الفصل 8
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم جرعة أمل`*
*❴🔢❵الـــبـــــــــــ❴8️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
الجزء التامن
كانت تبعتلو بوسات ع الهوى وقعد جنبهن
جيداء:منور حبيبي
ديانا:حبيبي احلى
جيداء:لو سمحتي افلت
فرطنا ضحك عليها وهو حس لهيك التهى بموبايلو
محمد:ليش انفرطتو هيك
جيداء:نكتة بس عيب نحكيها
محمد:انتي بدك ترباية هشام ضب خطيبتك
جيداء:هههه شو حكينا
ديانا:الله ياخدك اي لابقى تلمحي والله محمد شاكك بشي
جيداء:طيف بتتواسطلك
طيف:لاااا انا ما دخلني تسطفلو
ديانا:بالناقص منك ع شو شايفة حالك بلا
طيف:ماني شايفة حالي
ديانا:ع فكرة اخي ما بيزعلني وهو حكالي طيف عقلها متل عقل النعامة صالحيها؟؟ ازا مفكرة انو مهتم فيكي
طيف:هو هيك حكى عني
ديانا:وحكى انو كلمة بتجيبك وكلمة بتوديكي وكمان حكى انو بينضحك عليكي بكلمتين
طيف:...
جيداء: هههه ياحرام يا طيف
طيف:اسألو
ديانا:رح ينكر اكيد يمكن كسبان منك
طيف:شو قصدك
ديانا:ما بتوقع شب وصبية يكونو لحالهن وتخلى القعدة من بوسة وغمرة الله اعلم بالباقي
طيف:هي القعدات بتصير معك ومع اجود
ديانا:عم تعيريني
طيف:وبخبر محمدازا لزم الامر
جيداء: روقو صبايا
ديانا:والله ازا بتحاولي تحكي لاعمل فيكي العمايل
طيف:...
ديانا:وع فكرة ما بيسدء عليي والصورة مسحتها واجود مسحها مافي دليل لهيك روحي وريحي حالك وبلي ريقك لانو نشفان هههه شكلو محمد مقحطلك
بقلبي :شو انها مكيودة وكلها بلاوي
طيف:فشرتي وع فكرة مافي بيني وبينو شي ليقحطلي
ديانا:هههه عليي حركاتك اكلتيه بعيونك اي اخي شخصية وجذاب بس مو تاكليه بعيونك لو لحالكن شو بتعملي
طيف:انتي مستوى تفكيرك منحط متلك
ديانا بشهقة طويلة : انا لااااا انتي وحدة لسانك طويل
الكل انتبه
طيف:ولسى ما شفتي شي
ديانا :تعالي لقلك
....
دغري ركض محمد يخلص شعرات طيف من بين ايدين ديانا واجود وهشام كمان ادخلو بفوتت علي وكانت ديانا عم تبكي مع انو هي المعتدية
علي:شبكي ليش عم تبكي
ديانا:هي الفلتانة عم تهددني تلفقلي تهمة وانا منحط تفكري متلي
علي: هيك حكت وتهمة شو بدها تلفقلك
ديانا:شبعرفني
محمد:شبكن شوصار
ديانا:ناقصها ترباية كتير مابعرف كيف لامم هالاشكال يلا وليه انقلعي من هون مبين عليكي جوعانة وشحادة
جيداء:خلص ديانا خلص
بعدها عن طيف ودغري سحبت حالها طيف وطلعت لفوق
محمد:ليش عم تغلطي عليها
ديانا:انت ما اسمعت شو حكتلي
محمد:شو حكتلك
ديانا:مافيني احكي قدام الشباب
كان علي ومحمد مهتمين فيها لانها عم تبكي وهي عم تتماسك وتمثل
محمد:شو حكت
ديانا:انو انا بايعة شرفي ومبين عليي اني رخيصة
محمد:مستحيل طيف ما بتحكي هيك
علي: هي هيك حكت
محمد:ديانا لا تكزبيديانا:روح اركض راضيها نحن بحياتك ولاشي انا وامي واخواتي ولاشي جبتها وما منعرف من وين وبدك مننا نتقبلها وطعنت فيني ولساك مسدءها
محمد:انا ماني غشيم عنها
ديانا:لكن لساك ما بتعرفها واسأل جيداء
علي:محمد قلعها وحدة حكت بشرف اختك ليش حاويها هون
بنزلة طيف ومعها شنتة ودغري راح محمد لعندا وديانا ابتسمت بخباثة وعلي معصب وكتير كمان
محمد:وين رايحة
طيف:بدي ارجع
محمد:الي حكتو ديانا صحيح
طيف:اي صحيح
محمد:طيب شو حكت ازا صحيح
طيف:شو ما حكت اي صحيح انا بدي امشي
محمد:بتعرفي ترجعي لحالك
طيف:اي برجع
محمد:هون مافي تكاسي بنوب
طيف:بدبر حالي
محمد:اطلعي لفوق خلص ولابقى تنزلي انا هلا بحل الموضوع
طيف:لا تحلو ولا عبالك انا الظاهر مو مرغوب فيني بيناتكن
محمد:مين حكى
طيف:بدون ما تحكو انا من وادي وانتو من وادي واسفة ازعجتكن
محمد:فوتي وانا بحل الموضوع
طيف:😭امانة خليني امشي بدبر حالي معاد اقدر واجه حدا هون
محمد:اطلعي وانا بشوف حل شوي وجاييكي
طاوعتو وعلي وديانا ما عجبهن
علي:وين رجعتها ازا مانك قدران تقلعها انا بقلعها
محمد:انت لا تدخل جيداء
جيداء ..
محمد:شو حكت طيف عن ديانا
جيداء:اه....بستحي احكيلك
محمد:احكي
جيداء:طعنت بشرفها
علي:شفت وهي جيداء شاهدة وانت كيف مسدءها اصلا كيف بتحوي هيك أشكال ما بتستحي
محمد:....
.......
حسيت بغربة كبيرة وبالاخص انو محمد مقاطعني وكتير ناشف معي مسحت دموعي وحاولت اهدا
ما اقدرت اتجاوز كلامها وكيف شدتلي شعري وانو محمد يحكي عني الهن انو عقلي صغير خنقني كتير اندق الباب وما بدي افتح ولا بدي واجه حدا وبستنى لييجي الليل واطلع من هالمكان بقلمي مايا الحجازي انا شو جابني معهن كانت الدقات عم تقوى
طيف:...
محمد:افتحي طيف
فتحت ودرت وشي
محمد:شو القصة ليش صار هيك
طيف:رجعني انت للبيت
محمد:مو لازم افهم شو صاير
طيف:مو مهم امانة ترجعني
محمد:اقعدي خلينا نحكي
الحقتو وقعدت على طرف التخت مسحت دموعي
محمد:شو حكت وليش تخانقتو
طيف:...
بقلبي:انا بفرجيكي يا ديانا رح صير متلها لئيمة لسكوت ما بينفع
طيف:كل القصة مشان صورة مبارحمحمد:شو فيها الصورة
طيف:ما كانت لفستان
محمد:لكن
طيف:ديانا عم تبوس اجود
وقف وانا مسكتو وقعدتو
طيف:اهدا وروق انا ما خبرتك لتزعلها بس هي كبرت بالحكي لاني حكيت تسطفلو ازا بيدرى محمد وحكت حكي كتير
محمد:هيك لكن
طيف:لا تزعلها امانة رجعني للبيت وخلص هلا ازا بتدرى انك اعرفت مني ما بتوقع شو ممكن تعمل
...بقلبو:عم قول ليش خافت واجود من تم ساكت كانت عم تبوسو يعني بدون خجل اجود الي مو مخلي حدا من شرو توصل مواصيلو لاختي انا وانا الي عم اجمعهن وعم يلتقو تحت اشرافي كيف بيسمح لحالو يخون الثقة انا لو ما اوثقت فيه ما بخليه يقرب ولا حتى بجمعو بأختي وهي كيف بتقبل على حالها ومع رفيقي
طيف:شو بدك تعمل
محمد:انتي خليكي هون انا بتصرف
طيف:لا تزعلها امانة
محمد:شو بدك انتي خلص اطمني
طيف:..
تركها وطلع كانو مجتمعين وعلي كتير معصب محمد شلح الجاكيت ورماه ع الكرسي واشر لاجود يلحقو والكل مترقب واجود حس انو الموضوع صار عند محمد وقفو على جنب كان محمد عم يتظاهر بالبرود شغل سيكارة ونفخها بوش اجود
محمد:شو كيفك
اجود:...
محمد:لا مبين مو منيح
اجود:حكتلك طيف
محمد:كزبها كمان واتهمها واحكي عليها وفش قهرك فيها
اجود:..
محمد:عادي احكيلي ايمتى بلشت قصة الحب او يعني انا لاني بعرفك اكتر من حالي قصة اللعب
اجود:مبين انك فهمان الموضوع غلط
محمد:هههه
ضحكة قهر اطلقها مقهور من كلشي صار معو بيومين
محمد:احكي احكي لا تخاف
اجود:خلينا نقعد
محمد:لا هيك مرتاح
اجود:القصة بلشت من ديانا هي كانت تحكي معي من حساب وهمي بس والله ما بعرف انها ديانا وبتعرف تخبيصاتي بالحكي وبعد اتصالات كتيرة اترجيتها تعترف مين هي واتصلت فيني فيديو
محمد:وين كنتو تجتمعو بالبيت مو
اجود: ..
محمد:بالبيت انا متزكر مرة اجيت لعندك وساعة لفتحتلي وكنت مو على بعضك الصراحة من وقتها اتوقعت بس كنت كزب حالي
اجود:والله انا حطيت حدود لعلاقتي فيها مشانك
محمد:لا تحكيلي الشرف منك عم يشر
اجود:انا ناوي اخطبها
محمد:اي انا ما بشرفني تكون زوج اختي اصلا مستحيل أأمن على شرفي عندك
اجود:...
محمد:الشغلة مدام فيها شي مخبى معناتو ما بتسوى وانت لو انك صاحب واخ متل ما كنت تقول لازم خبرتني من وقتها وانا بعرف ربيها وربي لقرود فيها
اجود:اضربني ازا كتير مدايق مني
محمد:لا ما بضربك بس بتنسى انو الك رفيق اسمو محمد وانا هديك بعرف اتصرف معها وعلى طريقتي كل الحق عليي قلة الشرف من الأساس مني لاني ارضيت على حالي اجمع اختي فيك وانا بعرفك منيح ع كلا مشكور يا صاحبي ما قصرت
رمى السيكارة ودعس عليها وتركو واقف ومقهور من الي حكاه
محمد:اسفين شباب بس لازم امشي خدو راحتكن هون اخد الجاكيت وفات لجوى
تقليعة مرتبة وعلي ما فهم شو الموضوع وديانا عم ترجف خوف هيك لسى محمد ما اطلع فيها بس طلع يجهز حالو للرجعة قلبو عم يغلي غلي من صاحبو اكتر من اختو لانها هي الاصغر وهو الاوعىمحمد:حتى ما بنفع كون اخ لعمى كيف امنت وكيف ما حسبت حساب هالشي وعلي ازا بيدرى شو رح يعمل انا لربيكي يا ديانا عليتي واولهن انا بدنا محرقة ما مننفع لشي ابداً
جهز حالو ودق الباب على طيف كانت جاهزة
محمد:يلا نمشي
طيف:شو صار
محمد:بعدين منحكي
نزلو سوى كان الكل عم يجهز حالو للرجعة بدون ما يسألو شو صاير وصى الناطور بالمزرعة وركبو بالسيارة ورجعو ولا كأنو طلعو لينبسطو بلعكس كأنو ليزعلو من بعض لتنين ساكتين كان عم يشغل اغنية وعلى للصوت كتير وزاد السرعة
...........
كنت حاطة ايدي على قلبي الطريق طويل والشارع فاضي ومحمد ماسك المقود بأيديه التنتين وانا مغمضة وعم اتشاهد
طيف:معقول هون النهاية تنقلب فينا السيارة مارح يزعل عليي حدا اصلا ما الي حدا يترحم عليي فتحت لشوف ملامح محمد كانت حادة وبتخوف مع أني مو فاهمة معاني الأغنية بس يمكن محمد فهمان شو عم يغني وتوترو عم يزيد
طيف:محمد روق كرمالي
طيف:يعني السرعة مارح تخفف عصبيتك بترجاك تهدا وتروق مافي شي بيستاهل تزعل حالك مشانو ....
بالاول طنش بس بعدها بلش يخفف وكتير ارتحت وقف السيارة وصفطها على جنب وحط راسو على المقود وغطى وشو بدراعو وكان مبين من نفسو انو تعبان
بقلبي:انا خربت كلشي لازم ما حكيتلو
ليش صار هيك وكرمال شو وليكو الزلمة مو منيح
طيف:أنا أسفة انا كأني خليت حياتك كلها مشاكل
طيف:خربت عليك هالمشوار بس والله ما قصدت يصير هيك
رفع راسو واطلع فيني
بلعت ريقي بصعوبة كانو جفونو لونهن أحمر ومبين عليه التعب ما اقدرت افسر نظراتو ابدا وكنت خايفة لانو مسكني من ايدي وقربني منو
طيف:شبك شو في
محمد:...
طيف:بترجاك تتركني
حسيتو ما عم يسمع ومطنشني
طيف:لا محمد لا تعمل هيك معي انا مأمنة فيك انت وبسمحمد: كزابة مو مأمنة فيني على طول بنفهم غلط هالمرة خليني اغلط عنجد
خوفني لهجتو كانت قاسية وقبضتو بتوجع مابعرف ليش عم يعمل معي هيك معقول بستاهل منو هالمعاملة
غمضت لانو ما اقدرت خلص حالي منو ودموعي سالو حسيتو انتقم مني بهالبوسة
وكل واحد رجع لمكانو 🥺ندمانة من اول المشوار وهلأ زاد الندم وعم امسح دموعي لاتناسى شو صار
طيف:وقفلي بس يصير في سير ومعاد بدي شوفك بعد هاللحظة
..........
بقلبو:ما ارتويت ولارح ارتوي عم تهددني ما رح اتخلى عنك ابدا ورح تضلي معي وبكيفي والمعركة رح تبلش من هاللحظة ودموعك ما هموني ولا رح اندم ابداً طلع ما بينفع مع اي حدا بالعالم لمنيح اما القبيح ببين وعواقبو بتيجي على الكيف
طيف:لا تطنش كلامي اي
محمد:...
طيف:مارح اسامحك كمان
محمد:احسنوقت وصلو للشارع الرئيسي تأكد انو قافل الباب منيح وعاملو لوك ماحدا بيقدر يفتحو الا هو
طيف: نزلني هون
محمد:...
طيف:مع مين بحكي انا نزلني هون
محمد:ما بنزلك بعدين مافي مكان تروحيلو
طيف: لاااا ليكون مفكر بدي ارجع معك بعد هالحركة
محمد:مو بكيفك
طيف:بنام بالشارع وما بنام عندك والباب بدون قفل
محمد:بزبطو لا تخافي
طيف:معاد يتأمنلك انت
محمك:شو عملت ليش؟
طيف:وعم تنكر😭انا اصلا حمارة وامنت على حالي معك
مكمد:لا ما تحكي هيك بعدين ما حدا شافنا واصلا انسيت شو صار صحيح شو صار
طيف:مابعرف اسال روحك....ليكون عم تفش قهرك فيني
محمد:رح ناكل بوظة اي
طيف:فايق ورايق ولا كانو عم احكي ومقهورة
محمد:...
نزل وضرب الباب وقفل منيح طلب بوظة على شوكولاته وكان مراقب طيف كانت عم تبكي وتمسح بدموعها
محمد:لعمى شو انها صعبة في بنات هيك والله وحدة تانية ما بتسأل بدي اعرف وين اتربت وليش بتخاف على حالها لهدرجة
......
كنت شايفة سما بين عيوني وحسيت اهلي شافو الي صار معي وبلشت اتخيل كيف محمد رح يبلش يكسر الحواجز ويعمل الي بيحلالو ونهايتي تكون وخيمة لانو رح ارخص بنظر حالي وبنظرو بعد ما يمل رح يكبلي مي باردة ويحكيلي روحي دوري على حدا تاني عليت ل صوت الاغنية وانهرت وانا عم اسمعها(حسرة وندامة بعدك عن العين حسرة وندامة غايب عني وين )ضليت عم ابكي بدون توقف رجع محمد وحامل معو بوظة وحطهن
محمد:خلص طيف اسف اسف مافكرت هيك تعملي خلص مشان الله
طيف:😭
محمد:بس جاوبيني ليش عم تعملي بحالك هيك
طيف:لانو انا مو طيف لا لا مو طيف بنت الضيعة انا هون رح افلت بلشت اتغير بدون ما احس انت جاوبني انا شو عم اعمل عندك واصلا ليش انا رحت معك ليش انت عملت فيني هيك لو مو شايف اني رخيصة وبلا سند
محمد:لا لا مو رخيصة بس انا
طيف:شو انت
محمد:انا لرخيص مو انتي مابقى اعيدها والله انا ما خبرتك
طيف:لا
.....
كانت عم تمسح دموعها ومهتمة لكلامو
محمد:بكرى رح دورلك على بيت ورح تستقري لحالك
طيف:والاجار
محمد:لا تشيلي هم انا بدفعلك وبعدها بتسديني
طيف:عنجد
محمد:والله هالقرار قررتو ونحن بالمزرعة
طيف:...
كانت عم تاخد نفس وحس انها ارتاحت
اعطاها البوظة
طيف:ما بدي
محمد:دابت خلصيني
اخدتها كان عم يبرد على حالو لانو قلبو محروق ومقهور من كلشي وهلا انقهر على طيف
محمد:طيبة
طيف:اي انا بحب الشوكلاته كتير
محمد:بالهنا
طيف:روحو من المزرعة
محمد:اكيد
طيف:بس ما خبرتني شو صار
محمد:حكيت مع اجود وحساب ديانا بالبيت بكرى
طيف:لا تزعلها
محمد:مارح تلحق تزعل اصلا
طيف:ناوي تضربها
محمد:اي بدي اكسر راسها
طيف:يمكن اجود لعبان بعقلهامحمد:لا هي لعبت بعقلو وهو الحمد الله مطبل بالدنيا مزمر بالاخرة بس بدو كلمة
كانت عم تضحك وانبسط انها روقت
محمد:اضحكي شايفة ما احلاكي وانتي مروقة
طيف:☹لا بقى تعيد الي عملتو
محمد:في شي جذبني الك متل المغناطيس
طيف:شو يعني اخبي حالي عنك
محمد:ههههه لا حطي عازل مشان لا يصير جذب
طيف:...
محمد:اطلبلك بعد
طيف:لا يسلمو
محمد:تشربي كوكتيل
طيف:طيب
محمد:رح اطلب انا اصلا جوعان
كان مبسوط لانو طيف روقت طلب تنين كوكتيل ورجع لعندا شغل اغنية وومشي فتح الشباك وكان مروق اخر رواق وصلو ونزلو سوى كل واحد حمل الشنتة وطلعو للبناية
طيف:خايفة منك
محمد:رح اغيرلك القفل وهلأ
طيف:وازا معك نسخة
محمد:لهدرجة شايفيتني ندل
طيف:بدي ضمان
محمد:اشحطي التخت لعند الباب
طيف:فكرة ممتازة
محمد:اساعدك بشحطو
تفاجئ بضربة قوية على صدرو
محمد:اخ بمزح والله
طيف:كتير جدبة لخليك تدفش التخت معي
محمد:ههه اي والله صحيح كيف بدي اطلع انا
طيف:...اسأل حالك
محمد:مابنفع نكون بغرفة وحدة؟؟؟
طيف:😒سكر ع الموضوع
فتح الشقة وفاتو سوى وكل واحد على غرفتو
.......
متوقعة منو كلشي يعني حاطة ايدي على قلبي من اي حركة جاب العدة وبلش يزبط بالباب وانا كل شوي اعطيه مفتاح يفك ويركب مبين شاطر بالتصليح وهيك زبطلي قفل الباب وارتحت كتيرمحمد:الاحسن ادفشلك التخت كمان
طيف:غبية لاني كتير
محمد:هههه تعالي نجرب
طيف:ع فكرة ما بمزح معك اي حركة في احتمال تموت
محمد:شو اقوى سلاح معك
سحبت عليه المفتاح الي زبط فيه وانصدم
محمد:لا يا عمي منمزح معك والله الروح غالية
طيف:مو
محمد: انا بدي اشرب قهوة احسب حسابك
طيف:اي ماشي او قلك انا بجهزها
محمد:لا منستغل الوقت رح بعملها
راح وانا بدلت تيابي وارجعت لعندو كان معو موبايلو وغريب عم يدخن ضيفتو الفنجان
محمد:شكرا
طيف:عفوا
ضيفني سيكارة
طيف:طيبة
محمد:مابعرف مين كان عم يعدل الكيف بالمزرعة
طيف:...
اخدتها وانا خجلانة شغلي اياها وانا عرفانة انو غلط بس حبيت اجرب ومبسوطة من قرار محمد
طيف:وفي شقق بهالمكان
محمد:هون الاسعار سياحية
طيف:مستأجر انت
محمد:بالاول اي كنت ادفع ٢٠٠ دولار بالشهر
طيف:هون هون يعني هي الشقة
محمد:اي
طيف:غالية كتير
محمد:مو مهم بعدها اشتريتها
طيف:يعني مو بهاد المكان رح اسكن
محمد:كانو زادو التسعيرة
طيف:وليييي
محمد:بشوفلك شقة مناسبة وبدفعلك سلفة لكم شهر وبتسدديني على مهلك
طيف:مو طيبة الصراحة
محمد:طفيها
طيف:لا بكملها حرام
محمد:هههه جيبلك ع شوكولا
طيف:في؟؟
محمد:في ع نعنع وفريز وخوخ شو بتحبي انتي
طيف:حيلا المهم مو متل هي ريحتها وطعمتها بشعة
محمد:بس لابقى عليكي مبينة كلاس
طيف:انا كلاس من يوم يوميمحمد:ههههه تعالي نتصور لانو اخر يوم سوى
طيف:يلا لرتب شعراتي
محمد:مرتبة لا تخافي
بأبتسامة عريضة كبس الصورة
كان موبايلو عم يرن وطنشو
طيف:رد
محمد:لا مابدي اسمع أعذار
طيف:يعني تخانقت معو
محمد:ما هان عليي اضربوا هو كتير منيح معي...شهم عنجد وسند بس هالشغلة ما حبيتها منو
طيف:اجود شهم ...وسند بحسو مضيع عقلو بشي عصفورية
محمد:عاقل لو عندو مزح المواقف الي بتكشف معادن الناس
طيف:وشو بين معك معدنو
محمد:هو تركني اهدا بيعرف اني معصب لهيك ما حاول يحكيني
طيف:منيح ما توقعت تهدا ابدا
محمد:احم احم الفضل بيرجعلك
انقهرت من جديد ووقفت وهو فرطان ضحك
محمد :وين تعالي
طيف:الحق عليي كيف بنسى شو عملت معي
محمد:هههه بس والله طيبة
ضربت الباب ضرب وسمعتو صوت الطقات
.......
رجع الفناجين للمطبخ وعند غرفتها سعل لتزيد لدراما اخد حرام من غرفتو وراح لينام بالصالون ومتابع مباراة واستغرب من دقة باب البيت وراح ليشوف مين كان اجود وعم بتمشى بالممر اتردد بس فتحلو
محمد:خير
اجود:مافي اتفضل
محمد:شو بدك
اجود:لازم نحكي
محمد:لازم نحكي لازم اسمعك ولازم اتفهمك وكلشي لازم
اجود:...
محمد:فوت
كان مو على بعضو هداوة محمد خلتو يخجل بزيادة منو قعدو ولساتو منزل راسو وخجلان
محمد:هات ما عندك من تبريرات
اجود:تبريرات!!لا ماعندي بس لو ما بحبها انا ما بقرب صوبها وبعرف انها اختك وانا بعرف انك واثق فيني والا ما عرفتني عليها
محمد:اي لهيك صنت الرفقة
اجود:هي مرة او مرتين التقيت فيها والباقي معكن يعني ماصار شي محظور
محمد:بس تبويس وانا بعرف شو اخرة ال
اجود:ليش لانو انا لهدرجة بنظرك انا واحد ما بسوى
محمد:ماضيك كلو ما بيعنيلي الي بيهمني انك اللعبت ب عرضي وانا رفيقك
اجود:والله ناوي اخطبها بس انت بتعرف بيت ماعندي وراتب النادي دوبو مكفيني ازا ما كنت جاهز كيف بدي اطلبها
محمد:...
اجود:او انو عنجد ما بشرفك اكون زوج اختك
محمد:اي هاد السبب اما السبب الاولاني بتعرفني ما بيهمني
اجود:يعني قرار نهائي
محمد:بكرى بشوف شغلي مع هديك الواطية وساعتها يا اما بحكيلك روح لعند ناصر بيك واطلبها يا اما بحكيلك انسى كلشي حتى اننا كنا رفقات
اجود:انت هيك عم تظلمني
محمد:شو بدي احكي انا ياريتك ظلمتني بكلام طعنتني بأغلى شي وبتحكيلي ظلمتني
اجود:بصلح غلطتي خلص وع فكرة ما حدا بيعرف
محمد:لاااا انت قول ماحدا ما بيعرف الا انت وعلي
اجود:مكبر الموضوع كتير
محمد:ع فكرة انا كتير تعبان ونعسان
اجود:متل مابدك تصبح على خير
محمد:سكر وراك الباب
وقف اجود واتمعن بكلام محمد وكمل مشي
محمد:بدك هيك معاملة مشان تاني مرة تحرم تدعسلي على طرف
..........تاني يوم ما كان فاضي ع الاكيد ببيت اهلو ولي على علقتي مع ديانا هي ابدا مو سهلة تأخر كتير
شكلو مارح يرجع اتصلت ب سارة وسألتها عنو
طيف:الاستاز محمد داوم اليوم
سارة:اي داوم بس مو من اول لنهار لساتك بأجازة
طيف:عم دور على بيت والاستاز محمد بيعرف
سارة:ايمتى جاية للشغل
طيف:اكيد مو معطلة عليكن
سارة:بلعكس في اوراق مهمة ومستنيكي تحطيها بملف
طيف:طيب رح احاول اشتغل هلا وازا خلصت ببعتلك
سارة:ناطرك
اتسليت بالشغل ومابعرف كيف مر الوقت اجى بالليل محمد ما اهتميت يعني رح انام كمان اللية عندو ع الاكيد بكرى رح شوفلي شقة وارتاح فات ل غرفتو وطول ورحت دقيت الباب عليهمحمد:مين
طيف:مابدك تسهر
محمد:لا تعبان
طيف:...
بقلبي:هاتلك سيكارة بعدها نام
طيف:تشرب قهوة
محمد:هلأ اشربت
طيف:ماشي....
ارجعت دقيت الباب وفتحلي بنظرات لا تفسر متدايق مني
محمد:شو بدك
طيف:اي...سماعات ازا عندك
محمد:..
فات جابهن واعطاني اياهن
محمد:اوامر تانية
ابتسمتلو واستغرب
محمد:ليش ساكتة بعدين شو هالضحكة
طيف:خجلانة احكيلك
ضرب على جبينو
محمد:شو بدك طيف
طيف:تعال نسهر
محمد:بقلك تعبان
طيف:منشرب قهوة
محمد:😷
طيف:يلا بلا دلالك
مع انو ما خطرلو مشان سيكارة هالعزيمة اكيد فكر شي تاني عملت القهوة وشفتو سابقني وعم يشوف شغلي ع اللابتوب اخد مني الفنجان وطالع الباكيت وافرحت كتير
محمد:شو عم تشتغلي
طيف:اي سارة طلبتهن مني
كان عم يدقق ومركز بالملفات
طيف:كيف عجبك
محمد:منيح بس لازم تفصلي بين كل صفحة وصفحة
طيف:بتعلم لا تشيل هم
محمد:...
شف من الفنجان لمحني لمحة وانا مبتسمة ورجع اطلع فيني
محمد:شبك طيف بتمك في حكي
طيف:اي مشان البيت يعني
محمد:بتسدءي انسيتك والله
طيف:...
محمد:بكرى زكريني انتي
طيف:ومشان ديانا
محمد:خليتها ترجف وتبكي قبل اضربها
طيف:ضربتها
محمد:لا امي تعبانة وما بحبها تزعل ابدا بس عملتلا فركة ادن
طيف:يلا كتر خيرك
محمد:🙄مو طبيعية انتي
طيف:مو
محمد:تصبحي على خير نامي ها مو منيح السهر
ما اخد الباكيت وكتير افرحت وماسدءت ايمتى فات وسكر وفتحت الباكيت واخدت وحدة ورحت شغلتها من المطبخ لانو القداحة ضلت معو وارجعت اشربها على رواق مع فنجان القهوة وقت فتح الباب ما لحقت الا اطفيها واخبي الباكيت بس ما بعرف ليش خبيتو وكنت مركزة بالاوراق
محمد:...
كان عم يبعد اللابتوب
طيف: في شي
محمد:تركتو هون
طيف:مين هو
محمد:اكيد مو عقلي طيف
طيف:!!شو تركت
محمد:الدخان كان هون
طيف:يمكن اخدتو معك
محمد:ما لقيتو متأكد هون
حكيتو ب ثقة
طيف:شو عم تتهمني فيه
محمد:هههه مين اتهمك
طيف:كانك شاكك فيني بعدين من طيابتو لاسرقو
محمد:🙄لساتو مصدوم ومبحلق فيني
محمد:قومي انا بدور عليه
ولي كيف بدي اتحرك رح يبين اكيد
طيف:موعندي قصدي مو هون
محمد:ما بنام الا لاشرب سيكارة خلص حطيت ببالي وصعب اتجاوز الموضوع
طيف:يالطيف ع اساس كتير مهم الدخان
محمد:مهم مو مهم قومي يلا
طيف: اي لااا عم تشكك فيني ما بقوم
محمد:جواب نهائي
طيف: اي وغير قابل للطعن
ما استوعبت الا وهو شايلني من مكاني وبخباثة ابتسم
محمد:حسيت من اصرارك انو تحتك
طيف:انت ما بينسهر معك بسيطة فيك
محمد:هههه تعالي كملي شغلك يلا
طيف:هاتلك وحدة ما اتهنيت بهديك
محمد:هاتي وحدة وخديه وتاني مرة بتعزميني مشان سيكارة لامصع رقبتك اي انا ما بحب رفقة المصلحة
طيف:...
شغلها واعطاني القداحة كمان
محمد: اتهني
استنيتو لحتى فات لغرفتو واسهرت سهرة ع الكيف شغلت التلفزيون وحطيت صحن بزر واتسليت كتير وخلصت الباكيت حسيت اني مرتاحة كتير
......
صحي وتلقائيا بس يتزكر طيف بيبتسم شقاوة الليلة الماضية كتير انبسط فيها اتنشط وراح يغسل اكل كم لقمة وشرب الدوا واستغرب طيف نايمة بالصالون قرب وشاف معركة البزر والدخان والتلفزيون الشغال طفاه ورح يلبس ويجهز حالو اتصل فيها ليصحيها فصلت الخط ع الاكيد صحيت اتعطر وطلع كانت متجلسة وعم تصحصح
محمد:مابدك تنزلي للشغل
طيف:ضروري
محمد:مابعرف كأنو الشركة مو شركة ابوكي
طيف:مو هيك عم تمنني يعني
محمد:مشان الشقة كمان
طيف:اي صحيح يلا ثواني وجاية انطرني ها
محمد:يلا ناطرك تحت
طيف:ماشي
بقي يستنى ومل بالاخير قبل يتصل فيها كانت نازلة وهلكانة نزل ومعصب
محمد:ساعة طيف
طيف:لانو ما فتح الاصنصير
محمد: ملعون عرضو ليش ما فتح
رفعت كتافها بعفوية
محمد:ليكون ما بتسترجي تنزلي فيه
طيف:لا انت علمتني عليه
محمد:بدي اعرف ليش ما فتح
.......
ولييي اعلقت معو
محمد :الحقيني لشوف
امشيت وراه للاصنصير
محمد:شلون ما فتح فرجيني
كبست الزر واتكتف
محمد:وبعمرو مارح يفتح انا هيك علمتك
طيف:يلا مشيها هالمرة.
محمد:...
ارجعنا للسيارة
محمد:وين اللابتوب
طيف:انسيتو
محمد:خليكي لانو ازا بدي استناكي الظهر على خير منداوم
طيف:بغرفتي ع التخت
بقلبي:انا بروح بجيبو والله تركت تيابي ع الارض من العجلة
طيف: اطلع معك
محمد 🙄🙄
على هالتطليعة بألف معنى مدايقتو للأفندي اتناسيت تيابي
طيف:لا مارح ينتبه انشالله كون ضابيتهن يارب يارب رجع دغري كنت عم احاول اكتشف ازا شاف شي او لا
طيف:دغري لقيتو
محمد:لا دورت
طيف ع التخت كان
محمد:اي مبين بس قلت بنكوش بغرفتك
طيف:...
محمد:ليش اجمدتي اه
طيف:عنجد بتحكي
محمد:ع فكرة متأخر وكتير كمان
طيف:...
محمد:عازمك على فطور وبس تخلصي شغلك تعالي اشربي عندي قهوةطيف: بتتصل وبتزكرني لانو الشغل لفوق راسيمحمد:اي اوامر تانية
طيف:هههه لا بس او قلك ازا اتزكرت بخبرك
وصلنا للشركة وبحب الفوتة معو بتكون بشكل سريع وكلها سلامات هو كمل وانا دخلت ل مكتبي وبلشت شغل
.........
كان ورا مكتبو استغرب الباب انفتح وفاتت طيف
محمد:مشالله وكالة بلا بواب
طيف:هههه مافي اتفضلي
محمد:اتفضلتي يعني عزيمتي متل بعضها
طيف:اشربت قهوة
محمد:لا نسكافيه
طيف:وانا اطلبلي نسكافيه
محمد:...
قعدت ومبسوطة كتير
طيف:ايمتى الراتب
محمد:الشهر هاد تجربة
طيف:والله مبارح اتعبت اعطيني سلفة
محمد:لازمك هوية وضروري مشان اعملك ملف ماعندي موظفين بدون عنوان
طيف:..
محمد:لا تنطمزي عنجد بحكي ومشان الراتب
طيف:اي بكرى خلينا بالبيت اليوم
محمد:شو بدنا نعمل بالبيت
طيف: لك لاااا مو بالبيت يعني ندور ع بيت
محمد:والله انبسطت قلت في شي بالبيت بدو يصير
طيف:...
جاب الموظف النسكافيه وضيفهن وراح
محمد:كمان بدك هوية لعقد البيت
طيف:ع هويتك
محمد:لا مستحيل
طيف:...
محمد:مو مشان شي لا تزعلي بس كترانة المشاكل والنصابين كمان
طيف:يعني انا عادي انت لا
محمد:بتدبر خلص
طيف:...
...
كنت مقهورة منو بس مضطرة اسايرو خلص الدوام وعزمني على فطور بغدا هو طلب الو وجبة صحية وانا طلبت شاورما وكولا كنت عم اتغدا وعيوني على كل يلي بالمطعم بس محمد مركز بالاكل وبعد ما عبيت بطني ارتحت كتير
طيف:يلا حاسب خلينا ندور ع بيت
محمد:اي يلا ليش مستعجلة
طيف:يعني اليوم بنام بالبيت الجديد
محمد:بتبين اكيد
طيف:...
طلب لحساب وانا كملت الكاسة بسرعة
محمد:اطلبلك كمان
طيف:لا بس مشان لا يزود بالكاسة
محمد:😂
طيف:حرام ينكب
محمد:هههه تاخدي معك المناديل كمان
طيف:هاد على حسابك
محمد:ههه امشي امشي لا تفضحينا
طيف: استنى ازا ع حسابك باخدو
شحطني شحط وكان عم يسأل عن بيوت للاجار ومن بيت لبيت عتمت العين بس بالاخير عجبتني الشقة كانت صغيرة وسعرها مناسب وصاحبها من جيل جدي
طيف:عجبتني كتير الشقة
محمد:شو وضع الشقة
الرجال:شوفة عينك ومخدمة
محمد:كانها ملحق هيك حسيت
الرجال:بلعكس
طيف:منيحة على قدي
محمد:...
الرجال:وازا مشان العقد ما رح نختلف
طيف:بس انا مامعي هوية
زورني محمد وسكتت
الرجال:ما بهم
محمد:واجارها
الرجال:متل باقي هالشقق ٥٠ دولار
محمد:لاااكتير شو ٥٠
اطلعت فيه
طيف:عادي منيح سعرها
رجع زورني
الرجال:الصبية عاجبها
محمد:اطلع فيني وانت عم تحاكيني
خفت انا من لهجتو
محمد:لو ما انك على حفة قبرك كنت عملتلك اللازم
طيف:شبك
محمد:...
مسكني من ايدي ومشاني وراه
طيف:شبك لك ليش فجأة بتصير وحش
عند السيارة وقفنا
تعليق
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`