الفصل 1
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم قدري اللطيف`*
*❴🔢❵الـــبـــــــــــ❴1️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
تفاااااااااعلو لنزلها
#قدري_اللطيف
#رغد_الحافظ
المقدمة
"نشتهي الحُب كما نشتهي الحياة
فتقيدُنا خيوط الدين و تعيد إلينا رُشدنا الضائع"
.
بُترت اعناق النساء فتحولت لأيات يرتلها حيائُكِ، الجميع يعلمُ و يكفي انكِ تعلمين ما حمل القلب لكِ مذ نعومة أظفاركِ، تدرين ان ما يحمله الفؤاد أشبه بالحنين لوطنٍ ذهب و لن يعد، تعلمين يا حلوتي ان لا شيئ يُبعد قلباً عشق حد الذوبان و تعلمين ان انتفاخ بطون النساء لا ينقص من معزتكِ في نفسي شيئاً، تدركين ان كثرة الأطفال لا تغرين و احرفهم اللاذعة لنفسي المتلهفة لا تحولني لكارهٍ لرؤياكي، تعلمين ان دموعكِ تتلألئ داخل حنجرتي فتخنق كياني و تزلزل رجولتي المهددة امام احمرار محياكِ الحزين، تدركين انكِ طفلتي الوحيدة فلما البكاء منذ خمس سنين متواصلة؟!
.
بروحي فتاة بالحياء تجملت، و بقلبي فتاة بالجمال تربعت، بفؤادي فتاة دمشقية، تحملها نسمات الهوى، و لا تسقطها الا على صدري كل ليلةٍ فلا أكون لها إلا خير حبيب، و بعقلي فتاة تهوى الرقة، داخلي سكنت فراشة تأبى النسيان و على عرش الذاكرة تتربع، و بتكبر تمشي و تزعزع حروفي الضائعة، فإذا تحدثت أسرتني، و اذا بكت أبكتني و اصابتني في الصميم، و اذا ضحكت تفتحت الورود لها، تلك الدمشقية أذاقتني صبابة الهوى بقليلٍ من حسنها المختبئ، فما كان مني الا ان أقسم برب العباد اني أحبها فوق الحُب حُباً، فكيف تحبني و هي التي قالت مراراً و تكراراً أنني "يهوديُ القلب و الدين" ؟
.
.....:لمسة وحدة مارح يكون شي بعدها مخيف، لمسة وحدة و بعدها كل الدنيا رح تنسيها...
.
....:مافيني طلقها كرمال سبب سخيف متل هيك، مافيني خون قلبها كرمال شي مو بأيدها
.
....:انا ما بلومك و لا بلومها، بلوم المشاعر القذرة يلي سيطرت عليك و عليها
من المستحسن تبعد عنها
.
...: فكرت حالي بحبه و بحبني طلعت متلي متل اي وحدة كانت بحياته قبلي
.
....:الدين عِماد بناء حياتك إصحك تنسي هالشي و تنصاعي ورا المغريات يلي رح يحطوها بطريقك، إصحك تتخلي عن حُبك لربك لأنه المُنجي الوحيد إلك...
.
...:عم حاول حبه متل ما حبت عائشة محمد بس للأسف ما كان إلا يهودي و جردني من كل ما اتمسكت فيه
.
....:الضغط صار كبير عليك انا بعرف، يظهر كل المحاولات فشلت خلينا ننفصل أحسن.
.
قوله تعالى: "فإمساك بمعروف أو تسريح بإحسان"
.
جالسة ع سجادتها و رافعة راسها لربها كلها أمل من داخلها انو يسمعها و يستجاب إلها، كلها أمل انو هالمرة تظبط و بعد انتظار أربع سنوات كلها أمل انو هالمرة يكون كل شي مختلف، اطلقت زفرة خفيفة من داخلها و دموع متجمدة داخل عيونها العسليات غمضت جفونها و نزلوا دموعها ببساطة مؤلمة و بطريقة موجعة للقلب، قطع جلستها مع نفسها صوت باب البيت يلي بيأذن ع وصوله إبتسمت بهدوء لما سمعت صوته المريح اخترق اذانها ليصب بقلبها
أدهم:هديل، وينك انتِ
مشي بخطواته السريعة و كأنه طفل و من دونها تايه و ماله ملقى غيرها دخل للغرفة و اتلاقت عيونهم سوا، ابتسم لها برجولة و قرب منها بهدوء و حنية ملحوظة مسح دموعها يلي كانوا ع خدودها و كان من داخله بيعرف سبب هالدموع
أدهم:لأيمت حتبقي عم تعذبي حالك؟!
هديل:لحتى يستجيب لدعائي
اطلع فيها نظرة كلها تقدير لما شافها مزينة بثوبها الأبيض و يلي زادها حياء و جمال اكتر، اتعود يشوفها بلباس الصلاة بس بكل مرة كان شي يشده الها اكتر، يحس بإنتمائه و افتخاره بكل شي بتعمله بلع ريقه و ابتسم بأمان بعد ما شدها لحضنه و باس جبينه بشغف و اطلع فيها نظرات كلها راحة
أدهم:ما تخافي الله من فوق بيسر كل شي
هزت راسها بإيجاب و حكت ممازحة إله
هديل:قلتلك الگلابية البيضة بتلبقلك كتير
اطلع ع حاله بعد ما قام من حدها و قامت هي كمان بإتجاه المراية و قال
أدهم:شكلي طالع عريس
و اطلع فيها بعد ما غمزها اما هيي بغيرة لطيفة ردت
هديل:ما أعتقد انو شكلك بيوحي انك عريس،بل بيوحي انك متزوج و كتير مبسوط
قهقه برجولة و أردف
أدهم:لا يخفى عليكي شي
هديل:بعرفك اكتر من حالك ....
.
.
واقفة حد أمها بتعرف كتير منيح انو هاللحظة لا تعود رح تكون أول حدا بيتذوق هالطبخة يلي بتنطبخ كرمالها بس، عم تحاول تختلس النظر ع الطنجرة و عم تشم ريحتها بجوع كبير بعد ما فاحت بكل البيت، رمقتها أمها بنظرة إستهزاء بشكلها و قالت بثقة تامة
سلام:على ما يبدو اني طباخة محترفة لأنك دايماً بتعملي نفسي الشي لما تكون الطبخة شاكريه
ضحكت بهدوء و قالت بكل تقدير لأمها بعد ما باست راسها بحنية
صفا:ما اختلفنا على انك طباخة ماهرة بس بتعرفي اديش بحب هالأكل
بعد ما ألقت نظرة ع الطبخة و نقصت من حرارة الغاز وجهت حديثها لصفا و كأنها تذكرت شي
سلام:بالمناسبة بتعرفي بوصول إياد؟!
عقدت حواجبها بإستغراب و أردفت
صفا:انتِ بتعرفي اني انشغلت بإمتحانات الجامعة لهيك ما بعرف شي بخصوص هالموضوع
ضربت سلام كف إيدها ع جبينها بإستياء من بنتها يلي دايماً ما بتعرف شيسلام:معقول ما خبرتك أميرة انو اخوها حيوصل
زفرت صفا و كأنها عم داعب كلام امها فأضافت
صفا:بتعرفي كتير منيح اني ما بسأل ع اخبار العيلة فليش عم تعذبي حالك
هزت راسها و كأنها اتذكرت هالشي يلي راح عن بالها و أردفت
سلام:حيوصل إياد الخميس من بريطانيا يعني بعد أربعة أيام
صفا:أهلا و سهلا فيه
و ضحكت بعد ما حكت هيك، اما سلام فأخدت مجرى أخر للحديث
سلام:المهم هلق في تحضيرات لإستقباله لازم تعرفيها
ظهرت على صفا علامات الحزن و قالت بشيئ من الضجر
صفا:مابحب هالأمور بتعرفي
سلام:بس لازم
قاطعت أمها بلطف و قالت
صفا:خلينا نشوف الطبخة
ضحكت سلام و قربت من الطنجرة و تفوح ريحة الشاكريه يلي استوت و صارت جاهزة للأكل و تظهر على صفا علامات السعادة
صفا:يا امييي الريحة
.
و بهاللحظة بيدخل أحمد ع المطبخ و بقول مبتسم لزوجته
أحمد:الله يعطيكي العافية
نظرت له بكل إحترام و مودة بادلها ذات النظرات مشي بإتجاهها خطوات معدودة و لثمها من جبينها بكل حنان ابتسمت صفا و هي عم تشوف هالحُب يلي كان مرسوم رسم ع وجه والدها لوالدتها
أحمد:الشاكريه ريحتها بتشهي
سلام:رح إسكبها
هز رأسه بإمتنان واضح و قال
أحمد:تسلم أيديكي يا سلام، بتعرفي طبخاتك مافي بعدهن
توردت خدود سلام و ابتسمت له بكل مودة و ردت
سلام:ممكن
وجه الكلام أحمد لصفا و بإستفسار لطيف سأل
أحمد:كيف الجامعة؟!
صفا:كلو تمام الحمد الله
أحمد:حكيتي مع هديل اليوم؟!
كانت صفا حتتهرب من السؤال بس ما قدرت و قالت بلطف
صفا:لا والله
استغرب أحمد و سأل
أحمد:ليش ما حكيتي معها
حاولت صفا تعمل داعب كلام ابوها فقالت
صفا:دلولة أبوها هديل
لفتت نظر سلام كلام صفا فنفت الشي يلي حكته مراعاة لمشاعرها و عللت
سلام:انتِ بتعرفي انو وضعها إستثنائي
زم أحمد شفايفه للأمام و ظهر الحزن عليه و قال
أحمد:فعلاً وضعها غير عنك
.
ماكثة أمامه بعد ما أنهى صلاته و إبتسم إلها بمودته يلي ما بتنتهي و بعدها لثم جبينها و مسح ع شعراتها يلي صبغوا بلون الدهب إبتسمت له و قالت
هديل: قال محمد صلى الله عليه و سلم في وصف حبه لعائشة
"يا عائشة أنه ليهون علي الموت، اني قد رأيتكِ زوجتي في الجنة" من شدة حُبه لعائشة حكالها هيك
ضحك أدهم و مسح ع خدها بلطف و قلها
أدهم:دايماً بتعيديه ع مسمي اكتر من مرة ، و انتِ بتعرفي
" أنها لتهون علي مصائب الدنيا لو كنتِ رفيقتي الأبدية"
أطرقت رأسها بلطف لكلماته يلي داعبت انوثتها و خلتها تستشعر وجودها المهم بحياته، دايماً بكلماته كان يعوضها عن اي حرمان كانت عايشته مهما بلغ و قد ما كان
اتنهد و كأنه قرأ أفكارها فمسح ع شعراتها و قربها منه و همس بكل يقين و أمل برب العباد
أدهم:الله رح يجبر قلبنا....
.
أدهم:الله رح يجبر قلبنا....
إكتفت بالإماءة و كأنها عم تقنع نفسها من الصميم انو ربها مستحيل ينساها، انطرق لذهنها الموضوع يلي كانت ناسيته و قالت
هديل:انت كأنك نسيت موضوع رجعت إياد
ضرب بأيده ع جبينه بخفة و أردف بعد ما كان نسيان
أدهم:نسيت بتصدقي راح عن بالي هالموضوع
هديل:بعرف هالشي لهيك عم ذكرك، و غير هيك انت ما كنت تتواصل معه كتير لهيك اتوقعت انك تكون نسيان او حتى ما تكون متحمس للموضوع
إتنهد أدهم بالقليل من الهم و قال بعد ما فرك جبينه دلالة توتر
أدهم:بتعرفي اني كنت معارض سفرته من البداية ع بريطانيا يعني كان بيقدر يدرس تخصص التسويق هون بالبلد بس ما حبيت وقف بطريقه
سكت أدهم و سكتت هديل كانت تحب تعطيه راحته بالكلام و ما تضغط عليه أضاف بعد ما ارتاح
أدهم:بس المشكلة انو إياد تغير عنده فلسفته الخاصة و طريقته الغريبة بالتفكير
عقدت حواجبها بإستغراب و قالت بغير فهم
هديل:كيف يعني اشرحلي
اكمل كلامه بالقليل من الخجل
أدهم:بعد آخر مكالمتين حسيت أنه كتير صار بعيد عن الدين بطريقة خلتني خاف منه و خاف عليه بنفس الوقت، و رجعته رح تغير كتير انا متأكد
حطته ايدها ع كتفه و إبتسمت لما تلاقوا عيونهم سوا و كانت ابتسامتها متل البلسم ع قلبه بادلها الابتسامة
هديل:انا بتوقع انك عم تبالغ شوي ما أعتقد انو إياد رح ينسى تعاليم الدين الاسلامي بمجرد ابتعاده عن البلد، لا تنسى انو إياد زرع عمي فيه كل القواعد يلي مستحيل ينساها
هز راسه و عقله مو معها كان عم يحاول يقنع نفسه بأنو كلامها صحيح عم يحاول ما يخاف ع اخوه و هوي بيعرف كتير منيح عنده لوين ممكن يوصله، اشاح النظر عنها و رجع بذاكرته للمكالمة يلي كان عم يحكيها مع اياد قبل فترة طويلة نوعاً ما
____فلاش باك____
بأول أيام عيد الأضحى المبارك أتصل ادهم بإياد ليعايد عليه، أعد ع الكنبى و ناطر انو اخوه يرد ع مكالمة الفيديو بعد انتظار ثواني شاف صورته و إبتسم و قله
ادهم:السلام عليكم، كيفك اياد
إياد:هلا أدهم تمام و انت
.
إياد:هلا أدهم تمام و انت
اتجاهل ادهم سؤال إيجاد و داعبه قائلأدهم:روى الشيخانِ عن أبي هريرة رضي الله عنه، قال: سمعتُ رسول الله صلى الله عليه وسلم يقول: ((حق المسلم على المسلم خمسٌ: ردُّ السلام، وعيادة المريض، واتباع الجنائز، وإجابة الدعوة، وتشميتُ العاطس))؛
شعر إياد بالخجل و هوي يلي كان يعلم أدهم و يذكره دائماً بهي الأمور
إياد:يبدو انو المجتمع الغربي أثر عليي
هز أدهم راسه بأسى و بمعنى انو كلام أخوه غلط و قال:
أدهم:يبدو انو انت إيمانك ضعيف و تأثرت بسرعة بالمجتمع الغربي
حاول إياد يغير مجرى النقاش او ممكن يتهرب من كلام أدهم يلي بات صحيح و باغته سائل
إياد:كيفها هديل
.
_باك_
افاقه من شروده بعد ما شعر أنه لوحده بالغرفة إتلفت حواليه و ما شاف هديل قام من مكانه و اتوجه ع المطبخ متلهف لشوفتها كانت واقفة و عم تحرك الطبخة و شعرها الدهبي منسدل واصل لأسفل ضهرها خيوط الدهب يلي كانت تلمع دايماً لما طل شمس الصبح عليها كانت قادرة لتأسر أدهم داخل قوقعة حبها الى أبد الأبدين، من تعاليم الدين الإسلامي الاحسان للمرأة و خصوصي بالمعالمة و هاد يلي كان يعمله أدهم دائماً
أدهم:يعطيكي العافية
إبتسمت إبتسامة ساحرة توسطت بياض وجهها اللامع و لمعان عيونها الخضر مع ظهور غمازتها اليمين و كأنها عم توصله سعادتها من خلال ظهورها
أدهم:و اني أموت حُباً تحت رعاية الله و حلاله
هديل:الله عليك ...
إلتمس خجلها بعد ما احمروا خدودها لهيك قلها
أدهم:اليوم حنروح عند أهلي
حاولت تتصنع انها لساها ع طبيعتها بس ما قدرت لهيك امائة برأسها و بس بيعرف ادهم منيح ليش ما بتحب تتواجه مع اهله لهيك قلها و كأنه عم يطمنها
أدهم:لا تخافي رح نتحاشى اي حديث ما بيعجبك
هديل:انشالله، انا بس مو حابة انو ينطرح عليي أسئلة انا أصلاً ما عندي أجوبة إلها
كان كلامها واقعي و صحيح طريقتها بالكلام كانت بتوضح اديشها مدايقة و الموضوع أبداً مو بأيدها لهيك إكتفى أدهم بأنه مسح ع شعراتها بحنية و باسها من جبينها بعمق و متل كل مرة بيستلذ بمغازلتها
ادهم:و انا ما بدي هالعيون تزعل اليوم بدي ع طول تفرح و تضحك
حكت بخوف و توتر
هديل: و أمك؟!
إطلع بعيونها مباشرة و أصاب داخلها اكتر ما كان عم يدايقها ضمها لحضنه و ربت ع ضهرها
أدهم:قلتلك ما حدا رح يدايقك
.
متمددة ع تختها و عم تلعب بالقلم يلي كان بأيدها عم تخربش ع دفترها و نفس الوقت عم تحكي ع التليفون و واضح انها منسجمة كتير
أميرة:اي اليوم رح يجي أدهم و هديل تعالوا انتو كمان
صفا:ما أعتقد نقدر بصراحة
أميرة:امممم
سكتت صفا و بعدين حكت و كأنها تذكرت شي مستعجل
صفا:انتِ ليش ما خبرتيني انو إياد راجع من السفر ولي
حكت بعدم مبالاة
أميرة:ع اساس ماشالله شو بتهتمي انتِ بأخبار العيلة أخد عقلك أدب الإنجليزي
صفا:حتى لو ع فكرة كان لازم تخبريني
أميرة :طيب و هي عرفتي شو رح تعملي
حكت بدون اي اهتمام
صفا:ولاشي أكيد
ضربت أميرة بضيق ع جبينها و قالت مشتكية
أميرة:ااااخ ياربي منك
صفا:شو عم يعملوا أهلك
أميرة:ولاشي ماما أعدة مع عمتك رحمة
سكتت صفا و كأنها شردت بشي بس ما حبت تحكي شي عم يلي عم يدور ببالها
أميرة: كأنو في شي ببالك
أفاقت من شرودها و قالت
صفا:لا و لا شي بس كأنو زيارات عمتك كترانة لعندكن
انتبهت أميرة لكلام صفا يلي كان صحيح
أميرة:بالفعل بس ما بعرف ليش
سكتت صفا و طرحت سؤال تاني
صفا:عم تجي معها سلمى؟!
جاوبتها أميرة بتلقائية
أميرة: يعني مو دايماً
حاولت تغير صفا مجرى النقاش و سألت
صفا:شو تحضيراتكن لرجوع إياد
أميرة؛اليوم بس يجي أدهم رح نحكي بهالموضوع بابا حابب يكون متواجد أدهم
صفا:اممم معه حق
.
بالصالون كان الوضع نوعاً ما مستقر لكن ما كان في القلوب ما كان مستقر بقلوب الحاضرين كان في نوع من الإتفاق يلي ما كانت قادرة الألسن انها تنطق بوجوده او حتى تعترف فيه، انما الأرواح الداخلية كانت على استعداد لتنفيذه
فاتن:بتعرفي برجعة إياد حابة اني زوجه يمكن بقدر حقق الشي يلي ما قدر أدهم يحققه
بمحاولة مكر خفية أجابت
رحمة:ما فهمت قصدك
حكت بحرقة قلب كان واضحة ع ملامح وجهها المتلهفة
فاتن:نفسي شوف حفيد الي يمكن هي امنيتي الوحيدة هي الفترة او قبل خمس سنين
.
ماكثة حده هي طريقتها لحتى تستشعر الأمان يلي ما كانت تحسه غير لما تكون قريبة منه و من ريحته يلي كانت دايماً تعطيها أمان و دافع للحياة كل شوي يطلع فيها و كأنه عم يتأكد انها لساها منيحة اما أميرة كانت تطلع عليهم و تتمنى من داخلها علاقة متل هالعلاقة يلي حرفياً كان يضرب فيها المثل
صادق:قولك كيف رح يقدر اياد يفيدنا بتجارة السيارات
عقد حواجبه بإستغراب و قال
أدهم:بابا مو لازم نشوف هوي شو عم يفكر
صادق:و انا هيك عم قول بس بنفس الوقت حابب اخد فكرة
إبتسم أدهم لدهاء و فطنة والده بتجارة يلي كان دايماً حابب يطور منها دون اي طمع انما تطوير فقط للمستقبل
أدهم:أكيد رح يساعدنا و بس يوصل هوي أكيد رح يعطينا معلومات اكترهز راسه بشموخ و أردف
صادق:صحيح
إطلع عليها و لمح ملامح الحياء و الخجل مرسومة ع وجهها من لما كانت صغيرة، كانت المحببة لقلبه و هاد يلي شجعه يختارها زوجي لأدهم بالذات يلي كانت صفاته الحميدة مضرب مثل
صادق:كيفك هديل، طمنيني عن احوالك ناقصك شي ؟!
هزت راسها بنفي و قالت مطرقة الرأس
هديل:أبداً عمو، ما بدي غير سلامتك
سكت بعد ما إبتسم الها بمحبة و شفقة على وضعها و حكى بداخله
صادق:مافي إمرأة بالدنيا بتستاهل تكون أم متلك انتِ
تنحنح صادق بهدوء و أسترسل كلامه قائل بعد ما حرك بمسمعته شوي و استغفر ربه
صادق:كل العيلة رح تجتمع يوم الخميس هون، أدهم انت رح تجيب إياد من المطار، الأكل رح يوصل جاهز من السوق الكل راضي؟؟
الجميع بدت عليه علامات الرضا، إستغلت فاتن الموقف و حكت و كأنها عم تلمح ع شي بيجرح الحاضرين
فاتن:اول ما يوصل إياد رح اخطبله
ضحك صادق بشموخ و كبرياء و ابتسمت أميرة لضحكة أبوها يلي كانت تصب بقلبها
صادق:و ليش مستعجلة كل هالشي
فاتن:بدي افرح فيه و شوف حفيد إلي قبل ما موت
بلعت هديل ريقها بحزن و رمقت فاتن نظرة عِتاب، بعدها نقلت نظرها لأدهم و لمحت داخله حزن كان عم يحاول يخفيه، فهم صادق يلي عم تحاول فاتن توصله فقال
صادق:مابدي اسمع هيك كلام هالفترة، كل شي بالدنيا قضاء و قدر و أكيد بتعرفي هالشي
فاتن:أكيد بس انا بدي افرح بولد من ولادي
اتنهد من كلامها بضيق و كان هالشي بلش يرسم خطوط الضيق ع وجه أدهم يلي حكى مستأذن
.
اتنهد من كلامها بضيق و كان هالشي بلش يرسم خطوط الضيق ع وجه أدهم يلي حكى مستأذن
أدهم:لو تسمحولي انا صار لازم امشي
فهم صادق مقصده و ما حب يضغط عليه لهيك حكى
صادق:أكيد اتفضل خود راحتك
دقايق و كان أدهم و زوجته برات البيت التفت صادق لفاتن و حكى بحدة نوعاً ما
صادق:تعبت من الكلام معك بهالموضوع، اذا حتبقي تحكي بالطريقة هي فأنتِ عم تأذي إبنك ما عم تأذي هديل عم تخليه يبعد عنك اكتر
انفعلت فاتن بالكلام و حاولت انها تسيطر ع حالها
فاتن:و انا لأيمت رح ابقى ساكتة و ما عم احكي نفسي شوف حفيد و ريح بالي
صادق:ما بعرف شو احكي معك بس رح تخسري إبنك هاد يلي بقلك ياه
فاتن:و ليش لأخسر إبني اذا كنت عم احكي شي صحيح
استغفر ربه صادق اكتر من مرة و بعد برهة حكى
صادق:انتِ بتعرفي كتير منيح انو هاد مو بإيدها و لا هي السبب فيه، هاد بإيد الله و بس هي ما دخلها بشي ربنا لسا ما راده
سكتت فاتن و كأنو كلامه كان صفعة حقيقية لتصحى و تركز اكتر بأنو فعلاً هديل مالها ذنب و ما خصها بيلي عم يصير أطرقت رأسها للأرض و سكتت حاولت داخلها انها تحافظ على هدوئها لكن رغبتها الجامحة برؤية حفيد إلها كانت قوية كتير لدرجة كادت تكون أقوى من رغبة هديل
.
طول الطريق محافظة على هدوئها و سكوتها كان هالشي يلي بميزها عن اغلبية بنات حواء، لما تعصب او تدايق كانت تصمت و يصمت معها كل شي، حتى ملامح وجهها كانت تصمت بطريقة مريبة لقلب عاشق ناطر منها كلمة وحدة، مسك إيدها و إبتسم إلها محاولاً سماع كلمة عتاب وحدة منها، هيي يلي كانت يكتسيها الصمت و كأنو الكلمات ضيعت طريق الخروج، و كأنو صوتها انقطع و مابقي للمشاعر غير الصمت يلي كان عم يأذيها من الخارج، اتنهد بهدوء و ذكر الله داخله و حكى بصوت هادئ مليان طمأنينة
أدهم: سَيَجْعَلُ اللَّهُ بَعْدَ عُسْرٍ يُسْرًا” سورة الطلاق 7
شيئ داخلها بعث الأمان و ابتسمت بِحُب بعد ما قالت داخلها بكل قوة ،إيمان و يقين انو رب العِباد سامعها
هديل: يارب
أكمل أدهم بأية كانت كتير ترتاح لما تسمعها
أدهم: و أصبر لحكم ربك فإنك بأعيننا و سبح بحمد ربك حين تقوم" سورة الطور 48
زادت إبتسامتها و هزت براسها بمعنى الإيجاب و حست شي من داخلها إستكان
حديث جداً قصير لكنه احتوى الراحة و الطمأنينة بكل معانيها...
.
بمكان بعيد خالي من العادات و التقاليد، كان خالٍ من كل القيود الدينية يلي إنبنت لحتى تحمي الانسان من الضياع، القواعد الدينية يلي كانت عبارة عن حياة يلي بيلتزم فيها بعيش بأمان نفسي و رضا عن ذاته و حياته، طمأنينة هوي ذاته بيجهلها، بهالمكان انزالت كل النقاط الحمر و استولى عليه عادات غريبة و قواعد لا منطقية
حط كأس المشروب من إيده بعد ما إرتشف منه ما يكفي ليسكر نفسه و يزهو مع الحياة متل ما هوي بيعتقد إطلع بالبنت يلي قدامه بشهوة تامة و حكى
إياد:عم تزدادي جمال يومياً، و عم تزداد رغبتي فيكي
إبتسمت محاولة لإغرائه و حطت من ايدها الكأس و حركت خصلة من شعرها بطريقة زادت من رغبته
ميديا: مو هاد المطلوب تزداد رغبتك فيي دائماً
إطلع فيها بشهوة أربكت كيانها و قال مداعباً انوثتها الصارخة
إياد:ما انا دايماً كانت رغبتي فيكي تعتلي رغبتي بالحياة اذا بدك
حكت ميديا بمكر أنثى
ميديا:بس لما ترجع ما حيكون في ميديا، و لا حتى رغبة
عقد حواجبه من دون استيعاب فاسترسلت مكملةميديا:لما رح ترجع ع سوريا حيكون في قيود ما حتقدر تعيش متل ما انت حابب، حتتزوج تقليدي و حتمنع نفسك عن مجملات الحياة
ضحك بقوة لدرجة أنه تعب من كتر الضحك، كان صوت ضحكته مالية البيت كله لدرجة الصخب و أردف بعدها و كأنه بلش يصحى من سكرته
إياد:مافي قيود بتمنعني من الحياة هي و انا مستحيل ارجع متل ما كنت هي حياتي و إذا ما تقبلوها رجوعي لهون حيكون مضمون
حكت بعد ما ركت راسها ع كتفه و مسكت ايده بدلال
ميديا:يعني رح تبقى هيك دايماً، الملجئ الوحيد إلي بأي وقت
هز راسه بإيجاب و حط إيده ع راسه يلي كان عم يوجعه انتبهت عليه و قالتله بحنان
ميديا:شو ياقلبي تعبان؟!
حكى بحروف غير متوازنة
إياد: لا بس كأنك متقلة المشروب
ضحكة ضحكة عالية و قالت بغنج
ميديا: أكيد ياروحي، قلنا منجرب شي جديد توديعة لإلك
.
حطت من ايدها فنجان القهوة و قالت
رحمة:ما عجبتني طريقة كلام فاتن اليوم
ارتشفت من فنجانها و رجعته و بإستيعاب سألت
سلمى:شو قصدك ماما
رحمة:فاتن عم ترسم ع شي
بمكر و فضول سألت
سلمى:شي متل شو؟!
رحمة:,طريقة كلامها ع الولاد و ع حياة ادهم بتبين إنها عم تخطط لشي
سلمى:مستحيل تقدر تعمل شي كرمال خالي، انتِ بتعرفي أديش بحب هديل مارح يخليها تعمل شي يأذيها
يتبع
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`