ض10
لنفسك فرصه لا تكوني ظالمة كل هالقد ،
اتركي الخوف ..
باس نحرها بقوة و مشي من دون م يلتفت لها
جود اخذت نفس عميق و هي تحاول تهدي من نفسها جلست ع طرف السرير ، حطت يدها مكان البوسه حست رقبتها انحرقت منها و من انفاسه الحاره،
وقفت وصبت لها مويه ابتسمت وهي تتذكر كلامه و لمساته يلي كلها دفئ و اخر شي بوسته يلي كلها حب و مشاعر ، همست بصوت م تسمعه الا هي : بحبك جاسر !
أليس من حق المُحب
أن يسكن حضن محبوبه؟
.
.
ولو أوجعتك الظروف وظننت أنك تستحق
أفضل مما حدث، تذكر أن الله اختار لك الأفضل، وأنك لو علمت كيف يسير الله أمرك
لذاب قلبك من فرط رحمته بك.
يوم الجمعة ..
فيلا بو بتال ،
ب أحدى أجنحة الفيلا
كان واقف قدام المراية يعدل شماغة ، انفتح الباب دخلت وبيدها المبخرة حطت العود ع الفحم و فاحت ريحته بكل الغرفة ، وقفت وراه بعيون ذابلة وهي تبخر شماغه
اخذ ساعته و لبسها من دون لا يلف لها ويقول لها شكرا ع الاقل
ريم : جمعة مباركة
بتال رفع عيونه و ناظرها بالمراية : علينا و عليك
ريم سرحت فيه بهدؤ وبداخلها بحر من الألم و الكلام
بتال لف بيطلع من الغرفة لكن وقف ولف لها : بعد الصلاة بمر اخذك رايحين بيت عمي بو سعود لا تتاخرين اجي و انتِ جاهزه تدرين م احب الأنتظار !
ريم هزت راسها : ان شاء الله
طلع بتال بسرعة نزل و شاف ابوه بالصالة قاعد ينتظرة عشان صلاة الجمعة ، تقدم له وباس راسه : جمعة مباركة يبه .. وتقدم ل امه وباس راسها : جمعة مباركة يالغالية
سحر : متى بنروح بيت عمي ؟
بو بتال : بعد الصلاة عاد لا تتأخرو
بتال : م ادري وش فايدة هالعزيمة !
بو بتال : هذا عمك عيب تقول هالكلام ؟
بتال وقف وبلا مبالاه : م قلت شي ، تدري انه م احب العزايم و خصوصا العائلية !
طلع قبل ابوه ركب سيارته و توجهه للجامع .
سحر طلعت ودقت جناح بتال فتخت ريم و ابتسمت : هلا سحوره
سحر : قلت بجي اشوفك جهزتي ولالا
ريم : لسه اقرأ سورة الكهف بس اخلص بلبس
سحر : ريم صار شي بينك وبين بتال ؟
ريم : لا ليه
سحر : مدري طلع وهو كانه متضايق مدري معصب !
ريم ابتسمت بذبول : هذا بتال وهذا حاله من يوم تزوجنا لا ضحك وجهه ولا ضحك وجهي !
تعريف بالشخصيات
بو بتال : عمره ٥٢ سنه انسان كريم وقوي وشخصيته صعبه جدا
ام بتال : عمرها ٥٠ سنه انسانه طيبه و راقيه وحنونه على اولادها كثير
بتال : ولدهم الاكبر عمره ٣٢ سنه تاخر كثير بالزواج و بنعرف قصته بالبارتات الجايه ، انسان جميل جدا وله هيبه بالمجتمع طيب كثير وعنده احن قلب لكن الظروف قلبته للشخص قاسي لا يبالي لشيء .
سحر: عمرها ٢٤ سنه درسة جامعة عن بعد تخصصها محاسبة ، انسانه جميله جدا وناعمه كثير
ريم : عمرها ٢٤ سنه وهي نفس عمر سحر وكثير قريبين من بعض ، انسانه جميله كثير وجمالها يجذب العين ، طويلة بشرتها بيضاء وشعرها ل اسفل ظهرها و اسود مثل سواد الليل ، لها ٦ شهور متزوجة بتال ومن يوم تزوجته ذبلت عيونها الجميلة ،
و استوطن الحزن قلبها !
.
.
فيلا بو سعود ..
الكل بالمطبخ يجهز الاكل وبنفس الوقت مستغربين من هالعزيمة يلي جت بشكل مفاجئ
ريهام جلست ع الطاولة : اخ رجولي تكسرت
نجود : لو تنحفين م تتعبي هالكثر
ريهام : وش دخلكم فيني ي ناس احب نفسي و انا سمينه
شيخة : لا تكثرين كلام وقومي
ريهام : بروح ابخر المجلس ، الا جد وين عناد من امس الليل م جاء ؟
شيخة : خليه يروح يمكن يرد له عقله
ريهام وقفت : والله عقله موجود لكن انتو يلي عقولكم مُتحجرة
سعود دخل المطبخ وحط الخبز ع الطاولة : بيت عمي بو محمد وصلو
ريهام جرت و راحت تستقبلهم حضنت هاجر اول وحده : كيف اختي حبيتي
هاجر : شوي شوي قتلتيني
ريهام : مالت عليك مشتاقه لك
شيخة طلعت من المطبخ : اهلا و سهلا نورتو
أم محمد : تسلمين ي شيخة منور البيت ب هله
نجود حضنت امها : اهلين يمه
أم محمد : طمنيني عنك يمه شخبارك
نجود جلست جنبها : بخير الحمدلله
هاجر وهي تكلم ريهام : خلصتو الغداء ولا باقي ؟
ريهام : زمان خلصنا
هاجر : يمه وش سبب هالعزيمه المفاجئة ؟
شيخة : والله م ادري ابوكي قال يبي الكل يكون موجود يوم الجمعة
هاجر : طيب وين عناد بسلم عليه شفت بس سعود؟
ريهام : مو موجود !
هاجر : وينه اجل ؟
ريهام همست لها : مدري امي طردته من البيت !
تعريف بالشخصيات ..
أبو محمد : عمره ٤٦ وهو الاخ الاصغر
أم محمد : عمرها ٤٤ انسانه طيبه و حنونه لكن طبعها صعب جدا
محمد: ولدهم الاكبر عمره ٢٥ سنه متزوج هاجر و عنده طفلين
فهد : عمره ٢٢ سنه لسه متخرج من الجامعة يحب سحر كثير لكن هي اكبر منه بسنتين !
نجود و ريم زوجة بتال خوات وهم بنات بو محمد .
.
.
بعد مرور ساعتين ..
عناد كان يمشي بالسيارة متوجهه لبيتهم و بجانبه ريلام يلي كان قلبها بيوقف من كثر الخوف
عناد مد يده وشابك اصابعه ب اصابعها و طبع بوسه ع يدها : ليش كذا باردين ؟
ريلام : خايفه عناد مرره خايفه !
عناد وقف سيارته قدام البيت : افا تخافين و انا جنبك؟
ريلام بلعت ريقها : وش بنسوي الحين؟
عناد ابتسم : زواجنا رح يُعلن للكل ليش تخافين بالعكس كوني مبسوطه
ريلام : م ادري بداخلي خوف خوف !
مجلس الرجال
كانو كلهم متجمعين وجلستهم م تخلو من السواليف عن الشركة و الشغل
محمد تكلم بصوت جهوري : وين عناد ؟
سعود : والله م ادري من يوم رجع من لندن وهذا حاله كل يوم مختفي !
بو سعود : عناد ع الوصول وبتعرفو ليش جمعتكم اليوم !
بالصالة
كل الحريم كانو جالسين مع بعض وضحك البنات يلي مالي الصالة كلها
أم محمد : قصرو صوتكم الرجال يسمعوكم
ريهام : والله ي عمتي مبسوطين من زمان م شفنا بعض
سحر : ايه والله
ريهام : سويت لكم حلا بتاكلو اصابعكم وراه
ريم ضحكت : مو ع اساس كتبتي بالجروب بتسوي دايت ؟
نجود ضحكت : تصدقيها انتِ
هاجر : هذي كل يوم بتبدا بس الله العالم متى رح تبدا
ريهام كشرت : مالت عليكم بس ، والله سويته عشان عناد طلب مني
هاجر : يالكذابة وين عناد اساسا ؟
ريهام : ترا اتكلم جد طلب مني امس الليل
هيّا اخيرا انفتحت سالفه تخص عناد عشان تسال عنه : الا وين عناد ؟ سمعنا انه يبي يتزوج !
ريهام فهمت قصد هيّا : ايه صح
ريم : من جد بيتزوج ؟ مين هي ؟
ريهام : م ادري محد يعرفها قال يحبها من لندن
سحر : ع اساس عمي بيوافق ! هذا بتال اخوي كان نفس حاله !
ريم اوجعها قلبها وشدت ع يدها و الكل ركز عليها ، سحر حست ع نفسها : ريم والله مو قصدي
ريم : لا عادي !
اندق الباب وتكلم عناد بصوت جهوري : انا بدخل اتغطو
الكل اتفاجأ وش يبي عناد !
البنات كل وحده لبست عبايتها وغطت راسها
انفتح الباب و دخل عناد وهو لابس ثوب و شماغ و عقال و ريحة عطره سبقت خطواته : السلام عليكم
الكل رد السلام وهو م زال واقف عند الباب ، مد يده لبرا الباب والكل مُستغرب ،
انحطت يد ناعمه وبيضاء بيده وشابك اصابعه ب اصابعها و تقدمت بخطوات انسمع صوت كعبها قبل شوفتها و دخلت بكل ثقه رغم الخوف يلي داخلها ، شالت الشيله ع راسها و انتثر شعرها الزيتوني ع اكتافها و ظهرها .
عناد شد ع يدها اكثر و سحبها لجنبه : ريلام الماسي
زوجتي على سنة الله و رسولة .
.
.
عناد شد ع يدها اكثر و سحبها لجنبه : ريلام الماسي زوجتي على سنة الله و رسولة .
الكل كان بحالة صدمه و ذهول ، معقول هالشي يصير بعائلتهم !
شيخة وقفت بقوة : وش تقول انت ؟
هاجر : عناد !
عناد : لا تستغربون ، جمعتكم اليوم هي اعلان ل زواجي من ريلام لنا شهر متزوجين ..
لف ع ريهام و كمل : لا اوصيك عليها عرفيها ع الكل انا بروح مجلس الرجال
ريهام وقفت وهي مبتسمه : ولا يهمك .. باست ريلام و حضنتها : اهلين فيك نورتي البيت
شيخة بصياح : اطلعي برا و عيني لا تشوفك بهالبيت
ريلام بلعت ريقها و ناظرت عناد بخوف و صدمه
عناد : ريلام لو طلعت انا بطلع و م رح تشوفيني ابدا ويلي يحبني يحب زوجتي و يحترمها لانها ضلع من ضلوعي
هيّا حست قلبها يتمزق من كلام عناد ومن طريقة كلامه يبين الحب يلي يحمله لها ،
بهالحظه زاد حقدها و كرهها ل ريلام !
شيخه تقدمت ل ريلام : انتِ م عندك اهل يربوكي و يعلموكي الأدب ، اطلعي من بيتي !
بو سعود دخل وبقوة : شيخة
شيخة : تعال شوف ابنك وش سوي
بو سعود : وش فيها تزوج ع سنة الله و رسولة .. لف ل ريلام ومد يده : اهلين ي بنتي نورتي بيتك
ريلام ابتسمت و حست براحه تقدمت له وباست راسه : اهلين عمي
بو سعود : يلي مو عاجبه زواج عناد يطلع هو من البيت !
ريلام و عناد من اليوم بيعيشون معنا بالبيت و ريلام من اليوم هي بنتي لف لها و كمل : تفضلي اجلسي و ريهام تعرفك ع الكل ،
و اي احد يزعلك كلميني و انا اتفاهم معاه
شيخة حست بنار اشتعلت داخلها طنشت ريلام وجلست تكملل قهوتها
بو سعود : تعال سلم على عمانك ينتظروك
طلعو ل مجلس الرجال و ريهام مسكت يد ريلام و بدت تعرفها ع الكل ،
و الكل بارك لها و رحب فيها
ريهام : فسخي العباية
ريلام فتحت الزراير و شالتها كانت لابسه فستان ابيض ماسك ع جسمها وطوله للركبه ومفتوح اليدين ،
الفستان بين تفاصيل جسمها و جمالها جذب كل العيون ،
لكن هيّا م جذبها الا السلسال يلي لابسته ريلام كانت مكتوب اسمها و اسم عناد ، حاولت تخفي حزنها لكن م قدرت !
.
.
بمجلس الرجال ..
بتال وقف : وشو تزوج ؟
بو سعود : ايه ومن شهر و جمعتكم اليوم هي مناسبة اعلان زواجه
بتال شد ع يده و عيونه تناظر الكل : الحين انا يوم قلت لكم ابي عليا وقفتو بطريقي كلكم !
بو سعود : خلص ي ولدي هذا ماضي و الحين انت متزوج
بو محمد : وش هالكلام ي بتال انت متزوج م يصير..
بتال قاطعه بصوت مرتفع : الا يصير لانه حرمتو اثنين يحبو بعض ..
لف ل عناد و كمل : لكن انت طلعت جدع يوم جبتها و انت ماسك يدها
محمد وقف بعصبيه : م تستخي انت متزوج اختي و تتكلم عن الماضي ؟
بتال تجاهل الكل و طلع من المجلس بعصبيه ركب سيارته و مشي بسرعة و حتّك صوت الكفرات وكان لها صدى بكل مكان ،
خبط ع الدركسون بقوة وهو يتذكر عليا
البنت يلي حبها و كانت كل شي بالنسبة له و يوم قرر الزواج منها وكلم اهله الكل رفض لانها مو من قبيلتهم ولانها كاشفة وجهها
و ابوه حلف يمين لو يتزوجها بيتبرى منه طول العمر ، من وقتها بتال تركها او بالاصح هي يلي تركته عشان اهله و عشان فقدت امل الزواج منه ،
بتال من وقتها صار قاسي ، صار انسان م عنده مشاعر لا يبالي شي
تزوج ريم لانه ابوه خطبها له و حطه تحت الامر الواقع ، لكن من يوم تزوجها زادت قسوته وكانه يعاقبها و يعاقب نفسه وصارو الاثنين ضحية لعاداتهم وتقاليدهم !
عند الحريم
ريلام كانت جالسة وحاطه رجل ع رجل و بيدها فنجان القهوه ومبتسمة للكل و بدت تسولف مع البنات و تتعرف عليهم ، كانت متضايقة من نظرات هيّا لها و اتعمدت تقهرها اكثر لما تنطق اسم عناد تحط يدها ع السلسال .
ريم م كانت معاهم ابدا كل بالها عند بتال وش ردة فعلة لما عرف بزواج عناد ، اكيد جرحه انفتح و التهب اكثر و اكثر
قامت من جنبهم و اتصلت عليه لكن م رد حاولت مرة و مرتين و ثلاث و بالخامسة رد عليها : نعم وش تبي ؟
ريم بهدؤ : حبيت اطمن عليك ، انت بخير ؟
بتال وقف السيارة بهدؤ تنهد وهو يناظر غروب الشمس ، كانت عيونه مُتعبه و مُرهقه : لا مو بخير ، من يوم فقدت عليا مات شي كبير بداخلي
ريم لا ارداياً نزلت دمعتها حست انه جرحها جرح كبير ،
ومن التنهيده عرفت اشكثر كان يحبها ولا زال يحبها .!
.
.
الساعة ١٢ الليل
ريلام كانت بالغرفة تنتظر عناد ماهي الا ثواني و الباب انفتح وقفت بسرعه وحضنته بقوة
عناد باس رقبتها : اشتقت لك ي قلبي
ريلام : و انا بعد بس ليه تاخرت هالكثر
عناد جلس ع الكنبة وجلسها فوق رجولة : والله تاخرنا بالمطعم
ريلام : امم
عناد : قولي لي كيف كانت جلستكم تعرفتي عليهم ؟
ريلام : كويسة بصراحة حبيت ريهام حسيتها فرفوشه وحبيت نجود حسيتها طيبه و ريم هاديه احس بداخلها حزن وسحر مثل ريهام حبوبه لكن هاجر احسها مثل امك كل الوقت تناظرني بهدؤ
عناد ضحك : معك حق هاجر نسخة من امي
ريلام : باين
عناد : عجبتك الغرفة ، ادري مو من مقامك و تعتبر صغيرة للغرف يلي عشتي فيها
ريلام حطت كف يدها ع خده بحب و ابتسمت : صح نمت بغرف اكبر و افخم لكن م كان فيهم حب و لا دفئ مثل هذي ،
يكفيني انا و ياك بنام تحت سقف واحد و ع نفس المخده
عناد باس باطن يدها : لا حد يلومني ليش حبيتك
ريلام ضحكت : ليه ؟
عناد : انتِ تنحطي ع الجرح يبرى
ريلام : طيب قولي م بنسافر شهر عسل ؟
عناد : ودي لكن الحين صعبة شوي
ريلام :تمام يلي تبيه
عناد : بس رح نطلع كل يوم ورح اعرفك ع الرياض كلها
ريلام حضنته : أحبك انا
عناد ناظرعيونها بحب : اذا انتي تحبيني اجل انا وش اقول !
ريلام تعلقت فيه : لا تقول شي تكفيني نظرة عيونك يلي كلها حب
عناد : والله مايسقِي الوُرد فيصدري غيرضحكتَك♥️.
.
.
بعد مرور يومين
ريلام صحت و م شافت عناد جنبها اخذت الجوال وشافت الساعة ١١ اكيد طلع من زمان ع الشركة ، قامت بسرعة غيرت ملابسها و لبست قميص اصفر طويل للارض و علية حزام من الخصر اخذت شيلتها و حطتها ع راسها و طلعت بهدؤ وهي تتلفت بين الغرف نزلت الدرج و توجهت للمطبخ : صباح الخير
شيخة كانت تطبخ و طنشتها ، ريهام كانت تقطع و اول م شافتها ابتسمت : صباح الورد ي عروستنا
ريلام : ي عمري تسلمين
شيخة : اذن الظهر و انتِ نايمه ؟
ريلام انصدمت منها بس بينت الوضع عادي : وش دعوة خالتي اتوقع لساتني عروسة
ريهام كتمت ضحكتها لما شافت امها انقهرت وقفت : وش تشربين شاي ولا نسكافيه؟
ريلام : ارتاحي انا بسوي نسكافيه بس م ادري وين الاغراض
شيخة لفت لها : تعلمي بنفسك وينهم يومين ثلاث وتصيرين بالمطبخ تطبخين
ريلام لفت لها : م اعرف اطبخ ولا بطبخ لك كل الاكلات
شيخة : تعلمي نحنا مو خدم نطبخ لك
ريهام : خلص يمه شوي شوي بتتعلم وبعدين لساتها عروسة
ريلام ناظرت ريهام بحب اشلون تدافع عنها
ريهام : وين تشربين النسكافيه هنا ولا بالصالة ؟
ريلام اخذته من يدها : يسلمو حبيبتي ، بروح الصالة اشربه ع رواق
طلعت من المطبخ و جلست بالكنبة بهدؤ اخذت نفس عميق وهي م تدري اشلون بتعيش بهالبيت !
دخلت نجود و اول م شافتها ابتسمت : صباح الخير ي عروسة
ريلام ابتسمت : صباح النور، وينك م شفتك ؟
نجود : كنت انظف و ارتب المجالس
ريلام استغربت : تنظفين ؟
نجود تقدمت و جلست جنبها : ايه ليش مستغربة ؟
ريلام وهي تتلفت : مافي شغالات هنا ؟
نجود ضحكت : لا حبيبتي ، نحنا نسوي كل شي تنظيف و طبخ و غسيل كل شي
ريلام : بس اشلون تلحقون كل شي ؟
نجود : شوفة عينك من الصباح للعصر و نحنا شغل بالبيت
ريلام هزت راسها تحاول ترتب افكارها كل شوي تلاقي صدمه جديده بهالبيت !
.
.
بعد مرور ساعتين ..
كان الاكل جاهز ع طاولة الطعام وكل واحد جالس بمكانه ومنتظرين بو سعود
عناد ناظر امه بحزن لها يومين م تكلمة ابدا لكن تاركها براحتها
ريهام : هذا اول غداء مع ريلام ، طبعا امس سحبتو علينا
ريلام ابتسمت وهي تعدل شيلتها : ي عمري تسلمين
شيخة اخذت نفس : احس الاكسجين قل م ادري ليه
ريلام فهمت قصدها بس كانت اذكى منها : شرايك اطلع انا وياكي الحوش خالتو حبيبتي
ريهام فطست ضحك
سعود : بس انتي كل شوي تضحكين مافي شي يضحك عيب
أمين : شفيك انت ولو ضحكت ؟
ريلام ناظرت سعود : ليش حتى الضحك ممنوع ؟
بو سعود دخل ع سؤالها و الكل سكت
شيخة : تفضل ي بو سعود
بو سعود جلس و ناظر ريلام : مع الايام بتتعودي علينا وعلى طبايعنا
ريلام : ان شاء الله
بو سعود بدا ياكل : اقول الجمعة نسوي عرس صغير او بالاصح حفلة صغيرة لحتى الناس تعرف انه عناد تزوج
شيخة : مافي داعي لتكاليف على شي م يستاهل خلص تزوجو و انتهينا نبي نعلن كمان على شنو بس !
ريلام طاحت الشوكة من يدها و ناظرت شيخة : اذا خايفة ع التكاليف انا بدفع كل شي ، و انا زوجة ولدك حامله اسمك
سعود : بدينا !
بو سعود : لا ي بنتي لا تقولين هالكلام ادري انك انك وارثة كل شي عن الوالد الله يرحمه ،
بس م يصير تقولين هالكلام انتِ الحين زوجة عناد اسمك مربوط فينا
عناد : انا اقول شي مهم قبل كل شي ، اذا تبونا نعيش كلنا بهالبيت بسلام احترمو زوجتي ولا بترك هالبيت !
ريهام حاولت تغير الموضوع لتصير مشكله : ايه وش رايكم نسوي الحفلة بالحوش الجو حلو
نجود : ايه صح ، و دام الجمعة هذي اجل نبدأ بالتجهيزات
ريلام ابتسمت لهم ع الاقل في ناس طيبه بهالبيت ، ناظرت عناد : وش رايك نجيب منسقة وهي تسوي كل شي ؟
عناد ابتسم : يلي تبينه
شيخة شدت ع يدها بقوة وهي تحس بالقهر من تصرفاتهم ،
اما سعود كان يناظرهم بهدؤ وهو مصدوم من تصرفات عناد كيف هو قوي بكلامة وكل شي،
لكن لما يناظر ريلام يلين ويصير كانه طفل !
.
.
عند حلا ..
الساعة ٥ عصراً
كانت ع الجوال وفجاة صرخت بصوت
أم عبدالعزيز لفت لها : خير وش في ؟
حلا : يمه ريلام تقول يوم الجمعة بيسوي حفلة اعلان لزواجهم
أم عبدالعزيز : هذا الصح الله يوفقها ي رب
غلا : الحين انا وش بلبس ؟
حلا : قولي انا اخت العروسة يلي وش بلبس ؟
غلا : مالت عليك بس انا اختك
حلا ضحكت : ترا ريلام و جود شي مختلف
غلا رمتها بالمخده : طيب ي حلاوي
حلا وقفت : بروح اسوي لي قهوه اسوي لك معاي ؟
غلا : ايه سوي لي ..
.
.
في إحدى الشركات الراقية
كان جالس بمكتبة يشرب فنجال القهوه بهدؤ اندق الباب و دخل شخص القى السلام و جلس
بو عبدالعزيز : وعليكم السلام ، كنت ب انتظارك لكن عرفني على نفسك !
سيف : انا سيف ال* ، التقينا مره وحده ب لندن
بو عبد العزيز : والله الشكل مو غريب
سيف : بحفل التخرج التقينا
بو عبد العزيز: ايه صح صح اهلا وسهلا فيك ، وش تحب تشرب
سيف : قهوه
بو عبدالعزيز رفع السماعه وطلب قهوه سكر ولف ع سيف : سمي ي ولدي وش الموضوع المهم يلي قلت للسكرتيرة تبيني فيه ؟
سيف : انا طالب يد بنتك حلا على سنة الله و رسولة
بو عبدالعزيز ظل ثواني يستوعب : حلا ! من وين تعرفها
سيف : انا و حلا كنا بنفس الجامعة ب لندن و تعرفت عليها ، انا كلمت اهلي اذا موافقين الجمعة الثانية نزوركم و نملك
بو عبدالعزيز : الراي و الشور ل حلا ، وبعدين ليش مو خطبة ع الاقل نتعرف عليك !
سيف طلع كرته و حطه ع الطاولة : هذا كرتي ي عمي اسال عني ب اي مكان، ولي الشرف اناسبك
بو عبدالعزيز ابتسم وهو يقرأ اسم عائلته : ترا اعرف الوالد شخصياً ، مافي داعي لسؤال عنك .
سيف بادلة الابتسامة : تسلم ي عمي اجل نحنا ب انتظار ردكم !
.
.
عند ريلام
كانت جالسة بغرفتها و ع الجوال تراسل حلا و جود يلي هم سُكر حياتها ،
اندق الباب و قامت تفتح : اهلين ريهام
ريهام ابتسمت : عناد موجود ؟
ريلام : لا من شوي طلع
ريهام : هاجر جت ، تعالي اجلسي معانا
ريلام : اوكي ، الا بسالك في احد من اخوانك بالبيت ؟
ريهام : لا ، ليه ؟
ريلام ابتسمت : عشان اللبس ع راحتي
ريهام : تطمني بيرجعون بالليل
ريلام : اجل بلبس و انزل
ريهام : ب انتظارك لا تطولين م تحلا الجلسة الا معاكي
ريلام ابتسمت و سكرت الباب فتحت درج ملابسها و احتارت وش تلبس طلعت لها فستان باللون الكشمير طويل لتحت الركبة و اكمامه طويلة ماسك ع جسمها وعليه حزام برز خصرها ،
حطت مكياج خفيف و فتحت شعرها تعطرت من عطرها المفضل و نزلت
ريحة عطرها سبقت خطواتها دخلت عليهم ب ابتسامة : اهلين هاجر
هاجر من غير نفس : اهلين
ريلام جلست جنب نجود و ريهام حطت رجل ع رجل و اخذت فنجال القهوه
هاجر رغم انها م تحبها لكن جمالها جذب عينها و م قدرت تشيلها عنها
شيخة : خير ان شاء الله ليش كل هالكشخه ؟
ريلام : جتنا ضيفه خالتي وبعدين انا متعوده كل يوم اكشخ براي تتعودين
ريهام : صراحه انا مُعجبة فيك
ريلام ابتسمت لها بحب : ي عمري تسلمين ، لفت ل هاجر : اخبارك ي هاجر ؟
هاجر : تمام الحمدلله.. سمعنا انه بتسو عرس
ريلام : ايه اكيد
نجود : طيب للحين م سوينا شي
ريلام : ي قلبي عمتي الهنوف قالت هي بتسوي كل شي تدرين انا م اعرف منسقين حفلات بالرياض ولما سألتها قالت تم كل شي هي بتسويه هديه منها
نجود: يعني بنتعرف على اهلك يوم الجمعة
ريلام : ان شاء الله و بتشوفين كمان صديقاتي يلي هم خواتي و سُكر حياتي حلا و جود
شيخة ابتسمت بسخرية : الحين هدية العرس تنسيق حفله
ريلام حطت الفنجان : عمرها الهدية م تنقاس بسعرها
ترا الكلمة الطيبه هدية .
.
.
نتوقف هنا
تفاعلوا ي جميلين🤍
لامارا غير متواجد حالياً رد مع اقتباس
إضافة رد
صفحة 2 من 6 < 1 2 3 4 > الأخيرة »
« الموضوع السابق | الموضوع التالي »
أدوات الموضوع
مشاهدة صفحة طباعة الموضوع مشاهدة صفحة طباعة الموضوع
أرسل هذا الموضوع إلى صديق أرسل هذا الموضوع إلى صديق
انواع عرض الموضوع
العرض العادي الانتقال إلى العرض العادي
العرض المتطور العرض المتطور
العرض الشجري الانتقال إلى العرض الشجري
تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code is متاحة
الابتسامات متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة
قوانين المنتدى
الانتقال السريع
منتدى الروايات الطويلة المنقولة الخليجية المكتملة
الساعة الآن 11:47 AM
-- Rewity_Orginal_1
الاتصال بنا - روايتي - الأرشيف - الأعلى
Powered by vBulletin®
Copyright ©2000 - 2026, vBulletin Solutions, Inc.