الفصل 4
[٢٣/٢، ٨:٠٧ م] null: *قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵الفقد.tt*
*❴🔢❵☟الـــبـــــــــــ❴5️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖📚كتب ||روايات|| منوعة📚:
#البارت الخامس
#نــــســمــة
🌸🌸🌸🌸🌸🌸🌸
فورا لف ليث وبلش يلحق الصوت
وصل لسور الحديقة وبلشت عيونو دور هون وهنيك وتتفحص الحديقة منيح لثبتت عيونو تحت شجرة وضحك
تنهد وﻷول مرة بيعملها نط من فوق سور الحديقة القصير وفات
مشي ووقف قدامها
الحديقة كانت فاضية ومافيها حدى
كانت قاعدة وضامة راسها بين رجليها عم تتنفس بسرعة وعم ترجف
زعل عليها كتير
نزل لعندا
ليث: خير يا آنسة شبك فيكي شي؟!
-نئزت وصرخت ورجعت لورى لحتى لزقت بالشجرة-
ليث:طيب طيب تمام أهدي مارح أئذيكي
جوري:تركني مشان الله اتركني
ليث: تمام تمام مارح اعمل شي انا بدي ساعدك بس (مد ايدو)
جوري: بعد بعد ...... خلص بعد عني روح
ليث: تمام تمام خلص ليكني رايح شوفيني خلص عم روح أهدي
راح ورجع لمكانو ووقف ورى السور ودق فورا لرفيق دربو (عدي)
عدي:ليثووووو هلا
ليث:وينك انت عدي؟
عدي: شبك ليش موطي صوتك
ليث:لككك وينك
عدي: كنت بالمشفى عند ابو لمحمود عم اطمن عليه وصرت تقريبا قدام بيتك
ليث:منيح سماع تعى ع الحديقة يلي بإول جادتي
عدي:ليش
ليث: ﻻ اله الا الله خلصني تعى وصف سيارتك وتعى مشي
طبعا عدي تأكد انو ليث ضرب بعقلو شي بس سايرو واجى
شافو واقف ناح السور وإجى لعندو ونكشو
ليث:هي البنت
عدي:شبها
ليث:هششش وطي صوتك هي وحدة من البنتين عدي
عدي: اووف كيف نفدت هي؟
ليث: مو المهم، حاولت ساعدها ماقبلت بس
عدي: أي لكن شو مستني لهلق؟!
أمشي لعندي منسهر سوا
ليث: لك عدي داققلك لنسهر ﻻنو مو بدي ياها
عدي: له له لك ليث شو هالحكي هاد زبط كلامك انت زلمة خاطب شو بدي ياها ماحلوة منك ﻷ ﻷ
ليث: ﻻ اله الا الله وحياة الله بتزعل مني عدي ها
عدي: طيب طيب خلص شو بدك مني خلصني
ليث: لف وفوت من باب الحديقة واتهجم عليها
عدي: شوو؟! اتهجم لك مو شايفها مو لقيانة نكشة والله بتموت بارضا وقبل ماتموت بتلم عليي الجادة كلا
ليث: ﻻتخاف مو طالع صوتا المسكينة من كتر مو مصرخة مبحوح صوتا
بعدين خلصني عميل حالك عم تتحركش ﻻتغمق وﻻ تلمسا يلا
عدي: أمري لله رح انحرف ع كبر بس سماع مابتضرب متل البهايم ها عميل حالك عم تضربني وانا بعمل حالي انضربت وبهرب قال ماشي
ليث: ماشي يلا
يتبع🌍🌸
حط عدي ايدة ع السور لينط
ليث: لك لف وروح ع الباب الرئيسي
عدي: لك روح عالج حالك خلصني شو ح تفرق (ونط من السور)
وصل لقدامها وشفق ع حالتها تراجع واطلع ع ليث لقى ليث رح ينفجر منو قام قرب وقال
عدي: أي شو هالشهد بعسلو هاد
جوري:(عم تبكي) لك مشان الله خلص ...... لك بكفي بكفي ........ تركوني بحالي ياربييي
عدي: روق روق حب والله منعجبك نحن شغل رفع
جوري: ....... يالله
ماقدرت تتحمل جوري واغمي عليها
ركد ليث وعدي عليها فورا
عدي:الله ﻻ يوفقك لحاق البوم بدلك ع الخراب
ليث: مافيها شي بس اغمي عليها خود مفتاح سيارتي فتحها وشغلها رح احملها انا يلا
عدي: اي حملها حملها
راح عدي وشغل السيارة حمل ليث جوري ومشي فيها وحطها بالسيارة ومشي فيها ع البيت
(( ليث
هو شب دكتور صيدلاني عمرو 27 سنة من عيلة محترمة جدا ومرتاحة ماديا
ابوه متوفي وامه للاسف متزوجة من رجل أعمال من غير محافظة بتتواصل معه عبر التلفون بس وباﻷعياد بتحاول تشوفو مافي تواصل بينه وبين العائلة اجماﻻ ﻻنو كلو مو فاضي لكلو
عايش بالبيت مع مرة كبيرة شوي بعمر ال51 سنة تقريبا اسمها أم محمد هي يلي ربتو قبل وبعد تفكك أسرته وضلت معو متل أمو وأكتر لهيك هيي غالية ع قلبو كتير وبحبها كتير ))
وصلو ع البيت حمل ليث جوري وفات فيها ولحقو عدي
عدي: والله مابعرف ليش لتحط حالك بهيك مشاكل
ليث: عدي...
أم محمد: ييييي بسم الله الرحمن الرحيم لك مين هي ابني
ليث: هلق بقلك خالتي هلق لطالعها بس
طالعها ع الغرفة وقاس ضغطها وسحبلها دم مشان يحللها وبعتوع المخبر فورا
ليث: عدي شلون بدنا نلاقي رفيقتا؟!
عدي:أنا بعرف 😒
ليث: ﻻزم ﻻقيها للتانية عدي
ام محمد: لك فهموني فهموني الي عم بصير
#يتبع🌍🌸
قعدو كلهن بالصالون وحكى ليث كل شي من اول القصة ﻵخرها
أم محمد: مسكينة
عدي: على شو مسكينة
ليث:لك ليش هالقد مو طايقها للبنت بتعرفها يعني؟ شايفا قبل هلق
عدي: ﻻبعرفا وﻻ بتعرفني من ايمت بدي اعرف هالاشكال انا
ام محمد: يعني لو كنت بدال ليث كنت تركتا!
عدي: اي شو هالضمير الصاحي هاد الله يبعتو لكل مشتهي
لك خالتي مشان الله نحن بوقت في حرب مابتعرفي المنيح من يلي عامل حالو منيح
بنت مابتعرفو اصلها من فصلها مفوتينا لعنكون ﻻ وبدكن ادورو ع رفيقتها
اصلا هنن اساسا يعني ليش ليطلعو من البيت بوقت متأخر هالقد؟!
ام محمد:أكيد الهن ظروفهن
بعدين ماسمعت ليث شو قال البنت رايح صوتا على قد مو مصرخة
(وقف ليث بنفاذ صبر)
ليث: خالتي هاد مابيتناقش هاد بينحط تحت اﻷمر الواقع
يلا قوم معي ندور ع التانية
عدي: لك انا شو الي علاقة بكل هالقصة
ليث: قوم خلصني
......................
طلعو علي وعدي ليدورو ع نغم
وبهاﻷثناء كان وجع راسي دابحني صحيت وصرت ابكي قمت خايفة وانا عم طلع يمين ويسار وضامة حالي
جوري:وين أنا..... لكك ويين انا
انفتح الباب وفاتت منو امرأة بعمر ال50
وجهها كتير حلو ومريح
شعرا اسود والشيب موجود فيه
مقدرة وحترمة وابتسامتها بتجنن
فاتت لعندي مبتسمة قعدت معي ومسكت ايدي
ام محمد:طولي بالك حبيبتي ابني شافك بالحديقة مغمى عليكي وجابك لهون
جوري: حديقة شو؟ أنتو مين؟!
ام محمد: ناس عاديين وكنتي بالحديقة برى مالك متذكرة؟! ابني لقاكي كان مغمى عليكي وجابك لهون
جوري: نغم.... نغم نغم وينا نغم
بعديلي بدي روح
ام محمد: يابنتي الله يرضى عليكي حالتك الصحية صعبة انت تعبانة كتير وبعدين ﻻزم تاكلي وانا عم جهزلك العشا
جوري: عشا مين بعدي بدي رفيقتي
ام محمد: متل مابدك
بعدت انا قمت وقت قمت بسرعة دخت فورا ووقعت ع الارض سندتني ورجعت سطحتني بكيت وانا عم قول نغم
كان وجع فظيع وكان من الجوع غالبا
ام محمد: معلش حبيبتي كلو بيتصلح معلش ﻻ تاكلي هم
تركتني وراحت لتحضر العشا
وانا عقلي كلو عند نغم وشو ممكن يكون صار فيها
.........................
عدي: متل يلي عم يدور ع ابرة بكومة أش
ليث: معقول يكون صرلها شي؟!
#يتبع 🌍🌸
عدي:إن شالله ﻷ ﻻ تتشائم بس كمان لحالنا مارح نقدر خلينا ناخد اسمها ومواصفاتها وقول لرفيقك يعمملك ياهن وخلصنا
ليث:أنا شفتا بعرفا
عدي:شوفو النظررر شوفو
من نظرة وحدة بصمتا للبنت وينك يا ﻻنا وينك
ليث: لك خرااس وﻻه هههه
...............
دورو كتير بس مالقوها
رجع ليث ع البيت بس مو فاقد للامل ابدا بانو يلاقيها لنغم
ام محمد:طمني
ليث:مالقيتا خالتي مالها أثر
ام محمد: ان شالله تكون هربانة ومتخبية بشي مكان
ليث: ان شالله والصبية يلي فوق شلونا!
ام محمد: مارضيت تاكول وﻻ لقمة كل يلي ع لسانها كلمة نغم وبدي ﻻقي نغم
ليث:معناها هديك البتت اسمها نغم
ام محمد:اي هاد الواضح نغم
ليث: ﻻتضغطي عليها خالتي خليها ساكتة اذا مابدها تحكي بس ضروري تاكول مبينة انو ماعم تاكل
....................
تاني يوم فقت الصبح بكير كتير كانت الساعة 6 الصبح
قعدت وانا تعبانة حتى من البكي
وانتبهت انو الغرفة كتير نضيفة بس تيابي كانت متوسخة هالشي كتير خجلني كتير
اجيت لقوم حسيت بدوخة وشفت سفرة الاكل لساتها كانت سفرة العشا يلي جابتلي ياها ام محمد من كم ساعة بس انا مااكلت منها
كنت جوعانة كتير قمت وقعدت قدام السفرة واكلت
كنت عم اكل وعم اتذكر نغم بكل شي
يارب ماتكون تركتني وراحت
يارب ماتكون انأذت وﻻ يكون صارلها شي
بعد مااكلت حسيت اني تحسنت شوي قمت شوف الغرفة ولقيت متل ماتوقعت حمام صغير فيها
فتت واتحممت وغسلت اواعيي
ماكنت عم اشبع من المي السخنة وﻻ من ريحة الشامبو البتجنن
المهم خلصت وطلعت اخدت الاواعي وعم حاول نشفهن فتحت الشباك فاتت الشمس وعبت الغرفة
كانت الساعة صارت 8 الا ربع
انا عم دور ع مكواية نشف فيها اواعيي يلي نشفو نص ع نص
ماكنت عم ﻻقي مكواية بهالغرفة يلي مرتبة ترتيب رهيب
قعدت ع التخت وتنهدت
شلت المنشفة يلي ع شعري وصرت نشف فيها شعري
واخدت مشاطة الشعر وسرحت فيها شعري
كانت الشمس بلشت تصير حدة ونشفو الاواعي
لبستهن واطلعت ع حالي حسيت رجعت جوري القديمة
لما شفت شكلي اتذكرت حياتي القديمة هيك كنت
بهالشعر الاسود الحلو يلي واصل ﻻخر ضهري
وعيوني السودة وبشرتي البيضة وكل شي فيني بالرغم من التعب والارهاق وقلة الغذاء الواضحة بس لساتني حلوة او يمكن انا هيك بشوف حالي مابعرف
رفعت شعري لفوق وطلعت من الغرفة لقيت درج بلشت انزل عليه لسمعت صوت ام محمد
ام محمد:يعني ليش جبتها اصلا
ليث: خلص قطعيها وحطيها بالتلاجة
ام محمد: اي كبيرة شو قطعها لحالي لو صغيرة مافي مشكلة
ليث: خالتي والله مو فاضي
ام محمد: ياابني كبرت ومابقى فيني حيل وﻻ عزم لاقطع هيك
قلبي بلش يرجف لعمى هدول عصابة ماهو اكيد مافي شي لله وكل شي إلو تمن كنت غبية وقت حطيت ثقتي فيهن والله كنت غبية غبية
#يتبع🌍🌸
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
[٢٣/٢، ٨:٠٧ م] null: *قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵الفقد.tt*
*❴🔢❵☟الـــبـــــــــــ❴6️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖📚كتب ||روايات|| منوعة📚:
#البارت السادس
#نــــســمــة
🌸🌸🌸🌸🌸🌸🌸
كنت غبية فعلا
احترت شو اعمل بس قويت قلبي وقلت رح اركد فورا باتجاه الباب واهرب
وانا وعم اطلع ع الباب لحدد الطريق الاقصر ﻻوصلو
ليث: خلص خالتي بدي اتأخر عن صيدليتي كرمال بطيخة يعني حطيها بالبراد وقت برجع بقطعها انا
ام محمد:اي انت بتقطعها انا مادخلني
قعدت ع الدرج وصرت اضحك
حسيت حالي مجنونة والله مو طبيعي يلي عم يصير والله
راح ليث وانزلت انا
ام محمد: بسم الله عليكي قدرانة تمشي بنتي منيحة انت
جوري: يسلم اديكي خالة منيحة وشكرا ع الاكل وع كل شي
سمحيلي هلق بدي امشي
ام محمد: شو تمشي ماتمشي لسى ماتحسنتي
جوري: ﻻزم دور ع نغم
ام محمد: طيب قليلي وين اهلك عطيني رقمهن ليجو ياخدوكي وكلنا مندور ع اختك نغم خليني وصلك ﻻيد اهلك
جوري: توصليني ﻻهلي؟؟ ياريت ياخالة آمين .... ياريت
ام محمد: ليش البكا لك بنتي تعي تعي قعدي وحكيلي تعي
تنهدت وحكيت لخالة ام محمد كل شي حكيتلا من لما اشتبكو للساعة 6 الصبح لما ادخلت الاسلحة الثقيلة لحد مانمت انا ونغم ع درج البناية
جوري: مراكز المساعدات قدمنا فيهن طلب قال استنو ومندقلكن طب لبين مادقو نحن وين بدنا نام؟؟ ...... بالمدارس مامنقدر نفوتكن ﻻنو فقط للعائلات وكمان بدها تسجيل
وحتى الحدائق بقلعونا منها كرمال مانخرب المنظر العام الجميل الراقي ...... وهلق ياخالة بتقدري توديني عند أهلي؟ مشان الله وديني والله تعبت
بكيت كتير هالمرة على كتف ام محمد وهي عم اطبطب عليي
ام محمد: مافي عندك مكان تروحيلو وبدك تطلعي من هون!
جوري: بدي دور ع نغم
ام محمد: وﻻ يهمك ليث عم يدور عليها
جوري: ياخالتي مشان الله فهميني مارح يبرد قلبي لدور انا
ام محمد: متل مابدك صيدلية ليث ع نفس صف بيتنا بس قبل اخر الصف يعني خليكي ماشية مستقيم 10د بتوصليلها هو معو سيارة بتطلعو بدورو واذا اضطر الامر بتطلعو برا المنطقة بدورو عليها ابني ليث بيعرف كل المشافي والمخافر كمان بدورو هنيك
.........
#يتبع🌍🌸
عدي:وصيدلي ياصيدلي ياااصيدلي بدي دوا الها وبدي دوا الييي
وقلبا صاير صاير صاير شعلة نار
وقلبي قلبي قلبي عم يغلي غلي
عجل عجل عجل باصيدلي
ليث: لك الصبح العالم الطبيعية بتسمع فيروز انا الله باليني وعم اسمع جعيرك
عدي:معناها بترحلك مشواار
قلتلا يارييت
ليث: ههههه لك حاج من الصبح مشان الله
عدي:شبك انت يازلمة صاير لئيم ومابتنحمل
ليث: ﻻنا من امبارح لهلق مادقت
مابدق الا اذا انا مادقيت
عدي: انت بتعرف رأيي بهالمخلوقة واكتر من 50 مرة قلتلك بلاها
ليث: بحبا بحبا بحبا عدي ومابدي اظلمها بشي
عدي: يااخي طالما بتحبا ومابدك تظلمها ورضيان انك انت تنظلم وهي ﻷ معناها ﻻتنكد عليي وتنق عندي انا مو ناقصني نكدك اصلا ، هتلك نشرة حب مص ع فريز كتير طيب
ليث: هاد دوا دوا مو سكاكر دوا
عدي: اخي مرضان حلقي ملتهب عم موت هات نشرة (اخد النشرة) قلي شو صار معك ومع هي البنت يلي جبتا
.......................
عم امشي خطورة لقدام خطوة لورا روح لعندو وﻻ روح دور لحالي
بس هو معو سيارة
وهو بيعرف المنطقة اكتر
واي شي رح يصير هو بيتصرف عني انا متأكدة اني اذا طلعت معو بس رح يطلب مني اني اتعرف عليها واعطي المواصفات ﻻنزلي ع مخافر وﻻ طلعي ع مشافي وﻻ سألي بمدارس
اوووف اصلا ﻻزم اشكرو على يلي عملو معي
وصلت ع صيدلية كان اسمها مارديني قلت بقلبي اكيد كنية العيلة
فتحت الباب بخجل وفتت
لقيت شب انا بعرفو قاعد مع واحد تاني كمان بعرفو واتفاجئت فيهن
واتذكرت
(ليث: خير باانسة فيكي شي؟
تمام تمام انا بدي ساعدك مارح أئذيكي
عدي: شو هالشهد بعسلو هاد!)
وقت شفتهن عرفت دغري القصة يلي صارت حاولوا يساعدوني غصب عني
ليث:ءءءء تفضلي تفضلي
هو المفروض مااتفضل بس هنن ساعدوني وﻻزم ﻻقي نغم
فتت وعم اطلع ع عدي وزورتو
عدي: ءءء اسف يعني انا مادخلني هو ها هو يلي قلي
ليث: -بصوت واطي- (الله ﻻ يوفقك) ءءء والله يعني اي مو هيك بس ماكان ﻻزم اتركك بالحديقة وانت بنت لحالك وبهالوقت
عدي: أأي مزبوط مابصير نتركك
جوري: كتر خيركن بدي دور ع نغم رفيقتي بس جاية قلك يعني اذا بتحب تساعدني واذا ﻷ مو مشكلة ابدا كتر خيرك عملت الي عليك وزيادة
ليث: له استغفر الله هاد واجبنا بس والله انا موصي ع دوا بدو يجيني هلق وﻻزم انا استلمو عرفتي مابطول كتير استني
جوري: ﻷ ح قوم دور انا لكن نحن هون لساتنا بهي الجادة 4
ليث: ﻻ انت هلق الخامسة قوم عدي دور معها
(غص بحبة المص يلي كانت بتمو وشرب وراها كاسة مي دغري)
عدي: اي اي تفضلي اختي تفضلي
طلعت انا فورا
وعدي توعد لليث بايدو وسحب ظرف الحب ومشي معي وليث صار يضحك عليه
عدي: من وين ح نبلش
جوري:-اتنهدت- من محل ماكنا الاستراحة
عدي: طيب
.................
كانت عم تبكي وايدها مجروحة وعاصة عليها منيح كرمال توقف النزيف
* ياحرام خدي حبيبتي هي خليها معك (💵)
نغم: شكرا خالة بس انا مو شحادة
* معلش حبيبتي بتعتازيها
قعدت وصارت تبكي وحست بالاهانة
كانت موجوعة كتير اطلعت بالمصاري لقتهن الفين
................
#يتبع🌍🌸
جوري: مو معقول وين بدها تكون طيب يالله اكيد صرلها شي متأكدة صرلها شي
عدي: طولي بالك ﻷ أكيد ماصار شي معلش مندور كمان
جوري: (بكيت) هي قلبنا الحي كلو وبعدين
عدي: خلص ﻻ تبكي منطلع لبرات الحي خلص مندور بغير مكان منعمم مواصفاتا ﻻتاكلي هم
........................
ليث اطلع ع جوالو وطار فرح
ليث: اي حبيبتي كيفك؟
ﻻنا: منيحة منيحة وانت!
ليث: مشتقلك مشتقلك كتير
ﻻنا:عم قلك كيفك مو شو حاسس
ليث: منيح حبيبتي بسماع صوتك كتير منيح
ﻻنا: طيب حبيبي ليك انا يمكن امرق عليك اليوم بالصيدلية اي
ليث: صيدلتك ياعمري رح انطرك
ﻻنا: حياتي امووواه بحبك يلا باي
وسكرت
قام ليث ليشتريلا ورد من محل الورد يلي قدامو طلع من الصيدلية وفات ع المحل
هون كانت واصلة لنغم لصيدلية المارديني
وقفت وطلعت بالالفين
فاتت لجوا وكان فيه الصيدلي يلي عم يشتغل عند ليث
محدين: تفضلي (وهو مستغرب من شكلها وقرفان)
نغم: ايدي مجروحة وكتير عم توجعني
محدين: قعدي هون لشوفها
...................
دقت ام محمد لليث وقلتلو تعال ع البيت مشان شغلة
طلع من المحل ع البيت
.......
انا وعدي مالقينا شي وفقدت الامل قعدت ع حفة وضميت رجليي وبكيت
عدي: طب لشو البكي هلق؟ ح نلاقيها
جوري: وين وين وين! هي بعدنا عن المنطقة والنا ساعة عم نمشي ومالها أثر
عدي: طيب معلش اعرف اسمك
جوري: جوري
عدي: وانا عدي
جوري: ......
عدي: طيب قومي ناكول هون ومنرجع مندور انا دخت من الجوع
جوري: يسلمو عزبنك معي ﻻ تواخزيني بخاطرك
عدي: لك وين بخاطرك وين تعي لهون برجعك ع بيت ليث وانت امشي من عندو
جوري: مابتفرق
عدي: ﻻ بتفرق وكتير ﻻ تعلقيني معو الله يوفقك تعي مناكل لقمة ومنرجع
...................
بنص طريقو للبيت اتذكر انو نسي موبايلو بالصيدلية ورجع
بدقيقتين كان فيها فات فوراا وراح اخد الموبايل وشيك عليه لقى رسالة من ﻻنا عم تخبرو فيها اديش بقالها صار يضحك وغرق ليث بعالم تاني
ماصحي من العالم الا ع صوت بكي بنت
محدين: معلش ح ضل عم اتوجعك شوي بس خفيفة يعني مو قوية
نغم: اديش بتريد (عم تبكي من الوجع)
محدين: الفين وخمسمية
نغم: ءءء يعني انا مامعي الا الفين
فاق ليث من صدمتو وقرب لعندا وبرمها لعندو
لبث: نغم؟؟ انت نغم صح
-فرحت نغم لدرجة انو صارت تبكي اكتر من الفرحة مع انو مابتعرفو وﻻ بتأمنلو وﻻ اي شي بس لمجرد حدى عرفها بكيت كتير-
ليث: متأكد انك نغم
نغم: (هزت براسها باﻹيجاب)
ليث: الف الحمدلله تعي رفيقتك عنا
نغم: جوري ؟؟
..................
ركدت بلهفة مو طبيعية معو لتشوفني
كان عندا نفس شعوري
نفس احساس الفقد والوجع
ودق ليث لعدي
كنا قاعدين بالمطعم وكان طالبلي فطاير وهو كمان
غصب عني مسكني فطيرة جبنة وخلاني اكل منها لقمة
عدي: صدقيني ياجوري مافي شي بدوم والله بعدين ليث اكيد رح يعمل اتصاﻻتو ﻻتفكري هين سلال هاد من تحت لتحت (اجى الاتصال) ها ابن الحلال عند زكرو ببان
جوري: ليث؟ رد بركي في شي جديد
عدي: اكيد مارح سكر الخط بوشو ﻷ انت من جماعة كل كلمة بكلمتا وانا كتير بتزاول منكن ..... اي شريك اهلين
(ماقدرت مااضحك وقت حكى هيك كان كتير مهضوم وعفوي)
عدي: بحياة ربك عم تحكي جد؟؟؟
جوري: شو شو شوفي؟
عدي: اي قاعدين عم نفطر بالمطعم...... اي ... ههه لك شو بدي جبلك وﻻه انت الي بدك تجيب الحلوان..... طيب ماشي..... يلا منخلص اكل ومنجي .... سلام.
جوري: انا شبعت خلينا نروح
عدي: قعدي كملي اكلك ﻻن اذا مااكلتي ﻻرح تروحي وﻻ رح تعرفي شوفي
جوري: امانة قلي
عدي: كلي يلا ؛ وخلينا نرجع لموضوعنا
انا انسان بتزاول دغري ع فكرة
#يتبع🌍🌸
(اكلت معو لما حسيت بإحساس الراحة يلي حسو عدي عرفت من عيونو انو نغم بخير ﻻنو عنجد كان خايف عليها متلي وماكان عم ياكول بهناوة كتير مع انو كان ضد وجودنا عند ليث وماكان واثق مين نحن بس إنسانيتو غلبت عليه مابعرف شلون قدر يضحكني بس انا يلي بيضحكني بكون عندو كمية عفوية مو طبيعية المهم خلصنا اكل وركبنا بالسيارة)
جوري: قلي طيب وين لقوها لنغم
عدي: اااه والله قصتها قصة
جوري: لك خلصني حكالك ياها بدقيقة ع التلفون ح تعمل فيها حكواتي
عدي: ههههه اجت لحاﻻ ع الصيدلية تبع ليث بالصدفة ﻻتخافي مافيها شي ابدا بالعكس منيحة وليث عرفا وجابها ع البيت
....................
ماكتت مصدقة ايمتى اوصل لهنيك
كنا مبعدين عن المنطقة شغلة ساعة ونص
وبهالساعة ونص نغم كانت وحدة تانية
وصلت ع البيت شفتها عرفتا دغري رفيقتي وحبيبة قلبي نغومة
يلي كانت رافعة شعرا الخرنوبي وعيونا العسليات غزلو لما شافوني
كانت ﻻبسة كنزة وبنطلون كتيير حلوين ركدت عليها وضليت ضاممتا وصرنا نبكي
جوري:شبها ايدك؟
نغم: منيحة منيحة
ورجعت ضمتني
بعدين قعدنا انا وياها بالصالون وليث وعدي وام محمد طلعو لبرى
جوري: شو صار معك
نغم: حاول كتير بس انا ضربتو ع بطنو برجلي قام طلع السكين وصار بدو يطعني انا حاولت خلصو ياها هون نجرحت من ايدي وقتا استحكم انو يطعني بس ضربتو ضربة لتحت بشوي يعني بدي خلص حالي وهربت
جوري: ماقصرتي يبليني بقتلن هنن ال2
نغم: وانت؟
جوري: ركد ورايي الحيوان طخيت وعملت حالي اني تعبت مسكت حجرة من دون ماينتبه وطى لعندي كنت سافئتو ع راسو فجيتو وهربت ان شالله بكون صفي دمو ومات الواطي الندل
نغم: الله ﻻيقيم عن قلبهن شدة
جوري: لك شو هاد وليه كنزة وبنطلون وحركات
نغم: اول مااجيت كان منظري بأسي لبستني خالة ام محمد كيس نايلو ع ايدي لمايجيها مي وتحممت اااه ياجوري من ايمت مااحت مي سخنة عليي لك والشامبو والصابون ياربي ماشبعت منهن
جوري: متلي اتذكرت وقت كنت اتفئس ع اهلي وماارضى اتحمم الا بالماركات والشامبوهات الطبية الله وكيلك ماقرأت اسم الشامبو ع راسي فورا انحط
نغم: وانا كمان كتير ، كنت اعمل العمايل والله مشان شامبو وبلسم وكريمات واكل بحبو ومابحبو والله رفسنا النعمة كتير ياجوري
جوري: لحد ماانسحبت منا كلها دخيلك ياربي تسامحنا
نغم: امين المهم طلعت لقيت جايبة خالة ام محمد كنزة وبنطلون الي ﻻن تيابي انشقو من هاد الحيوان الغبي ووقعت انا وعم اركض كمان
جوري: منيح جابتلك ياها طويلة ومستورة ههههه
نغم: لك سكتي سكتي شو مضحكك اه؟ ونحن عند جماعة مامنعرفهن
جوري: بجننو يانغم بجننو ومناح وطيبين سمعي مو نحن عم ندور ع شغل؟
نغم: اي
جوري: منقلو لل د.ليث يدبرلنا شغل ومنام فيه مالنا غيرهن بدك ترجعي للشارع؟؟
وبهالفترة كمان منقدم ع هدول مراكز ايواء مدارس اي مكان تاني يعني
نغم: تمام تمام
.......................
بالرغم من كل هالنشاط الي فينا
الا انو التعب كان باين واضح
وطبعا طلعت نتيجة تحاليلي وبين انو معي فقر دم واتوماتيكيا نغم متلي كونا كتير كنا نوفر مصاري وماناكل منيح وغالبا ماكان اكلنا مفيد متل اكل البيت يعني
لهيك ليث كان معند انو نضل عندو ونبقى لنتحسن منيح ولنشوف شغل منيح وهيك
نحن كنا رافضين شكليا فقط وعملنا حالنا انو كتير زعلانين وانو مغصوبين ع القعدة بس الحقيقة كنا طايرين فرح
انتو متخيلين انو ح نام ﻻول مرة بعد ايام وليالي بغرفة بين سقف وحيطان متل كل البشر؟
.......................
ليث: عدي قلك مو؟
محمود: اي والله عم نعرف من هون وهون اخبارك ﻻنو
ليث: لك بس بدي افهم شو يلي زاعجو عم يدفع حق قعدتهن يعني وﻻ دفعتو حق التحليل لك شو دخلو هو مالو علاقة
محمود: لك ﻻاا مو هيك هو شوف كأنو كان مو رضيان وهلق رضي
ليث: سائل عليه ﻻنو انا يرضى وﻻ عمرو
محمود: مااختلفنا معناها الحكي صح
ليث: مليون % انا عندي تنتين بنات نفسهن يلي قلتلك عليهن ونحن عم نأسعف الوالد عم حاول ريح ضميري بس ﻻنو كان المفروض ساعدهن ومااتركهن
محمود: معك حق وانا كمان بحمل حالي المسؤلية ﻻنو كنا عم نأسعف ابي ومضطرين نمشي بسرعة انا كمان ضميري أنبني كتير
ليث: ﻻ انت وﻻ يهمك مالك علاقة بشي كان الحق معك بالنهاية هاد ابوك بس انت يلي كان المفروض انزل ومااتركهن
محمود: بس انجبرت ماتنزل ﻻنو نحن معك هلق المهم حكيلي عنهن تصرفاتهن هيك يعني
ليث: مابعرف لسى مالهن عندي يوم شو بدي لحق شوف بس بهالنهار شفت كتير تصرفاتهن عادية ومتزنة مافي شي مو طبيعي يعني
محمود: عدي قلي انو هنن من مناطق منكوبة يعني ضحايا حرب
ليث: مزبوط
محمود: كوني دكتور نفسي ورائد بالتنمية البشرية بقدر فيدك كتير ﻻنو في كتار اجوني متلهن ضحايا حرب عندهن اضطرابات نفسية مو طبيعية + فوبيات او هواجس غالبا من العتمة ومن الاصوات العالية ومن الاماكن الديقة ومن الاماكن المنخفضة وكل هاد بينحل ف انا بفضل تخليني شوفهن او اول ماتشوف بدر منهن شي مختلف فورا قلي خلينا نلاحق الموضوع وكل الاضطرابات بتنحل
وبلشت حياتي الجديدة من جديد
وانتقلت لمرحلة مهمة من حياتي كانت الاخيرة من بين كل هالمحطات هي
اول شي بلشنا نتعالج انا ونغم من فقر الدم للشعر والاضافر والبشرة ﻻنو كلو كان تعبان كتير ف بلشنا بحالنا
حبينا خالة ام محمد كتير وهي حبتنا اكتر صرنا نشتغل معها بالبيت ونساعدها بالطبخ وهيك
ليث ماكنا نشوفو كتير غالب وقتو كان بالصيدلية وبس يرجع بضل بغرفتو
...............................
عدي: ليثووووو
ليث: هلا عدي نورت
عدي:بوجودك حبيب ايدك ع ظرف حب مص بسرعة
ليث: هههه كسرتني ولو خود لو مدمن مو هيك
عدي: طيب رفيقي صيدﻻني وانا بحب كتير حب المص شو اعمل روح عند الصيادلة واشتري يعني ؟
ليث: خلص خراس ؛ قلي كيفك
عدي: والله منيح الحمدلله سماع لالك نغم وجوري الهن اسبوعين عندك مو؟
ليث: والله عرفان جيتك مو لله
عدي: لك له يازلمة والله مشتقلك تعى هات بوسة مشان تصدق
ليث: خلص خلص لك صدقتتت
عدي: ع طول مطالعني مصلحجي ﻻنو
ليث: ياسيدي اي الهن اسبوعين تقريبا فتنا بالتالت
عدي: حلو ، انت زلمة خاطب وﻻنا مابتعرف بالبلاوي هي يعني هاد غير انك لحالك بالبيت مع خالتي ام محمد يعني
ليث: أي!
عدي: أما انا عايش مع امي واختي ؛ وابي مسافر بروح وبيجي نحن عيلة بقصد
ليث: من اﻵخر عطيني
عدي: خلين يجو لعندي بخف الحمل عليك يعني وانا عندي عيلتي واختي من عمرهن تقريبا وانا عزابي مارح ينخرب بيتي مع خطيبتي او حبيبتي اذا عرفت يعني
ليث: والله مو مصدق انت يلي ماخليت كلمة عليهن ماقلتا وبريستيجك وطبقتك الاجتماعية مابتسمحلك انو
عدي:كلو علاك يعني قصدي اي كنت مالي واثق بس طلعو جماعة اكابر ومناح يعني وضحايا حرب ماانا مافكرتهن اتو من المناطق المنكوبة ودائما كنت قول ليش طالعين بهالوقت بس طلعو احسن مني والله لهيك بدي يجو لعندي
ليث: ليك عدي هو انا بعرفك انك ابن اصل ومنيح وانت رفيق واخ غالي بس هالبنتين ﻻعاد تفتح سيرتهن هدول انا رح يلي رح ضل معهن ليرجعو لشبه حياة طبيعية هي مهمتي انا ﻻنو انا يلي غلطت معهن من البداية
عدي: طيب بس نغم
ليث: شلون!!
عدي: قصدي وحدة عندي ووحدة عندك وبصير بجيب نغم تزور جوري يعني
ليث: لك مجنون انت شي بإنو صفة بدك تاخدها وﻻ تبعدهن عن بعض شو مفكرهن انت ماعندن كرامة وﻻ ع كيف اهلنا بدن يمشو
عدي: لككك مو هيك والله مو هيك خلص سكر ع السيرة
..............................
ماكان عرفان شلون يقول انو حب نغم وانعجب فيها
ماكان عرفان شلون يتراجع ويسحب حكيو الاول وهو يلي كان اكبر معارض لقعدتي مع نغم عند ليث واهتمامو هو ومحمود فينا
ماكان عرفان يعمل شي كل يلي بيعرفو انو حبها وحبها كتير
.............................
بليلة كان دايق خلقي طلعت وقعدت بحديقة البيت برا كانت بتجنن رايقة كتير وفيها شﻻل وورود حلوة كتير
قعدت ع المرجوحة وكانت أول مرة من بعد زماااااان كتير بغني فيها
جوري: حبة ظروف اتجمعت على شكل واحدة قلبهااا مجرووح
حبت تعيش بين البشر مالقتش بنهم اي باب مفتوووح
كل الجاي جايب وجع ياخد مكاانو فرحها ويروووح
ومن النهارده يارووح مافي بعدك روح
كان واقف ليث ورايي تماما وقت سكت صفق فورا وانا نئزت
ليث: هههه اسف رعبتك
جوري: ههه ﻻ عادي
ليث:أول مرة بحياتي مو بس بحياتي يالله اول مرة بحياة عيلتي كلا من الميلتين ها بتعرف وبشوف حدى صوتو حلو
جوري: هههه لهدرجة
ليث: الله وكيلك الاشكال الي بعرفا كلهن بجعرو تجعير واول واحد فيهن عدي لك والنهفة انو الله ﻻ يبلينا بغنو وواثقين من حالهن وطرب كمان مايسمعو صوتك ليخجلو من حالهن والله
جوري: ههههه مو لهدرجة كمان انا صوتي عادي يعني مقبول
ليث: اي شو هالتواضع هاد
صوتك معتق يعني متل المطربات القدمة اسمهان نجاة الصغيرة وردة الجزائرية هدول هيك صوتك فيه منهن
جوري: ههه شكرا
-رن جوالو -
ليث: عن أذنك
جوري: أذنك معك
ليث: عمري
#يتبع 🌍🌸
ﻻنا: ﻻيمت بدي ضل عم دق وانت ماعم ترد طبيعية العيشة معك شو معتة
ليث: له ياروحي له شبك معصبة طولي بالك والله هلق لرن مارن قبل هيك
ﻻنا: امبلا هي 3 مرة بدقلك مع مين كنت قاعد ومابدك ترد
ليث: ياروحي انت ياقلبي وحياة عيونك الحلوين هلق لرن
ﻻنا: شو يعني هلق رن يعني انا كزابة عم قلك هي 3 مررررة
ليث: محشومة حبيبتي بجوز التغطية ضعيفة وماكان عم يشبك عندي كيفك انت
ﻻنا: منيحة انت ايمتى بتكون بالصيدلية بالعادة؟
ليث: حبيبي دائما بدك تنسي طب هالشعلة مابتنتسى يعني دوامي نسيانتي
ﻻنا: ماتزعل مني بيبي معلش انا عندي مشكلة ذاكرتي مو حفظية عرفت علمية متلك انا
ليث: يؤبرني العلمي انا ع ال8 تقريبا بكون بالصيدلية واحيانا 9
ﻻنا: مو مشكلة خلص معناها بكرى رح امرق لعندك ع ال10 تمام
ليث: اوف مبكرة والله خير في شي
ﻻنا: أيييي امييي يلا يلا ، ءءء حياتي
عم تناديلي ماما يل
ا بحاكيك بعدين اي
ليث: طيب ياعمري سلميلي عليها
ﻻنا: الله يسلمك
سكرت الخط وفاتت قعدت ع الصوفاية قامت لعندها بنت عمها سنا
سنا: شو شبك قالبة وشك ومبوزمة قلك مو فاضي
ﻻنا: ياريت يقلي مو فاضي ياسنا ياريت
سنا: مو ليث معو مصاري
ﻻنا: معو
سنا: وعم يصرف عليكي ومو هامو
ﻻنا: امبلا
سنا: خلص هاد المهم حبيبتي غير هيك علاك مصدي
ﻻنا: لك والله بعرف واصلا شو مقعدني معو الا مصاريه بس سنا والله الحب صعب ماعم بنساه لرائد ماعم انساه
سنا: ماعم تنسي يابعدي لك تضربي انت وياه شقفة شحاد أندبوري مو ملاقي ياكل ﻻ هو وﻻ عيلتو وجاية يخطبك كمان قال شو من قريبو ان شالله بعدمو وبتعدمي معي
ﻻنا: بعيد الشر بعيد الشر ﻻتحكي عليه هيك سنا
سنا: ياﻻنا ياحبيبي انت اطلعي حوليكي شوفي القرف يلي عايشة فيه انت واهلك اطلعي ع الحيطان المرطبة اطلعي ع الدهان المقشور اطلعي ع العفش الصوفاية يلي قاعدة عليها اطلعي عليها انزلي شوفي تياب اختك لك افتحي البراد ، بدك ضلي هيك ؟! لك نحن ماصدقنا ايمت نيشنا ع ليث ووقعنا بشباكك وقع وماعاد حسن يوقف ولبين مايوقف من كون سحبنا منو ع قد مامنقدر
ﻻنا: ﻻتخافي مارح يقوم ليث بموت فيني وبجمالي ومابلاقي وحدة متلي بس انا الي مابحبو وغير هيك بشفق عليه حرام استغلو بهالبشاعة عنجد حرام
سنا: ياحرااام وانت واهلك مو حرام مو
ﻻنا: خلص سنا خلص ليكني عم اعمل يلي بقدر عليه حاج تلوميني ﻻن ماعم بقدر حبو
سنا: هههههههه ﻻ غبائك وصل لمنتهاه مين قلك عم لومك ﻻن مابتحبيه ان شالله عمرو ماينحب كل بدي ياه انو ماتحسسي بشي وضلي سحبي منو قبل الزواج ﻻن بعد الزواج الله اعلم شو بصير
.............................
نغم: كنا عم نسمع الحب عم يغني ليش سكتي؟
جوري: ﻷ ماسكتت خلصت الغنية
نغم: كأنو ليث هون اجى
جوري: اي من ريحة عطرو عرفتي ما ههههه
نغم: هههه اي بتقلها كتير للريحة
جوري: اجى اتصال من خطيبتو يمكن مسميها (أكسجيني)
نغم: الله يهنيهن ببعض ويبعتلنا الاحسن
جوري: آمين
.......................................
اجى تاني يوم الصبح كان صباح بجنن مابعرف ليش
يعني مابعرف ليش فقت عندي هيك كمية طاقة حلوة كتير وايجابية كتير
فقت بكير اخدت دوش واستشورت شعري وفيقت نغم😂
نغم: لكككك شبك من الصبح عم تستشوري شو صاير لمخك
جوري: سكتي شايفة شو حلوين شعراتي قومي قومي شوفي كيف صارو حلوين
نغم: خلص اي بجننو بشلو تركيني نام
جوري: مو قلتيلي خالتو ام محمد جابت مكياج النا بعد مارجعت من يومين
نغم: كمان بدك تتمكيجي شو شايفة شي واحد عاجبك مثلا وﻻ شو؟
جوري: بلا فزلكة وينن؟
نغم: مابعرف بإنو درج حطيتهن
قمت ودورت عليهن لقيتهن ماحطيت الا ماسكارة بصراحة ماحبيت حط ﻻنو ﻻفي مناسبة وﻻ في شي وحسيت اذا بدي اتمكيج رح يفكرو متل مافكرت نغم لهيك اكتفيت بالماسكارة
ولبست كنزة رمادي وبنطلون أسود
صارت الساعة 8 ونص
نزلت كان ليث عم ياكل ع الواقف ومستعجل
جوري: صباح الخير
-اطلع فيني ليث وسعل ركدت صبيتلو كاسة مي وعطيتو ياها كانت ام محمد عم تطلع وصفنت مابعرف بشو فكرت بس كان واضح جدا انو عم ترتب شي براسها وانا خفت تفكرني انو عم حاول آخد ليث مثلا -
جوري: صحة
ليث: ع قلبك
ام محمد: ماشالله حولك وين مخبية كل هالحلاوة والجمال والجاذب هاد
جوري: ههه تسلمي اليوم حسيت حالي كتير متنشطة ومرتاحة يمكن انعكس هالشي عليي
ام محمد: ياعمري ان شالله دائما يلا تعو نفطر تعو ليث قعود معنا
ليث: والله يعني ياريت بس متأخر وضروري روح ع الصيدلية منبقى منطلع سوا شي نهار مناكول كلنا يلا صحتين
وطلع ليث يلي كانت عم يسرق نظرات عليي وعم يطلع بطرف عينو
جوري: انا طالعة فيق نغم خالتو
وطلعت قعدت فوق راس نغم ومابعرف ليش بكيت ، شالت الحرام واطلعت عليي اتنهدت وقامت سندت ضهرا وراسا ع التخت وطلعت بالسئف
نغم: شو ماطولت ايجابيتك كتير
جوري: فكروني بدي آخد ليث يمكن حتى هو صار يطلع عليي من تحت لتحت وانا ماكان قصدي شي والله يعني مو من حقي انا التانية انقبر اهتم بحالي شوي
نغم: محشومة ﻻتحكي هيك وليه انتي يلي بحقلك اصبري شوي لنتحسن رح نشتغل ونطلع من هون ونبلش حياتنا الجديدة طولي بالك شوي
ضمتني ومسحتلي دموعي
نغم: خلص حاج تبكي تعي مشان مايفكرو شي فيكي انا كمان رح قوم زبط حالي منيح هيك ح قوم استشور واتمسكر يلا ههههه تضربي مابعمري سشورت شعري ﻻنو السيشوار بقصف الشعر وبتعرفي انت شعري (هيلثي)
جوري: امانة خرسي مقصف وشبعان تقصيف هههههه
نغم: وليه هههههه
قامت وعملت نفس الشي ونزلنا انا وياها شافتنا خالتو ام محمد وضحكت ومدحت جمالنا
بهالاثناء كان ليث قاعد ومالل وعم يستنا
ﻻنا لحد ماانفتح باب الصيدلية بقوة وفات عدي ضحكان وحامل كيسين كبار
ليث: يعني ليش فتحتو برجلك وانت شايفو انو بلور وممسوح هلق
عدي: مالك شايف اديي
ليث: كان ممدوح فتحلك مافي داعي تعب مكسورتك
عدي: لحظة قالب خلقتك معناها آ.ﻻنا
ليث: أووووف أي ﻻنا
عدي: رح أتحاشى الموضوع ﻷنو بتعرف رأيي فيه
ليث: ياريت، المهم شو
هدول
عدي: مو قلت
لي جوري ونغم نجحو ع البكلوريا؟
ليث: مزبوط
عدي: هاد منهاج البكلوريا لل2 وشفتلهن معهد المستقبل قريب من هون وكادرو التدريسي ممتاز زبتطهن ووافقو يسجلوهن وبتاريخ بدأ العام الدراسي كمان شو رأيك
ليث: والله احسن شي منعملهن ياه برافو عليك كيف ماخطر ع بالي
عدي:ﻻنو راسك مع ﻻنا
ليث: عدي....
عدي: سكتت انا رايح لعندهن اعطيهن الكتب يطلعو عليهن ورح ارجع العصر اخدهن وسجلهن
ليث: ليش ﻻيمتى الدوام
عدي: من ال9 الصبح لل5 المسا
وباخر السنة مع الجلسات التكثيفية بيخلصو ع ال7 ، هلق الوقت مافي مشكلة فيه انا او انت منوصلهن ومنرجعهن يعني الفاضي بينا منعمل دور مرة انت ومرة انا بس انت عندك صيدلية ومو فاضي بركي مرة انت ومرتين انا مشان خفف عنك
ليث: -حس في شي ف قلو- اي نسيت محمود كمان
عدي: محمود ﻷ ليش شبو محمود هداك بعيادتو وعلم نفس وتتمية ومحاضرات بمركز الثقافة وتنفسو بعمق ويلا نط مع بعض شو فضاه؟
ليث: ههههههههه شو صايرلك انت شبك؟؟ فيك شي مو عاج
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```