الفصل 1
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم جرعة أمل`*
*❴🔢❵الـــبـــــــــــ❴1️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
#جرعة_أمل
#الكاتبة_مايا_حجازي
صبايا نزلت كاملة قراءة ممتعة 💜
الجزء الأول
طيف: اوووف شو هالشووب ياربي والله معاد اتحمل انا رح موت لا كهربا ولا حتى حدا يونسني واسهر برى متل باقي العالم لك هي جارتنا سهرانة مع جوزها صحيح كل واحد بموبايلو بس متسليين ياربي خلصني من هالضيعة المملة انا مشتهية عيش بالمدينة امان واطمئنان اقل شي في شرطة في حماية هون الضيعة سايبة والله جايبنا ع لحدود والتهريب شغال وينك يا قيس والله اتأخرت وهي سما نامت
حطيتها بمكانها حاسة بأكتئاب الله يخسف الشدة وارتاح منها وقيس مرافقلي شلة عزابية يروح يستحي على دمو باع اغراض البيت بحجة مافي شغل ومافي اكل بالبيت الله يريحني من هالعيشة واهلي ياربي كيف فيني انساهن كيف اختفو فجأة كيف انقطع اتصالي فيهن ياربي سمعني عنهن خبر لو صغير البحر مالو آمان وهاجرو ومعاد اعرفتهن بأي ارض
........
كانو سهرانين وكل واحد قدامو كاسة عرق ومزهزهين ضحك ومزح تحت عريشة عنب والهوى عم يلعب بالجو
قيس:اخر دك ها
نبيل:طبعاً قشيت الاخضر و الاحمر بدك تخلص لعب اجباري
قيس:اي اول مرة بتنقش معي بعت غرفة نومي والبراد كنت ناوي بيع الغسالة
همام:وين بتنام دخلك
قيس:ع الفرشة شو يعني اكبرنا وبطلنا انام الا ع التخت
نبيل:ههه لك مو حلوة نومة الارض بالاخص انت متجوز
قيس:وشوفيها يعني
نبيل:فهمك كفاية
قيس:لا فهمني انت وياه انا غشيم
همام:يعني ما بتزبط متجوز ع الارض كمان
قيس:انت وياه مو ناويين ع الخير بعدين ازا كتير هاممكن حالي ليش خسرتوني وخليتوني ابيع غرفتي
نبيل:اتوقعناك تبيع شغلة تانية
قيس:متل شو ولاه
همام:يعني غسالة براد شغلات مهمة
قيس:انا حاجتي لعب
اخد المصاري وحطهن بجيبتو وشف اخر الكاسة ووقف
نبيل:وين
عارف:خليك مدايقنا ولا اشتقت للمدام
قيس:اي اشتقتلا سلام
تركهن كانو ماسكين سيرتو
نبيل:اجدب حدا بتعرف عليه
عارف:اي والله تارك قمر بحالو بالبيت وجاي لعنا
همام:والله مرتو خيلة بتشهي😂قصدي بتجنن
نبيل:عيب انت وياه بس ما عرف شو قصدنا
همام:ههه تبيع مرتك هيك نحكيلو
نبيل:كلنا مارح نتفق صح
عارف:ناوي لحالك يعني😎
نبيل:هالمرة خليتو يدوق طعم النصر والمرة الجاي رح خليه يلعب بالملايين وبعدها رح افرجيه اللعب لخليه يبيع الي ببالي
همام:ع فكرة تقتلو عيار السيكارة اليوم
نبيل:لسى ما شاف شي يمكنو ينام ويحلم بهاللعبة
عارف:انشالله ما يطلع حمش متل ما منعرفو
نبيل:باينتو بيعبد القرش وبكرى بتشوفو
..........
كنت رح اختنق لو ما فتح الباب كان عم يغني
قيس:لما قلبي يدق يدق بغار عليك
طيف:شرفت سيد قيس
قيس: ليش هيك متربسة ع حالك ليش مسكرة الشبابيك
طيف:لانو الحرامية فلتانة ونحن ماعنا حمايات للشباك وانا بخاف
قيس:حرامية شو بدهن يسرقوطيف :والله انا مابخاف من السرقة
قيس:ع حالك يعني
كان عم يفتح الشبابيك وفاتت نسمات هوى بترد الروح
طيف:اي ع حالي الي بيفوت يسرق بيعمل كلشي
قيس:سرقة مين يا بنت الناس
طيف:ما شفت كيف ضربو ام عامر واخدولها الحوالة كلها
قيس:ام عامر هبلة راحت خبرت كل الضيعة انو ابنها بعت مصاري ليشتري ارض
طيف:ولو كان
قيس:جوزك منتوف....
سكت وابتسملي
قيس:طيوفتي
طيف:مافي شي بيعو
قيس:لك دين والله
طيف:مستحيل هالحرف هدية من ماما ومستحيل افرط فيها
قيس:ع فكرة مافي بين المراة والرجال الي والك
طيف: بهالشغلة مافي احلم
قيس:بسيطة مع اني كنت ناوي اعزمك على سيران
طيف :دخيلك مابدي شفنا هداك السيران كيف عزمت امك واختك وانصرعت واعلقت لحالي
قيس:يعني بدك تطلعي بدون امي
طيف:لا معا ولا بدونا ما بقبل متل سيران لكلاب
كان عم يبوس ب سما وانا مقهورة كتير
طيف:هلا بتصحى
قيس:بترجع بتنام حبيبة بابا
طيف:ضليت ساعة احكيلا لحتى نامت
قيس:بتسدئي شعراتها متل الدهب
طيف:اتركها قيس بربك
قيس:اوووف
اتسطح منيح وصفن بالسقف كان ضد عقلي اتحركشو صفنت متلو
بقلبي:ولا كانو قيس الي اتجوزتو من خمس سنين كان رومنسي ويحبني صحيح زواج تقليدي بس والله عيشني ايام ولا بالاحلام بس من وقت اتعرف على شلة الزعران معاد اعرفتو صار همو السهرات والشدة
طيف:ياريت يتصلو اهلي
قيس:كيف بدهن يتصلو
طيف:يعني ع مواقع التواصل قيس انا خايفة يكونو غرقو
قيس:لو صار هيك حادثة منسمع
طيف:لكن وين اختفو
قيس:الله اعلم نامي لا تفكري الا ما تسمعي عنهن شي خبر
طيف:من مين يا حسرة انا انقطع اتصالي بكل قرايبيني
قيس:الله كريم يلا نامي
طيف:تصبح على خير
قيس:وانتي من اهلو
غمضت حسيتو عم يسايرني ولا هامو مشاعري ابداً زمان كنت وقت اشكيلو لو من رفيقتي يضمني ويمسحلي على شعري ويحكيلي انا معك شو بدك بالعالم شكلو اتغير ومعاد متل قيس الي بعرفو
......بقلبو:وين بدها تخبي السنسال دورت بكل البيت وحتى بتيابها مو لابستو وين راحت فيه اقل شي رح يطلعلو خمس غرامات ورح تنقش معي رح اخسركن 😎اليوم كان احلى دك وانظف سهرة وبكرى رح اعوض الخسارة ورح اصمدهن دولارات وخبيهن عند امي رح افتح مشروع بكل الضيعة ما صار رح خلي الكل يحسبلي حساب
قيس:معقول بفكروني اجدب وانو تمرق عليي تلميحاتهن اي بيفكرو بيعهن مرتي عليي لك نبيل كم مرة صرت شايفك معلق عيونك ع شباك غرفتي فكرك تلمحها مشلحة
مابيعرف انها بتنام مسترة حتى قدامي لا وع اساس قيس اهبل ومو فهمان هههه لخلي قلبك يدوب انت وياه لوصل اللقمة للتم واخسركن واقطعكن يا كلاب
غمض وهو عم يشوف ورق الشدة ومبسوط بالربح
........كانت السهرة عنا حضرتلهن ابريق شاي واعطيتو ل قيس وقعدت انا وسما نتفرج على توم وجيري مابعرف قيس على شو مرافقهن زعران من عيونهن مبين بكرى رح اشكيه ل حماتي والسهرة طالت نامت سما والساعة صارت ٢ ولا عبالهن يروحو وقيس مندمج ع الاخر غفيت بدون ما احس واصحيت على دقة الباب
قيس:ليش قافلة فهميني
طيف:يلا يلا
رحت فتحتلو ومعصب كان حامل الكاسات
قيس: ليش قافلة اه
طيف :بالغلط يمكن
قيس:لا مو بالغلط خايفة ع حالك وانا هون
طيف:لك لااا
قيس: جنان رسمي هاد شو انا مجنون لحتى اتركهن لحالهن
طيف:مو هيك بس والله بيخوفو رفقاتك
قيس:ليش مين حكالك اني مطمنلهن بس صاحي وعيوني عشرة على عشرة عم روح معهن للحمام
طيف:معاد اقفلو خلص
قيس:جوعان شوفي اتعشى
طيف:يلا رح حضرلك العشى
راح هو للحمام كان برى البيت مابعرف هالتصميمة مين عاملها بس مشكلتا مشكلة بالاخص بنص الليل حضرتلو العشى وقعدت اونسو ما عبالي اتعشى ابدا
قيس:كلي
طيف:مو جوعانة
قيس:لا خايفة يطلعلك كرش
طيف:ههه اي معك حق
قيس:جواز وتجوزتي ع شو خايفة
طيف:بخاف تغير رأيك وتصير تعيير فيني الك كرش
قيس:قليلة عقل بعمرك اسمعتي حدا بعير مرتو
طيف:اي كتير وياما رجال اتجوزو لانو بيحبو المراة لنحيفة
قيس:انا بحب المراة المليانة عاجبيتني لا تخافي
طيف:بنقهر ازا بتتجوز عليي
قيس: دخيلك بوحدة مو خلصان
طيف:الله يقويني لكن
قيس:صارحيني لشوف
طيف:بشو
قيس:ليش خايفة من الشلة
طيف:..
قيس:يعني حدا عاملو شي عملة ناقصة
طيف:لا بس الي اسمو نبيل مرة شفتو وانا رايحة للخياطة ما شال عيونو عني
قيس:حقير وواطي انا بفرجيه
طيف: انشالله بدك تضربو
قيس:فشر بس دواه عندي
نمنا ع غير العادة كان رومنسي معي بس متعودة على هالموال لانو ما بيعطيني ريق حلو الا لمصلحة اغفينا الفجر كنت كل شوي اصحى على صوت سما
طيف:شبكي حبيبتي
سما:عطشانة
شربتها مي واجت نامت حدي
سما:ماما شفت شي بخوف
طيف:كابوس يعني
سما :لا ماما البرادي تحركت وقت اصحيت
طيف: لانو في هوى برى
سما:لا وقت اتجلست اتسكرت
كش بدني وما استرجيت اطلع ناحها
طيف:لا حبيبتي مافي شي نامي اتغطيت منيح هي نامت وانا عيوني ما عرفو طعم النوم اغفيت وش الصبح وبالغصب لحتى صحصحت كان قيس عم يفتح الباب وصوت حماتي وكتير انقهرت
اتجلست بسرعة بس مستحيل اللحق اطوي وارتب كانت فايتة وعلى طول قرفانة
حماتي:ما بتشبعي نوم كنتي
طيف: اهلين مرت عمي نور البيت
حماتي:منور بصاحبو شكلكن متقلين بالسهرة
كنت خجلانة وعم لم تيابي من الارض
حماتي:حضري القهوة برى نحن وافتحي الشبابيك ريحة البيت معبقةلو بيطلع بايدي كنت بدي اخنقها حتى صرت اكره كلشي بيخصها لو قيس جوزي رتبت ومسحت وشطفت واتحممت وعملت القهوة ورحت لشاركهن القعدة
حماتي:سايطة كالعادة قهوتك
طيف:دوقي واحكمي
حماتي: لا ماشي حالها اي قيس مابدك تروح معي
قيس:لوين
حماتي:اختك ع وش ولادة ومنروح ومنرجع سوى
قيس:مافي امكانية والله
حماتي:انا بعطيك
قيس:لا مو حلوة
حماتي:حلوة ونص
واتحدتني بنظراتها
قيس:ايمتى
حماتي:بكرى
طيف:بدك تروح
قيس:شو دخلك انتي
طيف:وانا والبنت
حماتي:ماحدا بياكلك لا تخافي
طيف:قيس بتتركني لحالي
حماتي:ع شو خايفة وقت كنت من جيلك كان ابو قيس على طول مسافر وقيس ومريم صغار ماحدا اكلني بس والله الي ما بيواعد ؟؟
قيس:معها حق امي
طيف:وشغلة الحرامية
حماتي:ع شغل جوزك ازا غرفة نوم ما عندك ع شو خايفة بعدين الحرامي رح يفوت ويحطلكن مصاري ويشفق عليكن
قيس:هههه
كنت مقهورة منو وساكت شو مروحو لعند اختو بيتها صغير بس حماتي الها غاية مارح حقق مناها اجى الليل وبلشت اتوجع واتلوى يمين شمال وهو بيعرف بس امرض بقعدلي بالفرشة اسبوع لهيك راحت حماتي لحالها وكتير ارتحت وارتاح بالي
.......
كانو سهرانين عند نبيل وكالعادة اعصابو مشدودة واخر ورقة ضربها بقهر وهو خسران
قيس:يلعن هالحظ
نبيل:تعيش وتخسر
عارف:اعطيك مصاري
قيس:لا حاجتي اليوم الحظ مو حليفي لبكرىكان عم ياخد موبايلو والدخان
همام:شو وين
قيس:حاجتي سهر
نبيل:اسهر وولو بتغير جو
همام:اي خليك
قيس:نعسان كتير يلا تصبحو على خير
اتفركشت السهرة والكل طلع معو ونبيل مراقبهن
بقلبو:شعراتا حرير ونومتها ملائكية لو ما صحيت بنتهن كنت ضليتني اتامل جمال هالنومة والله انا فرطت لمنيح فيها انها متجوزة لو تعطيني ريق حلو بخليهن يدبروه هالكم ساعة وباخد راحتي انا وياكي انا متأكد انو مو مهنيها نيالو يخرب بيتو على هالحظ ياريتني متلو مفلس بس عندي مراة حلوة لو الها اخت حيلا بس تكون تشبهها ما بقصر والله
.....
متل فيلم الرعب السهرة خوف من اي حركة وببالي كلام سما معقول حدا كان ع شباك غرفتنا 😨ولييي لازم قيس يركب حماية للشباك والله رح موت انهيار عصبي من هالشغلة وقت فتح الباب دغري فتحت الشبابيك وتابعت ع التلفزيون
طيف:طولت
قيس:ليكني ارجعت
طيف:لا بس بدي فوت ع الحمام
قيس:من كل عقلك خايفة
طيف:اي خايفة الحمام براني وتخيل كان في حدا متخبي فيه
قيس:بعدين مع قلة عقلك روحي يلا
طيف:تعال استناني برى
قيس:يييي واخرتها معك
طيف:لازم تعمل حمام جواني
قيس:اي ع هالمصاري لكتيرة ماني عرفان شو بدي اعمل اركبلك حمايات ولا اعملك حمام جواني اصلا منيح عنا بيت وملك
طيف:الملك للهفرطت ضحك عليه بس طلع ينطرني متل الشاطرين ارجعت لعندو وضرب الباب ضرب
قيس:مامعي ولا ليرة
طيف:اشتغل
قيس:بشو دخلك
طيف:اي شي
قيس:انتي مو متل باقي النسوان
طيف:بعت كل دهبي شو بدك ابيع حالي يعني
ضربني كف اتفاجئت وانصعقت
طيف:ليش ضربتني
قيس:قليلة ادب ع اساس ما بتعرفي معنى الكلمة
طيف:😭حكي حكيت انا بخاف على حالي اكتر من اي شي بالعالم
قيس:كلامك غلط وعيب بلا ترباية
طيف:لا تحكي هيك عم تفهم
قيس:بدك تخرسي ولا شو
طيف:...
بقلبي:الله يلعنك ويشل ايدك كيف بيضربني والله كلمة عابرة وما الها اي غاية بس شكاك ابصر شو مخبص بحياتو
طيف:ليك عم قلك لازم تركب حمايات للشبابيك
قيس:لا ماحزرتي
طيف:من يومين سما شافت حدا عم يسكر البرادي في حدا كان عم يتفرج علينا ونحن نايمين
قيس:يتفرج ليشبع
طيف:هدول شلتك الوسخة الي رح يخربولك بيتك
قيس:اي غطي على كلامك التافه انقبري يلا
طول الليل وانا عم اشهق وابكي كانو معي كوميات قهر وعم افرغ عنها وكانو انزعج
قيس:خلص بقى ابكي بدون صوت
طيف: اتركني لا تحكي معي
قيس:بطلع بنام برى ها
طيف:وين روح بحالي
قيس:لا تتبكبكي صرعتيني
طيف:..
كنت عم ابكي بدون صوت وكل شوي اخد نفس عميق ما بدي موت ولا رح اتمنى موت خايف على سما تتشرد ازا بصير عليي شي اتجلست واشربت مي وشغلت التلفزيون وحطيت على مسلسل ضيعة ضايعة وبلشت اضحك وكتير اتونست بس قيس الي ما عجبو فكرني انجنيت
......
كان قاعد مع امو ومتلبك
قيس:يامو
نادية:عيونها
قيس:يخليلي عيونك بدي منك مصاري ازا معك
نادية:ليش مامعك
قيس:لا مفلس
نادية:مليون بيكفي
قيس:الله يخليلي اياكي يا ست الكل طلبت من طيف تبيع سنسالها ما رضيت
نادية:قليلة اصل لانها بزماني ابوك كان ع وشك الافلاس وانا حيلتي اسوارة جدل من ابي الله يرحمو رحت حطيتها بايدو وقلتلو سدد ديونك ولا تضل متدايق وراح دغري وزبط وضعنا حبيبي بس الشغلة توصل بين المراة والزلمة للمصاري انسى
قيس:...
نادية:مرتك ماعاجبيتني الله لا يوفقني ساعة الي دورتلك عليها
قيس :لا تحكي هيك
نادية:رحت دورت على الجمال انسيت الاخلاق مرتك مو مربية
قيس:انا ساكت كرمال بنتي وبس
نادية:اااخ على حظك يا ابني خود هي المصاري وشو ما بتعتاز اوعك تنذل الها تعال لعندي ولا تعيرك مراة متلا
كان مقهور كتير
بقلبو:انا لربيكي مبارح فشيت قهري بهالكف لازم زمان ضربتك والقي مني يا طيف
باس راس امو وايدها وراح للبيت وحامل محمل اغراض رماهن بالمطبخ وكان عم يدور عليها واتصل فيها
قيس: وينك انتي
طيف:عند سهيلة
قيس:وليش ما خبرتيني
طيف:كل مرة بروح ما بتحكي
وفجأة اجى ببالو تكون مواعدة شب وانقهر كتير
قيس:بتعملا انا بفرجيكيراح يجيبها من عند سهيلة وعم يطلع بالرايح والجاي
قيس:تاني مرة بس تفوتي للحمام بتخبريني
طيف:اوف ليش دخلك
قيس:هيك انا حر
طيف:بس عطول بروح بعدين ليكو البيت
قيس:الي حكيتو بتنفذ بدون بس
حمل سما وباسها على خدها
قيس:قلبوشتي جبتلك اكلات طيبة
طيف:ع اساس مفلس
قيس:والله دبرت حالي مشان لا تفكري عيني على رزقتك
......
تنفست بعمق والله ما بنسى هالكف لموت شو ايدو قوية مين مفكر حالو لاني بلا سند عم يتقاوى اكيد
فتنا للبيت واستغربت المطبخ مليان اغراض وفي كيس خاص ب سما مليان شوكولا وشيبس وعصير اخدو وبلش يطعميها حسيت بقهر ما اهتملي ابدا
بلشت بترتيب الأغراض وشوي اتصل ب رفيقو وحكالو تعال اخدني بدنا نروح مشوار ضليت مراقبيتو اتشيك ولبس واتعطر واسمعت صوت زمور برى شفتو طلع مع نبيل على موتور ورايحين ما حكى ما عبرني واستغربت جيت حماتي وكتير شايفة حالها هالمرة فاتت بدون احم ولا دستورحماتي:وينها امك
سما:بالمطبخ
فاتت لعندي وزورتني
حماتي:تعالي بدي احكي معك
تركت من ايدي وقعدت
حماتي:ع فكرة ابني عونطجي من ايديكي
طيف:انا وشو علاقتي
حماتي:والله المراة الصالحة بتنفع جوزها انا عليي ما عم يرد اقنعيه ولا حاببتيه يضل ليل نهار بخلقتك
طيف:لا مو هيك
حماتي:لكن كيف بعدين ما بتملو من بعض لزقانين ليل نهار
طيف:مرت عمي عيب هالحكي قدام لصغيرة
حماتي:لصغيرة عم تكبر وعم تنام بيناتكن
طيف:بس نحن ما منعمل شي وهي صاحية
حماتي:لصغار بيلاحظو حتى على اللبس على طول بقمصان مشلحة لازمك اعادة تربية
طيف:هيك يا مرت عمي انا عطول لابسة ومسترة
حماتي:مو هيك الهيئة ولا ابني شو مقعدو ليل نهار بالدار
طيف:هيك فسرتيها ع فكرة اصلا ماعم يصير بيناتنا من الي ببالك
حماتي:صيري نيمي لصغيرة بغرفة تانية
طيف:لو الها اخ او اخت اي بس بخاف عليها لحالها
حماتي:اي شو عيد النظافة اليوم عم ترتبي
طيف:ليش شو بكون اعمل بالعادة
حماتي:على طول بيتك مو مرتب وشغلك ناقص
طيف:اوف لهدرجة
حماتي:شلون ابني متحملك ما بعرف بس يمكنك مزبطيتو لرجال بنص عقل وهمهن اخر الليل وبس
رحت لاعمل قهوة
لعمى على شوي رح تعملني فلتانة يا لطيف كيف بدلت جلدها متل الحية اول ما تزوجت كانت تحلف لامي اني متل بنتها
هلا بتزعل هي ازا بنتها كانت مرتاحة ومبسوطة النفاق والحقارة حضرت القهوة وقدمتلها واطلعت شطفت تحت العريشة وحطيت كراسي وطاولة بجية قيس ومعو نبيل ودغري فتت ركض لجوى اتاريه عازم امو على اكل جاهز كانو عم يتواعدو اكيد في سهرة واجى ودغري نده لامو ولسما ع الغدا وفردو الاكل وانا عم راقبهن من الشباك
سما:ماما يلا الاكل اجى
حماتي:كلي حبيبتي شو بدك فيها
سما:بابا انده لماماقيس :ليش ما شافتني وقت اجيت
حماتي:يمكن بدها عزيمة
قيس: مدي ايدك يامو خدي بابا
سما:وماما
قيس:طيف....يا طيف
ما كنت بدي رد عملت ابريق شاي وطنشتو وشوي فات للمطبخ ومعصب
قيس:شو بدك عزيمة
طيف:لا ماني جوعانة
قيس: كيف مانك جوعانة شو اكلتي
طيف: ما بعرف انك رح تجيب غدا اكلت لبنة
قيس:متعودة على الفقر يعني
طيف:اتهنى بس اجوع باكل لحالي
قيس:البنت مو رضيانة تحط الاكل بتمها بدونك خلصيني نزعتي هالمسا
كنت مستغربة من كلشي الحقتو بدون نفس وصرت اطعمي البنت بايدي وهي كانت تجبرني اتغدا معهن ولي كيف اكلوني بعيونهن
المسا راحت امو واجو رفقاتو الشلة العاطلة وعلى ضحك ومزح ومسبات ما بتنسمع قليلين ادب اولهن جوزي والبنت كانت تلاحظ انو الحكي غريب وكل شوي
سما:على شو عم يسبو ماما
طيف:انسي حبيبتي طنشي
سما:بس ماني فهمانة شو عم يحكو
طيف:شو رايك بكرى رح نشتري الوان ودفاتر
سما:ياااي وخلينا نروح نلعب بالمرجوحة
طيف:حاضر يا عيوني انتي
غمرتا ونمنا سوى على فرشة وحدة اصحيت قلبي ناقزني من صريخهن الظاهر عم يتخانقو بس مافي شي حرزان لعبة شدة اتجلست وفتحت شوي من البرداية كان واحد ماسك جوزي ونبيل ماسك واحد منهن وعليت الاصوات والحكي ما بينسمع 😨شبهن ولييي ليروحو يتكاترو عليه ويضربوه دغري ركضت للباب وقفلتو وكملت و انا عم اسمع لمسبات وخجلانة شي ما بينحكى وما سدءت ايمتى هدي الصوت بقي نبيل وقيس وكانو عم يهديه
.....
قيس:لا تحكيلي اهدا سمعتو شو حكى
نبيل:والله ما اسمعنا اكيد بيتهألك
قيس:لا حكى انا بفرجيه تاني مرة لدعوسو مين بجيب سيرة عرضو اه
نبيل:عادي ولوو
قيس:لا تقول عادي هي مرتي عم تفهم
نبيل:فهمان عليك ولد وغلط بعدين ما جرب يكون عندو مراة ويغار عليها
قيس:حمارة ما بينعطى اصحك لسى تجمعني فيه
نبيل:لااا بدي اصالحكن معاد يعيدها
قيس:واطي وحقير انا بفرجيه
نبيل:روق تعال نتمشى
فيس:لا مابدي روح لمكان
بقلبو:متفقين عليي انا بفرجيكن
قيس:انا نعسان
نبيل:براحتك كان بدي نغير جو
قيس:لا مابدي الوقت اتأخر
نبيل:متل مابدك تصبح على خير
قيس :الله معك
فات ودغري دق ع الباب لفتحتلو
بقلبو:بتفهمي منيح قافلة فكرتك نايمة
قيس: ليش سهرانة
طيف: الحارة كلها سامعة
قيس:...
دفشها وطلع للاسطوح ولحقتو كان عم يراقب الجو لانو حاسس بلعبتهن .
قيس:لعمى كيف بفوتهن بيتي بفكرو نا عم افهم تلميحاتهن بعمري ما شفت هيك عالم اتامل طيف واتخيل انها عم تعطيهن ريق حلو
طيف:روقت
قيس:ومابدي روق
طيف: شبك شوصاير
قيس:لا تدخلي تاني مرة انزلي كملي نوم
طيف:معاد فيني
قيس:انزلي لعند البنت
طيف:وانت
قيس:شوي ونازلاتمشى وبعدها نزل كانت متابعة مسلسل والنار جواتو عم تحرقو من كلام عارف وعم يزيد النار خيالو حط راسو على لمخدة وغمض ليرتاح
......
كان يعاملني بطريقة غريبة كتير يزورني بدون سبب وكانو قرفان مني هيك افهمت كان عم يتحمم وبالعادة انا بلحقو بالمنشفة هالمرة اخدها واخد صابونة وقفل على حالو كنت بدوامة ولولا وجود سما مستحيل استمر معو بعد فترة اجى ع البيت مضروب مبين حدا ضاربو وما استرجيت اسالو شبك ومين عامل فيك هيك من تطليعة اتنرفزقيس:شبكي
طيف:ولاشي
قيس:ليش عم تتطلعي هيك
طيف:لا ولاشي
قيس:لا احكي قولي شبك اسالي مين ضربك
طيف:...
قيس:ما بكون اسمي قيس ازا ما بيندمو كلهن
طيف: رفقاتك
قيس:كلاب حيوانات انا بفرجيهن
طيف:ونبيل
وما كنت بعرف انو هالكلمة فتحت عليي النار
قيس:خايفة عليه يعني في شي بينك وبينو
طيف :لاا والله بس
قيس:بس شو قوليلي كم مرة اجى لعندك بغيابي
طيف:لااا هيك زودتها انت انا ما بعمل هيك بعدين شو بينقصني لحتى اطلع فيه
قيس:والله النسوان بنص عقل
كيف:ما يسمحلك قيس تتهمني
قيس:صرت شايفو الف مرة عم يتمختر من طريق بيتنا وقول صدفة
طيف:..
تركتو يحكي بس الظاهر ناوي يفش خلقو فيني لفني لعندو واتهمني بشكل مباشر
قيس:احكيلي نايمة معو يعني
طيف:لاااا انت كتير زودتها شو هالحكي انت واحد مريض وشكاك
ضربني كف وما كفاه رجع ضربني كف تاني وهرو دموعي
طيف:عم تتقاوى عليي لاني بلا سند
قيس:حسابك بعدين
.........
تاني يوم راح للسمان وحط عندو خبر انو بدو يبيع البيت وخبر امو تجهز حالها للسفر بدون علم طيف وامو وافقت رح تسكن عند بنتها بنفس الحارة اجاه سعر مناسب للبيت وبعد الاتفاق تنازل عنو باوراق رسمية واستلم المصاري ودغري راح لعند طيف كان مستعجل
قيس:وينك
كانت حاملة سلة غسيل وبدها تطالعها للاسطوح
طيف:بدي انشر غسيل
قيس:مامعنا وقت يلا ضبي اغراضك لا تخلي شي
طيف:شو القصة
قيس:مامعي وقت ضبي كلشي رح اتصل بسيارة تيجي تاخد العفش
......
ماكنت مستوعبة حسيت بصدمة متل الكزبة نشرت الغسيل ع المستعجل وماني فهماني شي ضبيت شنتة تياب الي ولسما والو الظهر وصلت سيارة كبيرة وبلشو باخد الاغراض نزلت الغسيل وحطيتهن ب سلة
قيس:روحي لبيت اهلي انتي وسما بس اتصل فيكن بتكونو جاهزين
ما كنت فهمانة شي طاوعتو بس حماتي كانت متجهزة ولابسة ع اخر طراز
طيف: شو القصة مرت عمي
حماتي: لاقى شغل بالشام ورح نسكن هنيك
طيف:واخيرا
حماتي:شايفة الحكي لمنيح بجيب نتيجةابدا متل الاطرش بالزفة كنت بعد ساعات اتصل ب حماتي واجت تكسي واخدتنا وطول الطريق عم ابكي وامسح دموعي ياريتني رحت ودعت بيت اهلي معقول معاد ارجع لهون اغفيت انا وسما وانقزت وقت اسمعت صوت قيس كان عم يحكي مع الشب انا وين شو هالحارة الضيقة اشرلنا بمعنى انزلو وفتنا للبيت كان بيت عربي فيو بحرة والظاهر انو شبه مهجور حماتي اخدت سما وراحو لعند مريم اخت قيس وانا بلشت بتنظيف وشطف ما اقدرت اهدا وانا عم شوف الغبرة بكل مكان ما اجى الليل الا وانا هلكانة والاغراض مكومة فوق بعض بغرفة اخدت مخدة وبطانية وفرشت على الارض واغفيت من تعبي وجوعي
......
كان عم يكسر خط الموبايل فات للبيت ومبسوط لانو خلص من نبيل واعوانو بعد ما قشطهن كلشي معهن وحرقلو الموتور وضربهن لتلات وهون رح يبلش حياة جديدة ماحدا رح يعرف عنو شي كانت طيف نايمة نفخ ب ملل اتصل ب مريم
قيس:وين أمي
مريم:هون هي وسما
قيس:خليهن ينامو عندك طيف من تعبها نايمة
مريم:ماشي تصبح على خير
قيس:وانتي من اهلو
اخد فرشة ومخدة ونام جنبها والتعب مسيطر عليه وحاسس بطعم الانتصار
.....
اصحيت متكسرة وبلشت يومي بترتيب اغراض البيت طبعا كلهن ما بيجو ب غرفة لانو البيت كان شرح وحلو بنفس الوقت رتبت اغراض المطبخ وعزمتنا مريم لعندا ورحنا سوى كانت سما مبسوطة مع بنت عمتها ولابسة من تيابها وانا بلشت بمساعدة مريم
مريم:شو القصة طيف
طيف:قصة شو
مريم:فجأة اجيتو ما افهمت من امي حق ولا باطل
طيف:انا لحد هاللحظة ماني فهمانة شي
مريم:شو صاير متخانق قيس مع حدا
طيف: والله مابعرف
تغدينا واسهرنا عندها وارجعنا للبيت وحماتي معنا حسيت ببارقة امل قيس رح يشتغل ورح يبطل سهرات الدنيا بلشت تضحكلي هيك حسيت بس لسى اهلي بعدهن عني مسببلي هم وغصة وكانت الايام ماشية عال العال بس حماتي الي ما كانت مخليتني اتهنى تسميع كلام وقدام قيس وهو ساكت
حماتي:الاكل مالح كتير
قيس:ما بتدوقي انتي
طيف:امبلا بس بالغلط زودت شوية ملح
حماتي:ازا مدايقتكن لقمتي بروح باكل عند مريم
قيس:ما عاش الي بدو يدايق منك يامو
ما اكلت مشان ضغطها وقيس انقلب بخلقتي بس حاولت اصلح الموقف
طيف:راح اعملك اكلة تانية
حماتي:لا خلص دخيلك معاد بدي تيابي من مبارح بالغسالة
طيف:حاضر هلا فورا بغسلهن
حماتي:ازا مابدك قولي بغسلهن او ببعتهن لمريم
قيس:يمين عظيم ما حدا بيغسلهن الا طيف
حماتي:الله يرضى عليك انا رايحة اسهر عند مريم خلص والحقني سما اشبعتي تيتة
سما:بدنا نروح لعند هناء
حماتي:اي لعندا يلا
اخدت البنت وراحت وشوي قيس لحقهن وانا بلشت بترتيب وجلي وغسيل برجعة قيس واجى دغري لعندي
قيس:مطولة شغل
طيف:ليش بتسال
قيس:فرصة لحالناطيف:...
قيس:تعالي بلا دلالك
طيف:...
قيس:مابدي انطر كتير هلا بترجع امي والبنت
غمضت ب بقهر انا مو طايقة شوفك ولا اسمعك ولا شم ريحتك الحقتو مجبورة انا بعرف انو حماتي عاملة حظر تجوال لجوزي بس كتير مبسوطة منها شو انو قوي وبيحسبها صح
.......كان قيس واقف مع شباب تنين من جيلو وعم يتعرفو على بعض
أحمد:ودارس انت
قيس:لا والله ما كملت
ثائر:ومتجوز
قيس:اي متجوز وعندي بنت
احمد:مع اهلك ساكن
قيس:اي
ثائر:الي افهمتو منك بدك تشتغل
قيس:ياريت محسوبك مفلس وطالع على عيوني من ضيعتي
أحمد:بس والله شغلتنا
كان عم يسعل ثائر ليسكت احمد ودغري قيس فهم
قيس:له يا زلمة مو مأمن فيني
ثائر:فيها خطورة وانت وراك عيلة نحن تنين عزابية لو صار وانمسكنا ما راح نضيع حدا ورانا
قيس:بساعدكن مساعدة
أحمد:فيها خطورة نقل وتهريب وفهمك كفاية
قيس:وشغل تاني انا مافيني ابعد عن عيلتي
ثائرر:في سهرات وكييف اخر الليل
قيس:هههه هاد بيطير مصاري
احمد:بدك بتفت عملة وبدك بتشربلك كاس وبترجع للبيت وانت عندك مراة يعني مافي داعي تطول وتدفع
قيس:في لعب شدة
احمد:في ونص
قيس:لكن بتعزموني على لعبة شدة
اتفق معهن ورجع للبيت كان مبين عليهن انو من خرجو وعلى اشكال بعض جايين كانو سهرانين وعندهم مريم ومرتو بالمطبخ والبنات نايمين برى
قيس:ليش نايمين هون
نادية:تعبو من اللعب ع المرجوحة
قيس:هلا بيبردو
مريم:نحن مو مطولين
نادية:جوزك بدوامو نامي هون
بقي ساكت قيس
مريم:لا مو حلوة بعدين صحيح البيت كبير بس هني غرفتين المجهزين
نادية:بتنامي معي ومع سما وبعدين سما رح تنبسط
مريم:لا مو حلوة
قيس:نامي
مريم:بلكي فيها ازعاج
نادية:لا بلعكس رح نتونس
بقلبو:لا نمنا لكان
بجية طيف كانت لابسة بيجامة للبيت ومرتبة ورافعة شعرها ب عضاضة وكتير ناعمين شعراتها وحاملة صينية القهوة كان عم يتأملها بأعجاب وامو لاحظت ضيفتهن وكانت بدها تحمل سما بس ما خلاها قيس
قيس:تقيلة عليكي انا بشيلها
طيف:متل مابدك رح جهز فرشة ل هناء
مريم:احملها انا
قيس: لا انا بشيلها اشربي قهوتك
لحقتو طيف ورفعتلو لحرام حط سما وغطتها منيح وراح جاب هناء وغطتها ودغري سحبها لعندو واتفاجئت
طيف:شبك قيس
قيس:مشتاقلك
طيف:هلا بيشوفونا
قيس:شو فيها مرتي انتي
طيف:بتتفسر على غير محمل
قيس:بس اتثاوب دغري بتلحقيني مو تعصي مع امي ومريم
طيف:متل مابدك
طلعو ورا بعض وقعدو يشربو القهوة على رواق
نادية:كيف شغلك حبيبي
قيس:غير شكل
مريم:ما رح تشتاقو للضيعة
قيس:دخيلك
مريم:والله حلوة كنت مو مسدءة ايمتى يصحصح عبودة واجي زيارة
قيس:هي نحن اجيناكي
مريم:نورتو مطرحكن
الإشارة إلى مزيد من الأصدقاء
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`