الفصل 17
البارت(17)
بيت دحام(2)
دحام:انا راح اطلقك اليوم
لارا دمعت عيونها:ليه انا وش سويت؟
دحام:على بالك م سمعت صاحباتك يوم قالو انك ماتبيني
لارا بكت:اي فعلا انا كنت باخذك بس كذا وبسحب فلوسك وبطلب الطلاق بس انا حبيتككك ومابي لافلوس ولاشي ولاحتى هالبيت
دحام:تبيني اصدقك يعني؟
لارا:انت لوسامع كلامنا كلههه كان عرفت انا وش قلت لهم
دحام:مابي افهم ولا اسمع رايح شوي وراجع ومابي اشوفك بالبيت"طلع
لارا تبكي:كيف اتركتكك بعد م حبيتك كيف والله صعبهه"صعدت غرفتها وقفلت الباب على نفسها وجلست تبكي
بيت مشعل
كيان شهقت:كيف تسوي كذا كيف "صعدت تركض راحت غرفة مشعل طقت الباب ودخلت لقت لوسي لابسه فستان ازرق طويل وتحت الصدر حزام ضعيف وفوقه قميص ازرق وتعدل شعرها
لوسي:وش بك كذا
كيان سكرت الباب:ابي اقولك شي انا سمعته
لوسي:وش؟
كيان:نزلت المطبخ باكل لقيت ام افنان جالسه تكلم اختها وتقول ي اختي صار عنده فلوس وانا لازم احرض زوجته عشان يتزوج افنان بعد مايطلقها هالعله
لوسي بصدمة:انتي من جدك؟
كيان:اي وربي انا سمعتها ب اذني
لوسي:هي وين الحين؟
كيان:بالمطبخ
لوسي:طيب"نزلت ونزلت وراها كيان
غرفة البنات
قمر لابسه تنوره لي الفخذ ملونه وبلوزه اكمام بيضاء وحاطه الاب على رجولها وتتابع مسلسل كوري ومندمجه,,نجود لابسه بلوزه برتقاليه اكمام وتنوره لي الركبه بيضاء وتلعب بالايباد
وطفشانه
نجود:هففف
قمر:وش بك
نجود:طفشانهه ياختي مليت زهقت
قمر:طيب وش نسوي هذا احنا منثبرين بالبيت
نجود:ماقالو لك متى بنرجع بيوتنا؟
قمر:لا بس سمعت مشعل يقول لابوي خلكم بالبيت معانا وبصراحه احسن هنا اونس كلنا مع بعض
نجود:اي والله لي رجنا بيوتنا ببننحبس ع الاقل هنا الكل لاهي والسواق موجود 24ساعه لنا
قمر:بصراحه انا ام افنان موبالعتها بالمره
نجود:ولا انا احسها خبيثه وتدور مشاكل تقول امي قبل يوم كانو ساكنين سوا شافو الهوايل منها حتى جدي وجدتي الله يرحمهم ماسلمو منها
قمر:اي حتى امي حكت لي
تحت
لوسي بعصبية:اذا مفكره تتتعدين حدودككك راح اخليك تشوفين الوجهه الثاني لي
زوجة سامي:يممممكن اللي قالت لك الحكي تكذب
كيان من جنب الباب:انا م اكذب
لوسي:ليكون مفكره بصدقك وبكذب البنت
زوجة سامي دفت لوسي بقوه على الطاوله وطاحت:جعل اللي ببطنك يموت وزوجك بياخذ افنان غصبن عنك"طلعت
لوسي:اههههه بطططططططططني
كيان جاتها وشالتها بشويش:يالمكك حيل؟
لوسي:ايييييييه اههه
كيان تصارخ:قمررررررررررررررررر نجودددددد يممممممممممممه
قمر ونجود جاو يركضون:وش بك؟
كيان:ام فنان رمت لوسي على الطاوله تكفون ساعدوني ناخذها للمشفى
قمر جات جنبهم وتشيل بشويش:نجوددددد جيبي عبايتنا وخبري امي وامكككك والسواق بسرعه
نجود:طيب
السيارة
محمد:جاوبي انتي تحبين نايف؟
لورين لفت للنافذه:سؤالك غبي
محمد وقف السياره على جنب ومسك يد لورين:لورين انا اخوك تكلمي عشان لو صار شي اقدر اخذ حقك
لورين لفت عليه وتنهدت:اي احبه
محمد:وهو؟
لورين:اي يحبني
محمد:هو قالك؟
لورين:اي يوم ملكته جاني بريطانيا واعترف لي
محمد:طلعتو مع بعض
لورين:مره بس والمره الاولى يوم جاني وكنت بالحديقة
محمد:اتمنى م صار شي بينكم
لورين:مسسستحييييل ماصار شي بينا المرتين تقابلنا بمكان عام
محمد:طيب "شغل السياره :بنروح المشفى
لورين:ليه؟
محمد:لما نوصل تعرفين
لورين:طيب
بيت نواف
ملاك صحت من النوم لقت نايف تارك لها ورقة على المخده انه عنده شغل ضروري واضطر يطلع قامت من السرير غسلت لبست بلوزه سودا اكمام وشورت لي ربع الفخذ ازرق لمت شعرها ونزلت
بتدخل المطبخ ولقت الخدامة تحط شي بالاكل انصدمت ودخلت
ملاك:ووووش تسوين
الخدامة بخوف:انا مافي سوي شي
ملاك قربت منها وخذت الحوب:وهذا شنووو جاوبي؟
الخدامه تبكي وخايفه:مو انا هذا ماما سلمى وماما جوان يقول حطي في اكل مدام ملاك
ملاك:متاكده من كلامك
الخدامه:ايه انا في متاكد انا قول
ملاك:طيب"اتصلت على نواف:الو حبيبي وينك
نواف:عند البيت الحين بدخل
ملاك:طيب اول م تدخل تعال المطبخ"قفلت:الحين لي جاء بابا نواف قولي له
نواف دخل وباس خد ملاك:وش صاير؟
ملاك:يلا قولي ل بابا نواف كل شي
الخدامه قالت له:انا مافي اكذب
نواف:طيب ملاك خلاص نسفرها
ملاك:انا راح اشتكي عليهم
نواف:مستحيل هذي بنت عمك
ملاك:بنت عمي بتنزل اللي ف بطني وانا بشتكي"صعدت
بيت دحام(1)
نايف:لورين بنت سعود ال**
سلمى بصدمه:مالقيت الا هذيييي ماراح تاخذها لو على جثثثثثثتي
نايف بعصبية:راح اخذذذذذها واذا ماخذتها ماراح اخذ غيرها
جوان تخصرت:ترا في غيرها كثير يعني مافي بهالبلد الا هالبنت
نايف:اي مافيه وانا ابيها وووابيك تخطبينها لي
سلمى:نجوم السماء اقرب لكككك من بنت سعود"صعدت غرفتها
جوان:ترا في بنات احلى منها
نايف:م اظن في بجمالها
جوان:امي مو راضيه من بيخطبها لك وكيف ببتزوج
نايف:راح اتزوجها غضب عن الكل لان هالبنت لي انا بس "صعد غرفته
جوان جلست بعصبية:وش مسويه لهم هالبنت الكل يحبها ويبيها وجع
بيت سعد
نيرمين قامت وهي تضحك:شكلك ناسي انك مسجل هالبيت والشركة ب اسمي انت اللي برا
سعد:شكلك ماتعرفين ان الاوراق اللي عندك مزوره
نيرمين:كذذذذذذذذذذذذذذذذا� � كذاب
سعد:شوفي الاوراق من جديد مافيهم ختم من المحكمه ولاشي انا مجنون اسجل كل حلالي ب اسمكككك انقلعيييي برا مابي ارجع بالليل واشوفك بهالبيت عشان ماجيب لك الشرطه واسحبك غصب من
البيت"طلع
نيرمين:هين ي سعد اوريككككك"راحت تاخذ اغراضها
المستشفى(عند لوسي)
كيان:ياربي الدكتور م طلع انا خايفه يكون فيها شي
زوجة سلطان:حسبي الله عليها ذي الحرمة ماتتوب من المشاكل ابد
كيان:حسبي الله ونعم الوكيل
زوجة سليمان:كيان روحي جيبي قهوه لنا من تحت
كيان:حاضر"نزلت
قمر جات:انا كلمت مشعل والحين بيجي بالطريق
زوجة سلمان:هي لسه بالبيت ولاطلعت
نجود:مالها عين اصلا تبقى بالبيت وبس يعرف مشعل بيطردها اكيد
قمر:تستاهل من جات هالبيت وهي تخطط وتفكر لبعيد
(عند ريمان)
لورين حاضنه ريمان:هالمره لاتروحين ل اي مكان سامعه رجلي على رجلك
ريمان ابتسمت:ان شاء الله"طالعت يد لورين
لورين:وش بك؟
ريمان:الخاتم ذا من وين ؟
لورين ارتبكت وخبت يدها:شريته شريته
محمد ابتسم:انا نازل اجيب شي نشربه"طلع
لورين:قصيتي شعرك اشوف
ريمان:لا مرفوع والله
لورين:طيب ودي انام احس ميته نوم
ريمان:الحين تنتهي الزيارة
لورين:اي صح متى بتطلعين
ريمان:ماعرف يمكن بكرا
لورين:طيب
الكفتيريا
محمد دخل وكيان لفت وشافته خاف:كيان وش تسوين هنا؟
كيان:جايه مع البنات
محمد:فيك شي؟
كيان:لاالالالا زوجة ولد عمي تعبت وجبناها هنا
محمد:كيان ابي اكلمك بموضوع
كيان:هنا
محمد:اي لاني مقدر اشوفك بمكان غيره
كيان:قول وش بك
محمد:انا ابي اسم ابوك وعائلتك
كيان بخوف:ليه
محمد:بس تعطيني بتعرفين
كيان:اسفه مقدر
كيان طلعت ل فوق وهي خايفه ومتوهق محمد اخذ القهوة وراح ل غرفة ريمان وصلت لقت مشعل يكلم الدكتور
قمر:هي فاتك وش صار
كيان:"بعالم ثاني
قمر تدفها:هي
كيان:ها وش بك
قمر:انتي اللي وش بك من جيتي وانتي فاهيه
كيان:مافيني شي
قمر:سمعي السالفه لوسي بخير وبتطلع اليوم
كيان:وعرف ان ام افنان ورا هالشي؟
قمر:عرف وقال بيكلم عمي وبيقول مايبيها بالبيت
كيان:طيب"لفت شافت محمد طالع ناظرها ب نظرات غريبه وابتسم وهي ارتبكت
قمر لاحظت:هي انتي تعرفين ذا؟
كيان:لا وش عرفني فيه يعني اي شخص يناظرني يكون يعرفني
قمر:طيب "لفت
بالليل(الاحساء)
نور اصرت ترجع الشرقيه جهزت اغراضها واخذت الاوراق لبست عبايتها والشيله وسحبت شنطتها
نور:يلا خذني للشرقية
خالة نور:كيف بتروحين انتي مجنونه
نور:انا الحين اعقل مخلوق بالدنيا خذني يلا
نادر:اوك "طلعو وركبو السياره وهي تبكي
نور:اسمع الحين بروح له على طول سامعني
نادر:مو من صدققققك
نور:الا من صدقي خذنييييي له يلا
نادر:طيب هدي هدي
بيت دحام(1)
من جاء وهو نايم صحى من نومه متكيسل خذ شور وصلى صلواته اللي فاتت لبس قميص ازرق اكمام وبنطلون اسود ضبط شعره ورش عطر خذ جواله ونزل لقى جوان منسدحه وتاكل وسلمى تكلم جوال
نايف:انا طالع
سلمى تاشر بيدها ان دقيقه:يلا اكلمك بعدين"قفلت:على وين
نايف:بروح ل ابوي عشان يخطب لي اياها
سلمى:هذا وجهي اذا وافق
نايف:بنشوف"طلع
جوان قامت بشويش:هذا يوسف وصل بروح اجهز وبروح له
سلمى:طيب حبيبتي انتبهي لك
جوان:ان شاء الله"صعدت
سلمى:ايييييوا مافي الا رشا تساعدني بهالموضوع عشان اتخلص من لورين خلني اروح لها الحين"صعدت
بيت دحام(2)
دحام دخل شاف البيت ظلام وفيه اضاءه خفيفه:سولما سولما
سولما الخدامه جات:نعم بابا
دحام:ماما لاارا هنا؟ ولاطلعت
سولما:لامافي اطلع من الصبح
دحام:طيب روحي كملي شغلك
سولما:طيب "راحت للمطبخ
دحام صعد فتح الباب لقاه مقفل وطقه:لارا لارا
لارا:"نايمه
دحام يطق اقوا:لارا
لارا قامت من السرير كان شكلها مبهذل وعيونها حمرا من البكي فتحت الباب:هلا
دحام خاف عليها:وش به وجهك كذا
لارا:مافيه شي بس تعبانه والحين بجهز اغراضي عشان تاخذني ل بيت امي "توها بتمشي ومسك يدها
دحام حضنها:حقك علي انا كنت معصب بس وقتها
لارا تبكي:يعني ماراح تطلقني؟
دحام:ليه انا مجنون عشان اطلقك
سولما صعدت:بابا
دحام لف:وش بك
سولما:بابا نايف تحت يبي يشوف انتا وماما لارا
دحام:طيب قولي له الحين بننزل
سولما:طيب"نزلت
لارا:غريبه ليكون فيهم شي
دحام:مادري انا بسبقك وانتي لبسي ونزلي
لارا:طيب
دحام نزل وسلم على نايف وجلسو لارا دخلت غسلت وججها حطت بوجهها ميك اب خفيف ولبست كذا
https://www.almstba.com/vb/imgcache/a...413545_231.png
حطت حجاب على راسها
ونزلت
نايف وقف مد يده وسلم:كيفك
لارا ابتسمت:الحمدلله"جلسو
دحام:يلا هذا لارا جات وقول وش عندك
نايف:انا ابي اتزوج وامي موراضيه تخطب لي
دحام:وش فيها امك ماتبي لك الخير ماتبيك تتزوج
نايف:هي مومعترضه على الزواج نفسه
لارا:اجل على وش؟
نايف:على البنت نفسها
دحام:وهي من بنته
نايف:بنت سعود ال**
لاراابتسمت:لورين ؟
نايف:ايه
دحام:والله والنعم ليه امك رافضه؟
نايف:مادري بس يايبه انا ابيها الله يخليك مابي اتزوج غيرها ابي لارا تتصل وتكلمهم ونروح نخطبها
دحام:سمعتي لارا
لارا:من عيوني راح اكلمهم واخذ موعد
نايف:مشكورين
بيت الجد عبدالله
لورين لبست فستان كت من فوق بني وعلى جنب فيه فوينكا سودا صغيره ومن تحت اسود وقصير لي الفخذ لمت شعرها ل فوق وطق الباب
لورين حضنت ملاك:اشششتقت لك
ملاك:وانا اكثررر وش هالزين كله
لورين:هههههههههههه
ملاك:نايف كان عندك صح
لورين:اي جاني بريطانيا وخلاص راح نتزوج
ملاك:مبررررررررررروك
لورين:الله يبارك فيك
ملاك:وهالخاتم منه؟
لورين:اي خلينا ننزا نشوف العم سعد وش يبي
ملاك:يلا لبسي
لورين لبست عبايتها والشيله:الله يستر هالمره وش بعد"نزلو وجلسو
الجد عبدالله:هذا الكل اجتمع قول وش صاير
سعد:انا طلقت نيرمين
سعود:كيف تطلقها وهي حامل
سعد:هي ولدت بس للاسف هم موعيالي
الكل:كيف,,ِشلون
سعد:انا الحادث اللي صار لي اخر مره طلعت مقدر اجيب عيال وهي حملت من ولد عمها وانا توني اعرف هالشي
الجدة نوره:حسبي الله عليها كذابه
الجد عبدالله:ليكون سجلت شي ب اسمها
سعد:لا ابد بس انا ابي اتكلم ب شي ثاني دلال
دلال لفت عليه:هلا
سعد:انا ابي نرجع ل بعض انا لسه شاريك وابي اعرف اذا موافقه ولالا
ليان جنب امها:يمه ردي قولي شي
الجدة نوره:خلوها لاتضغطون عليها "فجاه طق الباب بقوة
سعيد:من ذا اللي يطق الباب كذا "قام فتح الباب دخلت بنت وتبكي
ليان وققفت:نور ووووش بك
نور تبكي:اممممممييي ممااااتتتتت والسسسسسببب ابوووووووككككك
سعد وقف:هي انتي وش بلاك
نور تبكي وتشهق:تدري انا من بنتههههه بنت وضضضضحححى اللي تزوجتها شهر وطلقتها ورميتها رمية الكلاب ولما اتصلت قالت لك انا حامممممل رفضضضضضضت تعترف فينننني وانا بنتك
بنتكك
الكل بحالة صدمه وذهول نادر واقف عند الباب مادخل بدت نور تصارخخخ وانهارت راحت لها الجدة نوره وضمتها واخذتها للغرفة وراحو كلهم وراها والجد عبدالله دخل نادر داخل
بيت رشآ
آلين لابسه بلوزه لي الفخذ ملونه كت وفيها حزام عند البطن وشعرها مفتوح ضعدت تركض ودخلت على رشآ رشآ فزت من مكانها
رشآ:ماتعرفين تطقين الباب انتي؟
آلين:فاضيه تدرين منو عندنا تحت
رشآ بعد اهتمام:يعني منو اكيد وحده من جيرانا ولاخالاتي
آلين:لا ام نايف تحت
رشآ:حلفييي وش جابها؟
آلين:جات وجلست تتعذر ل امي وقالت تبيك ضروري
رشآ:تتوقعين وش تبي ؟
آلين:مدري بس لبسي ونزلي
رشآ:اوك
رشآ قامت لبست تنوره طبقات لي ربع الفخذ لونها اسود وبلوزه نص كم عملت شعرها ذيل الحصان حطت كحل اسود وروج وردي رشت عطر نزلت سلمت وجلست
سلمى:السالفه ومافيها ان نايف يبي تزوج لورين وانا ذي ماحبها ولا اطيقها وخايفه تكون عامله سحر لولدي
ام رشآ:طيب وش نسوي؟
سلمى:انا ابي رشآ لسه لولدي بس هو ف ابيكم تساعدوني موافقين
الكل:ايه بس كيف
سلمى:انا اقولكم كيف
بيت يوسف
يوسف:اقول جوان متى وقت ولادتك
جوان:كم شهر بس واولد
يوسف:اها طيب
جوان:بقوم اخذ علاجي احس بطني يوجعني
يوسف:اخذي راحتك"دخلت ورفع جواله اتصل:ها الو
..:الو معاك
يوسف:لقيت لي المكان؟
..:اي وحتى الحرمه لقيتها
يوسف:اي تكفى مانبي خربطه
..:لاتوصي حريص
قفل ودخل ل جوان لقاها نايمه ضحك بخبث فتح الكيس طلع فستان شفاف ومن تحت شكل مثلث لبسه جوان وسدحها عدل وبدا يصورها فصخها الفستان قفل الكام لبسها وغطاها
وطف النور وطلع
شقة خديجة
خديجة لبست بلوزه فيها ورود ورديه لونها ابيض وفوقها قميص وردي وبنطلون جينز رتبت شعرها ولبست سلسله طويلة رن الجرس وراحت افتحت
نيرمين سلمت عليها وجلست:شقتك حلوه
خديجة:تسلمين اي حسام صار شغله كويس بعد ماشغله مشعل عنده
نيرمين:اي زين
خديجة:انتي وش صار عليك بعد م ولدتي
نيرمين:البنات اخذهم ابوهم وانا تطلقت وجالسه عند امي
خديجة:اهممم زين
نيرمين:ليه العماره فاضيه كذا
خديجة:اي عاد هالطابق مافيه احد ويرممون لسه الشقه اللي جنبنا
نيرمين:اها حسام متى يجي عشان امشي
خديجة:بعد شوي بيجي وبنطلع نتعشى
نيرمين:اجل انا بقوم اشوفك بعدين
نيرمين طلعت وسكرت الباب ابتسمت بخبث دخلت الشقه اللي جنبهم فصخت العبايه وهي لابسه فستان حكلي لي ربع الفخذ اكمام ووواسع كثير من الصدر وفتحت شعرها ورشت عطر سمع صوت حد يصعد
ومقرب من الشقه حركت الحصا برجلها
حسام استغرب ودخل بشويش:مين فيه هنا
نيرمين ابتسمت:انا
حسام:مين انتي
نيرمين سحبته وقربت منه:بالله انا مو احلى من خديجة خلنا نكون واقعين
حسام:....
الدوانيه
سالم فز من النوم:بسم الله الرحمن الرحيم"سمع صوت برا طالع الساعه وقام غسل وطلع لهم
ريان راسه على رجول جراح:ها صح النوم
سالم:صح بدنك"جلس
جراح:وش بك
سالم:حلم مزعج يجيني كل فتره
ريان:وش رايك نفسره؟
سالم:لالا مايحتاج بقوم اجيب لي اكل جوعان
ريان قعد:سلوم وش رايك تسافر تغير جو
سالم:اي افكر اروح العمرة
جراح:والله فكره شرايك نروح معاه
ريان:مقدر احين وضع البيت كله موب تمام
سالم:اي صح حرام خلاص هالمره بروح بروحي بس المره الجايه كلنا سوا
جراح:ان شاء الله م اقول لا
ريان قام:يلا انا بروح
سالم:بدري
ريان:م رحت البيت اليوم ابد وفيه اجتماع بيت عمي وسحبت عليه بعد
جراح:عشاني اقعد نام هنا وبكرا روح
ريان:اممم طيب موافق
سالم:اجل بجيب عشاء لنا كلنا ماكلتو صح؟
ريان:لا
سالم:اجل خلاص بروح وبرجع مب اتاخر"طلع
يوم ثاني (بيت نواف)
ملاك صحت من النوم لبست بلوزه اكمام رماديه تحت البطن فيه حزام عريض وبنطلون تركت شعرها مفتوح ونزلت جنب التي في وتاكل وهي تاكل رن جوالها
ملاك:هلاوالله
لارا:هلافيك حبيبتي كيفك؟
ملاك:الحمدلله وانتي اخبارك؟
لارا:بخير
ملاك:امري
لارا:ابي رقم بيت سعودعم نواف
ملاك:خير وش صاير ؟
لارا:امس جانا نايف عشان نخطبه ل لورين
ملاك بفرحه:صدق
لارا:اي بس لاتقولين لها
ملاك:اي اكيد الحين ارسل لك الرقم واتس
لارا:طيب مع السلامه
ملاك:مع السلامه"قفلت ودخلت الواتس ترسل الرقم نزل نايف وهو لابس قميص ازرق وبنطلون اسود وقميص اسود باس خدها
نواف ابتسم:ها كاشخه بتروحين مكان
ملاك:انتظرك
نواف ب استغراب:ليه؟
ملاك:عشان بنروح نبلغ
نواف:حبيبتي فكري عدل هذول اهلك
ملاك:مالي شغل تبغيني استنى مصيبه ثانيه تجيني من وراهم بتاخذني ابلغ ولالا
نواف:...
بيت دلال
دلال البارحه م عطت جواب ابد ل سعد وقررت تاخذ نور وتسكنها معاها لان خالها نادر بيرجع الاحساء عنده اشغاله وخالتها متزوجه صحت نور من النوم قامت غسلت لبست بدي اسود فوقه
قميص اسود دانتيل وبنطلون جينز نزلت تحت للمطبخ وجلست تاكل نزلت ليان وهي لابسه بلوزه سودا اكمام وفوقها قميص ابيض وبنطلون ورافعه شعرها وراحت المطبخ
ليان:صباح الخير
نور:صباح النور
ليان:كيف صرتي
نور:الحمدلله احسن
ليان:عسا دايم ترا هالبيت بيتك مثل م هو بيتنا ف لاتستحين
نور ابتسمت بخفيف:تسلمين الا خالتي وينها
ليان تصب لها عصير:طلعت راحت ل خالتي عبير
نور:طيب
ريان دخل المطبخ وانصدم:ليان منو هذي
ليان لفت عليه:ل كان جيت وينك البارحه م جيت بيت جدي
ريان يطالع نور م تغطت عنه:كنت مع الشباب هذي مين ليه ماغطت وجههه عني؟
ليان:وليه تتتغطى عنك مو انت اخوها
ريان بصدمه:اخوها؟؟؟؟؟؟؟
بيت سعود
ريمان خرجوها بدري من المشفى وراحت غرفتها ترتاح,,عبير كانت تكلم تيلفون ودلال جنبها تسمع,,لورين توها صاحيه من النوم غسلت ولمت شعرها وراحت فتحت غرفة ريمان وانصدمت ريمان
كانت لابسه بدي ابيض فوقها بلوزه اكمام شفافه لونها وردي فاتح حيل والكلر من فوق وردي ومدخله البلوزه تحت التنوره الضيقه السوداء اللي موصلتها للفخذ وجالسه تحط كحل
لورين:ماعرفتك والله
ريمان فزت:وش فيك مدرعمه كذا م تعرفين تضربين الباب
لورين:من متى ريمان تخاف؟
ريمان لفت للمرايا تحط روج:من اليوم
لورين:وين بتروحين وانتي توك طالعه من المشفى
ريمان:بروح ل ليان بشوف نور بنت عمناالجديده
لورين:ههههههههههههه
عبير دخلت:لورين بكلمك شوي
لورين:احكي مافيه احد غريب
عبير:اتصلت لارا مرة ابو نايف بيجون بكرا عشان يخطبونك
لورين قلبها يدق بقوه:اي اي زين"طلعت بسرعه لغرفتها
ريمان تضحك:استحت
عبير:شكلها اي وانتي وش سبب هالتغير من متى ريمان تسوي كذا وتحط كذا
ريمان:من اليوم
عبير:وش سبب تغيرك فجاه ودي اعرف
بيت مشعل
لوسي منسدحه على الكنب وتسولف مع نجود وقمر وكيان جالسه بس بعالم ثاني لاحظت لوسي عليها:كيان
كيان لفت عليها:هلا
لوسي:وش فيك مو على بعضك
كيان:مافيه شي
قمر وقفت:نجود كيون قومو نروح الحديقة
نجود:يلا"وقفو
كيان:روحو انتو مالي خلق انا
قمر:ماشي"طلعو
لوسي قعدت:كيان احكي وش صاير بك
نهاية البارت
سالم وش فيه؟سبب تغير ريمان؟
خطوبة لورين ونايف؟ملاك بتشتكي عليهم؟
يوسف وش يخطط له؟سلمى وش ناوسه عليه؟
سطام بيوقع ب شباك نيرمين؟دلالل بتوافق ولالا
كيان ليه رفضت تقول ل محمد!وليه طالعها بعدين بنظرات غريبة؟
كيان بتحكي ل لوسي؟تغير ريمان المفاجئ؟
ريان بيتقبل الموضوع ؟
Like
اسطورة ! غير متواجد حالياً أضافة تقييم إلى اسطورة ! تقرير بمشاركة سيئة رد مع اقتباس إقتباس متعدد لهذه المشاركة الرد السريع على هذه المشاركة
قديم 15-06-15, 03:57 AM #19
اسطورة !
نجم روايتي ومشرفة سابقة وفراشة متالقة بعالم الازياء
alkap ~
الصورة الرمزية اسطورة !
? العضوٌ??? » 120033
? التسِجيلٌ » May 2010
? مشَارَ?اتْي » 15,367
? الًجنِس »
? دولتي » دولتي Saudi Arabia
? مزاجي » مزاجي
? نُقآطِيْ » اسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond repute
¬» مشروبك pepsi
?? ??? ~
My Mms ~
افتراضي