سحُابة لو حّملت جِبال وحلوة لو شّربت المُر - الفصل 10 - مكتملة | روايتك

الجفـا لو ضمّ دربك .. لاتضمّه الجفا كافر ، وانا وياك من نفس الديانه . . . وقـفت ورد جنبه ، كانت تحاول تسيطر على ربكـتها رفعت عيونها لـه ومن شتاته ضاعت منّها الكلمات وحست بعجـز مفرط يجتاحها .. ولا قدرت تتكلم أبداً نزلت كفوفها وأحتضنت كفّه بكل قوَتها الضعيفة حول سند إجتمعت أباليس الأرض ، كانت عصبيّته بمثابة لعنة وحسّ انه غلط لمـا جابها معاه بمكان واحد وهو عارف إنه بيضرها بعصبيّته لكـــــــن ، تغيّر كل شيء بداخله وقت ماألتقت النظـرات ، كانت عيونه تشعّ بالغضب والشر وعيونها تبكي وتستجـوبه عن قسوته :ٓ ( من أجبَرك ان تكون قاسياً في حديثك ، وعيناك تُشبه الفردوس ؟ ) بـعد دقيقة كاملة من سهام عينيـها صدّ عنها ، وسحب يده منـها وقال بنبرة صارمة : تراني من الكاتمين الغيظ و مدارين الصعايب و حافظ الردود في صدره وكابت عمره وساكت، فأبعدي عني مادام النفس طيبة عليك ! قالت بهمس : بعد غير هالبعد ؟ لا مابي تقدمت خطوة لين صارت مقابلته ، ولا حركّ ساكن ولازال صاد عنها . قالت بألم : أبيك تضمني ، أنا محتاجتك وابيك بحياتي مابي بتال أنا وافقت عليه علشان أطلع من المصيبة اللي دخلت فيها مو علشان اطلع من حياتك أنت كـــان يجاهد على إخفاء مشاعره الحقيقيّه وضعفه من قربها من كلامها وحركاتها ، أدرك ان قدرك تحمله صفر ، أو جاوزت الصفـر لكنه انتظرها تقول كل مابخاطرها.. وساد صمـته ورد بضعف : ســنَد ناظر فيها وكمّلت بصوت راجف : أنا بردانة واذا تركتني بردانة مابك مروءة! جاهد وادّعى الثبات ، والثبات أمام عينيها بدعة ! ورد رفعت يدها لصدره بكلّ شجاعة وهمست : أدري انك تحبني، وسؤالي لك ماكان سؤال قد ماأنا ابيك تشرح لي شعورك، أعلمك كيف ؟ ردّه كان بنظراته ، ناظر فيها بنظرات الضميان وهو ينتظر المزيد من كلامها. ورد وعيونها بعيونه : انا أحــبّك ، وعاطفتي تجاهك غلبتني ‏وغلبت مخاوفي ، هي شيء أكبر من الحب ترجمت عيونه حالـته بعد كلامها ، بعد إعترافها ، بعد كل كلمة صادقه لوهلة حسّ وقف الوقت وحركة الكون وصوت الثواني ومابقى الا ورد وإبتسامتها اللي رسمتها بين دموعها بعد ماتأكدت أنها وصلت للي يبيه واللي يريّح خـاطره بعد التعب هذا كلّه. كمَلت وكأنها تخيط جـرحه : وأنا مستعده الحين أخلع بتال وأتزوجك انت ماعلي من اللي بيقولون الدنيا مو بكيفك ، لإنها فعلاً بكيفي انا حياتي وانا حرة فيها ! سكتت لما تذكّرت كـلامه المكتوب على كرت الهديّه اللي رفض يقراه لـها .. قالت بصوت خافت : حتى أنا أبيع السنين اللي بدونك برخص التراب وأساوم على اللحظة معك باللي أنت به .. مو بس أنـت ! • حساب الكاتبة:rwaya_roz حسابي:gala_917 لامارا غير متواجد حالياً رد مع اقتباس قديم 17-05-20, 12:39 AM #9 لامارا مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام الصورة الرمزية لامارا ? العضوٌ??? » 216 ? التسِجيلٌ » Dec 2007 ? مشَارَ?اتْي » 87,661 ? نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute افتراضي البارت 87❤❤. سنَد ، بعد تعب سنوات طويلة تحقق أحد أحلامه سـمع اللي يبي يسمـعه، وشاف بعيونها اللي يبي يشوفه كل ماحدث أكبر من إستيعـاب الأثـنين .. وَرد وسند ماتدري هل الأفصاح عن مشاعرها بهذا الوقت وبهذا الظرف صحيح أو غير صحيح.. لكـن اللي تعرفه إنه لازم ينـقال ولازم يوصل لـقلبه ويهديه من موجات الشكّ والإحبـاط والغيرة أمـا سند ، كان معلّق بين حبّها وإعترافها وسعادته ، وزواجها وغيابها وتعاسته .. حسّ أنه صـار إنسان بجزئـين ولا يمتلك من الأقوال والأفعال مايصف به مشاعره المُزعزعة . إعترافها المُنتظر ، كـلماتها الرقيقة ، عذوبة المنطق والنظرات الحانية كـانت أجمل مشـاعر أنولدت بصدره من ولادته إلى اليوم رغم عمق الفرحة وإتساع مداها الا انها ناقـصـة . لسبب أن ورد تزوّجت غيره ، عذبّته هالفكرة رغم كثرة الحلول لأعدامها وإرجاع الأوضاع إلى ماكانت عليـه. رفع راسه وأخـذ نفس، وأدخل الهواء لصدره بعمق . ثواني وناظر بعيونها المترددّه ، وإبتسامتها المولودة من جوف الحُطام والألم. رفع كفّينه لأكتافها وقال بإتزان : تأخرتي ! ورد ماستوعبت كلمته وردّت بقهر : أنا قلتلك ضمّني ماقلتلك أمسك اكتافي سند ببرود : ان ضميتك كسرت ضلوعك من غبنة صدري ، وانا ماودي أضرك ورد بضعف : وأنا راضية قال وهو يكابر على مايشعر به : ماأنتي فاهمة شي من اللي صار ، توك صغيرة وعقلك ماأكتمل ، وتمشين على رغبات نفسك ! تركها وأنسحب بخطوات مترددّة لخارج الغرفة، ثم لخارج البيت إجبـاراً منه وبضغط على نفسه ، رغم أنه محتاج وخايف ، محتاجها وخايف من فراقها مرة ثانيه لكنّ أغلاطها كثــــيرة وصعبة عليه يسامحها بسهولة . وَرد حست بخدش بقلبها بعد كلامه، راقبت إنسحابه إلى ان تقفل بينهم الباب ، جلست وهي تندب جروحها وتداري عبراتها .. همست بغصّه : ياربي ترا هذا كثـير على قلب واحد ماله أهل ولا صاحب ولا حبيب ولا ذرى يذريه من عواصف الأيّام وشقاها . سندت ظهرها وغمضت عيونـها ، وسرحت بذاكرتها لسابق الأيـام ، تمنّت لو ترجع فيها السنين لطفولتها ، رغم انها صعبة ومُريعة وموحشة الا إنها أحلى من عمرها الحـالي ، لإنها كانت مليانه بمواقف مع سند ، رغم كبر سنه لكن كان يفهمها بكل شيء ، ولا قد أشرّت يمناها على شيء وماحطه بيمناها ، ولاعمرها أشتاقت له من كثر ماكان قريب لهـا ، لكن الحين تغيّر كــل شيء .. حتى وهو قريب منها تحسّه بعيد وبينهم ألف ميل .. تمنّت ينتهي كل شيء برمشة عين لإن ماعاد فيها حيل تتحمّل مصاعب ثانية ، تمنّت ان الله يرزقها قوَة مثل قوة نوف اللي بأقل من ساعة دمّرت حياة شخـصين .. • حساب الكاتبة:rwaya_roz حسابي:gala_917 لامارا غير متواجد حالياً رد مع اقتباس قديم 17-05-20, 12:39 AM #10 لامارا مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام الصورة الرمزية لامارا ? العضوٌ??? » 216 ? التسِجيلٌ » Dec 2007 ? مشَارَ?اتْي » 87,661 ? نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute افتراضي البارت 88❤❤. فتحت عيونها ، شافت النور لأول مرة من فترة طويـلة غمّضتها من جديد وفتحتها ، وغمّضت وفتحت إلى أن حسّت وبدت تستوعب وضعها ، فتحت فمّها بتتكلم ولاقدرت ، حست صوتها مخنوق داخلها ، كان ريقها ناشف وحاسّه بألم بجسمها ولا هي عارفة وين بالضبط ، أمتلت عيونها بالدموع وأرتفع صوت أنينها ، أنفتح باب الغرفة عليها وحسّت بخطوات تقرب لسريرها ، ألتفتت وبنظر مشوّش شافت ممرضة جنبها ومبتسمة : الحمدلله عالسلامة ، إرتاحي أستجمعت حيلها وهمست بصوت رايح : مويا فهمت عليها وجابته لها ، وقربت لها ورفعت راسها وشربتها بهدوء : إرتاحي يانوف ، شوي وبيجيك الدكتور نوف ماردّت ، ولافيها شدة ترد ، وبثواني بتد تتنشّط ذاكرتها ، وإسترجعت كافّة الأحداث الأخيرة ، كانت عيونها تنهمر بالدموع لاشعورياً ، والحياة ضايقة فيـها من كل إتجّاه . وَرد سـمّ سـَند تحـقيق شرطـة طـعن حاتـم قـتل سـيّاف ديـن جريـمة بـتّال .. تزاحمت هالكلمات بعقلها وكأنها تحاول تنبّهها بالجاي واللي راح ، ماتوّقعت انها نايمه من شهر ، كانت تحسب نفسها نايمه يوم أول أقل ، او حتى مانامت ، كانت تحسب انها فقدت وعيها وصحت الحين ، رجف قلبها خوف وضعف من مصيرها ، كانت عارفة وراها مشـوار طويل من العقوبات والتعب ، ولا فتحت عيونها ابد، ظلّت تنتظر النوم يحضن جفونها وتغيب مرة ثانية ولا تعيش بحياة كل مافيها ضدهـا. • • في بيت أبو بـتال ، كانوا مجتمعين عالغداء كلّهم بإستثناء بتال ، وكان أبوه ملاحظ غيابه عن البيت وعن شغله ، وكأنه ناقص ضيقة وهمّ ، كان شايل هم نوف وخايف عليها ، وفجأه يطلع له بـتال بمشكلة ولايعرف وش هي ، لكنه متأكد أنها كبيرة . قال بهدوء : وين بتال ؟ أربع أيـام ماجلس معاي على غدا ولا على عشاء مجد : يمكن عشان نوف ابو بتال : نوف لها شهر طايحه ولا زارها ولا كلف على نفسه ، ولا اهتم ، حالته هذي وراها سبب ثاني ، قومي ناديه ياليان وصلهم صـوته قبل لاتقوم ليان : مايحتاج .. جيت ألتفتوا له وكان نازل لهم ، وقال ابوه بحدة : وين رايح ؟ بتال بعجلة : مشغول يبه عندي شغل مهم و.. قاطعه أبوه : بتال ! تعال أجلس وعلمني وش علتك ! بتال عـرف أن ماله مهرب من أبوه ، وصلته رسالة ورفع جوّاله بسرعة في محاوله لتشتيت تفكير أبوه : هذا الملازم ينتظرني برا لـ.. سكت وهو يقرأ محتوى الرسالة، توسّعت عيونه بصدمة ، قرأها مرة ثانية وثالثة إلين استوعبـها .. قال ببرود : أبشركم ، نوف صحت من الغيبوبة.. صد عنّهم وهو يسمع الحمدلله بصوت أبوه ، وصوت زغرودة أمه ، وضحكات خواته ، أصوات مستبشرة لكن بداخله صوت ثاني . وَرد جريمة زواج نـوف دمّ ثـأر سـند إختطاف شـرطة حـبّ • • حساب الكاتبة:rwaya_roz حسابي:gala_917 لامارا غير متواجد حالياً رد مع اقتباس اكتشاف المزيد لكتـّاب الـكـتــب كتب إضافة رد صفحة 9 من 25 « الأولى < 7 8 9 10 11 19 > الأخيرة » « الموضوع السابق | الموضوع التالي » أدوات الموضوع مشاهدة صفحة طباعة الموضوع مشاهدة صفحة طباعة الموضوع أرسل هذا الموضوع إلى صديق أرسل هذا الموضوع إلى صديق انواع عرض الموضوع العرض العادي الانتقال إلى العرض العادي العرض المتطور العرض المتطور العرض الشجري الانتقال إلى العرض الشجري تعليمات المشاركة لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة Trackbacks are متاحة Pingbacks are متاحة Refbacks are متاحة قوانين المنتدى الانتقال السريع منتدى الروايات الطويلة المنقولة الخليجية المكتملة الساعة الآن 11:40 AM -- Rewity_Orginal_1 الاتصال بنا - روايتي - الأرشيف - الأعلى Powered by vBulletin® Copyright ©2000 - 2026, vBulletin Solutions, Inc.