الفصل 8
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم على متن الطائرة`*
*❴🔢❵الـــبـــــــــــ❴2️⃣1️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
#على_متن_الطائرة
#بقلم_ياسمينة_الشام_الزهور_رومانتيكا
الجزء الثاني عشر.....
من خلف احدى الطاولات كان في انظار شخص غريب جالس وعم يصور فيديو مباشر والأبتسامة الخبيثة على وجهو..
الناس: انتو كذابين ومجرمين طلعو من الحكم..
ثواني ونسمعت خبطة قوية على الارض لتفت جاد محل الصوت شاف جدو بلأرض..جاد: جديييي..
ركض جاد ونحنى لعند جدو وبلش يصرخ مي مي جيبو مي..سمع صوت واحد من الناس عم يقول خلي يموت.. وماضل عقل براس جاد اتجه لعند الشخص والنار بين عيونو ومسكو من قبتو وسحب مقبض ايدو وضربو بوكس سقط الزلمة على الارض والعالم صارت بحالة زعر وبلشت ترجع لورا وايدهون على تمون..
جاد بعصبية: زيييين طلع كل الموجودين مابدي شوف حد عم تفهم..
زين بلبكة: حا حاضر معلم...
سندت افنان وسندس الجد وطلعو على الغرفة وسطحو على التخت وطلبو الدكتور ليعمل الفحوصات ويحدد حالتو...
__________(قصر عشيرة المجدي)___
قفل الفيديو وصوت ضحكتو نسمعت لأخر القصر...
فهد: ههههه وهيك ماعد حدى يوثق فيكون ياعيلة الزهور...
الجد بأبتسامة: قصدك عيلة الشافعي لأن نحنا يلي قريبا رح نحكم ارض الزهور..
رفع الكاسة فهد: بصحتك جدي هههههه...
وجدان: لاتكتر شرب يا ابني لسى جاية الأيام ورح نحتفل واشرب نخب فاخر بنصرنا...هههههه صارو يضحكو الاتنين بعد ماحققو النصر وخربو ارض الزهور...
انطيني وعد للموت روحي بروحك تشدني...اطلع الجد بفهد..وجدان: شوف مين عم يدقلك بركي شي مهم..
فهد هوه وعم يتمايل: اي يالله جدي...اخد الجوال من الطاولة...الو..
جاد: ياحقير بعرف انك ورا هل خبر خليني شوفك لأشرب من دمك...
فهد بضحكة هستريا من كتر الشرب: هههههه لا ولو ماشفت اسمي على الجريده..
جاد والنار بين عيونو وعم يكز ع سنانو: صار لازم عرفك مين حفيد ارض الزهور ياحثاله...
فهد: هوب هوب لاتغلط يا ههههه يا شو ذكرني ههههه...
جاد: بوعدك رح دمرك وانهي حياتك يا فهد وخدو وعد مني...
صمت شوي فهد وتذكر انو سما بتشتغل بقصر الزهور وبلشت الافكار تلعب براسو وبخطة محكمة نطق كلماتو...
فهد: مابدك تعرف مين خبرني انو اخوك امجد بالسجن هههه...
جاد: مين من كان رح اشرب من دمك ودمو ياواطي...
فهد بأبتسامة خباثه: حتى لو كانت بنت حلوة بتشتغل بقصرك..
جاد: مافهمت شو قصدك...
فهد: خلص روق ولو يعني سما بنت طيبة شو عرفها انك عدوي بعدين نحنا منحب بعض هههههه...
اول ماسمع اسم سما جن جنونو وخبط مقبض ايدو على البترينا..
جاد: ياحقير انت من ايمت بتعرف سما وكيف مستحيل سما تحب واحد وسخ متلك ..
فهد: له ولو اعصابك ههههه بتعرف هل بنت صاروخ هيه بس تقبل تختلا معي بالغرفة ورح تعرف مين زلمة بيناتنا وهلق تشاووو ياحلو هههه...قفل الخط وضحكتو العالية عم ترن بحيطان القصر..
جاد: الو الو ياحقير...شلف جاد الجوال على التخت والنار بين عيونو صار يمشي يمين وشمال ورح يجن من استفزاز فهد...
___________
صفت سيارة سوده حولين القصر ونزل منها هو وعم يتلفت يمين وشمال ومشي بخطواتو الثابتة ودخل ..
الحارس: مين حضرتك وبأي صفه بدك تقابلو..
شال النضاره عن عيونو: قلو سند بيك بدو يقابلك...
وقف الحارس مصدوم ومتجمد: امشي من هون بسرعة وجدان مابقابل حدى من عيلة الزهور..
سند بأبتسامة: انت قلو سند ومنشوف اذا رح يقابلني او لاء...
دخل الحارس بخطوات سريعة القصر...كان جالس الجد بمكتبو لوحدو عم يتصفح وراق بعد مانام فهد من كتر الشرب...
الحارس: يامعلم سند بيك تحت وطالب يقابلك...
صفن الجد بالحارس وابتسم ابتسامة ترحيب وخبث: قلو يتفضل هاد سند مو حد غريب ..
جمد الحارس لبضع ثواني ونزل لتحت وخبر سند يدخل...
سند هوه وداخل المكتب: هههه واخيرا تقابلنا يا وجدان بيك...
وجدان: شو هل صدفة الحلوه بعد زمان...
سند هو وعم يقعود وكلو ثقة: هيك الدنيه شو بدنا نعمل...
وجدان: اظن رجعت منشان تعرف عن هداك الموضوع...
سند: هيك شي...
وجدان: معناها قررت تصدقني وتسمع الحقيقه مني مع انك كنت رافض الحقيقة...
سند: تفضل بلش عم اسمعك...
وجدان: اممممم بما انك واحد من عشيرتنا رح اتجاوز اخطائك وبالنهاية حبك تصدق حبك هي الباب..
سند: انا مصدق ومن زمان بس حابب اعرف اكتر...
تنهد وجدان تنهيده طويله ورجع بذاكرتو للماضي وبلش يسرد القصه لسند...
بهديك الأيام كنت رفيق جدك الروح بالروح..وكل مايطلع على الصيد اطلع معو عشنا ايام حلوه سوا ماكان في خلافات كنا متساويين ومتعادلين لأجا اليوم الي استلم فيه جدك الحكم بأرض الزهور وقتها تغير كلشي صار جدك شخص متكبر شخص مابهمو غير نفسو صرت انا رفيقو مجرد عبد خادم تحت اديه...
كنت مترشح للحكم انا وياه على الارض بس الناس ختارتو ألو لأن كان شخص قوي وعندو كاريزما وكانو يفكروني شخص ضعيف ومابناسب استلم الحكم..مرت الأيام وجاب جدك خدامة للقصر كانت صبية حلوة وملفتة للنظر عمرها بحدود ال17كان اسمها روز وكانت من اصول تابعة لعشيرة المجدي...تنهد الجد وغمض عيونو...
سند: ليش وقفت كمل...
وجدان بغصة: ماشي رح كمل...سرح الجد بذاكرتو والماضي عم ينعاد قدامو متل شريط الفيديو..
منشان الله تركني عم توجعني تروك ايدي..
طاهر: شششش ماحد رح يعرف يله ...
روز: شو بدك مني استاذ طاهر بترجاك طلاع من غرفتي..
بوقتها اخدها طاهر بيك بالقوه وغتصبها ورمها على التخت بدم عذريتها ودموعها الي نشفت بمخدتها كانت بنت بعمر الورد..
وتاني يوم الصبح تعرضت البنت لنزف وضجة الفضيحة داخل القصر وبعد محاولات كتيره اعترفت البنت بيلي صار والكل دري بالموضوع وانو طاهر بيك زوج زمرود خانوم غتصب روز البنت الخادمة المسكينه...
سند والدمعة بعيونو: قصدك ابي غتصبها...
وجدان: مع الأسف هي الحقيقة....
سند: كمل بدي اعرف كلشي اليوم...
رجع سرح بالماضي يكمل القصة وفي بحلقو غصة كبيرة....
بوقتها جدك قرر يخبي هي الفضيحة لحتى ماينشال من الحكم وضل متكتم عن الموضوع بس انا كنت رفيق جدك وكان عندي علم بكلشي ماخبى عليي حرف واحد...
مرت الايام وعلاقة زمرود وطاهر لورا وماشفي جرح زمرود خانوم والخيانة الي تعرضتلها كانت كتير صعبة عليها ومع هيك قررت تجيب ولد يجمعون سوا عسى تنسا الماضي والحادثة بس للأسف ماكملت فرحتها...
الدكتورة: بعتزر منك انسة زمرود بس انتي عقيم..
زمرود والدموع بعيونها: لا مستحيل لاااااا ماعم صدق كيف هيك فحصيني منشان الله عطيني علاج منشان الللللله...
كانت عم تصرخ بحرقة قلب وبعد تحليلات وفحوصات طويلة انثبت انها عقيم ومابتجيب ولاد..
وبلشت مع الوقت تحس زوجها كترانه سهراتو برى البيت والحالة بينون عم تدهور اكتر...اجا يوم وتخانقو فيه خناقة طويلة عريضة وعيرها بأنها مابتجيب ولاد ومن هون قرر جدك يزوج طاهر للخدامة روز على امل تحبل وياخدو هل ولد ويحطو بأسم زمرود خانوم واسم طاهر....
وبعد خناقات طويلة بين العيلة شي رافض وشي بدو كانت كلمة الجد هيه الأمر الناهي والكل سلم امرو وتمت الزواجة بالسر على ورق..
كان طاهر فرحان كتير بروز وخاصة انها بنت صبية وحلوة والضعف الي جواتها كان يخلي يشعل شعل بس يشوفها لأن زمرود كانت مسيطرة متل امها زهرة خانوم...
وبعد حوالي شهرين حملت روز فيك..بس ابوك ماتهنا توفا قبل مايشوفك بوقتها كان في عطل بكهربا المصنع ولمس عامود توتور عالي مسكتو الكهربا لثواني وماحدا قدر يأنقذو...كانت فاجعة كبيرة وصدمة لأهل القصر...
وبعد حوالي سنة كامله كانت روز مخلفتك ومن هون بلشت زمرود تتعلق فيك يوم بعد يوم لدرجة تحرم روز من انها تشوفك وايام تحبسها وتظلمها وخاصه لما تسمعها عم تناديك ابني كانت تصفعها كف ينسمع لأخر القصر...
ومع الوقت حست زمرود خانوم بالخطر وانو ممكن تخسرك وخاصة انها ماقدرت تنزلك على خانتها بس على خانت زوجها ضل اسمك وعلى خانة امك روز ومن هون بلش الفار يلعب بعبها وبعد مناقشات طويلة بالقصر قررو يجبرو روز تتنازل عنك وفعلا تنازلت بعد الضغط والحرب النفسية والجسدية سلمت امرها وتنازلت وتمت التبني لصالح زمرود خانوم...
وبعد شهر زتو امك برى القصر منهارة ومدمرة ونفوها لخارج ارض الزهور وماتت بحسرتها وقهرها بجلطة بدماغ..
سند هو وعم يمسح دموعو: الله يرحمك يا امي حرموني حضنك الدافي...
وجدان: لاتبكي يا ابني بس هي الحقيقة ومن وقتها صار خلاف بالمصانع وتقسمت العشاير وتخالفت انا وجدك وكل مين ستلم عشيرتو بين مؤيدين ومعارضين بس الأغلبية كانو تابعين لجدك...
سند: هاد مانو جدي انا مابقرب العيلة بأي شي...
وجدان: انت تابع النا لأن امك الله يرحمها كانت من عشيرة المجدي كانت نقية وطاهرة ومن دمنا متلك....
سند: بتشكرك وجدان بيك لولاك ماكنت عرفت الحقيقة...
وجدان: ولايهمك يا ابني وقريباً رح ترجع ارض الزهور ملك لعشيرتنا.....
سند: بدي اعتزر منك قبل خمس سنين ورجيتني ورقة التبني بس انا رفضت اسمع القصة رغم اني كنت مصدق اني مو ابن زمرود خانوم...
وجدان: ولايهمك بقدر موقفك ياابني وهلق الحقيقة صارت كاملة متضحة ادامك شو رح تعمل...
تنهد سند واخد نفس شهيق وزفير: كلشي بوقتو حلو...سحب حالو من الكرسي ووقف على رجليه وستأذن من وجدان وغادر القصر...
___________
_(قصر الزهور)__
بعد ماطلع الدكتور من جناح معتصم بيك وطمن جاد على جدو وانو مجرد نزول ضغط حمل حالو وطلع من القصر والنار بين عيونو...
افنان هي وماسكة ايد جدها: كيف صرت جدي طمني..
معتصم ببطئ: الحمدلله احسن الله يرضا عليكي...وبلش يدور بعيونو..جاد وين جاد...
افنان: لاتخاف جدي طلع من القصر بشغلة ضرورية ورح يرجع...
معتصم: منيح...
سندس: شو هاد الصوت...
افنان: صوت جوال جدي بتلاقي بالدرج خدي و طفي حاليا جدي تعبان..
الجد: لا يابنتي هاتي بجوز مكالمة ضرورية.....
طلب الجد من الكل يغادر حتى زهره خانوم طلعو الكل من الغرفة وطبقو الباب وراهون...
معتصم: الو اي زين..
زين: جدي مصيبة امجد بيك كتير معصب وحالف ليطلع من هون...
معتصم: هاد الولد بلش يفور دمي خلص خدو لهداك المكان وهيك بيرتاح وبريح لبين ماقوم بصحتي واعرف كيف سيطر على المصيبة الي حلت علينا بأرض الزهور..
زين: امرك معلم وانا هاد رأيي..سلام...سكر الخط..
___________
كانت سما قاعده بصالون البيت عم تكتب شوية مذكرات وحاسه بالملل لما دخل جاد معصب ونار بين عيونو..مسكها بقوة..
جاد: انتي كيف بتحكي اسرار عيلتنا احكي...صرخ فيا صوت خلاها تجمد بمحلها...
سما بخوف: انا شو حكيت...
جاد: من ايمت بتعرفي فهد جاوبي...
تذكرت سما انو بهداك اليوم زلقت ماكانت بتعرف انو رح تصل الشغلة لهل مواصيل هي...
جاد بنبرة عصبية: ليش ساكتة جاوبي...
سما: لتقينا بالصدفة بمكتب مدير الشركة عمار ووقتها تبادلنا الأرقام وصرنا رفقة وكان بيشتغل بنفس مجالي...
شعلت نار الغيره اكتر من نار العتب بقلب جاد ووجهلا كلامو بنبرة عالية وعلى شوي بيضربها...
جاد: انتي بتحبي احكي...
سما وعلامات التعجب على وجها: لا مابحبو ولابعرفو كتير...
جاد: لاتكذبي عليي انتي رافضة قربي منك لانك بتحبي..
سما: لاء بشو احلفلك مابحبو..
رمها على الصوفاية بقوه وصار فوقها وهي جامده مالها عرفانه شو تعمل...
سما: جاد بعد عني..
جاد وبعيونو نار: معنها بتحبي...
دفشتو عنها بقوة وبلشت تبكي وتهددو اذا بقرب رح تقتل حالها...لما شافها بهي الحالة حس بسكينه وبلشت النار تخمد من قلبو كان يضعف قدام دموعها..
جاد: خلص لاتبكي...
سما ببكه: انت شو بدك مني مابيكفي عملت جريمة وحبستني هون وحرمتني عيلتي وشغلي وكلشي لأيمت رح تخليني هون...
قرب منها وقعد على الصوفاية حدها وماحست غير اخد راسها وضمها لصدرو وبلش يمسح دموعها ويبكي معها لأول مره بيبكي قدام حدا كانت عم تسمع دقات قلبو الممزوجة مع ريحة عطرو وكف ايدو على خدها وغامرها بجنون وحنية ماكانت عم تميز لان جاد شخص غامض صعب تحديد مشاعرو..لما شافتو عم يبكي مسحت دموعو بأيدها...
سما: لاتبكي جاد بعرفك ارجل من هيك..
جاد ببكي: الدموع مابتحدد الرجوله انا عم ابكي اني نجبرت على قتل اسعد بس هوه غتصب اختي شو كنتي منتظره مني مفكرتيني بلا رحمة وضمير..
نصدمت لما سمعت انو اسعد غتصب افنان وطلعت بعيونو وهي متفاجئة...سما: جد اسعد غتصب افنان..
جاد: اي وفيكي تسأليا بعرف مو مبرر اني اقتلو بس بقسملك بهديك الحالة ماكنت شايف ولاعرفان شو اعمل كنت كتير ضايع ولو انك ما بتخصيني صدقيني ماببكي قدامك بس انتي اول شخص ببكي قدامو لأن المرأة الي بتحبها هيه الوحيدة رح تفهم دموعك ورح تكملك ومارح تحس بنقص معها وقت تشكيلا همومك ومارح ينقص من رجوليتك قدامها...
حست سما انو ظلمتو وبنفس الوقت الجريمة بضل جريمة بس كلامو اثر فيا لأنها كانت بتبادلو نفس مشاعر الحب...
سما: خلص حاج بكي جاد قوم غسل منحكي بعدين بس تروق...
كانت عيونها عم تلمع ودبلانة ولما شاف عيونها صفن فيون للحظات وسرح بجمالهون
___________
فقدت ذاتي في عينيها وقلبي الآن ينبض بين يديها فقدت نفسي في تفاصيلها وكأنها تكملني عندما أنظر إلى عينيها.....
___________
__(قصر الزهور)__
كانت سندس منزوية بغرفتها عم تفكر بأمجد وعيونها مليانه دموع ليش خبا عنها انو هو بالسجن وعنجد هوه الي قتل اسعد وليش يقتلو وافكار تاخدها وتجيبها بس كانت ثقتها فيه كبيرة وبتعرف انو امجد مستحيل يقتل اخوه...
حملت الجوال وحاولت تحكي معو بس كان جوالو مغلق ونشغل بالها عليه ضلت تتقلب بتختها مو عرفانة كيف تنام...
___________
بعد ما اخد معتصم الدوا دق لزين لحتى يطمن كلشي ماشي تمام وتحت سيطرتو...
معتصم: طمني صار بالمكان المطلوب..
زين: اي معلم كلشي ماشي تمام وهيك رتحنا من هل هم...
معتصم بتنهيدة طويلة: معك حق حاليا بقدر كمل شغلي وانا مرتاح...
سكر الخط وحاسس براحه كبيرة وهم نزاح عن قلبو غمض عيونو واستسلم للنوم...
__________
كان جاد نايم متل الملاك عم تتأمل ملامح وجهو وتلعب بخصلات شعرو وحاسة حالها ضايعة وهموم الدنيي راكبتها ماعرفانة تتخذ قرار حاسم بعلاقتها معو.. للحظة فكرت كيف حياتها بدها تمشي بدون جاد الشب الي اخد قلبها كيف رح تقدر تعيش بلاه او تتركو بهيك حالة... وبعد تفكير طويل غفيت بدون ماتحس واستسلمت لنوم عميق..
_________
كل منا ينام وقلبه معلق بأمل يوم جديد
ولكن هل الأمل يأتي ام ان الكابوس الذي قد حلمنا به في الليل قد سيطر على الواقع في النهار
_________
__(ارض الزهور)___
بلش الظلام ينجلي والضو يطلع ومع صباح يوم جديد كانت ارض الزهور عم تشهد ثورة كبيرة الناس عم تحتج على باب قصر الزهور وناس تركت الشغل وعملت حداد الكل داخل القصر كان بحالة زعر وتوتر بس في عيون كانت مبسوطة بهاد الشي ولأول مره بتدخل ارض الزهور بدون خوف..
كان فهد جامع كم شب من عشيرتو وعم يتفتل بأرض الزهور واخد مجدو والأبتسامة مافارقتو...ثواني ولمح جاد جاية من بعيد..
فهد: لك هاد مو جاد شو يظهر مو نايم بالبيت هههه اي معو حق يهروب لان خلص لهون وانتهى مجدو...
سامر: اي معلم هوه...
كان ماشي جاد بخطواتو الثابتة واول ماشافو الناس بلشو يتمتمو ويرمقو بنظرات كلها شر وتجمعو حوليه...
جاد: شوفي ياجماعة ليش عم تطلعو فيي هيك لتكونو مصدقين الاخبار الكاذبة عن عيلتنا..
الناس: انتو مجرمين ماعد بدنا تحكمونا اذا قتلتو واحد من عيلتكون كيف الناس رح تقتلوها بدون مايرفلكون جفن نحنا ماعد نثق فيكون..
كان عم يقترب بخطواتو الثابتة وجماعتو وراه واول مالمحو جاد شعلت نار جوات قلبو والغضب بين عيونو ركض ومسكو بقوة من قبتو..
جاد: ياحقير شو عم تعمل بأرض الزهور...
كانو الشباب بدن يهجمو على جاد بس عطاهون فهد اشارة انو مايدخلو...
فهد بأبتسامة: حبيت شم هوى نضيف عندك مانع..
جاد بعيون حاده: هلئ بدك تاخد جماعتك وتطلع والا رح خربط واجهتك..
فهد: ههههه واذا قلتلك ماني طالع...
جمع جاد قبضة ايدو وضربو بوكس وقع فهد على الارض والنار شعلت فيه قام من الارض وبلشو يضاربو بقوة والناس ملتفة حوليهون وماعم تدخل قربو جماعة فهد ومعهون عصي وبلشو يضربو جاد بقوة...
كانت الناس ماعم تدخل وتدافع عن جاد بعد الخبر الي سمعتو وتركتو عم ياكول ضرب...
فهد هو وماسك جاد: ههههه شو شايف الدم بلش ينزل من راسك وتمك وين رجوليتك..
مسك جاد فهد ورماه بلأرض وطلع فوقو وبلش يضربو بوكسات وجماعة فهد نازلة بالعصي على ضهر جاد وراسو وعم تحاول تبعدو عن فهد..كان قتال دموي والكل عليه علامات ضروب ودم عم يشر بس جاد كان اكتر واحد عم ينزف وبلش يفقد الوعي بس يتماسك..
كانو جايين من بعيد ومابيعرفو شو صاير بأرض الزهور بعد غيبتون الطويلة ولما شافو في خناقة اقتربو بسرعة واول مالمحو جاد نصدمو كان واقف عم ينضرب بالعصي وثابت بمكانو بكبريائو ماراضي ينسحب من المعركة خسران لو ع جثتو..
....لك هاد جاد
....اي وهاد فهد الي علقان معو
....امشي مالازم نسكوت
.....معك حق
مشيو رافعين راسون لفوق بخطواتون الثابتة...كان فهد عم يضحك بقوه وحمل العصاية ووجه كلمة للناس..
فهد: الحكم للأقوى وهلق خلونا نشوف نهايتو كان جاد مشقوق قميصو والدم عم ينزل من وجهو وشعراتو نازلين على وجهو ورح يغمى عليه ومع هيك مابيعرف الأستسلام وقف على رجليه عم يحاول يثبت رفع العصاية فهد وقبل ماتجي على راس جاد في تنين مسكو العصاية...
اسعد: ماعاش الي بدو يمد ايدو على ابن عمنا...
امجد: الدم مابصير مي وكل انسان نزل قطرة دم من عيلة الشافعي رح يلقى حتفو..
وقف جاد مصدوم ماعم يصدق الي عم يشوفو اسعد بشحمو ولحمو واقف قدام عيونو وامجد معو نزلو دموع من عيونو دموع الفرح انو ولاد عمو جنبو وسالمين وكأن هم ونزاح عن قلبو..
كان فهد مصدوم وجماعتو بحالة صدمة والناس مصدومة وبلشو يحكو بين بعضون...لك هاد عايش وليكو اخو برا السجن...معناها عشيرة المجدي كذبت علينا...كان الكل خجلان وموطي راسو ماقدران يحكي شي وخاصة بعد ماتركو جاد الي فنى شبابو ليرضي الناس ويحكمون على اساس العدل وماينقصون شي...
مسك اسعد فهد من خوانيقو وحاولو جماعتو يقتربو بس امجد خلع قميصو وبلش يضرب واحد واحد واسعد كان نازل بوكسات بفهد وعم ياخود بتار جاد الي كان مصدوم ومامصدق الي عم يصير..لمح جاد واحد راكض بسرعة وبأيدو بوري حديد وبدو يخبط اسعد قام وقف على رجليه غصب عنو وركض ومسك البوري قبل ماتوصل لراس اسعد وخبطو برجلو رفسه خلتو يطير تلت متار لقدام...لتفت امجد وبتسم لما شاف التعاون بينون وانو الامور بخير وانو جاد مو حاقد على اسعد ولابيتمنالو يموت او ينأذى..
وقف اسعد بحالة من الأستغراب كان مفتكر انو بحياتو جاد مارح يأنقذو ومفتكر بيتمنالو الموت وخاصة بعد ماغتصب اختو...
.. خلع جاد قميصو المشقوق ووقف بثبات وخلع اسعد قميصو ووقف جنبو وامجد كان خالع واجا وقف حدون والكل عضلاتون بارزه ورافعين راسون لفوق واخيرا رجعو اتحدو ولاد العم والناس انظارها ماعم تنزاح عنون والأبتسامة رجعت غمرت الناس بعد هل تكاتف اما فهد لقاها فرصه ونسحب ببطئ وهرب من الأرض...#يتبع
#على_متن_الطائرة
#بقلم_ياسمينة_الشام_الزهور_رومانتيكا
الجزء الثالث عشر.............
______(قصر الزهور)___
كان متسطح وعلامات التعب على وجهو وعم يطلع بعيونها ورجعت فيه الذاكرة للماضي وبلش يسردلها...
معتصم: الو مين معي..
سجود: انا سجود مضيفة الطيران معتصم بيك..
معتصم: تذكرتك يا بنتي كيف صحتك امك بخير صاير شي..
سجو بتردد: مابعرف كيف خبرك بس لازم يكون عندك علم..
معتصم: احكي بنتي شغلتي بالي..
سجود: اليوم الصبح اجا لعندي الاستاذ جاد حفيدك وطلب مني طلب غريب ومابعرف شو اعمل كتير خايفة الموضوع فيو خطر على حياتي...
معتصم: لا تخافي بنتي جاد اكيد مابخاطر بحياة اي انسان وبكون مخطط مسبقا ونفذي الي طلبو وانتي بحمايتنا...
سجود: بس هاد الموضوع فيه قتل فيه جريمة معتصم بيك..
صفن معتصم للحظات وكمل حكي: شو طلب منك بنتي..
سجود: طلب مني سمم اسعد بالطيارة وانهي حياتو..
فتح عيونو معتصم على وسعهون : شو عم تحكي مستحيل جاد بحب ابن عمو كتير..
سجود: يابيك بعد شهر السفر وانا كتير خايفة نفذ هل شي وبما انك كبير العيلة والسلطة بأيدك خبرني شو اعمل..
كان عم يحكي مكالمة لما لمح اسعد داخل من باب القصر وشربان ومنطفي..
معتصم: برجع بحكي معك رح سكر سلام...قفل الخط وتوجه بخطواتو الثابتة لعند اسعد..
معتصم: يا ابني من ايمت حفيد ارض الزهور بيشرب شو عم يصير معك حكيلي..
سندو على كتفو واخدو على الغرفة وقفل الباب وفورا اسعد تسطح وبلش يحكي ويخبص..
اسعد: هههه عامل حالك جدي وانت حتى مشاعري مابتعرف فيا هههه..
معتصم بغضب: جدك غصب عنك ياولد...
اسعد هو ومغمض: اسف جدي هههه صحيح جدي ليش الي من حبون بطيرو من بين ادينا..
كان معتصم صافن فيه وحاسس انو اسعد عامل مصيبة مع جاد وخاصة انو اخر فتره بلش يشرب بطريقة جنونية والصبح عم يكون نسيان كلشي وماعم يتذكر..
معتصم: انت شو عامل مع جاد احكي ..
اسعد هو وعم يلعب بشعرو وحاسس الدنيي عم ترقص وتهز: ههههه قصدك صهري المستقبلي...
معتصم: احكي بلش يطلع خلقي ويرتفع ضغطي..
اسعد: ماعملت شي ههههه بس حبيت اختو وبنهايي خطبتوها لسند وطلعت من المولد بلا حمص...
معتصم: انت باين عم تخبص ومو وعيان على حالك من ايمت حبيت افنان اي كل حياتك مقضيها شغل وسفر..
حمل عكازتو الجد بدو يمشي بس وقفو صوت نحيب اسعد كان عم يبكي بشدة ويقول: ماقصدي اغتصبك افنان بشو احلفلك ماكنت بوعيي كان بدي ياكي تكوني ملك الي بالحلال بس بلحظة مابعرف شو صار بترجاكي لاتكرهيني انا ماعم شوف غيرك بكل هي الدنيه..
عقد الجد حواجبو وكان بدو يضرب اسعد بس شافو شربان كتير وبوضع سيئ وكان مأيقن انو حكي اسعد صحيح لأن مافي شي بخلي جاد يقتل ابن عمو غير قضايا كبيرة متل الشرف..
تمالك اعصابو وثبت بوقفتو طلع من الغرفة واتصل على رقم سجود..
سجود: الو اي يابيك..
معتصم: بدك تنفذي كلشي عم قلك عليه بحزافيرو..
سجود: اكيد معتصم بيك..
صحي معتصم من شرودو وقت شاف الدمعه بعيون زهرة...
معتصم: لا تبكي زهرة...
زهرة: كيف بدك ياني ما ابكي وكل هاد الشي صار مع احفادي وانا مابعرف لك حتى افنان ماكنت حاسة بوجعها نحنا غلطنا يا ابو زهير بتربايتون...
معتصم: لاتحكي هيك نحنا ربيناهون احسن تربايه ورح يرجعو يتحدو بكرا بتشوفي..
زهرة: ان شاء الله كمل كيف قدرت تنقذو..
معتصم: طلبت من الانسة سجود تحط سم مؤقت بالكاسة وهاد السم بيعمل اغماء مؤقت عبارة عن مادة تخديرية لمدة 24 ساعة...
بوقتها غابو احفادي وكنت كتير خايف انو جاد يقتل اسعد ببلاد بره ومايلتزم بلأتفاق الي اتفقو مع سجود وظبطت المشفى والكادر متل مابتعرفي يازهرة صاحب السلطة والمال بيقدر يشتري كلشي..
ومر الوقت والايام وبعدها اجاني اتصال من رقم سجود..
سجود: الو يابيك..
معتصم: طمنيني كلشي تمام..
سجود: اي معتصم بيك عطيتو المادة وغمي وخبرت السيد جاد انو حطيت سم ولبين مايصل للمشفى رح يكون ميت..
بعدها هبطت الطيارة وتم نقلو على المشفى وهون كنت مخبر الدكتور وكوادر الفحص يعطو ادلة مزيفة للشرطة ويقولو انو في سم كان بالكاسة..
وبعد تقديم الأدلة والفحوصات قامت الشرطة بأستدعاء احفادنا للمحكمة بناء على الطب الشرعي
زهرة: بس ليش فتحت تحقيق على عيلتنا كنت عملو متوفي بشي شغلة مثلا جلطة شي يدل انو مات موتت ربو...
معتصم: هههه شفتي يازهرة رح اضلي عاطفيه مهما ستلمتي الحكم..انا عملت هيك ليصدق جاد لو عملت مات موتت ربو كان حتى جاد نصدم بلأدلة لأن هو طلب يموت بسم..
زهرة: معك حق وانا كنت عم اسأل حالي ليش ماخليتنا هداك اليوم نودع اسعد ونشبع منو ااخخخخ ياراسي..
معتصم: سلامتك ياام زهير كنت عم اتقطع اكتر منك انك ماودعتي بس بالحقيقة نحنا مادفنا نحنا نقلنا لبيت اختي وماكنت بدي خبرك بكل الي صار قومي رتاحي وسامحيني اني خبيت عنك ...
زهرة: المهم شوف احفادي جنب بعض هي اكبر فرحة الي واحضن اسعد رغم عتبي عليه...
_____(قصر عشيرة المجدي)_
واقفين الخدم حوليه وعم يمسحو جسمو والجروح ويعالجوه..
فهد: اخ على مهلك ..
وجدان والنار بين عيونو: هدول زودوها كتير ماعم صدق كيف طلع عايش..
فهد: وانا ياجدي رح جن لو اني ماشفتو بعيني ماكنت صدقت بس شفتو بعيوني التنتين هو واخوه...
وجدان: اكيد في شي كان صاير بس خبوه...
فهد: والعمل هلق جدي...
سرح وجدان شوي وكمل حكي: رح ننتظر لانشوف سند شو رح يعمل..
فهد: اذا قتل واحد فيون بريحنا ومنقدر نرجع نشعل الفتنة ..
وجدان: هي المسألة اكبر من القتل حاليا رح نضل على حالنا لبين مايتبين كلشي..
_____(داخل المستشفى)____
كان متسطح على سرير المشفى وولاد عمو جنبو وحاسس ضهرو متكسر والجروح عم تحرقو والدكتور واقف جنبو عم يعقم الجروح...
اسعد: انت منيح اخي..
اطلع فيه جاد كان فرحان بشوفتو بس مابينكر انو لسى في شوية غصة جواتو: اي احسن..
كان امجد عم يطلع فيون وحس انو الوضع توتر وفورا غير الموضوع...
امجد: ههههههه اس الله...
اطلعو فيه تنيناتون وعلامات التعجب على وجوهون..
امجد بدهشه: شوفي خير ليش عم تطلعو فيي هيك..
جاد:ليش ضحكت وقلت اس الله..
امجد: يعني بتحبو احكي..
نطق اسعد وجاد بنفس الوقت...اي...وصارو يطلعو ببعض وكل واحد يحاول يخفي ضحكتو عن التاني..
امجد: كنت عم اتذكر لما كان عمرنا تقريبا 7سنين ودخل اسعد على البحر لابس كلسون والموجه سحبتلو ياه وطلع بلاه..
جاد: ههههههه اخخخخ يابطني الله يلعنك خليتني اضحك وعم اتوجع...
اسعد بعصبية: اصلاً مافي شي بضحك بعدين الموجة كانت قويه..
جاد: حاج ولو اعترف انو بوقتها صرت مضحكة الناس ههههههه...
اسعد: مانك احسن مني تعال ذكرك لما نفتق بنطرونك بالمدرسة انت وعم تقرفص لتجيب القلم وصارو البنات يضحكو عليك هههههه بطني....
جاد: لا مو صحيح ماحد ضحك عليي من انا وصغير هيبة والبنات بتخاف مني..
اسعد: ههههههه راحت الهيبة هداك اليوم الله وكيلك هههههه...رمقو جاد نظرة حادة حاول اسعد يخفي ضحكتو...
امجد: ههههه ولي عليكون انتو التنين صارت معكون مواقف بتخجل الا انا الحمدلله...
اطلعو فيه الاتنين وكأن متفيقن يحكو..
اسعد جاد: انت وماصار معك شي...
امجد: انتو كأن متفقين على نفس الحكي احيانا بحسكون شخص واحد...
اطلع جاد بأسعد وبتسمو لبعض..
جاد: بتذكر وقت شفت الأنسة عم تبوس زوجها وقلتلها مبروك صرتي حامل...
اسعد: ههههههه اخخخخخ ماعد اقدر هههه..
امجد: خلص ولو شو ماعنكون مسخرة غيري اي كنت فكر من بوسة الوحدة بتحبل شو بعرفني...
جاد: هههههه لكن لاتتمسخر علينا مامنجي صوبك...
امجد بنظرة استخاف: اصلاً انا نيتي كانت بريئة مو متلكون شاقين الارض من الصغر وطالعين وكل ماتشوف انت واسعد بنت تلطشوها...
______(قصر الزهور)__
جالس الجد على كرسيه الهزاز وصافن بدنيه عم يفكر كيف بدو يظهر اسعد للعالم وكيف يطفي نار جاد الشاعلة..كانت افنان وسندس عم يحكو بمواضيع مالها نهاية والست زهرة شارده بأبو زهير شايفة علامات الكبر عليه والتعب كانت كتير تخاف يجي يوم وتفقدو فيه..اما سند كان عم يتأمل افنان وعيونو مانزاحت عنها وامو قاعدة جنبو وملاحظة هاد الشي وخايفة على ابنها لبعدين..
ثواني وعم الصمت والكل كان بحالة دهشة لما شافو التلاتة داخلين القصر والابتسامة مرسومة على وجوهون كانت افنان واقفة بثبات عم تطلع بأسعد ومتفاجئة وحاسة حالها بحلم واسعد عم يطلع فيا بشوق بعد هل غيبة كان مشتهي يركض يحضنها...
معتصم: ماعم صدق كيف انتو التلاتة سوا..
جاد: اي جدي انت قلتها نحنا التلاتة يعني مستحيل نفترق مهما حصل...
ابتسمت زهرة وكأن نردتلها الروح بشوفتون قربت واخدت اسعد بين احضانها ونزلت دمعه من عيونها مسحلها ياها بأديه كان كتير مشتاق للعيلة بعد هل غيبة..
اسعد ببكه: ستي سامحيني منشان الله وبلش يبوس اديها وراسها..
كان امجد مشتاق لسندس كتير وبدون مقدمات وقدام الكل مشي لعندها وحضنها بقوه وبعدها سحب علبة من جيبتو ليستغل الفرصة وهل فرحة وماحدا يعارض زواجتو من سندس..
امجد: جدي بدك تسمحلي
سندس بتقبلي تتزوجيني...
وقفت مصدومة وعيونها عم تتنقل بين الكل وكأن عم تسألون اذا بحقلها تجاوب..
جاد: جاوبي سندس ولاتخافي بنهاية انتي حب امجد وعلى فكرة عزبنا بتنقاية الخاتم ليرضيكي ههههه...
سندس بضحكة انثويه وعيونها عم تلمع والفرحه غامره وجها: اي بقبل..
كان التصفيق حار والكل موافق ماحد عارض انها خدامة لانها بنهاية بني ادمة عم تتنفس وقلبها عم ينبض ومافي قوة بتمنع اي انسان مهما كانت حالتو انو مايحب ويدق قلبو...
لبسها الخاتم قدام امها حبيسه يلي كانت مصدومة ودموع الفرح عم تنزل من عيونها اتجه امجد ومسك ايد حبيسة..
امجد: بنتك بأمانتي ماتبكي يا امي رح حطها بعيوني...
حبيسه: الله يرضا عليك ويسعدكون...
امجد: اي بالمناسبة ياجماعة ايمت ناوين نعمل الحفلة وتفرحو فينا انا وسندس..
جاد: هههههه انتظر شوي بيكفي الخاتم وانك حجزتها بس هلق في امور لازم نحلها ...
كان سند واقف مصدوم والنار جواتو شاعلة ماعرفان شو عم يصير..
اسعد: شو ابن خالتي ماشتقتلي مابدك تحضن اخوك..
سند بصدمة: اي بدي..
اخدو اسعد بالحضن وكمل حكي..اسعد: كأنك حليان بغيبتي ههههه...
سند بضحكة مزيفه: ههههه شو بدنا نعمل بس انت كيف عايش..
اسعد: هلق برجع بم....وقبل مايكمل جملتو حطت افنان ايدها على تمو..
افنان: بعيد الشر لاتحكي هيك...
كانت عيونون عم تحكي قصة حب كبيرة ملمس اديها على تمو حرك كلشي جواتو وخوفها لساتها متل ماعرفها بنفس النظرة الا انو كان في نظرة تفاجئ كبيرة عليها بس الحب كان واضح بعيونها والاشتياق لغة العين مابتكذب اصدق لغة بجسم الانسان..
وقبل ماينطق اي حدا كلمة وقف جاد بثبات...جاد: طلعو فيي كلكون بدي احكي كلمتين وعتبروها النهاية...
الكل وجه نظرو على جاد الي بلش يحكي وكان باين انو اكتر واحد فرحان وهم كبير نزاح عن قلبو..
جاد: من بعد اليوم قصة موت اسعد بدها تتسكر ماضروري تعرفو كلشي بالضبط وقف حكي وتطلع بجدو نظرة شكر وكمل حكي..جاد: بتشكرك جدي على كلشي واسعد وامجد خبروني بكلشي انا لولاك كنت اليوم عم ادمر وكنت رح موت بين ادين الاعداء بس وقفت ولاد عمي جنبي ووقفتون ثبتتلي انو الدم مابصير مي وانو مهما صار بينا لازم ينحل بينا بعيدا عن الدم والتارات بس اليوم وبدون مقدمات وبتمنى ماحد يعارض انا حابب نفسخ خطبة اختي افنان من سند ونخطبها لأسعد بالنهاية اختي مابدها ياه والحب لازم ينتصر...
لمعو عيون اسعد وهرت دمعة من عيونو مسحها قبل ماحدا يشوف..اسعد: بس بركي افنان مابدها ياني...
جاد: سكوت ههههه بعد كلشي شفتو بعيوني بتقلي مابدها ياك...
الكل كان فرحان ومبسوط وبرغم من جرحها الكبير كانت بدها ياه وماقدرانة تعبر عن سعادتها انو طلع عايش واخوها بريئ وكأن رجع فيون الزمن لوقت كانت السعادة ماتفارقون...
افنان بأبتسامة خفيفة: متل مابدك اخي..
شعلت النار بقلب سند: بس انا مابدي نفسخ الخطبة قلتلك بحب افنان شو ماعم تفهم..
جاد بأبتسامة نصر: له يا ابن خالتي من كم يوم كنت عم تهددني انو اذا بفسخ الخطبة بدك تحكي الي صار لاجدي واني قتلت اسعد هي اسعد قدام عيونك هههه..
سند: لاتستفزني ياجاد والا...
جاد: والا شو..
صرخ فيون معتصم صوت: خلص بكفي ياولاد وانت سند لحقني على الغرفة بدي حكيك بموضوع...
سند هوه وعم يطلع بجاد ويتوعدلو: ماشي جدي جاية..
قعد معتصم على الكرسي ورا المكتب وتنهد تنهيدة طويلة قبل مايحكي..
سند: جدي اذا بدك تحاول تقنعني اترك افنان فهاد الشي مستحيل...
معتصم: يا ابني انت بتعرف انو افنان غالية علينا وانت بسعرها بس هي مابتحبك المفروض من حالك تنسحب..
سند: واذا مانسحبت شو رح تعمل رح ترميني متل مارميت امي ههههه...
فتح الجد عيونو على وسعهون متفاجئ من حكي سند...
سند: شو نصدمت جدي اي انا بعرف اني ابن روز الخادمة الي دمرتو حياتها...
معتصم بعصبية: ولاك اياك تحكي بهي الطريقة انت واحد من عيلتنا مستحيل زتك عم تفهم وحكيلي مين خبرك...
سند: باين كتير اني من العيلة لك حتى افنان بدك تسحبها من ايدي وتعطيها لحفيد من احفادك وانا ماحدا سائل فيي..
معتصم: بقسملك لو انها بتحبك لأعطيك ياها بس مافي حب ولاتنسى انها حاولت تنتحر قبل هل مره لأن خطبتك كانت مفضلة الموت على انها تاخدك انا شو طالع بأيدي...
سند: لو عطيتوني فرصة كانت رح تحبني..
معتصم: يا ابني حاج توهم حالك لو انها رح تحبك كانت حبتك قبل ظهور اسعد بس اليوم لما شفت الابتسامة الي رجعتلها بعد هل فترة ايقنت انو سعادتها مع اسعد...
سند بصريخ: بترجاك بكفي اسعد اسعد لك ليش بتحبو ماكنت افهم قدمتلها كلشي لك عطيتها قلبي وحبي ليش ياربي ماعم تفهم..
معتصم: يا ابني حاسس فيك بس في شغلات بدنيي مامنقدر نغيرها...
سند: هههه والمطلوب هلق اكيد بدك تزتني بس تموت زمرود خانوم المتعلقة فيي..
خبط معتصم اديه على الطاولة وتطلع فيه بنظره حاده: هي اخر مره بسمعك عم تقول زمرود هي امك ولك هي ربتك وعتنت فيك بوقت امك زتتك لك هي فنت حياتها منشانك..
كانت باينة الصدمة بعيون سند: لاتحكي على امي عم تفهم ياجدي امي مازتتني انتو الي قلعتوها..
معتصم بضحكة استخفاف: هههههه يحرم عليي شوفة زهرة اذا نحنا قلعنا امك...
بلش سند يضيع ومافهمان شي مين الصادق مين الكاذب ماكان عرفان يحدد شي بس كان متأكد انو جدو بحياتو كلها ماحلف بزهرة الا كان الحلفان صحيح من كتر حبو الها..
سند واديه مشبكين ببعض من التوتور: لكن حكيلي كيف امي ماتت كيف اجيت انا على هي العيلة وحكي وجدان بأن امي ماتت بجلطة بسببكون صحيح ام لاء...
اطلع فيه الجد ومتفاجئ من هل كلام وكأن شي جديد عم يسمع فيه ..
معتصم: يعني وجدان بيك هو الي خبرك..
سند: اي جدي قبل خمس سنين ورجاني ورقة التبني بس ماكنت مهتم لأعرف الحقيقة لاني حبيت امي زمرود وحبيت العيلة بس حاليا انا ضايع ماني عرفان مكانتي بينكون ولما رحت لعندو خبرني انو امي ماتت بسببكون...
معتصم والشرار بين عيونو: انا بورجيك ياوجدان بيك بلشت تحرك الفتنة داخل عيلتي بأكاذيبك..
سند: عم اسمعك اليوم بدي الحقيقة..
فتح معتصم درج المكتب وسحب منو مصحف كان باين التوتور على سند..حط اديه على المصحف لأول مره بيحلف فيه..
معتصم: وحيات المصحف ماسرقت دهبات ابو براهيم..هههههه مزح نكمل القصة..
معتصم: وحيات المصحف رح احكي الحقيقة بس بدي منك ياسند تسمعني منيح وماتكون حساس لأن الدنيي بدها قوة ولاتنسى نحنا عيلتك ان قلت اي او قلت لاء...#يتبع
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`