التاسع
💣 *#ذاك_قتلني* 💣
🎖️ *#وهو_احياني* 🎖️
*Part No { 09 }*
*#تاليف_تنسيق*
📚 *#عســـــــــــــــــــــــــــــــــــــــجد*
&
📚 *#ســـــر الخـــــــــــــــــــــــــتم*
*©¥€£©¥€£💣🎖️©¥€£©¥€£*
*#عناب* : معقولة 😨
لا م بصدق كيف كيف يعني كان ف المصحه 😨
وكمان لمدة سنتين لااااا هو م طبيعي اكيد طيب ليه ؟ مالو ؟
عناب حست ب حركه زول جاي طوالي دخلت الورق بسرعه
جاء داخل قال ليها الفطور جاهز
وهي طبعا نست موضوعو من الهم العليها
فقالت لي لا لسه م عملتو
طوالي بقى يكورك ويجوط
*#صهيب* : انت قايله نفسك ح تتمتعي وتتربعي
حتشتغلي زيك وزي الخدم واحد فاهمه ولا لا 😠
طوالي هي م اتحكمت ف روحها وقالت ليهو
*#عناب* : خدامه ف عينك
قايل انو بنات الناس هاملات تجيبن بيتك وتشغلن خدامات ؟؟
م جايه من الشارع انا ي استاذ
وي ريت تحترم نفسك والا حتلوم نفسك ي مريض ي مجنون 😠
😳😳😳😳😳😳😳
هو من سمع الكلام دا عيونو بقت شرار شرار لانو الناس كانت بتعايرو ب المجنون
وحتي ابوهو م سلم منو
طوالي مسك رأسها وقال ليها انا مجنون
الليله بوريك الجن علي اصولو
وطوالي ضرب رأسها ب الحيطه
هي خلاص بقت تشوف طشاش طشاش وحاسه ب الدم نازل من رأسها
وهو م صحي من نوبه الغضب دي الا بعد م شاف الدم واتهجم
هو رغم عنادها ليهو بس كانت عاحباهو
طوالي م عرف يتصرف كيف
في اخر لحظه وداها المستشفى وعملوا ليها اللازم
وجات الشرطه بس بسبب نفوذ ابوهو اداركو الموضوع
بعد اسبوع رجعوا البيت بس بيت ابوهو عشان يهتموا بيها
وفعلا لقت العنايه من امو وعرفت انها كيف حنينه وطيبه وكل مرة تعتذر ليها علي عملة ولدها
بعد اسبوعين رجعت بيتا وبقت تتجنب الكلام معاه وهو كذلك
*#عناب* : ف يوم ضربت لاسيل وقالت
انا خايفه ي اسيل منو والله المرة دي الله كاتب لي عمر جديد بس المرة الجايه احتمال لا
انتي عارفه يعني الزول دا مريض نفسي مجنون طالع من المصحه ليهو شهور بس
اكيد طلع متوحش اعمل شنو انا 💔
*#اسيل* : اسمعي كلامي دا انت حاولي اكسبيهو اتعاملي معاه ب حنية
وحاولي اتونسي معاه بس عشان سلامة نفسك اولا وثانيا لحدي م تلقي حل وطريقه تتطلقي منو
علي الأقل تمي الشهرين ديل عشان م تجيبي كلام لي نفسك وانت عارفه كلام الناس وكدا
*#عناب* : حاضر دعواتك بس وغفلت منها
بليل تفكر تعمل شنو وتكسبو كيف لحدي م نامت
من الصباح قامت بدري عملت الشاي ونضفت مسافه هو صحي واستحمت دقت غرفتو
*#عناب* : ي صهيب ي صهيب
*#صهيب* : مستغرب معقول بتنادي لي طلع قال ليها ايوة
*#عناب* : بعد تصلي دايرة اتكلم معاك
هو استحي وقال ليها تمام
هو بعد دخل غرفتو قال الصلاة ! انا ليه م بصلي !
معقول بقيت كافر ؟
بس انا نسيت
المهم حاول حاول اتذكر بعض الوضوء اتوضى وصلي ركعتين هو هنا حس ب راحه وتأنيب ضمير
*#صهيب* : معقول انا زول كبير م بعرف حتي الوضوء
المهم طلع لقى الصفرة فيها الشاي والكيك والبيت نضيف وريحتمو سمحه وسامع صوت قران
*{ قال ف نفسو ي الله راحه عجيبه }*
اتحمحم كدا وقال ليها احكي قلتي دايراني ف موضوع
*عناب* : كدي اقعد اشرب الشاي بحكي ليك بعده وكبت ليهو الشاي وشرب منو جقمتين وقالت ليهو :
انا عارفه انو تعاملي معاك غلط وانت تعاملك معاي خطاء كبير ف انا ح احاول إبداء معاك من البدايه وخلينا نكون اصحاب
تعاملنا يكون عادي اذا احتجت لي أو في شي قولو وانا كذلك لانو ب الطريقه دي م حنمش لي قدام وحنكون ف حالة نقاش دائم
ف انا هدي مديت ليك يدي وبقول ليك نبداء من جديد
هو كان بعاين لي يدها وبفكر ف كلامها
هي يأست وفكرت ترجع يدها وشكلو الموضوع م ركب راسو
كانت ع وشك ترجع يدها بس هو طوالي مسكها وقال ليها موافق
هي انبسط وبقت تحاول تفتح مواقف مضحكه ومقالب كانوا بعملوها هي واسيل والزمن اخدهم
استأذن أنها حتعمل الفطور لأنها جاعت
دخلت المطبخ تاني جاتو راجعه قالت ليهو
*#عناب* : هوي ها مش بيقنا أصحاب
تعال ساعدني في الاكل
مش بقولو الصديق وقت الضيق 😂
*#صهيب* : قال ليها اها بدينا ؟
عليك الله تاني خليني اغسل ليك العدة 😒
*#عناب* : قالت ليهو والله احتمال يعني 🙂
وقام يساعدها ف الاكل
في نص طبخهم حبت تلطف الجو زيادة كشحت فيهو الدقيق
هو غضب والغضب واضح ف وشو وهي كمان خافت بس هو فاجاءها ب انو كشح فيها برضو وقال ليها تفتكري ح استحمى ف الواطه الباردة دي براي
مش بقولو العين بالعين والسن بالسن 🙂
*#عناب* : طوالي قالت ليهو والله م اخليك ي صهيب انا الصباح استحميت
*#صهيب* : دا لو لحقتيني وجرا
هي جرت وراهو وهي كانت بتكورك فيهو وهو شغال يضحك كانو اول مرة يضحك ومبسوط
في النهايه هي عملت نفسها وقعت
هو طوالي وقف وجاء عليها قال ليها مالك
قالت ليهو دايرة اتسدي حقي وكشحتو وهو مات ضحك
قال ليها مجنونه دي
المهم انتهو من عوارتم دي واي زول دخل استحمي وختوا الفطور وكانوا بضحكوا اكتر من بياكلوا
*©¥€£©¥€£💣🎖️©¥€£©¥€£*
*يتبـــ Asgad 📝 سرالختم ـــــــع*
*#سرالختم_0121045450*
*#للتنسيق_والنشر*