الفصل 3
[٢٤/٢، ٦:٥٧ م] null: *؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم سراج الليل`* 🧑🏻👱🏻♀️
*❴🔢❵الـــبـــــــــــ❴9️⃣+🔟❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
بارت جديد شوفوني تفاعلكم فراشاتي يلا احبكم♥️🦋
#سراج_الليل
#الكاتبه_روح_الدليمي
************
باوعتلي وحچت بشَك
غزل:شبيك عمو ماحجيت شي بس كلنا نعرف سِراج ميصير عنده اطفال ف منين اجه هالطفل مانعرف الله يستر
10
سَكتت ثواني واردفت بكلام قَطع گلبي
غزل:منو يگول هذا ابن سِراج؟
9
باوعت لسِراج بنضرات غضب و قهر صارت عينه بعيني
عفتهم وطلعت بسرعه من الاستقبال و اني حابسه دمعتي
7
ثواني و اجه ورايه سِراج باوعلي و گال بجديه
3
سِراج:مسحيي دموعج ماريد تبجين
5
نترت بي بصوت عالي..
ليل:شلوووون تخليني بهييييج موقف هااااا شلوون؟
8
سِراج:اكو شغله ببالي بس سايريهم لحد ما تكمل
9
ليل:وانيييي لعبه عند حضرتك تستخدمني حتى تكمل بيها شغلك مووو!
4
سِراج:ماحجيت هيج ليش تفسرين بكيفج
3
ليل:ارييييد افتهم شلون تگلهم حامل و.
3
تقرب عليه و كمم حلگي بيده بطريقه سريعه و همس بصوت خافت
3
سِراج:واكفه يم الباب خليج طبيعيه
6
اجت عيني على الباب الجان مفتوح شوي.. و لمحت شخص واكف برا و طريقه الوگفه مال واحد يتنصت..
5
حطيت ايدي على البطني و عطت بصوت عالي
حتى هوَ فز..
4
ليل:ااااه بطنييي
12
باوعلي بخوف و گال
3
سِراج:شبيج؟
4
حجيت بوجع
ليل:بطني
4
لزمني من ايدي و ساعدني اتمدد على الجربايه
سحبت ايدي منه بنتر كلش مزعوجه منه ومن تصرفاته الي مالها تفسير
4
مرت الايام والوضع متكهرب بيناتنه
جنت اريد اتخلص من الهم الي على گلبي واخلص من الطفل الي ماله وجود اصلاً
انتظرت يمر شهر و بموعد الشهريه مااخذت احتياطي
5
كاعدين كلنا نتغده وحسيت نفسي متبلله باوعت على نفسي كلي دم صايره
سويت نفسي متوجعه كلش وعصرت بطني
انتبهتلي مناير و گالت..
7
مناير:شبيج ليلو
2
بقيت ساكته بس الوب بمكاني حاولت امثل اني اتوجع من صدك
وفعلاً نجحت بهل الشي وبين عليه انو دااتوجع وهالشي خله كل الانظار تصير عليه
3
تستمر القصة أدناه
سِراج جان بالواجب مموجود يمنه كمت وكفت و خاله عاطت واجت يمي مفزوعه
3
ام سِراج:صخاام بوجهي ولج يمه هاي شنو
4
نزلت عيني باوعت على نفسي ورفعتها اباوعلها متفاجئه
كالت بصياح و هيَ موجهه الحجي لهاشم
4
ام سِراج:بسرععهه شغل سيارتك، مناير جيبيلها عبايه بسرعهه
3
راحت ركضت مناير و هاشم راح للسياره
شوي وطلعنه اني وخاله لحگتنا سماره و كالت
2
سماره:يممهههه ابقي هنا يم مناير وين تعوفيها وحدها اني رايحه وياها
3
ام سِراج:ماعوفها و اخوج مأمنها يمي
5
سماره:روحييي يمه رجعي للبيت اني رايحه وياهم يلا يمه مناير مترهم تبقه وحدها
3
رجعت خاله واجت سماره وياي ارتاحيت نوعاً ما لان هيَ تعرف مو حامل
صعدنه بالسياره وهاشم صار يسوق سريع كلش وشال تلفونه و خابر على سِراج
ماركزت وياهم لان سماره حجت وياي
1
سماره:شصارلج ؟ صدك حامل جنتي؟
4
همست بصوت كلش ناصي حتى ليسمعنه هاشم
ليل:لا بس حتى اخلص من التمثيليه الدخلنا بيها سِراج
ساعديني فدوه ماعرف شسوي
سماره:خليها يمي بس أنتِ ابقي سوي نفسج متوجعه
1
ليل:هوَ اني صدك متوجعه احس بطني تتگطع
4
باوعتلي و رجعت گالت
سماره:خاف صدك حامل!
3
ليل:شلون احبل و هوَ بعده ممتقربلي
3
صفنت بوجهي بعدها كالت ب استعجال
2
سماره:استعجل خويه البنيه راح تموت
5
هاشم:وصلنا
فعلاً طبك السياره و نزل طلب سديه وصعدوني بيها وسماره وياي اندارت على هاشم و كالتله
3
سماره:روح للبيت خلي مناير تحظرلها ملابس و خابر سِراج بلغه اذا يكدر ياخذ اجازه ويجي
3
هاشم:اي شي تحتاجو خابريني
هزت براسها ودخلوني لغرفه شوي و اجت دكتوره حتى تفحصني والي فهمته هيَ صديقه سماره سلمت عليها سماره و كالت الها
3
سماره:نريمين بصراحه اريد مساعدتج بشي
2
نيرمين:گولي عيني
1
سماره:هاي ليل مرت اخويه، و اخويه گال كدام الكل هيَ حامل، و هيَ لا حامل ولا شي حتى من كاللهم جانت جايتها..
نيرمين:ليش هيج سوه؟
3
سماره:اله غايه بهل شي و أنتِ تعرفين سِراج ميسوي شي اذا ما اله مصلحه بي
3
نيرمين:اي اعرف زين شنو مطلوب مني
3
قاطعتهم اني و گلت
2
ليل:اريدج تكولين للكل انو الطفل نزل لان من الاساس الحمل ضعيف چان
4
نيرمين:شلون اسوي هيج شي والتقرير!
3
سماره:بالتقرير تكتبين الحقيقه مابيها شي هيَ بس كدام الاهل اريدج تكولين انو هيَ طرحت
3
ليل:تعبت من هل مسرحيه اريد انهيها ب اي طريقه
انتظرت شهر كامل وانتظرت موعدها و مااخذت احتياطي حتى عبالهم عندي نزيف وهذا الي صار بس باقي تأكديلهم انو اني طرحت
3
نيرمين:اشوف شنو اكدر اسوي واجيكم
2
سماره:جايه وياج لحظه
2
انطتني تلفونها و كالت
2
سماره:خلي يمج اذا احتاجيتي شي دكي على رقم نيرمين مسجلته يمي
و هسه احجي ويه سِراج بلغي بالي صار
3
هزيتلها راسي موافقه وطلعت هيَ والدكتوره لزمت تلفونها فتحته حان بدون رمز..
بحثت عن اسم سِراج ودخلت للمحادثه
كتبتله..
2
_سراج ليل بالمستشفى الكل يعرف انو صار عدها نزيف وطرحت تعال بسرعه..
4
ثواني و اتصل جاوبته حجه بعصبيه
سِراج:ليش صار عدها نزيف؟
2
ليل:مصار عندي شي بس انجبرت هيج اسوي حتى اخلص من السالفه الورطتني بيها بدون متسئلني حتى!
3
سِراج:ليش تتصرفين من كيفج؟؟؟
4
حجه بصياح اخذت نفس وحجيت بهدوء عكس داخلي تماماً..
3
ليل:مثل ما أنتَ تصرفت من كيفك و اوهمت الكل انو اني حامل و سمعت اشكال السب و التشكيك بيه من طليقتك وبنات عمامك
6
جر نفس قوي و زفره بقوه اكثر وكال
2
سِراج:اليوم بليل موعد نزلتي اصلاً بس عود ردت اسويها مفاجئه تالي أنتِ فاجئتيني
7
ليل:اني اعرف كلش زين شنو غايتك من هالشي ومراح يتحقق الي تريده
5
ضحك بسخريه و گال
سِراج:و أنتِ من تعرفين غايتي ليش سكتي من البدايه وما حجيتي !
7
ليل:نيتك واضحه كلش زين بس اني عميه مجنت اشوف
أنتَ ماحبيتني ابد و كل همك تتزوج اي وحده حتى بس تخلفلك وتبث لغزل انك يصير عندك اطفال
بدون ميجاوبني سد التلفون بوجهي اني هم ماهتميت لان كلش مزعوجه منه كلشش
5
اندكت الباب ودخلت سماره و وياها الدكتوره تقدمت يمي و كالت
3
نيرمين:حسويلج تحاليل لان وجهج اصفر كلش احتمال عندج فقر دم و راح احطلج مغذي بس كله فيتامينات
3
ليل:اني عندي فقر دم
2
سماره:استعجلي حبي حتجي امي حتى نكللها نازل الطفل
2
نيرمين:خليتوني اكذب اكثر من كذبه انتو تتحملون خطيتي لو ما سماره صديقتي ما اتجرأ واسوي هيج شي
4
ليل:خطيتنه كلنا بركبه سِراج هوَ الي خلانه بهل حاله
وجبرنا نكذب على الكل
3
هزت راسها مأيدتني بالكلام وتقربت مني وسحبتلي دم وكالت
3
نيرمين:ربع ساعه وتطلع النتيجه
2
هزيت راسي و هيَ طلعت اجت سماره كعدت يمي على الكرسي لزمت ايدي و كالت
4
سماره:حجيتي ويه سِراج؟
3
ليل:اي تعاركنا وسده
2
سماره:لعبتو نفسي على كد ما تعاركتو وانتو هسه يلا صارلكم شهرين مدري تلاثه متزوجين
7
ليل:احبه و ماريده شعور متناقض كلش ماعرف شلون هيج
3
سماره:ليش
3
ليل:ما واثقه بحبه الي عندي خوف و رهبه من هل علاقه خايفه اتممها خايفه من قربه وبنفس الوكت رايدته يبقى يمي
7
سماره:بصراحه ماعرف شنو اگلج
3
اندكت الباب و دخلت ممرضه وياها العده مال مغذي
ركبتلي كانونه وحطتلي المغذي وطلعت
2
دك تلفون سماره جاوبت
2
سماره:هاا وصلتو؟
3
سماره:يلا جايه اخذها اني، لا وين تجي البنيه نايمه
ماشي باي
2
سدته و باوعتلي واردفت
2
سماره:سوي نفسج نايمه و راح اگول لامي الطفل چان نازل اصلاً لهل سبب صار عندج نزيف
3
ليل:تمام
2
طلعت هيَ واني غمضت عيوني وسويت نفسي نايمه و متوجعه بقيت اون ون بصوت ناصي
شوي وانفتح الباب ودخلو
7
تقربت خاله ام سِراج يمي عرفتها من ريحتها
حطت ايدها على راسي وقربت عليه باسم سِراج:حتى ب ابنه ما لحگ يفرح خسره قبل ليجي للدنيا
7
سماره:يمه لتحجين هيج كلشي قضاء وقدر وهمه مصارلهم كم شهر متزوجين يلحكون يخلفون
3
ام سِراج:صارله سنين منتظر يصير عنده طفل ومن صار خسره
3
ونيت بألم حتى يغيرون الموضوع و فتحت عيوني ببطئ
وحجيت بثقل
6
ليل:سِراج وين؟
2
ام سِراج:شلونج بنتي بشنو تحسين
4
ليل:الحمدلله
2
ام سِراج:الله يعوضكم بنتي
3
سماره:يمه تعاي كعدي خليها ترتاح تعبانه هيَ
3
ليل:سِراج ليش بعده ما اجه
3
سماره:ماقبلو ينزل قبل وقته بليل راجع هو من الاساس
3
رجعت غمضت عيوني بتعب بعد ما سكتوا همَّ و بقو وحده تباوع على الثانيه
3
شوي و اندكت الباب و دخل برزانه و هدوء ببدلته العسكريه سلم واندار عليه صارت عيني بعينه بعدت نضري عنه وركزت بمكان ثاني متجاهله نضراته
3
تقرب مني بخطوات هادئه و باس راسي و گال بهمس
3
سِراج:الحمدلله على سلامتج حَبيبتي
7
جاوبته بدون ما اباوع بوجهه
ليل:الله يسلمك
3
سماره:مو ع اساس ما تكدر تجي قبل الليل؟
3
سِراج:رتبتها واجيت
3
ام سِراج:نعوفكم وحدكم
3
سِراج:رجعوا للبيت اني باقي يمها
3
ام سِراج:لا يمه وين اعوفها تحتاجني بعدين
4
ليل:روحي خاله ارتاحي هوَ كم ساعه واطلع منا
3
سماره:باجر تطلعين عيني
3
ليل:اي مابقه شي لباجر سِراج موجود واكو الدكتوره و الممرضات روحوا ارتاحو تعبتكم وياي اليوم
3
سماره:تعبج راحه حبي
3
سِراج:يلا سوسو اخذي حنونه و روحوا للبيت اني هنا
5
ام سِراج:متأكد يمه؟
2
سِراج:متأكد روحوا يلا ، هم اريد ابقه وياها وحدنا مشتاگ لمرتي اريد ابوس احضن
9
ليل:سِرااااج
3
باوعلي خزرته ضحك و غمزلي
يتعمد ينرفزني هالرجال، سلموا عليه و وصوني على نفسي و وصوا سِراج عليه وطلعوا
بقينه اني وياه وحدنه بقيت ساكته ماحجيت حرف واحد وياه وبقيت متجاهله نضراته الي
4
شال تلفونه و خابر ماعرف منو بس الي فهمته انو يريد ملابس و وصاه يجيبله
سد التلفون و اجه كعد يمي و گال
3
سِراج:اي يا مدام احجيلي يلا ليش هيج سويتي؟
4
ليل:برأيك تريدني ابقه مكمله تمثيل انو اني حامل
2
سِراج:گتلج ما اسوي شي اذا ماعندي غايه منه
3
ليل:و اني فهمت غايتك كلش زين يا استاذ ف ماكو داعي نطول الموضوع
4
سِراج:صار عندي فضول اعرف غايتي شنو، اطربيني يلا
3
ضحكت ب استهزاء وحجيت بنتر
2
ليل:غايتك صارت واضحه مثل وضوح الشمس
تريد تبث لغزل ولاهلها ولبيت عمك انو أنتَ يصير عندك اطفال و مالگيت غيري تتزوجها عبالك راح انطيك نفسي بسهوله بدون ما اتأكد من مشاعرك و صدقك ناحيتي ومن مشاعري هم
3
مسحت دمعتي الرادت تنزل واسترسلت بالكلام بنفس النبره..
3
ليل:و خاصه احنه زواجنه صار ركض بركض كلشي ماعرف عنك اني..
ومن شفتني هيج وياك و ماقبل تتقربلي بالطريقه الي أنتَ رايدها
حرجتني كدام الكل و اوهمت الكل انو اني فعلاً حامل خليتني بموقف صعب كلش صعب يا سِراج
5
هوَ ساكت و مانطق حرف واحد وبس يباوعلي
شافني سكتت گال
3
سِراج:خلصتي تمضرط؟ اذا خلصتي حتى احجي
17
بقيت ساكته هوَ فهم اني خلصت كلام گال
سِراج:مو سِراج الي يتزوج وحده بس علمود يخلف منها ويثبت انو هوَ يصير عنده اطفال
خليها ببالج يا ليل اني ماتزوجت طول هالسنين لان مالگيت وحده خلت گلبي يدگلها
لحد ماشفتج أنتِ و گلبي صار الج مو ملكي صار ملكج أنتِ وبس لهل سبب ردت اتزوجج ماردت اضيعج من ايدي
5
عدل شعره بيده واردف
2
سِراج:و انتِ هسه جايه تتهميني بهيج شي؟ أنتِ هيج شايفتني ليل؟
هااا جاوبيني هيج شايفتني؟
5
ماعرفت شنو احجي حسيت لساني انبلع
حسيت اني قسيت عليه بالحجي و مجان لازم احجي وياه بهل طريقه
5
بقيت ساكته و هوَ مركز بيه و نضراته ماعرفت افسرهن
ضرب على رجله بقوه و عاط بيه فززني..
3
سِراج:جااان باقي شوي بس شوووي ويصير الجنت رايده ليش هيج سويتي
8
ليل:شنو الي جنت رايده فهمنييي
سِراج:مو شغلج
9
نترت بي..
ليل:شنو مو شغلي ترااا اني مرتككك و أنتَ دخلتني بهل لعبه الي ماعرف شنو المقصد منها
احجي سِراج لتبقى ساكت ومتكتم
3
سِراج:متحصلين مني اجابه لذلك سدي الموضوع خلص بعد مينفتح
6
عافني و طلع من الغرفه بدون ميسمع مني..
بقيت الليل كله همَّ كل شوي يحطولي مغذي طلع عندي هواي نقوصات
صار الصبح كمل سِراج اوراق الخروج وخرجوني من المستشفى
4
طلعنا بالسياره متوجهين للبيت طول الطريق هوَ ساكت مانطق بحرف واحد واني كذلك بقيت ساكته
وصلنا ونزلنا مشه كدامي و عافني حجيت بصوت مسموع
3
ليل:على الاقل اسندني ترا اني البارحه طرحت!
18
رجع عليه بدون ميحجي شي لزم ايدي وصار يمشيني بهدوء على لحظه صدكت اني صدك جنت حامل وطرحت..
12
دخلنا لبيت انصدمنا من شفنا هوسه يمنه باوعت عليهم ولا شخص اعرفه منهم التفت لسِراج وسئلته..
3
ليل:منو هذول
سِراج:خوالي وعوائلهم
3
انتبهوا لوجودنا الكل وكفوا على حيلهم مشاني سِراج ليمهم وسلمنه عليهم و صار يعرفني عليهم واحد واحد
5
الكل سلموا علينه وكعدنا يمهم
كل الانظار جانت علينه وحده من الكاعدين گالت
2
_شكد عمرج ليل؟
4
جاوبها سِراج و هوَ لازم ايدي ويباوعلي
2
سِراج:بعد شهرين و١٠ ايام تدخل ال٢٢
9
_ياا صغيره وين لكيتها
6
باوع عليها و كال
2
سِراج:ببيت اهلها
11
ضحكت اني رجع باوعلي و همسلي
سِراج:گلت شي يضحك؟
4
هزيتله راسي ب "لا" و رجعت طنگرت
انوب هاي المره كل شوي تسئل سؤال ويرد عليها برد يضحك واني بالگوه الزم ضحكتي و بس اني الاضحك همَّ كلهم جامدين مدري اني الفطيره
11
صارت عيني على سماره واشرتلها تجي
اجت يمي همستلها
2
ليل:فدوه اريد اروح للغرفه ترا دخت
2
سماره:مو سِراج يمج ليش مكلتيله ياخذج
3
ليل:مااحجي وياه
3
سماره:هم تعاركو هم تعاركو
3
ليل:اخوج ماعرف بشنو ديفكر و كلش خايفه منه
تستمر القصة أدناه
سماره:كومي داده كومي
7
وكفت ومدتلي ايدها وكفتني ما شاء الله الاخ واخته خلوني اصدك واعيش الدور
وكفت والتفت عليهم گلتلهم
4
ليل:من رخصتكم بس ارتاح شوي
3
ام سِراج:روحي يمه هستوج طلعتي من المستشفى
1
رجعت نفسها هاي المره گالت
12
_ليش شبيها جانت بالمستشفى!
5
ام سِراج:جانت حامل و مات الطفل ببطنها
3
الظاهر محد بيهم چان يعرف الكل تحمدلي بالسلامه اخذتني سماره تمشيني على كيفها ودخلت للغرفه عافت ايدي واني رأساً مطيت جسمي تكسرت تكسر
5
التفت على سماره وكلت
ليل:هيجججج بنفسي الزم سِراج واملخه على هل سالفه
11
سماره:شبيكم انتو تعاي احجيلي قبل لا احد يجي
2
جريت حسره وكعدت على الجربايه
هيَ راحت قفلت الباب واجت كعدت يمي
5
سماره:غردي داده غردي خلي اعرف سالفتكم شنو
7
ليل:والله ماعرف شنو السالفه وليش هيج ديصير
ساعه اريده و ساعه ماريده
من يكون يمي ابقه خايفه منه و من يروح احس بنقص بدونه
5
سماره:يمكن لان زواجكم صار بسرعه و ملحكتو تتعرفون على بعض
و انتِ كلتي انو تحبي صح؟
5
ليل:والله من شفته اول مره حبيته و حتى من حجيت لمناير على باسل من خطبني انو اني ماريده بس ماردت اوهم نفسي بحب شخص يجوز ميحبني لذلك جنت متردده بين اوافق وبين لا
3
سماره:زين هوَ هم يحبج ليش دتبعدي عنج؟
2
ليل:اخاااف سماره اخاف
سماره:من شنو خايفه احجي
ليل:اخاف انطي نفسي و گلبي واسلمه كلشي تالي يعوفني و يرجعلها
3
سماره:يرجعلها؟ كل عقلج؟!
2
ليل:مشفتي شدتسوي! دتحاول بكل الطرق تدخل بيناتنه
و ماعرف شلون اتصرف وياها حتى ضربتها ملختها و مفاد بيها شسوي بعد؟
2
سماره:طيحي حظ حظها ليش تسمحيلها تهدم بيتج ليش تقدميلها زوجج على طبق من ذهب؟
6
ليل:شسوي شسوي
سماره:اهتمي بنفسج و برجلج و لتخلي يحتاج الاهتمام من غيرج ابد
صيري اله الزوجه والحبيبه والام والله سِراج يحبج
اكو هواي شغلات أنتِ متعرفيها محلفني ماحجيها الج يريدج تسمعين منه بس راح اگلج شغله من هل شغلات حتى اثبتلج مدى حبه الج..
6
تستمر القصة أدناه
ليل:شنو احجي
سماره:سمعي ..
5
(قبل سنه)
سماره..
ظل بالي على سِراج تأخر كلش..
طلعت برا حتى اشوفه وين صار لكيته كاعد بالحديقه و يدندن والتلفون بيده
توقعت ديحجي ويه احد بس من تقربت عليه شفته مخلي صورتج كدامه بالتلفون و يباوع عليها و يغني
9
انتبه لوجودي اندار عليه باوعلي وابتسم رديتله الابتسامه و رحت كعدت يمه و كتله
سماره:تحبها؟
سِراج:گلبي الحبها مو بيدي
5
سماره:نروح نخطبها الك
سِراج:مو هسه مصار فتره من توفت اختها
2
سماره:خلي تعدي فتره نروح اني و امي نخطبها الك
سِراج:خليها على الله
سكت شوي بعدها گال..
سِراج:منو يكول هيَ تحبني؟ او يجوز عدها احد بحياتها
7
سماره:اذا الله كاتبها من نصيبك ف هيَ الك متروح لغيرك
4
سِراج:ونعم بالله
(الحاضر)
ليل:يعني هوَ حبني من اول مشافني
سماره:يحبج وجان يراقبج مخلي احد وراج خايف عليج
5
ليل:صدكك؟ يعني من گلي مجان بس حجي
2
سماره:سِراج يحبج ف بطلي تفكير بهيج طريقه
و بس تخلصين حضري نفسج لرجلج
وتممي زواجكم و عيشي حياتج ويه التحبي عيشو حبكم
7
ليل:اوووف مادري
سماره:أنتِ كومي اسبحي وبدلي وارتاحي شوي لتنسين أنتِ جديد طرحتي
4
ليل:خليتوني اعيش الدور أنتِ واخوج
2
سماره:حروح اني وادزه الج كعدوا و احجوا سوه و اتفقوا على كل شي
2
ليل:لا مو هسه خلي يصالحني هوَ اول شنو هم مزعلني و هم اني احجي وياه بس دزي خلي يجي
1
ضحكت و طلعت من الغرفه
كمت فتحت الكنتور وطلعتلي دشداشه سوده طويله
حطيتها على الجربايه ودخلت للحمام
4
سبحت و طلعت شفته متمدد على الجربايه و حاط ايده على عيونه
لبست ملابسي بسرعه ورحت تمددت يمه بالفراش
حس عليه راد يگوم لزمت ايده و گلت
تستمر القصة أدناه
ليل:خليك نام ارتاح اذا زاعجك وجودي اني اكوم
3
سِراج:علمودج حتى ما اضايقج
2
ليل:ثنينه تعبانين خلي ننام شوي لحد الغده
سِراج:نامي ارتاحي أنتِ حالج حال الجايبه هسه على گولت امي
3
ضحك هوَ ضحكت على ضحكته و كتله
+
ليل:خليتوني اجرب الحمل والولاده وكلشي واني بعدني بنيه
3
سِراج:نامي يلا كافي حجي
اني مكلت لا كمت طفيت الاضويه وسديت البرده ضلمت الغرفه وشغلت السبلت و رجعت تمددت بالفراش
2
كام هوَ طلع تراك اله من الكنتور وفات سبح عسريع وطلع اجه تمدد يمي
سويت نفسي نايمه اريد اشوف شنو حيسوي
4
قرب نفسه مني وسحبني لحضنه وسحب نفس بقوه و كأنه يستنشق عطري
بقيت مغمضه عيوني واحس نفسي انتهيت من التوتر
2
همستله واني مغمضه عيوني
ليل:نومني
سِراج:بس انومج
5
ليل:اممم
دفنت راسي بصدره وغمضت عيوني، و هوَ حضني ب ايد وبالايد الثانيه يمشط شعري بيده..
همس بصوت يادوب ينسمع بس اني سمعته بسبب قربي منه..
سِراج:عذبتيني شوكت تحسين
جنت متوقع نتزوج بسهوله بس ابد ماتوقعت رفضج الي بهاي الطريقه
6
ذب حسره واسترسل بالكلام..
سِراج:تكولين احبك بس متخليني اتقرب ولا تسمحيلي اخطي خطوه حتى اتمم علاقتنه الي مالها لا راس ولا رجل
3
رفعت راسي و باوعت بعيونه وحجيت بهمس
ليل:اخاف منك و اخاف بدونك
سِراج:ليش خايفه من شنو هل خوف هذا
ليل:اخاف تخذلني اخاف تكسرني
3
سِراج:خلي عندج ثقه بيه و لتخافين من شي خلي ايدج ب ايدي و خلينه نصلح هل علاقه ليش تخرب و هيَ بعدها ممبلشه
2
ليل:اريد منك وعد انو متخوني ابد ولا تتزوج عليه ولا تكسرني و لا تخذلني
7
سِراج:اوعدج بيهن كلهن و اوعدج اعوضج عن كل شي بس انطيني فرصه ولتمنعيني
ليل:اني احبك سِراج والله احبك
3
سِراج:و اني ذايب بيج و بتفاصيلج
11
طبع بوسه هادئه على شفايفي و حضني و نمنه سوه
ماعرف شگد نمنه حسينه على صوت دكات الباب
كام من الفراش فتح الباب جانت مناير سمعتها گالت
2
مناير:خاله دزتني اكعدكم صارت مغرب و الكل مجتمعين برا بالحديقه
2
سِراج:شكد الساعه؟
مناير:ب ٧ المغرب
2
سِراج:هسه اكعد ليل ونجي بس سويلي گهوه
2
مناير:بعيوني
سد الباب وفرك وجهه بقوه اجه تقرب مني حط ايده على جتفي و گال
سِراج:حَبيبتي كومي صار مغرب ميصير تبقين نايمه
انداريت عليه و ابتسمتله وكلت
ليل:كاعده حَبيبي
7
سِراج:كومي غسلي وجهج و تعالي
كمت بهدوء من الفراش سِراج طلع قبلي و اني دخلت للحمام
غسلت وجهي وطلعت مشطت شعري ورتبته حطيت عطر ردت اطلع من الغرفه دك تلفوني باوعت نفس الرقم غريب
3
فتحت الخط وحطيت التلفون على اذني بدون مااحجي
اجاني صوته و هوَ يگول ..
6
_تفاصيلج ذوبتني اريد اضوگج تعبت اشوفج من بعيد... يلا طلعو برا خلص البارت🌚🦦
52
يتبع...
1
رأيكم بالبارت؟ الي ماصوت وعلق على كل فقره خلي يرجع يصوت ويعلق يلا شمنتظرين🦦
6
احبكم♥️🦋
#سراج_الليل
#الكاتبه_روح_الدليمي
بارت جديد شوفوني تفاعلكم فراشاتي يلا احبكم♥️🦋
#سراج_الليل
#الكاتبه_روح_الدليمي
************
دك تلفوني باوعت نفس الرقم غريب
2
فتحت الخط وحطيت التلفون على اذني بدون مااحجي
اجاني صوته و هوَ يگول ..
4
_تفاصيلج ذوبتني اريد اضوگج تعبت اشوفج من بعيد
9
رجفت ايدي و وگع التلفون مني كومه اسئله اجت ببالي و اولهن
منو هذا الشخص و شيريد مني؟
3
شلت التلفون من الگاع و طلعت من الغرفه شفت سِراج ديطلع من المطبخ ترددت احجيله او لا
بعدين گلت لازم يعرف
صحتله من بعيد التفت عليه
8
ليل:تعال شوي
باوعلي ب استغراب و اجه يمشي ب اتجاهي و بيده كوب مال گهوه
صار يمي و گال ب تساؤل
3
سِراج:شبيج عُمري
2
ليل:اكو رقم بس يتصل عليه و كلش ديزعجني ممكن تغيرلي رقمي
5
رفع حاجبه و گال
سِراج:جاوبتي ؟
8
ليل:جاوبت حتى اعرف منو بس معرفته وسديته
2
سِراج:انطيني تلفونج اغيرلج كل شي بي وارجع الج
3
ليل:تمام
اخذ ايدي بيده وطلعنه سوه للحديقه كل الانظار صارت علينه وكلهم كالو بصوت واحد
2
_مساء الخير
سِراج:مساء النور
كعدنه سوه على المرجوحه ماكو غيرها مكان فارغ..
سِراج رأساً اندمج وياهم يحجون بموضوع مافهمت منه شي
بس كلمه فصل و فصليه ترددت هواي و كلشي مافهمت
3
صار صوت صياح براا وانفتحت الباب مال كراج ودخلو عمام سِراج و عوائلهم
وگفنه على حيلنه نباوعلهم
صاح داوود عم سِراج
3
داوود:جاايييين لهناااا حضروا اسلحتكم يولد
10
رحت يم مناير و حجيت بقلق
ليل:منو جاي لهنا شديصير فهميني
مناير:سعد متعارك ويه واحد و ميت واهله جايين يريدون سعد
9
لطمت على وجهي وكلت
+
ليل:راح تصير كاتل ومكتول
3
مناير:ادعي من ربج تعدي على خير لان حسب الي سمعته منهم الولد الميت ابن شيوخ معروفين بالبصره
وجاي لهنا بشغله و صار الي صار
اجو هنا يردون مساعده سِراج بس سِراج رافض يتدخل و كايللهم ابنكم ياخذ جزاته وينسجن
تستمر القصة أدناه
بعدنه دنحجي و صار صوت طلق قريب علينه كلنا صرنه نصيح عاط بينه سِراج
سِراج:فوتوااااا جووووه كلكم يلا بسرعهههه
3
الكل دخل الا اني بقيت واكفه خايفه على سِراج
انتبهلي واكفه عاط بيه
4
سِراج:فوتييي جوووه ركضضض
ليل:مافوت اذا ما أنتَ تفوت ويايه ماعوفك
سِراج:ليل بويه فوتي ليصير بيج شي
2
بقيت معنده ماقبل ادخل اجه عليه و جرني من ايدي حتى ندخل جوه
اندفر الباب الخارجي و دخلو مجموعه زلم ووياهم رجال جبير شايل مسدس بيده
2
انصدمت من الي شفته ممعقوله جدو شيسوي هنا!!؟
حجيت بصوت مسموع لسِراج..
6
ليل:هذا جدوو والله هوَ
11
اندار عليه يباوعلي مستغرب
بس ماحجه شي فتح باب البيت ودخلني جوه وسد الباب و طلع يمهم هوَ
رحت ركض لغرفتي صرت ادور بين اغراضي ماكو وين راحتتتت
گلبت الدنيا عليها واخيراً لگيتها
2
اخذتها وطلعت بسرعه من الغرفه رحت لخاله ام سِراج كلتلها
ليل:خااااله فدوه خلوني اطلع اريد احجي وياه
2
ام سِراج:وين تطلعين والدنيا مگلوبه كعدي وسكتي
ليل:والله هذا جدي خلي احجي وياه بلكي يهدأ الوضع
2
باوعتلي مصدومه و گالت
ام سِراج:شنو جدج أنتِ مو كلتي ماعندج تواصل وياهم ومتعرفيهم؟
ليل:ماعندي تواصل وياهم وماعرفهم بس هاي صورته هوَ و امي والله متأكده هوَ شوفييي شلون يشبهه شوفي
2
شوفتها الصوره البيدي اخذتها مني وتباوعلهت بتركيز رفعت راسها وباوعتلي وكالت
ام سِراج:والله هوَ
2
ليل:خلوني اطلع احجي وياه ماريد احد يتأذه مداتسمعين الصياح برا؟ اخاف يسوون شي لسِراج لو لهاشم
4
لزمتني من ايدي وراحت صارت تدك على الباب لان سِراج قفله
بقت تدك بقوه لحد ما انفتح الباب ودخل سِراج معصب
عاط بينه
سِراج:ماكليييين خ** براااا و أنتن خبصتنه ماريد اسمعلجن صوووت
2
ليل:سِراااج خلي اطلع برا اريد احجي وياااه
سِراج:اشدلي كرون و اكعد و انتِ تطلعين تحجين بمكاني؟
6
ليل:حشاك حَبيبي بس الله يخليك خلي احجي وياه والله متأكده هوَ جدي والله شوف الصوره هوَ نفسه
انطته خاله الصوره بقه يباوع عليها و عليه بعدين گال
سِراج:ترجعيها منين ماجبتيها وماريد اسمع صوت وحده بيكم راح ندخلهم للمضيف البرا حضروا چاي
6
انطاني الصوره و عافنه وطلع بدون ميحجي شي زايد..
انداريت على خاله و كلتلها
ليل:خايفه ليسوون شي حسب ما امي حاجيتلي عنهم
مو قليلين شر واذا احد يأذيهم ينهو
3
ام سِراج:من يومنه مشلوع گلبنه يا يمه مو اول مشكله تصير بسبب سعيدان وتاليها ولدي يوگعون بيها لان الافندي منهزم
4
ليل:شسوي گلبي راح يوگف من الخوف
2
ام سِراج:نصبر و نشوف شنو يقررون
2
رجعنا للصاله يمهم الكل متوترين و زاد توترنه بجي قمر اخترعت من الصوت ومداتسكت
رحت اخذتها من مناير وصعدنه لغرفتها بعيد عن هوستهم
2
بقيت افتر بيها بالغرفه لحد ما نامت
فرشتلها مناير بالگاع يم الجربايه خافت عليها لا هم يرجعون يضربون بل اسلحه وتجيها طلقه من الشباك
طفيت ضو الغرفه و فتحت البرده اباوع عليهم واكفين برا ويحجون ويه سِراج و واضح عليهم ديصيحون
اجت مناير وگفت يمي و صرنه نباوع عليهم سوه
ثنيناتنه عطنه لما واحد منهم سحب السلاح وحطه على راس سِراج
بدون اي تفكير نزلت اركض على الباب اريد اطلع ماكو مقفول
4
رحت للمطبخ وطلعت من الشباك طلعت الصوره من جوه ملابسي ورحت ركض يمهم صرت اصيح الكل انتبهلي و هذا الجان رافع السلاح على سِراج نزل سلاحه و صار يباوعلي مصدوم
4
اجه سِراج ب اتجاهي معصب سحبني من ايدي حتى يرجعني للبيت رفضت وحجيت بصوت عالي
ليل:وطباااان ويننن خلي يجي يحاجينيييي
سِراج:شطلعجججج أنننننتِ هاااا
صار يصيح عليه و اني واكفه كل همي سِراج ميتأذه مجنت اعرف بهل طريقه راح اخسره..
19
اجه الرجال الجبير و گال بصوت خشن
_انه وطبان يا هيَ أنتِ؟
3
ليل:اني بنت سولاف وحكيم
جرني من ايدي بقوه و عاط بيه
سِراج:اذا متفوتيييين جووووه ميصير خير
ليل:سِراج هذاااا جديييي و جاي هناااا يريد يكتل واحد بيكم مستحيل اخلي هل شي يصير ماريد تتأذه
حجه الرجال
_منين اجيتي و صرت جدج لا اعرفج و لا تعرفيني روحي لبيتج حجينه ويه الزلم مو ويه نسوان
ليل:انيي بنت سولاف حفيدتككك
تقدمت عليه و رفعتله الصوره و كتله
ليل:هاااي بنتك الي دمرت حياتي و ماسئلت عني و لا عن اختي
تقدم عليه سِراج وشالني كدامهم دخلني للبيت و بوجهه للغرفه
نزلني من حضنه و حطني على الجربايه اباوع عليه وجهه يريد ينفجر من العصبيه
حجه بصياح و هوَ ضاغط على زندي..
4
سِراج:شنووو معنى تصرفجج هذا خاتون؟
بقيت ساكته ماحجيت شي لان اعرف غلط هيج اسوي
بس ماردت احد بيهم يتأذه
زاد بضغطته على ايدي جبرني اعيط من الوجع
ليل:ااااه ايدي اذيتني!
سِراج:و وگفتج كدامهم بمنضرج هذا وضربج الكلامي بعرض الحايط اذاني اكثر من اذيتج هاي
ليل:ماريدكم تتأذون الله يخليك خليني احجي وياه بلكي يحن عليه و يسمع مني وتنتهي السالفه بشي بسيط
سمعت يردون وحده من البنات فصليه
5
سِراج:احنه الزلم نحلها نسوانه متدخل بسوالفنه خوش بويه
ليل:اذا تحبني ولو شوي خليني احجي وياه جدي هذا مو غريب
سِراج:سدي الموضوع وابقي كاعده هنا
ليل لتجبريني اقفل الباب عليج
نزلت دموعي و حجيت بغصه
ليل:بغلاتي عندك خلي احاجي ماصدكت لكيت احد من اهلي خلي بس احجي وياه
كعد يمي و لزم وجهي بيده وهمس
+
سِراج:وعد مني بس تنحل السالفه اخذج الهم و اخليج تحجين وياه بس هسه خليج بعيده سالفه جبيره و هذول عشاير ميتفاهمون بالقانون ابد
و بحكم اني هم ابن عشاير لازم اني اتعامل وياهم ب اسلوبهم
3
ليل:مو لازم سِراج الغلط مو غلطك غلط هذاك الگو** أنتَ متعرفهم اني امي و ابوي حاجيلي عنهم لهيج اريد احجي وياه بلكي يحن گلبه عليه و ميأذيك ماريد تتأذه
امووت اذا يصير بيك شي صدكني
باس شفايفي بهدوء و كام راح يم الباب وحجه
سِراج:لتدخلين بشي جبير وتاليها كلنا نخسر
عافني وطلع قفل الباب عليه
خلاني الوب بقيت افتر بالغرفه والف فكره اجت ببالي
مر كم يوم ونفس الهوسه والخبصه حتى سِراج مجنت اشوفه يجي ينام من اني نايمه ويطلع قبل لا اگعد
تستمر القصة أدناه
مر اسبوعين و اجه يوم الگعده مال فصل
الكل متوتر و كلهم حاطين ايدهم على گلوبهم خايفين لا ياخذون وحده من بناتهم..
من صار هل سالفه راهب عقد على سماره سيد و محكمه حتى يضمنها اله و انصدمت لما عرفتهم جانو على علاقه لان ابد ماحجتلي..
13
بقن بنات عمام سِراج نمارق و تنسيم و ضي والبقيه نسيت اسمائهم
صار الليل ومحد من الولد بين اعصابنه انتهت لحد ما دخلو للبيت و وجوهم متتفسر وهالشي زاد خوفنه وقلقنه..
ام سِراج:بشرووا شصار گلوبنه وگعت
هاشم:مرت سِراج لاصتها علينه
6
كل الانظار توجهت عليه باوعت ب استغراب وحجيت
ليل:بسببي؟ شسويت؟
حجه سِراج بعصبيه و وجهه محتقن..
سِراج:يااااا ياخذووووج منيييي يااا ياخذون وحده من البنات فصليه
10
تقرب عليه و صار يحجي بصياح بدون ميهتم لاحد
سِراج:كتلججج لتحجين شييييي لتدخليييين بس اااااخ منججج
صفگ ايد ب ايد واردف
سِراج:اخذوا من عدنه بل ٢٠٠ مليون فصل و هسه جايين يردون بتهم
حجيت بخوف
ليل:بس اني حجيت حتى اساع..
قاطعني بصياح
سِراج:خوووش ساعدتيني
سويتي العكس أنتِ ساعديتهم على كسرتي ...
2
مشه من يمي ضرب جفته بجتفي و تعداني و راح للغرفه
بقيت اباوع عليهم وعلى باب الغرفه
ماعرف شنو حجوا عفتهم ورحت وراه
فتحت باب الغرفه لكيته كاعد على القنفه وبيده جكاره و صافن..
رحت كعدت يمه و لزمت ايده رأساً سحبها مني بقوه
باوعتله وحجيت والغصه واضحه بصوتي
ليل:ماااسمحلهم ياخذون اي وحده من البنات فصليه
2
باوعلي وعيونه تطلع شرار من كد ما محتقن ومعصب
نزلت عيني عنه واردفت
ليل:اني موافقه اروح وياهم
14
باوعلي بصدمه على عصبيه على زعل ماعرفت ابد افسر نضرته شنو؟
گال بعدم تصديق..
سِراج:تتشاقين صح؟
ليل:لا گتلك اني موافقه اروح وياهم
اذا جانت روحتي راح تنهي هل حرب الي صارت
دفر الطلبه الكدامه برجله وصاح
سِراج:أنتِ سامعهههه نفسججج شدتحجين؟
3
ليل:صار اسبوعين الكل خايف ليصير بيكم شي
ونسوان عمامك خايفات على بناتهن لا وحده منهن تروح فصليه..
سِراج:شحدهممم ياخذون وحده من بناتنه فصليه عندي استعداد اخليهم يهدرون دميييي اني وماخلي وحده منهن تروح وياهم
ليل:كل عقلكككك بعد حجيك هذا اثبتتلي انو روحتي وياهم هيَ الحل الوحيد
عفته و گمت طلعت من الغرفه شفت ابو سعد واكف وعم سِراج الثاني
وخواله هم موجدين و هاشم
رحت يمهم و حجيت واني حابسه دموعي
ليل:خابروهم يجون اني موافقه اروح وياهم
هاشم:أنتِ تخبلتي صح؟
ليل:لا خويه ماتخبلت بالعكس صاحيه وبكامل قواي العقليه
خابروهم اني موافقه اروح وياهم
ابو سعد رأساً ابتعد عنهم و طلع تلفونه و خابر على ماعرف منو الكل صار يحجي عليه ومحد انتبه لداوود من خابر بالتلفون
2
اجه سِراج سحبني من ايدي و گال بحد
سِراج:لتدخلين نفسج صار كم مره اگلج لتخليني امد ايدي عليج
ليل:تريد تضربني؟ يلا تعال شتنتظر يلا
لو تموتني هسه هنا مراح اتراجع عن قراري
ماعندي استعداد اخسرك سِراج افهم..
1
سِراج:يعني هيج مراح تخسريني! أنتِ عندج عقل
ليل:كم يوم بس ويهدئ الوضع وارجع بس اذا أنتَ او هاشم او اي واحد من الولد ماتو مراح نكدر نرجعكم
اذا وحده من البنات راحت فصليه مراح نكدر نرجعها
بس اني ارجع صدكني كم يوم بس و ارجع
سِراج:ميرجعوججج كل عقلج؟
ليل:مرتك اني وغصب عنهم يرجعوني الك
ابو سعد:ابني سِراج مرتك حجيها صحيح خلي تروح وياهم بعدين همَّ طلعو جدادها و اكيد ميأذوها خليها تروح وياهم لحد ما يهدئ الوضع ونرجعها الك احسن من ما تصير دم وفصليات ونبقه هيج لحد مانخلص كلنا
2
الكل صار يحجي وايدوا روحتي وياهم الا اهل سِراج و سِراج مجانو رايديني اروح
وره شوي دك تلفون داوود جاوبهم و گال
ابو سعد:هاهيه نهايه الاسبوع تجون وتاخذوها
1
سد التلفون و باوع علينه وكال
ابو سعد:نهايه الاسبوع يجون ياخذوج حضري روحج
11
عفتهم و رحت للغرفه گلبي نغزني حسيت نفسي انگطع
بقيت افرك بمكان گلبي بشكل دائري و احاول اخذ نفس
دخل سِراج للغرفه شافني هيج اجه يمي بسرعه وحجه بخوف
سِراج:حَبيبتي شبيج
اشرتله ماكدر اخذ نفس
شالني وطلع من الغرفه بسرعه
شافنه هاشم طلع قبل سِراج شغل السياره
حطني وره وصعد يمي
حسيت روحي راح تطلع اريد اسحب نفس ماكدر
بقه يفرك بمكان گلبي ويصيح على هاشم حتى يستعجل
شوي شوي حسيت الدنيا افترت بيه و بعدها ماحسيت على شي
ماعرف شكد طولت بس حسيت على نفسي بالغرفه و سِراج يمي
حجيت بصوت تعبان
1
ليل:حَبيبي
رفع راسه و باوعلي بتعب و گال
سِراج:عُمري
ليل:تعبانه كلش
سِراج:ماكو شي بويه تعب بسيط هسه ترتاحين شىي و نرجع للبيت
ليل:اسفه حَبيبي اعرف ضوجتك و هواي هم بس صدكني علمودكم
1
سِراج:كافي لتحجين شي ارتاحي
رفع عينه على المغذي و كام گال
سِراج:اصيحهم يشيلوا حتى نرجع للبيت
طلع من الغرفه شوي ورجع هوَ والممرضه شالتلي الكانونه و گالت
_تكدرون تطلعون عندج العافيه
ليل:الله يعافيج
ساعدني اكوم من مكاني ولزم ايدي سندني امشي راسي مسطور
رجعنه للبيت دخلني للغرفه هوَ شايلني حطني على الفراش راد يطلع لزمت ايده و گلت
ليل:اريد انام بحضنك
1
بدون ميحجي شي اجه تمدد يمي و سحبني لحضنه
و نمت بدون مااحجي شي و لا هوَ حجه..
مر كم يوم و هوَ ميحجي وياي متجاهلني نضراته الي كلهن عتب
اجه اليوم الي اتفقوا عليه حتى ياخذوني وياهم
كاعدين بالاستقبال واحنه بالصاله
+
واكفه يم الباب اسمع حجيهم اريد اسمع صوته صار فتره ميقبل يحاجيني زعلان مني
لان وافقت اروح وياهم
_بنتنه ترجع ويانه و هذا اخر كلام
2
طارق:هسه يلا عرفتوا بنتكم؟ لو حتى تردوها النه لان ماقبلنه ننطيكم فصليه!
_الي عدنا حجيناه صيحوها خلي تلم غراضها ورانه طريق
سِراج:مرتيييي متطلع من البيت شتريد تسوون سوو
تستمر القصة أدناه
حجه الرجال بصياح
_وحده من الثنين لو تنطونه وحده من بناتكم فصليه لو تطلگ بنتنه و ترجع ويانه
سِراج:ردتوا فلوس فصل وانطيناكم ماعدكم يمنه شي بعد
انفتح الباب صار بوجهي بدون ميباوعلي تعداني و مشه
صحت عليه وكف بدون ميلتفت
ليل:اذا جانت روحتي تنهي السالفه
ف اني موافقه اروح وياهم لتخلي السالفه تكبر اكثر
سِراج:تعالي ورايه
راح لغرفتنه رحت وراه اول مادخلت للغرفه دفعني على الجربايه.. قفل باب الغرفه و اجه يمي نضراته الي ماعرفت افسرهن ابد
صار فوگايه و گال
سِراج:متطلعين منا اذا ما اتمم زواجنه
10
همست بهدوء
ليل:و اني كُلي الك...
مثل الجان منتظر مني هل كلام
بلش يعزف انغام حبه على شكل بوسات هادئه تتوزع على انحاء جسمي
اخذني بكل حب وحنيه سمعني احلى كلمات الغزل
حسيت نفسي طايره بالسماء
نسيت كلشي نسيت الهوسه البرا
تذكرته هوَ و بس..
شعور ممزوج بين الخجل و التوتر و الحب
و الم.. ابتعد عني و نام على ضهره سحبني لحضنه و باس راسي و گال..
سِراج:مبروك حَبيبتي
13
ابتسمت بوجهه و بسته من حنچه
ردت اكوم لزمني من ايدي و گال
سِراج:وين؟
ليل:اسبح و الم اغراضي
+
سِراج:متروحين كل عقلج اخليج تروحين وياهم؟
ليل:حَبيبي اعتبرني رايحه زياره لاهلي، خلي اروح لحد ما يهدئ الوضع وارجعلك روحي أنتَ
سِراج:ما اتحمل تبعدين عني.. من اروح للواجب بالگوه اتحمل
ليل:أنتَ اصلاً يومين و راح تروح مراح تحس بغيابي بس خلي ننهي هل حرب الصارت
شنو ذنب البنات اذا وحده منهن راحت فصليه شنو راح يكون مصيرها؟ لو اذا كتلوا لسعد شنو مصير مرته و جهاله؟ مو خطيه
سِراج:ممجبورين نتحمل اغلاط غيرنه
ليل:مدام احنه عائله وحده واجب علينه نتحمل
لازم نقدم تنازلات حتى يتحسن كلشي
سِراج:متأكده من روحتج؟
ليل:اي حَبيبي اروح وياهم فتره و ارجع متأكده أنتَ متعوفني و حتاخذني منهم
3
تستمر القصة أدناه
هز راسه معاجبه ابتسمتله وبسته من راسه و گمت للحمام
سبحت وطلعت دخل سِراج يسبح وكعدت حضرت ملابسي بالجنطه
وراها كمت بدلت ملابسي لبست بنطلون اسود و قميص اسود رفعت شعري كعكه
وكعدت انتظر سِراج يخلص
اندكت الباب كمت فتحتها صارت بوجهي سماره
سماره:ينتظروج حتى تروحون
ليل:اي بس خلي سِراج يخلص ديسبح
طلعت من جوه ملابسها تلفون و اخذت ايدي حطتها بيها و گالت
سماره:سمعت ثنين من ولدهم ديحجون كالو حتى تلفونها ناخذه منها و منخليها تتواصل وياهم
ف رأساً وصيت راهب راح جابلج هذا التلفون و خط وعباه رصيد و فعلج الواتس خلي صامت وضمي جوه ملابسج لتخليهم ياخذو منج
7
ليل:صدك تحجين؟!
سماره:والله سمعتهم ب اذني ليل لتروحين راح تتعذبين صدكيني
ليل:اروح اتعذب اني احسن من ما نخسر واحد من الولد
9
سماره:خليت رقمي و رقم سِراج و راهب اي شي يصير خابرينه
انفتح باب الحمام هيَ راحت سديت الباب وراها
طلع سِراج ينشف بشعره
فتح الكنتور بدل ملابسه و وگف يم المرايه يعدل شعره
خلص اجه يمي اخذني بحضنه و هوَ يستنشق عطري و يطبع بوسات حاره على رگبتي
حسيت شي حار نزل على رگبتي بعدته عني
دمعته نازله مسحتها بيدي و بسته من خده..
و حجيت بهدوء و حب
4
ليل:حَبيبي اروح فدوه لدمعتك لتخليني ابجي هسه وياك
سِراج:راح نرجع لنقطه الصفر و ترجعين تبعدين عني
ليل:اني هنا و هنا
حجيت و اني ااشر على گلبه وعقله
اخذ ايدي باسها و رجع حضني بقوه حسيت ضلوعي تكسرن
ابتعد عني و راح للكنتور فتح الخزنه انتبهت حاط تاريخ زواجنه
طلع منها فلوس وقفلها و صار يحسب بالفلوس
اجه انطاني ياهم و گال
سِراج:خليهن يمج اي شي تحتاجي كوليلي
ليل:لتخليني هناك هواي اخذني ب اسرع وقت
سِراج:ماصبر عنج هواي جاي وياج بلكي نلگه حل لهل سالفه
فتحت الجنطه وخليت بيها الفلوس
والتلفون الجابته الي سماره حطيته جوه ملابسي حتى محد يشوفه
اخذ الجنطه و فتح باب الغرفه و طلع
شفت التيشيرت مالته الجان لابسه اخذته و حطيته بالجنطه مالتي و طلعت من الغرفه
سلمت على الكل و اني اتظاهر القوه عكس داخلي
خوف و قلق من الجاي..
طلعنه اني و سِراج حط جنطتي بسيارته و اشرلي اصعد
واحد منهم گال
_تعاي صعدي هنا
سِراج:بويه صعدي بالسياره وقفليها
6
صعدت بالسياره مال سِراج وقفلتها عليه متجاهله كلام هذاك الرجال
اباوع عليهم ديحجون و مبين عليهم العصبيه شوي و اجه سِراج صعد بالسياره و همَّ كلهم توزعوا على السيارات و طلعوا كدامنه
التفت على سِراج و كتله
ليل:ليش ما منعتهم من الي ديسوو أنتَ مو نقيب؟
سِراج:من الشغله عشائريه مندخل القانون بيها
7
ليل:بس هذا غلط
سِراج:أنتِ تعرفين شي واني اعرف شي
لتدخلين و تعبين نفسج عليج بالصافي
مد ايده على المسجل شغله و ربط تلفونه و طلع الاغنيه الي خلاني احبها بسببه
"يا ام العيون السود"
صار يدندن وياها و لازم ايدي
كل شوي يرفعها و يبوسها و يجر حسره
چان يسوق على كيفه و همَّ طايرين حتى ماشفت سياراتهم بالطريق
بس سياره وحده تمشي ورانه
بعد مده لا تقل عن ال ٦ ساعات وصلنه للبصره..
السياره الجانت ورانه صارت گدامنه
ايدي صارت ترجف من التوتر و الخوف
خايفه من الي راح يصير
وصلنا لمكان مثل البستان كلها خضار و زرع
المكان يفتح النفس من جماله
انفتحت بوابه جبيره و دخلنه لداخل البستان
مشينه مسافه و صار كدامنه بيت جبير
لا مو بيت قصر، المكان يأسر النظر من كبره و جماله
الكل واصلين قبلنه و واكفين منتظرينه و الاسلحه بيدهم
حسيتهم عصابه
نزل سِراج من السياره و اجه فتحلي الباب
نزلت و لزمته من ايده بقوه ماريد يعوفني
بس اني الاختاريت هالشي ولازم اتحمل
+
اجه جدي صار كدامنه و گال
وطبان:السيد جوه ينتظركم
سِراج:السيد ليش؟
وطبان:تطلگها.. يلا طلعو برا خلص البارت🌚🦦
76
يتبع...
☆ *يـــــــــ͢ـོ͓ـــتبــــــــــــــོـ͓ـــ͢ــ؏* ☆
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
[٢٤/٢، ٦:٥٧ م] null: *؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم سراج الليل`* 🧑🏻👱🏻♀️
*❴🔢❵الـــبـــــــــــ❴1️⃣1️⃣+2️⃣1️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
نزل سِراج من السياره و اجه فتحلي الباب
نزلت و لزمته من ايده بقوه ماريد يعوفني
بس اني الاختاريت هالشي ولازم اتحمل
4
اجه جدي صار كدامنه و گال
وطبان:السيد جوه ينتظركم
سِراج:السيد ليش؟
وطبان:تطلگها
9
ضحك سِراج بسخريه و گال
سِراج:حجي أنتَ واضح عليك مخرف روح و صيحلي واحد ثاني احجي وياه
12
وطبان:بنتنه متبقى على ذمتك تطلگها و وجهك منريد نشوفه بعد
10
باوعت لسِراج و حجيت بخوف
ليل:ماريد ابقه هنا رجعني وياك
11
وطبان:بنتته متبقى يم الي كتلو ابن خالها
6
سِراج:شوكت صارت بنتكم؟ تعرفون اسمها؟ لو شكد عمرها؟ لو وين عاشت و شنو صار بيها؟
صاروا يحجون بصياح اجه واحد من الولد وسحبني من يم سِراج بقوه حسيت ايدي انخلعت
هجم عليه سِراج ضربه بوكس هذاك وگع بالگاع
لزم ايدي سِراج و راد يصعدني بالسياره
9
حسيت على شي انحط على راسي التفت شفت واحد منهم واكف يمي و حاط المسدس براسي
باوع لسِراج و گال
8
_اذا تريدها تموت اخذها وياك
سِراج:نزل سلاحك لا احطه ب****
17
_امشي كدامي فوتي جوه يلا
سِراج:تسويها خاوه يعني؟
نزل المسدس ضرب طلقه بالگاع شهگت و طفرت من مكاني حضنت سِراج بقوه احتمي بي
شو هذا حط السلاح براس سِراج و باوعلي و گال بمكر..
_اختاري تجين وياي للبيت و سِراج يعيش لو يموت سِراج؟
11
سِراج:حَبيبتي صعدي السياره
بقيت اباوع لسِراج بخوف
وخرت من يم سِراج و مشيت ب اتجاه البيت بعد ما سحب اقسام و راد يضربه
1
وكفت اباوعله من بعيد و هوَ يباوعلي حجيت للولد الي واكف
ليل:بس اريد اودعه ميصير هيج
اجاني صوت جدو من وراي و هوَ يكول
وطبان:لج خمس دقايق مو اكثر السيد ينتظركم
13
تستمر القصة أدناه
گال هيج و اني رگضت لسِراج حضنته بقوه و صرت اشهك بالبجي بادلني الحضن و صار يمشط شعري بيده و يحجي بهدوء
سِراج:تحملي فتره كم يوم بس و اجيج اخذج منهم
ليل:سِراج سماره سمعتهم حتى تلفوني يردون ياخذو مني حتى ما اتواصل وياكم بعد
12
بعدني عنه و گال بتفاجئ
سِراج:و هسه يلاااا تحجين؟!!!
ليل:اذا گتلك مراح تخليني اجي وياهم اني ردت الجيه لهنا حتى احميكم منهم اريد انهي الحرب الصارت بينكم
سِراج:بسبب تصرفاتج راح نخسر كلنا ليش هيج ليل
9
ليل:ما اتحمل اخسرك، راح اعتبر نفسي جايه زياره لاهلي و أنتَ هم احسبني جايه زياره
سِراج:لو ما اخاف عليج يأذوج صدكيني اتصرف وياهم بغير طريقه
وطبان:تعايييي هييين يلا
8
حضنته قوي وبسته من رگبته و من وجهه و همستله
8
ليل:اركب سيارتك و روح اني راح اكون بخير لتخاف عليه
سِراج:اي شي يصير وياج خابريني
غمضت عيوني و هزيتله راسي ب "اي" عفته و مشيت كل شوي اندار اباوعله واكف يباوعلي
وصلت يم وطبان لزمني من ايدي و صار يسحب بيه
لحد ما دخلت للبيت واختفت صورته من كدامي..
7
اول ما دخلنه دفعني و وگعت بالگاع باوعلي و عاط بيه
6
وطبان:اسمعيني عدل اذا اسمع او اشوفج تحجين وياهم بعد لسانج اگصهههه فاهمههه لو لا
10
ليل:مو من حقك تمنعني منهم رجلي و اهله همَّ عائلتي الوحيده ما اسمحلك تحرمني منهم
8
وطبان:الي عندي گلته و هسه كومي كدامي السيد ينتظرج حتى يطلگج منه غيابي
ليل:تحلمممم خووش؟
7
گمت من مكاني اجاني واحد سحبني من ايدي و دخلني للاستقبال يم السيد و كاله
_سيد هاي بنت عمتي رجلها هاجرها و نريد تطلك غيابي لان ميقبل يطلگها
حجيت بصياح
ليل:ماريد اتطلكككك رجلي احبه و يحبني ليش هيج تسوون
13
السيد:بنتي زوجج هاجرج فعلاً ؟
مسحت دموعي و حجيت بثقه
ليل:لا همَّ ديسوون هيج حتى يطلگوني منه غصب
1
السيد صار يحجي على الولد الواكف يمي و انطاه محاظره شطولها و رفض رفض قاطع انو يخطي هيج خطوه ويطلكني من سِراج
14
تستمر القصة أدناه
اترخص منهم و راح..
4
اول ما طلع السيد هجم عليه و صار يضرب بيه جنزني من الضرب
ماعندي اي طاقه ادافع عن نفسي
23
انتهيت جوه ايده.. حسسوني اني الي كاتله ابنهم
سحلني من شعري و دخلني بغرفه و قفل الباب
بقيت نايمه بمكاني بالگاع
دموعي مثل الشلال تنزل على خدودي
وين جنت و وين صرت؟
6
اني الي وصلت نفسي لهل حاله
هذا قراري ولازم اتحمل
مر الوقت ببطئ حسيت الدنيا وگفت و الوقت بعد ميمشي
الغرفه صارت ظلمه مابيها غير ضوه خفيف جاي من الشباك
انفتحت الباب و دخلت وحده بيدها صينيه
فتحت الضوه و سدت الباب
حطت الصينيه على الطبله و تقربت مني
حجت ب هجس..
_كومي حَبيبتي اكلي جبتلج اكل حتى نتعشى سوه اني وياج
7
جاوبتها بكلل والحروف بالگوه تطلع مني..
ليل:اريد تلفوني اخابر سِراج
_يا روحها لخالتج أنتِ صدكيني ماكدر اجيبه اذا يعرفون يذبحونه ثنيناتنه والله
7
ليل:شگد راح ابقى هنا؟
_ب اقرب وقت يجي رجلج وياخذج
4
مدت ايدها ساعدتني اكوم كل جسمي يون عليه من الالم
كعدتني على الجربايه و جابت الصينيه حطتها يمي
باوعتلي مبتسمه و گالت
_يلا اكلي اني ميته من الجوع ما اكلت گلت اكل ويه بنت اختي
7
ليل:شنو اسمج
اساور و أنتِ ليل صح
ليل:اي
حسيت ب اتهزاز جوه ملابسي تذكرت التلفون الي انطتنياه سماره
توترت كلش كمت من مكاني و كلتلها
ليل:بس اريد اغسل وين الحمام؟
اساور:هذا الحمام
اشرتلي على باب يم الكنتور
رحت بسرعه دخلت و قفلت الباب
مديت ايدي طلعت التلفون لكيت سماره دتتصل
رفضتها و كتبتلها على الواتس
ليل:ماكدر احجي
سماره:شلونج طمنيني عنج خوما اذوج بشي؟
ليل:لا ماسوولي شي بس اخذوا تلفوني حتى ماحجي وياكم سِراج شلونه؟
تستمر القصة أدناه
سماره:بعده مارجع يمكم بالبصره
ليل:اني بخير ليظل بالكم على مجالي من اكون وحدي احاجيج هسه لازم اروح
سماره:انتبهي على نفسج
3
طلعت من المحادثه وشلت الاهتزاز بس بقيته صامت
رجعت ضميته جوه ملابسي
و غسلت وجهي و طلعت لكيتها كاعده منتظرتني
بس شافتني ابتسمت رديتلها الابتسامه
رحت كعدت يمها على الجربايه باوعتلي و گالت
اساور:هذا بسام الگ*** هوَ الي ضربج مو؟
ليل:كلهم گو*** ياهو بيهم؟
16
ضحكت و گالت
اساور:تشبهين امج كلش
ليل:لتشبهيني بيهااا ولتجيبين سيرتها كدامي
باوعتلي مستغربه و گالت
اساور:ليش؟
ليل:هيَ السبب بموت اختي باعتها لعصابه ماعرف شنو و ماتت على ايدهم
6
شهگت و لطمت على صدرها و وسعت عيونها من الصدمه
ليل:ااااه لتذكريني منضرها ميروح من بالي
اساور:خلص سدي الموضوع گلبي كام يوجعني ياربي دخيلك
ذبيت حسره جبيره احس اكو شي خانگني اكو غصه بداخلي متطلع..
سوتلي لفه ومدتها الي و گالت بترجي
اساور:هاج اكلي والله مو زين عليج
ليل:ماريد ما اشتهي
اساور:اذا تاكلين انطيج تلفوني تخابرين رجلج
باوعتلها و انرسمت على وجهي ملامح البهجه و السرور
و حجيت..
7
ليل:صدك والله؟
اساور:اي والله بس اكلي و اخليج تحجين وياه وعد مني
ابتسمتلها و اخذت اللفه من ايدها و صرت اكل على كيفي
ماعرف اكل سريع..
كملت اللفه الي بيدي شربت مي و كلتلها
2
ليل:يلا اكلت خلي اخابره
اساور:عرفت نقطه ضعفج بعد شيخلصج مني
ضحكت و طلعتلي تلفونها اخذته منها و دخلت رقم سِراج و اتصلت عليه
بقه يدك ويفصل وارجع اتصل لحد ما جاوبني
سِراج:الو
ليل:حَبيبي
سِراج:ليل؟؟؟
تستمر القصة أدناه
ليل:ليش عندك غيري تگول حَبيبي؟
سِراج:شعندي غيرج بويه بس هذا رقم منو و ليش مو من تلفونج
ليل:رقم خالتي اساور لان تلفوني اخذو مني
سِراج:اذوج؟
ليل:لا كلشي ماسوولي بالعكس بس اخذوا التلفون مني
سِراج:ليش تكذبين عليه
ليل:ممكذبه عُمري
8
سِراج:اصدكج يعني
ليل:ايي طبعاً تصدكني ماسوولي شي ليظل بالك اصلاً كلش فرحانين بيه
سويت حركه بيدي لاساور مستهزئه بالحجي الي دااحجي
ليل:وين أنتَ
سِراج:كدام البيت واكف
ليل:بيت وطبان؟
6
سِراج:وطبت و عطبت روحه ان شاء الله اي كدام بيتهم
24
ليل:احبك هواي
سِراج:شوفيلج طريقه طلعي بيها اريد اشوفج
ليل:ماكدر كدام البيت هواي حرس اكو
سِراج:اريد اشوفج و اتأكد أنتِ بخير
ليل:صدگني بخير اني ليظل بالك و هسه روح شوفلك فندق نام و ارتاح حتى ترجع باجر وراك شغل أنتَ
سِراج:وين يجيني النوم و أنتِ مو يمي
ليل:لتسوي هيج لتقهرني اكثر روح ارتاح
6
سِراج:وجودج يمي هوَ راحتي
ليل:فتره و ارجع يمك گتلك نعتبرها زياره لاهلي
سِراج:نشوف تاليها شنو
سمعنه صوت قريب على الباب همستله
ليل:حَبيبي صار لازم اسده بعدين اخابرك اني احبك
سِراج:طمنيني عنج
ليل:ان شاء الله
سديت التلفون و انطيته لاساور
حفظت رقم سِراج عدها و ضمت تلفونها و رجعنه نسولف طبيعي
انفتحت الباب و دخل نفس الولد الضربني باوعلنه بشك و گال
بسام:شجنتو تسوون؟
اساور:نتعشى شنسوي يعني؟
بسام:هيي أنتِ جدي يريدج
12
ليل:اولاً الي اسم ثانياً شيريد مني!؟
تستمر القصة أدناه
بسام:كومي بدون اسئله زايده
ليل:ما اشتغل عند الخلفك احجي عدل
7
تقدم عليه حتى يضربني لزمت ايده حتى امنعه يضرب وعطت بي
ليل:تحترم نفسك لا والله اشوفك شي بعمرك و حياتك مشايفه مناقصني بس الذكور يمدون ايدهم عليه
10
بسام:شو أنتِ ادبسز
6
سحبني من شعري بقوه و گومني ماعرفت شسوي و مااجه ببالي شي غير انو اضربه على منطقته الحساسه
17
دفرته برجلي عافني و صار يلوب بمكانه
و يسب و يغلط عليه
طكيتها ركضه لبرا الغرفه
7
انعل يومه خاف ضربني اول مره و سكتتله
هسه اطيح حظ حظه
4
طلع من الغرفه معصب و يصيح
بسام:لج گ** تضربيني مو اني اعلمج اشوفج الذكور شنو تسوي
7
ليل:ديلا عيني لا تتعنتر عليه ترا كلك خلگ حشره ادوسها برجلي و امشي
13
اجانه صوت جدو يصيح التفت عليه شفتهم كاعدين يتعشون بعدهم
وطبان:شهل صياااح هذااا خاتون؟
5
ليل:گول لحفيدك ليستعرض عضلاته عليه
والله لو يدري سِراج انو هالحشره هذا مد ايده عليه كلكم شلع قلع تصيرون بالسجن
7
وطبان:شو تهددين أنتِ
4
ليل:طبعاً اهدد الي ميحترمني بهل بيت حسابه راح يكون عسير اجيت وياكم حتى لتبقى الحرب بينكم وتصير بحر من دم
2
جنت واكفه قريب يمهم صرت اباوع على السفره شفت سجينه جبيره محطوطه دنگت عليها بسرعه و اخذتها
و رفعتها ب اتجاههم و گلت بتهديد
11
ليل:الي يتقرب مني خطوه وحده بس احط السجينه بگلبه واموته بگاعه حقه سِراج من مارادني اجي لان يعرف الكل هنا مو رياجيل و لا كد المسؤوليه كلكم ذكور من الجد و انتو نازلين
21
هجم عليه بسام راد يضربني ضربته بالسجينه على ايده بقوه و على اثر الضربه انجرحت ايده
ماعرف منين اجتني القوه حتى اوگف بوجهم يمكن لان عرفت سِراج برا واكف
20
كلهم بقو صافنين عليه محد بيهم فتح حلگه بحرف
رحت تربعت و گعدت يمهم على السفره و صرت اكل برغم ما مشتهيه بس هيج حتى اثبتلهم انو مخايفه منهم ولا مهتمه
13
باوعت لجدو واكف ويباوعلي حطيت لگمه بحلگي و حجيت
ليل:جدو تعال تعشى شلوون كباب يفوتك تعال لتستحي مني اني بتكم
23
تستمر القصة أدناه
وطبان:حتى تصرفاتج مثل امج
ليل:اايييععع جدو مو داتعشى و متونسه بالاكل ليش تسد نفسي رحمه لدينك
17
وطبان:اكلي خلي نشوف تاليتها وياج
1
رجعو كعدوا كل واحد بمكانه و على حظي بسام كعد گبالي سويت نفسي ممهتمه
اجت اساور كعدت يمي
كملنه اكل بدون حجي و راها گامو الرياجيل و البنات يلمون السفره
كمت وياهم اساعدهم ردت اتقرب من البنات و اتعرف عليهم اكثر
شلنه كل المواعين و حده منهم صاحت
_لججج زهييررره وين رحتي تعاي اخذي المكنسه و الوصله مسحي الگاااع
1
ليل:جيبي اني اغسل المواعين و أنتِ سوي غير شي
_لا حياتي كعدي أنتِ خطار
+
ليل:خطار و هجم عليه هذا الهمجي ضربني وخري وخري
وخرتها من يم المغسله واخذت السفنجه مال مواعين
و صرت اغسل و هيَ راحت تسوي الصاله بدل زهراء
اجت وحده وگفت يمي تساعدني و نحجي اني وياها بعدين گالت
_صدك ماعرفتج عليه
ليل:ماعرف اي احد بيكم
_اني اسمي مها اخته لبسام بنت خالج صلاح
5
ليل:بربج ممبين عليج اخته كلش محبوبه عكس اخوج مينجرع
ضحكت و گالت
مها:اني اخته مجارعته بس تتعودين عليه عادي
ليل:مينبلع والله حاولت ابلعه ويه المي والببسي حتى سڤن شربت وما بلعته واگفلي مثل العظم بالبلعوم
12
مها:خلي نخلص بسرعه حتى نروح فوك اعرفج على البقيه
ليل:انتو كلكم عايشين هنا؟
مها:ابويه و عمامي كلنه هنا و عمه اساور اما عماتي البقيه متوزعات على المحافظات
ليل:كم عم عندج؟
مها:ويه ابويه صلاح يصيرون ٤ حسين، سرمد، نهاد
و عماتي هم ٤ عمه سولاف امج و اساور ونهى و حرير
1
ليل:هواي شعدهم مخلفين هلگد
2
مها:همَّ العشائر هيج يخلفون هواي و اكثرهم شي ولد
ليل:منا لسنه يلا احفظكم كلكم زين هاي الي جانت تغسل مواعين منو و شنو اسمها
2
تستمر القصة أدناه
مها:هاي بنت عمه اساور اسمها سهى
4
ليل:شعجب بس خاله اساور هنا عايشه
مها:تزوجت بعمر كلش صغير چان عمرها ١٤ سنه و زوجوها و رأساً حبلت من چان عمر سهى سنه ابوها انقتل ف رجعت هنا
7
ليل:ياا خطيه
بقينه نسولف و نشتغل خلصنا المطبخ كله و طلعنا ماكو احد بالبيت باوعتلها و گلت
ليل:وينهم
مها:وره العشه كلهم يطلعون برا بالحديقه والبنات يصعدون للصاله الفوك يتفرجون افلام لو مسلسلات
بقيت ساكته محجيت مشت هيَ و اني مشيت وراها صعدنه للطابق الفوك مسوين گعده عربيه كلش حلوه
كلهن كاعدات ويتفرجن على التلفزيون و على الطبله بالنص اكو صينيه بيها ترمز و استكانات و يمها صحون صغار بيهن مكسرات
4
رحنا كعدنه يمهم طفو التلفزيون و صارو يحجون
و حده منهم گالت
_بنات يلا كل وحده تحجي و تعرف عن نفسها
واني راح ابلش
ليل:عرفوني يلا
_اي حبيبه اني اسمي صبا بنت نهاد و هاي اختي ريا
عندي ٣ اخوان سعود و حاتم و عدي
وحده وره اللخ صارو يعرفوني على نفسهم
كعدتهم كلش حلوه متنمل ابد ابد
سمعنه صوت واحد يصعد على الدرج
سكتنه و انظارنه توجهت على الدرج ننتظر حتى نشوف منو
صار بسام بوجهي خزرني و باوع على مها كللها
بسام:حضريلي الحمام اريد اسبح
مها:اي حاضر ثواني بس
ليل:اجي وياج هم اشوف باقي البيت
مها:يلا تعاي
كمنه سوه اني وياها دخلت لغرفه اخوها فتحت كنتوره طلعتله ملابس و منشفه والشامبو مالته والعطر
طلعت من غرفه طلعت وراها حطتله ملابسه بالحمام وكالت
مها:يلا حبي اشوفج باقي البيت
ليل:اي بس استخدم الحمام واجيج
5
مها:تمام
طلعت من الحمام سديت الباب و قفلته و صرت ادور على مزيل مال شعر واخيراً لكيته بالدولاب مال مرايه
فتحت علبه الشامبو وفرغت نصها وفرغت بيها المزيل
47
نضفت اثار الجريمه
غسلت ايدي وطلعت و لا كأن مسويه شي
شفت مها واكفتلي ابتسمتلها و گلت
تستمر القصة أدناه
ليل:منين نبلش؟
مها:من الغرف الي هنا و ننزل جوه
شوفتني الغرف كلهن كومه غرف اكو و لكل ثنين غرفه
من الولد والبنات
ما شاء الله اذا همَّ فيلق هواي طبعاً غرفهم تكون هواي
نزلنا للطابق الجوه چانت غرفه جدو اول غرفه من ننزل من الدرج دخلت الها
حلوه ومرتبه عكسه هوَ لا حلو و لا مرتب ايع
8
دخلنه لغرف خوالي هم ٦ غرف جوه من ضمنهم غرفه خاله اساور كلهن حلوات
خلصنه من الغرفه و دخلنه للاستقبال اول ما اجيت ما انتبهتله هم كلش حلو و كبير
والمطبخ والصاله اصلاً شفتهن
دنريد نرجع نصعد و سمعنه صوت صياح بسام
حاولت اكتم ضحكتي وصعدنه بسرعه فوك شفناه واكف و خصل من شعره بيده
17
حطيت ايدي على حلگي امنع ضحكتي حتى لا انفضح
بس شافنه عاط بمها
بسام:منوووو حااااط مزيل بالشامبو مالتي؟؟؟
12
مها:محد والله اصلاً أنتَ متقبل احد يلزم اغراضك غيري اني ف منو يتجرأ ويحطلك
تقدمت يمهم و حجيت بثقه
ليل:اني حطيتلك حتى تتعلم متشوف نفسك عليه و لا تمد ايدك بعدك ماشفت شي هاي هيج مقبلات
بعد مابلشنه بالدسممم
22
عفتهم صافنين ونزلت على كيفي سمعت صوت الباب انسد بقوه عرفته هوَ عود متعصب سوده بوجه المطي
10
مليت بعدني ب اول يوم وهيج اوووف
فتحت باب البيت و طلعت اتمشى الجو بليل حلو كلش نهايه الشته
صرت اتمشى بالبستان و تفكيري يم سِراج
شنو ديسوي، اكل، نام، رجع لو بعده؟ كومه اسئله اجت ببالي
ردت اطلع تلفوني بس خفت ليشوفني احد
ماعرف شكد مشيت بس باوعت للمكان كلش ابتعدت عن البيت
حسيت بصوت ورايه انداريت انصدمت من شفته واكف وبيده جكارته تقرب عليه و اني ابتعد
انضربت بالنخله تقرب عليه كلش
و گال بمكر..
4
بسام:مكان فارغ واني وياج و ثالثنه الشيطان شنو رأيج نتونس شوي
16
ليل:انجب ادبسز و خر مني ارجع للبيت
دفعته و مشيت
انعتيت بقوه من ايدي و وگعت بالگاع تقرب عليه و گعد على رجلي
حاول يتقرب مني يبوسني بس بعدته عني بضربه بحجاره على راسه
7
و صرت اركض و ماعرف وين رايحه و لا اعرف وين طريق البيت حتى ارجع و صلت مكان يخوف كلش
مكان مهجور ظلام دامس، الهدوء فضيع مينسمع اي صوت عدى صوت الكلاب الي بالمكان..
10
خوف، رهبه، قلق.. شنو حيصير شنو نهاية هالطريق؟..
ثواني وسمعت صوت خطوات تقترب من المكان الي اني بي..
زاد التوتر والخوف صرت ارجف مكادره اسيطر على نفسي واضبطها.. غمضت عيوني واخذت نفس بهدوء حتى ليسمع صوت انفاسي..
فتحت عيوني بهدوء وانصدمت من شفته واكف كدامي ومكتف ايده.. يباوعلي بنضرات مليانات شر..
7
تيبست بمكاني حتى عيوني ميرمشن من الخوف..
تقدم عليه واني اباوعله وارجع ليوره وهوه يتقدم بخطوات رزنة وبهدوء يتقدم خطوه خطوه..
انضربت بالحايط المهدوم نصه وهوه ما زال يمشي ب اتجاهي، صار كدامي مد ايده بعد شعري عن عيوني بهدوء وهمس بفحيح ممزوج بغضب..
4
بسام:هسه بلش اللعب الصح.. راح اخليج تتمنين الموت بعد الي سويتي...يلا طلعو برا خلص البارت🌚🦦
67
يتبع...
انضربت بالحايط المهدوم نصه وهوه ما زال يمشي ب اتجاهي، صار كدامي مد ايده بعد شعري عن عيوني بهدوء وهمس بفحيح ممزوج بغضب..
13
بسام:هسه بلش اللعب الصح.. راح اخليج تتمنين الموت بعد الي سويتي
33
كل جسمي صار يرجف خفت منه ليسويلي شي
غمضت عيوني بقوه و صرت اصرخ
ليل:ساعدوووونيييييي
7
سحبني عليه و كمم حلگي بيده
حاولت اخلص نفسي منه بس قوته تفوق قوتي
بقيت انزل بروحي بالگاع حتى افلت من ايده
سمعت صوت خطوات قريبه
صار عندي امل انو احد يجي و يخلصني منه
ثواني و شفت واحد كدامي حسيت روحي ردتلي
هجم على بسام صار يضرب بي بقوه ويصيح عليه
12
_بنتتتت عمتككك هاييي شتريد تسوي بيها لككك نذل
7
بسام ماحجه ولا حرف و هذا مستمر يضرب بي
شفته بطل يتحرك عطت بخوف
ليل:عووووفه راح يموووت عوووفه
15
ابتعد عنه و هوَ ينفض ايده بقوه
باوعلي و گال بعصبيه
_أنتِ شمطلعج بهل وكت هااا؟
ليل:جنت اتمشى و ضعيت طريق البيت و اجه بسام و صار الي صار
_سوالج شي؟
هزيتله راسي ب "لا" و مشيت كدامه
عاط بيه التفتتله گال
_البيت منااا وين رايحه
ليل:ماريد ارجع للبيت
12
_وين تردين حضرتج؟
ليل:اتمشى شوي خنگتوني بعدني اول يوم ماكلت بسم الله شسالفه
15
_ساعه١٢ ونص بليل وين تتمشين !؟
5
ليل:عزاااا هاي شكد مشايه اني
_امشي فضيني حتى اقفل البوب
بدون مااحجي شي مشيت و هوَ يمشي ورايه بقينه نمشي هواي يلا وصلنا البيت
اول مادخلنا صارت بوجهنه سهى
گالت
3
سهى:وينج يمعوده گلبنه البيت عليج
4
ليل:جنت اتمشى وما حسيت على الوقت
سهى:تمشين وحدج لو ويه حاتم؟
1
ليل:حاتم منو
تستمر القصة أدناه
_اني
1
ليل: بعدني ماعرفكم
حاتم:تتعرفين علينه بس هسه روحي نامي
سهى:ملابسكم ليش كلها تراب؟
حاتم:ماكو شي لتبقين تسألين يلا على غرفتج ركض
سهى:حاضر امشي ليل
حاتم:اريد احجي وياها روحي هسه تجي وراج
6
سهى:لا عادي انتظرها هنا
5
عاط بيها و هوَ يأشر على الدرج
حاتم:گلت صعدي هسه تجي وراج
4
ضربت رجلها بالگاع بقوه و صعدت الدرج و هيَ تدردم بكلمات ممفهومه
6
باوعتله هز راسه معاجبه و مشه كعد على القفنه رفع راسه باوعلي و گال و هوَ يأشر على المكان الي يمه
حاتم:تعاي كعدي خلي نسولف شوي
رحت كعدت على القنفه و گلت
ليل:تفضل احجي
حاتم:شوفي راح احجي بدون مقدمات
5
ليل:اسمعك
حاتم:شنو راد منج بسام؟
ليل:حاول يتحرش بيه
حاتم:و أنتِ شسويتي ؟
6
ليل:ضربته بحجاره على راسه بس عار مصارله شي
7
حاتم:تردين تخابرين رجلج؟
9
ابتسمت بوجهه و گلت
ليل:ايي اريد تلفوني فدوه رجعولي ياه
مد ايده بجيبه و طلع تلفوني و گال
9
حاتم:تلفونج يبقى يمي بس شوكت متحبين تخابرين رجلج تعاليلي بس لتخلين احد يعرف بس عمه اساور عادي كوليلها لان راح تكونين أنتِ وياها بنفس الغرفه
20
ليل:تمام
حاتم:اخذي و خلي صامت خابري بي و الصبح رجعي بدون لينتبهون
هزيتله راسي موافقه اخذت التلفون من ايده و رحت للغرفه الي خلوني بيها اول مااجيت نفسها غرفه خاله اساور
4
دگيت الباب و دخلت جانت كاعده و تقرأ قرآن
باوعتلي و گالت
اساور:صدق الله العظيم.. وينج بنتي تأخرتي
5
ليل:جنت اتمشى وضيعت طريق البيت حاتم اجه بالصدفه و رجعني
اساور:مو بالصدفه الكل جانو يدورولج من لكاج دزلي رساله حتى ابلغهم انو راجعين أنتِ وياه
2
تستمر القصة أدناه
ليل:خوفتكم اعتذر بس اختنگت بالبيت و طلعت اتمشى بالبستان لحد ما وصلت يم بيت مهدوم وبس جزء بسيط من الحايط باقي
اساور:ولجج شوداج لهناك خوما احد سوالج شي؟
ليل:لا لا محد سوالي اي شي بس ماعرف جنت افكر وامشي وماعرف شكد مشيت حتى طريق البيت ضيعته
اساور:حاتم انطاج تلفونج؟
ليل:اي
اساور:اخليج براحتج خابري رجلج و احجي وياه و خلي يستعجل و يرجعج يمه
7
ليل:ان شاء الله
اساور:ابويه و اخواني ناويين على شي و شي كلش جبير و محد غيرج راح يتأذى
باوعتلها ب استغراب و گلت
ليل:على شنو ناويين؟
اساور:من جانو يدورون عليج سمعت ابويه يحجي و نهاد و صلاح يريد منهم يطلگوج ب اي طريقه حتى تتزوجين بسام
معتبريج أنتِ فصليه
12
ليل:اكو واحد ياخذ فصليه من لحمه و دمه؟ لو شيخكم مخرف و صار ميعرف ب امور الفصل؟
11
اساور:ابويه و ااه من ابويه دمرنههه و عقليته بعدها نفس ماهيه و هواي گلبه قاسي امج شردت بسببه راد يزوجها ابن عمي غصب
4
ليل:ياريت كاتلها ومخلصنه منها چان مااجينه للدنيا وتعذبنه
4
حجينه شوي اني وياها بعدها هيه رجعت تكمل قرآن و اني فتحت تلفوني و خابرت سِراج اول ما جاوبني صرت ابجي
بجيت بحرگه و صرت اشهگ نزلت التلفون من اذني ما تحملت اكثر حطيت ايدي على حلگي و صرت اكتم صوت شهگاتي
2
صوته عالي سمعته يصيح ب اسمي
سِراج:ليل حَبيبتي شبييج ليش تبجين
سِراج:رديييييي لتخبلييني شبيييج
2
اجت خالتي اخذت التلفون و حطته على اذنها و گالت
اساور:عيوني استعجل و اخذ مرتك منا
5
اساور:اني خالتها اساور، لا مابيها شي بس مشتاگتلك و بجت ليظل بالك عليها بس اخذها يمك متتحمل هنا هيَ
اساور:بعيوني اخليها لتخاف عليها بس ترتاح اخليها تخابرك ، ان شاء الله هلا بيك
3
سدته منه و حضنتني و صارت تهدأ بيه بس دموعي تنزل
و صوت شهگاتي العالي
الي صار اليوم اثر بيه كلش حاولت ابين اني قويه و ما متأثره بس ماكدر امثل القوه محتاجته يمي
بوجوده جنت احس بالامان
4
تستمر القصة أدناه
مرت الايام و الاسابيع والاشهر
صارلي شهرين ونص اني هنا تمرضت كلش احاولي تخربطت صرت ابقى بس نايمه
واي شي اكله رأساً اتقيئ مااتحمل
28
خالتي كاعده يمي هيَ والبنات و يحاولون ويايه حتى اكل و اني رافضه رفض قاطع
اساور:بنتي والله مو زين هيج راح تموتين صارلج كم يوم متاكلين شوفي وجهج شلون صاير اصفر
2
مها:خاف حامل؟
5
باوعتلي خاله بشك و گالت
اساور:شوكت اخر مره اجتج؟
حجيت بتعب
ليل:قبل لا اجي لهنا
اساور:و ساكتهههه؟ كومي كومي بدلي اخذج اسويلج تحليل
2
ليل:ماريد مابيه اتحرك من مكاني كلش تعبانه
اساور:سهى امي روحي لحاتم كوليله خلي يحضر السياره ناخذ ليل للطبيب
سهى:ليش حاتم؟ اكو سعود و بسام والولد الباقيين شمعنى بس حاتم
7
اساور:كرمي لا اكسر راسج بدون نقاش گولي لحاتم بسرعهه
3
مها:اني رايحه عمه
راحت مها و اني غمضت عيوني بتعب شبه فقدت الوعي بس اسمع اصواتهم
1
حسيت على طبطبه على خدي و صوت خاله و هيَ تصيح ب اسمي حتى افتح عيونيي
حاولت افتح عيوني بس ماكدر خامله كلش ومابيه ارفع ايدي ولا بيه انطق اي حرف
2
اساور:شيلها يمه خلي نلحك عليها
حاتم:شلوون اشيلها ميصير
7
اساور:مو وكتهااا شيلها بسرعه
حاتم:استغفر الله ربي
حسيت على نفسي انرفعت
صعدوني بالسياره اخذوني للمستشفى
حسيت عليهم ديقيسولي ضغطي
1
فتحت عيوني ببطئ شوي شوي توضحت عندي الرؤيا
جانت الممرضه او الدكتوره دتقيس بضغطي شوي و گالت
_ضغطها كلش نازل شكد صارلها مماكله
1
اساور:صارلها شهرين هيَ اكلها كلش قليل و اي شي تاكله تتقيئ بس صارلها خمس ايام غير المي مادخل معدتها
_متزوجه ؟
4
اساور:اي و تكول صارلها شهرين اخر مره اجتها
تستمر القصة أدناه
_راح اسويها التحاليل اللازمه وهسه اخليهم يحطولها مغذي و ان شاء الله خير
ترخصت الدكتوره و طلعت تقربت مني خالتي و حجت بقلق
اساور:شلون صرتي؟
ليل:تعبانه
اساور:هسه على المغذي ترتاحين شوي نامي ارتاحي
ليل:خابري سِراج خلي يجي
اساور:اذا يجي تصير مشكله جبيره خابري احجي وياه بس ليجي
ليل:محتاجته يمي اريده خابري الله يخليج تعبت والله تعبت بدونه
6
اساور:اعرف والله اعرف شبيدي عليج
ليل:صار شهرين محاجيه وياه بس رسائل حتى ليحس بيه تعبانه اريد اشوفه و اسمع صوته اريده يكون قريب مني
4
نزلت دموعي و اختنگت بشهگتي الي حاولت اكتمها
دخلت الممرضه ابتسمت بوجهي و سحبتلي دم وركبتلي الكانونه و حطتلي المغذي وطلعت
ماسيطرت على نفسي اكثر صرت ابجي
من شافتني بجيت طلعت تلفونها و دكت عليه وفتحت سبيكر
شوي و گالت
1
اساور:هلا ابني شلونك
سِراج:هلا بيج الحمدلله و انتو
اساور:احنه بخير بس ليل تعبانه شوي
سِراج:شبيهااا صاير شي احد اذاها؟
اساور:لا يمه محد وياها بس تخربطت و جبناها للمستشفى و تريدك
سِراج:صار فتره حتى متقبل تخابر و تتحجج خاف احد يسمعها حسيت بيها شي
اساور:اي هيَ تخاف لا احد يسمعها و اني كلتلها لتخابري حتى ليحسون عليها و ياخذون تلفونها
سِراج:وينها هسه شلون وضعها؟
اساور:نايمه و هسه اجت الممرضه حطولها مغذي وسحبولها دم يسوولها تحليل
سِراج:اني هسه راح اطلع كم ساعه و اكون يمكم حاولي تخليهم يبيتوها بالمستشفى
1
اساور:ان شاء الله
سِراج:من تكعد خابريني احجي وياها
اساور:خليها تعبانه هسه من تجي احجوا براحتكم
سدت التلفون و اجت يمي كالتلي
اساور:راح يجي ارتاحيتي هسه؟
ليل:ما ارتاح الا بشوفته
1
تستمر القصة أدناه
اساور:متأكده هالمره ميرجع اذا مو أنتِ وياه نامي و ارتاحي هسه حتى من يجي يشوفج تكونين مصحصه و مرتاحه
هزيتلها راسي ب "اي" و غمضت عيوني و نمت رأساً على كد ما تعبانه و صايره بس انام
مر ماعرف شكد من الوقت حسيت على دخلت الدكتوره و بيدها اوراق التحاليل باوعتلي و گالت مبتسمه
الدكتوره:مبروك حَبيبتي حامل
25
وسعت عيوني مصدومه و كلتلها
ليل:بس دكتوره زوجي ماتقربلي غير مره وحده شلون؟
1
ضحكت و گالت
الدكتوره:عادي امي هواي بنات يحملون من اول ليله
خالتي صارت تهلهل و دمعت عيونها تقربت مني باستني من راسي و گالت
1
اساور:مبروك بنتي
ليل:يبارك بيج خاله حَبيبتي
اساور:مو گتلج هالمره سِراج ميرجع اذا مو أنتِ وياه
1
ليل:اااه خاله يارب ان شاء الله
الدكتوره:حضرتج ام زوجها؟
اساور:لا اني خالتها
الدكتوره:هاا
اساور:دكتوره خليها اليوم تبات هنا
الدكتوره:منو گاللكم اطلعها اليوم؟ ميصير تطلع اذا مااتطمن عليها وعلى الي ببطنها
اساور:اي افضل
استأذنت الدكتوره و طلعت دمعت عيوني باوعت لخالتي و كلتلها
ليل:يعني اني هسه حامل؟
3
اساور:اي حَبيبتي ربي يتمملج على خير و يگومج بالسلامه
حطيت ايدي على بطني و ابتسمت بفرح
احس الوقت صار بطيئ كلش كل شوي اباوع للساعه و ارجع اباوع على الباب انتظر جيته
مرت ساعه و ثنين و تلاثه اخر شي استسلمت للنوم
ماعرف شگد نمت بس حلمت انو سِراج يمي گاعد و يمشط شعري ب ايده
1
فتحت عيوني شفته گاعده يمي فعلاً و ايده تمشط بشعري بهدوء
انتبهلي فتحت عيوني گال
سِراج:ليش هيج روحي تعبانه
ليل:بدونك مالها معنى اشتاقيتلك سِراج
قرب نفسه عليه و حضني بادتله الحضن ب ايد وحده و صرت ابجي
بجيت هواي هوَ عافني ابجي على راحتي چان يطبطب بخفه على ظهري و يكول
تستمر القصة أدناه
سِراج:ابجي و ارتاحي فرغي الي بداخلج كله اني وياج ماعوفج
4
بقيت ابجي اعبر عن شوگي اله بالبجي
بعدني عنه و گال بضحك
سِراج:الخنن ترسن قميصي ترس بس يلا عادي تمونين عود مرتي يعني
21
ضحكت من بين دموعي
مد ايده على خدي مسحهن و باس خدودي بحب
و باس راسي بعدها عيونه صارن على شفتي
قرب شفايفه من شفايفي و باسني بهدوء
حط گصته على گصتي و همس
سِراج:فراگج تعبني ذبحني الشوگ ذبح
1
ليل:لتخليهم ياخذوني بعد ماريد اروح يمهم خلي نرجع لبيتنه
سِراج:وداعت كل دمعه نزلت منج ما اخليج تباتين ببيتهم بعد ترجعين وياي و غصب عن الكل
ليل:اني حامل
سِراج:والله اخليهم يندمون كلشي جنت اكدر اسوي بس خايف عليج ليأذوج و أنتِ بعيده عني
26
ليل:حَبيبي اني حامل
2
صفن بوجهي و وسع عيونه مصدوم و گال
سِراج:احلفي؟
2
ضحكت و كتله
ليل:والله صارلي تقريباً شهرين
سِراج:شلون متأكده؟
ليل:والله شبيك هالتعب الي بيه كله بسبب الحمل
كام من يمي و سجد بالگاع و طول بالسجده دمعت عيوني على منظره
وره شوي كام و اجه يمي صار يبوس بيه و گال
14
سِراج:احلى خبر سمعته بحياتي كلها
ليل:تحب الاطفال
سِراج:اذا يشبهوج اموت عليهم
3
ليل:احبك
سِراج:عذريني بعد ماكدر اغازلج بنتنه تسمع
ليل:ياااا منين تسمع وبعدين شدراك بنيه يمكن ولد؟
سِراج:اريد بنيه تشبهج حتى احبها
6
اندكت الباب و دخل حاتم سلم و گال
حاتم: تحتاجين شي راح نروح للبيت فد ساعه ساعتين و نرجع
ليل:لا سلامتكم اذا احتاج اي شي سِراج موجود
ترخص و راح
بقيت يوم بالمستشفى و طلعت و سِراج اجه ويايه
بقه الطريق كله هوَ يخابر بالتلفون و يسأل وين صاروا ماعرفت ويه منو ديحجي
تستمر القصة أدناه
وصلنه للبيت سِراج باوعلي و گال
سراج:لو تشوفيهم ذبحوني ممنوع تنزلين من السياره فهمتي
4
ليل:شتريد تسوي؟
سِراج:عليج بالصافي بويه مثل ما كلتج
ليل:تمام
نزل من السياره و قفلها وره شوي طبگن يمنه هواي سيارات و نزلو منهن مجموعات من الرياجيل و شيوخ
سلم عليهم بعدها مشه كدامهم و همَّ وراه
و دخلو للمضيف البرا
2
************
"سِراج"
شهرين كاملات اني اروح و اجي عليهم اريد اخذها منهم
بس محد يقبل يخليني اشوفها مو بس اخذها
اتفقت ويه اهلي انو اجيب شيوخ وناس واصله و معروفه حتى يحجون وياهم و الكل وكفو وياي و اتفقنه نروح نهايه الاسبوع بس من خابرتني خاله ليل و گالت بالمستشفى
1
سديته منها وخابرتهم واحد واحد و گلتلهم ثاني يوم يجون..
فعلاً اجو وكعدنا ويه وطبان و جماعته
9
جابو چاي الشيخ و كف و گال
الشيخ:چايكم مانشربه الا تنطونه مطلبنه
2
وطبان:شنو مطلبكم
5
الشيخ:تردون بنتكم لرجلها ترجع وياه اليوم
وطبان:همَّ عالو علينه و كتلو واحد من ولدنه وماقبلو ينطونه فصليه ردينه بنتنه النه
الشيخ:الي اعرفه انتو متبرين من امها و طارديها من العشيره و حتى هيَ ماتعرفون بوجودها الا لما هيَ حجت
1
وطبان:بنتنه تبقى عدنا و ماكو رجعه هيَ بنفسها متريده
4
الشيخ:جيبو البنت نسمع منها
ترخصت منهم و رحت نزلتها من السياره و دخلنه سوه
وكفت و وكفت وراها
الشيخ سئلها
الشيخ:بنتي تردين ترجعين ويه رجلج لو صدك أنتِ رافضه الرجعه؟
ليل:اريد ارجع ماريد ابقى هنا
12
************
"ليل"
صارو يحجون و صار الصوت عالي كلش بالاخير وافقوا ارجع بشرط سعد ينسجن
2
طلعنا من يمهم لكيت حاطين جنطتي بالسياره
تنفست ب ارتياح و صعدت بالسياره و طلعنا متجهين لبغداد ...
7
بعد طريق ٦ ساعات وصلنا تعبت كلش من الطريق و حسيت ضهري مكسور من الوجع الصار بي
بس ما حبيت ابين كدام سِراج
وصلنا للبيت و تلكونه و جابو خروف ذبحو جوه رجلي
دخلنا جوه الكل موجود من عمام و خوال سِراج
البنات سماره و مناير اجو حضنوني ويرزلون بيه
سماره:بعد تنجبين وتكعدين هنا ممنوع تفتحين حلگج بكلمه
14
مناير:كل متحجين شغله تجفصين و تكلبين الاول عل تالي
ليل:هاي هيج مشتاقيلي
سماره:مو بس احنه حتى سِراج أنتِ مشفتي شصار بغيابج طول هل شهرين
6
اجانه صوت سِراج من ورا التفتنه نباوعله گال
سِراج:كدامي على الغرفه روحي تمددي مو زين عليج تعبتي اليوم
6
مناير:ليش مو زين عليها؟
و كف بنص الصاله و گال بصوت عالي
سِراج:ليل حامل... يلا طلعو برا خلص البارت🌚🦦
51
☆ *يـــــــــ͢ـོ͓ـــتبــــــــــــــོـ͓ـــ͢ــ؏* ☆
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C