الفصل 4
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم جرعة أمل`*
*❴🔢❵الـــبـــــــــــ❴4️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
الجزء الرابع
طيف:لانو مافي صداقة ضلت يا اما بتتحول ل حب يا اما بتصير الشغلة ما بتسوى
محمد:مو من مقامك نكون اصحاب
طيف:ما تفهمني غلط بس بالضيعة ما اتعودت الا رافق بنات يعني مستحيل تصير صداقة بين شب و بنت
محمد:خلص منحكيلهن رفقات حكي بس ولا نحن ما رح نكون رفقات
طيف:شو قصدك
محمد:كلشي بمعنى بتفهميه
طيف:لا مو هيك 🥺 رفقاتك مناح
محمد:بتتعرفي عليهن شو وافقتي
طيف:بس ازا ما عجبني الوضع معاد التقي فيهن
محمد:اي ماشي تصبحي على خير
تركها ترتاح وفات لغرفتو يفكر فيها وكيف مبين عليها مو مأمنة فيه
محمد:قال مافي صداقة بين شب وبنت
يعني واثقة انو تتحول ل حب
مارح انكر انها حلوة وخايف تكتشف اني متل جوزها الي مقضيها سهرات وكيّيف
معقول ازا نبهت عليهن ما يحكو يضلو ساكتين وليش لاعرفها عليهن بس كمان تنضم للشلة احسن اصلا خففت طلعات من وقت سكنت عندي اتدايقت كتير وخفت تتركني شو حلو انو اهتم بحدا وبالاخص متل طيف مبين عليها بنت عالم وناس مو متل بنات هالايام طالع السنسال واتأملو
محمد:اول مرة بقبل اخود مقابل كرمال شي منيح عملتو
سمع صوت باب غرفتها اتسكر غفي وهو مطمن ومبسوط لانو طيف بقيت عندو
صحي بعد الظهر تعبان ومتكسر غسل ولبس ومشط شعرو وطلع من البيت بدون ما يزعجها بالسيارة شغل اغاني وولع سيكارة كان يدخن بس ع الخفيف وراح للمول كان عم يشتري كريمات وعطورات مشاطة للشعر وشوية بكلات وشنتة
بقلبو:وعم جهز ومهتم فيها
اتخيلها تبادلو الاهتمام والشعور خلاه ينبسط
خلص مشترى الاغراض وراح لعند اجود الي كان قاعد وعم يتفرج على مقاطع ومبسوط لمح لمحة محمد واستخف فيه
محمد:امانة مو نمت وانت تتفرج عليهن
اجود:شو عرفك
محمد:واضح مابدها تنين يحكو فيها
اجود:صحيح السهرة عندي اليوم
محمد:اي وحابب جيبها معي واعرفها على الشلة
اجود:بتنوروني 😅
محمد:اجود لا تلمح قدامها او لا تجيب سيرتي
اجود:ولايهمك خلص
محمد:مشان السهرات؟
اجود:ايوا افهمت عليك
محمد:ومابدي ديانا تشك بشي
اجود: اي ماشي شو بتحب تشرب
محمد:دايمة بدي ارجع للبيت جبت ل طيف شوية اغراض
اجود:عشنا وشفنا والله
غمزو محمد بشقاوة وراح كان متحمس يشوف طيف فات بهدوء توقع تكون نايمة وقت شافها بالمطبخ دغري وقفت وبطلت تاكل
محمد: كملي اكلك
طيف:لا اشبعت
محمد:زادلك معي شوية مصاري
طيف:مصاري شو
محمد:بعت السنسال وجبتلك ب يلي زادو شوية اغراض
طيف:مافي داعي انا مسامحتك
محمد:انا ما بسامح حالي وكمان هدول ٢٠٠ الف
رماهن بالشنتة
محمد:كمان كمالة ما اعرفت شو بدي اشتريلك
طيف:يسلمو بس ما اعرفت شو اشتريتلي
كانت قريبة منو وعم تاخد منو الشناتي وهو عم يتأمل ايديها وحركاتها بأعجابطيف:كريمات عنجد يسلمو عزبتك معي
محمد:لا عزاب ولاشي كملي فطورك
طيف:لا انا اشبعت اشربت قهوة انت
بقلبو:منيح ما اشربت بشربها معك
محمد:لا لسى
طيف:لكن رح احضر القهوة
بقلبو:اي هيك ها قهوة رعبون الرفقة
كان ناطر تطل عليه فضولو رح يقتلو ليشوفها وهي ماشية بس ما قدر ع اساس مركز بموبايلو
على مقاطع مشكلة وانتبهلا وقت حطت الفنجان قدامو
محمد:يسلمو
ترك الموبايل وركز قعدتو
محمد:عجبوكي الاغراض
طيف:كتير مبين عليك على طول بتتسوق
محمد:لا مو كتير انا اشتري اي اما حدا ياخدني وافتل معو بنجلط
طيف:هههه معاناة مو
محمد:كتير مو شوي بالاخص رفقة النسوان
طيف:مو كل النسوان
محمد:يعني انتي ما بتطولي بالسوق
طيف:ما جربت بس لا ما بعملها
محمد:مشان رفقاتي السهرة عند اجود
طيف:وشو رح تخبرهن عني
محمد:اننا منعرف بعض
طيف:..
محمد:اجود بس بيعرف انك عندي
طيف:وليش مخبرو
محمد:هو كان معي وقت اسعفتك
طيف:وشو لازم اتصرف
محمد:خليكي طبيعية مع الكل بس تتعرفي عليهن رح تحبيهن كتير
طيف:الله يسمع منك وايمتى الموعد
محمد:سهرة
طيف:اي ماشي
شرب الفنجان وفات ل غرفتو يرتاح
........
كنت مبسوطة نوعاً ما لاني رح اتعرف على صبايا وانشالله يكونو من جيلي واتفاهم معهن وازا صحلي رح اشتغل ودورلي على سكن لانو العيشة مع شب غريب تعتبر حرام وما بيجوز لو انو مبين محترم بس ما بظن يضل منيح
المسا طالعت فستان جينز طويل واللبست تحتو بلوزة كم ربطت شعري كعكة واللبست شال شتوي وبوط ابيض واطلعت انطرو كانت ريحة بارفانو طالعة من الغرفة شو معزوم على حفلة قعدت انطرو لحتى طلع مشان لا اطلع فيه كنت عم زبط ربطة البوط
محمد:شو جاهزة
طيف:اي جاهزة
ضل واقف لحتى صرت حدو طالع موبايل من جيبتو واعطاني اياه
طيف:مافي داعي
محمد:لا مشان بس تملي تراسليني
طيف:الك الموبايل
محمد:اي الي
طيف:وانت
محمد:معي موبايل تاني
طيف:ماشي
اخدتو منو وانزلت وراه احلى شي النزلة بالأصنصير بحس اني هبطت دغري اركبت حدو بالسيارة وشغل اغاني وكانو ما بيحلالو يدخن الا بالسيارة دغري طالع الباكيت من درج السيارة وشغل وحدة وضيفني اطلعت فيه بصدمةطيف:لا يسلمو
شغل اغاني حماسية حسيت اني رايحة لشي خناقة بحسو ازعر بس عم يتظاهر انو منيح قدامي معقول !؟مابعرف كيف مأمنة على حالي عندو بس لولاه انا كنت هلا بمكان تاني اصلا كل ما اتزكر انو اسعفني وانا عم انزف بتمنى تنشق الارض وتبلعني وكملتها الدكتورة وفكرتو جوزي وحكتلو
قطع شرودي وقت صفط السيارة
طيف:وصلنا
محمد:اي وصلنا اتفضلي
كان بيت مستقل وفي اكتر من سيارة برى
محمد:شكلنا اخر الواصلين
الحقتو كنت عم اتأمل المكان رن الجرس وفتح رفيقواجود:اهلا وسهلا بكير
محمد:المهم وصلنا شو مين هون
اجود:الكل
محمد:فوتي طيف
طيف:مسالخير
اجود:مسالنور
ما اقدرت سلم بأيدي ضليت بعيدة عنو وفتت وراه وهلا كتير اخجلت الصالون مليان صبايا وشباب ولعيون كلها عليي هو طبعاً بيعرف الكل سلم بس في صبية غمرتو وحسيت ب خجل
ديانا:بكير؟
محمد:المهم اوصلت
جيداء:ما عرفتنا مين الحلوة
ديانا:قصدك القمرة
محمد:طيف رفيقتي
ديانا:اممم وليش ما منعرفها نحن
محمد:عم اعرفكن
اجود:اتفضلو ليش واقفين
جيداء:مصدومين الصراحة
محمد:ليش يا شاضومة
جيداء:صاير تخبي عننا
محمد:بلا كترة حكي
اشرلي معنى اقعدي كنت ساكتة وعم شوف ولييي كل لعيون عليي
قعد حدي وطالع موبايلو
اجود:بدكن اضيفكن يعني
جيداء:لا رايحين تعالي طيف معنا
الحقتهن واستلموني بالمطبخ
جيداء:من وين اتعرفتي على محمد
طيف:بصدفة
جيداء:بتشتغلي انتي
طيف: لا بس عم دور على شغل
جيداء:يلا بكرى محمد بيدبرلك شغلة
ديانا:وشو طبيعة علاقتكن
طيف:حكالك رفقات
ديانا:مو مبين هههه بمزح بمزح
مابعرف كيف اطلعو ببعض
جيداء:شو رايك تعملي القهوة انتي لندوق قهوتك
طيف:اي بعملها
واجو كمان صبيتين وحسيت حالي ضايعة بيناتهن
وعد:شو هالفستان الحلو
نهى:صحيح حكو جاية معو ضيفة ما توقعنا تكوني حلوة هيك
طيف:...
كنت عم اعمل القهوة وهني يجهزو باقي السهرية وبيناتهن غمز واشارات
جيداء:حلو فستانك زوقك هاد
طيف: لا هدية
ديانا:والشال كتير نايس ع فكرة ازا هدية بتوقع تكون من محمد لانو هيك زوقو
ضليت ساكتة
جيداء:انا عندي بوتيك كلو فساتين ماركة بتمنى تزوريني في تشكيلة نازلة جديد وهيك بتختاريلك فستان لانو حفلة خطبتي قربت
طيف:وهون خطيبك
جيداء:هلا بعرفك عليه
ديانا:شو مابدك تشيلي القهوة
طيف:لا انا بقدم شي تاني
ديانا:خجلانة يعني
طيف:..
جيداء:انا باخذها انتي جيبي الحلو
كل وحدة اخدت شغلة اطلعت اخر وحدة وارجعت قعدت حد محمد كان مشغول مع رفيقو وغرقانين بموبايلاتهن كلهن
جيداء:اجود شغللنا اغنية تكون حلوة
اجود:شغلي من عندك
جيداء:شو بتحبو تسمعو رومنسي ولا مشكل
ديانا:رقص شو رأيك انتي
ضحكو كلهن كنت عم اتمايز الكل شغلت اغنية وشغللها خطيبها سيكارة
بقلبي:يا حبيبي ملا شلة فلتة عنجد
ديانا:صحيح ما حكيتلنا ليش متخانق مع تهاني
محمد:انا ما تخانقت مع حدا
جيداء:ما رضيت تيجي قال بتعتذر منها وقدامنا بلا شو عامللها
محمد: اجود شاهد انا عملت شي
اجود:هو حكى بشكل عام والظاهر انو الكلام وجعها
نهى:اي لمحت تلميح الظاهر انك حاكي شي ما بيسوى
فرطو ضحك هو ورفيقو
محمد:بربك حكيت شي اجود
اجود:لا بس شغل اغنية وفهمتها منيح
جيداء:اي معها حق انتو كل اغانيكن ما بتسوىمحمد:بس انا ما قصدتها
ديانا:لا تحلف شانة الحرب عليك
محمد:هههه بالناقص ع فكرة السهرة معها كلها رقابة منخاف نحكي اي كلمة وتفكر هي المقصودة
علي:انتو ما بتتقاوو الا عليها
محمد:دافعلا شو وراك
علي:هي ما بتقبل الا انت تدافعلا
محمد:كنت هلا غيرت رأيي
ديانا:مو حرام عليك والله اعتذرت منك وقدام الكل
محمد:دخيلك لو اعتذرت ما بهمني
اجود:اتصل فيها بربك
محمد:هههه مو اليوم مرة تانية
ديانا:بتعرفها ع طيف
محمد:لاحقة بتتعرف عليها
.......
كان ملاحظ انها خجلانة من الكل بس طبيعي بكرى رح تتعود عليهن وتصير متلهن كمان بعتلا وانتبهت للموبايل
محمد:شبكي
طيف:نعسانة كتير
محمد:يلا شوي ومنمشي
كانت ديانا مراقبيتهن سوى وبينها وبين جيداء نظرات الها الف معنى وشوي حكى محمد
محمد:يلا انا بتسمحولي
اجود:بكير الساعة لساتها ١٢
محمد:عندي بكرى مشوار ضروري
ديانا:معقول تنام بهيك وقت
محمد:شو الغريب النعسان بينام...يلا طيف
ديانا:شو بدك توصلها نحن منوصلها ازا حابة تسهر
جيداء:ليكون طريقكن سوى
محمد:هيك شي
ديانا:ليكون ساكنين سوى
محمد:ديانا
ديانا:بمزح شبك ما بتلقى مزح
محمد:لا بقى تمزحي
وقفت طيف والنظرات كلها عليهن اخد موبايلو ومشيت قدامو طيف ودعهن اجود ورجع ليسمع كلامهن
جيداء:ولييي شو انها قوية وساكتة
ديانا:ع فكرة هي حكتلو بدي ارجع
هشام:بيكون ما عجبها الجو
جيداء:اي لاحظت كانها حيط
اجود:شبكن على المخلوقة لسى ما اعرفناهاديانا:مبينة شايفة حالها
جيداء:شفتي كيف تلونت وقت حكيتي ليكون ساكنين سوى
اجود:لا مو معقول
ديانا:محمد بيعملها
اجود:اخبرو بهالحكي
ديانا:هههه خلونا نمشي
.......
ما حبيت الجو ابداً اصلا ماكنت فهمانة على شو بيحكو متل الهبلة منيح انو راجعين للبيت
محمد:شبكي في شي
طيف:لا مافي شي
محمد:حسيت انو ما عجبك الجو
طيف:حسيت حالي غريبة بيناتهن
محمد:لانو اول مرة بتجتمعي فيهن
طيف:لا بس في صبيتين كتير كانو عم يتغامزو حسيت انو الموضوع بيخصني
محمد :لا مو معقول ازا على جيداء هي كتير حبابة
طيف:لا الصبية لصغيرة حسيتها رح تاكلني بلا ملح
محمد:هههه ديانا
طيف:مابعرفهن بس انتو الشباب مو متلهن
حسيتو مو مقتنع بكلامي يعني انا الي مو منيحة وكلهن احسن مني فتنا للبيت وانا دغري للغرفة اللبست بيجامة وضليت ناطرة يصير هدوء لفوت على الحمام كنت عم اسمع صوت فتح وتسكير بواب ومو مسدءة ايمتى يفوت ل غرفتو ويسكر منيح بعد ما هدي الجو اطلعت للحمام فرشيت اسناني بفرشاية مبينة جديدة بعلبة غسلت ب غسول للوجه اسمعت صوت تمتة حكي وفضولي رح يقتلني بدي اعرف مع مين عم يحكي وع الاكيد رح يجيب سيرتي حطيت ادني على الباب وعرفانة انو هالشي ما بصير وكنت سامعة حديثو
محمد:لااا زودتيها هلأ ......لا ما بعتذر لو اغلطت اي.....بلعكس كتير حلوة السهرة كانت....انتي عرفانة شو عم تطلبي مني....لكان مابتعرفي محمد لسى ....ههههه ايه منشوف كلمة مين رح تمشي....ما قصدتك ومابدي احلفلك....عنجد....اي احكي هيك من اول.....كتير... مابسدء لشوف ...
اختفى صوتو ودحشت ادني اكتر معقول سكر بس ما سمعت حكى مع السلامة بلشت ارجف وقت فتح الباب وتأتا ارتعبت وما اعرفت شو بدي بررلو
محمد:فيكي شي
طيف:اه...اي...لا لا...مافيني شي
محمد:لكن ليش واقفة هون
طيف:اي...كنت كنت بدي شاحن الموبايل
محمد:فوتي خديه
ارجعت لورا وخفت منو
طيف:لا انت اعطيني اياه
محمد:..
فات جابو وحسيتو كتير خبيث كان شايف اني واقفة عند الباب وفتح مستقصد
اعطاني الشاحن
محمد:بدك شي تاني
طيف:لا يسلمو
فتت للغرفة وقفلت الباب على مسمعو
......
كان مبتسم بخباثة اخد موبايلو وراح للصالون مد رجليه على الطاولة وبقي مراقب ضو غرفتها
محمد:عم تتسمع عليي ولا صدفة وقفت عند الباب عنجد بدها الشاحن ولا اتحججت منيح ما خبصت بالحكي
محمد:ههههه كيف خافت مني وقت حكيتلا فوتي جيبه ههههه شو انها واعيه وفهمانة ما بتمشي عليها هالحركات وعم تسمعني انها قافلة الباب
اتمدد بالصالون وهو عم يفكر ب طيف وكيف انها شاغلة بالو وملت عليه البيت متابع مباراة بس بدون حماس فكرو عم يسرح ويمرح عند طيف وعم يردد بقلبو
محمد:طيف....طيف....شو هالاسم الحلو
طيفك ي اسمر حارس ويا جفوني فرحة وقمرة ونور يضوي عيوني بس عود انت وما يهمني الي لاموني بس عود انت وما يهمني الي لاموني يا بعد اهلي وعمري وضي سنيني يوم الماشوفك يوم الماشوفك ماريد عيوني
محمد:ازا بضل عم فكر فيها رح اتهور بس في شي بيمنعني نظراتها بحس انو هي مظلومة ومالها سند والا كيف تقاوى عليها جوزها وحماتها عارفين ما الها حد يسندها وازا بغدر فيها يمكن يصيبها شي مارح تتحمل لانو ضربتين ع الراس بيوجعو لهيك اهدا محمد وبعد وساويس الشيطان عنك؟اي شيطان قول نفسك العاطلة والردية المخلوقة خارطة مشطي وبحس انو هي الي عم ادور عليها فيها حنية وطيوبة مبين مربية على العز
ساعات وهو عم يحاكي حالو مرة يتغزل فيها ومرة يحاول يقنع حالو يبعد عنها لحد ما سمع صوت باب غرفتها عم ينفتح غمض ومثل النوم حس على خطوات هادية عم تقرب منو وارتعش وقت غطتو وشم ريحتها قريبة منو
بقلبو:الله يصبرني بس وحنونة عليي
طفت التلفزيون ورجعت ل غرفتها كان مكمل التمثيلية لحد ما تسكر باب غرفتها فتح واتامل كيف غطتو ب حنية لحتى ما يحس
محمد:احلى حدا بيهتم فيني والله
غمض وهو مبسوط ومستسلم لشعور حلو مسيطر عليه
.....كنت تعبانة وبنفس الوقت مو شبعانة نوم بس الاحسن ما اتصادف فيه لانو الامور رح تطلع عن سيطرتي وباينتو مو فرقانة معو حالتي ولا وضعي بحسو رح يهجم عليي بأي لحظة ولي على عيونو مبارح نظراتو خوفتني وقت حكالي فوتي خديه انتي حسيتو فخ وبدو يوقعني فيه وانا ما بتحمل حدا يفكرني جدبة وتمرق عليي اساليبو نظراتو فيها خباثة فيها شي عاطل وابتسامة مكر انا بعرف بشو عم يفكر واكيد الشيطان حاضر بكل الوقت بيحكي لحالو متجوزة ومطلقة لا مين شاف ولا مين دري ومافي حدا يدافع عنها وازا اضطر بيقلعني بنفس اليوم
خفت لانو متأكدة هو هيك عم يفكر لازم من اليوم دورلي على شغل
اتنشطت واتخيلت انو اشتغلت وانحلت اموري اللبست وجهزت حالي بدقة الباب وخفت حكيتو من جوىطيف:مين
محمد:هههه شو مين بدي شاحني
طيف:اي يلا
فتحت واعطيتو اياه كان لساتو ببيجامة
محمد:عندك مشوار
طيف: اي نازلة شوفلي شغل
محمد:وين يعني
طيف:اي مكان مابتفرق
محمد:ع اساس الشغل مقتل حالو
طيف:مافي غير هالحل
محمد:يعني مصرة ع الشغل
طيف:اي وكتير كمان
محمد:بلبس وباخدك معي ع الشركة
طيف:شركة شو
محمد:شركتي
طيف:انت عندك شركة
محمد:هههه اي ليش مستغربة مبين اني صايع
طيف:لااا والله مو هيك بس ما بشوفك بتروح للشغل
محمد:ع كلا استنيني جاييكي
نطرتو مشالله عنو كان سريع ودغري اجى متشيك ومخلص علبة البارفان على حالو اخدت الموبايل استملكتو وانزلنا سوى
طيف:حلوة النظارة كتير
محمد:الك وحدة من نفس الماركة
طيف:..
شغل اغاني وكنت مبسوطة لانو رح اشتغل بس والله مو مكملة دراسة بيأثر
طيف:عادي بدون شهادة
محمد:اي عادي مو مهم
طيف:يعني كيف مو مهم
محمد:بتعرفي تطبعي وتكتبي ع اللابتبوب
طيف:اي اكيد
محمد:خلص شغلتك محلولة
صفط السيارة وانزلنا سوى كان الو اعتبارو والكل عم يسلم .اهلين استاز وشرفت استاز لوصلنا لمكتب السكرتيرة ودغري وقفت
السكرتيرة: اهلين استاز نورت الشركة
محمد:اهلين فيكي حوليلي كل المواعيد لعندي
السكرتيرة:حاضر استاز
كنت لسى مصدومة مخبى بتيابو وحكيتو بنفسية بعد ما دخلت للمكتب وانفلجت بفخامتو
طيف:والله الكل بخاف منك
محمد:هههه شو مفكريتني انتي
طيف:وليش ماخبرتني مبين عليك عواطلي
محمد:هههه كانك عم تسبيني
طيف:بتسدء بينخاف منك
محمد:ليش
قعد ورا مكتبو وانا كنت عم اتفتل بكل المكان
طيف: ما حكيتلي عنك شي
محمد:عنجد!
طيف:اي وجد الجد ما توقعت تكون صاحب شركة ودخلك شركة شو
محمد:ما بين معك
طيف:تصدير
محمد:عندي معمل اواعي بحلب وبصدر لبرى البلد والشركة هون
طيف:وكيف بتترك الشغل
محمد:سلمتو ل النائب وعملت فترة استراحة كنت بحاجتها
طيف:قبل تلتقي فيني
محمد:اي من شهر تقريباًطيف:ومعبي كتير مصاري
محمد:ههه شو عرفك
طيف:مبين من البيت الي ساكنو
محمد:اي وليكي عندي نفوذ ها
طيف:واصل يعني
محمد:اي
طيف:وانا كيف بدي اتعلم ع الشغل
محمد:اختاري الي بيريحك
طيف:المهم تكون الشغلة سهلة ومو صعبة ويكون الراتب محرز
محمد:ضروري الراتب
طيف:اي ضروري
محمد:اول شهر بيكون تجربة يعني انا مو لامم مصاري من الشارع لاحاسبك على الفاضي
طيف: 😒ولا رعبون
محمد:لا مافي رعبون شهر تجربة
طيف:ماشي طيب ما بتعطيني سلفة
محمد:اهلين دغري سلفة من اولها
طيف:ليك انا اطمعت وخلص مشي الحال
محمد:ههههه ع حسابك والله وازا اتفقنا ع الشغل رح تعزميني على غدا وعشى
طيف: وحلوان ازا بدك
محمد:..
.....
بقلبو:الحلوان بقبل يكون معنوي😂
طيف:ليش مبتسم
محمد:لا اتزكرت شغلة شو بتحبي تشربي
طيف:شو بتضيف بالعادة انت
محمد:قهوة
طيف:اووه عز الطلب
محمد:تكرمي
طلب القهوة كانت قاعدة حس انو نفسيتها اتغيرت حطت رجل على رجل وعم تتأمل المكتب وصار يتأمل معها
محمد:عجبك
طيف:لدرجة
محمد:هههه شو الحلو فيه
طيف :مرتب وبيضوي ضوي ونظيف
اتأملو منيح واتامل قعدتها وكيف نظرات الاعجاب مبينة عليها
بقلبو:والله اليوم لصار حلو رح اعلمك ع الشغل انا بدي كون قريب منك ورح يصحلي لمسة لو ع الماشي
اجت السكرتيرة وضيفتهن وهو عم يرتب شوية اوراق بالمكتب
.....
اتخيلت حالي ومشي الحال راكبة سيارة وفايتة
للشركة والكل عم يرحب فيني وخلص صرت من الطبقة المخملية اتأملت محمد وهو بين الاوراق وكتير مهتم بالشغل مع انو مبين عليه عونطجي 😂لعمى والله الشغل بيغير البني ادم
طيف:وايمتى رح ابدا بالشغل
محمد:ايمتى مابدك بكرى ازا بتحبي
طيف:ياريت
محمد:رح اخدك للمكتب الي رح تشتغلي فيه
انبسطت كتير ونفسيتي اتحسنت بثواني الحقتو واخدني ل مكتب صغير فيو مكتب واحد وفاضي
محمد:هون رح تشتغلي
طيف:بس فاضي المكتب
محمد:رح جهزلك اياه
طيف:كتير موقعو حلو وازا ماحدا عجبو لاني بدون شهادة
محمد:انا هون الي بتحكم بالكل
طيف :وازا خربطت او عملتلك شي مصيبة
محمد:لا رح ضل مراقب شغلك لا تخافي
كان مهتم فيني وهالشي فرحني كتير طلب من السكرتيرة يجهزو المكتب وانا قضيت الوقت بالمكتب عم استمع لاتصالاتو وحسيت كل الدنيا اتغيرت بعد الساعة ٢ خلص شغلو أعطى التعليمات للسكرتيرة واطلعنا من الشركة لاحظت انو عم يطلع فيني كتير وانا كتير حاولت اخفي الفرحة ما اقدرت هيك لسى ما بلشت بالشغل عزمني على الغدا اتغدينا بالمطعم
محمد:شو طيف مبسوطة كتير
طيف:مبين عليي
محمد:نفسيتك اتغيرت مبارح كنتي حدا كتير حزين
طيف:في امل هيك حسيت
محمد:امل بشوطيف: انو تزبط اموري ما ضل عالة على حدا لا تزعل مني ما بحب اعيش تحت رحمة اي حدا
محمد:مع انو انا ما خطرلي احملك جميلة ولا اتحكم فيكي تحت اي ظرفطيف:بس انا مو متعودة هيك فجأة حدا يتحسن عليي وبدون مقابل
محمد:والله الدنيا لسى فيها خير
طيف:بس والله اتلقيت اقوى الطعنات من اقرب الناس
محمد:شو طموحك يعني بعد ما تشتغلي
طيف: استقل يعني اقدر استأجر بيت واني اصرف على حالي وانو ادور على بنتي
محمد:على كلا رح نطلع هوية بدل ضائع ورح تصيري متل مابدك ويمكن احسن
طيف:عنجد ما رح انسى وقفتك معي
محمد:لا تحكي هيك والله اقل من عادي انا لو مين ما شوف محتاج مساعدة ما رح اتردد مو تفكري لانك بنت وفي احتمال استغلك لا حتى لو شب ومعتاز مساعدة مارح اقصر معو ابداً
طيف:عنجد شكراً الك
........
هو ما توقع تتحسن نفسيتها من شغلة بالنسبة الو بسيطة رجعو للبيت ومبين عليها الفرحة
وكل واحد فات ل غرفتو حس بانو في شي اتغير وممكن طيف تبادلو اقل شي الاهتمام لانو رح تعتازو بشغلها
محمد:شو بدي اشغلها عندي يلا بلاقيها شغلة تكون سهلة احسن شي تضل قدام عيوني ومشيلها راتب وانا رح دورلا على شقة لحتى ما تلاقي بكل عمرها مكان تسكن فيه الا بيتي رح افتلها وفرجيها بتسلى وبخليها تتأمل اتمدد ب تعب وحط راسو ونام من تعبو
..........
تاني يوم اصحيت نشيطة فرشيت اسناني غسلت ورطبت بشرتي طالعت اواعي مرتبة اللبست واتشيكت ربطت شعري كعكة واطلعت انطر محمد وكتير حسيت انو اتأخرت رغم انو الساعة لساتها تمانية بس لازم اصحيه دقيت الباب وارجعت للصالون طلع جاهز
طيف:صباح الخير
محمد:صباح النور
طيف:فكرت اني ازعجتك
محمد:لا صاحي من زمان
طيف:كتير متحمسة
محمد:يلا لكن
كنت مجددة الأمل عنجد وكل شوي عم اتفقد حالي ومو مسدءة ايمتى اوصل وابدا شغل مع اني ما اعرفت طبيعة الشغل وصلنا وانزلنا كان في شب من رفقات محمد برى سلمو على بعض بس مبين عليه نفسية كتير سلم عليي كانو غصب عنو
علي:طولت
محمد:ليش ما نطرت بالمكتب
علي:فكرت مداوم
محمد:شو عرفك اني خلصت اجازتي
علي:العصفورة
محمد:دخيلها لكان
علي:مارح طول بس في موضوع وضروري نحكي فيه سوى
محمد:..
فتت وراهن ودغري انا دخلت للمكتب وهو كمل مع الي شايف حالو كان المكتب عليه اغراض وفيو شجرة للزينة والمكتب نظيف قعدت وناطرة محمد يجي يشرحلي عن الشغل الي ما بعرف شو هو
.....
محمد:مابتزورني هيك
علي:اي في خبر مو منيح
محمد:هات لشوف
علي:الي قلتلك عنو طلع صح
محمد:واكيد علي اتأكدت
علي:متزوجها بكتاب براني
محمد:شو نعملو يعني ما انت بتعرف ما منقدر نمنعوعلي:انت بتفكر انو هالشي عادي مشان مصلحتنا كلنا رح تخليه يتبرى مننا وماما ازا عرفت شو ممكن يصير فيها انت بتعرف هي كتير اتعزبت بعد المرض وما سدءنا ايمتى رجعت لطبيعتها وصحت
محمد:انت لا تخبر وحتى ديانا اوعك تغلط قدامها وانا رح احكي معو
علي:زواج يعني مو متل قبل مواعيد
محمد:خلص انا بحكي معو انت انتبه لحالك ولدراستك
علي:ما الي نفس بشي
محمد:شو بتحب تشرب
علي:مابدي شي صحيح شو بلاقي طيف معك
محمد:بتشتغل عندي
علي:يلا مبين انها طيوبة كتير انا صار لازم امشي
محمد:لا تضل تفكر بالموضوع
علي:انشالله
ودعو وطبعا محمد رأسا لمكتب طيف كان متحمس يشوفها ورمى ورا ظهرو كل كلام علي لانو ببساطة هو عايش لحالو بيكره العيلة وليصفي راسو من مشاكل اهلو دق الباب ع الخفيف بأبتسامة عريضة
محمد:ممكن
وقفت بخجل
طيف:اتفضل
محمد:شو صار بالشغل
طيف:ناطرة تيجي وتخبرني شو اشتغل
بقلبو:هي احسن شغلة اتأملك وانتي مبسوطة قرب لعندا ع المكتب
محمد:لازمك لابتوب مشان يصير عليه كل الشغل وتبعتيلي ايميلات انا بطلبها منك
طيف:من وين بجيبو
محمد:هلا بيكون حاضر عندك بتعرفي تشتغلي عليه صح
طيف:لا
بقلبو:احسن وهو المطلوب
محمد:لكن بطلب قهوة راجعلك
........
كنت ناطرة لحتى اجى ومعو لابتوب حطو على ظهر المكتب وجاب كرسي
طيف:اقعد هون بمكاني
محمد:لا عادي
كنت مراقبة كيف حط الكرسي حدي وما اقدرت ابعد فتح اللابتوب وبلش يعلمني عليه كنت بعد نظري عنو وكل ما اشرد وحس انو عم يطلع فيني اتكهرب
محمد:هون عم حاكي مين
طيف:الصراحة شوي ماني مستوعبة
محمد:مو صعب بلعكس كتير ريح
طيف:مابعرف انا حاسة حالي غبية شوي
محمد:هههه
اجى الموظف وحامل القهوة ضيفنا وراح انا متلبكة لانو كتير هو قريب مني وماني قدرانة احكيلو يبعد
محمد:يلا فرجيني كيف بدك تشتغلي
.....
كانو ايديها عم يرجفو هو فهمان انها مو مركزة لانو قريب منها بس هي احسن فرصة ليقرب منها وكان يستقصد يحط ايدو على ايدها ويحس بنعومة ايدها كانت عم تشرحلو وخايفة
محمد:كيف بدك تبعتيلي الايميل
طيف:هي سهلة
طبعا هو مركز على شرحها ومبسوط وهيك خلصو ودغري وقف لانو حس انو طيف رح تموت من الاحراج منو
محمد:بس تخلصي شغل بتجيبي معك اللابتوبطيف:اكيد
محمد:اكيد مافي شي صعب
طيف:لا ازا حسيت بصعوبة بخبرك
محمد:ماشي
تركها وطلع من المكتب وكان مبسوط وما بدو احلى من هيك شعور يكون قريب منها
......جرعة أمل كبيرة انزرعت جواتي بمجرد اني بلشت اشتغل واحس بقيمة حالي مو مهم الراتب المهم اني احس حالي ممكن كون بحال احسن من قبل كانت اي كلمة تخوفني من محمد كنت احس بالضعف والنقص وانا حسيت انو شغلي مو مهم بالنسبة لشركة محمد بس المهم عم ساهم بشي لو صغير وانو ما يصرف عليي هيك حسنة كان مواعد رفقاتو بالبيت خلاني اقفل غرفتي واول الواصلين كان اجود حسيتو مستغرب فيني قعد ودغري سألني
اجود:شو اليوم مبسوطة
محمد:طيف صارت تشتغل بالشركة
اجود:والله مبروك الشغل لكن
طيف: الله يبارك فيك
اجود:ما تحلينا
طيف:اول ما استلم الراتب اكيد بحليكن
اجود:خلص موافق
بوصلة باقي الصبايا والشباب فتحلهن محمد سلمو واتمركز كل واحد بمكان بس لعيون عليي وكنت مبتسمة
جيداء:مع مين اجيتي طيف
محمد:انا جبتها
ديانا:شو صاير شوفير
محمد:شو فيها يعني
جيداء:لا عادي مافيها شي
ديانا:كالعادة بدكن حدا يضيفكن
ضحكو الشباب والحقتهن على المطبخ
جيداء:انتي وين ساكنة طيف
طيف:ببيتي وين بدي اسكن يعني
جيداء:يعني قريب من هون
طيف:اي
ديانا:ومع مين ساكنة
طيف:مع شلة بنات
ديانا:وشو طبيعة علاقتك بمحمد
طيف:متل باقي الرفقة
نهى:طيب ليش ما بتعطينا عنوان بيتك ومنزورك
طيف:البيت كتير صغير وانا مو لحالي ساكنة
وعد:وكيف مخلية محمد شوفير الك هي ما عم استوعبها
طيف:مين حكى شوفير
ديانا:هو هيك حكى
طيف:ووين الغلط يعني
ديانا:صارحينا ليكي نحن بنات ومنفهم على بعض مافي شب بيهتم بصبية من الباب للطاقة اما حاطها براسو وبدو يغنيلها موال او بيكون بدو يرتبط فيها شو طبيعة علاقتكن
طيف:انا من جهتي معتبريتو رفيق وازا عنو هو روحي اسأليه هو
جيداء:ايه نحن الي منسألو
كنت عم ساعدهن نظراتهن الي بتخوف جهزنا السهرية ورحنا شاركنا الشباب القعدة فتحت الموبايل اتسلى لانو ما حبيت ولا بنت فيهن بالاخص ديانا حسيتها غيرانة مني كتير
ديانا:شو نازل للشركة
محمد:اي
علي:صحيح طيف مبروك الشغل
طيف:الله يبارك فيك
جيداء:يعني عم تشتغلي عند محمد
طيف:اي
ديانا:صحيح محمد ما حكيتولنا انت وطيف
محمد:عن شو
ديانا:يعني شو طبيعة علاقتك بطيف
محمد:رفقات
ديانا:بس طيف ما حكت هيك
اتوترت كتير وانصدمت وهو ركز بنظرو عليي
طيف:كيف؟
جيداء:مو حكت منحب بعض بالمطبخ
طيف:لاااا ما حكيت هيك
الشباب كلهن عم يضحكو وانا جددت وعصبت ومحمد ساكت
ديانا:ع الزمة مو حكت منحب بعض وغمزتنا
طيف:انا☹لا ما حكيت ولا جبت سيرة الحب انتي وياها عم تتبلوني
جيداء: امانة تبليناها
الكل اكد كلامهن
وقفت دغري
اجود:احكيلك كلمة محمد
محمد:اقعدي طيف
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`