الفصل 6
[٢٣/٢، ٨:٠٨ م] null: *قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵الفقد.tt*
*❴🔢❵☟الـــبـــــــــــ❴9️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖📚كتب ||روايات|| منوعة📚:
#البارت التاسع
#نــــســمــة
🌸🌸🌸🌸🌸
عرفتُ الحبَّ لأوّل مرة في حياتي.. إنّه كالموت تسمعُ عنه كلَّ حين خبراً ولكنّك لاتعرفه إلا إذا حضر!
#نجيب_محفوظ
🌸🌸🌸🌸🌸🌸
جوري: عدي لازم تبلش بالخطة مافي غير هالحل انكشفها ع حقيقتا
عدي: خايف من الفشل والله وقتا ليث مارح يطلع بوشي
جوري: لك كلنا معك وكلنا مشتركين بهالقصة معك وكلنا رح نشهد لصالحك إذا لاسمح الله فشلت
عدي: بعرفو لليث منيح مارح يهمو الا يلي طلع مني
جوري: أنت مو قلت أنها مادية؟؟
عدي: كتير
جوري: معناها بلش مارح تخسر شي أنا واثقة
بس لأ ماكنت واثقة كنت خايفة تكون بتحبو لليث وماتوقع كنت خايفة ماأقدر أوصل لليث كنت خايفة يضيع مني كنت خايفة من كل شي الا من ربي .....
وهاد أكبر غلط عملتو بحياتي
سبق وقلتلكن إني عميت
عميت لما حبيتو ومابقى شايفة شي
صرت بدي أجذبه ميكب أواعي شوي ع الموضة البايخة او بصراحة كتير
تسريحات الشعر
هاد الجزء خجلانة شارككن فيه
بس كان لازم وكان لابد لأنو منه عبرة قصتي كلها
نسيت أنو ممكن جيبو بدعائي وبحشمتي وبأخلاقي وبإختلافي
ماكان مطلوب مني إني البس جلباب بس المطلوب انو خلي قلبي يحتشم
لأنو إذا القلب أحتشم رح يحتشم الجسد
مابعرف ليش هيك كنت عم أعمل
يمكن لأنو ليث بهديك الفترة كان حبو ل لانا عاميه ومغمض بصره وبصيرته وماعم يشوف حدى قدامو ولا عم يسمح لوحده تنافس لانا حتى
والي دابحني انها مابتستاهل
صرت أتعمد الشغلات يلي بحبا
اللون النيلي ؛ رفعة الشعر نص ونص ؛ المسكرة ؛ المنكير ؛ الأكلات الي بحبا ؛ وحديقة البيت💜
بس عبث كل هاد وماكان عم يطلِّع
نغم: انتِ منتبهة إنك صايرة لعبة جوري؟
جوري: مابدي أخسره نغم
نغم: طيب قولي إنّك بتحبيه وخلصينا
جوري: يعني بكل شي عم أعمله ومو مبين إني بحبه؟؟ نغم لاتستفزيني
نغم: ماعم استفزك أنا بس بدي أسمعها منك
جوري: وهي سمعتيها أتحفيني
نغم: جوري إنتِ كتير كتير متغيرة عن أول مابعرف متغيرة من جوا ومن برا كمان ليث مارح يحبك ليث هلق غرقان فيها ارحمي حالك ارحمي قلبك ارحمي مشاعرك واصبري وانطري لنشوف شو رح يصير مع عدي ومحمود وبعدين بتحددي طريقك ، بس هدِّي من هون لوقتها أرجعي لعقلك رجعي لطبيعتك وخففيلي هالمسكرة هي يلي ماعم يجيكي من وراها شي ، الشغلة بالقلب لأنو مو برموشك
رن جرس الفرصة وفتنا ع حصة الفلسفة الصعبة ....
كنت عم اغلي وانا ناطرة عدي يبعتلي مسج ويخبرني شو صار وإذا وافق محمود ولا لأ
وصلني المسج💌
قرأته وابتسمت ابتسامة النصر لانو كان بيحمل خبر موافقة محمود على الموضوع مع سوية تعديلات بدو ياها محمود
وقتا قلت يعمل يلي بدو ياها ان شالله يغيرالقصة كلا المهم وافق يعمل شي تجاه هالموضوع
~بعد مرور أسبوع~
المفروض بهاد النهار يكون النهار الحاسم يلي رح تزبط فيه خطتنا
كنت ع نار أنا ونغم
نغم: لا إله إلا الله شبك شبك قعدي حاج عم توتريني أكتر
جوري: لازم تقتنع أنو عدي أغنى من ليث لازم تقتنع بهالشي يارب ليث مايخربط يارب محمود مايخربط
نغم: لك شو ولاد هنن ليخربطو يعني؟ خلص قعدي كلو محبوك وممدوح رح يدق ليبعد ليث عن القعدة قعدي ولو
جوري: طيب
#يتبع 🌍🌸
قعدت وانا عم أتخيل منظر ليث وهو شايفها مع عدي انها عم تخونو وعم يشوف المشهد يلي رتبنا أنا وعدي وعم أتخيلو بالحزافير
بس مابعرف شو الي صار
مرق نص ساعة ومابعتو شي
ف اتصلت أنا
جوري: شو صار معكننن
عدي: لسى ما أجو ع المطعم عم دق لليث جوالو مطفي
جوري: وينن وين بكونو؟
عدي: مابعرف بس يجي مندقلك او ببعتلك مسج ماشي؟
جوري: تمام ....
.................
تركت نغم عم تكتب ونزلت لعند خالة أم محمد
كنت متوترة أنو ممكن أنكشف انا وعدي
انو كيف اختفى فجأة ليث وماراح ع المطعم أكيد عرفان شي
أم محمد: أهلين حبيبتي
جوري: عملت استراحة من الدراسة قلت لأجي ساعدك شوي
أم محمد: أي الله يرضى عليكِ
لبست مريول المطبخ وبلشت شغل معها جلي وشغل بالطبخة وهيك
لبعد ربع ساعة اندق الباب غسلت اديي ورحت فتحت الباب
كانت متل القمر واقفة قدامي وعم اطلّع فيني من فوق لتحت .....
جوري: مين حضرتك؟
لانا: أنا ولا أنتِ لمين؟ ااه هههه انت بنت أم محمد طب بعدي بعدي انا لانا خطيبة ليث بعدي شبك واقفة متل الصنم .....
بعدت وأنا مصدومة ومرعوبة بذات الوقت ليكون ليث حس بشي كنت شاااكة بس تأكدت أنو عرف بعد ماشفتو فايت بعد لانا ومعصب ومحتد
ليث: مرحبا جوري (من دون نفس)
جوري: أهلين ليث
برمت لانا بسرعة
لانا: ليث؟؟ أسمو الأستاذ ليث عاطي وش كتير للخدم ليث بيك
ليث: لانا _بصراخ بس قطعتو وكملت_
لانا: خلص ماشي لازم احترم الكل روحي حبابة عملي كاسة عصير وسلميلي ع ماما كتير قليلا لانا اجت تسلم عليكِ
انجرحت فعلاً ودمعو عيوني
جوري:عن أذنكن
ليث: جوري أستني (مارديت طبعاً) لك أنت شو عملتي لانا شو
لانا: أي شو عملت يعني كلو لأنو قلتلا عمليلي كاسة عصير يعني وندهي لأمك
ليث: مالا خدامة عندك ومافي خدم بهالبيت 100 مرة فهمتك وقلتلك لا تغلطي ع خالتي بهالطريقة
لانا: خالة مين؟؟؟ بعدين انا غلطت بشو ؟ ودخلك لو مالها خدامة لكن مين هي يلي ببيتك؟؟
ليث: لا تطلعي عن موضوعنا الأساسي في عنا قصة ماكملناها وأجينا لهون نحكي فيها أحسن من الفضايح برا قعدي يلا
لانا: مارح أحكي ربع كلمة لاعرف مين هي ....
تنهد ليث وقعدت وقعدت لانا ماعرف من وين بدو يبلش خاف تفهمو غلط هو فعلاً بحبا ومابدو يخسرها وبذات الوقت مابدو يخسر جوري ونغم بأول
#يتبع 🌍🌸
فترة وجودهن حس أنو عم يعمل حسنة لله وشي منيح بس بعد هيك حَسّهن أخواتو ورفقاتو وجودن بالبيت خلا في جو حلو ومرح وعطا نكهة غير
بلش يحكي وكان حَذر بطريقة الطرح حاول مايحكي بإهتمام قدامها كتير مشان ماتفهمو غلط
وبعد ماخلّص كانت مصدومة ....
لانا: وايمتى كنت ناوي تخبرني؟ ايمتى أنا كان لازم أعرف ؟ بركي ان شالله وقت نتزوج ، انو اي بفوت ع هالبيت بلاقي هي ورفيقتا التانية هون وكنت حكيتلي قصتن بليلتنا الأولى وين القصة يعني!
لا عنجد مو حقك شلون هلق لجبتني وخليتني أعرف ؟
ليث: ع فكرة ح نرجع لنفس موضوعنا لو في منك جزء أهتمام ولو معتبرة أم محمد مثلاً مرت عمك متل ما أنا بعتبرها أمي كنتِ أجيتي لهون من زمان وعرفتي من زمان إنتِ الي مُصّرة تبقي بعيدة هيك عن حياتي
لانا: لا تسخدم معي هالأسلوب جاية تقلب الطاولة عليِّ والحق راكبك من فوق لتحت؟ شو دخل أهتمامي بالموضوع المفروض أنا أول وحدة دقيتلا وقلتلا عنن لهدول
ليث: وطي صوتك عيب هيك
لانا: عيييب؟ خايف ع مشاعرها للسينيورة تبعك ماكان المفروض ع الاقل تستأجرلها بيت وين ماكان تروح تقعد فيه
ليث: لانا أنا لهلق عم اضبط أعصابي
لانا: أي هي الحقيقة شو مقعدن مع شب عزابي بالبيت لحالو يروحوا ينهفوا بشي مكان
رفع إيدو وضربها كف ، سمعت صوتو أنا ونغم لانو كنا واقفين ع راس الدرج وعم نسمع انا كنت عم أبكي بس نغم أبداً مابكيت ولا رفلها جفن مابعرف ليش
وخالة أم محمد أستغربت من عدم تدخلها أبداً وحتى لما ليث ضربها أتوقعت تطلع بس ماطلعت
لانا: عم تضربني ليث .... عم تمد إيدك عليِّ كرمال وحدة ما(قطعها)
ليث: قصري لسانك عنها للبنت لانو مابدي أعمل شي يزعجك أكتر
لانا: ليش أنت رح تقدر تعمل أصلاً ...... (علّت صوتا) رح أسمحلك تعمل أصلاً ، رح ضل واقفة عم اتفرج عليك ع أساس وأنطر رحمتك
ليث: لازم نحكي بوقت تاني اطلعي لوصلك
اتفاجئت لانا من هالبرود هاد المفاجئ ماكان يقدر يقاوم دموعها ولا كان يقدر يزعلها
اطلعت عليه بنظرة غضب عارم ومشيت طلع وراها ليوصلها ماردت عليه وبقيت ماشية دغري وعم تقطع
الشارع كانت جاية سيارة وبلشت تزمرلها كتير
......................
عدي: وينو يالله بدي مَثّل
محمود: هههه هلق بس يجي منختبر قدراتك التمثيلية
#يتبع🌍🌸
رن جوال عدي وكانت نغم
رد وكان عم يقدر يسمع صوت جوري وهي عم تبكي
عدي: قليلي نغم شوفي؟
نغم: لا سلامتك بس ليث وخطيبتو كانو هون وشافت جوري واتخانقوا وهيك
عدي: عم تمزحي ما ؟ نحن أتأكدنا أنو ليث حاجز طاولة هون
نغم:اي حاجز صح بس هنن من الاساس متخانقين أجو متخانقين وبدن يكملو هون قام شافت جوري لانا
عدي: اي وتشوفا تتشرف بشوفتا أصلاً
نغم: اي مو هاد الي صار لان صوتها وصل لآخر الشارع وهي عم تعيط وانا لازم أعرف وإيمت كنت ناوي تقلي وحكي كتييير حكو
.......................
مادعستا السيارة ركضت بسرعة للطرف التاني وسمعت الشوفير عم يقلا : عميا عميااا
كان ليث قلبو بين رجليه عليها ركض لعندا وضمها كان خايف عليها وحتى صوتو عم يرجف ضمها بقوة وهي صارت تبكي وتبعدو عنها بس هو ضل ضامما دقيقتين لحد ماهديت
ليث: طيب تعالي مو نحن حاجزين لنتغدى بالمطعم؟مناكل ومنحكي لا تزعلي خلص أنا آسف
لانا: خلص ليث بدي أرجع ع البيت
ليث: لأ مارح ترجعي ع البيت هيك .... لك ماعندي أغلى منك والله ..... والله بحبك ، خلص تعي مناكول ومنحكي ع رواق
باسا من خدا ومشي معها ع السيارة وطلعوا فيها
.................
عدي: والمعنى نغم؟
نغم: معنى شو؟ خلص يعطيكن العافية مارح يجو
عدي: طيب خلص بشوفك المسا بدنا نقعد نحكي نحن ال3
محمود: ال4
عدي: ال4 هههه ماشي يلا انتبهي ع حالك وهديها لجوري مو مستاهلة القصة لرجلا قليلا ......... ماشي يلا ........ سلام سلام
محمود: شكلها فقست ....
عدي: وفقسة بخناقة يامعلم ..... تمشي ؟
محمود: منمشي ....
...........................
نغم: يعني وحدة صرماية متل هي تبكيكي والله مشكلة
جوري: نحن لازم نمشي من هون نغم
نغم: اي منمشي بس لوين؟ لك حتى الحي تبعنا لسى مافتحو أبداً
جوري: مابعرف مابعرف أنا حاسة حالي عم اختنق نغم عم اختنق
نغم: لا تخلي كرامتك تنأح عليكِ كتير ، لأنو عنجد ماعنا مكان نرحلو جوري ، مافي .... إلا إذا طلبنا من ليث أو عدي يطلعونا ببيت لحالنا .... وأكيد مارح نكلفهن أكتر من هيك
مابعرف ليش كنت حاسة أنو نغم بدها ضل عند ليث ومابدا تطلع من عندو أبداً بس سكتت ماكان بقدر أعمل إلا إني أسكت
.....................
طلبو الغدا وقعدو ياكلو
عدي: غدا طويل عريض اي كنا قمنا تغدينا سوا عندي بالبيت أهنى وأريح
محمود: أي شو أجينا ع الفاضي يا أخي بدنا ناكول ، كول خلصني
عدي: لأ أكيد مالي خجلان لا تخاف
بعد 5 د بس صار يسعل محمود عطا عدي كاسة مي شربا
عدي: طول بالك الأكل مارح يهرب
محمود: أجى ليث
عدي: بحياة دينك؟
محمود: وحياة الله شوف ليكو قعد ع طاولتو
عدي: أي شو يعني
محمود: شو شو يعني خلينا نفذ يلا
عدي: نفذ شو لك غبي متخانقين ال2 وشافت جوري شوف النكد لقدام هلق إذا بتمطر حجار رح تقلك جوري
محمود: أنا قايم سلم عليهن تصطفل أنت
قام محمود
واضطر يلحقو عدي ، زبط حالو وقام
#يتبع🌍🌸
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
[٢٣/٢، ٨:٠٨ م] null: *قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵الفقد.tt*
*❴🔢❵☟الـــبـــــــــــ❴🔟❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖📚كتب ||روايات|| منوعة📚:
#البارت العاشر
#نــــســمــة
🌸🌸🌸🌸🌸🌸🌸
قربو عدي ومحمود لعندن
محمود: مسالخير
ليث: لك أهلا وسهلا أهلين شريك كيفكن
عدي: مسالخير (ل لانا)
لانا: مسالنور
عدي: عم نتغدى هون وشفناكن قلنا لنجي نسلم عليكن
ليث: تفضلو تفضلو قعدو بعرفكن خطيبتي لانا
حبيبتي هدول رفقاتي عدي ومحمود
لانا: تشرفنا أهلا وسهلا
كانت لانا لسى مهزوزة ومو مصدقة أنها مضروبة كف لهلق ومالها قدرانة تسامح أو تستوعب الموقف
مالا طايقة ليث لأنو هي أساساً مابتحبو ، بس يعني ماشية ع مقولة الحب بيجي بعد الزواج
قعدو وبلشو يحكو شي عن شغل وشي عن طلعات وهالقصص ، لحد ما انتحنح عدي وسعل فهم محمود وأستأذن منن ليروح ع الحمام
راح ودق ل ممدوح وكان متفق معو أنو يدق ل ليث ويبلش يسألو كتير ويلهي شغلة 10 د بس مو أكتر
رجع محمود وقعد ودق ممدوح فصل ليث ل ممدوح
عدي: مين عم دقلك
ليث: ممدوح أكيد ك عادتو شغل ومالي بمود شغل هلق
عدي ضحك ع تعبو يلي شافو عم يضيع قدامو من تخطيط وتمثيل
ليث: شبك؟
عدي: ههههه لا سلامتك
ليث: شبو؟
محمود: والله مدري هههه انا عم اضحك ع ضحكتو
عدي: أي يعني شبني بلد مافيها خير قال مالي مود شغل مفكر حالو خضرجي ولا سمَّان
لانا: ههههههه
ليث: أي ضحكي أنتِ عجبك الحكي
لانا: ههههه لا بس مهضوم ، أنو معو حق أنت دكتور وأكيد ياعم يدقلك كرمال دوا أو حالة أجتو يعني الموقف أنساني أكتر منو شغل لهيك عم يقلك مالك خضرجي
عدي: يسلم تمك هون الفهم قوم رد قوم عم يتصل
ليث: ههه ماشي
وأخيراً قام ليث ورد......
كان مبدأ الخطة بس أنو يشدو لانا ويوقعوها بس
محمود رفض فكرة أنو عدي يحاكيها وقال لو هي يلي أجت لعند عدي ح تكون اللعبة أحلى وأزبط
محمود: لك نسيت قلك حكى معي اليوم الصبح المهندس محسن
عدي: مين هاد ؟؟
محمود: لك المهندس محسن ولو
عدي: والله في براسي 100 مهندس
معماري ومدني وديكور بقا زكرني
محمود: مهندس الديكور مشان تغيير ديكور مطعمك تبع المزة
عدي: اي اي شبو
محمود: ح يبلش التغيير من بعد بكرى ان شالله اليوم قلتلن للشباب يفضو المطعم اليوم وبكرى يفضو مشان بعدو يبلشو بالديكور
لانا: ههه ولو بدي أدخل ؛ حضرتك عندك مطعم
محمود: سلسة مطاعم يا آنسة
#يتبع🌍🌸
عدي: ههههه الله عليك يامحمود دائما بتالغ هنن كلهن 3 مطاعم وبناية 6 طوابق مأجرهن
لانا: ايواا اي الله يباركلك ، اي بس طالما عندك مطعم ليش جاية عم تتغدى هون
طلع عدي ب محمود نظرة سريعة وضحك
عدي: ههههه الله يسلمك ، لو مني وعليِّ والله مابفوت الا ع مطاعمي بس محمود هون هو يلي جابني لهون
محمود: ليش شبو المطعم راكز ومرتب
لانا: اي اكيد مو هاد القصد بس استغربت شوي هههه
محمود: _رجع وجه الحكي ل عدي عن الشغل _طيب لسى في -قطعو-
عدي: اخي خلص بكرى ع الساعة 2 الضهر انا هون رح استناك منيح منقعد منحكي ع رواق
محمود: انا 2 مشغول كتير خليها 3 ونص او 4
عدي: انا ع ال2 هون وانت تعى ايمت مابدك المهم نجي انا بدي ريح راسي شوي
(اجى ليث)
ليث: دوخني هالممدوح تقول هلق متخرج مدري شبو
عدي: طيب رح نترككن لحالكن ازعجناكن لا تواخزونا
ليث: لسى مااكلنا شي
محمود: سبقناكن صحتين وهنا والله ورانا كومة شغل وخاصة عدي بيك بتعرف أشغالو انت
ليث: هههه اي طبعاً طبعاً
بعد ماراحو عدي ومحمود
لانا: كانو عم يحكو عن الشغل وكأني فهمت انو عدي عندو مطاعم؟
ليث: اي عندو ليش؟
لانا: لا استغربت مو مبين عليه
ليث: كان أشطر واحد بين أخواتو وأشتغل بالورتة صح وأسس حالو ، لك ومع ذالك بتلاقي داير بالمطاعم بس غالباً محمود يلي بياخده محمود غيرنا دائماً بحب التغيير الا عدي لو الشغلة إلو ماكان طلع من مطعمه ، _ساكتة لانا ف كمل_ بس هو مابحب لا يحكي عن حالو ولا يفرجي حياتو للعالم حتى الماركات مابحبا مو متلنا
لانا: شكلو بخيل
ليث: بالعكس عدي أكتر إنسان ممكن تعرفيه وتبهدلي ع إيدو الفاروطية ع قد مو كريم بس كتير بيكره المظاهر هيك طبعو
لانا: اممم
كان لسى بدا تسأل عن البناية وعن إذا مرتبط أو لا بس مارح تسترجي تسأل أكيد هي سألت عن المطعم بحجة أنو ليش عم ياكل بمطعم تاني وأجاها الجواب
وليث ماكان مصدق ينفتح موضوع ليحكي ويطري الجو كان عم يحكي كتير ليحاول يضيع الشي يلي صار قبل شوي ويمكن لو سألتو كان ح يجاوب ع كل شي ليروق مودها وترجع تضحك وتسامحو ع قد ماكان بحبا وع قد ماندم ع ضربها بس هي كمان استفزتو
طبعاً ماسامحتو تماماً بس ضحكت معو كان زعلها تقيل فعلاً وقولاً وتقيل ع قلب ليث كمان
#يتبع🌍🌸
رجعت لانا ع بيتا وهي مزعوجة بشكل مُلفت كانت عندا بنت عما سنا كالعادة ناطرتا
سنا: شبك ولا كأني هون شوفي فتي ع غرفتك لا سلام ولا كلام
لانا: سنا تركيني لحالي بليز لو سمحتي أنا مخنوقة ورح موت
سنا: لك شبك وليه والله خوفتيني عليكِ أحكيلي
لانا: سنا عم قلك طلعي لبرا
سنا: لا مالي طالعة وليكني قاعدة وعم أسمع يلا
تنهدت لانا وقعدت ماقدرت تمسك دموعا وحكت كل شي بإستثناء جزء عدي يلي احتفظت فيه لنفسها
سنا جنت عليها
...........................
نغم: يعني قدرتو تعملو القصة
عدي: اي قدر الأمكان فرجيتا إني مادياً أحسن بس بهرنا طبعاً محمود عملني بيك هههه
نغم: منيح يلا بتعرف شو متأكدة ح تكون زعلانة من ليث وحاملة عليه وح تجي تاني يوم لعندك متأكدة ح تجي
عدي: مابظن بكون راضاها بعد مارحنا بيعرف نقطة ضعفا
نغم: لعمى لهالدرجة مافي كرامة ضربها ع فكرة
عدي: شفت علام الكف ههههه والله بتستاهل ، نحن عملنا الي علينا نغومتي
نغم: امممم
عدي: شو أممممم؟
نغم: أسمي نغم زكاتك
عدي: أيواااا ، لا قلت بتسمعي كلمة نغومتي بصوت رجولي شوي بتكوني مليتي منها بصوت جوري بس ماقصدت شي يعني
نغم: _ضيعت الموضوع_ ع سيرة جوري لهلق زعلانة وعم تقلي لازم نطلع من هون
عدي: لوين؟؟
نغم: مابعرف
عدي: إذا بتحبو بيتي مفتوح والله وبتعرفي في أمي وأختي الصغيرة يعني مو لحالي وشو بدكن بيصير ، ولا تضل جوري مدايقة إذا زادت القصة كتير مارح أترككن أبداً لا تحط ببالا شي
نغم: لا تسلم مابتقصر والله ، بس مو هيك قصدي
عدي: بعرف بعرف لك والله انا بدي فاتحك وقلك تجي لعنا زيارة بتتعرفي ع أمي وأختي حكيتلن عنك بس المشكلة عندي الكهربا بتطفي كتير يعني
نغم: هههههه بالله شو؟ _كان بدا ماتضحك وتعطي وش ناشف بس ماقدرت _
عدي: أنو اي والله قلت لحالي بقلك يعني وهو انا معك 24 ساعة كهربا وبلا كهربا يعني مافي داعي للخوف بس قلت بخبرك معلش ....
................................
سنا: وانتِ طبعاً متل الحمارة راضاكي ب فستان وساعة؟؟
لانا: سنا هو غصب عني اشترالي ياهن ومو هون قصتي
سنا: لك وعم تبكي متل البنات الغبيات الضعاف يلي بيندعس عليهن وبيمشى فوقن كمان
لانا: سكتي سنا ، بنت غبية لو بتشوفيها مافيها شي ينحب لا شكل ولا شي مقعدها عندو هي ورفيقتا والله أعلم إذا مابتكون عم ترسم عليه هلق هي ولا العقربة التانية الي معها ح جن
سنا: هاد وعلى أساس مابحبو والله يخلصني
#يتبع🌍🌸
لانا: اي ياستي والله يخلصني ، منك ومنو ومن الكل خلصيني بقا ، الي حاسستو مو حب ، الي حاسستو غيرة ع حالي مابتوصل لربع جمالي وضربني كف كرمالا لك ضربني كرمال وحدة مابتسوى فرنك مشردة ، بعمرك مابتحسي هالشعور
سنا: لأ حاسستو ، وحاسة بالكرامة وقت بضيع وبتروح ، وحاسة بكل تَبِعات الفقر والاهانة ، بقا لا تعطيني مواعظ ، ح تنتقمي منها لانا ومنو ومن الكل
بعرف انو ال2 عم يتخبطو بمشاعرن وال2 يمكن ماعم يعرفو يعبرو عن الشي الي عم يحسو لا لانا عم تعرف تقول انها اشتاقت للحب يلي عنجد ولا سنا عم تعرف تقول انها مرقت بهالموقف من قبل وماقدرت تكون هي المنتصرة فيه
كان طمعن سبب كل شي تعاسة بحياتن وعدم الرضا كان سبب كبير لكل هالتخبط هاد والحزن والكآبة
ماكانو رضيانين عن أي شي بحياتن ولهيك عم يتعبو
....................
بالسهرة أجى عدي ومحمود وقعدنا كلنا بإستثناء ليث
أم محمد: من ايمت ماقعدنا هالقعدة الحلوة
عدي: والله ياخالتي ابنك ليث صاير مابينطاق هيك بفرد شقفة لا بيعزم ولا بيحكي شي
_ضحكنا_
جوري: مايسمعك هلق
عدي: لك وينو صحي
أم محمد: بغرفتو دقيتلو وقلي نازل ، قايمة جبلكن شي تشربو
محمود: قعدي خالة مافي داعي تعزبي حالك
أم محمد: لا مشان واجبكن
نغم: قايمة ساعدك أنا
عدي: لكن انا كمان بساعدكن يلا بحمل عنكن
ضحكت نغم ومشيو ال3 ضل محمود وجوري
محمود: لشو هالاضوية هي؟
جوري: بتطفي الكهربا بعد شوي جهزتن مشان نشغلن
محمود: 4 بيال ، بيل واحد بكفي ههههه
جوري: ههه مابحب العتمة كتير
هز محمود راسو وابتسملا وكملو حديثن
كان ليث عم يشوفن من الغرفة وواقف عم يطلع شوي فين وشوي بجوالو يشوف اذا لانا عم تبعتلو شي
بعدين تذكر انو هالقد هو صالح لانا بس لسى ماحكى ربع كلمة مع جوري كان بدو ينزل يصالحا بس اتذكر أنو الكهربا بتطفي بعد شوي ، خطر ببالو يعمل شي ويكرر نفس آخر موقف صفن وابتسم ، بس بعدا نفض هالافكار هي كلا من راسو ، وصحي وقال لأ
بس للحظة كان يحب هالمواقف يلي تصير بينو وبين جوري وحب كيف بكل مرة تخاف فيا تلجأ الو اذا كان جنبا بطريقة غير مباشرة لحتى يقرب هو رجع صفن وضحك .... بس رجع نفض هالافكار من راسو كلا
نزل لعندن وقعد
محمود: عاش من شافك شبك؟
ليث: لا ولاشي سلامتك كنت ناطر تلفون بس ...
وينو عدي ؟
محمود: عم يساعدن بالمطبخ
ليث: هههههه لو إلي مروِّة لقمت صورتو وابتزيتو فيها كل ماطلب مني نشرة حب مص من الصيدلية
جوري: هههه أنو ع أساس ح تنكسر؟
اجى عدي وضيف العصير واكيد تمسخرو وليث فوراً عمل عريس وغازلو وفرطو ضحك
بلشت علامات التوتر تطلع ع ملامح جوري ونغم وهنن عم يرابقو الساعة وعم يطلعو ببعض
حاولت نغم تقوم تقعد قدام أم محمد بس عدي قعد هو وخلاها تقعد بعدو لانو عرفان شو ح يصير
قعدوا شوي وبعدا طفت الكهربا ، مسكو حالن جوري ونغم وماكانت ردة فعلن قوية كتير لان كانو عرفانين مسبقاً انو ح تنطفى ف كانو عم يراقبو الساعة حتى طفت
نغم مسكت بجاكيت عدي مسكلا إيدا وشد عليها ونزلا لتحت الطاولة
أما جوري مسكت ب أم محمد وأم محمد ضمتها
ادايق كتير ليث وانزعج كتير شغل البيال رغم وجود ضو برا واطلع بجوري وهو مدايق متل يلي كان ناطر هاللحظة
أم محمد: قوم عدي وقعد نغم قدامي
عدي ماقدر يحكي كلمة بس كمية انزعاجو كانت واضحة ، قام من تم سكت قربت نغم وقعدت ومسكت إيدها لام محمد
أم محمد: روح ابني شغل المولدة الله يرضى عليك
ليث: رايح
كان محمود عم يراقب ويضحك قدر يفهم كل شي طبعاً ، وبلش يحكي بمجال خبرتو بهالدقايق وانو الليل فعلاً متل النهار ويلي بيصير هون عم يصير هون وبكل أريحية لذلك الحل مو الخوف ولا نضل عالقين بالماضي
اشتغلت المولدة وخلص هالكابوس تبع جوري ونغم
#يتبع🌍🌸
بهالوقت لانا اكانت عم تشعل ، ومشتتة بين تفوت بهالقصة وتحاول تستميل عدي لالها وخاصة بعد ماحست انو لفتو جمالها
ولا تحاول تعطيه لأختها او لبنت عمها
كانت محتارة كتير وعم تحاكي حالا
لانا: بس مالي واثقة لا بتالا ولا بسنا ال2 ببيعوني بس أنا مابيعهن شو مابيحتاجو بعطيهن وبصرف عليهن أما هنن اول مابصير معن بينسوني تماماً شو اعمل يالله شو اعمل ...
.........................
ركيت راسي ع المخدة بإستسلام بآخر هالليل
جوري: ليه خلتني أحبك ..... لا تلومني ولا عاتبك ..... فين أهرب من حُبك .... روح منِّك للَّه ..... بعيوني السهرانة...... ودموعي الحيرانة..... بدعيلك بأمانة روح منك للِّه
نغم: هششش جورري بدي نام
وقفت غنا وتنهدت وانا عم ادعي ربي انو توقع لانا
مارح خليه لانا تاخد مساحة أكبر من هيك بقصتي لأنو فعلاُ كانت شخص مابيستاهل بتاتاً وقعت واجت تاني يوم لتقابل عدي متل الخطة
سجلا عدي حكيها وجرأتها بالطلب منو ليساعدا كيف تخلص من ليث الي ظالمها وخاطبها جبر عنها
وأكيد كانت حاطة الخطة انو بعد ماتشوّه صورة ليث ترسم ع عدي لتوصلو
انصدم عدي من هالطريقة هي
وهالبكا وهالاستعطاف هاد
كان ع شوي ح يصدقا
مشي معا وطبطب عليها وعطاها رقمو وبس راحت وقف التسجيل
حكى معي ومع نغم وبعتلنا التسجيل سمعنا بصدمة
استعد نفسياً ليواجه ليث
حكى مع محمود ليساعده أجى محمود وفاتو لعند ليث
ليث: شبكن كأنو فايتين ع عزا
عدي: ههه لا ولا شي
ليث: عدي شبك ليش مصفر؟ مرضان
محمود: بدنا ياك شوي جوى
فاتو ، بعد تلت رباع الساعة ممدوح فات ركض لجوا ع صوت تكسير ، كان ليث عم يكسر كل شي عم يخبط كل شي قدامو
حاولو يهدو دفشهن ولما رجع عدي ليهدي ضربو ماكان عم يعرف شو يعمل محمود كمش عدي فوراً وحلفو يهدى ويوقف
كان ليث طالع من الصيدلية
عدي: عم يضرب متل الجحش يازلمة تقول نحن يلي عم نلعب عليه (....) عليه وعلى يلي بدو يساعده
محمود: ردة فعلو متوقعينا كلنا ع فكرة كان المفروض تتركو
عدي: أي بربي أتركو متل (ال....) عم ياكل الخوازيق بس انا ال.... مو هو
مشي بالشارع عم يبكي ماقدر يمنع حالو لبين مايوصل ع البيت فات ع البيت عم يخبط كل شي قدامو فات ع غرفتو
5د بس كان مبلش تطبيش وتكسير
عرفنا أنو عرف قعدت وبكيت كنت خايفة من الصوت العالي قد مو خايفة عليه يأذي حالو
دقينا الباب بس مافتح لحدى
ع المسا الساعة 7 طلع من غرفتو
كان بحالة صعبة وعيونو مخضوضين ماحكى مع حدى طلع ودق ل عدي
أجى عدي فوراً ضمو بعض وبعدا راحو
كانوا عم يخططوا للحظة المواجهة الي كانت كتير صعبة
عدي: واذا خلصتك من ليث بتقبلي فيني؟
لانا: هههه فاجئتني كتير
عدي: مالازم هو في حدى بيقدر يقاوم سحرك طيب؟
لانا: هههههههه
ليث: لأ ماحدى بيقامو
انتفضت لانا وشحب لونها اطلعت ع عدي وليث وقلبا صار يخبط خبط
لانا: ءءء للليث
ليث: ماحدى بيقدر يقاوم سحرا
لانا: ءءء لليث انتظر لفهمك
ضربا وبكي معا هي وعم تبكي
ليث: أنتِ وحدة رخيصة ..... رخيصة كتير .... مين ما مدلك إيدو بتمشي معو
لانا: ......... لك يا ليث
ليث: خرسيي خرسي خرسي
كان لسى بدو يتفشش فيها ويطالع قهرو مسكو عدي وهداه
عدي: مابتستاهل شريك البزقة وكتيرة
ليث: شايفة شو عم يحكي ...... بس مافيني سكتووو .... مافيني قلو لأ .... الكل ح يسبك قدامي ومارح أقدر قلن لأ ... سمعي وليه إذا بتطلعي قدامي بس ولو بالصدفة ماسح بكرامتك المزابل
أنتهت لانا وقتا ومشي ليث وتركا
ماكان بهالسهولة أخد منو الموضوع جهد كبير كتير ليتظاهر قدامنا بالقوة ، حسيت بكسرتو كتير ، بس أهم شي أنو لانا تبهدلت من ال2 من ليث ومن عدي وأنو ترجت ليث وحتى ترجتو قدامنا ليسامحا ماكانت حابة تنتهي من حياتو بهالطريقة ماكانت قدرانة تتقبل الهزيمة هيك بس كانت هي أنسب نهاية إلها ومابتستاهل غير هيك
فتت بسعادة مالها آخر سعادة كانت مزيفة كتير
هي فرصتي لازم اجذبوه لازم يعرف إني بحبو لازم يحس بإهتمامي او بإهتمام وحنان الأم يلي فقدو أصلاً
أنا كنت فعلياً عم ضيع
.......................
ليث: وينا خالتي ؟
جوري: طلعت ع السوق لتشتري كم غرض انا جهزتلك الفطور بدالها تعى فطار
ليث: يسلمون جوري عم تعبك معي
جوري: لأ ولا يهمك عزابك راحة
ليث: تسلمي ..... شغليلنا التلفزيون او الراديو بدي أسمع فيروز عند الصبح أصطهج
جوري: ههههه تكرم عينك ......
بتذكر آخر مرة شفتك سنتها 🎶 بتذكر وقتا آخر كلمة قلتا 🎶 وماعادت شفتك 🎵 وهلق شفتك 🎵 كيفك انتَ ملِّا أنتَ
كيفك قال عم بقولوا صار عندك ولاد أنا والله كنت مفكرتك برات البلاد
وكيفك قااال عم بقولو صار عندك ولاااد انا والله كنت مفكرتك برات البلاد شوبدي بالبلاد الله يخلي الولاد اييه كيف أنتَ ملِّا أنتَ
ليث: لك أحلى من 60 راديو
جوري: هههه
...................
عم سرعلكن بالاحداث يمكن العلاقة بيني انا وليث ماكانت حب كانت رفقة حلوة وقوية وبلشت تقوى الرفقة أكتر وبلش يحسني أقرب منو وإلو
بس لسى عقلو ب لانا لسى بفوت بمراحل أكتئاب من شوقو الها هو معو حق الجرح كان تازة والصدمة كان لسى بكير أنها تنتسى أصلاً كان صار مارق ع القصة شهر
شهر من محاولاتي الفاشلة معو
شهر من نسيان حالي ونسيان انو لازم أطلَّع من بيتو عاجلاُ أم آجلاً
شهر كامل وانا نسيانة كل شي
كانت نفسيتي صفر لما ليث وعدي قكرو إني مكتئبة مشان البكلوريا
فقرروا يطلعونا مشوار
جهزلتنا خالتو أم محمد الغراض وطلعنا
كنت عم بلش أضحك وعم بلش آخد ع الجو وعم بلش فكّها
عدي: تعي جوري تعي فكي اكتئابك وساعديني وحملي معي
جوري: هههه هلق كل مالي بكتئب ها
عدي: لك خلصيني كنت طلبت من نغم واريحلي بس مالا فاضية
جوري: تضرب منك لاها🙂
حملت معو ومشينا باتجاه السيارة
عدي: ح تنبسطي ح تكيفي ملك السَيَرين معك
جوري: ومين هو بلا صغرة (محاولةً مني لاستفزازه😂)
عدي: يلي ماشية تحت ظلو هلق
سكتت وجمدت بإرضي وتجمد الدم بعروقي صفريت وكأني مريئنة وبلشت ضربات قلبي تعلى وتعلى بلشت أرجف وقف عدي واطلع فيني
: جوري شبك لك شبك متل الي شايف عزرائيل قدامو
اطلع لمحل ماعم اطلع وشاف زلمة جاية لعنا وكمان هو أصفر
عدي: مين هاد جوري بتعرفيه؟
وصل لعنا واطلع فيني
سامر: جوري؟
#يـــتــبـــع🌍🌸
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```