كن خانئا يحبك الجميع - الفصل 3 - مكتملة | روايتك

. البــارت 4 #كن_خائنا_يحبك_الجميع تسنيم:  داخل نفسها يووه مدري من حاكاها  ماقل ذاحينه.....  هاه صح ذكرت ايوه وارجع اداني المز حقش 😉 ملاك: احم احم ايوه وبسمه المز حقي ههههههه تسنيم: جي اشاورش بسمه ملاك: ماشي قلي لنا كلنا تسنيم:  اسمه مروان 😌 ملاك:  الله حرفي وحرفه سوا خلاص لايقين لبعض صح ساره ساره وخلود:  ههههههه شلوش ملاك: اسم الله عليا قلين ماشاء الله لاتمرعني بعد حديثهن جت الاستاذه وقاطعتهن وجلست تشرح لهن بينما ملاك سارحه بخيالها كيف تسنيم انكرت انها كلمتها ورجعت تقل ايوه صح وليش فعلت هكذا بالرغم من ان ملامح وجهها تقول انها مش اللي كلمتني بس هيه كذبت او اختها اللي حاكتني ونسيت تقلها اني حاكيتها... ساره: ملاك ركزي ب الدرس مهم ملاك: اوك تمام مركزه ملاك؛: شطت ورقه وكتبت فيها تسنيم الرقم حق الواتس هو رقمش وامس انتي دخلتي والا ماشي ؟! تسنيم: شلت الورقه وقريتها... ايوه رقمي وامس دخلت انا وبين امزح معش ياخبلا ملاك:: قريت الورقه وحست انها بتكذب ساره: ملاك مالش صورتش مقلوبه ملاك: ولاشي بس راسي وجعني ساره:  انزلش الصحه ترتاحي ملاك: ماشي خلاص شفتهن ذاحين.... تتوقعين مين الي كلم ملاك مروان والا اخت تسنيم ونسيت ماتقل لاختها ؟؟!! في الراحه حق المدرسه..... البنات كلهن بينزلين واللي بتحمل عاسب توصل البوفيه وتشتري بسرعه وهيه فاضيه لان البوفيه ترجع خليه نحل من كثر البنات الي بيشترين واللي بيلعبين ملاحقه واللي البنات يتضاربين ع ابو عودي ويشلنه ع صاحبتهن واللي ينكتين ويضحكين المدرسه شي ثاني جدا..... افعالنا وتصرفاتنا تدل ع كيفيه حياتنا اذا حزينين او مبسوطين واذا تحكمنا بمشاعرنا بانتحكم بتصرفتنا كي لايفضحنا من يشعر بها .. ملاك: ساره جي معي للبوفيه نشتري تسنيم:  شاجي معش انا ملاك: ماتشتي عنشتري لش معانا ساره:  يله هي قيميني ملاك: ساره اشتي اكلمش بوضوع تسنيم ساره: ايش من موضوع ملاك: بسرتي لما قلت لها تسنيم انتي قلتي ماعتجيش قالت ايحين  وقلت لها حين حاكيتش في الواتس قالت وايحين قع هذا ساره: ايوه قالت هكذا ملاك: بعدين قلت لها بطلي هباله وصورتها اقتلبت ورجعت قالت ايوه انا بين امزح معش ياخبلا وصلني المز حقش ساره:  يووه مالها رجعت تقلب وتقل ايوه ملاك: والله مدي لش علم تقلي الرقم حقها والا حق منو قد راسي بيوجعني من كثر مافكرت ساره: اسمعي اول مااوصل شارسل ابسر من هيه وانتي رسلي ولما تجي المدرسه نساولها نبسر هيه الي حاكتنا والا ماشي ملاك: خلاص تمام لاتقليش لاحد حتي خلود تمام ساره:  خلاص تمام يله اشتري عيقلين مدري مامعانا ملاك؛: يله هيه تسنيم:  مالكن تاخرتين خلود:  مابتبسريش ع قد خليه نحل خلقه وكم من واحده حين ماطفحتيش ياملاك وسطهن ساره: هههههههه ماشي مابلا ملاك قدي تاشر له من بعيد يدي لها وترجع تحاسبه في الفيدوس ملاك: ايوه جلسين البنات يصتبحين وكل واحده تطعم السندوتش حق الثانيه وياكلين جعاله دق الجرس وكملت الراحه والبنات قامين ملاك سكبت نص القاروره الماء حقها فوق ساره ونص الثاني فوق خلود وتسنيم وهربت والبنات بيتحلفين لها لايحممنها تروح غر ترقد هههههه ملاك طلعت بسرعه الفصل عاسب مايخضرنهاش والاستاذه لقيتهن قالت ليش بتلعبين ب الماء يله لاعند الاخصائيه ... ساره:: حاااضر ياملاك  لاراحت لش هههه خلود:  انا اوريش لما خليت اخوش يضحيش فوق السياره هههههه تسنيم::  يوف ياملاك ذاحين كيف شاروح مالش بتتخيبلي... تسنيم برستيجها عالي جدا وهيه من النوع ال يااااي والدلع ملاك:  ههههههه عيس تستاهلين تسنيم بطلي شخاطه واشتحطي جت تقلي مالش بتتخيبلي اخرجي اتضحي خارج ههههه الاستاذه::  اصه والا عتقلبنها صاله مصارعه البنات : ههههههههه  بعد ما اتعاقبين البنات حين لعبين ب الماء نزلين بين الشمس عاسب ينشفين ومايجي وقت الفيدوس الا وقدهن يابسات من الماء.... في الفيدوس ملاك: ساره لاتنسي اللي اتفقنا عليه ساره: خلاص تمام عيوني يله مع السلامه ملاك: مع السلامه... تقلو ساره وملاك عيدرين من اللي راسل ملاك والا ماشي!!