الفقد - الفصل 7 - مكتملة | روايتك

[٢٣‏/٢، ٨:٠٩ م] null: *قـصـص وروايـات عـالـمـيـة💙📚📖* *بإدارة* *يـامـن💙* *❴📖❵↵الفقد.tt* *❴🔢❵☟الـــبـــــــــــ❴1️⃣1️⃣❵ــــــــــــارت☟* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h``` ➖➖➖➖➖➖➖➖➖📚كتب ||روايات|| منوعة📚: #البارت (11) #نــــســمــة 🌸🌸🌸🌸🌸🌸🌸 حرفياً لما يمرق الماضي قدامك وترجع تشوف حالك بكل تفصيلة كنت فيها اتذكرت حالي قبل 7 او 8 سنين وشو حلمت وشو اتمنيت انو ارجع لهديك الساعات ارجع لهداك العمر الحلو ولهديك اللمة الحلوة مو بس اتذكرت الماضي الحلو والبشع كمان ، واتذكرت شغلات كنت قول بعمري مابنساها بعمري مارح اتخطا هالوجع بعمرو مارح يروح واطلعت ع حالي هلق ولقيت حالي بني آدمة جديدة بقصص جديدة واهداف جديدة وطريق للحياة جديد مابعرف شو صرلي هو خوف أنو أخسر هالحياة هي يلي عم عيشها مع ليث اوخوف انو ارجع لحياة نسيتها وحرفياً ماعاد بدي ياها ، مابدي منها الا أبي وأمي وبس ، بس هالشي مارح يصير لانهن ماتو لهيك انا مابدي هديك الحياة ب ولا شي فيها قرب ليث ونغم يلي تجمدت بإرضا متلي وقت شافتو عدي: نغم بتعرفيه؟ ليث: مين الاخ بالله؟ كان عم يطلع فيني بعمق ونسيان اللي حوليه عرفت انو يمكن تكون النهاية مع ليث إذا عرف جوري: سبق ودمرتلي طفولتي سامر شو جابك لهون كمان سامر: شبك جوري لشو هالحكي هلق بالعكس والله فرحت لما شفتك طلعتي عايشة وماصرلك شي ضمن الاحداث الي صارت بمنطقتكن رغم إني أول مافتحو الطريق لجوا فوراً فتت وبنايتكن كانت ع الارض للاسف وقالو انو كل يلي فيها اتوفو بس مابتتصوري الفرحة يلي انا فيها وقت شفتك هلق جوري: شكراً -لفيت لارجع ع البيت- سامر: جوري لحظة قليلي اتزوجتي يعني مين هدول؟؟ وين عايشة انتِ؟ جوري: لاتدخل بشي مالك علاقة بشي سامر أمشي من هون سامر: بس حبيت أطمن عليكِ ، أي شي بتحتاجي أنا جاهز جوري ليث: لك مين هاد ؟ خير عم مين حضرتك سامر: جوري بتخبرك جوري: روح من هون سامر سامر : اي متل مابدك -لف ضهرو ومشي بعدين اتذكر شي ف رجع برم لعنا ووجه حكيو لنغم- سامر: نغم مو؟؟ نغم: نغم سامر: حليانة -عدي ماتحمل وكان بدو يضربه ع هالكلمة بس مسكلو ايدو ليث- نغم: لو ماكنت محترمة عمرك كنت قلتلك يحلى وبرك بس المشكلة انو عمرك لازم يُحترم لما عدي سمع رد نغم عليه وشاف ردة فعل جوري عرف انو هالزلمة من ضمن القائمة السودا الي بحياتن عدي: ليث مشان الله اتركني سامر: اي هدي بطل هدي ماعملنا شي وانت نغم الله يسامحك هاد من فوق ماكنت بدي خبرك عن اهلك -وبرم ضهرو ركدت نغم ووقفت بوجهو وكمان عدي وليث لحقوها وانا بمحلي عم راقب- نغم: شبن اهلي؟ سامر: هلق شبن اهلي عدي: لك احكي انطوق بتعرف شي عن اهلها نغم: عميل خير معنا لمرة وحدة بهالحياة هي لمرة وحدة بس سامر: سمعت انو امك عم دور عليكِ ومو صعب توصليلا لساتك حافظة طريق بيتك اكيد حكى هالكلمتين ورجع اطلع بجوري ومشي لعندها وهون نغم صارت تبكي بصدمة وكأنها مو مصدقة الي عم تسمعو سامر: هي كرتي في ارقامي خلينا نرجع نتواصل سوا اخدت الكرت منو ليمشي واخلص منو نغم: ....... يعني اهلي عايشين سامر: اي (وراح) #يتبع 🌍🌸 نغم ركدت لعندي وضمتني وبكينا سوا نغم: سمعتي جوري أهلي لسى .... عايشين طلعو عايشين...... ماماتو يمكن كانو بعاد عن القذيفة وقتا...... ولما طلعت غبرة ماشفناهن....... وعم يدورو عليِّ جوري: ياروحي فرحتلك من قلبي ...... برمت نغم لعند عدي وليث الي كانو كتير متأثرين بهالخبر نغم: بدي روح لعند أهلي عدي: نغم أنا من كم يوم سألت عن الحي وقلولي لسى مسكر يمكن عم يكذب هاد نغم: ب ليلة بيطلع القرار .... وبينفتح الطريق ..... بدي روح عدي: استني شوي دغري بدك تروحي نغم: لك مابدي استنى مو قدرانة استنى خدوني او دلوني ع الطريق لارجع عدي: طيب بس لنتأكد إذا كلامو صح او كزب شو عرفو بأهلك هو نغم: بنايتي وبناية جوري جنب بعض في بينا بنايتين وهو بيعرف بيتي وبيتا مشان الله خدوني قصة اهل نغم وانو عايشين خلت اعترافي لليث بقصتي كلا تتأجل طلعنا كلنا متجهين لحينا القديم مشي ليث بالسيارة وكنت عم اطلع مرقنا بالمفرق والاستراحة يلي تهجمو فيها علينا هالشخصين بس كانت سبب تعرفنا ع ليث وعدي مرقنا من قدام المطعم يلي وقفنا لنشتغل فيه بس تقلعنا وضحكت لما اتذكرت وجه الشب تبع الاستقبال وقت لقانا مو عرفانين شو يعني "جادة" هههه اطلعت بنغم يلي كانت شادَّة ع إيدها الي انجرحت بسبب التهجم وكأنو عم توجعها عنجد لما اتذكرت القصة انا مسكت ايدها وابتسمتلها واطلعت من الشباك غرقانة بتفاصيل الشوارع والسرافيس يلي بقينا عم نطلع ونركب وننزل فيهن لوصلنا لعند ليث اوف الطريق شو طويل ماكان يخلص كأنو طالعين من محافظة لمحافظة المهم بلشنا نوصل لاماكن نحن منعرفها وشوارع منعرفا ماقدرنا نمسك حالنا يالله ريحة الماضي شو حلوة وريحة هالاحياء شو حلوة وهالطرقات والحارات والبنايات كلها حلوة انزلنا من السيارة لنفوت ع الحي اخدو هوياتنا واستنينا شوي بعدين عطونا ياها وسمحولنا بالدخول كان في تشديدات امنية ممنوع نفوت شي غير الاساسيات من اكل وشرب وممنوع نطالع شي بتاتاً من جوا وقت فتنا كان في عالم قلال راجعين لبيوتن و اكتر العالم خايفين يرجعوا ل ماترجع الاحداث من جديد من لا شعور مسكت ايد نغم وعصيت عليها وقربت شوي عليها وانا عم اطلع ع الجهة التانية ومصدومة بشكل البنايات الهابطة والمحلات والخراب وقلتلا جوري: نغم مابدي فوت اكتر من هيك ليث: منرجع إذا بدك جوري انتبهت انو مسكت ليث مو نغم وانو نغم سبقتنا هي وعدي وبس بدا توصل لبنايتها تركت ايد ليث رجع هو مسكها ليث: لا تخافي جوري ما ح يصير شي وإذا بدك منقعد بالسيارة لبين مايجو عدي ونغم حسيتو مابدو ياني فوت ، يمكن حس أنو رح يخسرني ، بس ليش ليخسرني مين أنا كنت بحياتو؟ #يتبع🌍🌸 وانا كمان كان بدي قلو اي منقعد بالسيارة بس اتذكرت احتمال انو ممكن يسألني عن سامر جوري: لا معلش انا منيحة مصدومة شوي من منظر الخراب بس مو اكتر ومشينا ورى نغم وعدى بناية نغم كانت متل ماهي بس مضروب عليها رصاص متفجر ف فيها فتحات صغيرة وعشوائية طلعنا ع الدرج وانا كنت قدرانة اسمع صوت دقات قلبها لنغم يلي وقفت بالطابق التالت وانهارت وصارت تبكي كتير عدي وانا وقفنا نهديها جوري: نغم طابق واحد ورح تشوفي اهلك يلا نغم: ماعاد فيني اطلع ......... عدي ضما وزعل كتير عليها بس انا خفت حدى يشوفو ويحكو عليها لنغم كان رايح عن بالي انو مافي حدى بالبناية الا من الطابق الاول وأهل نغم اشرت ل ليث يبعد عدي وانا خليت نغم تركي عليِّ وطلعتا درجة درجة وصلنا عند باب البيت وصارت تضحك وتبكي كانت ريحة الطبخ طالعة منو بلشت ابكي معها وقلبي رح يطلع من محلو بعد ماغبنا بالشهور عن هالمكان رجعنالو وكأنو مبارح تركنا نغم صارت ادق ع الباب بقوة وبسرعة ام نغم: اييييي كسرو الباب بفرد مرة مو حلوة يعني وقت فتحت الباب وشافتنا وقع الكفكير منها قعدت ع الارض لانو رجليها ماحملوها وقت شافت نغم وفتحتلا اديها نغم ركدت وضمتها بكيو وبكونا معن ام نغم: والله قلبي حاسسني انك عايشة ياأمي يقلولي ميتة قلن عايشة عم حس بنفسها فيق بليل قلبي عاصص صلي وادعيلك اعرفك أنك بديق وقول يارب ودعت بنتي عندك حميها ورجعلي ياها ماصدقتن ماصدقت حدى انا فتت وقعدت ع الكنبة عدي وليث بكيو ومسحو دموعن طلعو اخوات نغم الصغار وضموها هون اجت لعندي خالة ام نغم وضمتني بعدين فوتتنا وقعدنا كلنا بلش ليث يعرفها عن حالو هو وعدي لانو ماكنا قادرين نحكي وبعدين خالة ام نغم حكتلنا يلي صار وانو نزلت القذيفة بعيدة بس الغبرة قوية والشظايا اجت برجلا وضهرا لانو كانت ضامة ولادها لصدرها وقت نزلت بس في شظية اجت براس ابوها لنغم أدت لوفاتو مباشرةً وهالشي يلي خلاها تتأخر وما تطلع من الحي فوراً ووقت طلعت كان وضعها مُزري وحالياً عايشة هي وولادها الصغار وعم تشتغل بالصوف وقدر الامكان عم اطالع المصروف نظراً لانو مافي حدى يساعدها أم نغم: ليش لهلق يا أمي لاجيتي النا أسبوعين راجعين لبيوتنا ماوصلكن خبر انو الحي انفتح ورجعنا عليه #يتبع🌍🌸 نغم: -اطلعت ب عدي- لا والله يا أمي وحتى الحالة النفسية يلي كنا فيها ماكانت عم تخلينا نسأل عن الحي أو أخبارو كنت خايفة أسمع خبر بشع كنت خايفة أرجع انا وجوري كنّا خايفين من كل شي أم نغم: ياروحي أنتو الف الحمدلله أنكن رجعتولي وانتو الله يجزيكن ألف خير وقفتوا مع بناتي وسندتوهن بهالفترة الصعبة لولا الله ثمَّ انتو الله العليم شو كان صار فيهن ليث: واجبنا ياخالتي وأقل من واجبنا كمان أم نغم: أي بس ماقلتولي يعني شلون عرفتو واجيتو اتشجعتو يعني؟ انا هون هبط قلبي لانو رح تنفتح قصة سامر نغم: ماما قصة غريبة بحكيلك ياها بعدين قليلي انتِ وين دورتي عليِّ وشو صار معك طبعاً بمحاولة من نغم انها تلف سيرة سامر لانو أصلاً مو وقتا تنفتح وكأنو حس ليث واطلع ب عدي وبعد فترة صارو بدهن يمشوا ف اطلع ليث فيني واشرلي أنو يلا بدنا نمشي بس أنا ماكان بدي أنو أمشي ف رفعت بحواجبي انبسطت لما حسيتو ادايق وتنرڤز وزورني نص زورة وهمس ل عدي ليث: مابرجع الا وجوري معي عدي: مستحيل يخلوها تجي ليث: اي انا بعرف كيف خليا استأذن ليث شوي ورجع واطلع فيني وضحك بعد شي 5 دقايق رن جوالي ولقيت خالة أم محمد عم ادقلي أطلعت فيه وانا متفاجأة أنو أديشك خبيث يا ليث ف ضحك رديت عليها وكانت عم تقلي مافيها تقعد من دونا وبدا ياني وانو كيف بدا تهون عليِّ واتركها هيك مافتحتلي مجال لاحكي وماكان مني الا انو قلها تمام انا جاية وقنعت خالة ام نغم انو مارح طوِّل ورح ارجع فوراً بعد كم يوم على الرغم من أنو خالة أم نغم كانت عم تعمل للعشرة الي بينا والخبز والملح بس هي ضمنياً حسيت بإنو مابدها وحقها بقدر حس فيها وأفهمها الحال على قدو كتير ويادوب عم تعيش وأصلاً العيشة بالحي بتخوف كان متل مدينة الأشباح ........................ #يتبع🌍🌸 يافرحة ماتمت وكل هالتمسك فيني كان مشان يعرف مين هو سامر يلي حتى انا كنت نسيانتو كنت عم حب ليث وعم أحسب حساب كل شي الا اني مطلقة أنا كنت نسيانة إني مطلقة أصلاً مابعرف ليش فترة زواجي القصري انمحت من راسي لاااا تسألوني ليش مابعرف ..... عم حاول متل الغبية جيب ليث لعندي ومافكرت للحظة إني مستحيل كون إلو لإني مطلقة رجعت معو وحاسة حالي مكسورة وبلا سند بعد مالقت نغم اهلا ورجعتلن نزلت من السيارة قبل مايسألوني شي وفتت ع البيت فوراً ليث: في كتير شغلات بدي أفهمها عدي: -تلبك- ءءء متل ليث: كنت عم تسأل عن أخبار الحي فعلاً عدي؟ ولا لأ عدي: ءء لأ ليث: وليش ماخليتني أنا الي أستلم هالمهمة عنك مو كنا متفقين كل يومين او 3 نسأل او نمرق من هنيك لنشوف الطريق؟ عدي: اه؟ اي إمبلا ليث: شو أي إمبلا شو عدي: كنت عم أسأل ليث: ايوا يعني بتعرف انو الحي انفتح عدي: اي بعرف انفتح من شهر كمان بس ماكان حدى مسترجي يفوت لجوا ومتل ماشفت ناس قلال كتير يلي رجعو ومافي سواق ومافي شي ليث: وليش ماحكيت يعني عدي: لأنو خايف من يلي صار اليوم فجأة مابدي ياها تروح مابدي ياها تلاقي أهلا ليث: أي بس هدول أهلا شو ما عملت هدول بضلو أهلا ، بعدين فكرك ح تسامحك يعني ؟ عدي: بتسامحني وبتنسى ، أنا بقدر كون أهلا كمان وكنت ورح ضل بس مابدي ياها تتركني هيك ليث: أول مرة بشوفك أناني هيك عدي: أول مرة بعشق هيك قعدوا بالحديقة وال2 تنهدوا ، اتذكر سامر فوراً ليث:مين سامر مين ؟ عدي: هلق منفوت ومنقعد معا ومنعرف ليث: لكك حاسسها مابدا تحكي عم تتدايق وقت تجي سيرتو او نحاول نفتحا عدي: انت لاحظت انو حتى نغم غيِّرت السيرة مع أمها وقت بلشت تنفتح ليث: بدي أعرف مين هاد وليش كركبا هالئد وبعدين طلع عندا قرايب ليش قالت ماعندا أبداً وقت أجت لعنا ؟؟ عدي: ما ح نستفاد شي طول مالك قاعد وعم تسألني لإلي تعى نفوت نقعد معها ونفهم #يتبع🌍🌸 أم نغم: وبدك تكملي بالمعهد؟؟ نغم: لازم يا أمي كمل بكلوريا وقدما بعدين المعهد ممتاز كتير والكادر التدريسي الي فيه بجنن كمان أم نغم: بس كتير بعيد لك أمي كل يوم بدك تروحي وتجي لهنيك صعبة نغم: إمبلا، ..... طب شو بطِّل منو؟ أم نغم: والله مابعرف ، طيب ليكِ بطلي منو وانا بخلي لابن جيرانا هون يساعدك هو بيدرس حقوق وماشالله حولو عم تقلي أمو معدلو بالبكلوريا كان عالي كتير ، بس هلق هنن راجعين من 3 ايام بس نتركن ليرتاحو ومنسألهن نغم: _تنهدت_ طيب كانت أمها بسيطة وطيبة كتير ، سايرتا نغم لانو بتعرف أنها ح ترجع ع المعهد .................... دقو الباب عليِّ ؛ مشيت وفتحتو ليث: فينا نفوت؟ ولا منقعد بالجنينة جوري: منقعد تحت سبقوني بلحقكن ليث: ماشي لا طولي نازلة لقدري بقا رح احكي كل شي والي بدو يصير يصير قعدت ع التخت وغمضت عيوني لاستوعب بس شلون بلش بالقصة وشو أحكي قعدت لرتب أفكاري ماقدرت رتبها عم اتخربط لما أتذكر إني ح أخسرو لليث رجعت غمضت عيوني بس ماقدرت هالمرة لانو رن جوالي وكان ليث عم يتصل ................ عدي: لك خلص تركا هلق بتنزل شو صرلك؟ ل يث: مابعرف مابعرف حاسس حالي غبي كيف قدرت تستغفلني كل هالمدة وهي الها قرايبين كيف قدرت كل هالمدة تستغبيني وتقلي انا مالي حدى شلون يعني بتقول مقطوعة من شجرة والعيلتين كلن مسافرين وطلع في حدى من عيلتا هون عدي: نوّص صوتك شبك ، خلص هلق بتجي البنت ومنفهم منها ليث: انا مالي غبي عدي ماشي مالي غبي جوري: حاشاك أكيد مالك غبي انجرحت من حكيو يلي أصلاً ماسمعتو كلو مابعرف ليش كنت مشتهية قلو انو غبي غبي لانو كان عايش كل هالفترة بوهم حبو للانا وماشافني وماشاف حبي إلو قعدت معن وحسيت انو توترو وماعاد عرفو كيف يبررولي الحكي #يتبع🌍🌸 عدي: ءءء هو ماقصد هيك جوري: ماعندي مشكلة بمقصدو شو ماكان، الحق معو ، هو بالنهاية عمل شي من 7 المستحيلات حدى غيرو يعملو هو عمل شي وماكان مجبور عليه كان بإمكانو يساعدنا قدر الامكان مثلا ويمشي بس هو عمل شي كتير كبير معنا معو الحق انو مالازم خبي عليه موضوع سامر ليث: يعني هو من عيلتك وانتِ كزبتي عليِّ وقلتي انو مالك حدى؟ جوري: هيك ومو هيك عدي: كيف بعني جوري: كان عمري 13 سنة وقت شفتو أول مرة *** ** قبل (7) سنين كنت انا ونغم ودلال طالعين من مدرستنا وكان سامر عم يراقبني ومن زمان عاجبتو وبدو ياني وعزم الامر على أنو ياخدني وما ياخد غيري أبداً ام خالد: جايها عريس جايها شب وشب والله بسم الله حولو شو هالجمال والكمال والفهم وماديتو مرتاحة وبدهن ياها صغيرة وبمواصفات بنتك بقى اتكل ع الله ابو خالد: بسس والله حاسسها صغيرة بتطلع ع الاولاد بالحارة وروحها بتفرك لتلعب معهن ام خالد: يوه! تلعب بالاربعة وراسها الخامس عمرها 12 طبقتهن وح تفوت بال13 قال تلعب معهن قال لك يازلمة مو دايمن نحن الها مو دايمين ومتل ماخبرتكن بوقتا انو كان يوم قاسي وبشع وبارد وماكانت ليلة العمر متل مابقولو عنها جوري: ليش عم تقلي وليه سامر: و60 وليه كمان ليكون مو عاجبك؟؟ جوري: بس ماعملت شي أنا كنت عم شوف بنات المدرسة كيف رايحين ع مدرستهن واتذكر قرب سامر مني ومسك شعري لاول مرة بعد اسبوعين وشدو وجعني وشلفني شلف كاني كاسة او كيس بطاطا حتى اجيت سطيح ع الارض وصرت ابكي سامر: وين فنجانك ؟ جوري: مابدي أشرب سامر: بس انتِ بتحبي القهوة جوري: قلتلك مو جاية ع بالي لطشني الكف جوري: اااه لك شبك شبك شو صايرلك ليش عم تضربني **** جوري: لك لهالدرجة طلعت متخلف انت وجاهل لك الدكتور منعني منعني في خطر عليِّ بموت إذا حملت بموت ماعم تفهم انا لا جسمي ولا ضهري ولا حتى أحشائي بيقدروا يحملو طفل لمدة تسع شهور سامر: أنا متخلف وجاهل! جوري: لك أخدتني بإيدك ع الدكتور وبادنك سمعت كلامو واسعفتني بسيارتك وبعيونك شفت الممرضات كيف مستغربين من عمري وزواجي منك واكيد متذكرين انو كمان هالمرة انتهت بالضرب جوري: أمي انا تعبت ... مليت ..... مابقا فيني أتحمل ضرب ووجع هيك ..... مابقى فيني سامر: جوري فكري بالموضوع جوري: حياتي معك انتهت، وماعاد أتقبل عيش معك ولا نهار، طلقني سامر: جوري أنت طالق بالتلاتة **************** #يتبع🌍🌸 عدي: طليقك جوري؟؟ ليث: انتِ عنجد عم تحكي ماعم تمزحي ما جوري: أكيد لو كان في عندي من عيلتي حدى ماكنت اضطريت نام ع درج البناية أنا ونغم ولا كنت رح اقعد هون وعيش عندك وتقل عليك هالئد وهي الحقيقة انا كنت ضحية مجتمعي الفاشل وتزوجت زواج قصري بعمر صغير كنت فيه قاصر وانتهى النهاية المتوقعة بالطلاق وهلق بعد هالسنين كلا شفتو بالصدفة وكانت صدفة خير لتعرف نغم عن اهلها عدي: ءء ونغم؟؟ (كان خايف نغم تكون متلي) جوري: لأ نغم مو متزوجة من قبل ماانجبرت متلي لاتخاف ، حتى بالعكس طول مدة زواجي نغم كانت تجي لعندي ع البيت وتسليني وتخفف عني شوي وبعدين تروح ع بيتا بيت سامر كان قريب من المدارس لانو ليث: شفتو عم يعطيكي شي جوري: كرتو مشان حاكيه قال ونرجع نتواصل.... ليث: وح تحاكيه!! جوري: مابعرف ... -سكتو شوي- جوري: طيب عن أذنكن أنا فايتة لجوا .......................... مابنكر انو معو حق وانو عنجد صدمة كبيرة هالقصة عليه بس لو ماكان بلش يحبني او يخبي مشاعر جواتو إلي ماكان همو الموضوع ولا انصدم فيه وكانت الامور رجعت طبيعية كتير بس هو ادايق وغار كتير هيك حسيت اووو هيك كنت عم حلل من راسي ومابعرف إذا عم أوهم حالي ولا عنجد هيك ضبيت غراضي كلن وودعت خالتو أم محمد يلي الها فضل كبير كتير عليِّ وعلى نغم والصبح انزلت ماكان ليث موجود كان بالصيدلية من بكير دقيت ل عدي جوري: وينك ليث عدي: انا عدي خانوم جوري: ءءءء اي هههه قصدي عدي خربطت عدي: اي ههه قليلي جوري: فاضي تجي توصلني لعند نغم؟؟ عدي: ليش بدك تروحي لعندا؟؟ جوري: اي بدي روح مالي مكان من دونا عدي: قلتي لليث؟ جوري: لأ ماقلتلو عدي: طب دقيلو خبري مو حلوة روحتك هيك جوري: حاسستو مدايق مني ومابدو يحاكيني لهيك عم دقلك عدي: طيب خلص ليكي شوي وبكون عندك تمام؟ جوري: أي ................. 📱📱 ليث: يعني هي خبرتك بدها ترجع عدي: أي ليث: اي كنت متوقع عدي: وهلق ليث: خلص سكر أنت وشوف شغلك رايح لعندا أنا عدي: طيب ...................... 📱📱 نغم: هاين عليكِ فراق الحبيب جوري: لك بلا حبيب بلا بطيخ رجع طلع سامر بحياتي الله ياخدوا ان شالله متل البوم بيلحقوا الخراب نغم: طب خلص روقي هلق بس توصلي منحكي قايمة خبر امي وركز قعدة إلي وإلك جوري: طيب ماشي أساساً ليث عم يزمرلي نغم: ليث؟؟؟؟ جوري: لككك قصدي عدي عدي يلا روحي نغم: ههه اي ليكي خلي يطلع معك ل عدي أي بيقعد ساعة زمان وبروح جوري: ليش أمك بترضى؟؟ نغم: أي ماعندا مشكلة جوري: ماشالله الأصول الفرنسية ح تغلب ع حياتي الفترة القادمة نغم: يعدمني ههههه روحي اطلعت من الشباك مالقيت حدى ، غريب مع إني سمعت صوت سيارة شكلا مو لحدى وانا خربطت وقفت وسحبت نفس وارتكيت ع الشباك فتح الباب ليث وفات ليث: شو قال بدك تمشي جوري: اي .... مننزل منحكي تحت ليث: لا هون رح نحكي تعي مسك ايدي وقعدني ع الكنباية وقعد جنبي جوري: عادي يعني لازم أرجع ليث: ليش لازم ترجعي حدى دايقك هون؟ _اطلعت فيه وسكتت ونزلت راسي كان واضح اني زعلانة منو_ ليث: أنا آسف ، كنت منفعل بس ، ومستغرب شلون عندك قرايب ومالك معهن جوري: أكيد ماكنت رح قعد ع فكرة وعندي حدى بعرفو _قمت وقفت وبرمت ضهري وانا معصبة منو_ قام ليث وفوراً برر موقفو ليث: جوري استوعبي الي عم أحكيه ، استغربت وحسيت انو قديش ما ظلموكي لحتى بتكرهين وفضلتي القعدة عندي ولا تكوني معن بس هاد مقصدي جوري: أمم ليث: خليكِ هون لو سمحتِ مو حلو البيت من دونك ومن دون نغم ، مابدي ياكِ تروحي ، كرمال خالتي ع الأقل .... بعدين يمكن تطفي الكهربا هنيك مين يلي ح يشغلك المولدة ويكون معك بالعتمة؟ ........................ أم نغم: تأخرت جوري نغم: هلق بتجي -سكتت امها وفهمت نغم - ماما ح نشتغل أنا وجوري أي شي ومنصرف ع حالنا أم نغم: لأ قعدي درسي وماعليكِ ، ح أعمل شاي ومنقعد بتكمليلي شو صار معك أحداث ، بعدين جوري شبها ؟ متغيرة كأنو نغم: شلون متغيرة؟ من أنو ناحية؟ ام نغم: شكلياً ، يعني مابعرف كأنو مغيرة بحالها ..... الله يهديها ........................ كنت بحالة تأرجح بكل شي ، قفلت باب غرفتي وقعدت ع التخت فكر عم فكر بكل شي عملتو من شهر لهلق وقبل كمان مابعرف ليش اندلئت هيك وتغيرت هيك ، بتصدقوا كنت قرفانة من حالي كتير ، اول ماحسيتو تقرب مني حسيت حالي العكس حسيت انا الي نفرت ، حسيت انو كنت عم أعرض حالي لَ يلتفت يالله شو ندمت ع كل شي عملتو شو بكيت ع كل شي عملتو انا شو عملت كيف هيك تصرفت كيف غيرت لبسي مشانو كيف اتراجعت بحياتي وبمبادأي كمان كرمالو #يتبع 🌍🌸 بموقف منو بسيط كتير بس اكتشفت أعظم شي ممكن اكتشفو بحياتي بعد هالصدمة يلي اكلتها اكتشفت انو #الفقد مو يعني نفقد شخص غالي علينا لأ، ولا بيعني نفقد بيت او وظيفة او سيارة كمان لأ مابنكر أنو طبعاً هالشغلات أساسية بحياتنا بس عرفت انو المفقود الأساسي والأول هو نحنَ أي نحنَ هو المفقود شو طعمة أحلى وأطول قصة حب مثلاً لو كان #الفقد أخلاقك ؟؟ شو طعمة المصاري والمناصب لو كان #الفقد مبادأك ؟؟ اي المبادئ ما ح طعمي خبز بس اديش ما ح تكون صغير بعين حالك وقت تبيع كل شي كرمال المصاري وهاد أصعب أنواع #الفقد انك تصغر بعين حالك أنت ... تصحى ع حالك فجأة تلاقي انك مضيع حالك ومابتعرف بانو منعطف من منعطفات هالحياة ضعت مابتعرف بإنو أختبارات من أختبارات ربنا إلك ضوعت حالك وماقدرت تنجح #الفقد فعلياً هو إنك ماعاد تقدر تلاقي حالك انك #تفقد صفة حلوة كانت فيك هاد فقد كمان وانك ماتستغل غالب أوقاتك بالعبادة بالاستغفار هاد #فقد جزء قرآن كنت حافظو وعرفان تجودو وبعدين تقطع علاقتك بالقرآن وماعاد تعرف تلفظ الحروف صح #فقد تنشغل بالدنيا وباحوالها وفجأة تصحى ح خبر وفاة أمك أو أبوك وماكنت عاطيهن حقهن من البر أو متخانق معهن او بدك تعمل معهن منيح بس عم تأجلو يالطيف هون #الفقد شو بشع وقاسي كل هاد فقد شلون منبكي ومننقهر ع كل شي بهالحياة ومننسى أنو #الفقد الحقيقي هو نحنَ هو شي فينا شي ناقصنا كل حدى فاقد حالو شكل ، وانا فقدت حالي كمان ، انا كنت مفقودي الحقيقي فتت أخدت دوش وانا كنت ناوية أرجع لكل شي قديم بحياتي ، وطلعت واخترت بيجامة واسعة شوي وحلوة لبستها ، اتفقدت جوالي لقيت اتصالات كتير من نغم جوري: أي نغمتي نغم: نعيماً حبيبتي جوري: شو عرفك إني اتحممت نغم: جوري بلا أكل هوا ، نعيماً أنك رديتي منيح والله أنك رديتي من ساعتين دقيتيلي وقلتي أنك جاية أنتِ وعدي ولهلق ما أجيتو جوري: ماخلاني ليث نغم: أيوااا أيوااا قلتيلي ماخلاكي ليث جوري: يلا حاج بياختك ، ع فكرة مو مشان سواد عيوني قلي مشان خالة أم محمد وهي كمان قالتلي هيك ، وكمان مشان المعهد بعيد عليكِ هلق المعهد نغم: أي قال أمي بدا تخلي ابن جيرانا هو يلي يعطيني دروس البكلوريا هههههه جوري: بربك؟ نغم: لك الشب يمكن أهلو طلعو برا البلد عم يدرس حقوق قال ، ليش في شباب عم ضل ؟ ياعم يطوعوا يا عم يسافروا جوري: هههه امك مهضومة من يوم يوما نغم: اي بعرف ، أنتِ مشان ليث خلي ياخد وقتو مشان يطلع من قصة لانا تماماً وفوتي أنتِ بعدها وليكِ رجعي لحالك القديم مالي معك أنا لآخد المكياج من إيدك ، حطي بس مو هلق لتمشي قصتكن فهمي لا تخلي دمي يفور جوري ، هلق هو قرفان من لانا مابدو لانا جديدة ببيتو لاتكوني متلا كوني أنتِ ..... .................... أم محمد: مانزلت ع الغدى جوري ليث: طالع شوفا طلع وفتح الباب كنت مسكرة مع نغم وماسكة جوالي بإيد وكرت سامر بالإيد التانية قرب وشاف الكرت ليث: هاد رقم سامر؟ #يتبع🌍🌸 *يـــــــــ͢ـོ͓ـــتبــــــــــــــོـ͓ـــ͢ــ؏* ➖➖➖➖➖➖➖➖➖ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h``` [٢٣‏/٢، ٨:٠٩ م] null: *قـصـص وروايـات عـالـمـيـة💙📚📖* *بإدارة* *يـامـن💙* *❴📖❵↵الفقد.tt* *❴🔢❵☟الـــبـــــــــــ❴2️⃣1️⃣والاخير ❵ــــــــــــارت☟* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h``` ➖➖➖➖➖➖➖➖➖📚كتب ||روايات|| منوعة📚: #البارت (12) والأخير #نـــســـمـــة 🌸🌸🌸🌸🌸🌸🌸 قرب مني وأخد الكرت وقرأو ليث: هاد رقم سامر؟ جوري: أي _كنت عم اطلع بكل شي الا فيه_ ليث: اي خير؟ جوري: ........ ليث: بدك تتصلي فيه جوري جوري: مابعرف ليث: لسى عم تقول مابعرف ، لك هاد الواطي أخدلك أحلى أيام حياتك ، أحلى سنينك ، نزعلك برائتك وطفولتك ، وغير هاد ماطلع زلمة وماعرف يحافظ عليكِ وعطاكِ لقب مُطلقة وأنتِ بهالعمر هاد وبتقليلي مابعرف ، لسى عم تفكري تتصليلو؟ جوري: -تنهدت وغزلت الدمعة بعيني ونزلت راسي- ليث: آمنت بالله ، لك ليش البكي هلق جوري ، مشان شو ؟؟ جوري: مشتتة .... ماعم بقدر آخد قرار ..... ضايعة ليث أنا كتير ضايعة ...... باللحظات قليلة كان شعورو عم يقوى وهالكلمات هي خلتو ينتبه ع كتير شغلات ، كنت أول مرة بحاكي هيك ، اطلع فيني وسكت شوي بعدين قال ليث: طيب ، عندي طرق كتير لتلاقي حالك فيها وأول طريق منن _مسك الكرت وشقو 100 شقفة زتو ع الارض ودعس عليه_ هاد ، تعي ناكل ونقعد ندور عليكِ جوري: هههه .......................... أم نغم: مو جاية جوري؟ نغم: خالة أم محمد ماخلتها تجي أم نغم: وليش هالئد متمسكة فيها يعني؟ شلون كنتو عايشين عندا؟ نغم: بتجنن أمي ، قلتلك قبل هلق كانت أم وأكتر ، ماحدى بياخد محل الأم طبعاً بس هي كتير حنونة حتى شغل بالزور لتخلينا نساعدها ، بقى اطمني ع جوري كتير بخير أم نغم: والله لو الحالة ميسورة أكتر من هيك ل ما أرضى جوري تبات ليلة عندن ، بس شوفة عينك يا أمي مافي ، والبيت تلت ارباع الغراض فيه معفشة رجعت كم غرض لقيتن والباقي راحو الحالة مو متل أول ، إلا والله جوري بقلبي وعيوني قد ماكان بضل متل بنتي والله نغم: بعرف أمي بعرف وماحدى عتبان عليكِ ، المهم ماقلتيلي وينو ابن جيرانا يلي بدك تحكي معو ليعطيني دروس _وكتمت ضحكتا_ أم نغم: لك والله مابعرف ماعم شوفو لا عم يطلع ولا عم يفوت بركي بتدرسيها لحالك بالبيت ........... خير ليش عم تضحكي؟ نغم: لأنو أمي مبينة أنو الشب بح طاير هـهـهـه قصدي مسافر يعني أم نغم: اي فوتي درسي بلا مياعة نغم: أمي البكلوريا مابتندرس بالبيت أم نغم: لكن بتندرس بالمعاهد .... نغم: أمي لكن بالبيت ، يعني ليش عملو المعهد ؟ لندرس بالبيت ؟ أم نغم: اي فوتي درسي خدي الشاي وفوتي .............................. مرق كم يوم عادي ، وعم داوم بالمعهد لحالي من دون نغم كانت أمها لنغم لسى مالا مقتنعة تكمل بالمعهد عدي: بدي روح حاكيها بقى جوري: أي ياريت حرام يروحو الدروس ع نغم ح تخلص السنة يعني مابقَّى شي عدي: انتبهي ع حالك أنت وع الدروس ماشي؟ جوري: لأ مابعرفك وأنت راكز عدي: ههههه ، قومي نزلي وصلتي خانوم نزلت ع المعهد وفتت ، كان عدي عم يفقد نشاطو شوي شوي يعني ماعاد متل أول كان واضح عليه حب نغم .... أخدت الحصص والدروس وماكنت مبسوطة فيهن إلا حصة الديانة ..... كانت عم تعلمنا الآنسة عن 12 ركعة بالليل اسمها صلاة الحاجة ، وبتتصلى ع النية الي بدنا ياها شو ماكانت ، كانت عم تعطينا جرعة الأمل والتفاؤل المُعتادة يلي مناخدها منا ...... #يتبع 🌍🌸 خلص النهار وطلعت من المعهد ، مالقيت عدي ومادقيتلو قررت أمشي كان كتير دايق خلقي مشيت شوي وبعدين بسمع أسمي من ورى ، وماكان الصوت غريب أبداً ............................ نغم: أمي مشان الله عم تروح عليِّ الدروس وبيفصلوني بعدين أم نغم: اي وتنفصلي شو أخدك الطريق بدو ساعتين لهنيك ودوامك طويل وصعب كأنك مسافرة طول النهار بالمعهد نامي بفرد مرة فيه نغم: أمي هاد المعهد ممتاز ، والكادر يلي فيه من الوزارة أم نغم : نغم الحكي هاد حفظتو مابدي عيد وزيد مافي يعني مافي نغم: أي ماشي ، أتأكدي أنك عم تروحيلي مستقبلي مشان ولا شي ، لك ياريتني متت وخلصت ، ومارجعت ، _فاتت ع الغرفة _ بضلو تقولو للبنت درسي ودرسي وكملي والشهادة سلاح ولا بتخلوها تدرس متل العالم ولا تختار فرعها متل العالم ، ع شو بدنا ندرس بالله أخوها: ماما شبها نغم !! أم نغم: أنبحتت ....................... ليث: خالتي بتجي نغم لهون زيارة وهي هيك هيك ح تجي مشان المعهد مارح ضل المعطلة أم محمد: قال أمها ماعم تخليها ليث: أي بكرى بيحكي عدي معها وإذا اضطر الأمر أنا كمان بروح ، يومين كمان بتلاقي نغم بالمعهد إن شالله ، بتشوفا هون أم محمد: أي يعني هلق جوري بدا تروح زيارة ، خلص ح أبعتها اليوم وبتجي بعد يومين ليث: لا إله إلا الله ، مارح تروح لمكان ، ما ح تروح لا لعند نغم ولا لغيرا ، تقعد تلتهى بدروسا أم محمد: يلا برضاي عليك ليث: خالتي والله مو حابب أحكي ، رحت وشفت الوضع هنيك مو راكز ، وأمها لنغم الله يعينا حتى عفش بيتن واضح أنو مأخود ، الحي مافي عالم يعني بدهن شي بدن يطلعوا للأحياء التانية ليجيبو ، والحالة المادية صعبة ، وجود جوري ح يزعجن ، بس خلص إذا أنتِ كتير بدك عطي جوري مصاري وتروح يومين بس أم محمد: مابترضى تاخد ، بتعزبني كتير والله ليث: جوري؟ ليش عادي ، يعني أنتِ بترضى معك أنت بمقام أمها أم محمد: كتير عفوفة دخيل البها ، ومؤدبة ، مابترضى تاخد _سرح شوي ليث_ ليث: خلص خالتي مافي مجال ، وقت بدا بتروحي معا ساعتين وبتجو ، مافي مجال تنام هنيك ............................. سامر: أبداً ، كنت مارق من هون بالصدفة وشفتك ماشية قلت بسلم عليكِ ماحكيت معو برمت ضهري ومشيت سامر: ماعم أطلب إيدك ع فكرة ، وقفي وحاكيني ، لكك _مسكني ما ايدي وفتلني لعندو_ عم حاكيكِ جوري: شيل إيدك شوبدك خير؟ سامر: منقعد بشي مكان ومنحكي ع رواق جوري: رواق شو أنت التاني، انا وحدة متزوجة ومابقدر حاكيك زوجي مابخليني سامر: هـهـهـه متزوجة قلتيلي ؟ ومين سعيد الحظ جوري: مادخلك مين متزوجة ، المهم تحل عني روح التهى بحياتك وبمرتك وولادك وطلاع مني سامر: لك ااااه شو كنت غبي وحمار وأنا عم ضيعك مني ...... مافي وحدة متلك ياجوري ..... اشتقت لصوتك ، ولضحكتك ، ولهضامتك عدي: جووووري _كان جاية باتجاهي_ سامر: هاد زوجك؟ جوري: ............ _وصل_ عدي: سامر بيك ، ماصحلي هديك المرة أتشرف بحضرتك أكتر ، اتمنيت شوفك مرة تانية من قلبي #يتبع🌍🌸 سامر: وأنا حابب شوف زوجا لجوري كتيير حكين ماكان بطمن ، ونظراتن لبعض نفس الشي جوري: عدي خلينا نمشي عدي: طلعي ع السيارة أنتِ ، رُوحِي سامر: معناها مو أنت زوجا ، مين زوجا؟ عدي: مالو فاضي لأندال متلك سامر: اه يعني أنت فاضي؟ هـهـه عدي: لأ ، أنتو أختصاصي ضربو بعض ، وانا واقفة وعم حاول معهن ليوقفو ، ماكنت فهمانة شو دخل عدي بالموضوع وليش ليضربو ، أجو كم واحد فضوها بينن ، كان عدي عم يهددو ويتوعدلو إذا شافو شو ح يعمل فيه أشرلي اطلع ع السيارة وطلعت بس بهالموقف حسيت بالسند ، حسيت أنو عدي أخدلي يلي ماقدروا أهلي ياخدولي ياه ماكنت قدرانة أحكي مع عدي ولا كلمة كان معصب ومو منيح أبداً ..... عدي: شو مشيكي لهنيك جوري: أنو مالقيتك أنت تأخرت قلت برجع لحالي كتم غضبو وماحكاني شي ، كمل الطريق ع الساكت ، نزلني ع باب البيت وراح أم محمد: شبك تؤبريني كأنك مو ع بعضك ؟ جوري: أجى سامر ع المعهد وشافو عدي واتضاربو أم محمد: لا حول ولا قوة إلا بالله ، شو مارح يحل عنا هاد ؟ جوري: لأ مارح يحل طول ما أنا هون مارح يحل طلعت ع غرفتي وأنا بقمة توتري ، دقيت لنغم وخبرتا نغم: طولي بالك أنا أمي بلشت تقتنع يمكن بعد بكرى تلاقيني عندك ، وهاد الحيوان شو لسى بدو دخيلك ياربي والله الي استحوا ماتو جوري: هاد سامر مصيبة نغم مصيبة ، ماشفتي كيف كان يلحقني من مكان لمكان ، ماحل عني الا لما اتزوج ، وهلق رجع العن من أول ، لعفى ما أوقحو نغم: أنتِ قلتيلو إنك مزوجة كمان هـهـهـه جوري: لك أي سكتي كيف بدي أخلص منو يعني ، قلتلو متزوجة لأخلص والله مو بشي نغم: طيب تعي لعندي زيارة ولو مو ع أساس ح تجي لعندي ونقنع أمي سوا ونرجع نداوم سوا عم داومي لحالك جوري: لك أي بدي أجي أكيد .......................... ليث: مو الحق عليه ، الحق ع هديك المصروعة الي عم تتمشى عدي: قال لأني تأخرت بدا ترجع مشي لك وأنا ما تأخرت دقيقتين ، لك ومعها تلفون مادق تشوفني وين صرت ، شي بفور الدم قسماً بالله ليث: أنا هلق مضطر قعد عندي شغل وجرد وبدي أستلم أدوية وعندي مشوار ع المشفى ، بس أرجع بتفاهم معها ، بس يسلم أديك واللهِ إنك كفو وماقصرت عدي: لأ أنت عم تحكي وعم تخبي الضحكة وانا خلاقي ب ...... هلق ، ليش عم تضحك ليش ليث: هـهـهـهـه لك ماعم أضحك ، هلق ضحكتني أجى ممدوح ومعو كاسة عصير ليمون وعطاها ل لعدي ليث: شراب ليمون لتروق أعصابك ، وهي فتحنالك الصيدلية قهوة ، بس بالله رجاع عدلي هي جوري قالتلو أنو أنا زوجها؟ عدي: والله عرفان ياواطي والله ، هي النقطة الي علقت عندا أنت ، لك علقت معو رح ندمي بعض ، وانت راسك بجوري ليث: لك والله ماقصرت وفضلت ع راسي وعطيتك نشرة حب التهاب وهلق بعطيك دوا للمغص وهي ظرفين حب مص بما أنك بتحبو مسيك #يتبع🌍🌸 ماقدر عدي مايضحك عدي: لك عالم زبالة ياربي هـهـهـهـه ليث: أنا أوعك تفكر مشان جوري ، بس أنو كيف هيك بتقول عني ، مابصير شو الشغلة لعبة يعني عدي: آه هاد على أساس قلبك ماعم يقول حق بق ليث: _ابتسم ليث_ لك قوم من وشي مو فاضيلك عندي شغل _ورجع للاب توب_ عدي: لما قلي أنت زوجا قلتلو أي أنا زوجا خير ، عندك مشكلة مع مرتي اطلع ليث نظرة تانية أنو كيف ؟ رجاع عيد الي حكيتو عدي: هـهـهـهـهـه شفت أنك واطي وقلبك عم يقول حق بق ................................ كان ليث عم يعمل مقارنة بيني وبين لانا وطالما في مقارنة بينا ف بشكل منطقي رح ترجح الكفة لألي ...... خلص هالنهار الطويل ع الكل وأجى ليث ع البيت فات لابس وجه تاني غير وجهه ، فات وسلم علينا أم محمد: رح حطلك أكل طبختلك اليوم مندي ليث: أي خالتي يسلم أديكِ جوري: ح أجي ساعدك ليث: بدنا نحكي راحت أم محمد وضليت واقفة أنا ليث: وين بتحبي نحكي؟ جوري: عدي حكالك أكيد ليث: ماجاوبتيني جوري: هون ليث: قعدي لكن ، شلون بتعملي هيك؟ جوري: واللهِ اضطريت قلو إني متزوجة وماقصدت حدى وماقلتلو أسم ، عملت هيك ليمشي بس ليث: ماقلتيلو أسم جوري: واللهِ أبداً ليث: أي ماقصدي على هي ، شلون هيك بتمشي ومابدقي ل عدي مثلاً؟ جوري: ماعملت شي .... ليث: بعرف أنا مو ضد أنك ترجعي مشي ، ضد أنك مانطرتي ولا اتصلتي لا ب عدي لا فيني وبتعرفي أنو نحن دائماً منجي مناخدك ، طب بركي كان صايرلو شي مثلاً ل عدي استغربت من كلامو يلي ماكان بِدل على الوجه الي لابسو فكرت ح نتخانق ، بس أنو كان في تفهم بالكلام وللموقف كتير جوري: بعيد الشر ، ح دق تاني مرة خلص .... ليث: مافي شي أسمو تاني مرة ، مابقى تطلعي من المعهد لنجي نحن ، لنشوف كيف بدنا نتصرف مع سامر جوري: مو منطق هاد الحكي ، شو بدي ضل طول حياتي عم أتخبى منو ، أنا بواجهو لحالي ، _رجف صوتي شوي وانا عم كمل حكي_ يعني الله من وين بلاني فيه ، كل مابكمل حياتي بيرجع بيطلع ليخربها من أول وجديد ، كل وصل لحياتي بيخربا ، والله تعبت منو ، مابقى رح أحسب حساب لشي أوف يا خلصت وآخر شي شفتو كان ليث وهو صافن فيني وحاطت العقدة بس بنفس الوقت كان في ابتسامة مابعرف شلون ، أنا كانت ناقصتني هالنظرة وأنا أساساً حاببتو ، بس لما طفت الكهربا وأنا نسيانة أنها ح تطفي قعدت ع الكنباية وغمضت عيوني نطرتو يجي يشغل ضو او يحكيني بس ماعاد سمعت حركة عنجد خفت وفكرتو راح قام بكيت وناديلتو بصوت نايص ليث: ليكني ، كنت عم شوفك صرتي ئبضاية ولا لسى قعد معي وضمني لعندو ، بس هالمرة والله ماكانت متل مرة ، هالمرة رغم خوفي حسيت فيه ليث: بضلي بالمعهد لنجي ، خلص مو قلتيلو انك متزوجة خلي زوجك يعرف يتصرف جوري: ماقصدتك بكلامي ع فكرة ليث: أنا الي قصدت حالي ، بدي أنطرك لتقصديني ؟ هَزُلت والله ضحكني بعدت عنو وضليت مغمضة عيوني لبين مااحت خالتو ومعها ضو ، كان هالموقف من أحلى المواقف يلي عشتها بالعتمة بعد شهور من القسى فيها #يتبع🌍🌸 من هون بلش يصرلي ذكريات حلوة مع العتمة ل بلش أنسى الذكريات البشعة وأستبدلها بالحلوة شوي شوي ، بس طبعاً مو بهالسهولة ...... كان بدي أوفي بوعدي لربي يلي قطعتو على نفسي وكفر عن ذنبي ، ووعدت حالي أنو هي آخر مرة رح قرب فيها من ليث أو أسمحلو يقرب مني بالعتمة كنت بدي سيطر على خوفي مو خوفي يلي يسيطر عليِّ ، وهي نقطة لازم كل وحدة فيكن عم تقرأ هلق تفهما سيطري على خوفك لا تخلي هو يسيطر عليكِ أنا أقوى وأنتِ أقوى ، وصدقيني كل مخاوفك وقت تقربي عليها ح تكتشفي أنها ع الفاضي ، ومبينة على أوهام مافيها أساس من الصحة ..... وقبل مامرق أحداث صار معي تاني موقف حلو ولازم أحكيلكن ياه كنت راجعة عالبيت بعد دوام طويل بالمعهد ، وجملة أنسة الديانة معلقة بأداني ( اطلبوا من الله واقعدوا وارتاحوا لبينما يتحقق طلبكن بكل هدوء ) مضى اليوم روتينيا ، كان بالي مشغول كيف بدي صلي وشو بدي أقرأ بصلاتي ، ونحنا عم ناكل ضليت ساكتة وصافنة وليث وخالة أم محمد مستغربين من هدوئي ليث :جوري _اطلعت فيه_ ليث :ما عجبك الأكل (ضحكت) جوري :لا شوو خالتو أم محمد من ايمت بتطبخ شي ما طيب ليث :شو عم تفكري لكن حسيت إني لافتله نظره مزبوط جوري :ءء ولا شي كملت صحني وصبيت فنجان شاي وطلعت عغرفتي أدرس ، درست منيح ، لحتى صارت الساعة 12 بعد نص الليل ، كان بدي نام بس قلت ﻷ لازم أتقرب من الله بكفي بعد وغم قمت اتوضيت ولبست فستان ولفيت شال ﻷن ما كان عندي طقم صلاة، دق الباب ،شفت خياله جوري :اتفضل فتح الباب وفات واتفاجئ ليث :شفت الضو شغال قلت أكيد فايقة جوري :اي فايقة ليث :هههه شو لوين رايحة انتبهت أنو اتفاجئ من لبسي جوري :هههه لا مو رايحة بس كان بدي صلي ، ما عندي طقم صلاة هز راسه بإعجاب ما قدر يخبيه جوري :ء في شي ليث :ﻷ إجيت حاكيكي بس قبل ما اسألك حابب قلك أنو الشال على وجهك حلو كتير نزلت راسي وخجلت جوري :شو بدك تسألني ابتسم عجنب وركز عيونه عليي سمعت دقات قلبه وصلت لعندي ليث :حسيتك اليوم متدايقة ، صاير معك مشكلة جوري :ءلا أبدا درت وجهي وما بقا اتحملت نظراته على قد مو حلوة ، اتمنيت أعمل هيك من قبل لحتى شوفه هيك عم يطلع فيي ،قلي تصبحي عخير وطلع عليي من فوق لتحت وراح ،قعدت عالتخت والتقطت نفس ، مدري ليش هيك حسيت بمشاعر قوية بهديك اللحظات بيني وبينه ....................... بعد أسبوع من اقناع أمها لنغم بإنو البنت رح ترسب وراحت خالة أم محمد وأستأذنت لنغم تنام عندي كم يوم أجت نغم لعندي وأول ماشافتني ضمتني فوراً كنت مشتاقتلا كتير وحاسة حالي مو أنا بلاها نغم: ومتغيرة كمان ولا مكياج ولا شعر براڤو جوري: أي لأنو معك حق ، الشغلة بالقلب ، وهو الشب حتى لو لحق المظهر والجمال وقت يكون الباطن مو صح ح يترك ويمشي، أنا اتعلمت من لانا درس ع فكرة نغم: مَفاده ؟ جوري: مَفاده أنو الوحدة تخاف من الله وطّهّر قلبها ونيتا ، بعدين أنا ليث خلص عم يلمحلي كتير ع الزواج وهيك ، وأنا ولا كأني هون نغم: ولمّا عم تطفي الكهربا جوري: دائماً عم كون مع خالة أم محمد ولا عم خليه يفكر أصلاً ، ومسكت صلاتي ماعاد قَطّشت فيها ، حست أهلي رضيانين عني #يتبع 🌍🌸 فرحتلي نغم كتير ، وانا كنت فرحانة لحالي كمان ، وكنت عم أطلب من الله الأفضل إلي سواء مع ليث أو لأ لحد ماقربت أمتحانات البكلوريا وانضغطنا بالدراسة ، كنت أنا ونغم عم ندرس فلسفة ومركزين كتير ، وخالة أم محمد نايمة ، وليث بالصيدلية ، بعتلي مسج اطمن فيها علينا ..... بعدين رن جوالي من رقم غريب ف أنا فصلت رجع رن رجعت فصلت نغم: مين عم يدق جوري: رقم مابعرفه نغم: أي ردي بلا ماينصرع راسنا أجاني مسج ..... جوري متل ماعرفت أهل نغم وين عرفت أهلك كمان وين . مااشتقتي لأمك ؟؟ مستعد وصلك لعندا ، بس إذا أجيتي لحالك ، أنا عم أستناكي بالحديقة الكبيرة أكيد عرفتيا / سامر بكيت فوراً وبلشت اهمس أمي ....... أمي ..... نغم: جوري شبك؟ جوري: أمي ، سامر بيعرف وين أهلي ، مالن ميتين ، عايشين وموجودين ، لازم شوفن نغم نغم: جوري لحظة بركي عم يكذب عليكِ استني نحن مامنعرف خبري ليث جوري: لأ إذا خبرتو مارح ياخدني لعندن سامر ، مارح خبرو رح روح لحالي نغم: يا جوري لا تتصرفي بشكل غبي ، كوني عاقلة وواقعية ، البناية هبطت عليهن جوري: بس في كتار طلعو من تحت الأنقاض عايشين ، ليش لحتى أهلي مايكونو عايشين يعني نغم: ياجوري جوري: لا تحاولي نغم ح روح ركضت ركض برى البيت وأنا بس عم فكر بأهلي وبأمي ، عايشين ح أرجع ضمها ، ح أرجع قلا اشتقتلك ، ح أرجع احتمي ب بابا وأرجع أدلل عليه وأرجع لكل تفاصيلي الصغيرة معن كنت عم أركض وأبكي وصلت لعند سامر ، لقيتو قاعد ع المقعد وناطرني ، أبتسم أبتسامتو الباردة سامر: ما تأخرتي جوري: وينن؟ سامر: طيب تعي جوري: بَعّد عني ، قلي وينن؟ سامر: أمشي معي بالسيارة لآخدك جوري: ومفكرني حمارة يعني ، أركب معك وانا مالي واثقة فيك ؟ سامر: طب خلص سلام جوري: سااامر .... مشان الله لا تعمل هيك سامر: بدك أهلك أمشي معي ، ح وصلك وروح لا تخافي واللهِ ماكنت غبية ، كنت البنت يلي تعلقت بقشة صغيرة من الماضي وبدها ترجعلا .... كنت البنت يلي أشتاقت لأمها ، يلي دابت كتير بلا أبوها وبدا ترجع تتماسك معهن من أول وجديد كنت مستعدة أتخلى عن الكل مقابل أهلي مقابل أرجع عيش معهن ركبت بالسيارة معو وركب هو وقفل السيارة من جوا ، ماكنت مرتاحة وقلبي كان مقبوض بس عم أتذكر أمي وأرتاح ومشي كانت نغم داقة لليث ومخبرتو ، ركض باتجاهنا مالحقني شافني طلعت معو بالسيارة ولحسن الحظ أنو هون هو كان صافف سيارتو ، من أول مرة صفها هون لينزل يتمشى وشافني بالحديقة وصارت عندو عادة بيصفها قدام الحديقة وبكمل مشي ركب ومشي ورانا دغري دق ل عدي ليث: الغبية الغبية الغبية ركبت معو يالله عدي: لك دقتلي نغم وقالتلي أنا جاية فوراً ليث: لا تجي ، انت وينك عدي: بمدرسة أختي ليث: لف من ع طريق المطار عدي ، مستحيل يقدر يسافر فيها لك شو بدو يعمل ابن ال..... هاااااد #يتبع 🌍🌸 عدي: سماع ليكني مشيت لهنيك ، مارح يكون رايح ع المطار ، يمكن بدو يطلع فيها لمكان بعيد ، الو .... ليث ...... ليث طفى جوال ليث ، خَبّط بالدركسيون وتفشش ، بعدين طلع الشاحن وحطو ليشحنو وهو عيونو علينا اتفاجئت من أول الطريق لما طلع كمامة سامر ولبسها جوري: لشو الكمامة سامر: عندي حساسية من ريحة السيارة ماعم أخلص منها فتح الدرج تبع السيارة وطلع ملطف الجو ، وبخ باتجاهي ، دخت فوراً وبلشت أفقد الوعي ، لفقدت الوعي تماماً ، فتح شبابيك السيارة وشغل التكييف سامر: مارح أرجع ضيعك بعد كل هالسنين ، أنتِ إلي ، وحتى لو بالدم والخطف إنتِ إلي كان ليث جانن ، مأسرع بدو يتجاوزو ويوقف بوجهو بس ماعم يقدر من السيارات التانية .... رجع عدي دفلو عدي: ليش طفيتو ليث: فصل ال... وينك أنت ؟ عدي: أنا ع طريق المطار ناطركن لتمرقوا لساتكن عم تمشو عليه صح؟ ليث: أي عدي: سماع ليث ، دقيت ل عِماد وخبرتو ، أخد دورية ورح يطلع ح نمسكو للشرطة ونخلص منو ليث: لك ليش هيك عملت ، مارح استنى حدى لا عماد ولا غيرو ، أول مارح يوقف نازل أقتلو فوراً عدي: أوعك ليث ، بعمرك مارح تخلص منو هيك ، سماع هلق أنت ماعم تقدر تفكر وثاق فيني وخليني أنا يلي أتصرف عنك ليث: عدي ..... عدي: ما ح يصرلا شي ليكنا وراه ، نحن ال2 ليث: وينك عدي: ح توصلو لعندي أنا شفتكن ليث: سد عليه الطريق مشان الله خلينا نخلص ماعمل هيك عدي وخلاه يمرق ومرق ليث وطلع عدي ، كان في سيارات طالعة كونو طريق سفر ، وكان تركيز سامر كلو معي ، ماسكلي إيدي وعم يحكي معي كأني صاحية ، عدي حكى مع عماد رفيقهن وقنعو عماد أنو طريق الامن والقانون أسلم وطالما في خطف وإذا التقط بالجرم المشهود رح يكون يوم أسود عليه كان سامر عم يمشي فيني لبيت هو آخدو مَصيف بيطلع عليه مع عيلتو بعد ماتخلص المدارس بصيفو هنيك ، كانت ضيعة صغيرة وحلوة وعدد سكانها قليل ، المهم مرقوا شاحنات كبيرة محملة حمولة وكان واضح أنها طالعة برات البلد فصلت ليث عن سامر وعن عدي ليث: لا عاد شفتك ولا عاد شفتو عدي: أهدى أهدى ماتعمل حادث هلق ليث: لك هي الشاحنات الها طريق لحالا ليش مو ماشية فيه يالله ضلو الشاحنات فترة منيحة ماشيين وطبعاً وقت فرقو ع طريقن كان سامر مو موجود وقف ليث ، ووقف عدي ونزل لعندو ، كان شادد ع الدركسيون وكازز ع سنانو ليث: عدي قسماً بالله إذا بيندئر منها شعرة أعتبرو مقتول لابن الكلب ولو بدي روح أعدام فيها عدي: رح دق ل عماد أهدي دق ل عماد وفهم أنو عماد ع الطريق وانو عم يلحقو من إشارة جوالو لسامر وشايف هو لانو منطقة عم يدخل ، طبعاً كل هاد وعماد كان عم يشتغل من راسو كونو رفيق ليث ، ومانطر إذن لأنو بدو وقت والمفروض يكون أصلاً في إبلاغ ومافي إبلاغ بهالشي بس إذا مسكو بالجرم بتختلف القصة وهون فكرة عماد .......................... فتحت عيوني بتعب ، كنت ع كرسي ، وإيدي مربطين مع بعض ورجليه مربطين ..... جوري: شو عملت .... #يتبع 🌍🌸 سامر: الحمدلله ع سلامتك فقتي .... جوري: شو عملت ؟ سامر: ولا شي ، ماعملت شي ، ومارح أعمل شي جوري: وليش عملت هالحيلة الرخيصة هي ، كيف بتقدر تستغل قصة أهلي ، يلي كذبت فيهن أموات وألهن حرمتهن حتى الميت ما احترمت حرمتو أنت شو سامر: بعرف إنِّك تحت تأثير المخدر لهيك أهدي (قرب ونزل ع ركابو مقابيلي ومسحلي ع وجهي ورفع شعراتي) سامر: مابدي أذيكي ياروحي ، أنا آخر واحد ممكن يفكر يأذيكي جوري: بعد عني ، بعد مالي قدرانة شوفك ، عم قلك بعد معدتي قلبت كنت تحت تأثير المخدر ماعم بقدر صرخ أو حرك راسي بسرعة لساتني دايخة وحاسة الارض عم دور فيني بعد فترة نص ساعة او اقل مابعرف صحصحت منيح ، وبلشت طلع عليه نظرات حدّه .... سامر: ههههه روّقي معلش .... شبك محتدة هيك ، مالك جوعانة ؟ جوري: لك الله يوفقك شو حيوان ، مارح تنفد بعملتك هي ، ليث ح يلاقيني ومارح يرحمك سامر: طيب طيب خلص ليش عم تبكي ، خلص روقي مارح طعميكي ، طب سمعي هالنكتة قال وحدة بتحب الشطف بس الشطف ماحبا هههههههههههههههههه ........ أحم أحم ما حلوة ؟ جوري: مشان الله بكفي مشان الله رجعني ، سامر خلص أنت إلك ولادك ومرتك وعيلتك بكفي شو بدك فيني سامر: بدي عيلة منك ، هلق صار فيكي تجيبي ولاد عدى عن إنك حليانة ، لك اااااااخخ شو حليانة جوري: (غصيت ببكوتي) سا ... مر سامر: عيونو .... طب ليكي غنيلي روق عليِّ شوي بفكلك أديكِ ضمنياً عم قول عنو مجنون وغبي ، كنت خايفة منو خايفة يعمل شي ، ماكنت خايفة من الموت أبداً بالعكس كان الموت أملي بهالحالة ، وبنفس الوقت كنت حاسة أنو ليث موجود ، متأكدة أنو نغم خبرتو وهلق هو قالب الدنيا عليِّ .......................... أم محمد: لك وين راحوو؟ نغم: ولا شي خالتي هي جوري كان دايق خلقها وطلعت لعند ليث ع الصيدلية وهو قلي انو اخدا مشوار هلق بيرجعو أم محمد: قلبي قامطني يانغم نغم: وحدي الله خالتي مابقى إلا يجو أم محمد: لا إله إلا الله ، لك هنن بس لو يردو ويطمنوني بس ........................... ليث: شو اسما الضيعة شو قلك عدي: وادي الكرم ليث: هاد زلمة وقف سألو عدي: (قرب لعندو) السلام عليكم عم الزلمة: وعليكم السلام عدي: ضيعة وادي الكرم وين صارت؟ الزلمة: بضلك رويح دُغري دُغري المفرق ع إيدك اليسور شغلة دقيقيتين بتلاقى ليفتة مكتوب عليا وادي الكرم ترحب بكم عدي: مشكور عم ليث: بسرعة بسرعة أسرع ....................... جوري: مو طالع .... صوتي ..... سامر: كرمالي جوري: ..... سامر: طب كرمال فك إيدكي حاولت غنيلو ليخرس بس جوري: .......... روق عليّ ... شوي .. مشيني على ضو .... عطيتك أكتر مافيّ .... لا ماتقلي ....لو ............ ليث: ليكا سيارتو ليكا عدي عدي: شفتا سماع ما ح نحسسو بوجودنا ، ح نزل نحاول نشوف إذا ماعم يأذيها ، ح نستنى عماد ، هو صار هون 10 د بس وبكون موجود ليث: عم يأذيها وح أشرب من دمو عدي: ليث لا تتسرع مابظن يأذيها ، سامر أضعف من هيك وقف عدي ونزل ليث فوراً ، كان في شباك منخفض شوي وقف بِحَذر وشوي شوي الشي يلي خلا عدي يرتاح ، شافها مربطة بس مو صاير عليها شي والاكل قدامها وهو مقابيلها قاعد وعم يطلع عليها ، ش *الـــــــــ͢ـོ͓ـــنهـــــــايـــــــོـ͓ـــ͢ــة* ➖➖➖➖➖➖➖➖➖ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h```