الفصل 2
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵.الفقد.tt*
*❴🔢❵☟الـــبـــــــــــ❴2️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖📚كتب ||روايات|| منوعة📚:
#البارت الثاني
#نــــســمــة
🌸🌸🌸🌸🌸🌸🌸
بلشت حماتي توز بعقل سامر وبلش ابن أمو يسمع وينفذ
جوري:لك يا أخي مليت منك ومن امك والله حرام عليكون
سامر:حرام علينا لك كلبة لك تمثيلك هاد مو على رجلي بتمثلي فهمانة وامي بتسوى راسك وراس كبير عيلتك
جوري:لك لهالدرجة طلعت متخلف انت وجاهل لك الدكتور منعني منعني في خطر عليي بموت اذا حملت بموت ماعم تفهم انا ﻻ جسمي وﻻ ضهري وﻻ حتى أحشائي بيقدرو يحملو طفل لمدة تسع شهور
سامر:انا متخلف وجاهل!
جوري:لك اخدتني بإيدك ع الدكتور وبإيدنك سمعت كلامو واسعفتني بسيارتك وبعيونك شفت الممرضات كيف مستغربين من عمري وزواجي منك لك ارحمني وخاف الله فيني مابدي اكتر من هيك
سامر:وبدي انطرك لل18 انا هلق
جوري:كان اخدتها 18 وريحت راسك
هز براسو ورفع عن كمامو ووين يوجعك كالعادة
سامر:هالمرة ماتقلت العيار ﻻنك عم تحاكيني بإدب وبصوت واطي بس مشان كلمة متخلف وجاهل ؛ تفه ع تربايتك
ماوقفت بكى وكنت عم قرر حط حد وكل ماقرر حط حد واحكي خاف واتراجع من عواقب الامور ومن كلمة مطلقة ولهالسبب اضطريت مجبرة اني كمل
بس رغم كل الهموم السودا يلي ملت حياتي وكل الشر يلي حوليي مابطلت فكر ك طفلة وروحي لساتها معلقة بعالمي يلي انا بحبو عشت حياة الكبار بروح الطفولة لهيك عملت شوية بوشار وقعدت ﻻحضر شي كرتوني متل ايام زمان مابكزب عليكن انو كبرت من جوا 20 سنة بس كنت لسى عم اتظاهر بكل شي حلو ولسى عم حس بطفولتي متمسكة فيها ومابدي ياها اضيع مني مابدي يصير معي واحكي متل الكبار يلي بقولو راحت طفولتنا هدر وكانت طفولة ضايعة وماعشت طفولتي ﻻ انا كان بدي عيشها لو شو ماصار معي وهالشي الوحيد يلي كنت بمتلك القرار فيه اصلا
فتحت ع التلفزيون وكنت عم قلب بالقنوات وكنت عم استنى رفيقتي نغم البيست تبعي لتجي شوي بعد مدرستا تسليني شوي وفشلها قلبي وانا وعم قلب وقفت ع برنامج ديني مابعرف ليش حطيت الجهاز وقعدت اسمعو مع اني كنت فاتحة احضر شي يسليني وانسى فيه يلي انا فيه
بلش الشيخ يحكي عن معاناة الصحابة والرسول وحكى قصص الخوف يلي صارت بالمعارك عن عدد المسلمين يلي يكاد يكون ﻻشيء امام اعداد قريش الهائلة شو يعني 200 رجل امام 2000 رجل؟؟
حكى عن تضحيات الصحابة وكيف كانو عم يحمو الرسول من ادق التفاصيل يلي ممكن تأذيه
أتاخدت كتييييير بالحكي وبكيت كتير من الكلام المؤثر وصليت ع النبي ونسيت كل وجعي يلي انا فيه
وبوقتا أدركت من جواتي انو راحتي رح تكون لما قرب من ربي اكتر ﻻنو انا بصغر سني وعجزي مارح يطلع بإيدي شي
خلص البرنامج قمت وغسلت وجهي واندق الباب دقة رفيقتي نغم ركدت وفتحتو
جوري:أشتقتلك كتير(وضميتا)
نغم:وانا متت شوق ح تخنقني ولو بعدي عني
جوري: ههههه من الشوق والله
نغم:لك شو ح تخليني ع الباب خدي جبتلك محمرة بئشئوان من المحل يلي بتحبيه
جوري:تؤبششيني فوتي فوتي
يتبع 🌍🌸
فترة ال6 شهور الاوﻻنيات كانت صعبة
ﻻزم عود حالي على طبعو طالما هو مارح يتفهمني وﻻ رح يحترم تفكيري او يحترم اختياراتي لهيك رح بلش امسح كلمة أنا من حياتي لحط بدالها هو والبيت
ﻻنو البنت ضلع قاصر مالها الا بيت زوجها بالنهاية وهاد يلي كنت ضل اسمعو
ماكان بكفي الازمة يلي عم تعيشها بلادي الحرب يلي عم تاخد منا كل شي منحبو وماعم تتركلنا شي عدد الناس يلي كل يوم عم نودعهن
ماكان بكفي الوضع بالبلد لتكفي الحياة عليي بإهدائي سامر بيك
حبلت وكانت الدنيا مو وسعانتني من الفرحة بس للاسف بعد اسبوع واحد اجهضت
سامر:والله يا أمي قلنا الدكتور الاجهاض ﻻنو عمرها صغير ضهرها مابيحمل ماخرج تتحمل قال لل18 لتصير جاهزة وتقدر تتحمل الولد
أم سامر:كوهنة نسوان وعلاك دكاترة الله يرحم أيامنا كان عمري 14 وقت جبتك انت واخواتك وسنة حبل سنة رضاعة الوحدة منا كانت حبيلة وليدة اي بزمتي بزمتي كان بطني لحلقي بإختك سماهر وقت كنت ع السلم واقفة عم عزل السئف وبلش مع الطلق وانا ع السلم بنت خالتي كمان خالتك ام زهرو عرفتها؟
سامر:عرفتا امي عرفتا
ام سافر: الله يرحمها كانت عايشة بالضيعة قد مرتك 13 سنة ولدت ع الشجرة وهي عم تقطف كرز ، بنات هاليومين إذا دريو حالهن انهن حوامل بيصلوا ع القاعد دغري
سامر: ياامي الدكتور يلي حكى هالحكي يعني مو معقول هي تمثل كمان بهالقصة الولد نزل ومشي الحال
ام سامر:بتمثل ونص بعدين مرتك قوية وبتخلالها بلاد ﻻتشوفها هيك ليكا أمس وقت بعتلا اللحمة دقيتلا وقلتلا تعمل فيهن بامية عملت فيهن فاصولية حب مرتك عنيدة
سامر:والعمل
ام سامر:بدها تكسير راس وغصمن عنهت ح تجبلك الولد تمثيل واكل هوا ماعنا نحن اتزوجنا بعمرها وعين الله علينا
#يتبع🌍🌸
فتنا وانا طالعت واحد وبلشت أكله
جوري:شو تشربي؟ (وانا عم أكل)
نغم: هههه من يوم يومك هيك مابتقاومي هاﻷكلة بدي نسكفيه بسرعة وتقليلي ياها
جوري:من ايمتا والشمس ترئعنا انت متة ويادوبك تعرفي تمسكي الكاسة من طرفها ﻻنها سخنة😂
نغم:هضامتك يارفيئتي🙂
عملتلا الفنجان وانا صبيت ﻻلي شاي واجت عم اركد لعندا
نغم: ع مهلك ع مهلك لتدلئيهن وتشوهيني ايييي بربي ياهالبنت ﻻزمك طلاق
جوري:-تنهدت تنهيدة عميقة- ياريت يانغم ياريت
نغم:كأني حطيت ايدي ع الوجع؟!
ليكي خلص خلص ﻻتبكي وﻻ ع بالك اجيت ﻻحكيلك شو صار بالصف مو كنتي راكدة مشان هيك؟؟
(هزيت راسي وانا عم ابكي بس ارتسمت ضحكة ع شفافي)
نغم:يشلو اديها ويكسروهن ﻻزدهار قادر ياكريم (حكتها من قلب قلبها)
جوري:هههههههههههههه ليش ليش
نغم:الغبية جايبة بندورة وخيار وقال بدها تعمل سلطة بحصة آ.مفيدة عجبك؟
جوري:هههههههه مو طبيعة لك خواصري هههه هي الانسة مابينلعب معها
نغم:وانو كانت تفهم وتستوعب ازدهار عبث لك اسم ع مسما اسمها من 100 سنة وعقلها من 100 سنة وبلشت فرم وبلشت الروايح وتطلع وبلشت حاسة الشم تبع مفيدة تنقلب وتتحول لك من يوم يومها ماكانت تشم لك هديك السنة وانت كنتي معنا فتحنا ست كياس ديربي من ابشع الكياس لنخنقها انخنقنا نحن وهي رئتيها صحصحو اكتر اما هلق لك تقولي قلبت بوليسي لك الله دخيل اسمو قام من عيونا حط بأنفا
جوري: دخيلكون 😂😂😂😂😂
..............................
#يتبع🌍🌸
بعد اسبوع حسيت بدوخة ولعية نفس وقلت اعراض الحمل وكان فعلا اعراض حمل
امي:لك امي ماعم تاخدي الدوا مامنعك الدكتةر من الحمل مشان ضهرك ﻻنو ضعيف
سامر:امبلا عم تاخد الدوا مرت عمي بس قدر الله وماشاء فعل نصيب هالولد يجي ان شالله
أمي:شلون عم تاخدو وتم الحمل في شي امي احكي
سامر:شو بدو يكون في مرت عمي حكمة الله منقول ﻷ (زورته بطرف عينها)
جوري:مافي شي امي انا منيحة ان شالله بيجي الولد وانا مابصرلي شي
أمي:والله قلبي غليان عليكي لك بنتي احكيلي
ماقدرت اتحمل لهجة امي وحنيتها من ﻻشعور بكيت بكيت بكيت وعصيت على إيد أمي كتير صرت أبكي بحرقة أمي عصت ع إيدي وقامت
قعدت معي وباستني من جبيني وحسيتها انها عرفت من جواتها بس ضلت ساكتة وعم تمسح ع راسي
جوري:دعيلي أمي ضلي عم تدعيلي
ماقدرت قول غير هيك قدرت حس بإحساس أي أم وقت تجي بنتها لعندا مطلقة على الرغم من أنو أمي هي يلي زوجتني بس عملت هالشي لمصلحتي بالنسبة الها وﻻنها خايفة عليي وﻻنها مو دايمتلي
ماعرفت انو حتى زوجي مو دايملي وماعرفت انو ماحدى بدوم لحدى الا رب العالمين ماقدرت اكره امي ابدا بالعكس كانت ملاذي الوحيد مابنكر حنيتها وخوفها ابدا هي أمي يلي كانت تاكل هم قصيدة العربي كيف بدي أحفظها
راحت أمي وانا عم حاول ماتعب حالي أبدا مشان يثبت الحمل
.....................
بعد 4 ايام
سامر:قومي جيبي كاسة مي عطشان
جوري:........
سامر:شو طرشانة؟
جوري: ........
سامر:لك وليه عم حاكيكي
ماكنت حاسة الا بوجع مو طبيعي سيخ نار عم ينزل مني ويطلع ماعم اقدر رد وعرقت كتتتييير وقت قرب سامر مني بحلق عيونو
سامر:لك جوري لك شبك شبك شوفي
جوري:.....رح .. موت
سامر:لك عم تنزفي
ماكنت حاسة انو تحتي صار بركة دم اسعفني فورا وبكل مافيه من قوة
هالمرة النزيف كان حاد
وابني سقط للمرة التانية
ألم الاجهاض أصعب من ألم الوﻻدة بكتير
الوﻻدة بتعرفي انو بعد كل هلوجع في ولد ح يقلك ماما وح يصير شب وح يسندك وفي بنت ح تكون الحنونة عليكي
بس ألم الاجهاض بتعرفي انو هالشب مات وهالبنت راحت ومانكتبلها تجي ع الدنيا هالوجع دقتو مرتين وانا لسى ماخلصت سنة ال13
#يتبع🌍🌸
الدكتور:مرتك ليش وقفت الدوا؟!
سامر:آآآ؟؟ ءءء ﻷ دكتور عم تاخدو عم تاخدو
الدكتور:مستحيل مرتك موقفتو لحتى حملت مرة تانية
سامر:معقوول!! الله يهديكي ياجوري هي ناطف قلبا ع ولد يادكتور وانا عم قلا وفهما يابنت لساتك صغيرة لساتك صغيرة ماعم تستوعب
الدكتور: (أخد نفس وتنهد ﻷنو ماصدق كلامو بس سكت وكمل حديثو على مضض) أ.سامر في بنات بيتزوجو بعمر ال13 ومافوق دون ال18 وبيقدوا يحبلو ويولدو واﻷمر بكون جدا طبيعي عندهن ومابتصير معهن مشاكل
سامر:هاد حكينا دكتور وجوري شبها؟
الدكتور:مو منهن، بنيتها مو قوية هالشغلة بترجع لبنية الجسم وقوتو وقدرة تحملو لما انا عطيت لمرتك دوا المنع ﻻني عرفان وضعا ومرتك عرضت حياتا للخطر قدرنا نسبطر ع الوضع باللحظات الاخيرة ومن حسن حظها انو في كياس دم متوفرة من زمرة دمها ﻻنو نزفت نزيف بخوف
...............................
حماتي:وان شالله رح نستنى لل18 سنة لتنضرب تحبل
سامر:مافي قدامنا الا هالحل
حماتي:ﻷ في ، بطلقها
سامر:مين؟؟؟؟؟!!
حماتي:شو مين ما مين شو بدنا نضل عم نستنى وننطر نحن كل هالسنين يا بطلقها يا تزوج التانية
سامر:بسس يا امي مابدي غيرا انا مابدي غير مرتي بحبا وبدي ياها
حماتي:حبك حب انت وياها اسند طولك ونشااف شو بحبا وبدك تستنى لسى 5 سنين كمان بكون صار عتدك فيهن ولدين
سامر:بسس يا أمي جوري
حماتي:بلا بسبسة خليك رجال بعدين أنا امك ومن حقي عليك شوف ولدك قبل ماموت وﻻ بدك ياني موت ومااحمل ابنك بين اديي؟؟
سامر:بعيد الشر عن قلبك ياامي الله يخليلي ياكي ليش هيك عم تحكي
حماتي:معناها اختار
سامر: .....
حماتي: ياطلاق يا زواج مرة تانية اختار
..............................
قعدت عند أمي بعد أجهاضي التاني بسبب تعبي الكبير بالمرة التانية
اجت لعندي نغم وماما فوتتلنا كاستين عصير وطلعت
نغم:خوفتينا عليكي وليه
جوري: (ابتسمت) انا منيحة
نغم: شبو صوتك ليش رايح وتعبان كتير
جوري: من الاجهاض
نغم:هلقد بوجع؟!
جوري:من جوا؟ اي كتير كتير
بين عليي اني تعبت كتير لهيك فضلت نغن تغيرلي جو كالعادة
نغم:خلص خلص الحمدلله ع سلامتك اهم شي ليكي هدول من البنات دﻻل ورهام ورهف واسراء وسلسبيل وعليا وروﻻ وتسنيم كلهم بعتولك سلامات حارة واعتذروا ﻻن ماقدرو يجو وبعتولك هدول الغراض
جوري:ليش معذبين حالهن!
نغم: لك من يوم يومهن مابيعرفوا بالواجب اصلا منيح يلي عرفوا هلق
جوري:ههههه
نغم:يالله الصف بلاكي شو بشع ياجوري وحصص الرياضيات نكدة ومملة كنتي معنا نعمل جو هلق قاعدين وكانين
جوري: ههههه ياستي والله اشتئتلكون من جوات قلبي منيح يلي ضليتو مع بعض شلة وحدة ومافترقتو
نغم:ﻻااا منعجبك اتفقنا ع نفس المدرسة وسجلنا فيها
(وهون بلشت الاصوات تعلى ومااسمع الا صوات صريخ عالي من امي ولما ركزت بالصوت منيح عرفت لمين)
نغم: بسم الله الرحمن الرحيم شو عم يصير برا؟!
جوري:هي حماتي هاد صوتها كنت عرفانة ح تعمل مشكلة ﻻني اجهضت
نغم:ليش انت شو دخلك شو قصادا سقطي يعني!
(كنت عم اسمع صواتهن عم تعلى)
حماتي:والله مو مشكلة ابني يتحمل 5 سنين كمان هدول عمر هدول لك بهال5 سنين بكون عندو اضعف الايمان ولدين
أمي: وشو هي مشكلة بنتي بالله؟ لك بوستو الايدين والرجلين لرضينا نعطيكون ياها قلتو بدكن ياها صغيرة لتفهم وتاخد ع طبعو قلنا ماشي
#يتبع🌍🌸
الحال وسكتنا وكل اسبوعين لتزور مرة عنا بالعينا وعم نقول بكرى بيتغير لساتهن عرسان جداد لك حتى انو خليتوها تعرض حياتا للخطر وتجرب تحمل من جديد وصبرت وسكتت وبعد كل هاد جاية تقولي بدو يتزوج عليها؟؟ واذا ماعجبكون تتطلق!
حماتي:والله هاد الحكي كلو مو شغلي هالهم عني معزول
أمي:ﻷ يا ام سامر ﻷ همك مو معزول خطية بنتي برقبتك لك بس بدي أفهم بشو مقصرة معكن
حماتي:يا أختي بدنا وﻻاااد
أمي:بدك بد وسيف الحد انت وابنك اخدتوها صغيرة وماحسبتو هالحساب هاد ان شالله عمرو مايجي ولد
(حطيت اديي ع اداني وعصيت وبكيت)
جوري:بكفي خلص..... نغم سكتيهن... بكفي..... خلاااااااص مبقى بدي اسمعهن
(رميت مزهرية الورد يلي كانت قدامي انخبط وطالعت صوت عالي ارجعت رميت كتب وروايات نغم معد قدرت سيطرت عليي وامي تركت حماتي وركدت لعندي
فاتت وضمتني بقوة)
أمي:خلص ياامي خلص برضايي عليكي بس
جوري:تعبانة موجوعة من جوا مخنوقة عم موووت ياامي مشان الله خليه يروح خليه يطلقني مابقى بدي ياه مابدي ياااه
أمي:خلص أمي خلص روقي
(ضليت عم ابكي من قلبي وقررت احكي ﻻمي كل شي صار معي بفترة ال7 شهور يلي عشتها معو )
.......................
حكيت ﻻمي بالتفصيل شو صار معي بهاافترة صارت تبكي وضمتني وطلبت مني سامحها وسامح أبي
أجى أبي المسا وحكتلو كل شي ولمجرج سمع اني اتعرضت للضرب بهال7 شهور ماتحمل ابدا هالشي وﻻمني وزعل مني كتير ﻻن ماحكيت
كان يطرح عليي الاسئلة باستمرار ليش ماحكيتي ليش ماضبيتي غراضك ومشيتي ليش وليش وليش
وانا دائما كنت قول
جوري:مابعرف
بوقتا ماكنت بعرف قول ﻻن عمري صغير والخوف يلي عشش جوايي اكبر من اني اقدر حرر حالي من هيك حياة حاوطتني فجأة!
ويلشت اجراءات الطلاق
#يتبع🌍🌸
(حابة نوه أنو بإي قصة بتنكتب بالعالم بيضل الحكم للقارئ إءا هي حقيقة أو لأ وممكن تصير بالواقع أو لأ مهما كان خيال الكاتب قوي الحكم إلكن)
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```