الفصل 5
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم جرعة أمل`*
*❴🔢❵الـــبـــــــــــ❴5️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
الجزء الخامس
طيف:ليش عم يتبلوني انا ما جبت سيرة الحب
هشام:كل الصبايا بيحبو وازا صارحتي البنات وحكو عادي مافيها خجل
طيف :لااا انا ما عاد فيني ابقى هون
بضحكات الصبايا
محمد:خلص شو بدك بحكيهن اقعدي
ديانا:ازا كتير حابة تروح وصلها كونك الشوفير
محمد:وبعدين معك انتي
ديانا:والله صاير الكزب والتبلي عادة
اجود:شبكن عم تتخانقو اقعدي طيف مو حلوة تزعلي على شغلة فاضية
طيف:كيف فاضية هالمرةحكو شي ما حكيتو المرة الجاية ابصر شو رح يعملو
محمد:اقعدي خلص
قعدت لانو مابعرف لوين بدي روح وطنشتهن
جيداء:بس لازم تعيد نظرتك بعلاقتك ب طيف
ديانا:اي مو حلو الحب من طرف واحد
كنت مطنشة وماسكة الموبايل وما اقبلت اشرب ولا شاركهن
جيداء:اصلا مافي احلى من الحب ولا شو رايكن انتو
محمد:هشام احكيلك كلمة
اجود:الله يعين هشام هيك بأيام الخطبة بكرى بعد الزواج يلقى من عمايل جيداء
جيداء: بتدايق حبيبي من عمايلي
هشام:لا ليش لادايق مدامنا متفاهمين
علي:اي جيداء بتحكي هشام بينفذ جيداء بتفصل هشام بيلبس
الكل ضحك حتى صاحبين العلاقة لعمى لا حس ولا احساس ولاجكارة راحت قعدت حدو تتغنجلو
......
كان مبسوط من مناقرة الصبايا بس لانو طيف زعلت ما حب يزودها كان مبين عليها انها زعلانة ومتدايقة
بقلبو:ليش كتير عصبت لهدرجة انا ما بسوى مسك الموبايل وبعت ل ديانا
محمد:شو قصة التلبي
ديانا:هههه حلوة ما هيك
محمد:لا مو حلوة يعني منيح لو راحت
ديانا:لا ما بتروح بعدين مين بدو يوصلها
محمد:بسيطة حسابك بعدين
ديانا:تعال بدي احكيلك شغلة ما بتنكتب
محمد:...
بقلبو:ايوا بلشت المشاكل
راح قعد جنبها
محمد:خير اللهم اجعلو خير
ديانا:عمتي جيهان حكت ل ماما جوزك عم يرفرف
محمد:وشو عملت ماما
ديانا:هي ما اظهرت بس بعد ما راحت عمتي كانت ماما عم تبكي بغرفتها
محمد:وبابا
ديانا:صرلو اسبوع برى البيت
محمد:..
ديانا:تعال بكرى زورها
محمد:انشالله
ديانا:شو بيكون قصد عمتي لك محمد
محمد:مابعرف
ديانا:بس كأنو علي بيعرف لانو بهدل عمتي وزعلت
محمد:انتي لا تجيبي سيرة بالاخص ل ليان وتالا
ديانا:لا مارح اخبرهن اصلا بحسدهن لانهن عايشين برى البلد وبعيد عن مشاكلنا وبحسدك كمان
محمد:..
ديانا:ليش ازعلت
محمد:لا ما ازعلت بس مشان ماما انا ما بحب حدا يسمعها حكي بيكفيها الي فيها
ديانا:انت بشو مشغول عنها نحن منشوفك مع الشلة ماما زمان ما شافتك
محمد:ما كنت بعرف انو بابا مو بالبيت بكرى بزورها اكيد
......كنت عم احاول افهم شوفي بينو وبين ديانا مبين الموضوع كتير جدي مو مسدءة ايمتى تخلص السهرة مليت كتير وانبسطت وقت اجود استأذن والكل وقف وانا معهن ع اساس محمد يوصلني يعني لهيك مضطرة انزل معهن واكمل التمثيلية اتجمعنا تحت البناية
اجود:اي محمد ومشان طلعة المزرعة
محمد:انتو خططو وانا جاهز
علي:نحن مخططين وناطرين منك خبر
محمد:منسق اكيد
ديانا:مع انو حبينا نطلع بوقت اجازتك
محمد:اسبوع مارح يأثر على الشغل
جيداء:لكن بكرى منتفق مشان انجهز كلشي
ديانا:بدك توصل طيف
محمد:اكيد
نظراتها بألف معنى الكل ركبو بالسيارات ونحن كمان
طيف:لوين بدك توصلني
محمد:فتلة
طيف:وازا خطرلهن يراقبو
محمد:مدام علي الشوفير مابيعملها لو ديانا اي بتعملا
شغل ومشي
محمد:ليش ما عجبتك السهرة
طيف:يعني ما اسمعت كلامهن
محمد:اي اسمعت بعدين ليش عصبتي لو اضحكتي كانو سكتو
طيف:بلا شو يعني ااكدلهن الحكي
محمد:مو هو تبلي هني حابين ينرفزوكي ونجحو
طيف:بس كتير اسئلتهن بايخة وتلميحاتهن كمان
محمد:بدك تتعودي لانك جديدة بعدها بتنضمي الهن
طيف:لا ما بعملها اصلا ما بحب احرج حدا بالحكي او بالفعل
محمد:هني بيحبو هالشغلات وياما عاملات مقالب بالكل
بقلبي:ما حبيتهن بنوب
بعد تفتيل ارجعنا للبيت كنت ميتة نعس بس ما حبيت اترك الكركبة بلشت بتعزيل الصالون
محمد:اتركيه
طيف:لا مافيو شي بسيطة شغلتو
محمد:بكرى بجيب مين يرتبو
طيف:لا مو حرزانة خلص
محمد:انا شو حكيت اتركي وروحي ل غرفتك
طيف:...
دغري رديت عليه ورحت ل غرفتي كانت مقفولة
طيف:انا وين حطيت المفتاح
رحت لدور عليه بالمطبخ وشافني عم انكوش بكل مكان
محمد:شو مضيعة
طيف:مفتاح الغرفة شفتو
محمد:لا مو قفلتيها قبل يوصلو
طيف:اي امبلا وكان بأيدي بس مابعرف وين رحت فيه
محمد:بتكوني ناسيتو بمكان ما قعدتي
رحت لادور وداق خلقي من هالشغلة
محمد:ما بين معك
طيف: لا...ماعندك مفتاح تاني للغرفة
محمد:هلا بشوفلك
اتأملت شوي استنيتو لجاب كومة مفاتيح ومليت عنو وهو عم يجرب
طيف:هات انا بشوف اي مفتاح
اعطاني اياهن وبلشت اجرب وكتير اتدايقت
محمد:اخلعو
طيف:لااا شو تخلعو رح يبين اكيد
ارجعت ادور ومقهورة بس اتأخر الوقت وما بين ابدامحمد:خليني اخلعو بكرى بجيب نجار يزبطو
بقلبي:لاااا شو تخلعو يعني رح انام والباب مفتوح لا مو زابطة
طيف:لا والله خلص انا اصلا مو نعسانة
محمد:فوتي نامي بغرفتي
بقلبي:ليكون ملعوب منو للاااا مستحيل شو انام بغرفتو
طيف:انت لا تشغل بالك فيني انا بدبر حالي
محمد:ومشان بكرى عنا شغل
طيف:خلص انت روح نام وانا رح نام هون بالصالون
محمد:براحتكفات للغرفة وكزيت ع اسناني ب قهر وقت طلع اتظاهرت بالبرود كان حامل جاكيت بيجامة الو
طيف:لمين
محمد:البسيه الجو بارد
طيف:لا مافي داعي بس اعطيني حرام
ما اقبلت البسها ناقص بعد البس تيابو رتبت مكان مارح انام ومستحيل اغفى لا شو اغفى وهو موجود اعطاني لحرام واتشكرتو
ضليت ناطرة لحتى فات ل غرفتو وسكر دمعو عيوني
طيف:وين راح يعني رح يضل مقفول الباب وانا رح ضل انام هون وخايفة كمان 😰
اتمددت واتغطيت منيح وعيوني على باب غرفتو كابرت كتير على حالي بس النوم غلبني وفتت بسبات عميق
.....
بقلبو:وين رايحة بالمفتاح معقول وحدة من البنات اخدتو لانو كان بأيد طيف انا شفتو والاحسن تكون اخدتو ديانا وتجربو ويزبط على باب ب بيتي وتعرف انها بتنام عندي ساعتها مارح تقتنع انو مافي بيناتنا شي حط راسو ونام ب تعب صحي على صوت رسائل فتح غصب عنو وشاف الساعة ستة كان اجود عم يبعتلو صور صباح الخير بجاكر فيه
محمد:لعمى شو فايق ورايق انا ميت نعس
اجود:وينك نايم
مارد عليه لهيك اتصل رد بدون نفس
محمد:خير ياطير
اجود:ازعجتك
محمد:كتير مو شوي
اجود:حاجتك نوم
محمد:في شي يعني
اجود:مو جاييني نوم قلت بزعجك وبعرفك بتحب صور صباح الخير
محمد:قمة بالغلاظة
اجود:ههه حلو العصفور ع فكرة الصورة تصميمي
محمد:بدي اكمل نوم
اجود:نايم لحالك
اتجلس وعم يستوعب قلة ادب اجود
محمد:شو قصدك انت
اجود:هههه ما عم اقدر اصفي النية
محمد:من كل عقلك
اجود:والله عنجد ما عم تفوت لعقلي ببيتك في مراة وتكون لحالك
محمد:بيني وبينك ياريت بس مستحيل
اجود:بلا عنجد يعني لا يروح فكري لبعيد
محمد:لا طمن بالك والله مافي شي من الي ببالك
اجود:ليكون نايمة على كتفك ومستمتع
محمد:بدي اكمل نوم روح يلا
فصل الخط وطلع من الغرفة كانت طيف بسابع نومة دوبهن مبينين شعراتها وعيونها
راح للمطبخ وعمل فنجان قهوة وطلع يشربو على بلكون المطبخ ومبتسم لافكار اجود
محمد:هههه بشو عم يفكر ومن زمان مو مصفي النية يخرب بيتو لهدرجة ما بيتأمن عليي
مشالله عني صامد والله يصمدني كمان وكمان
محمد:يمكن الشي الوحيد الي بيمنعني عنها خايف تترك البيت ازا بلمحلها يلا كمان هيك منيح الله يلعن الشيطان ويلعنك اجود شو انك عاطل ما بيكفي تفكيري ونسبة الانحراف عندي كمان بيكملها هو ونواياه خلص القهوة ورجع ل غرفتو يجهز حالو لروحة الشركة وطلع يصحي طيف كانت بسابع نومة وهو عم يتأملها من بعيد وصحاها
محمد:طيف..طيف
دغري حست واتجلست ب تعب
محمد:مابدك تروحي للشغل
طيف:اليوم لا
محمد:شو من اولها بلشنا
طيف:انت شايف تيابي جوى والباب مقفول
محمد:انا بدي اتصل ب ام زهير تيجي تنظف البيتطيف:مافي داعي انا برتبو
محمد:لا مارح تلمسي شي
طيف:عادي متعودة اشتغل اكتر من هيك
محمد:عندي ممنوع تشتغلي
طيف:متل مابدك ومشان الغرفة
محمد:هلا ببين ازا بالبيت !!وازا مو بالبيت بس ارجع بخلعو
طيف:....
محمد:بدك شي قبل روح
طيف:سلامتك
.......
شوي ووصلت المراة رحبت فيها كان مبين عليها انها محترمة
ام زهير:مشالله عنك يا بنتي
طيف:اتصل فيكي محمد
ام زهير:اي هو وصلني وراح ل شغلو
طيف:رح ساعدك
ام زهير:لا ارتاحي بعدين بيت السيد محمد كتير سهل ترتيبو
طيف:لكن رح ساوي قهوة
ام زهير:متل مابدك
طيف:ازا شفتي مفتاح ياريت تخبريني
ام زهير:اي حاضر
بلشت بالشغل وانا رحت جهزت القهوة وخليتها تقعد وتشربها معي
ام زهير:مشالله زوق محمد بيجنن
طيف:كتيرر البيت فخم ومرتب
ام زهير:انا بقصد عنك انتي
طيف:انا!شبني
ام زهير:خبرني السيد محمد انكن كاتبين كتابكن
والله ما سدءت يتجوز مع انو اهلو عقلهن شوي صعب
طيف:...
ام زهير:مشالله عنك وهو كمان شخصية لابقين لبعض
طيف:هو خبرك
ام زهير:لا تخافي ما بحكي لو شو ما صار
طيف:بيعطيكي اجرة منيحة
ام زهير:الله يحميه عطول بيخليني ارتب البيت مع انو نظيف وبيكرمني الله يكرمو ويزيدو من نعيمو
طيف:معك اولاد انتي
ام زهير:اي معي بنتين وولد اتجوزت كبيرة وما سدءت ايمتى شفت ولادي وعم يكبرو بس الله ما كملها معي وتوفى جوزي وبلشت حياتي بالتعتير اترك اولادي وروح نظف بيوت الناس اااه يا بنتي لقمة مغمسة ذل وقهر
طيف:الحمد الله ع كل حال
ام زهير:وياريت ضليت على التعتير ابني اندعس ولولا السيد محمد كان فقد نظرو
طيف:يا لطيف كيف صار الحادثام زهير:كان راجع من المدرسة وفي شب ازعر ومدعوم دعسو وهرب والحمد الله أتدخل ابو محمد الله يخليه وجابو للشب ومحمد اتكلف بعالج الصبي لو بدعيلو بالليل وبنهار بضل مقصرة بحقو
طيف:....
بقلبي:يعني على طول بيساعد الناس فكرتو نيتو عاطلة اطلعت انا الي مو مأمنة لحدا
طيف:الناس لبعضها
ام زهير:وهو على طول بيحكيلي هيك
رجعت لترتيب البيت وكنت عم اتزكر مواقفو معي بس ليش انا مو مأمنة فيه يمكن لاني بعرف نوايا الشباب لو كان منيح الشيطان ملعون يارب يلتقى المفتاح وفوت للغرفة حاسة حالي ضايعة بدونها بعد ترتيب البيت حضرت لفطور افطرت انا وياها ورتبت المطبخ وراحت وانا دايق خلقي اتصلت ب محمد
محمد:الو
طيف:مين معي
محمد:انتي المتصلة
طيف:الظاهر اني مخربطة
محمد:عم تجدبيها
طيف:شو عرفك
محمد:ههه شوفي
طيف:احزر شوفي
محمد:طيف عندي شغل
طيف:ما التقى المفتاح
محمد:بس ارجع بتصرف
طيف:لا تطول
محمد:ماشي
كنت ناطرة على نار وما اتوقعت يجي ومعو اجود
اجود:حدا بضيع مفتاحو لك طيف
طيف:هاد الي صارمحمد:يمكن انسرق
طيف:شو رح تعمل
محمد:جبت فرفة الانقاذ معي
طيف:...
كانو عم يخلعوه بس باينتو قوي كتير الباب بس بالاخير فتح
محمد:كفو والله
اجود:عطول استنجد فيني ...صار بدي حلوان تاني
طيف:ههه رح اعمل عصير
اجود:لا شو عصير بدنا شي غدا
طيف:على اول راتب
محمد:ازا من اولها بلشنا اجازات
طيف:ما انت بتعرف انو الغرفة مقفولة
محمد:حصل خير
تركتهن ورحت احضر العصير
.......
كان عم يغمزلو اجود
اجود:ما قلتلك ما اقدرت اصفي النية
محمد:ع شو
اجود:ازا مقفولة غرفتها وين نامت
محمد:هون
اجود:مو معقول ما بسدء
محمد:مبين عليها سهلة؟
اجود:بتقنعها الك اسلوبك
محمد:شو لزقتني التهمة عيب عليك هلا ازا بتفهم على شو بتلمح ما بتضل هون
اجود:هههه ما بتخليها تطلع انت نخوجي
محمد:معقول المفتاح ما يبين
اجود:لازم تغير كل القفل يعني ازا ديانا اخدتو رح تجربو ع لبواب
محمد:هو هيك
اجود:الاحسن هلا تبدلو مشان تنام مرتاحة
محمد:اسكت ليكها اجت
ضيفتهن وقعدت
اجود:رح تخصم من الراتب
محمد:شي اكيد
طيف:راتب مين
اجود:راتبك
طيف: ...
اجود:صحيح ما اتفقتو على الراتب
طيف:المهم الشغل ما بهمني الراتب
محمد:شايف هيك لازم يكونو كل الموظفين
اجود:المهم لا تتأخر عليها بتسليم الراتب بدي حلوان
محمد:بطنك ثم لا احد
كانت طيف مبتسمة وهو ملاحظ انها صايرة تتجاوب وكتير صحبة معهن
اجود:انا بدي امشي
محمد:استناني عندي مشوار كمان
اجود:لا تطول
راح عمل دوش سريع ولبس وطلع متشيك
محمد:يلا مشينا
اجود: بخاطرك طيف
طيف:الله معك
محمد:ازا بدك شي اتصلي فيني
طيف:ماشي
نزلو سوى
اجود:شو مزبط حالك مقابلة يعني
محمد:يا حسرتي تهاني لاني اهتميت فيها شفت كيف اتكبرت عليي
اجود:هههه هي بنص عقل شو بدك فيها بلا شو القصة وين رايح
محمد:لعند اغلى حدا على قلبي
اجود:مين بلا مو ببالي اي حدا
محمد:لعند امي
اجود:وكيف خطر عبالك تزورها
محمد:بابا مسافر
اجود:هههه عنجد يعني انت مابتروح لحتى ما تشوفو
محمد:شو عرفك
اجود:بلاقي طيف متغيرة
محمد:كيف متغيرة
اجود:كأنها اتعودت يعني صايرين اصحاب
محمد:يمكن
وصل اجود لبيتو وتوجه لبيت اهلو فتحلو الناطور البوابة وفات كان مشتاق لامو كتير فتحتلو ام زهير
ام زهير:نور البيت سيد محمد
محمد:اهلين ام زهير شو وين امي
ام زهير:من شوي طلعت ل غرفتها مدامهن مو هون حابب اباركلك
محمد:بشو
ام زهير:بكتب كتابك
محمد:اه اي بس اوعى تجيبي سيرة لحدا
ام زهير :لا توصي حريص بس والله وقت شفتها افرحتلك من جوات قلبي البنت كتير مرتبة وحلوة الله يتمملك ع خير
محمد:الله يسلمك
تركها وكاتم ضحكتو طلع دغري ل غرفة امو دق الباب
ازدهار:فوتيفتح الباب وفرحت بشوفتو
محمد:ناقصك بنات انتي
ازدهار:هههه يخليلي اياك شو هالزيارة الحلوة
غمرتو كان اطول منها بكتير
محمد:مو احلى منك
ازدهار:انا قلت محمد بايعني
محمد:ببيع العالم انتي ما فيني على فراقك
ازدهار:في سبب للزيارة
محمد:اشتقتلك ما بيكفي
ازدهار:بس مو غريب كيف خطرت ع بالك
محمد:والله عالبال انتي بس اسمعت انو جوزك مسافر
ازدهار:مو عيب هاد ابوك
محمد :بس اسمو جوزك
ازدهار:يعني ما بناسبك تجتمع فيه
محمد:شيليني من هالسيرة بدنا نضل هون
ازدهار:بدك تتغدا عنا ومافي اي اعتراض
محمد:حاضر
نزلو لتحت وكانت كتير فرحانة فيه
ازدهار:خلصت اجازتك
محمد:اي
ازدهار:وايمتى بدي افرح فيك
محمد:الله كريم
ازدهار:مانك صغير
محمد:ختيرت
ازدهار:كل جيلك صار معهن اولاد
محمد:ليش اجود لساتو عزابي
ازدهار:لانو مافي حدا يتدخل بحياتو
محمد:بس انوي دغري بخبرك
ازدهار:اشرلي على اي بنت وانا بروح اطلبلك اياهامحمد:اي انشالله كيف صحتك انتي
ازدهار:الحمد الله احسن من اول
محمد:ومشان الدوخة
ازدهار:لا كتير اتحسنت
محمد:اكيد ماما
ازدهار:لا تشيل همي اهتم بحالك
محمد:عندي صحتك بالدنيا
ازدهار:الله يرضى عليك ويفرحني فيك يارب
........
كنت منعنشة بعد الحمام واخدت راحتي بالبيت اتغديت ع الماشي الظاهر محمد معزوم وما الو رجعة للبيت بهاد الوقت
طيف:معقول ما يزبط الباب ويضل مفتوح مابعرف شو هالشغلة يلا هانت بس لحتى استلم الراتب وساعتها بشوفلي بيت لو صغير غرفة ومطبخ واستقل واعيش بدون رقابة وبكيفي
طيف:معقول سما نسيتني ياترى وين اراضيهن
كان قلبي عم يدق بسرعة بس اتزكرها بحس بضيق بصدري يارب ماتكون متعزبة على غيابي لانها كانت متعلقة فيني كتير
كنت لابسة شتوي الجو فيه برودة شغلت التلفزيون كنت عم دور على قناة مو رياضية شو بيعجبو بهيك قنوات مابعرف اتأخر الوقت كتير بالعادة بيطول هيك بس لازم يزبط قفل الغرفة
كنت مراقبة اخر ظهور الو وفتح لهيك دغري سكرت انا ما عندي الا رقمو بس هو عندو أرقام رفقاتو والله الشباب راكزين بس البنات مكيودات كتير ولا جيداء يا لطيف كيف مبالغة بلبسها يعني مفصل جسمها ومشالله معبى مو نحيفة اما ديانا جسمها كتير حلو ولبسها مو متل لبس جيداء مابعرف ليش وصلنا لزمان الشب بيتستر اكتر من البنت وكيف خطيبها بيسمح وهي كيف بتقبل يشوفوها بتياب ضيقة وجسمها ملفت للنظر يلا تسطفل ما دخلني فيها
طيف: بعد ما شليت عرضها
لروح انام احسن شيطفيت التلفزيون وما حبيت انام ع التخت نزلت فرشة التخت للصوب التاني لحتى لو حاول محمد يفتح ما يشوفني ورح اراقبو من تحت التخت زبطت الفرشة وخطرلي ادفش الكومدينة لور الباب لحتى لو حاول يفتح يطالع صوت كانت شوي تقيلة بس اندفشت معي اتمددت بمكاني ونمت.
.......
كان متقل بالسهرة وبالزور لحتى استوعب انو باب غرفتو عم يندق
محمد:يلا اجيت
اتنشط وراح فتح كانت طيف
طيف:الساعة صارت ٨ ونص
محمد:اي يلا منيح صحيتيني
طيف:رح اعمل قهوة
محمد:الك اي انا مابدي
طيف:ليش
محمد:المسا منشربها
طيف:متل مابدك
راح جهز حالو وطلعو سوى
طيف:تاخرت مبارح كانو
محمد:اي
طيف:بس ما حكيتلي وين كنت
محمد:ببيت اهلي
طيف:اي شو تغديت
محمد:عملو تشكيلة اكل
طيف:اي ساعة رجعت
محمد:يمكن تنتين ما بتزكر
طيف:يعني كان عندكن ضيوف
محمد:لا سهرة عادية وبعدها اطلعت مع الشباب والصبايا اسهرنا بالمطعم
طيف:..
محمد:كنت بدي اخبرك بس ديانا كانت معي وما اقدرت رح تعرف انك ساكتة عندي
طيف:لا عادي اصلا ما بحب سهرات الليل
محمد:مع انو سالوني عنك كتير
طيف:...
وصلو للشركة هي فاتت ل مكتبها وهو كمل ل مكتبو بعد اتصالات ويوم مليان ضغوطات وشغل خلص دوامو ومر لعند طيف الي كانت عم تتأمل الجو برى
محمد:شو مالة
انتبهتلو
طيف:اي خلصت دغري
محمد:نمشي
طيف:ناطرة شوية اوراق بدها سارة انسخهن على ملف
محمد:خديهن وبتكملي بالبيت
طيف:بس لسى بكير
محمد:بتعرفي ترجعي لحالك
طيف:لا...
محمد:انا لازم امشي
طيف:يلا باخد لوراق وجاية اسبقني
ما كان يعرف انها رح تتأخر وكتير داق خلقو وقت شافها نازلة وبايدها لوراق نفخ بملل ركبت حدو وعم تلهت
محمد:ساعة
طيف:ما فتح الاصنصير
محمد:كيف هيك
طيف: ...
شغل ومشي نزل جابلها وجبة غدا الها وكولا وكملو للبيت كل واحد فات ل غرفتو وشوي دقت عليه باب الغرفة
محمد:شوفي
طيف:مابدك تتغدا
محمد:لا الك الاكل انا ماني جوعان
ما فتح رجع اتمدد وبقي صافن بالسقف
.......
ما حبيت اتغدا بدونو توقعت يكون الي الاكل لانو جايب بس وحدة كولا مع اني ميتة جوع حسيتو مو على بعضو اتصلت ب سارة
سارة:اهلا مين
طيف:انتي مين
سلرة:انتي المتصلة
طيف:ما اعرفتي صوتي
سارة:طيف!
طيف:بدي اسألك
سارة:تفضلي
طيف:الاستاز محمد اكل شي بالمكتب
سارة:لا وحتى ما رضي اطلبلو قهوة
طيف:اسفة ازعجتك
سارة:لا ولايهمك
دغري رحت ودقيت الباب معقول نايم رجعت دقيت
محمد:فوتي
كنت عم افتح ب حذر وقت شافني اتجلس
طيف:اسفة نايم
محمد:لا شوفي
طيف:ليش مابدك تتغدا
محمد:تعبان شوي
طيف:مبين في شي موجوع
محمد:لا تهتمي خلص روحي اتغدي
طيف:طيب شبك شغلتلي بالي
محمد:ما الي نفس
طيف:...حسيت بخنقة سكرت بهدوء وتركت الاكل ورحت للصالون وكتير مزعوجة بدون سبب وشوي طل بالمطبخ واجى لعندي
محمد:ليش ما اتغديتي
طيف:ما الي نفس
محمد:لساتك بدون فطور
طيف:ليش انت افطرت
محمد:لا
طيف:مريض يعني
محمد:لا تعبان وبس
طيف:...
محمد:روحي اتغدي
طيف:ازا ما اكلت مستحيل حط الاكل بدمي
محمد:لو جوعان باكل
طيف:خلص مابدي اكل
محمد:خلص باكل تعالي
الحقتو للمطبخ فهمانة عليه ما اقبلت اكل الا لاكل قدامي
محمد:كملي الاكل انا بدي انام
طيف:لابقى تطلب اكل ازا مابدك تتغدامحمد:اتهني
طيف:....
اكلت بدون نفس انا متاكدة انو مريض او صاير معو شي خطرلي اسأل اجود بس مامعي رقمو لهيك اتصلت ب سارة وضحكت بس سمعت صوتي
سارة:اهلين طيف
طيف:اسفة عم ازعجك
سارة:ع وشك النوم انا
طيف:طيب معك رقم اجود
سارة:شو بدك فيه
طيف:هههه احزري
ساؤة:معي هلا ببعتلك اياه بس شو في
طيف:لا مافي شي ابعتيه
سارة:ماشي
كنت ناطرة لحتى وصل الرقم ودغري اتصلت فيه
طيف:مسالخير
اجود:اهلين مسالنور مين معي
طيف:انت مين
اطود:هاد رقم محمد وانتي طيف
طيف:لا ماني طيف
اجود:هههه شوفي صاير شي
طيف:اي محمد تعبان كأنو!؟ما رضي يتغدا وحتى قهوة ماشرب
اجود:اي هههه اعراض حمل يعني
ضربت على جبيني
طيف:شو هالحكي انت شو عم تخبص
اجود:من ايمتى مقطوعة الشهية
طيف:لا تتمسخر عم احكي جد انا
اجود :عنجد عم تحكي جد
طيف:ياريتني ما اتصلت فيك
اجود:هلا بجيب معي كاشف حمل وبيجي
طيف:لاااا انت مو معقول
سكرت الخط بوشو ما توقعتو يستهتر بوضع الرجال كنت واقفة على باب البيت وناطرة يشرف فتح الاصنصير واجى
اجود:وليه انا ما بيتسكر بوشي
طيف:لانو كلامك ما بينسمع
اجود:ههه جبتلو تيست
كزيت على سناني وتنفست بعمق بس هو فرطان ضحك فات وعم يزغرد رح يجلطني فتح بدون لا احم ولا دستور ضليت واقفة بعيد عن الباب كان قاعد اجود حدو
اجود:سلامات شبك
محمد:تعبان شوي
اجود:موجوع يعني
محمد:يعني في شوية وجع
اجود:اشربت دوا
محمد:اي وقطعت الاكل
اجود:دوا بدون اكل ما بفيد
محمد:ناااار بمعدتي
اجود:رح جيبلك ابرة من الصيدلية
محمد:اي شي المهم ما يتطور الوجع متل هديك المرة
استنكرت وقت طلع اجود
طيف:وين رايح
اجود:جيبلو ابرة هلا بضربو اياها وبصير متل لحصان
طيف:شو صاير دكتور يعني ما بينعطى المريض اي شي بدون استشارة طبيب
اجود:لك انتي شو دخلك المرة الماضية بس انشكت الابرة كان متل الحصان
طيف: لازم تاخدو للدكتور
اجود:لا ما حزرتي انا مافي وحدة تمشي كلمتها عليي
طيف:مابصير يمكن الابرة تزيد الوجع ما تداويه
اجود:مدامك دكتورة فوتي افحصيه انتي
طيف:ليك الحكي كلو ما بفيد خلينا ناخدو ع الدكتور
وجه الكلام ل محمداجود:انا رايح خلي طيف تسعفك وتجيب دكتور
محمد:لا ترد عليها جيبلي الابرة وتعال
اجود:لااا دخيلك ازا صارلك شي بعلق معها
محمد:طيف خلص خليه يروح
فتت لجوى لعندو
طيف:مارح تستفاد الا ليشوف الدكتور حالتك ويشخصلك المرض اما برد او تسمم
اجود:انا رايح تسطفل منك الها
طيف:تروح ما ترجع الهي مين بدو ياخدو للدكتور
اجود:خديه انتي مشالله نص دكتورة
تركنا وراح
محمد:روحي خليه يرجع
طيف:لا مارح رجعو يلا قوم خليني اخدك انا ع الدكتور
محمد:لشو الدكتور ابرة وبتحسن
طيف:ابرة شو
محمد:مسكن
طيف:بربك تطاوعني ازا ما شافك دكتور مارح تعرف شبك قدران تسوق
محمد:اوووف مابدي روح وخلص
طيف:ليش اعطيني سبب مقنع
محمد:ما الي خلق لا روح ولا شوف حدا
طيف:لكن بتخاف
محمد:رجعي اجود
طيف:ليك هلا مو انت وقت انا اتعبت وقفت معي خليني هالمرة ردلك الاهتمام
محمد:...
اعطيتو الجاكيت ولبسها وطاوعني ومشي معي
محمد:ازا زحمة برجع
طيف:اي ماشي
يخرب بيتو اجود اختفى بس بدو كلمة يهرب شغل السيارة محمد ورحنا للدكتور وانبسطت فاضي ماعندو حدا ضليت عند السكرتيرة
السكرتيرة:جوزك المريض
طيف:...ليش بتسألي
السكرتيرة:توقعت
طيف:.....
السكرتيرة:ازا بتحبي فوتي معو
طيف:لا بنطر هون
السكرتيرة: خايفة عليه يعني
طيف:...
السكرتيرة:وقت تكوني حدو رح يكون احسن
طيف:....
....
كان عم يسكر ازرار القميص
محمد:احكي غير هالحكي دكتور
الدكتور:توقعات الاحسن تعمل تحليل
محمد:ما عم اتحسن ع المسكن
للدكتور:لهيك لازمك تحاليل عندكم بالعيلة وراثة بالمرض
محمد:اي
الدكتور:على كلاً راح اكتبلك على ادوية وتحاليل ايمتى ما حللت بتجيبهن لشوف النتيجة ع فكرة اهمال متل هيك مرض بيطور من الحالة وفي احتمال يتحول ل سرطان عليك العافية
محمد:الله يعافيك
طلع معو الراشيته ودغري طيف وقفت باهتمام كان عم يحاسب السكرتيرة وطلعو لبرى كان ملاحظ انو طيف عم تطلع فيه بس طنش وضل طالع وركبو بالسيارة رمى الراشيتة والتحليل بدون اهتمام
طيف:شو طمني
محمد:عرضية
طيف:يعني برد ولا شو
محمد:برد ع الاكيد
طيف:واعطاك دوا
محمد:اي
طيف:بس نفسيتك اتحسنت
اتأملها منيح وابتسم
محمد:هيك مبين عليي
طيف:يعني انو اطمنت على حالك
محمد:اي يمكن
نزل يصرف الدوا عند اول صيدلية ونزلت معو طيف
محمد:ليش انزلتي
طيف:بدي جيب دوا الي
محمد: ..
بقي ساكت وفاتت معو اعطاها الراشتية للصيدلانية كانت عم تصرفلو الدوا
الصيدلانية:الك ولا للمدام
محمد:الي
الصيدلانية:جرثومة
اتلبك لانو كزب على طيف
محمد:ما انتبهت شو حكى
الصيدلانية:لازمك حميةمحمد:انا بعرف الاكلات الي بتضرني
الصيدلانية:يعني منتكس قبل بمرة
محمد:اي مرتين
الصيدلانية:ما تشوف شرمحمد:تسلمي...شو بدك طيف
طيف:بدي سلامتك
ابتسملها بخباثة
محمد:هيك لكن
كانت مبتسمة الهن الصيدلانية
حاسبها وطلعو
محمد:ليكون بدك شي
طيف:شو بدي اخجل منك
محمد:يعني شغلات ما لازم____
طيف:عيب عليك لشو هالحكي
محمد:بعرفك بنص عقل
طيف:كان بدي فرشاية اسنان بس لقيت عندك وحدة بالحمام
محمد:انشالله لمسكرة
طيف:الك
محمد:فرشيتي فيها
طيف:اي ليش
محمد:ليش ما سألتيني مبينة انها الي
طيف:بس
محمد:...
رجع يجيب فرشاية وكان متدايق منها رجع للسيارة
طيف: اقرفت يعني
محمد:لا مو هيك بس انا معي جرثومة ومابحب حدا يشاركني حتى على فنجان القهوة
طيف:انت بتعرف انو معك جرثومة
محمد:اي
طيف:ليش ماخبرتني
محمد:شفتك مهتمة اكتر مني
طيف:وخطير هيك مرض
محمد:ازا ما اتعالج اي
طيف:وشو سببو
محمد:عالاغلب اكل ملوث
طيف:وهلا موجوع
محمد:لا لسى ما اتوجعت
طيف:لكن ليش ما اتغديت وليش ضليت بغرفتك
محمد:لانو مابدي يزود الوجع كان خفيف
طيف:الحمد الله انك رحت للدكتور
محمد:بدك شي قبل نرجع
طيف: لا والله غير سلامتك
محمد: الله يسلمك
......
رجعنا للبيت هو التزم غرفتو وانا ضليت مشغولة عليه واتصلت ب اجود
اجود:خير شوفي عندك
طيف:مين معي
اجود:ههههه الله يصبرني ليش متصلة
طيف: اه انت اجود
اجود: هههه فايقة ورايقة شو تحسن محمد
طيف: مين محمد
اجود:ههههه مو ملاقية حدا تتغالظي عليه غيري
طيف:لا دقيت ابهدلك
اجود:انتي يا نص نصيص بهدلي لشوف
طيف:منيح ما اعطيناه ابره
اجود:ليش
طيف:لانو معو جرثومة
اجود:بلا ما كنت بعرف
طيف:اي اتمسخر
اجود:يعني راح
طيف:اي والدكتور فهمان طلب منو تحاليل
اجود:اي عادي صار عندو كومة طلبات تحليل وبالسيارة كلهن مارح يحلل
طيف:عنجد
اجود:مستحيل يحلل راسو والحيط
طيف:انا قلت لبكرى اكيد بيحلل
اجود:استني لكن
طيف:انت مانك صاحبو بنوب
اجود:وكيف اعرفتي
طيف:تركتو وهو موجوع وما حاولت تقنعو يروح يحلل
اجود:شي بيملل لانو اول مرة انتكس هيك اهتميت واصريت اسعفو عالفاضي ازا بتقنعيه يحلل بتكوني قدها
طيف: بحاول فيه طيب شو لازم يتغدا لساتو بلا اكل
اجود :بلا هالاكل اعمليلو كاسة زهورات
طيف:هلا بعملو بس خايفة يكون نايم
اجود ازا نايم اتركيه...او قلك روحي نامو جنبو
طيف: 😷
اجود:سامعيتني
طيف:عيب عليك شو مفكرني انت
اجود:ههه انا مشان يخف وجعو بس يلاقي حضن دافي
طيف : للاااااا انت حقير كتير
اجود:ع القافية الكلمات
طيف:...
فصلت الخط يخرب بيتو هي هيك الي انا حكى شو كان يخبص لمحمد رحت عملتلو زهورات ورحت لشق عليه فتحت بهدوء خفت يكون نايم وازعجو شفتو قاعد ع الارض وحاطت راسو على التخت مبين انو موجوع
طيف: محمد...جبتلك كاسة زهورات
محمد:...
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`