو مبسوط
طيف:لا تفرح كتير
محمد:...
طيف:الي ببالك ما بصيرر
محمد:ماشي خلص
طيف:الخلص لحالها معناتها احلمي
محمد:هههه يا عفو الله
طيف:...
وصلني للبيت وطلعنا للشقة وفي شي جواتي رافض الفكرة بس كمان حل لو مؤقت وبالنهاية شو نهاية هالزواج طلاق مثلا مابعرف فتحلي الشقة وفتنا سوى كان البيت مرتب كتير وريحتو ورد فتت ل غرفتي كمان كانت مرتبة كنت عم استوعب واحسم اموري اندق الباب وسمحتلو يفوت
محمد:شو طيف قبل جيب الشيخ
طيف:...قلبي عم يدق بسرعة خوف من المستقبل والتهور
طيف:ونهاية كتب لكتاب
محمد:ايمتى ما شفتي حالك قد الشغل والبيت مننفصل
طيف:طيب انت شو غايتك
محمد:انك ما تضلي عم تدوري ع بيت وخايفة كل الوقت ومو واثقة فيني
طيف:...
بقلبي:يارب ما اندم يارب ما اندم
طيف:ماشي ومشان الي وعدتني فيه
محمد:بشرفي ما بصير شي
طيف:ماشي موافقة
محمد:ربع ساعة وبكون عندك
التوتر والقلق الخوف مشاعر ما بتنوصف حسيت انو محمد عندو غاية غير انو يطمني وقت رجع اتلبكت وصرت اتمشى بالغرفة لحد ما اجى
محمد:رح تكوني وكيلة حالك
طيف:...
وقت شفت اجود اخجلت اكتر كنت عم ردد ورا الشيخ وايديي عم يرجفو حسيت اني وحدة غبية بس خلص عم يباركولو وطلعو كلهن وانا فتت للغرفة وقفلتها لحتى يعرف شو عمل هو وشو رح اعمل انا
..........
كانو واقفين تحت ومستندين على سياج البناية
اجود :مبروووك بس كأنها خطوة جريئة منك
محمد:زواج مؤقت بس
اجود:شووو شو يعني في طلاق
محمد:لا لا انو متل وضعنا الاول بس مشان تأمن ع حالها مني
اجود:وافقت انت
محمد:انا اقترحت يعني لا مرتاحة ولا مخليتني ارتاح هيك احسن حل
اجود:والله برد فوت اتدفى جوى
محمد :حاجتك ولاه لساتني مقهور منك
اجود:تخيل بكرى كتب كتابي يعني مع بعض
محمد: اي يمكن بدك شي
اجود:ههه مستعجل
محمد:اييي وبعدين معك انت يلا روح
اجود:تصبح على حب و
محمد:خلص روح
طلع للشقة هو بيعرف شو ناطرو فتح وفات لجوى كان واقف قبال غرفتها
محمد:وحش لاني مو مسدء صارت مرتي كيف اقنعتها بسهولة قبل يفوت ل غرفتو ضل متأمل فيها
محمد:المكتوب ببين من عنوانو
فات وسكر الغرفة على حالو رمى الجاكيت ولبس بيجامة واتمدد على التخت ماسك موبايلو بالاول على الواتس طبعا طيف مسكرة من الصبح لهيك فتح موقع تاني يتسلى صحيح عم بتفرج بس بالو عند طيف
.........
اصحيت متنشطة وخفق قلبي بقوة لانو انكتب لكتاب وخايفة يصير العكس انسى بنتي وتروح عليي
طيف:يعني خلص معاد شيل هم النومة ولا السكن ولا الشغل بس لا رح اعتمد على حالي هالشي الي صار بس كرمال الحرام والحلالفزيت دغري ورحت للحمام غسلت وارجعت للغرفة اللبست ورحت عملت القهوة وعملت لمحمد تعليمة متل ما بيعمل هو انفتح باب غرفتو
طيف:القهوة جاهزة
محمد: اجيت يلا
طيف:وين الدخان
كان ماشي واللتفت
محمد:شو بدك
اشرتلو وضحك
محمد:بالغرفة خديه
طيف :الله يرضى عليك بس مافي امان افوت لغرفتك بس تيجي جيبو معك
محمد:هههههه يا صباح الخير
راح ويمكن غسل وجهز حالو واجى
طيف لا تنسى ال
محمد:شبكي انتي بعدين عيب تشربي
طيف:😂لا تضحكني انت عم تضيفني
محمد:عيب تطلبي
طيف:ليكون الك سلطة عليي مفكر
محمد:لا بس خلينا متفقينطيف:ايوا؟ع شو
كان عم يشغلي وضيفني
محمد:لبسك ما بيعجبني
طيف:شو يعني
محمد:يعني مدام انكتب لكتاب في شوية تعديلات على لبسك وتصرفاتك كمان
طيف:كانو بلشنا
محمد:شوفي ضد عقلي القصير والضيق واللون الملفت
طيف:والتصرفات
محمد:ممنوع تتصرفي وتحكي من عندك مدامني جنبك بمطعم بشارع بشركة بالبيت وفي ناس غريبة الحكي الي وبس مو تقطعي وتلحشي من كيفك
كنت عم انفخ بغضب
طيف:انت سدءت حالك ها
محمد:اي وهي شروطي لحتى احافظ على شروطك
طيف:شووووو
محمد:بتخرقي شرط بخرق شرط
طيف:لااااا هيك كتير
محمد:...
رفع كتافو بمعنى هاد الي عندي
طيف:وشو يعني لبسي هاد
محمد:لبلوزة بدها تكون طويلة او قلك فستان ويكون فضفاض احسن وازا بتتحجبي بكون احسنين
طيف: ....
محمد:ليش ساكتة
طيف:شو هالتعصب اختك ما بتتحجب
محمد:لو الامر مني بحجبها بس بابا وماما منعوني اتحكم فيها وبلبسها وع فكرة انا ما بيعجبني شي ب ديانا بس مجبور مدللى وما بقدر ازعلها
طيف:حجاب حجاب
كنت عم اشرلو عل حالي
محمد:لكن شو بمزح معك
طيف:بس انا وانت منعرف ليش كتبناه للكتاب
محمد:وانا والعالم كلو بيعرف ازا انكتب لكتاب معناتو
طيف: انا صرت مرتك
محمد:ايواااا
طيف:وازا صرت مرتك بدك تتحكم فيني ونحن اتزوجنا لشغلة معينة والي هي مشاني
محمد:هي لشروط ومتل ما قلتلك بينخرق شرط بخرق شرط
طيف:رايحة ابدل تيابي بس
محمد:ناطرك
.......
كان احلى جدال بيخوضو معها كانت كتير جدية رجعت لابسة فستان حسب الاصول في مشكلة بالشعرات بس معها معها بدو بحجبها
طيف:مطول بدنا نمشي
محمد:تعالي كملي قهوتك
طيف:سديتلي نفسي
محمد:ههههه تعالي بلا جدبة
طيف: شو بلاقيك اخد وش ومكتر
محمد:هههه مو
طيف:مو مو
محمد:تعالي روقي دمك بسكيارة
طيف:والدخان ايمتى ممنوع
محمد:تحت اشرافي
طيف:لااا انتصرنا
رجعت لمكانها وصفنت
محمد:روقي بتصير
طيف:مارح يصير شي صح
محمد اي
طيف:ومشان بنتي ما بدك تساعدني وندور عليها
محمد:تكرمي بس خلينا نشوف شغلة الهوية
طيف:ماشي
محمد:اليوم كتب كتاب اجود وديانا
طيف: وافقت
محمد:اي مع انو ما حبيت بس يلا قرارها وحرة فيه
طيف:ليش رافض
محمد:...
طيف:واجود مبسوط
محمد:مابعرف هو مبسوط لانو كتب كتابي وكتابو ورا بعض
طيف:...
محمد:بيوم الخطبة بعزمك اي
طيف:لا ما دخلني اليوم لازم احضر كمان
محمد:هههه شه مو حلوة
طيف:لكن تاكل حلو بدوني
محمد:مشان حلو خلص انا بجيبلك معي
طيف:يكون من الغالي مو تجيبلي من الحلو لرخيص
محمد:يلا خلينا نمشي كانو بلشتي طلبات
طيف:بتسدء ما حسيت على حالي
راحو سوى للشركة كان مبسوط كتير مو شوي وهو عم يتزكر ردات فعلها على كلامو وملامحها كيف بتتغير بس تعصب فاتو للشركة وكل واحد ل شغلوشفتو طالع من الشركة لحالو وراقبتو وما اعرفت لوين راح ارجعت ل شغلي وطلبت قهوة الي ولسارة ورحت اشربها عندها
سارة:يسلمووو
طيف:الله يسلمك وين راح الاستاز محمد
سارة:مابعرف بالعادة بيطلع بيفطر او بيكون عندو شغل
طيف:من زمان موظفة عندو
سارة:اي من زمان كنت متخرجة وعم دور على شغل والخالة ام زهير تواسطتلي وهو كتير متوصي فيني كرمالها وبدون ما اطلب بيزيدلي الراتب
طيف:معاملتو مع الكل منيحة
سارة:حسب الشخص يعني في موظفين بيقسى عليهن
طيف:كيف شفتي شغلي
سارة:ريحتيني كتير ع فكرة اغلب هالملفات كنت اتعزب فيها بالبيت
طيف:وشو لازم اخد راتب انا لليوم ما حددلي الراتب وبيحكيلي اول شهر تجربة
سارة:يمكن لانك مامعك شهادة
طيف:معي شهادة بكلوريا
سارة:ما بظن تنفع بدك تكوني خريجة اقل شي معهد سنتين
طيف:طيب ماعندك فكرة
سارة:اقل شي ٥٠٠ الف
طيف:كتير منيح انتي متزوجة
سارة:لا انا بساعد اهلي بالمصروف تقدملي اكتر من شب بس رفضت ازا ما امنت اهلي ما ممكن اتزوج
طيف:معك حق وحتى ازا البنت ما كملت دراستها وتخرجت حرام تفكر بالزواج لانو هلا الطلاق صاير متل اللعبة
سارة:معك حق
طيف:بدي اسألك الاستاز محمد مرتبط
سارة:هههه
طيف:ليش عم تضحكي
سارة:مع انو ما شفت منو شي بس حسب ما بيحكو الموظفين انو بيقضيها سهر وطلعات واصحاب وبتعرفي بكون في بنات ما بظن مرتبط لو مرتبط اقل شي بيحترم الطرف التانيطيف:معك حق
سارة:كانك مهتمة فيه
طيف:حبيت اعرف مو اكتر
كانت مبتسمة الي وهي وجها بشوش كتير
بعد احاديث وسير رجع محمد واستغرب
محمد:شو فاتحينها كافيه
سارة:اهلين استاز اطلبلك فنجان قهوة
محمد:لا يسلمو كملو
بقلبي:وين كان معقول افطر بدوني والله ميتة جوع انا
طيف:انا رايحة اكمل شغلي بدي شوفلي موضوع افتحو معو واطلب الراتب
سارة:هههه اقل شي داومي اسبوعين ورا بعض
طيف:هههه بكون معلنة افلاسي
تركتها فرطانة ضحك ما كنت بعرف انو صايرة مشاكلي تضحك ما سدءت ايمتى خلص شغل انا مو مركزة بشي بدي افاتحو بالموضوع واشتريلي كم شغلة ضروريات مو حلوة اطلب منو ع الطالعة والنازلة اصلا هو باع السنسال وحاليا عم اتمصرف منو😓والاكل يعتبرو حسنة
جهزت حالي قبل ما يخلص الدوام ونطرتو جنب المكتب لحتى طلع كنت مراقبيتو كان عم يحكي مع سارة وشافني واجى لعندي
محمد:شو خلصتي
طيف:مخلصة من زمان
منيح رح انزل معو مشان لا يعلق الاصنصير غير شكل النزلة فيه وبالسيارة ارتحت اكتر
طيف:كانك كنت بمشوار
محمد:...
طيف:ليش ساكت
محمد:كأنك عم تحققي معي
طيف:انا عطول بسألك
محمد:لا تسألي ازا ما حكيت من حالي
طيف: اسفين سيد محمد
محمد:...
طيف:شو مشان الراتب
محمد:لتزبط امور الهوية
طيف:مافي ثقة يعنيمحمد:انتي بدك الراتب من جيبتي ولا من المحاسب
طيف:شو بتفرق
محمد:من جيبتي يعتبر هيك اما من المحاسب فهو تعبك
طيف:وايمتى منزبط الهوية
محمد:كأنها مارح تزبط
طيف ليش
محمد:منحكي بالبيت
طيف:....
انشغل بالي كتير وانزعجت كمان وصلنا للبيت من طريق تاني كنت عم افكر بالموضوع مافي ولا جواب بعقلي والافندي طول انا ناطرة وهو ولا عبالو يطلع من غرفتو كنت عم انفخ ملل لسى ما بدلت تيابي ولا حتى غسلت بالاخير مليت رحت غسلت واللبست اواعي البيت ورحت لاكلي شي سلك فيه جوعتي بطلعتو
طيف:على طول بينزع عليي الاكل
كنت عم ابلع ريقي وامسح تمي ورحت عبيت كاسة مي
محمد:صحة
طيف: ع قلبك حطلك اكل
محمد:سبقتك
طيف ...
بقلبي: يعني مفطر بدوني
طيف:شغلت بالي انت
محمد:مشان شو
طيف: مشان الهوية
محمد:اي في عليكي قضية
طيف:قضية شو
محمد:متقدمة ضدك شكوى سرقة كيلو دهب
طيف:شو؟؟ كيلو دهب
محم:اي واسمك معمم يعني ممنوع حتى تسافري لتنتهي القضية
طيف:انا اصلا ماعندي جواز سفر بس يعني كيف انا ما سرقت شي
محمد:قيس مشتكي عليكي بنفس اليوم وبالمستشفى دخلوكي على هويتي والا مستحيل تطلعي بسهولة
طيف:...
محمد:بتنحل لا تخافي
طيف:انا لازم اشتكيت عليه حرمني بنتي وضربني وقتل روح بدم بارد وحط فيني تهمة باطلة الله ياخدو ما بسامحو بكل عمري
محمد:بشوفلك حل لا تخافي
طيف:يعني رح يتحقق معي
محمد:اكيد وبدك محامي ولازم يكون في شهود
طيف:انا كيف ما حسبت حساب هالشي
محمد:انا لازم روح لبيت اهلي بدك شي
طيف:.....لا سلامتك
محمد:ازا اعتزتي شي اتصلي فيني
طيف: ماشي
راح وانا فتت لغرفتي ارتاح وافكر بحقارة قيس ولوين وصلت معو الامور 🥺
....
ما اقدرت ارتاح وما نمت رغم اني نعسانة كان بس ناقصني قضايا ضدي لتكمل معي الوقت عم يمضى ببطء وبدي محمد يرجع حابة افضفضلو شوي ليطمني وتأخر كتير كنت عم رتب كم شغلة لاتسلى عملت قهوة وقعدت وارتحت وقت فتح الباب كنت عم اقلب بالقنوات وحطيت على مسلسل تركي واندمجت فيه لمحتو حامل اغراض وفايت فيهن للمطبخ طل عليي
محمد:جبتلك عشى معي روحي اتعشي
طيف:ما الي نفس
محمد:يلا هلا بيبرد الاكل
طنشتو فات للغرفة ورحت للمطبخ ريحة الاكل بتشهي اجى كانو عامل دوش
محمد:جبتلك حلوان الخطبة
طيف:اي صحيح مبروك
محمد: الله يبارك فيكي احسب حسابك بالقهوة
طيف:روح انت بس اتعشى بجهزها وبجي
محمد:متل مابدك
احسن يتركني على راحتي اتعشيت وضبيت الفواكه الي جايبها وجهزت القهوة وحطيت حلو ورحت لعندو كان يحكي مكالمة فيديو وحاطت سماعات ما اقدرت اتنفس بس حطيتلو الفنجان ومراقبة حركاتو وكيف مبسوطمحمد:كيف خطرت ع بالك....منيح تزكرتيني بعرف اني على طول منسي ....حبيبة قلبي هاتي بوسة يا ويلي شو طيبة
نفخت ب ملل وكنت مركزة عليه
محمد:لا غير شكل عيونك الحلوين لا ببيتي عندي شوية شغل بس افضى منحكي الله معك يا روحي
طيف:يا الله مين هي روحو
طنشت شال السماعات واخد القهوة وضيفني سيكارة ما ارضيت
طيف:مالي نفس
محمد:مشان القضية
طيف:اي خايفة انحبس
محمد:لا تشيلي هم بتنحل
طيف:كيف بتنحل شو عندك حلول
محمد:بسألك خلص بدبرها لا تخافي
طيف:يعني لساتو هون
محمد:...
طيف:كيف فيني اسأل عنو وين بدو يكون مو لازم اعرف
محمد:مافي الا ايميلو عندو فيس بوك
طيف:بس اغلب الوقت مسكرو هو اكتر شي بيستخدم الواتس والاتصال العادي ونادرا ما بيفتح هيك مواقع
محمد:منبعتلو رسالة لوقت يفتح منتواصل معوطيف:كيف؟
محمد:هلا اي رجال بالعالم مراة بتلاعبو على اصبعها
طيف:اي
محمد:رح نستعين ب جيداء
طيف: رح تحكيلا
محمد:انتي رح تضلي برانية انا بألفلي شي قصة طيف:اي
محمد:رح تتواصل معو وهي عندها اساليب لتوقعو بالفخ منعرف وين ساكن وبتواعدو بشي مكان ورح راقبو اكيد
طيف:وبنتي كيف بدي جيبها
محمد:نحن نضمن انو هون وبعدين منفكر بخطة محكمة
طيف:اي الفكرة معقولة كتير وجيداء بترضى
محمد:اي ما عليكي منها
طيف:وايمتى بدك تحكيلها
محمد:بكرى اكيد
طيف:وازا حكالها قيس عني
محمد:معقول يحكي
طيف:اي معقول هي ازا ما خبرها اني خنتو ولزقني كم تهمة
محمد:طيب والحل
طيف:اتواصل معو انا وبجيبلي صورةحيلا وببعتها ع اساس انا وبجرجرو بالكلام وبفهم منو وين هو
محمد:وازا طلب تحكي صوت اكيد بيعرف صوتك
طيف:...
محمد:خلص انتي اتركي هالموضوع عليي بتعرفي ايميلو
طيف:اي بس مابعرف ازا غيرو
اجى قعد حدي وفتح الفيس
محمد:طالعيلي حسابو لشوف
كنت عم دور وكنت متأكدة ع الفاضي كل هالأجراءات طالعتلو لحساب وفات للأيميل
محمد:هاد قيس
طيف:اي
محمد:...
....
بقلبو:شخصية والله وكأني شايفو بس يا ترى وين معقول بشي كبريه متأكد انو شايف هيك شخص
محمد:خلص رح جيبو بس مو عن طريق بنت
طيف:كيف
محمد:شو بدك انتي عندي خلص
طيف:ليروح يشك بالموضوع هوي كتير حربوق مو شوي
محمد:انتي لا تشيلي هم والك جيبلك بنتك وتشبعي منها
طيف:عنجد بكون ممنونة الك والله
محمد:كأنك ما تحليتي
طيف:والله مو بنفسي
محمد:يلا جبت مشانك
كان مبين عليها اليائس اخد الموبايل وراح ل غرفتو وتركها بأفكارها ولساتو عم يتأمل قيس
وبعت ل اجود صورتو
اجود:مين هاد
محمد:بتعرفو
اجود:لا انت بتعرفو
محمد:لا حابب اتعرف عليه
اجود:عنجد بحكي مين هاد
محمد:بعدين بحكيلك بس فكرتك بتعرفوكان عم يرسم خطة ببالو ليوقعو ويفهم منو شو عاملة طيف لحتى عمل فيها الي عملو حابب يسمع من الطرف التاني هو تعاطف مع طيف بس معقول يحكيلو عن ماضيه ...
.......
كنت مركزة بالشغل واتناسيت الراتب الي محمد ناسيه اكتر مني انعزمنا على حفلة واصر محمد ياخدني معو ما كنت بدي اجتمع بحدا لانو تيابي مليت منهن ومابدي احكيلو هالحكي
محمد:جهزي حالك للمسا
طاوعتو مجبورة اللبست بلوزة على طول بلبسها وجينز ومشطت شعري ربطتو ذيل حصان وما حطيت شي على خلقتي مو ناقصني الا اهتم بحالي انا بعالم وبنتي بعالم ولا كملتها واتجوزت بكتاب شيخ اللبست البوط واطلعت انطر امير زمانو اليوم
هو يومياً بيلبس شي جديد ماني متوقعة شو رح يلبس اليوم بس ريحة البارفان بلشت تهفهف بقلمي مايا الحجازي واخيرا فتح وكنت متحمسة كتير لشوفو لابس جاكيت اسود وبلوزة رمادي وبنطلون جينز غامق وبوط ابيض من مستقلبي وحاطت نظارات ببلوزتو حملت الموبايل التقينا عند المدخل
محمد:شبكي
طيف:شبني
محمد:مانك مبسوطة
طيف:عادي مو مهم
محمد:شوفي
طيف:رح نتأخر
محمد:اطلعي فيني
رميتو نظرات لا تفسر
محمد:شو هالتطليعة اه
طيف:بدنا نضل هون
محمد:لازم اعرف شبكي
طيف:مو مهم خلينا نمشي
سبقتو وهو سكر الباب كان كل شوي يطلع فيني وانا مو معبريتو كل شوي اتفقد الساعة وهو مركز فيني وانا مو مهتمة الو مشينا بالسيارة اتكتفت وشردت كنت انسى مين انا وبثواني يمر شريط حياتي واستوعب انا طيف وعندي بنت اسمها سما جوزي طلقني وليكني جنب واحد مابعرفو وصار جوزي بكتاب شيخ وانا رايحة لقابل شلة مريضة عقليا ونفسيا وهلا كملت معي وقت وقفنا قدام محل صوت الاغاني طالع لبرى
طيف:شو هالمكان
محمد:كازينو
طيف:انا فوت هيك مكان
محمد:انتي معي
طيف:وشو يعني معك مبين مو سائل على حدا انت
محمد:بلا جدبة حاجزين طاولة النا
طيف:انا مافيني بخاف من هالمكان
محمد:شو عم اغني بالطاحون انا معك
طيف:وازا قيس بيترددلو انت ناوي تعملي فضيحة هون
محمد:انزلي بس نفوت بتعترضي
ما همو اعتراضي وفتحلي الباب
طيف:رجعني ع البيت
محمد:هييي لا تخليني افصل عليكي مسايرك لحد هاللحظة ضاربة بوز للسما ومعصبة وهلا مابدك تنزلي بعدين انا معك شو لهدرجة مو معبي عينك
طيف:وشو يعني انت معي انت مو فارقة معك سهرات وطلعات تزفير كلام اراكيل وصياعة انا ما الي مكان بيناتكن انا توقعت بمطعم لك بحديقة مو بالكازينو
كانو وصلو باقي رفقاتو فرحة ديانا لا توصف انزلت مشان لا يبين اننا متخانقين رماني نظرات وليييي معاد اتحملت اطلع بعيونو نزلت راسي والكل عم يسلم وديانا حضنتني ما اعرفتها
جيداء:طيف حليانة بس لازم البستي فستانطيف:...
علي:شورح نضل هون
اجود:اتفضلو يا جماعة
بقلبي:شلة عاطلة عنجد مشيت بعيد عنو حسيتو بدو يخانق والاستقبال كان حافل فيهن زباين بلا ترباية الضو اخو العتمة والالوان بتعمل عمى مؤقت الضحكات بتشل والدخان معبي المكان قعدنا كلنا اخترت مكان بعيد عنو لو ما بقدر لشلتو بس مابدي اطلع بخلقتوغمزتني جيداء
جيداء:مو على بعضك
طيف:من افتراء اخر لقاء
جيداء:ما اقدرت اوقف ضد ديانا خفت عليها
طيف:...
جيداء:اليوم وصلتني مجموعة فساتين رح يعجبوكي
طيف:..
جيداء:وبلايز كتير موديل وخرج الموسم
طيف:اي بزورك اكيد
جيداء:بتنوريني
.......
كان مقهور من لهجتها وحتى طريقة كلامها وكيف معصبة ومو عاجبها شي واضح انها عم تتعامل مع الكل بنفس المعاملة
اجود:شو بتحبو تشربو
بلشو يختارو وطيف سارحة وعم تطلع بالحضور وهو مركز بنظرو عليها لحد ما صحاه اجود
اجود:شبك مو على بعضك
محمد:لا ولاشي
اجود:هههه عينك على طيف
محمد:..
اجود:شبك متخانق معها
محمد:دفشة كتير وعصبية
اجود:اي مبين انكن مو طايقين بعض
محمد:التهي بخطيبتك لو سمحت
اجود:هههه انا مشانك لساتك عريس
محمد:بلا مسخرتك اي
اجود:ههه
كانت جيداء مهتمة فيها كتير وبعدها اغلبهن راحو يرقصو بقيت طيف متكتفة وعلي على موبايلو ونهى منسجمة برقصة جيداء وهشام
اخد موبايلو وراح قعد جنبها بعدت نظرها عنو وهو مركز نظرو على ملامحها وكتير قريب منها وكأنها تدايقت
طيف:شبك
محمد:انتي شبكي
ما قدرت تحط عينها بعينو رجعت بعدت نظرها
طيف:روح ارقص مع رفقاتك
محمد:مو لاعرف ليش حضرتك معصبة
طيف:أسأل حالك هاد مكان بتجيبني عليه
محمد:شوفيها يعني بعدين انتي معصبة قبل نطلع
لمحتو لمحة وكان واضح عليها انها خايفة منو
......
كان نفسي رح ينقطع كيف قريب مني هيك وكيف مبحلق بوشي ومنيح لبلوزة مسترة كتير ودقات قلبي سريعة صحيح ماني شايفيتو بس مبين عيونو ما عم تفارقني ودايقني كتير
طيف:رح نطول
محمد:لحتى تروقي
طيف:لا مستحيل مدامني بهيك مكان وبهيك جو
محمد:يعني رح اخلي حدا يأذيكي مثلا انا هون
طيف:انت شوف كيف لبس البنات وصريخهن والمشروب بتعرف شو بقصد
محمد: هني حرين بحالهن ونحن حرين بحالنا وكل واحد بيعمل الي بيحلالو
طيف: ما بظن انكن ما بتشربو
محمد:لو شباب اي بس مدام معنا حضرتكن لا ما منشرب
طيف: يعني بتشرب
محمد:مو على طول
طيف:ياحبيبي شو عم اسمع انا
محمد:كتير طالعة حلوة بدون مكياج
صدمني ورميتو بنظرة مو عاجبني
طيف:ليش عم تطلع فيني عيب عليك
محمد:اول مرة بستمتع وانا عم اطلع بحدا
طيف:...
حطيت ايدي على وشي
محمد:وايديكي كتير حلوين
طيف:لوين بدك توصل
محمد:حكي بحكي ليش بتنزعجي
طيف:....
محمد:ما بحل عنك لتحكيلي من شومحمد:ما بحل عنك لتحكيلي من شو معصبة
طيف:من حالي
محمد:نظام هرمونات يعني
طيف:..
محمد:اتسلي انتي بتحبي هالاكلات
طيف:ليش انا قدرانة اتنفس من حضرتك
محمد:هههه
بعد شوي وارتحت من شوفتو مدايقني بنظراتو
طيف:بتعرف انا متدايقة منك من هداك اليوم
قرب ادنو من تمي مو سامعني
محمد:شو
طيف:مدايقة منك من هداك اليوم
محمد:اي يوم
طيف:بالمزرعة وقت طنشتني
محمد:ماصار هيك شي
كان فرطان ضحك
طيف:لا امبلا اسأل مين مابدك انت طنشتني ومابعرف شو صارلك كل شوي برأي
محمد:لكن انا مهتم فيكي لغاية
طيف:لسى مو مستنظفة كلشي عم يصير
محمد:لو صار نحن اتجوزنا
طيف:والله قلبي حاسس انو في وراها فبركة منك لا تحلم ولا تتعشم فيني بنوب
محمد:بلا ليش شو السبب
طيف:انا ثقتي بالعالم كلو صفر وانت بالتحديد تحت الصفر لهيك موالك روح غنيه بمكان تاني
محمد:ما نحن اتجوزنا
طيف:ولو انا معتبريتك غريب حتى مستحيل احكي بيني وبين حالي كلمة زوجي
محمد:اي اي فهمان هالحكي بعدين من نظراتك ما بدها شرح شايفيتني عو
طيف:...
محمد:يعني هيك
طيف:لا مو هيك انت بتخبص بالحكي
محمد:بسيطة بصير خير فيكي
التهى بموبايلو وانا كملت مراقبة الناس ولي على عيونهن مافي رادع لهيك نماذج ومحمد مفتخر جايب اختو معو وعادي الامور عندهن طبيعية
نزل من عيني كتير حسيتو عم يمهدلي اننا اتجوزنا ولو صار شي عادي ولازم يصير قربت منو وحكيتو
طيف:انا مليت كتير
محمد:لسى بكير هلأ وصلنا
طيف:ماني مرتاحة
محمد:ع فكرة حرام ينطلع معك انتي
طيف:تاني مرة لا تجيبني معك
محمد:ليش انا بحزر شوفي براسك كل شوي برأي واساساً مابعرف ليش ضاربة بوز
طيف:من حالي منيح
محمد:...
دغري وقف وراح لعند رفقاتو يمكن مل من حديثي اعطى موبايلو ل علي ولي على عيونو بلش يرقص حاولت اتجاهل الرقصة ما اقدرت رحت لجنب علي اتفرج عليه كيف عم يصورهن خلص تصوير وحكيتلو
طيف:هو طلب منك
علي:اي لكن
طيف:روح ارقص انت كمان
علي:مبين عليي بحب الرقص
طيف:انت اهدا واحد فيهن
علي: وانتي كمان هادية كتير
طيف:اعطيني موبايل محمد
علي: ليش
طيف:هو حكالك خليه معك
علي: لا خديه
طيف :افتحو
علي ...
طيف:ليش خايف فيو شي ما بيسوى
علي: موبايلو مو موبايلي
طيف:انا معي تصريح اسألو
علي:....
فتحلي اياه وفتت للأستديو
طيف:معقول هي كل الصور
علي:يمكن مخبيهنطيف:مبين انو مخبيهن هههه مصور فنجان القهوة
فتحت برنامج التواصل الي بنام وهو عليه سهران شوفيو رسائل دايركت ما اقدرت افتحهن
خبيت الموبايل عنو
طيف:ليك خلينا نجننو بس يسألك وين موبايلي احكيلو انك نسيتو ويمكن انسرق
علي:ناوية تصير جريمة قتل
طيف:بس تتلف اعصابو منرجعو
علي:انتي المسؤولة ها رايح من جنبك صاصاحبة مشاكل اطلعتي
انبسطت كتير حابة انرفزو مو شوي كتير كنت مبتسمة لرقصهن ياعيب عليهن شلة فاسدة عنجد خلصو ورجعو كانو عم يشربو مي اشر ل علي بمعنى الموبايل ومشى معي بالكزبة بلش يدور عليه
علي:هون كان
محمد:مو اعطيتك اياه
علي:شردت عنو شفتيه طيف
طيف: هاد
فرجيتو موبايلي
محمد:عم تسلبيها
طيف:ضيعتو يمكن وقع منك وانت عم ترقص
محمد:عنجد بتمزحي مو
فرطت ضحك شك فيني دغري
محمد:طلعيه بسرعة
طيف:خدو
محمد :طيف وين موبايلي
طيف:شه تهمة يعني ما اتعودت اسرق
محمد:وليش عم تضحكي
طيف:ههه لانو متعلق فيه كتير
محمد:علي هيك الي بأمن معك شغلة
اجود:حلوها سلمية رجعيلو الموبايل
طيف:واخدتو ها وين بدي روح فيه
بعدت عن مكاني واتكتف
محمد:هاتيه احسن الك ها
طيف:اكيد واقع منك روح اتاكد
علي:لك يمكن حدا اخدو بدون ما ننتبه
محمد: شو متفقين عليي انت وياها
علي:انا...اصلا ما حكيت معها
طيف:ولا انا
محمد:طالعي الموبايل وهلأ ما تضطريني اتدخل
طيف:بدك تضربني
محمد:لا بس بطالعو بمعرفتي
طيف:ما اتوقعت هالرد منك
جيداء:طالعيه طيف محمد اسرقيلو كلشي الا الموبايل
محمد:سامعة
ديانا:بالاخص قلبو😉هو متخلي عنو
طيف:...
التفت ل ديانا تعابير وشو كانت بتضحك
محمد:عنجد انا حكيتلك متخلي عنو
ديانا:بمزح شبك معصب
محمد:...
تحلفلها
اجود:كانو فقست الحفلة شبكن
جيداء:من مشاكل طيف على طول بتعمل شي فصل وبتنزع كلشي
طيف:يوووه عنجد عم تحكي شو عملتلك هلا
ديانا:سرقتي موبايل محمد يعني بدك تبيعيه
اجود:اكيد عم تمزح معو
ديانا:ما بظن بتمزح لو مزحة طالعتو
طيف:شو ماسكيتني عم اسرق شي مرة
ديانا:يعني توقعت بتبيعيه وبتجيبلك شوية تياب لانو ملينا ونحن نشوفك بنفسهن انتي ما مليتي
طيف:...
طالعتو دغري واعطيتو اياه
طيف: اسفة حبيت امزح معك
اجود :ديانا شو هالحكي
ديانا:وانا بمزح معها
.......
كان متحلفلها بعيونو وهي خافت كتير منو
ديانا:عنجد بمزح معك والله اسفة
قبل تقرب تعتذر منها بعدتها طيف
طيف: ما ازعلت والله لا تهتمي
ديانا:كأنك تأثرت اكتر منها البنت ما زعلت مني وانا عم امزح مو اكتر بلعكس تيابها حلوين وكتير مرتبين
محمد:...
اجود:روقنا شبك
محمد:..
لساتو مركز نظرو على ديانا لانها على طول بتكسر بخاطر طيف
دفشو اجود وقعدو ع الكرسي والكل رجعو لاماكنهن جيداء وديانا عم بتهامسو ومحمد لساتو عم يطلع ب ديانا وكتير متدايق منها
طيف:عم تمزح ليش عصبت
محمد:مزحها وسخ
طيف:حبيت امزح معك بعرفك متعلق بالموبايل كتير
محمد:..
طيف:عم حاكيك طلع فيني
محمد:...
طيف:سدءني بتكون ندمت من تطليعاتك انا خفت وما الي علاقة خلص طنش انا اتعودت على تصرفاتها
تعليق
الإشارة إلى مزيد من الأصدقاء
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`