قلوب متحجره - الفصل 9 - مكتملة | روايتك

زين: طيارتنا نص ساعة ورح تقلع........بحكي مع حيط انا؟.. لم تجبه إيليا وابتعدت عنه واتصلت على ملك ملك: اه إيليا إيليا: بدي منك شغلة؟ ملك: شو؟ إيليا: رح تعيشي عند عمي على أساس انو انتي انا لأنو ما حكيت لعمو عن سفرتي بعدين كلها يوم ملك: طيب إيليا: هيك رح تكوني مجبورة تروحي معو على الشركة ملك: بيناسبني إيليا: طيب رح ابعثلك موقع البيت والشغلات المهمة وأغلقت نظرت امامها وكان هنالك طفل يضحك ولكن هذا الطفل كان من مخيلتها فقط ارتجفت ولم تعد قادرة على الوقوف جلست على اقرب مقعد واخذت من ادويتها ---------------------------------------------------- في الجامعة ديانا: لازم ترجع من لندن بأسرع وقت ناديا: على أساس رح تسمعلك ديانا: لازم تسمعلي ما بدي إياها ترجع لحالتها ست سنين عذاب ما لازم ترجع تمر فيهم ناديا: شو رح تعملي؟ ديانا: مجبورة احكي مع سعد رفعت ناديا حواجبها : منطق ديانا: طيب لازم روح ذهبت واتجهت الى كلية الهندسة بحثت عن روفيدا ودخلت الى مكتبها طرقت الباب وكانت الاخيرة مشغولة بأوراق كثيرة ديانا: روفيدا نظرت اليها وابتسمت: ديانا ....اقعدي ديانا: اذا مشغولة..... قاطعتها روفيدا: لأ اقعدي ديانا بتوتر: اسفة ابتسمت لها روفيدا وقفت من مكانها وجلست امامها: ليش اسفة ما كان غلطك مسكت يديها: انا رجعت رح حاول صلح كل اشي انا ما عم بلوم ولا وحدة فيكن ولا بلوم إيليا على الشغلة الي عملتها فيي الواحد بس يخااف بيعمل هيكك انا رجعت لساعدكن حكت جبينها: من بعيد هديك الحادثة ما كانت منيحا ابداً وحتى حاولت انتحر نظرت ديانا بذهول أكملت روفيدا: بس قويت حالي لازم كون قوية في انتن لازم احميكن اتحريت عن الي اسمو سعد كثير للاقيلو أي تغرة رح خلصكن منو ديانا بتردد: شِ..ِو؟ كيف؟ روفيدا: هااي خاصة شوي .... بس رح خلصكن منو استغلكن وانتن طفلات ما رح ينجوا بفعلته ديانا: روفيدا انا وناديا ما قرب منا كان بعيد عنا إيليا هي الي متورطة بكل اشي روفيدا: بشو متورطة بالزبط؟ ديانا: بشحنات تصدير مخدرات أسلحة تحف اثرية ...حتى في شغلة كثير مهمة إيليا خلاها الي اسمو سعد انو تقتل روفيدا بصدمة: تقتل؟؟.....ايليا ما عملتها صح؟!!! دمعت عيني ديانا: كان عمرها 15 روحت من عنده وكانت بتعيط وكثير حالتها زبالة بعدها مسكت دفتر ورقمت خمس اعداد روفيدا بذهول: خمسة!!!!! وضعت يدها على رأسها ديانا: كانوا تدريب .....خلها تتدرب كيف تسعمل سلاح على ناس عايشين والهم حق بالحياة اكثر منو حاولت روفيدا منع دموعها من النزول أكملت ديانا: إيليا بوقتها كانت تتعالج نفسياً .... روفيدا: كرم وسميرة وين؟ ياااربي!!! ديانا: انتي بتعرفيهم كان محور حياتهم بقتصر على نارين روفيدا: شو كان بدو منها شو كان بدو من طفلة؟ ---------------------------------------------------- ذهبت الى عيادة اخاها ودخلت غسان: تالا شو عم تعملي هوون!!!! تالا: بدي احكيلك شغلة غسان: طب تعي اقعدي واحكيلي حاولت تالا تهريب عينيها عن اخاها غسان: لا توتريني احكيلي شو في؟؟. تالا: ليلى ...........انتحرت تبدل وجه غسان: شو؟؟ متى؟؟ كيف عرفتي؟ تالا: بس كنت طالعة على الجامعة سمعت ماما عم تحكي مع خالتو غسان: انا السبب انا.. خلع البالطو الذي كان يرتديه وخرج حاولت متعه تالا ولكن لم يستجب لها اتصلت على عصام واخبرته ---------------------------------------------------- جالس مع ولدهِ يحتسي القهوة راكان: رح احكيلك خبر عجيب؟ محمود: شو في؟ راكان: مرته لعبدالله.....هربت محمود: شو عملت ؟ كيف هربت؟ راكان: تركتله رسالة انا سافرت وورقة طلاقي بدي إياها محمود: كاميرا خفية هااي راكان: اتحريت عن الموضوع فعلاً هربت محمود: منين الها مصاري؟ راكان: اكيد من بنتها... محمود: ما وصلت بنتها من اول ما اجيت وقف محمود وصعد الى غرفة مروة مروة: مطولة وانا محبوسة محمود: اكيد رح احبسك ولا بدك تفضحيني مثل امك مروة: افضحك مثل امي!!! شو دخل ماما؟ محمود: امك هربت مروة: مستحيل محمود: والله مش مستحيل هربت مثل المسك بس السؤال منين الها مصاري توترت مروة: ما بعرف اقترب منها محمود وامسك بشعرها: سألت من وين الها المصاري؟ مروة بتوجع: انا اعطيتها تركها محمود: اتوقعت .....كل مجوهراتك بتجمعيهم وبتعطيهم لراكان .....يلا هزت راسها وبدت بجمع مجوهراتها ---------------------------------------------------- كان في السيارة مع اخوه عمار بغضب: انت ما عندك سيارة تتحرك فيها؟ احمد: اشي؟؟؟ اييي عمار: شو مالك؟ احمد: عمو ما حكالك؟ عمار: شو بدو يحكيلي؟ احمد: انسحبت مني رخصة السواقة أوقف عمار السيارة على جنب: ليش لتسحب منك؟ احمد: يعني...كان في دورية وما وقفت الها. عمار: انت متى بدك تعقل؟ احمد: انا شو دخلني؟ أعاد عمار تشغيل السيارة : احمد اكبر ......وبعدين ليش ما وقفت؟ احمد: اييي... فيك تحكي لشغلة مهمة عمار: شو هل الشغلة المهمة احمد: البنت الي كانت راكبة معي ابن عمها كان من ضمن الدورية عمار بغضب: انت ما بدك تستحي على حالك بدك تجيب الحكي النا شو يعني تركب معك بنت بالسيارة احمد بصراخ: شو انا الي جبرتها هي ركبت برضاها عمار: استغفر الله العظيم عم الصمت عدة دقائق عمار: اسمع لازم نحكي مع جدو بخصوص مروة احمد: يا سلام وليش؟ عمار: شو ليش؟؟؟جدو حابس البنت بالغرفة ومن دون سبب احمد: واذا ....انت الحارس تبعها ..بعدين ما اسمعت عمار: شو؟ احمد: حضرة الوالدة هربت ---------------------------------------------------- كان جالس معه بالحديقة عصام: الي صاار صاار الله يرحمها غسان: انا السبب عصام: دخيلك وانت شو دخلك؟ هي غلطت وانت رميتها كلهم مثل بعض غسان: وبلكي كانت صاادقة يمكن كانت بتحكي الصدق هيكك بكون ظلمت وحدة بريئة عصاام ببرود: اطمن مش بريئة غسان: انت مالك؟ عصام: مالي ؟؟؟؟ما شاء الله علي غسان: من اول ما رجعت من لندن واحوالك متبدلة عصام: فش اشي ---------------------------------------------------- دخل الى غرفتها وكانت قد استردت عافيتها وسمح الدكتور بخروجها امسك بيدها من اجل ان يمشيها سالي: ابني؟؟ ياسر: اطمني رح رجعلك ايااه ساالي: شكراً ------------------------------------------------ عاد الى المكان القذر الذي وضع سالي فيه رأى باب غرفتها مفتوح وهي مفقودة بحث بكل مكان ولكن لم يجدها جن جنونه نورس: وين بدها تكون ؟ اتصل على إيليا إيليا: نعم نورس؟ نورس: سالي مش مبينه إيليا: كيف مش مبينه؟ نورس بغضب: ما بعرف دورت عليها ما لقيتها إيليا بعصبية: يلعن......دورها نورس لو انها بجحر حية ------------------------------------------------ جلست مع عم إيليا على طاولة العشاء ملك : يسلمو عمو الاكل زااكي زيد بسخرية: اهه من متى في عمو ويسلمو ....-وضحك- ملك: اسفة حكيت اشي غلط زيد: عمو مالك؟ منيحا .. ملك: منيحا سمع زيد صوت هاتفه وذهب اليه زيد: اه سميرة.........لأ عم تتعشى ........طيب هلأ بعطيكي إياها وتفاهمي معها اتجهه زيد الى ملك: امك بدها اياكي عم ترنلك من الصبح وما عم تردي التقطت ملك الهاتف بتوتر : الو سميرة: ماما وينك من الصبح؟ ملك: كنت مشغولة صرخ زيد: اه فعلاً صرلها أسبوع بتشتغل من كل قلب ورب سميرة: متى رح ترجعي ؟ ملك: ما بعرف... يعني حسب سميرة: امتحاناتك متى؟ ملك: ما بعرف بشوف متى سميرة: شو الي ما بعرف ما بعرف ملك: تمام ماما اسفة سميرة: بدي تكوني مع ناديا هاي الفترة احكي معها كل يوم اذا بتقدري ملك: ليش شو صااير؟ سميرة: عمتك عبير مرضانة ملك: سلامتها شو مرضها ...؟ سميرة: عندها التهاب في الكبد ملك: طيب ماما وأغلقت الهاتف ووضعته على جنب أكملت عشائها وهي تحس بشعور غريب قبل قليل تحدثت الى والدتها لا تعلم تفرح ام تبكي ولكن قلبها كان بنبض بقوة انهت طعامها وساعدت عمها بترتيب الأغراض وذهبت الى غرفة إيليا اتصل والدها ملك: نعم بابا؟ عمران: وينك؟ ملك: عند صاحبتي عمران: متى راجعه؟ ملك: مش راجعة عمران: ليش ان شاء الله ملك: صاحبتي مش منيحا ولازم ضل عندها عمران: مين هااي صاحبتك؟ ملك: بابا مش ضروري اعطيك تقرير عن كل اشي وهلأ بابا عن اذن لأنو مشغولة ------------------------------------------------ كانا واقفين امام مبنى ضخم زين: كيف بدك تتدخلي والمسدس معك؟ نظرت اليه : احكي ان بتمزح .... زين: لا ما بمزح ضحكت: معناتو عمران لازم يدور علة واحد غيرك المهم البنت معنا شغل كلو ربع سااعة....انا رح فوت من الباب الخلفي وانت بتفوت من الامامي وبتخاد مسدسك من واحد عميل عنا جوه زين: لازم في إشارة اعملها لأخدو نظرت اليه بصدمة : انت اول مرا بتعمل شغلة زي هيك؟.....هوي رح يعرفك يلا دخلت من الباب الخلفي واتجهت الى غرفة المدير تجاوزت الحرس ودخلت إيليا: سلاام فز هارون من مقعده: مين انتي؟ إيليا: بحكولي إيليا ....حضرتك؟ اخرج هارون سلاحه إيليا بسخرية: نزلو شو عم تعمل؟ ااااه ايش هااد كان هارون على وشك ان يضغط على الجرس ولكن اسرعت إيليا واطلقت على يده اقتربت منه إيليا: بنتك معنا؟ هارون: شو عم تعمل معكم إيليا: غريب انت خايف عليها.....زمع ان هي ما خلت مسبه ما حكتها عليك أخرجت هاتفها من جيبها وأرته ابنته مربوطة و هاورن: شو بدكم منها سيبوها؟ إيليا: اصلاً رح نسيبها ماني مولوعة بأني خزن بشر عندي بس بالمقابل بدي الملف الي اعطتك ايااه فيداء هارون: أي ملف ؟؟؟اي فيداء إيليا: ولو نسيت طليقتك.... هارون: ما عندي اشي.. نزعت إيليا الشال الذي على رقبتها ووضعن بفم هارون ومسكت يده المصابة وغرزت المسدس بها صرخ هارون صرخة مكتومة إيليا: وين الملف؟ أشار هارون بيده الأخرى على الخزنة تركته إيليا إيليا: قوم افتحها يلا شطور اتجه اليها هارون وبتلك الاثناء دخل زين زين: شو صار معك؟ إيليا: حلينا القصة.. أعطاها هارون الملف نظرت اليه واعطته الى زين واطلقت إيليا على قدمه زين: شو عملتي؟ إيليا: اهرب بسرعة ------------------------------------------------ وصل شقته واسند سالي عليه لتدخل ادخلها واجلسها على الكنبة وكل هذا الوقت وهاتفه عم يرن اخرجه ووجد المتصل رنا فصل واغلق هاتفه جلس اما سالي ياسر: سالي بدي احكي معك بشغلة مهمة نظرت اليه بتمعن ياسر: إيليا ما رح تحل عنك لهيك في حل وحيد انو نتزوج سالي: نتزوج؟!! ياسر: اهاا رح رجع ابنك واستأجرلك شقة منيحا وبتشتغلي وابنك بتحطي بالمدرسة بتبني حياتك من اول وجديد منيح هيكك سالي: منيح عم الصمت قليلاً سالي: أبو لحمزة هوي محمد ياسر بصدمة: محمد....اخو مراد هزت رأسها بنعم ياسر : سالي الولد اصغر منك هااد اولاً ثانياً ليش؟ وكيف عرفتو بعض؟ سالي: إيليا عرفتنا ولما إيليا تركت أمريكا زادت علاقتي في وحبلت وبعدها كنت بدي احكيلو بس ترددت لساتو سنة ثاني سنة جامعة ما كان في عندو خطة زواج بعدها تركت كاليفورنيا ودراسة الماجستير ورحت على نيويورك جبت حمزة وحطيته عند وحدة عربية منيحا كنت ببعثلها مصاري كل شهر لقبل خمس اشهر إيليا عرفت وهددتني لهيك عملنا كل هااي المسرحية ياسر: ليش هددتك؟ سالي: عرفت عن علي وعن سعد الي هوي ابوك ------------------------------------------------ كانا واقفين بعيداً عن المستودع إيليا: متى رح ندخل؟ زين: استني شوي... سبعين مهمة باليوم مش اشي كويس إيليا بسخرية: تعبت ...ياا حياتي زين: كم الساعة بلندن؟ إيليا: ما بعرف بالزبط بس الدنيا ليل رأى زين جماعته : وقت ندخل بدأء اطلاق النار قل عدد رجال الجماعة الأخرى دخلت إيليا إيليا: دخول سطوري وهلأ الشاحنات هدول النا رفع عليها احد الرجال السلاح إيليا: نزله ......بووه وبوقتها اطلق زين عليه النار زين: ما بتعرفي طولي سلاحك طنشته إيليا ونادت على ماركو: سوف تنقل البضاعة عبر المحيط الى لندن ماركو: حسناً ------------------------------------------------ كانت في فراشها تتجهز للنوم ولكن اتاها اتصال اطرت الى الرد علية هارون: اخوانك باعثين حدا اخد مني المستندات فيداء بغضب: انا انتك عليهم كيف بياخدوهم هارون: هددوني ببنتي شو اعمل؟ أغلقت الهاتف غاضبه وكسرت الابجورة التي بجانبها اتاها اتصال اخر فيداء: ياارب يكون خير....نعم؟ عدنان: البضاعة نسرقت منا فيداء: شو؟ كيف هيككك بصير؟ عدنان: ما ضل حدا كل اطلقوا علي داهمونا على غفلة انا انقذت حالي بصعوبة فصلت بوجهه : رح تندمو والله لندمكم ------------------------------------------------ في المطار زين: خلصنا كل اشي بس لسا ثاري ما اخدتو جهزي حالك انتي وصاحبتك... إيليا: يااشيخ ....اوككي رح جهز حالي زين: طيارتنا بعد سااعة معنا وقت بتعرفي شو لازم تعملي إيليا: طب امشي مشت إيليا الا ان وصلت الى رجل كهل وقفت بجانبه اتاها زين بغضب مصطنع وضربها كف بدات إيليا بالبكاء زين: والله لموتك بدا الكهل يفرق بينهما حكمت: شو عم تعمل؟ بدلت إيليا حقائب السفر بسرعة وركضت كان زين على وشك الركض خلفها ولكن مسكه الكهل وقدمت الشرطة وحجزته ------------------------------------------------ وصل نورس الى شقة ياسر وطرق الباب فتح له ياسر وادخله انصدم نورس بوجود سالي نورس: هااي شو عم تعمل هون؟ لا تحكيلي انك..... ياسر: اه انا نورس: ياسر!!!! ياسر: انا وسالي رح نتزوج هلأ حمزة وين؟ نورس: ما رح اعطيك سالي ببكاء: كرمال الله ياسر: لا تخليني اطر اعمل شي مش منيح حمزة رح ترجعه انت نسيت مع مين عند مين عم تشتغل عندي مش عند إيليا نورس: احكي الي بدك ايااه الولد ما رح يرجع ياسر بغضب: نورس... نورس: حكيت الي عندي وخرج سالي: شو رح يصير هلأ ياسر: اطمني رح رجعه ------------------------------------------------ كانت جالسة بالزواية وتبكي مروة" ماما كيف بتعملي هيكك كيف بتتركيني " نظرت الى الغرفة ملياً وقفت واقتربت من النافذة نظرت جيداً مروة: بقدر انزل فتحت النافذة وحاولت النزول ونجحت ابتسمت ومضت راكضة لا تعلم الى اين تذهب ولكن عرفت اتجهت الى منزل ديانا وهو كان قريب من منزلها وقفت امام نافذتها وبدأت برمي الأحجار الصغيرة استيقظت ديانا وفتحت النافذة ديانا بصدمة: مروة! مروة: ساعديني اطلع لعندك ديانا: هلأ يفتحلك الباب الكل نايم لفي لهناك نزلت ديانا الى الأسفل وتأكدت من نوم الجميع فتحت الباب لمروة وصعدتا الى الغرفة ديانا: شو عم تعملي هون؟ مروة: ديانا ساعديني محمود معيشني بجحيم ديانا: ليي شو صاير؟ مروة: إيليا دمرتني كلو بسببها ديانا: وانا ليش بدي ساعدك مو كنتي بدك تشوهي صورتي قدام عمار مروة: ديانا اسفة وربي اسفة ديانا: طيب مروة نامي وبكرا بشوف شو بدنا نعمل الساعة أربعة الفجر ------------------------------------------------ حل الصباح ووصلت إيليا وزين الى مطار لندن إيليا: اتوقعت ما تطلع من الحبس زين: اكيد ما رح اخليكي تنبسطي وقدملك معروف زي هيكك نظرت اليه إيليا بأمتعاض رن هاتف إيليا إيليا: نعم نارين؟ نارين: صباحح الخير الناس بتحكي إيليا بملل: خير نارين شو بدك من الصبح؟ نارين: ليلى انتحرت إيليا بصدمة: شو؟؟؟ وقع الهاتف من يدها ووقعت على الأرض وبدأت تتنفس بصعوبة وبدأت ترى خيال علي زين برعب: إيليا...... علي مخاطي إيليا: ماتت زيي بريئة زادت حالة إيليا سوء زين بصرااخ: في دكتور هونن...ايليا ونارين على الجهة الأخرى من الهاتف تصرخ وصل نورس وابعد زين عنها: مالها؟ زين بتوتر: ما بعرف كانتب تحكي تلفون وفجأة هيكك صاار نورس: إيليا ....ركزي معي عم تسمعي صوتي اتنفسي نظرت اليه إيليا وبدأت تتنفس بشكل جيد وأشارت الى حقيبتها نورس: زين دور في معها اشي بالحقيبة بحث زين ووجده واعطاه لنورس نورس: بدي مي.. أعطاه وشربهم الى إيليا بدأت تتحسن رويداً رويداً ضمت نورس وبدأت تبكي مسك زين هاتفها وتكلم مع اختها وطمئنها وأعاد الهاتف لها نورس: يلا نروح....صرت منيحا إيليا: اهاا منيحا زين: متلاقى عند عمران إيليا: اوكي بااي ركبت السيارة نورس: اكيد منيحا إيليا: نورس صرت منيحا نورس: شو صاار؟ إيليا: ليلى انتحرت نورس: انتي ما دخلك بانتحارها طيب صمتت ايليا إيليا: مالك مزعوج؟ نورس: ماني مزعوج نظرت اليه إيليا نظره بأنها غير مصدقة نورس: ياسر هوي الي سااعد سالي وبدو الولد والازفت عرفت الصبح انهم تزوجو ايليابصدمة:شو؟!! بتمزح نورس: ما بمزح تنهدت إيليا : كل ما اخلص من شغلة بتطلعلي شغلة نورس: شو رح تعملي؟ ابتسمت إيليا: عندي خطة مرتبة نورس: سيبي الخطط الحالات رجعتلك من متى والا هااي اول مرا إيليا: اول مرا نورس: من متى رجعتي لأدويتك؟ إيليا: صرلي فترة ------------------------------------------------ خرجت ناديا من منزلها متجهه الى الجامعة لتجد في طريقها محمد يضرب بالبوق لها اوقفت سيارتها على جنب وكذلم محمد و ترجلت منها ناديا: نعم محمد ؟ مش على أساس ما بدك تشوفني ثاني مرا محمد: غلطت ناديا: بالله جد؟ محمد: ناديا انا ما بقدر كمل يومي من دون ما اسمع صوتك وما شوفك تمام عصبت عليكي بس انا اسف ناديا: انت ما بتقدر بكل بسااطة تصرخ علي وتعمل معي مشكلة وبلأخير اسف محمد: ناديا انا... ناديا: شو؟ محمد: تمام عصبت بس لا تنسي انو الي عملتي غلط غضبت ناديا: ليش ما اتصلحت علاقتك مع اخوك بفضلي محمد: تصلحت بس بكذبة ذهبت ناديا الى سيارتها ولحقها محمد: خلينا نكمل حكي ناديا: شو نكمل ولساك عم تحط الحق علي محمد: ما عم حط الحق عليكي ناديا: اتأخرت على جامعتي محمد: اول محاضرة عندك على الساعة تسعة ناديا: شو عم تراقب جدولي.. محمد: اه عم راقبه ...تعي نقعد بمكان هاادي ونحكي ناديا: ما بدي وركبت سيارتها وركب بجانبه محمد ناديا: فيك تنزل من سيارتي؟ محمد: لأ ناديا: محمد