الفصل 1
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم حسنائي الغامضة`*
الموسم الثاني
*❴🔢❵الـــبـــــــــــ❴1️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
قصص وروايات 📚📖:
حسنائي الغامضة
الموسم الثاني
الجزء الأول
بمكان بسيط مُطل على بُحيرة هادية كانت قاعدة على إحدى الطاولات الخشبية المعدودة ، مكسيّة باللون الأبيض وقبالها كوب قهوة ..
كانت مغمضة عيونها مبتسمة لنسمات الهوى يلي عم تنعش روحها ، بالإضافة لصوتو يلي كان عم يهدي مشاعرها الملخبطة ..
"
قولي احبك كي تزيد وسامتي
فبغير حبك لا اكون جميلا
قولي احبك كي تصير اصابعي
ذهبا وتصبح جبهتي قنديلا
الان قوليها.. الان قوليها ولا تترددي
بعض الهوى لا يقبل التاجيلا
سأغير التقويم لو احببتني
امحو فصولا او اضيف فصولا
وسينتهي العصر القديم على يدي
واقيم عاصمة النساء بديلا
قولي أحبك كي تزيد وسامتي
فبغير حبك لا أكون جميلا ".
قطع اللحظات عليها شي انحط على كتافها،فتحت عيونها والتفتت لتشوفو واقف عم يحطلها الشال ع كتافها ليداريها من النسمات الباردة ، ابتسمت بهدا وحكت
ماوي : ماجد !
ماجد: متل العادة تركتيني ونزلتي لحالك
ماوي : الي فترة عم حب أنزل أتمشى بكير وآخر شي مابلاقي حالي إلا هون
اكتفى بإبتسامة بسيطة وقعد عَ كرسي قبالها
ماوي :عندك شغل اليوم !
ماجد : لا أخدت اجازة اليوم كرمال أعمل سياحة ل ماوي خانوم ، بإيطاليا بلد الحُب
ماوي : ياعين شو هالدلال
ماجد : كان بدي دللك من البداية بس انتي ماجيتي الا بالفترة يلي ما كنت قادر حك راسي فيها من كتر الشغل
ماوي : ممممم
ماجد :هي خصصتلك اخر خمس ايام النا هون مشان السياحة،وان شاء الله بالصيف منرجع مخصوص مشان السياحة .
ماوي : مافينا نأجل السفرة لسا فترة ؟
ماجد : ليه بدنا نأجلا ؟
ماوي : مابعرف حاسة لازمني وقت اطول هون
ماجد : الفصل التاني من البكالوريا بدأ وانتي لحد هي اللحظة ماحضرتي ولا درس كيف بدك تقدمي الامتحان وتنجحي هالسنة ؟
ماوي : مو مهم بأجل هي السنة
ماجد : تروح منك سنة تانية مو مهم ماوية ! اديه لسا بدك تأجلي ؟ ماوية لازم هالسنة تاخدي البكالوريا
ماوي : طيب شو بصير اذا اخدتا السنة الجاية يعني !
ماجد : بصير انك عم تظلمي حالك ، اختي حطي عقلك براسك شوي وركزي معي يعني بدك تروحي سنتين عليكي كمان ؟ ببداية السنة قلتيلي اجلها للفصل التاني بتكون خلصت شغلت و مننزل سوا وهلأ لما خلص شغلي هون بدك تأجلي كمان لشو كل هاد عاملة بحالك فيي افهم !
ماوي : مو عاملة بحالي شي
ماجد : بتعرفي مين كان عم يحكي معي مبارحة ؟
ماوي : مين
ماجد : وطن وايهاب
ماوي : شو بدهم ؟ماجد : بدهم يتطمنوا عليكي لانو انتي ماعم تردي على حدا ، تخيلي ايهاب ووطن صار بدهم ياخدوا اخبارك مننا بعد ماكان العكس مو مننا بالاصح مني لانو انتي حتى اهلك عم ياخدوا اخبارك مني لانو نادراً ماتردي عليهم وان رديتي كلامك مختصر ، وحساباتك عَ مواقع التواصل كلها اتسكرت كمان .. فيني افهم ليه كل هاد واخر شي بتقليلي مو عاملة بحالي شي !
سندت راسها بخفة عَ الكرسي لورى شدت الشال عليها لتحمي حالها من نسمات الهوى الباردة .. اكتفت بالصمت بعد ما اشاحت بنظرها ناح البُحيرة ..
ماجد : من قبل امتحانات البكالوريا تبعك بأيام خبروني اماني وماما أنو فيكي شي بس كلنا فكرنا التعب النفسي الي بيرافق اي طالب بكالوريا بفترة التحضير للامتحان وفترة الامتحان ولما اجت الامتحانات قضيتيها بكي و ماقدرتي تقدمي ولا مادة لحتى طلعت نتيجة رسوبك اخر شي ، والتعب النفسي زاد اكتر واكتر بعد الرسوب و انهرتي اكتر ، جيتي لهون وكلنا متأملين نفسيتك تتحسن تغيري جو وترجعي متل قبل وتبدأي بهمة جديدة للسنة الي بعدها بس هالشي ماصار
ماوي : انا
ماجد بمقاطعة : اوعك ترجعي لموضوع نفسيتي تعبت اكتر بسبب الرسوب وكنت بانية احلام وكنت وكنت وكنت وكلو انهدّ لهيك متأثرة هالقد
ماوي بِ لبكة : بس هي هيك القصة
ماجد : كذابة ماوية كذابة لانو لو هالشي صح اول شي كنتي هلأ بنص الشام وبقلب المدرسة الي بدأ فصلها التاني من اسبوعين عم تدرسي لتعوضي السنة الي راحت عليكي مو قاعدة بِ روما جنب بحيرة الك شهور بتتأمليها مو عاملة ايّا شي تاني ، بعدين ليكهم وطن وايهاب الي شرواكي بالخير واحد انفصل اخر السنة ولو ما ابوه عملو ستين واسطة ماكان رجع يقدر يعيد هي السنة والتاني رسب وكمان عم بعيد السنة معه ماوقفت حياتهم متلك انتي ، لهيك لا تقنعيني انو انعزالك وكلشي عم بصير معك هلأ بسبب رسوبك
السكوت كان مجتاحها وهي بتسمع كلماته وبتفرك بإيديها بتوتر ولخبطة .. ماكان عندها ايّا رد وكأن الحروف اقسمت تتبعثر من امامها .. اتطلع فيها بقهر عَ حالها وكمل كلامه ..
ماجد : اختي الك حوالي ال 8 شهور هون ماعم تعملي ولاشي بحياتك ولاشي بالمرّة ، بتفيقي بكير بتنزلي تتمشي وبتوصلي لهون بتضلك مدري كم ألف ساعة قاعدة عَ نفس الطاولة بنفس الحال الي جيت لقيتك عليه من شوي ، بترجعي عَ البيت بتقعدي قدام هالتلفزيون شاردة حتى ماعم تتابعي شو بيطلع فيه ، مية مرّة جاية مغيرلك المحطة وانتي مو منتبهة حتى ، بتاكلي بتنامي وبتفيقي لتكرري نفس يومك من شهور عَ هالحالة شو القصة ! خوات رفقاتي عيونهم طلعت
وهنن يحاولوا معك كرمال تطلعي وتفوتي معهم تسجلي دورات تتعرفي ع الوضع هون ماقبلتي .. شوفي بالدنيا بيستاهل تعمل بحالك هيك هالشي كرماله فهميني ؟؟
ماوي : مافي شي صدقني اكتر مافيها حابة اقعد مع حالي مدّة طويلة بس .
ماجد : بتعرفي ! لو انك عم تقعدي مع حالك عنجد ماكنت زعلت بس انتي حتى من حالك عم تهربي ماوية ..
كان الضياع والشتات واضحين عَ وجهها الوجع والغصة مرافقين ملامحها .. اخدت نفس مرافق لتنهيدة قوية وهي عم تمسح عَ وجهها ..
قلبه متقطع عَ حالها كيف لا وهي اخته وبنت ورفيقته هي قطعة من روحه من لما اجت للدنيا كان شايف انو هو المسؤول عنها عن زعلها وفرحها ابتسامتها وضحكتها وكأنوا مزج ادوار الاب بالاخ بالصديق ليكون الها كلهم بوقت واحد .. مسك إيدها وهو عم يتطلع بعيونها حكالها …
ماجد : بتتذكري وقت كان يصير شي معي او معك ويكون الموضوع حساس شو كنا نقول !
ابتسمتله بخفة وهي عم تطلع فيه وجاوبته ..
ماوي : كنا نقول خلينا نشيل انو انا وانت اخوات ونبقى هلأ بس اصدقاء ونفضفض لبعض بكل صراحة ..
ماجد : ماوية انا شبه متأكد انو كلشي صار معك في من وراه شي واحد والي هو وجع الحُب في من وراه شب دخل لقلبك وهو سبب هالوجع ، بس يمكن ماكانت عندي الجرأة أو التحضّر الكافي لافتح مع اختي موضوع حُبها .. بس انا هلأ بدي قلك خلينا نشيل انو نحنا أخوة ونحكي كصديق وصديقة عن هاد الموضوع وبوعدك متل ماكنت ولليوم اتقبل ايا موضوع حأتقبل هاد الموضوع كمان ..
نظراتها أكدوله انو شكوه بمكانه .. شدّ ع إيدها ليطمنها وهو راسم البسمة عَ وجهه حكالها ..
ماجد : احكي ولا تترددي ياتؤبريني
بِ دموع خفيفة معانقة عيونها .. بِ رجفة ولبكة مجتاحين صوتها حكت ..
ماوي : هو استاذي بالمدرسة ..
اول مانطقت كلماتها القليلة نخزة صغيرة تربعت جوّا قلبها .. مسحت على وجهها بعد مادموعها انغمرت عَ خدودها اخدت نفس عميق وكملت والرجفة مجتاحة ملامح وجهها وصوتها وابتسامة ضئيلة مرافقة دموعها الي عم تتجمع بعيونها ..
ماوي : هو حدا كتير مهضوم ودايماً عامل مقالب بالاساتذة وهيك ، كان الموضوع عادي يعني بالبداية من ناحي وناحو بمرة حبيت امزح معه مزحة او بالاصح لعبة صغيرة هالشي طبعاً كانوا بيعرفوا فيه وطن ورانيا وايهاب ، عملت حساب عَ الانستا بِ اسم الحسناء الغامضة و بعتله رد عليي وحكينا باللعبة الي هي انو انا ماخبره عن انا مين بس كل فترة اعطيه اشارة عني ليكتشف مين انا عَ الواقع وافق وحطلي شرط انو محدا يخبر بهاللعبة ابداً .. وعدته انا بهالشي بس خبيت عليه بوقتا انو الشلة بيعرفوا وخلفت بوعدي لما كل مايصير شي روح سجل فيه فويس وابعته عَ الكروب .. مريت الايام ومابعرف كيف ولا شلون اتقربنا من بعض اكتر .. وهي اللعبة اتحولت لصداقة وسرعان ما بدأ الحُب يتغلغل فيها واعترفلي هو بحُبه وكنت ببادله نفس المشاعر بوقتا و بدأت قصة حُبنا من هنيك كانت ايام حلوة كتير رغم عصبيته غيرته الي بلا حدود عَ ابسط الاشياء كانت هالشي مُحبب الي .. شعور انو انسان يحبك بهي الطريقة ويعطيك بهي الطريقة مافي شي مُمكن يعوضه .. مرت ايامنا بحلوها ومرها مع بعض لقبل الامتحانات بايام قليلة .. كنّا بيومها عم نحكي عن موضوع الخطبة وانو حيجي يتقدملي بعد الخطبة وكان كلو ماشي تمام ..
غصت بشهقتها كتمتها وسكتت لتهدي من حالها .. كان حاله مكسور لكسر اخته الصغيرة وبنت قلبه بصعوبة استجمعت كلماته المعدودة ونطق ..
ماجد : شو صار بعدين ؟
رفعت أكتافها بمعنى مابعرف بعد ماعبقت الغصة بوجهها والدموع بدأت تنهمر على خدودها بحرقة..
ماوي : كان كلشي تمام فجأة تلفونه اتسكر معد يرد عَ مكالماتي رحت تاني يوم عَ المدرسة كان معصب بشكل لا يوصف قلعني من درسه .. مشيت لغرفته نطرته لاعرف شوفي لانصدم بشي خلاني شك انا بحالي ..
ماجد : شو هو ؟
ماوي : كان معصب تخانقنا وبدأت صرخ عليه لافهم شوفيه لانو كان مابده يحكي بالبداية بعد جدال طويل بينا وهو عم يحكيلي عن خيبته فيي ووجعه مني سمعني فويس .. ماجد كان فويس بصوتي اقسم بالله لوهلة شكيت اني انا حاكية هالحكي
ماجد: حكي شو
ماوي : شي اني كنت عم العب بمشاعره وكنت عاملته مسخرة قدام الشلة هو ومشاعره وشي انو هو بس يجي يخطبني حأرفضه وخجله قدام عيلته وهو بتنتهي اللعبة وتخبيص بشكل مو معقول لينختم بصوت رانيا وهي عم تسألني اذا كنت بحبو وانا جاوبتا لا عم اتسلى ، الكلام مفبرك والله ماجد ماحكيت هيك شي انا ، صح قبل كنت ابعت فويسات للشلة عم اضحك عليه بس بخصوص اللعبة وكيف جانن ليعرفني بعدين والله من وقت ما تطورت شوي علاقتنا معدت حكيت ابدا والحكي الي مسجل متاخد شي من حكيي ببداية اللعبة معمول ع انو انا بعد مابلش يحبني لساني عم العب عليه وشي كلام بصوتي بس متأكدة انا اني ماحكيت هيك شي بس مع هيك شكيت بحالي والله
ماجد : شو كانت ردت فعله هو ؟
ماوي : سألني اذا هاد صوتك او لا قلتله صوتي بس كان بدي كمله ماخلاني كمل صدق بكل بساطة صدق ! ماقبل يسمع مني ولا يفهم بلش يخبص بلحكي لعني ولعن حُبي اله خبص كتير بالحكي و..
ماجد : وو شو ليش سكتي !
ماوي : عمل شغلة موجعتني كتير فيي ما احكيها !
ماجد بشك : شغلة شو !!!
ماوي : لا يروح فكرك لبعيد شغلة عادية بس مابدي احكيها بتوجعني كتير
ماجد : وبعدين شو صار ؟
ماوي : دخل على عياطه وطن مابعرف كيف وشلون بس ماشفتن غير بلشو ضرب ببعض طلعت من الغرفة بعد ما انلمت المدرسة كلها عليهم وانفصل وطن بعد هديك القصة .. رجعت عَ البيت لقيته عاملي بلوك واتس اب كتبت رسالة ونزلتها ع حسابي ع الانستا تبع الحسناء الغامضة كان فاتح بوقتها متأكدة شافها نطرتو كتير ليحكي بس ماحكى بعدين لما رسبت سكرت كل حساباتي وجيت لهون معد عرفت شي لا عنه ولا عن غيره
رجعت دموعها تنهمر عَ خدودها بوجع فاق قدرتها على كتمه .. قام ناحها وضمها لصدرو بقوة لتعلن استسلامها لنحيبها وتتعالى شهقاتها بوسط استغراب كل مين حواليهم .. بقي حاضنها لحد ماهديت ، شربها مي ومسحلها دموعها ليرجع يقعد قبالها .. مسك ايدها ليهديها يحسسها بوجوده جنبها ويخفف من ألمها ..
ماجد : اختي الحلوة قلك ولا اختي الطايشة الي كل عمرها مابتخلص جنان انصحك هلأ ولا قوم نتفك ؟
ضحكت بخفة ع كلمته اتطلعت فيه وحكت
ماوي : نحنا متفقين نفضفض صديق وصديقة فما بحقلك
ضحك بخفة ورجع حاله لورى كتف ايديه وهو عم يتطلع فيها بنوع من الجدية حكالها ..
ماجد : انتي قلتيلي انو سألك اذا هاد صوتك وانتي جاوبتي انو اي صوتك
ماوي : صح بس ما خلاني كمل كلامي
ماجد : من الطبيعي ماوية ما يخليكي تكملي بعد ماسمع هالشي !
ماوي : وين الثقة ؟ وين الحُب !!
ماجد : الحُب موجود وهو الي خلاه يجن هالجنان هاد
ماوي : والثقة الي هي مفروض اساس كل علاقة !
ماجد : الحُب موجود وهو الي خلاه يجن هالجنان هاد
ماوي : والثقة الي هي مفروض اساس كل علاقة !
ماجد : لا ماوية وقفي هون مافيكي تجي تحكمي وين الثقة ولا فيكي تقولي ماوثق فيي لانو القصة بعيدة كُل البعد عن موضوع الشك
ماوي : كيف يعني !
ماجد : القصة مو انو شك فيكي او سمع قيل عن قال وحكم على اساس هالشي ، لا هو سمع فويس بصوتك الي انتي ذات نفسك شكيتي بحالك لما سمعتي ولما سألك ليتأكد انو هاد صوتك جاوبتي اي
ماوي : بس تركيب وفي حكي نقال قبل ما تتحول العلاقة لحُب
ماجد : واحد هو مابيعرف انو الشلّة الميمونة كانت بتعرف بالعلاقة من أولها لانو حضرتك كذبتي عليه تنين هو من وين بدو يخطرله انو تركيب !
ماوي : شو يعني هالحكي ؟
ماجد : يعني هو بقي عنده عقل ليفكر انو هالفويس تركيب ماوية ؟ او يخطرله هالشي من اساسه بعد ماقلتيلو انو صوتك
ماوي : ليش ماعم تفهمي علي ماخلاني كمل كلامي ماسمحلي اصلاً من قبل ما ادخل غرفته هو كان جانن خالص ومصدق هالشي
ماجد : لما انتي ذات نفسك لوهلة شكيتي انو تكوني عنجد حاكية هالحكي شو ناطرة منه ياروحي والي اكدله وزاد جنانه لما قلتيلو اي صوتي ..
ماوي بضياع : مابعرف مابعرف بعدين انت هلأ مع مين يعني معي ولا معه
ماجد : الموضوع مو موضوع انو انا معك او معه ، بس يمكن انتو البنات بشكل عام بتستهينو بمشاعر الشب لما يحب او لما ينجرح يمكن مابتصدقوا انو هي اوقات بتكون اكبر مشاعركم ذاتها يمكن لانو الرجل بشكل عام ماعنده هي القدرة عن التعبيير عن مشاعره متلكم والدراما التركية لاحسة مخّك لانو ردة الفعل الي انتي كنتي ناطرتيا بوقتها بتلاقيا بمسلسلاتهم بس اما ان جينا للواقع ونظرنا للأمر بواقعية فردة فعله كانت طبيعية جداً ، يعني استاذك هاد بالنهاية رجُل شرقي بفكر بشرقية بحتّة بالاخص مع البنت الي بحبها ، يعني انا لو كنت مكانه حأتصرف نفس التصرف ، والله يعني اجي اسمع البنت الي حبها قلبي وعشت احلا ايامي معها وكنت رح اخطي خطوة الارتباط فيها كل العمر عم تستهزئ فيي وبحُبي الها بمشاعري الضعيفة انا كل رجل بين ايديها وكاذبة علي وعيشتني بخدعة كل هالوقت وتجي تعترفلي انو هاد صوتها ايّا عقل هاد ممكن يتحملني من الطبيعي جنّ هالجنان وخبص هيك تخبيص واكتر يمكن ، صدقيني ماوية ماني عم بالغ بس بهيك لحظات عقل الرجل اضعف من انو يتحمل هيك صدمة او يوعى لاي جنون ممكن يرتكبه ، هلأ مابعرف شو التصرف الي عمله معك لوصلك لهون بس ماوية هو بنظره بهالوقت خذلان الدنيا متربع جوا صدره ويمكن يكون موجوع قد وجعك هلأ ويمكن اكتر ويمكن منعزل عن الدنيا ذات عزلتك هي .
ماوي : يعني انت هلأ عم تبررله كلشي وتحط اللوم عليي
ماجد: انتو التنين غلطتو بحق بعض انا صح عم وضحلك موقفه بس هاد يعني مو يعني انه مانو غلطان بس مو بالقدر الي انتي مكبرة غلطه يعني بغض النظر عن الموقف الي انتي رافضة تحكيه وطول ما انك رافضة ماني قادر احكم منيح بس بالقدر الي سمعته منك ، استاذك غلط بس غلطه مابدو كلشي انتي عاملتي بحالك وممكن يكون في طريق للرجعة من خلاله ، انا كل قصدي
اني وضحلك انو عقله بكون شبه هستيري بهي الاوقات الي انتي ناطرة ردة فعل تانية وتفهم منه ، لانو الي كنتي ناطرتي انتي منه ممكن تلاقي بالمسلسلات التافهة الي بتنعرض ، وانتي ماوية اول شغلة وقت وصفتيلي ياه قلتي عنه عصبي كتير وبالنسبة لرجل عصبي شرقي بحت هيك ردة فعل مع انها غلط بس بذات الوقت طبيعية ومابتحتاج كل هاد منك ، والي كان لازم ينعمل بدل هروبك لهون كل هي الشهور انك تحاولي توصليلو الحقيقة بطريقة ما ولا تنسي انو غلظك الاكبر لما بلشتي العلاقة بكذبة حتى لو كانت صغيرة شوفي نتائجها .
ماوي : يمكن كان فيي اعمل هيك وحاول وصله الحقيقة لو ما اتصرف هداك التصرف معي
ماجد : طول ما انتي رافضة تحكيه انا مابقدر قلك معك حق او لا بس الي بفهمو من كلامك انو مافي خط رجعة ..
ماوي بغصة : الي انكسر بيني وبينه كتييير كبيير واكبر من انه يتصلح
ماجد : برأيي لا تتسرعي بقرارك وتحطي حواجز ممكن مع الايام تنكسر
ماوي بضياع : مابعرف والله مابعرف
ماجد : شو مشان البكالوريا هلأ والنزلة عَ الشام
ماوي : اذا رجعت داومت رح ارجع قابله
ماجد : وبرأيك ما ممكن هالشي يكون فيه خير عسى ولعلى وقت تلتقوا تحن القلوب ويتصلح الوضع !
ماوي : مابقدر ارجع اوثق فيه مرة تانية ماجد
ماجد : بهالحال انتي ادرى بس مع هيك لازم ترجعي وتقدميا هو باقي بالمدرسة اديه رح تضلك تهربي منه وتضيعي سنين عَ حالك ، بعدين الك عندي هدية اذا نجحتي هالسنة لا تُقدر بثمن
ماوي : شو هي ؟
ماجد : حفل كاظم الساهر الي حينقام بالصيف
ماوي : شبو ؟
ماجد : حيكون الك مقعد هنيك
ماوي : مافهمت
ماجد : باختصار حأخدك تحضريه مهما كلفني
قامت من مكانها ووقفت بحماس الضحكة عبقت وجهها وعيونها غمرتهم الفرحة بحماس نطقت
ماوي : بربك عم تحكي عنجد !! حأحضر حفل القيصر !! امانة ماعم تمزح ؟؟؟
ماجد : وربي جد مو مزح بس بشرط اذا نجحتي
قربت منه بفرحة وحماس ضمته
ماوي : انت اعظم اخ بالدنيا عفكرة
بعد عنها شوي ورفعلها وجهها اتطلع بعيونها بفرحة مماثلة لفرحتها وحكى ..
ماجد : شايفة هي الضحكة الحلوة يلي الي شهور ماشفتا على وجهك !! بتسوى عندي الدنيا ومافيها ..
اثر كلماته نزلت دموعها غمرت وجهها بحضنه وشدت عليه ..
ماوي : الله لا يحرمني منك يانور عيوني
ماجد : ولا يحرمني منك ياروحي عندي مفاجأة تانية الك بعد الفطور
ماوي : شو هي ؟
ماجد : كاظم وين غنّى قولي أُحبك ؟
ماوي : هون بِ روما يعني
ماجد : وتحديداً على مُدرجات إسبانيا ونافورة تريفي صح !!
ماوي : ايي صح
ماجد : حأخدك عليهم اليوم
ماوي بفرحة : بربك !!!!!
ماجد : والله
رجعت ضمته بقوة وفرحة وهي عم تصرخ
ماوي : تؤبرني احلى اخ اخي ياناااااااس
ماجد : هسسس فضحتينا منيح مابيعرفوا عربي
ماوي : فرحانة كتير شو اعمللهم
ماجد : قعدي قعدي لروح اطلب فطور
ماوي : طيب
مشي ليطلب الفطور وهي رجعت لمكانها طلبه ورجع للطاولة ..
ماجد : يلا شوي وبينزل الطلب
ماوي : تمام
ماجد: يعني هلأ اتفقنا عَ النزلة عَ الشام بعد خمس ايام
ماوي : اتفقنا
ماجد : واتفقنا تطلعي من عزلتك واكتئابك وترجعي للعالم وتفتحي تلفونك وحساباتك بعد ماعليتي قلبي ؟
ماوي : اتفقنا بس متأكد اني عليتلك قلبك ؟
ماجد : شو قصدك ؟
ماوي : رانيا
اتشردق بشفة القهوة الي كان عم يشربها حط الفنجان من ايده واتطلع فيها ..
ماوي : صحة صحة
ماجد : وليه شو قصدك شبها البنت
ماوي : لعاب عَ غيري فكرك اذا ماحكيت بالسيرة فيعني مابعرف !!
ماجد : شو بتعرفي؟
ماوي : انك انت وهي من وقت ماجيت لهون عَ تواصل
ماجد : اي انو لتتطمن عليكي متل ايهاب ورطن يعني
ماوي : ماهنن ايهاب ووطن بتضلوا عم تحكوا للخمسة ستة الصبح مكالمات فيديو لتطمنهن عني ، وشو لازمك حبيبتي ومو مصدق ايمتا خلص شغلي هون وانزل كحل عيوني بشوفتك عن قرب وضمك لصدري وشم ريحتك ويقبرني هالوجه الحلو وحبيبي شو حابة جبلك معي من هون وانتبهي عَ حالك ياعمري شوفيني بمنامك ، مو هيك ماجد بيك بقي تقلا للبنت شو لابسة وانت عم تطمنها عليي
ماجد بدهشة : يابنت الي انتي بنتهن قاعدة تتسمعي عليي ؟؟
ماوي : ماكان يجيني نوم اطلع اسهر بالصالون وانت صوتك مسموع لهنيك بعدين مالي شهرين تلااتة حاسة عليكم
ماجد : مممم
ماوي : شو مممم!!! حكيلي السيرة
بدأ يحكيلها والبسمة غامرة وجهه ..
ماجد : من اول ما جيتي لهون وسكرتي تلفونك وحساباتك بدأت متل هدوك تتواصل معي لتطمن عليكي شوي شوي زاد كلامنا وسهراتنا لوصلنا نحكي مكالمات فيديو مع بعض مابعرف كيف بسرعة تعلقنا ببعض بس صارت جزء مهم بحياتي يومي مابيكمل بلا ما اسمع صوتها او شوفها بعزّ شغلي بتكون شاغلة تفكيري للاقي حالي تارك كلشي من ايدي وعم احكيها النا ست شهور معترفين لبعض وناوي اول ما ننزل ابعت امك دغري تخطبلي ياها
ماوي بفرحة : يؤبرني العشقان انااا بتستاهلو كل خير انت وهي تؤبرني
ماجد : بعيد الشر عن قلبك
ماوي : كتير فرحت لما عرفتكم مع بعض وكتير لايقين لبعض
ماجد : خليلي ياكي
ماوي : ايي وهلا وين الاكل جوعانة
ماجد : جوعانة ولا مستعجلة عَ روحة مكان ماغنى قيصرك؟
ماوي : بصراحة التانية
ماجد : هههههه مجنونة بربي يلا ليكه اجا
.
.
نزل من سيارته بسرعة اول ما لمح تلت شباب متجمعين حواليه عم يضربوه ركد اتجاههم ليبعدهم عنو
عُبادة : يا ولاد الكلب انت وهو تركوه
أول ما لمحوه ركدوا بسرعة وكل واحد فيهم دخل بزقاق مختلف ليختفوا بلمح البصر من امامه ..
بخوف ولهفة قرب منه ليتطمن عليه
عُبادة : صرلك شي ؟
جاوبه بتعب ووجع واضح
وطن : واحد مطبش بالأراضي قدامك بتسأله صرلك شي ! لا حبيبي انا ضد الصدمات
عُبادة : اذا بغيب عنك قد ما غبت برجع بلاقيك بنفس الزناخة
وطن : خدني عَ المشفى خدني قال غياب وانت كل يوم بخلقتي
سنده ومشاه باتجاه السيارة ركبه واتجهوا للمستشفى .
.
.
بعد ساعة ونص بنفس الكافيه الي كانوا يلتقوا فيها قاعدين قبال بعض ..
عُبادة : مين هدول !
وطن : مين
عُبادة : الشباب الي كسروك
وطن : لو سمخت لا تقول كسروك هنن اجوني غدر لو ماهيك كنت عرفت دبرهم
عُبادة : خيطولك جبينك اربع قطب وكسر بالمعصم وبتقلي ما كسروك المهم ليش اجوك غدر
وطن : واحد حيوان منن كان عم يتحرش ببنت بالطريق من يومين اكل الي فيه النصيب وقال انا بفرجيك ما اخدت وعطيت بكلامه ولا طلع عم يلاحقني واليوم جايب هدول ما شفتن الا طبوا عليي
عُبادة : حمش من يوم يومك
وطن : صح وانت مجرب كمان
ابتسم بخفة وشرب من كاسة الشاي الي كانت قباله عَ الطاولة وحكاله ..
عُبادة : انا اسف بسببي عم تعيد البكالوريا هي السنة
وطن : مو مشكلة هيك هيك كنت رح أرسب وعيدها مافتحت كتاب السنة الماضية
عُبادة : لهيك ايهاب عم بعيدها ؟
وطن : اي رسب
عُبادة : بس ما شاء الله شادين همتكم هالسنة العلامات والتقدم بالدراسة واضحين كتير
وطن : هو هيك قلنا منخلص هالسنة لننتقل لمغامرات الجامعة
عُبادة : ههههههه الله يقويكم
وطن : شو اخبارا تينا
عُبادة : ما انتو بنفس الصف وقبال بعض قاعدين مابتعرفوا اخبار بعض !
وطن : من بعد هداك اليوم طلعت من الكروب واجت الامتحانات ما قدرنا نلتقي ولا حكينا رنيتلا انا كم مرة و رانيا وايهاب وماردت عَ حدا فينا ، ولما بلشنا دراسة كفت حالها عننا وانا وايهاب بصراحة ماقربنا لما حسيناها بدا تضلا بعيدة لهيك عم اسألك عنها يمكن حاكيتلك ليه بعدت !
عُبادة : مدري استغربت يعني بتعرف وضع تينا مشاعرها يعني تجاهك استغربت انو من هداك اليوم متقاطعين
وطن : انا فكرت مشانك بعدت عننا
عُبادة : وانا فكرت ذات الشي
وطن : ما فهمت
عُبادة : يعني كمان انا من هداك اليوم مابتحكي معي برى المدرسة حتى عم تروح وتجي لحالا ومابتنزل لعنا الا اذا كنت انا برى البيت ففكرت كرمالكم قاطعتني ، يعني مابعرف عنها اكتر من الي بيحكوه طارق وعليا وماما
وطن : قطعت مع الطرفين يعني
عُبادة : هيك شكلو
وطن : مممممم
عُبادة : رانيا شو اخبارها صحي
وطن : رانيا منيحة كتير عم تدرس صيدلة
عُبادة : مممم الله يوفقها يارب
سكت لثواني وهو عم يدور كاسة الشاي بإيده بلبكة ملحوظة حكى
عُبادة : وانت
ابتسم بخفة كان عارف هاللفة والدورة لوين بدو يوصل فيها فتح تلفونه وبدأ يكبس فيه وهو عم يجاوبه
وطن : شبني
عُبادة : لساك شايل بقلبك عليي
وطن : لانك حاولت تغتصبها !
عُبادة : اوعك اوعك تقول هيك كلمة وطن
وطن : ليه مو صحيح ؟ لو ماشفت هالشي بعيوني كان قلت بس شفت
عُبادة : سماع وطن اللي عملته مهما كان هو غلط مية بالمية انا معك ، بس ما بسمحلك تسمي اغتصاب ، لانه انا ما ممكن فكر واحد بالمية اني ضرها بهالطريقه انا قربت منها بطريقه بشعه بس ما بعرف شو لجنون الي دفعني لاعمل هيك شي حسيت بوقتها متل انو بدي بينلها انو انا كمان قادر اجرحها متل ما جرحتني قادر وجعها متل ما وجعتني كان بدي فرجيا انو عواقب لعبتها انا قادر خليها تكون بنفس بشعه اللعبه اللي لعبتها علي بس هيك وطن بسس عم تفهم !
ما ممكن انو اجي انا فكر لو مجرد تفكير بالشس اللي انت عم تقوله لك هي قطعة من قلبي
وطن : بس مو هيك عُبادة حتى لو الموضوع متل ما عم تقول فهو غلط
عُبادة : وانا ما عم انكر هالشي غلط ، غلط كبير ندمان عليه من كل قلبي بس عم قلك ما كنت بعقلي ماكنت بوعيي حسيت حالي بهديك اللحظات انسان تاني ، وانا هلا بقلك مصدوم من حالي كيف تقربت منها هيك
اخد نفس عميق و مسح على وجهه ليكمل
عُبادة : حبيتا حبيتا بطريقة جنونية استحوذت على ابسط تفصيل بحياتي كانت النفس اللي انا بتنفس فيه ، حرقتني لما عرفت بلعبتها و حرقت حالي انا لما تقربت منها بهالطريقة ، انتهينا بطريقة بشعة و بتوجع كتير بسبب لعبه منها بغض النظر عن اخر تصرف عملته ندمان عليه من كل قلبي مو مشانها لانها طلعت بصوره تانية كنت مغشوش فيها ، ندمان مشان الحب لي حتى كان تمثيل
منها ندمان اني نهيت دقات قلبي بهيك طريقة بشعة
وطن : معلش افهم شو الي صار بينك وبينها !
عُبادة : ماحكتلك ؟
وطن : ولاشي
وطن : معلش افهم شو الي صار بينك وبينها !
عُبادة : ماحكتلك ؟
وطن : ولاشي
عُبادة : طبيعي اصلا ما تحكي ، بتستحق تتوجع الوجع الي انا نوجعته ولسا عم انوجعه بسببها الندبة الي عملتا بقلبي كتير كبيرة وطن كتير
وطن : فهمني شو الي صار طيب !
عُبادة : مابدي كمل حكي بشي بخصها ابداً
وطن : متل مابدك
بقي ساكت لثواني مكتفي بتحريك كاسة الشاي بإيده ، رغبة كبيرة مجتاحة كيانه ليسمع أيّا خبر عنها لهفة قلبه كان عاجز عن كبتها ، بتردد ولهفة هاربين من بين شفافه نطق .
عُبادة : كيفها ؟
صدى ضحكته تعالى بأرجاء القهوة ، اتطلع فيه بعصبية وحكى
عُبادة : ليه مقبور عم تضحك !!
وطن : مو عَ أساس مابدي احكي بشي بخصها أبداً ؟
عُبادة بتوتر : ب بدي
نفخ بعصبية ومسح عَ وجهه
عُبادة : بدي طمن قلبي عليها عندك مانع وطن افندي ؟
وطن : مممم بدك تطمن قلبك مو تتطمن انت يعني
عُبادة : لا انا مابهمني
وطن : مممم
عُبادة : اي احكي
وطن : شو احكي ؟
عُبادة : عم قلك بدي طمن قلبي عليها
وطن : طمنو طمنو
عُبادة : ولعية احكي
وطن : بروما هي عند ماجد
عُبادة : مانها بالجامعة ؟؟
وطن : لا رسبت
عُبادة : عم تمزح هي كمان !!
وطن : لا والله
عُبادة : لك كيف !! علاماتها بالفصل الاول كانت ممتازة ولقبل الامتحانات ماشي معها خطوة خطوة وامورها رائعة
وطن : مابعرف راحت قدمت اول مادة ماقدرت تكتب شي وقضتها هيك لحتى طلعت نتيجة رسوبها
عُبادة : هالبنت مجنونة والله لك شلون بتجي لفترة الامتحانات وبتخبص الدنيا
وطن : ابصر
عُبادة : وشو عم تعمل بِ روما !
وطن : راحت عَ اساس بس بالصيف على بنا ترجع اول المدرسة تعيد السنة ولما بلشت السنة ما اجت قعدت تأجل فيا لوصلت للعطلة الانتصافية وصارت العطلة وما اجت وبلش الفصل التاني ولهلا عم تأجل اخر موعد عطتو مدري اذا بتصدق فيه
عُبادة : ايمتا هو ؟
وطن : عَ اساس بعد خمس ايام
عُبادة : ممممم
وطن : اشتقتلا ؟
عُبادة : وطننن
وطن : سؤال ورد غطاه جاوب ياعمي شو خسران
عُبادة : لا ما اشتقت
وطن : كذاب
عُبادة : احترم حالك ولاك انا استاذك
وطن : برى المدرسة نحنا شايلين استاذ وطالب
عُبادة : روح من وجهي انا قايم
وطن : تهرّب لقلك تهرّب
عُبادة : اول ما تجي بتعطيني خبر رقمي نفسو ماغيرتو
وطن : ههههههه طيب
اول ما طلع عُبادة من القهوة مسك تلفونه فتح وعطا إيقاف تسجيل ، ضحكة بخُبث وهو عم يحط التلفون بجيبته ويحاسب
وطن : رح تلزمني اكيد
عُبادة : مانها بالجامعة ؟؟
وطن : لا رسبت
عُبادة : عم تمزح هي كمان !!
وطن : لا والله
عُبادة : لك كيف !! علاماتها بالفصل الاول كانت ممتازة ولقبل الامتحانات ماشي معها وامورها رائعة
وطن : مابعرف راحت قدمت اول مادة ماقدرت تكتب شي وقضتها هيك لحتى طلعت نتيجة رسوبها
عُبادة : هالبنت مجنونة والله لك شلون بتجي لفترة الامتحانات وبتخبص الدنيا
وطن : ابصر
عُبادة : وشو عم تعمل بِ روما !
وطن : راحت عَ اساس بس بالصيف على بنا ترجع اول المدرسة تعيد السنة ولما بلشت السنة ما اجت قعدت تأجل فيا لوصلت للعطلة الانتصافية وصارت العطلة وما اجت وبلش الفصل التاني ولهلا عم تأجل اخر موعد عطتو مدري اذا بتصدق فيه
عُبادة : ايمتا هو ؟
وطن : عَ اساس بعد خمس ايام
عُبادة : ممممم
وطن : اشتقتلا ؟
عُبادة : وطننن
وطن : سؤال ورد غطاه جاوب ياعمي شو خسران
عُبادة : لا ما اشتقت
وطن : كذاب
عُبادة : احترم حالك ولاك انا استاذك
وطن : برى المدرسة نحنا شايلين استاذ وطالب
عُبادة : روح من وجهي انا قايم
وطن : تهرّب لقلك تهرّب
عُبادة : اول ما تجي بتعطيني خبر رقمي نفسو ماغيرتو
#حسنائي_الغامضة
#بقلمي_ميسا
وطن : ههههههه طيب
اول ما طلع عُبادة من القهوة مسك تلفونه فتح وعطا إيقاف تسجيل ، ضحكة بخُبث وهو عم يحط التلفون بجيبته ويحاسب
وطن : رح تلزمني اكيد
.
.
مع خيوط صباح يوم جديد فتحت عيونها من النوم على صريخه وبرعبة قامت من مكانها
ماجد : ماوييييي ماويةةةة قوميي بسرعة قومي
ماوي : بسم الله عليك شوفيه !!!!
ماجد : بسرعة بسرعة ضبي اغراضك بدننا ننزل عَ الشام اليوم
ماوي بخوف : حدا من اهلي صرله شي ؟؟
ماجد : لا لا
ماوي : لكن !!
ماجد : جواز السفر تبعي بيخلص تاريخو اليوم واذا ماوصلنا المطار وختمنا الجوازات قبل الساعة 12 اكلنا هوا وراحت السفرة شي نص شهر
اتنهدت براحة وقعدت عَ طرف التخت
ماوي : الله ياخدك فكرت حدا صرلو شي خلص منمدد قعدتنا نص شهر لبين ما تبعته تجدده
ماجد : لك قومييي ابوكي ماقبل قال بتضبوا اغراضكم وبتنزلوا فوراً
ماوي : هففف ماني قلو ماوية مابدها
ماجد : حسبت هيك حساب وقلتلو من حالي
ماوي : شو قال ؟
ماجد : نزل بالي خلفك وخلفني يعني بحاله وقال بتشحطا بمطار روما شحط وبتنزلها
ماوي : هفف ابوك صاير عنيف مابيعرف بحرية الانسان بهالبلد
ماجد : حرية انسان قلتيلي قومي نقبري قومي ساعة وجاية براء يوصلنا للمطار
ماوي : هففف ولو يلا
قامت بسرعة تضب اغراضها وطبع لغرفته يكمل ضب وماهي الا ساعة ونص كانت عم تشحط شناتيها بصعوبة من الغرفة وهي عم تعدّ عليه
يتبع
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`