الفصل 2
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم جرعة أمل`*
*❴🔢❵الـــبـــــــــــ❴2️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
الجزء الثاني
شف الفنجان مرة وحدة ونطر لحتى طيف شربتو ودغري تثاوب
مريم:باينتك نعسان روح نام
قيس: وهو هيك تصبحو على خير
ودغري طيف لمت الفناجين ولحقتو
..........
نادية:شفتي كيف قاتلة حالها عليه
مريم:جوزها امي
نادية:ييي بحياتي ما شفت هيك نسوان
زمان وقت اتجوزت ابوكي كنا مع اهلو انام كلنا بغرفة وحدة بعمري ما احتجيت وين دغري بس وقف ركضت وراه
مريم:بيكون منبه عليها
نادية:لا مجلوقة كتير عليه سالبيتو بعدين شفتي كيف لابسة مشلح قدامنا
مريم:بلعكس كتير مرتبة وهادية
نادية:لكن ما بتشوفيها الصبح كيف بتسقصد تطلع بقميص نوم بستحي اوصفلك اياه
مريم:بتكون معتبريتك متل امها
نادية:بنتهن رح تطلع فلتة شايفة شي كتير
مريم:مو معقول يامو
نادية:لا تدافعيلا اي
مريم:ليكون غيرانة
نادية:فشرتي
مريم:ههه لكن ليش اتلونتي بس اجى قيس وهلا عصبتي بس مرتو لحقتو
نادية: لو كليوم بتسهري عنا ما بزعل بس اول مرة وهيك تركونا وانو شوفوني فايتةانام معو
مريم:انتي مكبرة الموضوع بعدين قيس تثاوب غصبن عنو كانها اشارة بينو وبينها
نادية:قارحة وقوية عرفانة كيف تجيبو لتحت رجليها
مريم:امي شو هالحكي الله يهنيهن
نادية:بكرى اسأليها ليش ما حبلتي لهلا بنتهن طبقت الخمس سنين ولساتها ما حبلت من هديك الايام
مريم:هههه حاضر مابدك تنامي
نادية:لا رح ضل قاعدة هون على قلبها
مريم:مارح يطلعو للصبح
نادية:...
فاتت وكتير مقهورة وكل ما تتزكر كيف طيف متشبكة ولابسة وريحتها عطر يجن جنونها وبالاخص انو ابنها مبين عليه مغرم فيها وهي النار شاعلة فيها وناوية ع خراب بيتها
............
تاني يوم خلينا مريم عنا وعزمناها على غدا كنت مبسوطة لانو سما كتير صحبة مع بنت مريم وضل اتفرج عليهن بالساعات وهني عم يلعبو واجى جوزها من شغلو كنت لابسة بلوزة طويلة وبنطلون جينز وقعد هو وقيس وعلى حكي بس حماتي الي ما كانت طايقيتني يعني تفرجيني انها عم تزورني ومقهورة مني والله ما عملتلا شي بس مدايقة لانو قيس منيح معي قبل تخلص السهرة رحت جليت ورتبت المطبخ وكانو عم يتودعو واطلعت معهن سما كانت نايمة وكانو حماتي وقيس راحو يتمشو سكرت الباب ورحت رتبت غرفتي قبل النوم صفطت تياب قيس وعلقت شوية تياب الي وانا ماني عرفانة شو الموضوع
......
نادية:ليكون مانك مسدءني
قيس:كيف بتسب عليكي
نادية:وحكتلي ابنك واتبري منو صار الي
قيس:مافشرت مابخلي وحدة تفرق بيني وبينك لا تخافي يامو
نادية:الله يرضى عليك وليش ما حبلت مرتك لهلا
قيس:والله مابعرف
نادية:يعني مابدك صبي يحمل اسمك
قيس:الي بييجي من الله يا محلاه ومشان طيف انا رح ربيهانادية:لا تفكر اني عم اتبلاها بس والله مرتك مو طايقة وجودي ببيتكن انا وقت تدايقو مني بروح بشوفلي مكان تاني
قيس:شه على هالحكي يامو البيت بيتك انا لولاكي ما بتشجع وبطلع من الضيعة
نادية:الله يرضى عليك لا تجيبلا سيرة شو حكينا لانو رح تطالعني كزابة
قيس:كيف بدي حطلا حد لكن
نادية:انت لاحظ عليها
قيس:ماشي دبارها عندي
حست بالنصر ورجعو للبيت هي ما فاتت للغرفة ضلت قاعدة بارض الديار وناطرة اصواتهن تعلا ويتخانقو.
.......
كنت متشيكة لافهم منو شو في بينو وبين حماتي بعرفو بنص عقل تعطرت كتير ورحت قعدت حدو وتغنجتلو
طيف:لساتك مشتاقلي
قيس:كتير
قربني منو وقبل يبوسني بعدتو
طيف:زعلانة منك
قيس: له ليش
طيف:بحس انك معاد حبيتني
قيس:بلعكس جانن فيكي وين كنتي مخبيه كل هالجمال
طيف:ههه اي جمال
قيس:لبس ودلع بعمرك ما البستي هيك
طيف:لانو بيتنا هنيك كان مو مأمن كنت اخاف حدا يشوفني اما هون كلو مسكر
قيس:اي لازم من زمان سكنت هون
طيف:شو القصة حبيبي
قيس: قصة شو
طيف:في سر بينك وبين مرت عمي
قيس:لا مافي شي شغلة عن مريم وزوجها
طيف: متخانقين
قيس:لا شغلة عادية شو رأيك ترقصيلي
طيف:بالليل
قيس:اي فرصة الكل نايم
طيف:تكرم عينك
شغلت أغنية وخليت صوتها مقبول وبلشت ارقصلو كنت متأكدة حماتي سامعة وخليها تموت بغيضها مين اتحكم فيها هي وقيس كتير مبسوط ولا كأنو قيس الي بعرفو
.....
كنت عم تهز برجلها ومقهورة ونطرت لحتى طفى الضو وراحت لتتسمع على صوت ضحكاتهن
نادية:الله لا يهنيني ازا بهنيكي يا بنت الحرام مستقصدة عم تجاكرني لعمى شو عملتلو لحتى نسي شو حكيت معو
وهلا صوت ضحكهن خلى النار تزيد فاتت لعند لصغيرة وبلشت تفكر كيف فيها تكرهو بمرتو
نادية:عرفانة كيف تخليه خاتم بأصبعها وهو اجدب بس بدو كلمة لعمى لازم افرجيه كيف مرتو بتطاول عليي
نادية:وانا منيمة بنتهن عندي وهني اخدين راحتهن من بكرى رح بلش الحرب عليها يا انا يا هي بهالبيت الله لا يسامحها جننت هالولد ومعاد ابني
.......
كره حماتي كان واضح بتصرفاتها بنظراتها بنص الليل اسمعنا دقات ع الباب كان قيس هلا غفيان رحت وفتحت كانت سما وصحيانةطيف:ياروحي شبكي
سما:خايفة كتير
طيف:ليش وين تيتة
سما:نايمة بس اسمعت صوت بيخوف
طيف :فوتي يا روحي تعالي نامي هلا بابا بينبسط لانك حدو
نامت بيناتنا وما رضيت الا لامسحلا على شعراتها
طيف:صوت شو اسمعتي
سما:كانو حدا صحاني من نومي وارتعبت وصوت بيشبه صوت الذئب
طيف:ههه ع اساس بغابة نحن ازا شفنا قطط وعصافير منيح
سما:خايفة كتير
طيف:ليكي بابا حدك وهو رجال بيقتل اي حدا بيأذيكي
سما:تيتة اليوم شكت لبابا منك
طيف :مني انا شو حكتلوسما:حكتلو طيف عم تخلي الاكل مالح لحتى ما اتغدا
انقهرت كتير مافي سعادة تامة قيس اتحسن بس حطلي بخلقتي امو
طيف:عادي حبيبتي هالمرة حكيتيلي تاني مرة عيب لانو ما بصير شو ما اسمعتي تخبريني
سما:اسفة ماما
طيف:بتعرفي رح نسجلك ب روضة
سما:بس ما بعرف اكتب
طيف:بعلمك انا
حس قيس وما استوعب
قيس:سما شو عم تعملي هون بابا
طيف :اشتاقتلك
قيس:ياروحي
غمرها كان حنون كتير عليها
قيس:دخيل شعراتك اي هاتي بوسة
باسها وباس ايدها وخلاها على تمو
افرحت كتير لانو بحبها وحطيت راسي ونمت
.......
كان سهران قيس بالمرقص هو واحمد وثائر وكتير مبسوط وكان حدا حربوق كتير شايفهن كيف عم يتغامزو بس عمل حالو مو شايف وشوي اجو تلت بنات وقعدن كل وحدة حد واحد بس قيس انزعج كتير
قيس:شو مين عزمهن
فتون:ما عجبك يعني
قيس:..
أحمد:مو حلوة القعدة بدون بنات يعني ازا متجوز بتخاف
قيس:لا مابخاف
ثائر:فرجينا بطولاتك
كان مشمئز وقرفان منها لو حلوة وناعمة بس ييجي ببالو انها كاينة مع كتير رجال غيرو يقرف
قيس:انا اتاخرت
احمد:لاااا ولو اول كاس لسى خلينا نغير جو
قيس:..
بقلبو:انا فهمان عليكن انا اندل تلت شباب بالضيعة لاعبتهن طميمة جايين تخورفوني انتو لكن ما بيعرفو مع مين علقو
حطت ايدها على قميصو وسبلتلو عيونها
فتون:بمين شارد
قيس:هني عزموكي
فتون:عيوني عليك من اول ما ترددت لهون انت كتير حلو وجذاب
قيس:جد وشو الي جذبك اكتر شي
فتون:عضلاتك
قيس:هههه ما كل لرجال الهن عضلات معجبة بالكل يعني
فتون:جسمك متكامل وطولك خيلة عنجد متجوز
قيس:هههه اطلقها شو رأيك
فتون:نيالها لو مو حظها قوي ما اتجوزتك
قيس:الجانب لمنيح فيني ظاهر عليكي بس المخفي اعظم
فتون: ويكون شو ما يكون المهم انك شب حلو
قيس:مع كم واحد طالعة انتي
فتون:كتار بس انت احلى واحد هون
قيس:شو رايك انو انا اتاخرت
فتون:خليك امانة
قيس:بيكفي الساعة وحدة
فتون:..
وقف ودغري استنكرو
احمد:وين السهرة باولها
قيس:لا راجع
ثائر:يعني كيف بدك ترجع اجينا سوى
قيس:بتكسي بدبر حالي
احمد:بس مافي امان بهالوقت
قيس:تاخرت كتير
ثائر:خليك بربك ساعة ومنمشي
طاوعهن غصب عنو وما حلت عنو المخلوقة الا لاخدت رقمو وعلق معها
.......
بلشت اشك فيه سهراتو كترانة والاضرب شوف بقعة حمرا على رقبتو وانقهرت كتير وهو حط راسو ونام يعني لو بينكر لحمار بيعرف انها بفعل فاعل مع مين بيسهر انا ما خلصت من صحاب الشدة الا وعيوني طالعة هلا مصاحبة نسوان شو عليه يا قيس اكيد عم يتمصرف عليهن وعم يتحجج بالشغل وهاد منى عينها لحماتي ازا بتدرى لتنبسط الصبح عملت لفطور والكل صحي البيت مرتب ونظيفوالتمينا على السفرة وحماتي اتلونت بعد ما شافت الي برقبة قيس رح بتفكر مني وتسدء اني قاتلة حالي على ابنها مع مين كان وكيف بيسمح لحالو يجي ينام عندي وهو مخبص مع غيري
حماتي:اشبعت الحمد الله
قيس:شو اكلتي
حماتي:مسكرة نفسي
قيس:ليش
حماتي:ياريت ضليت بالضيعة ع الاقل ما بنهان هالاهانة
قيس:اهانة شو طيف مزعلة امي
طيف:لا والله
حماتي:مو ضروري بالحكي
طيف:شو عملت مرت عمي
حماتي:خليني ساكتة احسن شي
قيس:الا تحكي ازا غلطانة طيف هلا بربيها
طيف:لا بلا عم تحكي جد انت وامك
قيس:طيف اللزمي حدودك ها
طيف:لا مابدي اللزم حدودي على شو بتعملوني فلتانة انت لو تشوف حالك بالمرايا بتعرف امك عن شو بتلمح
حماتي:منيح عرفانة قلة ادبك
طيف: لاااا ماني قليلة ادب وبعدين هالعلامة مو مني اسالي ابنك وين كان ومع مين
قيس:شووو مخبية هالحكي بقلبك انشالله رح تخوفيني ازا حكيتي لامي
حماتي:عم تخبص انت مع بنات
قيس:ما حدا الو علاقة فيني وازا بتفكري تهدديني او تخوفيني ما حزرتي طيف خانم
طيف: ...
تركتهن وفتت للغرفة كنت مقهورة كتير يعني ولا هامو مشاعري ولا احترم امو
وطلع من البيت اطلعت لجادل فيها
طيف:فكرتي مني ورحتي تموتي من غيضك
حماتي:فشرتي ليش لموت انتي وحدة قليلة ترباية
طيف:لا وحياتك انا مربية بس انتي راجعي ترباية ولادك
حماتي:ولي على عيونك انتي من بعد ما ماتو اهلك فلتي
قلبي دق بسرعة وبلشت ارجف
طيف:اهلي ما ماتو
حماتي:امبلا خالك اتصل ب قيس وخبرو يخبرك انهن غرقو بالبحر
بلعت ريقي بصعوبة وحاولت اهدا واستوعب شو حكتطيف:لا لا كزب هالحكي
حماتي:معقول ما خبرك قيس ولا خاف تحرميه من حالك
طيف:وايمتى خبرو
حماتي:من اول ما هاجرو اهلك
طيف:من تلت سنين يعني وساكت وما خبرني
حماتي:وادريتي شو بدك تعملي
حسيت انو خلص انتهت الحياة فتت للحمام اتخيلت شو صار معهن وبلشت ابكي بقهر وصوت عالي
طيف:معاد الي سند يعني انا ما بقيلي حدا من اهلي كتير اتعزبو وهني عم يغرقو ليش ليش خبى عني اناني ولئيم مصلحتو فوق العالم كلو وانا ما افهمت كيف فجأة بينمسحو ارقام اهلي من موبايلي ماكان بدو يخبرني ليش خبى عني
كانت سما عم تبكي وحماتي عم تترجاني افتح
حماتي:كلنا بدنا نموت خلص حاجتك بالحمام مو منيح البكي افتحي مشان بنتك
طيف:اتركوني بحالي مابدي شوف حدا
كملت وانا عم اشهق ومو مستوعبة شو حكت
.........
اتصلت فيه امو وخايفة منو
نادية:مرتك عم تبكي بالحمام وسما عم تبكي وخايفة على امها
قيس:ليش شو عملتلا لتبكي
نادية:تعال مشان بنتك
رجع للبيت بسرعة حمل بنتو وضمها
قيس:لا تبكي بابا
سما:ماما عم تبكي وخايفة عليها
قيس:رح شوفها لا تبكي خلصتركها وراح لعند طيف الي لساتها عم تبكي بصوت مسموع وكانو قهر مخبى من زمان
دق الباب بقوة
قيس:افتحي طيف او بكسر الباب
طيف:مابدي شوفك معاد بدي اياك
قيس:افتحي رح عد للتلات
طيف:ازا ما بتروح بقتل حالي
قيس: شبكي انجنيتي افتحي طيف افتحي
كان عم يخبط بهمجية ع الباب وبلش يخلعو بس طيف خافت ودغري فتحت وطلعت ودغري للغرفة والبنت عم تبكي وقيس دغري لحقها فتح الغرفة كانت قاعدة بالارض وحاطة ايديها على عيونها
قيس:شبكي ليش عم تبكي
طيف:اناني وغدار انت كيف بتعمل معي هيك
قيس:شو كفرت يعني
طيف:مدامك بتعرف انهن غرقو ليش مخبي عني ليش كل ما بسألك بتحكيلي الا ما يتصلو ليش عيشتني بامل
قيس:عن شو عم تحكي
طيف:امك خبرتني حكتلي انو انا فلتت من بعد ما ماتو اهلي
قيس:...
طيف:طلقني هلا بدك تطلقني
قيس:اهدي وروقي
تركها وراح لعند امو وكتير معصب ومقهور
قيس: ليش لتخبريها اه يعني شو استفدتي
نادية:مافكرت انها ما بتعرف
قيس:كيف يعني مو نبهت عليكي لا تجيبي سيرة لحدا
نادية:قلت مستحيل لساتها ما بتعرف
قيس:وازا عرفت شو رح يتغير يعني
نادية:...
قيس:هلا شو بدو يراضيها
نادية:رح تستوعب وتهدا اكيد
........
ما اقدرت اتقبل الفكرة انا عايشة على امل ييجيني رقم غريب من اي حدا وتحكي معي ماما واسالها وين صارو😭ما كنت بعرف انهن صارو بمكان بعيد يعني ما الهن قبر ماتو غرق ياريتهن ضلو بالضيعة باعو بيتهن باعو شقفة الارض لحتى يموتو فيها ليش انا معاد الي حدا خلص الكل رح يستوطي حيطي ما الي حدا يخاف عليي ليش خبى عني ليش عيشني على امل شو استفاد من هالشغلة مارح سامحك يا قيس ضليت بدون اكل حاولو فيني وما اقدرت نمت من تعبي واصحيت بنص الليل وقلبي وقع وقت اتزكر شو اسمعت من حماتي ودموعي كرجو اتجلست وضميت حالي لاواسي حالي على هالمصيبة
.......
حس قيس عليها اتجلس وحاول يهديها بس دغري دفشتو
طيف:اتركني يا اناني
قيس:ما خبرتك لانو بعرفك كتير متعلقة فيهن
طيف:وهي ادريت كان لازم دغري خبرتني رحت مسحت كل ارقام اهلي وخوالي لحتى ما ادرى شو بتفكرني غبية
قيس:ولو اعرفتي بلحظتها شو رح يغير
طيف:انا مصدومة منك انا مو مستوعبة شو خبيت عني وليش شو كان غايتك
قيس:والله مافي غاية بس ما كنت بدي تزعلي وتتغيري
طيف:ما بسامحك انت واحد اناني
قيس:خلص والله ما فكرت هيك تكون ردة فعلك قلت كل ما بردت الشغلة رح تكون ردة فعلك اهون
طيف:لا بقى تحكي معي وين سما
قيس:نامت وهي خايفة عليكي
طيف:ليش ما خفت عليي انت ليش ما خبرتني
قيس:وهي ادريتي
طيف:ماتو ماتو اتأكدو من الخبر
قيس:خالك مازن هو الي اتصل وخبرني وحكالي الاحسن لا تخبر طيف كان خايف عليكي
طيف:وليش مسحت ارقامهن من عنديقيس:مشان ما تعرفي لانو صعبة جربت ومريت بهالموقف
طيف:انا لازم احكي مع خالي لازم
قيس:هلا بعد نص ليل
طيف:بكرى لازم احكي معو
قيس:متل مابدك
طيف:انت خنتني صح
قيس:..
طيف:بشو مقصرة معك احلى مني
قيس:سهرة عادية و
طيف:كمل وبعد السهرة العادية اخدتها ع شقة اخدت راحتك شو استفدت
قيس:والله ما قربت عليها بس هي دبقتني وقلت بلكي تحل عني
طيف:هاد مو كلام عم تبرر عذر اقبح من ذنب
قيس:..
طيف:مين عرفك عليها هاد الشغل الي هجرتنا مشانو
قيس:ما بقى عيدها
طيف:انت بترضى اخونك
قيس:ليش لتخونيني
طيف:لجربلك الشعور
قيس:انا غير انتي
طيف:ليش شو الفرق كلو حرام ازا ع الرجال او ع المراة
قيس:بتفرق وكتير😡
طيف:لانك رجال ولا شو؟؟
قيس:لانو ما بقبل طيف ما بقبل اتخيلك مع غيري عم تفهمي
طيف:وعادي اعرف انك كنت مع غيري
قيس :انا شي وانتي شي لا تجننيني ها
ضرب صحن السيكارة وكسر لمرايا ووقف وكتير مقهور وشوي اندق البابضل واقف ومتخنصر
قيس:طيف لابقى تحكي بهالحكي الموت اهون عليي من كلامك
طيف :وانا الموت اهون علي من اني اتخيلك بحضن وحدة غيري ما بقبل ما برضى
قيس:ما نمت معها والله بشو احلفلك
طيف:اسمها خيانة
قيس:..
طلع من الغرفة كانت حماتي مصدومة وطلع من البيت وانا استسلمت للدموع والبكي بصوت عالي تركتني وراحت ل غرفتها ومابعرف ليش عم يصير معي هيك
......
كانت شبه مبسوطة لانو قيس عصب عليها وحست براحة نفسية
تاني يوم الصبح اخدت راحتها طيف لساتها زعلانة ورجع قيس معصب عملتلو فنجان قهوة وحطت ايدها ع كتفو
نادية:لا تزعل حبيبي
قيس:ماني زعلان
نادية:مابحب ادخل فيكن بس ليش اتخانقتو حرام لساتها زعلانة
قيس:ما بقبل تعيرني وتقارن حالها فيني
نادية:كيف
قيس:عم تحكيلي تخيلني اخونك وانا ما بتحمل بنقهر انا اطلعت من الضيعة لانو الوسخ عارف ونبيل حكو حكي ما بينسمع عن مرتي
نادية:شو حكو
قيس:مابدي اتزكرو ولا احكيه النار بتشعل جواتي
نادية:ليكون مرتك معطيتهن ريق حلو
قيس:وانا شكيت فيها كمان
نادية:روق حبيبي اعصابك وصحتك بالدنيا
قيس:واخرتها مع الزعل انا جيت لارتاح
نادية:وين نمت انت
قيس:بالهفا
نادية:روق لازم تهدا
قيس: ..
شرب القهوة ونده ل سما ودغري حضنها
سما:ماما ما اكلت معنا
قيس:..
سما:ماما عم تبكي وزعلانة
قيس:بترضى لا تخافي
سما:حرام بابا صالحها
كانت مقهورة امو من حنية البنت على امها تركتهن وراحت للغرفة والنار شعلت جواتها وقت قيس راح لعند طيف لحالو
......كان عم يصالحني بس ما ارضيت ويمكن لو ما اجت مريم وواستني ما اطلع وشاركهن القعدة كنت بعالم تاني متخيلة المركب كيف غرق فيهن وكيف كانو عم يستنجدو وكيف المي كانت اقوى منهن اتصلت ب خالي وبس اسمعت صوتو ابكيت
طيف:كيفك خالي
متزن:اهلين طيف عاش مين سمع صوتك
طيف:انت وينك وكيفك طمني عنك
مازن:مشتاقلك انتي طمنيني عنك عن جوزك وبنتك
طيف: مناح خالي ليش ما خبرتني عن حادثة اهلي
مازن:خفت عليكي انا لو مو مسافر بضل حدك وبواسيكي
طيف:واتاكد الخبر
مازن:اي والله اتأكد
طيف:وايمتى بدك ترجع
مازن:والله يا خالي انقطعو مياتي من هالبلاد انتي تعالي ل لبنان
طيف:الله كريم نحن استقرينا بالشام
مازن:ازا اقدرتي زوريني
طيف:انشالله
مازن: ديري بالك على حالك رح سجل هالرقم الكن
طيف: اي رقم قيس
مازن:كانو جديد
طيف:اي جديد
مازن:بتوصيني شي
طيف:سلامتك
مازن:سلمي حبيبتي
طيف: الله معك
مريم:روقي والله ادبلتي ومو حلو عليكي الزعل
طيف:..
بقلبي:ياريتك تجربي هالشعور واخلص من امك كيف مبين على عيونها انها مبسوطة لانو قيس كاين مع وحدة غيري مابعرف ليش حاسة نهايتي على ايدها هالمكيودة
المسا جاب قيس اكل جاهز اتغدينا كلنا وحماتي اصرت تروح مع مريم للبيت وانا ضليت مع قيس وطبعا سما مع ستها كنت مجافيتو وقاعدة ع المرجوحة وضاربة بوز وعم اتزكر طفولتي مع اخي ومع اهلي والغصة عم تكبر تقرب مني بس ما اهتميتلو
قيس:والله بحبك خلص روقي بقى
طيف:تخيل امك الي ماتت
قيس:طيف شو هالحكي
طيف:لا تزعل انت اتخيل امك تموت وما اخبرك
قيس:لشو هالحكي خلصنا عم راضيكي
طيف:تخيل تشوف متل هالبقعة على رقبتي ومو انت الي عاملها وقف ورمى دلو لزريعة وفقد اعصابو خفت كتير بس ما اندمت لاني استفزيتو سحبني وبلش فيني ضرب وارتحت لانو رح ابكي بس ما اتمنيت الموت بجية حماتي وسما ودغري بعدتو عني وسما حضنتني وهي عم تبكي جريت حالي جر للغرفة وقفلت على حالي وعلى بنتي معي كنت حاضنيتها بكل قوتي وعم تمسحلي دموعي بأيدها الناعمين لصغار
........
كان عم يشرب بدون وعي وثائر واحمد عم يهدوه
ثائر:تقلت بالمشروب شو صاير معك
قيس:هات هات كاسة تانية لقلك
احمد:شو صاير بلا معك
قيس:انا ما بتخيلها مع حدا غيري
ثائر:مين هي
قيس:طيف انا بغار عليها من حالها من تيابها انا بعشقها كتير
كانو كاتمين الضحكات وكتير انبسطو
ثائر:حلوة كتير يعني
قيس:بعشق تفاصيلها هي اول مراة بحياتي لو اتجوزتها عن طريق امي اول مرة شفتها فيها عششت جواتي بحبها كتير عم تحكيلي تخيلني اخونك
احمد:يا باطل
غمز ل ثائر وانبسطو
احمد :ما بيجوز هالحكيقيس:ما بتخيلها مع حدا غيري الموت اهون عليي من الي حكتو اشتقتلا كتير كتير وبدي نرجع متل قبل
ثائر:شو صاير بيناتكن
قيس:خبيت عليها موت اهلها ومعادت طيف الي بعرفها
صبلو كاسة وارتاحو لتنين
احمد:روق مافي مراة بتستاهل تعمل بحالك كرمالها هيك
قيس:هي بتستاهل هي كل حياتي
تهامسو
احمد:اشتهيت شوفها
ثائر:بكون مكبر الموضوع
احمد:لا وحياتك الزلم متيم فيها بتكون على كيفو جاية
ثأئر:شو الحل يعني كيف بدنا نشوفها
احمد:نتقرب منو نفوت على بيتو ونزبطلو موعد وناخد راحتنا
ثائر:وكيف رح نزبط الموعد يعنياحمد:منزبطو لا تخاف
.....
كنت مجافيتو وهو مجافيني وحماتي ارتاحت كتير وجوز مريم سافر وحماتي راحت تسكن عندها وانا هم وانزاح عن قلبي كنت مبسوطة بعد ما اخدت تيابها وراحت شغلت اغاني وبلشت بشطف وترتيب وكانو عيد عالمي وقيس بلش يستسمح مني وطبعا سامحتو مو مشانو مشاني انا حابة ارجع طيف القديمة انا ما بنكر اني عشت معو ايام حلوة هون ليلتها جاب سهرية غير شكل واستغربت في قنينة غريب شكلها اكيد مشروب طاقة نامت سما وانا اللبست فستان اسود قصير وشغلت ميوزك واللبست سكربينه وقيس كان طاير عقلو فيني صب كاستين وكتر تلج وكنت مستغربة
طيف:شو هاد قيس
قيس:مشروب
طيف:شو يعني مو عصير
قيس:لا ويسكي
طيف:انت بتشرب منو
قيس:ورح اشربك معي
طيف:لا مستحيل ما بحطو بدمي
قيس:طيب هلا بتشوفي رح تنبسطي كتير
طيف:لا دخيلك اوعى تقربو عليي ليش من شو بيشكي العصير
قيس:بدك تشربي
طيف:لا تنزعها قيس امانة انا ما بحب هالشغلات وانت لازم ما تشرب
قيس:مين شايفنا سهرة من العمر هي يلا يلا الا تشفيلك شفة
كان عم يجبرني وكانت نفسي عم تقلب وحاولت استفرغ حسيت بدوخة ومابقى اعرفت شو صار معي
......
الصبح خفى قنينة المشروب وجلى الكاسات خاف تيجي امو بس طيف صحيت مو على بعضها راسها عم يوجعها كان مبسوط فيها وهي تعبانة كتير
قيس:صح النوم يا روحي
طيف:راسي رح ينفجر
قيس:سلامتك سلامتك
طيف:وين سما
قيس:لساتها نايمة متقلة بالسهرة
طيف:كيف ما حسيت حاسة بوجع مو طبيعي
قيس:بس كانت سهرة بتجنن
طيف:انا كنت اتخيل ولا بمنام
قيس:شو اتخيلتي
طيف:كنت عم تشربني مشروب
قيس: لا اكيد بتحلمي
طيف:معقول
حاولت تتجلس ورجعت اتسطحت
قيس:خليكي ازا تعبانة رح جيب فلافل بتكوني صحصحتي وبتكون سما صحيت
......
افطرنا واشربت دوا ورتبت مكان السهرة وشفت كاسات عصير كولا يعني انا اتخيلت اكيد مو متزكرة شي المسا كان عم يواعد بحدا واستغربت بعد ما خلصنا الغدا
قيس:جهزيلي شاي وحطي بزر وضلي بالغرفة اي
طيف:ليش
قيس:رفقاتي اصرو يسهرو عندي
طيف:خليني اسهر عند مريمقيس:لا مشتاقلك كتير ازا اسهرتي عندا رح طول بالسهرة ورح تنامي هنيك
طيف:رح مل لحالي
قيس:لا تابعيلك شي مسلسل يمكن يملو دغري
طاوعتو ورتبت البيت وبس اندق الباب كانت الدنيا معتمة دغري اللتزمت الغرفة وشقيت البرداية وشفت شبين فايتين مع قيس وكانت سهرة كلها دخان وحكي وضحك وانا قفلت الباب وحطيت راسي ونمت
لحد ما صحاني قيس وهو عم يدق الباب فتحتلو وعلى عيوني النوم
طيف:راحو
قيس:اي راحو
طيف:جبت سما
قيس:لا نايمة عند هناء
طيف:طولو رفقاتك
قيس:يضربو تقيلين دم ما سدءت ايمتى انقلعو
طيف:مابعرف من وين متعرف عليهن باينتهن زعران
قيس:هههه ع فكرة انا ازعر منهن
طيف:وانا هيك شايف
قيس:الشب الازعر احسن ها بيعرف يدلل ومارق على راسو اشكال الوان
طيف:لا تحكيلي وبدو مراة ما باس تمها غير امها لانو ما بناسبو هو بايس بنات لشبعان وبيعرف شو يختار
قيس:ههه والله عنجد عم تحكي واقع
طيف:يعني بايس بنات لشبعان
عض على شفافو وقهرني
طيف:عنجد انت ازعر كتير
قيس:هيك الله خلقني بعشق شي اسمو نسوان بدوب من نظرة
طيف:وانا ما بطيق هالشغلات
قيس:بخاف عليكي من حالي
طيف:منيح بيعرف انو بيخوف
انبسط كتير غمرني واتسطحنا
قيس:كيف جاييكي نوم بدوني
طيف:متل مو جاييك سهر بدوني
قيس:يمين عظيم ما سدءت ايمتى راحو قاعد وبالي عندك والله
طيف:وكيف استحو ع دمهن
قيس:اتاخرو كتير المهم اننا لحالنا هلا
طيف:اشتقت ل سما
قيس:شو رايك نجيبلا اخ او اخت
طيف:...
قيس:انا كتير حابب يكون عنا بيبي جديد
طيف:الله كريم
قيس:ليكون بتشربي شي
طيف:لا بس يمكن انا متل امي لانو بيني وبين اخي سبع سنين
قيس:ايوا لسى بدي استنى سنتين
طيف:شو اعمل
قيس:تروحي لدكتورة وهي بتشوفلنا حل
طيف:متل مابدك
.......
تاني يوم اتجهزنا ورحنا للدكتورة كنت مبسوطة المشوار بيجنن مع قيس لو فيو عصبية وغيرة جنونية فحصتني واعطتني منشطات وارجعنا من سوق كتير حلو واشترالي كلشي بدي اياه واشتريت ل سما فستان ولعبة اكلنا بوظة واتمشينا بالسوق وارجعنا للبيت وكتير فرحانة طبعا ما فرجيت لحماتي شو اشتريت حابة افاجئها وقت تزوريني اتحممت لانو كان الجو شوب واللبست بيجامة كتير حلوة وعلى قد جسمي بجية حماتي هي ومريم ومعهن البنات وقيس كان عم يتحمم حسيت بخجل وقت طلع قيس بس حماتي اتغيرت الحقتو للغرفة وعصبت عليه
طيف:ليش ما اللبست بالحمام
قيس:بالغرفة احسن
طيف:يعني ضروري تفرجيهن انك متحمم
قيس:الدنيا شوب يا عاقلة
طيف:مارح تفكر هيك امك
قيس:براحتها مو نحن منعرف ليش اتحممنا
طيف:انا ماجاي عبالي اطبخ
قيس:بطلبلك اكل جاهز شو عبالك ادللي انتي
كان عم يغمرني
طيف:يا الله منك خلص شو صايرلك
قيس:بعشقك شو صايرلي حرامطيف:لا بتزودها بس تعرف انو عنا حدا
قيس:ههه شو حابة تتغدي
طيف:شاورما
قيس:بامر عيونك وعبالك حلو
طيف:جيب كنافة كمان
قيس:حاضر بشرب قهوة وبروح.....
مريم:شبكي يامو
نادية:عم تجاكرني هالشرنة
مريم:يوه كيف
نادية:لحقتو مستقصدة
مريم:لا تدققي هي حياة المتجوزين
نادية:لا مخرفنين قصدك
مريم:ههه شفتي هالبيجامة ولا هالجسم مشالله كأنها مليكان
نادية:قلتلك بتستقصد تلبس هيك قدامنا
مريم:ما نحن نسوان وعادي
نادية:ما عم استنظفها ابدا بحس انو في شي رح يجي منها
مريم:روقي ليكهن طلعو
وكتير انقهرت كان متشيك قيس وهي لابسة فستان حفر وطويل وناعم كتير وريحة البارفان عم تهفهف منهن شربو القهوة وودعهن وراح
.....
كانت مريم معجبة ب فستاني
مريم:حلووو وناعم وهادي من وين
طيف:قيس اشترالي اياه
مريم:لابق عليكي كتير
حماتي:مابدنا نتغدا اليوم
طيف: امبلا قيس رح يجيب غدا
حماتي:ليش محنية لحتى ما تطبخي
طيف:مالة كليوم طبخ
حماتي:شو كنتي خافف عقلك بعد ما ادريتي بموت اهلك
دفشتها مريم وحسيت بنغزة قوية بقلبي
طيف:الحياة بدها تستمر
حماتي:ع الاقل استنيلك شوي مو حلوة
طيف:ولو كان بعدين جوزي ومو حرام ولا عيب
حماتي:لا تحكي بعرفك قاتلة حالك عليه
طيف:اوف كيف اعرفتي متسمعة علينا يعني
مريم:شبكن عم تتخانقو
طيف:امك كتير زودتها
مريم:خلص طيف
طيف: لا مو خلص
حماتي:قليلة ترباية انا ما بيعجبني المراة الي ما بتستحي
طيف:ليش لاستحي جوزي وحلالي
مريم:..
حماتي:اي مو حلوة تبيني انك قاتلة حالك عليه اتقلي
طيف :لا مابدي اتقل وهيك جوزي بدو وهيك بيحبني اكون
حماتي:ايه بالاخير رح يمل
اندق الباب ورحت لشوف مين اكيد قيس ناسي مفتاحو بالبيت دغري فتحت وطليت واستغربت شب من رفقات قيس ودغري ضربت الباب من خوفي
رجع دق
طيف: مين
ثائر:رفيق قيس هو هون
طيف:لا يا اخي من شوي طلع
ثائر:ماشي يعطيكي العافية
طيف:..
فتت لجوى ومتلبكى من نظراتو
حماتي:مين
طيف :مابعرف
حماتي:وحيلا بتفتحتي وانتي بهيك لبس
طيف:لا ما فتحت
حماتي:كيف ما فتحتي اسمعت صوت تسكير الباب
مريم:ما اعرفتيه
طيف:كانو رفيق قيس
ونظراتها صارت بتخوف وكانو في موال وبدها تغنيه
........
كان ثائر حاطت ايدو على قلبو ومتسطح تحت شجرة بالحديقة وحدو احمد
احمد:لك شو شفت بربك
ثائر:يا احمد معو حق قيس لو اوصفلك اياها رح ضل مقصر
احمد:اوصفلي والله شوقتني شوفها
ثائر:عيونها فيهن لون غريب بيجنن انفها بياخد العقل ولا التم لا لا ولا اصابع ايديها نيالك يا قيس انا لو مطرحو ما بفارقها ثواني شعرها كانو حرير لونو بيجنن كأنو بني بس مو بني
احمد:وشو لازم نعمل انا اتحمست لشوفها
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`