الفصل 6
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم على متن الطائرة`*
*❴🔢❵الـــبـــــــــــ❴8️⃣+9️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
#على_متن_الطائرة
#بقلم_ياسمينة_الشام_الزهور_رومنتايكا
الجزء الثامن.....
كان قاعد بالسيارة عم يدخن سيجارة لما اجتو مكالمة سحب الجوال من الجيبة بعيون حاده..
القناص: اي معلم الأكل صار عندو...لا معلم صحتو منيحه...قدرت هربو من المشفى..اي اكيد معلم السم كان نوع خفيف..خلص معلم ماتهكل هم اكيد بكون فاق وكلشي ماشي تمام....حكا المكالمة وقفل..
___________
__(قصر الزهور)__
كانت سما عم تتمشا ببستان الورود وعم تقطف ورد وتحط بسلتها عم تتنفس الهوا النظيف بعمق وكأنو عم يتسلل الهوا لأحشائها كانت متل الفراشة بين الورود علقت سلتها عغصن الشجرة لما لاحظت رنة موبايلا وطالعت موبايلا من الشنتة كان المتصل فهد
فتحت الخط وهي عم تتأفف لأنو قطع عليها سلسلة أفكارها سما. اهلين استاز فهد
فهد. كيفك أنسة سما؟!
سما. الحمدلله تمام انت كيفك؟
فهد. الحمدلله منيح حكيت معك لأسألك فينا نتقابل هلق ضروري!
عقفت حواجبها سما. خير ان شاء الله في شي!
سكت شوي كان متلبك شو بدو يقلا فهد. لازم نتقابل بخصوص الشغل
ارتسمت عملامحها علامة التعجب سما. طيب تمام ايمتا بتحب نلتقى!
فهد. هلق ادا ما عندك شي بكافيه السلام
سما. طيب جاية فوراً
فصلت الخط وهي مترددة يا ترى شو بدو يكون بدو منها وشو هالشي الضروري الي عم يحكي عنو اخدت تكسي أجرة وراحت عالعنوان الي خبرها عنو كان قاعد على طاولة بأخر الكافيه وصافن بان عليها انو متوتر قربت منو بخطواتها الثابتة وسلمت عليه
سما. مرحبا أستاز فهد
فهد. اهلين اتفضلي
حطت شنتايتها عالطاولة وقعدت سما. الصراحة شغلتلي بالي لما حكيتني عالموبايل
ابتسم فهد. لا لا ينشغل بالك كل القصة حبيت شوفك وجه لوجه لحاكيكي بموضوع شغل
شبكت أيديها ببعضون وتطلعت عليه بتركيز
سما. اتفضل عم أسمعك
فهد. الصراحة اليوم حكو معي من مجلة العرب وعم يدورو على صحفية تكون شاطرة وبتعرفي هالمجلة عالمية يعني الشغل فيها مربح وللصراحة ما لقيت أفضل منك لهالوظيفة يعني الصراحة بعتبرو عرض مغري ورح يفيد مجلتك
أبتسمت إبتسامة عفوية ورجعت شعرا لورا أذانا سما. كان بودي أقبل هالعرض بس مع الأسف ما فيني
فهد. ليش أنسة سما لا تنسي انو اذا اشتغلتي مع هالمجلة رح يكبر أسمك كمان
سما. الصراحة ما بيهمني يكبر أسمي صدقني وقتي عبيان بين شغلي بالقصر وبين مجلتي مشان هيك رح ارفض هالعرض مع الأسف
فهد. بالقصر!!
سما. انا بلشت أشتغل ممرضة بقصر الزهور
عيونو صارت تقدح نار لما سمع بقصر الزهور وصار يتكلل الغضب معالم وشو حاول يخفي غضبو بأبتسامة مسطنعة فهد. كيف هيك؟؟
قصدي كيف اشتغلتي بالقصر
سما. الصراحة الشغلة صارت صدفة لما طلعنا من المحكمة وبعد الحكم عأمجد الست زهرة اغمى عليها فلما شفتون رحت بسرعة ساعدتون وهنن كانو عم يدورو عممرضة عرضو عليي ووافقت
أبتسم ابتسامة كيد ونصر كأنو اكتشف شي كان مخبى وكلماتها خلتو يعرف فهد. حلو كتير الله يوفقك
سما. تسلم أستاذ فهد
تطلعت عساعتها سما. هلق عن اذنك بعد ساعة موعد دوا الست زهرة ما فيني أتأخر اكتر من هيك عالقصر
فهد. اذنك معك
سما. وبتشكرك كتير انك تذكرتني عالشغل بس مع الأسف
فهد. بتفهمك الله معك..المهم شفتك بخير..
سما: تسلم استاذ فهد..
لبست شنتايتا وصارت تمشي بسرعة حست حالها غلطت لما قالت عالمحكمة وخصوصي انو معتصم بيك محذرها ماتطلع اسرار القصر لبرا بس مع الأسف فات الأوان...
_____(قصر عشيرة المجدي)_
كان قاعد على كرسيه الهزاز بأرضية الصالون عم يتصفح الجريده ويشرب فنجان القهوة لما شافو داخل على القصر بخطوات سريعة وعلامات الشحوب على وجهو..
سالم: معلم كلشي خططتلو عم يمشي بعكس التيار ...
خلع نضارتو ووجه عيونو الحاده بعيون سالم وعلامات التعجب على وجهو...وجدان: خير شو صاير ياابني في اخبار جديده..
سالم بتلبك: معلم حفيد ارض الزهور طلع اخطر مما توقعنا اليوم القا خطاب بالناس الموجوده بلأرض الشمالية وكان مضمون الخطاب تعويض الناس بمبالغ من المال واعادة بناء البيوت المتضررة وزراعة الارض ودفع تكاليف المشفى بأكملها وناس ستقبلتو للخطاب برضا تام والامور رجعت لمجاريها مو متل ماتوقعنا انو يصير انقلاب على عشيرة الزهور..
ضغط على الجريده بقبضة ايدو ورماها بقوه على الارض وسحب عكازتو ووقف بحزم وعيونو عم تشتعل نار وصرخ صوت بسالم نسمعت لأخر القصر...طلاع لبرا...وبهي الاثناء كان داخل فهد وبعيونو حكي كتير وعلامات الرضا...
فهد: خير جدي ليش معصب..
وجدان: لحقني على غرفة المكتب في امور صار بدها حل..
كان عم يتبع جدو بخطوات هاديه على غرفة المكتب وحاسس انو قربت نهاية عشيرة ارض الزهور بعد الأخبار الي سمعها من الصحفية سما وهاد الشي ممكن يكون قنبلة ورح تتفجر..
________
بعد معانات طويلة داخل البيت قدر يفك الحلقة من الباب المتصل بلأرض..
امجد: اخ ياربي...
كانت قطرات الدم عم تنزل من اصبعو الصغير ورجع بذاكرتو للماضي...
امجد: يا الله منك ياجاد طيب انا شكلي شكل واحد بيعرف يصلح سياره...
كانو قاعدين بحديقة البيت وصوت الضحك معبي المكان...
جاد: اي هيه سيارة شريك معك معك بتتعلم انا بدونك مابقدر صلحها...
امجد بضحكة مسخرة: هاه قلتلي بدوني العما ما اكذبك ابن العم هداك اليوم خبرت كل رفقاتنا انك بتصلح سيارتك لحالك...
جاد: ههههههه...كان عم يضحك بصوت عالي وقاعد على الكرسي عم يتفرج على امجد هوه وعم صلح السيارة بأديه المشحورين وعم يحاول يخبي ضحكتو...
امجد هو وعم يتأمل المحرك: حاسس انك عم تضحك شريك وايدك على شعرك...
جاد من وراه مصدوم: لك كيف عرفت..
امجد: مو انت متل اخي صرت حافظك...
اجا من وراه جاد بخطوات بطيئه وشاف مرايه
مثبته وسفقو طياره لأمجد...
جاد هو وحامل المراية الصغيرة: وهي شو بالله ههههه قلتلي حافظني تاريك مراقبني يا ابن العم..
امجد: هههههه بعجبك ياجاد بيك وهلق رجاع لكرسيك بدي اعرف صلح الميتور..
كانت ماشية سندس بشعرها الأشقر الي عم يتطاير وفستانها الأحمر الضيق وبأيدها صينية فناجين القهوة واول ماشافها امجد التفت لعندها ودقات قلبو تسارعت من جمالها وماعد عرف يركز بمشيتها وتفاصيل جسدها ولا بميتور السيارة كان جاد عم يضحك وملاحظ علامات الأعجاب على امجد...
سندس: وين بتحبو حطلكون القهوة..
امجد هو وصافن: بقلبي حطيا..
سندس: مافهمت..
امجد: اسف ماكنت منتبه قصدي على الطاولة جنب جاد..
اتجهت بخطواتها المتمايلة عم تشع انوثه وحطت القهوة بهدوء ومشيت...
امجد بصوت عالي: اخ اصبعي..
كانت عم تمشي بعيد لما سمعت صوت صرختو فتلت ضهرا وركضت لاعندو بخوف...
سندس هي وماسكه ايدو: عم توجعك..
كان امجد صافن بعيونها عم يشوف جمالون ونسيان الوجع: لا..
سندس: تعال معي...قعدتو على الكرسي وبلشت تغسل اديه وهو صافن فيا..لما قربت منو حس بأنفاسو عم تتسارع وكأنو ما بدو ياها تبعد
قام امجد بفزعه: انا انننا انا خلص بدي اطلع على غرفتي انا منيح سندس...
سندس بأستغراب: انت منيح استاذ امجد خليني عقملك الجرح...
امجد: لاخلص صار بدي كلي تعقيم قصدي انا خلص انا بعقمو...
كان جاد على الكرسي عم يشرب القهوة وفارط من الضحك..
جاد: ههههههههه ماعد قادر...زورو امجد بعيونو هوه ومتجه على باب القصر وهمسلو حسابك عندي بعدين...
جاد بصوت واطي: ههههههه الله لايحطني بهيك موقف مابلومك يا امجد بيك ههههه بس شو بدي اعمل بالسيارة هلق...
صحي من ذاكرتو والأبتسامة على وجهو وعيونو على الجرح حمل الكشاف وبلش يتفحص القبو قبل ماينزل...
___________
((قصر الزهور))
كانت قاعدة عالتخت ودموعها عم تنزل بأنسياب لتحرق قلبها أكتر ما هو محروق أخوها قتل روحها بدم بارد من دون ما يرفلو جفن ما قادرة تنطق ما قادرة تحكي حرف واحد
جاد: أفنان خلصنا حاج تبكي هي بدال ما تفرحي اني اخدت بتارك من هالحقير
صرخت فيه هداك الصوت الي خلاه ينقز مو قادرة تسكت اكتر من هيك أفنان. خلصنا بقى انا بحبو...بحبو فهام عليي انت قتلتني قتلت روحي واحلا شي بحياتي
قرب منها وهو عم يحاول يتماسك غضبو جاد. انتي بتحبي؟؟
أفنان. اي اي بحبو انبسطت هيك انتو خليتوني اخطب سند الي ما بطيقو دعستو عقلبي وما اهتميتو لمشاعري ولا لمشاعر أسعد
جاد. من ايمتا هالحكي ليش ما خبرتيني ليش؟؟
كان ما رح اسمح انك تخطبي حدا ما بتحبي
تطلعت بعيونو بحدة أفنان. جدك هو السبب ترجيتو وبست أيدو قلتلو ما بحبو لسند قلتلو ما بطيقو بس هالشي ما شفعلي والا بدو يزوجني ياه دمرني وقهرني وانت يا أخي كملت على روحي من بعدو
تطلع عليها بغضب جاد. بس هالشي ما بيبرر الي عملو أسعد
أفنان. والي انتو عملتو شو مبررو لك دبحتوني موتوني وانا عايشة
جاد. لتكوني بعدك بتحبي والشي الي عملو بأرادتك ...لك احكييي ما تنطقي ليش ساكتة
مسك شعرا واجا ليضربها كف مسكتلو أيدو بسرعة أفنان. بدك تمد أيدك علييي ...بدك تضربني يا أخييي...
يالله ضروب شو مستني اي نعم لساتني بحبو
كان في ادنين غريبه ورى الباب عم تسمع الحديث ونار عم تطلع من بين عيونها وبنفس الوقت ابتسامة الخباثة ماختفت عنها...
سحب ايدو منها وطلع طبق الباب وراه بقوة بسبب غضبو الي كان عامي عقلبو وعيونو كان رح يضرب أختو كان رح يزيدها آلم فوق المها تنهد بعمق وهربت دمعة من عيونو وهو عم يمشي.
____________
__________(قصر عشيرة المجدي)___
جالس الجد ورا مكتبو وعيونو مابتبشر بالخير وكأن المصايب الي خططلها نقلبت عليه...
فهد: خير جدي في شي...
وجدان: يا ابني كلشي خططتلو فشل حفيد عيلة الزهور شب ذكي وقدر يطلع من مشكلة حرق الأرض ويرضي الناس...
فهد بأبتسامه خبيثه: ياجدي مو كل مره بتسلم الجره جاييك بأخبار حلوة..
صفن الجد فيه بعيون عم تلمع: احكي يا ابني..
فهد: امجد ابن عم جاد حاليا متواجد بالسجن بس ليش وكيف مافهمت يومين ورح اتأكد من الخبر ونفضحو...
ابتسم الجد ابتسامة نصر وكأن هل خبر رح يرجع يزعزع ارض الزهور وينشر الفتنه ويكون مؤشر لأنقلاب على عشيرة الزهور...
______
كانت متسطحة وعم تبكي بصمت ومخنوقة وتذكر احلا ايام قضتها مع امجد الشب الرومنسي الي غمرها بحنيه وسرحانه بالماضي...
امجد: شششش بحبك سندس لاتحكي هيك..
سندس ببكه: بس انا بنت خدامة مستحيل اهلك يوافقو انا مابستاهلك امجد بترجاك طلاع من الغرفة ونساني..
قرب امجد منها ببطئ وحط وجها بين كفينو..امجد: مستحيل اتركك سندس انتي حبي الأول والأخير فيكي بشوف الدنيه وبغيابك بتنتهي حياتي...
كان عم يقترب منها بأنفاسو الحاره ضمها لصدرو وحاول يهديها اختلطت دقات قلبون مع بعض وكأنها آله موسيقية نجمعت ألحانها لاتطلع معزوفة جديدة وكأنها آخر لحظة بهالكون...
______
الحب هو اجمل مايشعر به القلب فأذا دق القلب ذاب الجسد ليختلط القلب والجسد ...
_______
بمكان معتم متعشش بزواياه العناكب ريحة الغبره بكل مكان كانت عيونو عم تتنقل على الغراض القديمة الموجوده بالقبو توقف لما لمح صندوق كبير مبين من التراث القديم مشي بخطواتو المترددة وأيديه عم ترجف وحاول يفتحو وبلشت اضائة الكشاف تخف معلنه عن نفاذ شحن البطاريه...
كان عباره عن صندوق قديم من العصر الزهوري فيو صور ووراق وذكريات قديمه..كان ماسك البوم الصور وعم يقلبو ويبتسم ثواني ووقعت عيونو على ورقه قديمة سحبها بحرص شديد وبلش يقرء واديه عم ترجف ومصدوم..
امجد: هي ورقة تبني لا مستحيل هي لا لا ماقادر صدق هي من ايمت كيف ليش مستحيل...حط ايديه على راسو من اثر الصدمة..حاول يرجع الورقه مكانها بس شعر في انفاس غريبة داخل القبو غير انفاسو....#يتبع
#على_متن_الطائرة
#بقلم_ياسمينة_الشام_الزهور_رومانتيكا
الجزء التاسع....
كان ماشي وراه بخطوات بطيئة وبأديه أبرة حس امجد على خطواتو وقبل مايستدير لتفت ايد الشخص عليه وثبتتو بأحكام حس امجد على شكة الأبره بالعضل ووقع على الارض متخدر..
_________(قصر الزهور)___
كانت مجتمعة العيلة كلها بصالون القصر وعلامات التوتر باينة بوجوهون شو السبب الي خلا جاد يطلب اجتماع ضروري بهيك وقت متأخر شو المصيبة الجديدة كان الكل بحالة حيرة...
كانت بتفرك اصابيعها ببعض وضامة اجريها..سما بعقلها: معقول يكون هاد الأجتماع منشاني...
طلع من جناحو وبعيونو شرار وتوجه على الكنبا وفتح رجليه ورمق جدو بنظرات غريبة لما شافو الجد معتصم بهيك حالة حس بخوف وحيرة وصارت الافكار تاخدو وتجيبو...
جاد وموجه عيونو بعيون جدو: اليوم بدك تحكيلي كلشي ياجدي...
معتصم برجفة: شو بدي احكيلك ياابني مافي شي احكي وثاق بجدك كلشي عم اعملو هوه لامصلحة العيلة...
جاد: لاياجدي هيك عم دمرت العيلة..عقدت حواجبها الست وقاطعتو..زهرة: احترم جدك ياولد من ايمت حفيد ارض الزهور بيحكي مع جدو بهي الطريقة..
جاد بضحكة سخرية:هههه ستي مابقى قادر اسكوت حياة اختي الي عم تدمر وهي الشي الوحيد الي بقالي من بعد اهلي..اطلعت فيه افنان وقلبها عم يدق بسرعة عرفت انو هاد الاجتماع منشانها...
الجد وكأن هم كبير ونزاح عن قلبو لما سمع انو الموضوع متعلق بأفنان مو بشي تاني..معتصم: انا عرفان شو عم اعمل وحياة حفيدتي منيحة بالعكس هلق بدت حياتها مع سند...بتسم سند انو في مين رايدو لأفنان ومقدر حبو الها...
جاد: لاياجدي افنان مستحيل تكون لسند بعد اليوم افنان مابتحب سند ولاقادرة تحبو لا اليوم ولابالمستقبل مو هيك افنان احكي..
ابتسمت افنان وهرت دمعة من عيونها مسحتها ببطئ: اي اخي سند شخص كتير منيح وبينحب بس ماقدرة حبو غير كأخ ألي وابن عمة...
رمقها الجد بنظرات حادة..معتصم: سكري السيرة افنان هي وصية المرحوم زهير...
جاد: لاياجدي هل سيرة مارح تتسكر ولو كان المرحوم ابي عايش كان رفض يزوج بنتو بالغصب للشخص الي مابتحبو...
معتصم: من النهاية جاد احكي شو بدك ولشو عم تحاول توصل...
قرب جاد لعند اختو وقعد جنبها ومسك ايدها..جاد: احكي اختي شو بدك..
افنان: بدي نفسخ الخطبة بدون مشاكل وكل مين يروح بحال سبيلو..
سند بعصبية: انا بحبك عم تفهمي مارح اتركك ماصدقت ايمت صرتي ملكي...
زمرود: اهدى يا ابني كلشي ألو حل واكيد افنان ماعرفانة شو عم تحكي...
جاد: لا ياعمتي افنان عرفانه كتير شو عم تحكي بس جدي الله يصلحو هوه خطبها لسند بالغصب مع انها ترجتو كتير بس مافي فايده ولو كنت بعرف بقسملك ماكنت وافقت ينضحك على اختي وعلى ابنك..
خبطت الست زهره بعكازتها على الارض وصرخت فيون:زهرة: بكفي والله هل قصر ماعد ينطاق من وقت موتت حفيدي اسعد وحبس امجد وصاير كل مين عم يمشي على كيفو وانا متل رجل الكرسي ماعندي علم بشي..
جاد: سألي هل سؤال لجدي...
اطلعت زهرة بمعتصم وبعيونها غضب وعتب:زهرة: احكي يا ابو زهير بيوم الخطبة خبرتك افنان انو مابدها سند ولا لاء...
معتصم: اي خبرتني بس هل بنت مو عرفانه وين مصلحتها سند شب كتير منيح ومن العيلة...
تعبت الست فجأه ونزل ضغطها وغوطنت على الكنبا التمو الكل حوليها عم يحاولو يصحوها..
سما بصوت عالي وماسكة الست: سندس جيبي السبيترو من الدرج بسرعة...
كان ماسك جاد ايد ستو وخايف والدمعة بين عيونو: ستي قومي مالنا غيرك زهرة منورة القصر..
سما: لا تخاف جاد رح تكون منيحة بس لو سمحتو بعدو عنها بدها هوى...
رجع الكل لمحل ماكان قاعد وسما قاعده حد الست وعم تقيس ضغطها وتقوم بلأسعافات الضرورية لهيك حالة..
_________(قصر عشيرة المجدي)__
كان قاعد عم ينتظر مكالمة مهمة وبعيونو حقد كبير ومخططات كبيرة لحتى يخسر حفيد ارض الزهور الحكم ويرجع الحكم لعشيرتون كان صافن لما رن الجوال..
فهد: الو اي سالم شو صار معك طمني..
سالم : اي معلم حفيد ارض الزهور امجد بيك كان بالسجن بس وصلتني اخبار انو في حد قام بتهريبو من السجن...
بتسم ابتسامة خبث: عرفتلي شو تهمتو..
سالم: اي معلم متهم بقتل اخوه اسعد...انصدم فهد من الخبر وصمت لحظات طويلة عم يفكر بينو وبين حالو معقول اسعد توفا كيف ووين..
سالم: وينك معلم الو الو..
فهد: اي سالم انا معك في شي تاني...
سالم: لامعلم هي كل الاخبار..
سكر فهد الخط وبعيونو علامات الرضا وبنفس الوقت مصدوم كيف بموت حفيد ارض الزهور وبيتكتمو عن وفاتو..كان صافن لما دخل الجد وجدان الغرفة...
__________(قصر الزهور)__
كان حايم بالغرفه عم يروح يمين وشمال وماعرفان شو يعمل...
زمرود: منشان الله اهدى يا امي...
سند: امي انا بحبها واكيد رح تحبني بس يعطوني فرصة...
زمرود: يا ابني والله بلاقيلك احلا بنت بالعالم ليش متعلق فيا هيه بالذات...
سند: لأن هيه الوحيدة الي بدق قلبي معها هيه الوحيده الي بحس حالي عم اتنفس لما بكون جنبها...
زمرود: بس افنان مابدها ياك واخوها بيحترم قرارها شو بدك تعمل...
سند: بدي اعمل حرب من نار يا زمرود واحرق القصر ومافيه...
فتحت عيونها على وسعهون لما سمعت كلمة زمرود..زمرود: مافهمت انت ناديتيني بزمرود ولا انا عم اسمع خطأ..
سند بتلبك: قصدي امي اسف ماكنت منتبه...
زمرود: ولايهمك ابني بس العلقة مع جاد مامنها فايدة والنار الي بدك تولعها رح تولع فيك وفيني وبالكل ومارح نستفاد شي..
سند: بنشوف افنان من نصيب مين رح تكون وعلمي على كلامي يا امي...
___________
(قصر عشيرة المجدي)_
وجدان: باين من ملامح وجهك في اخبار حلوه طمني..
فهد بأبتسامة: اي جدي امجد كان بالحبس وفي حدا هربو..
الجد بأستغراب: غريبة هيك اخبار لحد اليوم مخفية عن الأعلام..
فهد: مو بس هيك جدي اسعد توفى وامجد متهم بقتل اخوه وهاد الي خلا عشيرة الزهور تخفي الخبر وتلم الوضع...
فتح عيونو على وسعهون واخد نفس عميق..وجدان بأبتسامة: هي هيه الأخبار الحلوه شو عم تنتظر يا ابني انت شغلك بالصحافة بدي الخبر يتصدر اول صفحة من الأعلام..
فهد: هوه هيك جدي من اليوم رح نسترجع ارض الزهور ونضمها لعشيرتنا ورح تشوف بعينك حفيد عشيرة المجدي كيف رح يدمر حفيد عشيرة الزهور هاهاها...
_________(قصر الزهور)__
دخل الجناح معصب وبدون استأذان نفض جاد من مكانو لما شافو داخل بهي الطريقة والنار طالعة من بين عيونو...
جاد: كيف بتدخل بهي الطريقة...
سند بضحكة سخرية: له يا ابن العم وصار في بينا رسمية..
جاد: شو بدك سند احكي لأن ماعندي وقت شوي وبدي اطلع...
قعد يند على الكرسي وفتح رجليه وسحب سيجارة من الباكيت...
سند: قعود ابن العم حديثنا طويل..
جاد هوه وعم يجلس على التخت: اختصر سند اذا منشان موضوع اختي انت بتعرف انو افنان مابتحبك لاتظلم حالك وتظلمها في امور مابتصير جبر..
سند هو وعم ينفخ دخان السيجارة: ههههه له يا ابن العم قلتلي مابتنحل بالجبر قولتك بتنحل بالقتل...
جاد بأستغراب: شو مقصدك سند...
سند: روق روق..مد اديه على الجيبة وسحب محرمة..سند: خود بلش العرق يتصبب من جبينك ابن العم...
جاد: سند ماتعصبني احكي الي عندك وامشي...
سند: بدك ياها من الأخر يا ابن العم..
جاد: اكيد..
سند هو وعم يظبط قعدتو: لكن سماع ياجاد بيك اختك بتكون خطيبتي واذا اي قوه بتحاول تشيل هل خاتم من اصابيعنا رح تندم..
جاد وبعيونو غضب: يعني بفهم منك عم تهدد يا ابن عمتي..
سند: فيك تقول هيك شي...
جاد: بحب قلك حفيد ارض الزهور مابيتهدد يا سند بيك وهلق طلاع من الغرفة لأني ماسك اعصابي بالغصب..
سند بضحكه عاليه: هههههه يعني رح تضربني متل ما اجيت تضرب اختك هداك اليوم..
نصدم جاد من حكي سند بوقتها ماكان في غيرون بالغرفة وماحدا بيعرف بهاد الشي وفز من مكانو بعصبية ومسك جاد من قبة قميصو ورفعو...
سند: ههههه روق لسى ماسمعت الكمالة...
جاد: اقسم بالله اذا مابتحكي الي عندك فوراً لحتى خلي وجهك خريطة وانسا روابط الدم بينا ياسند بيك..
نسحبت اديه ورجع بخطواتو لورا وعيونو الحادة موجها بعيون سند الي كان عم يظبط قبة قميصو وابتسامة الأستفزاز مرسومة بوجهو..
سند: بنصحك أخر مره بتمد ايدك عليي والا رح تندم...
جاد بضحكة غضب: هوهوووو رجعنا باينتك مو ناوي على خير...
سند: انا بعرف انك انت ورى مقتل اسعد بيك..
اجاه حكيو متل الطلقة بالقلب وقف مصدوم وماقادر يحكي حرف واحد..
سند: لاتخاف كلشي رح يضل سر بينا اسعد كان عدوي ومن الأخر بتشكرك ريحتني منو كان عقبة بيني وبين افنان ...
جاد: بس انت كيف عرفت...
سند: بهداك اليوم كنت مارر من جنب غرفة افنان لطالما كنت حب اسمع صوت انفاسها لأن انفاسها بتحيي قلبي وبالصدفة سمعت حديثكون...
جاد: يعني كنت عم تتنصت..
سند: هههه روق على اساس انت ماتنصتت على اسعد وامجد يوم الي خبرت انو غتصب اختك ربما صدفة تكشف حقيقة ولاغلطان انا يا جاد بيك..
جاد: من النهاية شو بدك لان فار دمي...
سند: بدي اختك وبوعدك حافظ على هاد السر ولاتنسى انو اختك مغتصبة وهي فضيحة كبيره يعني منيح قبلت فيا هههههه...
نقض عليه جاد متل الصاروخ وقت سمع كيف عم يحكي على اختو ونزل فيه بوكسات وضرب..
جاد هو وفوقو وماسك قبة القميص بأيدتينو: قلتلي منيح قبلت فيا ياحقير...
سند: هههههه...
كان عم يضحك بطريقة مستفزه لأن قدر يشعل غضب جاد...
____________
(منزل براس الجبل)_
مستلقي على الكنبا وعيونو عم تفتح ببطئ وحاسس بدوخة صغيرة ولمح ظل شخص واقف فوقو بس ماكان قادر يركز..ثواني ونقز من مكانو ملبك لما شاف جدو معتصم بشحمو ولحمو موجود..
امجد: ججج جدي انت هون ماعم صدق..
معتصم هوه وعم يقعود جنب امجد: اي يا ابني انا الي هربتك لاتخاف..
نزلو دموعو متل الشلال وحضن جدو كان مشتاق للعيلة كتير وعايش على اعصابو ماعرفان الدنيه كيف وصلت فيه لهيك مكان..
مسح دموعو بكف ايديه وبراسو اسئلة كتير..امجد: جدي ليش جبتني لهاد المكان وليش ماخبرتني..
معتصم: يا ابني كلشي صار بشكل فجائي وكان لازم تهرب من هداك المكان لأني بعرف انك ماقتلت اخوك...
امجد: يعني انت مصدقني ياجدي انا مستحيل اقتل اخي انا تربايتك..
معتصم هو وعم يرتب على كتاف امجد: بعرف يا ابني بس بدي ياك تحكيلي بصراحه ليش عترفت هداك اليوم بقتل اخوك...
كان متردد يخبرو او يضل محتفظ بالسر..قاطع صمتو صوت الجد: ماتفقنا هيك يا ابني انا جدك مو حدا غريب..
امجد: وعدني جدي ماحد يدرى بهاد الشي..
معتصم: بوعدك احكي لشوف..
رجع امجد بذاكرتو لهداك اليوم الي غير مجرى حياتو وحطو بين قضبان السجن على شي هوه مارتكبو وبريئ منو...
كان ماشي بالممر والدموع بعيونو وعم يترحم على وفات اخوه والوحدة عم تاكلو اكل لما سمع صوت جاد على الشرفة وعم يحكي مكالمة..
جاد: ماتخافي سجود كل الأدلة انتي مستبعدة منها..اي تمام...عم اسمعك سجود لاتتوتري...خلص انسة سجود اسعد مات وشبع موت وبوعدك ماتضرري...ماشي سلام انتبهي على حالك وخلي اجوبتنا موحدة...كان واقف امجد مصدوم لما ستدار جاد وشافو..
جاد بتلبك: انت من ايمت هون..
امجد: لا ماعم صدق انت قتلت اخي..
جاد: مافهمت اهدى امجد شبك انا ابن عمك مستحيل اقتل نملة...
امجد: انا سمعت كل شي بعد ايدك عني...
جاد والنار عم تطلع من عيونو: اي انا انا الي قتلتو كان بيستاهل اخوك ماخلا روابط دم بينا وغتصب اختي وحضرتك عرفت وخبيت الموضوع عني...
امجد بتردد عم ينطق حروفو: انا ماكنت بعرف فتكرتو شربان وعم يخبص...
جاد: لا اخوك ماكان شربان اخوك اخد شرف اختي ودمر حياتها روح شوفها بتكون عم تبكي بحرقة واذا دري سند ليقلب الارض وينكش جثتو لهل سافل...
كان محتار امجد مو عرفان الحق على مين وضايع سحب الكرسي وقعد عليه وحاسس بخنقة صدر..
جاد: اهدى امجد كلشي رح يضل سر بينا وكما تدين تدان...
امجد: قتلت اخي وبدك اهدى لك هي جريمة مافي ألها مبرر..
صحي امجد من ذاكرتو والدموع مغرغرة بعيونو..
معتصم: كمل امجد انا بعرف انو الي قتل اسعد هو جاد..
امجد مصدوم: كيف عرفت جدي...
معتصم: جايه الأيام ورح تعرف كلشي وهلق بدي منك تكمل كيف عترفت...
امجد: كنت بعلاقة حب مع سندس بنت حسيبة الشغالة وكان جاد بيعرف بهاد الشي وكان اخ الي بس نصدمت فيه بهداك اليوم...
امجد: والله بقتلك ياجاد اذا بتنأذى سندس..
جاد: بقسملك اذا عترفت بقتل اخوك مارح تتضرر وانت قرر...
امجد: كان مهددني بخطف سندس ومصور فيديو كيف باعت شباب زعران على السوق ليحاولو يتحرشو فيها وقسملي اذا ماعترفت رح يخليون يغتصبوها لحتى حس بشعورو وبشعور اختو افنان ومن حبي الكبير لسندس مستعد ضحي بحياتي وعترفت...
__________(قصر الزهور)___
كانت عيونو عم تقدح نار سحب جاكيتو وترك سند مرمي بلأرض عم يمسح الدم من شفافو ...كانت واقفة جنب الباب مصدومة وايدها عم ترجف نصدم لما شافها بهي الحالة وقرب منها ليلمسها..
جاد: فيكي شي سما سمعتي شي احكي..صرخ فيا صوت نسمع لأخر القصر..
سما بخوف: معقول انت الي قتلت اسعد ماعم صدق ليش عملت هيك مو شكلك شكل واحد مجرم...
جاد: انا نجبرت ياسما بترجاكي سمعيني..
سما: لا انا تاركه القصر مابقى فيي ضل اكتر من هيك مع عيلة كلها بتهدد بعضها...
جاد: مو بكيفك سما دخول الحمام مو متل طلوعو انتي حاملة اسرار العيلة وبتشكلي خطر على ارض الزهور..
سما بضحكة ناعمة هي وعم تمسح دموعها: يعني رح تقتلني تفضل..
جاد: رح اقتلك بس بحبي...
سحبها من ايدها بقوة مسك ايديها التنتين بأيد وحط أيدو التانية عتمها
كان عم يمشي فيها بممر القصر وبوقتا كان القصر فاضي تماماً وكل مين بجناحو حاولت تصرخ بس ايدو الضخمة على تمها ما عم تخليها تتحرك او حتى تقدر تخلص حالها من بين ايديه رماها بالسيارة ونطلق...#يتبع
لو سمحتو يا ريت ما تعلقو تحت الصور لأنو بيفرط الألبوم هيك🤗🤗
يا ريت تعلقو بالمنشور الأساسي وتحركولي الجو شوي شبكون بتقرأو وبتهربو ترا بضب قصصي وبهرب عصفحة تانية ها😂😂😂
يالله حبايبي وصلولي البوست لل 1000 اليوم😍😍
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`