الفصل 2
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم قدري اللطيف`*
*❴🔢❵الـــبـــــــــــ❴2️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
#قدري_اللطيف
#رغد_الحافظ
#الجزء_الثاني
بمطار دمشق الدولي:
كله لهفة و انتظار ليشوف الأيام شو ساوت بأخوه الوحيد، عم يراقب الناس الرايحة و الجاية، و هوي حاسس بشي داخله عم يرجف، خايف يلي حاسس فيه يكون صحيح و هوي مستحيل يترك أخوه بضالته اذا كان احساسه صحيح، إتنهد و ردد داخله
أدهم:استغفر الله العظيم
أعاد النظر مرة تانية و لمح بعيونه جسد إياد عم يعبر بين الناس و جاذبيته ما كانت عادية، كان فيه لمسة خاصة شرقي بستايل غربي، عم يمشي بخطوات واثقة بإتجاه أدهم يلي لوحله بإيده و إرتسمت إبتسامة عريضة ع مبسمه لما شاف أخوه كيف كان متغير و كبران لدرجة يمكن ما عرفه اول ما لمحه
قرب منه و بكل إشتياق حضنه و كأنو هالمرة الأولى يلي بيتعرف فيها على إياد طالعه بنظرات متعجبة إبتسم إياد و حكى برجولة بعد ما نزل نضاراته من وجهه فبانت عيونه الزرق يلي كانت متل السما بأرض سمراء ألا و هي وجهه
إياد:يظهر اني متغير كتير
أردف أدهم بفرحة كبيرة
أدهم:كتير كبران و صاير أجمل
هز راسه إياد و كأنه عم يحاول يتقبل مجاملته و قال بحرج
إياد:مارح نروح ع البيت كتير تعبان
إبتسم أدهم لدهاء اخوه و أسترسل
أدهم:أكيد رح نروح، كل العيلة ناالكطرتك بالبيت
ضحك إياد بحماس يمكن لأنه كان مشتاق للمة العيلة و لشوفتهن كيف تغيروا ....
.
ببيت صادق:
الكل كان مجتمع و الجو الديني كان طاغي ع البيت، من ريحته المبخرة بريحة طيبة، و أيات قرأنية عم تترتل بطريقة تسكن القلوب من كتر ما كانت هادئة و مسكنها الأبدي الأرواح التعبانة، الرجال إستقروا بالصالون عم يتناقشوا أما النساء، فكل وحدة كانت عم تجهز شي و مشغولة فيه، يلي زينهن و زادهن جمال و حياء عباياتهن يلي اتراوحت بألوان زاهية و ملونة بتدخل للقلب البهجة و السرور فعلى سبيل المثال كانت صفا عبايتها باللون البيج و حجابها باللون الأبيض، خضار عيونها كان طاغي ع كل شي و بسمتها الدائمة شبهتها بالملاك،
كان الإنتظار و لهفة اللقاء مسيطرة ع الجميع لدرجة ما قدروا يتمالكوا نفسهم و الفرحة إرتسمت ع وجه كل واحد فيهم....
دقايق معدودة مرت عليهم صعبة و هني ناطرين بس مرقت و أتت اللحظة الحاسمة، يلي رن فيها الجرس و اتقدم صادق ليفتح الباب بكل شوق لشوفة إبنه، و أول ما لمحه دمعة عيونه و قرب منه حضنه بقوة و كأنه كان عم ينتقم للمسافات و الوقت يلي ضاع و هوي بعيد عنه، بدأت دموعه تتسرب و حس فيه إياد فبعده عنه و باس جبينه و قال بحنية
إياد:لا تبكي هي انا رجعت
هز راسه بإيجاب و حكى بشكر كبير
صادق:الحمد الله
اتقدم لأمه و باس إيدها و حضنها يمكن فاتن كانت عم تبكي من قبل ما يوصل، بادلته الحضن و هي عم تستنشق ريحته بكل شوق و حنية لهالحظة هي، عارضت سفره كرمال ما تتعذب بغيابه و لأنها ما كانت قادرة تتحمل غياب حدا من ولادها، و هيك صار مع إياد كانت فعلاً فاتن مو قادرة تتحمل غيابه اللي لذعها و عذبها كتير
بعد عن امه و سلم على عمته بحرارة و محبة واضحة عليه و من ثم إقترب لعمه و مرت عمه و كمان كانت نفس المحبة و اللهفة واضحين على وجهه، و يلي بقلبه من فرحة كانت عم تظهر للجميع، إقترب من البنات و هون أتذكر العادات و التقاليد او يمكن الدين و تعاليمه يلي بتنص على إحترام المرأة و تقديره فهي الجوهرة الثمينة يلي حافظ عليها الإسلام و قدسها بكتبه و توصياته على ألسن الرسل و الأنبية، فأكتفى بالسلام على جميعهن
إياد:كيفكن يا بنات
أجابت كل وحدة بيناتهم بطريقة خاصة فيها، إلا وحدة كانت عم تسترق النظر عليه، كانت عم تذكره فيها، عم تحاول تخليه يشوفها بأي طريقة او حتى يلمحها، ليتذكر ماضي كان فيه بطل حكاية مجهول مصيرها، عيونها يلي منزلتهم كانوا عم يلمعوا بس براقهن كان واضح للجميع حتى هوي ذاته إكتفى بالصمت و عبر من بيناتهم و كأنو ما كان في ماضي و لا حتى ماضي، و لا كان في وعود و عهود...
و عبر بإتجاه أميرة يلي قفزت لحضنه و بقوة عانته خلته يضحك و يقهقه برجولة جذابة أثرت عقول الكل
أميرة:إشتقتلك كتير
إياد:و انا كمان كتير اشتقتلك ياروحي
.
.
إقتربت هديل منه و بكل خجل واضح حكت
هديل:الحمد الله ع سلامتك، كيفك إياد طمني عنك
كان كتير يحب هديل و يرتاح للكلام معها فأسترسل بإرتياح
إياد:تمام ماشي الحال، بتعرفي اشتقت لنرجع نحكي و نتفق ع أدهم
و ضحك مع هديل يلي إكتفت بإبتسامة هادئة ع ذكرياتهن سوا اما أدهم فأبتسم أيضاً لكنه لاحظ تجنب اخوه و عدم نطقه بأي شيئ يدعوا أنه شاكر لربه بشتى المواضيع يلي انذكرت أمامه، نفض من رأسه هالأفكار لما سمع صوت والده عم يقول
صادق:إتفضلوا يا جماعة مافي شي من واجبكن
إلتفوا كلهم حول طاولة الأكل فترأس صادق السفرة و حكى بعمق و محبة واضحة
صادق:بسم الله الرحمن الرحيمأعادوا الجميع من بعده و هون شعر إياد بأنه غريب عنهم لما سمع البسملة يلي شبه كانت رايحة عن باله و هلق طرقت مسمعه من جديد، حس بشعور غريب، حس بتأنيب الضمير و الحزن على نفسه، شعر بشيئ داخله عم يموت و يحاول بنفس الوقت أنه يتمسك بالحياة، إنتبه أدهم ع اخوه لهيك اتقصد يُذكر أمامه حديث نبوي فقال
أدهم: قال رسول الله صلى الله عليه و سلم
"فاجتمعوا على طعامكم واذكروا اسم الله يبارك لكم فيه”.
أعادوا الجميع من بعده الصلاة على رسول يلي كانت تدمع عيونهم من شوقهم له، أعاد معهم إياد لكن مو بنفس العمق، مو ذات المحبة، و لا حتى الخشعة، ما كان داخله يلي كان بنفس كل واحد فيهم إتجاه ربه، أكمل أكله و حكى مستفسر بهدوء
إياد:كيفك سلمى طمنيني عنك
حكت مطرقة الرأس و بإحترام
سلمى:الحمد الله كله منيح
لاحظ إتباع اي جملة بيحكوها بحمدهم الدائم ع اي حال من احوال الدنيا، فإتنهد و حاول ينفض هالأفكار من رأسه و حكى مرة تانية
إياد:ما تزوجتي؟!
بلعت ريقها بقهر و ما فهم إياد شو سببه و وضحت عليها علامات الحزن فحكت إمها
رحمة:إتزوجت و إطلقت قبل فترة منيحة
زم شفايفه بحزن عليها و حكى بصوت هادئ مليئ بالمواساة
إياد:عوضك بالأحسن
سلمى:ان شاء الله
.
.
نقل كلامه لصفا و سألها بهدوء تام عن جامعتها و كان غاضض البصر عنها تماماً إحتراماً للدين و لمعتقداتهم يلي بنظروا هوي ما بيتبعها
إياد:كيفك صفا، إتغيرتي كتير، أذكرك كنتي أصغر من هيك
ضحك أحمد و حكى مداعب لإياد
أحمد:إيجاد صفا صارت سنة تالتة جامعة بأدب الإنجليزي لما سافرت انت كانت يمكن حادي عشر
داعبت لذاكرته الفترة يلي مرقت هون و هداك الوقت بالذات فترة مراهقة صفا صحيح ما كان ينقطع عن اخبار عائلته بس ما كان يطرق لأي موضوع بخص اي حدا فيهم و لا حتى يسأل كان أدهم يحكيله أشياء مختصرة و ببعض الأحيان ما كان يذكر شي و لا حتى يحكي أشياء مهمة، هز رأسه ببطئ و قال بهدوء
إياد: عم تعاني صعوبات بالجامعة
هزت راسها بنفي و حكت بحياء و خجل وضح عليها لما صبغوا خدودها باللون الأحمر
صفا:لا أبداً
بدون أدنى شعور وقع نظره عليها و لثواني جداً قليلة إنتبه لوجهها منيح و لجمالها يلي كان واضح أمام الجميع، بلع ريقه و داعب خياله عدة كلمات من الماضي البعيد، اندفعت كلها لعقلها دفعة وحدة، و كأنها عم تتسابق مين ممكن يذكره أولاً
....:وعد لما ارجع يتغير كل شي
...:ما تتأخر عليي ما أعتقد حيكون في صبر داخلي لهداك الوقت
...:لا أكيد اول ما اخلص دراستي رح ارجع
ما اعطى للموضوع إهتمام و اتوقع أنه مجرد سيناريو رسمه براسه بسيط و قصير رفع حواجبه بعدم فهم و إتنهد بهدوء و إعتذر عن إكمال الطعام للحظة شعر بشيئ غريب داخله، كان أشبه بلسعة هوي نفسه ما عرف سببها
فاتن:بس انت ما أكلت شي
إياد:ماني قادر كمل بصراحة حاسس اني مو منيح
حكت سلام مطمأنة
سلام:ممكن أثار السفر أتعبته
إيدها إياد مع أنه مدرك انو كلامها خطأ بس كان مجبور لينسحب
إياد:أعتقد انو كلامها صحيح، بعتذر يا جماعة لازم إرتاح شوي
أطرقت رأسها مرة تانية بعد ما استرقت النظر صوبه و لاحظت أديش تغير، و أديش تغيرت ملامحه للأحسن، أديش كبران و قارنت مع ملامحه القديمة و داخلها عم تعيد ذات السيناريو يلي داعب مسمعه قبل ثواني معدودة
....:وعد لما ارجع يتغير كل شي
...:ما تتأخر عليي ما أعتقد حيكون في صبر داخلي لهداك الوقت
...:لا أكيد اول ما اخلص دراستي رح ارجع
.
ساجدة بين أيدين ربها و بكل خشوع عم تدعي و كلها أمل يستجيب منها و ما يتركها، بعد ما انهت صلاتها رفعت إيديها و بعيون مغرقة بدموع أمل محروق من كتر الإنتظار للحظة داعب خيالها صورة إلها و هي ماسكة طفل صغير بين ايديها ما تخيلته إلا إبنها يلي انحرمت من وجوده و يلي كان أصلاً مو موجود، قشعريرة سرت بكل أنحاء جسدها اتعبتها و خلتها تستشعر وجودها، و أمومتها المسلوبة، إبتسامة إرتسمت ع شفايفها و سرحت بخيالها حتى صدمها الواقع لما فتحت عيونها و شافت ايديها فاضين فخرت ساجدة باكية بحرقة و بدموع باتت حرارتها عالية لدرجة الغليان، و كان غليان قلبها و لهفته اكبر من هيك بكتير، ما شعرت بنفسها غير بين إيدين أدهم عم يحضنها و يمسح ع ضهرها بحنية بعد ما سمع بكاها العالي و انصدم لما دخل و شافها عم تبكي ساجدة ما كانت اول مرة بس كانت اكتر مرة بتكون بحرقة و وجع
أدهم:ما تبكي ياعمري يا زهرة حياتي
ما استجابت و بقيت عم تبكي و كأنها ما بكيت أبداً و بلشت تحكي كلام غريب كان اول مرة بيسمعه منها
هديل: تعبت كتير، لدرجة غريبة يمكن الله ما بده يطعمني ولاد يمكن انا ما بستحق
حط أيده ع تمها قبل ما تكمل و قال
أدهم:ما تحكي هيك، انتِ إمرأة مؤمنة بقضاء الله
حكت بضعف و تعب واضح
هديل:بعرف هالشي، بس انا تعبت والله، ربي استجب لدعائي، يارب لا تتركني وحيدة
حس أدهم بتعبها فحكى أية قرأنية علها تقدر تهديها و هاد الشي الوحيد يلي كان يقدر يعملهأدهم:فَاسْتَجَابَ لَهُمْ رَبُّهُمْ أَنِّي لَا أُضِيعُ عَمَلَ عَامِلٍ مِنْكُمْ مِنْ ذَكَرٍ أَوْ أُنْثَى ۖ بَعْضُكُمْ مِنْ بَعْضٍ ۖ فَالَّذِينَ هَاجَرُوا وَأُخْرِجُوا مِنْ دِيَارِهِمْ وَأُوذُوا فِي سَبِيلِي وَقَاتَلُوا وَقُتِلُوا لَأُكَفِّرَنَّ عَنْهُمْ سَيِّئَاتِهِمْ وَلَأُدْخِلَنَّهُمْ جَنَّاتٍ تَجْرِي مِنْ تَحْتِهَا الْأَنْهَارُ ثَوَابًا مِنْ عِنْدِ اللَّهِ ۗ وَاللَّهُ عِنْدَهُ حُسْنُ الثَّوَابِ} ﴿آل عمران: 195).
هديل: صدق الله العظيم،
أسترسلت البكاء مرة تانية و يمكن من عظمة و معنى الأية الكريمة و حكت من بين شهقاتها
هديل:لا تتركني وحيدة يارب
إسترسل أدهم بأية تانية كانت مريحة للقلب و للنفس
أدهم:وَلَقَدْ خَلَقْنَا الْإِنسَانَ وَنَعْلَمُ مَا تُوَسْوِسُ بِهِ نَفْسُهُ ۖ وَنَحْنُ أَقْرَبُ إِلَيْهِ مِنْ حَبْلِ الْوَرِيدِ (16) ق
هدأ ما كان داخلها لاهب و شاعل و أكملت بهدوء و سكينة
هديل:صرت احسن بكتير
إبتسم الها و حكى بعتاب لطيف
أدهم:مرة تانية ما بدي شوف إيمانك ضعيف كنت اخد قوة منك شو يلي اتغير
هديل:مابعرف بس يمكن حسيت انو ربي ما رح يستجيب لدعائي
قاطعها بلطف و قال
أدهم:ما تكملي
و من ثم أسترسل الأية الكريمة
أدهم: ﴿ وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ فَلْيَسْتَجِيبُوا لِي وَلْيُؤْمِنُوا بِي لَعَلَّهُمْ يَرْشُدُونَ ﴾ [البقرة: 186].
.
بأعدة أخوية كان فيها كتير كلام بيكشف أسرار كتيرة على قولة أميرة يلي اعدت مع إياد و سألته كتير و كتير عن حياته ببريطانيا و كيف مرت
أميرة:يعني بريطانيا حلوة؟!
اتنهد اياد و كأنه حن لأيامه هنيك و قال
اياد:بتجنن بريطانيا بتاخد العقل كتير بتعجبك
سكت إياد و حكى معلل
إياد:ما أعتقد أهلك بيقبلوا تروحي لهنيك
عقدت حواجبها بإستغراب و قالت
أميرة:ليش بقى
بتعليل و بكلام منطقي بالنسبة إله قال
إياد:لأنو هنيك الناس كتير متحررة و كل شي عادي اما اهلك فمتعصبين بهالأمور
حست أميرة انو ما نسب نفسه للعيلة فحكت و وضح عليها الإنزعاج
أميرة:كأنو انت تغيرت كتير
عقد حواجبه بإستغراب و سأل
اياد:كيف يعني
بإنفعال خفيف و هادئ قالت
أميرة:يعني ما نسبت حالك للعيلة و كأنك واحد تاني ما بتشبهنا و لا حتى مننا
انتبه إياد لكلام أميرة يلي كان صحيح فهوي كان عم يحكي و كأنه مو من العيلة فحكى مبرر و متهرب
إياد:ما بعرف الكلام طلع غصب العني
زمت شفايفها للأمام بحزن و حكت بمنطقية
أميرة:الغربة كتير غيرت و هالشي كأنو صار واضح
ضحك بحرج و هدوء و أضاف بتهرب من عتابها يلي نوعاً ما صحيح
إياد:لا تخافي إياد رح يبقى متل ما هوي دايماً، و هلق شو عندك أسئلة كمان
إبتسمت بعمق و راحة لأخوها يلي طمنها بأنه حيبقى متل ما هوي و حكت بحماس
أميرة:احكيلي ع الأماكن يلي زرتها هنيك
.
اعدة بصمت بوسط تختها و عم تطلع ع كومة الأوراق يلي كانت قدامها كان العتم مسيطر ع الغرفة عدا ضوء خافت جداً مضيئ بهدوء و صوت الريح يلي كان عم يدخل بهدوء و ينعش صدرها المتعب المهترئ من مفاجأت إيامها يلي كانت عم تثبت يوم بعد يوم انو الإنتظار حيطول و طريقها ماله نهاية
بلعت ريقها و اتذكرت كيف طلعت اليوم تحت انظاره و كأنها انسانة عادية ما بتعنيله شي، و كأنو ما كانت بيوم يلي عصفت داخله شعور غريب اول مرة بيحتل قلبه، طلعت و كأنها غريبة عنه و عن قلبه
مسحت دموعها بحرقة و حكت من بين شهقاتها المكتومة
صفا:معقول نسيتني، و نسيت وعودك إلي
.
مرت عدة أيام كان فيهم إياد عم يتعرف على كل شي حواليه، للحظة حس برغبة كبيرة بالرجعة لبريطانيا يلي حسها بلده لأنه بكل بساطة مانه قادر بسوريا يكون ع طبيعته و اطباعه يلي كان عايش عليها، عم يعاني بس عم يحاول يتأقلم و يساير يلي حواليه
ببيت أحمد:
كانت أعدة أمام والدتها و عم تتناقش معها بموضوع بالنسبة الها أصبح حلم ناطرة يتحقق بأي وقت أسترسلت الكلام بعد صمت دام ثواني معدودة
هديل:هي السنة الخامسة الي كتير مؤلم الموضوع بالنسبة إلي بتعرفي هالشي أكيد
سكتت سلام و كأنها عم تعطيها فرصة للكلام بعد ما كانت عم تحاول تحكي و لو شي ينفع توصل فيه يلي بقلبها
هديل: بحس حالي اني ناقصة، يعني كتير موضوع صعب اني كون متزوجة و محرومة من الولاد يلي هني زينة الدنيا
اتنهدت هديل و حست حالها عم تحكي مع ذاتها فاسترسلت بهدوء و راحة اكبر
هديل:كتير بتوجع لما بطلع بأدهم و شوف كيف بيطلع بالولاد بأي مكان عام، بحس حالي انانية لما بشوف لهفته لأي ولاد بيلمحه و هوي مو قادر يحكي كرمال مشاعري
دمعت عيونها هون و حست بغصة كادت تخنقها اخترقت احبالها الصوتية و إلتفت لتمنعها من الكلام، مسحت سلام دموعها بسرعة و أكملت استماع لهديل يلي أضافتهديل:بزعل كتير لما شوف أدهم عم يداعب الولاد بين ايديه و عم حس كيف عم يرجف لهفة إلهن، و لما يخلص يطلع فيي بحنية و يقلي بقلب محروق "الله يطعمنا" صدقيني يا أمي انو هالشعور صعب لدرجة انو قلبك من جوا بيتحول لرماد
أكملت مسح دموعها بحرقة و قلب متلهف للقاء نوعاً ما بعيد بنظرها اتنهدت سلام بحزن بالغ ع حالة بنتها يلي كانت عم تسوء اكتر و حكت
سلام:ربنا ما بيترك انسان إلا ما يجبر بخاطره لازم تكوني مؤمنة بهالموضوع
أكملت هديل معللة لشي يلي داخلها
هديل:المشكلة يا أمي انو مرت عمو مانها عم تصدق هالموضوع و لا حتى حابة تقتنع بكوني مؤمنة بقضاء الله و قدره عم تحملني ذنب انا ما ارتكبته
زفرت بضيق و اتبعته سلام بإستغفار عميق و من ثم أكملت
سلام:مالك غير الصمت هاد الحل الوحيد ما بتقدري تحكي شي كمان هي من حرقة قلبها، هي محنة عم تمر عليكن و لازم تكونوا صابرين فيها لحتى ربنا يريد و يرزقكن
حاولت تغير مجرى الحديث و سألت امها
هديل:وين صفا ما شفتها
حكت بعدم ارتياح
سلام:هاليومين مانها عاجبتني
هديل:ليش من اي ناحية؟!
سلام:حاستها مو طبيعية او يمكن متوترة من الامتحانات
أيدتها هديل
هديل:أكيد هاد السبب
.
بمكان يعتبر مصدر رزق للعائلتين كان عم يعرف اخوه ع كل شي لازم يعرفه او يمكن كل شي لازم يسترجعها ليعرف أنه أطور و اتغير، وقف حد مكتبه المتواضع و حكى
أدهم:هون مكاني هاد مكتبي و متل ما انتبهت معرض عنك و معرضنا قراب لبعض و هالشي لأنو نحنا فيك تقول منشتغل لصالح بعض
هز راسه بإيجاب و قال بكلمات مقطعة
إياد:يعني الطرفين كسبانين
أيده أدهم و حكى
أدهم:صحيح، هلق من المفترض انا ما عرفك ع هالأمور لأنك بتعرفها لكن عم لاحظ انك نسيان كتير تفاصيل ما كنت متوقع تروح من بالك
ضحك إياد لكلام اخوه و قال
إياد:بالفعل هي وحدة من الشغلات يلي اتغيرت بالغربة صرت أنسى اكتر و بنفس الوقت صارت ذاكرتي ضعيفة ما تتحمل كتير
هز راسه و علامات الاستفهام ع وجهه فسأله
أدهم:في سبب لهالشي؟ يعني انت عملت حادث؟
هز راسه لينفي هالشي و قال
إياد:أبداً بس هيك حالة عادية
غير أدهم مجرى الكلام و سأله
أدهم:هلق بما انك دارس تسويق فممكن تفيدنا بخصوص تجارة السيارات
و هون ضحك إياد باستهزاء نوعاً ما
إياد:درست ببريطانيا كرمال اجي لهون و تاجر بالسيارات
كان حيحكي أدهم بس قاطعه إياد مبرر بسرعة
إياد:بعرف حتقلي نفس الشي فأنا بقلك لا مو نفس الشي شاهدتي بدخلني لأفضل الشركات يلي هون و براتب ممتاز كمان يعني ماني مجبور بصراحة
مسك أدهم أعصابه و وضحت عليه علامات الإنزعاج و لكن بسرعة داعب لذهنه وجه ابوه المكسور بكلام ابنه و قال لأخوه
أدهم:اصحك بابا يسمع هالكلام هاد او استهزاءك بشغله
حكى اياد مدافع بشراسة
إياد:انا ماعم إستهزئ انا عم احكي المنطق
هز راسه أدهم علامة الضجر من إياد و أردف
أدهم:المنطق تبعك ما تحكيه قدام بابا
و هون إرتفع صوت الأذان معلن عن وقت الصلاة او تلبية لنداء الله عز و جل ردد أدهم الشهادتان بكل خشوع و إلتفت لإياد
أدهم:مارح تصلي؟!
.
.
أدهم:مارح تصلي؟!
سكت إياد و إكتفى بالصمت كيف يصلي و هوي ما قارب سجادة الصلاة يمكن من اربع سنين لاحظ عليه أدهم هي اللبكة فسأله
أدهم:ما بتصلي؟!
تمالكت نفسه و حكى بشجاعة مصطنعة
إياد: من زمان ما بصلي
سكت أدهم و يمكن كان متوقع هالشي منه ما حكى اي شي كان حزنه ع أخوه و حالته بالغ كتير إكتفى بذكر أية أمامه
أدهم:وَالَّذِينَ يُمَسِّكُونَ بِالْكِتَابِ وَأَقَامُوا الصَّلَاةَ إِنَّا لَا نُضِيعُ أَجْرَ الْمُصْلِحِينَ ﴾ [الأعراف: 170]
بقي إياد مشدوه و كأنه اول مرة بيسمعها زفر أدهم بهدوء بالغ و حكى بعمق
أدهم:إلنا جلسة طويلة...
.
بمقهى المدينة ملتفين حول طاولة و فناجين القهوة السادة كانت كمواساة لحديثهن الشيق
أسامة:كيف يعني مدايق لحد هلق ما فهمت ليش و شو السبب
إتنهد بعمق مسلوب منه الراحة
أدهم:بصراحة مدايق من وقت ما رجع إياد و انا ملاحظ انو مو تمام او فيك تقول أخلاقه و كل شي فيه تغير ما عد متل قبل
ضحك أسامة و حكى ليطمن صديقه
أسامة:هوي بدك الصح، ما ضل حدا متل قبل فطبيعي يتغير
نفى كلام صاحبه بحركة منه
أدهم:تغيير عن تغيير بيفرق انا اخي فارق عليي مئة و تمانين درجة بكل شي
حط فنجان القهوة بهدوء و شبك كفوف ايديه و سأل
أسامة:كيف يعني و متل شو اشرحلي
ادهم:أخي من وقت ما رجع بعيد كل البعد عن الدين الاسلامي بطريقة بتخليني أتأكد أنه ماعد ينتمي إلنا
سكت أسامة و كأنه عم يدور حكي أدهم براسه كان حاسس انو في شي مو طبيعي و بنفس الوقت انو ممكن يصير هيك
أسامة:هالشي صار لأنه أصلاً كان غايب عن هالمكان يمكن هالشي قللت من انجذابه لدين
أدهم:بس يلي بيتمسك بدينه بيتمسك فيه وين ما كان
أسامة:ما تنسى ادهم انو ببريطانيا مجتمع غربي مافي اي حوافز عربية مشجعة لإكمال الدين، مافي محافظة و ذكر لله دايماً على ألسنتهمعقد حواجبه بعدم فهم و أضاف
أدهم:مافهمت
أسامة:هون كل العيلة محافظة و ذاكرة ربها ليلاً نهاراً من سنوات طويلة و هاد يلي خلا إياد يبقى محافظ ع الدين لأنو يلي حواليه كلهم هنيك اما ببريطانيا بالعكس تماماً يعني ما كان في أي تشجيع
هز راسه بعمق و كأنه فهم يلي كان عم يحاول يوصله أسامة
أدهم:كلامك جد منطقي
.
أدهم:كلامك جد منطقي
أسامة:رح تتعذبوا معه بس بعدين حيرجع متل ما كان
أطرق راسه بعد ما لامست القهوة شفايفه لتسقي كريات عقله المرهقة من التفكير و حكى بصوت هادئ
أدهم:بتعرف كتير مدايق و مضغوط هالفترة و موضوع إياد دايقني بزيادة
هز راسه أسامة و حاول يواسي صديقه بطريقة كانت قريبة لقلبه كتير
أسامة: {وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الْأَمْوَالِ وَالْأَنْفُسِ وَالثَّمَرَاتِ ۗ وَبَشِّرِ الصَّابِرِينَ} ﴿البقرة 155).
إرتسمت إبتسامة طمأنينة ع وجهه و حكى
أدهم:عم حاول هالفترة كون هادي و أمسك أعصابي مع اني تعبت
أسامة: {اسْتَعِينُوا بِالصَّبْرِ وَالصَّلَاةِ إِنَّ اللَّهَ مَعَ الصَّابِرِينَ} ﴿١٥٣ البقرة﴾.صدق الله العظيم
و أردف بصوت مسترسل
أسامة:و هاد يلي لازم تعمله انا بعرف انو موضوعك انت و هديل حارمك من النوم
و هون أطلق أدهم تنهيدة موجعة من قلب محترق و حكى
أدهم:عم ادايق عليها و ع حالتي والدتي كتير عم ادايقها بكلامها عم اتحملها ذنب هي ما دخلها فيه
أسامة:{وَإِنْ تَصْبِرُوا وَتَتَّقُوا لَا يَضُرُّكُمْ كَيْدُهُمْ شَيْئًا} ﴿١٢٠ آل عمران﴾.
أسامة:لا تنسى هالأية و خليك صابر إصحك بمرة تضعف او حتى تتوانى و هاد كله إله أجره
شرد أدهم و اتجاهل تتلاقى عيونه بعيون أسامة و عبر عن حزنه قائل
أدهم:بعرف بنفسي ولد واحد بس ما بدي اكتر من هيك، بس ولد واحد
لمح أسامة عيونه دمعت بس ما حب يوضحله هالشي او يبنله أنه انتبه و حاول يواسيه بس ما لقى شي ممكن يخفف عنه شعوره
أسامة:عساه من بعد الصبر فرج
أدهم:إن شاء الله
غير أسامة مجرى الحديث و سأل بإبتسامته المعهودة
أسامة:ها خبرني شو غداك اليوم؟!
أدهم:اليوم عند عمي أحمد كرمال إياد
أسامة:الله نيالكن ياعمي
#يتبع
☻يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`