الفصل 9
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم على متن الطائرة`*
*❴🔢❵الـــبـــــــــــ❴3️⃣1️⃣والٱخير❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
#على_متن_الطائرة
#بقلم_ياسمينة_الشام_الزهور_رومانتيكا
الجزء الرابع عشر...........
سند: مصدقك جدي بدون مصحف...
سرح معتصم بالماضي واسترجع ذكريات قديمة وبلش يسردها لسند يلي كان متوتر من الحقيقة....
كانت عم تبكي وصوتها واصل لبرا القصر وعم تتخانق معو
زمرود ببكي: الله لايوفقك ياطاهر عم تخوني..
طاهر بخوف: بشو احلفلك هي اغرتني وانا ماتحكمت بمشاعري..
زمرود: من ايمت انت على علاقة معها..
طاهر بتلبك: من اسبوع ...
طلعت من الغرفة على اصواتون العالية وبوقتها عرفت انو طاهركان عم يخون زمرود مع امك روز صفعتو بقوة هداك اليوم وقلعتو من القصر واجت بنتي زمرود لتقلع امك بس وقفتها..
زمرود ببكي: نقلعي مابدي شوف رجلك داخل القصر..
كانت عم تحكي بتلبك روز: بشو احلفلك يامدام انا مادخلني طاهر بيك جبرني نام معو...
زمرود: وحدة كذابة طلعي برا..
صرخ صوت خلا كل الي بالقصر يجمد مكانو معتصم: زمرود روحي على جناحك بعدين منحكي والبنت رح تضل امانة عنا لبين مايثبت عليها الجرم مابقدر اظلمها...
مرت الأيام واكتشفنا انو الخادمة روز حامل بطفل من طاهر بوقتها كل يلي بالقصر تكركب واذا انتشرت الفضيحة رح نخسر ارض الزهور والحكم وماكان امامي حل غير اعمل زواج سري بين امك وطاهر حفاظاً على روحك ولحتى تضل عايش بالبداية امك روز كان بدها تنزلك بس لما سمعت بزواجتها من طاهر فرحت كتير ووافقت واقمت زواج سري بينون ونقلت روز على بيت تاني وزمرود بنتي ماكان عندها علم بشي لابحمل روز ولابزواجة طاهر..وبعد فترة منيحة قررت اجمع بين بنتي وطاهر وصالحت بينون مرت الايام واكتشفنا انو زمرود عقيم مابتجيب ولاد ومع هيك كانت على امل يصير عندها طفل من طاهر بس الله ماكتبلو يعيش توفا بمسكة كهربا بالمصنع وماحدا قدر ينقذو...مرقت فترة كبيرة وبنتي زمرود تعبانة على فراقو لوقت اجا هداك اليوم...
الحارس: مين حضرتك ..
روز: قلو روز ورح يعرفني..
دخل الحارس على القصر واول ماسمعت اسم روز طلعت فورا...
معتصم: خير بنتي صاير شي الولد منيح...
روز: مابقى قادرة ربي الولد انا مابدي الطفل..
معتصم: شو عم تخبصي هاد ابنك كيف مابدك ياه..
روز: هاد عائق بطريقي واذا مابتاخدو رح اتخلص منو...
معتصم: مستحيل تعملي هيك..
بوقتها حطتو بأيدي ومشيت كنت عم صرخ عليها ترجع بس مافي امل دخلت القصر ومعي الطفل كانت زمرود نازلة على الصالون واول ماسمعت صوتك انت وعم تبكي لهف قلبها وركضت متل المجنونة عليي...
زمرود: ياالله شو حلو يكتكوت ليش عم تبكي...صحيح ابي مين هل ولد..
بعد ماشردت شوي قررت خبي عنها ماحبيت خبرها الحقيقة...معتصم: هاد ولد شافو الحارس مزتوت على باب القصر ويوم يومين بشفلو شي ميتم..
زمرود: يعلي عليك في ناس محرومة من هي النعمة وناس بين اديها نعمة كبيرة وزتتها...
كنت عم تبكي كتير وريحتك طالعة هههه بوقتها اخدتك بنتي واول ماحملتك سكتت بين اديها وبلشت تبتسم مابنسى هديك اللحظة قضيت زمرود يوم كامل معك طعمتك ولبستك من تياب جاد كان بيناتكون كم شهر تقريباً بينك وبين ولاد عمك التلاتة كنت اصغر واحد بالعيلة واليوم الي اجيت اخدك على الميتم صارت زمرود تبكي متل المجنونة وماترضى نسحبك من بين اديها وقررت تربيك وتكبرك لوحدها وانا قلت مو مشكلة زاد طفل وسند لهل عيلة وكبرتك ومتل مو شايف طلعت شب بتجنن وبعد فترة اكتشفت زمرود بكلشي وانك ابن طاهر وروز وبزواجة امك ومع هيك كانت متعلقة فيك وقررت تتبناك واجت امك روز اتخذت قرار نهائي بعد ماتزوجت واحد كان رافض تتربى معون وتنازلت وتبنتك بنتي زمرود....
مر الوقت واكتشفت انو غريمي داخل القصر اي كان من اعز اصدقائي ماكنت متوقع انو وجدان ورا كل هل مصايب الي عم تصير معنا وهوه كان ورى دخلت روز على القصر والتقرب من طاهر كان مفكر يسقطني وقت تنفضح القصة وانا لحسن حظي اتخذت قرار فوري بزواجة طاهر من روز لحتى يكون كلشي بالشرع وحرية شخصية وماتطور القصة وتصل للعالم وقلعتو من القصر وبعد شوية خلافات بالمصانع انقسمت العالم بين مؤيدين الي ومعارضين واستغل وجدان هاد الشي لصالحو وكون عشيرتو الي هي عشيرة المجدي وكانت امك روز وزوجها من ضمنون وبعد فترة منيحة اكتشفنا انو امك توفت بجلطة من كتر ماكان زوجها يعزبها ويحبسها وكانت ضعيفة كتير صار معها فوبيا ونجلطت الله يرحمها وهاد كلشي يا ابني يحرم عليي مانقصت حرف عليك بس ماتخاف نحنا هون عيلتك وزمرود هي امك لك بربك حكيلي مين الام لك الام الي بتتعب وبتربي وبتكبر الي بتلهف لما تشوفك الي بتضحك معك وبتجن اذا نجرح اصبعك الام الي مابتتخلا عنك بأصعب الظروف الام الي بتفني حياتها كرمال سعادتك هي هيه الام والي بتستاهل لقب ام اما على مسألة الانجاب فالكل بجيب بس مو الكل ام...
كان سند عم يسمع وهموم الدنيي كلا فوق راسو حس انو ظلمها لزمرود حط اديه على وجهو وصار يبكي بحرقة قلب..
معتصم: لاتبكي يا ابني انت رجال والماضي صار ماضي وهلق صرت واحد منا...
سند ببكي: كنت مفكر انو امي زمرود حرمتني من امي روز وكنت حاقد على العيلة وبدي انتقم منكون انا اسف منشان الله سامحني جدي ابوس ايدك سامحني...
سحب الجد ايدو ..معتصم: لا يا ابني مافي داعي تبوس ايدي بس بدي تلبيلي هل طلب..
سند هو وعم يمسح دموعو: منشان افنان مو جدي..
تنهد معتصم وكمل حكي: سماع يا ابني بدي اطرح عليك سؤال جاوبني بصدق وبعدها قرر..
سند: اكيد جدي تفضل...
معتصم: لنفترض انك تزوجت افنان انت متخيل حجم الوجع انك تضاجع مره بسرير واحد وهي مابتحبك وهي عم تتألم لما تشوفك وهي عم تتخيل شخص غيرك معها قيسها يا ابني اذا بتقبل اعتبر افنان الك وقبل ماتقلي ممكن تحبني يا ابني مافي ممكن اسعد عايش وطول ماعم ينبض رح ينبض قلب افنان معو الحب مسألة خطيره ومو فرض ممكن تحب خدامة متل امجد مثلا تعلق بخادمة ماسأل على شي لان قلبو دق وافنان واسعد نفس الشي مابينلامو على شي خارج عن ارادتون وانا بدي منك تعمل ضميرك ومتل ماربتك زمرود على الحب والتسامح...
حلل سند كرافة قميصو و حاسس بخنقة بصدرو وحمل حالو وطلع من الغرفة...
______(قصر عشيرة المجدي)__
كانت الناس متجمعة حولين القصر محتجة وعم تهتف...فليسقط حكم ال المجدي..فليسقط...
فهد: جدي شو بدنا نعمل مصيبة وحلت علينا..
وجدان: رح اطلع ألقي كلمة ليهدا الوضع...
كانو الناس واقفين برا وبلشو يكترو تجمعت عشيرة آل الشافعي وارض الزهور مع عشيرة آل المجدي واول ماطلع الجد على شرفة البيت ليلقي خطاب بلشت العالم تشتم وتحاول تدخل القصر بالقوة...
وجدان: لازم نهروب ماعد النا مكان بهاد القصر عشيرة آل المجدي صارت ضدنا وخاصة بعد اشاعة خبر كاذب وتهديد عشيرة الزهور لعشيرتنا بالقتل الناس خافت على روحها واتفقت مع عشيرة الزهور ...
مسح على راسو بتوتر فهد: كيف بدنا نهروب جدي ...
وجدان: لاتخاف كنت حاسب حساب هاد اليوم...
فهد: مزال حاسب حساب جدي ليش ورطتنا بكل هاد الشي...
تطلع فيه بحزم وجدان: امشي هلق مافي وقت للحكي والا رح يرمو روسنا بلأرض..
دخل وجدان على قبو قديم داخل القصر كان فيه بوري طويل ألو باب بوصل فورا لساقيه على احد القرى..
وجدان: يله فوت قبلي..
صار يسعل فهد هو وقرفان: جدي الريحة بتقتل هاد بوري مجاري..
وجدان: يا ابني شو بدنا نعمل نشم الريحة ولانموت...
صار يضحك بالرغم من الوضع الي هو فيه فهد. ههههه معك حق جدي بعدين هي ريحتنا ما ريحة حدا غريب
وجدان. ههههههه معك حق
وصلو بالنهاية لأحد السواقي واخدو سيارة لخارج المنطقة ونفدو بريشون وكانت نهاية وجدان وفهد قرارهون بأنو يعيشو بأمان بدون مايشوفو روسون بلأرض...
____
________
دخل لعندها بخطواتو الثابتة كانت قاعدة مضايقة وتعبانة ورح يطق قلبها ماعد فيها تكمل بهاد المكان اكتر...
جاد والابتسامة على وجهو: ماشتقتيلي...
تطلعت فيه سما ورجعت نزلت نظرها على الارض..سما: لا فيك تتركني سنة تانية هون ماتهتم جاد بيك...
قرب منها جاد ونحنى لعندها كانت متربعة بلأرض ومعصبة..
جاد: يؤبرني العصبي...
سما: صاير رومنسي شو تغير..
جاد: هلق بتعرفي...
حملها جاد وهي مصدومة عم تضربو ضربات ناعمة على صدرو لينزلها...لك نزلني يامجنون ليكون بدك تاخدني مكان تاني شو شايفني المتنقلة بدك ضل كل حياتي محبوسة..
جاد هو وعم يحطها بالسيارة: هههههه لا خلص من بعد اليوم في حبس احلا...
طلع بالسيارة مبسوط والابتسامة مانزاحت عن وجهو وسما كانت صافنة فيه ماعرفانة لوين اخدها...
______(قصر الزهور)____
كانو قاعدين بالصالون وعم يحتفلو برجعة العيلة وخاصة بعد ماسمعو خبر هروب وجدان وفهد ورجوع عشيرة آل المجدي لعشيرة الزهور...ثواني ودخل جاد وحامل سما والكل انظارو صارت عليهون...
وجه كلامو لأمجد اسعد: لك هي مو يلي كانت معنا بالطيارة...
امجد: اي ليش مابتعرف اخونا وقعان بالحب ومنطفي...
اسعد: ههههه والله وظبطها..
قربت زهرة لعند سما وحضنتها: بنتي تحسنت امك..اطلعت سما بجاد وعلامات التعجب على وجها..
جاد: اي ستي صارت امها بخير...
سما بصوت واطي: واحد غبي بيعرف يكذب..
كانت عيونها عم تتنقل بينون لما لمحت اسعد واقف وعم يطلع فيها وصرخت صوت...
سما: لك هاد مو اسعد كيف عاش سلام قول من رب رحيم..
كان الكل عم يضحك من ردة فعلها وهي كانت مصدومة بوجود امجد واسعد ومافهمانة شي...
مسك ايدها..جاد: خلص سما حاج تفكري كل القصة انو بدك تتعودي على عيلتنا الي مليانة اسرار مخباية وبدك تحافظي على اسرار عيلة الزهور..
سما: يعني انت مو مجرم..
جاد: لا ماقتلت حدا هي اسعد عايش قدامك فيكي تلمسي او تطلبي الشرطة هههه ماعندي مانع...
تطلعت بأسعد ورجعت تطلعت بجاد وكأنو عقلها ما عم يستوعب كيف طلع عايش سما. لحظة...لحظة كيييف هيك هو انا بتذكر لما فحصتو بالطيارة كان لسا عم يتنفس بس كيييف؟!!
سحبها جاد من خصرها قدام الكل عيونو ماكانت عم تشوف غيرها كان حابب يستغل الفرصة ومايعطيها وقت لتفكر وسحب الخاتم من الجيبة وايد ورا ضهرها...
جاد: بتقبلي تكوني ملكي طول العمر وتنحبسي بقلبي وماتطلعي منو بحياتك...
كانت متفاجئة لما بلش الكل يصفق وحاسة حالها بحلم نحنت براسها لتحت وتوردو خدودها احمر ونطقت بخجل وبدون تفكير لأن الحب كان واضح بقلبها مافي داعي العقل يشتغل...
سما: اي بقبل...
لبسها الخاتم بأصبعها وحضنها بقوة بس قطع لحظتو خروج سند من الغرفة وحامل شنتايتو...
سند: اسف ياجماعة قطعت لحظتكون الحلوة بس سمحولي شوي بدي احكي كم كلمة...
معتصم بقلبو: كنت عرفان انك حفيد من عيلتنا وتربايتنا ماضاعت فيك..
سند: انا قررت سافر على امريكا وكمل ماجستير هنيك...
جاد: بس ليش ابن خالتي..
سند: بعرف الكل بحبني بس انا مابقدر ضل هون عم اتعذب...
كان عم يحكي ويمشي بخطواتو لعند افنان الي كانت حاسة انها ظلمتو بس ماقدرت تحبو القلب ماكان بأيدها..فتح سند كف ايدها وحط الخاتم...
سند: سامحيني افنان ومن اليوم انتي حرة...
كان عم يتجاهل ينظر بعيونها خايف يضعف اجت لتحكي بس حط ايدو على تمها...سند: لاتحكي مابدي اسمع شي بخاف اضعف...ضغط على مقبض ايدو وبعيونو دمعة قهر واتجه لعند جدو..
سند: هههه لاتخاف جدي حفيد ارض الزهور رح يضل قوي وثابت ورح يتخذ قرارات صح بحياتو وخاصة انو تربايتك وترباية ستي وامي الله يطول بعمرها...
كان الكل متأثر وحزينين على فراق سند وبنفس الوقت فرحانين بالعمل الرجولي الي عملو وبلشو يضمو ويودعو قبل مايمشي هو وزمرود الي كانت مستحيل تتخلا عن ابنها مهما صار واثبتت معنى كلمة(ام)....
بعد شوي طلعت زمرود وكمان حاملة بأيدها شنتة ومستعدة لتسافر انتقلت كل الأنظار عليها بين أستغراب وفخر
زهرة. زمرود انتي كمان رايحة!!
زمرود. شبكون يا جماعة ليش هيك مستغربين انا مستحيل اترك ابني بالغربة لحالو
بنبرة حزن زهرة. بس مو كأنكون مستعجلين شوي
سند. يا ستي كل القصة انو حجزنا بالحجز السريع لنلحق الطيارة اليوم لأنو جايين على عاصفة ويمكن رح يوقف الطيران على أمريكا مؤقتاً منشان هيك ما حبينا نضيع وقت
قربت لعندون وضمتهون بقوة ودموعها عم تنزل وتبللهون مسحت دمعتها بطرف ايدها زهرة. الله ييسرلكون
قرب جاد من سند وضمو ودمعتو عطرف عينو بالرغم من كل شي بس بيضل صديق الطفولة ومافي أحلا من المسامحة
جاد هو وحاضن سند ودموعو نازلة: رح اشتقلك ولا وانسا كلشي صار وسامحني..
سند: هههه مسامحك انت اخي الكبير وتاج فوقنا كلنا وانت سامحني اجت لحظات انا ماعرفت نفسي فيها...
جاد: مسامحك ياقطعة مني الله يسرلك طريقك...
كان يوم حزين شهدتو ارض الزهور بعد ماودعت حفيد العيلة الصغير الي كان مزين البيت وزمرود الوردة الي كانت بمسابة ام لكل واحد فيون...
______
دائما هنالك ايام قاسية تأخذ معها السعادة ولكن سرعان ماتصبح ذكرى وتأتي بعدها ألوان جديدة تمحو مامضى وتنشر البهجة.....
______
.......#يتبع
#على_متن_الطائرة
#بقلم_رومانتيكا_وياسمينة_الشام_الزهور
الجزء الخامس عشر والأخير..........
((قصر الزهور))
من الطابق الثالث عبلكونة مكللة بالزهور عم يراقبو كيف الشمس عم تسحب خيوطها شوي شوي بهاليوم بالذات عم تغيب وتاخد معها كتيير شغلات عم تاخد معها ذكريات حلوة وبشعة عم تاخد معها حزن وآلم تغلغل بقلوب الكل لأشهر عم تاخد معها ناس بالرغم من كل شي عملو بس بتبقى مكانتون بالقلب عالية يمكن القصر بهالكم شهر شهد كتير حزن ومآسي بس ما مننسى الحب الي تكلل بالقلوب......
ما مننسى التسامح.....
ما مننسى القلوب الي رجعت تكاتفت وصارت أقوى من الأول........
كانت سما عم تهز المرجوحة شوي شوي وسرحانة بذاكرتها لأول يوم أجت فيه على هاد القصر وكل الأحداث الي صارت معها من أول ما تعرفت على جاد لحد هاليوم مسك جاد أيدها وشد عليها بقوة
جاد:من نفس هاد المكان وبنفس هاد الوقت من شهر تقريباً كنت واقف هون وعم راقبك كنتي عم تتفتلي ببستان الورود متل الفراشة عم تقطفي الورود وتحطي بسلتك أبتسامتك سحرتني وسلبتلي عقلي ما بنسى كيف علقتي السلة وصرتي تركضي متل الطفل
تطلعت فيه وملامح الحيرة عوشا سما. كنت عم تراقبني !!
جاد:ما كنت عم راقبك كنت عالبلكونة وشفتك
سما:اممم صدقتك!!
طيب وسلة الورد الي هلق شفتها بغرفتك شو مشانها!!
جاد:خبيتلك ياها عندي لحتى ما يطيرها الهوا
ابتسمت بمكر سما. اي تمام لكن ذكرني هلق أخدها معي
جاد:جربي وقربي عليها كل شي بيخصك هو من ممتلكاتي الخاصة حتى انتي ما بسمحلك تقربي عليه
سما:شو هاد ياااه التحكم من هلق
تطلعت فيه للحظة وانقلبت ملامحها وكأنو في بقلبها غصة كبيرة. بتعرف جاد!!
هز راسو بحركة سريعة بمعنى ما بعرف
سما:ما كنت متوقعة اني سامحك بهالسهولة بس ما حسيت حالي غير مسامحتك وكأنو هالشي خارج عن أرادتي هو صحيح أسعد طلع عايش بس انت لما خطفتني سببتلي جرح كبير بقلبي و كسرتني ....
شد عقبضة أيدها أكتر وصفن بعيونها جاد :انا أسف حقك عليي بس بهديك اللحظة كان معمي على عيوني ما كان بدي ياكي تبعدي عني صدقيني ما كان همي تفضحيني بس ما كنت قادر أتخيل بعدك عني للحظة وحدة ما كنت قادر شوفك عم تضيعي مني وانا ساكت بعترف اني كنت مندفع هديك اللحظة بس ما كان عندي خيار
سما:جاد كان فيك تخليني اهدا وترتاح نفسيتي وبعدها توضحلي وجهة نظرك بس أنت خليتني أجبر حالي بأني أكرهك بس ما مشي حال ...ما قدرت بكل مرة كنت شوفك فيها كان قلبي ينبض...
كان صافن بعيونها وعم يلعب بخصل شعرها جاد. ليش كان قلبك ينبض لما تشوفيني؟
صارت تحكي بتلبك سما:لهلق ما عرفت اني بحبك جاد!
جاد:انك شوو!!
رجعي عيدي ما سمعت
سما. خلص جاد!
ممكن اطلب منك طلب؟
جاد:غيرتي السيرة!
هاتي لنشوف شو طلبك؟
سما:موبايلي صرلي زمان مو حاكية مع أهلي بيكون مشغول بالون عليي واشتقتلون كتيير
جاد:اممم وليش ما تقولي انو بدك تحكي معون
سما:اممم فيك تقول كبرياء كنت ناطرة انت تعطيني ياه ويرق قلبك شوي بس شكلو ما رق
قرص خدودها جاد:وانا كنت ناطر تكسري هالكبرياء الي عندك بس كمان ما مشي حال فقلت احسن حل اتواصل معهون وطمنون عنك
فتحت عيونها على وسعهون سما:كييييف!!!
جاد: اممم قدرت اتواصل مع أبوكي وبعتلو رسائل انك منيحة وعم تحكي معو من موبايل رفيقتك لأنو موبايلك مسروق
بتعرفي شو برأيي بكرا لازم نعملون زيارة ونطلب أيدك منون رسمي
سما: ولما ثبتت الرقم ما لاحظت انو رقم دولي ؟؟
جاد: شو يعني!
سما: يعني اهلي عايشين بالأردن كل فترة بعملون زيارة بابا كان بدو عيش معهون بس لأنو ما فيني أترك المجلة فترة طويلة بقيت بالبلد
جاد: بتصدقي ما انتبهت على الرقم انو دولي..ووين المشكلة منعملون زيارة..
بأبتسامة كلا أنوثة سما. عنجد!!
زاح خصل شعرا البني لورا أذانها وأبتسم جاد. اي عنجد المهم تكوني مبسوطة..
_______
كان أسعد فاتح الشباك وعم يراقب أفنان من بعيد كيف عم يطير شعرها مع الهوا كانت عم تحكي هي وسندس وعم تضحك أبتسامتها لهلق بتخلق كوارث جواتو كان خايف يخطي خطوة لقدام ويندم عليها خايف يحاكيها وتصدو عم يراقب حركاتا ويبتسم لما شاف أمجد قرب منهون وراح مع سندس ما قدر ينطر اكتر من هيك
سكر الشباك وطلع عالحديقة كانت لساتا قاعدة وشعرا عم يطير مع الهوا
صارت تحكي من دون ما تلتفت لعندو أفنان:شو بدك!!
أسعد:كنت بعرف انك رح تميزيني
أفنان:ههههه يمكن ما بتعرف اني بميز الأشخاص من خطواتهن يعني مو بس أنت بقدر ميزك بقدر ميز سندس جاد أمجد وحتى سند
تحركت الغيرة جواتو لما سمع بأسم سند أسعد. لا تجيبي سيرتو قدامي رجاءاً
قعد جنبها ومسك أيدها أسعد:اشتقتلك كتييير
بعرف انك عتبانة عليي وبعرف كمان انو صورتي تشوهت بنظرك بس الي بدي ياكي تعرفي اني كل يوم عم اعشقك اكتر من الي قبلو
تجاهلت كلماتو وتطلعت بعيونو وكأنو عم تعانقهن بقلبها عتب كبير لهالعيون وبنفس الوقت شوق لألهن
أفنان:كيفك!
ابتسم وضمها لصدرو من دون استئذان وكأنو بدو يروي ضلوعو بحبها وكأنو ببعدها كان عطشان أسعد:اشتقتلك كتييير....
_________
((بعد عدة أشهر))
بساحة كبيرة مطلة عمسبح القصر ومعباية طاولات ،الزهور والورد مكلل من جميع الجهات والمي الصافية عم تعكس صورتهون عالمسبح ولاد العم التلاتة واقفين جمب بعض كل واحد ماسك أيد عروستو والفرحة مو واسعتهن وكأنو أتحادهون كل مالو عم يكبر ويزيد حتى بهيك يوم مميز قررو يعملو عرسون مع بعض
جاد وسما ،أسعد وأفنان، أمجد وسندس كل الناس صارت تسقفلون لما أعلن الشيخ بأنون صارو لبعض وتم كتب الكتاب
أما زهرة ومعتصم كانو عم يراقبوهون بصمت والفخر مبين بعيونون لأحفادون حسو حالون أنو عنجد عرفو يربو مسك معتصم بأيد زهرة وراحو لعند أحفادون لحتى يهنوهن
معتصم:هاليوم كتير مميز عندي عم أفرح بأحفادي كلون بفرد مرة قد ما قلت مستحيل يسامحو بعض ويرجعو كان غلط هدول الولاد لو شو ما صار مافي شي بيفرقهون
زهرة:اي والله يا معتصم معك حق انا فخورة فيهون الحمدلله عرفنا نربيهون
معتصم:الحمدلله
قربو منون وضموهون واحد واحد معتصم:انا اليوم لحتى تطمنت عليكون ان شاء الله الف مبروك يا ولاد
زهرة:الله يخليلي ياكون يا رب ويديمكون لبعض ان شاء الله الف مبروك
الكل:الله يبارك فيكون
اجت اما لسما وأبوها لبسوها طوق ذهب وعانقوها
ام سما:ان شاء الله الف مبروك يا عيوني الف مبروك صهري دير بالك عليها منيح
ابو سما:الف مبروك يا بابا ديرو بالكون عبعض
سما:الله يبارك فيكون ويخليلي ياكون يا رب
جاد: الله يبارك فيكون سما بعيوني وبوعدكون حافظ عليها وأحميها لأخر يوم بعمري
ابو سما:الله يخليكون لبعض يا أبني
ضلو يحكو لحد ما طلعت اغنية اجنبية كل واحد مسك أيد عروستو وراحو عالساحة ليرقصو سلو
كان جاد ماسك سما من خصرها ومقربها منو كانت أنفاسو عم تلفح برقبتها وعم تخليها تجن
_____
جاد:من أول يوم شفتك فيه بالطيارة شفت لمعة عيونك خوفك رقتك وانا متمني هاليوم كل شي فيكي جذبني كل شي فيكي خلاني اعشقك حتى عنادك خلاني جن فيكي واتمنى ما تغيبي عني ولا لحظة بحبك
نزلت عيونها عالأرض بخجل والحمرة مكتسية خدودها سما:كنت حب جاكرك لشوفك معصب واستمتع بهالشي انا لما قبلت اشتغل بقصر الزهور مشان المغامرة ومشانك انت
تطلع فيها بحب جاد:وشو كمان!!
سما:كمان بحبك ...بحبك جاد
جاد:مطولة لتخلص هالحفلة
دعست على رجلو بقوة وهي عم تضحك
______
أسعد كان محاوط رقبتها وعم يتراقصو مع أنغام الموسيقى وكأنهن جسد واحد وروح وحدة عم يطلع بعيونها بحب وعشق وهي كانت كأنو عم تتهرب من نظراتو لألها
أسعد:حبيبتي خلينا ننسى كل شي صار معنا ونفتح صفحة بيضة
أفنان:انت أذيتني كتيير أسعد حبك دمرلي قلبي ودمرني كنت مستعدة حارب مشانك وما كان بدي كمل مع سند بس لما عملت عملتك خلص الكلام
أسعد:ما كان بدي يصير هيك صدقيني
أفنان:انت بتعرف اني حاولت انتحر وانهي حياتي بسببك وبسبب أنانيتك وبسبب حبك
تطلع فيها بتوسل أسعد:انا أسف...والله أسف كم مرة بدي قلك اني ما كنت بوعيي وقتها أنانيتي فيكي ما بوعدك غيرها بس بوعدك ادا سامحتيني ما قرب المشروب عليي لأخر يوم بحياتي
حطت أيدها عتمو أفنان. شششش....ما بدي أسمع هالحكي.
ابتسم وحط راسو عصدرها أسعد. اشتقتلك كتيييير ما رح أقدر عبرلك عن شوقي غير ادا سامحتيني
____
كانت سندس حاطة رجليها عرجلين أمجد ومحاوطة رقبتو كانت كل شوي تتفشكل لأنو ما بتعرف ترقص و هو متمسك فيها بكل قوتو
سندس:هههه ما قلتلك ما بعرف أرقص
أمجد:معلش انا رضيان رح ضل متمسك فيكي لحتى ما توقعي
ابتسمت سندس وتطلعت بعيونو بحب سندس:بتصدق ما كنت متوقعة توصل علاقتنا لهون كنت كل يوم نام وفيق وخاف اني أفقدك بس ثقتي الكبيرة فيك هي الي خلتني أستمر
شد على خصرها أمجد:ما قلتلك طالما أنتي معي مافي داعي تخافي من شي رح ضل متمسك فيكي العمر كلو
سندس:وانا رح ضل حبك وواثقة فيك العمر كلو
__________
كل واحد كان عم يرقص مع عاروستو وعيونو عم تلمع حب ....
ليحيى الحب وينتصر بيحتاج لتضحيات بيحتاج لتنازلات من الطرفين الحب بدو تمسك لأنو اذا ما تمسكنا ببعض يعني ببساطة ما منحب بعض ...
________
_____________
بساحه كبيرة فاضيه من العالم والمارة كان الجو هادئ والهوى النقي عم يلعب لعب وقطرات المطر الناعمة عم تنزل وتغسل الشوارع والأضوية مزينة المطار كانت عم تركض بفستانها الابيض هيه وجاد واصوات ضحكون معبي المكان توقفت سما عن الركض وقت شافت طيارة سفر واقفة بنص الساحة مزينة ببوالين ملونين مكتوب عليون بحبك سما...
سما وايدها على تمها من المفاجئة الحلوة:ماعم صدق هههههه...اطلعت بجاد يلي كان واقف مبتسم وعيونو عم تلمع وقت شافها فرحانة ...قرب منها بخطواتو البطيئة وبعد بطراف اصابعو خصلات شعرها النازلة..
جاد: من بعد اليوم بدك تصدقي كلشي بحبك..
سما ولمعة بعيونها وابتسامة ناعمة مختلطة مع دمعة فرح: بموت على ربك...
قربت منو وضمتو بقوة ...كانت دايبة بين اديه وماقادرة توقف اكتر سحبها من ايدها وركبو بالطيارة..
سما: عم تمزح ههههه يعني الطيارة رح تأقلع....
جاد: اي في كابتن جواتها ونحنا مادخلنا هلق وين بياخدنا ياخدنا هههههه...
سما: لكن شو بدنا نعمل هون...
حملها جاد والضحكة على وجهو...جاد: هلق بتعرفي لسى ماشفتي شي من جنوني..
بغرفة صغيرة مزينة بأحلا انواع الزينة وافخرها والورد الجوري معلق على الحيطان وبكل مكان ومفروش على الارض بطريقة قلب حب واضوية ملونة متعربشة على سقف الغرفة كانت اشبه بغرفة احلام ابتسمت سما لما شافت التخت لونو احمر ماكانت مصدقة كيف جاد عرفان بلونها المفضل...
سكر الباب وقفلو واتجه بخطواتو الثابتة وحضنها من ورا ضهرها كانت اديه على بطنها وعم يتغلغل بريحة شعرها طبع بوسة وهي دايبة بين اديه بدون ماتتحرك..
ثواني ومسكها من ايدها وقعدو على طراف التخت كان في باكيت شوكلا سحبو جاد وفتحو وطلع منو قطعة...مدها بأتجاه تم سما...جاد: فتحي تمك.اخدتها بتمها وهي خجلانة..وبعدها اخدت باقي القطعة وطعمتو يها...وقف جاد واتجه على بفلات الصوت وشغل اغاني هادية....(يا ألهي شو بتنحبي بخلص ومابيخلص حبي وراكي لأخر دربي ولاخر دربي وراكي..عيني غيرك مابعبي بكفيني انك جنبي بتحداكي متلي تحبي متلي تحبي بتحداكي)...كان عم يغني مع الغنية ويطلع بعيونها ....
جاد: كانت بداية شوفتي الك وحبي بهي الطيارة لهيك حبيت تكون ليلتنا الاولى هون...
_________
_________بعد مرور سنتين____
كان حامل طفل صغير اشقر وعيونو زرق وعم يدور بعيونو عليها...جاد: شايف بابا هي امك تركتنا من الصبح وميتين جوع...كان الطفل عم يبتسم واصبعو بتمو مافهمان شي...جاد: تعال على المطبخ بفهمك...كانت لابسة روب النوم وعم تقطع الخضرة جنب المغسلة واول مادخل جاد ابتسمت...سما: شو فقت...
جاد بلبكة: فتكرتك مو بالبيت حاسس ظلمتك...نكش ابنو..جاد: حاج تضحك انت طالع متفق مع امك من انت وصغير...
قربت سما والسكينة بأيدها تراجع جاد بخطواتو لورا...سما: ليش شبها امو...
جاد: هههههه شكلنا رحنا فيا...
وبلشو يضحكو تنيناتون بطريقة جنونية وابنون الصغير زهير عم يضحك معون....
____________
كان بالمطبخ عم يجهز الفطور ويغني لبين ماتفيق..دخلت عليه المطبخ وحاملة بنتها الصغيرة على ايدها الي ماكانت تسكوت...
اسعد بأبتسامة: فقتي حبيبتي..
افنان وبعدها بتلم عيونها كل ماشافتو: اي حبيبي شو عم تعمل هون...
قرب لعندها واخد الصغيرة من ايدها...اسعد: عم حضر فطور لمرتي الحلوة...
قربت منو افنان وباستو ...افنان: دخيل الرومنسي الي زين حياتي...
اسعد: من بعدك مافي زينة يا عمر اسعد انتي....
___________
كان أمجد رايح جاية عم يمشي بصالة المشفى ومتوتر كتير واول ماشاف الدكتور ركض لعندو واديه مشبكين ببعض..
امجد: طمني دكتور سندس منيحة...
الدكتور والابتسامة على وجهو: اطمن مرتك بخير وجابت توأم صبي وبنت فيك تدخول...
ارتسمت ابتسامة الفرح على وجهو وحمد الله ودخل لعندها...
امجد: انتي منيحة حبيبتي...
سندس والابتسامة مصاحبة مع تعب على وجها: كتير منيحه صار عنا توأم رح يزينو حياتنا...
امجد: قلتلك شي مره بحبك...
سندس بمكر: اظن لاء...
امجد بضحكه: هههههه لكن بحبببببك....
___________
كانت جالسه على الكرسي الهزاز وفرحانة بعد ماشافت ابنها رجع دق قلبو وحب من جديد...
سند: امي بدك شي...
زمرود: الله يديم فرحتك يا امي...
قرب منها سند وباس ايدها: ولايحرمني منك ياغالية...
طلع من البيت متأنق ومرتب حالو واول ماوصل على مدينة الملاهي شافها واقفة وبأيدها وردة بضحكتها الناعمة...قرب منها..
سند: اشتقتيلي...
وردة: كتير ياروح وردة انت ..
ركع قدام الكل بأرض الملاهي وصرخ...بحبكككككك يامجنونة...كانت عم تضحك عليه وباين العشق بعيونون....
___________
_(قصر الزهور)_
كانو قاعدين بالحديقة عم يستنشقو هوا نضيف رجعت العيلة لتمت من جديد بأحفاد احفادون والبسمة ماكانت تفارق وجوه حدا من القصر...
زهرة: شايف يامعتصم عشنا عمر طويل فيو الحلو والمر بس بعدنا منحب بعض متل اول يوم...
معتصم والابتسامة على وجهو: ورح ضل حبك لأخر نفس بحياتنا...ضمها لصدرو وقفل الكتاب
__________
نفترق وتقسو علينا الأيام بشدة تصفعنا برياحها ألف مرة تقسو علينا ببراكينها وفي كل مرة تهزنا بقوة ولكن في كل هزة تجعلنا نقترب أكثر رغم البعد الذي حل بنا فلا بد لنا ان نتحد ونكون يد واحدة ليزول البعد بيننا..
___________
وهي كانت نهاية رواية على متن الطائرة منتمنى تكونو استمتعتو فيها ولاتنسو ارائكون على الرواية وكل الشكر منا #ياسمينة الشام الزهور#ورومانتيكا على تعليقاتكون الحلوة....❤النهاية❤
_________
*الـــــــــ͢ـོ͓ـــنهـــــــايـــــــོـ͓ـــ͢ــة*
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`