الفصل 6
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم جرعة أمل`*
*❴🔢❵الـــبـــــــــــ❴6️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
الجزء السادس
ما رد كنت خايفة عليه بدون سبب فكرة انو وقف معي وانا بأمس الحاجة لاهتمام خلتني روح لعندو قعدت بالارض جنبو
طيف:كتير موجوع
كان مغطي وشو بأيدو
محمد: ..
طيف: بترجاك طمني عنك يا محمد والله ما بتحمل شوفك هيك موجوع...طيب خف الوجع...ارفع راسك حاكيني خود اشرب هالكاسة
اترددت قبل المسو كنت عم حاول ابعد ايديه لشوفو
طيف:طيب حاكيني شبك اتصل بأجود
مسحتلو على شعرو
طيف:طمني عليك امانة
محمد:اتركيني وروحي
طيف:كيف اتركك موجوع ما بقدر
محمد:مابحب اتوجع قدام حدا
طيف:ليش شو يعني انت حجر انت بشر وعادي كل البشر بتتوجع
محمد:انا منيح
طيف:فرجيني لشوف
كان مغمض ومبين انو كتير موجوع
محمد:اتركيني وروحي
طيف:لا ما بتركك موجوع اتسطح على التخت احسن وين الوجع
محمد:براس معدتي
طيف:تشنجات
محمد:شي ما بينوصف
طيف:انت مبين عليك نعنوع
محمد:لكن اتركيني
طيف:فتح عيونك لشوف
فتح ب تعب
طيف:رح تتحسن اكيد بس تشرب هالكاسة
محمد:شو هاد
طيف زهورات والاحسن تشربها سخنة
اخدها يمكن من وجعو شربها واعطاني الكاسة فيها نصها
طيف:اتسطح واتغطى الجو بارد
محمد:هلا بس تطلعي
طيف: مين حكالك بدي اطلع رح ضل هون لتتحسن
محمد:شوفي عندي يلا اطلعي
طيف:طيب ريح حالك انت
محمد:طيف مو ناقصك اطلعي خلص
طيف:بطلع بس لتتغطى
طاوعني تقليع قلعني بس عذرتو يمكن ما قدر يسيطر على عصبيتو من وجعو كنت قلقلانة عليه ما اقدرت فوت ل غرفتي اتصلت ب اجود مع انو كتير بلا زوق بس هو بيفهم بحالة رفيقو
اجود:مين معي
طيف:بلا شو حاكيني متل البشر
اجود:طيف انتي
طيف:محمد كتير موجوع
اجود:اعطيتك الحل
طيف:شرب نص كاسة
اجود:طيب هو عندو جفاف عاطفي عوضيلو اياه
طيف:انت مو معقول
اجود:عنجد بحكي رفيقي وبعرف دواه
طيف:وقبل مين اعطاه العاطفة لحتى اتحسن
اجود:هههه ابصر ما الو امان هو
طيف:حالتو بتزعل عصب عليي وقلعني
اجود:حاولتي يعني
طيف:لك انت بشو وانا بشو انا بحكي بجهة وانت تفكيرك بجهة
اجود:طيب ليش قلعك
طيف:ما بحب يتوجع قدام حدا
اجود:ينفلق يتوجع لحالو
طيف :انت متأكد انك رفيقو
اجود:هههه انا متأكد بس انتي متأكدة انو خايفة عليه من ولاشي
طيف:مابعرف انت وين عايش وليش تفكرك منحط لهدرجة
اجود:روقي هلا كم ساعة وبيتحسن او ع لزهورات رح يهدا الوجع
طيف:خلي موبايلك جنبك اي
اجود:ماشي ضلك طمنيني عنو
طيف:كتير متأثر مشالله
اجود:هههه باي
ما اقدرت ارتاح قضيت الليل سهرانة وكل شوي روح اتسمع كان هدوء بس ما اقدرت افتح الباب خفت يصحى ازا نايم رحت لانام بغرفتي حاولت شيل محمد من تفكيري انا اول مرة بشوفو هيك موجوع او يمكن اول مرة بشوف رجال عم يتوجع يمكن وقت رجع قيس للبيت مورم من الضرب ما اتأثرت هيكلانو كان بيستاهل
طيف:بس محمد ما بيستاهل يتوجع ابدا انا ما بنسى كيف اسعفني كيف كان يحضرلي الاكل وحتى كيف اشترالي اغراض بدون ما يحسسني بأنو عامل شي خجلني بلطفو ومعاملتو لمنيحة غمضت ب تعب ونمت بعد صراع نفسي كبير
.........
اتجلس بسرعة حس انو في شي غريب رح يصير كان الوجع مختفي راح شغل الضو بس ما ارتاح طلع بسرعة من الغرفة حس انو عم يهرب من الموت قعد بالصالون ونفسو عم ياخدو بصعوبة كان عم يمسح على شعرو ووشو ويستغفر بدون وعي
محمد:معقول اموت انا حابب أسس عيلة ويكون عندي اقل شي ولد او بنت مشتهي كون اب لمرة وحدة ليش هيك خدران جسمي او انا حاسس بخدر
رجع وقف وراح للمطبخ يشرب مي رغم انوالبيت كلو كهربا بس هو حاسس كل الجو عتمة ما قدر يضل سهران لحالو دق الباب على طيف رغم انو مو مقفول ومردود ورجع قوى الدقة فتحتلو وهي عم تفرك بعيونها
طيف :محمد شوفي
محمد:اسف صحيتك
طيف:عادي ولايهمك انت كيف صرت
محمد:مابعرف مدايق كتير ومخنوق
طيف:من شو
محمد:مابعرف تعالي اسهري معي
طيف:يلا اجيت
سبقها للصالون ما قعد الا لاجت لساتها ببيجامة بس كانت كبيرة عليها مسحت وشها من المي بمنديل وكان مبين عليها انها عم تصحصح
طيف :شغلت بالي شبك
محمد:مابعرف حسيت الدنيا كلها عتمة في ضيق بصدري
طيف:شفت منام
محمد:لا فجاة اصحيت ياريتني ما نمت
طيف:شو صاير معك لكن
محمد:اول مرة هيك بصيبني حسيت كل العالم بعيد عني و__
طيف:شو
محمد:كانو الموت قريب مني
طيق:لا بعيد الشر عنك لا تحكي هيك
محمد:انا ما بعمري حسيت بهيك اعراض
طيف:وهلا كيف صرت
محمد:في نغزات خفيفة بصدري وحتى اطرافي ما عم يوصلها دفا
طيف:ايديك باردة
محمد:ما بعرف يمكن مجرد وهم
حطت ايدها على ايدو
طيف:لا دافية ايدك
محمد:اسف عنجد ما قصدت ازعج نومتك بس ما اقدرت ضل لحالي
طيف:لا عادي المهم تصير منيح
محمد:...
طيف:اما شو عندك رفيق عنجد بوقت الضيق
محمد:شبو
طيف:مابعرف انت كيف متحملو ومتحمل كلامو الي حيلا بيحكيهمحمد:ههه شو حكالك
طيف:شي ما بينسمع ابدا
محمد:متل شو
طيف:هي هيك الي حكالي انت شو بيحكيلك
محمد:متعودلو هو بيحب يمزح كتير.
طيق:لا بدك الصراحة هو ما بيخجل بنوب
محمد:ههه
بقلبو:الله لا يوفقك فضحتنا قدامها
طيف:انتو كلكن هيك تفكيركن
محمد:ههه وكيف رديتي عليه
طيف:سكرت الخط ما الو حلة رفيقك
محمد:انت كتير مجددة
طيف:لانو ما اتعودت امزح واضحك واخد الامور حيلا
محمد:مبين عليكي كتير جدية
طيف:...
محمد:روحي نامي ازا نعسانة
طيف:لا معاد يجيني نوم المهم انك اتحسنت
محمد:الحمد الله
طيف:اطلب منك طلب
محمد:اي اطلبي
طيف:ما رح توافق خلص مارح اطلب
محمد:بوافق
طيف:لا لا خلص
محمد:والله بوافقطيف:وازا ما عجبك الطلب
محمد:انتي احكي لشوف
طيف:بدي تعمل التحاليل
محمد:....
طيف:شو ما رح توافق
محمد:بعملهن بس مو هلا لبعد ما نطلع للمزرعة
طيف:مع مين
محمد:كل الشلة كل سنة منطلع باول الصيف وبأول الشتى هالمرة تأجلت الك نصيب تطلعي معنا
طيف:بس البنات
محمد:انا معك لا تخافي
طيف:والشغل
محمد:مناخد اجازة
طيف:طيب متل مابدك
محمد:روحي نامي انتي بدي ضل هون
طيف:بدك تنام هون
محمد:ما الي نفس فوت للغرفة
طيف:طيب رح جيبلك حرام
غطتو وقعدت
محمد:روحي نامي خلص
طيف:لا ما بتركك بعرفك بتخاف
محمد:هههه لكن رح اغفى مدامك هون
طيف:....
......
ارتحت كتير لانو خف الوجع وانبسطت لانو غمض وكانو نام مع اني مابعرف شبو وليش صحاني مارح اتركو لحالو رح وقف جنبو متل ما وقف معي رحت جبت حرام واتغطيت بمكاني وعيوني مراقبة نومتو
طيف:لعمى اجود بشو عم يفكر هاد ابدا مو مستنظف علاقتنا تفكيرو عم يسرح ويمرح وما بيستحي مني ابدا
حضنت مخدة وريحت راسي عليها ومابعرف كيف غلبني النوم من جديد
.........
صحي كانت طيف مرتمية وبسابع نومة وفرصة يكون قريب منها بس خايف يكون نومها خفيف وتحس عليه اتجلس وراح يغسل بدقة الباب رجع بسرعة يفتح لحتى ما تصحى طيف فتح لاجود
اجود:صباح الخير
محمد:شو جاي قبل الشحادة
اجود:طيف خوفتني عليك
محمد:لا الحمد الله اتحسنت
اجود:شو مافي تفضل
محمد:اه...اي...لا قصدي طيف نايمة بالصالون
اجود:هههه نايمين بالصالون يعني
محمد:ع شو بتلمح
اجود: لو بتحلف بالدنيا كلها مابسدء مستحيل استنظف العلاقة
محمد:كنت تعبان شوي
اجود:وكيف كان الحضن
محمد:وطي صوتك بربك لا تسمعك
اجود:يعني طيب
محمد:وحياة الله مافي شي ولا صار شي
كان عم يفتش تحت بلوزة محمد
محمد:لك من عقلك
اجود:يعني لتكون تاركيتلا شي علامة هون او هون
محمد:خلصنا بقى
اجود:بستنى خليها تفوت ل غرفتها وازا في تياب بالارض لملمهن
مسكو من قميصو وشحطو لبرى
وهداك فرطان ضحك
محمد:شو هالجنان يعني بتفكر كل الناس متلك
اجود:اي واضرب مني كمان
محمد:حرام عليك والله مافي شي من الي ببالك
اجود:هههه بصير الله كريم
محمد:الله ياخدك اي لا بقى تلمح
اجود:ليش خايف ع مشاعرها استدرجها
محمد:لا استدرجها ولا تستدرجني
اجود:طيب بدنا نضل برى
محمد:استنى شوي
رجع للصالون ما كانت طيف
محمد:فوت خلصني
......
كنت مغمضة بقهر من الي اسمعتو من رفيقو شو مفكرني هالحقير لهدرجة رخيصة انا معاد فيني ابقى هون كرامتي صارت بالارض ويمكن ازا محمد صافية نيتو اجود يغيرلو نواياه دق باب الغرفة وكنت مابدي افتحلو
محمد:تعالي اشربي قهوة
بدلت تيابي ورحت بدون ما أصبح ورميتو نظرات كلها حقد
طيف:كيفك يا قليل الأدبلا حس ولا احساس فرط ضحك
اجود:اهلين بالعصبية شو كيف صار محمد بمعيتك
طيف:ضريب اي شو مفكرني انت
اجود:ليش بتعصبي لازم تضلي عادية العصبيه بتثبت عليكي التهمة
طيف:فشرت شو بتفكر كل الناس رخيصة متلك مابدي قول متل___
اجود:هههه ما عندي اخوات بنات
طيف: من هيك داشر مافي حدا تخاف عليه
اجود:ليش بتاخدي الامور بجد اضحكي ولا تهتمي
طيف:لا مابدي اضحك على حكي متلك
اجود:تعلمي من جيداء جريئة وما بتستحي
طيف:بس لالبس متلها بصير متلها
محمد:خلصنا بقى شو بدكن تتخانقو
طيف:سكت رفيقك الي نيتو عاطلة
اجود:ايه الله يحضرنا
كان محمد يعضلو على شفافو يعني المعنى عاطل
طيف:شو بتقصد
اجود:لك لااا الله يصمدكن وتضلو متل الاخوات مع اني ما بتوقع
محمد:اي شو مشان طلعة المزرعة
اجود:لانك تعبان انا رح جهز كلشي بس انت بتحاسب
طيف:الكرم منك بشرشر
اجود::هههه العزيمة ع حسابك لكن
طيف: والله ازا بتنتفني نتف ما بطالع مية الف
اجود:بس؟!! مو مخبيتلك قطعة دهب
طيف:من وين مافي غير تهديني انت شي اسوارة
اجود:انا شو دخلني الي بتنامي عندو يهديكي
محمد:خلص انت وياها شبكن عم تتخانقو
طيف: ما اسمعتو على شو بيلمح بتفكر عم تلمح هيك بلا معنى
اجود:اي كلو بياخد اجار شو يعني
محمد:اجود خلصنا بقى
اجود:منهز الورد هههههطيف:يهز بدنك اي
اجود:صحيح طيف انا كتير حابب اسمع قصتك
طيف:فشرت احكيلك اياها
اجود:لك ليش يعني عندي بس فضول اعرف مين ضربك وانتي حامل
طيف:مو شغلك
اجود:لكن ابصر شو عاملة
طيف:اي مادخلك
محمد:حل عنها خلص شو بدك تجيب اغراض للمزرعة
اجود:متل العادة وهالمرة منزيدهن زنار رقص ل طيف
طيف:شو مفكرني رقاصة يعني
اجود:هههه بربك ما بتعرفي ترقصي
طيف:وتخيلني بعرف انا ارقص وقدامك انت
اجود:بترقصي لمحمد
وقفت ب عصبية ومحمد عم يكركر مابعرف ليش مبسوط من رفيقو
محمد:اقعدي لاتردي عليه هو حابب يستفزك
طيف:عنجد بعد كلمة بطلع من البيت احكيلو يخرس
اجود:هههه هو الخسران روحي وين مابدك او قلك انا شرواه بالخير ساكن لحالي
طيف:...
محمد:اجود خلص عيب عليك
اجود:شغلة تعويد مو اكتر
تركتهن وفتت للغرفة متوترة من كلام هالحقير
.....
محمد:يا زلمة ما بتستحي انت
اجود:طيب هي ليش بتفسر كل الكلام على كيفها
محمد:انت عم تدج دج
اجود:استنى لتطلع معنا لاعملك فيها فصول
محمد:اجود بعد عن طيف انا ساكت لاننا لحالنا والله ازا بتعمل فيها شي قدام لشرنات يا ويلك
اجود:هههه اي اي مابعمل روقنا انت التاني معقول ولا علامة تاركيتلك
ضربو على ايدو لانو كان عم يفتش
محمد:انت بشو وانا بشو والله من وجعي شفت الدنيا سودة
اجود:شايف لهيك لازم حضنتك صحيح بتشوف الدنيا سودة بس بتكون امان ودافيةمحمد:يا عفو الله انت متخيل انها زعلانة من حكيك وانت ولا عبالك
اجود:انت زعلان ولا مبسوط من تلميحاتي
محمد:شو بدك فيني انت
اجود:هههه رح اخليلكن الجو راضيها بمعرفتك
محمد:اوووف بس لاتنسى الاغراض
اجود:المهم راضيها
كان عم يدفش فيه نزلو لتحت الاتنين
محمد:انا رح اعطي خبر للناطور يجهز المزرعة
اجود:بالكتير قبل المغرب منكون هنيك
محمد:خبرني شو بصير معك
اجود:ماشي
كان عم يحكي مع السكرتيرة ويخبرها انو مارح يداومو لاسبوع هو وطيف فات ل غرفتو دغري وقعد يتزكر شو صار فيه الليلة الماضية
......
كنت معندة ما بدي اطلع معهن كان عم يدق الباب وبالاخير لحتى رديت كنت لساتني بالبيجامة
محمد:شو ما اللبستي
طيف:ما بدي روح اتهنو انتو
محمد:ليش
طيف:مابدي انحط بمواقف سخيفة وقدام البنات
محمد:انا معك ما رح خلي حدا يقرب صوبك
طيف:مدام رفيقك موجود مابدي اكون
محمد:طيب مشاني انا رح يضل بالي عندك
طيف:لا تخاف بدبر حالي
محمد:وازا بقلك انا حابب تكوني معنا
طيف:..
محمد:مارح روح ازا ما رحتي
طيف:والحقير اجود
محمد:انا ما بخليه يقرب صوبك يلا اللبسي دوبنا نوصل
طيف:ماشي
راح ضبيت شوية تياب واغراض الي بشنتة واللبست واطلعت كان ناطرني عند الباب وهو حامل شنتة صغيرة الو انزلنا سوى والجو كتير حلو شغل اغاني من موبايلو والهوى بيرد الروح بطريق السفر ولتنين ساكتين وصلنا لشارع زفت عريض ومبين جديد وهنيك كانو ناطرين زمرلهن محمد وكملنا اتأملت محمد وحكيت بحالي
طيف:انا ليش معو وكيف بلشت اتأقلم ع العيشة هي وليش حاسة انو بعرفو من زمان معقول انا طيف لك طيف بنت الضيعة الي بتخاف من خيالها طيف الي عاشت ببيئة كلها عادات وتقاليد وهاد بصير وهاد ما بصير كيف طالعة مع شب ما في بيني وبينو صلة قرابة منيح اتزكرتي لك طيف مين انتي
وصلنا الاماكن كلها شجر زينة المزرعة كبيرة فتحلنا الناطور ودخلو كل السيارات وانزلنا
محمد:خلي الشنتة هلا بينزلهن الناطور
تركت متل مابدو وسلمنا على بعض وفي صبية جديدة كانت عم تتفحصني وتطلع بمحمد تطليعات مبينة اعجاب
تهاني:ما عرفتنا
محمد:طيف رفيقتي
تهاني:اي تشرفنا
محمد:تفضلو
فتنا كلنا لمنيحة انو بعرف محمد وبس واجود ملتهي مع علي ما قرب صوبنا ابدا بس كنت خايفة منو
اتجمعو بالصالون لكبير اخدنا استراحة طويلة اغلبها مناقرة بس انا ساكتة وعم اتأمل الكل كتير مليت راسلت محمد
طيف:رح نضل هون
محمد:تعبانة
طيف:مليت
محمد:لسى ما بلشت السهرة
ازا تعبانة اطلعي ارتاحي
طيف:لا عادي
ديانا:يلا صبايا تعالو نجهز السهرية
الحقتهن للمطبخ واستلموني كالعادة
ديانا:حلوة طيف تهاني ؟
تهاني:حلوة كتير ما حكتلنا وين اتعرفت على محمدجيداء:هي غير ربك ما بيعرفها
تهاني:ومبينين صحبة
ديانا:ما توقعنا تيجي
طيف:ليش
ديانا:هيك حسيتك ما بتحبينا
طيف:..
جيداء:ليش ساكتة يعني كلام ديانا صح
طيف:..
كنت متكتفة وهني عم يجهزو السهرية وانا مطنشة كل حكيهن شادة ظهري بمحمد ساعدتهن وراقبت كيف تهاني اندحشت جنب محمد ودغري فتحت الموبايل اتسلى ما بدي شوفهن وهني عم يحكو سوى وحسيت بنوع من الغيرة يمكن لاني بعرفو هو
.......
تهاني:سلامتك كنت تعبان مبارح
محمد:الله يسلمك
تهاني:عاملي بلوك انت
محممد:لا مين حكى
تهاني:مابقى رديت ولا استلمت رسائليمحمد:اي غيرت رقمي
تهاني:اي هاتو لشوف
كان عم ينقلها الرقم وهي تسجلو وضيفتو كاسة عصير
محمد:ما بشرب عصير
تهاني:ليش
محمد:تعبان شوي
تهاني:وين اتعرفت على طيف
محمد:شو بهمك انتي
تهاني:رفقات رفقات ولا
محمد:ولا
تهاني:هيك يعني بس بادرت انا غيرت رأيك
محمد:ما انا اهتميت وتقربت كنت رح اتقدملك بس انا مو متل فارس احلامك الي راسميتو بخيالك
تهاني:بس انا دغري اتراجعت وليكني عم اتقرب منك
محمد:هي فرصة وحدة وخلص مافي نصيب
تهاني:كرمال هي البنت
محمد:شو دخل هي البنت انا قبل اتعرف ع طيف كنت حاسم اموري معك شو انسيتي
تهاني: ع اساس انت خبرتنا ايمتى اتعرفت عليها
محمد:لوين بدك توصلي
تهاني:نرجع العلاقة وتصير حب متبادل
محمد:..
تهاني:يعني انت ما كنت تحبني انت اعجبت فيني وبس
محمد:وانا هيك اكتشفت
تهاني:مارح انسى كيف اهنتني
محمد:ايمتى
تهاني:وقت سمعتني هديك الاغنية
محمد:هههه والله انتي بتعرفي اللون الي بحبو من الاغاني لا تزعلي ولا عبالك
تهاني:...بشوف الي حاببها مو معبريتك
محمد:نحن ما منظهر حبنا منحب بعض بيني وبينها مو ضروري فرجيكن
تهاني:وكيف مطنشة وجودي حدك
محمد:لانها واثقة انو مافي بقلبي غيرها
تهاني:....
تركتو وراحت لمكان تاني وعم تفكر بعلاقتهن
.........
انتقلت السهرة لبرى والكل لبس جواكيت لانو الجو كان برد قعدنا برى الشباب بجهة ونحن البنات بجهة كان اجود حامل دربكة مبين في حفلة او هيك متعودين يعملو
اجود :شغلي هالكاميرا هشام
محمد:لا تصور البنات
هشام:اي فهمانين الدرس
اجود:ركز الفيديو عليي مشان المشاهدات
محمد:اهم شي انت
علي:شو بتحبو تسمعو
اجود:حبيبي هواي طولت
وغمزو لمحمد وضحكبلشو يدندنو كلهن سوى والبنات عم يسفئن واشتغل التصوير بس ع الشباب متل ما بدو محمد وحتى الصبايا كانو عم يصورو
حبيبى هواية طولت تعال اشوفك مو متت
لو بعد لحظه تأخرت نفس ما تلقى بيا
بالحلم شفتك ارجعت بستني و بشوق احضنت
من نومى لمن اقعدت لقيت البوسة بيا
اشوفك انى اتمنيت عطرك اشمه ياريت
ع الشوفة تذكر من جنت تتوسل انت بيا
تتوسل انت بيا
حبيبى هواية طولت تعال اشوفك مو متت
لو بعد لحظه تأخرت نفس ما تلقى بيا
من رحت موتني الحزن ابچى الصبح بالليل اون
معقوله يعنى ما يحن گلبك عليا شويه
لك و الله يوم السافرت روحى خذتها انت و رحت
ميت احس روحى صرت من ابعدت عليا
أشوفك اني أتمنيت عطرك أشمه ياريت
ع الشوفة تذكر من جنت تتوسل أنت بيا
تتوسل أنت بيا
ظليت انا بنار احترق
وبسرعة ظل قلبي يدق
ترى تعبت والله صدق
حيل انا ما ظل بيا
دخيلك ارجع كافي بس
بالقوة اجر اني النفس
من غيبتك قلبي انترس
هم وقهر واذية
أشوفك أني اتمنيت عطرك أشمه ياريت
ع الشوفة تذكر من جنت تتوسل أنت بيا
تتوسل أنت بيا
ديانا:دخيل هالصوت علوش
علي:لحتى تعرفو الشلة ما الها قيمة بدوني
اجود:وانا مو عملت الايقاع
محمد:الله واللحن
فرطو ضحك بس هو انطمز
اجود:ابعتلي الفيديو هشام هي اخر مرة بدربكلكن
محمد:عنجد حكيت ليش صغرت عقلك اليوم
اجود:ازا ما جاب الفيديو مشاهدات لعيوني
محمد:انت وبس
علي:شغلولكن اغنية خلينا ندبك شوي وهيك هيك الجو بارد
ديانا:شو رايكن نعمل تحدي الدبكة
اجود:انتي مين بيطلعلو معك بالدبكة صحيح قزمة بس مفعولك قوي
ديانا:ههه يلا فرجوني الابداع
كنت مستغربة شو شلة مجنونة ولا بأحلامي اتصورت كون بيناتهن مسكت ديانا ع الاول وجنبها أجود كانو متقنين الدبكة كتير مو شوي والباقي وراهن كان اجود عم يأشر لمحمد تعال بس اشرلو لاأ وانا رحت قعدت حدو
طيف:اتحسنت
محمد:مو كتير
طيف:لازم تتغدا اقل شي لحتى تشرب الدوا
محمد:اكلت
طيف:ما شفتك اكلت شي
محمد:روحي شاركي
طيف:لا انا ما بحب هالشغلات
محمد:انا بدبك معك
طيف:هههه ليش بتعرف
محمد:تعالي تحديني
طيف:لك
مسكلي ايدي ومشاني معو اخدنا مكان اجود وديانا وكتير اتجاكرت ديانا محمد كان ع الاول
وانا مابعرف بخجل بالأخص من محمد
........
كان مبسوط لانو ماسك ايدها كان مبين عليها انها دبيكة متلهن وانها عم تتجاوب مع الشلة بعد الدبكة كلهن تعبو اخدو موبايلاتهم وفاتو لجوى الشباب تحت والصبايا بالطابق التاني كان تعبان كتير لهيك رمى حالو على الكنباية كان عم يسترجع ذكرياتو مع طيفواتزكر انها مبارح مسحت على شعرو وحس براحة نفسية وأمان ما حسو من قبل ابدا
بقلبو:لهدرجة معي نقص حنان الشعور الي تركتو جواتي كتير حلو عم اتزكر ومبسوط كتير كيف فيها تولد فيني هيك شعور وانا بعز الوجع وكيف حسيت براحة رغم انو مغمض حس على ضو موبايلو اخدو وشاف رسالة من طيف ابتسم ورد عليها
محمد:اهلا
طيف:ما شفت الشنتة وينها
محمد:بالغرفة عندك
طيف:كل شناتي الصبايا موجودة
محمد:هلأ بشوف يمكن لساتها بالسيارةرغم انو متأكد انو الناطور فوتهن كلهن طلع لبرى وفتح السيارة ودور بكل الاماكن ما شافها وما قدر يصحيه اتصل فيها برى
محمد:دورتي منيح
طيف:اي وما شفتها معقول مخربط وحاطها بغرفة تانية
محمد:مين عندك انتي
طيف:بس جيداء
محمد:الصبح بتبين
طيف:ماشي اسفة ازعجتك
محمد:لا ولايهمك
فات لجوى يكمل تفكيرو ب طيف الي ما بيخلص
.......
تاني يوم كان محمد عم يدورلي على الشنتة بأجتماع الكل
ديانا:شو لون الشنتة
طيف:سودة
ديانا:اي وشو فيها اغراض لانو كمان انا شنتتي سودة
طيف:شوفيها يعني تيابي
ديانا:لا بقصد شي مميز
طيف:عم قلك تيابي
ديانا:لكن لاطلع جيبها
نطرناها لحتى اجت وفتحتها
محمد:خلص مو هي الشنتة طيف
طيف:اي
ديانا:بدي فرجيكي عينة بلكي مخربطة
طالعت قميص نوم مشلح لونو اسود
طيف:لا هدول مو تيابي
مع ضحكات الكل
ديانا:وهاد مو فستانك الي عطول بتلبسيه
سحبت منها الشنتة
طيف:اي بس هداك القميص ما الي علاقة فيه
جيداء:ليش اخجلتي يعني فكرنا جاية تعمليلك فترة نقاها
طيف:انتي شو عم تحكي
ديانا:بلا مو هي اعترفت انو هي شنتتها
جيداء:ليكون بتفكري عم نتبلاكي بعدين نحن ما منلبس هيك لبس
طيف:...
اخدت الشنتة واطلعت من كل المزرعة انا متأكدة هي لعبة منهن لعمى شو ساويت لحتى هيك بيكرهوني كان محمد عم يندهلي بس طنشتو
محمد:طيف استني وين رايحة
طيف:...
وقفني غصب عني
محمد:وين رايحة
طيف: مافيني ضل بهالمكان
محمد:..
طيف:والله مو الي انا ما بلبس هيك شي هني حاطينها بالشنتة
محمد:طيب ولوين رايحة
طيف:مستحيل ابقى هون بعد هالأهانة
محمد:اي وكيف بدك ترجعي لحالك المكان بعيد
طيف:بدبر حالي
محمد:كبري عقلك اصلا هاد الي بدهن اياه يطفشوكي
طيف:لكن يتبلوني بتياب مو الي واسكت
محمد:..
طيف:شفت كيف ضحكو عليي انا لااا مابدي ابقى هون
محمد:هلا انا بحاكيهن وبيعتزرو منك كلهن
طيف:لا مابدي حدا يعتزر مني بس لشو عم يعملو فيني هيك
محمد:تعالي معي مابقى يقربو منك
طيف:..
محمد:يلا فوتي
.....
وقت فاتو حس على نظراتهن كلها غيرة لانو مهتم ب طيف واشر ل ديانا تلحقو ومسكها بالمطبخ من شعرها
ديانا ااااخ بدك تضربني يعني
محمد:ليش عم تعملي فيها هيكديانا:شو عم اعمل يعني تيابها ولا مو تيابها
محمد:وليش لتفتحي الشنتة قدام الكل اه
ديانا:..
محمد:بتروحي وبتعتزري منها
ديانا:بلا لا ما تحلم انت وياها
محمد:والله بعملك اللازم لتتربي
ديانا :و ليش انت مهتم زيادة فيها
محمد:شو عاملة فيكن لحتى هيك غيرانين منها
ديانا:فشرت ليش لحتى اغار منها بدها دهر لتوصل لجمالي وشطارتي وانت كمان ليش خايف عليها ومهتم فيها وبعدين في فئة معينة من البنات بيلبسو هيك لبس بوقت النوم ليش اتبرت هي من قميصها
محمد:لانو عيب والشنتة فيها خصوصياتها وما الك تتجاوزي حدودك معها
ديانا:هالحكي رح خبرو لبابا
محمد:شو بدك تخبريه
ديانا:محمد جايب بنت مامنعرف منين اصلها وفصلها وبدو يفرضها فرض علينا
محمد:ازا ما اعتزرتي يا ديانا لاعملك غسيل دماغ
ديانا:متل مابدك رح بعتزر
محمد:قدامي لشوف
راحت كانت عم تغمز جيداء والكل مستغرب قعدت حد طيف بكل ادب واخلاق
ديانا:طيف خلص مابقى اتعرضلك مع اني ما اعملت شي بس هيك محمد بدو اسف لانو اقتحمت خصوصيتك وشفت تيابك
طيف:..
ديانا: هاتي بوسة خلص انا اسفة
جيداء:مين قدك ديانا تعتزر منك
وعد:هي ماصارت
نهى:كأنك بخيلة ما اقبلتي الاعتزار
طيف:...
جيداء:هيك رح نزعل كلنا
ديانا:ما ارضيتي طيف
طيف:صاحبة هداك القميص تاخدو وعيب هالحركات انا ماني فلتانة
جيداء:يعني الي بتلبس هيك بتكون فلتانة
طيف:شو رأيك انتي
هشام:يعني خلص تصافيتو
اجود:لا بقى تتمشكلو قدامنا عيب هالحركات
طيف:ع اساس كتير متدايق من مشاكلنا
اجود: ههه هيك بسيطة كتير شايفيتني شمتان فيكي
طيف:مابعرف ضحكتك كأنك مو مبسوط
اجود:هههه بعدين بحكيلك ليش اضحكت
طيف:مابدي اسمع لا بعدين ولا هلأ
كانت ديانا عم تطلع فيهن لتنين ومبين انو مو اول مرة بيتناقرو فيها
......
يمكن لولا وجود محمد ما ابقى ابداً كانو عم يجهزو الشباب للمشاوي والبنات عليهن تحضير المكان والسلطة والفواكه اكترهم عم يوثق ويصور وينشرو على مواقع التواصل ومشغلين اغاني كلها صياعة فاتت ديانا وجيداء وانا بخاف بس يجتمعن مع بعض وكانت تهاني عم تتفرج على موبايلها رجل على رجل ومرة تطلع فيني ومرة بمحمد رغم انو عاطيا ظهرو وواقف حدو اجود وكل شوي يتناقرو
تهاني: محمد
التفت عليها
محمد:اي
تهاني:خلص مشي الحال
محمد:شوفي
تهاني:كنت بدي اصورك
محمد:...
اجود:صوريني
تهاني:انت من تقالة دمك بخاف يتفجر الموبايل
محمد:هههه هيك احسنلك
اجود:طيف صوريني جميلتها على رجلي
محمد:اوعك طيف بيتفجر موبايلكقرب منو علي وحط ايدو على كتفو
علي:صورينا لتنين بس انتي عندك حساب وبتنشري عليه
طيف: لا ما عندي هالشغلات
اجود:منعلمك لا تخافي
طيف:...
صورتهن لتلات
بجية جيداء ودياناجيداء: عم تتصورو صوروني معكن
محمد:هشام تعال اتصور مع خطيبتك
اجود:بعدو عن الملكة
جيداء: ملكة شو دخلك
اجود:😉الي بالي بالك
ضربتو على كتفو وضحكو ضحكة طويلة
لعمى ولا كانو الها خطيب وعندو عادي تلميحاتهن
ديانا:تعالي طيف اتصوري معنا
طيف:لا دخيلك ما بحب هالشغلات
ديانا:ما مننشرها بتضل ذكرى بس
طيف:ع الموبايل الي معي بس
ديانا:اي مو مشكلة
تهاني: هاتي انا بصورك
صفيت حدهن بس بعيدة شوي
تهاني: قربي شبك
قربت كمان شوي
تهاني:شبك محمد الصورة كتير جامدة اعملك شي حركة
اجود:هههه بدك نغمر بعض لحتى تتحرك الصورة
تهاني: انت انقلع خليني اصور محمد وطيف كتير حليانين مع بعض
بعدت شوي وكتير انقهرت من كلامها وسكوت محمد مو مطمني مابعرف معقول حاكي شي او مفهمهن اننا مرتبطين وهو بيعرف انا مابدي ارتبط بحدا
ديانا:يلا وين الاكل
علي:يلا رح يجهز
الغدا كان كتير مدلل اكترو مناقرة اجود وجيداء
والكل مستمع وعم يضحك عليهن وطبعا محمد قاعد حدي ليهتم فيني والعيون اغلبها علينا ديانا وتهاني اما الباقي حسيت نظراتهن عفوية مو بقصد يراقبو حركاتنا بعد الغدا نحن البنات رحنا لنرتب المطبخ والكل عم يشارك بالترتيب
ديانا:انا مافيني اجلي بتعرفو اظافيري ع الغالي مربيتهن
جيداء:وانا ايديي بيتحسسو من سائل الجلي
نهى:على شو عم تلمحو
جيداء: تعفوني
ديانا:وانا كمان
تهاني:انا برتب بس جلي نو
وعد:خلينا نعمل قرعة
طيف: كرمال جلي
ديانا:ازا ماعندك مشكلة اجلي انتي
جيداء: هاتو مريول الجلي لنشوفو لابق على طيف
طيف:لا عادي بدون
ديانا:بتبلي اواعيكي
طيف: معي تياب لا تخافي
كان موبايلي عم يرن طالعتو من الجيبة ورديت
طيف: الو
محمد:شو عم تعملي
طيف:عم رتب
محمد:انا برى تعالي لعندي
طيف:بس
محمد:تعالي ناطرك يلا
ديانا:شو وين هربتي
طيف:محمد بدو اياني
تهاني:بلشي جلي بعدين بتهربي
طيف:ماهربت بس بدي شوف شو بدو
ديانا:يعني محمد شو بدو بهيك وقت بعد الغدا اكيد مو نفس اركيلة
طيف:بشوفو وبرجع
تركتهن ورحت لعندو
طيف:شوفي
محمد:شوعم تعملي انتي
طيف:عم ساعدهن
محمد:انشالله بدك تجلي
طيف:اي البنات بيتحسسو
محمد:من كل عقلك جايبك تجلي
طيف:لكن
محمد:ممنوع تشتغلي كل مرة بيشتغلو من تم ساكت
طيف: ..
محمد:تعالي ندردش
طيف:مو حلوة
محمد:حلوة ونص
كان عم يتصل بحدا واستغربت
محمد:جهزي الفواكه انتي والبنات
ولييي شو انو قوي
طيف:مع مين حكيت
محمد:مع ديانا لربي لقرود فيهن ع فكرة مارح انسالهن فصل الشنتة
طيف: هههه شو بدك تنتقملي يعني
محمد:لسى ما شافو شي
طيف:هههه
محمد:هني طلبو منك تجلي
طيف:لا بس كانو بدهن يعملو قرعة
محمد:يسطفلو انتي ما دخلك
طيف: بس رح يزعلو
الإشارة إلى مزيد من الأصدقاءالجزء السابع
محمد:بالناقص ستي منهن اوعك طيف تكوني قلبك طيب بيناتهن بياكلوكي والله
طيف:...
محمد:اي حركة بس هدديهن فيني
طيف :وازا اوقفت ضدي
محمد:يا باطل ما عاش الي بدو يصف ضدك لو غلطانة
طيف:يعني عم تكبرلي راسي عليهن
محمد:اي واشريلي على اي وحدة هون زاعجيتك لاقلعها
طيف:انت كتير مشراني
محمد:طيبة القلب ما بتنفع
طيف:ومعي كمان
محمد:هههه انتي شي وهني شي لا تقارني حالك فيهن
قلبي كان عم يدق بسرعة وحسيت حرارة عم تطلع من وشي وتلبكت من كلامو
طيف:كيف يعني
محمد:يعني لا تفكري انو انا ممكن اعاملك متل ما بعامل اي حدا بحياتي
طيف:..
محمد:انتي الك معاملة خاصة مني
طيف:وهالشي منيح يعني بقصد انا محظوظة فيك
محمد:ما بعرف بس لا تقارني حالك بالعالم واعملي شو مابدك انا معك
طيف:هيك يعني بدون سبب
نظراتو شلتني خفت اي بينخاف من الشباب يمكن ببالو في موال وبلش يغنيه معي عم يجرجني بكلامو ومشاعرو شو بدو فيني ولييي ازا حاطتني ببالو
محمد:في اشخاص بحياتنا بكون معهن تصريح بكلشي
طيف:انا معي تصريح يعني
محمد:اكيد
طيف:ليش
محمد:المهم انتي من طرفي ولازم تضلي متزكرة هالكلام
طيف:وخايفة يكون ملعوب منك
محمد:له شو يعني ملعوب
طيف: تكون عم تضحك عليي انا بفهم للشباب
محمد:ما افهمت
طيف:ع فكرة انا لو مطلقة ما بسمح تفكر مجرد تفكير فيني
محمد:...
طيف:وبفهم وبحس على كلشي
محمد:الله يسامحك انا دايقتك
طيف:لا بس حبيت اخبرك
محمد:ثقتك فيني صفر
طيف:حتى بحالي معاد اوثقت
محمد:فيكي تروحي ازا كتير حاسة اني عم استغلك
طيف:لوين
محمد:على اي مكان
طيف: تقليعة
محمد:لا
طيف:امبلا تقليعة بس كتير ناعمة وما بتزعل
محمد:لا ما بقلعك بس كأنو شايفة مني شي او محاول فيكي يعني
طيف:لا تحكي معي هيك لو سمحت
محمد:براحتك اسف ع الازعاج...واسف ازا اهتميت فيكي وحسيتي انو مهتم لغاية وع فكرة لو براسي في موال مارح اغنيه معك
تركني واقفة ورجع فات لجوى وحسيت بتأنيب الضمير واخد على خاطرو مني 🥺
.......
كان بغرفتو وكتير متدايق من نبرتها من كلامها
محمد:لانو مهتم فيها عم تدج الحكي انا ما ممكن استغلها لانها متجوزة مين حكالها انو هي لقمة سهلة
محمد:يعني شو بيمنعني عنك نحن ببيت واحد وبدفشة بكون بالغرفة عندك بس انا ما عندي نوايا سيئة تجاهك واصلا وقت اسعفتك وقدمتلك المساعدة مو بغاية ولا ببالي انو ممكن اتقرب منك لغرض لاااا هي كتير ما بتوثق بحالها مو بس فيني وانا الي مفكر انو ممكن نتفاهم واحتويها انا ما بنسى اهتمامك بهديك الليلة انا حسيت بالامان من لمسة وحتى وقت حكينا كنت خايف وانتي طمنتيني انا من زمان محتاج اهتمام محروم منونفخ كل نفسو وراح عمل دوش ونعنش كتير لبس بيجامة سودة وقميص اسود وجاكيت للبيجامة لونو رمادي مشط واتعطر واتجاهل طيف تماما حط موبايلو بجيبتو ونزل ل تحت هالمرة مارح يعبرها ابداً
محمد:لا تروح تفكر انو نفسي ردية واني ابن شوارع ورخيص كمان .
كان الكل مجتمع وحتى طيف قعد بين علي واجود ولتنين ضربوه كل واحد على رجل
محمد:تضربو اي
اجود:نعيماً شو حمام سريع
محمد:عقبالك
اجود:دخيل هالعطر اي
علي:ههههه ياريتك بنت يا اجود مستحيل يروحك محمد من بين ايديه
اجود:هههه شايف
علي:مزعوج كانك
محمد:لا عادي بس تعبان شوي
علي:سلامتك
محمد:الله يسلمك
ديانا:جليت كتير انا
محمد:الك راتب ولا يهمك
ديانا:هلا بتحاسبني مشان يكون في شهود
محمد:ههه اخضر ولا سوري
ديانا:اخضر ممتاز
محمد:حاضر بأمر عيونك
ديانا:كفووو بتعرف ليش بطلب منك لانك مستحيل تنسى
محمد:ما بنسى بس لفوت لجوى
جيداء :حامل مصاري يعني
محمد:اكيد بعدين عم تتبغددي ببلاش حضرتك
جيداء:هههه يلا عودتنا على الكرم بدك تتحملنا
محمد:اهلا وسهلا كليوم تعالي
مع انو طيف معهن بس ما اطلع فيها كانت قاعدة ومنزلة راسها
اخد موبايلو وراح ع اساس يحكي مكالمة ويستفرد بمشاعرو على جنب بعيد عن كل الناس تحت شجرة شغل أغنية وصفن بمعانيها لتهاجمو ذكريات حس بأنو أصغر مخلوق على وجه الارض
كان عم يخفف توترو ويفرك جبينو لحتى يريح حالو لمح طيف جاية لعندو كانت خجلانة هيك مبين من مشيتها طنشها وحط ايدو على عيونو
مابدو يشوف حدا وقفت حدو بعد نظرو عنها بدون ما يشوفها
طيف:فيني اقعد
محمد:هلا بستغلك من جديد
طيف:ما قصدت ...انا اسفة ....ازعلت مني
محمد:منك!....ما بزعل منك....حقك....بس يعني شو شفتي مني....اتهجمت عليكي.....حاولت اللمسك.....لمحتلك انو انا جوعان مثلاً
.....
دمعو عيوني من لهجتو قعدت وكتير مخنوقة من حالي
طيف:ما قصدت...بس انا ما تعودت حدا يهتم فيني الا وبدو مني شي....كل حدا اتعرفت عليه ما اهتم فيني او اطلع فيني الا وبيكون بدو مني شي 🥺حقك تزعل وحقي أخاف على حالي انا حتى جوزي ما سندني وطلقني وحرمني بنتي ما سمع مني سمع عني
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`