قدري اللطف - 7/8 - مكتملة | روايتك

[٢٣‏/٢، ٨:٠٥ م] null: *؏ــڜــٱق✍🏻 اڵــڔﯣايــات📚📖🧡* _*بإدارة محمـــــــود*_🧡 *`قصة اليوم قدري اللطيف`* *❴🔢❵الـــبـــــــــــ❴7️⃣❵ــــــــــــارت* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏❴📝❵↵تـنـسـيـق:جــروب:* *📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡* *❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️* *|✒️|↜لـلإشـت͜ـࢪاڪ بـ قناة* *📚*https://whatsapp.com/channel/0029VadbWnd89inYkEVrpG0C *📖📚؏ــڜــٱق✍🏻 اڵــڔﯣايــات📚📖* ➖➖➖➖➖➖➖➖➖ . ➖➖➖➖➖➖➖➖➖ *❴🧡❵↵ *مـــحمـــود* 🧡 ➖➖➖➖➖➖➖➖➖ *❴📝❵↵تـنـسـيـق:جــــروب:* *📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡* https://whatsapp.com/channel/0029VadbWnd89inYkEVrpG0C ` *{😍}قــرا۽ة ممتعــه للجميــع* *{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة* #قدري_اللطيف #رغد_الحافظ #الجزء_السابع قربوا منها كلهم و الفزع واضح عليهم انكشفت لعبتهم و انكشف كل شي عم يحضروه و يرسموله اطلعت بفاتن نظرة خيبة أمل و تركت دموعها ينزلوا بحرية تامة ع خدودها اما رحمة فاتجاهلت تطلع فيها ، قربت منها سلمى و حكت بهدوء سلمى:صدقيني مستحيل أقبل، مستحيل كون ضدك زاد بكاها و كأنو كلماتها هي صرخاتها المكتومة داخلها، ما حكت اي كلمة تركت كل شي من ايدها و دخلت ع المطبخ و قفلت الباب عليها، ما قدرت تصرخ، ما قدرت تعيط ما قدرت تعمل شي لدافع فيه عن الشخص يلي بتعتبره مسكنها الدائم، سمعت كيف رح يروح من بين ايديها من دون ما اتحرك ساكن، وقفت بأرض المطبخ و حطت كفوف ايديها ع وجهها، زادت شهقاتها و انهمرت دموعها بقوة قربت أميرة من الباب و حاولت تفتحه بس بلا فايدة أميرة:افتحيلي هديل، انا أميرة،لا تخافي مارح يصير الا يلي بدك ياه بس افتحيلي رفضت هديل رفض قاطع تفتح الباب و امتنعت عن الرد عليهم حتى، بلش الخوف يتسلل لقلوبهن رحمة:لا تعمل شي بحالها لاقوا حل و هون نطقت سلمى بحل سلمى:اتصلوا بأدهم هاد افضل حل حكت فاتن بسرعة فاتن:اميرة اتصلي بأدهم ليجي . حاسس براحة كبيرة من خلال نقاشاتهم مع بعض بالفترة الماضية قدروا يتعرفوا ع بعض اكتر و يكونوا قراب اكتر إياد:حاسس براحة كبيرة حاسس اني قدرت ارجع متل ما كنت اخد نفس عميق و أردف أدهم ادهم:بقي بس الصلاة شعر بالخوف اتسرب لقلبه بس اتظاهر بأنه لا يزال طبيعي، أردف أدهم بهدوء و طمأنينة أدهم:و بقي نخطب صفا إبتسامة واسعة احتلت شفايفه و راحة غريبة احتلت قلب أدهم، واثق انو اخوه مارح يضحك عليها بحبها و بدو ياها إياد:بأي وقت انا جاهز أدهم:اصبر عليي هالفترة بس و بعدها أكيد رح احكي مع بابا و نخطبها إبتسم إياد و حكى إياد: اتفقنا . قطع حديثهن رنة تليفون أدهم، و كان المتصل أميرة رفع التليفون و رد أدهم:هلا أميرة كيفك حس في رجفة بصوتها في خوف و توتر أميرة:أدهم تعال بسرعة ع البيت، هديل حابسة حالها بالمطبخ مابعرف اذا عاملة بحالها شي او لا سكت ادهم و بخوف أردف أدهم:صار موضوع او حديث بخصوص الزواج؟! سكتت أميرة و بلشت دموعها تنزل و هون نهرها ادهم بصوته أدهم:جاوبي ليش سكتي حكت أميرة بخوف و جذع أميرة: صار صار قام من مكانه بسرعة و سكر بوجهها لحقه اياد بخوف ركبوا بالسيارة و اتوجهوا للبيت... . اول ما وصل ع البيت دخل بعصبية و خوف واضحين ع وجهه اطلع بالحاضرين و الخوف دنا من قلبه بطريقة اربكته، حكى بحروف خايفة من الحقيقة أدهم:صار شي كيف فاتت هيك ؟! اتمالكت كل قوتها سلمى و حكت سلمى: موضوع زواجك مني رجع انفتح رمق امه بنظرة عتب كبير و حزن ما كان حابب يبان عليه قرب من باب المطبخ و سمع صوتها و هي عن تبكي، للحظة حس بالخناجر دخلت لقلبه و أبت انها تطلع منه، اكتر من خنجر و بنفس المكان عم تحاول تقتله تقضي عليه، كابر ع حاله كتير و حكى بحنية و أسف أدهم:هديل، يا عمري افتحيلي الباب انا و حياة عيونك ما عندي اغلى منك اما هيي فكانت عم تبكي بطريقة هستيرية طول عمرها كانت مسالمة مع الجميع لدرجة انها ما كانت تأذي حدا كرمال ما توصل لمرحلة الندم، كرمال ما توصل لمرحلة انها دافع عن نفسها و هي يلي ما بتقدر تجرح اي حدا بيدخل حياتها، اليوم شافت الأذية من الناس يلي ما اتوقعت بعمرها يمسوها بسوء، خيبة أملها كبيرة و كسرة خاطرها اكبر حكت بصوت متقطع فيه حروف باكية و كلمات صارخة هديل:انا تعبت ادهم، انا تعبت ما بدي نكمل ما بدي نعيش مع بعض كلماتها كانت متل الخناجر عم تقتله اكتر و اكتر عم تحاول تصيبه بالصميم و عم تنجح، كابر كتير ع حاله لقدر يحكي أدهم:افتحيلي الباب و بعدها منتفاهم قرب إياد من الباب و حكى بذات الطريقة إياد:هديل افتحي الباب و غلاتك عندي ما بصير غير يلي بدك ياه قربت بخطوات هادئة من الباب حتى باتت شهقاتها مسموعة اكتر و هون ما قدر يتمالك نفسه أدهم مسح دمعات اتجرأوا و انولدوا من عيونه العاقرين أدهم:فتحي هديل مافي حدا يحن عليي متلك، مافي حضن احتواني متل حضنك، افتحي انا منفي من كل الكون بهاللحظة هزتها هالجملة هزت كيانها، طريقة كلامه احتياجها الواضح من بين حروفها هزها لدرجة ما عدت قدرت تتمالك نفسها لحظات و فتحت الباب، غض إياد بصره عنها و قرب منها أدهم بكل احتياج و شوق، بكل محبة، بكل جوارحه هزته و هزت رجولته، هزت كيانه ما حدا قدر قبلها يعملها، بس هيي طفلة قلبه ما كان قادرة بس على هزه، كانت قادرة على انهاءه .شدها لحضنه و مسح ع شعراتها، لثمها اكتر من مرة من شعرها و جبينها كتفها، و كف أيدها نسي الناس، نسي كل يلي كانوا موجودين و ركز معها و فيها، تاه بتفاصيلها، تاه عن الكون لما حس انو ممكن يخسرها انو ممكن تبعد عنه و ما تكون مأمنه و ما يكون مأمنها أدهم:ما بتركك و لا بتخلى عنك انتِ طفلة قلبي الوحيدة زادت شهقاتها اكتر حتى كوت قلب السامعين و اولهن هويأدهم:محروم من الولاد و ماني معترض ع هالشي بس انا ما بقبل اني انحرم وجودك بحياتي ما بقبل انك تكوني مانك موجودة او تكوني بعيدة عني حاولت تمنعه من الكلام بس ما قدرت كان كلامه عم يعذبها اكتر أدهم:كل ما تكوني جمبي و حدي بنسى الدنيا كلها و بنسى كل همومي، بس خليكي جمبي هديل ما تتركيني انا طفل صغير بغيابك انا يتيم الروح من دونك بعد هالكلام اجهش بالبكاء بطريقة غريبة ما حدا كان متوقع هالحب الكبير لهديل يلي بقلبه حتى هديل ذات نفسها استغربت، شد عليها اكتر و خبى وجهه برقبتها استنشق ريحتها و بكي، حرفياً متل الطفل الصغير، بكي حرمانها و حرمان الطفل، بكي من عجزه و عدم قدرته على الإنجاب، بكي بقوة لعدم قدرته على الحفاظ عليها، منظر تقشعر له الأبدان..... اجهشت معهم أميرة بالبكاء حتى سلمى ذات الشي اما اياد فمسح دموعه يلي نزلوا غصب عنه، فاتن كانت ندمانة و بشدة قربت من ادهم بهدوء و ربتت ع كتفه بحنية فاتن:سامحني ادهم شد ادهم ع هديل و هز براسه بهدوء و بقي عم يمسح ع شعرات هديل، اما دموعه فتبخرت و انسحبت بعد ما تدارك نفسه بقيت هديل ع حالها و ما ازعجها كانت عم تبكي من حرقتها و يمكن من حرمانها، عم تنعي من دموعها فؤادها المحترق و روحها الميتة، بلعت غصتها و هزها صوت فاتن فاتن:حقك عليي يا بنتي انا غلطت بحروف باكية راجفة و بعد ما بعدت عن ادهم هديل:الله يسامحك، اطلعت بعمق بعيون ادهم حاولت تقرأهن بس ما شافت منهم غير الحزن و اليأس، ما شافت غير الألم و الكتمان هديل:خلينا نروح ع البيت..... استجاب لكلماتها استناها لما راحت تبدل تيابها و حكى بصوت مسموع للكل أدهم:اول مرة و آخر مرة بصير هيك شي .... . اعدين حول طاولة الأكل و ناطرين أحمد ليجي صفا:ليش بابا طول سلام:والله ما بعرف عم يحكي رفيقه كانت صفا عم تحاول تسرق شي من الأكل و فجأة ضربتها سلام ع ايدها و كأنها طفلة صغيرة و عم تعاقبها سلام:بس ولي حست بوجع خفيف و قالت بهدوء صفا:ماما ايدي هي لا تضربيني سلام:اي اسفة ست صفا ضحكت صفا بخفة عم تحاول تخفي جواتها ارق الليالي كلها و شوق دفنته داخلها صفا:خلص سامحتك لا تزعلي كانت حتحكي سلام بس دخل عليهم أحمد و عليه ملامح السعادة يلي ما كانت موجودة لهالدرجة قبل ما يدخل يحكي ع التليفون قرب من الطاولة و ترأسها، سكبتله سلام و سكبت صفا لإلها و قربت لتاكل بشهية اما سلام فحطت الصحن قدامه و سألته بهدوء سلام:الله يديمها عليك هالضحكة بس خير شو صاير إبتسم أحمد و أطلع ع صفا يلي عم تاكل و حكى أحمد:و كبرتي يا صفا حست صفا بشعور غريب خلاها تحط الملعقة من ايدها و تعلق نظرها ع كلام ابوها يلي بعده ما انكشف شو اصله سلام:ليش شوفي أحمد احمد:رياض ابن رفيقي طلب ايد صفا و بدهن مني موعد ليجوا يشوفوها و يطلبوها رسمي و انا عطيتهن موعد بعد بكرى ارتخت ملامح وجهها و اتزينت قسماتها بالحزن و عدم القدرة على سماع اي شئ غير يلي حكاه ابوها، ابتسمت سلام بعمق و حكت سلام:رياض شب كتير محترم و ما منلاقي متله طيب إياد وين ممكن يروح بهالمعادلة الصعبة وين اياد و وين حيكون وجود اياد الشب يلي حبته و ما حتقدر تتخلى عنه، وين حيكون اياد اذا هيي كانت عم تنطره، كيفلع رياض هلق، و بعد اياد بهالطريقة حتى صار طير صعب المنال غمضت عيونها بأسف و حكت لنفسها هالكلام اما أحمد فحكالها أحمد:شو رأيك صفا داست ع قلبها، دست داخله السم و كابرت ع روحها المشتاقة و حكت بغصة واضحة و كلام كان نوعاً ما بطريقه للموت صفا:يلي بتشوفه انت... قامت من ع السفرة بسرعة كل يلي كان ببالها انها توصل لغرفتها و توصل لتختها، توصل لمنقذها توصل لتقدر بس تنقذ نفسها و روحها من يلي عم تحسه.... . دخلوا ع البيت من دون ما حدا يحكي اي كلمة مع الطرف التاني كان الصمت سيد الموقف ما حدا قدر يحكي حرف من يلي صار، دخلت لصالون و اعدت ع الكنبى مشي بإتجاهها و حط ايده ع كتفها بهدوء و إبتسم هديل:ما كنت بعرف انو البقاء رح يكلفنا كل هاد عقد حواجبه بعدم فهم فأردفت بصعوبة و تعب ادهم:ما فهمت قصدك هديل:ما كنت بعرف انو ممكن توصل لمرحلة يزوجوك من ورا ضهري، و يدورلك على عروس كمان ما قدر يتحمل هاد الكلام منها فحكى ادهم:بكفي هديل تحكي هيك أكملت كلامها من دون ما تعبأ بحكيه هديل:و مين بنت عمتي، سلمى كنت بتعرف؟ نفى أدهم و كأنه عم يحاول يبري نفسه من تهمة ما ارتكبها أبداً ادهم:صدقيني انا ما لي خبر بشي و لا حتى بعرف انو سلمى العروس هديل:بس انت كنت بتعرف انو في موضوع زواج بلع ريقه و مسك ايدها ليجلب حنانها اله بس هي صدته و بعدت ايدها من ايده اتفاجأت اول مرة بتصده بهالشكل أدهم:كنت بعرف بس رفضت صدقيني ما قدر عقلها يستوعب كل هاد فحكت بحروف متقطعة هديل:ماعد الي قدرة لأتحمل بصراحة و بعرف انك تحملت كتير كرمالي صار من حقك انك تشوف غير من حقك انك تعيش حياتك سكتها و حكى بحروف لاذعة لأفئدة نساء العالمأدهم:ما بشوف نساء العالم نساء، انتِ وحدك الأنثى الوحيدة ع وجه الكرة الأرضية بالنسبة إلي ما سمحت لنفسها انها تخضع لهالكلام و اختارت راحة بالها و قالت بغصة واضحة هديل:الضغط صار كبير انا بعرف، يظهر كل المحاولات فشلت، خلينا ننفصل أحسن ما قدر يتحمل وقع هالكلمة و اثرها عليه بلع ريقه و كأنه عم يحاول يستوعبها مرة تانية عم يحاول يصدق اذا كان كذب او لا أدهم:شو عم تحكي انتِ هديل:بترجاك ادهم انا واعية للشي يلي عم احكيه قرب منها و مسكها من زنود ايديها بقسوة نوعاً ما أدهم:اصحي هديل، اصحي... . أدهم:اصحي هديل، اصحي... بعدت برفق عنها و أردفت هديل:انت يلي لازم تصحى انا مارح اقدر جيب ولد يحمل اسمك او حتى اسم العيلة انا مارح اقدر ساعدك بهالشي خلص خلينا ننفصل ادهم:انا ما بدي ولد انا بدياكي انتِ، بدي وجودك معي و بحياتي حكت هديل بهدوء و بحروف راجفة هديل:بس اهلك بدهن امك بدها حفيد، بدهن ولد لعيلتهن أدهم:هديل انا ما دخلني لا بأهلي و لا بعيلتي استوعبتي هاد الكلام انا مستحيل اتخلى عنك و هون حكت هديل يلي بقلبها و يلي كانت بخبيته داخلها هديل:انا تعبت ادهم، تعبت من نظرات الإتهام انا مارح اقدر جيب و لا حتى طفل واحد كان حيحكي بس قاطعته بلطف و أردفت هديل:انا تعبت و انا عم اتخيل انو بين ايديي في طفل صغير هوي ابني، لعبه و ضمه لصدري شم ريحته بقوة، تعبت من الحرمان بترجاك خلينا ننفصل بهاللحظة حس بحجم معاناتها لما كانت عم تعقد ايديها بهدوء و كأنو يلي بين ايديها طفل صغير و تطلع فيه بعيون محرومة و مشتاقة، بس بيصدمها الفراغ بطريقة جد مؤلمة ادهم:مارح ننفصل مستحيل و هون بتستخدم آخر شي عندها و بتقول هديل: قال الله تعالى " فإمساك بمعروف او تسريح بإحسان" اقشعر بدنه لأثر جملتها قامت من مكانها بعدها و لحقها بعد ما اتجهت لغرفتها مسكها من زند ايدها و لفها لعنده لحتى صاروا عيونهم مقابيل بعض بلكي تقدر العيون تغلب قوة العقل، العيون بلكي تقدر تحكي و توضح اديش العشق بيناتهم قوي و اديش صعب فراقهن ادهم:اصحك تعيديها هديل اصحك بتتمالك كل قوتها و شجاعتها لتهاجم مدربها الوحيد و يلي زرع داخلها القوة و الشجاعة بس ما كان يعرف انو رح تهاجمه اله هديل:قصتنا انتهت، مانك الي و ماني الك، كل شي بيناتنا راح متل ما بيروح اي شي بالدنيا للحظة حس نفسه رح يتصرف تصرف يندم عليه لهيك اختار الصمت و اختار أنه ما يحكي غير كلام يرضيها و حكى بأسف واضح أدهم:متل ما بدك رح ننفصل بس اصبري عليي شهر بس و كل واحد رح يروح بطريقه مارح ردك اذا كتير مُصرة هزت راسها و الوجع كسى وجهها و الهم ملى قلبها و كملت ع غرفتها... . صوته دوى بالبيت كله وجعه و ألمه من الشي يلي عملته دايقه لدرجة ما قدر يحكي و ما عرف شو لازم يقول صادق:انتِ كيف بتسمحي لحالك تتصرفي هيك تصرف كم كرة خبرتك تبعدي عنها كم مرة قلتلك ما تدخلي بهالموضوع ردي عم احكي معك حكت مطأطأة الرأس و الندم مرسوم عليها رسم فاتن:صدقني ندمت ع هالشي مابعرف الشيطان وسوس براسي ما بعرف كيف قدرت اعمل هيك شي صادق:مو حرام عليكي تأذيها بهالطريقة مو حرام تحطيها بهيك موقف سخيف و مع مين؟! مع بنت عمتها كيف قبلتي ع حالك تظهري بهيك صورة بشعة كل كلامه كان صحيح نبرته كان فيها حرقة قلب على هديل أردف بصوت جهوري صادق:حذرتك اكتر من مرة قلتلك هديل الا هديل، لا تأذيها البنت ما منلاقي متلها و ابنا بحبها و مانو حاطط بباله يتزوج كرمال هاد السبب صح؟! حكت فاتن بهدوء امتلى بالذعر فاتن:صحيح صادق:قلتلك اتركيها ع الله و الله ما بينساهن الله بيسرها و كل تأخيرة و فيها خيرة فاتن:بس هدول خمس سنين صادق:و يكونوا عشر سنين "عسى ان تكرهوا شيئ و هو خيرٌ لكم...." فاتن:ماعد ادخل فيهم ماعد قرب عليهم و انتهى الموضوع حكى صادق بلهجة فيها تحدي و بلهجة لا تخلوا من العصبية صادق:و حياة ربي هي آخر مرة بحكي معك بهالموضوع، اذا حيرجع يصير شي ما حيصير خير أبداً.... . اعد بغرفته و متجاهل كل الأصوات يلي برا، جالس امام سجادة الصلاة و عم يراقبها خايف يقرب منها و خايف يخطي حاسس انو ما بيستحق يكون على صلة مع ربه بعد كل شي عمله ، بلع ريقه بهدوء حس بشي لطيف اجتاح كيانه و هدأ من اعصابه مشي خطوتين بإتجاه سجادة الصلاة و حس برجفة اجتاحت رجليه و ايديه ما كان قادر يوقف ع رجليه و لا حتى يصلي، ايمانه عم يزيد و فتيل الإيمان داخله اتحول لنور غمض عيونه و داخله ردد بهدوء اياد:ساعدني يارب داق نفسه و حس بدقات قلبه عم تخنقه انكماش ببطنه و كأنو التوتر بلش يرافقه اتجاهل كل شي و قال بخشوع إياد:الله اكبراغرورقت عيونه بالدموع و شعر للحظة انو هالخطوة هي اهم خطوة كان لازم يتقدم ناحها من زمان بكل حُب ادى فريضة الصلاة و بكل خشوع جلس بين ايديه ربه كان تائه و لقى طريقه.... صحيت تاني نهار الصبح من معاركها الباكية هربانة من الماضي و من الحاضر، كلها شوق لتعيش مستقبل خايفة منه و حاسة انو ممكن يكون ضرر عليها و ما ينفعها، اتنفست بعمق واضح و منعت عيونها من ولادة اي دموع جديدة، منعت نفسها من البكاء مرة تانية او حتى أنها ترجع و تفكر بيلي صار مرة تانية، قامت من تختها اتوجهت للصالون، كانت امها ماكثة عم تتصل بهديل، حطت التليفون من ايدها و حكت بخوف سلام:هديل ما عم ترد ليش برأيك صفا:ممكن مشغولة بشي سلام:شبهن عيونك مسكت كاسة المي بأيدها و كانت عم تحاول تهرب من اسئلة امها، شربت منها و بلبكة حكت صفا:مابعرف متوترة بس ابتسمت سلام و حكت بهدوء و فرحة سلام:ما تتوتري مستحيل نغصبك ع شي انتِ بتعرفي هزت راسها و الغصة كانت رح تخنقها و حكت صفا:أكيد قطع حديثهن اتصال مفاجئ من أميرة استغربت منه صفا بس ردت عليها و حكت أميرة:كيفك صفا صفا:هلا أميرة انا تمام و انتِ كيفك أميرة:تمام شبه صوتك قامت صفا من مكانها و اتوجهت لغرفتها يمكن لتاخد راحتها و تقدر تشرح اكتر عن وجعها و الشي يلي حاسسته صفا:لا ولاشي بس تعبانة هالفترة أميرة:في شي مدايقك اشتهت تحكيلها و تخبرها انو اخوها صاحب القلب اليهودي بالنسبة الها هوي سبب ألامها صفا:لا أبداً أميرة:وين كنتي غاطة ماعم تبيني؟! صفا:ولاشي مشغولة، جايني عريس و بكرى حيجي يشوفني أميرة:عنجد عم تحكي صفا:والله أميرة:ألف مبروك ياقلبي عقبال التمام ع خير اتصنعت الابتسامة و داخلها حكت شي ما تمنت بيوم تحكيه صفا:(بقلبها) يارب حتى لو خير مابدياه يارب بعده عني ... . سكرت و طلعت من غرفتها كانت مستغربة من طريقة كلام صفا يلي واضح فيها انها مدايقة و زعلانة واضح كمية القهر يلي كانت عم تخفيها خلف عبارة "انا منيحة" اتصادفت مع اياد و انتبه ع شرودها فسألها اياد:شبك شاردة؟! أفاقت من شرودها و قالت أميرة:ولاشي كنت عم احكي مع صفا رجف قلبه لأثر ذكرها إبتسم و سأل بلطف اياد:ليش فيها شي؟ أميرة:كنت بدي أسألها ع هديل بس نستني و شغلت بالي . أميرة:كنت بدي أسألها ع هديل بس نستني و شغلت بالي استغرب اياد و حكى بهدوء و خوف اياد:ليش شبها صفا؟! حكت أميرة بتلقائية أميرة:مافيها شي بس يمكن متوترة لأنو جاييها عريس هيك بتوقع.... وقع الجملة عليه كان متل الصاعقة ما قدر يستوعب فأعاد كرة السؤال مرة تانية اياد:شبها صفا؟ استغربت أميرة من اعادة سؤاله و شعرت انو أكيد في شي مو طبيعي بيناتهم أميرة:جاييها عريس هالمرة ردة فعل إياد كانت مخيفة لمست داخله الحُب لصفا بس ما قدرت تعترف حتى لنفسها بهالشي اياد:أكيد في غلط مستحيل تتزوج، مستحيل تكون لحدا مهما كان و طلع من البيت بعد ما حس بشي داخله انقبض، حس بروحه عم تفارقه من جسده بهاللحظة بالذات ادرك اديش بحب صفا، اديش من داخله مو قادر يعيش بلاها، لما حس انو رح يخسرها استشعر قيمتها داخله و شعر بلدغة الحب عم تلدغ صميمه مسك تليفونه و كتب رسالة لصفا اياد:"و لو كنتُ يهودي القلب، فقلبي على حُبكِ تاب، و اشهد ان عيناكِ لم تكن الا أية تتلى على قوم من اليهود فتهتدي قلوبهم خاشعة تائبة لله تعالى....." و انطلق لبيت هديل و ادهم ليلتقي فيهم و يقدروا يلاقوله حل و ينقذوه متل كل مرة .... هزها إشعار تليفونها و سحبها من العالم يلي كانت غرقانة فيه، سحبت تليفونها و قرأت الرسالة بعد ما عاندت عقلها ملايين المرات، قرأت الرسالة بعيون دامعة و بقلب متلهف للحظة اللقاء كابرت ع نفسها و كتبت بعنفوان امرأة صفا:"التائب لدين الله لا يراسل محبوبته خلسة عن الناظرين و خوفاً من المراقبين" كلماتها قاسين حقيقين و واقعين كتبلها ليرق قلبها إياد:"أودعي ذلك الوغد في غيائب الرفض و انتظريني لأقبل عليكي تحت سنة الله و رسوله" ما زادها كلامه الا عنفوان اكتر و كتبت بكل جبروت صفا:"ذلك الوغد سيكون زوجي، و الإحترام اجباري له..." رد عليها بعصبية خلته ما يقدر حتى يكتب اياد:"لا ورب عيسى و محمد، لن تكوني الا مُلك يميني، شأتي أم أبيتي...." فضلت الصمت و ما ردت ع حروفه يلي كان عم يهددها فيها .... . نايم ع الكنبى يلي كانت حد التخت اما هيي فاستقرت ع طرف التخت نايمة من تعبها، نايمين و كأنهم عم يحاولوا يهربوا من حاضرهم عم يحاولوا يبعدوا عن الكابوس يلي ملاحقهم و فرض حاله عليهم ألا و هو الفراق، أتأخر الوقت كتير و ما لهم بالعادة يناموا لهالوقت هاد كان كل شي صعب حتى النظر بعيون بعض شي عجزت الأعين عن فعله لهيك كان خيار النوم افضل حل للطرفين، طرق عنيف ع الباب صحى أدهم بخوف و خلاه يركض ليعرف شو ممكن يكون صايرقرب بسرعة و فتح من دون ما يعرف مين ليفاجأه إياد يلي كان امامه بحالة يرثى لها قرب منه و فكر حصل شي مكروه لحدا بالعيلة، بهاللحظات كانت هديل لابسة عليها الحجاب و ناطرة تسمع كلماته المتقطعة و الخايفة اياد:صفا انخطبت استغرب ادهم و دخل اياد ع الصالون اما هديل فكانت مو متوقعة و سألت هديل:شو عم تحكي ماعم افهم؟! اياد:اليوم خبرتني أميرة أنو بكرى رح يجوا يشوفوها نقل نظره ادهم لهديل و سألها أدهم:ما حدا خبرك؟! هديل:أبداً مشيت لناح الكنبى يلي حد أدهم و مسكت تليفونها فتحته و لاحظت انو في اكتر من رسالة واصلتها من امها و اتصالات، فتحت واتساب و سمعت تسجيل الصوت يلي كانت باعته و عم تحكي فيه سلام:كيفك هديل طمنيني عنك، ماما بس تفضي اتصلي فيي، و مافي شي ضروري لا تخافي كترة الاتصالات لحتى خبرك انو بكرى رح يجوا بيت ابو رياض ليشوفوا صفا لأبنهن رياض، و بدي تكوني موجودة .... . وقف التسجيل و معه وقفت قدرة اياد ع الكلام و مسك راسها بين كفوف ايديه و حكى بهدوء اياد:انا يلي ضيعتها من ايدي و ما قدرت حافظ عليها انا يلي اتجاهلت قربها مني، انا يلي كنت غبي و مفكر حالي ما بحبها، انا ضايع انا حاسس حالي بدياها و لو شو ما صار يصير... إطلع ادهم بهديل و حكى أدهم:انت بدك ياها؟ إياد:انت بتعرف اني كنت رح اخطبها و جاهز، كان بدياها بس كنت ناطر لحتى ارجع متل ما كنت لتقبل فيي بس هلق هيي راحت سكتت هديل و سكت ادهم و كأنو مافي حل اما اياد فحكى داخله اياد:بروحي فتاة بالحياء تجملت، و بقلبي فتاة بالجمال تربعت، بفؤادي فتاة دمشقية، تحملها نسمات الهوى، و لا تسقطها الا على صدري كل ليلةٍ فلا أكون لها إلا خير حبيب، و بعقلي فتاة تهوى الرقة، داخلي سكنت فراشة تأبى النسيان و على عرش الذاكرة تتربع، و بتكبر تمشي و تزعزع حروفي الضائعة، فإذا تحدثت أسرتني، و اذا بكت أبكتني و اصابتني في الصميم، و اذا ضحكت تفتحت الورود لها، تلك الدمشقية أذاقتني صبابة الهوى بقليلٍ من حسنها المختبئ، فما كان مني الا ان أقسم برب العباد اني أحبها فوق الحُب حُباً، فكيف تحبني و هي التي اني يهودي القلب و الدين. #يتبع يـــــــــ͢ـོ͓ـــتبــــــــــــــོـ͓ـــ͢ــ؏ ➖➖➖➖➖➖➖➖➖ ❴📖❵↵*تنسيق مشرفين مجموعة: ❴📚❵↵*قصص وروايات عالمية📚🧡 ❴🧡❵↵*ننشر جميع انواع القصص والروايات العالمية حـب🧡. حـزن🧡. اكشن🧡. رعب🧡. ❴👑❵↵*أن كنت من عشاق ومدمني القصص مكانك عندنا🧡 ❴🧡❵↵*رابط المجموعة للاشتراك: https://whatsapp.com/channel/0029VadbWnd89inYkEVrpG0C ` [٢٣‏/٢، ٨:٠٥ م] null: *؏ــڜــٱق✍🏻 اڵــڔﯣايــات📚📖🧡* _*بإدارة محمـــــــود*_🧡 *`قصة اليوم قدري اللطيف`* *❴🔢❵الـــبـــــــــــ❴8️⃣والٱخير❵ــــــــــــارت* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏❴📝❵↵تـنـسـيـق:جــروب:* *📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡* *❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️* *|✒️|↜لـلإشـت͜ـࢪاڪ بـ قناة* *📚*https://whatsapp.com/channel/0029VadbWnd89inYkEVrpG0C *📖📚؏ــڜــٱق✍🏻 اڵــڔﯣايــات📚📖* ➖➖➖➖➖➖➖➖➖ . ➖➖➖➖➖➖➖➖➖ *❴🧡❵↵ *مـــحمـــود* 🧡 ➖➖➖➖➖➖➖➖➖ *❴📝❵↵تـنـسـيـق:جــــروب:* *📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡* https://whatsapp.com/channel/0029VadbWnd89inYkEVrpG0C ` *{😍}قــرا۽ة ممتعــه للجميــع* *{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة* #قدري_اللطيف #رغد_الحافظ #الجزء_الثامن نظرات أدهم ع اياد كانت حزينة كان عارف من داخله انو اخوه محبط ضايع متخبط بحيطان الندم، خايف تروح من ايده و خايف تكون ملك غيره، اطلع بهديل يلي وضحت عليها علامات الخوف و التوتر و حكى بعد تفكير أدهم:انا رح ساعدك لقيت الحل حكت هديل بلهفة هديل:شو هوي؟ اخد نفس ادهم و راقب عيون اياد و ردة فعله ادهم:رح نخطب صفا اليوم عقدت حواجبها بإستغراب و حكت هديل هديل:كيف يعني ما فهمت ادهم:هلق رح تعرفي كل شي حكى إياد برجاء و خوف اياد:اهم الشي انو يبقى كل شي تمام و ما ننكشف أدهم:لا تخاف انا حأتصرف انتبه عليها و ع نظراتها انتبه كيف علامات الفخر كانت بعيونها و هي عم تراقبه كيف حيحل المشكلة، إبتسم بس اختفت ابتسامته اول ما أتذكر انو كل شي بيناتهم رح ينتهي بعد شهر من هلق، خاف انو هديل فعلاً تبقى متمسكة بقرارها و فعلاً تختار الانفصال عنه، و هوي يلي مجرد انو يتقبل الفكرة ما قدر فكيف لو فعلاً صار هيك ... . مسك تليفونه و رن ع والده كان عم يحاول يعيد الكلام يلي ممكن يحكيه و يتأكد هل ممكن ينجح او لا، افاق من شروده ع صوت والده صادق:السلام عليكم كيفك ادهم ادهم:و عليكم السلام الحمد الله انت كيفك صادق:مشتقلك، خير فيك شي؟ ادهم:لا أبداً بس كان بدي خبرك انو انا و هديل حنروح عند عمي أحمد اليوم شو رأيكن تروحوا انتو كمان معنا؟ بعد تفكير بسيط أيد الفكرة و حكى صادق:تمام منروح و هون اندفع ادهم ليحكي فكرته ادهم:و انا عم فكر لو نطلب صفا لإياد اليوم استغرب صادق كتير و حكى صادق:عنجد عم تحكي طيب و اياد شو رأيه ضحك ادهم و حكى ليحاول يقنع والده بأي شكل ادهم:صدقني اياد رايد يصير هالموضوع و مقتنع صادق:حكالك شي ادهم:انا انتبهت عليه، فبرأيي انك اليوم تلمح لعمي عنها، و يكون تلميحك واضح انو بدنا ياها لإياد بعد تفكير و استغراب من طريقة كلام ادهم استسلم لرغبة أدهم وحكى صادق:تمام موعدنا اليوم عندهم ع التسعة أدهم:تمام رح أتصل فيه و خبره صادق:تصرف انت انا بوثق فيك كان ادهم رح يسكر بس وقفه صوت صادق عم يسأل صادق:كيفها هديل ما حب ادهم يبين شي قدام هديل فحكى بهدوء من دون ما تنتبه ادهم:في شوية تعقيد... بعد ما سكر مع صادق اطلع بإياد و لاحظ عليه انو كان سعيد شي داخله خلاه يحس انو قرب منها اكتر، قرب يحصل عليها، حتكون ملكه يمكن اليوم و يمكن ترفضه بيعرف عنادها و بيعرف طريقة تفكيرها يلي كتير بتعذبه خصوصي لما ترتدي زي التكبر و تغوص بأعماق التعجرف اتنفس بصعوبة و أردف إياد:رح ننجح؟! فهم ادهم هالشي من عيونه يلي كان داخلها في بريق تردد قرب منه و ربت ع كتفه ادهم:لا تخاف أكيد حننجح صفا لو شو ما كان بيبقى كان في عشرة بيناتكن ابتسمت هديل لكلامهن و لذكرى الحُب يلي كان بيناتهم غمضت عيونه و حست بألم برأسها، حست بدوخة خفيفة أطرقت عليها و يمكن كان حيختل توازنها بس باللحظة المناسبة شدت ايدها ع الكنبى و اعدت من التعب، ما اخدت بالموضوع و بالتأكيد كانت مؤشرات تعب الأيام يلي مرقت اما ادهم فحمل تليفونه و أتصل بعمه يلي رد عليه بالرنة التالتة ادهم:كيفك عمو طمني عنك أحمد:تمام و انت كيفك ادهم: مشتقلك، كنت حابب خبرك انو رح نجي اليوم انا و اهلي لنسهر عندكن أحمد:اي اهلا و سهلا ناطرينكن ادهم:تسلم ياعم بتوصيني شي؟ احمد:مابدي غير سلامتك ... . سكر أحمد و استغرب من الزيارة المفاجأة هي قبل جيت الخطابين لصفا بيوم واحد اتنهد و حكى أحمد:اليوم جايين بيت اخي و ادهم و هديل ليسهروا عنا سلام:اي اهلا و سهلا، و منها بتخبرهن بخطبة صفا هز راسه بصمت و كأنه ما اقتنع او يمكن حس انو في شي مو طبيعي، و إكتفى بالصمت اما صفا فكانت متأكدة انو في شي عم يطبخوه ادهم و هديل و إياد لهيك قامت من مكانها و اتوجهت لغرفتها من دون اي كلمة مسكت تليفونها و هي عم ترجف فتحت ع محادثة هديل و كتبت بحروف حادة عم تنبض كبرياء صفا:اذا اياد مقرر اليوم يطلبني رسمي فشيلوا هالموضوع من راسكن لأنو ما رح أقبل متل الصاعقة نزل عليها كلام اختها، كل هاد يلي يعملوه كرمالها و كرمال إياد و آخر شي بترفض بكل قوتها و بتقول لا هديل:مابعرف شو صايب عقلك، و لا ليش هيك عم تحكي بس يلي بعرفه انو الشب بدو ياكي و لو انجبر انو يوقف بوجه العيلة كلها حروف لاذعة لفؤادها حروف قوية هزت قلبها و رجفته بس إكتفت بالعناد و كتبت صفا:انا ما بدياه .... قرأت حروفها من دون ما تزيد عليها حرف واحد من دون ما تحكي و لا اي كلمة خافت من الرد، خافت تعرف شي هي ما بدها تكسر قلبه و لا بدها تنذره بالشؤم او الخبر السيئ اتنهدت بعمق و فضلت السكوت و كلها فضول لتعرف شو ممكن يصير اليومداخلها عم تدعي ادعية تسلم فيهم العيلة و هاليوم يلي ممكن يتحول لكارثة عم تدعي داخلها انو كل يكون منيح و ما يصير اي شئ غلط ... . قبل ما يطلع من البيت كان ناطرها لتظبط حجابها طلعت من الغرفة و هي لابسة فستان اسود طويل و منقط نقط بيج، لبست معهن حجاب باللون البيج و كعب من نفس لون الحجاب، كان فيها سحر خاص و حلاوة من نوع تاني، للحظة شعر انها مغرية مثيرة للقُبل للحب كل شي فيها كان رائع و لطيف بهالليلة اطلع فيها نظرات هادية و حكى ادهم:بفكر بعد اليوم نلغي اتفاقنا فهمت عليه فاتنهدت و حكت هديل:بفكر بعد اليوم انو الوقت بلش يديق و صار قريب ما حب طريقتها بالكلام فحكى بهدوء و خوف ادهم:خايف اصحى نهار ما شوفك حدي، خايف يجي نهار بدونك، خايف اصحى بيوم ما لاقي عيونك و لا حتى بسماتك بلعت كل شي داخلها غصتها دموعها لهفتها رغبتها فيه، كله بلعته و ارتدت زي اللامبالاة و حكت بصوت اجهش على البكاء بس عم يكابر هديل:رح نتأخر خاب ظنه هالمرة فيها و حكى بهدوء ادهم:تمام هديل:(بقلبها) كل هاد كرمالك يمكن اذا انفصلنا تقدر تتزوج و تجيب طفل من دون ما تحس بالذنب يمكن تقدر تعيش و تحب، يمكن تقدر تكون انت و ما حدا يمنعك من اي شئ انت بتحبه و لا انا حتى أمنعك من طفل واحد بس يكون من صلبك..... . بالسيارة كان شارد الذهن او يمكن عم يفكر كتير و ماعم يلاقي الحل و لا النجاة لحياته الغريقة اتنهد و حكى داخله... . بُترت اعناق النساء فتحولت لأيات يرتلها حيائُكِ، الجميع يعلمُ و يكفي انكِ تعلمين ما حمل القلب لكِ مذ نعومة أظفاركِ، تدرين ان ما يحمله الفؤاد أشبه بالحنين لوطنٍ ذهب و لن يعد، تعلمين يا حلوتي ان لا شيئ يُبعد قلباً عشق حد الذوبان و تعلمين ان انتفاخ بطون النساء لا ينقص من معزتكِ في نفسي شيئاً، تدركين ان كثرة الأطفال لا تغرين و احرفهم اللاذعة لنفسي المتلهفة لا تحولني لكارهٍ لرؤياكي، تعلمين ان دموعكِ تتلألئ داخل حنجرتي فتخنق كياني و تزلزل رجولتي المهددة امام احمرار محياكِ الحزين، تدركين انكِ طفلتي الوحيدة فلما البكاء منذ خمس سنين متواصلة؟! . ملتمين كلهم بالصالون في حُب و في سكينة داخلهن، لمة العيلة و محبة العيلة لبعضها البعض هاد شغف بالنسبة الهن هي الحياة يلي بيطمحوا يوصلوا الها دايماً هي الفرحة يلي بتبقى مرافقتهن، السكينة ملئة قلوبهن و الخوف اله جزء لا يستهان به بس ربنا كفيل ليحل كل المشاكل مهما كانت و مهما بلغت، عيون صادق كانت عم تراقب هديل الخايفة من شي و مو عارفة شو هوي، ناداها بهدوء صادق:تعالي اعدي جمبي هديل فهمت أميرة ليش حكى هيك، او بالأحرى انتبهت انو والدها عم يحاول يعتذر منها بطريقة غير مباشرة ع الشي يلي عملته والدتها ، قامت بهدوء و اتجهت ناحه اعدت حده فلف ايده و ضمها اله بحنية ابتسمت بِحُب و حكت بهدوء هديل:الله يخليلك النا انت و بابا إبتسم أحمد يلي كان يعتبر هديل حرفياً أعظم انجازاته فالكل شاهد ع لطافة هديل و حبها الهن، الكل بيعرف انو هديل البنت الوحيدة يلي كانت مسالمة إلى اللا نهاية حكى صادق بهدوء بلا ما حدا ينتبه او يسمع صادق:بعدك زعلانة؟ هزت راسها بنفي و حكت هديل:لا أبداً إبتسم صادق بحنية اب صادق:صدقيني ما سكتت ع الشي يلي صار و حياتك ماعد ينعاد احرجت هديل يلي ما كانت حابة توصل معها الشغلة لهون فقالت هديل:من مشكلة عمو شعر برغبة جامحة ليحكي هالكلام و ما عرف سببه فقال صادق:كأنو داخل احشائك عم ينبت شي فهمت هديل قصده و حست بغرابة و احساس اول مرة بتحسه معقول عم يحكي هيك لحتى يخفف عنها او معقول في شي فعلاً اول مرة بيحكي هالكلام حتى هوي كان متفاجأ من طريقتها بالكلام ما اتوقع بيوم انو يحكي هيك شي هوي مو متعود يحكيه حاول يغير الموضوع و نسي يطالعها من متاهتها يلي غرقت فيها إطلع بصفا و حكى بهدوء صادق:يظهر لازم قربك مني اكتر يا صفا، و لازم اسمك ينزل ع خانة ابني إبتسم إياد و نزل راسه و كأنه عم يتحاشى يطلع فيها او بعمه استغربت صفا من الكلام و ما قدرت تنطق شي اما والدها فحكى أحمد:شو هالصدفة ع فكرة صفا بكرى جاي رفيقي ابو رياض ليشوفوها لإبنه و هون شعر صادق بالإحراج و اتظاهر ادهم بهالشي اما هديل فأتظاهرت و كأنها مصدومة من كلام عمها خصوصي قدام امها يلي كانت عم تناظرها بغرابة رفعت كتافها هديل بعدم مبالاة و كأنها عم تحاول توصل هديل:مابعرف بهالكلام حكى صادق بهدوء و مودة صادق:نحنا ما منضغط ع بناتنا و انت بتعرف بهالشي يا أحمد فشوفوا شو بناسبكن و نحنا جاهزين احمد:انت بتعرف انو مارح لاقي لبنتي احسن من اياد بعد ما ودعوهن ع باب البيت دخلوا كلهم ع الصالون محملين بالحيرة ابتدأ أحمد الكلام من دون ما يضغط ع صفا أحمد:رياض شب كتير منيح بس للصراحة انا بوثق بولاد عمك اكتر و اياد شي مافي منه ايدت سلام كلامه و قالت سلام:يعني ادهم كتير منيح مع هديل فأكيد حيكون متل اخوه و ممكن احسنكان الصمت عنوانها ما قدرت تحكي اي حرف بينما أردف أحمد أحمد:صرتي بعمر مناسب للزواج و انا ماني عم اغصبك لك كامل الحرية بس بمقصد كلامي، و غير هيك انا قلبي حابب يفرح فيكي سلام:نحنا مارح نجبرك اختاري يلي قلبك رايده لأنو هي حياتك اخدت نفس عميق و حكت بهدوء و لبكة، حكت بعد ما قلبها سدد ضربة قاضية لعقلها و اخره، حكت بعد ما قطعت جبال الكبرياء، و بكت بكاء الأرملة على فقيدها الحبُ، حكت و كأنو قلبها يلي كان عم يعطيها الكلمات مو عقلها، و من دون اي إدراك لحروفها او كلماتها نطقت صفا:ارتاح قلبي للشخص يلي ارتاح قلبك اله بابا اخد الموافقة يلي كان متمنيها إبتسم بعمق و حكى أحمد:انا بكرى رح حاول احكي مع ابو رياض بهدوء اما انتِ صفا ف يارب يجيب الخير . دخلت ع غرفتها فلمحت رسالة كان محتواها إياد:"اتوب الى الرحمان من كل ذنب، إلا هواكي فلا اتوب عنه" صفا:"و ذنبي الوحيد في دنياي هو هواك، فاللهم أقبل توبتي..." اياد:"ما لكِ يا حلوة تتزينين بتوب الكبرياء، اما أن الأوان ان نخلعه و نرتدي الحُب سوياً" صفا:"لن يأتي حتى و لو انجبتُ منك قبيلة فلن اكون الا للكبرياء مقبلة" حب يداعبها فكتب إياد:" من شدة حُبكِ لي سأحسد نفسي ، قبيلة اتريدين انجاب قبيلة" ضحكت صفا غصب العنها اما هوي فعرف انو بلش يدخل قلبها مرة تانية و عرف انو القبول كان حليفه هالمرة... . عم تمشي بإتجاه كانت تدخله دايماً و لنفس السبب و بدون اي نتيجة كانت تحصل دايماً ع الخيبات بالرغم من انها كانت تنطر دايماً انو تكون النتيجة لصالحها، اتنهدت بعمق و وقف قدام الصيدلية بتردد واضح خايفة تدخل خايفة تطلب يلي ببالها، و ترجع لذاتها محملة بالخيبات و الحزن، جملة وحدة من صادق أشعلت داخلها فتيل الأمومة و الرغبة مرة تانية لتحاول و ترجع تجرب، و كأنها ما بتعرف للفشل او الاستسلام عنوان، اطالت الوقوف حتى ظن المارين انها مجنونة او انها ضيعت طريق الأمان الخاص فيها، بلعت ريقها و اتمنت داخلها انو كل شئ يكون تمام و ما ترجع لخيباتها مرة تانية هديل: يارب هي آخر محاولة لا تنساني.... مشيت بإتجاه الصيدلية و وقفت قدام الصيدلانية و حكت بهدوء هديل:مرحبا، ممكن تعطيني كاشف حمل التمست داخلها شيئ من العجز و الخوف من النتيجة فحروفها كانت مترددة و كلماتها خايفة، داخلها شيئ يأبى الاعتراف بضرورة الاقدام ع هالخطوة جابتلها كاشف حمل عطتها ياه مسكته بأيدين عم ترجف، اخدته و طلعت من الصيدلية خطوات سريعة لحتى توصل ع بيتها خايفة، مترددة ، متحمسة كمان، بدها نتيجة ايجابية و بنفس الوقت خايفة تكون سلبية و تنكسر مرة تانية كل احلامها، خايفة ما تقدر تعيش الفرحة و ينكسر خزان أمالها طلعت ع البيت فتحت الباب و دخلت كان ادهم مو موجود جربت حظها او جربت يقينها هالمرة بالله شو ممكن يكون، بعد دقائق عدة كانت قادرة فيهن تسمع صوت دقات قلبها من شدة التوتر، بعد دقائق كانت فيهم من مسيطرة ع نفسها من شدة التعب، و الارهاق النفسي، دقايق مروا عليها و كأنها بحلم اول مرة بتحس بهاد التوتر مرافقها لهالدرجة اطلعت بالكاشف بعيون مو مصدقة و كأنها عم تعيش الحلم بمخيلتها حكت بعيون عم تدمع و حروف عم ترجف هديل:بسم الله رجعت اطلعت فيه كان خطين ما كانت سعادة بل شي اعمق و لا فرحة بل اعمق من هيك كانت انتصار، كان جبران خاطر من الله اتحقق بعد انتظار طويل، كان شي اشبه بالخيال، بالنسبة الها المستحيل و تحقق، الشي يلي كل الناس قالوا مستحيل اتحقق، بين احشائها صار و بين ايديها حيصير اختل توازنها اعدت بأرضها للحظة حست نفسها تقيلة كتير و ما حتقدر توازن نفسها، بكيت دموع الفرح دموع السعادة و دموع لشكر الله عز و جل . داخل ع البيت حاسس بهدوء غريب، اطلع بالصالون و ما لقى حدا خاف تكون اختارت الفراق مبكراً خاف تكون فعلاً تركته لحاله بهالسرعة هي انتفض من داخله و حس بالضياع لمجرد فقدانها حس أنه فقد شئ كتير ثمين، بلع ريقه بتوتر و حس بنبض قلبه عم يتزايد ناداها ادهم:هديل، وينك سمع صوت بكاها و انينها اتوقع انو يكون في شي سيئ صار انقبض قلبه ترك كل شي من ايده و اتوجه لعندها كانت جالسة ع ارضية غرفة النوم، دخل بسرعة و حكى بلهفة و خوف ادهم:شوفي شبك هديل؟! رفعت راسها اول ما شافته كانت حتنطق حتحكي، حتقول الشي يلي نطرناه كتير و أخيراً تحقق بس ما قدرت شي داخلها منعها، شي داخلها عقد الحروف حاولت تحكي كتير بس بكل مرة تحكي خطوة للكلام تحس انها تاهت اكتر بدروب الفرحة و تجهش بالبكاء اكتر، شي داخله حسسه أنه هي الفرحة يلي كان ناطرها رح تتحقق، شي داخله اقنعه انو رح يكون اب بعد عناء طويل و وقت طويل قرب منها بخطوات بطيئة و بقلب رح يوقف قرب منها و عيونه عم يحاولوا يقرأوا شفايفه هز براسه و حاول ينطق بس ما قدر، قرب منها و اعد قدامها كانت ماسكة الكاشف بأيدها و حطته بأيده من دون اي كلمة او حتى حرف، مسكه بأيده اطلع فيه بعيون محرومة و مدمعة بعيون عم تبكي بغزارة اول شي طلع معه كلمةوحدة ما قدر يحكي غيرها ادهم:الحمد الله و أجهش بالبكاء بطريقة غريبة كانت نيران الحرمان عم تكوي فؤاده اليوم بس اتحقق حلمهم اليوم بس ممكن يكونوا عيلة عادية متلهن متل اي حدا، ما قدر غير يقرب منها و يحضنها بقوة ما قدر يعمل شئ غير يستنشق عبيرها و يمسح دموعها بس نسي يمسح دموعه هوي يحاول يخفف عنها و يقول ادهم:الله طعمنا، الله جبر بخاطرنا، لا تبكي لازم تفرحي و أخيراً طفل منك و أخيراً طفل بيحمل نفس ريحتك و نفس شكلك رفعت راسها و حكت بعد ما مسحت دموعه و مسحت ع شعره بحنية هديل:و أخيراً مارح اتركك اتنهد براحة و ضمها لصدره ادهم:بحبك و بحبك كل شي فيكي، انتِ حلمي و حياتي كلها.... . مجتمعين كلهن ببيت أحمد، العيلة كلها اجتمعت بهاليوم المميز ليكتبوا كتاب صفا و إياد، البيت كان مليئ بريحة البخور المعطر، و الأجواء الدينية ملت قلوب الكل،بعض الحلويات انحطت ع الطاولة لتكون اشارة الفرح بهالبيت، الكل فرحان و داخلهن شيئ من السكينة و الراحة أقبل الشيخ يلي كان رح يعقد القران بيناتهم و كان من صورة وجهه ينبعث شيئ من الإيمان و السعادة، شيئ لا يمكن وصفه كانت راحة و قرب غريب من الله سبحانه و تعالى اتزينت صفا بفستان باللون الوردي مع حجاب بلفة تركية من نفس اللون، كان الفستان مخصص للمحجبات و لهيك مناسبات، كان طويل و فيه لمعة خفيفة هادئة لتعطي روح حلوة للفستان، أكمامه سادة و فطرزة بالدانتيل الناعم ع شكل ورود، اتقدمت بمكياج كتير ناعم و هادي برز ملامحها الحلوة اما هديل فكان فستانها باللون الأبيض يمكن لأنها كانت تحب عاللون كتير و تتفائل فيه اختارت تتزين فيه بهاليوم، اتقدموا للصالون لعقد القران اتعلقت عيون إياد ب صفا لما دخلت و رافقته إبتسامة ساحرة و حمد عميق داخله إياد:الحمد الله اتحاشت صفا انها تطلع فيه يمكن كانت لسا عم تحاول تقل حالها عليه مع انو قلبها من جوا عم ينبض حب قلبها من جوا ناطر هاللحظة عيونا رح يبكوا من الفرحة بعد دقايق معدودة تم عقد القران بينهم و عيونهم عم تنبض حب و سعادة بهالفرحة وقعت صفا و وقع إياد بمحبة و سعادة واضحين ما قدرت تخفيهن صفا، بعدها اتقدم اياد منها و بهدوء باس جبينها قدام الموجودين و حكالها اياد:انشالله حنعيش حياة سعيدة إلتمس داخل عيونها سعادة حقيقية، التمس فيها حُب ما قدر يخبيه و من دون ما ينتبه حدا عليه نطق بندم واضح اياد:آسف ع كل شي... اياد:آسف ع كل شي... ابتسمت برضا و كأنها عم تخبره انها سامحته و بعدت عنه بهدوء، و بهاللحظة مال ادهم ع هديل و حكالها ادهم:حلاوتك يا قمري ابتسمت هديل و حكت هديل:حلا عيونك ... ادهم:برأيك نخبرهن هديل:لازم صح؟! اتنحنح ادهم بهدوء و أردف بعد ما الكل اطلع فيه و بهديل ادهم:انا و هديل عنا مفاجأة سلام: احكي شو هيي اتمالك نفسه و كأنه لسا مو مصدق حاله و نطق بصعوبة واضحة و سعادة ما قدرت عيونه تخفيه ادهم:هديل حامل إرتسمت الصدمة ع عيون الكل ما حدا قدر يصدق عيونهن صارت حمرا متل الجمر و كأنهم عم يستعدوا للبكاء الوحيدة يلي قربت و بكل فرحة و سعادة من هديل و حضنتها هي سلمى ما كانت مصدقة بس كانت كتير مبسوطة سلمى:الف مبروك يا عمري الف مبروك حضنتها هديل و السعادة إرتسمت ع وجوه الحاضرين بس لسا الصدمة مسيطرة ع اجسادهن وعتهن سلمى و قالت سلمى:هديل حامل شبكن هيك شاردين فاتن:هديل بنتي عم تحكي عنجد دموع فاتن ما وقفوا و كذلك هديل هزت راسها و حكت هديل:والله حامل قربت منها و حضنتها بقوة و حُب قربت منها و بعيون سعيدة و فرحانة حضنتها بعدها اتقدمت سلام و صفا حضنوها و باركولها، اطلقت فاتن زغاريد اشعرت لها الأبدان كانت فرحة كبيرة ما حدا قدر يتوقعها و حضنت ادهم بقوة فاتن:الله جبر بخاطركن أميرة كانت عم تبكي ما كان عندها طريقة لتعبر فيها غير البكي اتقدم منها إياد و مسح دموعها اياد:حاج تبكي لازم تكوني سعيدة قربت هديل من والدها يلي كانت ماسكته عمتها و كأنه من فرحته ماعد قدران يوقف هديل:ماما انا كتير مبسوطة والله حاسة حالي رح طير من الفرحة مسح ع خدودها و ضمها لصدره أحمد:ما بتتخيلي فرحتي كنتِ الوحيدة يلي اكل همها خايف عليها، خايف تكوني فقدتي الأمل، كنت كسرت ضهري يا بنتي مسحت دموعه و بحنان بالغ باست راسه و حكت بهدوء هديل:ما تبكي يا سندي الحمد الله الله ما نسيني أحمد:الحمد الله باس راسها اكتر من مرة و كذلك صادق باركلها و كانت سعادته بالغة فيهن، رحمة كانت سعيدة انه ادهم و هديل رح يبقوا مع بعض حتى لو كانت حزينة ع حال بنتها بس سعادتها بولاد اخواتها قلبت احوالها . . بعد مدة ثلاث شهور: هزهاإشعار رسالته هزتها التفاصيل يلي باتت مغرمة فيها إياد:ثلاثة شهور بقربك، ثلاثة شهور احسدُ نفسي على حياةٍ غدت ان تكون كالحلم الذي لا يعاد، ارتدت حسنائي أزهى ألوانها، الكحل في عينيها بدى للعالمين سحراً و لي لم يكن الا النقطة السوداء الوحيدة برفقتهاإرتسمت إبتسامة ساحرة ع وجهها ردت عليه صفا:اني أعيش برفقتك أياماً لم ارسمها بمخيلتي قط، انت الملاذ الأمن بعيداً عن ضوضاء العالم، انت الأمان الذي سخره الله لي ما كان بأيده الا يداعب كبريائها مرة تانية اياد:سقط كبريائك يا جميلة امام سحر عيوني اللماعة صفا: ما كان ليسقط الكبرياء لو لم اسمحه له بذلك فلا تداعب ما لا تستطيع انهائه و لا تعيد لعب لعبة اخشى ان تكون الخاسر الوحيد بها إبتسم إياد لقوة شخصيتها فكتب اياد: لا اخشى الخسارة امام عينيكِ، و لا أخاف الهزيمة امام قلبك، و لا أهاب الاستسلام امام كبريائكِ، فلم تكوني بالنسبة لي الا حلمٌ بعيد و هاقد بدأ يتحقق فلن اتراجع عنه مهما حصل فرغ معجمها و تدهورت حروفها اما كلماتها فباتت خرساء ما كان قدامها غير انها تكتب صفا: ان الكلمات و الحروف تموت حين تقال الا كلمة "أحبك" تخلق للكلمات حياة و للحروف اجنحة، فحروفي تلملمت و كلماتي اختبأت و لم يكن في المرصاد الا "أحبك يا حبيبي" رد عليها إياد بسعادة و بغباء شاعر إياد:و انا بحبك كثيراً ضحكت صفا عليه و الحُب سكن قلبها مرة تانية . أعدة ع تختها و راكية حالها ع مقدمة السرير اما هوي فكان عم يمشي اصابيعه حول بطنها بهدوء عم يحاول يداعبها و يضحكها لتحس بسعادة اكتر ادهم:لما عرفت انك حامل كنت كتير سعيد بس لما عرفت انهم تؤام صرت اسعد انسان بالكرة الأرضية ابتسمت و أردفت هديل:لحد هلق ما بصدق انو و أخيراً تحقق الشي يلي كان بدنا ياه من زمان لحد هلق بحس حالي بحلم ضحك ادهم و حكالها ادهم:الله ما نسينا و عطانا كل شي كنا نحلم فيه الحمد الله لعبت بشعراته و حكت بلهفة هديل:مو مصدقة ايمت شوفهن قدامي ماعد الي صبر لأنطر قهقه ادهم برجولة و سعادة و استرسل ادهم:هانت مابقي كتير ... بعد مرور اربع سنوات: بيوم الجمعة الذي يعتبر عيد فعلي لكل المسلمين اجتمعوا كلهم ببيت صادق بذات اللمة و ذات المحبة يلي و لا اتأثرت بأي ظرف مروا فيه او حتى موقف، ما كان في شي قادر يغير لمتهن و محبتهن لبعض، دخل صادق مع الرجال بعد ما انهوا صلاة الجمعة اما النساء فاتزينوا بالحجاب و اللباس الطويل دخل صادق ع المطبخ و سأل هديل صادق:وينها أميرة هديل:أميرة عم تحكي مع خطيبها هلق ثواني و بتجي صادق: تمام، غراض الفتة وينها قربت منه فاتن و حاولت تبعده عن المطبخ لحتى ما يكركبه و قالت فاتن:كل شي جاهز سلام عملت كل شي هي و رحمة طلاع لبرا انت صادق:له ليش حكى اياد بشقاوة اياد:لأنك حتفجر المطبخ كالعادة صادق:هلق انا هيك بعمل،صفا بزمتك انا هيك ضحكت صفا و كل الموجودين و حكت صفا:لا بس هني بغاروا منك أردف ادهم بعد ما كان مستمع لكلامهن ادهم:دايماً بدافعوا عن عمكن أحمد:من كتر المحبة رح ينسوا ابوهن قربت منه هديل و قالت هديل:انت ما بتنتسى يا قلبي اخد اياد السمني يلي كانت حامية و حكى ادهم ادهم:انتبه بس ع شام اصحك يصيرلها شي و نطقت هديل:سلمى شيلي محمد ضحكت سلام و أردفت بمحبة سلام:كلو و لا توأم تخرب الدنيا و لا التوأم ينأذوا حكوا ادهم و هديل سوا و كأنهم مو مصدقين ادهم/هديل:حقنا نطرناهن خمس سنين إلتفوا كلهم حول السفرة و بِحُب و سعادة كانوا عم يحكوا كلهم و يضحكوا بنفس الوقت، اياد عم يسكب لصفا بصحنها و يحكي اياد:اتغذي انتِ حامل أردفت سلمى مداعبة سلمى:و انا حاملة شغل الشركة كله ع راسي ضحكوا كلهم و قالت رحمة رحمة:الله يوفقك من دون ما حدا ينتبه انسحب ادهم من السفرة و لحقته هديل بعد ما تركت التوأم حد امها، كانت واقف ع البلكون قربت منه و حطت ايدها ع كتفه و برقة حكت هديل:فيك شي؟! إلتفت الها و إبتسم إلها بِعشق ادهم:ابداً بس عم أحمد الله ع نعمة العيلة و السعادة قربت منه هديل فحضنها و راقبوا السما الصافي و اطلعوا بالمارة و الناس و حكت بشرود هديل:ضوضاء العائلة هي سكينة الروح، و سعادة القلب.... ادهم:و ضوضاء الأسرة هي الحياة كلها قربت منه اكتر لثم جبينها و حكى أدهم:دُمتي روحاً لقلبي هديل:و دُمت قلباً لروحي قدري الحافظ #انتهت #قدري_اللطيف #رغد_الحافظ *الـــــــــ͢ـོ͓ـــنهـــــــايـــــــོـ͓ـــ͢ــة* ➖➖➖➖➖➖➖➖➖ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h```