الفصل 6
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم حسنائي الغامضة`*
الموسم الثاني
*❴🔢❵الـــبـــــــــــ❴6️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
قصص وروايات 📚📖:
حسنائي الغامضة
الجزء السادس
أماني: عشرة ونص
جلست حالها وهي عم تمسح ع وجهها وتلملم شعراتها
ماوي: ياويلي بتعرفي الي نايمة من الساعة 8مبارحة شلون هيك ما بعرف
أماني: بعرف اجينا أنا ومحمد والبنات نطمن عليكي لما سمعنا انك مريضة كنتي نايمة حاولت صحيكي ماصحيتي قالتلي ماما الدور يلي اخدتيه قبل ماتنامي فيو نسبة منوم
ماوي: اي صح نمتو هون يعني؟
أماني:لا والله مشان مدارس البنات وشغل محمد
مشيت كل مين ع مكانو اليوم واجيت شوفك
قربت منها ناوي وحضنتها بقوة ،نزلت شاهين من حضنها وبادلتها الحضن
ماوي:كتير اشتقتلك اختي
أماني:ياعمري وأنا شتقتلك كتيرر خفت عليكي طبوشة شو صاير معك؟
ماوي:تؤبريني مافي شي مهم،اخدت برد من نومتي تحت الشباك وبتعرفي معدتي من النفحة عليها بتتأثر
أماني: هه ياعمري سلامة قلبك
ماوي: الله يسلمك روحي
بعدت عنها وهي عم تمسحلها عشعرها بحنية
أماني:شو أخبارك أنتي وهو؟
ماوي: ولا شي جديد متل ماحكيتلك أمس من لما رجعت ما صار حكي بينا غير بهداك اليوم يوم يلي قدمت الإمتحان عندو
أماني:أي تذكرت
ماوي: اي بعدين ما صار شي يعني مو ماصار شي انو متل حديث ايا استاذ مع طالبتو،نظرات منو مو مفهومة ،اوقات اغاني بنزلها عالستوري مابعرف متقصدني فيها إلي ولا شو ،أوقات بحسو مشتاق ملهوف لسا بحسلي بشي،وأوقات بحسو لو يشوفني عم احترق قدامو مارح يرفلو جفن ...بس صار شي مبارح ضيعني بزيادة ،لخبط أفكاري اكتر ما هية ملخبطة
أماني:شو صار؟؟
ماوي: مابعرف يعني كيف عرف بأني تعبانة ..بس اجا ع غرفة غسان هو بكون ابن عمو يعني
أماني :أيي؟؟
ماوي:شفت الخوف بعيونو علي،كان خايف وملبّك ..بنفس الوقت قعد يطمن علي ويوصيني شو اعمل لما أرجع عالبيت وهيك هو اخدلي أذن لليوم أنا قلتلو انو مافي داعي بس أصر علي أني عطل
أماني: الله الله ياعمي
ماوي:كان عم يقلي سلامتك،فقلتلو الله يسلمك استاذ قام ماشفتو غير بلش يضحك ويطلع فيني نظرات مدري كيف
أماني: والله حقو يعني بتضحك الكلمة بعد كل شي عشتو رجعنا لأستاذ
ماوي:بلا غلاظة بربك
أماني: أي كمليي
ماوي:أي رجعت عالبيت وهيك قام ماشفت غير ماجد مفوتلي التلفون
أماني:أي؟؟
ماوي:كان هو
أماني:بربكك!!!
ماوي: والله ماجد فكر رفيقتي لاني لسا مسجلتو يارا
أماني:أي شو حكى لك لي اتصل فيكي
ماوي:مشان يتطمن علي،كان كتير متلبك وفايت ببعضو صدقيني المكالمة كلها ماتجاوزت الخمس دقايق ماعرف يحكي منها جملتين زابطين ع بعض ،وعشوي كان رح يقلي حسنائي ،هالكلمة بالذات كفيلة تشقلبني فوقاني تحتاني ،حسيت قلبي مات وقت حس عحالو وما كملها
أماني: كان بدك يكملها ؟؟
ماوي:ماكان بدي يلخبط ويقولها من الأصل ،بس لما قالها وماكملها ،تمنيت ياريت كملت معو أو مدري شلون أماني
أماني:شلون؟؟
ماوي:هه مابعرف كان لذيذ هيك بالمكالمه كيف ملهوف ،مشتاق وخايف بدو يطمن بس بدو يكابر..كيف الحروف تركتو وهربت لماعاد يقدر يحكي كلمة على كلمة أماني
أماني:شو
ركت راسها عكتف اماني ابتسمت بخفة وهي عم تغمض عيونها لتتكون صورته براسها..
ماوي:بتعرفي لو كان قدامي بوقت المكالمة شو كنت رح اعمل
أماني:شوو؟
ماوي:كنت رح ابلعو
جلستلها راسها وهي بتطلع فيها بصدمة
أماني:بتبلعيه؟؟
قلبت شفافها بحردة وهية عم تجاوبها ب إي
أماني: يفضح عينك اختي فكرت رح تقولي ضمو أمسك إيدولك أيا شي بس تبلعيه؟!!!
ماوي:هيك خطرلي بوقتا شو اعملك
أماني:يعني مافهمت هلأ غفرنا ونسينا وحنينا وصار بدنا نرجع؟
ماوي: لالا ولا شي من هاد بنوب
أماني:لكن شو؟
ماوي:كان شعور مؤقت بلحظتها يعني
أماني:طيب معلش توضحيلي الصورة شوي لأقدر افهم عليكي
ماوي:صورة شو ؟؟
أماني:شو شعورك تجاهو حالياً،شو بدك من هي العلاقة؟
ماوي:تبقى بعيدة وبس
أماني:كيف يعني
ماوي : أنا بحبو أماني ،بحبو كتير ..بس هو لما اختار بهداك اليوم يصدق الفويس
ويكتفي بلا ما يسمعني كسرني مرة ...ولما ضعف قدام عصبيتو ،وقرب مني بهديك الطريقة البشعة كسرني مرة تانية لهيك انا اليوم ما ممكن ارجع اسمحلو يكسرني مرة تالتة
أنا مابنكر أنو رغم كل شي لسا بحبو وبشتقلو وبحنلو ،وبضعف قدامو لهالسبب بدي هالعلاقة تضلها مدفونة بالمكان يلي قتلهاا فيه ،بدي ضلني اشتاق من بعيد،حن من بعيد وحب من بعيد ما بدي أغفر ولابدي سلمو قلبي من جديد ولا بدي يكسرني مرة تالتة
قربت منها اكتر وضمتها وهي عم تمسح شعراتها
أماني:الله يهدي بالك ويريح قلبك ياعيوني انني ويخترلك الخير وين ماكان ومع مين ماكانماوي:امين يارب بخليلي ياكي روحي،انتي كيفك انتي ومحمد ؟
أماني:الف الحمد الله بخير كلو تمام منتناتف يوم منشد شعر بعض يوم منتصالح يوم ، عاملين لكل شي دور ونظام لما نتخربط
ماوي:يفصح عينك
انفتح باب الغرفة لتدخل منو أمهم
أم ماجد: أنتو إذا اتفقتو ما خلصت وإذا تخانقتو ما خلصت مو عأساس من ساعة تفيقيها وتجو؟
أماني: بتعرفيها بتموت عاللعي كلو منها
ماوي: لعما شو كذابة
قامت من التخت واتجهت لأمها لتحضنها
ماوي:لي معصبة رموشة قلبي
أم ماجد:القهوة سقعت وحضرتكم معد تجو لأنو
ماوي: من عيوني هلأ بسخنلك ياها من جديد
أم ماجد:لا شربتا أنا وأبوكي طلعي جدديها
أماني:شربتيها أنتي والحب وقاعدة تعصبي علينا عأساس بردت
ماوي:عاملين رومنسيات من ورى ضهرنا
أم ماجد:أي هي شربناها باردة
أماني:عم تضحكي علينا مو؟
أم ماجد: ولي أنتي وياها لساناتكم صايرة أطول منكم طيري أنتي وياها عالمطبخ ،جددوها واحسبو حساب ماجد صحي عنتر زمانو
أماني:طيب ههههه
أم ماجد: لا تتأخرو ،صحي ماوي كيف صرتي
كتفت ايديها واطلعت فيها بكشرة
ماوي:منيح تذكرتي تسألي علي والله
أم ماجد:خلص طالما عم تردحي صرتي متل القرد يلا انتي وأختك
أماني:هههههه ماقصرت فيكي
ماوي: انتي أمشي قدامي أمشي
اتجهوا للمطبخ حضروا القهوة وطلعو سوا ضيفوها
أبو ماجد: الله يسلم هالأيدين حبيبة قلبي
ماوي:بس عفكرة أنا يلي عملتا
أماني: لا أنا الي عملتا بابا
ماجد: خود علقو
أبو ماجد:يسلم ايديكم انتو الجوز
أماني:الله يسلمك ياعيوني يا أحلا أب بالدنيا
ماوي: بلشت تمسيح جوخ أكبر تسسس
أماني:غيورة موبأيدك
ماوي:ماما شو في بنتك
أم ماجد: شفتا كتير حليانة والله
ماوي :اووففف شو هالتميز هاد أنا مرضانة طيب دللوني
ماجد : محلك ضبيت غراضي وحردت ماقعدت دقيقة بهالبيت
ماوي:انت سكوت وطلاع دور ع مكتب خلينا نخطبلك ونخلص من خلقتك
ماجد: مشي الحال لقيت
الكل: عنجد؟؟؟
ابو ماجد:ايمتى لقيت؟؟
أم ماجد: شلون يعني ؟
ماجد: هاد يا سيد ابو ماجد مبارح ابنك الفلهوي خطرلو يروح عالقهوة يلي بيقعدو فيها وطن وايهاب لقيت الخاينين عم يلعبو شدة ؟
ماوي: انا مريضة ماكلفوا حالهم يجو يزوروني رايحين يلعبو شدة؟؟
ماجد: اي وايهاب حكى عنك قال ريحتيهم منك اليوم انو ماداومتي
ماوي: أنابفرجيه
أبو ماجد: ضرّاب يلي يضربك انت وإييهاب نقبر فهمني شو صار مشان المكتب الزفت
ماجد : روقنا ولو هاد يا سيدي لما دخلت لاقيتهم عم يلعبوا شدة ومعهم استاذهم
بالمدرسة ،استاذكم يعني اسمو عُبادة عرفتيه ؟
اتطلعت فيه بلبكة وتوتر ..حطت فنجان القهوة من ايدها وهي عم تهزلو براسها بمعنى أي ،حملت تلفونها فتحتو لتعمل حالها عم تقلب فيه ،حتى ماتشلقهن على لبكتها من سيرته ولقاء ماجد فيه
أبو ماجد: استاذهم وعم يلعب شدة مع وطن وإيهاب بالقهوة
ماجد: استاذ فرفوش شايل دور الإستاذ برى المدرسة ومرافقهم وهو صغير بالعمر بال27 يعني
ابو ماجد: طيب وبعدين
من سيرة لسيرة حكيتلو على قصة المكتب وعالصدفة طلع ابن خالتو عندو مكتب عقاري ،وقلي اكيد بتلاقي طلبك عندو وطالما جاية من طرفه مارح يقص علي السعر الي عم ينقبرو يحطوه على أصحاب المكاتب وحتى حيروح معي اليوم بعد دوامه
أبو ماجد وأم ماجد:أي الف الحمد الله الله يجزيه الخير
ماجد:امين يارب،باين عليه هالشب ابن حلال ومنيح ،ولا شو رأيك ماوية ،انتي اكيد بتعرفيه منيح باعتباروا استاذك
جاوبت بلبكة وحروف ملعثمة
ماوي: ها أي صح ظريف يعني قصدي منيح منيح كتير
قربت أماني من ماجد وضربتو بخفة على كتفو وهي عم تتصنع الضحكة لتغطي على لبكة ماوية الي عرفت سببها قبل ماحدا يحس بشي
أماني:وأخيراً ماجد بيك حتدخل عش الزوجية
ابو ماجد: أي زوجية هي، نحنا متفقين خطبة بس ماجد أول شي البنت عم تدرس ،وأنا وعدت أبوها أنو حالياً بس خطبة لما نلهيها عن دراستها تاني شي حضرتك لا مابلشت هون بشغلك وأمنت حالك
ماجد: أي بابا بس خطبة ،بس مابدنا نرجع نطلبها من عمو أبو وطن ونحدد موعد الخطبة وهيك؟؟
أبو ماجد: أنا رجعت شفت ابوها من يومين لاتخاف ،واتفقنا طالما أنارايح وطالبها بوقت سفرك ،مافي داعي لهالأشكاليات هي هلأ بس تاخد مكتب انت وخلص توقع عقدو حدد انت وهي يوم من روح طلب وخطبة فرد مرة ،يعني خطبة أهل عالديق وبتعوضها يوم العرس تبقى
ماجد بفرحة: انشالله
أماني: والله عهالحكي اليوم لكن حياخد المكتب ويقلكن بكرا الخطبة
ابو ماجد:بهي يسطفل منو الها
أم ماجد: الله يتمملك ع خير ويفرحني فيك بأقرب وقت يارب
قرب منها باس إيدها وضمها وهو بيحكيلا
ماجد: امين يارب ويديمك تاج فوق راسي ياست الكل
أماني:بابا ضالل عالفطور؟
أبو ماجد: والله اذا بتقومو بسرعة بتحطوه بلحق أفطر اي
أماني: أحلا فطوور دقايق ويكون جاهز يلاا ميمي..
ماوي: يلا أختي جاييتك
أم ماجد:خدي القهوة معك ماوية
طلعت فناجين القهوة ودخلت باتجاه المطبخ حطتهم عالمجلة وقعدت عالكرسي قبال أماني
أماني بهمس: شو صرلك جوا كنتي حتشلقي الدنيا
ماوي: شبعرفني تلبكت فتت ببعضي
أماني:نتبهي تاني مرة دخيلك
ماوي: هلأ عُبادة تعرف ع ماجد يا حبيبي مايطرقها معو صحبة كمان بتكمل
أماني: والله هي من اللقاء الأول وباين جابوها هالقد
ماوي: هفففف
أماني: قومي نلحق الفطور لبابا وبعدين منشوف
ماوي: يلا
مع أنتهاء الدوام طلعوا بسيارتو سوا متجهين لبيت ماجد أول ما وصلو إجا وطن لينزل وقفه عُبادة لما مسك إيدو
عُبادة: وين؟
وطن : رايح جيبو
عُباددة: اتصلو خليه هو يطلع بلا ما تنزل
وطن:ليه
عُبادة: إذا نزلت هلأ احتمال تطلع هي لتشوفك ما بدي اتخربط بشوفتها هلأ وأخوها طالع معنا
وطن:طيب متل ما بدك
اخد التلفون ورنلو لماجد ليطلعلهم
وطن: كيفك معلم وينك أنت؟ أي طلاع قدام الباب جبت عبادة من المدرسة دغري،لالا مافي داعي خلينا نلحق ياعمي لاتصير موجب هلأ منشربا بعدين طيب يلا
سكر التلفون والتفت لعُبادة حكالو
وطن :ليكو جاية
عُبادة: شو كان عم يقلك
وطن: قال ندخل نشرب فنجان قهوة
عبادة: أي كنا شربنا
وطن: يشربك سم مو عأساس مابدك تتخربط بشوفتها وأخوها معنا
عُبادة؛ مبلى بس شوفتها لوقت طويل بتخربطني وبتهديني
وطن: تضرب منك الها لعمري معكم انا شو عامل ل ربي لحتى بلاني فيكم
عُبادة: يصحلك أصلاً
وطن: خراس خراس إجا ماجد
فتح باب السيارة وقعد من ورى
ماجد: سلام شباب
عبادة ووطن: أهلا
وطن: شو هالحماس ماجد بيك
ماجد: والله مدوي شو رأيك
عُبادة: مو عرفان حجم المصيبة لبعد ما تقع على راسه ههه
ماجد: مافهمت على شو؟
وطن: لكن في حدا براسه مخ بسلم رقبته لمرا حتى لو كانت اختي
ماجد:هههههه تضربوا ما أغلظكم أنا راضي ياعمي وأحب على قلبي شو دخلكم
عُبادة : أي يا عمي النصيحة كانت بجمل
وطن: هلأ بفضيحة
ماجد: حاجة أمتال بربكم أمشو نلحق
وطن : يلا بسم الله...
.
.
طلع برفقتهم من البناء والفرحة الغامرة وجهه واضحة للجميع..
عُبادة: شو معلم عجبك؟
ماجد:عجبني وبس؟ لك شي بياخد العقل وموقعو ممتاز كتير بس بقي الأجار المبدأي والسعر
سعيد: ولو يا عمي أنت مو منطرف الغالي مابتطلع ألا رضيان انت شاور شريك بالرقم الي طلبه الرجال وأنا رح أرجع أقعد مع الرجال وانشالله منوصل لحل وسط يناسبك انت وهوعُبادة: شكرا كتير سعيد
سعيد: ولوو نحنا بدنا خدمة ياغالي ،أنا اليوم المسا بردلك حبر بالسعر النهائي
ماجد : تمام انشالله
سعيد: أنا بالأذن صار لازم أمشي
عبادة: شكراً مرة تانية حبيبنا
سعيد : ولوو جيب خالتي وتعالو خلينا نشوفكم
عبادة: بإذن الله
سلم على وطن وماجد واتجه لمكتبو قرّب وطن وسند حاله ع كتف ماجد
وطن: لقطة مابتتفوت ،لو تلف الشام كلها مابتلاقي هيك مكان وبهيك سعر
عبادة: وأنا هيك رأيي
ماجد:حسيت ذات الشي لدرجة كان بدي قلوا اي عهاد السعر حتى
عبادة: لا منيح تمهلت يعني قد ما حاول ينزلك منه بكون منيح
وطن: صحيح وأنتو عندكم دفع كتير وألف قصة للمكتب
ماجد: لنشوف أديه بينزل
عُبادة: جهز الرعبون جهز بيقدر ينزلك ومنيح كمان ،هاد سعيد حلاّب النزلة
بدأت ضحكاتهم تتعالى بوسط الشارع كله
وطن: يخرب بيت لسانك شو طويل
عُبادة: بربي ما عم امزح هيك بالعيلة بسموه
وطن: ماجد بيك ناوي تطعمينا حلوان المكتب؟
ماجد: مو لآخدو بالأول ؟
عُبادة: اسمك اليوم اخدتو بكرى منجي منعطيه الرعبون وخالصين
ماجد: رائع جدا بحليكم بكرى منو بكون هون ايهاب بلا ما يفضحني كمان هو التاني
عُبادة: وطن صهرك كأنو بخيل؟
وطن: والله أنا هيك حاسس شكلو رح نقلب
ماجد: لعما فضحتوني امشوا امشوا لحليكم وأخلص من لسانكم
اتجهوا للسيارة وطلعوا فيها تزامن قعدته مع رنة تلفونو طالع من جيبو ليشوف مين اتصل
وطن : هو رانيا اكيد متصلة لتفهم شو صار
ماجد: رانيا عندا محاضرات هية ورموشة
وطن: عطيني حكيا بربك
ماجد : التهي بسواقة انت
فتح الخط وحطه ع أدنه ليحكي معها
ماجد: رموشة قلبي أكيد متصلة تطمني حزري شو صار ،بسم الله عليكي ليه عم تبكي؟ أمي شو في ؟؟
التفتوا اله بذعر
وطن وعُبادة :خير شوفي؟
ماجد: اهدي امي لأفهم عليكي حدا صرلو شي؟؟ مين !!!! اي شبو؟؟ شلون هيك صار طيب طيب هديها أنتي، وهي صرلا شي؟ طيب ،وطن بسرعة ع البيت
وطن : يلا
عُبادة:خير شو في
ماجد: أي أمي أي جاية دغري حجيبو معنا ماتخليا تطلع اوعك من رعبتا مابتكون شايفة قدامها هلأ ،أمي والله قريبين يلا جاية اهدي بربك طيب مع السلامة
سكر التلفون والتف على وطن
ماجد:عجل شوي وطن
عُبادة: خير حدا صايرلو شي؟
ماجد: شاهين قالب عليه بريق الشاي محروقين إيديه ورجليه
وطن: كيف هيك ؟
ماجد: مابعرف كانت مدخلة ماوي الشاي ناطط عَ حضنها مدري كيف واقع عليه
عُبادة بخوف : وماوية صرلا شي؟
ماجد : كمان هية ايدها بس حرق خفيف
عُبادة: عجل وطن عجل
وطن: صل عالنبي انت التاني
عُبادة: اللهم صلي وسلم على سيدنا محمد
ماجد: بتعرف إسماعيل؟
وطن: دكتور بيطري مو؟
ماجد: أي هو
وطن: بعرفو
ماجد: بدنا ناخدو بطريقنا من العيادة دغري
وطن: يلا يلا
اتجهوا لعيادة الدكتور البيطري اخدوه واتجهو للبيت فوراً ...فتح الباب ودخل قدامهم لياخدلهم طريق
ماجد: اتفضلوا اتفضلوا
دخل الدكتور ومن بعدو هو ووطن بعدهم ..كانت عيونو عم تراقب ملامحها الي بدأت تبان عليهم،حاملة شاهين بين إيديها وعم تبكي بحرقة
عيونها ما كانت شايفة غير الدكتور ..بلهفة وخوف ركدت لعندو ليتناول منها شاهين
الدكتور: السلام عليكم
ناوي بخوف: كانت مغلية الشاي لسا جديد انكب عليه كتير
الدكتور : طيب اهدي يا اختي اهدي خليني شوفه ،شوهاد يلي حاطتيلو ياه؟
قربت منهم امها وهي عم تحكي للدكتور
ام ماجد: عسل قلت بهديلو الحرق شوي
الدكتور: اي كتير منيح خالة خليني شوف حرقه هلأ
ماجد: تفضل دكتور لهون
اخدوا واتجه لغرفتها لتلحقهم هي وتوقف قبال الغرفة تراقبهم ، مشيت وراها إمها ومسكتها من كتفها بقلق
ام ماجد: شبعتي بكي اهدي الله يرضى عليكي يا أمي والله حرقو مو كبير وهي هو مع الدكتور هلأ امشي نغسل ايدك انتي كمان نحرقتي
ماوي ببكي : مابدي مافيني شي بدي ضل اطمن عليه
ام ماجد: تعي غسليها خليني حطلك عليها دوا وبترجعي دغري يلا الله يرضى عليكي
ماوي: طيب
اخدتها واتجهت المطبخ اما هو كان واقف حد وطن عم يراقب الوضع ماله قرب منه وطن وربت على كتفه
وطن: تعال قعود تعال
عُبادة: عم قول خلينا نمشي مو أحسن شايف وضعهم كيف
وطن بهمس : هههه قال تمشي قال مو ميت على ماتشوفها أكتر
عُبادة: هس لاتفضحنا
وطن: قعود قعود
عُبادة: يلا
اتجهوا لوحدة من الصوفايات وقعدوا عليها ..وقت قليل وطلعت أم ماجد من المطبخ. باتجهاههم وقفوا أول ماوقفت قبالهم لتسلم عليهم
ام ماجد: مشان الله ماتواخذوني ماقدرت استقبلكم نسيت الأصول من لبكتي بهالبنت وشاهين
قرب منها وطن وضمها ببوس راسها
وطن : ولو يا رموشي استقبال شو شو ضيوف نحنا
مد إيده وسلم عليها
عُبادة: ولو خالة عليهم العافية يا رب
ام ماجد: الله يسلمك يا ابني
وطن: عُبادة استاذن بالمدرسة ورفيقنا براتها وهو يلي عم يساعد ماجد بقصة المكتب
ام ماجد: يامية اهلا وسهلا يا ابني ،حكالي عنك ماجد كتير والله ،الله يعطيك ليرضيك ويوفقك يارب
عبادة:الله يسلمك خالة
وطن : شو هي ابني وخالة حاج تكبرلي ب رموشة
عُبادة: للأمانة باينة أصغر مننا والله لو مو حاكينلي مابصدق انو عندك 3ولاد بهالعمر
وطن: لا لا دخلنا بالغزل وماغزل عيني المخلوقة متجوزة خالصة الي
عبادة: يخرب بيت لسانك
ام ماجد: شايف يا ابني الله وكيلك هالكني بلسانو هاد
عُبادة: خلص أنا بقطعلو ياه ولا يهمك خالة
ام ماجد: اي ها وينك من زمان انت
وطن: اووها يعني اووها فوراً تفضل علي الأخ
ام ماجد: لا تحرد غيور أفندي
وطن: ولو أنا أزعل منك ياقمر
ام ماجد: مافي امل منك اي كيف قهوتك ابني
عُبادة: مافي داعي تعذبي حالك مو مطولين
وطن: لا تجرب عند رموشة مافي حدا بيدخل وبيطلع بلا مايشرب من قهواتها بس ترى عندها حق تفتل الشام كلها مافي متل قهوتها
عُبادة: لا إذا هيك منشرب لكن سادة
ام ماجد :من عيوني
عُبادة : يسلموا ياربام ماجد: عن اذنك يا ابني
عُبادة: اذنك معك خالة
قرب منه وطن وهو عم يضحك ليهمسلو بهدى....
وطن: شو شلون شفتلي حماتك
عُبادة بهمس : خراس
وطن: انت عملي التقيل فيها قال يعني
قعد عالكنبة من دون ما يرد عليه بشي
.
.
قرب من الكرسي الي قاعدة عليه وهي بتبوس راسها
ام ماجد؛ كيف صارت ايدك تؤبريني
ماوي: الحمد الله احسن
ام ماجد: الحمد الله اي بنتي انا حأعمل قهوة طلعي انتي سلمي ع وطن واستاذك
ماوي: استاذ مين !!!!
ام ماجد:استاذك انتي
ماوي: أيا استاذ أمي
أم ماجد: يييي بنتي ماشفتيه وقت دخل مع ماجد والدكتور ووطن ؟ هاد يلي ساعد اخوكي بالمكتب
ماوي بصدمة: لا ماانتبهت هاد شو عم يعمل هون؟؟
ام ماجد: كان مع أخوكي وقت اتصلتلوا واجو سوى يلا بنتي دخلي سلمي عليهن
ماوي بتوتر: يلا يلا
قامت بخفة واتجهت للصالون بهدا أول ما لمحته وقفت لثواني وراحت باتجاه الحمام ..فتحت الباب ووقفت قدام المراية وهي بتصفن بشكلها بصدمة
ماوي: هلأ هاد شافك بهالمنظر؟؟؟
كانت لابسة بجاما سودا وتيشيرت نص كم ابيض وفوقهم جاكيت امها تبع البيت ،شعراتها مرفوعين بعشوائية لفوق وعيونها مورمين من البكي
ماوي : يافضيحتك ياماوية عَ هالشكل الي شافك فيه شلحت الجاكيت ورمته عالعليقة فكت شعرها واخدت المشط لتبدأ تسرحه ...ثواني طويلة ووقفت رجعت المشذ لمكانه اطلعت بحالها بالمراية من جديد لتحكي
ماوي : شو عم تخبصي انتي ؟
رفعت شعرها كعكة لفوق وأخدت الجاكيت لتلبسه من جديد
بتردد فتحت باب الحمام واتجهت للصالون كانت أمها مدخلة القهوة ، قربت منهم بخطوات هادية ..
مدّت إيدها لتصافحه لما وقف يسلم عليها
ماوي : أهلا وسهلا أستاذ
رجف قلبُه من ملامسة كفها الصغير لكفه ، شدّ عليه بضعف وهو عم يتحسسه بإبهامه ليخلي قلبها يرتعش أثر حركته عليه ..
عُبادة : اهلين فيكي ماوية ، كيفك !
جاوبته وهي عم تسحب كفها من إيده وتبعد عن نظرها عن عيونه الي ملاحقتها ..
ماوي : الحمدلله
قربت من وطن وضمته لتخبي الضعف الي استحوذ عليها أثر سلامها مع عُبادة ، شد عليها بقوة لما حس بالشعور المستحوذ عليها ، كيف لا وهو الي بيفهمها من رمشة عيونها شو عم تحس ..
وطن : كيفك عيوني كيف صرتي
ماوي : تعبانة كتير
وطن : تؤبريني سلامتك
ماوي : بعيد الشر عن قلبك
بعدت عنه وهي بتستأذن منهم لتتجه للغرفة الي فيها الدكتور وماجد
ام ماجد : عم تأهمل صحتها كتير هالأيام والله
عُبادة بضيق : عليها ألف عافية يارب
ام ماجد : الله يعافيك يا ابني حشوفهم اذا مطولين وراجعتلكم
عُبادة : خدي راحتك خالة
مسح على وجهه بضيق بعد ما دخلت لجوى ام ماجد ..
وطن : شوفيك ؟
عُبادة : مو شايف حالتها
وطن : هي أول مرة بتشوفها هيك لأنو ، ماهي من يوم رجعت وهي وحدة تانية
عُبادة : بس مو كل هالبكي ! كل هاد خايفة عَ شاهين بربك يوم اختفيت وطلعتوا تدوروا عليي بكيت علي قد مابكيت على شاهين بيك هلأ ؟؟
اتطلع فيه بدهشة وحكاله
وطن : عم تمزح انت مو ؟
عُبادة : لا جد عم أسأل
وطن : يعني هالانزعاج هاد كلو غيرة من شاهين !!
عُبادة : لا بس يعني انو ماتبكي هالقد عيونها تورمت وبتتعب صحتها من دون شي هي تعبانة بزيد عَ كتر البكي
وطن : اذا في حدا ورم عيونها من كتر البكي وتعّب صحتها فهو انت عزيزي مو شاهين
عُبادة بعصبية : خراس وطن
وطن : هلأ صار خراس وطن تكرم يعمي خرست
دقايق وطلعوا كلهم من الغرفة .. عيونه عم تراقبها وهي حاملة شاهين وعم تتحسس الضماد الي لاففله الدكتور فيه الحرق
ماجد: يعطيك الف عافية دكتور
الدكتور: الله يعافيك يارب متل ماقلتلك حرقه الحمد الله سطحي بس كبير يعني مافي خوف انتو انتبهو من المي والحركة الكتيرة وأنا يومين وبطل عليه
ام ماجد: يسلم ايديك يارب
الدكتور: الله يسلمك خالة يلا عن أذنكم
ماجد: وين دكتور القهوة جاهزة
الدكتور: والله عندي شغل كتير ضروري لازم امشي
وطن: حوصلك انا دكتور
الدكتور :مافي داعي تعذب حالك
وطن: لا ولو امشي عبادة
ماجد: شو بدك بعُبادة لا مو ماشي
عُبادة: لا والله لازم امشي
ام ماجد: لوين ابني مابتطلع الا تتغدا
عُبادة: تسلمي خالة بيتكن عامر بس تأخرت عالوالدة وهي ما بتتغدى لكون
ام ماجد: معناها هي مو محسوبة الك جية تانية وبتحسب حسابك ع غدا
ماجد: بكرى معناها لأنو لسا ماخلصنا شغل
عُبادة: ان شاء الله
ام ماجد: معناها بتجوا بكرى وبتجيبوا الصبايا معكم
وطن وعُبادة: ان شاء الله
عُبادة: يلا السلام عليكم
ام ماجد: وعليكم السلام سلّم عالوالدة
عُبادة: بيوصل ان شاء الله ومنحكي مشان موعد المكتب بكرى ان شاء الله
ماجد : اي تمام
عُبادة: سلام
ماجد : مع السلامة
سكر الباب وراهم واتجه لماوية الي قاعدة عَ الصوفاية وشاهين بحضنها عم تتحسسه وتبكي .. قعد جنبها وأخدها بحصنه
ماجد : اهدي ياعيوني انتيالحمد لله حرقه سحطي مو خطير
ماوي : ياعمري هلأ اديه بكون موجوع ومو قادر يشكي
ماجد : تؤبريني
ماوي : بعيد الشر عن قلبك انت التاني لبقى تقول هالكلمة
ماجد : امرك بس اهدي انتي
ماوي : طيب
ماجد : صحي وين اماني امي ؟
ام ماجد : راحت عَ بيتها بعد الضهر
ماجد : ليه مابقيت !
ام ماجد : عجزنا فيها قال عندا شغل كتير ومحمد بيجي من الشغل تعبان
ماجد : مممم طيب امي انا بدي فوت نام كتير نعسان والله
ام ماجد: ماحزرت ع وصلة ابوك من شغله منتغدا سوا وبتنام
ماجد : والله نعسان كتير
ام ماجد : ما تناقش بنوووب ماوية قومي امي ساعديني بتجهيز السفرة
ماوي : يلا ماما ، ماجد خود شاهين انتبه عليه منيح وماتخلي ينزل من حضنك
ماجد : من عيوني
عطته شاهين واتجهت للمطبخ تساعد امها
صف السيارة قدام بنايته، ليتطلع فيه كان ساند راسه ع حرف الشباك و صافن بالطريق
وطن: شو وين صرنا؟، عُبادة، عُبادة، عم احكي معك
عُبادة:اي اي شو
وطن:بشو شارد؟وصلنا
عُبادة:ولاشي انا نازل
وطن:متدايق من؟ كلمتي ببيت ماجد يعني؟
عُبادة:والله مابعرف شو رأيك مثلاً ؟
وطن:آسف ما كان قصدي دايقك
عُبادة:بشوفك بكرى سلام
فتح باب السيارة و نزل قبل ما يلحق وطت يحكي أيا شي
وطن:هفف انطعج التاني، والله رح تجلطوني و انا بأول عمري
شغل السيارة و مشي بإتجاه بيتو
.
.
دخلت من باب المطبخ و هي حاملة بإيدها شوية خضرا
ماوي:قطفتلك من الحوض البقدونس، النعنع،و البصل الأخضر
أم ماجد:و البندورة؟
ماوي:ماما شبك قطفتا و غسلتا ليكها بالصحن عندك
أم ماجد:ييي اي ليكها، اندوخ راسي لك بنتي، فوتي غسلي اللي بإيدك و طالعي باقي عدة السلطة من البراد و فرميها
ماوي بتأفف:ناعمة و لا خشنة؟
أم ماجد:لا هيك و لا هيك وسط
ماوي:شو كان الك بهالعزيمة معلش افهم؟!
أم ماجد:شو اللي مو عاجبك فيها ماوية خانم؟!
ماوي:الك من بعد صلاة الصبح بالمطبخ، تلفتي
أم ماجد:شكيتلك شي؟ انا هيك مرتاحة بعدين ضيوف مابدنا نقوم بواجبهم ؟؟
ماوي:من إيمتا ايهاب و رانيا و وطن، و لا تينا ضيوف؟ كنا عملنا اكلة وحدة وخالصين من الصبح مبلشة كبة مقلية، يبرق على فطاير و بيتزا و شبعرفني شوفي لسا بالطناجر ع الغاز
أم ماجد:شو نسيتي استاذك جاي معهم، هي اول مرة حيقعدلنا ع سفرة
ماوي:و انا هاد اللي قصدي عليه
أم ماجد:مافهمت
ماوي:لي عزمتيه؟!
تركت معلقة الطبخ من ايدها و فتلت لإلها اللي كانت قاعدة بتفرم السلطة
أم ماجد:شو هالحكي لك بنتي؟ الرجال اله يومين راكد بشغلة اخوكي أقل منها نعزمه على غدا نشكرو ع تعبه
ماوي:كان عزمه ماجد على غدا برا و خلصنا ضروري غدا بيت؟
أم ماجد:لا حول و لا قوة إلا بالله، شبك لك بنتي شو اللي مو عاجبك بجيته فيني افهم؟
ماوي بلبكة:مو مو عاجبني بس مشان تعبك هاد، و انو يعني
أم ماجد:انو يعني شو؟
ماوي:لا بس قصدي كانت بتنقضى بعزيمة برى من ماجد و خالصين
أم ماجد:ياستي، تعبي مو تعبانة لا تشيلي همي، بتعرفي أحب ع قلبي وقف بهالمطبخ و أطبخ، و مشان تنقضى بعزيمة برى يا ستي اخوكي ماجد هو قبل مبارح المسا أكد علي عليها لأنو حابينو للشب كتير و على هوا ما فهمت منو حابب يقوي علاقته معه، لهيك حابب العزيمة تكون عنا بالبيت
ماوي بهمس: ايوا انا هاد اللي ناقصني بس
أم ماجد:شو قلتي مافهمت
ماوي:عم قول أهلا و سهلا شو بدي قول
يتبع
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`