الفصل 2
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم حسنائي الغامضة`*
الموسم الثاني
*❴🔢❵الـــبـــــــــــ❴2️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
قصص وروايات 📚📖:
حسنائي الغامضة
الجزء الثاني
ماوي : تضرب منك لوعودك عَ اساس خمس ايام لسا التاني ماكملناه اصلاً الحق مو عليك الحق عَ الحمارة الي بتصدق واحد نوري متل حكايتك
ماجد : لك وربي كنت نسياااااان لك اكلتي راسي من لما فتحتي عيونك الله يقصو للسانك
ماوي : لانو وحدة بتفتح عيونا الساعة خمسة الصبح يلا قومي نازلين عَ الشام مو هيك !!!
ماجد : لك نسيت بالصدفة اصلاً طلع قدامي لحتى اتذكرت
ماوي : تنزل بجورة وننسى نطالعك منها يارب
ماجد : وضريب ان شاء الله خلصتي لسا بدنا تلت ساعات لنوصل للمطار
ماوي : خلصت خلصت
ماجد : منيح
نزل شناتيه لقدام الباب وطلع نزل شناتيها كمان حطهم بسيارة رفيقو وطلع حدو
ماجد : يلا ركبي
ماوي : باي ايطاليا يلي ما اتهنيت فيكي باي
ماجد : محدا ضربك عَ ايدك وقلك لا تتهني طلعي خلصيني
طلعت بالسيارة من ورا لينطلقو للمطار .. حطت السماعات بأدنيها بعد ما شغلت اغنيتها لتشرد بافكارها وكركبتها كل الطريق ...
.
.
عم تروح وتجي بنفس المكان من أكتر من خمس دقايق بِ زحمة كل هالطلاب يلي بالباحة شخص واحد لافت نظرها، عم تطلع بخوف وتوتر خطواتها عم تقودها إلو بس كان في شي عم يمنعها
وكأنو المدة الطويلة يلي فرقت بينهن كانت كفيلة تصنع هاد الحاجز بعيونها
وبحركة مُتعمّدة هجم إيهاب عَ كتف وطن يلي كان عم يحاول يهدئ من روع فؤادو يلي على أثر وجودها المكركب دقاتو تلخبطت
وبِ ضربة خفيفة عَ كتفو ليقلو فيها
إيهاب : مو ناوي تتلحلح
وطن : عَ شو
إيهاب : برودك هاد بالوقت يلي هي النار شاعلة بقلبها وبدها منك كلمة
وطن : ترى هي المبعدة وأكيد مانها ممنونة إذا حاكيتها أو لأ
إيهاب : حد علمي هي بعدت عن الكل، بعدت عن عبادة يلي تقريباً ساكن معها بنفس المكان،. هي بعدت عن ضحكتها مانك شايف!
وطن : خايف تصدني
إيهاب : مُستحيل،. بعدين طالما تصالحت مع عُبادة والأمور حتصير شبه تمام ليش ما تحاكيها
وطن : مابعرف
إيهاب : روح روح عَ شوي حتاكل إيدك المكسورك بعيونها، روح طمن قلبها
وطن : طيب لنشوف آخرتها!
مشي ناحها ليرتبك فؤادها أثر خطواتو المحتومة تجاهها، تلخبطت وكأنو ما بيوم دار بينهن حديث، وقف ناحها ليقلها مُباشرة ودون مقدمات
وطن : ممكن نحكي شو
تينا : أكيد
وطن : طيب تعي نقعد هون
لحقتو ليقعدو بِ مقعد متطرف بعيد عن ضجة الطلاب ومُنعزل عن الزحمة
قعدو ليكسر الصمت قبل ما يبدى ويسألها عن حالها
وطن :كيفك تينا
تينا : تمام عايشة وأنت
وطن : منيح ومو منيح
سألتو بدون مقدمات، وبلهفة ماقدرت تخبيها
تينا : شبهاا إيدك وطن، كان بدي من الصبح أسألك بس ما صحّت الفرصة
جاوبها والعتاب عم يتسلّل من حروفو
وطن : ما صحّت الفرصة ولا انتي مابدك تسألي، انتي يلي كيفك! كيفك بهالغياب هاد
تينا : لا تجاوب عالسؤال بسؤال
وطن : ليش بعدتي ! ليش من هداك النهار المشؤوم وانتي غايبة، ضحكتك غايبة
ليش سافرتي وتركتي تينا تانية بدالك
ماكانت عم تجاوب، كانت شابكة إيديها ببعض بتوتر ملحوظ ناطرة يعفيها من أجوبة مانها مجهّزتها
وطن : اطلعي فيني تينا، ليش عم تطلعي بالأرض! جاوبيني
تينا : أنا مابعدت، أنا موجودة وطن
وطن : برأيك هيك كل شي طبيعي
تنيا : ما قدرت أتحمل منيح !! ماقدرت أتحمل شوفكن عم تتفتتو قدّامي وما أقدر رممكن، خفت أأذيكن بوجودي أكتر، خفت كتير من الفجوة يلي وقعت بينكن
وطن : بس!!!
تينا : مافي بس وطن، فجأة شفت حالي قدام فجوة كبيرة لاني قادرة واجهها ولاني قادرة سدها، كنت عاجزة تماماً وكأنو الألم نفسو يلي حسّىيتو لما ماتت أمي نفسو حسيتو لما نشلت حالي من بين الأشخاص يلي ماتهنيت بوجودهم يلي كان أحلى من كل شي حلو بحياتي
وطن : بتعرفي أنو ما ذنبك يلي صار انتي مادخلك بشي
تينا : كان كتير صعب عيش بنفس المكان مع الشخص يلي أذاكن، مع الشخص يلي ما كان يعطي أي أدنى مبرر يبرّد فيه قلبي وقلبكن
وطن : وأناا !! هنت عليكي تبعدي عني بالوقت يلي ماكان في أي أدنى مسافة تفصل بيننا
تينا : أنت بتعرف منيح إنو مكانتك ماممكن تتغير بقلبي، ولا ممكن أستهين فيها وأسمح لحدا يسحوذها، بتعرف أني أنا بالذات ماني ممنونة من هاد البعد يلي كلّفني موت أقل ما يُقال عن هاد الوجع أنو موت، فراق كل حدا بالشلّة كان موت بالنسبة إلي، لأنكن كل حياتي أنتو وبس قدرتو تنشلوني من وحدتي وحضنتوني بيناتكن
كرهت كلشي وبكل ثانية كنت عم ألعن العين يلي صابت سعادتنا
وطن : وهلأ
تينا : شو
وطن : بعد البُعد وبعد ما افترقنا لساتنا حياتك
تينا : ماعم تستوعب حجم الحُب الكبير بقلبي إلكن !
وطن : إلناتيناا : اي أنتو
كلاامها خلّا دقاتو مسموعة، أربكت فؤادو بطريقة حكيها يلي باللاشعور استثنى كل يلي قاصدتهن وأعتبرو بس إلو يمكن من فرط المشاعر يلي كدّسهن بغيابها
بِحركة لا إرادية باغتها بِ لمسة عَ أطراف أصابعها لَ يرتعش قلبها، لَ تلمع عيونها بحُب كبيرر، لتحس بالأمان وكأنها لاقت حالها من جديد، دمعة فرح كانت أشبه بِ لؤلؤة ضايعة بمُحيط الحُب يلي عُمقو ما إلو نهاية
حضن إصبعها الصغير بقوة وكأنو عم يعوض هاد الغياب،. وكأنو عم يحكيلها عن الفراغ يلي بقي فيو بغيابها، شدت عَ أصبعو لتطمن قلبو إنها موجودة، بدون إعترافات أو مسميات هي موجودة وبشدة.
قطع لحظتهن الأجمل رنة الجرس مُعلن إنتهاء الفرصة ليقومو من مكانهن بإبتسامة حُب بِ لهفة وكأنهم ما بيوم بعّدو ليتوجهو عَ صفهم
قاموا من مكانهم ليحاوط كتفها بإيدوا ويشدها لناحو شدت عَ إيده بِحُب وبسمة عابقة شفافها ، دخلوا للصف تركها لتقعد بمقعدها مقابله ، ماهي الا ثواني ولملم أغراضه حطهم بمقعدها وقعد جنبها ..
تينا : شو !!
وطن : شو ؟
تينا : ليه قعدت هون
وطن : انتقلت لحدّك اذا بتسمحي طبعاً
وغمزها بخفة لتزداد ابتسامتها عَ وجهها
تينا : اهلا وسهلا
وطن : فيكي والله
تينا : صحي ما قلتلي شبها ايدك !
وطن : ولاشي مشكلة بسيطة وانحلت عَ خير
تينا : مشكلة بسيطة وجبينك وايدك بهالحال !
مسك إيدها بإيده السليمة وبدأ يتحسسها بأصابعه وبحنية حكالها
وطن : وحياة عيونك بسيطة حتى ماعم يجعوني ابداً
تينا : سلامة قلبك
وطن : الله يسلمك توتة خانم
ماحسوا عليه الا طب فوق اكتافهم
ايهاب : شامم ريحة حُب تعجّ المكان
وطن : وانا شامم ريحة غلاظة عجّت هلأ
ايهاب : تينا الغليظة اشتقتلك
تينا : وانا كماان ياغليظ
فتحلا ايديه قربت منه ليضمها
ايهاب : مع انك كتير غليظة بس الك فقدة
وطن : اذا جينا نحط غلاظتك مقابل غلاظتها غالباً كفتك هي الي بترجح عفكرة
ايهاب : عطول قاصفلي جبهتي
تينا : شو اخبارك
وطن : متل ماهو تيتي تيتي متل مارحتي متل ماجيتي من بنت لبنت
تينا : ههههههههه
ايهاب : وفرطة تضربي منك للي ضامك قال اشتقتلك قال حلي عني
دفشها لترجع لمقعدها
تينا : ولعية كنت روحتني
ايهاب : لا تخافي عَ حالك متل القرد وانت ولاك مين شاف حبابو نسي صحابو ! لك يخربيتك بنفس النهار بعتني ورحت عدت عندها ؟
وطن : سد تمك وقعود اجا الاستاذ
.
.
كانت قاعدة بحضنه وعم يطبع قُبلاته على شعراتها بحُب وهي حاضنة شاهين بين ايديها وبتتحسس عليه ..
ابو ماجد : البيت بلاكي ماله طعمة يا زعرة
ماجد : بلاها مو بلايي يعني ؟
ابو ماجد : بلاكم انتو التنينابو ماجد : بلاكم انتو التنين
طلعت من المطبخ وهي عم تنقل الصحون عَ الطاولة
اماني : وانا شو بابا ؟
ابو ماجد : انتي بنت قلبي ومكانتك محدا بِعبيها ، بس انتي يا بابا عم تجي كل يومين تقضي نص النهار وبعدها تروحي لبيتك هي القردة عطول موجودة
ماجد : ورجع لغاني انا كمان من القائمة
ماوي : سكوت انت بعدين انا قردة بابا وهي بنت قلبك والله هاد مو عدل رجعنا للتفرقة الاخويّة وانتي اماني خانم طقي موتي من غيرتك
اماني : لا حبيبتي واحد مكانتي معروفة تنين كمان انتي مو مخلدة عنده إن كترت سنتين تلاتة بتكوني طرتي لعش الزوجية هي إذا مو قبل
ماوي : لا حبيبي انا ضد الزواج
اماني : خلص بابا منكبسها مخلل
ماوي : مامااااا تعي خدي بنتك
طلعت من المطبخ وهي عم تنقل الاكل للطاولة
ام ماجد : انتو بتضلوا متل الديك والجاجة ؟ من أول يوم رجعتوا للمشاكل !!!
ماوي : والله هي الي بلشت
اماني : ماعرفتك يا مسكينة قومي ساعدينا قومي
ماوي : انا راجعة من السفر جديد ماخرج
ماجد : جلطتني هنيك بقلة مروتها
ماوي : مو صحيح بابا ابنك عذبني كتير
ماجد : لعما شو كذابة
ابو ماجد : حاجة نقار قوموا نتغدا لتدخلوا عَ غرفكم ترتاحوا
ماوي : اي والله بدي ارتاح اول شي ميتة نعس وتاني شي ميتة تعب
ماجد : نص الطريق وهي نايمة
ماوي : ننننننن
ام ماجد : يلا عَ الاكل
ابو ماجد : بابا اماني وينو جوزك
اماني : والله بابا عليه ضغط شغل كتير
ابو ماجد : الله يقويه ويرزقه يارب
ماوي : طيب والبنات والله اشتقتلهم كتير
اماني : اول شي ستهم الها فترة بتقلي خليلي ياهم شي نهار فَ انا ضربت عصفورين بحجر واحد
ماجد : شو العصفور التاني !
اماني : كل مرة بجي فيها منقضيا مولوشين بالبنات مامنصحى عَ بعض حابة نسترجع ايام قبل ونقضي نهار بهنا وهيك هيك هنن عند ستهم وعمتهم هنيك بكونوا مبسوطين كتير
ام ماجد : ياتؤبريني
اماني : بعيد الشر عن قلبك مامي
ابو ماجد : ماوية
ماوي : اي بابا
ابو ماجد : بكرى الصبح رح تداومي
ماوي : لسا اليوم رجعت بكرى بدي داوم !!
ابو ماجد : ماوية البكالوريا السنة حتتاخد الله يرضى عليكي
ماوي : طيب باخدها بس لشو الدوام فوراً
ابو ماجد : حتى تعوضي الي راح عليكي
ماوي : مافي شي راح عليي صدقني معلومات السنة الماضية لساهم براسي حرف بحرف وانت شفت علاماتي كيف كانت لقبل الامتحان النهائي
ابو ماجد : منيح مشان تستعيديهم هيك اسرع
ماوي : شو يعني !
ابو ماجد : كل هالمدة عملت الي انتي بدك ياه وسكتت عن تأخيرك بس بكفي لهون بابا الله يرضى عليكي بكرى بتبدأي وانا هيك هيك حاكي مع المدير من اسبوع واليوم رجعت اتصلت عليه وأكدت ع موضوع دوامك وقال تمام بس عندك امتحان بسيط لانهم بدأوا بالفصل التاني
ماوي : طيب بابا تكرم
ابو ماجد : خليلي عيونها حبيبة ابوها
بمساعدة أمها واماني رتبت أواعيها بالخزانة بعد الغدا .. مع طلعتهم من الغرفة اتسطحت على تختها ماحست إلا بِ شاهين إجا لفوقها حملته وسطحته بحضنها وبدأت تتحسس عليه بِ حُب
حكت بنبرة هادئة حد الإنكسار
ماوي : اسفة يا عُمري طولت الغيبة بعرف
بس نفسيتي كانت كتير تعبانة اشتقلي ! وانا كتير اشتقتلك يا عُمري
برجفة مجتاحة شفافها ودموع غمرت عيونها لتعلن إستسلامها بِ حرب الشوق يلي كانت عم تخوضها بقيادة فؤادها العاشق..
ماوي : واشتقتلو شاهين اشتقتلو كتير قلبي واجعني عَ غيابو كتير... مابعرف شو صرلي أول ما خطيّت بالشام... وكأنو ريحتو أقسمت تستقبلني لتزيد قلبي وجع، لتذكرني بحُب أنا ماقدرت أنساه، تهوبط كياني من اول وجديد... ضعفت كتيرر وصرت حس بحضنو المُستحيل محاوطني أي اليوم تمنيت قربو.. قلي كيف بدي اتخطى هالشي قلي !! خايفة من بكرى كتير قولك حشوفه.. رح أقدر أتمالك أعصابي وأتطلع بعيونو يلي مافارقو مُخيلتي بيوم
بعرف عم تلومني، ولو تقدر لتبهدلني هلأ.. بس هاد الحكي مو قادرة أعترف فيه لنفسي عالأقل أنت سمعني
وكأنوا تعب من حديثها الممتلئ أوجاع، قام من حضنها ليركد عَ بيتو ويغفى فيه.. اطلعت فيه وحكت بِ تعب
ماوي : بحسدك ع حياتك الهادية بحسدك ع راحة القلب يلي عندك
التفت عَ جنبها لتحاول تغفى، وإنذارات الحنين بلّشت تأيقظ الألم داخلها لتاخد موبايلها وتبلّش تقلّب فيه
يمكن باللاّشعور ويمكن كل الشعور دفعها لتفوت عَ الأنستا وعَ صفحتو تحديداً
آخر شي كانت متوقعتو إنها تشوف رسالة غير مُباشرة عم تتوجه إلها، آخر شي كانت متوقعتو إنها تلاقيه عم يلوم قلبها وبالوقت نفسو يتشكرو على هاد البُعد
كان بث مُباشر، كانت عم تشوفو مُباشر عم تشوف حركاتو، رجفة إيديه عيونو يلي كاسيها التعب، صوتو يلي كانت البحّة مرافقتو، بكل حرف كان عم يلفظو كانت عم تخونو لتعبر عن شي واحد وهو فعلاً إنكسار عظيم
"
ممنونك أنا عالبعد ممنونك
عم عيش بهنا ياحبيبي من دونك
ممنونك انا عالبعد ممنونك
عم عيش بهنا يا حبيبي من دونك
هجرك ماضيعني
أنت اللي قلبك ضاع
ندمان شو يعني
مطرح ماكنت رجاع
هجرك ماضيعني
انت اللي قلبك ضاع
ندمان شو يعني
مطرح ماكنت رجاع
خانتها دموعها لتنزل للمرة المليون أو بالأصل ماكانت خيانة، كانت راحة وتفتيت للصخرة يلي ماكانت تنزل من على قلبها، وكأنها مأقسمة تبقى لتقسمو مليون شقفة
شعور بألف طعنة إجتاح فؤادها، وكأنو صرخات العالم كلها تجمعت بِ صدرها،. بس كانت صرخات مكتومة كان في شي صعب تصرخ فيه
كتير صعب يلي حاسّة فيه، كانت مظلومة وعاجزة قدّام أصابع الإتهام واللوم الكبير يلي عم يحطو عليها
بلّش نحيبها يعلى، كان بدها تحكي لأي حدا يسمعها، لأي حدا يحضن وجعها بهاللحظة، يبرّد قلبها
طلعت من البث بعد ما هو وقّفو، قرب وجهو كتير عالكاميرا، ارتعش قلبها وكأنو كان كتير قريب منها فعلاً بس سُرعان ما اختفت ملامحو سُرعان ما بقيت بالفراغ القاتل فعلاً
فاتت عالواتس بإيدين عم ترجف وعَ صفحة وطن دغري بلّشت تسجل فويس بدون مقدّمات
ماوي: عم يحط اللوم عليي، عم يوجع قلبي، مفكرني مرتاحة بهالفُراق، مفكر أني عنجد كنت عم ألعب عليه وطن مشان الله رح أنفجر، عم فكر كيف بدي كفّي بقية عُمري هيك مع هاد الألم،
ماعم أشفى ماعم أرتاح، مابدي بقا يظلمني أكتر مابدي هاد الكره الأسود يلي حاملو بقلبو إلي يبقى
هو ما سمعني هو ماسمع غير يلي بدو يسمعو وبس!
وجعي منوو كبير هو أذاني بالقصد بس أنا أذيتي إلو كانت بدون قصد كانت مُدبّرة من حدا كتير خبيث
سكتت ثواني لتهدئ من ضربات قلبها وكسرت صمتها بشهقاتها يلي ماكانت تخلص
بعرف أني ما ممكن هون عليه، وهاد يلي عم خاف منو لما عم أتذكر أبشع ذكرى تركلي ياها، وكأنو تركها ليقطع حبل الوصل فعلاً لما القدر يحاول يوصلو
بعتت الصوت ل وطن يلي كان شكلو عم يستناها وهو عارف منيح إنها كانت بالبث تبع عُبادة،
ماكان في ثواني قليلة بين الصوت يلي بعتتو وبين حذفها القطعي لهاد الصوت
حذفتو من عندها ومن عند وطن
ماوي : اوفففف شو عم خبص ياه
كتبتلو بسرعة ماوي : بلغلط
وهو عم يسمع شهقاتها بالصوت والكلام المكبوت داخلها من مدة طويلة، جاوبها لحتى ما يحرجها
وطن : ولا يهمك ياقلبي أنتي بس كوني منيحة
ماوي : منيحة انا
وطن : اول مايصرلك احكي معنا اشتقنالك كتير
ماوي : ان شاء الله تصبح على خير
وطن : تلاقي الخير ياعُمري
رمى التلفون من ايده واتسطح عَ التخت فتح ايديه بِ تعب ارفقه بتنهيدة طالعة من وسط قلبه مالبث بحركته ثواني جلس حاله وسند راسه ع حرف التخت مال للكومدينا اخد الصورة المحطوطة عليها وبدأ يتأملها و بكسرة عابقة وجهه عم يتحسس على ملامحها هي ذاتها الصورة الي اخدها سكرين وهي غفيانة ابتسم بوجع وهو عم يحاكيها ..
عُبادة : انا مو ممنونك عَ البُعد انا عم اكذب انا مو ممنون لغيابك بالمرّة انا موجوع منه انا مشتاق الك مشتاق لشوفك المح عيونك ضحكتك شعراتك وشم ريحتك لما اخدك بحضني .. انا مو ممنون للبُعد ولا للدنيا من بعدك ، خايف من اللقاء الي شكله قرّب كتير كيف فيي شوفك وابقى صامد قبالك ! كيف فيي جابه كل هالمشاعر الي بدها قُربك وبس قليلي ! ليه هيك عملتي فينا بتعرفي انو عقلي رح يفقع من التفكير معقول كلو كان كذبة منك ! معقول كلشي حسيتو منك وفيكي ومعك كان لعبة ! بتعرفي انو من بعد هداك اليوم ماشبعت النوم من صراعي مع قلبي الي عم يكذب كلشي سمعتو ويصدقك ويلومني عَ اني ما سمعتك ! متمني نام وفيق لاقي حالي معك باخر لقاء النا بتتذكريه ! كنا بالسيارة كنت قادر شمك وضمك وبوسك قادر خبيكي بقلبي بعيد عن الدنيا كلها ياريت كلشي صار كان كابوس واصحى منه بتعرفي لو رجع الزمن فيي كنت حأنزل من السيارة شوف خلود قبال بيتي بس امشي من جنبها وكأني مابعرفها وكمل ايامي معاكي كنت قبلان كمل بلعبتك من دون ما اعرف والله كنت قبلان بكلشي بس تبقي بين ايديي مستوعبة حجم حُبي الك انتي !! صدقيني لو بتعرفي بحق اديه بحبك ماكنتي لعبتي فيي هيك لعبة ، حسنائي بعد ماعرفت بسفرك اليوم من وطن مابعرف ليش تسلل لقلبي احساس غريب صرت خايف لسا اكتر بتعرفي مو قادران قلك ياها حتى وانا عم احكي مع صورتك الي تعودت فضفض معها من يوم ماغبتي ! مابعرف ليش هالاحساس وجعني كتير معقول تكوني سافرتي مشانه ! حاسس حالي ضايع وبدي شي واحد لاصحى من هالضياع بتعرفي شو هو ! هههههه اكتر حركة كانت مُحببة لقلبي لما ضمك وايدي تروح لبكلة شعرك فكها واغمر وجههي بشعراتك واخد نفس عميييق لحس اني رجعت للدنيا وهاد الي محتاجه انا هلأ .. اخد نفس بضيق وتعب وكمل
عُبادة : يلا ياحلوة طولت عليكي بالحكي اليوم رجعي لمكانك نامي حتى اغفى ونترافق بالمنام متل كل ليلة ، حسنائي بكرهك على قد ماقلبي بحبك
رجع صورتها لمكانها وارتمى بتخته من جديد ليبدأ بصراعه مع قلبه وينتهي بغفوته بعد وقت طويل
.
.
وبيوم جديد ومع انبثاق أشعة الشمس الخفيفة عَ غرفتها ، فتحت عيونها على صوت أمها الهادي وهي عم تصحيها ولمستها الدافية على شعراتها ..
بادلتها الابتسامة المرسومة على وجهها ..
ماوي : صباح الخير رموشة
ام ماجد : صباح النور ياحبيبة قلبي
ماوي : ياعيني شو هالغزل عَ الصبح
ضحكتلها بخفة وفتحتلها ايديها لتجي لحضنها .. جلست حالها وحضنتها بقوة ..
ماوي : اشتقتلك كتيييير ياعمري
ام ماجد : وانا كتير اشتقتلك ياصغيرة قلبي ، البيت فضي بلاكي
ماوي : وهي رجعتلك جهزيلي حبالك الصوتية عَ الصريخ من جديد
ام ماجد : هههههه جاهزين ولا يهمك
ماوي : فكرت حتقليلي معد في صريخ بعد اليوم
ام ماجد : المشكلة مابضمن ما تجننيني متل العادة لهيك يعني
ماوي : هههههه اديه الساعة !
ام ماجد : ستة
ماوي : شربتي قهوة ؟
ام ماجد : لا لسا اماني عم تغليها قومي نشربها سوا لتجهزي حالك للمدرسة معد في كتير وقت
ماوي : يلا قايمة
تركتها وطلعت من الغرفة .. قامت من تختها رابته واتجهت للشباك فتحته لتتهوى الغرفة .. ألقت نظرة على بيت شاهين كان مو موجود ، باستغراب طلعت باتجاه الصالون
ماوي : ماما وين شاهين ؟
ام ماجد : اتصاحب هو وابوكي بغيابك ، عَ صلاة الصبح بعد ماخلص وضوء سمعه عم بخبرش ع بابك فتحلو واخدو لعنده
ماوي : يا سلام
طلعت اماني من المطبخ وهي حاملة صينية القهوة حطتها عَ الطاولة
اماني : صباحو ميمي
ماوي : صباح النور روحي
اماني : يلا تعالوا القهوة جهزت
ام ماجد : يلا
ماجد : كأني شامم ريحة خيانة ؟؟؟؟
ام ماجد : صباح النور
ماجد : صباحو
الكل : صباحو
ماجد : شكلي صرت عَ الكب عاملين مؤتمر بلايي !
ام ماجد : لا تعال الك مكان بس ماسخيت فيقك والله
ماوي : هو ماسخيتي انا سخيتي !!!
ام ماجد : رجعنا غيورة خانم انتي عندك مدرسة هو ماعندو شي لهيك
ماجد : مبلا عندي
ام ماجد : خير من الصبح
دخل للمطبخ جاب فنجان قهوة صبتلو اماني وقعد يشرب معهم
ماجد : بدي روح شوف رانيا
ام ماجد : ايوا
اماني : ياعيني عَ الحُب ياعيني
اتطلعت فيهم باستغراب واضح
ماوي : بيعرفوا ؟
اماني : ييييي من زمان
ماوي : من ايمتا !
ام ماجد : انا من قبل ما رانيا ذاتها تعرف حكا معي وخبرني عنها
اماني : وانا بعد بكم يوم خبرتني لماما
ماوي : يعني عرفت بعدكم
اماني : ههههه اول شغلة منعرف فيها قبلك ، حتى بابا بيعرف وفاتح ابوها بالموضوع من فترة ووافق واتفقوا ليجي ماجد بيتقدملا رسمي
ماوي بصدمة : عنجد !!!! كل هاد رايح عليي ؟
ماجد : مع الاسف
ماوي : لعما لو متأخرة شوي كنتوا يمكن تزوجتوا وخلفتوا كمان وانا اخر من يعلم
ماجد : احتمال والله
اماني : صحي ماما ايمتا ناويين ولا عمهل ؟
ماجد بعجلة : لا لا شو عمهل
ماوي : ههههههه مستعجل الاخ تفضلي
ماجد : سكتي وليه احاديث كبار مالك فيا
ماوي : نننننن
ام ماجد : طيب طول بالك بس شوي لنشوف شغلك هون بعدا منروح ماحلوة هلأ لسا اذا سأل ابوها عن شغلك شو منقلو ؟
ماجد : امور شغلي خلال عشر ايام بتكون جاهزة ان شاء الله بس يجي رفيقي من روما هو كمان
اماني : شو دخل رفيقك ؟
ماجد : المهندس الي كنا عم نشتغل معه بروما انا ورفيقي كمان دارس هندسة المهم بدو يفتح مكتب هون ويسلمنا ياه فأول ما يجي ان شاء الله كلوا بيتزبط
ام ماجد : ان شاء الله يارب زبط شغلك ومنحكي بعدها بموضوع رانيا
ماجد : طيب
ام ماجد : يلا ماما انتي قومي جهزي حالك مابقي وقت كتير
ماوي : يلا ماما
بهدوء انسحبت باتجاه غرفتها ، فتحت الخزانة وطلّعت أواعي المدرسة رمتهم عَ التخت ووقفت تتأملهم .. التردد من الروحة مجتاحها ورجفة بسيطة بدأت تتسلل لقلبها ، اندق الباب دقات هادية
ماوي : تفضل
انفتح الباب ودخل منه ماجد ..
ماجد : بدي احكي معك كلمتين
ماوي : تفضل
سكر الباب ودخل قعد عَ حرف التخت مسكها من إيدها وقعدّها قباله ..
ماجد : كيف الهمة لاول يوم دوام !
ماوي : مابعرف خايفة مترددة كلو مع بعضو حاسة بشي غريب مخربطني خربطة
ماجد : خايفة تشوفيه !
ماوي : كتير
ماجد : بس هاد اللقاء محتوم ولا بد منه اول على اخر
ماوي : قلك شي !
ماجد : قولي
ماوي : شو بقول ياريت ما يصير واقدر امنع هاللقاء للأبد .. بس شوي تانية بحس في صوت جواتي عم يقلي مو صح انتي بدك تشوفيه
ماجد : لانو لسا في مشاعر تجاهو ماقدرتي تتخطيه
ماوي : قولك رح اتخطاه !
ماجد : لا
ماوي باستغراب : ليه ؟؟
ماجد : لانو انتي من جواتك مابدك تتخطي مابدك ياه يصير حدا عابر بحياتك بالمعنى الاوضح لسا بتحبي ومابدك هالحُب ينتهي
ماوي : شو الي خلاك تحس هيك !
ماجد : انتي عيونك نبرة صوتك رجفتك لبكتك والابتسامة الي مصرّة تنرسم عَ وجهك برغم من وجعك منه كل ما انجابت سيرته
نزلت وجهها بدأت تلعب بأصابعها بترتر وضياع من دون اي اجابة او رد لكلماته .. رفعلا راسها بطرف اصابعه اتطلع بعيونها وحكى ..
ماجد : ماوية هاد اللقاء لا مفر منه لهيك لا تهربي ولا تترددي على العكس اكسريه لانو هالشي محتوم عليكي محتوم ودايماً حطي شي واحد براسك انو دراستك اهم من الدنيا كلها وانتي رايحة اليوم مشان دراستك مو مشانه اطردي كل هالافكار والوساوس من راسك وركزي ع شي واحد والي هو مستقبلك وبس تمام !!
ماوي : تمام
ماجد : يلا الله يرضى عليكي قومي البسي وجهزي حالك وانتي حتكوني قد هاللقاء اكيد
ماوي : ان شاء الله ، رانيا بتعرف انو جينا ؟
ماجد : لا عاملا ياها مفاجأة
ماوي : ياعمري الرومنسي
ماجد : هههههه اي لكن لكن يلا طالع انا
ماوي : سلم عليها
ماجد : بيوصل
تركها وطلع من الغرفة .. حاولت تطرد كل الافكار من راسها لتبدأ تحضر حالها للدوام ..
دخلت من باب المدرسة وعيونها عم تدور عليهم .. لمحته قاعد على مقعدهم القديم عم يقلب بتلفونه اتجهت لعندهم فوراً ..
تينا : صباح الخير
التفت الها وعيونه لمعت بحُب مرافق لابتسامة انرسمت عَ شفافه اول ما لمحها ..
وطن : صباح النور ياحلوة
شلحت شنتتها وقعدت جنبه
تينا : ايهاب ما اجا لسا ؟
وطن : لا لسا
تينا : مممم
وطن : كيفك
تينا : تمام وانت ؟
وطن : مشتقلك
ابتسمتله بخجل واضح من احمرار خدودها .. مدّ ايده ليلامس اصابع ايدها ويضمهم بِحُب وهو عم يتحسسهم بدفا لتشد على ايده بحُبها المُتبادل ..
كانت بأبسط تفصيل منها قادرة تسلب مشاعره نحوها ليغرق فيها اكتر واكتر .. قطع لحظتهم نطته عَ المقعد القاعدين عليه
ايهاب : الله الله لمسة ايد وما لمست ايد من ورى ضهري يا أندال !!!!
بلبكة عم تداريها بكلامها سحبت ايدها من ايد وطن
تينا : شو غلييييييييظ
ايهاب : باعتبار اني قطعت هاللحظة الرومنسية اكيد رح تقولوا غليظ
تينا : رومنسية شو بلا هبل انا داخلة عَ الصف بشوفكم جوا
وطن : خديلي الشنتة معك
تينا : تمام
اخدت شنتته وتركتهم ودخلت لجوا بعجلة ، قرب وقعد جنب وطن
ايهاب : شو صرلا
وطن : فيي افهم غلاظتك من وين بتجيبها ؟
ايهاب : دييي انت وهي شو حكينا هي قلنا لمسة ايد ورومنسية
وطن : مابكفو !
ايهاب : اي شو مفكرة هي اني مابعرف يعني
وطن : ما صار شي لتفكر انك بتعرف اصلاً
ايهاب : ايدك بايدها وهالنظرات لبعض من مبارح وبتقلي ماصار شي روح ضحاك عَ غيري
وطن : والله جد ما صار شي
ايهاب : شلون يعني ما اعترفتلا !
وطن : لا ما اعترفتلا
ايهاب : ليش !!!
وطن : ليك لقلك شي انا مابدي استعجل بعلاقتنا واركد فيها ركد وبعدين اندم انا معجب فيها وكتيييير كمان بشتقلا وبستفقدلا وبضيع بلاها بحس الروح بترتدلي لما كون معها وانا بعرف كمان انو هي ناطرة هلأ هيك اعتراف مني بس انا بدي اعطي كلشي وقتو حتى مرحلة حُبي الها بدي اعطيا وقتا لما حس الكلمة رح تطلع بكامل إرادة مني اكيد حقلا ياها لنبدأ سوا متل ماعم اعمل ايا شي بيني وبينها هلأ بكامل إرادتي ونابع من وسط قلبي
ايهاب : وهي بتعرف بهالحكي هاد ؟ انو بدك تاخد وقتك لتحكي معها بموضوع الحُب
وطن : لا ابداً تارك كلشي لوقته
ايهاب : يعني انت هلأ مابتحبا !
وطن : لك لاااا مبلا بحبا
ايهاب : لكن شو
وطن : لما بدي احكي هي الكلمة بدي كون قدها فهمان علي !!! ماني متلك كل ماشفت بنت بقلا بحبك
ايهاب : ولي عليك ما اغلظك قوم عَ الصف قوم
وطن : هههههه قمت
سبقه ودخل للصف قبله ، كانت عم تطالع كتبها لتحطهم قبالها عَ المقعد ، دخل قعد حدّها وطالع كتبه هو كمان قرب منها وبهدا حكالها
وطن : ليه تدايقتي ؟
تينا : انا ! من شو
وطن : من ايهاب وكلامه يعني قمتي متدايقة
تينا : لا ابداً مو هيك
وطن : لكن شو
تينا : بصراحة مابعرف كلامه لبكني وانو هو عم يحكي هيك فما بالك الباقي يعني هلأ الطلاب بالمدرسة شو بدهم يكونوا عم يحكوا عننا !
وطن : اول شي ايهاب بتعرفي غلاظته حكى هيك من باب المزح مو اكتر
تينا : بعرف هالشي بس قصدي انو
ابتسملها بدفا وهو عم يتمايز ملامحها المرتبكة اللي مو قادرة تحكي او تعبر بشو عم تشعر داخلها ، ايده عرفت طريقها لايدها لتتشابك الاصابع ببعضها ويتحسسهم بدفا ، قرب منها اكتر وحكالها ..
وطن : تينا
تينا : نعم
وطن : شيلك من الطلاب شو بدهم يحكوا ولا شو بدهم يظنوا ، يظنوا الي بدهم ياه المهم انا وانتي تمام ! المهم انا وانتي شو عم نحس وشو عم نعيش المهم نعطي لكلشي حقو ووقتو بعيد عن كلام ايا مخلوق بهالدنيا ماشي توتة !
بادلتها الابتسامة بحُب بعد مافهمت شو قصده ..
تينا : ماشي
دخل عَ الصف قعد بمقعده ومال الهم ..
ايهاب : انتو ليش هيك صرتو غلاظ كتير ؟
جاوبته بعد ماسحبت ايدها من ايد وطن
تينا : سمعوا مين عم يحكي عَ الغلاظة
وطن : عشنا وشفنا ايهاب عم يحكي عَ الغلاظة
ايهاب : ولعية منك الها
تينا : خير شبك ؟
ايهاب : نقبر اجا قعد جنبك وتركتوني لحالي بالمقعد
وطن : هاد الي زاعجك ؟
ايهاب : طبعاً
تينا : غيور افندي
ايهاب : ننننن اجت سرقتلي رفيق عمري وجاية تطلع علي بالعالي
تينا : سرقتو !! لا حبيبي ليكو قدامك خدو مبارك عليك
وطن : يفضح عينك بعتيني فوراً ؟
ايهاب : لتعرف انو مالك غيري
تينا : لا شايفتو عم يتوحم عليك خفت تطلع بعين الصبي
وطن : ههههههههههه عجبتني هي
ايهاب : بايخة اصلاً مابتضحك
وطن : خلص ماوي كلها كم يوم وبتجي بتقعد جنبك
تينا : جاية ؟؟؟
ايهاب : ايمتا حكيت معها !! وليش ماعم ترد عليي الخانم ؟
وطن : ولا علي حكيتا مبارحة بالزور كلمتين وكتابة كمان بس ماجد خبرني
ايهاب : اها حلوو
تينا : وين الحلاوة ! حتولع الدنيا من جديد
وطن : مشان عُبادة مو !
تينا : اكيد بعد كل هالحُب الي كان بينهم شلون رح يتقابلوا متل الاغراب من جديد
وطن : مدري ، عفكرة تصالحت انا وياه
تينا : اها ايمتا
وطن : يوم صارت قصة ايدي التقينا وتصالحنا
تينا : ممممم
ايهاب : لسا مقاطعتي انتي ؟
تينا : اي
ايهاب : ليه طيب !
تينا : ممكن مانحكي بالسيرة حباب
ايهاب : طيب متل مابدك بس بالنهاية مهما صار هاد بيبقى متل اخوكي اكيد كلنا ضد الي عملو مع ماوية بس نحنا لحد هي اللحظة ما منعرف شو الي صار بينهم بالزبط لهيك مابصير تضلك مقاطعتي لحد هلأ
وطن : وانا معه بصراحة عُبادة متل اخوكي وكلنا بالنهاية منغلط لا انا ولا انتي معصومين وانا متأكد في شي كتير كبير عنده وعندها لسا ما منعرفوا نحنا
تينا : هففف مدري حاسة كلو فايت ببعضو
ايهاب : اجت الانسة
التفتو كل مين لمكانه لتبدأ الانسة بالدرس مباشرة ..
ما مرق من الوقت إلا القليل وكان فايت غسان وبإيدو أوراق
غسان : يسعدك صباحك انسة ولاء
الانسة ولاء : وصباحك إستاذ غسان
غسان : في طالبة جديدة، أو بالأحرى هي موجودة بس ما استلمت الدوام من أولو
الانسة ولاء : هلأ بالفصل التاني واله منيح مبلش ؟
غسان : صار شوية ظروف منعتها من الدوام ممكن تجي معي شوي بشرحلك الوضع احسن
الانسة ولاء : طيب
همس إيهاب بإذن وطن لينأزو : مين جايينا بالخير
وطن : علمي علمك
تينا :بلكي الله بدو يطلق نصيبك وبعتها لعندك شخصي
إيهاب : لا أنا عم قول بلكي يلي كانت معلقة ع وطن ودابقتو رجعت لتسترجعو وتكمل قصتهن
اطلعت بوطن بصدمة لا تقل عن صدمة وطن : مين هي
إيهاب : لك ايي احكيلا عالبنت يلي كرشت عليك وأنت ببيتها شبنا
وطن : يخرب بيتك، تينا بربي مافي هيك شي أبداً
تينا : ببيتا؟؟ ليش انت رحت عَ بيتا، اسم الله بس قدّامي كنت تبين المتحفظ والخجول
وطن : بحلفلك براس إيهاب أنو عم يكذب
تينا : تتتهنو أصلاً منيح رجعت هلأ لترجعو تكملو قصتكن
التفت وطن عَ إيهاب يلي كان حاطط راسو بين تينا ووطن ومستمتع بِ مناقرتهن
وضرب عَ رقبتو وحكى
وطن : قسماً بربي لشرشح يلي خلفك وامسح بكرامتك الأراضي طول بالك يخلص الدرس
أما هي فَ كانت ناطرة برّا بقلب عم يرجف عم تسنتى الإستاذ يندهلا لترجع لنفس المكان يلي أحيا قلبها وأماتو كمان، ملبكة وبذات الوقت مشتاقة لتشوف رفقاتها، وحابة من قلبها تنسى ألمها لتستمتع بِ ردة فعلهن عالمُفاجئة يلي عملتلن ياها
التفت غسان عَ جهة الباب وحكى وهو عم يطلع ع إيهاب ووطن
غسان : ماوي فوتي بنتي
إيهاب : قال ماوي هاد؟
وطن : معقول!!
يتبع
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`