الفصل 14
[٢٤/١، ١١:١٤ م] null: *؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم حسنائي الغامضة`*
الموسم الثاني
*❴🔢❵الـــبـــــــــــ❴9️⃣1️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
قصص وروايات 📚📖:
حسنائي الغامضة
الجزء التاسع عشر
ماوي : وبنت قلبك اشتاقتلك ياعمري اشتاقت لكل ثانية بِقُربك
وكأنه المطر أقسم يكون الشاهد الأول والدائم على حُبهم ، على المشاعر الصادقة النابعة من وسط قلوبهم لبعض ، زخات المطر الهادية بدأت تنصب فوقهم فوق قلوبهم بكل هدا لتكمل الصورة الشاعرية تبعهم
سند جبينه بجبينها وهو بداعب شعراتها بين إيديه بهدا ، بيستنشق انفاسها المختلطة بأنفاسه مُتعمد يثير مشاعرها بزيادة ، مُتعمد يخربطلها كيانها، و يحدث داخلها شعلة طفيفة من المشاعر الجياشة، كان عم يلعب بهي اللحظات ع أوتار قلبها، عم يتنقل ما بين حبه الها و رغبته الجامحة بقربه، ليستغل كل لحظة هي فيها حده و معه، همسلها بصوت فيه شي من البحّة و الهدوء المربك للقلب
عُبادة : حسنائي
اتطلعت بعيونه وهي بتجاوبه
ماوي : ياعُمرها
شعرت بِقُربه منها أكتر ، بالمسافة الي كادت تنعدم بينهم بأنفاسه الحارة على وجهها ، سحب إيده من شعراتها وبدأ يتحسس خدها بحنية ، نظراته لمساته المليانة حُب أذابت قلبها ، اتمسكت بقميصه مستنجدة فيه من المشاعر الي عم يصبها بقلبها بقوة كبيرة، و لكنها بهي اللحظات ما كانت عارفة انو استنجادها فيه هي دلالة اله ع مشاعرها يلي باتت مُعلنة، مشاعرها يلي فشلت تكبحها امام حبيبها الأزلي، ما كانت عارفة انه ضعيف متلها أمامها ، ماكانت على دراية انها دوبت قلبه الضعيف بزيادة بحركتها هي !
فشل يمسك نفسه أكتر عنها ماقادر مايروي قلبه من حُبها أكتر ، روحه العطشى كانت عم تنتظر انها ترتوى من مياه حبهم، قلوبهم الجافة كانت ناطرة اللحظة يلي رح يشعروا فيها بالأنتعاش، اللهيب يلي سكن اجسادهم كان عم يطالب و بقوة بشيئ يطفيه، كل مشاعرهم كانت صارخة و بقوة بتلك اللحظات، و اي كلام ممكن ينحكى امام مشاعر باتت من اشتياقها، غائبة عن الواقع، دون اي تردد و برغبة جامحة، و تلبية لمشاعره القوية انحنى لشفافها ليقبلها بشوق بِشغف بِحُب بنيران كادت تاكل قلبه لو ما هدّاها استسلمت لمشاعرها امامه ، غمضت عيونها وهي بتشد قبضتها على قميصه لتبادله بذات الشغف بذات الشوق والحُب واللهفة قُبلته، يلي خطت بقلبها الكثير و الكثير من المشاعر المرهفة، قبلته يلي كانت بلسم لأرواح مهترئة من وطأة الشوق و أفعاله ..
قُبلتهم كانت محاولة لإطفاء لهيب الشوق و الفُراق الي حرمهم من بعض لشهور ، اللهيب الي حتى زخات المطر الي اشتدت بقوة فوقهم كانت عاجزة عن اطفائه او اخفاءه
والمُطرب لسا بقول :
ومرة ابوسك مرة أشمّك
انت طيري وصعبة غيري اللي يفهمك
من احظنك تنسى حزنك تنسى همك
ادعي لربي يحفظك ليا يالغالي ويسلم
صحيت على ذكرى ليلتها الألطف معه ابتسمت بِحُب وأحداث الليلة الماضية لساتها غامرة قلبها وروحها ، اتطلعت للساعة كان قرّب وقت المدرسة قامت من تختها غسلت وجهها ودخلت لغرفتها تسرح شعراتها وتبدأ تجهز حالها للمدرسة
دخلت من باب المدرسة وعيونها بتدور عليه ، ماقدرت تحكي معه الصبح بعد ليلتهم الماضية مع أنه كان باعتلها من بكير ، لكن الخجل كان طاغي على قلبها ، ماكان موجود لا هو ولا رفقاتها ، إتجهت للصف كان لسا درس مو مبلش ، اما الشلة مجتمعين وروسهم فوق روس بعض وبيتمتموا بهدا بين بعض ، اقتربت منهم بحماس رمت الشنتة عَ المقعد وحطت راسها بين روسهم
ماوي : صباحو ، مين حاطين بالقلاية وقاعدين وتوتة من الصبح
الكل : صباحو
وطن : على عُبادة
ماوي بإستغراب : شبه
تينا : هون السؤال بالزبط شبه
ماوي : مافهمت شو السيرة بالزبط
إيهاب: ولا نحنا كمان
ماوي : لك ولعية على شو مبلشين وتوتة لكن !!!!
وطن : لك على عُبادة شبكك!
ماوي : فهموني شو صاير حتى عم تسألو شبه يا أغبياء
وطن : ها ، فهمت عليكي احكيلها تينا
تينا : من الصبح وكأنك شايلة عُبادة وحاطة عُبادة جديد بداله
وطن : يعني اخر رواق وضحك ومزح لك حتى حاسب حسابنا بمناقيش جبنة اكلناه بالباحة
تينا : رغم انه أبو نجيب يعني القرش بطلوع الروح ليطلع منه واليوم الصبح فقت ولافي قطعة كيك بالبراد عند ياسمينة قالتلي هو ماريا بنت طارق انو جبلن ياها المسا بس كنت نايمة انا
إيهاب: معقول عشقان !!
رمقوه كلهم سوا بنظرة عصبية قدام ماوي ، ضحك ضحكة صفرواية وهو بيعدل كلامه
إيهاب: قصدي معقول جانن بس خربطت
وطن : إحتمال ترى لانه مبارحة كنا سوا ماكان هيك
اتطلعت تينا بماوي الي واقفة تناظرهم بصمت
تينا : ماوية ليش ساكتة ماعلقتي عَ الموضوع
ماوي : ناطرتكم تخلصوا
إيهاب: ليش بتعرفي شي؟
قبل ما تجاوب بأيا كلمة بدأوا الطلاب يتراكدوا ليرجعوا لمقاعدهم بعد مادخلت وحدة من البنات وخبرتهم الاستاذ عُبادة إجا ، قعدوا كل مين مكانه ناطرين دخوله ، ابتسامتها غمرت وجهها وعيون العاشقة الصغيرة اتعلقت بالباب ناطرة دخول معشوقها لتروي عيونها وقلبها بشوفتها، اللبكة والتوتر عانقوا ملامحها وسؤال واحد بيتردد لذهنها " كيف رح تقدر تخبي حُبه قدام الكل! كيف حتخفي نظرات عيونها دقات قلبها حتى ما تنشاف وتنسمع للي حواليها "
دخل من الباب عيونه ناح مقعدها وابتسامته الجميلة كاسية ملامح وجهه ، بالإبتسامة ذاتها ألقى الصباح عليهم وهو بيحاول يضبط نظراته عنها أمام الطلاب ، حط شنتته على الطاولة والتفت الهم ليحكيعُبادة : مع نهاية العام الدراسي هي اخرة مرة بفوت فيا عليكم ، بعرف لسا عندكم بكرى دوام بس متل مابتعرفوا عطلتي بكرى انا لهيك حابب احكي كلمتين معكم
إيهاب: اتفضل استاذ المايك معك
عُبادة : كتلة هضامة مو بإيدك
إيهاب: تسلم أستاذ
عُبادة : المهم فكرت إني اشكركم على مجهودكم إحترامكم مثلا ، بس الحمد لله لا لقيت مجهود لا لقيت لا لقيت شطارة ولا لقيت إنضباط او إحترام ولاشي لأشكركم عليه ، لهيك بإسمي وبإسم الاداره تبع المدرسة حبيت اشكر نفسي واشكر كل أستاذ عم يدرسكم وتحملكم طوال هي السنة الصعبة علل قلوبنا ، يعني صدقاً انتو ما بتتخيلوا اديه نحنا عم نعاني ، عم نعاني من أيا شي بخصكم دخولنا لإعطاء الدرس مطالعتكم لحصص رياضة لك حتى تصحيح اوراق المذاكرات تبعكم فيها معاناة كبيرة إلنا لأنو بفضل الله حضراتكم ما بتكتبوا بإيديكم بتكتبوا برجليكم لهيك ولا أستاذ بيفهم عليكم شي الحمدلله ، فتخيلوا انو نحنا أستاذة البكالوريا هي السنة قايمين قاعدين عم نصلي عم ناكل نشرب عنا امنية عم نرددها والي هي انو تنجحوا اشة لفة مو كرمالكم لا كرمالنا نحنا
إيهاب : اي استاذ صلِ على النبي شوهت صورتنا ع الاخير
عُبادة : اللهم صل وسلم على سيدنا محمد ، خراس انت تحديداً
إيهاب : على راسي إستاذ
عُبادة: بعدين حبيبي شوهت صورتكم؟ ليش انتو عندكم صورة من أساسه؟صورتكم محروقة ومفحمة من عمايلكم فينا
تينا : استاذ والله عم تظلمنا انت نحنا القط بياكل عشانا
عُبادة : مساكين يا حرام بتاكلوا القط وعشاه والمدرسة معكم
واحد من الطلاب :الله يسامحك استاذ
عُبادة : أجمعين،المهم وصلنا لنهاية الخطاب ومن كل قلبي بتمنالكم النجاح جميعاً لنرتاح بهي المدرسة
وطن : ترى والله عم تظلمونا شوي
عُبادة : سكوت سكوت ايه كيف الهمة هاتوا حكولي ولو عندكم شي سؤال بخصوص المنهاج او الامتحان هاتوه
بدأوا الطلاب بأسئلتهم وطرح بعض المخاوف كرمال الامتحان والقلق للخطوة الي رح تغير حياتهم ، كان عم يستقبل أسئلتهم وخوفهم وقلقهم هاد بحنية ومحبة وبإحترام لهي المشاعر الملخبطة الي عم يمروا فيها ، بدأ بمشاركتهم شوية حلول ليساعدهم بالتخلص من هاد القلق وشوية عن خطط دراسة للإمتحان ليعتمدوها كان يستخدمها وهو طالب ، حاول جاهداً يتكلم مع كل واحد فيهم ولو شوي يعزز فيهم ثقة كل شخص بنفسه يحسسه إنه قدها او يستفسر عن أحلامهم المستقبلية عسى يحثهم على المثابرة من أجلها
كانت مستمتعة كتير وهي بتشوفه بهالشخصية القريبة من الكل للمرة الأولى هالقد ،الجانب الي فيه كم هائل من المحبة للغير ، إنسانيته العظيمة القابعة جواته ، إحترامه لمشاعرهم لخوفهم وقلقهم الي ماخلته يسمح بخروج طالب من الصف الا وطمأنه ببكرى الي جاية إنه احلى إنه عظيم إنه بيستاهل وإنه حتى لو فشل هو حاول وجاهد وثابر وقدم أعظم ما بيملكه بهي السنة !
انتهوا اول حصتين الي هنن كانوا إله ليرن الجرس مُعلن نهاية الحصة الثانية ، انهى كلامه مع الطلاب وهو بيودعهم وبيتمنالهم أيام طيبة واحلام محققة ، التفت إلها وهو طالع لياخد نظرة أخيرة منها ابتسملها بِحُب لتردله الإبتسامة بنظرات ممزوجة بِخجلها ، انسحب ومشي تحت أنظار الطلاب الي تمتماتهم عليت وهنن بيأكدوا لبعض بهي اللحظة انه في شي بيجمعهم وانو نظرات هالتنين ماممكن إلا تكون نظرات عاشقين لبعض ماعادوا قادرين يكتموا هالعشق كله جوا قلوبهم ..
اقتربوا منها وطن وإيهاب وتينا بسرعة بعد ماشافو نظراتهم لبعض ليحاوطوها من كل الجهات ، حطت تينا إيدها على راس ماوي وحكت تحت تأثير صدمة السؤال رح تسأله
تينا بهمس : رغم إني مو مستوعبة حتى السؤال إلا أنه ، إيدي على راسك انتي وهو مارجعتوا لبعض ، غير قصة الصداقة تبعكم رجعتوا حبيبين يعني !!!
هزت راسها بمعنى اي وهي بتخبي وجهها يإيدها لتخفي ضحكتها من اشكالهم المصدومة ناطرين جوابها ..
وطن : عم تمزحي !!!!
ماوي : لا وحياة الله
ضربها إيهاب بقوة على كتفها وهو بيقلها
إيهاب : لعما شو زبالة النا من الصبح منتحزر شوفيه ليش ماحكيتي ؟؟
ماوي بضحكة : وجعتني ياغليييظ ، حبيت خليكم مطووشين كمان شوي بس هو فضحنا هلأ
تينا : لك ايمتا لحقتو لمبارحة الصبح كنا لسا مع بعض وكان في مافي شي لسا !!
ماوي : مبارحة بعد العصر تقريباً
وطن : وكيف هيك صار !!! بعدين ليش ما بتخبريني ؟؟
ماوي : كيف صار لسا لحد هي اللحظة ماني مستوعبة صدقوني بس مدري ضعفت معد أقدر ابقى بعيدة عنه اكتر حنيت ، اما ليش ماخبرت وحياة الله ماكان في مجال من لما رجعنا لبعض ونحنا عم نحكي كل الوقت مع بعض ماصار عندي وقت بنووب
وطن : والله والله ماوي خانم ماصار عندك وقت تخبرينا
قربت منهم ضمتهم وهي بتحكي بدلع
ماوي : حبابين لا تزعلوا مني بس والله كل وقتنا انا وهو عم نحكي سوا ماصحيت عَ الدنيا ، اساساً والله لسا ماني مصدقة الي صار دوبني استوعب بعد كل هالعذاب اجتمعنا مع بعض
شدوا الضمة عليها بقوة وهنن بباركولها
وطن : مبرووك ، فرحتلكم من كل قلبي والله ما تصدقي أديه كنت مقهور على حالكم
تينا : الف الحمدلله ياعمري عقبال ما نفرح فيكم ونخلص من مشاكلك انتي وهو
إيهاب: مبروك ياقلبي ان شاء الله ما بتنحرموا من بعض كل العمر ، بس هيك خبرية بدها حلوان مرتب ها
وطن : اهم شي كرشو
إيهاب: خراس
ماوي : اللت يبارك فيكم ياعمري انتو الله لا يحرمني منكم ومن وقفنكم حدي ، اما موضوع الحلوان على عُبادة والله
وطن : هداك هلأ بشوفوا انا وبحاسبه
إيهاب : قبل ما تحاسبه انت تعا نحاسبك
وطن : على شو ؟
إيهاب: طالع عَ ماوي بالعالي ليش حبيبي مو حضرتك انت والخانم كمان مع بعض مدري من ايمتا ونحنا ما إلنا خبر
ماوي بدهشة : كذااااااب!!!
إيهاب : وحياة الله الصبح كان عم يقلا حبيبتي انا سمعته
ماوي : وحبيبتي كمان !!! شو وطن افندي تينا خانم
ابتسمت بخجل لما وطن مسك إيدها وشد عليها قدامهم نيمت راسها على كتفه من دون ما تحكي ايا كلام ليبدأ وطن ممازح بكلامه
وطن : صحيح بأول مسا إلنا بالرحلة ركدت وراي ضلت تترجا فيي لقلتلا بحبك شو بدي اعمل جبرتني
جلست راسها عنه واتطلعت فيه بصدمة لتضربه بقوة على كتفه وهي بتحكي
تينا : لعماااا شو كذاب مين الي هدا مين وردة وقله ليش ما بتشوفيني بطريقة أعمق بلكي حُبي انا مميز !!
وطن : انتي ، صدقوني يا جماعة هي وقت كانت عم تركد وراي
اتطلعت فيه بنظرة عصبية وتهديد وهي بتحكيله
تينا : رح تدفع تمنها غالي صدقني يا وطن انا بفرجيك لركدك سنة وراي
تركته وطلعت من الصف معصبة ، لحقها عم يركد وهو بيحكيلا
وطن : عم أمزح ياعمري شو سنة ما سنة تينا استني بربك
ركد ناحها وقفها بالممر بالزور ، برمت وجهها لنّاح التاني وهي قالبة خلقتها فيه
تينا : نعم
وطن : حبيبتي والله عم امزح
تينا : عم تمزح قلتلي اي روح كمل المزح الغليظ تبعك
وطن : توتة انا غليظ!!
تينا : ونص كمان روح من خلقتي
وطن : خلص اسف معد عيدها
تينا : استرجى اساساً
وطن : التوبة والله ياحلو
تينا : تعال طعميني بوظة لأرضى
وطن : اي من عيوني التنتين
شبك إيده بإيدها ونزل للباحة ياكلوا بوظة ، كانوا طالعين إيهاب وماوي لحظتها من الصف شافوهم وقت اتصالحوا ، ضحكت ماوي وهي بتحكي لإيهاب
ماوي : مو عَ أساس رح تخلي يركد وراها سنة؟
إيهاب: انتي صدقتي تينا ماهي الي وقعته بشباكها أساساً ولا نسيتي؟
ماوي : قولتك
إيهاب : تعي ناكل بوظة نحنا كمان
ماوي : لا بدي روح لعند عُبادة
إيهاب : معناها رايح طبقلي وحدة إعزمها على بوظة
ماوي : الله لا يبطلك هالعادة روح روح
إيهاب : على راسي
تركها ونزل أما هي اتجهت بخطوات تقيلة لغرفة عُبادة ، كانت بدها تكسر حاجز هي الغرفة المبني بينهم ، بدها تتقدم خطوة ناحه بعد ماشافت الالف خطوة الي مشيهم هو ناحها ، لأول مرة بدها تدخل لهي الغرفة تسكر بابها عليهم بكل إرادتها ، رجعت ذكريات هداك اليوم المشؤوم تحاصر عقلها من جديد ، تقل خطواتها كان مرافق لبرودة مجتاحة أطراف جسدها ورجفة خوف لا مست قلبها كان زرعها هو بإتقان بقلبها ..
دقت باب غرفته دقات هادية لتسمع إذنه بالدخول ..
رجفت اجتاحت إيدها وهي بتفتح مسكة الباب ، وقفت لثواني غمضت عيونها ورتبت أفكارها وأنفاسها مابدها ياه يشوفها بهالتردد والخوف الي لسا مزروع جواتها ، هي أساساً جاية تخلصه من عذاب الضمير الي لساه مخليه مهموم موجوع لوجعها ، رسمت إبتسامة لطيفة عَ شفافها وفتحت الباب ، دخلت على الفور قبل ما تخاف وتتراجع عن السبب الي جاية كرماله سكرت الباب وراها ، اتطلعت فيه كان متل عادته مشغول بشوية أوراق قباله وهو بيدخن ، هزت راسها بخفة محاولة طرد الذكريات الي اجتاحت عقلها على الفور ، اخدت نفس عميق لتهدي رجفة قلبها ، ابتسمت بهدا ونطقت بلعثمة واضحة من حروفها
ماوي : حبيبي هي هي انا
ترك الاوراق من إيده واتطلع ناحها ليشوفها واققة ومسكرة الباب ، وقف وهو بيتطلع فيها وسط ذهوله ، اتسكر عليهم باب من قبل صص بس هالمرة الوضع مُختلف ! هالمرة كان بإرادتها هي ، هالمرة كان باب الغرفة الي عمل عملته البشعة معها فيا ، بقي جامد مو عارف يخطي أيا خطوة ، خايف يتحرك يرعبها منه ماكان بده ياها تخاف ولا كان قادر يتحمل يشوف نظرة الخوف منه بعيونها ، رجفة القلب ماكانت مرافقة قلبها وبس وقلبه هالمرة كان خايف ، كان خايف عليها وعَ حاله خايف يرجع يشوف حاله بعيونها بهديك الصورة المُرعبة ، خايف بعد ماوصلو لهون ينكسر قلبها وقلبه من جديد بهي اللحظة
بلع ريقه بصعوبة وهو بيطفي سيجارته و بيخطي خطواته بهدا ناحها لما يرعبها منه ، انتبه لإيديها الي قاعدة بتفركهم ببعض من توترها ، اقترب منها اكتر وهو بيحكيلها بذات اللعثمة الي كانت مجتاحة حروفه
عُبادة : حبيبي إذا لسا محتاجة وقت ،يعني الباب افتحي لا تضغطي عَ حالك ، يعني بهدوء بقصد اهدي لا تتلبكي انو ماوي لا تخافي انا انا مارح
قبل ما يكمل كلامه ارتمت بحضنه على الفور ، كانت حاسة فيه حاسة بضعفه لما شافها بهالحال ، اتذكرت كل لحظة شاف هاد الخوف بعيونها كيف كان قلبه ينكسر عليها ، اتذكرت وجعه بكل لحظة دخلت لعنده وباب هي الغرفة بقي مفتوح خوفاً منه ، كانت بدها تطمنه وتطمن قلبها وتريحه من هالخوف
كانت عارفة أنه هي برغم خوفها إلا انها اقوى منه بهي اللحظات ، كان حضنه بهي اللحظات المجلئ اله والها لتهديه وتهدي حالها من هالخوف ، اتمسكت بقميصه بقوة وهي بتحكيله بحنية
ماوي : انت الي إهدى حبيبي روق ولا تتلبك ماني خايفة ، انا بعرف الي صار بهداك اليوم كان غصب عنك كمان انت ، كانت لحظات ماكنت فيها بوعيك بعد ماسمعت هداك الكلام وبعرف منيح إنه ما مُمكن تتكرر ، انت عُبادة وانا حسنائك الي بتحميا برموش عيونك ماني هايفة ولا فيي خاف وانا معك حبيبي
كان بيتمنى لو تدخل لقلبه لتعرف منيح أثر وقع هالكلمات عليه ، نبضات قلبه هديت وأنفاسه المتسارعة اتلاشى منها الخوف ليشد الغمرة عليها وهو بيحكيلا بِكل حُب
عُبادة : بحبك حسنائي بحبك
ماوي : وانا بحبك ياعُمري
إيده عرفت طريقها لبكلة شعراتها سحبها لينزل شعرها الناعم على ضهرها بهدا ، دفن وجهه بِعُمق شعرها ليسحب نفس عميق منه يستنشق رحيقه الي بينعش قلبه بِكل حُب
همستله بصوتها المُذيب للقلب
ماوي : اشتقت لحركتك هي كتير حبيبي
.
.
انتهى الفصل الدراسي الاخير مُعلن إبتداء عطلة الامتحانات المُتعبة لقلوبهم ، وبأول يوم من ايام العطلة الدراسية عمل عُبادة كروب بيجمعهم على الواتس آب سوا ليبدأ من اول يوم يرسللهم الملخصات وبعض ويساعدهم بشرح شوية امور صعبة لسا عليهم ومراجعة المنهاج سوا ، كان مُرافق إلهم بكل وقت ، اكلهم شربهم دراستهم نومتهم فاتح مكالمة فيديو معهم وبيشرح وبيعيد إلهم بالمنهاج وكتير من الاوقات كان يجي لبيت ماوي ويجتمعوا مع باقي الشلة للدراسة ، هي السنة كانوا جادين كتير بموضوع الدراسة كلهم من دون إستثناء وعم يعطوا بكل ماعندهم والكتاب مرافقهم بكل ثانية خلال العطلة ..
انتهت العطلة مع إنتهاء عُبادة من إعادة المنهاج الهم للمرة التالتة ، كان مفرغ نفسه خلال هي العطلة لمساعدتهم وبس مان أستاذ وصديق وسند حقيقي للكل ..
أيام الامتحانات كانت حاملة معها رهبة كبيرة لقلوبهم، الخوف والقلق قبل كل مادة كان مرافقهم رغم انهم متأكدين هي السنة منيح من نفسهم ومن دراستهم ، ولحظات البكاء والتردد والقلق مما كتبوه بعد نهاية كل مادة بقدموها
ايام متشابهة ورعبة وخوف وقلق واحد مرافق قلوبهم كلهم خلال هي الايام ..
وبإعتبار كان كل واحد فيهم عم يقدم الإمتحان بمدرسة مختلفة ماكان يقدر يشوفهم لهيك كان بعد نهاية كل مادة يتصل فيهم فيديو ليحاول يهديهم ويتطمن شو كتبوا ..مع إنتهاء اخر يوم امتحان أنهوا تقديم المادة الاخيرة وطلع كل واحد فيهم من القاعة متجه لحديقة اتفقوا على الالتقاء فيها قبل بنهار مع عُبادة ، كانت اخر مين بيوصل لهنيك ، كانوا كلهم مجتمعين حوالين عُبادة بيطمنوه عَ الي قدموه ، لمحها من بعيد جاية ناحهم عم تركد ، ابتسم لإبتسامتها المنورة وجهها ، مُجرد ماوصلت قدامها ركدت لحضنه ضمته بقوة كبيرة ، شد عليها الضمة وهو بيسألها بلهفة
عُبادة: طمنيني كيف قدمتي !!!!
ماوي : اتطمن حبيبي كتير منيح
عُبادة : ألف الحمدلله ياعمري ، متأكد بإذن الله علاماتك رح تكون ممتازة ورح تدخل كلية الهندسة بجدارة
ماوي : ان شاء الله ياقلبي هاد كله حيكون بفضل مساعدتك ودعمك إلي كل الوقت ، بحبك كتير
عُبادة : وانا بحبك حسنائي
إيهاب : تحبك عقربة انت وهي استحوا نحنا هون
باس جبينعا وهو ببعد عنها لتلتفت الهم وهي بتحكي بضحكة ممزوجة بلهفتها
ماوي : صحي كيف قدمتوا انتو طمنوني
تينا : الحمدلله فضيتي تسألي يماما
وطن : كانت مشغولة بكتير بحبك لا تعتبي عليها
ماوي بضحكة: بربكم خرسوا جد طمنوني
وطن : الحمدلله كله قدم منيح لا تخافي
ماوي : الف الحمدلله وأخيرا خلصنا
تينا : اي والله كانت رعُب الايام الماضية
عُبادة : بس كنتوا قدها الحمدلله وانا واثق من نجاح الكل بإذن الله
وطن : هاد كله بفضلك وفضل سندتك النا عنجد شكرا كتير عُبادة
عُبادة : لا تعملي فيا الموجب هلأ انا ماعملت شي كان دعم بسيط الكم مو اكتر بس انتو همتكم كانت عالية السنة الحمدلله وكنتو قدها
إيهاب : بهالمناسبة السعيدة معزومين على غدا مرتب ع حساب وطن
وطن : مين قال
إيهاب: انا
ماوي : انا من جهتي حرفياً ميتة نعس وتعب بدي ارجع غَ البيت نام وبس
تينا : ولأول مرة بعمري انا كمان بقول ميتة نعس الي تلت ايام واصلتهم ببعض بلا نوم
قربها وطن لحضنه وهو ببوس راسها
ماوي : ياعمري انتي يلا الحمدلله خلصنا، معناها منرتاح اليوم ومنلتقى بكرا كبنا تعبانين حتى عُبادة هالفترة تعب كتير وقضاها بلا نوم متل حكايتنا
عُبادة : اي والله
وطن : خلص معناها العزيمة بكرا عندي بالبيت على مشاوي كمان
إيهاب : حلوووو كفو عمي وطن
ماوي : انا بدي امشي معد فيي ميتة نعس ياجماعة
عُبادة : انا بوصلك حبيبي
ماوي : طيب
عُبادة : وانتي تينا يلا
تينا : بشوفك بكرا روحي
وطن : تمام ياعمري
انتهى لقائهم البسيط ليروح كل مين عَ بيته ..
وقت قصير وصف السيارة قدام باب بيتها بإعتبار تينا كانت معهم ما شالةهم حدا يشوفهم ، كانت قاعدة بالمقعد الخلفي التفت إلها واصابعه غمرت اصابعها قبل ما تنزل
عُبادة : بس فقتي حبيبي حكيني
ماوي : تمام عُمري ، يلا سلام
عُبادة وتينا : مع السلامة
نزلت من السيارة واتجه عُبادة مع تينا لبيتهم ، فتحت باب البيت وركدت للصالون كانوا أمها وماجد ناطرين ليتطمنوا كيف قدمت
وقفوا بقلق اول ماشافوا داخلة ليتكرر سؤال ام ماجد تبع كل يوم
ام ماجد : طمنيني أمي شلون كتبتي ؟؟
ركدت لحضنها وضمتها بقوة وهي بتحكي
ماوي : كتير كتير منيح
ماجد بلهفة : يعني إن شاء الله ضمنا الهندسة ؟؟
بعد عن أمها وهي بتجاوبه
ماوي : بإذن الله اي
ماجد : الف الحمدلله ياقلبي الف الحمدلله
ام ماجد : تؤبري قلبي الله يكرمني وشوفك احلى واهم مهندسة بالبلد
ماوي : بعيد الشر عن قلبك ياعمري إن شاء الله الله يسمع منك رموشتي
ام ماجد : فوتي امي كلي لقمتين خدي حمام ونامي ريحي حالك بعد هالتعب كلو الفترة الماضية
ماوي : ماني قادرة اعمل شي بدي بس نام بس فيق باكل وبتحمم
ام ماجد : طيب ياعمري وانا رايحة اتصل على ابوكي طمنه قلبه على نار بكون
ماوي : ماشي امي
دخلت من باب غرفتها وهي بتنشف شعراتها الي لسا مي من حمامها ، اتجهت للخزانة طلعت بيجاما إلها سحبت تلفونها كانت الساعة قريب ال12 ونص ، لبست بجامتها واخدت المشط سرحت شعراتها وتركتهم مفرودين على ضهرها لينشفوا ، قعدت ع تختها واخدت تلفونها بعد ما أنهت مهامها الاعتيادية اكلها والقعدة شوي مع أهلها وحمامها ، الشغلة الوحيدة يلي ما كانت إعتيادية ولا حتى روتين هيّ الدقات القوية الكامنة بِ أيسرها وهي عم تنتظر إتصالو ، أو كلمة منو تهدّي قلبها المشتاق ، قلبها يلي ما عاد يعرف طعم الحياة إلا بالقُرب القوي والدائم منو ، وبعد ما ملّت الإنتظار القصير قررت تراسلو دغري ل تبعت
ماوي :مسا الخير حبيبي
وقت قليل وكان فاتح ع الرسائل ، بس بدون إجابة ..بعتت مرة تانية
ماوي : بشو الحلو مشغول
ليجاوبها دغري
عُبادة : يسعدلي مساكي وكل أوقاتك يا قلبو للحلو انتي
ماوي : اعتبرها مُغازلة ولا إطراء لحضرتك
عُبادة : هههههه التنين
ماوي : ماقلتلي بشو مشغول
عُبادة : ولا شي كانت امي هون
ماوي : امممم ، لانك شفت الرسائل ومارديت
عُبادة : اي صح كان واصلني مسجات انستا فكرتن منك بس طلعو من لين كرمال البث هلأ
حرارة قوية اجتاحت خدودها وباطن كفوفها وكأنو هبّت عليها نسمات غيرة لتسري بكامل جسدها وتسألو ماوي بعد ما زبّطت قعدتها
ماوي : مين لين ؟؟
قبل ما يجاوبها إبتسامة صغيرة زيّنت ثغرو وهو عم يتنبّأ بِ إمكانية ملامحها الحدّة بهاللّحظة ليثير غيرتها اكتر بحروفو
عُبادة : لين ولووو ، طلعت مرة معي بث وهلأ عم تنق لأفتح بث
ماوي : اممممم
عُبادة : شوو حبيبي ؟؟
ماوي : يحبك برص ان شاء الله
قبل ما تبعت الرسالة حذفتها دغري وكتبت
ماوي:لا ولا شي يلا روح حرام لين عم تنق
ابتسم بخفة بينه ويين نفسه وهو بيردلها
عُبادة : طيب بسرعة سكري وتعي انستا بدي ياكِ تكوني جنبي تمام
ماوي : لحظة خليك
دقايق قليله عم تنتظر فيهن ، ماعاد في اجابة منو ، لتفتح الإنستا دغري وتلاقي إسمو بأول القائمة محاوط بِ دائرة البث المباشر
ماوي :هيك بقا
فاتت عالبث دغري لتلاقيه مبلش فيه وعم يغني أغنية ".ً..مدري...."
علّقتلو بِ قلوب سودا دغري لتلاحظ اكتر من تعليق مكرر بأسم لين
حكت لنفسها بِ شي من الغيرة
ماوي :ها وهي لين خانوم
ما لبثت وقت قليل وهي عم تقرأ عدد الرسائل يلي عم تطلب فيهن من عُبادة يقبل يستضيفها
ماوي : شوف شوف الغليظة كيف دالقة حالها عليه
ووأخيراً بعد ما أنهى أغنيتو استضافها دغري لتحكي
لين : ماعم سدددق واخيرررراً
عُبادة : نورتي لين
لين : بوجودك يا عيوووني ، انا كتييير بحب صوتك وبحب كل شي بتعملو وبهمني رأيك بكل شي كمان بخصني
ابتسم بِ ثقل ليجاوبها
عُبادة : دخيل قلبك الي الشرف والله ، وانتي انسانة لطيفة وبتستاهلي الخير
لين : حابّة غنيلك اليوم بالذات ما بدي أخجل وأستحي ياريت تسمعني بِ قلبك مو بأذنك
بلّشت أقدامها تفقد السيطرة ع حالها لتسري الرّجفه فيهن ،أما إيديها فكانو ضحية غضبها بهاللحظة عم تحاول تقطع اضافرها بتمها بأي طريقه وهي عم تراقب مياعة البنت مع عُبادة
جاوبها عُبادة ليجنن قلب ماوي الثّائر بهاللحظة تجاهو
عُبادة : اكيد تفضلي
ما كان ملاحظ الرسائل يلي وصلتو من ثواني قليلة من ماوي ليقرأهن عالسريع
ماوي : سمعها بقلبك بلكي ان شاء الله حأقبركن سوا مو شايف كيف دالقة حالها عليك ؟؟ وانت عاجبك حبيبي منتحاسب عُبادة ، مو كان بدي بس فيق حكيك !!! تركتني مشان هي التافهة
بعد ما شافتها عالبث مع عُبادة حكت بعصبية
ماوي : أي لاااا هيك كتييير
حكتها لنفسها بِ عصبية ، ليتردد صوت البنت والتعليقات المُتتالية ع جمال صوتها وطلباتهن من عُبادة ليشاركها الغنية
ماوي : اي يلا غني معها بتكون جنيت ع حالك ، اساسا بقرف صوتها ، لا ما رح اسمح لهالبهدلة تصير شو جاب عُبادة لهالزباله
طلعت من البث بِ عصبية عاشقة قلبها عم يعلن إنصهارو من غيرة يمكن ما تكون منطقية عند البعض ، يمكن عند يلي ما شعرو بلذّة وقوة هاد العشق
بلّشت ترنلو ليفصللها دغريماوي : خايف عالبث ليقوم يتسكر كمان !!!! عُبادة رد علي أحسنلك
حاولت تتصل أكتر من مرة ليفصللها بكل مرة ، طلعت من الواتس لتفوت الإنستا وتلاقيه بالبث عم يحكي عن خامة صوتها العميقة والمليانة مشاعر
عُبادة : مستقبلك رااائع صدقيني لين إذا لسا بتثابري أكتر
لين : يا ربي حاسة اني بحلم عُبادة هاد العشق بيعنيلي كتير صدقني ، ورح حاول كرمالك وكرمال بشي يوم اوقف معك وجنبك كمان لنغني لكل حدا شهد ع هي اللحظة
ماوي : نعم نعم جنبو بدك تغني ان شاء الله تغني جنب عزرائيل ساعتها انتي وهو عُبادة موتك على إيدي اليووم
طلعت من البث تاركتو عم يناقشها يمكن بعفوية ماكانت طبيعية بالنسبه لماوي
لتتصل فيه وتبعتلو رسالة دغري
ماوي : اقسم بربي دنيتك الحلوة خاربتها ع راس كل حدا بالبث اذا ما بتفتح هلأ عُبادة
بعد عدة إتصالات تسبّبت فيهن بِ توقيف البث فتحلها الخط ب عصبية ماكان عم يحاول يظهرها ليقلها
عُبادة : حبيبي مو شايفتيني شو عم بطّخ ؟؟ تؤبريني مو حلوة يعني
ماوي : حبيبي انت عارف حالك شو قاعد عم تبطّخ ،ما ضل غير تروح تحققلها احلامها ، لا لا امانة تروح تتواسطلها بِ أرب آيدل بلكي هيك خامة صوتها العميقة بتسحر فريد الأطرش متل ما سحرت حضرتك ..
بعد ما اجتاح قلبو وطغى شعورو تجاهها وحُبّو الغير عادي لكل تفاصيلها ، حتى لغيرتها المجنونة هي ، حكالها وقلبو عم يبتسم من جوّاه
عُبادة : شو جاب فريد الأطرش ل أرب آيدل ؟؟
جاوبت بعصبية : ياااربي انا وين وهو وين ، عم تتمسخر عُبادة بدك تجنني يلا تفضل سكر وروح كمل مع ست الحسن لين خانوم
عُبادة :ماني عارف مين بدو يجنن التاني فيني افهم اتصالاتك المتكررة ماوي باللحظة يلي انا عم اسمع فيها البنت ، عنجد انتي مدايقه انا حكيتها عادي ترا ما تزوجتها وخليتك تشهدي ع كتب كتابي عليها بث مباشر
ماوي : لا حرام روح تزوجها روح عملي بلوك ضربني ع قلبي وقلعني من صفحتك لتكتب كتابك معها براحتك
عُبادة : ماوي لا تجننيني بلّشت عصب ها ،شو هالحكي هاد
ماوي : متل ما عم تسمع وانا اسفة والله لغيتلك البث العظيم تبعك كرمال حضرتي مع انو ريحة القرف طالعه منو بسبب هالبنت ، بس يلا تفضل روح حرام عم تستناك كان لازم انا كون عاملة هيك حركة كنت شفت ساعتها جنانك وعقليتك الشرقية الي متل السم شو بتعمل فيي
عُبادة : مررررة وحدة غيري بأسلوبك الجارح هاد مرررة وحدة ، اكبري ماوي مو كل حدا بنضرب بحكي معو معناها لازم تعملي عرس انتي
ماوي : ااه يعني انا بشوف بعيوني الشي يلي مدايقني منك وبخرس بفهم منك ؟؟؟؟
عُبادة : فيكي تحكي بس مو بهالطريقة
زاد حجم جنانها وعصبيتها لتقله ..
ماوي : انت عنجد شايف يلي صار عادي والبنت كيييير عم تحاكيك عادي ومووو من حقي جن من تصرفها
انتبه لجنونها الكبير وعصبيتها الي رح تخرب الدنيا حكى مُمازح الها عسى ينهي الخلاف عند هي النقطة
عُبادة: هي حياة المشاهير ياحبيبي بدك تتحملي
ماكان عارف جنانها حيزيد بعد هيك كلمة وعصبيتها تخرب ليلته وليتلها حكت بعصبية ماعادت قادرة تكبحها
ماوي : حياة المشاهير قلتلي؟؟ اي تتهنى فيها لهالحياة انا ماعد بدي كون فيها
عُبادة بصدمة : ماوي جنيتي أنتي ؟
ماوي : اي ياسيدي جنيت و اصلاً معد بدي ياك ولا بدي حياة المشاهير تبعك يلي رح تقعد فيها تغازل صوت هي وتحقق احلام هي
كان وقع كلماتها أشبه بِ سهام حدّة، ممزوجة مابين نار ولهيب حد عم يكوي داخلو ليحكي بعصبية بالغة حد الألم
عُبادة : انا مافهمت ليش مصغرة عقلك هالقد وانتي بتعرفي مو نيتي هي الحركات ، بتعرفي مو نيتي اتسلى وبطّخ مع البشر والا ما بقيت ابكي ع اطلالك شهور
ماكانت مستوعبة كلمتها الي نطقتها لتخرب الدنيا فوق راسها
ماوي : اي رجاع ابكي بس هالمرة مو شهور سنين كمان طلاع من راسي يا
جاوبها بصدمة من كلامها
عُبادة : والله ماوية مشان هيك قصة لهون بدنا نوصل وهيك بدك تحكي !!! طيب ياستي متل مابدك وانا ماعاد بدي ياكي ولا عاد بدي جنونك هاد تصبحي ع خير ماوية
حست بحجم المصيبة بلحظتها حست بحجم وكبر الكلام الي حكتله ياه لتردله على الفور
ماوي : عُبادة !!! لا تسك ...سكرت !!
ما كان الو مسكّر الا وقت قليل ليشغّل سيكارتو ويزفر لهيبها القاتل مع كل المشاعر السيئة يلي شعر فيها مع كلمات ماوي الأخيرة معو
كان بيعرف أنها خناقه مو قوية هالقد لتحاكيه بهالطريقه ،بس ماقدر مايمنع حالو من الغضب يلي سرى بِ أكمل عروقو مُستهدف قلبو الضعيف أمام حُبها والحرب معها
رنّت أتصالات مُتتالية منها عليه ل يرفضهن بِ قوة وهو بيعرف ندمها بهاللحظة ع كل كلمة حكتها ،لكن ماكان مستعد يرد الأذية بِ أذى أكبر ما بدو يجرحها وبالوقت نفسو قلبو تعبان من كل حرف طلع منها أصابت فيهن عُمق شعورو
ماوي : عُبادة ليش عم تفصل
حذفت حروفها المشتتة لترتب رسالة أزبط من هيك تراضيه فيها
عُبادة أنا آسفة رد علي
حذفتها مرة تانية لتكز ع سنانها بقوة عند اول دمعة ندم نزلت من عيونها مُعلنة إستسلامها أمام زعلو العزيز ع قلبها ، زعلو يلي بات بالنسبة ألها أشبه بِ جمرات مُضاعفة من النار عم تلذع فُؤادها بهي اللحظة بالذات ، اللحظة يلي أدركت فيها قوة الكلمات يلي حكتها الو وتأثيرها ع قلبو
يتبع
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`
[٢٤/١، ١١:١٤ م] null: *؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم حسنائي الغامضة`*
الموسم الثاني
*❴🔢❵الـــبـــــــــــ❴0️⃣2️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
قصص وروايات 📚📖:
حسنائي الغامضة
الجزء عشرون
حكت وهي عم تضرب بخفة ع راسها
ماوي : ماوية الغبية غبية غبيةةةةة بربي غبيية
عاودت الإتصال اكتر من مرة ل ينتهى المطاف فيها ع مخدّتها المبلولة بِ ماء دموعها الغزيرة أثر شعور قوي مضيّق شرايين قلبها ، أشبه بالخوف ، الرهبة ، الرعبة من فكرة الفُقدان من جديد غفيت بِ أُعجوبة ..
فتحت عيونها على رنة التلفون ، جلست حالها وسحبت التلفون لتشوف مين المتصل ، كانت مكالمة فيديو جماعية من وطن ، اتطلعت لاسامي المنضمين الها كانوا وطن تينا إيهاب ويارا الي هو اسم عُبادة
لملمت شعراتها بأصابع إيديها عَ جنب وهي بتفتح المكالمة
ماوي : صباح الخير
الكل : صباح النور
الا هو اتجاهل حتى رد الصباح عليها ، عيونها عليه كان بيشرب قهوته وبيتحاشى النظر فيها ، انتبه وطن لعيونها المنفخة كتر البكي ليسألها بقلق
وطن : ماوي بكيانة ! شو صاير معك ؟
عيونه خانته واتجهت للنظر إلها ، اجت عينه بعينها ليشوفهم مورمين من كتر البكي واللون الاحمر كاسييهم ، نخزة صغيرة اجتاحت قلبه لمجرد فكرة إنها قضت ليلتها الماضية كلها بكي بسببه بسبب تجاهله لمكالماتها ، اتلاشى شعور الندم لما رنت جُملتها براسه من جديد " معد بدي ياك ، رجاع ابكي بس هالمرة مو شهور سنين كمان طلاع من راسي يا " ليزيد إصراره على إنها غلطت بحقه استهانت بِحُبه وبرجولته بذات الوقت ، اشاح نظره عنها ليرتشف من فنجان القهوة الي حامله بإيده
رسمت إبتسامة لطيفة على وجهها وهي بتجاوبه لتطمنه
ماوي : كنت بالليل عم شوف فيلم نهايته حزينة تأثرت فيه زيادة بكيت لنمت
ضحكوا بخفة على حساسيتها وجنانها
المُعتاد
ليحكي وطن مُخاطب عُبادة
وطن : الله يكون بعونك ع هيك مصيبة رح تبتلى فيا لاخر عمرك
ابتسم بخفة وهو بيحكيله مُتهرب من الحديث
عُبادة : اي انت هات شو وراك من عند الصبح
وطن : مشان اتفاقنا اليوم
عُبادة : ايا اتفاق
إيهاب : حبيب وين نسيت مو عزمنا الافندي على مشاوي عنده بالبيت !
إيهاب: شو نسيت الله يرضى عليك انا عم البس طالع
عُبادة : يفضح عينك انت وكرشك اذا بتحب شي اكتر منه
تينا بضحكة : في البنات
عُبادة : هي نسيتا صح والله
إيهاب : مهضوم انت وهي
وطن : حاجة نقار انت تعال ساعدني ع وقت
إيهاب : تمامووو
وطن : مر جيب ماوي بطريقك
حكت بمقاطعة الهم
ماوي :معلش انا بجي لحالي رح إتأخر شوي لسا هلأ فتحت عيوني
إيهاب: طيب طالع انا
سكر المكالمة ليطلع من بيته على الفور ، التقت وطن لعُبادة وهو بيحكيه
وطن : وانت عُبادة لا تتأخروا
عُبادة : احكي هالحكي لتينا خانم
تينا : شبها تينا
عُبادة :سنة لبسها بس
وطن :توتة عمري ما تتأخري ماشي
تينا : تمام حبيبي
عُبادة : لنشوف
تينا : عُبادة سكوت ربع ساعة وبكون عندك سلام
عُبادة : سلام
أنهوا المكالمة الجماعية وكل مين قام لشغله ، ركدت تينا لتجهز حالها بسرعة قام لخزانتها وطالعت أواعيها ، بعد ماخلصت وقفت تتأمل حالها ع المراية كانت لابسة تنورة جلد للركبة باللون الاسود وفوقها تيشرت قطني اخضر غامق مع كعب بنفس اللون ، لملمت شعراتها الكيرلي على جنب اخدت شنتتها ونزلت عند عُبادة
كان واقف على باب البيت ناطرها كان لابس بنطلون قماش باللون السكري مع تيشرت اسود لامم شعراته بضبة ناعمة لورى
عُبادة : بكير تينا خانم ماصارلك غير 45 دقيقة بس
تينا : بس شلون بالله!!
لفت قدامه ليصفرلها بإعجاب مُجامل
عُبادة : بتجنني نقبري يلا تأخرنا
تينا: يلا يلا حاجة نق
.
.
بعد مرور أكتر من ساعة ونص على إجتماعهم وإتصالاتهم المكررة ليسعجلوها نزلت من التكسي قدام بيت وطن دقت باب البيت لتفتحلا فوراً شكران
شكران : اهلا وسهلا انسة ماوي
ماوي : كيفك شكران
شكران : الحمدلله تمام ، هنن بالحديقة ناطرينك
حكت كلمتها واتجهت للمطبخ ، ألقت ماوي نظرة على نفسها بالمراية الي جنب لباب ، كانت لابسة جينز بوي فريند مع تيشرت قطني ضب عالجسم باللون الاسود مع بوط اسود ورافعة شعراتها كعكة لفوق ، حاطة شوية ميك اب لتداري عيونها المورمة من كتر البكي ، لملمت كم خصلة نازلين بعشوائية على وجهها لورى أدنيها واتجهت للحديقة ، وقفت بباب الحديقة لتشوفهم مجتمعين حوالين الطاولة بالقرب من منقل الشوي كان عاطيها ضهره وصوت ضحكته وكلامه واصل لعندها
عُبادة : والله قلت رح ناكل المشاوي من ايدك بس حتى هي ما فلحت فيا جايب إيهاب يشويلك
إيهاب : بس شلون بالله مو سيد مين عمل مشاوي
عُبادة : للأمانة هي اول مرة بشوفك فالح بشي غير الاكل وتطبيق البنات
مجرد ما انتهى من كلامه انصدم بإيدين عم تضمه من ورى بقوة ، قبل ما يلف ليشوف مين حكت باكية وسط استغراب الكل
ماوي : انا اسفة ما تتركني الله يخليك مافيي من دونك حبيبي ماتتركني
ارجع راسه للخلف ليستمتع بعناقها اللطيف بعبير عطرها الي سرى جواتخ ابتسملها بِهدا بِحُب لمشاعرها الضعيفة لكلماتها وحروفها ، شد على إيديها الي محاوطينه وهو بيتحسسهم ، بعدهم عن بعض ولف لعندها ، اتطلع بعيونها الي ماعم توقف بكي ليحكيلها ببحته الرجولية وهو بحاوط وجهها بكفوف إيديه
عُبادة : فيي اتركك ليه انا ! اذا الروح والعمر كله بين إيديكي انتي
انحنى لوجهها وقبل عيونها وهو بيمسحلا دموعها وبيحكي بهمس مُذيب للقلب
عُبادة : حسنائي لبقى تخليني شوف هالعيون عم تبكي عم تفهمي!
هزتله راسها بالايجاب وهي بتخبي نفسها بحضنه ليشد الغمرة عليها بقوة
وطن بإستغراب : شو عم يصير معهم هدول ؟
تينا : علمي علمك
إيهاب : لحقتو تتخانقو وتتصالحو ؟ ما الكم شي راجعين لبعض تقبرو بعض إلهي ، حاجة احضان استحوا على حالكم نحنا هون
حكى وهو لسا بضمها لحضنه بإستمتاع
عُبادة : هسسس خراس
مد إيده للكعكعة الي عاملتها بشعرها ليفلت شعراتها ينزلوا على رقبتها ، غمر وجهه بشعراتها ليستنشقهم بِحُب
طلعت رانيا من البيت متجهة ناحهم لتشوفهم بهالمنظر ، خطر لبالها فكرة خبيثة شوي لتحكي بصوت عالي وهي بتطلع ناحهم
رانيا: اي ماجد فوت حبيبي فوت
مجرد ما سمعوا اسم ماجد بعدوا عن بعض وهنن بيتطلعوا ناحية رانيا الي مجرد ما شافت هالكركبة رنت ضحكتها بكل الحديقة
رانيا : مزحة مزحة ماجد مو هون
انتهدوا بإرتياح وهنن بيتطلعوا ناحها
ماوي: تضربي شو غليظة
عُبادة : انتي من وقت ما حبيتي ماجد زادت نسبة تقل الدم بجسمك على فكرة
رانيا بضحكة : الله يسامحك بس ، حبينا نطري الجو شايفة بكي ودموع واحضان واصوات الاعتذارات لجوا ومدري شو
قربت تينا منهم بفضول وهي بتسأل
تينا : صحي شو صاير بينكم ؟
ماوي: مادخلك
تينا : طلع صوتها هلأ خلصت بكي ونواح
ماوي : ننننن
قربت تينا من إيهاب لتضمه من ورا وهي بتحكي بضحكة
تينا : لا تتركني حبيبي اسفة انا الله يخليك
إيهاب: شو قلا هو بالاول ؟
تينا : الروح والعمر بين إيديكي
إيهاب: اي ، ياعمري الروح والعمر بين إيديكي انتي شلون بدي اتركك
ضحك بخفة وهو بيضربهم بشنتتة تينا
عُبادة : ولعية منك الها انضبوا
تينا : ييي شو صاير عنيف مع انه من شوي كان بدي حطلك جاط تحتك عبي منه رومنسية زعلت عليهم عم يطفو ويكبو ع الارض
عُبادة : عجبك حبيبي عملتينا تسلايتهم
رفعت كتافها وهي بتضحك ليقرب منها مُقبل خديها
سحبتها رانيا من حضن عُبادة وهي بتحكيلا
رانيا : حاجة رومنسية حاجة خدي فرمي السلطة
ماوي : يلا يلا
بعد مرور بعض الوقت ..
كانوا قاعدين متطرفين عن الكل ضاممها لصدره وبيلاعب شعراتها بحنية وهي ماسكة إيده التانية بكفوفها بتلاعب اصابعه ، همستله لتسكر الصمت الي مخيم عليهم من لما قعدوا
ماوي : حبيبي
عُبادة : عيونه
ماوي : لسا زعلان مني ؟
عُبادة : لا
ماوي : كتير خفت مبارحة بسبب كلامي نرجع نفترق
عُبادة : بعيد الشر لا تفكري هيك حسنائي ، بعدين كوني متأكدة مهما صار ولو بلحظة غضب قلتها بس انا ما بتركك ولا بسمحلك تبعدي عني ، بس لو سمحتي ماوية انتبهي على كلامك مرة تانية لانو اذا بسمع كلمة انا معد بدي ياك مرة تانية صدقيني حيصير شي مايعجبك ابدا ورح اخرب الدنيا على راسك
ابتسمت بخفة وهي بتحكيله
ماوي : ترجي ولا تهديد مافهمت على فكرة
عُبادة : التنين مع بعض لانو الكلمة هي كتير كبيرة
ماوي : طيب حبيبي
عُبادة : في شي تاني
ماوي : شو هو ؟
عُبادة : ماوية بدي احكي لأول مرة واخر مرة بالموضوع وياريت تفهميني منيح ، ماوي إني ركدت وراكي بالشهور الماضية شي ما بخجل منه أبداً ، إني بكيت كرمالك قدام امي اهلي رفقاتي الي هنن طلابي مانه شي بخجل فيه ، لاني بحبك لدرجة ما ممكن تتخيليا ماهمني هيبتي رجوليتي قدامهم كنت عم ابكي متل طفل صغير ضيع أمه وعم يركد يترجى ليلاقيها ويرجع يمسك إيدها من جديد ، بس كلامك مبارحة ماوي كان فيه شي من الاستهانة لهي المشاعر والدموع والترجي الي انكسروا امام الدنيا كلها كرمال عيونك وهو الشي الي خلاني جن مبارحة لهيك مُمكن حبيبي تنتبهي لهاد الموضوع بكلامك كتير منيح !
شعور الندم رجع اتسلل لقلبها من جديد ، شدت على اصابعه الي لسا بتداعبهم لتحكيله بصوتها النادم
ماوي : بعرف مافي كلام ممكن يبرر الي حكيته مبارحة بس صدقني طلعت مني بلا ماحس عُبادة هي المشاعر والدموع الي نزلت كرمالي صدقني كانت عم تحرقني انا متل ماعم تحرقك فكرة انك كنت ضعيف تجاهي هيك مابتتخيل شو عملت وبتعمل فيي فكرة اني نقطة ضعفك بهي الحياة صدقني عُبادة كتير كبيرة عندي وكتير الها قيمة ، حبيبي انا اسفــ
قاطع كلامها بأصبعته الي لامست شفافها لتوقف كلام
عُبادة : حسنائي مابدي تعذريلي حبيبي انا حكيت هالكلام لانو دايقني ومو حابب يصير تراكمات بيني وبينك أبدا لهيك حكت هالكلام كرمال تنتبهي لهاد الموضوع مو اكتر أما صدقيني هلأ ماني زعلان بنوب ماشي عُمري !
ماوي : تمام حبيبي
ماهي إلا ثواني لتأردف بصوت هادي فيه شي من الإنزعاج
ماوي: بس على فكرة انت غلطان كمان!
عُبادة : بعرف ، بصراحة وقت حكيت عَ ستوري هيك مع لين ماكنت حاسس إني مزودها بكلامي بنوب ، وحتى بعد ما اتصلتي انتي ماكنت شايف هالشي وحاولت طري الوضع بالمزح ، بس بعدين لما فكرت فيه منيح وراجعته كان معك حق انا زودتها وبوعدك ما تنعاد حبيبي وحتى كمان عملت بلوك لحسابها
رفعت راسها واتطلعت بعيونه لتتأكد من كلامه منيح
ماوي : عنجد !
عُبادة : وحياة عيونك الحلوين
ماوي : بحبك عُبادة
عُبادة : ياروح عُبادة وانا بحبك كتير
ركت راسها على حضنه من جديد ليرجع يغرس أصابعه بشعرها ويداعبهم بهدا مُثير للقلب والصمت ساد قعدتهم من جديد
و دون اي مقدمات تفوهت بشيئ كان صعب على عبادة يستوعبه، شيئ يمكن كان عفوي و بنفس الوقت حمل مشاعر حقيقية و قوية
ماوي : بناسبك يوم الخميس!
عقد حواجبه متعجب من سؤاله
عُبادة : مشان؟
ماوي : تتفضل انت واهلك لعنا وتطلب إيدي
بعد عنها ليتطلع فيها بصدمة إستغراب اجتاحوه وهو بيتطلع بعيونها ليتأكد من كلامها يلي للحظات كان متوقع انه مقلب كان شايف ملامحها جدية كتير وهي بتطلع فيه و كأنها قاصدة كل حرف، و مفكرة بكلامها تفكير عميق، مجرد ماطلع من دهشته ضحك بقوة على كلامها
اطلعت عليه لتتصنع الغضب و تملكتها الدهشة من ردة فعله الغريبة بنفس الوقت فحكت
ماوي بإستغراب : على شو عم تضحك؟
عُبادة بضحكة : لا لا ولاشي بس يعني هيك سؤال المفروض انا
جاوبته مقاطعة لكلامه و بحدة مصطنعة
ماوي : المفروض انت تسأله حبيبي، بس إذا بنطر على برادتك لسا منترك ومنرجع لبعض مليون مرة و منتف بعض، اكتر وانت ما سألتني ياه ، او لا لحظة لازم إسألك قبل
مسكت إيديه التنين برومنسية مصطنعة وهي بتطلع بعيونه لتحكي بشفافية مضحكة نوعاً ما
ماوي : بدي كمل حياتي معك مرتك وام ولادك بتقبل تتزوجني !
قهقهته ملّت المكان ما قدر يمنع نفسه من الضحك ،سحبها لحضنه بقوة وهو لسا بيضحك ، شدت الغمرة عليه وهي بتسأله بجدية
ماوي : شو ما جاوبتني !
عُبادة بضحكة : بقبل ياعمري موافق موافق
ابتسمت بعد ما افلتت منه ضحكة ع فعلتها و جرأتها، لأين وصل عمق عبادة بقلبها، أي جنون أصابها بعد ما وقعت فريسة حبه، أي عقل أصبحت تملك بعد ما ضاع عقلها بتفاصيله، لتوقف اليوم أمامه عارضة عليه الزواج، تناست هالأفكار قائلة
ماوي : معناها ناطرينكم يوم الخميس لا تتأخروا
شدها لحضنه بعد ما مسح ع شعراتها بكل حنية و اعقب، بينما ركى رأسه ع رأسها
عُبادة : ههههه ما إتأخر لا تخافي
طبع قُبلة حُب ع جبينها ليأردف قائل
عُبادة : قلتلك من قبل وبرجع بقلك بحبك هيك بجنونك بعفويتك صراحتك بحبك هيك اوعك تدبلي
ماوي : وانا برجع بقلك بدبل بس اذا بطلت تسقيني
عُبادة : حاسس قلبي من الفرحة حيطلع من صدري
ماوي بضحكة : طبيعي تفرح مو حبيبتك طلبت إيدك للزواج
شد عليها بين إيديه وهو بيردلها
عُبادة : اي حبيبتي المجنونة طلبت تتزوجني ومو مصدق يوم الخميس متى يجي بدي اركد لعنده ركد
ماوي : بس في عنا شي اهم قبل يوم الخمس
عُبادة : شو هو ؟
ماوي : ماجد
عُبادة : ماني نسيان بس بنفس الوقت مو عارف شو قله يعني أحكيله القصة من بدايتها انو انا وانتي منحب بعض وخبينا هالشي عليه ، خايف تصير مشكلة كبيرة صعب حلها وبنفس الوقت مو حابب قله هالشي جديد بينا مابدي اكذب عليه
ماوي : أساساً مافيك ماجد بيعرف بقصتنا لوقت ما تركنا
بعد عنها واتطلع فيها بإستغراب بيسألها بقلق
عُبادة : بيعرف !!! كيف وشلون بيعرف كلشي كلشي صار ؟؟؟
ماوي : اهدا حبيبي بيعرف بالقصة بس مابيعرف كلشي صار بينا يعني مافي مشكلة ، انو صارت مشكلة بينا وانت تركتني من دون ما تسمعني هيك بيعرف بس وبيعرف انو انت إستاذي بالمدرسة بس ماعنده علم بإسمك يعني مابيعرف نفسك الشب الي حكيتلو عنه
عُبادة : هيك صعبت لسا اكتر من ناحية انو كان لازم انتي حاكيتيلو من لما اتعرفنا انا وهو ع بعض انو انا هو الاستاذ الي حكيتيلو عنه
ماوي : بعرف لهيك خايفة ماعارفة شو اعمل ولا كيف بدي وصله هالحكي خايفة بشو حيفكر وشو حيتصرف
اخد نفس عميق وهو بيفكر ليسحب تلفونه ويتصل على رقم دغري
ماوي : مع مين بدك تحكي
عُبادة : ثواني
انتظر شوي لرد عليه الطرف التاني ..
عُبادة : مرحبا ماجد كيفك ، تمام الحمدلله ، بصراحة بدي شوفك بموضوع كتير ضروري ، اي اي هلأ ، لا ما بيتأجل بالمرة ، بس شوفك بتعرف ، مو مشكلة وين مابدك ، اي اي بعرفها ، تمام انا طالع دغري لا تتأخر ، تمام مع السلامة
سكر التلفون واتطلع بماوية الي كانت بتناظره بإستغراب
ماوي : شو عم تعمل وليه بدك تشوفه دغري ؟
عُبادة : بدنا نحكيله كلشي وسوا
ماوي : مستحييل مابدنا نعرف بالبداية شو نحكي او شلون نزبط الوضع معه استنى بس شوية وقت لنفكر بشي
عُبادة : لا مابدي استنى ولا بدي فكر بشي منروح لعنده منحكي القصة واحد تنين وخالصين ياعمي انا بحب اختك وبدي ياها قلت اي او لا غصب عنك بدي ياها
ماوي بضحكة: هيك بدك تحكيلو ؟؟ ولماجد!!
عُبادة : انو مو بالمعنى الحرفي بس خلص منحكي الي عنا وخالصين موتة ساعة ولا كل ساعة
ماوي : مجنون والله
عُبادة : من لما دخلتي لحياتي صرت هيك قومي يلا
مسك بإيدها واتجهوا لعند باقي الشلة كانوا قاعدين الاربعة بيلعبوا شدة
إيهاب : خلصتوا رومنسيتكم ؟
عُبادة : لا بس طالعين
تينا : لوين؟
وطن : بلا غلاظة انت وهي مافي طلعة اكلنا ورحت انقبرت انت وهي ع جنب ماقعدنا سوا لسا وهلأ مقلوعين
عُبادة : رايحين نشوف ماجد
رانيا : شو بدكم تشوفوا فيه ؟
ماوي : نحكيلو القصة بكفي مخباية
رانيا : احسن شي بتعملوه والله
إيهاب : وليه مستعجلين هلأ دغري
جاوبهم بحماس وهو بضمها لحضنه بقوة
عُبادة : الخميس بدي روح اطلب إيدها
تركوا اوراق الشدة كلهم مع بعض واتطلعوا فيهم بصدمة
تينا : مزحة !!!!!!
ماوي : لا والله عنجد
ركدوا عليها هي ورانيا وسحبوها من حضن عُبادة ليضموها بقوة
تينا : هرمنا كرمال هي اللحظة
رانيا : الله يتمملكم ع خير ياقلبي
ماوي : امين يارب
إيهاب : ان شاء الله الف مبروك هرمنا عنجدد
عُبادة وماوي : الله يبارك فيك اي والله هرمنا
وطن : واخيرا اتلحلحت وعرضت الزواج ع البنت
ضحك بقوة وهو بيجاوبه
عُبادة : هي الي عرضت الزواج علي مو انا والله
اتطلعوا فيها بصدمة ليحكوا بصوت واحد
الكل : نعم !!!!!!!!!
ضحكت لتخبي وجهها بحضنه وهي بتجاوبهم
ماوي : ضو اعمل شفتوا رح نموت وما يتلحلح اتلحلحت انا وقلتلو بتقبل تتزوجني
تينا : لا رهيبة انتي والله رهيبة
وطن : من يوم يومها مجنونة
إيهاب : هلأ الي راحت عملت حسابي وهمي ع الانستا ولعبت مع إستاذها وخلته يحبها من دون مايعرف حتى اسمها مو غريب عليها اذا طلبت الزواج منه
ضحكوا كلهم على كلامه وهي بتخبي حالها بحضنه بزيادة من الإحراج ، شد عليها الحضن وهو بجاوبهم من بين قهقهته
عُبادة : انا طاير عقلبي فيا و بجنانها مادخلكم انتو
رانيا : الله يتمم فرحتكم على خير يارب
الكل : امين
عُبادة : يلا تأخرنا على ماجد توتة برجع باخدك انا انتظريني
تينا : ماشي
اخدت شنتتها وطلعوا من البيت، وصلوا قدام الكافيه اول ما وقف السيارة عُبادة مسكت إيده بتوتر وهي بتحكيله
ماوي : حاسة ماني قدها خايفة عُبادة
ابتسملها بِحُب ليهديها وهو بيتحسي إيدها الي ماسكته فيا كان قلقان اكتر منها لكن حاول يخفي هالشي كرمال مايزيد خوفها ..
عُبادة : انا معك لا تخافي وصدقيني انا متأكد انو ماجد رح يتقبل الموضوع يمكن ينزعج بالبداية لانو خبينا عليه بس مارح يعترض لهيك ماتخافي حسنائي
ماوي : ان شاء الله الله يسمع منك
نزلوا من السيارة ليدخلوا للكافيه لمحه عُبادة من باب الكافيه قاعد على طاولة متطرفة عن الكل عم يلعب بتلفونه
عُبادة : ليكه واصل قبلنا
مشيوا بإتجاهه والقلق مرافق قلوبهم التنين ، اول ما وصلوا قدامه انتبهلهم ، اتطلع فيهم التنين وابتسم بخفة وهو بيحكي
ماجد : حلو جايين سوا اتفضلوا
قعدوا قدامه التنين ليسود الصمت على قعدتهم طلبلهم ماجد قهوة لتنزل بعد دقائق قدامهم وهنن لسا ساكتين ..
ماجد : اي وبعدين جبتوني مشان تسكتوا انت وهي ؟اتلطعوا بعيون بعض بتوتر ، ابتسملها عُبادة بخفة ليطمنها التفت ناح ماجد واخد نفس عميق قبل ما يبدأ كلامه ، حاوط فنجان القهوة بإيده ليحركه بتوتر ملحوظ ، كست ملامح الجدية على وجهه وهو بيحكي
عُبادة : بالحقيقة هو في شي كتير مهم حبينا نحكي معك فيه نحنا التنين سوا لهيك جينا مع بعض ، بصراحة مابعرف من وين بدي بلش بس قبل كلشي بتمنى تتفهمنا كتير منيح وتتفهم حقيقة الشي الي رح نحكيه وتسمعنا للأخير وصدقني انا جيت وكلي أمل انو رح تتفهمنا كتير منيح
هزله ماجد رأسه بالإيجاب ليسترسل عُبادة بتوتره ذاته قائل
عُبادة : أنا ، انا وماوي يعني نحنا بصراحة .. بالحقيقة نحنا انو في مشاعر بينا اا يعني انو انا وهي
وقف كلامه ليزفر بقوة ويأردف كلامه بنفس واحد بعجلة
عُبادة : عمي انا واختك منحب بعض وانا الاستاذ الي بالقصة الي حكتلك عنها بروما ورجعنا لبعضنا قبل الامتحانات والي بده تعمله عمله نحنا منحب بعض وخالصين
اتنهد بإرتياح بعد مانطق كلامه ليتطلع هو وماوي ناح ماجد يراقبو ردة فعله
ابتسم بخفة وهو بيتطلع بعيونهم المتوترة الملبكة ليحكي
ماجد : بعرف ، بعرف انو انت نفسه من قبل لقائي الاول فيك الي انت مفكره انو صدفة الا انو انا الي طلبت اتعرف عليك بوقتا ، وانا كنت بعرف انك هنيك لهيك رحت على القهوة بيومها
ملامح الصدمة اعتلت وجوه التنين بقيو ساكتين ناطرين منه يكمل او يفسر معرفته بهالشي كان فاهم تسائلهم من نظرات عيونهم ليسترسل قائل
ماجد : انتو سمعوني هلأ ، انا اساسا ما استغربت جية ماوي معك لاني كنت ناطر هي القعدة من زمان ومتوقعها اساسا، وعلى فكرة بعرف انكم رجعتوا لبعض من قبل امتحانات البكالوريا ، رح أبدأ من البداية بداية ماعرفت فيك من لما حكتلي ماوية القصة عنك وعنها الي ماكانت خافية على حدا أساساً بالاخص انا وماما ، ماما خبرتني من لما سافرت ماوية لعندي انو كان في حدا بحياتا اخر فترة قبل ما تتركوا بمدة قصيرة عرفت بهالشي واجلت هي الكلام فيه بسبب الامتحانات الي كانت ع البواب ، وبعدين صارت القصة وانفصلتوا وماوية طلعت لعندي ، لما حكتلي القصة ماحكتلي اسمك بوقتا لما رجعنا للبيت خبرتا لماما انو حكينا وقالتلي انها بتعرف الاسم ، قالتلي اسمه عُبادة سمعت مرة ماوية وهي عم تحكي معك قالت اسمك ، بعد مارجعت ع الشام اتصلت بوطن وقابلته وحكيلته الي بعرفه وسألته لوطن عنك حكالي كتير عنك وعن حُبك لماوية ، طلبت منه يعرفني عليك ويخلي الموضوع سر بيني وبينه ، هلأ اكيد انت عم تشأل حالك ليش طلبت من وطن يعرفني عليك ودخلتك لبيتي واتقربت منك لصرنا رفقة وعملت حالي مابعرف بالموضوع أبدا
عُبادة : بصراحة اي ، عندي فضول كتير كبير لأعرف
ماجد : لما ماما خلفت ماوية ودخلت فيها تاني يوم عَ البيت ، كنت شوي صغير بس بتذكر هداك اليوم وكأنه هلأ عم شوفه قدام عيوني ، كنت طاير من فرحتي فيها حسيت بشعور اني صرت سند لحدا اخر كبير و اب تاني رغم صغرها وصغري بهداك الوقت ، وعدت حالي انو مهما صار مهما جرى حكون السند إلها وإني رح اعمل المستحيل لحتى ضل شوف ضحكتها الي اخدت قلبي أول مرة حملتها ، ومضيت كل عمري معها كنت مزيج بين الأب والاخ والرفيق الها ، وطالما كانت هي الاقرب لروحي والي بخاف عليا اكتر من عيوني ، لما سمعت بحالة الإنهيار الي هي فيا ايام البكالوريا كنت بدي أترك كل شغلي كرمال اجي ووقف حدها لكن ماقدرت ولما رسبت عرضت عليها تطلع لعندي لحتى تغير جو ، عرفت بوقتا من ماما انو في حدا كان بحياتا واساساً كنت عارف انو هاليوم حيجي تركتا براحتا لوقت حسيت انو ممكن فاتحها بالموضوع مسكت إيدها وطلبت منها تخبرني ع الحبيب الي سرق قلبها وضحكتها ، عرفت فيك وشفت بعيونها انها لسا بتحبك لسا بدها ياك ، بوقت الي عرفت اسمك كنت ناطر بس انزل ع الشام لأتعرف عليك لأعرف هالإنسان الي سرق كيانها بيستاهل او لا ، نزلت وشفت وطن وحكالي كلشي عنك أديه انت بتحبا وكيف كمان كنت منهار على بُعدها عنك وحكالي عن شخصيتك وحياتك بشكل عام ، للأمانة حبيتك قبل ما أعرفك وصار عندي فضول لاعرفك عن قُرب ، اتفقنا انا ووطن بس اجتمعتوا بالقهوة يخبرني لاجي ورحت شفتك وعن طريق الصدفة انفتح موضوع المكتب وساعدتني فيه حسيت اديشك شهم وابن حلال بوقتا ، وصدقني لو ماحكيت كنت شايف وجعك وتعبك على بُعد اختي عنك وهاد السبب الي خلاني اتقرب منك اكتر بلكي بقدر رجعلها الضحكة الي غابت عنها شهور ، دخلتك بيتي اول مرة كانت صدفة بحريق شاهين وبنفس الوقت كان بدي حجة لاعزمك يومها وتتعرف ماما عليك كمان لهيك اكدت عَ العزيمة وحاولت جاهد لو من بعيد لبعيد كون سبب بأنه تنحل القصة بينك وبينها كرمال الوعد الي وعدته لحالي اول ماخلقت ماوي ولكون سند إلها وسبب بضحكتها كل العمر ..
ماقدرت تكبح مشاعرها ودموعها غرقت خدودها وهي بتستمع لكلامو وبتحمد الله على وجودو بحياتا على انو رزقها بهيك اخ وقامت من مكانها ناحيته لتضمه بقوة ويشد عليها الحضن وهو بهدي فيها، همستلو من بين دموعها
ماوي :ربي ما يحرمني منك يا احلى واحن اخ بالدنيا كلها
ماجد: ولا يحرمني منك ومن ضحكتك الحلوة
مسحلها دموعها وهو ببوس جبينها بحب رجعت قعدت مكانها هي وماجد ليكمل كلامو
ماجد : اي و هيك عرفت بالقصة اما كيف عرفت برجعتكن لبعض صدقيني هالشي عرفته من اول يوم شفتك وشفتا فيها
بعدها الضحكة الي رجعت وغمرت روحها ، النشاط والحماس الي فبها كان واضح انو الروح نردتلا وانت ذات الشي
اتطلع بماوي لثواني وهو بعيد النظر بماجد وبيحكي
عبادة: مقدر مشاعرك وشكرا من قلبي لانك تفهمت الموضوع من البداية وبعمرك بعمري ماخون هي الثقه يلي انت هلا بكلامك حطيتا فيني
ماجد: عبادة اليوم صار كل شي واضح بيينا وماوي برقبتك داريتها برموش عيوني لليوم ومن بعد هلأ صار الدور عندك
عُبادة : بعيوني والله الموت اهون من اني ارجع اجرحها او اكسرها من جديد
ماجد : ايمتا ماويين تمشو بالموضوع بشكل جدي
عبادة : نحنا جينا لهاد السبب انا بدي اطلب ايد ماوي واذا بناسبكم يوم الخميس
ماجد: منتشرف اكيد انا من رجعتي عالبيت حفاتح اهلي بالموضوع وبادن الله ما يصير الا كل خير
عبادة : انشالله يارب وفي شي تاني
ماجد : اتفضل
عُبادة : بإعتبار اني حصلت على الموافقة منك وهي خالة راما بتعرف بالموضوع وموافقة مُمكن تتكفل انت بالكلام مع عمو لتكون طلبة إيد وكتب كتاب لأنو بصراحة بدي نستعجل بموضوع العرس
ماجد : إذا انتو متفقين ماعندي مشكلة
ماوي : لا مانا متفقين على شو مستعجل حتى عرس دغري وكتب كتاب هلأ منعمل الخطبة بس وكلشي بوقتو بعدين لشو العجلة
اتطلع فيا عُبادة وهو بيحكي
عُبادة : قلبي تعب بكفي بُعد !! على شو مستعجل يعني ؟ عليكي بدي تصيري ملكي اليوم قبل بكرا
نزلت راسها بخجل استحت من كلامه قدام ماجد الي ضحكته ملت وجهه وهو بيحكي
ماجد: هوب هوب يعني صحي اتقبلت السيرة وحكيت بإنفتاح نوعاً ما بس عمي غزلك هاد لا تقوله قدامي لحتى ما تشوف وجهي التاني ها
عُبادة بضحكة : هههههه تمام ، المهم كفو تساعدني تركك من أختك وقراراتها
ماجد : من عيوني وهلأ اتفضلي ست ماوي قدامي لوصلك عَ البيت وارجع لشغلي تأخرت
عُبادة : انا بوصلها روح لشغلك
ماجد : لا حبيبي ريح حالك انت ، ممنوع تشوفها من هون ليوم الخميس فهمت؟؟
عُبادة : أمرك ياسيدي
ماجد: يلا عن أذنك ، بخبرك شو بيصير معي
عُبادة : تمام بإنتظارك
ودعو بعضهم بنظرات العيون وتلويحة من إيد ماوي مشيوا ماجد وماوي من الكافيه ليطلع عُبادة من بعدهم ..
وقفت التكسي قدام البيت طلب ماجد من الشوفير ينتظره دقيقة ونزل مع ماوي ، وقفت قدامه بتوتر وهي بتلعب بأصابعها
ماوي : يعني ماما بتعرف بكلشي هلأ ؟
ماجد : اي بتعرف بكلشي
ماوي : اوففف ليش ما قلتلي طيب من قبل كان حكيتا انا بجوز تكون متدايقة مني بسبب هالموضوع هلأ
ماجد : لا تخافي مانها متدايقة ومقدرة الشي الي صار لهيك فوتي ولا تتردي
ماوي : تمام روحي
باسها من جبينا ورجع ركب بالتكسي ليرجع لشغله ، دخلت لجوا البيت ولسا التوتر مرافقها ، عيونها بدأت تدور عليها بأنحاء البيت ، لما ماشافتها ندهت عليا بصوت عالي
ماوي : ماما انتي هون
اجاها صوت امها من غرفة النوم
ام ماجد : اي روحي ليكني هون
حطت شنتتها بالصالون واتجهت للغرفة كانت امها بترتب الاواعي بالخزنة
ماوي : كيفك ماما
ام ماجد : اهلين امي شو راجعة ع بكير
قربت منها وضمتها بقوة ، بادلتها امها الحضن بقلق وهي بتسألها
ام ماجد : فيكي شي ياعمري ؟
هزتلا براسها بمعنى لا وهي بتحكي بحروفها الملبكة
ماوي : كنا مع ماجد انا وو انا والاستاذ عُبادة
قهقت بخفة لما فهمت انها صارت بتعرف بكلشي من ماجد
ام ماجد بضحكة : عُبادة ولا الاستاذ عُبادة
خبت نفشها بحضن امها اكتر وهي بتجاوبها
ماوي : التنين
ام ماجد : مممم
بعدتها عن حضنها ومسكت بإيدها ليقعدوا على طرف التخت
ام ماجد : هاتي حكيلي شو صار
ماوي : اول شي انتي زعلانة مني لاني خبيت عليكي!
ام ماجد : ممم يعني شوي
ماوي : انا اسفة ماما ماكان قصدي خبي عليكي والله بس القصص كلها كانت فايتة ببعضا وبتعرفي انتي الي صار
ام ماجد : مو مشكلة ياعيوني انسي الي صار وهاتي حكيلي
ماوي : التقينا ببيت وطن ومابقى بدنا نخلي القصة مخباية فرحنا نحكي مع ماجد خبرني انو بتعرفوا بكلشي
ام ماجد : يعني بفهم من هالحكي انو الموضوع بدأ ياخد مسار جدي ؟
ابتسمتلها والفرحة عابقة ملامح وجهها وهي بتحكي
ماوي : اي حكى ماجد بالموضوع ليحكي مع بابا ، وامه رح تتصل معك اليوم تاخد موعد بشكل رسمي
ضمتها وضمتلها فرحتا معها لتخبين جوات قلبها ، ماقدرت تمسك دموعها وهي بتحكيلها ..
ام ماجد : بنتي الصغيرة صارت صبية واجا مين يخطفا من بيتي وحضني !
شدت عليها الحضن وهي بتجاوبها
ماوي : الله يخليكي ماما ماتحكي هيك هلأ بفتحلك عزا بدل الفرحة ها
أطلت من غرفتها بِاستحياء مرسوم على ملامح وجهها وهي بتترقب نظات عيلتها إلها ومجرد ما صارت قبالهم زغاريد أماني عبقت المكان عبقت بيت العروس وقلبها ، إقتربت إمها منها وهي بتقرأ عليها سورة الفلق لتحميا من العين وتأردف قائلة
ام ماجد : ياتؤبري عيوني متل الملاك طالعة الله يحميلي ياكي ياعمري انتي
ماوي : بعيد الشر عن قلبك ياروحي ، كيف طالعة ؟
رانيا : بتاخدي العقل ياروحي
ماجد : ايا بتاخد العقل لك متل كوع الصوبيا خايف العريس يهرب خطيتو
اقتربت من أبوها لتحكي بدلال
ماوي : بابا شوفه هلأ من متل الكوع !
ابو ماجد : والله محدا كوع غيره ياروحي انتي مو طالعة متل القمر انتي القمر ذاته
ماجد : قمر بس اصطناعي
ماوي : بابااااااا
ابو ماجد : رانيا خدي خطيبك من وجهي
رانيا : الله يسامحك عمو هلأ نسبة الغلاظة عالية بتكون عنده بدك تبليني فيه
ماجد : نعم نعم رانيا خانم صرت بلوة هلأ ؟؟؟؟
قربت منه لتحكي وهي بتضحك
رانيا : حبيبي قلت غير الموضوع احسن ما تتقلع خايفة عليك انا
ماجد : نننن روحي من وجهي
رانيا : رايحة أساساً تعي اماني نكمل بالضيافة صار ع وصولهم
ابو ماجد : وطن وإيهاب وينن ؟
ماجد : إيهاب بالحديقة عم بطبق وحدة ووطن واقف جنبو عم يتمسخر عليه
ابو ماجد : الله لا يبطلو هالعادة
ماجد : اميييين
اتجهت ام ماجد والصبايا للمطبخ يكملوا تجهيز الضيافة لبينما رن الجرس طلعت ماوي من المطبخ عم تركد لتفتح لباب صرخت فيها ام ماجد لتوقف مكانها
ماوي : شو ماما ؟
ام ماجد : شبك مدلوقة هيك هلأ بقولو ماصدقتك جينا خطبناها تقلي شوي
ماوي : طيب شو اعمل !
ام ماجد : جلسي اكتافك وركزي وقفتك وضحكتك خبا خليا ابتسامة خفيفة
ماوي بضحكة : طيب ماما
قبل ما توصل للباب كان فاتحه ماجد ليدخلوا منه إيهاب ووطن
ماوي : هاد انتو!!
وطن : مين مفكرة لكن
إيهاب : ليكون مفكرة عُبادة ، مالك خبر ليش ؟
ماوي : بشو ؟
وطن : بعتنا قال ماتواخذيه وقال بالحرف الواحد انو تراجع باللحظة الاخيرة وقرر انو ما بدو يعلق حالو فيكي ونبّه عليي كتيييير اني خبرك انو بفضل يتزوج قردة على انو يرتبط فيكي
ماوي : غلييييييييييظ حالة عليكم الغلاظة اليوم انتو وماجد أساساً
وطن : مقبولة منك لانك عروسة اليوم
ابو ماجد : ان ما فتو كلكم من تم ساكت رح يكون الي حكي تاني مع الكل اشة لفة
إيهاب : خلص خلص عصب ابو الجوج تفضلوا يا شباب
يتبع
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`