حسنائي الغامضه - الفصل 5 - مكتملة | روايتك

*؏ــڜــٱق✍🏻 اڵــڔﯣايــات📚📖🧡* _*بإدارة محمـــــــود*_🧡 *`قصة اليوم حسنائي الغامضة`* الموسم الثاني *❴🔢❵الـــبـــــــــــ❴5️⃣❵ــــــــــــارت* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏❴📝❵↵تـنـسـيـق:جــروب:* *📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡* *❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️* *|✒️|↜لـلإشـت͜ـࢪاڪ بـ قناة* *📚*https://whatsapp.com/channel/0029VadbWnd89inYkEVrpG0C *📖📚؏ــڜــٱق✍🏻 اڵــڔﯣايــات📚📖* ➖➖➖➖➖➖➖➖➖ . ➖➖➖➖➖➖➖➖➖ *❴🧡❵↵ *مـــحمـــود* 🧡 ➖➖➖➖➖➖➖➖➖ *❴📝❵↵تـنـسـيـق:جــــروب:* *📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡* https://whatsapp.com/channel/0029VadbWnd89inYkEVrpG0C ` *{😍}قــرا۽ة ممتعــه للجميــع* *{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة* قصص وروايات 📚📖: حسنائي الغامضة الجزء الخامس وطن : مابعرف بس معدتها عم تجعها كتير ،واستفرغت بالفرصة من دون أيا كلام رمى الكتاب يلي كان بإيده وطلع باتجاه غرفه غسان صادف غسان ماشي من قدام الغرفة غسان : خير عُبادة لي مانك بالحصة ؟ عُبادة : خبروني الطلاب أنو ماوية تعبانة وهي عندك غسان: اي صح بس انت لي هون عُبادة: ليه يعني جاية اتطمن عليها غسان: رجعنا عُبادة!!! عُبادة : ليش وين كنا حتى نرجع طالبتي وتعبانة وجاية اطمن عليها غسان : لاتقعد تعملي بالرز بصل وتفكر انو بتقدر تضحك علي بهالكلمة قال طالبتي قال ...قربه منه وكمل بهمس غسان: لاتفكر اني مو عرفان انو في شي بينك وبينها من السنة الماضية ،انا ابن عمك ورفيقك وربينا سوى ما فيك تقعد تكذب علي بهالكلمتين عُبادة : ياعمي أي في وكتير كمان ارتحت في شي بيني وبينها بتسمحلي شوفها بقا ؟ غسان :حسبي الله على مخك مالاقيت غير طالبتك عبادة؟ عُبادة: والله شو اعملك هاد يلي طلع معي حدا الو عندي شي ؟عيب ولا حرام؟ غسان:ضراب يلي يضربك لاعيب ولا حرام بس نقبر خلي هالشي برا المدرسة مو جواها عُبادة: تكرم بتأمر بشي تاني !! غسان: ياعمي غليييظ عُبادة: طيب هلأ شوفيها ؟ غسان : فحصها دكتور المدرسة قال آخدة برد ونزل ضغطا يعني ما فيها شي لاتخاف وانا رايح عَ الإدارة اتصل بأهلها مشان يجو ياخدوها هيك قال الدكتور كرمال ترتاح عُبادة: طيب تمام أنا بدي ادخل شوفها غسان: تفضل عبادة بيك عُبادة: الله يزيد فضلك تركه ومشي اما هو قرب باتجاه الباب ونقر عليه بهدوء ودخل جلست حالها عن الكرسي أول مالمحتو ،قرب منها بلهفة وقلق واضحين عُبادة: خليكي مرتاحة خليكي ،كيف حاسة حالك ماوي: الحمدلله احسن عُبادة: عليكي العافية ماوي: الله يعافيك استاذ ضحك بخفة وهو عم يتطلع بعيونها اول مانادته أستاذ دارت وجهها الناحية التانية وهي عم تخبي ضحكتها ،مسح على وجهو بخفة وحكالها عُبادة: الإستاذ غسان راح يتصل على حدا من اهلك لياخدوكي عالبيت ماوي: مافي داعي أنا صرت احسن بقدر كمل دوام جاوب وهو عم يطلع بعيونها بخوف وقلق واضحين عُبادة: لا مبلى في داعي و كتير ،هلأ بتروحي وأول وصلتك بتشربي شي سخن يدفيكي ونامي دغري حتى رح خبر الإستاذ غسان انك طلبتي إذن لبكرا كمان وبعدها أصلا عطله ليوم التنين بتكوني ارتحتي كتير منيح ومابكون ضل فيكي شي ماوي: صدقني مافي داعي هالقد وروح علي دروس بكفي اليوم عُبادة: لا في داعي صحتك اهم من الدروس وكلو تينا بتوصلك ايه بعدين صح تينا؟؟ تينا: اي صح أنا بوصلك كلشي ولا يهمك عُبادة: واذا صعب عليكي فهم أيا شي أنا موجود بشرحلك ايه قام من قدامها أول مانفتح الباب ودخل منو غسان قرب منها وحكالها وهو عم يزاور بعبادة غسان: اتصلت بأهلك حيجي ماجد أخوكي ياخدك ماوية:تمام شكرا استاذ عُبادة: وبدها تاخد اذن غياب لبكرا غسان بانزعاج : أمرك استاذ عُبادة وانت صار فيك ترجع لدرسك اذا اتطمنت على طالبتك مارد عليه بشي قرب من ماوي وحكالها بصوت هادي عُبادة : أنا حأرجع للدرس هلأ متل ما حكينا بتعملي اول ماترجعي عالبيت ومشان الدروس ايا شي بتحتاجي أنا موجود تمام ؟ ماوية: تمام عُبادة: بتطمن عليكي انا تبقى ماشي هزتلو براسها بمعنى أي بدون ماتحكي أي شي تاني ابتسملها بهدى وطلع من الغرفة ليكمل الدرس ...بقيت بغرفة غسان لحد ما اجا ماجد جابتلها أغراضها تينا ومشيت عالبيت بنهاية الدوام كان طالع من باب المدرسة متجاهل صوت وطن يلي عم يندهلو لوصل قباله وطن: الي ساعه بصحلك عُبادة: سمعان وطن: يازفت ليش ماوقفت لكن عُبادة: مشان هالإحترام الكريم وطن: مافهمت عُبادة: مابشوف منك ذرة احترام غير جوات المدرسة فبحب استلذ فيا وطن: الله يلعنك ويلعن الإحترام معك عُبادة: اي قلي شو بدك وطن: تروح عالقهوة اليوم؟ عُبادة: اي بروح ليه ايا ساعه وطن : عالساعة8 تمام عُبادة : اي تمام طير من خلقتي وطن: سلامات ياغليظ عُبادة: سلامات يا أغلظ طلع من المدرسة متوجه لبيتو ،كانت مجتاحه كل تفكيرو مو قادر يركز بأي شي ،بدو يطمن عليها بأي طريقة ماقدر يتحمل ليشوف وطن ويطمنو عليها عالساعة6المسا طلع متوجه ع بيت طارق دق الباب لتفتحله عليا عليا: اهلين عبادة عُبادة:كيفك علوش عليا:تمام تفضل عُبادة: تينا هون ؟ عليا: اي بغرفتها عُبادة : تمام بدي شوفها عليا: طيب تركها ودخل باتجاه غرفتها دق الباب وفات ،كانت قاعدة عم تقلب بِ تلفونها ،وقفت بإستغراب أول ماشافته تينا: عُبادة ؟ سكر الباب ودخل قعد عطرف التخت عُبادة: مسا الخير تينا: مسا النور خير شو في عُبادة: ولا شي جاية مسي عليكي تينا :اي مسا النور لكن عُبادة: حكيتي مع ماوية؟ تينا: اها اها هلأ عرفت سبب المسا عُبادة: بلا غلاظة بربك حكيتي تينا: لا لسا عُبادة: احكي وفتحي سبيكر تينا: تمام فتحت تلفونها وبدأت تدور عرقمها تبنا : محذوف بلغلط معي هو عندك شي؟ عُبادة: اي عندي تينا: فتحلي عليه فتح تلفونو وطالع رقمها وعطاها اياه تينا : ها ها لسا مسجل بحسنائي عُبادة: بلا غلاظة بربك نقليه من دون تردد كبست ع زر الاتصال ورجعتلو ايه عُبادة: ماشالله شو سريعه اتطلع فيها بصدمة وقت شاف انها رنتلا من تلفونو عُبادة: يا مجنونة شو عملتي تينا: هالأهتمام لازم تشوفه بلا هبل وتعملي فيا يلي عم يكابر رح اتركك تاخد راحتك ابن العم غمزته وطلعت من الغرفة عم تضحك أما هو عيونو مثبتة عرقمها اللي عم يرن ودقات قلبه بلشت تتسارع كانت متسطحة بتختها عم تابع مسلسلها لما دق الباب و دخل و هو حامل تليفونها اللي عم يرن ماجد:تفضلي ميمي خانم صرت عامل عندك اليوم هات و خود و عطيا ماوي:شو غلييظ مين عم يدق ماجد:مدري مكتوب يارا رجف قلبها اول ما نطق الاسم، بإيد عم ترجف اخدت التليفون منه ماجد:شو ما حتردي؟ ماوي بلبكة:مبلا مبلا ماجد:ها، احاديث بنات بدك ياني انصرف لتردي ماوي:فهمتا لحالك شكراً و سكر الباب وراك طلع و سكر الباب وراه، جلست لحالها بلبكة حست بأطرافها ترجف، و دقات قلبها مابقى تهدى، اخدت نفس لتهدي من حالها و فتحت الخط ماوي:الو حست بالنفس العميق يلي اخده اول ما سمع صوتها، بالرجفة اللي بصوته اول ما حكى كانت قادرة تحس بلبكته و لعثمته بالكلام، بلهفته و ضعفه امام صوتها و كأنو الزمن عاد شهور طويلة لورى و عادوا الحسناء و قيصرها... عُبادة:مرحبا ماوية، انا عُبادة ماوي:أهلين عُبادة، عرفتك يعني رقمك لسا عندي عُبادة:امممم كيفك، كيف صرتي ماوي:الحمد الله احسن عُبادة بلعثمة:انا ما، ما قدرت ما اطمن عليكي يعني بعد، بعد اليوم بالمدرسة انو كنتي تعبانة كتير، أسف اذا اتصالي أزعجك بس يعني ما تحملت انطر لشوف وطن و أسألو عنك، أسف يعني من جديد اذا زعجتك بإتصالي بس يعني، هففف فهمتي علي ماوي مو!؟ ابتسمت بهدا بعد ما سمعت كلماته ماوي:معقول انا ما افهمك، إتصالك ما ازعجني بنوب بالعكس شكراً لإهتمامك فيني الصبح و هلأ... عُبادة:عملتي متل ما وصيتك ماوي:اي أول ما وصلت أكلت شوربا و بعدها شربت زهورات و نمت و هلأ احسن بكتير صرت عُبادة:ألف الحمدالله، الله لا يضرني، آآ يضرنا، يضرنا فيكي ماوي:تسلم عُبادة:انا حسكر هلأ كرمال ترتاحي بس برجع بطمن عليكي و اذا، إذا احتجتي لأي شي اتذكري انو مهما صار انا حكون موجود متى ما احتجتيني تمام؟! ماوي:تمام عُبادة:تصبحي ع خير حسنائ..، ماوية تصبحي ع خير ماوية ماوي:تلاقي الخير عُبادة سكرت التليفون و رجعت تسطحت غمضت عيونها لتجي صورته براسها فوراً، صوت كلمة حسنائي اللي ما اكتملت عم تتكرر بإدنها، ارتفعت دقات قلبها بزيادة حست برعشة اجتاحت كيانها و دموع مكبوتة أطلقت العنان لنفسها حتى تتساقط على خدودها بغزارة فتحت تلفونها من جديد و اتجهت للواتس و دخلت ع المحادثات، لتظهر لها محادثته بإيدها اللي عم ترجف فتحتها، كان شايل البلوك عنها بدأت تقلب فيها و دموعها بتزداد، كبست ع بروفايله كان حاطط صورته هو و عُبادة ابن طارق من وسط دموعها ابتسمت لضحكته اللي بالصورة، بدأت تتحسسها بحسرة و وجع و هي بتحكي معها ماوي:ابقى بعيد بترجاك، ابقى بعيد عُبادة الله يخليك، والله قلبي ما بيتحمل ما صدقت قدرت سيطر على لخبطته، جنونه تجاهك، ضعفه تجاهك حيهدم كل مقاومته الي حاولت ابنيها و جهز نفسي الها، ضعفه تجاهك حيخلي ينسى كلشي صار، و يغفر لكل شي صار لو اتقربت، و انا مابدي، مابدي بالمرة لهيك خليك بعيد بترجاك ضمت التلفون الحامل صورته لصدرها بقوة لتبدأ تفرغ مشاعرها المكبوتة بالبكاء مع نفسها . . اتجه لشباك الغرفة و فتحه اول ما سكر المكالمة معها عم يحاول كان ياخد اكبر نسبة ممكنة من الهواء عسى تهديه هو و لخطبته العقل اللي رجع خطوة و القلب اللي عم يتقدم عشرة تجاهها كان عارف بينه و بين نفسه انو حيصير هيك اول ما ترجع حينهدم الغرور، الكبرياء ليبقى متجرد من كل ما بيملكه أمامها، ضعيف بقلب مشتاق، حانن ملهوف بقلب ما بيحمل جواته الا حُـب، حُـب كبير قاطعت شروده دقاتها ع الباب و من ثم دخولها و هي تضحك ع شكله الملخبط تينا:الله، الله ياعمي هالقد الحديث مع الحسناء بيلبك و بوتر عُبادة:ما دخلك طلعي من راسي، حركتك اللي عملتيها ما حأنسالك ياها ع فكرة تينا:انا عملت اللي شايفته صح عُبادة:الصح تزتيني بهيك موقف ما اعرف احكي كلمتين ع بعضهم تينا: لكن الصح كل واحد فيكم يقعد يكابر قبال التاني و من ورى ضهره ملهوف و مشتاق و بدو يسمع صوته ليرتاح عُبادة:مابعرف تينا لحظة بحس حالي رح روح شدها اغمرها بحضني قلا تعي نفتح صفحة جديدة تنيناتنا غلطنا بحق بعض كتير بس انا بحبك ما قدرت انساكي، ما قدرت اتخطاكي لساتك مستحوذة على ابسط و أصغر تفصيل فيي ، بدي ترجعيلي و ترجعي لقلبي لأنو مافيي ماعم اقدر بلاكي بدي ياكي، حياتي مابعرف ملخبطة مكركبة مو كاملة و ما بتكمل الا فيكي، بعدك عني ما زاد فيي الا جنون فيكي بس ماعم اقدر تينا، ماعم استوعب فكرة انو كلشي قدمته بهالعلاقة كان كذبة، و لعبة بترجع ، بترجع بتنسف كل شي بعقلي، و بجن جنوني بحس اني ماعم اقدر و لا اعرف سيطر على نفسي و على الجنون اللي بيطلع معي قربت منه بفضول بتسأله تينا:شو يعني، كل شي قدمته بهالعلاقة كان كذبة و لعبة اخد نفس عميق و هو بيقعد ع طرف التخت، مشط خصلات شعره المبعثرة بأصابعه و بضيق بدأ يسرد لها عُبادة:كان كل شي تمام بيني و بينها او هيك كنت ظانن، اجا اليوم كنا مجتمعين فيه ببيت وطن قبل عطلة الامتحان النهائي اذا بتتذكري تينا:اي صح و بيومها تركتنا و طلعت شافتك لأنو ماعد تقدروا تتقابلوا كرمال الإمتحانات هيك حكت بوقتها، حتى كانت عم تحكي انو في موضوع خطبة عُبادة:صحيح كنا عم نخطط لأجي اتقدملها بعد الإمتحانات و نخطب تينا:اي شو صار بينكم لما طلعتوا بهداك اليوم؟ عُبادة:بس بتوعديني يبقى الحكي بيناتنا تينا:وعد احكي بقا عُبادة:بيومها ما صار شي بيني و بينها، على العكس تماماً ضميتها بقوة بستها و ودعتها و نحنا عم نخطط لموضوع الخطبة بعد الإمتحانات، نزلتا قدام باب بيتها و نحنا عم نحلم بأيامنا الحلوة الجاية تينا:طيب و شو صار بعدين عُبادة:اول ما رجعت ع البيت شفت طالبة كانت معهم بالصف مقربة منهم كمان كانت عم تبكي و طلبت نحكي بإصرار كبير تينا:اي و مين هي الطالبة عُبادة:اسمها خلود، انتي ما لحقتيها تينا:اي كمل عُبادة:مشينا بإتجاه حديقة قريبة من البيت و أعدنا لنحكي بدأ يسرد لها بالتفصيل الكلام اللي حكته خلود للفويس اللي سمعه لحد ما وصل لخناقته مع وطن كرمالها بالمدرسة و اللي كانت هي النهاية يلي انهت كل شي بينهم وقفت قباله مصدومة عاجزة عن الكلام خصوصاً بعد ما رجع سمعها الفويس الي بعتتله ياه خلود و اللي كان محتفظ فيه لهي اللحظة تينا:كيف قادر لسا تحتفظ فيه عُبادة:مابعرف كل ما بحن برجع بسمعه حتى ما اتهور بس بلاقي حالي بعد ما اسمع ضحكتها، استهزائها بكلشي كان بينا بحُبي الها و بمشاعري تجاهها جانن اكتر من الأول و بدي روح كسر الدنيا فوق راسها لإهدا مسحت دموع نزلت من فيض توترها، خوفها، و وجعها من اللحظات البشعة اللي عاشوها بهديك الأيام قربت منه لصارت قبالها جثت على ركبتها و مسكت كفوف ايديه و اتطلعت بعيونه الي بدأت تحمر من الدموع الي تجمعت فيهم بعجز و توتر نطقت حروفها تينا:بس ماوي بتحبك صدقني بتحبك كتير ،عُبادة انت، انت ما شفت يوم غبت عن البيت وقت طويل و ما كنا عرفانين مكانك، بكيت كتير و خافت عليك كتير والله، بعدين يمكن صح انا ما كنت من بداية علاقتكم بس عُبادة كنت موجودة بعدين و حكتلي اديش بتحبك و شفت هالشي بعيونها والله عُبادة عُبادة بغصة:و الفويس تينا و الفويس و هي قالتلي بوجهي انو اي صوتها هاد تينا بلوم:طيب لي ما سمعتا بهداك اليوم عُبادة عُبادة:تينا اني اسمع ليه، انا كان عندي عقل لجمع فيه بيومها، تينا اول ما سمعت الفويس عقلي طار متخيلة خيبتي فيها، متخيلة شو كان و شو هلأ شعوري، وانا عم اسمعها عم تضحك و تستهزئ بحبي الها؟بعدين دخلك شو كان بدها تقلي مثلاً، بدها تقلي فكرتك تقعد تضحك على هالمزحة الخفيفة؟و لا انا اسفة ما كنت مفكرة حتحبني هالقد؟ او ما كنت مفكرة توصلك بهالوقت، شو كانت بدها تحكي تينا تينا:معك حق مافي شي ينحكى بعد هالفويس، بس صدقني عُبادة في حلقة ناقصة في شي مو مفهوم عُبادة عُبادة:مابعرف بس وجعي منها كتير كبير و المشكلة الأكبر حُبي الها اكبر بكتير من وجعي يمكن ما تصدقي تينا بس هالبنت سلبت مني قلبي بطريقة غريبة مابعرف كيف بس رغم كل شي انا ماقدرت اتخطاها و ماعم اقدر قد ما حاولت ما عم اقدر عند أصغر موقف بلاقي حالي نسيت كلشي و بدي ياها بس، صورها حاولت كتير شيلهم من غرفتي بس ما قدرت بتعرفي شو عملت آخر شي تينا:شو عُبادة: يوم الي قدمت امتحانها عندي تتذكري تينا:اي عُبادة:كانت لابسة شال وقت دخلت و لما طلعت انتبهت انو واقع منها قمت سرقتو و خبيتو و لما رجعت تسأل عنو قلتلا وقت فتي ما كان معك تينا:صح وقت طلعت ع الفرصة كانت عم تدور عليه عُبادة:هو معي ما قدرت ما اخده حسيت حالي بحاجة شي منها شي يهدي جنون شوقي الها يكنكن المشاعر اللي اجتاحتني اول ما لمحتها قامت ناحه وضمته وهي عم تبكي تينا: ياعمري انت أديه موجوع !! قامت ناحه وضمته وهي عم تبكي تينا: ياعمري انت أديه موجوع !! شد غمرتها وهو عم يحكيلا بتعب ووجع واضحين من صوتو عُبادة:كتير تينا كتير موجوع منها ومشتاق الها ..هي المرض وهي الدوا بذات الوقت هي الوجع وهي العلاج ..ليه هيك صار؟معقول كرمال لعبة عم تلعبها تأذيني هلأذية هي ...تصير وجع مرافق عمري كلو وفوق كل هاد ماعم اقدر ابعد عن هالوجع مافيني ابعد عنو لأنو البعد بمثابة الموت الي تينا : بعيد الشر عن قلبك يا روحي ..سلامة قلبك من كل هالوجع عُبادة: الله يسلمك توتة بعدت عنه وهي عم تمسح دموعها قعدت حد التخت وهي عم تحكيلو تينا: أنا لازم أحكي مع ماوية وأفهم منها عبادة: أوعك تينا أنتي وعدتيني تينا:طيب ليه؟ عُبادة : أنو ترجع تفتح الدفاتر القديمة يعني يرجع الوجع والعتاب واللوم من أول وجديد تينا: ما أنت وجعك هيك هيك ماتسكر عُبادة: سدقيني لو رجعنا تقابلنا بغير هيك وضع كنت رح أرجع أفتح الدفاتر ودغري وجهاً لوجه معها بس هلأ ما خرج تينا: ليه؟مافهمت شو المانع وشو الفرق هلأ ولا غير وضع عُبادة: الي وقفني هو رسوبها ..المجنونة ضيعت سنة كاملة بتعبا وتركت ومشيت ما بعرف شو صار معها ولا شو يلي خلاها تعمل هيك يمكن الموقف يلي غلطت فيه معها وعندها الحق أثر فيها هالقد وخلاها تتعب يمكن شافت نتيجة لعبتها كتير كبير وأثرت على نفسيتها ...هففف المهم يلي صار بوقتا صار وهية عدت منه ويمكن الوضع تسكر عندها وصفحة وقدرت تطويها و الحمد الله هي هلأ مركزة بدروسها وأمورها ماشية تمام خليها تعدي هالفصل على خير وتقدم الأمتحان وبعدها أنا حأكشف القصة تينا: وبدك تقدر تتحمل لسا؟ عُبادة: المهم هية تكون بخير ومرتاحة وتنجح بهي السنة وكلو عندي يهون تينا: بس هي مو بخير صدقني عُبادة: ليش شو صاير معها تينا: قلتلك من شوي أنو في حلقة ناقصة بالموضوع ولازم احكي معها لأنها نو بخير على بُعدك ...والله ماحكيناا بشي ولاتعمقنا شي مرة بخصوصك بس صدقني عُبادة عم شوف لهفة منها عليك خوفها عليك يوم اختفيت مابعرف بس في شي مو زابط مو مفهوم بالقصة عُبادة: متل شو؟ تينا: مابعرف بس أنا متأكدة في شي ناقص ..البنت يلي قلتلي وصلتلك الفويس شو أسمها؟ عُبادة: خلود تينا: أنا سمعانه هالأسم من قبل منهم عُبادة: قلتلك كانت رفيقتهن ومقربة نوعاٌ ما منهم بالأخص من رانيا تينا: أي تذكرت عُبادة: شو تينا: هنن عندهن كروب عالواتساب لهلأ موجود وحتى اسمو شلة روما عُبادة: شلة روما؟ تينا: قصة طويلة بتجمع حروف أسمائهم وهيك يعني المهم عُبادة: أي شو تينا: خلود كانت فيه قبل ما أنا فوت عليه بوقتا كان في مشكلة قبل ما فوت بشوي قبل مايدخلوني عليه يعني عُبادة: مشكلة شو؟ تينا: مابعرف ماسألت كنت جديدة بينهم بس كانت بينهم وبين خلود هيك فهمت من كلامهم بعدين أو بالأصح بين خلود وماوي كانت وماوي قلعتا من الكروب عُبادة: ممكن مشان نفس الموضوع يلي حكتلي فيه خلود انها ما كانت موافقة عاللعبه وتخانقو مشان هيك وقلعتا ماوي تينا: بربي أنك غبي عُبادة: ليش وليه ؟ تينا: لأنو هالحكي صار بالفترة يلي اجيت فيها عالشام ولو كلامك صحيح ليش ما تفضلت الست خلود حكتلك هالشي من وقتا؟ليش نطرت لنهاية السنة تقريباً وعند ما كنتو محددين انك رح تتقدملا بعد الأمتحانات عُبادة: مابعرف واذا متخانقين من وقتا شلون عرفت خلود ب سيرة الخطبة لكن؟ تينا: وهاد يلي لازم تعرفوا خلود في شي من وراها صدقني عُبادة: ننعرف كلشي بس بعد الأمتحانات ماوية مابدي تضيع السنة عليها لأي سبب كان ومو باقي للأمتحانات غير شهرين ونص أقل حتىعُبادة: سلام سلام تينا:ما رح تحكي معو ؟ عُبادة: بربي ساعات بحس أنو في عضلة مهمة بدماغك واقعة وقت خلقتي ،لأنو مستحيل تكوني طبيعية تينا: نننننن طلاع من راسي ومن غرفتي كمان الله معك عبادة: هههههه سلامات تركها بالغرفه وطلع ليصادف عليا قباله وحاملة صينية القهوة عليا:شو لوين عملت قهوة عُبادة: عندي طلعة والله يسلم ايديكي علوشة وين طارق والولاد؟ عليا: كتير ضايجين اخدهن عالحديقة من ساعة ولسا مارجعو لهلأ عُبادة: وعبادة الصغير معو كمان ؟ عليا:اي والله عُبادة:قليلو للغليظ يتركو تاني مرة بلبيت اليوم ماشفتو عليا: هههههه تمام عبادة: يلا سلام عليا: بأمان الله تركها ونزل باتجاه بيتو لبس أواعيه واتجه للقهوة مكان مو متواعدين وأول ما دخل من باب القهوة لمحهم ع طاولتهن المعتادة مشي باتجاهن عبادة: مسا الخير وطن:مسا النور عُبادة:وإنت ايهاب بيك ما ترد كان عم يحكي عالتلفون أشرله بإيده ليسكت ..قعد حد وطن وهو يسأله عُبادة: مع مين مضروب عم يحكي وطن: سماع لحالك بتعرف مابدي احرق المشهد عليك ركز قعدته عالطاولة وهو عم يتنصت لحديث إيهاب إيهاب: أي يعمري ولو وين بدي كون والله بالقهوة مع رفقاتي وغلاتك عندي شو مابتثقي فيني؟؟؟لا لا شو خونك ما خونك وحياة عمتي بدرية ما عم فكر الا فيكي ...قايم قاعد بالي عندك يا حياتي ..نعم؟؟؟كذاب أنا؟؟؟ له ليش !!! أنا قايلك أنو أبي وحيد ؟؟ ااه أي صح لا لا ماعم كذب أي وحيد عمتي بدرية هي عمتي المعنوية ..كيف يعني!! يعني لما أهلي عطوكي عمرهم هي اللي ربتني وتعبت علي هي كانت جارة بيت أهلي فبقلا عمتي اهدي اهدي ليش عم تعيطي !! شو كذبت يا روحي ها أنا قايلك أهلي باسبانيا وبس خلص البكالوريا حأطلع جيبهن مشان أجي اتقدملك !!! عنجد قلتلك هالحكي؟؟؟ لعما لمين قايل انهم ميتين لكن؟ لك ياسارة ياحياتي ليه عم تعيطي انا بدي فكر اكذب عليكي او خونك؟الله يسامحك بس ،نعم؟ انتي مو سارة؟؟ عم تضحكي علي يحرئ حريشك عهالنكتة معقول أنا خربط بأسمك ..عنجد انتي مو سارة؟ طيب فيحاء؟حميدة؟ افتكار طيب نوال؟مطيعة عبادة بهمس: خود عدلها اسماء بنات ابو حاتم كلهن وطن: بقي شريفة بس ما تكون هي عُبادة: هههه يمكن سماع سماع إيهاب: لك اهدي يا بنت حاج تسبي وتعيطي ،طيب قبل ماتحظريني بس قليلي شو اسمك ؟ بربك صار عندي فضول لك بس سمعي يا بنت نزل التلفون من ايدو واطلع فيهن بصدمة إيهاب:لعما كيف نسيت اسمها عبادة:من كترهم ماعاد مخك يجمع اسم الله ايهاب:والله معك حق شو بدي لحق للحق احفظ دروسي ولا أسماء البنات ولا شو ولا شو وطن: ياغبي مو مسجلها باسمها عالتلفون ؟ ايهاب: لا هي عم حكيا انستا وأول ما تعرفت عليها غيرت يوزر حسابها وسمتو أميرة حبيبي أصوات قهقهاتهن ملت القهوة من بين ضحكاته الي ما عم تهدى سأله عُبادة: وماتقلي قصدها أميرتك ؟ إيهاب: مع الأسف أي وطن:الله يخرب بيتك شو عامل بعقول هالبنات إيهاب بثقه:جاذبية وهيبة لتعرفو بس وطن: الله يلعن هيك جاذبية إيهاب:ننننن طلبلنا شاي طلوب عُبادة:أنا بدي قهوة إيهاب: والشدة كمان بس بدنا راكب رابع .....: أنا جاهز ياخينين التفتو كلهم لمصدر الصوت كان ماجد واقف قبالهم قرب منهم ليسلم عليهن ماجد:هيك من ورى ضهري جايين تلعبوا شدةة ، مسا الخير وطن بتوتر : ههه حقك علينا معلم آسفين صارت من دون ترتيب يعني قرب سلم عَ إيهاب ووطن واتجه ل عُبادة.. وطن بلبكة : عُبادة هاد ماجد رفيقنا وبكون أخوها لماوية الي كان مسافر مد إيده ليصافحه بذات التوتر الي ارتسم على وجه وطن وإيهاب بعد ماعرف مين هو عبادة : اهلا وسهلا وو الحمد الله عالسلامة ماجد:الله يسلمك وطن: وهاد عبادة بيك إستاذنا جوا المدرسة وصديقنا براتها لعيب شدة رائع ماجد:ياعيني استاذ فرفوش يعني؟ عُبادة: هيك بيقلولي ماجد: هههههه احلى استاذ انت ماشالله عُبادة: تسلم إيهاب: اي ماجد بيك تفضل راكب رابع ماجد:بأمرك زير النسا إيهاب: أيي ياعمي عقبال مانعقل ونخطب متل حضرة جنابك ...تعا قعود جنبي نتشارك سوا لقلك وطن: لالا عيني صهري بيقعد معي ونزت انت مع عبادة تخاتقو لتشبعو عبادة:يخرب بيتك كبيتني بهالسرعة؟بعدين مين صهر مين؟ وطن:محترف اكتر منك شو اعملك ايهاب:بالغش هدول أكبر غشاشين والله وطن: خراس صهري الي ،خطيب رانيا مستقبلاً يعني ماجد: قريباً قريباً بس تتيسر قصة هالمكتب الله ياخدو وطن:مالقيت ماجد: لا والله وطن:غريب والله الك من لما اجيت عم تفتل ماجد:أنا عم لاقي بس في مشاكل عطول الحمد الله عُبادة:مكتب شو؟ ماجد: أنا دارس هندسة معمارية طلعت عايطاليا شي سنة ونص إجااني مشروع شغل مع صديق وهنيك تعرفنا ع مهندس معماري فاتح شركة انشائات هنيك وبدو يفتح فرع تاني هون ونستلمو أنا و صديقي والكادر جاهز ..بقي المكتب بدي مكتب استأجرو 6شهور واذا استمر المشروع ع خير بدنا نشتريه عبادة:ماشالله حلو كتير بس وين المشكلة عندك؟ ماجد: يا كلو بدو يأجر يا بدو يبيع بفرد مرة الي20 يوم عم افتل ع مكاتب وكلو بنفس السيرة لقيت هيك شي بواحد بس بدك تحط مافتح ورزق شي مو طبيعي الأسعار ياشيخ تقول نهب السيرة عُبادة: ياسيدي ابن خالتي في عندو مكتب عقاري اكيد بتلاقي طلبك عندو بروح معك حتى بشفلك سعر مناسب انشالله ماجد بفرحة : عنجد؟؟ عبادة: أي والله ماجد: قوم نروح هلأ بربك عُبادة: بكون مسكر والله هو بسكر عال5 إيهاب: ماتواخذو بس مستعجل الرجال عبادة:حقوا ياعمي الله يتمملكن ع خير يارب ،محظوظ انت برانيا والله كانت حسنة هالشلة خطيتا رايحة عطول بجريرة مصايبهم ،منيح خلصت منهن إيهاب: تضرب منك الها ماجد:ما تحكي عليها مشان ماقملك إيهاب: عفواً نسيت وجودك أفندينا عُبادة:يعني أنتو مأجلين الخطبة لوقت ماتلاقي مكتب ماجد:اي والله عُبادة: ليه ماتخطبو قبل شو دخل المكتب يعني وطن: أوامر العيلة ماجد: يعني أبي رايح لعند أبوه للمحروس وحاكي فيها وموافق وكلو تمام ،باقي بس حفلة الخطبة شرط البابا حتى استقر وأمن حالي أي وعلقان لساتني بسيرة المكتب عُبادة:بكرى شو وطن: جمعة عُبادة: بكرى بعد الدوام بأذن الله باخدك عليه ماجد : كتير حلو شلون بدنا نلتقيوطن:انا بمر باخدك منروح لعنده تجي إيهاب إيهاب:لا بدي اخد أمي لعند خالتي والله وطن:يلا أريح إيهاب:الله معك ماجد:مابتخلصو نقار انتو الجوز متل الولاد الصغار إيهاب:ماعرفتك ياكبير، صحي كيف صارت ماوي رجف قلبه مجرد ما سمع ذكر اسمها بفضول، ضاع قلبه و عقله وجه نظره لماجد ناطره يجاوب على سؤال إيهاب ماجد:الحمد الله رجعت متل القرد إيهاب:هههه، يفضح عينك شو صار معها دقيتلا ماردت فصلتلي ماجد:وقت دقيت انت كانت اول نومتها، فصلتلك رموش قال بس فاقت قلا تحكيه و نسيت والله إيهاب:مو مشكلة، المهم ارتاحت هي ماجد:اي الحمد الله و هي شفت الكنبة يلي بغرفتها حاطتها تحت الشباك إيهاب:اي؟ ماجد:طلعت من الحمام بالليل، و اتسطحت عليها عم تقلب بالتلفزيون و ع اساس شوي و قايمة، راحت نامت بلا غطا و نسيت الشباك مفتوح كان و شفت الهوى مبارح كانت الليلة باردة إيهاب:اي صح ماجد:اي قام صار هيك معها إيهاب:يلا ارتاحت و ريحتنا من خلقتا اليوم و بكرى وطن:يخربيت لسانك ما اطوله عُبادة:عليها ألف عافية يارب ماجد:الله يعافيك يارب تسلم، و انت إيهاب افندي بربي لوصل هالحكي إيهاب:لا الله يستر عليك ما عبالي اعلق بلسانها ماجد:بتشوف إيهاب:فايقة و لا نايمة هلق؟ ماجد:لا فايقة تركتها عم تحكي وحدة اسمها يارا وطن:من هي يارا ماجد:مدري هيك كان الاسم وقت عطيتا التلفون بلكي معكم بالمدرسة وطن:مدري إبتسم بخفة و هو عم يحرك فنجان القهوة بين ايديه و ذكرياته رجعت لأجمل ايام معها فـــــــلاش بـــــــاك عُبادة : بعتيلي رقمك الواتس ماوي : ممممم ثواني ارسلت له ياه فوراً سيفه عنده فوراً وبعتلا عليه عُبادة : حسنائي ماوي : ياعيونها عُبادة : ريتهم يسلموا لقلبي ماوي : شو سميتني ؟ عُبادة : شو بتتوقعي ! ماوي : حسنائي عُبادة : صح وانتي ماوي : مستحيل تحزر ههههههه عُبادة : هاتي لنشوف ماوي : يارا 🤣 عُبادة : يارا !!!!!!!!! ماوي : اكيد ماحسميك غير باسم بنت مشان اهلي عُبادة : بهي معك حق بس مالقيتي الا يارا ماوي : غرامي هالاسم مابعرف ليه ومقررة في يومٍ ما اذا صار عندي بنوتة حسميا يارا عُبادة : خلص منسميا ولايهمك ماوي : ههههههههه _ بـــــــااااك __ صحي من ذكرياته السعيدة على صوت إيهاب إيهاب:عمي عُبادة وين وصلت عُبادة:ولا مكان، و لا مكان معك ماجد:الو ساعة بيندهلك و آخر شي معك ههه عُبادة:لا يعني شردت بشغلة و هيك إيهاب:ع كل حال قرب على وطن، قرب و اتطلعوا عليي عُبادة:ليه إيهاب:قرب خلصني قرب على وطن ليفتل ايهاب تلفونو و ياخد سيلفي الهم الأربعة وطن:لشو الصورة إيهاب:حنزلا ستوري انستا، مشان هديك الي نسيت اسمها تعرف اني ما كذبت بخصوص اني مع رفقاتي بالقهوة و تجي تعتذر مني و نتصالح عُبادة:قال يعني هي كتير مهمة بحياتك و ماعندك غيرها هي تسأل عنها وطن:اي و لأنو بس هالكذبة كاذبها عليها، لعما بقلبك ما انت اسمها ناسي ماجد:شو القصة عُبادة:طابسة فيه بنت و خطيتا من محبتها اله مغيرة اسمها ع الأنستا و مسميتو اميرة حبيبي و هو نسي اسمها من كترهم عندو ماجد:هههه الله يخرب مخك إيهاب:ننن أصلاً ما كتير سأل عنها بس لكذا هدف يعني عُبادة:هات افحمنا شوهني إيهاب:اول شي انا كل فترة و فترة بخبر كل شي بنات ع شغلة معينة، يعني متل اليوم مخبر القائمة كلها مع رفقاتي، و هالصورة دليل مساحة أمان لقدام يعني، تاني شي هلأ هي بعد ما تخانقنا بتروح بتغير اسم الحساب و بترجعوا بإسمها فبعرفوا، و بتبلش تنزل ستوريات جرحي و خاني، و مافي وفا و هالحكي اللي بلا طعمة يقوم انا شو بعمل يا صديقي وطن:شو ؟ إيهاب:بروح عتبان عليها انو كنت عم امزح معك ياعمري، تحدي بيني و بين الشباب و انتي صدقتي؟ لا و بهدلتيني كمان كيف أصلاً بتفكري انو ممكن أنسى اسمك وقت هالحكي باكل شوية حلاوة بعقلها بيمشي الحال ماجد:ماشالله عليك دماغ شغالة مش بتنام إيهاب:اي لكن عُبادة:لو تشغل هالذكاء هاد بالدراسة كنت من المنفوقين هلأ، بس اخدين عقلك كلو ماشالله إيهاب:شو اعمل ماعم لحق مضي وقت للدراسة والله عُبادة:الله ياخدك انت و مخك إيهاب:رجع لبس دور الأستاذ فتو الشدة فتوها عُبادة:اي بأمرك بدأوا بلعب الشدة و دور ورا التاني ما انتهت سهرتهم لحوالي الساعة وحدة ونص بعد ما اخدوا ماجد و عُبادة أرقام بعض و اتفقوا على اللقاء تاني يوم... . . صحيت على صوت أماني بتفيقها وهي حاملة شاهين بين إيديها أماني: صح النوم يا خمخومة ماوي: صباح الخير روحي أماني:صباح النور طبوشة قومي حاجتك نوم ماوي:أديه الساعة ؟ يـــــــــ͢ـོ͓ـــتبــــــــــــــོـ͓ـــ͢ــ؏ ➖➖➖➖➖➖➖➖➖ ❴📖❵↵*تنسيق مشرفين مجموعة: ❴📚❵↵*قصص وروايات عالمية📚🧡 ❴🧡❵↵*ننشر جميع انواع القصص والروايات العالمية حـب🧡. حـزن🧡. اكشن🧡. رعب🧡. ❴👑❵↵*أن كنت من عشاق ومدمني القصص مكانك عندنا🧡 ❴🧡❵↵*رابط المجموعة للاشتراك: https://whatsapp.com/channel/0029VadbWnd89inYkEVrpG0C `