السادس
💣 *#ذاك_قتلني* 💣
🎖️ *#وهو_احياني* 🎖️
*Part No { 06 }*
*#تاليف_تنسيق*
📚 *#عســـــــــــــــــــــــــــــــــــــــجد*
&
📚 *#ســـــر الخـــــــــــــــــــــــــتم*
*©¥€£©¥€£💣🎖️©¥€£©¥€£*
*#حسان* : الغاليه كيفك
*#عناب* :حباب الغالي بخير الحمدلله وانت ☺️
*#حسان* :دايما أن شاءالله
انتي عارفه انو بكرة التخريج وباعتبارو بدايه تطور علاقتنا في اني أخطو خطوة واجي بالباب
وكلامي يكون مع رجال بيتكم تمام لانو ف ايه بتقول
قال تعالي : *( واتو البيوت من أبوابها )*
وانا داير اعمل بالايه دي
لانو لما اخترتك اخترتك لي ست بيت أم لي عيالي شريكتي ف الحياه وداير أبداها بالخطوة الصاح عشان ربنا يوفقني بالطريقه الصاح ❤️🩹
*#عناب : كل التوفيق ليك يا حسان
وبعد كلامك دا مقامك عندي ذاد وكبرت في نظري اكتر
وانا لمن وافقت اصلو فكرتي عنك م خابت لانك راجل ود رجال
وانا كمان ربنا يقدرني اكون ليك الزوجه السند الصالح وام صالحه واسعدك ف دنياك ❤️🩹
*#حسان* : طيب عندي طلب بس ي رب ي ريت توافقي عليه
*#عناب* : اتفضل وان شاء الله اقدر انفذو ليك ☺️
*#حسان* :بكرة ح تصلك هديه وبتمني تقبليها
واشوفك ف التخريج بيها ي ريت تقبلي ي ريت
*#عناب* : حاضر من عنيا 🙈
*#حسان* : ايوة دا الكلام الصاح
وبعدين انا م داير عيونك بس عايزك كلك علي بعض
*#عناب* : اي ي امي جاياك
معليش ي حسان مضطرة افصل منك امي بتناديني😅
*#حسان* : بضحكه عاليه 😂
اي اي زي كل مرة اتحججي لي بنادوني وما بعرف شنو
الصبر عندي قرب خلاص نشوفك حتهربي وين تاني ي خوافه 😂 يلا الوقت اتاخر م تنسي صلي العشاء ونومي تمام
*#عناب* :تمام وفصلت الخط
كانت مبسوطه شديد كونها اختارت السند الصاح البخاف ربنا فيها ❤️🩹
طوالي اتصلت وكلمت اسيل اسيل بهناك قدت اضان عناب من الزغروته😂
صباح اليوم التاني وصلو الجامعه وبدو اجهزو مع حسان ف التخريج وكدا
حسان قال لي ناس عناب بعد كدا خلاص انتو امشو اجهزو الوقت جاء خلاص
مشو اتجهزو اسيل طلعت ولا اقل جمالا طلعت عسسسسل لابسه فستان كحلي اكمامو طويله ب طرحه اوف وايت وشنطه كذلك وطبعا محجبه الطرحه 😘
نجي لي عناب كانت ايه من الجمال لابسه فستان ابيض مورد ب كبدي وطرحه كبديه محجباها طبعا وساعه وخاتم واسورة مصممه تصميم رهييييب وكذلك الشبط رهيييييب
يخ جاي مع لونها رهيييب والمكياج كان هادي بين ملامح وشها البرئ 🤤
طلعت لقت اسيل ماف طوالي اتصلت ليها
*#عناب* : وين انت ي سجم مشيتي وين
*#اسيل* : مع أمجد والله نحن جمب الممر البدخلك ع المطبخ حصلت مشكله ف الضيافه بنحاول نحلها
*#عناب* : يعني اسي اجي براي زي العوقه
*#اسيل : عوقه شنو ي بت انت جنيتي 😂
الماش يجيك شنو 😂
تعالي وما تتاخري لانو دقائق كدا و التخريج يبداء
*#عناب* :م تضحكي بلا يخمك اصلا م خايفه يلا اقطعي وشك الحامض دا😒
*#اسيل* : م ح اردح ليك اسي لمن أفضى ليك بعدين🌚
وفصلت منها
*#عناب* كانت ماشه ب سلام حست انو ف يد مسكتها
*#عناب* بغضب : انت حيوان ولا شنو كيف تمسك يدي ومنو السمح لي تعمل كدا أساسا 😠
*#الزول_المسكها* : حلوة وكمان شرسه دخلتي مزاجي خلاص
اسمعي يا السمحه م تجي نطلع موعد مع بعض اصلك دخلتي مزاجي خلاص 😏
*#عناب* : فوق م متخلف كمان قليل ادب وم محترم فك يدي ي حيوان
*#الزول* : اهدي اهدي ي قطعه اهو يدك فكيتها بس المهم قلتي لي رايك شنو
وبعاين ليها بكل خباثه 😏
عناب لاول مرة تتجراء وتعملها
ضربتو كف قوي ع وشو
وقالت ليهو شكلو ابوك م وراك الادب كيف ي حيوان
امش خليهو يربيك من اول جديد وتعال طالع للعالم دا
لان الناس امثالك ياهم الخربو البلد ومشت منه
*( ويااااا ريتك م اتشجعتي وعملتي كدا )*
يا صهيب انت جنيت ولا شنو
ليه عملت كدا
انا جايبك عشان تفرق وتحضر تخريجي تعمل كدا
وانا عارفك ما حتعدي الكلام دا ع خير
بس عليك الله الليله انسي كانو ما حصل شي
*#صهيب* : وهو عيونه شرار من الغضب
فوق م ضربتني كمان بكل وقاحه قالت لي خلي ابوك يعلمك الادب
اقسم بالله اوريها الادب علي اصولو
وتخريجك دا بمر علي خير
لكن بعدو م اظن
عناب هدت شويه
شربت ليها مويه لمن وصلت لقت التخريج بداء
شافت اسيل بس مع زحمه الناس م قدرت تصلها
اسيل عملت حركه لي عناب نظام مالك اتاخرتي
عناب ردت ليها بنفس النظام بأنها كويسه بجي عليك بعد شويه
نص التخريج انتهي حتي عناب قدرت تصل لاسيل
*#اسيل* : اتاخرتي مالك ي بت حسان دا من قبيل بفتش فيك
*#عناب* : تقولى شنو والله بحكي ليك بعدين
المهم جاء دور حسان وكانت غنيتو رابه
وفجاءة حسان شال المايك وقال كلام سمح عن شريكه حياتو واخر حاجه قالها
عناب سعد الدين امنتك علي كل مستقبلي
بتقدري تتزوجيني وتكوني جزء من المستقبل الرسمتو أو الرسماناهو مع بعض ❤️🩹
الناس دي كلها بقت تكورك والاولاد يصفروا والبنات يزغرتن 😍
عناب وصلت المنصه محل حسان
واداها المايك وقالت موافقه
وتاني اشتغلت ربه من جديد 😍
*( لكن كانت هناك عيون تراقب بكل حقد 😡*
*في احلامك والله من اسي اطمنك خطط مستقبلك الرسمتها دي ح تتغير قريب )*
*( عرفتوهو صح اي ياهو صهيب )*
انتهي التخريج واي وحدة نامت من التعب وعناب نست موضوع صهيب
صباح اليوم التاني عناب م صحت الا الضهر وصحت مخلوعه ب تلفونها بتصل
الرقم غريب م ركزت رجعت نامت تانى
والتلفون تاني اتصل
ف النهايه ردت بصوت نعسان
*#عناب* : الو
*#صهيب* : حقتي اااخ انا من الصوت النعسان الجميل 😍
*#عناب* لسه نعسانه وافتكرتو حسان واصلت ب نفس صوت النعاس : خير ي حسان انا تعبانه ياخ في زول قبل كدا قال ليك انك مزعج
الطرف التاني ب صوت هائج وفاير : 😡 اسمعي هنا بلا حسان بلا زفت معاك انا صهيب وتاني غير غير اسمي م تنطقي فاهمه
انا ح اعمل رايح من الكف الاديتيني ليهو والكلام القلتيهو انا جاي ع بيتكم وطالب يدك فاهمه
وابقي مرة ارفضي عشان اقسم بالله انت م بتعرفيني وحتشوفي شي لا يعجبك ولا يعجب اهلك فاهمه 😡
هنا يا داب عناب استعدلت واتزكرت موقف انس 😨
*#عناب* :أا انت داير مني شنو عملت ليك شنو انا
*#صهيب* :دايرك انت وعملتك م هينه ودخلتي مزاجي وعجبتيني
فشنو ب عسل حتعملي القلتو ليك تمام
*#عناب* : انت قايلني خايفه منك ؟؟؟
ولا حرف من القلتو دا م حيحصل وهي ميته خوف 😨
*#صهيب* : انا م بكرر كلامي كتير عندك خمسه دقائق بس تنزلي وانا واقف جمب الباب
وح اخش طوالي مسافه انتهي من تعارفي مع ابوك القاك جهزتي موافقتك فاهمه وغفل الخط
عناب كانت متوترة وخايفه
بتتصل لي اسيل م بترد اتصلت عليها كتير برضو م بترد رسلت ليها واتس م داخله
سمعت صوت امها بتناديها
وبطق ف باب غرفتها
فتحت الباب طوالي
استلمتها ليك
*#امها* : غسلي وشك ي بت جاك عريس وكمان مرطب ومغندل يختي
قبل ما تفتح خشمها جاتها رساله في تلفونها فتحتها
0 كانت من صهيب وقال ليها حركه منك بس تكلمي امك اخوك الفي المدرسه تلفون مني بس تلقيهو مرقد في المستشفي
عناب اترعبت 😳
لقت امها بتقول ليها مالك
ردت ليها ماف شي خخ خلاص انزلي انا جايه
غسلت وشها لبس ليها عبايه ونزلت وهي بتفكر تعمل شنو وتقول شنو
صهيب كان جايب معاهو امو واختو وخالو سلمت عليهم وقعدت
*#ابو_عناب* : طبعا ي بتي اكيد امك كلمتك فوق
والشاب ياهو طلب يدك
وباين عليهو زول محترم وخصوصا جاي من طرف اخوك قال انهم كانوا أصحاب في الجامعه
وعرفنا عليهو بعد دا الرأي رايك
هنااااك كان صهيب مخطط
وطمع اخو عناب بالقروش
وكانت علي اخو عناب ديون كتيرة
صهيب اغراهو وقال ليهو بحل ليك كل ديونك طوالي أخوها طمع ووافق
واتفق معاه انو يقول ليهم نحن اصحاب
*#اخو_عناب* : م عندك مشكله تب
إقناع ابوي خليها علي انت بس كبر الكوم وكلو محلول 😏
*#نرجع*
*#احمد_اخو_عناب* : والله ليهو كم يوم بقول لي طالب يد اختك ع سنه الله ورسوله لكن قلت اشوف رايك شنو ي عناب
وياهو جا بالباب عديل واتكلم مع ابوي اها انت رايك شنو
*#عناب* كانت متوترة شديد من الرساله القرتها وبالها مع اخوها
وعاينت لي صهيب لقتو بعاين ليها بكل خباثه وكانو واثق من أنها حتوافق
*#سعد الدين* : اها ي بتي قلتي شنو
*( طبعا ابوها بفكر في القروش القال حيديهم ليهم في قولو الخير وسد المال ولا فكر ف سعاده بتو )*
*#عناب* بكل كسرة روح قالت لي ابوها البنشوفو مناسب ي ابوي 💔
عناب دائما ضعيفه وم بتفكر ف مصلحتها هي دايرة شنو ولا مصلحتها وين
دائما بتفكر ف الناس وبس 💔
نشوف الحيحصل شنو لي قدام
نتلاقى ف البارت الجاي
*©¥€£©¥€£💣🎖️©¥€£©¥€£*
*فِي بَحرِ عَيْنَيكِ هامَت كُلُّ أشوَاقِي*
*يَا آيَـةَ الحُسْنِ هَل تَنوِينَ إغـرَاقِي ؟*
*مَا كُنتُ أؤمِنُ بالعُيُـونِ وفِعلِهَـا*
*حتَّىٰ دَهَتنِي فِي الهَـوَىٰ عَيْنَاكِ !*❤️
*©¥€£©¥€£💣🎖️©¥€£©¥€£*
*يتبـــ Asgad 📝 سرالختم ـــــــع*
*#سرالختم_0121045450*