حسنائي الغامضه - الفصل 16 - مكتملة | روايتك

*؏ــڜــٱق✍🏻 اڵــڔﯣايــات📚📖🧡* _*بإدارة محمـــــــود*_🧡 *`قصة اليوم حسنائي الغامضة`* الموسم الثاني *❴🔢❵الـــبـــــــــــ❴3️⃣2️⃣والأخير❵ــــــــــــارت* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏❴📝❵↵تـنـسـيـق:جــروب:* *📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡* *❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️* *|✒️|↜لـلإشـت͜ـࢪاڪ بـ قناة* *📚*https://whatsapp.com/channel/0029VadbWnd89inYkEVrpG0C *📖📚؏ــڜــٱق✍🏻 اڵــڔﯣايــات📚📖* ➖➖➖➖➖➖➖➖➖ . ➖➖➖➖➖➖➖➖➖ *❴🧡❵↵ *مـــحمـــود* 🧡 ➖➖➖➖➖➖➖➖➖ *❴📝❵↵تـنـسـيـق:جــــروب:* *📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡* https://whatsapp.com/channel/0029VadbWnd89inYkEVrpG0C ` *{😍}قــرا۽ة ممتعــه للجميــع* *{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة* قصص وروايات 📚📖: حسنائي الغامضة الجزء ثالث وعشرون اقترب منهم وطن بعد ما شافهم عم يتناقروا وطن:نفسي افهم وقتك انت و ياها هلق، روح انقبر كول و انتي تعي معي تقدموا الناس و كل مجموعة اخدوا زاويتهم الخاصة، الأهل و المعازيم، الشلة كانوا منطويين لوحدهم، بينما عُبادة و ماوي مع بعض، تشاركوا الأكل من نفس الصحن و نفس الكاسة، شارك طعامهم الابتسامات و الكلمات يلي دارت بينهم فقط، معظم الوقت كان عُبادة يلي يطعمي ماوي قائل عُبادة:ارتاحي انا بطعميكي بأيدي ماوي:بربك خلص والله بخجل عُبادة:حبيبي شايفة هدول كلهن انتي قدام الكل صرتي الي، مافي شي بخجل هزت برأسها مُحرجة و انصاعت لطلباته بكُل عشق، مُتأملة و مفكرة بالحياة يلي ناطرتها، الحياة يلي متأكدة انها مستحيل تندم يوم ع اختيارها مع انتهائهم من وجبة الاكل أشر وطن للشلة كلها تجتمع حوالي بعضها بساحة الرقص اقترب من ال Dj شغل اغنية وهو متجه الهم وطن : صار دور رقصتنا بقا بيطلع صوت الاغنية ليبدأوا يتمايلو عليها سوا بتناغم بين بعض أحلى أيام بحياتك بتقضيهن مع رفقاتك رفقات العمر بالدنيا أوفى علاقة بتعيشا هي الصداقة اللي ما بتنكسر رفقاتي، إخواتي يلي ما جابتهن إمي إتربينا كبرنا إتخواينا، ع الدمعة والبسمة شو تعبنا وبكينا ومرقت شدة علينا وإتعاهدنا كل العمر ما تضيع اللمة بنهاية الاغنية اقتربو من بعضهم ليشدو على بعض بعناق لطيف بينهم اتفاجئوا بماوية اللي بتنسحب من وسطهم لترتفع عن الارض ، اتطلعو لناحها كان حاملها عبادة بين ايديه ماوي : عبادة شو عم تعمل ؟! وقف بمنتصف الحديقة ليحكي مخاطب الجميع عبادة : شكراً كتير الكم جميعاً وإن شاء الله منردلكم ياها بالافراح لهون نحنا خلص عرسنا كملوا انتو بين بعضكم خطف عروسته وطلع فيها عم يركد وسط قهقهة الكل وزغاريد الصبايا المرفق بصفير من الشباب . فتح باب السيارة بعد ما أنزلها، تعلقت بعض الزينة الخفيفة ع السيارة، كانت هادئة و بنفس الوقت تدل ع الفرح، تعلق عليها كتير من الورد الأبيض و الأحمر بينما عيونه تعلقت بعيونها المتلألئة بفرح و لبكة طفيفة... عُبادة:اتفضلي يا حسنائي استجابت لطلبه و طلعت بالسيارة حده، بينما طلع هوي من الجهة التانية اطلع للخلف و حرك السيارة قائل عُبادة:خفت يكونوا لحقونا لأنو بيعملوها ضحكت بعفوية ما كانت قاصدة فيها انها تخطفه و تسحره، إبتسم لضحكتها، مد إيده للمسجلة و شغلها ع اغنية ناصيف مبروك عليكي و عليي مبروك عليكي وعليي إنتي صرتي منّي وفيي قالو ما في فرحة بتكمل كملت وصرتي بين ديي لا إلي لا إلي هل الحلا لا إلي طلّة بتبكي الغزلان وعيون بتغلي غلي طول الطريق معانق إيدها بكف ايده، وضعها على قلبه عدة مرات و قبلها مرات كثيرة بمشاعر أذابت خلايا جسدها، بحرارة ألجمت عقلها، و بِحُب دغدغ قلبها، قبلها و كأنه عم يشكرها ع زواجها منه، ع تحقيق حلم كان ظانن أنه مستحيل بيون يتحقق، اتطلع فيها أكثر من مرة نظرات أربكتها و بنفس الوقت حيرتها، للحظة شعرت أنه عم يتأكد من حقيقة الموقف، من حقيقة قربها ناحه بهيك يوم أقل ما يقال عنه انه مميز، من حقيقة كونها أصبحت شريكة حياته، شريكة فؤاده، الأميرة اللي قاسمته روحه، و عاهدته ع إكمال نبضه بضحكاتها و بعلاج جروحه بكلماتها، تحسس ايدها اكتر من مرة ليحاول يحفظ تقاسيمها، عروق إيديها و خطوطها المنتشرة، بعد ما بلغ خجلها اقسى درجاته حكت ماوي:شوي شوي ع قلبي طالعها بذات النظرات العاشقة، ذات النظرات القوية عُبادة:خليني عيش هالليوم بكل تفاصيله، هالليوم اللي حلمت فيه ليالي و ليالي اتركيني اعيشه متل ما حابب اختتم كلامه مُقبل كفها قبلة هادئة، لطيفة و رقيقة بنفس الوقت صف السيارة أمام العمارة، إبتسم و حكى عُبادة:لا تنزلي نزل من مكانه بينما بقيت هي مكانها اقترب من الباب فتحه و نزلت بفستانها الأبيض حكى قائل عُبادة:إدخلي عُمري يا عُمري انتي قبل ما تتفوه بأي كلمة حملها بين إيديه و اقترب حاملها من باب البناية، ماقدرت تخفي إعجابها بالمكان اللي كان غامره الورد الجوري الأحمر و رائحته اللي كانت تشي بالحُب الكثير و العشق الوطيد، امتد الورد من مدخل البناية لعند باب بيته، قابلتها عبارة خاطفة مُذيبة للقلب، توسط الباب لوحة خشبية دائرية عُقد حولها ورد الياسمين و توسطتها عبارة "في بيتنا عرسان" ابتسمت بخجل للعبارة فحكى عُبادة بغمزة خبيثة عُبادة:هي كرمال ما حدا يتجرأ و يزعجنا فتح الباب بالمفتاح و سكره برجله بينما أكمل فيها لغرفته اللي كانت متل ماهي ما تغير بأثاثها شيئ و كله ع طلب ماوي، حبت يبقى كل شي ع حاله لتعيد إحياء عشقهم و حبهم لبعض، أنزلها عند باب الغرفة بعد ما فتحه ابتسمت خجلاً و فرحاً لما شافت الغرفة مليئة بالورد الأحمر اللي كسى الأرض و كأنه بساط أحمر، رفعت رأسها للسقف لاحظت الكثير من البالون الأحمر اللي كانت نهايته شريط أبيض معلق فيه ورد طبيعي توليب أحمر، توسط التخت أول حرف من اسمها و اول حرف من اسمها، و اتوسطهم قلب أحمر، الشموع ملأت الغرفة لاحظت اقتراب عُبادة منهم شعلهم وحدة ورا التانية، غمر قلبها شعور غريب ما بين الفرح الحُب و الخوف مع الكثير من التوتر، تغيرت الغرفة تماماً باتت محط للعشاق، سكن للمتحابين، و غرفة لُعشاق الجوى، و الأشخاص اللي خيم العشق عليهم فجأة، افاقت من تفكيرها و انبهارها بالزينة لما أقفل عُبادة الباب ارتعش فؤادها خوفاً و اطلعت عليه متصنعة الثبات اقترب منها و مسك كف إيدها، قادها معه لمملكتهم الخاصة، لعرش حُبهم الجديد، قادها بإيدها ليتوجها ملكة هالقلب، و أثيرة هالفؤاد وقفت امامه بينما رفع كف ايده و تحسس بشرتها بأطراف اصابعه بخفة و هدوء، صمت خيم ع الإثنين و كأنو بتلك اللحظات كان للمشاعر رأي اخر، كان لابد انها تكون المتكلمة أخيراً، كان لابد انها تظهر أمامهم و بكامل قوتها و سطوتها استنشق رائحتها اللي فاحت بالمكان و أعقب بصوت مُخدر هادئ و مليئ بالبحة و الحنية عُبادة:و أخيراً يا ماوي صرتي الي، و أخيراُ تحقق اليوم اللي كنت ناطره من زمان اليون اللي رح أحضنك فيه أغفى بحضنك داعب شعراتك، و راقص اصابعي فوق رقبتك، قرب منك شم ريحتك بقوة، احتضن خصرك، اصحى كل شوي بالليل لأتأكد انك غفيانة و مو متكشفة، لأتأكد اني انا فعلاً حصلت عليكي و انو كل هاد مو مجرد منام عابر، و أخيراً اجا اليوم اللي حأتشارك معك هالغرفة و هالحياة كلها ماوي:للحظة فكرت انو كل هاد حلم، بس لما دخلت للغرفة قربت منك، سمعت هالحكي هلق تأكدت اني فعلاً عم عيش هالواقع معك انت بالذات، انت اللي اختاره قلبي و عشقته عيوني.. قاطعها بحركة مباغتة منه رفع كفوف ايديه و حاوط وجهها البريئ، أمعن النظر فيه و اتنهد تنهيدة نصر، تنهيدة فرح و بنفس الوقت تنهيدة فيها شتات، تشتت أمامها تلاشت كل كلماته اللي حضرها لهالليلة، تلاشت كل حركاته اللي كان متمني يعملها، تلاشت كل أفكاره أمام جماله، تلاشى أمان عظمة اللحظة، و أمام عظمة تحقيق حلمه عُبادة:انا ما كان حلمي الزواج، كان حلمي انتي، بتعرفي شو يعني تتمني انسان و يكون حلمك الوحيد بهالحياة، انا تعبت لعشت هاللحظة بكيت و ضعفت، لحقتك متل الطفل الصغير المتلهف لحضن امه، انا كان حلمي انتي، حلمي الضائع اللي و أخيراً قدرت حققه، الحلم اللي سهرت أدعي يكون من نصيبي، انتي مو نصي التاني، انتي كُلي انا من دونك ولاشي، انا مجرد سراب من دونك... دمعت عيونها بينما ترقرقت عيونه دمعاً، رفعت ايدها و مسحت دموعه قائلة بحُب و كأنها مالقت كلمة مناسبة لكل شي حكاه الا ماوي:بحبك، بحب كل شي فيك.. رفع ايده و مسح ع شعراتها و أعاد تأملها قائل عُبادة:يا الله شو طالعة حلوة بالفستان الأبيض، يا الله و كأنك حورية من الجنة، كأنك أميرة من أميرات العصر القديم تحسس بإيديه ع صدرها العاري فشعر بإرتعاشها و خوفها اللي كان جلّي ع ملامحها، عقد حواجبه ضاحك فحكى عُبادة:شو حاسة! امتزجت مشاعرها و لكنها فعلاً كانت عم تحس بالخوف، تذكرت انها بتلك اللحظات بين ذراعيه ملكه و ملك مشاعره أثناءه، لمساته الهادية ع أنحاء جسدها كانت اذابت قلبها و بنفس الوقت وترتها اكتر، شعرت بدقات قلبها مُتعالية و للحظة انتاب لتفكيرها البُكاء تعبيراً عن شعور هي ماعم تقدر توصفه، اطلعت بعيونه و كأنها طفلة، طفلة هرولت للشخص المناسب خوفاً فكان فعلاً أمانها و ملاذها ماوي:خايفة احتضن كفوف ايديها اللي كانت باردة فتيقن خوفها من تلك اللحظات الحميمي، تيقن خوفها من علاقة جسدية تطفوا فيها مشاعرهم و يمتزج حُبهم ببعض، يغرق مابين انثناءات جسدها و ثنايا عشقها، و تغرق هي بين كلماته و رائحته المنعشة، تيقن خوفها من كل ماقد يُعري جسدها و روحها فبالنهاية اللي أمامه عذراء القلب قبل الجسد، ابتسم ابتسامة زرعت الإطمئنان داخلها و أعقب عُبادة:لا تخافي ياعمري، بتخافي و انا معك، الحسناء بتخاف؟ هزت رأسها بإيجاب فابتسم لعفويتها المُطلقة، تابع نظراته بهدوء ع جمالها وقتها، نظراتها اللي تحولت لنظرات إمرأة حقيقية، عيونها اللي كانت عم تلمع، شكلها اللي أثار داخله مشاعر جياشه و قوية مشاعر كانت طاغية و مستعدة لترويها من حكايا الحُب و حنين العشق مرر ايديه ع شعرها و حكى بعد ما جذبها لحضنه كمحاولة منه لتستكين بين ذراعيه و فعلاً أول ما اقتربت و سكنت حضنه شعرت بالأمان، راحة سكنت قلبها و بنفس الوقت قل توترها، احتضنها بعمق و مسح ع شعراتها قائل عُبادة: انا بحبك، بحب خجلك هاد، و خوفك، بحب عفويتك و صراحتك بحب كل تفاصيلك الهادئة و الجريئة غمر وجهه بين شعراتها و استنشقهم بِحُب قائل عُبادة:الحركة المُحببة لقلبي و روحي غمر وجهه اكتر و كأنه عم يحاول يدهل لداخل روحها، يخترق جسدها و يتجانس مع قلبها، استنشق من عبيرها ما زاده سحر فيها، إبتدت إنفاسه تعلى شوي شوي، بينما أغمضت هي عيونها و سلمته قلبها و روحها فأستكان جسدها و كأنها باتت بعالم أخر، عالم ما حست فيه الا انها مع عُبادة و هاد كان أكبر طموحاتها، مسح ع ضهرها العاري ليزداد من رغبته الجامحة فيها، قرب ايديه من اكتافها العارية و انحنى مُقبل كتفها بحنان بالغ شعر بصوتها هادئ يكاد ينعدم ماوي:عُبادة جاوبها بأنفاس مسموعة عُبادة:عيونه بعدها عنه بلطف و اطلع بعيونها المُشعة عشق لحظتها ماقدر يشوفها الا أنثى كل جوارحه و مشاعره تصرخ محتاجة لجسدها و لروحها، أذابت ما تبقى من عقله ليسطو الجنون مع الحنان على ما تبقى منه ماوي:بحبك أغمض عيونه و أنحنى مُقبل ثغرها، قُبلة أذاب فيها مشاعرها، اذاب خوفها ليتلاشى متحول إلى رغبة، اختفى توترها و حل مكانه مشاعر عجزت عن اخفائها او التخفيف منها، قبلها بنهم و كأنه اول مرة بيتذوق رحيق شفتيها، رفعت ايديها مُتعلقة بقميصه تلك الحركة اللي أعطته إشارة موافقتها، تمالك شجاعته و رفع إيده التانية ناح سحاب فستانها، انزله بهدوء و انسابت ايده تتحسس بقية جسدها... "سقطت الحواجز و تحقق الحُلم و سكنت الحسناء فؤاد أميرها، فإستكان بها و استكانت به" النوم ما عرفله طريق وهو بيتأملها اثيرة ذراعيه ،شعراتها منثورين على وجهها وصدره العاري بطريقة لطيفة ، كانت نايمة بعمق بين ايديه ، لملم شعراتها بإيده ليبعدهم عن وجهها ليتأملها وهو بيستحضر ابسط ليلته معها ليلة اللي الامير قدر يمتلك جسد الحسناء بعد ما امتلك قلبها ، الليلة اللي اعلن فيها انها صارت ملكه بأكملها ، الليلة اللي تشارك فيها مع الحسناء غرفته تخته أحضانه وما تبقى من عمرهم إيده لامست عُنقها ليتحسس السنسال الي لبسها إياه بأول يوم اجت لبيته فيا استرجع كل لحظة كانت عم تفرق بينهم كل مشكلة وكل فراق عاشوه ، ابتسم إبتسامة نصر أمامهم كيف لا والحسناء بين ذراعيه بهي اللحظة حمد الله على اجمل نعمه كرمه إياها ، اقترب وهو بيقبل جبينها بِحُب بإمتنان إلها ولكلشي قدمتله إياه لكل مشاعرها الي وهبته اياهم ولكل شعور اقسم أنه لولاها لو كانت ايا بنت بالدنيا غيرها لما كان قادر يشعر فيه لو ماهي معه أنهى قُبلته وانسحب بخفة من بين ايديها اللي محاوطته اتناول بيجامته ليلبسها غطاها منيح وطلع من الغرفة ،اتجه للمطبخ اخد دولة القهوة وحطها ع النار ليتناول صينية ويبدأ يصف فيها الفناجين اتجه للصالون لباقة الورد الكبيرة اللي متوسطة اخد منها اجمل ورداتها ليقدمها لاجمل عروس، لعروسته خلاها تتوسط الصينية ليسكب القهوة بالفناجين حملها واتجه للغرفة كانت لساها على نومتها ذاتها اتقرب منها حط القهوة ع الكومدينا وقعد حدها ع التخت ليعيد تأملها من جديد ايده اقترب لتلامس ملامح وجهها عيونها ، رموشها ، خدودها ، شفافها ، شعراتها ، اكتافها العارين ، انفاسه تقلت دقات قلبه عم تضرب بقوة بالغة همس لنفسه بخفة عُبادة : اهدى عُبادة اهدى أخد نفس عميق ليهدي نفسه ، حمل الوردة من الصينية ليبدأ يمررها على وجهها بخفة ، ابتسم لتكشيرتها وهي بتبعدها بإيدها عنها ، اقترب منها هامس عُبادة : حسنائي حبيبي فيقي ياقمر أعاد تمرير الوردة على ملامحها من جديد وهو بيهمسلها لتصحى ، فتحت عيونها بكسل وهي بتفركهم ليفتحوا منيح ، اقترب منها اكتر وبإبتسامته الغامرة وجهه حكالها عُبادة : صباح الخير لأحلى عروس ماوي : صباح النور حبيبي عُبادة : تؤبرني هالكلمة ويؤبرني هالصباح معك ماوي : بعيد الشر عن قلبك عمريمن دون أيا كلام أمال برأسه الها وغمر وجهه بشعراتها المدفونين بِعنقها ، سحب نفس عميق منهم وهو بيحكيلها عُبادا : بحبك ماوي بحب كلشي عشته وعم عيشه ورح عيشه معك ، يالله لو تدخلي لقلبي وتعرفي بالشي الي عم حسه ، لانو لساني بات عاجز أمام هيك شعور ، وأخيرا صرتي ملكي بكل معنى الكلمة وأخيرا معد في شي بالدنيا قادر يبعدني عنك!! أكمل برجفة قلبه وأصابعه الي بتتحسس جسدها العاري بين إيديه ليلتي معك كانت اعظم واجمل شيي مُمكن توهبني ياه الحياة من بعدك انتي ابتسمت بخجل بإستحياء وهي بتستعيد لذاكرتها ليلتها معه الي كانت عابقة بِحُب عُبادة بحنيته ورغبته فيها همستله بصوتها الخجول ماوي : بحبك وبحب حُبك إلي ابتسملها وهو بيقبل شعراتها بخفة ليبعد عنها ، اقترب من الخزانة ليطلعلها روب تابع لقميص نوم أعطاها إياه لتلبس وهو بيقرب صينية القهوة منها ، اخد فنجان القهوة وقدملها إياه عُبادة : وهي قهوة العروس لأجمل عروس اخدتها منه مع ضحكة خفيفة زينت شفافها وهي بتحكي ماوي : هي القهوة الي بيقولوا بيعملها العريس اول يوم لترديلوا ياها كل العمر ؟ قهقه بخفة على كلمتها وهو بيجاوبها عُبادة : هي بذاتها ماوي : اديه الساعة ! عُبادة : 10 ونص ماوي : إلك زمان فايق ؟ عُبادة : مانمت لسا ماوي بإستغراب : ليه ؟ عُبادة : ماقدرت كل ماغفيت عيوني فتحهم لأتأكد من وجودك حدي لأتأكد انك حقيقة مو طيف خفت اغفى فتح عيوني ما لاقيكي شبكت أصابعها بأصابعه وهي بتحكيله بإبتسامه مزينة شفافها ماوي : انا حقيقة ، حقيقة حتفارقك طول العمر عُبادة : ياحلاوة عُمري بوجودك ماوي : انا نمت من جهتي بعمق متطمنة لانك حدي لأني بين إيديك ترك فنجان القهوة وقرب منها اخدها بحضن كبير بحضن مُمتن إلها ولحُبها إلي وهبته إياه رنات متسارعة ودقات قوية عَ الباب اندقت ، اتطلعت فيه بعيون مستغربة ماوي : مين بدو يكون ! عُبادة : حأطلع شوف خليكي فتح الخزانة وأخد قميص لبسه وطلع بإتجاه لباب بعجلة فتحه ، زفر بعصبية وهو بيشوفهم مجتمعين قباله وحاملين بإيدهم كياس كتيرة عُبادة : هاد انتو دفشه إيهاب بخفة وهو بيفوت لجوى ليدخلوا باقي الشلة وراه ، اتطلع بإنحاء الصالون وهو بيتأمل الزينة بإعجاب إيهاب : الله الله اي شو هالرومنسية هي طلعت مذوق ياعمي رانيا : ذكروني قله لماجد يعملي هيك يوم عرسنا عُبادة : شو جابكم ؟؟ ماقلت مابدي شوف خلقة واحد فيكم قبل شهر وطن : دي سكوت سكوت احمد ربك تركناك تاخد راحتك انت وهي مبارحة عُبادة : ليش كنتوا ناويين تجوا تشاركونا الليلة يعني ؟ وطن : له عيب مُعلم شو شايفنا بلا ذوق ؟ عبادة : اي والله شايف إيهاب : منعرف عم تمزح لهيك مارح اخد ع كلامك حكاها وهو متجه للمطبخ إيهاب : يلا شباب نحضر الفطور وطن : لتعرف كرم الاخلاق تبعا منعرف العريس اول يوم الفطور عليه قمنا جبنا فطور وجينا نساعدك تعال رد الشاي ع النار عبادة : والله مافي داعي تعذبو حالكم روحو انا بعمله لحالي اخد الكياس من إيهاب وحطهم ع الطاولة ليكمل كلامه عبادة : شكرا كتير ع الغراض فيكم تمشو بكمل لوحدي وطن : شكله عم بيقلعنا ؟ إيهاب: لك لا يا شيخ شو عم يقلعنا القصة وما فيا مو حابب يعذبنا بس ، ولو الصاحب للصاحب طلع الفلافل انت وانا حأغسل الخضرا قطعها ، عبادة عندكم بيض نسينا نجيب طلع من البراد اذا في عبادة : حرام عليكم والله حرام تركوني اتهنا فيها متل الخلق ايهاب : ماشي ماشي طلع البيض هلأ تأخر الفطور اساسا وطن : هو نحنا كنا حنجي قبل بوقت بس خفنا نزعجكم لهيك تأخرنا ايهاب : لتشوف صحابك اديه هنن صحاب ذوق عبادة : ما انا شايف كلكم ذوق اساسا ايهاب : على راسي خلصنا طالع البيض تأفف بيأس واتجه للبراد يطلع البيض بعصبية لايهاب بهالوقت كانوا الصبايا متجهين لعند ماوي ، دخلوا لجوى بعد مادقو الباب عليها ، دوروا بعيونهم عليا ماكانت موجودة ، كانت الغرفة مبعثرة وفستان ماوي مرمي عَ الكنبة مع طقم عُبادة وباقي اغراضهم مرمية بالارض بطريقة عشوائية رانيا: كأنه ماكان لازم ندخل ، الجماعة لسا عفشين وغرفتهم عَ حالها تينا : عرسان ياحمارة بدك تفيق ستة الصبح ترتبها كرمال حضرتنا الي جاييين طابين عليهم بالصباحية وما نشوف هالمنظر رانيا : قولتك ، صحي وينا تينا : مو سامعة صوت المي عم تتحمم امشي نطلع بأكابرية لبرى قبل مايلقطنا حدا رانيا: امشي يا اكابر طلعوا من الغرفة وسكروا لباب اتجهوا للصالون ياخدوا كم صورة مع باقة الوورد الي متوسطته يتبع حسنائي الغامضة الجزء رابع وعشرون والآخير بعد وقت طلعوا من المطبخ ليبدأوا ينقلوا صحون الفطور للطاولة وطن : بدل صورك انتي وياها شو رأيكم تجوا تساعدونا؟ تينا : اذا عم تنلقوا معناها خلصتوا بشو نساعدكم حبيبي حكى إيهاب وهو طالع من المطبخ إيهاب : لا تساعدونا بس الجلي عليكم تينا بضحكة : موافقة انا رانيا : فشرت انا ما بجلي إيهاب : ماعرفتك أميرة ديانا بعمرها مو جالية صحن رانيا : حبيبي ببيتي عندي مين يجليلي انا طبيعي ماكون جالية صحن كل عمري تينا بهمس : لك سكتي هون في جلاية مارح نجلي رانيا : خلص اذا هيك موافقة طلع من المطبخ حط الخبز على الطالولة واتجه لغرفته وهو بيحكي عبادة : انا حشوف ماوي فتح الباب ودخل ليشوفها طالعة من الحمام لابسة روب الحمام ولافة شعراتها بمنشفة صغيرة ، اقترب منها وابتسامته مملية وجهه ، سحب المنشفة عن شعراتها لنرمى على اكتافها بعشوائية ، دفن وجهه بشعراتها المبتل وهو بيستنشقه بِحُب حكالها عبادة : نعيماً حسنائي ماوي : الله ينعم عليك حبيبي عبادة : ريحة شعرك بتجنن بيشبه ريحة ياسمين الشام اللي كنت عم شمها فيكي كل الليل رفع راسه ليتأمل ملامحها الخجولة ، قبل جبينها بِحُب وهو بياخدها بحضنه عبادة : يا الله لو تعرفي صباحي اديه صار حلو بوجودك فيه شو صار حلو وانتي منورتيه ماوي : هاد احلى صباح بعمري وانا بشوفك قبالي اول ما فتحت عيوني عبادة : بحبك ماوي : وانا كتير بحبك ياعمري باسها بلطف وهو بيهمسلها عبادة : هدوك الغلاظ حالفين ما بخلونا نتهنى ببعض منيح ، البسي حبيبي وخلينا نطلع نفطر معهم ونقلعهم لنرجع لحضن بعض ماوي : طيب حبيبي حتتحمم هلأ؟ عُبادة : لا الفطور جاهز هلأ لبعد الفطور ماوي : طيب ياعمري انخبط باب الغرفة عليهم بقوة ليسمعوا صوت إيهاب وهو بيحكي إيهاب : اجلوا رومنسيتكم لبعد ما نروح وطلعوا نفطر هلأ ، الشاي والبيض سقعووووو عُبادة : خراس جايين ضحكت بخفة وهي بتبعد عنه لتطالع فستان ابيض بخيطان ناعمة سادة من دون ايا إضافات لتلبسه التفت لعُبادة الي كان لسا واقف بيتأملها ماوي : معلش تطلع لألبس براحتي؟ ضحك بخفة وهو بينسحب من الغرفة بلا كلام ، لبست فستانها بعد مانشفت شعراتها وتركتهم مرتاحين على ضهرها طلعت للصالون لتبدأ زغاريد إيهاب متل العادة إيهاب : وأخيراً ياعروس ماوي بضحكة : وأخيراً اقتربوا تينا ورانيا منها ليضموها وهنن بباركولها تينا وروانيا : الف مبروك ياعمري ماوي : الله يبارك فيكم تؤبروني وطن: صباحية مبارحة ياعروس ماوي : الله يبارك فيك ياعمري عقبال فرحتي فيك وطن : امييييييييين تينا : اتلحلح مين ماسكك؟ عُبادة : الله ياخدك اتقلي شوي تينا: انعديت من مرتك شو بدي اعمل ضحكاتهم اتعالت على كلمتها،غمز إيهاب لوطن بشي،فهم عليه ليقوم بإتجاه شنتة رانيا طلع من قلبها علبة صغيرة ملفوفة على شكل هدية اقترب من ماوية وقدملها إياها وطن:اتفضلي اختي الحلوة ماوي:شو هي! وطن: هدية بس مو هدية عرسك هدية شي تاني مننا كلنا ماوي : هدية شو لكن؟ وطن:بس فتحتيا بتعرفي حست بشعور لطيف عم بلامس قلبها وهي بتفتحها بإيديها الملبكة،فتحت العلبة كان بقلبها كرتونة مسكرة فتحتها وطالعت الي بقلبها ، كانت عبارة عن لوحة إسمية مكتبية من القزاز عليها مُجسم لبنت لابسة لباس المهندسة السترة الصفرا مع الخوذة بذات اللون ، واسم المُهندسة ماوية متصدرها دقات قلبها اتسارعت والرجفة امتلكت إيديها وشفافها ، دموعها بدأت تنهمر على خدودها وهي بتسأله ماوي : نجحت!!!! وطن : ابواب كلية الهندسة المعمارية رح تفتح ابوابها الكبيرة للطالبة الي حققت المرتبة الثانية بمعدل البكالوريا لهي السنة ضحكتها امتزجت مع دموعها الي اتكافتوا على خدودها بقوة ، اتطلعت فيه لتتأكد أنه ماعم يمزح فهم عليها ليأكدلها بكلامه من جديد حتى تتطمن وطن : وحياة الله ماعم امزح النتائج طلعت مبارحة والدنيا كلها مطشوشة فيهم التفت إله لتشوفه بطالعها بنظرات كلها حُب كلها فخر بهالإنجاز العظيم ركدت إله لحضنه لحُبه ورمت نفسها بأحضانه وهي بتحكيله ماوي : لولاك ماكنت وصلت لهون بحبك ، بحبك كتير ضمها لصدره بقوة وهو بيجاوبها عُبادة : وصلتي لهون بسبب تعبك سهرك وجهدك انتي مو بسبب ايا حدا ماوي : مو صحيح لو ماكنت ماقدرت أعملها عُبادة : ان شاء الله الف مبروك حسنائي الف مبروك يابنت قلبي ماوي: الله يبارك فيك حبيبي عُبادة:طمنوني وانتو شو وضعكم ؟ تينا:نحنا التلاتة نجحنا إيهاب:صخي ما جبنا الي جابته الحسناء بس كمان معدل منيح عُبادة:الف الحمدلله ماوي:الف مبروك ياقلبي انتو الكل:الله يبارك فيكي عُبادة:بهالمناسبة الحلوة يلا دغري دغري ع الفطور إيهاب:منعرف بدك تفطرنا وتقلعنا انت وهي سمعنا كلامكم كله جوا عُبادة:كنتوا عم تتسمعوا علينا؟ وطن:حبينا نعرف شو بيحكوا العرسان بيوم الصباحية عُبادة:الله لا يبطلكم قلة الذوق هي إيهاب:لا تخاف متعوب عليا ما منبطلها ألتموا حول الطاولة،تقاسموا الأكل وسط صوت ضحكاتهم اللي غمرت المكان،حواراتهم الطويلة، و كلماتهم اللي زرعت راحة بقلوبهم، مناقراتهم كانت حادة و لطيفة لكنها كانت بمثابة طريقة ليتقربوا من بعض اكتر، و يكسروا كل الحواجز اجتموا حول مائدة واحدة متل ما عاشوا حياة مشتركة، و أوجاع مشتركة،لينتهي المطاف بصوت ضحكة حقيقة مليانة فرح بعد مرور ست سنوات ... كل الناس الملتمة حوالي النافورة عم ترمي العملات النقدية قاصدة تمني أمنية عساها تتحقق بيوم من الايام الا هنن عم يرموا العملات النقدية بقلبها فرحانين بتحقيق حلمهم القديم ، الحلم الي حلموه وهنن أطفال ليحققوه بعمر ال25 سنة اليوم الايام اتراكدت فيهم شهدوا طلعات ونزلات ومردغات الحياة ببعض ، مسكوا إيدين بعض باليوم الي كانوا فيه صغار ولحد اليوم بقيوا ماسكينها وشادين بقوة عليها التفتت ماوي إلهم وهي بتأشرلهم يتطلعوا فيها ماوي : روما _ راء _ رانيا ، خبرينا وخبري روما ونافورة تريفي متل ماعاهدناها ونحنا وصغار ، الحياة شو عملت فيكي ولوين وصلتي سندت راسها على كتف ماجد بإرتياح وهي بتبدأ كلامها رانيا : الحياة كانت كريمة معي ، الايدين الي مسكتهم وانا وصغيرة لساني لليوم ماسكتهم ، لساهم رفقات عمري وافراد عيلتي الحلوة ، كرمتني الحياة بإضافة شخص جديد لحياتي وهبتني معه الحُب والسعادة ، اتزوجنا بعد مارجعت كرمتني بتخرجي بدرجة إمتياز من كلية الصيدلة واليوم انا حامل بتؤام ثمرة حُبي وحُب أجمل شخص بحياتي شدها لحضنه بعد ماسمع كلامها المُذيب للقلب ليحكيلها ماجد : يا حلاوة اليوم الي جمعني فيكي ، بحبك مرتي الحلوة رانيا : وانا بحبك ياعمريماوي : روما _ واو _ وطن عندك تخبرنا وتخبر روما ونافورة تريفي وطن : متل ماحكت رانيا ، الحياة كانت كريمة معي فيكم انتو ، الي شديت ع إيدكم وانا وصغير ولساني لحد هي اللحظة معكم ، دخلت لحلمي تحارة وإقتصاد واتخرجت بعلامات عالية ، واليوم انا مدير أهم شركة بلبلد بس هي مو بشطارتي هي شركة بابا سلمني ياها ، الحُب بحياتي كان إله دور كبير ، وهبتني الحياة حُب اكتر بنت مجنونة على وجه الطابة الارضية الي صار عمرها 24 سنة وصارت معلمة روضة ولساها مقتنعة انو الراس بيتصور بالإيكو ضربته على كتفه بإنزعاج وهي بتحكي تينا : لكن كيف بيتصور بربك؟؟؟؟ وطن: بالإيكو حبيبي بس هس خليني كمل كلامي تينا : حاضر وطن: لليوم ماخطيت خطوة جدية بهالعلاقة اتحملتني ست سنين لوقفت على رجلي وأمنت حالي ، واليوم بنص روما مدينة الحُب وقدام نافورة تريفي حابب إتقدم بهالخطوة التفت إلها الي كانت لسا بترجم كلامه بعقلها لما طالع من جيبته علبة مخملية باللون الأحمر ، جثى على ركبتيه أمامها وهو بيفتحها ليظهر منها خاتم زواج مرصع بحجر ألماس اتطلع بعيونها إلي بدأت تدمع ليسألها بكل حُب والابتسامة مزينة شفافه وطن : بتقبلي تتزوجيني تينا ! بتقبلي تنوري حياتي بوجودك شريكة عمري ومرتي ! من بين دموعها وضحكاتها حكتله تينا : بقبل بقبللللل لبسها خاتم الزواج ليقبل إيدها بِحُب اقترب منها وضمها وهو بيرفعها عن الارض بيدور فيها مع زقفات الكل إلهم وهو بيصرخ بِحُبه إلها على الملأ ماوي : روما _ ألف _ إيهاب انا خلوني للأخير إيهاب : طبعاً بلتني الحياة او عفواً عفواً كرمتني انو حضرتكم لسا معي لحد هي اللحظة الحمدلله الذي لا يحمد على مكروه سواه ، الدراسة طبعاً لحقت وطن على كلية التجارة والاقتصاد ولحقته كمان بالشغل وصرت إيده اليمين يعني وحياة الي خالقك ماني مفارقك ، الحُب هاد الله طاعمني ياه من لما فتحت عيوني ع الدنيا بس من طرف البنات يعني هنن بحبوني ، انا كنت ولا زلت مو بعد ست سنين لحد الممات عصفور طيار مابعلق رقبتي بجنس حوا وبرتبط بحب صلني عم طير بخاف من الحبس ياعمي ، المهم لساني بطبق عشرين بنت وبترك عشرة يعني بخلص نص للاحتياط وبجيب فوقهم ضرب واحد ونص ، وحالياً بحياة رموشة ماجد قلي شو يعني انا بموت فيكي ومتدايق ع شوية مصاري اذا معك تصرفي علي وانتي بتجنني بالإيطالي ، عم طبق بنت إيطالية بتاخد العقل وشكلها طابسة فيي هي كمان ومليانة مصاري عم اتواصل معها بلغة الاشارة بس مو عاجبني الوضع بدي اتعلم إيطالي لهيك بربك ساعدني ماوي : ايمتا لحقت!!!! وطن: عنجد مالنا يومين واصلين!!!!! إيهاب : ولو مع إيهاب ساعتين بتكفي شو نسيانين هالكاريزما الرهيبة الي عندي اي قلي ماجد شو يعني بالايطالي ماجد : حل عني الله لا يحرمك هالعادة ، او قلك تعال قلها " Ti sto mentendo, sono un donnaiolo che non si fida di me, voglio rubarti i soldi " ( انا عم اكذب عليكي انا زير نساء لا توثقي فيي ، بدي اسرق اموالك ) إيهاب : يعني بس قلا هيك خلص بتقمط وبيمشي حالها بغنى انا ؟؟؟ ماجد : شو حُب منها وشو غنى مابعده غنى إيهاب : على راسي مُعلم ماوي : روما _ ميم _ ماوية اتطلعت بعيون عُبادة الي حاضنها بإيد وبالإيد التانية حامل بنتهم يارا إلي أكملت شهورها السبعة اليوم .. ماوي : انا قصتي شارفت على الإنتهاء بس لسا باقية بذرة الحُب الي بدأت فيه من البداية ، لساتكم السند يلي بلجئ إله بأوقات ضعفي ولسا حُبي إلكم ما اختلف ، كرم الحياة معي ما انتهى بدأ فيكم واسترسل بعدها بِحبيب العمر لطالما كنت بشوف قصة الحسناء الجميلة الي بتكون عم تعيش مع أميرها الي كان مخبى بِسحر المشعوذة مافكرت بيوم إني عيش إسطورة حُب عظيمة متلها ، رزقتني الحياة بنصي التاني ، أبي وأخي صديقي وحبيبي والأهم زوجي وأبو بنتي اليوم ، حُبه إلي وحنيته علي ودعمه إلي الي ماكان بينتهي ولا حينتهي هنن الي خلوني عيش وانا لساتني بتلفظ أنفاسي على قيد حُبه ، ولو عشت نية عُمر وخُيرت بمية شخص لما أخترت إلا هو ، بجنونه حُبه عصبيته حنيته غيرته كلشي فيه ، دعمني من لحظة دخولي لكلية الهندسة المعمارية للحظة الي اتخرجت منها ، أجل موضوع إنه يصير أب رغم أنه حلم عمره ليحقق حلم عمري ، واليوم انا وهو وبنوتتنا الصغيرة واقفين هون حامدين الله على كلشي عشناه للحظتنا هي شد غمرته عليا من بعد ما أذابت قلبه بكلامها ليقبل جبينها بِحُب ماوي : وهلأ من بعد إذنكم ماشيين انا وحبيبي لنسجل أغنيته الاولى بمدينة الحُب روما وبإسم ثمرة حُبنا يارا نهاية سعيدة كانت بتليق لقلوب الكل الي تعبت جازفت واتمردغت بالحياة لوصلت لهون ، ودعوا بعضهم بنظراتهم اللطيفة وكل مين اتجه ليعيش تفاصيل روما متل ماهو مخطط إله مسكت بإيده وهي بتشد عليها لتحكيله ماوي : ماصار وقت نروح ؟ عُبادة : مبلا حبيبي ماوي : حط يارا بالعرباية حبيبي كرمال ترتاح بنومتها منيح عُبادة بإستغراب : ليش نامت الزعرة ؟ برمها بخفة إله ليشوف وجهها الناعم وهي غارقة بنومها عُبادة : هالبنت طالعة دبة نوم بتموت عَ النوم ابصر لمين طالعة ماوي : إلك حبيبي إلك عُبادة : هلأ انا صدقت بس شوفي حالك إذا بتصدقي ماوي : شو قصدك انا دبة!!!!! دبة نوم اناااا؟؟ عُبادة : تأخرنا حبيبي تأخرنا يلا امشي ماوي : ماني ماشية لأفهم شو قصدك سحبها من إيدها ومشي وهو بيمشي عرباية يارا بإيده التانية عُبادة : رح تجرصينا بشوارع روما امشي هلأ اصابع المايسترو عم تتلاعب بالأزرار امامه وهو بيعلي الخلفية الموسيقية ليأشر بإيدو لَ عُبادة القابع خلف زُجاج شفّاف بيفصلو عن حبيبة فُؤاده وثمرة حُبهم يلي كانت كل هي التفاصيل مُجهزّة كرمالها ، أشّرلو الشب ليبتدي عُبادة بالغناء ابتسم بحب قبل ما يبلش أول حروفو وهو بيخطف نظرات اخيرة من عيونهم اللي واقفة تراقبو بِ حماس بِ حُب بِ شغف ماكان الا يزيد مع مرور الأيام حط السماعات على ادنيه ، ايديه بدأت تعزف على الجيتار مرافقة لصوته اللي ابتدأ بالغناء " يا رايح بأول مسا ، سلم على يارا كيفا الاميرة بوسا ، وسألها عن اخبارا سلم على الحلوة غمرا ، بوسلي قلبا وخاطرا ونطرا لتفيق الصبح ، ولو طولت ضل انطرا يارا من باقة الورد اقطفا ، تعلم من عيونا الوفا وبحروف اسمي حلفا ، تبقى بدياتي للاخرا يارا " كانت عم تتأمله بعيونها الدامعة ، عم تشد الغمرة ع يارا مع كل مرة كان عم يلفظ إسمها فيها بهالغنية ، عم تشدها لحضنا وتسحب عبقها المنسوخ من ريحتو لداخلها ناطرتو يخلص الاغنية على نار لتعبرلو عن إعجابها فخرها فيه بهاللحظة ، عن امتنانها العظيم لإنها اختارتو أب وحبيب إلها ولَ الأميرة الماكثة بِحضنها حط الغيتار من ايده ونزل السماعات مع انتهاء كلمات الاغنية ، عيونه اتحهت إلهم ليشوفها بتركر بإتجاهه وهي حاملة يارا بين ايديها ، غمرته ومن وسط ضحكتها الممزوجة بصوت بكائها حكتله ماوي : مو مصدقة واخيراً سجلتها وحققت حلمنا ووين بمدينة الحب عبادة : عجبتك؟ ماوي : اخدت عقلي من جمالها وجمالك وانت بتغنيا قبل جبينها بِحُب ومد إيديه ليارا ليخطفها من حضن ماوي كانت حاملة بإيدها لعبة صغيرة على شكل أرنب ضابة عليها بقوة خايفة من افتراقها عنها عبادة : بابا يارا وانتي عجبتك ياعُمري اغنيتك؟ ضحكتله وهي بتمد أصابعا الناعمة لوجهه مداعبة إله ، عم تكاغيله لتزيد الضحكة على وجهه ، غمرها وغمر ماوي من جديد بيتأمل عيلته الصغيرة ، النعمة الحلوة الي رزقه اياها رب العالمين .. ماوي : في مكان بدي أخدك عليه عُبادة : وين ؟ ماوي : بس نمشي بتعرف طلعوا من الاستديو بقيادة ماوي ، اخدته لمكانها الوحيد بِروما المكان الي كان حاضنها بغيابها عنه بأول مرة اجت لروما باكية إلها حُبها الخائب لنفس المكان ونفس الطاولة الي كانت سبق وطالبة حجزها ، قعدت على الكرسي قباله ويارا قاعدة بالكرسي المخصص للأطفال ، كانت عيونه بتراقب بساطة المكان وحلاوته بذات الوقت قطعت شروده اصابع ماوي الي ضمت اصابعه بهدا وسط مُكاغاة يارا بصوتها العالي لتكون بديلة الموسيقى لليوم ماوي: عجبك المكان! عُبادة : اي لطيف كتير وهادي ماوي : يمكن هو المكان الوحيد الي بعرفه هون ، بأول جيت لروما وانا عم إبكيك كان هاد المكان ملجئي الوحيد كنت فيق بكير كتير واجي اقعد هون اقضي نص نهاري فكر فيك شد على أصابعها بقوة وهو بيحكيلها بضحكة مرسومة على شفافه عُبادة : شو كنتي عم تفكري ايامها حكيلي ماوي : بتعرف الروح لما تصير فاضية! تحس جواتك في عاصفة كبيرة بس عم تضرب جواتك ماعم تخليك قادر تركز بشي ولا قادر على انك تهديها! هيك كان صاير فيي بوقتا كنت حاسة حالي يتيمة يتيمة افكار وقلب وحُب ، حسيت بهديك الفترة اني انشليت بِبعدك عني بالي صار وهالشي خلا عقلي ماعد يجمع شي عُبادة : ياتؤبري قلبي انتي ماوي : بعيد الشر عن قلبك ياعمري ، بس مجرد مارجعنا مجرد مارجعت لحضنك مجرد ما ايدك لامستني من جديد وغمرتني بِحُبك نسيت هاد الشعور او بالاصح ماعاد اله أثر بحياتي ، متل الي كان عايش عمره كله بالنار واجاه الغفران لينعم بالجنة وانت هيك كنت الي الجنة الي اتنعمت فيا عُبادة : بأيامها انا كمان ما كنت متخيل نعدي كنت خايف وعم حاول كابر كل الوقت ، انو لا انتي كذبتي علي انتي كنتي عم تلعبي فيي انتي انتي انتي وخلص معد بدي ياكي ومعد بدي شوفك ولا عيش شي معك أبدا بس مجرد ما ارتمي بتختي لنام كنت عانق صورتك الي لسا لليوم مصمودة جنب تختنا احكيلها عن شوقي عاتبها ابكي معها وضمها لالي بقوة وكأنك انتي الي كنتي موجودة مو هي ، اول مرة رجعتي وشفتك فيا بالصف حسيت يالله روحي طلعت من مكانها ماتخيلت شوفك بهالطريقة هي ولا بهالمكان هاد اول مرة ضحكت بخفة وهي بتسأله ماوي : كيف كنت متخيل لقائنا الاول ؟ عُبادة : بصراحة كنت موصي وطن يخبرني باليوم الي بتجي فيه انتي كنت مفكر اني شوفك من بعيد من دون ما تلمحيني انتي يمكن اجي لبيتك راقبك من الشباك او المحك من بعيد بشي طريق بس ابدا مابهديك الطريقة ماوي بضحكة : ليش حتى ماشوف ضعفك بهداك اليوم من اول لقاء ؟ عُبادة : اي وبنفس الوقت الطلاب بتتذكري حبيبي الصف كان مليان انا جمدت وانتي صرتي تبكي كمان المدرسة كلها عرفت فينا بهداك اليوم ماوي : اي عنجد لهلأ بتذكر بعد ماطلعت من الصف بلشو يتهامسوا بصوت عالي وعلى كنا حاسين من السنة الماضية انو في شي بينن وعلى اختي خبرتني انو في وعلى مدري شو كلو صار محلل سياسي لعلاقتنا ، حتى بيوم الي علقت فيه مع الشلة وغيرت مكاني قعدت جنب طالب شو كان اسمه عُبادة : اني واحد؟ ماوي : مابعرف بوقتا انت كتبتلي ع الدفتر رجعي لمقعدك مشان ما اخربها فوق راسك او هيك شي تقبرني شو حمشش عُبادة بضحكة : هههههه اي صح اتذكرت بس مو ذاكر اسمه حتى قلعتك من الصف كرمال اني غيران منه ماوي : اي صح وعلقت معك بغرفتك عُبادة : بوقتا صرتي تعيطي وتقليلي استاذ ومدري شو وقبلا بيوم كنت آكل منك كف مرتب ماوي : كنت بتستاهل لتحس ع حالك عُبادة : والله والله بستاهل كف وحس ع حالي ؟؟؟ ضمت إيده بإيدها التانية وهي بتحكي بدلع ماوي : انو حبيبي بوقتا هالحكي عُبادة : اي لا تعيديا احسنلك ماوي : امرك ابن عمي عُبادة : بربك لعد تتفرجي ع باب الحارة لسا امس تشكل اسي وشي سيدي وتاج راسي وهلأ ابن عمي ماوي : اي شبك شبك عم اتغزل فيك عُبادة : انا مجرد اسمع يلي بدو يتحدا هي الحارة من قدا معدتي بتقلب جاية تتغالظي علي بكلامهم كمان ماوي : مو بس انا بحبه حتى يارا بس سمتعهم بتقعد ساكتة البنت عُبادة : خلال تسع شهور حمل اتفرجتي ع ١١ جزء حقها البنت عفكرة ماوي : كنت عم اتوحم عليه شو اعملك عُبادة : لا تذكريني بوحامك هلأ في وحدة براسها عقل بتتوحم على شوفة مسلسلات شامية وهي حامل !!! قلبت وجهها وهي بتحكي بعصبية مصطنعة ماوي : ننننننن مو عاجبتك حبيبي عُبادة : اني مو عاجبتيني مطيرتيلي عقلي يابنت ، من ست سنين لحد هي اللحظة لسا مطيرة عقلي وكأني مبارح عم العب لعبة الحسناء معك وكأني مبارحة عم اكتشف حسنائي الغامضة وكأني مبارحة لسا عم اغرق فيا بتفاصيلها بجنونها غار عليها وحبها متل المجنون بلا ما اعرفها وكأني لسا من جديد عم اكتشف مين بتكوني وعيش اجمل أيامي معاكي وبين ايديكي احمرت خدودها من كلماته ، جاوبت وملامح الحُب طاغية عليها ماوي : متخيل الي عشناه! واليوم بعد كل هالسنين قاعدين نسترجع ذكرياتنا الحلوة برفقة ثمرة الحُب تبعنا عُبادة : برفقة البنت الي سميتيني بإسمها اول ما تبادلنا ارقام بعض ، بتتذكري بوقتا قلتلك بس الله رزقنا بنت منسميا يارا لما حكيتيلي انك بتحبي كتير ، خجلتي ودبتي بأرضك من كلامي وانتي بتتهربي من الموضوع ، واليوم ليكها قدام عيونا يارا إيده وإيدها انمدوا ناحها لكل مين فيهم يمسك بكف إيدها الصغير يداعبه برقة وعيونهم بتتأملها بتتأمل اول نعمة بحياتهم مع بعض ، كانت ملامحها هادية لطيفة وقريبة من القلب اخدة من عُبادة الجزء الاكبر من ملامحه الي ماوية كل ايام حملها بتدعي لتنرزق ببنت شبهه كشكل و حنية عيونه بتراقبهم ليستعيد ذكرياته كاملة معهم وكأنها شريط عم ينعاد امامه الحسناء اللقاء اسم يارا المشاعر الحب الكبيرة الفراق خطوبتهم الزواج حملها بقطعة منه اللي خلته يسجد لربه باكي ولادهم يارا ويومهم هاد دمعات خفيفة تلألأت جوات عيونه متل النجوم بعتمة الليل قام بإتجاهها ليقومها من الكرسي ويغمرعا بحضنه بقوة وهو بيحمل يارا تشاركهم الحضن ، غمر وجهه بشعراتها المرميين على اكتافها وهو بيستنشق عبيرهم عبادة : شكرا حسنائي شكرا كتير على كل شعور خليتيني عيشه معك وبين ايديكي الصديق الحبيب الاب انتي وهبتيني الحياة شعور الراحة اللي عم عيشه معك هلأ مافي شي بالعالم بيضاهيه ما قدرت تلاقي حُروف لتوفيه فيها حقو لتحكيلو أنها يلي بتشكرو ، لتخبرو عن شعورها الرهيب المُرافق الها عطول ، شعورها يلي اذا بيوم نطق كان حكى عن ندمو العظيم تجاه كل لحظة بالماضي ما قدرو يجتمعو او يكونو فيها سوى ومتل عادتها كانت عاجزة أمامه أمام كم المشاعر الهائل الي بيزعرهم جواتها شدت الغمرة عليه لتردله ماوي : المشاعر الي عيشتك ياهم كانوا ولساتهم بفضل غيمة الحُب الي عم تهطل على قلبي وترويه لنوصل لهون غيمة الحُب الي هي انت عُبادة الي فيك وبحبك وصلنا لهون .. طغت السعادة قلوبهم و لامست بأناملها خيوط الحُب المنسوجة بعناية، تعطر المكان الهادئ للفؤاد برائحة العشق اللي فاح من أعماق أرواحهم، نظراتهم كانت عبارة عن قصائد تروى وقتها، صفاء السماء و رونقها الجذاب بغيومها و شمسها الساطعة كانت الشاهد الأزلي لجلستهم الدافئة تلك، كانت الشاهد الحقيقي ع نهاية الحسناء مع أميرها الوسيم، نهاية من أجمل ما يكن! " في مقولة بتقول خلي النهاية بالمكان الي بتنرسم فيه ضحكتك! عند هي النقطة امتزجت ضحكتي مع دمعتي لحطيت النهاية " كل الحُب الكم 🤍 #انتهت #بقلمي_ميسا رأيكم فيها وكلمة حلوة الي! #حسنائي_الغامضة 🖤 *الـــــــــ͢ـོ͓ـــنهـــــــايـــــــོـ͓ـــ͢ــة* ➖➖➖➖➖➖➖➖➖ ❴📖❵↵*تنسيق مشرفين مجموعة: ❴📚❵↵*قصص وروايات عالمية📚🧡 ❴🧡❵↵*ننشر جميع انواع القصص والروايات العالمية حـب🧡. حـزن🧡. اكشن🧡. رعب🧡. ❴👑❵↵*أن كنت من عشاق ومدمني القصص مكانك عندنا🧡 ❴🧡❵↵*رابط المجموعة للاشتراك: https://whatsapp.com/channel/0029VadbWnd89inYkEVrpG0C `