الفصل 15
22]~
دخلت مع ساره بس كانت تبين الابتسامه عليها من غير نفس لان ما تصالح هي ورائد الا ويجي و يخرب كل شي بنفسه لكن هالمره بتخليه يتادب ع الي سواه مو كل مره تسامحه >> بتقدر ؟؟
المهم رائد لام نفسه ع الي سواه و اتصل على فهد وقال انهم ع البحر وراحلهم وقعد معاهم بس جسد وتفكيره مع مي ..
طلعوا مي وساره من الحفله الساعه12 غيروا فيها جو لان استانسوا مع رفيجات ساره وما كانوا واجد وصلوا بيت ساره نزلت مي واخذت اغراضها و ردت تحت تنطر ابوها ياخذها دخل رائد البيت و مي ما كانت لحالها عشان جذي ما قدر يبرر موقفه بس دخل سلم و كانت نظراته تكفل انه غلطان ويتاسف ومتحسف بعد طلعت مي عقب ما اتصل عليها ابوها وصلت البيت و صعدت وبدلت ملابسها ونزلت عشان تكلم رهف و طلعت بالحديقه عشان تاخذ راحتها بالكلام واتصلت على رهف الي كانت تنطرها
مي : قوه رهف
رهف : هلا مي رائد صح
مي هني حست بضيق بتبجي وبصوت مخنوق قالت : ليش السعاده ماتكمل معاي ؟
رهف : ميوو حبيبتي تعوذي من الشيطان قوليلي الي صار بكل هدوء
مي قعدت تقولها الي صار
رهف حبت تغير جو مي وتدري انه حركت رائد غلط : ميووو يغاار عليج عادي
مي : رهف ضايقني بحركته
رهف : امممم والمسن
مي : يصير خير بدخل عن حلفي بس وتشوفين
رهف : مي خلي العناد عنج ترى بيسافر وبتحسفين انج ما سمعتيه
مي : خلي يحس شوي مو يسوي الغلط وغصبن علي اسامحه
رهف : الله يعيين
مي : رهووف تبين شي احس رااسي يعوورني بناام
رهف : سلامتج تصبحين على الف خير
مي : وانتي من اهله
وراحت نامت .......وهم رهف نامت .........
بس رائد " استغفر الله اففف شالحل انا ليش سويت جذي صج مطفوق مو لهالدرجه عاد احس اني اهنتها لمن اتصلت بالتلفون رحمتك يااارب"
فهد " ليش افكر فيها صورتها ما مسحت من بالي من ذاك اليوم بس هههههه مي صغيره علي بس احس اني تعلقت فيها عادي الصغير مرده يكبر وياكثر الي اخذوا اكبر منهم فرق بيني وبينها اممم 6 سنين خخخخ واحسب بعد وربي دخلت مزاجي بس وقت لمن تخلص الثانويه الله يعين"
..................................................
الدنيا تحتاج منا الصبر لممارسة حياتنا واكمال مسيرة العيش بهدوء في الحياه المليئه بالعواصف كلمت عواصف يظنها البعض صغيره بمعناها على الحياه لكن انا اعتبرها كبيره لان الانسان مجرد ولادته فهوا عاصفه بحد ذاتها
( يـــــــــــوم الجـــــــــــمعه) الساعه 6 المغرب
رائد كان طالع يشتري ملابس للسفره لان بيسافر يوم الثلاثاء الفجر الساعه 5
ومر على عبير لانه متضايق وقالها السالفه وعبير قالتله انه ماله حق يتعبث بتيليفونها
رائد : عبير حطي نفسج مكاني شبتسوين
عبير : بس الي سويته غلط صح
رائد : آآه
عبير : رائد
رائد : اممم
عبير : ودي اسافر معاااك
رائد : ههههههههه من صجج
عبير : لو مو الجامعه جان رحت
رائد : كملي معاي
عبير : صعبه بعدين انا ارتحت من وضعي هني
رائد : انا اصلا بروح اسجل بالجامعه واشوف المكان الي بقعد فيه والسنه الجايه ابدى الدرااسه
عبير : شبتقدم عليه
رائد : هندسه ديكوور
عبير : وااو حلووو
رائد : بغيت تصميم ملابس خخخ بس ابوي عيا هههههههه
عبير : خلك على الديكور ارحم هههههههههههههه
رائد : يلا بمشي تبين شي
عبير : تو الناس ما استانست معااك
رائد : شوفي ساعتج الساعه 10 والصراحه عندي موعد 11 خخخ
عبير : ههههه زين نام هني ولابتوبي حلالك اليوم
رائد : المره الجايه
عبير راحت ضمت رائد : بشتاااقققلك وقعد تبجي
رائد : عبيرررررر تو الناس سفرتي الثلاثاء ولا تبين الفكه
عبير : ماني متخيلتك بعيد عني
رائد : الله يخلي المسن و التليفونات ابي اتصل لمن تقولي خلاص غثييتني سككر
عبير : ما راح تسمعهامني ههههههههههه
رائد :هههههه يالله مع السلامه
عبير : مع السلامه الله يوفقك
رد رائد البيت وكانت الساعه 10 ونص وكان مبدل ملابسه وقاعد ينطر بس باقي نص ساعه خخخخخ
اما مي رهف اتصلت عليها ترفع من معنوياتها و دخلت وهو كان حاط مشغول لان مايبي يكلم الا مي ومي سوت نفي الحركه
مي كانت حاطه توبيك : جرحتني لا تترك الجرح تذكار ؟
ورائد :لا قالوا الناس حلوة قولي ايش الجديد لاتفرحي قولي ادري روسكم سالمه
رائد : السلام
مي : وعليكم السلام
رائد : مي اسف على الي صار اليوم بس حبيت ننسى الي صار اليوم
مي : ترى دخلتي اليوم عن حلفي لا تظن اني تقبلت اسفك
رائد عارف نقطه ضعفها : بس الثلاثاء انا مـــــسااافر
مي حطت اوف لاين وخنقتها العبره وحبت تخليه يتكلم وهو عارفها وسكت ودرى انها ما طلعت ................................
♥♥♥ رائد : ا عذروني اذا سالت دمعتي واذكروني اذا طالت غربتي♥♥♥
مي : دخيــــــــــلك اجل الموعد
رائد سكر الاب وانسدح على سريره [ بشتآقلهآ ]
مي كانت تبجي سمعت تليفونها يدق : الووو
رهف : مي تبجين
مي : لا
رهف : مي تصالحتوا
مي : لا
رهف : مي تكلمي
مي : الثلاثاء رهف الثلاثاء
رهف : مي تكلمي بدون بجي بلييز
مي وهي تبجي : بيساااافر
رهف : مي الوقت متاخر الحين قومي غسلي وجههج وتعوذي من الشيطان ونامي
مي : بااي
وسكرته رهف " استغفر الله الله يعينج يامي تعلقتي بواحد وانتي صغيره و حبيتيه وهو اكبر منج "
( يـــــــــــــوم السبت ) باجر المدرسه
مر اليوم كئيب ع الكل لانه باجر مدرسه مو شي جديد خخخخ
( يوم الاحــــــــــــد) يوم المدرسه
قعدت مي وبدلت ملا بسها ونزلت تحت : صباح الخير
الي موجود مريم و ابوها وامها سعد ما بدوا جامعه وابوها عنده دوام على طول لانه يشتغل بالشركه
الكل : صباح النور
ابوها : شلون النفسيه
مي : زفت والحمد لله >> الكلمه المعتاده ايام المدرسه
ابوها : افااااا ليش يبا
مي : مالي خلق متضايقه
ابوها : اذكري الله كلها كم شهر وتخلصين من المتوسط
وقامت مريم ومي لان ابوهم بيوصلهم وركبوا السياره
وصلوا مريم مدرستها ونزلت مي وقعدت قدام مكانها
مي : يباا والله مالي خلق نرد البيت
ابوها : هههههههه مي تكلمين جد بتشوفين رفيجاتج وبتوسعين صدرج
مي : اليوم انت الي بتجيني بالهدا يبا
ابوها : ان شاء الله
مي : لاتاخر
ابوها شافها متضايقه حب يسايسها : حاضر اول واحد بكون موجود
مي :افففففف
ابوها : مي فيج شي
مي : مدري والله احس اني متضايقه
ابوها : سمي بالرحمن واذكري الله يلا وصلنا
مي : لااله الا الله مع السلامه
ابوها : مع السلامه
نزلت و دخلت المدرسه ولقت رفيجاتها فجر و شروق سلمت عليهم وقعدوا شوي بعدين راحوا للطابور عقب المحاظرات عن لائحه النظام والفصل وغيره راحوا صفوفهم ...
عند مريم كانت بمدرسه رهف ومها و دخلت سلمت عليهم
رهف : مريم
مريم : هلا
رهف : اممم شلون مي
مريم : والله نفسيتها اليوم زفت مدري شفيها
رهف : اهاا
مها : عسا ماشر تعبانه
مريم : والله مدري من امس وانا حاسه انها متضايقه يلا بااي اسلم على رفيجاتي قبل الجرس
رهف راحت وهم مها راحت وخلص الطابور وراحوا للصفوف
مرت الحصص غثثثثثثثثه وجت الساعه 1وربع هدت مي لان المتوسط يهدون قبل وطلعت برا وقعدت تسولف مع رفيجتها لمن شافت سيارت ابوها وركبت : سلااام
ابوها : وعليكم السلام تاخرت
مي : لا
ابوها قعد يسالها شسوت اليوم لمن وصلوا مدرسة مريم واخذوها ردوا البيت وقالت مي مو مشتهيه غدى وخذت شوور وانسدحت ع السرير : اففففف
نامت تقريبا ساعه لمن صارت الساعه 4 قعدت وتغدت و اتصلت على رهف تسولف معاها
قعدت ترتب جدولها ودفاترها لان هي مو بالعاده تنام ايام المدرسه الا ايام الامتحانات و اول يوم
مريم ما قعدت الا الساعه 6 المغرب
وصلت الساعه 12 مي تعشت وناامت اما مريم ما نامت الا الساعه 2 الفجر
نهــــــــــــــــ البارت ـــــــــــــــــــــــــ ايه
اشوفكم الثلاثاء الجاي
وابي توقعاتكم
#33
27-12-13, 09:28 PM
فيتامين سي
مراقبة عامة ومشرفة منتدى الروايات المنقولة
البارت 23 :
( يوم الاثنين )
روتين ممل
ردت البيت مي ما نامت مريم هي الي نامت ابوها ما داوم اليوم حب يريح
الساعه 4 العصر
ابوها قعد يمها : شلونج مي
مي : الحمد لله
ابوها : خلصتي دروسج
مي :اممممم توني مخلصه
ابوها : انا طالع تطلعين معاي
مي : والله
ابوها : يعني انا اجذب
مي : هههههههههه لا والله بس صدمه خخخخ ايام مدرسه
ابوها : اوكي روحي البسي وقولي حق امج اذا بتروح معانا اوكي
مي : ثوااااني
قالت مي لامها وامها قالت ما لها خلق تطلع ومريم نايمه وسعد طالع وراحت لبست جنز و بلوزه رماديه مخططه بأبيض فوق الركبه حلووه
راحت ركبت السياره مع ابوها استانست انها بتغير جو وبنفس الوقت بتطلع مع ابوها الي درت انه حس فيها وطلعها عشان نفسيتها هاليومين
وصلوا المجمع وابوها قال خلينا نروح ستار بكس نقعد فيه وبعدين نكمل رضت مي لانها مشتهيه قهووووه
قعدوا وسوالف عن المدرسه و اسلوب ابوها بانه حب يجرجر منها حجي لان يدري انها بمرحله مراهقه وحب يخليها تصارحه اذا حبت لان مي صعب احد ياخذ منها سالفه ؟؟
----:السلام عليكم
ابوها : وعليكم السلام هلا برائد اخبارك
رائد : الحمد لله قوه مي اخبارج
مي : عايشه الحمد لله > قالتها مع ابتسامه صفرا
ابوها : حياك
رائد : خلكم على راحتكم اخاف اضايقكم >> والله الود وده يقعد خخخ
ابوها : رائد عليك رسميه اقوول اقعد
رائد : ههههه حاظر
ابوها : متى سفرتك
رائد تنهد تنهيده حآآآره : باجر ان شاء الله الساعه 5 الفجر
ابوها : تروح وترجع بالسلامه
رائد : تسلم ياعمي
مي ساكته لان اذا تكلمت بتسبقها دموعها البنيه هالايام صايره ام دميعه حسآآآآآآسه
ابو سعد : عن اذنكم دقايق هذا واحد عندي سالفه معاه اخلصها واجي مي اطلبي لرائد الي يبي على ما اجي .....
مي : امممم شنو ودك تشرب
رائد : انا اقوم اجيب خليج
مي قامت : لا انا بروح اجيبلي قهوه ثانيه لان راسي مصدع اجيبلك معاي
رائد : اوك
مي جابتله قهوه نفسها : تفضل
رائد : شكرآآآآآ
مي : العفوا
رائد : مي فيج شي
مي : انا من يقول الحمد لله ما فين الا العافيه
رائد : مي حطي عينج بعيني
مي : امممم ما فيني شي
رائد : شلون المدرسه
مي : زفت وبعد فتره بسيطه .. ابي اروح اجيبلي قهوه عن اذنك
رائد : مي
مي : نعم
رائد : ترى ما راح تضرين الا نفسج بهالقهوه
مي : انت قلتها نفسي >> تغيرت ع الكل فجأه
رائد " شفيهااا "
ابو سعد : عسى ما تاخرت عليكم
رائد : لا عمي بس مي شفيهاا؟؟
ابو سعد : علمي علمك يارائد البنت صايره نفسيه حيل
رائد : من متى
ابو سعد : من اول يوم مدرسه انا انتبهت
رائد : عمي بس تكثر قهوه وانت عارف اضرارها يمكن اكثر مني وسنها توها على القهووه احسها تعاند نفسها
ابو سعد : وهذا الي الحاصل !
ردت مي وقعدت بدون ما تكلم قعدت تشرب قهوتها وتستمتع وتتلذذ بمرارتها..
ابو سعد : مي رائد بيسافر باجر تدرين
مي حست انها مخنوووقه بس حبت تقوي نفسها ما حبت شي يهزها حبت تصير صلبه لان ما حبت تمسك باحد وبعدين تفقده بلحظات :ههههههههههه شدعوه يبا اسمعكم مساع تروح وترد بالسلامه رائد
رائد متعجب !! : الله يسلمج
رائد : يلا عمي تامر على شي انا مواعد سامي والحين يجي مع السلامه
ابو سعد : تروح وترجع بالسلامه لا تقاطع واذا احتجت أي شي لا يردك الا التليفون وتلقاه يوصلك لي عندك بس شيل الحيا عنك انا حسبت ابوك
رائد حب راسه : ابشر يلا مع السلامه
ابو سعد : مع السلامه
مي حست ان روحها طلعت من قام حست القلب القوي الي بنته من يومين رجع مثل الهشاش ما تقدر تعتمد انه يساعدها على الي بالها وحبت تقوى اكثر واكثر بس ما تدري ليش قامت بهاللحظه هل بتلحقه ولا لا قامت ما حست الا هي طايحه ع الارض : طرآآآآآآخ
رائد التفت وياليته ما التفت التفت وشاف قلبه طايح قدامه شاف حبه ع الارض شاف مي طايحه وما يدري شفيها ؟؟
ابو سعد يطق على خد مي : مي مي يبا قومي مي
رائد مخترع ! : عسى ماشر شفيها
ابو سعد : رائد جيب السياره بسرعـــــــــــــــــه
قام رائد وجابوا السياره وابوها شالها وركبها بسياره رائد وعلى طووول المستشفى
واخذوا منها تحاليل و حطوها ع السرير ولا الحين ما صحت
لو اقولكم منو دكتورها نفس الدكتور الي هذيك المره العن ام الحظ النحس واااافضيحتااااااااااااااا اه
راح ابوها للدكتور ورائد حاط ايده على قلبه الدكتور عاتب ابوها ليش ما كملت علاجها وليش وليش وابوها منصدم متى صار هالحجي وليش ما قالوله وعرف ان رائد الي جايبها هذيك المره ورائد بررله انه هذي رغبت مي و ابو سعد خاف على مي من الانهيارات الي تجيها ومو عارفين سببها ؟؟
ابوها : لا حول ولا قوه الا بالله زين ليه ما قلتلي يارائد
رائد : هذي رغبتهااا ياعمي و قعدت ترجاني اني ما اجيب سيره لاي احد
ابوها عصب : حنا لو الله يفكنا من عنادهااا جان حنا بخييييير ...
الســـــــــــــــــ 8 باليل ــــــــــــــــــــــاعه
طبعا بالساعات الي راحت سعد عرف ومريم وامها وجو للمستشفى وارسلوا السواق يجيبون سياره ابو سعد من المجمع ؟؟
عبير كانت تطالع التلفزيون رن تليفونها المتصل >> دنيتي الي هو
( رائد )
عبير : هلا وغلا
رائد وصوته مبين عليه الحزن :هلا عبير انتي بالبيت
عبير مستغربه : رؤوود شفيك
رائد : انتي بالبيت انا عند الباب انتي داخل
عبير : ثواني بس الحين افتحه
راحت هي بنفسها فكت الباب وشافت وجهه الي تخرعت حست ان صاير شي سلمت عليه وقعدوا بالصاله
عبير : رائد فيك شي
رائد : مي
عبير تنطره يكمل : أي
رائد : احم مي بالمستشفى وانا السبب يا عبير انا الي طعتها لو الحين ما صار فيها جذي
وعبير تبي تستوعب : رائد لحظه انت السبب بشنو
رائد قايلها السالفه من قبل لان محد يحب يفضفضله غير عبير وسامي وهم اكثر الاشخاص مقربين له وما يخش عنهم شي وقالها عن الي صار اليوم وعن كلام نفس الدكتور لو انها متبعه العلاج ما صار الي صالها اليوم ........................
عبير : الله يقومها بالسلامه يارب ما تستاهل والله
رائد من قلب : آآآآآآمــــــــــــين
عبير : اليوم الفجر سفرتك مو
رائد : ايه وطلعت اغير جو مع سامي وقبل لا يوصل شفتهم ولمن وصلنا المستشفى اعتذرت من سامي
عبير : زين هي قامت ؟؟
رائد : لا
عبير : وسفرتك
رائد : الساعه خمس ولو ما احد بيلاحظ اجلتهاا
عبير : رائد الا هالسالفه انت عارف الناس مو خبول
رائد : والحل
عبير : ان شاء الله تقوم وتشوفها قبل لا تسافر
رائد : من صجج انتي شلون اشوفها وباي عذر ؟؟
عبير : مو انا بروح معاك للمطار بنمر المستشفى انا بسلم عليها ومنها تشوفها وربي يشافيها
متفقين ان الساعه 3 ونص الفجر الي بيودون رائد المطار فهد و سامي و كان بيروح معاهم سعد بس يمكن ما يروح لان مي بالمستشفى وعبير و ساره و محمد وفيصل والحين قرر مع عبير ان يروحون بسيارتها للمطار و يواعدونهم بالمطار عشان يقدرون يشوفون مي
* بالمســـــــــــــــــــت شـــــــفى *
الساعه : 12 باليل طبعا خلصت الزياره من الساعه 9 بس مرافق المريض هو الي يبقى ابوها هو الي بيقعد عندها و قال لسعد ان يودي مريم وامه للبيت
الساعه 2ونص .. بيت رائد كان الموجودين عبير ورائد والعيال وابو رائد وامه وقاعد يودعهم لا تخلى لحظه الوداع المؤلمه من الدموع والتوصيات والاصرار على الاهتمام بالنفس ...
طلع رائد من البيت مع عبير عقب ما قال لفهد ياخذ شناط السفر معاه .... وصلو المستشفى
عبير : رائد بلييز حط بالك انها بتكون بخير ان شاءالله
رائد : ان شاء الله
وصلوا غرفه مي طبعا عقب ما ترجوا الدكتوور عشان يدخلهم قالوا انهم بيسافرون وغــصب دخلوا ...
مي : يبا بطلع والله ما فيني شي
ابوها : مي عنادج هذا ما يمشي معاي
مي : الله يخليك
ابوها : مي باجر اذا كنتي بخير بيرخصج الدكتور
مي : اففففف
طق الباب ومي البست ملفعها لان ما يدرون يمكن يكون رجال او دكتور
عبير ورائد كانت عبير شايله ورد احمر: السلام عليكم
ردو : وعليكم السلام
عبير سلمت على مي : ما تشوفين شر
مي : الشر ما يجييج
رائد : الحمد لله ع السلامه
مي : الله يسلمك
ابوها : تفضلوا على ما اشوف الدكتور
رائد : خذ راحتك
عبير : شلونج مي الحين
مي تطالع عبير ما ودها تنكسر قدام رائد : االحمد لله بخير
عبير : قوي نفسج لا تخوفينا عليج
مي : ان شاءالله
رائد : مي شنو يعورج تحسين بشي ؟؟
مي حست قلبها يعورها ما تبي يكلمها ونزلت دمعه منها : لا
عبير راحت وضمتها حست فيها : افا مي ليش الدموع
مي حضنت عبير وقعدت تبجي : حبيبتي مي خلاص ليش الدموع
رائد قرب من مي و مسح دموعهاا : دموعج غاليه
همسه: ان جسدك لا يعرف كيف يكذب فبطريقه غير واعيه وبدون توجيهات منك يقوم جسدك بنقل افكارك ومشاعرك بلغه خاصه لاجساد الناس الاخرين الذين يفهمون هذه اللغه خير فهم !!>>>>نيكولاس بوثمان >> تحب تقرا عن لغه الجسد خخخخ
عبير : رائد البنت مو ناقصه خلنا نمشي
رائد : عبير في وقت
عبير : رائد انطرني برااا بليز
رائد : عبيـــ
عبير قاطعته : رائد براااا
رائد طلع برا وانقهر من عبير وسند نفسه على الطوفه الي برا
عبير : حبيبتي مي رائد انا الي بطمنج عنه وهو بس بيقعد هناك لين العطله وعطله الصيف هو عندنا مع السلامه
وسلمت عليها وطلعت لقت رائد مع ابو سعد : ترجع بالسلامه
رائد : الله يسلمك
وصلوا السياره رائد : عبير ليش سويتي جذي
عبير : وانت تظن تصرفك صح لو ابوها دخل شافها تبجي بقوله بس ما فيها شي عشان رائد بيسافر وبتشتاق له صح
رائد : بس ترا ضايقتيني بحركتج ليش ما خليتيني اقعد شوي كان في وقت
عبير : لمن ترجع يصير خير
( بـــــــــــــــــــــــا لـــــــــــــــمــــــــ ـــــطــــــــار )
وصلوا رائد وعبير
فهد : انتوا طلعتوا قبلنا وين كنتوا
رائد ما له خلق عبير ردت : كنا بالمستشفى
فهد : عسى ما شر
عبير : لا بس مي طايحه عليهم وودوها المستشفى ومرينا نسلم عليها
فهد بخوف : والحين شلونها ؟؟
رائد رد :............................
اتمنى البارت عجبكم انتظروني بالبارت الجاي شبيقول رائد ؟؟
مع السلامه