Part 4
محمود: أهلاً وسهلاً نورتونا تشربوا إيه؟
كريم: ولا أي حاجة شكراً.
سيدرا: أنا هشرب عايزة شامبانيا.
محمود: تمام وقام جاب لها بنفسه.
كريم بصلها وقال: أنتي هتعملي إيه أنتي هبلة؟
سيدرا: ملكش دعوة بيا سامع أنت خنقتني بتحكماتك تحكمات تحكمات إيه القرف ده.
محمود: بس في إيه استهدوا بالله.
سيدرا: أخدت منه الكاس وقالت: شكراً خلينا في المهم.
كريم قال: إحنا بنعمل مسابقة وبنشوف الناس الجديدة علشان تشارك في المسابقة.
محمود: لا والله مليش في الجودة.
سيدرا بمقاطعة لكريم: ملكش دعوة بيه هو مش فاهم حاجة وطلعت سجاير وهي بتولع هو ولعها وهي ابتسمت وقالت: بص حضرتك هي مسابقة وليها حفلة كمان أتمنى إنك تشرفنا فيها بعد يومين.
محمود: علشان عيونك دول بس.
سيدرا: ابتسمت وغمزتلة وقالت: ممكن أستخدم ولاعتك عجباني الصراحة.
محمود: اتفضلي بس ابقي ادهالي يوم الحفلة أصلها عزيزة عليا.
كريم: نستأذن إحنا ونشوفك يوم الحفلة يا أستاذ محمود.
سيدرا: أوك وهي قايمة تمشي هي وكريم غمزتلة.
محمود ضحك.
وهي وكريم مشيوا وطلعوا وهي مبتسمة وبتضغط على سنانها قالت: متتكلمش دلوقتي أرجوك، وركبوا العربية واتحركوا
(وهي وكريم مشيوا وطلعوا وهي مبتسمة وبتضغط على سنانها وقالت)
سيدرا: متكلمش دلوقتي أرجوك.
(ركبوا العربية واتحركوا وقالت)
سيدرا: أنا آسفة أوي على اللي عملته جوه بس مكنش في طريقة غير كدة.
كريم (فرمل جامد وبصلها): فهميني بالتفصيل علشان أنا استغربت ردة فعلك رغم إني قولتلك مش هنتكلم.
سيدرا: أنا فعلاً آسفة بس اللي حصل مكناش متوقعينه، لذلك كان لازم أتصرف وإلا كان هيشك فينا. كان لازم أقول إنه في حفلة علشان يجي لعندنا وفي نفس الوقت الراجل ده سكته شمال يعني مكنش هيجي معاك بطريقتك.
كريم: بلاش تهور في الحاجات دي.
سيدرا: مفيش تهور ممكن تثق فيا بس المرة دي.
كريم: تمام، وبالنسبة للي حصل جوه هسامحك في حالة واحدة بس وهي إننا نكسب القضية.
سيدرا: تمام.
كريم اتحرك وبدأت سيدرا تجهز للحفلة. يوم الحفلة:
(سيدرا كانت لابسة فستان دهبي طويل وجزمة كعب سمرا، والفستان مفتوح من أول الركبة لآخر الجنب، وكانت واقفة مع ناس لحد ما كريم دخل وشافها وكان هيروح لها بس محمود سبق وراحلها وكريم فضل يراقب من بعيد).
سيدرا لمحمود: لا بس إي الحلاوة دي يا محمود بيه؟ (وتغمز).
محمود: دول عيونك بس.
سيدرا: اتفضل. (وكانت بتديله كاس).
محمود: شرب وخد واحد كمان.
سيدرا: تعالي معايا. (دخلوا أوضة في الفيلا وقعدوا على الكنبة).
سيدرا: قولي بقى عندك كام سنة؟
محمود: أنا مواليد 1990 احسب أنت بقى.
سيدرا: تمام.
(كريم كان واقف على الباب بره ودخل البوليس لمحمود. بعد ما البوليس خده وقفت سيدرا جنب كريم وقالت)
سيدرا: أنا آسفة وشكراً في نفس الوقت.
كريم ابتسم وقال: حلو الجو مكنتش اعرف انك بتعرفي تنظمي الحفلات كدة
سيدرا ابتسمت
كريم حط ايدة علي جبهتها وقال الجو سقعة تعالي هروحك
سيدرا هزت راسها وركبت العربية وأول ما ركبت نامت
كريم ابتسم علي شكلها وأول ما وصلوا البيت شالها وخبط علي الباب ومامتها فتحت واتفاجئت كريم شاور لها ودخل حط سيدرا علي السرير وغطاها وطلع
كريم لمامتها: انا اسف اني طلعتها بالشكل دة بس هي واضح انها تعبانة
مامتها: فعلاً هي بقالها اسبوع مش بتنام من ساعة ما اشتغلت عند المحامي
كريم ابتسم وقال: ممكن حضرتك تقولي لها انها متجيش الشغل بكرة وتعتبرة اجازة ليها
مامتها: حاضر إنما أنت مين
كريم: انا المحامي كريم
مامتها ابتسمت وقالت: أهلاً بيك طب تحب أعملك حاجة تشربها
كريم: لا شكراً لحضرتك وأسف مرة تانية علي الطريقة اللي دخلت بيها
مامتها: حصل خير
وكريم مشي وروح وفضل يفتكر شكل سيدرا ويضحك
تاني يوم
سيدرا صحيت ولقت نفسها مصدعة
مامتها دخلت ليها وقالت: صباح الخير
سيدرا: صباح النور
مامتها: كريم بيقولك النهاردة اجازة
سيدرا: وانتي عرفتي منين وقابلتيه فين اصلاً
مامتها ابتسمت وحكتلها علي اللي حصل لما وصلها
سيدرا بصوت عالي: نععععم!!!!!!