الرابع عشر
💣 *#ذاك_قتلني* 💣
🎖️ *#وهو_احياني* 🎖️
*Part No { 14 }*
*#تاليف_تنسيق*
📚 *#عســـــــــــــــــــــــــــــــــــــــجد*
&
📚 *#ســـــر الخـــــــــــــــــــــــــتم*
*©¥€£©¥€£💣🎖️©¥€£©¥€£*
*حسان اتصل باسيل*
*#حسان* : ي اسيل الله يرضي عليك شوفي طريقه وخليني الاقي عناب
انا ندمان والله وسافي التراب وعارف نفسي غلطان وهو ببكي
*#اسيل* : ي حسان والله لو م عارفه حبك لعناب صادق وللان شايفاهو م كنت ح اساعدك ولا ح اسامحك ع كلامك القلتو ليها
ونحن م بننسى العشرة
وفي الوقت دا عناب محتاجه لينا
محتاجه مساعدتنا
عشان كدا ح اشوف طريقه تجمعك بيها
*#حسان* : تسلمي كتير ي اسيل وغفل الخط
كان مبسوط شديد ويتبسم
امو جات شافتو في الحالة دي
قالت ليهو
*#ام_حسان* : اجي ي ولدي جنيت بتضحك براك
*#حسان* : خلاص يا امي مش دايراني اعرسك انا خلاص حلالي لقيتها ادعي لي بس الامور تتسهل 🤍
*#ام_حسان* : حال المنى ي ولدي واخيرا
الله يعدلها عليك ويسهلها عليك محل م تقبل وامورك كلها تتسهل 🥹
*عند اسيل بتتكلم ب التلفون مع عناب...*
*#اسيل* : الحقيني ي عناب
انا تعبانه شديد وم قادرة اتحرك وماف زول ف البيت عشان يوديني المستشفى
تعالي لي ي عناب انا مضايقه
*#عناب* بخلعه😳 : بسم الله مالك ي بت
ناس بيتكم وين
وحاسه ب شنو ومن متين
*#اسيل* : من الصباح كان الالم خفيف بس اسي زاد
وامي طلعت مشوار وأبوي ف الشغل
بتصل علي امجد م برد لي استعجلي ي عناب انا م قادرة وغفلت الخط
*#عناب* : الو اسيل ي بت
ي الله اسي اعمل شنو خايفه صهيب يضربني بس م بقدر اخلي اسيل كدا
*طوالي لبست ليها عباية وشالت تلفونها بس وطلعت بالدس من صهيب*
*عند اسيل..*
*#حسان* : ي اسيل تفتكري ح تجي
*#امجد* : م تخاف ي صحبي ح تجي انا متاكد عناب بتحب اسيل شديد
*#حسان* : والله ي امجد بتمني
وصحي كنت وين لاني م لاقيتك
*#امجد* : كنت في سفرية وجيت أمس والله
*#حسان* : ايواا
اسيل سمعت صوت الباب مشت فتحت لقتها عناب
*#عناب* : مالك ي بت باستغراب !
مش قلتي تعبانه وم قادرة ؟
*#اسيل* : أعفي لي ي عناب لاني كضبت عليك
بس لازم تشوفي حاجة ضرورية
*#حسان* : انا اسف ي عناب
اسف اسف والله وندمان علي كل كلمة قلتها ليك
انا الوقت داك كنت عميان وما سمعتك من البدايه وعصبت شديد لما شفت الزفت داك معاك
انت لو كنتي محلي حتعملي شنو
انا عارف م ختسامحيني بس ع الأقل خلينا نساعدك 💔
عناب كانت دايره ترجع بس اسيل منعتها ودخلتها جوه وخلوهم يقعدوا الاتنين ويتفاهموا
*#عند صهيب....*
== يا باشا المدام عناب طلعت
*#صهيب* بغضب وكواريك كيف يعني طلعت وطلعت وين 😠
== والله ي باشا م عارف
انا عملت القلتو علي اني اراقبها
وانا واقف محل البيت الدخلت عليهو
*#صهيب* : وصف لي انا جاي عليك
ووصف ليهو
أقل من ربع ساعه وصل بين اسيل
ولا دق الباب دخل طوالي
لقي حسان بمسح ف دموع عناب
وقتها غضب الدنيا دا كلو جاء فيهو
طوالي مشي اتجاه عناب وضربها كف
طوالي حسان ادخل بس صهيب ضربو
وبقو يتضاربوا
وأمجد ادخل بس صهيب كان أجن منهم وبضربهم بكل عنف
*بس فجاء صهيب طلع سكين وطعن حسان وأمجد*
الاتنين اسيل وعناب وقفن مصدومات😳
اسيل مشت لامجد وعناب كانت ماشه لحسان بس صهيب منعها وجراها من يدها بي كل قسوة وتوجهوا علي البيت
اسيل ضربت للإسعاف وجوا نقلوا حسان وأمجد علي المستشفي
وعملوا تحقيق واسيل ما أترددت لمن قالت للشرطه انو صهيب عمل كدا
بس الحلو ان دا ضابط جديد زول بحترم القانون
*الظالم ظالم حتي لو كان ابن الوزير يتعاقب*
طوالي الشرطه اتحركت علي بيت صهيب
*عند ناس عناب....*
*#صهيب* : يا بت ال 🤬
تعملي كدا وتطلعي من وراي
ويضرب فيها بطريقة جنونية
وهي يا حليلة مغلوبه علي أمرها
تبكي وشايله هم حسان
بس الشرطه دخلت ولقت صهيب بضرب ف عناب
كويس انو كانوا ف الصالة عشان الشرطه تشوف بعينها عنف صهيب
طوالي الشرطة أدخلت وفصلت صهيب عن عناب
*#صهيب* بغضب 😠 : فك يدي يا حيوان
انت م عارف انا منو
*#الشرطي* : انت منو م مهم عندي اعرف انت منو
كل البعرفو انت واحد مجرم وبتتعدى بالضرب علي مرتك + حيوان دي ح نرد ليك عليها ونحن ف السجن
يلا يا عسكري وديهو
*#صهيب* بكوراك
والله م اخليك تتعرض لي انا
ولبسك العاجبك دا لو ما جردتك منو م ابقي اسمي صهيب
أتلفت لقي ابوهو ف وشو
طوالي ابوهو ضربو كف وقال ليهو
من الليله انت لا ولدي ولا بعرفك ولا عافي ليك دنيا وآخرة وانا اتبريت منك
*©¥€£©¥€£💣🎖️©¥€£©¥€£*
*©¥€£©¥€£💣🎖️©¥€£©¥€£*
*يتبـــ Asgad 📝 سرالختم ـــــــع*
*#سرالختم_0121045450*